27. bhaṅgapratiṣēdhādhyāyaḥ

Adhikarana adhyAyopakramaH · Śloka

অস্মাদনন্তরং ক্রমপ্রাপ্তো ভঙ্গপ্রতিষেধঃ শস্যতে _

Adhikarana bha~ggapratiShedhAdhyAyaH asthibha~ggo dvidhA sandhibha~ggasya lakShaNam asandibh~ggasya lakShaNam (2-4) · Śloka 4

অথাতো ভঙ্গপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) পাতঘাতাদিভির্দ্বেধা ভঙ্গোঽস্থ্নাং সন্ধ্যসন্ধিতঃ| প্রসারণাকুঞ্চনযোরশক্তিঃ সন্ধিমুক্ততা||১|| ইতরস্মিন্ ভৃশং শোফঃ সর্ববস্থাস্বতিব্যথা| অশক্তিশ্চেষ্টিতেঽল্পেঽপি পীড্যমানে সশব্দতা||২|| সমাসাদিতি ভঙ্গস্য লক্ষণং, বহুধা তু তত্| ভিদ্যতে ভঙ্গভেদেন তস্য সর্বস্য সাধনম্||৩|| যথা স্যাদুপযোগায তথা তদুপদেক্ষ্যতে| |৪|

স০-পাতাদিভিরস্থ্নাং ভঙ্গঃ| স চ দ্বেধা-দ্বিপ্রকারঃ, সন্ধীনাং ভঙ্গোঽসন্ধের্বা| সন্ধিভঙ্গে প্রসারণ আকুঞ্চনে চাশক্তিঃ সন্ধিমুক্ততা চ| ইতরস্মিন্-অসন্ধিভঙ্গে, অতিশোফঃ, সর্বাস্ববস্থাস্বতিশযেন রুজা, অল্পেঽপি চেষ্টিতেঽশক্তিঃ, পীড্যমানে চ সশব্দতা, স্যাত্| ইতি সঙ্ক্ষেপেণ ভঙ্গস্য লক্ষণমুক্তম্| তচ্চভঙ্গভেদেনানেকধা ভিদ্যতে| সং-তস্য-ভঙ্গস্য, সর্বস্য সাধনং-চিকিত্সিতং, যথোপযোগায স্যাত্ তথোপদেক্ষ্যতে|

Adhikarana asthibha~ggasya duHsAdhyatvam (4-7) · Śloka 7

| প্রজ্যাণুদারি যত্ত্বস্থি স্পর্শে শব্দং করোতি যত্||৪|| যত্রাস্থিলেশঃ প্রবিশেন্মধ্যমস্থ্নো বিদারিতঃ| ভগ্নং যচ্চাভিঘাতেন কিঞ্চিদেবাবশেষিতম্||৫|| উন্নম্যমানং ক্ষতবদ্যচ্চ মজ্জনি মজ্জতি| তদ্দুঃসাধ্যং কৃশাশক্তবাতলাল্পাশিনামপি||৬|| ভিন্নং কপালং যত্ কট্যাং সন্ধিমুক্তং চ্যুতং চ যত্| জঘনং প্রতি পিষ্টং চ ভগ্নং যত্তদ্বিবর্জযেত্||৭||

স০-প্রাজ্যাশ্চ তেঽণবশ্চ প্রাজ্যাণবঃ,-প্রভূতসূক্ষ্মাঃ| তৈর্দ্রারাঃ-দারণানি, বিদ্যন্তে যত্রাস্থ্নি তত্| প্রভূতাণুদারি যদস্থি তদ্দুঃসাধ্যম্| যচ্চাস্থি স্পর্শে-স্পর্শনে সতি, শব্দং করোতি তচ্চ দুঃসাধ্যম্| যত্রাস্থিলেশো দারিতঃ-পাটিতঃ, অস্থ্নাং মধ্যং প্রবিশেত্ তচ্চ দুঃসাধ্যম্| যচ্চাভিঘাতেন ভগ্নম্| কিম্ভূতম্ ? কিঞ্চিদেবাবশেষিতং ভবেত্, তচ্চ দুঃসাধ্যম্| যচ্চোন্নম্যমানং ক্ষতসমং স্যাত্, তচ্চ দুঃসাধ্যম্| তথা যন্মজ্জনি মজ্জতি, তথা কৃশাদীনামপি যত্, তচ্চ দুঃসাধ্যম্| সং-কট্যাং-কটিপ্রদেশে, যত্কপালং ভিন্নং বিদারিতং যচ্চ সন্ধিবিমুক্তং যচ্চ সন্ধেশ্চযুতং যচ্চ জঘনং প্রতি পিষ্টং ভগ্নং চ যত্ তদ্বিবর্জযেত্-পরিহরেত্|

Adhikarana asthibha~ggasya asAdhyatvam (8-11) · Śloka 11

অসংশ্লিষ্টকপালং চ ললাটং চূর্ণিতম্ তথা| যচ্চ ভগ্নং ভবেচ্ছঙ্খশিরঃপৃষ্ঠস্তনান্তরে||৮|| সম্যগ্যমিতমপ্যস্থি দুর্ন্যাসাদ্দুর্নিবন্ধনাত্| সঙ্ক্ষোভাদপি যদ্গচ্ছেদ্বিক্রিযাং তদ্বিবর্জযেত্||৯|| আদিতো যচ্চ দুর্জাতমস্থিসন্ধিরথাপি বা| তরুণাস্থীনি ভুজ্যন্তে, ভজ্যন্তে নলকানি তু||১০|| কপালানি বিভিদ্যন্তে, স্ফুটন্ত্যন্যানি ভূযসা| |১১|

স০-ললাটমসংশ্লিষ্টকপালং-ভিন্নং, চূর্ণিতং চ নোপক্রমেত্| শঙ্খশিরঃপৃষ্ঠস্তনানাং মধ্যে যচ্ছিন্নং ভবেত্, তচ্চ বর্জযেত্| সং-তথাঽস্থি সম্যগুদ্ধৃতমপি দুর্ন্যাসাদিনা যদ্ বিক্রিযাং গচ্ছেত্, তচ্চ বর্জযেত্| আদিতঃ-প্রথমমেব, যচ্চাস্থি দুর্জাতং-অসম্যগুত্পন্নং স্যাত্, তচ্চ দুঃসাধ্যম্| অথবাঽস্থিসন্ধির্যো দুর্জাতঃ স্যাত্, স চ দুঃসাধ্যঃ| দুর্জাতং চ দুর্জাতশ্চ দুর্জাতম্| "নপুংসকমনপুংসকেন" ইত্যেকশেষঃ| সং-তথা তরুণাস্থীনি-নাসাকর্ণাক্ষিকোষাণি, ভুজ্যন্তে-কুটিলীক্রিযন্তে| তথা নলকানি ভঙ্গং যান্তি| কপালানি চ বিদার্যন্তে| অন্যানি চাস্থীনি বাহুল্যেন স্ফুটন্তি| এতত্সর্বং দুঃসাধ্যম্|

Adhikarana avanatAdyasnthaH unnamanA dinAsamyak saMsthApya paTTairveShTayitvA kadambAdijairvalkalAdibhiH kushAhvathaiH samaM bandhaM kuryAt (11-16) · Śloka 16

| অথাবনতমুন্নম্যমুন্নতং চাবপীডযেত্||১১|| আচ্ছেদতিক্ষিপ্তমধোগতং চোপরি বর্তযেত্| আঞ্ছনোত্পীডনোন্নামচর্মসঙ্ক্ষেপবন্ধনৈঃ||১২|| সন্ধীন্ শরীরগান্ সর্বান্ চলানপ্যচলানপি| ইত্যেতৈঃ স্থাপনোপাযৈঃ সম্যক্ সংস্থাপ্য নিশ্চলম্||১৩|| পট্টৈঃ প্রভূতসর্পির্ভির্বেষ্টযিত্বা সুখৈস্ততঃ| কদম্বোদুম্বরাশ্বত্থসর্জার্জুনপলাশজৈঃ||১৪|| বংশোদ্ভবৈর্বা পৃথুভিস্তনুভিঃ সুনিবেশিতৈঃ| সুশ্লক্ষ্ণৈঃ সপ্রতিস্তম্ভৈর্বল্কলৈঃ শকলৈরপি||১৫|| কুশাহ্বযৈঃ সমং বন্ধং পট্টস্যোপরি যোজযেত্| |১৬|

স০-অথ-এষাং ভঙ্গস্থিতিং জ্ঞাত্বা, অবনতমস্থ্যুন্নমনীযম্| উন্নতং চাস্থ্যবপীডযেত্| অতিক্ষিপ্তমস্থ্যাঞ্ছেত্| অধস্তাদ্গতং চোপরি বর্তযেত্| সং-ইতি-এবংপ্রকারৈঃ, এতৈঃ-আঞ্ছনাদিভিঃ স্থাপনোপাযৈঃ, সর্বাঞ্ছরীরগান্ সন্ধীংশ্চলানচলাংশ্চ নিশ্চলং সংস্থাপ্য বস্ত্রখণ্ডজৈঃ পট্টৈর্বহুসর্পিষ্কৈঃ সুখাবহৈর্বেষ্টযিত্বাঽনন্তরং কদম্বাদিজৈর্বল্কলৈর্বংশোত্থৈর্বা শকলৈঃ-খণ্ডৈঃ, বিস্তীর্ণৈস্তথা তনুভিঃ-ন তু স্থূলৈঃ, সুনিবেশিতৈস্তথা কোমলৈস্তথা প্রতিস্তম্ভযুক্তৈঃ কুশাসংজ্ঞৈঃ সমং বন্ধং পট্টস্যোপরি কুর্যাত্|

Adhikarana shithilabandhena sandherastairyam atigADhabandhena sandherashthairyam (16-17) · Śloka 17

| শিথিলেন হি বন্ধেন সন্ধিস্থৈর্যং ন জাযতে||১৬|| গাঢেনাতি রুজাদাহপাকশ্বযথুসম্ভবঃ| |১৭|

স০-শ্লথেন বন্ধেন সন্ধেঃ স্থৈর্যং ন সম্পদ্যতে| অতিগাঢেন তু বন্ধেন রুজাদ্যুদ্ভবঃ|

Adhikarana gharmAdau tryahAdinA bandhamokShaNam (17-18) · Śloka 18

| ত্র্যহাত্ত্র্যহাদৃতৌ ঘর্মে সপ্তাহান্মোক্ষযেদ্ধিমে||১৭|| সাধারণে তু পঞ্চহাদ্ ভঙ্গদোষবশেন বা| |১৮|

স০-উষ্ণে ঋতৌ ত্র্যহাত্ত্র্যহান্মোক্ষযেত্| শীতে চ ঋতৌ সপ্তাহান্মোক্ষযেত্| সাধারণে-শরদ্বসন্তাখ্যে, পঞ্চহান্মোক্ষযেত্| অথবা ভাঙ্গবশেন দোষবশেন মোক্ষযেত্|

Adhikarana tato nyagrodhAdikaShAyAdinA secanam (18-20) · Śloka 20

| ন্যগ্রোধাদিকষাযেণ ততঃ শীতেন সেচযেত্||১৮|| তং পঞ্চমূলপক্বেন পযসা তু সবেদনম্| সুখোষ্ণং বাঽবচার্যং স্যাচ্চক্রতৈলং বিজানতা||১৯|| বিভজ্য দেশং কালং চ বাতঘ্নৌষধসংযুতম্| |২০|

স০-ততো ন্যগ্রোধাদিগণদ্রব্যকষাযেণ শীতেন সেচযেত্ ভঙ্গসন্ধীন্| তং-সরুজং, পঞ্চমূলশৃতেন ক্ষীরেণ সেচযেত্| সং-অবস্থাদিবিশেষং বিজ্ঞায চক্রতৈলং বাতঘ্নৌষধসংযুতং সুখোষ্ণং বিজানতা বৈদ্যেন বাঽবচারণীযম্|

Adhikarana tato bhRushashItalAH sekalepAH (20) · Śloka 20

| প্রততং সেকলেপাংশ্চ বিদধ্যাত্ ভৃশশীতলান্||২০||

স০-প্রততং সেকাদীংশ্চ সুশীতলান্ কুর্যাত্|

Adhikarana bhanganarasya gRuShTikShirAdipAnam (21) · Śloka 21

গৃষ্টিক্ষীরং সসর্পিষ্কং মধুরৌষধসাধিতম্| প্রাতঃ প্রাতঃ পিবেদ্ভগ্নঃ শীতলং লাক্ষযা যুতম্||২১||

স০-ভগ্নো নরো গৃষ্টিক্ষীরং ঘৃতসহিতং মধুরদ্রব্যসাধিতং শীতলং লাক্ষযা যুক্তং প্রাতঃ পিবেত্|

Adhikarana savraNe bhnge kaShAyaIH pratisAraNam (22) · Śloka 22

সব্রণস্য তু ভগ্নস্য ব্রণো মধুঘৃতোত্তরৈঃ| কষাযৈঃ প্রতিসার্যোঽথ শেষো ভঙ্গোদিতঃ ক্রমঃ||২২||

স০-সব্রণস্য ভগ্নস্য ব্রণো মধুঘৃতোত্তরৈঃ কষাযৈঃ প্রতিসারণীযঃ| অথ শেষঃ ক্রমো ভঙ্গকথিতো বিধেযঃ|

Adhikarana lambAnAM vra0NamAMsAnAM sandhAnam (23) · Śloka 23

লম্বানি ব্রণমাংসানি প্রলিপ্য মধুসর্পিষা| সন্ধধীত ব্রণান্ বৈদ্যো বন্ধনৈশ্চোপ০পাদযেত্||২৩||

স০-ব্রণমাংসানি লম্বানি মধুঘৃতেনালিপ্য ব্রণান্ বৈদ্যঃ সন্দধ্যাত্| কৃতসন্ধানাংশ্চ তান্ যথাস্বং বন্ধৈর্যোজযেত্|

Adhikarana susthite vraNe phalinyAdirava cUrNanam (24-25) · Śloka 25

তান্ সমান্ সুস্থিতাঞ্জ্ঞাত্বা ফলিনীরোধ্রকট্ফলৈঃ| সমঙ্গাধাতকীযুক্তৈশ্চূর্ণিতৈরবচূর্ণযেত্||২৪|| ধাতকীরোধ্রচূর্ণৈর্বা, রোহন্ত্যাশু তথা ব্রণাঃ| ইতি ভঙ্গ উপক্রান্তঃ|২৫|

স০-তান্-ব্রণান্, সুস্থিতান্ সমাংশ্চ বিদিত্বা ফলিন্যাদিভী রজীকৃতৈরাচূর্ণযেত্| ধাতকীরোধ্রযোশ্চূর্ণেন বা| তথা-এবং কৃতে সতি, ব্রণা দ্রাগেব রোহন্তি| সং-ইতি-অনেন প্রকারেণ, ভঙ্গশ্চিকিত্সিতঃ|

Adhikarana vraNAnAM sAdhyAsAdhyatvam (25-26) · Śloka 26

| স্থিরধাতোঃ ঋতৌ হিমে||২৫|| মাংসলস্যাল্পদোষস্য সুসাধ্যো, দারুণোঽন্যথা| |২৬|

স০-শীতর্তৌ শ্তিরধাতোস্তথা মাংসলস্য স্তোকদোষস্য ব্রণঃ সুখসাধ্যঃ| অন্যথা-অতো বিপর্যযেণ, দারুণঃ-কৃচ্ছ্রসাধ্যোঽসাধ্যো বা|

Adhikarana sandhishairyaMkAlaH (26-27) · Śloka 27

| পূর্বমধ্যান্তবযসামেকদ্বিত্রিগুণৈঃ ক্রমাত্||২৬|| মাসৈঃ স্থৈর্যং ভবেত্সন্ধের্যথোক্তং ভজতাং বিধিম্| |২৭|

স০-যথোক্তং বিধিং কুর্বতাং পূর্বমধ্যান্তবযসামেকদ্বিত্রিগুণৈর্মাসৈর্যথাক্রমং সন্ধেঃ স্থৈর্যং জাযতে|

Adhikarana kaThcAdibhangAnAM kapAThashayanAdi (27-29) · Śloka 29

| কটীজঙ্ঘোরুভগ্নানাং কপাটশযনং হিতম্||২৭|| যন্ত্রণার্থ তথা কীলাঃ পঞ্চ কার্যা নিবন্ধনাঃ| জঙ্ঘোর্বোঃ পাড়্শ্বযোর্দ্বৌ দ্বৌ তল একশ্চ কীলকঃ||২৮|| শোর্ণ্যাং বা পৃষ্ঠবংশে বা বক্ষস্যক্ষকযোস্তথা| |২৯|

স০-কট্যাদিভগ্নানং কপাটেস্থির্হিতা| যন্ত্রণার্থং চ কীলাঃ-কীলকাঃ, পঞ্চ স্থিরস্থিতিহেতবঃ কার্যাঃ| তেষাং চ স্থানান্যাহ-জঙ্ঘোর্বোদ্বৌ দ্বৌ কীলকৌ, তল একঃ কীলকঃ, শ্রোণ্যাং ভগ্নস্য পৃষ্টবংশে তু ভগ্নস্য পার্শ্বযোর্দ্বৌ দ্বাবেক ইতি| অত এবাহ শ্রোণ্যাং বেত্যাদি| বক্ত্রস্য(ক্ষস্য)ক্ষকযোশ্চ ভগ্নস্য পঞ্চৈব কীলকা যোজ্যাঃ| বিশেষস্ত্বতো নোপরিষ্টাত্ কীলকো যোজ্যো যুক্তিবশাত্|

Adhikarana bhagnasandhInAM vimokShe evaM vidhiH (29) · Śloka 29

| বিমোক্ষে ভগ্নসন্ধীনাং বিধিমেবং সমাচরেত্||২৯||

স০-ভগ্নসন্ধীনাং বিমোক্ষ এবংপ্রকারং বিধিং সমাচরেত্|

Adhikarana ciravimuktasaMdhInAM snehasvedAdinA yathAsthAne sthApanam (30) · Śloka 30

সন্ধীশ্চিরবিমুক্তাংস্তু স্নিগ্ধস্বিন্নান্ মৃদূকৃতান্| উক্তৈর্বিধানৈর্বুদ্ধ্যা চ যথাস্বং স্থানমানযেত্||৩০||

স০-চিরবিমুক্তাংস্তু সন্ধীন্ পূর্বং স্নিগ্ধান্ পশ্চাত্ স্বিন্নান্ মৃদূকৃতান্ যথোক্তৈর্বিধানৈর্বুদ্ধ্যা চ বিশেষেণ যথাত্মীযং স্থানং প্রাপযেত্|

Adhikarana asandhibhagne viShamolbaNasAdhite rUDhe ca kriyA (31) · Śloka 31

অসন্ধিভগ্নে রূঢে তু বিষমোল্বণসাধিতে| আপোথ্য ভঙ্গং যমযেত্ততো ভগ্নবদাচরেত্||৩১||

স০-অসন্ধৌ ভগ্নে রূঢে চ বিষমোল্বণসাধিতে সতি ভঙ্গমাপোথ্য-ভঙ্ক্ত্বা, পশ্চাদ্ভঙ্গং যমযেত্| অনন্তরং ভগ্নবদাচরেত্|

Adhikarana bhagnaM yathA pAkaM naiti tathA prayayeta (32) · Śloka 32

ভগ্নং নৈতি যথা পাকং প্রযতেত তথা ভিষক্| পক্বমাংসসিরাস্নাযুঃ সন্ধিঃ শ্লেষং ন গচ্ছতি||৩২||

স০-ভগ্নং যথা পাকং ন প্রাপ্নোতি তথা বৈদ্যো যত্নং কুর্যাত্| যতঃ সন্ধিঃ পক্বমাংসসিরাস্নাযুঃ সন্ শ্লেষং ন যাতি|

Adhikarana bhagnevAtavyAdhyuktAH snehAH bastikarma ca (33) · Śloka 33

বাতব্যাধিবিনির্দিষ্টান্ স্নেহান্ ভগ্নস্য যোজযেত্| চতুষ্প্রযোগান্ বল্যাংশ্চ বস্তিকর্ম চ শীলযেত্||৩৩||

স০-বাতব্যাধিকথিতান্ স্নেহান্ (চি.অ. ২১/৬৬) চতুষ্প্রযোগান্-পাননস্যাভ্যঙ্গানুবাসনৈঃ, বল্যান্-বলায হিতান্, ভগ্নস্য যোজযেত্| তথা বস্তিকর্ম-"প্রাক্ স্নেহ একঃ পঞ্চান্তে" (হৃ.সূ.আ. ১৯/৬৩) ইত্যাদিনোক্তং, অভ্যসেত্|

Adhikarana bhagne pauShTikAdi shAlyAdyannam (34-35) · Śloka 35

শাল্যাজ্যরসদুগ্ধাদ্যৈঃ পৌষ্টিকৈরবিদাহিভিঃ| মাত্রযোপচরেদ্ভগ্নং সন্ধিসংশ্লেষকারিভিঃ||৩৪|| গ্লানির্ন শস্যতে তস্য, সন্ধিবিশ্লেষকৃদ্ধি সা| |৩৫|

স০-ভগ্নং নরং মাত্রযা শাল্যাদিভিঃ পুষ্টিকৃদ্ভিঃ সন্ধিসংশ্লেষকারিভিরবিদাহিভিরুপক্রমেত্| স০-তস্য-ভগ্নস্য, গ্লানির্ন শস্যতে| যতঃ সা-গ্লানিঃ, সন্ধিবিশ্লেষং কুরুতে|

Adhikarana bhagne lavaNAdi niShedhaH (35) · Śloka 35

লবণং কটুকং ক্ষারমম্লং মৈথুনমাতপম্| ব্যাযামং চ ন সেবেত ভগ্নো রূক্ষং চ ভোজনম্||৩৫||

স০-ভগ্নো লবণাদিকং রূক্ষং চাহারং ন সেবেত|

Adhikarana bhagne gandhatailamasthisthairyakRut (27) · Śloka 27

কৃষ্ণাংস্তিলান্ বিরজসো দৃঢবস্ত্রবদ্ধান্ সপ্ত ক্ষপা বহতি বারিণি বাসযেত্| সংশোষযেদনুদিনং প্রবিসার্য চৈতান্ ক্ষীরে তথৈব মধুকক্বথিতে চ তোযে||৩৬|| পুনরপি পীতপযস্কাং- স্থান্ পূর্ববদেব শোষিতান্ বাঢম্| বিগততুষানরজস্কান্ সঞ্চূর্ণ্য সুচূর্ণিতৈর্যুঞ্জ্যাত্||৩৭|| নলদবালকলোহিতযষ্টিকা- নখমিশিপ্লবকুষ্ঠবলাত্রযৈঃ| অগুরুকুঙ্কুমচন্দনসারিবা- সরলসর্জরসামরদারুভিঃ||৩৮|| পদ্মকাদিগণোপেতৈস্তিলপিষ্টং ততশ্চ তত্| সমস্তগন্ধভৈষজ্যসিদ্ধদুগ্ধেন পীডযেত্||৩৯|| শৈলেযরাস্নাংশুমতীকসেরু- কালানুসারীনতপত্ররোধ্রৈঃ| সক্ষীরশুক্লৈঃ সপযঃ সদূর্বৈ স্তৈলং পচেত্তন্নলদাদিভিশ্চ||৪০|| গন্ধতৈলমিদমুত্তমমস্থি- স্থৈর্যকৃজ্জযতি চাশু বিকারান্| বাতাপিত্তজনিতানতিবীর্যান্| ব্যাপিনোঽপি বিবিধৈরুপযোগৈঃ||৪১|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে ভাঙ্গপ্রতিষেধো নাম সপ্ত- বিংশোঽধ্যাযঃ||২৭||

স০-কৃষ্ণান্ তিলান্ বহতি-অস্থিরে জলে, সপ্তরাত্রীর্বিগতরেণূংস্তথা দৃঢবসনসংযতান্ বাসযেত্| এতাংশ্চ প্রবিরলান্ বিকীর্য প্রতিদিনং সংশোষযেত্| তথৈব-পূর্বোক্তেন প্রকারেণ, ক্ষীরে স্থিতাননুদিনং প্রতিসার্য শোষিতান্ সপ্ত রাত্রীরেবং মধুযষ্টীক্বথিতে চ জলে বাসযেদ্বিশোষযেচ্চ| বসন্ততিলকাবৃত্তম্| পুনরপি চ পীতক্ষীরাংস্তাংস্তিলান্ পূর্ববদেবাতিশযেন শোষিতানপগততুষংস্তথা বিরজসঃ সঞ্চূর্ণ্য নলদাদ্যৈঃ সুচূর্ণিতৈর্যোজযেত্| আর্যা| তানেবাহ-নলদেত্যাদি| ঔপচ্ছন্দসিকম্| পদ্মকাদীত্যাদি| কিম্ভূতৈর্নলদাদিভিঃ ? পদ্মকাদিগণসহিতৈঃ সুচূর্ণিতৈর্যোজযিত্বা চৈতত্ তিলপিষ্টং সকলচোরকাদিগন্ধদ্রব্যসিদ্ধেন ক্ষীরেণ সহ পীডযেত্| ততস্তত্তৈলং সৈর্যকা(শৈলেযা)দিভির্নলদাদিভিশ্চ কল্কীকৃতৈর্দুগ্ধসহিতৈঃ পচেত্| ইন্দ্রবজ্রা| এতত্ গন্ধতৈলমতিবীর্যমস্থিস্থিরত্বকৃদামযাশ্চ পবনপিত্তোত্থানতিবীর্যান্ ব্যাপিনোঽপ্যাশু জযতি বিবিধৈঃ-পাননস্যাদিভিঃ, উপযোগৈঃ| স্বাগতা| শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে ভঙ্গপ্রতি- ষেধো নাম সপ্তবিংশোঽধ্যাযঃ সমাপ্তঃ|| ২৭||