Adhikarana atha vAtashoNitanidAnaM nAma ShoDasho~adhyAyaH | pratij~jA (1) · Śloka 1
অথাতো বাতশোণিতনিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो वातशोणितनिदानं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
বাতহেতুত্বসামান্যাদ্বাতব্যাধ্যনন্তরং বাতশোণিতনির্ণযাযাধ্যাযারম্ভঃ| অসৃজা রুদ্ধো বাযুর্বাতশোণিতম্|| ১||
Adhikarana vAtashoNitasya nidAnasamprAptiparyAyAH (2) · Śloka 2
নিদানসম্প্রাপ্তিপর্য্যাযাঃ- বিদাহ্যন্নং বিরুদ্ধঞ্চ তত্তচ্চাসৃক্প্রদূষণম্| ভজতাং বিধিহীনঞ্চ স্বপ্নজাগরমৈথুনম্| প্রাযেণ সুকুমারাণামচঙ্ক্রমণশীলিনাম্| অভিঘাতাদশুদ্ধেশ্চ নৃণামসৃজি দূষিতে| বাতলৈঃ শীতলৈর্বাযুবৃদ্ধকৃদ্ধো বিমার্গগঃ| তাদৃশেনাসৃজা রুদ্ধঃ প্রাক্তদেবপ্রদূষযেত্| আঢ্যরোগং খ্রুডং বাতবলাসং বাতশোণিতম্| তদাহুর্নামভিঃ.............................||২||
निदानसम्प्राप्तिपर्य्यायाः- विदाह्यन्नं विरुद्धञ्च तत्तच्चासृक्प्रदूषणम्| भजतां विधिहीनञ्च स्वप्नजागरमैथुनम्| प्रायेण सुकुमाराणामचङ्क्रमणशीलिनाम्| अभिघातादशुद्धेश्च नृणामसृजि दूषिते| वातलैः शीतलैर्वायुवृद्धकृद्धो विमार्गगः| तादृशेनासृजा रुद्धः प्राक्तदेवप्रदूषयेत्| आढ्यरोगं ख्रुडं वातबलासं वातशोणितम्| तदाहुर्नामभिः.............................||२||
🔊 Audio coming soon
কথমিত্যাহ-বিদাহীত্যাদি| সুকুমারা অত্যর্থমৃদুশরীরাঽবযবাঃ সর্বক্লেশাঽসমর্থা উক্তঃ (শা. - ৫৫৬)| তে পুনর্বালা এবেত্যেকে| প্রাগিতি ক্রমাদ্ধাত্বন্তরমপি প্রদূষযেত্| তচ্চ বাতশোণিতমাচার্য্যা আঢ্যরোগাদিভিরাহুঃ (চ. চি. - ২৮/১১)||২||
Adhikarana vAtashoNitasya sthAnaM svabhAvashca (3) · Śloka 3
..........................তচ্চ পূর্বং পাদৌ প্রধাবতি| বিশেষাদ্যানযনাদ্যৈঃ প্রলম্বৌ..........................||৩||
..........................तच्च पूर्वं पादौ प्रधावति| विशेषाद्यानयनाद्यैः प्रलम्बौ..........................||३||
🔊 Audio coming soon
তচ্চ বাতশোণিতং প্রথমং পাদৌ প্রধাবতি| যানযানাদ্যৈঃ প্রলম্বৌ পাদৌ বিশেষাত্ প্রধাবতি|| ৩||
Adhikarana vAtashoNitasya purvarUpam (4) · Śloka 4
............................তস্য লক্ষণম্ ভবিষ্যতঃ কুষ্ঠসমং তথা সাদঃ শ্লথাঙ্গতা| জানুজঙ্ঘোরুকট্যংসহস্তপাদাঙ্গসন্ধিষু| কণ্ডূস্ফুরণনিস্তোদভেদগৌরবসুপ্ততাঃ| ভূত্বা ভূত্ব প্রণশ্যন্তি মুহুরাবির্ভবন্তি চ||৪||
............................तस्य लक्षणम् भविष्यतः कुष्ठसमं तथा सादः श्लथाङ्गता| जानुजङ्घोरुकट्यंसहस्तपादाङ्गसन्धिषु| कण्डूस्फुरणनिस्तोदभेदगौरवसुप्तताः| भूत्वा भूत्व प्रणश्यन्ति मुहुराविर्भवन्ति च||४||
🔊 Audio coming soon
তস্য চ বাতাস্রস্য কুষ্ঠসদৃশমতিশ্লক্ষ্ণখরস্পর্শাদ্যুক্তং (অ. সং. নি. - ৫৩১) পূর্বরূপং ভবতি| অত্র তু সাদাদীন্যপি ভবন্তি|| ৪||
Adhikarana vAtashoNitasya prasaraNaprakAraH (5) · Śloka 5
পাদযোর্মূলমাস্থায কদাচিদ্ধস্তযোরপি| আখোরিব বিষং ক্রুদ্ধং কৃত্স্নং দেহং প্রধাবতি|৫|
पादयोर्मूलमास्थाय कदाचिद्धस्तयोरपि| आखोरिव विषं क्रुद्धं कृत्स्नं देहं प्रधावति|५|
🔊 Audio coming soon
০০
Adhikarana uttAnagambhIrabhedAbhyAM vAtashoNitasya dvaividhyam (5) · Śloka 5
ত্বঙ্মাংসাশ্রযমুত্তানং তত্পূর্বং জাযতে ততঃ| কালান্তরেণ গম্ভীরং সর্বন্ ধাতূনভিদ্রবত্||৫||
त्वङ्मांसाश्रयमुत्तानं तत्पूर्वं जायते ततः| कालान्तरेण गम्भीरं सर्वन् धातूनभिद्रवत्||५||
🔊 Audio coming soon
তচ্চ দ্বিবিধম্| পূর্বমেব যাবত্ত্বঙ্মাংসাশ্রযং তাবদুত্তানমুচ্যতে| ততঃ ক্রমেণ সর্বান্ ধাতূনপি গচ্ছদ্ গম্ভীরাখ্যং লভতে|| ৫||
Adhikarana uttAnavAtashoNitasya lakShaNam (6) · Śloka 6
কণ্ড্বাদিসংযুতোত্তানে ত্বক্তাম্রা শ্যাবলোহিতা| সাযামা ভৃশদাহোষা........................||৬||
कण्ड्वादिसंयुतोत्ताने त्वक्ताम्रा श्यावलोहिता| सायामा भृशदाहोषा........................||६||
🔊 Audio coming soon
অথোত্তানলিঙ্গমাহ- কণ্ড্বাদিত্যাদিনা||৬||
Adhikarana gambhIravAtashoNitasya lakShaNam (7) · Śloka 7
................................গম্ভীরেঽধিকপূর্বরুক| শ্বযথুর্গ্রথিতঃ পাকো বাযুঃ সন্ধ্যস্থিমজ্জসু| ভিন্দন্নিব চরত্যন্তর্বক্রীকুর্বংশ্চ বেগবান্| করোতি খঞ্জং পঙুং বা শরীরে সর্বতশ্চরন্||৭||
................................गम्भीरेऽधिकपूर्वरुक| श्वयथुर्ग्रथितः पाको वायुः सन्ध्यस्थिमज्जसु| भिन्दन्निव चरत्यन्तर्वक्रीकुर्वंश्च वेगवान्| करोति खञ्जं पङुं वा शरीरे सर्वतश्चरन्||७||
🔊 Audio coming soon
গম্ভীরেত্যাদিনা গম্ভীরলিঙ্গম্| গম্ভীরে শ্বযথুঃ| উত্তানশ্বযথোরপ্যধিকরুগ্ভবতি| তথা গ্রথিতঃ কঠিনঃ| খঞ্জো বিকলৈকপাদঃ পঙ্গুরুভযপাদবিকলঃ|| ৭||
Adhikarana vAtAdhikasya vAtashoNitasya lakShaNam (8) · Śloka 8
বাতেঽধিকেঽধিকং তত্র শূলস্ফুরণতোদনম্| শোফস্য রৌক্ষ্যকৃষ্ণত্বশ্যাবতাবৃদ্ধিহানযঃ| ধমন্যঙ্গুলিসন্ধীনাং সঙ্কোচোঽঙ্গগ্রহোঽতিরুক্| শীতদ্বেষানুপশযৌ স্তম্ভবেপথুসুপ্তযঃ||৮||
वातेऽधिकेऽधिकं तत्र शूलस्फुरणतोदनम्| शोफस्य रौक्ष्यकृष्णत्वश्यावतावृद्धिहानयः| धमन्यङ्गुलिसन्धीनां सङ्कोचोऽङ्गग्रहोऽतिरुक्| शीतद्वेषानुपशयौ स्तम्भवेपथुसुप्तयः||८||
🔊 Audio coming soon
বাতেঽধিকেত্যাদি বাতাধিকলিঙ্গম্||৮||
Adhikarana raktAdhikavAtashoNitasya lakShaNam (9) · Śloka 9
রক্তে শোফোঽতিরুক্তোদস্তাম্রশ্চিমিচিমাযতে| স্নিগ্ধরূক্ষৈঃ শমং নৈতি কণ্ডূক্লেদসমন্বিতঃ||৯||
रक्ते शोफोऽतिरुक्तोदस्ताम्रश्चिमिचिमायते| स्निग्धरूक्षैः शमं नैति कण्डूक्लेदसमन्वितः||९||
🔊 Audio coming soon
রক্তেঽধিকে বাতাঽস্রে শোফাদিকং লিঙ্গম্|| ৯||
Adhikarana pittAdhikavAtashoNitasya lakShaNam (10) · Śloka 10
পিত্তে বিদাহঃ সম্মোহঃ স্বেদো মূর্চ্ছা মদঃ সতৃট্| স্পর্শাঽক্ষমত্বং রুগ্রাগঃ শোফঃ পাকো ভৃশোষ্মতা||১০||
पित्ते विदाहः सम्मोहः स्वेदो मूर्च्छा मदः सतृट्| स्पर्शाऽक्षमत्वं रुग्रागः शोफः पाको भृशोष्मता||१०||
🔊 Audio coming soon
পিত্তেঽধিকে বাতাঽস্রে বিদাহাদিলিঙ্গম্|| ১০||
Adhikarana kaphAdhikavAtashoNitasya lakShaNam (11) · Śloka 11
কফে স্তৈমিত্যগুরুতা সুপ্তিস্নিগ্ধত্বশীততাঃ| কণ্ডূর্মন্দা চ রুক্............................||১১||
कफे स्तैमित्यगुरुता सुप्तिस्निग्धत्वशीतताः| कण्डूर्मन्दा च रुक्............................||११||
🔊 Audio coming soon
স্তৈমিত্যাদিফেঽধিকে|| ১১||
Adhikarana dvandvasannipAtayorvAtashoNitayorlakShaNam (12) · Śloka 12
...............................দ্বন্দ্বসর্বলিঙ্গঞ্চ সঙ্হ্করে||১২||
...............................द्वन्द्वसर्वलिङ्गञ्च सङ्ह्करे||१२||
🔊 Audio coming soon
সঙ্করে সংসর্গে সন্নিপাতে চ যথাসঙ্খ্যেন দ্বন্দ্বসর্বলিঙ্গম্| যথাস্বলিঙ্গং চ ভবতি|| ১২||
Adhikarana sAdhyavAtAsralakShaNam (13) · Śloka 13
একদোষানুগং সাধ্যং নবং .......................||১৩||
एकदोषानुगं साध्यं नवं .......................||१३||
🔊 Audio coming soon
তচ্চ বাতশোণিতমেকদোষজং নবং সত্ সাধ্যম্|| ১৩||
Adhikarana yApyavAtAsralakShaNam (14) · Śloka 14
.....................................যাপ্যং দ্বিদোষজম্||১৪||
.....................................याप्यं द्विदोषजम्||१४||
🔊 Audio coming soon
০০
Adhikarana asAdhyavAtAsralakShaNam (15) · Śloka 15
ত্রিদোষজং ত্যজেত্ স্রাবিস্তব্ধমর্বুদকারি চ||১৫||
त्रिदोषजं त्यजेत् स्राविस्तब्धमर्बुदकारि च||१५||
🔊 Audio coming soon
ত্রিদোষজং ত্যজেদসাধ্যত্বাত্| স্রাবিত্য্বাদিযুক্তং চ| অর্বুদং স্থিরং ঘনং সব্রণমধিকমাংসম্|| ১৫||
Adhikarana AvRutavAtaraktavyApat (16) · Śloka 16
রক্তমার্গং নিহন্ত্যাশু শাখাসন্ধিষু মারুতঃ| নিবিশ্যান্যোন্যমাঽঽবার্য্যবেদনাভির্হরত্যসূন্||১৬||
रक्तमार्गं निहन्त्याशु शाखासन्धिषु मारुतः| निविश्यान्योन्यमाऽऽवार्य्यवेदनाभिर्हरत्यसून्||१६||
🔊 Audio coming soon
বাযুঃ শাখাসন্ধিষু নিবিশ্য রক্তস্য মার্গমাশু নিহন্তি| তে চ বাযুরক্তে পরস্পরমাবার্য্যবেদনাভী রুজাভিঃ পুরুষস্যাসূন্ হরতঃ| ন কেবলমেষৈবাবরণবিধা| যাবদ্বক্ষ্যমাণেন (৬৫১) প্রকারেণানেকধাপি সম্ভবতি| তাং চ প্রদর্শযিতুং প্রথমং পঞ্চসু বাযুবিশেষেষু নিদানং লক্ষণং চ সৈব চ| বাযৌ পঞ্চাত্মক ইত্যাদিনা প্রদর্শযতো বাযোঃ সবেগত্বাদাবরণং সিদ্ধম্|| ১৬||
Adhikarana prANavAyoH kopanakAraNAni tadvikArAMshca (17) · Śloka 17
বাযৌ পঞ্চাত্মকে প্রাণো রৌক্ষ্যব্যাযামলঙ্ঘনৈঃ| অত্যাহারাভিঘাতাধ্ববেগোদীরণধারণৈঃ| কুপিতশ্চক্ষুরাদীনামুপঘাতং প্রবর্ত্তযেত্| পীনসার্দিততৃট্কাসশ্বাসাদীংশ্চামযান্বহূন্||১৭||
वायौ पञ्चात्मके प्राणो रौक्ष्यव्यायामलङ्घनैः| अत्याहाराभिघाताध्ववेगोदीरणधारणैः| कुपितश्चक्षुरादीनामुपघातं प्रवर्त्तयेत्| पीनसार्दिततृट्कासश्वासादींश्चामयान्बहून्||१७||
🔊 Audio coming soon
তেষু চ প্রাণো রৌক্ষ্যাদিভিঃ কুপিতশ্চক্ষুরাদ্যুপঘাতং পীনসাদীংশ্চ যথাকোপং বহুনুপদ্রবান্ কুরুতে|| ১৭||
Adhikarana udAnasya prakopakAraNAni tadvikArAMshca (18) · Śloka 18
উদানঃ ক্ষবথূদ্গারচ্ছর্দিনিদ্রাবিধারণৈঃ| গুরুভারাতিরুদিতহাস্যাদ্যৈর্বিকৃতো গদান্| কণ্ঠরোধমনোভ্রংশচ্ছর্দ্যরোচকপীনসান্| কুর্যাচ্চ গলগণ্ডাদীন্তাঁস্তাঞ্জত্রূর্ধ্বসংশ্রযান্||১৮||
उदानः क्षवथूद्गारच्छर्दिनिद्राविधारणैः| गुरुभारातिरुदितहास्याद्यैर्विकृतो गदान्| कण्ठरोधमनोभ्रंशच्छर्द्यरोचकपीनसान्| कुर्याच्च गलगण्डादीन्ताँस्ताञ्जत्रूर्ध्वसंश्रयान्||१८||
🔊 Audio coming soon
উদানঃ ক্ষবথুধারণাদিভির্বিকৃতঃ কণ্ঠরোধাদীনন্যাঁশ্চ জত্রূর্ধ্বজান্ যথাকোপং গদান্ কুর্যাত্|| ১৮||
Adhikarana vyAnasya kopanakAraNAni tadvikArAMshca (19) · Śloka 19
ব্যানোঽতিগমনস্থানক্রোডাবিষমচেষ্টিতৈঃ| বিরোধিরূক্ষভীহর্ষবিষাদাদ্যৈশ্চ দূষিতঃ| পুংস্ত্বোত্সাহবলভ্রংশশোফচিত্তোত্প্লবজ্বরান্| সর্বাঙ্গরোগনিস্তোদরোমহর্ষাঙ্গসুপ্ততাঃ| কুষ্ঠং বীসর্পমন্যাঁশ্চ কুর্যাত্সর্বাঙ্গগাঙ্গদান্||১৯||
व्यानोऽतिगमनस्थानक्रोडाविषमचेष्टितैः| विरोधिरूक्षभीहर्षविषादाद्यैश्च दूषितः| पुंस्त्वोत्साहबलभ्रंशशोफचित्तोत्प्लवज्वरान्| सर्वाङ्गरोगनिस्तोदरोमहर्षाङ्गसुप्तताः| कुष्ठं वीसर्पमन्याँश्च कुर्यात्सर्वाङ्गगाङ्गदान्||१९||
🔊 Audio coming soon
ব্যানোঽতিগমনাতিস্থানাদিভির্দূষিতঃ পুংস্ত্বভ্রংশাদীন্যাঁশ্চ সর্বাঙ্গগান্ গদন্ কুর্য্যাত্| পুংস্ত্বং শুক্রম্| সর্বাঙ্গরোগ উভয পক্ষবধঃ|| ১৯||
Adhikarana samAnasya kopanakAraNAni tadvikArAMshca (20) · Śloka 20
সমানো বিষমাজীর্ণশীতসঙ্কীর্ণভোজনৈঃ| করোত্যকালশযনজাগরাদ্যৈশ্চ দূষিতঃ| শূলগুল্মগ্রহণ্যাদীন্পক্বামাশযজাঙ্গদান্||২০||
समानो विषमाजीर्णशीतसङ्कीर्णभोजनैः| करोत्यकालशयनजागराद्यैश्च दूषितः| शूलगुल्मग्रहण्यादीन्पक्वामाशयजाङ्गदान्||२०||
🔊 Audio coming soon
সমানো বিষভোজনাদিভির্দূষিতঃ শূলাদীন্ পক্বামাশযজান্ গদান্ করোতি| অকালে বহু বাঽল্পং বা ভুক্তং তু বিষমাশনম্|| ২০||
Adhikarana apAnasya kopanakAraNAni tadvikArAMshca (21) · Śloka 21
অপানো রূক্ষগুর্বন্নবেণাঘাতাতিবাহনৈঃ| যানযানাসনস্থানচঙ্ক্রমৈশ্চাতিসেবিতৈঃ| কুপিতঃ কুরুতে রোগান্কৃচ্ছ্রান্পক্বাশযাশ্রযান্| মূত্রশুক্রপ্রদোষাঽর্শোগুদভ্রংশাদিকান্ বহূন্||২১||
अपानो रूक्षगुर्वन्नवेणाघातातिवाहनैः| यानयानासनस्थानचङ्क्रमैश्चातिसेवितैः| कुपितः कुरुते रोगान्कृच्छ्रान्पक्वाशयाश्रयान्| मूत्रशुक्रप्रदोषाऽर्शोगुदभ्रंशादिकान् बहून्||२१||
🔊 Audio coming soon
অপানো রূক্ষাদিভির্যানযানাদিভিশ্চাতিসেবিতৈঃ কুপিতঃ মূত্রদোষাদিকান্ পক্বাশযাশ্রিতান্ অতিকৃচ্ছ্রান্ রোগান্ কুরুতে| সর্বত্র চাদিগ্রহণান্যাগমাঽবিরুদ্ধেনানুমানেন যথাসম্ভবং ব্যাখ্যেযানি|| ২১||
Adhikarana sAmavAyorlakShaNam (22) · Śloka 22
সর্বঞ্চ মারুতং সামং তন্দ্রাস্তৈমিত্যগৌরবঃ| স্নিগ্ধত্বারোচকালস্যশৈত্যশোফাগ্নিহানিভিঃ| কটূরূক্ষাভিলাষেণ তদ্বিধোপশযেন চ| যুক্তং বিদ্যাত্............................||২২||
सर्वञ्च मारुतं सामं तन्द्रास्तैमित्यगौरवः| स्निग्धत्वारोचकालस्यशैत्यशोफाग्निहानिभिः| कटूरूक्षाभिलाषेण तद्विधोपशयेन च| युक्तं विद्यात्............................||२२||
🔊 Audio coming soon
সর্বং চ প্রাণাদিকং মারুতং তন্দ্রাদিভিরন্বিতং সামং বিদ্যাদ্বৈদ্য ইতি শেষঃ|| ২২||
Adhikarana nirAmavAyorlakShaNam (23) · Śloka 23
................... নিরামং তু তন্দ্রাদীনাম্ বিপর্য্যযাত্||২৩||
................... निरामं तु तन्द्रादीनाम् विपर्य्ययात्||२३||
🔊 Audio coming soon
তন্দ্রাদিবৈপরীত্যান্নিরামম্||২৩||
Adhikarana vAtA~a~avaraNaprakArAH (24) · Śloka 24
বাযোরাঽঽবরণং চাঽতো বহুভেদং প্রবক্ষ্যতে||২৪||
वायोराऽऽवरणं चाऽतो बहुभेदं प्रवक्ष्यते||२४||
🔊 Audio coming soon
অতোঽন্তরং বাযোঃ পিত্তাদিবিশেষাত্ বহুভেদমাঽঽবরণং বক্ষ্যতে||২৪||
Adhikarana pittAvRutasya vAtasya lakShaNam (25) · Śloka 25
লিঙ্গং পিত্তাবৃতে দাহস্তৃষ্ণাশূলং ভ্রমস্তমঃ| কটুকোষ্ণাম্ললবণৈর্বিদাহঃ শীতকামতা||২৫||
लिङ्गं पित्तावृते दाहस्तृष्णाशूलं भ्रमस्तमः| कटुकोष्णाम्ललवणैर्विदाहः शीतकामता||२५||
🔊 Audio coming soon
দাহাদিকং পিত্তাঽবৃতে লিঙ্গম্|| ২৫||
Adhikarana kaphAvRutasya vAtasya lakShaNam (26) · Śloka 26
শৈত্যগৌরবশূলানি কট্বাদ্যপশযোঽধিকম্| লঙ্ঘনাযাসরূক্ষোষ্ণকামতা চ কফাবৃতে||২৬||
शैत्यगौरवशूलानि कट्वाद्यपशयोऽधिकम्| लङ्घनायासरूक्षोष्णकामता च कफावृते||२६||
🔊 Audio coming soon
শৈত্যাদিকং কফাবৃতে|| ২৬||
Adhikarana raktAvRutasya vAtasya lakShaNam (27) · Śloka 27
রক্তাবৃতে সদাহার্ত্তিস্ত্বঙ্মাংসান্তরজা ভৃশম্| ভবেচ্চ রাগী শ্বযথুর্জাযন্তে মণ্ডলানি চ||২৭||
रक्तावृते सदाहार्त्तिस्त्वङ्मांसान्तरजा भृशम्| भवेच्च रागी श्वयथुर्जायन्ते मण्डलानि च||२७||
🔊 Audio coming soon
সদাহত্বগার্ত্ত্যাদি রক্তাবৃতে|| ২৭||
Adhikarana mAMsAvRutasya vAtasya lakShaNam (28) · Śloka 28
মাংসেন কঠিনঃ শোফো বিবর্ণঃ পিটকাস্তথা| হর্ষঃ পিপীলিকানাং চ সঞ্চার ইব জাযতে||২৮||
मांसेन कठिनः शोफो विवर्णः पिटकास्तथा| हर्षः पिपीलिकानां च सञ्चार इव जायते||२८||
🔊 Audio coming soon
কঠিনঃ শোফাদিমাংসেন|| ২৮||
Adhikarana medasAvRutasya vAtasya lakShaNam (29) · Śloka 29
চলঃ স্নিগ্ধো মৃদুঃ শীতঃ শোফো গাত্রেষ্বরোচকঃ| আঢ্যবাত ইতি জ্ঞেযঃ স কৃচ্ছ্রো মেদসাবৃতে||২৯||
चलः स्निग्धो मृदुः शीतः शोफो गात्रेष्वरोचकः| आढ्यवात इति ज्ञेयः स कृच्छ्रो मेदसावृते||२९||
🔊 Audio coming soon
চলত্বাদিযুতঃ শোফ আঢ্যবাতনামা কৃচ্ছ্রসাধ্যো মেদসাবৃতে|| ২৯||
Adhikarana asthyAvRutasya vAtasya lakShaNam (30) · Śloka 30
স্পর্শমস্থ্যাবৃতেঽত্যুষ্ণং পীডনং চাভিনন্দতি| সূচ্যেব তুদ্যতেঽত্যর্থমঙ্গং সীদতি শূল্যতে||৩০||
स्पर्शमस्थ्यावृतेऽत्युष्णं पीडनं चाभिनन्दति| सूच्येव तुद्यतेऽत्यर्थमङ्गं सीदति शूल्यते||३०||
🔊 Audio coming soon
উষ্ণস্পর্শাদ্যভিনন্দনাদ্যস্থ্যাবৃতে||৩০||
Adhikarana majjAvRutasya vAtasya lakShaNam (31) · Śloka 31
মজ্জাবৃতে বিনমনং জৃম্ভণং পরিবেষ্টনম্| শূলঞ্চ পীড্যমানে চ পাণিভ্যাং লভতে সুখম্||৩১||
मज्जावृते विनमनं जृम्भणं परिवेष्टनम्| शूलञ्च पीड्यमाने च पाणिभ्यां लभते सुखम्||३१||
🔊 Audio coming soon
অঙ্গবিনমনাদিকং মজ্জাবৃতে|| ৩১||
Adhikarana shukrAvRutasya vAtasya lakShaNam (32) · Śloka 32
শুক্রাবৃতেঽতিবেগো বা ন বা নিষ্ফলতাঽপি বা||৩২||
शुक्रावृतेऽतिवेगो वा न वा निष्फलताऽपि वा||३२||
🔊 Audio coming soon
অতিবেগাদিকং শুক্রাবৃতে| শুক্রফলসংসর্গঃ||৩২||
Adhikarana annAvRutasya vAtasya lakShaNam (33) · Śloka 33
ভুক্তে কুক্ষৌ রুজাজীর্ণে শাম্যত্যন্নাবৃতেঽনিলে||৩৩||
भुक्ते कुक्षौ रुजाजीर्णे शाम्यत्यन्नावृतेऽनिले||३३||
🔊 Audio coming soon
অন্নাবৃতেঽনিলে ভুক্তে কুক্ষিরুজাদি||৩৩||
Adhikarana mUtrAvRutasya vAtasya lakShaNam (34) · Śloka 34
মূত্রাঽপ্রবৃত্তিরাধ্মানং বস্তের্মূত্রাবৃতে ভবেত্||৩৪||
मूत्राऽप्रवृत्तिराध्मानं बस्तेर्मूत्रावृते भवेत्||३४||
🔊 Audio coming soon
মূত্রাবৃতে মূত্রাঽপ্রবৃত্যাদিলিঙ্গম্||৩৪||
Adhikarana viDAvRutasya vAtasya lakShaNam (35) · Śloka 35
বিডাবৃতে বিবন্ধোঽধঃ স্বে স্থানে পরিকৃন্ততি| ব্রজত্যাঽঽশু জরাং স্নেহো ভুক্তো চাঽঽনহ্যতে নরঃ| শকৃত্পীডিতমন্নেন দুঃখং শুষ্কং চিরাত্সৃজেত্||৩৫||
विडावृते विबन्धोऽधः स्वे स्थाने परिकृन्तति| व्रजत्याऽऽशु जरां स्नेहो भुक्तो चाऽऽनह्यते नरः| शकृत्पीडितमन्नेन दुःखं शुष्कं चिरात्सृजेत्||३५||
🔊 Audio coming soon
বিশা পুরীষেণাঽবৃতে বিবন্ধাদি||৩৫||
Adhikarana sarvadhAtvAvRutasya vAtasya lakShaNam (36) · Śloka 36
সর্বধাত্বাবৃতে বাযৌ শ্রোণিবঙ্ক্ষপৃষ্ঠরুক্| বিলোমো মারুতোঽস্বাস্থ্যং হৃদযং পীড্যতেঽতি চ||৩৬||
सर्वधात्वावृते वायौ श्रोणिवङ्क्षपृष्ठरुक्| विलोमो मारुतोऽस्वास्थ्यं हृदयं पीड्यतेऽति च||३६||
🔊 Audio coming soon
শ্রোণিরুগাদি যৌগপদ্যেন সর্বধাত্বাবৃতে লিঙ্গমিতি|| ৩৬||
Adhikarana pittAvRutasya prANavAyorlakShaNam (37) · Śloka 37
ভ্রমো মূর্চ্ছা রুজা দাহঃ পিত্তেন প্রাণ আবৃতে| বিদগ্ধেঽন্নে চ বমনম্ .....................||৩৭||
भ्रमो मूर्च्छा रुजा दाहः पित्तेन प्राण आवृते| विदग्धेऽन्ने च वमनम् .....................||३७||
🔊 Audio coming soon
সামান্যেন বাযোরাঽঽবরণমুক্ত্বা প্রাণাদিভেদেনোচ্যতে| ভ্রমাদিযুক্তং পিত্তেন প্রাণাখ্যে বাযাবাবৃতে ভবতি|| ৩৭||
Adhikarana pittAvRutasyodAnasya lakShaNam (38) · Śloka 38
............................উদানে বিভ্রমাদযঃ| দাহোঽন্তর্রুজাভ্রংশশ্চ.......................||৩৮||
............................उदाने विभ्रमादयः| दाहोऽन्तर्रुजाभ्रंशश्च.......................||३८||
🔊 Audio coming soon
পিত্তেনোদান আবৃতে বিভ্রমন্তর্দাহাদযঃ| বিভ্রমো মোহপ্রাযঃ||৩৮||
Adhikarana pittavRutasya vyAnasya lakShaNam (39) · Śloka 39
....................................দাহো ব্যানে তু সর্বগঃ| ক্লমোঽঙ্গচেষ্টাসঙ্গাশ্চ সন্তাপঃ সহবেদনঃ||৩৯||
....................................दाहो व्याने तु सर्वगः| क्लमोऽङ्गचेष्टासङ्गाश्च सन्तापः सहवेदनः||३९||
🔊 Audio coming soon
পিত্তেন ব্যানে আবৃতে সর্বাঙ্গীণদাহাদি লক্ষণম্|| ৩৯||
Adhikarana pittAvRutasya samAnasya lakShaNam (40) · Śloka 40
সমান ঊষ্মোপহতিরতিস্বেদোঽরতিঃ সতৃট্| দাহশ্চ স্যাত্...........................||৪০||
समान ऊष्मोपहतिरतिस्वेदोऽरतिः सतृट्| दाहश्च स्यात्...........................||४०||
🔊 Audio coming soon
অগ্ন্যুপহত্বাদিদাহান্তং পিত্তেন সমানে আবৃতে|| ৪০||
Adhikarana pittAvRutasyA~apAnasya lakShaNam (41) · Śloka 41
.......................... অপানে তু মলে হারিদ্রবর্ণতা| রুজোঽতিবৃদ্ধিস্তাপশ্চ যোনিমেহনপাযুষু||৪১||
.......................... अपाने तु मले हारिद्रवर्णता| रुजोऽतिवृद्धिस्तापश्च योनिमेहनपायुषु||४१||
🔊 Audio coming soon
হারিদ্রপুরীষত্বাদিপিত্তেনাঽপানাখ্যেঽনিলে আবৃতে রূপম্|| ৪১||
Adhikarana kaphAvRutasya prANAdipa~jcakasya lakShaNam (42) · Śloka 42
শ্লেষ্মণা ত্বাবৃতে প্রাণে সাদস্তন্দ্রাঽরুচির্বমিঃ| ষ্ঠীবনং ক্ষবথূদ্গারনিঃশ্বাসোচ্ছ্বাসসংগ্রহঃ| উদানে গুরুগাত্রত্বমরুচির্বক্স্বরগ্রহঃ| বলবর্ণপ্রণাশশ্চ ব্যানে পর্বাঽস্থিবাগ্গ্রহঃ| গুরুতাঽঙ্গেষু সর্বেষু স্খলিতঞ্চ গতৌ ভৃশম্| সমানেঽতিহিমাঙ্গত্বমস্বেদো মন্দবহ্নিতা| অপানে সকফং মূত্রশকৃতোঃ স্যাত্প্রবর্ত্তনাম্||৪২||
श्लेष्मणा त्वावृते प्राणे सादस्तन्द्राऽरुचिर्वमिः| ष्ठीवनं क्षवथूद्गारनिःश्वासोच्छ्वाससंग्रहः| उदाने गुरुगात्रत्वमरुचिर्वक्स्वरग्रहः| बलवर्णप्रणाशश्च व्याने पर्वाऽस्थिवाग्ग्रहः| गुरुताऽङ्गेषु सर्वेषु स्खलितञ्च गतौ भृशम्| समानेऽतिहिमाङ्गत्वमस्वेदो मन्दवह्निता| अपाने सकफं मूत्रशकृतोः स्यात्प्रवर्त्तनाम्||४२||
🔊 Audio coming soon
শ্লেষ্মণেত্যাদিনা পিত্তবত্ ক্রমেণোচ্যতে| ক্ষবথ্যাদীনাং সংগ্রহঃ| সুবোধমন্যত্|| ৪২||
Adhikarana dvAviMshatividhaM vAyorA~a~avaraNam (43) · Śloka 43
ইতি দ্বাবিশতিবিধং বাযোরাঽঽবরণং বিদুঃ||৪৩||
इति द्वाविशतिविधं वायोराऽऽवरणं विदुः||४३||
🔊 Audio coming soon
এবং দ্বাভ্যাং দোষাভ্যাং রক্তাদিভিঃ ষড্ভির্ধাতুভিরন্নেন মূত্রেণ বিশা সর্বধাতুভিঃ পুনঃ প্রাণাদিপঞ্চকস্য পিত্তেন তদ্বত্ কফেনেতি দ্বাবিশতিবিধং বাযোরাঽঽবরণমুক্তম্|| ৪৩||
Adhikarana prANAdInAmanyo~a~avaraNasya prakArAH (44) · Śloka 44
প্রাণাদযস্তথান্যোন্যমাঽঽবৃণ্বন্তি যথাক্রমম্| সর্বেঽপি বিংশতিবিধং বিদ্যাদাঽঽবরণঞ্চ তত্||৪৪||
प्राणादयस्तथान्योन्यमाऽऽवृण्वन्ति यथाक्रमम्| सर्वेऽपि विंशतिविधं विद्यादाऽऽवरणञ्च तत्||४४||
🔊 Audio coming soon
সর্বেঽপি প্রাণাদযঃ পরস্পরেণ যথাক্রমমাঽঽবৃণ্বন্তি| তচ্চাঽন্যোন্যাবরণং বিংশতিবিধং বিদ্যাত্| তথা চ প্রাণাদীনামন্যতমঃ শেষাণাং চতুর্ণাং ক্রমেণাঽঽবরকো ভবতি| এবং পঞ্চ প্রাণাদযঃ| যতঃ প্রত্যেকং চতুরো ভেদান্ যান্ত্যতো বিংশতিবিধমাঽঽবরণম্|| ৪৪||
Adhikarana prANAvRutasyodAnasya lakShaNam (45) · Śloka 45
নিঃশ্বাসোচ্ছ্বাসসংরোধঃ প্রতিশ্যাযঃ শিরোগ্রহঃ| হৃদ্রোগী মুখশোষশ্চ প্রাণেনোদন আবৃতে||৪৫||
निःश्वासोच्छ्वाससंरोधः प्रतिश्यायः शिरोग्रहः| हृद्रोगी मुखशोषश्च प्राणेनोदन आवृते||४५||
🔊 Audio coming soon
তত্র চ প্রাণেনোদান আবৃতে নিঃশ্বাসরোধাদিকং ভবতি|| ৪৫||
Adhikarana udAnAvRutasya prANasya lakShaNam (46) · Śloka 46
উদানেনাবৃতে প্রাণে বর্ণৌজোবলসংক্ষযঃ||৪৬||
उदानेनावृते प्राणे वर्णौजोबलसंक्षयः||४६||
🔊 Audio coming soon
এবমুদানেনাবৃতে প্রাণে বলাদিক্ষযঃ|| ৪৬||
Adhikarana AvaraNavij~jAnopasaMhAraH (47) · Śloka 47
দিশানযা চ বিভজেত্ সর্বমাবরণং ভিষক| স্থানান্যবেক্ষ্য বাতানাং বৃদ্ধিহানিঞ্চ কর্মণাম্||৪৭||
दिशानया च विभजेत् सर्वमावरणं भिषक| स्थानान्यवेक्ष्य वातानां वृद्धिहानिञ्च कर्मणाम्||४७||
🔊 Audio coming soon
অনযৈব দিশাঽনুক্তমাবরণং স্ববুদ্ধ্যা বৈদ্যো বিভজেত্| কথমিত্যাহ-বাতানাং প্রাণাদীনাং দোষভেদীযোক্তেন (অ. সং. সূ. - ২০) প্রকারেণ স্থানান্যবেক্ষ্য তথা কর্মণাং ষ্ঠীবনাদীনাং বৃদ্ধিং হানিং চাবেক্ষ্য| তেনৈবং ভবত্যস্য বাযোরযং প্রদেশস্তত্র স্থিতস্য চেদং কর্মাঽঽম্নাতং তচ্চ সম্প্রযত্নেন রূপেণ বৃদ্ধং বা হীনং বা যদা দৃশ্যতে তদাঽনুমীযতেঽনেনাঽঽবৃতোঽযমিতি| ন কেবলমেতদেবাঽঽবরণং যাবদেভ্যোঽন্যদপ্যধিকমস্তীত্যাঽঽহ||৪৭||
Adhikarana vAyorAvaraNasyA~asa~gkhyeyatvam (48) · Śloka 48
প্রাণাদীনাঞ্চ পঞ্চানাং মিশ্রমাঽঽবরণং মিথঃ| পিত্তাদিভির্দ্বাদশভির্মিশ্রাণাং মিশ্রিতৈশ্চ তৈঃ| মিশ্রৈঃ পিত্তাদিভিস্তদ্বন্মিশ্রণাভিরনেকধা| তারতম্যবিকল্পাচ্চ যাত্যাবৃত্তিরসঙ্খ্যতাম্||৪৮||
प्राणादीनाञ्च पञ्चानां मिश्रमाऽऽवरणं मिथः| पित्तादिभिर्द्वादशभिर्मिश्राणां मिश्रितैश्च तैः| मिश्रैः पित्तादिभिस्तद्वन्मिश्रणाभिरनेकधा| तारतम्यविकल्पाच्च यात्यावृत्तिरसङ्ख्यताम्||४८||
🔊 Audio coming soon
প্রাণাদীনামিত্যাদি| প্রাণাদযো দ্ব্যাদিসংযোগেন মিশ্রাঃ কদাচিদাঽঽবার্য্যা ভবন্তি| কদাচিদাঽঽবারকা ইত্যাবৃত্তিরসংখ্যতাং যাতীতি সম্বন্ধঃ| তথৈব পিত্তাদিমিশ্রা অপি দ্বৌ দোষৌ| ষড্ধাতবো রক্তাদযঃ| অন্নং শকৃন্মূত্রং সর্বধাতুশ্চেতি| তৈশ্চ পিত্তাদীনি দ্ব্যাদিসংযোগেন মিশ্রৈঃ অনেকধা প্রাণাদিমিশ্রণাদিভিঃ| সর্বেষু সংযোগেষু কিঞ্চিদধিকতরং কিঞ্চিদধিকতমমিতি| এবমনেকধা বিকল্পনাঽঽবৃতিরসঙ্খ্যতাং যাতি|| ৪৮||
Adhikarana vAtAvRuttyA vedanaprakAraH (49) · Śloka 49
তাং লক্ষযেদবহিতো যথাস্বং লক্ষণোদযাত্| শনৈশ্শনৈশ্চোপশযাদ্গূঢামপি মুহুর্মুহুঃ||৪৯||
तां लक्षयेदवहितो यथास्वं लक्षणोदयात्| शनैश्शनैश्चोपशयाद्गूढामपि मुहुर्मुहुः||४९||
🔊 Audio coming soon
তাঞ্চাঽনেকবিধামাবৃত্তিং যথাস্বং লক্ষণৈর্দোষাণাং লক্ষযেত্| গূঢান্তু শনৈশ্শনৈর্মুহুশ্চোপশযেন লক্ষযেত্|| ৪৯||
Adhikarana vikRutA~avikRutayoH prANodAnayoH svarUpam (50) · Śloka 50
বিশেষাজ্জীবিতং প্রাণ উদানো বলমুচ্যতে| স্যাত্তযোঃ পীডনাদ্ধানিরাঽঽযুষশ্চ বলস্য চ||৫০||
विशेषाज्जीवितं प्राण उदानो बलमुच्यते| स्यात्तयोः पीडनाद्धानिराऽऽयुषश्च बलस्य च||५०||
🔊 Audio coming soon
তত্র চ প্রাণোদানৌ যত্নতো রক্ষেত্| কুত ইত্যাহ-বিশেষাদিত্যাদি| সুবোধম্|| ৫০||
Adhikarana vAtAvRutasya vatsarAdanantaramasAdhyatvam (51) · Śloka 51
আবৃতা বাযবোঽজ্ঞাতা জ্ঞাতা বা বত্সরং স্থিতাঃ| প্রযত্নেনাপি দুঃসাধ্যা ভবেযুর্বাঽনুপক্রমাঃ||৫১||
आवृता वायवोऽज्ञाता ज्ञाता वा वत्सरं स्थिताः| प्रयत्नेनापि दुःसाध्या भवेयुर्वाऽनुपक्रमाः||५१||
🔊 Audio coming soon
আবৃতাশ্চ বাযবোঽনুপলক্ষিতা লক্ষিতাশ্চাপ্যুপেক্ষিতা অতীতসংবত্সরাঃ সন্তঃ প্রযত্নেনাপ্যুপচর্য্যমাণা দুঃসাধ্যা এব ব ভবেযুঃ| অতোঽবশ্যমুপলক্ষযেত্|| ৫১||
Adhikarana AvRutavAyUnAmupekShaNAjjAyamAnA upadravAH (52-53) · Śloka 53
বিদ্রধিপ্লীহহৃদ্রোগগুল্মাঽগ্নিসদনাদযঃ| ভবন্ত্যুপদ্রবাস্তেষামাবৃতানামুপেক্ষণাত্||৫২|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবংষ্টাঙ্গসংগ্রহসংহিতাযাং বাতশোণিত নিদানং নাম ষোডশোঽধ্যাযঃ||৫৩||
विद्रधिप्लीहहृद्रोगगुल्माऽग्निसदनादयः| भवन्त्युपद्रवास्तेषामावृतानामुपेक्षणात्||५२|| इति वैद्यपतिसिंहगुप्तस्य सूनोर्वाग्भटस्य कृतावंष्टाङ्गसंग्रहसंहितायां वातशोणित निदानं नाम षोडशोऽध्यायः||५३||
🔊 Audio coming soon
আবৃতানাং বাযূনামুপেক্ষণাদ্বিদ্রধ্যাদযো ভবেযুরতো নোপেক্ষেতেতি| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং নিদানস্থানে ষোডশোঽধ্যাযঃ