Adhikarana 1 (1-2) · Śloka 2
অথাতঃ শ্যামাত্রিবৃত্কল্পং ব্যাখ্যাস্যামঃ||১||
ইতি হ স্মাহ ভগবানাত্রেযঃ||২||
View original
अथातः श्यामात्रिवृत्कल्पं व्याख्यास्यामः||१||
इति ह स्माह भगवानात्रेयः||२||
বমনার্থকল্পনানন্তরং বিরেচনকল্পেষু বক্তব্যেষু ত্রিবৃতাযা বিরেচনদ্রব্যেষু সুখবিরেচনতযা প্রধানত্বাত্ ত্রিবৃত্কল্প এবাভিধীযতে| ত্রিবৃতাভেদ এব চ শ্যামা, তেন শ্যামাযাস্ত্রিবৃতাযাশ্চ কল্পঃ শ্যামাত্রিবৃত্কল্পঃ| যদ্যপি চারুণমূলৈব ত্রিবৃদত্রোত্কৃষ্টা বক্তব্যা, তথাঽপ্যধ্যাযসঞ্জ্ঞাযাং শ্যামাযা অগ্রে পাঠেনাশুদোষহন্তৃতযা শ্যামাযাঃ প্রকর্ষং দর্শযতি| যে চাত্র যোগা বক্তব্যাস্তেঽরুণযা বা শ্যামযা বা উভাভ্যাং বা দোষশরীরাদিবলাবলমবেক্ষ্য কর্তব্যাঃ||১-২||
Adhikarana 2 (3) · Śloka 3
বিরেচনে ত্রিবৃন্মূলং শ্রেষ্ঠমাহুর্মনীষিণঃ |
তস্যাঃ সঞ্জ্ঞা গুণাঃ কর্ম ভেদঃ কল্পশ্চ বক্ষ্যতে||৩||
View original
विरेचने त्रिवृन्मूलं श्रेष्ठमाहुर्मनीषिणः |
तस्याः सञ्ज्ञा गुणाः कर्म भेदः कल्पश्च वक्ष्यते||३||
বিরেচনে ইত্যাদৌ ত্রিবৃন্মূলশব্দেন শ্যামমূলাযা অরুণমূলাযাশ্চ সামান্যেন মূলং গৃহ্যতে||৩||
Adhikarana 3 (4) · Śloka 4
ত্রিভণ্ডী ত্রিবৃতা চৈব শ্যামা কূটরণা তথা|
সর্বানুভূতিঃ সুবহা শব্দৈঃ পর্যাযবাচকৈঃ||৪||
View original
त्रिभण्डी त्रिवृता चैव श्यामा कूटरणा तथा|
सर्वानुभूतिः सुवहा शब्दैः पर्यायवाचकैः||४||
পর্যাযত্বেন বাচকৈঃ পর্যাযবাচকৈঃ||৪||
Adhikarana 4 (5-6) · Śloka 6
কষাযা মধুরা রূক্ষা বিপাকে কটুকা চ সা|
কফপিত্তপ্রশমনী রৌক্ষ্যাচ্চানিলকোপনী||৫||
সেদানীমৌষধৈর্যুক্তা বাতপিত্তকফাপহৈঃ|
কল্পবৈশেষ্যমাসাদ্য সর্বরোগহরা ভবেত্||৬||
View original
कषाया मधुरा रूक्षा विपाके कटुका च सा|
कफपित्तप्रशमनी रौक्ष्याच्चानिलकोपनी||५||
सेदानीमौषधैर्युक्ता वातपित्तकफापहैः|
कल्पवैशेष्यमासाद्य सर्वरोगहरा भवेत्||६||
সেদানীমিত্যাদি| বাতাপহৌষধযোগেন বাতহন্তৃত্বমবিদ্যমানং ভবতি, কফপিত্তহন্তৃত্বং বিদ্যমানমধিকং ভবতীতি জ্ঞেযম্| কল্পবৈশেষ্যমিতি কল্পনাবিশেষম্| সর্বরোগহরেতি ব্যস্তসমস্তসর্বদোষারব্ধরোগহরা||৫-৬||
Adhikarana 5 (7-9) · Śloka 9
মূলং তু দ্বিবিধং তস্যাঃ শ্যামং চারুণমেব চ|
তযোর্মুখ্যতরং বিদ্ধি মূলং যদরুণপ্রভম্||৭||
সুকুমারে শিশৌ বৃদ্ধে মৃদুকোষ্ঠে চ তচ্ছুভম্ |
মোহযেদাশুকারিত্বাচ্ছ্যামা ক্ষিণ্বীত মূর্চ্ছযেত্ ||৮||
তৈক্ষ্ণ্যাত্ কর্ষতি হৃত্কণ্ঠমাশু দোষং হরত্যপি|
শস্যতে বহুদোষাণাং ক্রূরকোষ্ঠাশ্চ যে নরাঃ||৯||
View original
मूलं तु द्विविधं तस्याः श्यामं चारुणमेव च|
तयोर्मुख्यतरं विद्धि मूलं यदरुणप्रभम्||७||
सुकुमारे शिशौ वृद्धे मृदुकोष्ठे च तच्छुभम् |
मोहयेदाशुकारित्वाच्छ्यामा क्षिण्वीत मूर्च्छयेत् ||८||
तैक्ष्ण्यात् कर्षति हृत्कण्ठमाशु दोषं हरत्यपि|
शस्यते बहुदोषाणां क्रूरकोष्ठाश्च ये नराः||९||
ত্রিবৃতযোর্ভেদমাহ- মূলং তু দ্বিবিধমিত্যাদি| মুখ্যতরমিতি বিরেচনক্রিযাযামেবাব্যাপত্তিকরত্বাচ্ছ্রেষ্ঠতরম্| সুকুমারাঃ শিশবশ্চ যদ্যপ্যবিরেচনীযা উক্তাস্তথাঽপি তেষাং বিধীযমানবিরেচনে হিতমিতি জ্ঞেযম্| মোহযেদিত্যাদিনা শ্যামমূলাযা গুণকর্মণী ব্রূতে| ক্ষিণ্বীতেতি ধাতুক্ষযং কুর্যাত্||৭-৯||
Adhikarana 6 (10-11) · Śloka 11
গুণবত্যাং তযোর্ভূমৌ জাতং মূলং সমুদ্ধরেত্|
উপোষ্য প্রযতঃ শুক্লে শুক্লবাসাঃ সমাহিতঃ||১০||
গম্ভীরানুগতং শ্লক্ষ্ণমতির্যগ্বিসৃতং চ যত্|
তদ্বিপাট্যোদ্ধরেদ্গর্ভং ত্বচং শুষ্কাং নিধাপযেত্||১১||
View original
गुणवत्यां तयोर्भूमौ जातं मूलं समुद्धरेत्|
उपोष्य प्रयतः शुक्ले शुक्लवासाः समाहितः||१०||
गम्भीरानुगतं श्लक्ष्णमतिर्यग्विसृतं च यत्|
तद्विपाट्योद्धरेद्गर्भं त्वचं शुष्कां निधापयेत्||११||
যদ্যপি মদনকল্প এব গুণবদ্ভূমিজাতত্বাদি সামান্যেন ভেষজানামুক্তমেব, তথাঽপি গম্ভীরানুগতত্বাদিবিশেষস্য তত্রানুক্তস্যেহাভিধানে সতি তত্প্রসঙ্গাত্ তত্কিঞ্চিদুচ্যতে- গুণবত্যামিত্যাদি| শুক্লে ইতি শুক্লপক্ষে| গম্ভীরানুগমিতি দূরপ্রবিষ্টম্| উদ্ধরেদ্গর্ভমিতি মূলস্যাস্থি উদ্ধরেত্| নিধাপযেদিতি যথোক্তভৈষজ্যস্থাপনবিধানেন স্থাপযেত্||১০-১১||
Adhikarana 7 (12) · Śloka 12
স্নিগ্ধস্বিন্নো বিরেচ্যস্তু পেযামাত্রোষিতঃ সুখম্|১২|
View original
स्निग्धस्विन्नो विरेच्यस्तु पेयामात्रोषितः सुखम्|१२|
পেযামাত্রোষিত ইতি পূর্বদিনে পেযামাত্রাহারতযা উষিতঃ; যদ্যপি চান্যত্র বিরেচনপূর্বদিনেষু তথৈবাহারো নিযমিতঃ- “স্নেহবদ্দ্রবমুষ্ণং চ ত্র্যহং ভুক্ত্বা রসৌদনম্” (সূ.অ.১৩) ইত্যনেন, তথাঽপি ত্রিবৃদ্বিরেচনপ্রযোগে পূর্বদিনে বিশেষবিধানাত্ পেযাদানং জ্ঞেযম্| কিঞ্চেযমেব তদ্বচনাত্ স্নিগ্ধোষ্ণমাংসরসসাধিতা চ ক্রিযমাণা ন পূর্বোক্তস্নেহবদ্দ্রবৌষ্ণমাংসরসৌদনবিরুদ্ধা ভবতি|১২|
Adhikarana 8 (12-13) · Śloka 13
অক্ষমাত্রং তযোঃ পিণ্ডং বিনীযাম্লেন না পিবেত্||১২||
গোঽব্যজামহিষীমূত্রসৌবীরকতুষোদকৈঃ|
প্রসন্নযা ত্রিফলযা শৃতযা চ পৃথক্ পিবেত্||১৩||
View original
अक्षमात्रं तयोः पिण्डं विनीयाम्लेन ना पिबेत्||१२||
गोऽव्यजामहिषीमूत्रसौवीरकतुषोदकैः|
प्रसन्नया त्रिफलया शृतया च पृथक् पिबेत्||१३||
অক্ষমাত্রমিত্যাদিনা নবভিরম্লাদিভির্দ্রব্যৈর্নবযোগানাহ| তযোরিতি শ্যামাত্রিবৃদরুণত্রিবৃতযোঃ| এতযোশ্চ মিলিতযোঃ প্রত্যেকং চ প্রযোগা ইতি প্রাগেব প্রতিপাদিতম্| অম্লেনেতি কাঞ্জিকেন||১২-১৩||
Adhikarana 9 (14) · Śloka 14
একৈকং সৈন্ধবাদীনাং দ্বাদশানাং সনাগরম্|
ত্রিবৃদ্দ্বিগুণসংযুক্তং চূর্ণমুষ্ণাম্বুনা পিবেত্||১৪||
View original
एकैकं सैन्धवादीनां द्वादशानां सनागरम्|
त्रिवृद्द्विगुणसंयुक्तं चूर्णमुष्णाम्बुना पिबेत्||१४||
একৈকমিত্যাদিনা সৈন্ধবাদিভির্দ্বাদশযোগানাহ| সৈন্ধবাদযশ্চ দ্বাদশ রোগভিষগ্জিতীযে (বি.অ.৮) লবণস্কন্ধোক্তা জ্ঞেযাঃ| সনাগরমিতি নাগরসহিতং সত্ প্রত্যেকং সৈন্ধবাদীনাং চূর্ণং দ্বিগুণত্রিবৃতাচূর্ণযুক্তং পাতব্যম্||১৪||
Adhikarana 10 (15-16) · Śloka 17
পিপ্পলী পিপ্পলীমূলং মরিচং গজপিপ্পলী|
সরলঃ কিলিমং হিঙ্গু ভার্গী তেজোবতী তথা||১৫||
মুস্তং হৈমবতী পথ্যা চিত্রকো রজনী বচা|
স্বর্ণক্ষীর্যজমোদা চ শৃঙ্গবেরং চ তৈঃ পৃথক্||১৬||
একৈকার্ধাংশসংযুক্তং পিবেদ্গোমূত্রসংযুতম্|১৭|
View original
पिप्पली पिप्पलीमूलं मरिचं गजपिप्पली|
सरलः किलिमं हिङ्गु भार्गी तेजोवती तथा||१५||
मुस्तं हैमवती पथ्या चित्रको रजनी वचा|
स्वर्णक्षीर्यजमोदा च शृङ्गवेरं च तैः पृथक्||१६||
एकैकार्धांशसंयुक्तं पिबेद्गोमूत्रसंयुतम्|१७|
পিপ্পলীত্যাদিনা পিপ্পল্যাদিদ্রব্যভেদেন মূত্রেঽষ্টাদশযোগানাহ||১৫-১৬||-
Adhikarana 11 (17) · Śloka 17
মধুকার্ধাংশসংযুক্তং শর্করাম্বুযুতং পিবেত্||১৭||
View original
मधुकार्धांशसंयुक्तं शर्कराम्बुयुतं पिबेत्||१७||
মধুকেত্যাদিনৈকঃ প্রযোগঃ| অযং চ সঙ্গ্রহোক্তযোঃ ‘যষ্ট্যাং দ্বৌ’ ইত্যনযোরেকতরঃ||১৭||
Adhikarana 12 (18-19) · Śloka 20
জীবকর্ষভকৌ মেদাং শ্রাবণীং কর্কাটাহ্বযাম্|
মুদ্গমাষাখ্যপর্ণ্যৌ চ মহতীং শ্রাবণীং তথা||১৮||
কাকোলীং ক্ষীরকাকোলীমিন্দ্রাং ছিন্নরুহাং তথা|
ক্ষীরশুক্লাং পযস্যাং চ যষ্ট্যাহ্বং বিধিনা পিবেত্||১৯||
বাতপিত্তহিতান্যেতান্যন্যানি তু কফানিলে|২০|
View original
जीवकर्षभकौ मेदां श्रावणीं कर्काटाह्वयाम्|
मुद्गमाषाख्यपर्ण्यौ च महतीं श्रावणीं तथा||१८||
काकोलीं क्षीरकाकोलीमिन्द्रां छिन्नरुहां तथा|
क्षीरशुक्लां पयस्यां च यष्ट्याह्वं विधिना पिबेत्||१९||
वातपित्तहितान्येतान्यन्यानि तु कफानिले|२०|
জীবকেত্যাদিনা চতুর্দশযোগান্ তথা যষ্ট্যাহ্বমিত্যেকং চাহ| অযং চ সঙ্গ্রহোক্তযোঃ ‘যষ্ট্যাং দ্বৌ’ ইতি দ্বযোরন্যতরঃ| ক্ষীরশুক্লা ক্ষীরবিদারী| ইন্দ্রা কোকিলাক্ষঃ| পযস্যা অর্কপুষ্পী||১৮-১৯||-
Adhikarana 13 (20) · Śloka 21
ক্ষীরমাংসেক্ষুকাশ্মর্যদ্রাক্ষাপীলুরসৈঃ পৃথক্||২০||
সর্পিষা বা তযোশ্চূর্ণমভযার্ধাংশিকং পিবেত্|২১|
View original
क्षीरमांसेक्षुकाश्मर्यद्राक्षापीलुरसैः पृथक्||२०||
सर्पिषा वा तयोश्चूर्णमभयार्धांशिकं पिबेत्|२१|
ক্ষীরেত্যাদিনা ক্ষীরাদৌ সপ্ত যোগানাহ| পীলু ঔত্তরপথিকং ফলম্||২০||-
Adhikarana 14 (21-32) · Śloka 32
লিহ্যাদ্বা মধুসর্পির্ভ্যাং সংযুক্তং সসিতোপলম্||২১||
অজগন্ধা তুগাক্ষীরী বিদারী শর্করা ত্রিবৃত্|
চূর্ণিতং ক্ষৌদ্রসর্পির্ভ্যাং লীঢ্বা সাধু বিরিচ্যতে||২২||
সন্নিপাতজ্বরস্তম্ভদাহতৃষ্ণার্দিতো নরঃ|
শ্যামাত্রিবৃত্কষাযেণ কল্কেন চ সশর্করম্||২৩||
সাধযেদ্বিধিবল্লেহং লিহ্যাত্ পাণিতলং ততঃ|
সক্ষৌদ্রাং শর্করাং পক্ত্বা কুর্যান্মৃদ্ভাজনে নবে||২৪||
ক্ষিপেচ্ছীতে ত্রিবৃচ্চূর্ণং ত্বক্পত্রমরিচৈঃ সহ|
মাত্রযা লেহযেদেতদীশ্বরাণাং বিরেচনম্||২৫||
কুডবাংশান্ রসানিক্ষুদ্রাক্ষাপীলুপরুষকাত্|
সিতোপলাপলং ক্ষৌদ্রাত্ কুডবার্ধং চ সাধযেত্||২৬||
তং লেহং যোজযেচ্ছীতং ত্রিবৃচ্চূর্ণেন শাস্ত্রবিত্|
এতদুত্সন্নপিত্তানামীশ্বরাণাং বিরেচনম্||২৭||
শর্করামোদকান্ বর্তীর্গুলিকামাংসপূপকান্|
অনেন বিধিনা কুর্যাত্ পৈত্তিকানাং বিরেচনম্||২৮||
পিপ্পলীং নাগরং ক্ষারং শ্যামাং ত্রিবৃতযা সহ|
লেহযেন্মধুনা সার্ধং শ্লেষ্মলানাং বিরেচনম্||২৯||
মাতুলুঙ্গাভযাধাত্রীশ্রীপর্ণীকোলদাডিমাত্|
সুভৃষ্টান্ স্বরসাংস্তৈলে সাধযেত্তত্র চাবপেত্||৩০||
সহকারাত্ কপিত্থাচ্চ মধ্যমম্লং চ যত্ ফলম্|
পূর্ববদ্বহলীভূতে ত্রিবৃচ্চূর্ণং সমাবপেত্||৩১||
ত্বক্পত্রকেশরৈলানাং চূর্ণং মধু চ মাত্রযা|
লেহোঽযং কফপূর্ণানামীশ্বরাণাং বিরেচনম্||৩২||
View original
लिह्याद्वा मधुसर्पिर्भ्यां संयुक्तं ससितोपलम्||२१||
अजगन्धा तुगाक्षीरी विदारी शर्करा त्रिवृत्|
चूर्णितं क्षौद्रसर्पिर्भ्यां लीढ्वा साधु विरिच्यते||२२||
सन्निपातज्वरस्तम्भदाहतृष्णार्दितो नरः|
श्यामात्रिवृत्कषायेण कल्केन च सशर्करम्||२३||
साधयेद्विधिवल्लेहं लिह्यात् पाणितलं ततः|
सक्षौद्रां शर्करां पक्त्वा कुर्यान्मृद्भाजने नवे||२४||
क्षिपेच्छीते त्रिवृच्चूर्णं त्वक्पत्रमरिचैः सह|
मात्रया लेहयेदेतदीश्वराणां विरेचनम्||२५||
कुडवांशान् रसानिक्षुद्राक्षापीलुपरुषकात्|
सितोपलापलं क्षौद्रात् कुडवार्धं च साधयेत्||२६||
तं लेहं योजयेच्छीतं त्रिवृच्चूर्णेन शास्त्रवित्|
एतदुत्सन्नपित्तानामीश्वराणां विरेचनम्||२७||
शर्करामोदकान् वर्तीर्गुलिकामांसपूपकान्|
अनेन विधिना कुर्यात् पैत्तिकानां विरेचनम्||२८||
पिप्पलीं नागरं क्षारं श्यामां त्रिवृतया सह|
लेहयेन्मधुना सार्धं श्लेष्मलानां विरेचनम्||२९||
मातुलुङ्गाभयाधात्रीश्रीपर्णीकोलदाडिमात्|
सुभृष्टान् स्वरसांस्तैले साधयेत्तत्र चावपेत्||३०||
सहकारात् कपित्थाच्च मध्यमम्लं च यत् फलम्|
पूर्ववद्बहलीभूते त्रिवृच्चूर्णं समावपेत्||३१||
त्वक्पत्रकेशरैलानां चूर्णं मधु च मात्रया|
लेहोऽयं कफपूर्णानामीश्वराणां विरेचनम्||३२||
লিহ্যাদ্বা মধ্বিত্যাদিনাঽষ্টৌ লেহানাহ| লিহ্যাদ্বেত্যাদিনা প্রথমো লেহঃ| অজগন্ধেত্যাদিনা দ্বিতীযঃ| অজগন্ধা অজমোদা| শ্যামাত্রিবৃদিত্যাদিনা তৃতীযো লেহঃ| অত্র শর্করাত্রিবৃচ্চূর্ণাভ্যাং সমাভ্যাং ক্বাথপাদিকাভ্যাং লেহঃ| সক্ষৌদ্রামিত্যাদিনা চতুর্থঃ| অত্র ক্ষৌদ্রপাকো যোগমহিম্না| ত্রিবৃচ্চূর্ণমাত্রাপাদিকত্বং ত্বক্পত্রাদীনাং, সৌগন্ধমাত্রপ্রযোজনত্বাত্ | ঈশ্বরাণাং বিরেচনমিতি বচনেন সুকুমারত্বাদস্নিগ্ধবিষযতামস্য দর্শযতি, ঈশ্বরা হি প্রাযেণ সুকুমারাঃ স্নিগ্ধাশ্চ ভবন্তি| কুডবাংশানিত্যাদিঃ পঞ্চমঃ| অত্র ত্রিবৃচ্চূর্ণমনির্দিষ্টমানং, তচ্চ প্রক্ষেপন্যাযাল্লেহাত্ পাদিকং কর্তব্যম্| উত্সন্নপিত্তানাম্ উদ্ভূতপিত্তানাম্| শর্করেত্যাদিনা সিতাযোগাংশ্চতুরোঽতিদেশানুগুণ্যাল্লেহানাং মধ্য এবাহ| অত্র বর্ত্যাদযোঽপি শর্করাকৃতা এব জ্ঞেযাঃ| অনেন বিধিনেতি ইক্ষ্বাদিরসসংস্কারেণ ত্রিবৃচ্চূর্ণযোগেন চ| পিপ্পলীং নাগরমিত্যাদিনা ষষ্ঠো লেহঃ| মধ্যমিতি অম্লকপিত্থস্য মধ্যং ভাগম্| অম্লং চ যত্ ফলমিতি মাতুলুঙ্গাদি| পূর্ববদিতি কৌডবিকত্বং মাতুলুঙ্গাদিরসানাং দর্শযতি||২১-৩২||
Adhikarana 15 (33) · Śloka 33
পানকানি রসান্ যূষান্মোদকান্ রাগষাডবান্|
অনেন বিধিনা কুর্যাদ্বিরেকার্থং কফাধিকে||৩৩||
View original
पानकानि रसान् यूषान्मोदकान् रागषाडवान्|
अनेन विधिना कुर्याद्विरेकार्थं कफाधिके||३३||
পানকানীত্যাদিনাঽতিদেশানুগুণ্যাত্ পানকাদিপঞ্চযোগানাহ| রাগপ্রধানঃ ষাডবো রাগষাডবঃ| অনেন বিধিনেতি পূর্বলেহোক্তবিধিনা||৩৩||
Adhikarana 16 (34-35) · Śloka 35
ভৃঙ্গৈলাভ্যাং সমা নীলী তৈস্ত্রিবৃত্তৈশ্চ শর্করা|
চূর্ণং ফলরসক্ষৌদ্রশক্তুভিস্তর্পণং পিবেত্||৩৪||
বাতপিত্তকফোত্থেষু রোগেষ্বল্পানলেষু চ|
নরেষু সুকুমারেষু নিরপাযং বিরেচনম্||৩৫||
View original
भृङ्गैलाभ्यां समा नीली तैस्त्रिवृत्तैश्च शर्करा|
चूर्णं फलरसक्षौद्रशक्तुभिस्तर्पणं पिबेत्||३४||
वातपित्तकफोत्थेषु रोगेष्वल्पानलेषु च|
नरेषु सुकुमारेषु निरपायं विरेचनम्||३५||
ভৃঙ্গৈলাভ্যামিত্যাদিনা তর্পণযোগং প্রথমমেবাহ, দ্বিতীযস্তু তর্পণযোগো ভবিষ্যতীতি| ভৃঙ্গং গুডত্বক্| তৈশ্চ শর্করেতি ভৃঙ্গলানীলীত্রিবৃদ্ভিঃ| ফলরসঃ দাডিমরসঃ||৩৪-৩৫||
Adhikarana 17 (36) · Śloka 36
শর্করাত্রিফলাশ্যামাত্রিবৃত্পিপ্পলিমাক্ষিকৈঃ|
মোদকঃ সন্নিপাতোর্ধ্বরক্তপিত্তজ্বরাপহঃ||৩৬||
View original
शर्करात्रिफलाश्यामात्रिवृत्पिप्पलिमाक्षिकैः|
मोदकः सन्निपातोर्ध्वरक्तपित्तज्वरापहः||३६||
শর্করেত্যাদিনা মোদকঃ প্রথমঃ| তত্র চ “মোদকে দ্বিগুণো গুডঃ” ইতি বচনাত্ গুডশর্করাং চূর্ণাদ্দ্বিগুণামিচ্ছন্তি||৩৬||
Adhikarana 18 (37-39) · Śloka 39
ত্রিবৃচ্ছাণা মতাস্তিস্রস্তিস্রশ্চ ত্রিফলাত্বচঃ|
বিডঙ্গপিপ্পলীক্ষারশাণাস্তিস্রশ্চ চূর্ণিতাঃ||৩৭||
লিহ্যাত্ সর্পির্মধুভ্যাং চ মোদকং বা গুডেন তু|
ভক্ষযেন্নিষ্পরীহারমেতচ্ছোধনমুত্তমম্ ||৩৮||
গুল্মং প্লীহোদরং শ্বাসং হলীমকমরোচকম্|
কফবাতকৃতাংশ্চান্যান্ ব্যাধীনেতহ্যপোহতি||৩৯||
View original
त्रिवृच्छाणा मतास्तिस्रस्तिस्रश्च त्रिफलात्वचः|
विडङ्गपिप्पलीक्षारशाणास्तिस्रश्च चूर्णिताः||३७||
लिह्यात् सर्पिर्मधुभ्यां च मोदकं वा गुडेन तु|
भक्षयेन्निष्परीहारमेतच्छोधनमुत्तमम् ||३८||
गुल्मं प्लीहोदरं श्वासं हलीमकमरोचकम्|
कफवातकृतांश्चान्यान् व्याधीनेतह्यपोहति||३९||
ত্রিবৃচ্ছাণা ইত্যাদিনেহ মোদকে চ যদ্যপি পঠ্যতে যোগঃ, তথাঽপ্যস্য লেহেনৈব গ্রহণাদযমষ্টমো লেহো ভবতি||৩৭-৩৯||
Adhikarana 19 (40-45) · Śloka 46
বিডঙ্গপিপ্পলীমূলত্রিফলাধান্যচিত্রকান্|
মরিচেন্দ্রযবাজাজীপিপ্পলীহস্তিপিপ্পলীঃ||৪০||
লবণান্যজমোদাং চ চূর্ণিতং কার্ষিকং পৃথক্|
তিলতৈলত্রিবৃচ্চূর্ণভাগৌ চাষ্টপলোন্মিতৌ||৪১||
ধাত্রীফলরসপ্রস্থাংস্ত্রীন্ গুডার্ধতুলাং তথা|
পক্ত্বা মৃদ্বগ্নিনা খাদেদ্বদরোদুম্বরোপমান্||৪২||
গুডান্ কৃত্বা ন চাত্র স্যাদ্বিহারাহারযন্ত্রণা|
মন্দাগ্নিত্বং জ্বরং মূর্চ্ছাং মূত্রকৃচ্ছ্রমরোচকম্||৪৩||
অস্বপ্নং গাত্রশূলং চ কাসং শ্বাসং ভ্রমং ক্ষযম্|
কুষ্ঠার্শঃকামলামেহগুল্মোদরভগন্দরান্||৪৪||
গ্রহণীপাণ্ডুরোগাংশ্চ হন্যুঃ পুংসবনাশ্চ তে|
কল্যাণকা ইতি খ্যাতাঃ সর্বেষ্বৃতুষু যৌগিকাঃ||৪৫||
ইতি কল্যাণকগুডঃ|৪৬|
View original
विडङ्गपिप्पलीमूलत्रिफलाधान्यचित्रकान्|
मरिचेन्द्रयवाजाजीपिप्पलीहस्तिपिप्पलीः||४०||
लवणान्यजमोदां च चूर्णितं कार्षिकं पृथक्|
तिलतैलत्रिवृच्चूर्णभागौ चाष्टपलोन्मितौ||४१||
धात्रीफलरसप्रस्थांस्त्रीन् गुडार्धतुलां तथा|
पक्त्वा मृद्वग्निना खादेद्बदरोदुम्बरोपमान्||४२||
गुडान् कृत्वा न चात्र स्याद्विहाराहारयन्त्रणा|
मन्दाग्नित्वं ज्वरं मूर्च्छां मूत्रकृच्छ्रमरोचकम्||४३||
अस्वप्नं गात्रशूलं च कासं श्वासं भ्रमं क्षयम्|
कुष्ठार्शःकामलामेहगुल्मोदरभगन्दरान्||४४||
ग्रहणीपाण्डुरोगांश्च हन्युः पुंसवनाश्च ते|
कल्याणका इति ख्याताः सर्वेष्वृतुषु यौगिकाः||४५||
इति कल्याणकगुडः|४६|
বিডঙ্গেত্যাদিনা দ্বিতীযো মোদকঃ||৪০-৪৫||
Adhikarana 20 (46-49) · Śloka 50
ব্যোষত্বক্পত্রমুস্তৈলাবিডঙ্গামলকাভযাঃ |
সমভাগা ভিষগ্দদ্যাদ্দ্বিগুণং চ মুকূলকম্||৪৬||
ত্রিবৃতোঽষ্টগুণং ভাগং শর্করাযাশ্চ ষড্গুণম্|
চূর্ণিতং গুডিকাঃ কৃত্বা ক্ষৌদ্রেণ পলসম্মিতাঃ||৪৭||
ভক্ষযেত্ কল্যমুত্থায শীতং চানু পিবেজ্জলম্|
মূত্রকৃচ্ছ্রে জ্বরে বম্যাং কাসে শ্বাসে ভ্রমে ক্ষযে||৪৮||
তাপে পাণ্ড্বামযেঽল্পেঽগ্নৌ শস্তা নির্যন্ত্রণাশিনঃ|
যোগঃ সর্ববিষাণাং চ মতঃ শ্রেষ্ঠো বিরেচনে||৪৯||
মূত্রজানাং চ রোগাণাং বিধিজ্ঞেনাবচারিতঃ|৫০|
View original
व्योषत्वक्पत्रमुस्तैलाविडङ्गामलकाभयाः |
समभागा भिषग्दद्याद्द्विगुणं च मुकूलकम्||४६||
त्रिवृतोऽष्टगुणं भागं शर्करायाश्च षड्गुणम्|
चूर्णितं गुडिकाः कृत्वा क्षौद्रेण पलसम्मिताः||४७||
भक्षयेत् कल्यमुत्थाय शीतं चानु पिबेज्जलम्|
मूत्रकृच्छ्रे ज्वरे वम्यां कासे श्वासे भ्रमे क्षये||४८||
तापे पाण्ड्वामयेऽल्पेऽग्नौ शस्ता निर्यन्त्रणाशिनः|
योगः सर्वविषाणां च मतः श्रेष्ठो विरेचने||४९||
मूत्रजानां च रोगाणां विधिज्ञेनावचारितः|५०|
ব্যোষেত্যাদিনা তৃতীযো মোদকঃ| অযং মোদকস্তন্ত্রান্তরে ‘অভযাদ্য’ ইতি খ্যাতঃ| মুকূলকং দন্তী| অত্র মুকূলাদীনামেকৈকদ্রব্যাপেক্ষযা দ্বৈগুণ্যাদি ভবতি| মধু চ তাবন্মাত্রং যাবতা মোদকো ভবতি| কেচিদত্র ব্যোষাদিমিলিতচূর্ণাদ্দন্ত্যাদীনাং দ্বৈগুণ্যং বদন্তি||৪৬-৪৯||-
Adhikarana 21 (50) · Śloka 51
পথ্যাধাত্র্যুরুবূকাণাং প্রসৃতৌ দ্বৌ ত্রিবৃত্পলম্||৫০||
দশ তান্মোদকান্ কুর্যাদীশ্বরাণাং বিরেচনম্|৫১|
View original
पथ्याधात्र्युरुबूकाणां प्रसृतौ द्वौ त्रिवृत्पलम्||५०||
दश तान्मोदकान् कुर्यादीश्वराणां विरेचनम्|५१|
পথ্যেত্যাদিনা চতুর্থঃ||৫০||-
Adhikarana 22 (51-55) · Śloka 55
ত্রিবৃদ্ধৈমবতী শ্যামা নীলিনী হস্তিপিপ্পলী||৫১||
সমূলা পিপ্পলী মুস্তমজমোদা দুরালভা|
কার্ষিকং নাগরপলং গুডস্য পলবিংশতিম্||৫২||
চূর্ণিতং মোদকান্ কুর্যাদুদুম্বরফলোপমান্|
হিঙ্গুসৌবর্চলব্যোষযবানীবিডজীরকৈঃ||৫৩||
বচাজগন্ধাত্রিফলাচব্যচিত্রকধান্যকৈঃ|
মোদকান্ বেষ্টযেচ্চূর্ণৈস্তান্ সতুম্বুরুদাডিমৈঃ||৫৪||
ত্রিকবঙ্ক্ষণহৃদ্বস্তিকোষ্ঠার্শঃপ্লীহশূলিনাম্|
হিক্কাকাসারুচিশ্বাসকফোদাবর্তিনাং শুভাঃ ||৫৫||
View original
त्रिवृद्धैमवती श्यामा नीलिनी हस्तिपिप्पली||५१||
समूला पिप्पली मुस्तमजमोदा दुरालभा|
कार्षिकं नागरपलं गुडस्य पलविंशतिम्||५२||
चूर्णितं मोदकान् कुर्यादुदुम्बरफलोपमान्|
हिङ्गुसौवर्चलव्योषयवानीबिडजीरकैः||५३||
वचाजगन्धात्रिफलाचव्यचित्रकधान्यकैः|
मोदकान् वेष्टयेच्चूर्णैस्तान् सतुम्बुरुदाडिमैः||५४||
त्रिकवङ्क्षणहृद्बस्तिकोष्ठार्शःप्लीहशूलिनाम्|
हिक्काकासारुचिश्वासकफोदावर्तिनां शुभाः ||५५||
ত্রিবৃদ্ধৈমবতীত্যাদিনা পঞ্চমো মোদকঃ পূর্যতে| বেষ্টযেদিতি অবচূর্ণযেত্||৫১-৫৫||
Adhikarana 23 (56-64) · Śloka 64
ত্রিবৃতাং কৌটজং বীজং পিপ্পলীং বিশ্বভেষজম্|
ক্ষৌদ্রদ্রাক্ষারসোপেতং বর্ষাস্বেতদ্বিরেচনম্||৫৬||
ত্রিবৃদ্দুরালভামুস্তশর্করোদীচ্যচন্দনম্|
দ্রাক্ষাম্বুনা সযষ্ট্যাহ্বসাতলং জলদাত্যযে||৫৭||
ত্রিবৃতাং চিত্রকং পাঠামজাজীং সরলং বচাম্|
স্বর্ণক্ষীরীং চ হেমন্তে পিষ্ট্বা তূষ্ণাম্বুনা পিবেত্||৫৮||
শর্করা ত্রিবৃতা তুল্যা গ্রীষ্মকালে বিরেচনম্|
ত্রিবৃত্ত্রাযন্তিহপুষাঃ সাতলাং কটুরোহিণীম্ ||৫৯||
স্বর্ণক্ষীরীং চ সঞ্চূর্ণ্য গোমূত্রে ভাবযেত্ত্র্যহম্|
এষ সর্বর্তুকো যোগঃ স্নিগ্ধানাং মলদোষহৃত্||৬০||
ত্রিবৃচ্ছ্যামা দুরালম্ভা বত্সকং হস্তিপিপ্পলী|
নীলিনী ত্রিফলা মুস্তং কটুকা চ সুচূর্ণিতম্||৬১||
সর্পির্মাংসরসোষ্ণাম্বুযুক্তং পাণিতলং ততঃ|
পিবেত্ সুখতমং হ্যেতদ্রূক্ষাণামপি শস্যতে||৬২||
ত্র্যূষণং ত্রিফলা হিঙ্গু কার্ষিকং ত্রিবৃতাপলম্|
সৌবর্চলার্ধকর্ষং চ পলার্ধং চাম্লবেতসাত্||৬৩||
তচ্চূর্ণং শর্করাতুল্যং মদ্যেনাম্লেন বা পিবেত্|
গুল্মপার্শ্বার্তিনুত্সিদ্ধং জীর্ণে চাদ্যাদ্রসৌদনম্||৬৪||
View original
त्रिवृतां कौटजं बीजं पिप्पलीं विश्वभेषजम्|
क्षौद्रद्राक्षारसोपेतं वर्षास्वेतद्विरेचनम्||५६||
त्रिवृद्दुरालभामुस्तशर्करोदीच्यचन्दनम्|
द्राक्षाम्बुना सयष्ट्याह्वसातलं जलदात्यये||५७||
त्रिवृतां चित्रकं पाठामजाजीं सरलं वचाम्|
स्वर्णक्षीरीं च हेमन्ते पिष्ट्वा तूष्णाम्बुना पिबेत्||५८||
शर्करा त्रिवृता तुल्या ग्रीष्मकाले विरेचनम्|
त्रिवृत्त्रायन्तिहपुषाः सातलां कटुरोहिणीम् ||५९||
स्वर्णक्षीरीं च सञ्चूर्ण्य गोमूत्रे भावयेत्त्र्यहम्|
एष सर्वर्तुको योगः स्निग्धानां मलदोषहृत्||६०||
त्रिवृच्छ्यामा दुरालम्भा वत्सकं हस्तिपिप्पली|
नीलिनी त्रिफला मुस्तं कटुका च सुचूर्णितम्||६१||
सर्पिर्मांसरसोष्णाम्बुयुक्तं पाणितलं ततः|
पिबेत् सुखतमं ह्येतद्रूक्षाणामपि शस्यते||६२||
त्र्यूषणं त्रिफला हिङ्गु कार्षिकं त्रिवृतापलम्|
सौवर्चलार्धकर्षं च पलार्धं चाम्लवेतसात्||६३||
तच्चूर्णं शर्करातुल्यं मद्येनाम्लेन वा पिबेत्|
गुल्मपार्श्वार्तिनुत्सिद्धं जीर्णे चाद्याद्रसौदनम्||६४||
ত্রিবৃতাং কৌটজমিত্যাদিনা ষডৃতুবিহিতান্ যোগান্ রূক্ষাণামপি শস্যতে ইত্যন্তেনাহ| সাতলা চর্মকশা| জলদাত্যযে শরদি| হেমন্তে যদ্যপি প্রবলশীতবাতে বিরেচনং নিষিদ্ধং, তথাঽপি ব্যাধিবিষযবিহিতং বিরেচনমেতজ্জ্ঞেযম্| সর্বর্তুকযোগৌ অনুক্তে ঋতৌ বসন্তাদৌ চ জ্ঞেযৌ| ত্রিবৃচ্ছ্যামেত্যাদিকোঽপি সর্বর্তুকো যোগঃ| ত্র্যূষণমিত্যাদিশ্চূর্ণযোগো দ্বিতীযঃ||৫৬-৬৪||
Adhikarana 24 (65) · Śloka 66
ত্রিবৃতাং ত্রিফলাং দন্তীং সপ্তলাং ব্যোষসৈন্ধবম্|
কৃত্বা চূর্ণং তু সপ্তাহং ভাব্যমামলকীরসে||৬৫||
তদ্যোজ্যং তর্পণে যূষে পিশিতে রাগযুক্তিষু|৬৬|
View original
त्रिवृतां त्रिफलां दन्तीं सप्तलां व्योषसैन्धवम्|
कृत्वा चूर्णं तु सप्ताहं भाव्यमामलकीरसे||६५||
तद्योज्यं तर्पणे यूषे पिशिते रागयुक्तिषु|६६|
ত্রিবৃতাং ত্রিফলামিত্যাদিকস্তর্পণযোগঃ| এবং সর্বর্তুকযোগেন সমং দ্বৌ তর্পণযোগৌ ভবতঃ||৬৫||-
Adhikarana 25 (66-68) · Śloka 68
তুল্যাম্লং ত্রিবৃতাকল্কসিদ্ধং গুল্মহরং ঘৃতম্||৬৬||
শ্যামাত্রিবৃতযোর্মূলং পচেদামলকৈঃ সহ|
জলে তেন কষাযেণ পক্ত্বা সর্পিঃ পিবেন্নরঃ||৬৭||
শ্যামাত্রিবৃত্কষাযেণ সিদ্ধং সর্পিঃ পিবেত্তথা|
সাধিতং বা পযস্তাভ্যাং সুখং তেন বিরিচ্যতে||৬৮||
View original
तुल्याम्लं त्रिवृताकल्कसिद्धं गुल्महरं घृतम्||६६||
श्यामात्रिवृतयोर्मूलं पचेदामलकैः सह|
जले तेन कषायेण पक्त्वा सर्पिः पिबेन्नरः||६७||
श्यामात्रिवृत्कषायेण सिद्धं सर्पिः पिबेत्तथा|
साधितं वा पयस्ताभ्यां सुखं तेन विरिच्यते||६८||
তুল্যাম্লমিত্যেকং ঘৃতং, শ্যামেত্যাদি দ্বিতীযং, শ্যামাত্রিবৃত্কষাযেণেত্যাদি তৃতীযম্| সাধিতং চেত্যাদিনা ক্ষীরযোগমেকমাহ| ঘৃতেন ক্ষীরেণ চ ঘৃতেন ক্ষীরেণ বৈকেন মিলিত্বা চত্বারো ঘৃতক্ষীরৈর্ভবন্তি||৬৬-৬৮||
Adhikarana 26 (69-71) · Śloka 71
ত্রিবৃন্মুষ্টীংস্তু সনখানষ্টৌ দ্রোণেঽম্ভসঃ পচেত্ |
পাদশেষং কষাযং তং পূতং গুডতুলাযুতম্||৬৯||
স্নিগ্ধে স্থাপ্যং ঘটে ক্ষৌদ্রপিপ্পলীফলচিত্রকৈঃ|
প্রলিপ্তে মধুনা মাসং জাতং তন্মাত্রযা পিবেত্||৭০||
গ্রহণীপাণ্ডুরোগঘ্নং গুল্মশ্বযথুনাশনম্|
সুরাং বা ত্রিবৃতাযোগকিণ্বাং তত্ক্বাথসংযুতাম্||৭১||
View original
त्रिवृन्मुष्टींस्तु सनखानष्टौ द्रोणेऽम्भसः पचेत् |
पादशेषं कषायं तं पूतं गुडतुलायुतम्||६९||
स्निग्धे स्थाप्यं घटे क्षौद्रपिप्पलीफलचित्रकैः|
प्रलिप्ते मधुना मासं जातं तन्मात्रया पिबेत्||७०||
ग्रहणीपाण्डुरोगघ्नं गुल्मश्वयथुनाशनम्|
सुरां वा त्रिवृतायोगकिण्वां तत्क्वाथसंयुताम्||७१||
ত্রিবৃন্মুষ্টীনিত্যাদিনা প্রথমা সুরা, সুরাং বেত্যাদিনা দ্বিতীযা, এবং দ্বৌ সুরাযোগৌ ভবতঃ| ত্রিবৃদ্যোগযুক্তং কিণ্বং যস্যাং সা তথা||৬৯-৭১||
Adhikarana 27 (72-73) · Śloka 73
যবৈঃ শ্যামাত্রিবৃত্ক্বাথস্বিন্নৈঃ কুল্মাষমম্ভসা|
আসুতং ষডহং পল্লে জাতং সৌবীরকং পিবেত্||৭২||
ভৃষ্টান্ বা সতুষাঞ্ছুদ্ধান্ যবাংস্তচ্চূর্ণসংযুতান্|
আসুতানম্ভসা তদ্বত্ পিবেজ্জাতং তুষোদকম্||৭৩||
View original
यवैः श्यामात्रिवृत्क्वाथस्विन्नैः कुल्माषमम्भसा|
आसुतं षडहं पल्ले जातं सौवीरकं पिबेत्||७२||
भृष्टान् वा सतुषाञ्छुद्धान् यवांस्तच्चूर्णसंयुतान्|
आसुतानम्भसा तद्वत् पिबेज्जातं तुषोदकम्||७३||
যবৈরিত্যাদিনা সৌবীরকতুষোদকে প্রাহ| এতৌ দ্বৌ কাঞ্জিকযোগৌ| কুল্মাষ উত্স্বিন্নযবপিষ্টকম্| পল্লে ইতি ধান্যাদিরাশৌ| তচ্চূর্ণসংযুতানিতি ত্রিবৃচ্চূর্ণসংযুতান্| তদ্বদিতি ষডহং পল্লে স্থিতান||৭২-৭৩||
Adhikarana 28 (74) · Śloka 74
তথা মদনকল্পোক্তান্ ষাডবাদীন্ পৃথগ্দশ|
ত্রিবৃচ্চূর্ণেন সংযোজ্য বিরেকার্থং প্রযোজযেত্||৭৪||
View original
तथा मदनकल्पोक्तान् षाडवादीन् पृथग्दश|
त्रिवृच्चूर्णेन संयोज्य विरेकार्थं प्रयोजयेत्||७४||
তথেত্যাদিনা ষাডবাদিযোগান্ দশাহ| দশ ষাডবাদযো “বদরষাডবরাগলেহমোদকোত্কারিকাতর্পণশাকমাংসরসযূষমদ্যানাং” (ক.অ.১) ইতি গ্রন্থেন মদনকল্পোক্তাঃ||৭৪||
Adhikarana 29 (75-76) · Śloka 76
ভবতশ্চাত্র- ত্বক্কেশরাম্রাতকদাডিমৈলাসিতোপলামাক্ষিকমাতুলুঙ্গৈঃ|
মদ্যৈস্তথাঽম্লৈশ্চ মনোনুকূলৈর্যুক্তানি দেযানি বিরেচনানি||৭৫||
শীতাম্বুনা পীতবতশ্চ তস্য সিঞ্চেন্মুখং ছর্দিবিঘাতহেতোঃ|
হৃদ্যাংশ্চ মৃত্পুষ্পফলপ্রবালানম্লং চ দদ্যাদুপজিঘ্রণার্থম্||৭৬||
View original
भवतश्चात्र- त्वक्केशराम्रातकदाडिमैलासितोपलामाक्षिकमातुलुङ्गैः|
मद्यैस्तथाऽम्लैश्च मनोनुकूलैर्युक्तानि देयानि विरेचनानि||७५||
शीताम्बुना पीतवतश्च तस्य सिञ्चेन्मुखं छर्दिविघातहेतोः|
हृद्यांश्च मृत्पुष्पफलप्रवालानम्लं च दद्यादुपजिघ्रणार्थम्||७६||
সম্প্রতি দশোত্তরং যোগশতমভিধায বান্তিনিরাসার্থং কৃত্যত্রযেণ সমং বিরেচনপ্রযোগানাহ- ত্বক্কেশরেত্যাদি||৭৫-৭৬||
Adhikarana 30 (77-80) · Śloka 80
তত্র শ্লোকাঃ- একোঽম্লাদিভিরষ্টৌ চ দশ দ্বৌ সৈন্ধবাদিভিঃ|
মূত্রেঽষ্টাদশ যষ্ট্যাং দ্বৌ জীবকাদৌ চতুর্দশ||৭৭||
ক্ষীরাদৌ সপ্ত লেহেঽষ্টৌ চত্বারঃ সিতযাঽপি চ|
পানকাদিষু পঞ্চৈব ষডৃতৌ পঞ্চ মোদকাঃ||৭৮||
চত্বারশ্চ ঘৃতে ক্ষীরে দ্বৌ চূর্ণে তর্পণে তথা|
দ্বৌ মদ্যে কাঞ্জিকে দ্বৌ চ দশান্যে ষাডবাদিষু||৭৯||
শ্যামাযাস্ত্রিবৃতাযাশ্চ কল্পেঽস্মিন্ সমুদাহৃতম্|
শতং দশোত্তরং সিদ্ধং যোগানাং পরমর্ষিণা||৮০||
View original
तत्र श्लोकाः- एकोऽम्लादिभिरष्टौ च दश द्वौ सैन्धवादिभिः|
मूत्रेऽष्टादश यष्ट्यां द्वौ जीवकादौ चतुर्दश||७७||
क्षीरादौ सप्त लेहेऽष्टौ चत्वारः सितयाऽपि च|
पानकादिषु पञ्चैव षडृतौ पञ्च मोदकाः||७८||
चत्वारश्च घृते क्षीरे द्वौ चूर्णे तर्पणे तथा|
द्वौ मद्ये काञ्जिके द्वौ च दशान्ये षाडवादिषु||७९||
श्यामायास्त्रिवृतायाश्च कल्पेऽस्मिन् समुदाहृतम्|
शतं दशोत्तरं सिद्धं योगानां परमर्षिणा||८०||
একোঽম্লাদিভিরিত্যাদিসঙ্গ্রহো ব্যক্তার্থঃ| যষ্ট্যাং দ্বাবিতি ‘যষ্ট্যাহ্বং বিধিনা’ ইতি জীবকাদাবেকঃ, মধুকেত্যাদিনা চাপরঃ||৭৭-৮০||
Adhikarana puShpikA · Śloka 7
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে কল্পস্থানে শ্যামাত্রিবৃত্কল্পো নাম সপ্তমোঽধ্যাযঃ||৭||
View original
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने श्यामात्रिवृत्कल्पो नाम सप्तमोऽध्यायः||७||
ইতি শ্রীচক্রপাণিদত্তবিরচিতাযামাযুর্বেদদীপিকাযাং চরকতাত্পর্যটীকাযাং কল্পস্থানে শ্যামাত্রিবৃত্কল্পো নাম সপ্তমোঽধ্যাযঃ||৭||