Adhikarana apInasa/pInasalakShaNam (1) · Śloka 1
অথ নাসারোগনিদানম্ |
আনহ্যতে যস্য বিশুষ্যতে চ প্রক্লিদ্যতে ধূপ্যতি চাপি নাসা |
ন বেত্তি যো গন্ধরসাংশ্চ জন্তুর্জুষ্টং ব্যবস্যেদিহ পীনসেন |
তং চানিলশ্লেষ্মভবং বিকারং ব্রূযাত্ প্রতিশ্যাযসমানলিঙ্গম্ ||১||
(সু. উ. তং. অ. ২২) |
View original
अथ नासारोगनिदानम् |
आनह्यते यस्य विशुष्यते च प्रक्लिद्यते धूप्यति चापि नासा |
न वेत्ति यो गन्धरसांश्च जन्तुर्जुष्टं व्यवस्येदिह पीनसेन |
तं चानिलश्लेष्मभवं विकारं ब्रूयात् प्रतिश्यायसमानलिङ्गम् ||१||
(सु. उ. तं. अ. २२) |
ইন্দ্রিযাধিকরণবিকারাধিকারান্নাসারোগনিদানম্| তত্রাদাবপীনসমাহ– আনহ্যত ইত্যাদি| আনহ্যত ইত্যাবধ্যতে, বাতশোষিতকফেন| প্রক্লিদ্যতে আর্দ্রীভবতি| ধূপ্যতীতি সন্তাপমনুভবতি; দিবাদেরাকৃতিগণত্বাত্ ধূপ্যতীতি রূপম্| গন্ধরসানিতি গন্ধান্ সুরভ্যসুরভীন্, আবদ্ধত্বেন নাসাযাঃ; নাসারোগারম্ভকদোষেণ রসনাযা অপি দুষ্টেঃ রসান্ মধুরাদীন্ন বেত্তি| তং চানিলশ্লেষ্মভবমিতি বাতকফজম্| ননু, অন্যত্র পিত্তকফজোঽসদৃশলিঙ্গশ্চ পঠ্যতে; তদ্যথা– “মস্তুলুঙ্গোচিতঃ শ্লেষ্মা যদা পিত্তাদ্বিদহ্যতে| তদাঽসৃক্ পিচ্ছিলং নাসা বহুসিংহাণকং স্রবেত্|| সকণ্ডূদাহপাকং চ তং তু বিদ্যাদপীনসম্|” ইতি, তত্ কথং ন বিরোধঃ? নৈবং, সম্প্রাপ্তিবিশেষেণাস্য তথাভাব ইতি কার্তিকঃ| তন্ত্রান্তরপ্রত্যযাত্ পিত্তসম্বন্ধো লিঙ্গবিশেষশ্চাত্র বোদ্ধব্য ইত্যর্থঃ| গদাধরস্তু তত্সংবাদাত্ ‘অনলশ্লেষ্মভবম্’ ইতি পঠিত্বা শ্লেষ্মপিত্তজ এব ন্যায্য ইত্যাহ| প্রতিশ্যাযসমানলিঙ্গমিতি কফবাতজপ্রতিশ্যাযতুল্যলিঙ্গম্||১||
Adhikarana pUtinasyalakShaNam (2) · Śloka 2
দোষৈর্বিদগ্ধৈর্গলতালুমূলে সম্মূর্ছিতো যস্য সমীরণস্তু |
নিরেতি পূতির্মুখনাসিকাভ্যাং তং পূতিনস্যং প্রবদন্তি রোগম্ ||২||
(সু. উ. তং. অ. ২২) |
View original
दोषैर्विदग्धैर्गलतालुमूले सम्मूर्छितो यस्य समीरणस्तु |
निरेति पूतिर्मुखनासिकाभ्यां तं पूतिनस्यं प्रवदन्ति रोगम् ||२||
(सु. उ. तं. अ. २२) |
পূতিনস্যমাহ– দোষৈরিত্যাদি| দোষৈরিতি পিত্তকফরক্তৈঃ, রক্তস্যাপি দোষতুল্যরূপত্বাদ্দোষত্বম্| বিদগ্ধৈরিতি পিত্তশ্লেষ্মণোঃ সরক্তযোরূষ্মণা বিরুদ্ধলবণাম্লরসপাকেন পূতিভাবমাপন্নৈঃ| সম্মূর্ছিত ইতি উচ্ছ্রাযং নীতঃ| নিরেতীতি সমীরণ এব, অন্যস্য কর্তৃপদস্যাভাবাত্| তং পূতিনস্যমিতি নাসিকাভবো নস্যঃ, পূতির্নস্যো বাযুর্যত্র তং পূতিনস্যম্| ইহৈব বিদেহঃ– “কফপিত্তমসৃঙ্মিশ্রং সঞ্চিতং মূর্ধ্নি দেহিনাম্| বিদগ্ধমূষ্মণা গাঢং রুজাং কৃত্বাঽক্ষিশঙ্খজাম্|| ততঃ প্রস্যন্দতে ঘ্রাণাত্ সরক্তং পূতিপীতকম্| পূতিনস্যং তু তং বিদ্যাদ্ ঘ্রাণকণ্ডূজ্বরপ্রদম্||” ইতি||২||
Adhikarana nAsApAkalakShaNam (3) · Śloka 3
ঘ্রাণাশ্রিতং পিত্তমরূংষি কুর্যাদ্যস্মিন্ বিকারে বলবাংশ্চ পাকঃ |
তং নাসিকাপাকমিতি ব্যবস্যেদ্বিক্লেদকোথাবথবাঽপি যত্র ||৩||
(সু. উ. তং. অ. ২২) |
View original
घ्राणाश्रितं पित्तमरूंषि कुर्याद्यस्मिन् विकारे बलवांश्च पाकः |
तं नासिकापाकमिति व्यवस्येद्विक्लेदकोथावथवाऽपि यत्र ||३||
(सु. उ. तं. अ. २२) |
নাসাপাকমাহ– ঘ্রাণাশ্রিতমিত্যাদি| অরূংষীতি ব্রণান্| যস্মিন্ বিকার ইতি যস্যাং বিকৃতৌ সত্যাম্| ব্যবস্যেত্ জানীযাত্| বিক্লেদঃ আর্দ্রতা, কোথঃ, পূতিভাবঃ||৩||
Adhikarana pUyaraktalakShaNam (4) · Śloka 4
দোষৈর্বিদগ্ধৈরথবাঽপি জন্তোর্ললাটদেশেঽভিহতস্য তৈস্তৈঃ |
নাসা স্রবেত্ পূযমসৃগ্বিমিশ্রং তং পূযরক্তং প্রবদন্তি রোগম্ ||৪||
(সু. উ. তং. অ. ২২) |
View original
दोषैर्विदग्धैरथवाऽपि जन्तोर्ललाटदेशेऽभिहतस्य तैस्तैः |
नासा स्रवेत् पूयमसृग्विमिश्रं तं पूयरक्तं प्रवदन्ति रोगम् ||४||
(सु. उ. तं. अ. २२) |
দোষাগন্তুজং পূযরক্তমাহ– দোষৈরিত্যাদি| বিদগ্ধৈরিতি পিত্তরক্তাধিকত্বাদ্বিরুদ্ধাং পরিণতিং প্রাপ্তৈঃ, ললাটাভিঘাতেন বা পাকং প্রাপ্তৈঃ| তৈস্তরিতি প্রহারপীডনাদিভিঃ||৪||
Adhikarana doShajakShavathulakShaNam (5) · Śloka 5
ঘ্রাণাশ্রিতে মর্মণি সম্প্রদুষ্টো যস্যানিলো নাসিকযা নিরেতি |
কফানুজাতো বহুশোঽতিশব্দস্তং রোগমাহুঃ ক্ষবথুং বিধিজ্ঞাঃ ||৫||
(সু. উ. তং. অ. ২২) |
View original
घ्राणाश्रिते मर्मणि सम्प्रदुष्टो यस्यानिलो नासिकया निरेति |
कफानुजातो बहुशोऽतिशब्दस्तं रोगमाहुः क्षवथुं विधिज्ञाः ||५||
(सु. उ. तं. अ. २२) |
ক্ষবথুর্দোষাগন্তুভেদাদ্দ্বিবিধো ভবতি; তত্র দোষজং প্রাগাহ– ঘ্রাণাশ্রিত ইত্যাদি| মর্মণীতি শৃঙ্গাটকে, ‘নস্তকযোঃ’ ইতি পাঠান্তরে নাসাপুটযোঃ, ‘তদাশ্রিতঃ সন্’ ইতি শেষঃ||৫||
Adhikarana AgantujakShavathulakShaNam (6) · Śloka 6
তীক্ষ্ণোপযোগাদভিজিঘ্রতো বা ভাবান্ কটূনর্কনিরীক্ষণাদ্বা |
সূত্রাদিভির্বা তরুণাস্থিমর্মণ্যুদ্ঘাটিতেঽন্যঃ ক্ষবথুর্নিরেতি ||৬||
(সু. উ. তং. অ. ২২) |
View original
तीक्ष्णोपयोगादभिजिघ्रतो वा भावान् कटूनर्कनिरीक्षणाद्वा |
सूत्रादिभिर्वा तरुणास्थिमर्मण्युद्घाटितेऽन्यः क्षवथुर्निरेति ||६||
(सु. उ. तं. अ. २२) |
আগন্তুজমাহ– তীক্ষ্ণোপযোগাদিত্যাদি| তীক্ষ্ণোপযোগাদ্রাজিকাদিতীক্ষ্ণদ্রব্যভক্ষণাত্| ভাবান্ কটূনিতি কটূনি দ্রব্যাণি| অভিজিঘ্রতো ভৃশং জিঘ্রতঃ| অর্কনিরীক্ষণাদ্বা কফবিলযনকরাত্| তরুণাস্থিমর্মণীতি তরুণাস্থি নাসাবংশাস্থি তদেব মর্ম তস্মিন্ ফণামর্মণীত্যর্থঃ, অভিঘাতাদিনা মর্মব্যথাজনকত্বাত্; অথবা তরুণাস্থ্নি চ মর্মণি চ শৃঙ্গাটকে, দ্বন্দ্বৈকবদ্ভাবনির্দেশাত্| উদ্ঘাটিতে চালিতে| অন্য আগন্তুজঃ||৬||
Adhikarana bhraMshathulakShaNam (7) · Śloka 7
প্রভ্রশ্যতে নাসিকযা তু যস্য সান্দ্রো বিদগ্ধো লবণঃ কফস্তু |
প্রাক্সঞ্চিতো মূর্ধনি সূর্যতপ্তস্তং ভ্রংশথুং রোগমুদাহরন্তি ||৭||
(সু. উ. তং. অ. ২২) |
View original
प्रभ्रश्यते नासिकया तु यस्य सान्द्रो विदग्धो लवणः कफस्तु |
प्राक्सञ्चितो मूर्धनि सूर्यतप्तस्तं भ्रंशथुं रोगमुदाहरन्ति ||७||
(सु. उ. तं. अ. २२) |
ভ্রংশথুমাহ– প্রভ্রশ্যত ইত্যাদি| প্রভ্রশ্যতে গলতি| বিদগ্ধো লবণ ইতি স্বরূপাখ্যানং, বিদগ্ধত্বাদেব কফস্য লবণত্বসিদ্ধেঃ| প্রাক্সঞ্চিত ইত্যনেন সঞ্চযপূর্বকং কোপং দর্শযতি, হেতুভূযস্ত্বেন চযমন্তরেণাপি কোপদর্শনাত্| যদুক্তম্– “ন কেবলং চযং প্রাপ্য দোষাঃ কুপ্যন্তি দেহিনাম্| অন্যতোঽপি হি কুপ্যন্তি হেতুবাহুল্যতো বলাত্||” ইতি||৭||
Adhikarana dIptalakShaNam (8) · Śloka 8
ঘ্রাণে ভৃশং দাহসমন্বিতে তু বিনিঃসরেদ্ধূম ইবেহ বাযুঃ |
নাসা প্রদীপ্তেব চ যস্য জন্তোর্ব্যাধিং তু তং দীপ্তমুদাহরন্তি ||৮||
(সু. উ. তং. অ. ২২) |
View original
घ्राणे भृशं दाहसमन्विते तु विनिःसरेद्धूम इवेह वायुः |
नासा प्रदीप्तेव च यस्य जन्तोर्व्याधिं तु तं दीप्तमुदाहरन्ति ||८||
(सु. उ. तं. अ. २२) |
দীপ্তমাহ– ঘ্রাণে ভৃশমিত্যাদি| প্রদীপ্তেবেতি প্রজ্বলিতেব||৮||
Adhikarana pratInAhalakShaNam (9) · Śloka 9
উচ্ছ্বাসমার্গং তু কফঃ সবাতো রুন্ধ্যাত্ প্রতীনাহমুদাহরেত্তম্ |৯|
(চ. চি. অ. ২৬) |
View original
उच्छ्वासमार्गं तु कफः सवातो रुन्ध्यात् प्रतीनाहमुदाहरेत्तम् |९|
(च. चि. अ. २६) |
প্রতীনাহমাহ– উচ্ছ্বাসমার্গমিত্যাদি|৯|–
Adhikarana nAsAsrAvalakShaNam (9) · Śloka 9
ঘ্রাণাদ্ঘনঃ পীতসিতস্তনুর্বা দোষঃ স্রবেত্ স্রাবমুদাহরেত্তম্ ||৯||
(চ. চি. অ. ২৬) |
View original
घ्राणाद्घनः पीतसितस्तनुर्वा दोषः स्रवेत् स्रावमुदाहरेत्तम् ||९||
(च. चि. अ. २६) |
নাসাস্রাবমাহ– ঘ্রাণাদিত্যাদি| দোষ ইতি কফঃ||৯||
Adhikarana nAsAshoShalakShaNam (10) · Śloka 10
ঘ্রাণাশ্রিতে স্রোতসি মারুতেন গাঢং প্রতপ্তে পরিশোষিতে চ |
কৃচ্ছ্রাচ্ছ্বসেদূর্ধ্বমধশ্চ জন্তুর্যস্মিন্ স নাসাপরিশোষ উক্তঃ ||১০||
(সু. উ. তং. অ. ২২) |
View original
घ्राणाश्रिते स्रोतसि मारुतेन गाढं प्रतप्ते परिशोषिते च |
कृच्छ्राच्छ्वसेदूर्ध्वमधश्च जन्तुर्यस्मिन् स नासापरिशोष उक्तः ||१०||
(सु. उ. तं. अ. २२) |
নাসাশোষমাহ– ঘ্রাণাশ্রিতে স্রোতসীত্যাদি| অত্র চ বাযুকৃতস্রোতঃশোষণেন তদ্গতশ্লেষ্মশোষো বোদ্ধব্যঃ| প্রতপ্ত ইত্যনেন পিত্তমপি গম্যতে, প্রতপনস্য পিত্তমন্তরেণাসম্ভবাত্| তথাচ কশ্চিত্ পঠতি– “ঘ্রাণাশ্রিতে শ্লেষ্মণি মারুতেন পিত্তেন গাঢং পরিশোষিতে চ||” ইতি| প্রতপ্ত ইত্যস্য স্থানে ‘প্রদীপ্তে’ ইতি পাঠান্তরে স এবার্থঃ| কৃচ্ছ্রাচ্ছ্বসেদূর্ধ্বমধশ্চ যস্মিন্নিতি কষ্টেনোচ্ছ্বাসনিঃশ্বাসৌ করোতি যত্রেত্যর্থঃ||১০||
Adhikarana pInasasyAmapakvalakShaNam (11-12) · Śloka 12
শিরোগুরুত্বমরুচির্নাসাস্রাবস্তনুঃ স্বরঃ |
ক্ষামঃ ষ্ঠীবত্যথাভীক্ষ্ণমামপীনসলক্ষণম্ ||১১||
আমলিঙ্গান্বিতঃ শ্লেষ্মা ঘনঃ খেষু নিমজ্জতি |
স্বরবর্ণবিশুদ্ধিশ্চ পরিপক্বস্য লক্ষণম্ ||১২||
View original
शिरोगुरुत्वमरुचिर्नासास्रावस्तनुः स्वरः |
क्षामः ष्ठीवत्यथाभीक्ष्णमामपीनसलक्षणम् ||११||
आमलिङ्गान्वितः श्लेष्मा घनः खेषु निमज्जति |
स्वरवर्णविशुद्धिश्च परिपक्वस्य लक्षणम् ||१२||
চিকিত্সাভেদার্থং পীনসস্যামপক্বলক্ষণমাহ– শিরোগুরুত্বমিত্যাদি| তনুরঘনঃ| স্বরঃ ক্ষাম ইতি অবিস্পষ্টং বচনম্| ষ্ঠীবত্যথাভীক্ষ্ণমিতি মুহুর্মুহুর্নাসিকযা শ্লেষ্মাণং নিরস্যতীত্যর্থঃ| আমরসান্বিতেন দোষেণ শিরোগুরুত্বাদযঃ| “আমলিঙ্গান্বিতঃ শ্লেষ্মা ঘনঃ খেষু নিমজ্জতি” ইত্যাদি পক্বলক্ষণম্| আমলিঙ্গৈঃ শিরোগুরুত্বাদিভিরন্বিতঃ শ্লেষ্মা নিমজ্জতীতি লীনো ভবতি| অযমর্থঃ– শ্লেষ্মা তাবল্লীনো ভবতি, আমলিঙ্গান্যপি লীনানি ভবন্তি, তথাচ ‘তনুত্বমামলিঙ্গানাম্’ ইতি সুশ্রুতঃ| ‘ন সজ্জতি’ ইতি পাঠান্তরে ন সক্তো ভবতি, ন তিষ্ঠতীতি যাবত্; তদাঽঽমলিঙ্গান্বিতঃ স্তোকেনামলিঙ্গেনান্বিতঃ| ঘনঃ স্ত্যানঃ| খেষু নাসারন্ধ্রেষু, ‘স্থিতঃ’ ইতি শেষঃ; ব্যক্ত্যপেক্ষযা বহুবচনম্| স্বরবিশুদ্ধিঃ স্বরভেদাভাবঃ, বর্ণবিশুদ্ধিঃ প্রকৃতিসবর্ণতা||১১-১২||
Adhikarana pratishyAyasya nidAnapUrvikA samprAptiH (13-14) · Śloka 14
সন্ধারণাজীর্ণরজোতিভাষ্যক্রোধর্তুবৈষম্যশিরোভিতাপৈঃ |
প্রজাগরাতিস্বপনাম্বুশীতৈরবশ্যযা মৈথুনবাষ্পধূমৈঃ |
সংস্ত্যানদোষে শিরসি প্রবৃদ্ধো বাযুঃ প্রতিশ্যাযমুদীরযেত্তু ||১৩||
(চ. চি. অ. ২৬) |
চযং গতা মূর্ধনি মারুতাদযঃ পৃথক্ সমস্তাশ্চ তথৈব শোণিতম্ |
প্রকুপ্যমাণা বিবিধৈঃ প্রকোপণৈস্ততঃ প্রতিশ্যাযকরা ভবন্তি হি ||১৪||
(সু. উ. তং. অ. ২৪) |
View original
सन्धारणाजीर्णरजोतिभाष्यक्रोधर्तुवैषम्यशिरोभितापैः |
प्रजागरातिस्वपनाम्बुशीतैरवश्यया मैथुनबाष्पधूमैः |
संस्त्यानदोषे शिरसि प्रवृद्धो वायुः प्रतिश्यायमुदीरयेत्तु ||१३||
(च. चि. अ. २६) |
चयं गता मूर्धनि मारुतादयः पृथक् समस्ताश्च तथैव शोणितम् |
प्रकुप्यमाणा विविधैः प्रकोपणैस्ततः प्रतिश्यायकरा भवन्ति हि ||१४||
(सु. उ. तं. अ. २४) |
প্রতিশ্যাযঃ পঞ্চবিধো ভবতি, বাতপিত্তকফসন্নিপাতরক্তজভেদাত্; তস্য নিদানং দ্বিবিধম্– একং সদ্যোজনকং, তচ্চ বলবত্ত্বেন চযং নাপেক্ষত এব; অপরং চযাদিক্রমেণ জনকং, চযাদিক্রমোত্পন্নশ্চ দোষো গরীযান্ সকলশরীরসম্ভাবনযা বদ্ধমূলত্বাত্| তত্র সদ্যোজনকনিদানপূর্বিকাং তস্য সম্প্রাপ্তিমাহ– সন্ধারণেত্যাদি| সন্ধারণং পুরীষাদিবেগধারণং, রজো ধূলিঃ, শিরোভিতাপঃ শিরোঽভিতপ্যতে যেন স শিরোভিতাপো ধূমাদিঃ; রজোধূমাদযশ্চ নাসাপ্রবিষ্টাঃ সন্তো হেতবঃ| অতিস্বপনং দিবাস্বপনমিত্যর্থঃ| অবশ্যযা তুষারেণ| সংস্ত্যানদোষে শিরসীতি ঘনীভূতশ্লেষ্মণি শিরসি| সুশ্রুতেনাপি সদ্যোজনকং নিদানং পঠিতং; তদ্যথা– “নারীপ্রসঙ্গঃ শিরসোঽভিতাপো ধূমো রজঃ শীতমতিপ্রতাপঃ| সন্ধারণং মূত্রপুরীষযোশ্চ সদ্যঃ প্রতিশ্যাযনিদানমুক্তম্||” (সু. উ. তং. অ. ২৪) ইতি| চযাদিক্রমেণ জনকমপি দোষং দর্শযন্নাহ– চযং গতা ইত্যাদি| চযং গতা ইতি সামর্থ্যাত্ স্বে স্বে স্থানে, “স্বস্থানবৃদ্ধির্দোষাণাং চয ইত্যভিধীযতে|” ইতি বচনাত্| তথৈব শোণিতমিতি চযং গতম্| ননু, যদি স্বস্থানস্থিতা দোষাঃ তত্ কথং মূর্ধ্নি প্রতিশ্যাযসম্ভবঃ? ইত্যাহ– প্রকুপ্যমাণা বিবিধৈঃ প্রকোপণৈরিতি| বিবিধৈরিতি বলবদ্বিগ্রহদিবাস্বপ্নাদিভিঃ| প্রকোপবিশেষশ্চ প্রসরঃ| যদুক্তম্– “প্রকুপিতানাং পর্যুষিতকিণ্বোদকপিষ্টসমবায ইবোদ্রিক্তানাং প্রসরো ভবতি|” (সু. সূ. অ. ২১) ইতি| অত এব, “চযপ্রকোপপ্রশমাঃ পিত্তাদীনাং যথাক্রমম্|” ইত্যত্র প্রকোপমাত্রমুপাত্তম্| এতেন প্রসরেণ শিরঃসম্প্রাপ্তা দোষাঃ প্রতিশ্যাযকরাঃ| অন্যে তু চযং গতা মূর্ধনীতি যথাস্থিতমেব যোজযন্তি, উদানবাযোরূর্ধ্বগতিত্বাচ্ছিরস্যপি সম্ভবাত্, ত্বক্সিরাশ্রিতত্বাত্ পিত্তাসৃজোঃ কফস্য চ নিসর্গতঃ শিরোবস্থিতেঃ শিরসি চয ইতি| তত ইতি প্রকোপবিশেষাত্ প্রসরাদনন্তরম্| প্রতিশ্যায ইতি বাতং প্রতি অভিমুখং শ্যাযো গমনং কফাদীনাং যত্র স প্রতিশ্যাযঃ| ‘শৈঙ্’ গতৌ, ইত্যস্য প্রযোগঃ| তথাচ চরকঃ– “ঘ্রাণমূলে স্থিতঃ শ্লেষ্মা রুধিরং পিত্তমেব বা| মারুতাধ্মাতশিরসঃ শ্যাযতে মারুতং প্রতি||” (চ. চি. অ. ৮)||১৩-১৪||
Adhikarana pratishyAyapUrvarUpam (15) · Śloka 15
ক্ষবপ্রবৃত্তিঃ শিরসোঽতিপূর্ণতা স্তম্ভোঽঙ্গমর্দঃ পরিহৃষ্টরোমতা |
উপদ্রবাশ্চাপ্যপরে পৃথগ্বিধা নৃণাং প্রতিশ্যাযপুরঃসরাঃ স্মৃতাঃ ||১৫||
(সু. উ. তং. অ. ২৪) |
View original
क्षवप्रवृत्तिः शिरसोऽतिपूर्णता स्तम्भोऽङ्गमर्दः परिहृष्टरोमता |
उपद्रवाश्चाप्यपरे पृथग्विधा नृणां प्रतिश्यायपुरःसराः स्मृताः ||१५||
(सु. उ. तं. अ. २४) |
তস্য পূর্বরূপমাহ– ক্ষবপ্রবৃত্তিরিত্যাদি| উপদ্রবাশ্চাপ্যপরে ইতি উপদ্রবাস্তত্কালভাবিনো রোগাঃ, নতু পারিভাষিকাঃ পশ্চাত্কালভাবিনঃ; তে চ ঘ্রাণধূমাযনমন্থাদযঃ| যদাহ বিদেহঃ– “পূর্বরূপাণি দৃশ্যন্তে প্রতিশ্যাযে ভবিষ্যতি| ঘ্রাণধূমাযনং মন্থঃ ক্ষবথুস্তালুদারণম্|| কণ্ঠধ্বংসো মুখস্রাবঃ শিরসঃ পূরণং তথা|” ইতি| পুরঃসরা ইতি পূর্বরূপাণি||১৫||
Adhikarana vAtaja-pittaja-kaphajapratishyAyalakShaNam (16-19) · Śloka 19
আনদ্ধা পিহিতা নাসা তনুস্রাবপ্রসেকিনী |
গলতাল্বোষ্ঠশোষশ্চ নিস্তোদঃ শঙ্খযোস্তথা ||১৬||
(সু. উ. তং. অ. ২৪) |
ক্ষবপ্রবৃত্তিরত্যর্থং বক্ত্রবৈরস্যমেব চ |
ভবেত্ স্বরোপঘাতশ্চ প্রতিশ্যাযেঽনিলাত্মকে ||১৭||
উষ্ণঃ সপীতকঃ স্রাবো ঘ্রাণাত্ স্রবতি পৈত্তিকে |
কৃশোঽতিপাণ্ডুঃ সন্তপ্তো ভবেদুষ্ণাভিপীডিতঃ ||১৮||
সধূমমগ্নিং সহসা বমতীব স মানবঃ |
ঘ্রাণাত্ কফঃ কফকৃতে শীতঃ পাণ্ডুঃ স্রবেদ্বহুঃ |
শুক্লাবভাসঃ শুক্লাক্ষো ভবেদ্গুরুশিরা নরঃ ||১৯||
কণ্ঠতাল্বোষ্ঠশিরসাং কণ্ডূভিরভিপীডিতঃ |
(সু. উ. তং. অ. ২৪) |
View original
आनद्धा पिहिता नासा तनुस्रावप्रसेकिनी |
गलताल्वोष्ठशोषश्च निस्तोदः शङ्खयोस्तथा ||१६||
(सु. उ. तं. अ. २४) |
क्षवप्रवृत्तिरत्यर्थं वक्त्रवैरस्यमेव च |
भवेत् स्वरोपघातश्च प्रतिश्यायेऽनिलात्मके ||१७||
उष्णः सपीतकः स्रावो घ्राणात् स्रवति पैत्तिके |
कृशोऽतिपाण्डुः सन्तप्तो भवेदुष्णाभिपीडितः ||१८||
सधूममग्निं सहसा वमतीव स मानवः |
घ्राणात् कफः कफकृते शीतः पाण्डुः स्रवेद्बहुः |
शुक्लावभासः शुक्लाक्षो भवेद्गुरुशिरा नरः ||१९||
कण्ठताल्वोष्ठशिरसां कण्डूभिरभिपीडितः |
(सु. उ. तं. अ. २४) |
বাতাদিপ্রতিশ্যাযলিঙ্গান্যাহ– আনদ্ধেত্যাদি| আনদ্ধা বিবদ্ধা| পিহিতা সপিধানেব| নিস্তোদঃ সূচিব্যধনবদ্ব্যথা| শঙ্খযোরিতি ভ্রূপুচ্ছান্তযোঃ| সপীতক ইতি ঈষত্ পীতঃ| পিত্তপ্রতিশ্যাযবান্ মানবঃ কৃশো ভবতি| অতিপাণ্ডুর্ধূসরঃ| উষ্ণাভিপীডিত ইতি উষ্ণগুণেনাভিপীডিত ইত্যর্থঃ||১৬-১৯||–
Adhikarana sannipAtajapratishyAyalakShaNam (20) · Śloka 20
ভূত্বা ভূত্বা প্রতিশ্যাযো যস্যাকস্মান্নিবর্ততে ||২০||
সম্পক্বো বাঽপ্যপক্বো বা স সর্বপ্রভবঃ স্মৃতঃ |
(সু. উ. তং. অ. ২৪) |
View original
भूत्वा भूत्वा प्रतिश्यायो यस्याकस्मान्निवर्तते ||२०||
सम्पक्वो वाऽप्यपक्वो वा स सर्वप्रभवः स्मृतः |
(सु. उ. तं. अ. २४) |
সন্নিপাতজমাহ– ভূত্বেত্যাদি| ভূত্বা ভূত্বা ইতি বীপ্সযা পুনঃ পুনঃ সম্ভবং দর্শযতি| অন্যতমদোষস্য কালাদিনাঽনবধারিতেন বলহানের্নিবৃত্তিঃ, অকস্মাত্ প্রবৃত্তিরপি অসম্যঙ্নিবৃত্তদোষস্য কালাদিনা বললাভাত্| অত্র যদ্যপি দোষত্রযলিঙ্গানি নোক্তানি, তথাঽপি সর্বপ্রভবত্বাত্ প্রত্যেতব্যানি| অসাধ্যশ্চাযং দুষ্টতাং গতঃ সন্, “নৃণাং দুষ্টপ্রতিশ্যাযস্ত্বসাধ্যঃ সর্বজঃ স্মৃতঃ|” ইতি বিদেহবচনাত্||২০||–
Adhikarana duShTapratishyAyalakShaNam (21-22) · Śloka 22
প্রক্লিদ্যতে পুনর্নাসা পুনশ্চ পরিশুষ্যতি ||২১||
পুনরানহ্যতে বাঽপি পুনর্বিব্রিযতে তথা |
নিঃশ্বাসো বাঽতিদুর্গন্ধো নরো গন্ধান্ ন বেত্তি চ ||২২||
এবং দুষ্টপ্রতিশ্যাযং জানীযাত্ কৃচ্ছ্রসাধনম্ |
(সু. উ. তং. অ. ২৪) |
View original
प्रक्लिद्यते पुनर्नासा पुनश्च परिशुष्यति ||२१||
पुनरानह्यते वाऽपि पुनर्विव्रियते तथा |
निःश्वासो वाऽतिदुर्गन्धो नरो गन्धान् न वेत्ति च ||२२||
एवं दुष्टप्रतिश्यायं जानीयात् कृच्छ्रसाधनम् |
(सु. उ. तं. अ. २४) |
একদোষস্যাপি দুরুপচারাদ্দোষদ্বযানুবন্ধেন দুষ্টতাং গতস্য দোষত্রযসম্বন্ধসাম্যেন সন্নিপাতজানন্তরং লিঙ্গমাহ– প্রক্লিদ্যতে পুনর্নাসেত্যাদি| আনহ্যত ইতি বিবধ্যতে| বিব্রিযত ইতি বিগতাবরণা ভবতীত্যর্থঃ| ক্লেদশোষপিধানবিবরণানি নৈককালং ভিন্নদোষজানি বোদ্ধব্যানি, তেন বিরোধো নোদ্ভাবনীযঃ| এবমিতি ইত্থম্ভূতলিঙ্গং দুষ্টপ্রতিশ্যাযং পরস্পরবিরুদ্ধোপক্রমদোষসম্বন্ধাত্ কৃচ্ছ্রসাধ্যং জানীযাত্| অযং চ পঞ্চানামেবাবস্থান্তরতযা অনন্যত্বান্ন ষষ্ঠঃ| ননু, অবস্থান্তরত্বেঽপি অভিষ্যন্দাদধিমন্থ ইব ভিন্নো ভবিষ্যতি? ন, তদ্বদ্বাতাদিজত্বেনানির্দেশাত্||২১-২২||
Adhikarana raktajapratishyAyalakShaNam (23-24) · Śloka 24
রক্তজে তু প্রতিশ্যাযে রক্তস্রাবঃ প্রবর্ততে ||২৩||
তাম্রাক্ষশ্চ ভবেজ্জন্তুরুরোঘাতপ্রপীডিতঃ |
দুর্গন্ধোচ্ছ্বাসবদনো গন্ধানপি ন বেত্তি সঃ ||২৪||
(সু. উ. তং. অ. ২৪) |
View original
रक्तजे तु प्रतिश्याये रक्तस्रावः प्रवर्तते ||२३||
ताम्राक्षश्च भवेज्जन्तुरुरोघातप्रपीडितः |
दुर्गन्धोच्छ्वासवदनो गन्धानपि न वेत्ति सः ||२४||
(सु. उ. तं. अ. २४) |
রক্তজলিঙ্গমাহ– রক্তজ ইত্যাদি| উরোঘাতপ্রপীডিত ইতি উরোঘাতস্তন্ত্রান্তরপঠিতলক্ষণঃ, তেন প্রকর্ষেণ পীডিতঃ| তদ্যথা– “উরঃক্ষতমুরঃস্তম্ভঃ পূতিকর্ণকফোরসঃ| সকাসঃ সজ্বরো জ্ঞেয উরোঘাতঃ সপীনসঃ||” ইতি| অত্র পিত্তপ্রতিশ্যাযলিঙ্গান্যপি বোদ্ধব্যানি, তুল্যত্বাত্ পিত্তরক্তযোঃ| তথা চ ক্বচিত্ পঠ্যতে– “পিত্তপ্রতিশ্যাযকৃতৈর্লিঙ্গৈশ্চাপি সমন্বিতঃ|” ইতি||২৩-২৪||
Adhikarana pratishyAyasyAsAdhyalakShaNam (25-26) · Śloka 26
সর্ব এব প্রতিশ্যাযা নরস্যাপ্রতিকারিণঃ |
দুষ্টতাং যান্তি কালেন তদাঽসাধ্যা ভবন্তি হি ||২৫||
মূর্ছন্তি চাত্র ক্রিমযঃ শ্বেতাঃ স্নিগ্ধাস্তথাঽণবঃ |
ক্রিমিতো যঃ শিরোরোগস্তুল্যং তেনাস্য লক্ষণম্ ||২৬||
(সু. উ. তং. অ. ২৪) |
View original
सर्व एव प्रतिश्याया नरस्याप्रतिकारिणः |
दुष्टतां यान्ति कालेन तदाऽसाध्या भवन्ति हि ||२५||
मूर्छन्ति चात्र क्रिमयः श्वेताः स्निग्धास्तथाऽणवः |
क्रिमितो यः शिरोरोगस्तुल्यं तेनास्य लक्षणम् ||२६||
(सु. उ. तं. अ. २४) |
অপ্রতিক্রিযযা কালান্তরেণ সর্ব এব দুষ্টপ্রতিশ্যাযা ভবন্তি, তে চাসাধ্যা ইত্যাহ– সর্ব এবেত্যাদি| মূর্ছন্তি চাত্র ক্রিময ইতি অত্রেতি এষু, বহুবচনান্তাত্ত্রল্প্রত্যযবিধিঃ; অন্যে তু প্রত্যাসন্নত্বাত্ রক্তজ এব ক্রিমিমূর্ছনং বদন্তি| শ্বেতা ইতি কফাধিকত্বাত্ প্রতিশ্যাযস্য সর্বত্র কফজা এব শ্বেতক্রিমযো ভবন্তি| ‘ক্রিমিতো যঃ শিরোরোগস্তুল্যং তেনাস্য লক্ষণম্’ ইতি ক্রিমিজশিরোরোগেণেহ তুল্যং লিঙ্গং, তচ্চ “নিস্তুদ্যতে যস্য শিরোঽতিমাত্রম্” ইত্যাদিনা বক্ষ্যমাণম্||২৫-২৬||
Adhikarana pravRuddhapratishyAyajanyA vikArAH (27) · Śloka 27
বাধির্যমান্ধ্যমঘ্রত্বং ঘোরাংশ্চ নযনামযান্ |
শোথাগ্নিসাদকাসাংশ্চ বৃদ্ধাঃ কুর্বন্তি পীনসাঃ ||২৭||
(সু. উ. তং. অ. ২৪) |
View original
बाधिर्यमान्ध्यमघ्रत्वं घोरांश्च नयनामयान् |
शोथाग्निसादकासांश्च वृद्धाः कुर्वन्ति पीनसाः ||२७||
(सु. उ. तं. अ. २४) |
অতঃ পরমপরান্ বিকারান্ প্রবৃদ্ধাঃ প্রতিশ্যাযাঃ কুর্বন্তি, তানাহ– বাধির্যমিত্যাদি| ঘোরান্নযনামযানিত্যভিধানাদেবান্ধ্যে লব্ধে বিশেষেণ তত্করত্বপ্রতিপাদনার্থমান্ধ্যগ্রহণম্| অঘ্রত্বমিতি ন জিঘ্রতীত্যঘ্রস্তস্য ভাবোঽঘ্রত্বম্| ‘ঘ্রা’ গন্ধোপাদানে, ইত্যস্মাত্ ‘সুপি স্থঃ’ ইত্যত্র যোগবিভাগাত্ কপ্রত্যযঃ||২৭||
Adhikarana nAsAgatArbuda-shothArsho-raktapittAnAM bhedAni (28) · Śloka 28
অর্বুদং সপ্তধা শোথাশ্চত্বারোঽর্শশ্চতুর্বিধম্ |
চতুর্বিধং রক্তপিত্তমুক্তং ঘ্রাণেঽপি তদ্বিদুঃ ||২৮||
View original
अर्बुदं सप्तधा शोथाश्चत्वारोऽर्शश्चतुर्विधम् |
चतुर्विधं रक्तपित्तमुक्तं घ्राणेऽपि तद्विदुः ||२८||
সুশ্রুতে নাসারোগা একত্রিংশদুক্তাঃ, অত্রাপ্যপীনসমারভ্য প্রতিশ্যাযপর্যন্তেন পঞ্চদশোক্তাঃ, শেষসঙ্খ্যাপূরণায অপরান্ ষোডশ নাসারোগানাহ– অর্বুদং সপ্তধেত্যাদি| একৈকদোষরক্তমাংসমেদঃসম্ভবত্বেন ষডর্বুদানি, শালাক্যসিদ্ধান্তেন সন্নিপাতজমধিকম্, এবং সপ্ত| তথাচ বিদেহঃ– “সর্বলিঙ্গং রুজাযুক্তমর্বুদং বিদ্ধি সর্বজম্|” ইতি| শোথাশ্চত্বারো বাতপিত্তকফসন্নিপাতজভেদাত্, এবমর্শোঽপি চতুর্বিধং, রক্তপিত্তং চতুর্বিধমপি তচ্চ রক্তপিত্তত্বসামান্যাদেকত্বেন গণনীযং, তেন ন সঙ্খ্যাতিরেকঃ| অর্বুদাদীনাং তত্র তত্রোক্তানামত্রাভিধানং শালাক্যোক্তসঙ্খ্যাপূরণার্থমাশ্রযপ্রভাবেণাতিরিক্তলিঙ্গাদিখ্যাপনার্থং চ||২৮||
Adhikarana puShpikA · Śloka 58
ইতি শ্রীমাধবকরবিরচিতে মাধবনিদানে নাসারোগনিদানং সমাপ্তম্ ||৫৮||
View original
इति श्रीमाधवकरविरचिते माधवनिदाने नासारोगनिदानं समाप्तम् ||५८||
ইতি শ্রীকণ্ঠদত্তকৃতাযাং মধুকোশব্যাখ্যাযাং নাসারোগনিদানং সমাপ্তম্||৫৮||