Adhikarana 1 (1-2) · Śloka 2
অথাতো রেবতীপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो रेवतीप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
শকুনীপ্রতিষেধানন্তরং রেবত্যামপি মুখপাকবচনাত্ সব্রণত্বেনৈকধর্মত্বাচ্চ রেবতীপ্রতিষেধাধ্যাযো যুজ্যত ইত্যাহ- অথাত ইত্যাদি||১-২||
Adhikarana 2 (3) · Śloka 3
অশ্বগন্ধা চ শৃঙ্গী চ সারিবা সপুনর্নবা | সহে তথা বিদারী চ কষাযাঃ সেচনে হিতাঃ ||৩||
अश्वगन्धा च शृङ्गी च सारिवा सपुनर्नवा | सहे तथा विदारी च कषायाः सेचने हिताः ||३||
🔊 Audio coming soon
অশ্বগন্ধেত্যাদি| অজশৃঙ্গী কর্কটশৃঙ্গী, উত্তমারণীত্যন্যে| সহে মুদ্গমাষপর্ণ্যৌ| সেচনে হিতাঃ প্রত্যেকং সমুদিতাশ্চ||৩||
Adhikarana 3 (4) · Śloka 4
তৈলমভ্যঞ্জনে কার্যং কুষ্ঠে সর্জরসেঽপি চ | পলঙ্কষাযাং নলদে তথা গিরিকদম্বকে ||৪||
तैलमभ्यञ्जने कार्यं कुष्ठे सर्जरसेऽपि च | पलङ्कषायां नलदे तथा गिरिकदम्बके ||४||
🔊 Audio coming soon
তৈলমিত্যাদি| সর্জরসো রালঃ, পলঙ্কষা গুগ্গুলুঃ, নলদং জটামাংসী, গিরিঃ গিরিকর্ণিকা; অন্যে গিরিকদম্বো মহাকদম্বঃ স্বনামখ্যাতঃ; এতৈঃ কুষ্ঠাদিভিঃ কল্কীকৃতৈস্তৈলং কার্যম্||৪||
Adhikarana 4 (5) · Śloka 5
ধবাশ্বকর্ণককুভধাতকীতিন্দুকীষু চ | কাকোল্যাদিগণে চৈব পানীযং সর্পিরিষ্যতে ||৫||
धवाश्वकर्णककुभधातकीतिन्दुकीषु च | काकोल्यादिगणे चैव पानीयं सर्पिरिष्यते ||५||
🔊 Audio coming soon
ধবেত্যাদি| অশ্বকর্ণো গর্দভাণ্ডঃ, ককুভঃ অর্জুনঃ| তত্র ধবাদিকষাযে কাকোল্যাদিকল্কে চ পানীযং সর্পিঃ পাতব্যং ঘৃতমিষ্যতে| অন্যে তু কাকোল্যাদিগণেনৈব পানীযং ঘৃতমিচ্ছন্তি, ধবাশ্বকর্ণাদীনি পশ্চাত্তৈলে সম্বন্ধন্তি||৫||
Adhikarana 5 (6-8) · Śloka 9
কুলত্থাঃ শঙ্খচূর্ণং চ প্রদেহঃ সার্বগন্ধিকঃ | গৃধ্রোলূকপুরীষাণি যবা যবফলো ঘৃতম্ ||৬|| সন্ধ্যযোরুভযোঃ কার্যমেতদুদ্ধূপনং শিশোঃ | বরুণারিষ্টকমযং রুচকং সৈন্দুকং তথা ||৭|| সততং ধারযেচ্চাপি কৃতং বা পৌত্রজীবিকম্ | শুক্লাঃ সুমনসো লাজাঃ পযঃ শাল্যোদনং তথা ||৮|| বলির্নিবেদ্যো গোতীর্থে রেবত্যৈ প্রযতাত্মনা |৯|
कुलत्थाः शङ्खचूर्णं च प्रदेहः सार्वगन्धिकः | गृध्रोलूकपुरीषाणि यवा यवफलो घृतम् ||६|| सन्ध्ययोरुभयोः कार्यमेतदुद्धूपनं शिशोः | वरुणारिष्टकमयं रुचकं सैन्दुकं तथा ||७|| सततं धारयेच्चापि कृतं वा पौत्रजीविकम् | शुक्लाः सुमनसो लाजाः पयः शाल्योदनं तथा ||८|| बलिर्निवेद्यो गोतीर्थे रेवत्यै प्रयतात्मना |९|
🔊 Audio coming soon
কুলত্থা ইত্যাদি| শঙ্খচূর্ণং সুদগ্ধশঙ্খচূর্ণম্| সর্বগন্ধা এলাদিকাঃ, তৈঃ কৃতো লেপঃ সার্বগন্ধিকঃ| গৃধ্রেত্যাদি| যবাঃ প্রসিদ্ধাঃ, যবফলো বংশঃ, অন্যে যবফলা দুগ্ধিকেত্যাহুঃ| বরুণারিষ্টকমযং বরুণনিম্বকাষ্ঠঘটিতং, রুচকং গ্রীবাভরণং মণিকসঞ্জ্ঞং ধারযেত্| ব্রহ্মদেবস্ত্বরিষ্টং ফেনিলমাহ| সৈন্দুকমিতি সিন্দুকো নির্গুণ্ডী, তত্কাষ্ঠকৃতং রুচকং; তত্ফলকৃতমিত্যন্যে| পুত্রঞ্জীবো মধ্যবর্তুলতীক্ষ্ণাগ্রফলো জম্বীরপত্রো বৃক্ষস্তত্কাষ্ঠকৃতং রুচকং, তত্ফলকৃতমিত্যন্যে| কেচিদত্রারগ্বধং পঠন্তি| শুক্লেত্যাদি শুক্লাঃ সুমনসঃ শ্বেতকুসুমানি| নিবেদ্যো দাতব্যঃ| গোতীর্থে সলিলগোপথে| প্রযতাত্মনা উপবাসাদিপবিত্রেণ| তদুক্তং,- “সোপবাসঃ শুচির্নক্তং সশস্ত্রো নির্হরেদ্বলিম্” ইতি||৬-৮||-
Adhikarana 6 (9-11) · Śloka 11
সঙ্গমে চ ভিষক্ স্নানং কুর্যাদ্ধাত্রীকুমারযোঃ ||৯|| নানাবস্ত্রধরা দেবী চিত্রমাল্যানুলেপনা | চলত্কুণ্ডলিনী শ্যামা রেবতী তে প্রসীদতু ||১০|| উপাসতে যাং সততং দেব্যো বিবিধভূষণাঃ | লম্বা করালা বিনতা তথৈব বহুপুত্রিকা | রেবতী শুষ্কনামা যা সা তে দেবী প্রসীদতু ||১১||
सङ्गमे च भिषक् स्नानं कुर्याद्धात्रीकुमारयोः ||९|| नानावस्त्रधरा देवी चित्रमाल्यानुलेपना | चलत्कुण्डलिनी श्यामा रेवती ते प्रसीदतु ||१०|| उपासते यां सततं देव्यो विविधभूषणाः | लम्बा कराला विनता तथैव बहुपुत्रिका | रेवती शुष्कनामा या सा ते देवी प्रसीदतु ||११||
🔊 Audio coming soon
সঙ্গম ইত্যাদি| সঙ্গমে নদীদ্বযমেলকে| রক্ষামন্ত্রমাহ- নানেত্যাদি| অপরা দেব্যো বিবিধভূষণা যাং রেবতীমুপাসতে সেবন্তে সা দেবী ভো বালক তে তব প্রসাদং করোতু লোকে প্রসাদকরা ভবতু| রেবতী শুষ্কনামা শুষ্করেবতীত্যর্থঃ||৯-১১||
Adhikarana puShpikA · Śloka 31
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে রেবতীপ্রতিষেধো নাম (পঞ্চমোঽধ্যাযঃ, আদিতঃ) একত্রিংশোঽধ্যাযঃ ||৩১||
इति सुश्रुतसंहितायामुत्तरतन्त्रान्तर्गते कुमारतन्त्रे रेवतीप्रतिषेधो नाम (पञ्चमोऽध्यायः, आदितः) एकत्रिंशोऽध्यायः ||३१||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে রেবতীপ্রতিষেধো নামৈকত্রিংশত্তমোঽধ্যাযঃ||৩১||