Adhikarana 1 (1-2) · Śloka 2
athātō rēvatīpratiṣēdhaṁ vyākhyāsyāmaḥ ||1|| yathōvāca bhagavān dhanvantariḥ ||2||
अथातो रेवतीप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
śakunīpratiṣēdhānantaraṁ rēvatyāmapi mukhapākavacanāt savraṇatvēnaikadharmatvācca rēvatīpratiṣēdhādhyāyō yujyata ityāha- athāta ityādi||1-2||
Adhikarana 2 (3) · Śloka 3
aśvagandhā ca śr̥ṅgī ca sārivā sapunarnavā | sahē tathā vidārī ca kaṣāyāḥ sēcanē hitāḥ ||3||
अश्वगन्धा च शृङ्गी च सारिवा सपुनर्नवा | सहे तथा विदारी च कषायाः सेचने हिताः ||३||
🔊 Audio coming soon
aśvagandhētyādi| ajaśr̥ṅgī karkaṭaśr̥ṅgī, uttamāraṇītyanyē| sahē mudgamāṣaparṇyau| sēcanē hitāḥ pratyēkaṁ samuditāśca||3||
Adhikarana 3 (4) · Śloka 4
tailamabhyañjanē kāryaṁ kuṣṭhē sarjarasē'pi ca | palaṅkaṣāyāṁ naladē tathā girikadambakē ||4||
तैलमभ्यञ्जने कार्यं कुष्ठे सर्जरसेऽपि च | पलङ्कषायां नलदे तथा गिरिकदम्बके ||४||
🔊 Audio coming soon
tailamityādi| sarjarasō rālaḥ, palaṅkaṣā gugguluḥ, naladaṁ jaṭāmāṁsī, giriḥ girikarṇikā; anyē girikadambō mahākadambaḥ svanāmakhyātaḥ; ētaiḥ kuṣṭhādibhiḥ kalkīkr̥taistailaṁ kāryam||4||
Adhikarana 4 (5) · Śloka 5
dhavāśvakarṇakakubhadhātakītindukīṣu ca | kākōlyādigaṇē caiva pānīyaṁ sarpiriṣyatē ||5||
धवाश्वकर्णककुभधातकीतिन्दुकीषु च | काकोल्यादिगणे चैव पानीयं सर्पिरिष्यते ||५||
🔊 Audio coming soon
dhavētyādi| aśvakarṇō gardabhāṇḍaḥ, kakubhaḥ arjunaḥ| tatra dhavādikaṣāyē kākōlyādikalkē ca pānīyaṁ sarpiḥ pātavyaṁ ghr̥tamiṣyatē| anyē tu kākōlyādigaṇēnaiva pānīyaṁ ghr̥tamicchanti, dhavāśvakarṇādīni paścāttailē sambandhanti||5||
Adhikarana 5 (6-8) · Śloka 9
kulatthāḥ śaṅkhacūrṇaṁ ca pradēhaḥ sārvagandhikaḥ | gr̥dhrōlūkapurīṣāṇi yavā yavaphalō ghr̥tam ||6|| sandhyayōrubhayōḥ kāryamētaduddhūpanaṁ śiśōḥ | varuṇāriṣṭakamayaṁ rucakaṁ saindukaṁ tathā ||7|| satataṁ dhārayēccāpi kr̥taṁ vā pautrajīvikam | śuklāḥ sumanasō lājāḥ payaḥ śālyōdanaṁ tathā ||8|| balirnivēdyō gōtīrthē rēvatyai prayatātmanā |9|
कुलत्थाः शङ्खचूर्णं च प्रदेहः सार्वगन्धिकः | गृध्रोलूकपुरीषाणि यवा यवफलो घृतम् ||६|| सन्ध्ययोरुभयोः कार्यमेतदुद्धूपनं शिशोः | वरुणारिष्टकमयं रुचकं सैन्दुकं तथा ||७|| सततं धारयेच्चापि कृतं वा पौत्रजीविकम् | शुक्लाः सुमनसो लाजाः पयः शाल्योदनं तथा ||८|| बलिर्निवेद्यो गोतीर्थे रेवत्यै प्रयतात्मना |९|
🔊 Audio coming soon
kulatthā ityādi| śaṅkhacūrṇaṁ sudagdhaśaṅkhacūrṇam| sarvagandhā ēlādikāḥ, taiḥ kr̥tō lēpaḥ sārvagandhikaḥ| gr̥dhrētyādi| yavāḥ prasiddhāḥ, yavaphalō vaṁśaḥ, anyē yavaphalā dugdhikētyāhuḥ| varuṇāriṣṭakamayaṁ varuṇanimbakāṣṭhaghaṭitaṁ, rucakaṁ grīvābharaṇaṁ maṇikasañjñaṁ dhārayēt| brahmadēvastvariṣṭaṁ phēnilamāha| saindukamiti sindukō nirguṇḍī, tatkāṣṭhakr̥taṁ rucakaṁ; tatphalakr̥tamityanyē| putrañjīvō madhyavartulatīkṣṇāgraphalō jambīrapatrō vr̥kṣastatkāṣṭhakr̥taṁ rucakaṁ, tatphalakr̥tamityanyē| kēcidatrāragvadhaṁ paṭhanti| śuklētyādi śuklāḥ sumanasaḥ śvētakusumāni| nivēdyō dātavyaḥ| gōtīrthē salilagōpathē| prayatātmanā upavāsādipavitrēṇa| taduktaṁ,- “sōpavāsaḥ śucirnaktaṁ saśastrō nirharēdbalim” iti||6-8||-
Adhikarana 6 (9-11) · Śloka 11
saṅgamē ca bhiṣak snānaṁ kuryāddhātrīkumārayōḥ ||9|| nānāvastradharā dēvī citramālyānulēpanā | calatkuṇḍalinī śyāmā rēvatī tē prasīdatu ||10|| upāsatē yāṁ satataṁ dēvyō vividhabhūṣaṇāḥ | lambā karālā vinatā tathaiva bahuputrikā | rēvatī śuṣkanāmā yā sā tē dēvī prasīdatu ||11||
सङ्गमे च भिषक् स्नानं कुर्याद्धात्रीकुमारयोः ||९|| नानावस्त्रधरा देवी चित्रमाल्यानुलेपना | चलत्कुण्डलिनी श्यामा रेवती ते प्रसीदतु ||१०|| उपासते यां सततं देव्यो विविधभूषणाः | लम्बा कराला विनता तथैव बहुपुत्रिका | रेवती शुष्कनामा या सा ते देवी प्रसीदतु ||११||
🔊 Audio coming soon
saṅgama ityādi| saṅgamē nadīdvayamēlakē| rakṣāmantramāha- nānētyādi| aparā dēvyō vividhabhūṣaṇā yāṁ rēvatīmupāsatē sēvantē sā dēvī bhō bālaka tē tava prasādaṁ karōtu lōkē prasādakarā bhavatu| rēvatī śuṣkanāmā śuṣkarēvatītyarthaḥ||9-11||
Adhikarana puShpikA · Śloka 31
iti suśrutasaṁhitāyāmuttaratantrāntargatē kumāratantrē rēvatīpratiṣēdhō nāma (pañcamō'dhyāyaḥ, āditaḥ) ēkatriṁśō'dhyāyaḥ ||31||
इति सुश्रुतसंहितायामुत्तरतन्त्रान्तर्गते कुमारतन्त्रे रेवतीप्रतिषेधो नाम (पञ्चमोऽध्यायः, आदितः) एकत्रिंशोऽध्यायः ||३१||
🔊 Audio coming soon
iti śrīḍalha(hla)ṇaviracitāyāṁ nibandhasaṅgrahākhyāyāṁ suśrutavyākhyāyāmuttaratantrāntargatē kaumārabhr̥tyatantrē rēvatīpratiṣēdhō nāmaikatriṁśattamō'dhyāyaḥ||31||