Adhikarana 1 (1-2) · Śloka 2
അഥാതോ രേവതീപ്രതിഷേധം വ്യാഖ്യാസ്യാമഃ ||൧|| യഥോവാച ഭഗവാന് ധന്വന്തരിഃ ||൨||
अथातो रेवतीप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ശകുനീപ്രതിഷേധാനന്തരം രേവത്യാമപി മുഖപാകവചനാത് സവ്രണത്വേനൈകധര്മത്വാച്ച രേവതീപ്രതിഷേധാധ്യായോ യുജ്യത ഇത്യാഹ- അഥാത ഇത്യാദി||൧-൨||
Adhikarana 2 (3) · Śloka 3
അശ്വഗന്ധാ ച ശൃങ്ഗീ ച സാരിവാ സപുനര്നവാ | സഹേ തഥാ വിദാരീ ച കഷായാഃ സേചനേ ഹിതാഃ ||൩||
अश्वगन्धा च शृङ्गी च सारिवा सपुनर्नवा | सहे तथा विदारी च कषायाः सेचने हिताः ||३||
🔊 Audio coming soon
അശ്വഗന്ധേത്യാദി| അജശൃങ്ഗീ കര്കടശൃങ്ഗീ, ഉത്തമാരണീത്യന്യേ| സഹേ മുദ്ഗമാഷപര്ണ്യൌ| സേചനേ ഹിതാഃ പ്രത്യേകം സമുദിതാശ്ച||൩||
Adhikarana 3 (4) · Śloka 4
തൈലമഭ്യഞ്ജനേ കാര്യം കുഷ്ഠേ സര്ജരസേऽപി ച | പലങ്കഷായാം നലദേ തഥാ ഗിരികദമ്ബകേ ||൪||
तैलमभ्यञ्जने कार्यं कुष्ठे सर्जरसेऽपि च | पलङ्कषायां नलदे तथा गिरिकदम्बके ||४||
🔊 Audio coming soon
തൈലമിത്യാദി| സര്ജരസോ രാലഃ, പലങ്കഷാ ഗുഗ്ഗുലുഃ, നലദം ജടാമാംസീ, ഗിരിഃ ഗിരികര്ണികാ; അന്യേ ഗിരികദമ്ബോ മഹാകദമ്ബഃ സ്വനാമഖ്യാതഃ; ഏതൈഃ കുഷ്ഠാദിഭിഃ കല്കീകൃതൈസ്തൈലം കാര്യമ്||൪||
Adhikarana 4 (5) · Śloka 5
ധവാശ്വകര്ണകകുഭധാതകീതിന്ദുകീഷു ച | കാകോല്യാദിഗണേ ചൈവ പാനീയം സര്പിരിഷ്യതേ ||൫||
धवाश्वकर्णककुभधातकीतिन्दुकीषु च | काकोल्यादिगणे चैव पानीयं सर्पिरिष्यते ||५||
🔊 Audio coming soon
ധവേത്യാദി| അശ്വകര്ണോ ഗര്ദഭാണ്ഡഃ, കകുഭഃ അര്ജുനഃ| തത്ര ധവാദികഷായേ കാകോല്യാദികല്കേ ച പാനീയം സര്പിഃ പാതവ്യം ഘൃതമിഷ്യതേ| അന്യേ തു കാകോല്യാദിഗണേനൈവ പാനീയം ഘൃതമിച്ഛന്തി, ധവാശ്വകര്ണാദീനി പശ്ചാത്തൈലേ സമ്ബന്ധന്തി||൫||
Adhikarana 5 (6-8) · Śloka 9
കുലത്ഥാഃ ശങ്ഖചൂര്ണം ച പ്രദേഹഃ സാര്വഗന്ധികഃ | ഗൃധ്രോലൂകപുരീഷാണി യവാ യവഫലോ ഘൃതമ് ||൬|| സന്ധ്യയോരുഭയോഃ കാര്യമേതദുദ്ധൂപനം ശിശോഃ | വരുണാരിഷ്ടകമയം രുചകം സൈന്ദുകം തഥാ ||൭|| സതതം ധാരയേച്ചാപി കൃതം വാ പൌത്രജീവികമ് | ശുക്ലാഃ സുമനസോ ലാജാഃ പയഃ ശാല്യോദനം തഥാ ||൮|| ബലിര്നിവേദ്യോ ഗോതീര്ഥേ രേവത്യൈ പ്രയതാത്മനാ |൯|
कुलत्थाः शङ्खचूर्णं च प्रदेहः सार्वगन्धिकः | गृध्रोलूकपुरीषाणि यवा यवफलो घृतम् ||६|| सन्ध्ययोरुभयोः कार्यमेतदुद्धूपनं शिशोः | वरुणारिष्टकमयं रुचकं सैन्दुकं तथा ||७|| सततं धारयेच्चापि कृतं वा पौत्रजीविकम् | शुक्लाः सुमनसो लाजाः पयः शाल्योदनं तथा ||८|| बलिर्निवेद्यो गोतीर्थे रेवत्यै प्रयतात्मना |९|
🔊 Audio coming soon
കുലത്ഥാ ഇത്യാദി| ശങ്ഖചൂര്ണം സുദഗ്ധശങ്ഖചൂര്ണമ്| സര്വഗന്ധാ ഏലാദികാഃ, തൈഃ കൃതോ ലേപഃ സാര്വഗന്ധികഃ| ഗൃധ്രേത്യാദി| യവാഃ പ്രസിദ്ധാഃ, യവഫലോ വംശഃ, അന്യേ യവഫലാ ദുഗ്ധികേത്യാഹുഃ| വരുണാരിഷ്ടകമയം വരുണനിമ്ബകാഷ്ഠഘടിതം, രുചകം ഗ്രീവാഭരണം മണികസഞ്ജ്ഞം ധാരയേത്| ബ്രഹ്മദേവസ്ത്വരിഷ്ടം ഫേനിലമാഹ| സൈന്ദുകമിതി സിന്ദുകോ നിര്ഗുണ്ഡീ, തത്കാഷ്ഠകൃതം രുചകം; തത്ഫലകൃതമിത്യന്യേ| പുത്രഞ്ജീവോ മധ്യവര്തുലതീക്ഷ്ണാഗ്രഫലോ ജമ്ബീരപത്രോ വൃക്ഷസ്തത്കാഷ്ഠകൃതം രുചകം, തത്ഫലകൃതമിത്യന്യേ| കേചിദത്രാരഗ്വധം പഠന്തി| ശുക്ലേത്യാദി ശുക്ലാഃ സുമനസഃ ശ്വേതകുസുമാനി| നിവേദ്യോ ദാതവ്യഃ| ഗോതീര്ഥേ സലിലഗോപഥേ| പ്രയതാത്മനാ ഉപവാസാദിപവിത്രേണ| തദുക്തം,- “സോപവാസഃ ശുചിര്നക്തം സശസ്ത്രോ നിര്ഹരേദ്ബലിമ്” ഇതി||൬-൮||-
Adhikarana 6 (9-11) · Śloka 11
സങ്ഗമേ ച ഭിഷക് സ്നാനം കുര്യാദ്ധാത്രീകുമാരയോഃ ||൯|| നാനാവസ്ത്രധരാ ദേവീ ചിത്രമാല്യാനുലേപനാ | ചലത്കുണ്ഡലിനീ ശ്യാമാ രേവതീ തേ പ്രസീദതു ||൧൦|| ഉപാസതേ യാം സതതം ദേവ്യോ വിവിധഭൂഷണാഃ | ലമ്ബാ കരാലാ വിനതാ തഥൈവ ബഹുപുത്രികാ | രേവതീ ശുഷ്കനാമാ യാ സാ തേ ദേവീ പ്രസീദതു ||൧൧||
सङ्गमे च भिषक् स्नानं कुर्याद्धात्रीकुमारयोः ||९|| नानावस्त्रधरा देवी चित्रमाल्यानुलेपना | चलत्कुण्डलिनी श्यामा रेवती ते प्रसीदतु ||१०|| उपासते यां सततं देव्यो विविधभूषणाः | लम्बा कराला विनता तथैव बहुपुत्रिका | रेवती शुष्कनामा या सा ते देवी प्रसीदतु ||११||
🔊 Audio coming soon
സങ്ഗമ ഇത്യാദി| സങ്ഗമേ നദീദ്വയമേലകേ| രക്ഷാമന്ത്രമാഹ- നാനേത്യാദി| അപരാ ദേവ്യോ വിവിധഭൂഷണാ യാം രേവതീമുപാസതേ സേവന്തേ സാ ദേവീ ഭോ ബാലക തേ തവ പ്രസാദം കരോതു ലോകേ പ്രസാദകരാ ഭവതു| രേവതീ ശുഷ്കനാമാ ശുഷ്കരേവതീത്യര്ഥഃ||൯-൧൧||
Adhikarana puShpikA · Śloka 31
ഇതി സുശ്രുതസംഹിതായാമുത്തരതന്ത്രാന്തര്ഗതേ കുമാരതന്ത്രേ രേവതീപ്രതിഷേധോ നാമ (പഞ്ചമോऽധ്യായഃ, ആദിതഃ) ഏകത്രിംശോऽധ്യായഃ ||൩൧||
इति सुश्रुतसंहितायामुत्तरतन्त्रान्तर्गते कुमारतन्त्रे रेवतीप्रतिषेधो नाम (पञ्चमोऽध्यायः, आदितः) एकत्रिंशोऽध्यायः ||३१||
🔊 Audio coming soon
ഇതി ശ്രീഡല്ഹ(ഹ്ല)ണവിരചിതായാം നിബന്ധസങ്ഗ്രഹാഖ്യായാം സുശ്രുതവ്യാഖ്യായാമുത്തരതന്ത്രാന്തര്ഗതേ കൌമാരഭൃത്യതന്ത്രേ രേവതീപ്രതിഷേധോ നാമൈകത്രിംശത്തമോऽധ്യായഃ||൩൧||