17. śvayathucikitsitādhyāyaḥ

Adhikarana adhyAyopakramaH · Śloka

পাণ্ডুরোগচিকিত্সিতাদনন্তরং শোফচিকিত্সিতং ব্যাখ্যাতুং প্রক্রম্যতে| সম্বন্ধশ্চাস্য নিদান এবোক্ত ইত্যাহ-

Adhikarana shvayathucikitsitAdhyAyaH shvvayathau purA vishoShaNam shvvayathau tato laghuBojanam shvvayathau nAgarAdicUrNam shvvayathau vijayAdicUrNam shvvayathau navAyasam shvvayathau doShaDhaye mUtraharItakI shvvayathau doShADhye kaTukAdicUrNam shvvayathau doShADhye gugguluH shilAjatu ca (2-4) · Śloka 4

অথাতঃ শ্বযথুচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) সর্বত্র সর্বাঙ্গসরে দোষজে শ্বযথৌ পুরা| সামে বিশোষিতো ভুক্ত্বা লঘু কোষ্ণাম্ভসা পিবেত্||১|| নাগরাতিবিষাদারুবিডঙ্গেন্দ্রযবোষণম্| অথবা বিজযাশুণ্ঠীদেবদারুপুনর্নবম্||২|| নবাযসং বা দোষাঢ্যঃ শুদ্ধ্যৈ মূত্রহরীতকীঃ| বরাক্বাথেন কটুকাকুম্ভাযস্ত্র্যূষণানি বা||৩|| অথবা গুগ্গুলুং তদ্বজ্জতু বা শৈলসম্ভবম্| |৪|

স০-সর্বত্র দোষজে শ্বযথৌ সর্বাঙ্গজে তথা সামে বিশোষিতঃ সন্ লঘু ভুক্ত্বা কোষ্ণেন জলেন নাগরাদি পিবেত্| বিশোষণমত্রোপবাসঃ| অথবা, বিজযাদীন্ কোষ্ণাম্ভসা পিবেত্| দোষবহুলো নবাযসং-পাণ্ডুরোগোক্তং (হৃ. চি. ১৬|১৪) , পিবেত্| শুধ্যর্থং গোমূত্রেণ হরীতকীঃ শীলযেত্| ত্রিফলাক্বাথেন সহ কটুকাত্রিবৃতালোহচূর্ণত্রিকটুকাণি শীলযেত্| গুগ্গুলুং বা শিলাজতু বা ত্রিফলাক্বাথেনৈব শীলযেত্|

Adhikarana shvvayathau mandAgnau AmapurIShAdau ca sauvarcalAdi yuktaM takraM shvvayathau dandAguDABayA guDanAgaraM ca (4-5) · Śloka 5

| মন্দাগ্নিঃ শীলযেদামগুরুভিন্নবিবদ্ধবিট্||৪|| তক্রং সৌবর্চলব্যোষক্ষৌদ্রযুক্তং গুডাভযাম্| তক্রানুপানমথবা তদ্বদ্বা গুডনাগরম্||৫||

স০-মন্দাগ্নিরামগুরুভিন্নবিবদ্ধবিট্ সন্ তক্রং সৌবর্চলাদিযুতং শীলযেত্| গুডযুতামভযাং তক্রানুপানাং বা| তথৈব গুডনাগরং তক্রানুপানং শীলযেত্|

Adhikarana shvvayathau mandAgnau samaguDArdrakasya mAsaM prayogaH (6-7) · Śloka 7

আর্দ্রকং বা সমগুডং প্রকুঞ্চার্ধবিবর্ধিতম্| পরং পঞ্চপলং মাসং যূষক্ষীররসাশনঃ||৬|| গুল্মোদরার্শঃশ্বযথুপ্রমেহান্ শ্বাসপ্রতিশ্যালসকাবিপাকান্| সকামলাশোষমনোবিকারান্ কাসং কফং চৈব জযেত্প্রযোগঃ||৭||

স০-আর্দ্রকং বা তুল্যগুডং পলার্ধেন প্রতিদিনং বর্ধিতং পরং পঞ্চপলং যাবত্| একস্মিন্নেব দিনে পলপঞ্চকপ্রমাণং স্যাত্, পুনরপি হ্রাসযেদর্ধপলং যাবত্| এবং মাসং যাবদেষ প্রযোগঃ| যথোচিতং কফপিত্তবাতাধিকো যূষাদিভোজী স্যাত্| এষ চ প্রযোগো গুল্মাদীংশ্চতুর্দশ কফান্তান্ জযেত্|

Adhikarana shvvayathau mandAgnau ArdrakanAgaraghRutam (8) · Śloka 8

ঘৃতমার্দ্রকনাগরস্য কল্ক- স্বরসাভ্যাং পযসা চ সাধযিত্বা| শ্বযথুক্ষবথূদরাগ্নিসাদৈ- রভিভূতোঽপি পিবন্ ভবত্যরোগঃ||৮||

স০-ঘৃতমার্দ্রকনাগরস্য কল্কস্বরসাভ্যাং পযসা চ সাধযিত্বা-পক্ত্বা, পিবন্ শোফাদিভিরভিভূতোঽপি নিরামযঃ স্যাত্| আর্দ্রকনাগরমার্দ্রকমুচ্যতে| উপজাত্যৌপচ্ছন্দসিকে বৃত্তে|

Adhikarana shvvayathau nirAme baddhapurIShe trikaTvAdipayaH shvvayathau nirAme gomahiShImUtraM sakShIram shvvayathau nirAme uShTrakShIravartanaH (9-10) · Śloka 10

নিরামো বদ্ধশমলঃ পিবেচ্ছ্বযথুপীডিতঃ| ত্রিকটুত্রিবৃতাদন্তীচিত্রকৈঃ সাধিতং পযঃ||৯|| মূত্রং গোর্বা মহিষ্যা বা সক্ষীরং ক্ষীরভোজনঃ| সপ্তাহং মাসমথবা স্যাদুষ্ট্রক্ষীরবর্তনঃ||১০||

স০-নিরামো বদ্ধপুরীষঃ শোফার্তঃ সন্ ত্রিবৃতা (ত্রিকট্বা)- দিভিঃ সাধিতং পযঃ পিবেত্| গোর্মহিষ্যা বা সম্বন্ধি মূত্রং স[ক্ষীরং] ক্ষীরভোজনঃ সন্ পিবেত্| তথা, উষ্ট্রক্ষীরভোজনঃ পানাহারাভ্যাং বিনা সপ্তাহমথবা মাসং স্যাত্| উষ্ট্রক্ষীরবর্তন ইত্যত্র "কুক্কুট্যাদীনামণ্ডাদিষু" পুংবদ্ভাবো বক্তব্য ইত্যুষ্ট্রীশব্দস্য পুংবদ্ভাবঃ| কেচিদুষ্ট্রীক্ষীরেতি জগুঃ|

Adhikarana shvvayathau yavAnakAdighRutam (11-12) · Śloka 12

যবানকং যবক্ষারং যবানীং পঞ্চকোলকম্| মরিচং দাডিমং পাঠাং ধান্যকামম্লবেতসম্||১১|| বালবিল্বং চ কর্ষাংশং সাধযেত্সলিলাঢকে| তেন পক্বো ঘৃতপ্রস্থঃ শোফার্শোগুল্মমেহহা||১২||

স০-যবানকাদি কর্ষাংশং জলাঢকে পচেত্| তেন-ক্বাথেন, ঘৃতপ্রস্থঃ পক্বঃ শোফাদিহা স্যাত্| ব্রহ্মাদিশব্দস্য প্রাযিকত্বাচ্ছোফাদিশব্দোত্তরাদপি হন্তেঃ ক্বিপ্|

Adhikarana shvvayathau citrakadadhno ghRutaM shvvayathau citrakatakrasiddhaM ghRutam (13) · Śloka 13

দধ্নশ্চিত্রকগর্ভাদ্বা ঘৃতং তত্তক্রসংযুতম্| পক্বং সচিত্রকং তদ্বদ্গুণৈঃ|১৩|

স০-চিত্রকগর্ভাদ্দধ্নঃ-চিত্রকচূর্ণমিশ্রিতাত্ক্ষীরাদ্যজ্জাতং দধি তস্মান্মথ্যমানাত্, তত্তক্রেণ-চিত্রকতক্রেণ, সংযুক্তং পক্বং তদ্বত্-যবানকাদিঘৃতসদৃশং, গুণৈঃ|

Adhikarana shvvayathau AsthAdoShAdyanusAreNadhAnvantarAdigutAni (13-14) · Śloka 14

| যুঞ্জ্যাচ্চ কালবিত্||১৩|| ধান্বন্তরং মহাতিক্তং কল্যাণমভযাঘৃতম্| |১৪|

স০-কালবিত্-অবস্থাদোষাদিবিত্, ধান্বন্তরং (হৃ. চি. অ. ১২|১৯) , মহাতিক্তং (হৃ. চি. অ.১৯/৮) কল্যাণকং (হৃ. উ. অ.৬/২৭) অভযাঘৃতং (হৃ. চি. অ. ১৫|২৮) যুঞ্জ্যাত্|

Adhikarana shvvayathau dashamUlaharItakyaH (14-16) · Śloka 16

| দশমূলকষাযস্য কংসে পথ্যাশতং পচেত্||১৪|| দত্ত্বা গুডতুলাং তস্মিন্ লেহে দদ্যাদ্বিচূর্ণিতম্| ত্রিজাতকং ত্রিকটুকং কিঞ্চিচ্চ যবশূকজম্||১৫|| প্রস্থার্ধং চ হিমে ক্ষৌদ্রাত্তন্নিহন্ত্যুপযোজিতম্| প্রবৃদ্ধশোফজ্বরমেহগুল্ম- কার্শ্যামবাতাম্লকরক্তপিত্তম্| বৈবর্ণ্যমূত্রানিলশুক্রদোষ- শ্বাসারুচিপ্লীহগরোদরং চ||১৬||

স০-দশমূলকষাযস্যাঢকে পথ্যাশতং পচেত্| অত্র চ সামান্যপরিভাষযা ক্বাথ্যদ্রব্যস্য চ দশমূলস্য দ্বাত্রিংশত্ পলানি ভবন্তি| এবং চ তন্ত্রান্তরে বিরোধঃ| তথা চ তত্রৈবং কথ্যতে, (চ. চি. অ. ১২|৫০)- "দ্বিপঞ্চমূলস্য তুলাকষাযে কংসেঽভযানাং চ শতং গুডাচ্চ|" ইতি| তদেবং বিরোধং পশ্যন্তো ব্যাখ্যামেবংবিধাং বিদ্বাংসো বিদধতি,-দশমূলস্য তুলা, তস্যাঃ কষাযো দশমূলকষায ইতি| মযূরব্যংসকাদিত্বাদুত্তরপদলোপি সমাসঃ| এবং দশমূলস্য পলশতং তত্ক্বাথস্যাঢকে পথ্যাশতং পচেত্| গুডতুলাং দত্ত্বা তস্মিন্ লেহে বিচূর্ণিতং ত্রিজাতকাদি দদ্যাত্| এতেষাং চ প্রমাণং বাসিষ্ঠলেহবেত্ (হৃ. চি. অ. ৩|১৩৩) কল্প্যম্| যবক্ষারস্য কর্ষমাত্রং দেযম্| তন্ত্রান্তরে হ্যুক্তম্-"ব্যোষাচ্চতুষ্পলং দদ্যাত্ত্রিপলং ত্রিসুগন্ধতঃ| কর্ষমাত্রং যবক্ষারাত্" ইতি| শীতে চ সতি মাক্ষিকাত্ প্রস্থার্ধং দেযম্| তত্-এতত্, উপযোজিতং প্রবৃদ্ধশোফাদীন্ হন্তি| খরনাদস্তু জগাদ-"দশমূলাঢকমভযাশতসহিতং পাচযেদপাং দ্রোণে| অবশেষিতচতুরংশে তস্মিন্ পুনঃ প্রক্ষিপেত্ পথ্যাঃ||" ইতি| উপজাতিবৃত্তম্|

Adhikarana shvvayathau dashamUlasiddhaM purANayavashAlyannam shvvayathau kShAravyoShAnvitamudgAdiyUShAH shvvayathau jA~ggalAdimAMsarasAH shvvayathau anamlatakraM sauShadhaM madyaM ca pAne (17-19) · Śloka 19

| পুরাণযবশাল্যন্নং দশমূলাম্বুসাধিতম্||১৭|| অল্পমল্পপটুস্নেহং ভোজনং শ্বযথোর্হিতম্| ক্ষারব্যোষান্বিতৈর্মৌদ্গৈঃ কৌলত্থৈঃ সকণৈ রসৈঃ||১৮|| তথা জাঙ্গলজৈঃ কূর্মগোধাশল্যকজৈরপি| অনম্লং মথিতং পানে মদ্যান্যৌষধবন্তি চ||১৯||

স০-শ্বযথোঃ পুরাণযবাদি দশমূলাক্বাথসাধিতমল্পং তথাঽল্পলবণস্নেহং ভোজনং হিতম্| কৈঃ সহ ? মৌদ্গৈ রসৈঃ| কিম্ভূতৈঃ ? ক্ষারত্র্যূষণযুক্তৈঃ| তথা কৌলত্থৈ রসৈঃ| কিম্ভূতৈঃ ? সপিপ্পলীকৈঃ| তথা চ মুনিঃ (চ. চি. অ. ১২|৬২)- "কুলত্থযূষস্তু সপিপ্পলীকো মৌদ্গস্তু সত্র্যূষণযাবশূকঃ| রসস্তথা জাঙ্গলবিষ্কিরাণাং সকূর্মগোধাশিখিশল্লকানাম্||" ইতি| অত্র চ শিখিনো জাঙ্গলবিষ্কিরত্বেন গৃহীতা অপি পথ্যতরত্বপ্রতিপাদনার্থং পুনরুপাত্তাঃ| তথাঽযমেব তন্ত্রকৃদষ্টাঙ্গাবতারেঽধ্যগীষ্ট (?)-"দশমূলাম্ভসা সিদ্ধৈর্ব্যোষক্ষাররজোন্বিতৈঃ| রসৈর্জাঙ্গলজৈর্মৌদ্নৈঃ কৌলত্থৈর্মৌলকৈরপি||" ইতি| তথেত্যাদি| তথা জাঙ্গলমাংসজৈস্তথা কচ্ছপাদিজৈশ্চ| পানে মথিতমনম্লং মদ্যানি চ সৌষধানি হিতানি|

Adhikarana shvvayathau ajAjyAdikRutA peyA (20-21) · Śloka 21

অজাজীশঠীজীবন্তীকারবীপৌষ্করাগ্নিকৈঃ| বিল্বমধ্যযবক্ষারবৃক্ষাম্লৈর্বদরোন্মিতৈঃ||২০|| কৃতা পেযাঽঽজ্যতৈলাভ্যাং যুক্তিভৃষ্টা পরং হিতা| শোফাতিসারহৃদ্রোগগুল্মার্শোল্পাগ্নিমেহিনাম্||২১||

স০-অজাজীপ্রভৃতিভিঃ পেযা ঘৃততৈলাভ্যাং যুক্ত্যা ভৄষ্টাঽতিশযেন শোফাদিমতাং হিতা|

Adhikarana shvvayathau pAThAkRutA pa~jcakolakRutA ca peyA (22) · Śloka 22

গুণৈস্তদ্বচ্চ পাঠাযাঃ পঞ্চকোলেন সাধিতা| |২২|

স০-পঞ্চকোলেন সাধিতা পেযা গুণৈস্তদ্বচ্চ-পূর্বোক্তগুণা| তথৈব পাঠাযাঃ সাধিতা পেযা স্যাত্|

Adhikarana shvvayathau shaileyAdiBiraBya~jjanaM tailaM lepaM snAnodakaM ca (22-24) · Śloka 24

| শৈলেযকুষ্ঠস্থৌণেযরেণুকাগুরুপদ্মকৈঃ||২২|| শ্রীবেষ্টকনখস্পৃক্কাদেবদারুপ্রিযঙ্গুভিঃ| মাংসীমাগাধিকাবন্যধান্যধ্যামকবালকৈঃ||২৩|| চতুর্জাতকতালীসমুস্তাগন্ধপলাশকৈঃ| কুর্যাদভ্যঞ্জনং তৈলং লেপং স্নানায তূদকম্||২৪||

স০-তথা শৈলেযাদিভিরভ্যঞ্জনং তৈলং লেপং স্নানার্থমুদকং চ কুর্যাত্|

Adhikarana shvayathau nimbvAdijalena vA snAnam (25) · Śloka 25

স্নানং বা নিম্ববর্ষাভূনক্তমালার্কবারিণা| |২৫|

স০-নিম্বাদিবারিণা চ (বা) স্নানং কুর্যাত্|

Adhikarana ekA~ggaje shvayathau varShABvAdilepaH (25-27) · Śloka 27

| একাঙ্গশোফে বর্ষাভূকরবীরককিংশুকৈঃ||২৫|| বিশালাত্রিফলারোধ্রনলিকাদেবদারুভিঃ| হিংস্রাকোশাতকীমাদ্রীতালপর্ণীজযন্তিভিঃ||২৬|| স্থূলকাকাদনীশালনাকুলীবৃষপর্ণিভিঃ| বৃধ্দ্যার্দ্ধিহস্তিকর্ণৈশ্চ সুখোষ্ণৈর্লেপনং হিতম্||২৭||

স০-একাঙ্গজে শোফে পুনর্নবাদিভির্জলপিষ্টৈঃ সুখোষ্ণৈর্লেপো হিতঃ| ইতি সামান্যেন শ্বযথোরুপক্রমঃ|

Adhikarana vAtaje shvayathau trivRutameraNDatailaM vA vAtaje shvyathau vAtaviDvibandhe eraNDatailaM vAtaje shvayathau vAtaghnAH svedABya~ggAH vAtaje shvayathau ekA~ggaje mAtulu~ggAdilepaH (28-30) · Śloka 30

অথানিলোত্থে শ্বযথৌ মাসার্ধং ত্রিবৃতং পিবেত্| তৈলমেরণ্ডজং বাতবিড্বিবন্ধে তদেব তু||২৮|| প্রাগ্ভক্তং পযসা যুক্তং রসৈর্বা কারযেত্তথা| স্বেদাভ্যঙ্গান্ সমীরঘ্নান্ লেপমেকাঙ্গগে পুনঃ||২৯|| মাতুলুঙ্গাগ্নিমন্থেন শুণ্ঠীহিংস্রামরাহ্বযৈঃ| |৩০|

স০-অনিলজে শোফে পক্ষং যাবত্ত্রিবৃতং তথৈরণ্ডতৈলং পিবেত্| বাতবিড্বিবন্ধে সতি তদেব-পূর্বোক্তমৌষধং, প্রাগ্ভক্তং ক্ষীরেণ মাংসরসেন বা [যুক্তং] পিবেত্| তথা, স্বেদাভ্যঙ্গান্ বাতঘ্নান্ কারযেত্, 'বৈদ্যঃ' ইতি শেষঃ| তথা, অনিলোত্থ একাঙ্গগে শোফে মাতুলুঙ্গাদিভির্লেপং কারযেত্| হিংস্রা-সিংহী|

Adhikarana pittaje shvayathau tiktaM nyagrodhAdi vA ghRutam pittaje shvayathau tRuDdAhamohe kShIraM shItalASca lepABya~ggAH (30-31) · Śloka 31

| পৈত্তে তিক্তং পিবেত্সর্পির্ন্যগ্রোধাদ্যেন বা শৃতম্||৩০|| ক্ষীরং তৃড্দাহমোহেষু লেপাভ্যঙ্গাশ্চ শীতলাঃ| |৩১|

স০-পিত্তশ্বযথৌ তিক্তকাখ্যং ঘৃতং পিবেত্| ন্যগ্রোধাদিগণেন (হৃ. সূ. অ. ১৫|৪১) বা শৃতং পিবেত্| তথা, তৃডাদিষু ক্ষীরং পিবেত্| তথা, লেপাভ্যঙ্গাঃ শীতা হিতাঃ|

Adhikarana pittaje shvayathau tRuD paTolamUlAdikvAthaH (31-33) · Śloka 33

| পটোলমূলত্রাযন্তীযষ্ট্যাহ্বকটুকাভযাঃ||৩১|| দারু দার্বী হিমং দন্তী বিশালা নিচুলং কণা| তৈঃ ক্বাথঃ সঘৃতঃ পীতো হন্ত্যন্তস্তাপতৃড্ভ্রমান্||৩২|| সসন্নিপাতবীসর্পশোফদাহবিষজ্বরান্| |৩৩|

স০-পটোলাদীনাং ক্বাথো ঘৃতসহিতঃ পীতোঽন্তস্তাপতৃষ্ণাদীন্ হন্তি|

Adhikarana kaPaje shvayathau AragdhAditailam (33) · Śloka 33

| আরগ্বধাদিনা সিদ্ধং তৈলং শ্লেষ্মোদ্ভবে পিবেত্||৩৩||

স০-কফোদ্ভবে শোফে আরগ্বধাদিনা সিদ্ধং তৈলং পিবেত্|

Adhikarana kaPaje srotovibandhAdau kShAra cUrNAsavAdayaH (34) · Śloka 34

স্রোতোবিবন্ধে মন্দেঽগ্নাবরুচৌ স্তিমিতাশযঃ| ক্ষারচূর্ণাসবারিষ্টমূত্রতক্রাণি শীলযেত্||৩৪||

স০-স্রোতোবিবন্ধে সতি বহ্নৌ চ মন্দেঽরোচকে চ সতি স্তিমিতাশযঃ সন্ ক্ষারাদীন্ শীলযেত্|

Adhikarana kaPaje praleponmardane kRuShNAdikalkaH (35) · Śloka 35

কৃষ্ণাপুরাণপিণ্যাকশিগ্রুত্বক্ঽঽসিকতাতসীঃ| প্রলেপোন্মর্দনে যুঞ্জ্যাত্সুখোষ্ণা মূত্রকল্কিতাঃ||৩৫||

স০-কৃষ্ণাদীন্ কোষ্ণান্ প্রলেপ উন্মর্দনে চ মূত্রকল্কিতান্ যুঞ্জীত|

Adhikarana kaPaje snAne kuShThAdisiddhaM jalaM mUtraM ca kaPaje caNDA~agurUlepaH (36) · Śloka 36

স্নানং মূত্রাম্ভসী সিদ্ধে কুষ্ঠতর্কারিচিত্রকৈঃ| কুলত্থনাগরাভ্যাং বা চণ্ডাঽগুরু বিলেপনে||৩৬||

স০-মূত্রজলে কুষ্ঠাদিভিঃ সিদ্ধে স্নানায হিতে| কুলত্থশুণ্ঠীভ্যাং বা ক্বথিতে গোমূত্রজলে হিতে| বিলেপনে চণ্ডাগুরুণী হিতে|

Adhikarana kaPaje ekA~ggage kAlAdilepaH (37) · Śloka 37

কালাজশৃঙ্গীসরলবস্তগন্ধাহযাহ্বযাঃ| একৈষিকা চ লেপঃ স্যাচ্ছ্বযথাবেকগাত্রগে||৩৭||

স০-কালাজশৃঙ্গ্যাদয একাঙ্গগে শোফে লেপঃ স্যাত্| কালা-নীলিনী| বস্তগন্ধা-কারবী| একৈষিকা-ত্রিবৃতা|

Adhikarana kaPaje shuddhiH shleShmAtisArevasecanaM ca miSradoShe shvayathau adhikadoShAnusAreNa kriyA (38) · Śloka 38

যথাদোষং যথাসন্নং শুদ্ধিং রক্তাবসেচনম্| কুর্বীত, মিশ্রদোষে তু দোষোদ্রেকবলাত্ক্রিযাম্||৩৮||

স০-যথাদোষং-দোষানুসারেণ, শুদ্ধিং তথা রক্তাবসেচনং যথাসন্নং কুর্বীত| সংসর্গজে তু যথাভ্যধিকদোষানুসারেণ ক্রিযাং কুর্যাত্|

Adhikarana tridoShaje shvayathau ajAjyAdi cUrNam (39) · Śloka 39

অজাজিপাথাঘনপঞ্চকোল- ব্যাঘ্রারজন্যঃ সুখতোযপীতাঃ| শোফং ত্রিদোষং চিরজং প্রবৃদ্ধং নিঘ্নন্তি ভূনিম্বমহৌষধে চ||৩৯||

স০-অজাজ্যাদযঃ কোষ্ণজলপীতাঃ শোফং ত্রিদোষোত্থং চিরকালোত্পন্নং বৃদ্ধিং গতং নিঘ্নন্তি| ভূনিম্বনাগরে চ 'হতঃ' ইতি বচনবিপরিণামেন সম্বন্ধঃ| উপজাতিবৃত্তম্|

Adhikarana tridoShaje shvayathau amRutAdi cUrNam (12)) · Śloka 40

অমৃতাদ্বিতযং সিবাটিকা সুরকাষ্ঠং সপুরং সগোজলম্| শ্বযথূদরকুষ্ঠপাণ্ডুতা- কৃমিমেহোর্ধ্বকফানিলাপহম্||৪০||

স০-অমৃতাযুগলাদিকং গুগ্গুলুসহিতং গোমূত্রেণ পীতং শোফাদীন্ হন্তি| বৈতালীযম্| "ষড্বিষমেঽষ্টৌ সমে কলাস্তাশ্চ সমে স্যুর্নো নিরন্তরাঃ| ন সমাঽত্র পরাশ্রিতা কলা বৈতালীযেঽন্তে রলৌ গুরুঃ|" (বৃ. র. অ. ২|১২)|

Adhikarana kShataje shvayathau raktashodhanam viShaje shvayathau viShAjit (41) · Śloka 41

ইতি নিজমধিকৃত্য পথ্যমুক্তং ক্ষতজনিতে ক্ষতজং বিশোধনীযম্| স্রুতিহিমঘৃতলেপসেকরেকৈ- র্বিষজনিতে বিষজিচ্চ শোফ ইষ্টম্||৪১||

স০-ইতি-পূর্বোক্তেন প্রকারেণ, নিজং শোফং-দোষজমধিকৃত্য, [পথ্যং-] চিকিত্সিতমুক্তম্| ক্ষতোত্থে শোফে ক্ষতজং-অসৃক্, বিশোধ্যম্| কৈঃ ? রক্তস্রাবাদিভিঃ| বিষজনিতে শোফে বিষহরমিষ্টম্| পুষ্পিতাগ্রা|

Adhikarana shvayathau varjyANi (17) · Śloka 17

গ্রাম্যাব্জানূপং পিশিতমবলং শুষ্কশাকং তিলান্নং গৌডং পিষ্টান্নং দধি সলবণং বিজ্জলং মদ্যমম্লম্| ধানা বল্লূরং সমশনমথো গুর্বসাত্ম্যং বিদাহি স্বপ্নং চারাত্রৌ শ্বযথুগদবান্ বর্জযেন্মৈথুনং চ||৪২|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে শ্বযথুচিকিত্সিতং নাম সপ্তদশোঽধ্যাযঃ||১৭||

স০-গ্রাম্যাদিমংসাদি শোফী বর্জযেত্| "ম্তৌ ন্যৌ যৌ জ্ঞেযা কুসুমিতলতাবেল্লিতাঽক্ষর্তুলোকৈঃ|" ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে শ্বযথুচিকিত্সিতং নাম সপ্তদশোঽধ্যাযঃ সমাপ্তঃ|| ১৭||