Adhikarana adhyAyopakramaH · Śloka
🔊 Audio coming soon
বিসর্পনিদানাদনন্তরং তুল্যহেত্বাদিত্বাত্কুষ্ঠনিদানমারভ্যতে-
14. kuṣṭhaśvitrakr̥minidānādhyāyaḥ
Adhikarana kuShThaSvitrakRuminidAnAdhyAyaH ,kuShThasya nidAnasaMprAptI (2-3) · Śloka 3
অথাতঃ কুষ্ঠশ্বিত্রকৃমিনিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২|| মিথ্যাহারবিহারেণ বিশেষেণ বিরোধিনা| সাধুনিন্দাবধান্যস্বহরণাদ্যৈশ্চ সেবিতৈঃ||১|| পাপ্মভিঃ কর্মভিঃ সদ্যঃ প্রাক্তনৈর্বোরিতা মলাঃ| সিরাঃ প্রপদ্য তির্যগ্গাস্ত্বগ্লসীকাসৃগামিষম্||২|| দূষযন্তি শ্লথীকৃত্য নিশ্চরন্তস্ততো বহিঃ| ত্বচঃ কুর্বন্তি বৈবর্ণ্যং দুষ্টাঃ কুষ্ঠমুশন্তি তত্||৩||
View original
अथातः कुष्ठश्वित्रकृमिनिदानं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२|| मिथ्याहारविहारेण विशेषेण विरोधिना| साधुनिन्दावधान्यस्वहरणाद्यैश्च सेवितैः||१|| पाप्मभिः कर्मभिः सद्यः प्राक्तनैर्वोरिता मलाः| सिराः प्रपद्य तिर्यग्गास्त्वग्लसीकासृगामिषम्||२|| दूषयन्ति श्लथीकृत्य निश्चरन्तस्ततो बहिः| त्वचः कुर्वन्ति वैवर्ण्यं दुष्टाः कुष्ठमुशन्ति तत्||३||
🔊 Audio coming soon
স০-মিথ্যাহারাদিনা তথা সাধুনিন্দাবধাদিভিঃ পাপ্মভিঃ কর্মভিঃ সদ্যঃ সেবিতৈঃ-অনুষ্ঠিতৈঃ, প্রাক্তনৈর্বা-অন্যজন্মাচরিতৈঃ| সেবিতগ্রহণেন সাতত্যানুষ্ঠানং দ্যোতযতি| তেন কদাচিত্করণত্বমেষাং ন কুষ্ঠহেতুরিতি গম্যতে| তৈস্তথাভূতৈঃ কর্মভির্মিথ্যাহারাদিনা চ ঈরিতাঃ-দুষ্টাঃ, মলাঃ-বাতপিত্তকফাঃ, শিরাস্তির্যগ্গামিনীঃ প্রপদ্য-আশ্রিত্য, ত্বগ্লসীকাসৃগামিষং দূষযন্তি| তদেব চ ত্বগাদিকং শিথিলীকৃত্য ততঃ-অনন্তরং, বহির্নিশ্চরন্তো-বাহ্যদেশে প্রসরন্তঃ, ত্বচো [ যত্ ] বৈবর্ণ্যং কুর্বন্তি তত্কুষ্ঠমুশন্তি, মুনয ইতি শেষঃ|
Adhikarana kuShThasya nirvacanam (4-6) · Śloka 6
কুতোঽস্য রোগস্য কুষ্ঠমিতি সংজ্ঞা ? ইত্যাহ - - - - কালেনোপেক্ষিতং যস্মাত্সর্বং কুষ্ণাতি তদ্বপুঃ| প্রপদ্য ধাতূন্ব্যাপ্যান্তঃ সর্বান্ সংক্লেদ্য চাবহেত্||৪|| সস্বেদক্লেদসঙ্কোথান্ কৃমীন্ সূক্ষ্মান্ সুদারুণান্| লোমত্বক্স্নাযুধমনীতরুণাস্থীনি যৈঃ ক্রমাত্||৫|| ভক্ষযেচ্ছ্বিত্রমস্মাচ্চ কুষ্ঠবাহ্যমুদাহৃতম্| |৬|
View original
कुतोऽस्य रोगस्य कुष्ठमिति संज्ञा ? इत्याह - - - - कालेनोपेक्षितं यस्मात्सर्वं कुष्णाति तद्वपुः| प्रपद्य धातून्व्याप्यान्तः सर्वान् संक्लेद्य चावहेत्||४|| सस्वेदक्लेदसङ्कोथान् कृमीन् सूक्ष्मान् सुदारुणान्| लोमत्वक्स्नायुधमनीतरुणास्थीनि यैः क्रमात्||५|| भक्षयेच्छ्वित्रमस्माच्च कुष्ठबाह्यमुदाहृतम्| |६|
🔊 Audio coming soon
স০-যস্মাদ্ধেতোরুপেক্ষিতং-অনুপক্রান্তং সত্, কালেন সর্বং বপুঃ-শরীরং, কৃষ্ণাতি তস্মাত্তত্ কুষ্ঠমিত্যুচ্যতে| তচ্চ কুষ্ঠং ধাতূন্ সর্বান্ প্রপদ্য-প্রাপ্য, অনন্তরমন্তর্ব্যাপ্য-প্রকৃতত্বাত্তেষামেবান্তরং ব্যাপ্য, তথা সর্বংস্তানেব ধাতূন্ সংক্লেদ্য-ক্লেদযিত্বা, কৃমীনাবহেত্-কুর্যাত্| কিম্ভূতান্ ? স্বেদাদিভির্যুতান্| তথা, সূক্ষ্মান্| তথা, সুদারুণান্-দুশ্চিকিত্স্যান্| যৈঃ-কৃমিভিঃ, তত্কুষ্ঠং লোমাদীন্ ভক্ষযেত্| শ্বিত্রস্যেদৃগ্রূপতা ন বিদ্যতে যা কুষ্ঠস্যোক্তা| অস্মাচ্চ কারণাচ্ছ্বিত্রং কুষ্ঠবাহ্যমুদাহৃতম্, কুষ্ঠাদ্বাহ্যং ত্বগ্গতমাত্রমেবোক্তমিত্যর্থঃ|
Adhikarana kuShThasya saptavidhatvaM doShataH (6-7) · Śloka 7
| কুষ্ঠানি সপ্তধা দোষৈঃ পৃথঙ্মিশ্রৈঃ সমাগতৈঃ||৬|| ননু, এবং সত্যেকদোষজং দ্বিদোষজং কুষ্ঠম্, ন সর্বং ত্রিদোষজং স্যাত্, ইত্যাশঙ্ক্যাহ - - - - সর্বেষ্বপি ত্রিদোষেষু ব্যপদেশোঽধিকত্বতঃ|৭|
View original
| कुष्ठानि सप्तधा दोषैः पृथङ्मिश्रैः समागतैः||६|| ननु, एवं सत्येकदोषजं द्विदोषजं कुष्ठम्, न सर्वं त्रिदोषजं स्यात्, इत्याशङ्क्याह - - - - सर्वेष्वपि त्रिदोषेषु व्यपदेशोऽधिकत्वतः|७|
🔊 Audio coming soon
স০- কুষ্ঠানি সপ্তধা-সপ্তপ্রকারাণি| কথম্ ? ইত্যাহ-পৃথক্-বাতপিত্তকফৈঃ| তৈরেব চ মিশ্রৈঃ-বাতপিত্তাভ্যাং বাতকফাভ্যাং পিত্তকফাভ্যাম্| তৈরেব দোষৈঃ সমাগতৈঃ-সন্নিপতিতৈঃ| স০- সর্বেষ্বপি কুষ্ঠেষু ত্রিদোশেষু - সন্নিপাতজেষ্বপি, অধিকত্বেন ব্যপদেশঃ| সন্নিপাতস্য সমবিষমাত্মকত্বাত্|
Adhikarana kuShThasya aShTAdashatvaM nAmataH (7-10) · Śloka 10
অত আহ - - - - বাতেন কুষ্ঠং কাপালং, পিত্তাদৌদুম্বরং, কফাত্||৭|| মণ্ডলাখ্যং বিচর্চী চ, ঋক্ষাখ্যং বাতপিত্তজম্| চর্মৈককুষ্ঠকিটিভসিধ্মালসবিপাদিকাঃ||৮|| বাতশ্লেষ্মোদ্ভবাঃ, শ্লেষ্মপিত্তাদ্দদ্রুশতারুষী| পুণ্ডরীকং সবিস্ফোটং পামা চর্মদলং তথা||৯|| সর্বৈঃ স্যাত্কাকণং| |১০|
View original
अत आह - - - - वातेन कुष्ठं कापालं, पित्तादौदुम्बरं, कफात्||७|| मण्डलाख्यं विचर्ची च, ऋक्षाख्यं वातपित्तजम्| चर्मैककुष्ठकिटिभसिध्मालसविपादिकाः||८|| वातश्लेष्मोद्भवाः, श्लेष्मपित्ताद्दद्रुशतारुषी| पुण्डरीकं सविस्फोटं पामा चर्मदलं तथा||९|| सर्वैः स्यात्काकणं| |१०|
🔊 Audio coming soon
স০-[বাতেন-] বাতোল্বণেন সন্নিপাতেন, কাপালং নাম কুষ্ঠং ভবতি| পিত্তাত্-পিত্তাধিকাত্সন্নিপাতাত্, ঔদুম্বরং নাম কুষ্ঠং জাযতে| কফাত্-কফাধিকাত্সন্নিপাতাত্, মণ্ডলাখ্যং কুষ্ঠং জাযতে| তথা বিচর্চী চ, কফাদেবেতি চার্থঃ| ঋক্ষাখ্যং কুষ্ঠং বাতপিত্তজং-বাতপিত্তোল্বণাত্সন্নিপাতাজ্জাতম্| এবমগ্রেঽপি যোজ্যম্| চর্মৈককুষ্ঠকিটিভসিধ্মালসবিপাদিকা বাতশ্লেষ্মোদ্ভবাঃ| শ্লেষ্মপিত্তাত্ দদ্রুশতারুষী দ্বে কুষ্ঠে| ন কেবলং দদ্রু শতারুশ্চ শ্লেষ্মপিত্তাত্, যাবত্পুণ্ডরীকং তথা বিস্ফোটস্তথা পামা তথা চর্মদলং জাযতে| সর্বৈঃ-ত্রিভিরেব সমৈর্দোষৈঃ, কাকণং নাম কুষ্ঠমুত্পদ্যতে| এবমেতান্যষ্টাদশ কুষ্ঠানি ভবন্তি|
Adhikarana saptamahAkuShThAni (10) · Śloka 10
পূর্বং ত্রিকং দদ্রু সকাকণম্| পুণ্ডরীকর্ক্ষজিহ্বে চ মহাকুষ্ঠানি সপ্ত তু||১০||
View original
पूर्वं त्रिकं दद्रु सकाकणम्| पुण्डरीकर्क्षजिह्वे च महाकुष्ठानि सप्त तु||१०||
🔊 Audio coming soon
স০-পূর্বং ত্রিকং-কাপালোদুম্বরমণ্ডলাখ্যং, তথা দদ্রুঃ কাকণং পুণ্ডরীকমৃক্ষজিহ্বং চেতি মহাকুষ্ঠানি সপ্ত স্যুঃ|
Adhikarana kuShThasya pUrvarUpam (11-13) · Śloka 13
অতিশ্লক্ষ্ণখরস্পর্শখেদাস্বেদবিবর্ণতাঃ| দাহঃ কণ্ডূস্ত্বচি স্বাপস্তোদঃ কোঠোন্নতিঃ শ্রমঃ||১১|| ব্রণানামধিকং শূলং শীঘ্রোত্পত্তিশ্চিরস্থিতিঃ| রূঢানামপি রূক্ষত্বং নিমিত্তেঽল্পেঽপি কোপনম্||১২|| রোমহর্ষোঽসৃজঃ কার্ষ্ণ্যং কুষ্ঠলক্ষণমগ্রজম্| |১৩|
View original
अतिश्लक्ष्णखरस्पर्शखेदास्वेदविवर्णताः| दाहः कण्डूस्त्वचि स्वापस्तोदः कोठोन्नतिः श्रमः||११|| व्रणानामधिकं शूलं शीघ्रोत्पत्तिश्चिरस्थितिः| रूढानामपि रूक्षत्वं निमित्तेऽल्पेऽपि कोपनम्||१२|| रोमहर्षोऽसृजः कार्ष्ण्यं कुष्ठलक्षणमग्रजम्| |१३|
🔊 Audio coming soon
স০-অতিশ্লক্ষ্ণাদিকং কুষ্ঠলক্ষণমগ্রজম্-প্রাগ্রূপমিত্যর্থঃ|
Adhikarana kApAlakuShThasya lakShaNam (13-14) · Śloka 14
অধুনৈতেষাং লক্ষণান্যাহ - - - - কৃষ্ণারুণকপালাভং রূক্ষং সুপ্তং খরং তনু||১৩|| বিস্তৃতাসমপর্যন্তং হৃষিতৈর্লোমভিশ্চিতম্| তোদঢ্যমল্পকণ্ডূকং কাপালং শীঘ্রসর্পি চ||১৪||
View original
अधुनैतेषां लक्षणान्याह - - - - कृष्णारुणकपालाभं रूक्षं सुप्तं खरं तनु||१३|| विस्तृतासमपर्यन्तं हृषितैर्लोमभिश्चितम्| तोदढ्यमल्पकण्डूकं कापालं शीघ्रसर्पि च||१४||
🔊 Audio coming soon
স০-কৃষ্ণারুণকপালাভমিত্যাদিকং কাপালস্য লক্ষণম্|
Adhikarana udumbarakuShThasya lakShaNam (15-16) · Śloka 16
পক্বোদুম্বরতাম্রত্বগ্রোম গৌরসিরাচিতম্| বহলং বহলক্লেদরক্তং দাহরুজাধিকম্||১৫|| আশূত্থানাবদরণকৃমি বিদ্যাদুদুম্বরম্| |১৬|
View original
पक्वोदुम्बरताम्रत्वग्रोम गौरसिराचितम्| बहलं बहलक्लेदरक्तं दाहरुजाधिकम्||१५|| आशूत्थानावदरणकृमि विद्यादुदुम्बरम्| |१६|
🔊 Audio coming soon
স০-পক্বোদুম্বরতাম্রেত্যাদিকমৌদুম্বরস্য লক্ষণম্|
Adhikarana maNDalakuShThasya lakShaNam (16-17) · Śloka 17
| স্থিরং স্ত্যানং গুরু স্নিগ্ধং শ্বেতরক্তমনাশুগম্||১৬|| অন্যোন্যসক্তমুত্সন্নং বহুকণ্ডূস্রুতিক্রিমি| শ্লক্ষ্ণপীতাভপর্যন্তং মণ্ডলং পরিমণ্ডলম্||১৭||
View original
| स्थिरं स्त्यानं गुरु स्निग्धं श्वेतरक्तमनाशुगम्||१६|| अन्योन्यसक्तमुत्सन्नं बहुकण्डूस्रुतिक्रिमि| श्लक्ष्णपीताभपर्यन्तं मण्डलं परिमण्डलम्||१७||
🔊 Audio coming soon
স০-স্থিরং স্ত্যানমিত্যাদিকং মণ্ডলস্য লক্ষণম্|
Adhikarana vicarcikAkuShThasya lakShaNam (18) · Śloka 18
সকণ্ডূপিটিকা শ্যাবা লসীকাঢ্যা বিচর্চিকা| |১৮|
View original
सकण्डूपिटिका श्यावा लसीकाढ्या विचर्चिका| |१८|
🔊 Audio coming soon
স০-সকণ্ডূপিটিকেত্যাদিকং বিচর্চিকাযা লক্ষণম্|
Adhikarana RukShajihvakuShThasya lakShaNam (18-19) · Śloka 19
| পরুষং তনু রক্তান্তমন্তঃশ্যাবং সমুন্নতম্||১৮|| সতোদদাহরুক্ক্লেদং কর্কশৈঃ পিটিকৈশ্চিতম্| ঋক্ষজিহ্বাকৃতি প্রোক্তমৃক্ষজিহ্বং বহুক্রিমি||১৯||
View original
| परुषं तनु रक्तान्तमन्तःश्यावं समुन्नतम्||१८|| सतोददाहरुक्क्लेदं कर्कशैः पिटिकैश्चितम्| ऋक्षजिह्वाकृति प्रोक्तमृक्षजिह्वं बहुक्रिमि||१९||
🔊 Audio coming soon
স০-পরুষমিত্যাদিকং ঋক্ষজিহ্বস্য লক্ষণম্| ঋক্ষজিহ্বেব প্রকাশখরা আকৃতির্যস্য ঋক্ষজিহ্বস্য তথৈবম্|
Adhikarana carmakuShThasya lakShaNam (20) · Śloka 20
হস্তিচর্মখরস্পর্শং চর্ম| |২০|
View original
हस्तिचर्मखरस्पर्शं चर्म| |२०|
🔊 Audio coming soon
স০-হস্তিচর্মবত্ খরস্পর্শং চর্মাখ্যং কুষ্ঠম্|
Adhikarana ekakuShThasya lakShaNam (20) · Śloka 20
একাখ্যং মহাশ্রযম্| অস্বেদং মত্স্যশকলসন্নিভম্ |২০|
View original
एकाख्यं महाश्रयम्| अस्वेदं मत्स्यशकलसन्निभम् |२०|
🔊 Audio coming soon
স০-একসংজ্ঞং কুষ্ঠং মহাশ্রযং-বিস্তীর্ণাশযম্| তথা, অস্বেদং-স্বেদরহিতম্| তথা, মত্স্যশকলসন্নিভং-মত্স্যত্বঙ্মণ্ডলসদৃশম্| সুশ্রুতে ত্বেককুষ্ঠস্যৈবং লক্ষণমভ্যধাযি (নি. অ. ৫|৯) - "কৃত্স্নো দেহো যস্য রক্তোঽরুণো বা তদেকাখ্যং কুষ্ঠমাহুঃ সুকষ্টম্|" ইতি| খরনাদেঽপ্যুক্তম্-"মহদস্বেদনং মত্স্যশকলাকারমেকজম্|" ইতি|
Adhikarana kiTibhakuShThasya lakShaNam (20-21) · Śloka 21
| কিটিভং পুনঃ||২০|| রূক্ষং কিণখরস্পর্শং কণ্ডূমত্পরুষাসিতম্| |২১|
View original
| किटिभं पुनः||२०|| रूक्षं किणखरस्पर्शं कण्डूमत्परुषासितम्| |२१|
🔊 Audio coming soon
স০-কিটিভং তু রূক্ষং কিণখরস্পর্শং কণ্ডূমত্পরুষাসিতম্|
Adhikarana sidhmakuShThasya lakShaNam (21-23) · Śloka 23
| সিধ্মং রূক্ষং বহিঃ স্নিগ্ধমন্তর্ঘৃষ্টং রজঃ কিরেত্||২১|| শ্লক্ষ্ণস্পর্শং তনু শ্বেততাম্রং দৌগ্ধিকপুষ্পবত্| প্রাযেণ চোর্ধ্বকাযে স্যাত্|২৩|
View original
| सिध्मं रूक्षं बहिः स्निग्धमन्तर्घृष्टं रजः किरेत्||२१|| श्लक्ष्णस्पर्शं तनु श्वेतताम्रं दौग्धिकपुष्पवत्| प्रायेण चोर्ध्वकाये स्यात्|२३|
🔊 Audio coming soon
স০-সিধ্মং নাম কুষ্ঠং বহী রূক্ষম্, অন্তঃ স্নিগ্ধম্, ঘৃষ্টং সদ্রজঃ কিরেত্-ক্ষিপেত্| তথা শ্লক্ষ্ণস্পর্শম্| তথা তনু| বর্ণেন শ্বেততাম্রম্, দৌগ্ধিকপুষ্পবত্-অলাবুকুসুমাভম্| তচ্চ প্রাযেণ-বাহুল্যেন, ঊর্ধ্বকাযে স্যাত্| খরনাদেঽপ্যুক্তম্-"অলাবুপুষ্পবত্সিধ্মং ঘৃষ্টং যচ্চোদ্বমেদ্রজঃ|" ইতি|
Adhikarana alasakakuShThasya lakShaNam (22-23) · Śloka 23
| গণ্ডৈঃ কণ্ডূযুতৈশ্চিতম্||২২|| রক্তৈরলসকম্| |২৩|
View original
| गण्डैः कण्डूयुतैश्चितम्||२२|| रक्तैरलसकम्| |२३|
🔊 Audio coming soon
স০-অলসকং নাম কুষ্ঠং গণ্ডৈ রক্তবর্ণৈঃ কণ্ডূযুতৈশ্চ ব্যাপ্তং ভবেত্|
Adhikarana vipAdikAkuShThasya lakShaNam (23) · Śloka 23
পাণিপাদদার্যো বিপাদিকাঃ| তীব্রার্ত্যো মন্দকণ্ড্বশ্চ সরাগপিটিকাচিতাঃ||২৩||
View original
पाणिपाददार्यो विपादिकाः| तीव्रार्त्यो मन्दकण्ड्वश्च सरागपिटिकाचिताः||२३||
🔊 Audio coming soon
স০-বিপাদিকাঃ পাণিপাদদার্যঃ স্যুঃ| তথা, তীব্রার্ত্যঃ-অত্যন্তপীডযা যুতাঃ| তথা, মন্দকণ্ড্বঃ-অল্পখর্জূকাঃ| তথা, সরাগপিটিকাচিতাশ্চ| পাণিপাদৌ দারযন্তীতি কর্মণ্যণতান্ঙীপ্|
Adhikarana dadrukuShThasya lakShaNam (24) · Śloka 24
দীর্ঘপ্রতানা দূর্বাবদতসীকুসুমচ্ছবিঃ| উত্সন্নমণ্ডলা দদ্রূঃ কণ্ডূমত্যনুষঙ্গিণী||২৪||
View original
दीर्घप्रताना दूर्वावदतसीकुसुमच्छविः| उत्सन्नमण्डला दद्रूः कण्डूमत्यनुषङ्गिणी||२४||
🔊 Audio coming soon
স০-দূর্বাবদ্দীর্ঘপ্রতানা দদ্রূঃ| তথা, অতসীপুষ্পাভা| তথা, উত্সন্নমণ্ডলা চ| তথা, কণ্ডূমতী| তথা, অনুষঙ্গিণী-প্রসক্তানুপ্রসক্ত্যা সংশ্লেষবতী শরীরমনুধাবতী|
Adhikarana shatAruH kuShThasya lakShaNam (25) · Śloka 25
স্থূলমূলং সদাহার্তি রক্তশ্যাবং বহুব্রণম্| শতারুঃ ক্লেদজন্ত্বাঢ্যং প্রাযশঃ পর্বজন্ম চ||২৫||
View original
स्थूलमूलं सदाहार्ति रक्तश्यावं बहुव्रणम्| शतारुः क्लेदजन्त्वाढ्यं प्रायशः पर्वजन्म च||२५||
🔊 Audio coming soon
স০-শতারুর্নাম কুষ্ঠং স্থূলমূলাদিলক্ষণম্, যাবত্ প্রাযশঃ পর্বজন্ম চেতি|
Adhikarana puNDarIkakuShThasya lakShaNam (26-27) · Śloka 27
রক্তান্তমন্তরা পাণ্ডু কণ্ডূদাহরুজান্বিতম্| সোত্সেধমাচিতং রক্তৈঃ পদ্মপত্রমিবাংশুভিঃ||২৬|| ঘনভূরিলসীকাসৃক্প্রাযমাশু বিভেদি চ| পুণ্ডরীকম্|২৭|
View original
रक्तान्तमन्तरा पाण्डु कण्डूदाहरुजान्वितम्| सोत्सेधमाचितं रक्तैः पद्मपत्रमिवांशुभिः||२६|| घनभूरिलसीकासृक्प्रायमाशु विभेदि च| पुण्डरीकम्|२७|
🔊 Audio coming soon
স০-পুণ্ডরীকং নাম কুষ্ঠং রক্তপর্যন্তম্| তথা, অন্তরা-মধ্যে, পাণ্ডু| তথা, কণ্ডূদাহরুজাযুতম্| তথা, উন্নতিযুক্তম্| তথা, রক্তৈরংশুভিঃ-সূক্ষ্মরেখাভিঃ, আচিতং-ব্যাপ্তং, পদ্মপত্রমিব| তথা, ঘনভূরিলসীকাসৃক্প্রাযম্| আশু চ বিভেদি|
Adhikarana visphoTakuShThasya lakShaNam (27-28) · Śloka 28
| তনুত্বগ্ভিশ্চিতং স্ফোটৈঃ সিতারুণৈঃ||২৭|| বিস্ফোটম্| |২৮|
View original
| तनुत्वग्भिश्चितं स्फोटैः सितारुणैः||२७|| विस्फोटम्| |२८|
🔊 Audio coming soon
স০-বিস্ফোটং নাম কুষ্ঠং তনুত্বগ্ভিঃ স্ফোটৈশ্চিতং-ব্যাপ্তম্| কিম্ভূতৈঃ ? সিতারুণৈঃ-শ্বেতলোহিতৈঃ|
Adhikarana pAmAkuShThasya lakShaNam (28) · Śloka 28
পিটিকাঃ পামা কণ্ডূক্লেদরুজাধিকাঃ| সূক্ষ্মাঃ শ্যাবারুণা বহ্ব্যঃ প্রাযঃ স্ফিক্পণিকূর্পরে||২৮||
View original
पिटिकाः पामा कण्डूक्लेदरुजाधिकाः| सूक्ष्माः श्यावारुणा बह्व्यः प्रायः स्फिक्पणिकूर्परे||२८||
🔊 Audio coming soon
স০-পিটিকাঃ কণ্ডূক্লেদরুজাধিকাঃ পামেত্যুচ্যতে| কিম্ভূতাঃ ?সূক্ষ্মাঃ শ্যাবারুণাঃ বহ্ব্যশ্চ| প্রাযো-বাহুল্যেন, সা চ পামা স্ফিজোঃ পাণ্যোঃ কূর্পরযোশ্চ স্যাত্|
Adhikarana carmadalakuShThasya lakShaNam (29) · Śloka 29
সস্ফোটমস্পর্শসহং কণ্ডূষাতোদদাহবত্| রক্তং দলচ্চর্মদলম্|২৯|
View original
सस्फोटमस्पर्शसहं कण्डूषातोददाहवत्| रक्तं दलच्चर्मदलम्|२९|
🔊 Audio coming soon
স০-চর্মদলং নাম কুষ্ঠং স্ফোটবত্ তথা স্পর্শাক্ষমম্| তথা, কণ্ড্বাদিযুতম্| তথা, রক্তং-বর্ণেন| তথা দলত্-স্ফুটত্, স্যাত্|
Adhikarana kAkaNakuShThasya lakShaNam (29-30) · Śloka 30
| কাকণং তীব্রদাহরুক্||২৯|| পূর্বং রক্তং চ কৃষ্ণং চ কাকণন্তীফলোপমম্| কুষ্ঠলিঙ্গৈর্যুতং সর্বৈর্নৈকবর্ণং ততো ভবেত্||৩০||
View original
| काकणं तीव्रदाहरुक्||२९|| पूर्वं रक्तं च कृष्णं च काकणन्तीफलोपमम्| कुष्ठलिङ्गैर्युतं सर्वैर्नैकवर्णं ततो भवेत्||३०||
🔊 Audio coming soon
স০-কাকণং নাম কুষ্ঠং তীব্রদাহরুক্| তথা পূর্বং-প্রথমং, রক্তং তথা কৃষ্ণং কাকণন্তীফলোপমং-গুঞ্জাফলসদৃশম্| ততঃ-অনন্তরং, সর্বৈঃ কুষ্ঠলিঙ্গৈর্যুতম্| নৈকবর্ণং-অপি তু শ্বেতপীতাদিবর্ণমপি স্যাদিত্যর্থঃ| সুশ্রুতে তু মণ্ডলশতারুর্বিপাদিকালসকচর্মদলবিশ্ফোটাখ্যানি নোদিতানি| স্থূলারুষ্কমহাকুষ্ঠপরীসর্ববিসর্পরকসারুণাখ্যানি তত্রোক্তানি| এবং চ তল্লক্ষণম্ (নি. অ. ৫|৮) - "যত্র স্থূলমূলান্যরূংষি জাযন্তে সন্ধিষূগ্রাণি তত্ স্থূলারুষ্কং কুষ্ঠম্| উত্পদ্যন্তে সর্বদেহে মহাখ্যং ত্বক্সঙ্কোচস্বাপতোদাঙ্গসাদাঃ| যস্মিন্ দীর্ঘাঃ স্ফোটিকাঃ স্রাববত্যঃ সংসর্পেযুস্তং পরীসর্পমাহুঃ|| তুল্যঃ সর্পেদ্যো বিসর্পেণ শীঘ্রং ত্বগ্রক্তাদীন্ব্যাপ্য স স্যাদ্বিসর্পঃ| কৃত্স্নে দেহে স্ফোটিকাঃ স্রাবহীনাঃ কণ্ডূপ্রাযা রক্তসাস্তাঃ প্রদিষ্টাঃ| অরুণানি তনূনি বিসর্পিণি তাপযুতান্যরুণানি|" ইতি| তদেতেষু কুষ্ঠমেদেষু যথা নামবিপর্যযস্তথা লক্ষণবিপর্যযোঽপি| কিন্ত্বেতেঽপি কুষ্ঠভেদা দৃশ্যন্তে এব, ইত্যেতদপি লক্ষণমাদরণীযমেবেতি মন্যামহেঽধিকং কুষ্ঠেষু, ইত্যাদি|
Adhikarana kuShTheShu doSholbaNatA (31) · Śloka 31
কুষ্ঠেষু ত্রিদোষজেষু সত্সু, ইদং বাতাধিকং কুষ্ঠমিদং পিত্তাধিকং কুষ্ঠমিদং কফাধিকং কুষ্ঠমিতি কথং জ্ঞাতব্যম্? ইত্যাহ - - - - দোষভেদীযবিহিতৈরাদিশেল্লিঙ্গকর্মভিঃ| কুষ্ঠেষু দোষোল্বণতাম্|৩১|
View original
कुष्ठेषु त्रिदोषजेषु सत्सु, इदं वाताधिकं कुष्ठमिदं पित्ताधिकं कुष्ठमिदं कफाधिकं कुष्ठमिति कथं ज्ञातव्यम्? इत्याह - - - - दोषभेदीयविहितैरादिशेल्लिङ्गकर्मभिः| कुष्ठेषु दोषोल्बणताम्|३१|
🔊 Audio coming soon
স০-কুষ্ঠেষু দোষোল্বণতাং-দোষাধিক্যং, দোষভেদীযবিহিতযথাযথং লিঙ্গকর্মভিরাদিশেত্| লিঙ্গানি চ তানি কর্মাণি চ লিঙ্গকর্মাণি| যথা-বাযোঃ স্রংসাদীনি, পিত্তস্য দাহাদীনি, শ্লেষ্মণঃ স্নেহকাঠিন্যাদীনি, যথাযথমাত্মীযৈরেব কর্মভির্যতস্তেষাং লিঙ্গং লক্ষ্যতে ততস্তেষাং দোষাণাং কর্মাণ্যেব লিঙ্গান্যুচ্যন্তে| অত এব চ স্রংসাদীনি কর্মাণি দোষাণামুক্ত্বাঽনন্তরমিদমুবাচ (হৃ. সূ. অ. ১২|৫৪) - "ইত্যশেষামযব্যাপি যদুক্তং দোষলক্ষণম্| দর্শনাদ্যৈরবহিতস্তত্সম্যগুপলক্ষযেত্||" ইতি|
Adhikarana kuShThasya asAdhyatvam (31-32) · Śloka 32
| সর্বদোষোল্বণং ত্যজেত্||৩১|| রিষ্টোক্তং যচ্চ যচ্চাস্থিমজ্জশুক্রসমাশ্রযম্| |৩২|
View original
| सर्वदोषोल्बणं त्यजेत्||३१|| रिष्टोक्तं यच्च यच्चास्थिमज्जशुक्रसमाश्रयम्| |३२|
🔊 Audio coming soon
স০-সর্বদোষোল্বণং-সন্নিপাতজং, কুষ্ঠং ত্যজেত্-ন চিকিত্সেত্| রিষ্টোক্তমিতি যচ্চ বিকৃতিবিজ্ঞানীযে কথিতং (হৃ. শা. অ. ৫|৯৮) - "কুষ্ঠং বিশীর্যমাণাঙ্গং" ইত্যাদি, তচ্চ নোপক্রমেত্| যচ্চ কুষ্ঠমস্থিমজ্জশুক্রসমাশ্রযং তচ্চ ত্যজেত্|
Adhikarana kuShThasya yApyatvam (32) · Śloka 32
| যাপ্যং মেদোগতম্|৩২|
View original
| याप्यं मेदोगतम्|३२|
🔊 Audio coming soon
স০-মেদোগতং কুষ্ঠং যাপ্যং-পথ্যাদিভির্যাপযিতুং শক্যম্|
Adhikarana kuShThasya kRucchratvam (32) · Śloka 32
| কৃচ্ছ্রং পিত্তদ্বন্দ্বাস্রমাংসগম্||৩২||
View original
| कृच्छ्रं पित्तद्वन्द्वास्रमांसगम्||३२||
🔊 Audio coming soon
স০-পিত্তস্য দ্বন্দ্বং পিত্তদ্বন্দ্বম্| পিত্তদ্বন্দ্বজং তথা রক্তগং মাংসগং চ কুষ্ঠং কৃচ্ছ্রং-কৃচ্ছ্রসাধ্যম্|
Adhikarana kuShThasya sukhasAdhyatvam (33) · Śloka 33
অকৃচ্ছ্রং কফবাতাঢ্যং ত্বক্স্থমেকমলং চ যত্| |৩৩|
View original
अकृच्छ्रं कफवाताढ्यं त्वक्स्थमेकमलं च यत्| |३३|
🔊 Audio coming soon
স০-কফবাতাঢ্যমকৃচ্ছ্রং-সুখসাধ্যম্| তথা ত্বক্স্থং, তথা একদোষাধিকং চ যত্কুষ্ঠং তচ্চ সুখসাধ্যম্|
Adhikarana rasagatakuShTasya lakShaNam, raktagatasya lakShaNam, mAMsagatasya lakShaNam, medogatasya lakShaNam, asthimajjAgatasya lakShaNam, shukragatasya lakShaNam (33-36) · Śloka 36
| তত্র ত্বচি স্থিতে কুষ্ঠে তোদবৈবর্ণ্যরূক্ষতাঃ||৩৩|| স্বেদস্বাপশ্বযথবঃ শোণিতে, পিশিতে পুনঃ| পাণিপাদাশ্রিতাঃ স্ফোটাঃ ক্লেদঃ সন্ধিষু চাধিকম্||৩৪|| কৌণ্যং গতিক্ষযোঽঙ্গানাং দলনং স্যাচ্চ মেদসি| নাসাভঙ্গোঽস্থিমজ্জস্থে নেত্ররাগঃ স্বরক্ষযঃ||৩৫|| ক্ষতে চ কৃমযঃ, শুক্রে স্বদারাপত্যবাধনম্| |৩৬|
View original
| तत्र त्वचि स्थिते कुष्ठे तोदवैवर्ण्यरूक्षताः||३३|| स्वेदस्वापश्वयथवः शोणिते, पिशिते पुनः| पाणिपादाश्रिताः स्फोटाः क्लेदः सन्धिषु चाधिकम्||३४|| कौण्यं गतिक्षयोऽङ्गानां दलनं स्याच्च मेदसि| नासाभङ्गोऽस्थिमज्जस्थे नेत्ररागः स्वरक्षयः||३५|| क्षते च कृमयः, शुक्रे स्वदारापत्यबाधनम्| |३६|
🔊 Audio coming soon
স০-তত্র-তেষু কুষ্ঠেষু মধ্যে, ত্বচি প্রাপ্তে কুষ্ঠে তোদাদযঃ স্যুঃ| রক্তস্থে কুষ্ঠে স্বেদাদ্যাঃ স্যুঃ| মাংসস্থে কুষ্ঠে পাণিপাদাশ্রিতাঃ স্ফোটাঃ স্যুঃ, সন্ধিষু চাতিশযেন ক্লেদো ভবতি| মেদসি স্থিতে কুষ্ঠে কৌণ্যং-কুণিতা, তথা গতিক্ষযঃ, তথাঽঙ্গানাং দলনং-ছেদনমিব, স্যাত্| অস্থিমজ্জস্থে কুষ্ঠে নাসাযাঃ-ঘ্রাণস্য ভঙ্গঃ, তথা নেত্রযো রাগঃ স্বরস্য চ ক্ষযঃ স্যাত্, ক্ষতে চ কৃমযঃ স্যুঃ| শুক্রস্থে কুষ্ঠে দারণামপত্যানাং চ বাধনং-উপদ্রবৈঃ স্বেদাদিভিঃ পীডনং স্যাত্|
Adhikarana asRugAdiShu yathApUrvaM li~ggAni (36-1) · Śloka 1
| যথাপূর্বং চ সর্বাণি স্যুর্লিঙ্গান্যসৃগাদিষু||৩৬|| ইতি কুষ্ঠনিদানম্||১||
View original
| यथापूर्वं च सर्वाणि स्युर्लिङ्गान्यसृगादिषु||३६|| इति कुष्ठनिदानम्||१||
🔊 Audio coming soon
স০-অসৃগাদিষু ধাতুষু কুষ্ঠাক্রান্তদেহানাং নরাণাং যানি লিঙ্গান্যুক্তানি তানি যথাপূর্বং স্যুঃ| যথা-স্বেদাদীনি রক্তস্থে কথিতানি পাণ্যাদ্যাশ্রিতাঃ স্ফোটাদযশ্চ মাংসস্থে স্যুঃ| এবং মেদঃপ্রভৃতিষু যোজ্যম্| এবং চ স্বেদস্বাপাদীনি সর্বাণ্যপি শুক্রস্থে কুষ্ঠে দারাণামপত্যানাং চ স্যুরিতি যথাপূর্বংশব্দস্যার্থঃ|
Adhikarana shvitrasya sAmAnyalakShaNam (37) · Śloka 37
কুষ্ঠনিদানাদনন্তরং শ্বিত্রস্যোচ্যতে| কুষ্ঠশ্বিত্রযোরেককারণত্বাত্| অত এবাহ - - - - অথ শ্বিত্রনিদানম্| কুষ্ঠৈকসম্ভবং শ্বিত্রং কিলাসং দারুণং চ তত্| নির্দিষ্টমপরিস্রাবি ত্রিধাতূদ্ভবসংশ্রযম্||৩৭||
View original
कुष्ठनिदानादनन्तरं श्वित्रस्योच्यते| कुष्ठश्वित्रयोरेककारणत्वात्| अत एवाह - - - - अथ श्वित्रनिदानम्| कुष्ठैकसम्भवं श्वित्रं किलासं दारुणं च तत्| निर्दिष्टमपरिस्रावि त्रिधातूद्भवसंश्रयम्||३७||
🔊 Audio coming soon
স০-কুষ্ঠানামেকঃ-সমানঃ, সম্ভবো যস্য তচ্ছ্বিত্রং কুষ্ঠৈকসম্ভবং ভবতি| কিলাসং দারুণং চ তন্নির্দিষ্টম্, ন কেবলং শ্বিত্রমিতি| তচ্চাপরিস্রাবি-ন কুষ্ঠবত্ স্রবতি| উদ্ভবো-জন্ম, সংশ্রযঃ-আশ্রযঃ, উদ্ভবশ্চ সংশ্রযশ্চোদ্ভবসংশ্রযৌ, ধাতুশব্দেনোভযং পরিগৃহ্যতে, বাতাদযস্ত্রযো দোষাস্তথা রক্তাদযস্ত্রযো ধাতবঃ, ধাতবশ্চ ধাতবশ্চ ধাতবঃ, ত্রযো ধাতবো যথাক্রমমুদ্ভবসংশ্রযৌ যস্য তত্ ত্রিধাতূদ্ভবসংশ্রযম্|
Adhikarana vAtajasya lakShaNam, pittajasya lakShaNam, kaphajasya lakShaNam (38-39) · Śloka 39
বাতাদ্রূক্ষারুণং, পিত্তাত্তাম্রং কমলপত্রবত্| সদাহং রোমবিধ্বংসি, কফাচ্ছ্বেতং ঘনং গুরু||৩৮|| সকণ্ডু চ, ক্রমাদ্রক্তমাংসমেদঃসু চাদিশেত্| |৩৯|
View original
वाताद्रूक्षारुणं, पित्तात्ताम्रं कमलपत्रवत्| सदाहं रोमविध्वंसि, कफाच्छ्वेतं घनं गुरु||३८|| सकण्डु च, क्रमाद्रक्तमांसमेदःसु चादिशेत्| |३९|
🔊 Audio coming soon
স০-বাতাদ্রূক্ষারুণং শ্বিত্রং স্যাত্| পিত্তাত্ কমলপত্রমিব তাম্রং বর্ণেন, তথা সদাহম্, তথা রোমবিধ্বংসি-রোমশাতনস্বভাবম্| কফাচ্ছ্বেতম্, তথা ঘনম্, তথা গুরু-অঙ্গেনানুভূযতে, তথা সহ কণ্ড্বা বর্তত ইতি সকণ্ডু| ক্রমাত্-যথাক্রমং, বাতাদ্যুদ্ভবং শ্বিত্রং রক্তমাংসমেদঃসু চাদিশেত্| তত্র বাতোদ্ভবং শ্বিত্রং রক্তাশ্রযম্| পিত্তোদ্ভবং মাংসাশ্রযম্| কফোদ্ভবং মেদোধাত্বাশ্রযমিতি ক্রমশব্দস্যার্থঃ|
Adhikarana shvitrasya sAdhyakRucchrAsAdhyatvam (39) · Śloka 39
| বর্ণেনৈবেদৃগুভযং কৃচ্ছ্রং তচ্চোত্তরোত্তরম্||৩৯||
View original
| वर्णेनैवेदृगुभयं कृच्छ्रं तच्चोत्तरोत्तरम्||३९||
🔊 Audio coming soon
স০-এবেতি চার্থে| উভযং-দোষোদ্ভবং রক্তাদ্যাশ্রযং শ্বিত্রং, বর্ণেন চেদৃক্-অরুণং তাম্রং শ্বেতং যথাক্রমম্, ন পুনর্বাতাদ্যুদ্ভবত্বদন্যবর্ণং রক্তাদিসংশ্রযত্বাদন্যবর্ণমিত্যর্থঃ| তচ্চ-শ্বিত্রং বাতাদ্যুদ্ভবং রক্তাদিসংশ্রযং চ, উত্তরোত্তরং কৃচ্ছ্রসাধ্যমাদিশেদিতি প্রকৃতম্| রক্তাশ্রযাদ্বাতজাত্কৃচ্ছ্রাত্ মাংসাশ্রযং পিত্তজং কৃচ্ছ্রতরম্| ততো মেদঃসংশ্রিতং কফজং কৃচ্ছ্রতমমিতি|
Adhikarana sarve rogAH prAyaH sa~jcAriNaH (40-2) · Śloka 2
অধুনা সাধ্যাসাধ্যবিভাগার্থমাহ - - - - অশুক্লরোমাবহলমসংসৃষ্টং মিথো নবম্| অনগ্নিদগ্ধজং সাধ্যং শ্বিত্রং, বর্জ্যমতোঽন্যথা||৪০|| গুহ্যপাণিতলৌষ্ঠেষু জাতমপ্যচিরন্তনম্| স্পর্শৈকাহারশয্যাদিসেবনাত্ প্রাযশো গদাঃ||৪১|| সর্বে সঞ্চারিণো, নেত্রত্বগ্বিকারা বিশেষতঃ| |৪২| ইতি শ্বিত্রনিদানম্||২||
View original
अधुना साध्यासाध्यविभागार्थमाह - - - - अशुक्लरोमाबहलमसंसृष्टं मिथो नवम्| अनग्निदग्धजं साध्यं श्वित्रं, वर्ज्यमतोऽन्यथा||४०|| गुह्यपाणितलौष्ठेषु जातमप्यचिरन्तनम्| स्पर्शैकाहारशय्यादिसेवनात् प्रायशो गदाः||४१|| सर्वे सञ्चारिणो, नेत्रत्वग्विकारा विशेषतः| |४२| इति श्वित्रनिदानम्||२||
🔊 Audio coming soon
স০-অশুক্লরোম যচ্ছিত্রং, তথা অবহলং-অঘনং, তথা মিথঃ-পরস্পরং, অসংসৃষ্টং-অমিলিতং, তথা নবং-অবর্ষাতিক্রান্তং, তথাঽনগ্নিদগ্ধজং-অগ্নিদগ্ধজং যন্ন ভবতি, তচ্চ সাধ্যম্| বর্জ্যমতোঽন্যথা-শুক্লরোম শ্বিত্রং, তথা বহলং, তথা পরস্পরসংসৃষ্টং, তথা চিরকালোত্পন্নমগ্নিদগ্ধজং চ, তচ্চাসাধ্যম্| গুহ্যপাণিতলৌষ্ঠেষু জাতমচিরন্তনমপ্যচিন্ত্যস্বভাবত্বেন বর্জ্যম্| স০-সর্বে রোগাঃ প্রাযশো-বাহুল্যেন, সঞ্চারিণঃ-সঞ্চরণশীলাঃ| কুতঃ ? একে চ ত আহারশয্যাদযশ্চৈকাহারশয্যাদযঃ, আদিশব্দেনাসনাদীনাং গ্রহণম্, স্পর্শঃ-সংশ্লেষঃ, স্পর্শশ্চ একাহারশয্যাদযশ্চ, তেষাং সেবনং-ভজনং, তস্মাত্| নেত্রে চ ত্বক্ চ নেত্রত্বক্, তত্র বিকারাঃ-গদাঃ, তে বিশেষেণ সঞ্চারিণঃ|
Adhikarana kRumINAM dvividhatvam (42) · Śloka 42
অধুনা ক্রমপ্রাপ্তান্ কৃমীনধিকৃত্যাহ - - - - অথ কৃমিনিদানম্| কৃমযস্তু দ্বিধা প্রোক্তা বাহ্যাভ্যন্তরভেদতঃ||৪২||
View original
अधुना क्रमप्राप्तान् कृमीनधिकृत्याह - - - - अथ कृमिनिदानम्| कृमयस्तु द्विधा प्रोक्ता बाह्याभ्यन्तरभेदतः||४२||
🔊 Audio coming soon
স০-কৃমযো দ্বিধা প্রোক্তাঃ, মুনিভিরিতি শেষঃ| তুরবধারণে, দ্বিধৈবেত্যর্থঃ| কথম্ ? ইত্যাহ-বাহ্যাভ্যন্তরমেদতঃ| একে বাহ্যা যে কেশবস্ত্রাদিজা যূকালিক্ষাদযঃ| অন্যে চান্তরাঃ, যথা-অন্ত্রাদাদযঃ|
Adhikarana kRumINAM caturvidhatvaM janmataH (43) · Śloka 43
জন্মভেদেন চতুষ্প্রকারাঃ| কথম্ ? ইত্যাহ - - - - বহির্মলকফাসৃগ্বিড্জন্মভেদাচ্চতুর্বিধাঃ| |৪৩|
View original
जन्मभेदेन चतुष्प्रकाराः| कथम् ? इत्याह - - - - बहिर्मलकफासृग्विड्जन्मभेदाच्चतुर्विधाः| |४३|
🔊 Audio coming soon
স০-বহির্মলজন্মানঃ কেশবস্ত্রমলেভ্যঃ শরীরবাহ্যেভ্য উত্পন্নত্বাত্, তথা কফজন্মানো রক্তজন্মানো বিড্জন্মানশ্চেতি চতুর্বিধাঃ| বিট্-পুরীষম্|
Adhikarana kRumINAM viMshatividhatvaM nAmataH (43) · Śloka 43
| নামতো বিংশতিবিধাঃ|৪৩|
View original
| नामतो विंशतिविधाः|४३|
🔊 Audio coming soon
স০-নামতো-নামভেদাত্, কৃমযো বিংশতিপ্রকারাঃ|
Adhikarana bAhyajAnAM nidAnanAmalakShaNAni (43-45) · Śloka 45
| বাহ্যাস্তত্রামৃজোদ্ভবাঃ||৪৩|| তিলপ্রমাণসংস্থানবর্ণাঃ কেশাম্বরাশ্রযাঃ| বহুপাদাশ্চ সূক্ষ্মাশ্চ যূকা লিক্ষাশ্চ নামতঃ||৪৪|| দ্বিধা তে কোঠপিটিকাকণ্ডূগণ্ডান্ প্রকুর্বতে| |৪৫|
View original
| बाह्यास्तत्रामृजोद्भवाः||४३|| तिलप्रमाणसंस्थानवर्णाः केशाम्बराश्रयाः| बहुपादाश्च सूक्ष्माश्च यूका लिक्षाश्च नामतः||४४|| द्विधा ते कोठपिटिकाकण्डूगण्डान् प्रकुर्वते| |४५|
🔊 Audio coming soon
স০-তত্র-তেষু বাহ্যাভ্যন্তরেষু কৃমিষু মধ্যে, অমৃজোদ্ভবাঃ-বাহ্যমলরূপেণোত্পন্নাঃ, বাহ্যাঃ| তে চ তিলানামিব প্রমাণসংস্থানবর্ণা যেষাং ত এবম্| কেশা [ অম্বরং- ] বস্ত্রং চাশ্রযো যেষাং ত এবম্| তথা বহুপাদাঃ সূক্ষ্মাশ্চ| নামতো-নাম্না, যূকা লিক্ষাশ্চেতি দ্বিধা| তে চ কোঠাদীন্ বিদধতি|
Adhikarana antarjAnAM nidAnam (45) · Śloka 45
| কুষ্ঠৈকহেতবোঽন্তর্জাঃ|৪৫|
View original
| कुष्ठैकहेतवोऽन्तर्जाः|४५|
🔊 Audio coming soon
স০-অন্তর্জাঃ-অন্তরাঃ কৃমযঃ, কুষ্ঠৈকহেতবঃ কুষ্ঠেন সহৈকঃ-তুল্যো, হেতুঃ-নিদানং মিথ্যাহারাদিকং, যেষাং ত এবম্|
Adhikarana kaphajAnAM nidAnam (45-46) · Śloka 46
| শ্লেষ্মজাস্তেষু চাধিকম্||৪৫|| মধুরান্নগুডক্ষীরদধিসক্তুনবৌদনৈঃ| |৪৬|
View original
| श्लेष्मजास्तेषु चाधिकम्||४५|| मधुरान्नगुडक्षीरदधिसक्तुनवौदनैः| |४६|
🔊 Audio coming soon
স০-তেষু-অন্তর্জেষু কৃমিষু মধ্যে, শ্লেষ্মজা অধিকং-অতিশযেন, মধুরান্নাদিভিঃ স্যুঃ|
Adhikarana purIShajAnAM nidAnam (46) · Śloka 46
রক্তজানাং নিদানবিশেষো বক্ষ্যমাণ ইতি পুরীষোত্থাংস্তা(ত্থানাং তা)বদাহ - - - - | শকৃজ্জা বহুবিড্ধান্যপর্ণশাকোলকাদিভিঃ||৪৬||
View original
रक्तजानां निदानविशेषो वक्ष्यमाण इति पुरीषोत्थांस्ता(त्थानां ता)वदाह - - - - | शकृज्जा बहुविड्धान्यपर्णशाकोलकादिभिः||४६||
🔊 Audio coming soon
স০-শকৃজ্জাঃ শকৃদুদ্ভূতাঃ, তে কুষ্ঠৈকহেতুসামান্যেঽপ্যধিকং বহুবিড্ধান্যৈঃ-যবমাষাদিভিঃ, বহুবিড্মিরেব পর্ণশাকৈঃ-পালঙ্ক্যাদিভিঃ, তথোলকাদিভিঃ| উলকঃ-স্বেদপর্যাযঃ| অপরে তু "উলুকাদিভিঃ" ইতি জগুঃ| উলুকং-হরিতাবস্থং শিম্বীধান্যমিতি ব্যাচক্ষতে চ|
Adhikarana kaphajAnAM sthAnAkAranAmalakShaNAni (47-50) · Śloka 50
কফাদামাশযে জাতা বৃদ্ধাঃ সর্পন্তি সর্বতঃ| পৃথুব্রধ্ননিভাঃ কেচিত্ কেচিদ্গণ্ডূপদোপমাঃ||৪৭|| রূঢধান্যাঙ্কুরাকারাস্তনুদীর্ঘাস্তথাঽণবঃ| শ্বেতাস্তাম্রাবভাসাশ্চ নামতঃ সপ্তধা তু তে||৪৮|| অন্ত্রাদা উদরাবেষ্টা হৃদযাদা মহাকুহাঃ| কুরবো দর্ভকুসুমাঃ সুগন্ধাস্তে চ কুর্বতে||৪৯|| হৃল্লাসমাস্যস্রবণমবিপাকমরোচকম্| মূর্চ্ছাচ্ছর্দিজ্বরানাহকার্শ্যক্ষবথুপীনসান্||৫০||
View original
कफादामाशये जाता वृद्धाः सर्पन्ति सर्वतः| पृथुब्रध्ननिभाः केचित् केचिद्गण्डूपदोपमाः||४७|| रूढधान्याङ्कुराकारास्तनुदीर्घास्तथाऽणवः| श्वेतास्ताम्रावभासाश्च नामतः सप्तधा तु ते||४८|| अन्त्रादा उदरावेष्टा हृदयादा महाकुहाः| कुरवो दर्भकुसुमाः सुगन्धास्ते च कुर्वते||४९|| हृल्लासमास्यस्रवणमविपाकमरोचकम्| मूर्च्छाच्छर्दिज्वरानाहकार्श्यक्षवथुपीनसान्||५०||
🔊 Audio coming soon
স০-কফাদামাশযে জাতাঃ-ন পক্বাশযে| তত্র হি পৃথগধ্যেষ্যতে (শ্লো. ৫৩) - "পক্বাশযে পুরীষোত্থাঃ" ইতি| তে চ বৃদ্ধাঃ সন্তঃ সর্বতঃ-সর্বস্মিন্ শরীরে, সর্পন্তি-প্রসরন্তি| সর্বত ইতি "আদ্যাদিত্বাত্(দিভ্যঃ)" তসিঃ| পৃথুব্রধ্ননিভা ইত্যাদিনা সংস্থানকথনম্| শ্বেতা ইত্যাদিনা বর্ণকথনম্| নামতো-নাম্না চ, তে সপ্তধা-সপ্তপ্রকারাঃ| তুশ্চার্থে| তান্যেব সপ্ত নামান্যাহ-অন্ত্রাদা ইত্যাদিনা| অন্ত্রাণ্যদন্তীত্যন্ত্রাদাঃ, ইত্যাদীন্যর্থানুগতানি নামানি| কানিচিত্ যাদৃচ্ছিকানি কুরব ইত্যাদীনি| তে চ-কফজাঃ কৃমযো, হৃল্লাসাদিকং কুর্বন্তি|
Adhikarana raktajAnAM sthAnAkAranAmalakShaNAni (51-52) · Śloka 52
অধুনা রক্তজানাহ - - - - রক্তবাহিসিরোত্থানা রক্তজা জন্তবোঽণবঃ| অপাদা বৃত্ততাম্রাশ্চ সৌক্ষ্ম্যাত্কেচিদদর্শনাঃ||৫১|| কেশাদা লোমবিধ্বংসা লোমদ্বীপা উদুম্বরাঃ| ষট্ তে কুষ্ঠৈককর্মাণঃ সহসৌরসমাতরঃ||৫২||
View original
अधुना रक्तजानाह - - - - रक्तवाहिसिरोत्थाना रक्तजा जन्तवोऽणवः| अपादा वृत्तताम्राश्च सौक्ष्म्यात्केचिददर्शनाः||५१|| केशादा लोमविध्वंसा लोमद्वीपा उदुम्बराः| षट् ते कुष्ठैककर्माणः सहसौरसमातरः||५२||
🔊 Audio coming soon
স০-রক্তজাঃ কৃমযো রক্তবাহিসিরোত্থানাঃ স্যুঃ| তথা, অপাদা বৃত্তাস্তাম্রবর্ণাশ্চ| সৌক্ষ্ম্যাত্-সূক্ষ্মত্বাত্কারণাত্, কেচিদদর্শনাঃ-প্রত্যক্ষপ্রমাণাসমধিগম্যাঃ কার্যেণৈবানুমীযন্তে| তেষাং নামান্যাহ-কেশাদা লোমবিধ্বংসা লোমবিধ্বংসা লোমদ্বীপা উদুম্বরা ইতি| তথা সহ সৌরসমাতৃভ্যাম্ বর্তন্ত ইতি সহসৌরসমাতরঃ| সৌরসমাতৃসংজ্ঞং নামদ্বযম্| এবং ষডেতে রক্তজাঃ কৃমযঃ| অন্যে ত্বেবং পঠন্তি "সহজা রসমাতরঃ " ইতি| সহ শরীরেণ জাযন্ত ইতি সহজাঃ, রসো মাতা-জননী, যেষাং তত্প্রভবত্বাত্তে রসমাতর ইতি| কুষ্ঠেন সহৈকং কর্ম-রোমহর্ষকণ্ডূতোদাদিকং কেশলোমধ্বংসাদিকং ত্বক্সিরাস্নাযুমাংসতরুণাস্থিভক্ষণং বা, যেষাং ত এবম্|
Adhikarana purIShajAnAM sthAnAkAranAmalakShaNAni (14) · Śloka 14
পক্বাশযে পুরীষোত্থা জাযন্তেঽধোবিসর্পিণঃ| বৃদ্ধাঃ সন্তো ভবেযুশ্চ তে যদাঽঽমাশযোন্মুখাঃ||৫৩|| তদাঽস্যোদ্গারনিঃশ্বাসা বিড্গন্ধানুবিধাযিনঃ| পৃথুবৃত্ততনুস্থূলাঃ শ্যাবপীতসিতাসিতাঃ||৫৪|| তে পঞ্চ নাম্না কৃমযঃ ককেরুকমকেরুকাঃ| সৌসুরাদাঃ সুলূনাখ্যা লেলিহা জনযন্তি চ||৫৫|| বিড্ভেদশূলবিষ্টম্ভকার্শ্যপারুষ্যপাণ্ডুতাঃ| রোমহর্ষাগ্নিসদনগুদকণ্ডূর্বিনির্গমাত্||৫৬|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানে কুষ্ঠশ্বিত্রকৃমিনিদানং নাম চতুর্দশোঽধ্যাযঃ||১৪||
View original
पक्वाशये पुरीषोत्था जायन्तेऽधोविसर्पिणः| वृद्धाः सन्तो भवेयुश्च ते यदाऽऽमाशयोन्मुखाः||५३|| तदाऽस्योद्गारनिःश्वासा विड्गन्धानुविधायिनः| पृथुवृत्ततनुस्थूलाः श्यावपीतसितासिताः||५४|| ते पञ्च नाम्ना कृमयः ककेरुकमकेरुकाः| सौसुरादाः सुलूनाख्या लेलिहा जनयन्ति च||५५|| विड्भेदशूलविष्टम्भकार्श्यपारुष्यपाण्डुताः| रोमहर्षाग्निसदनगुदकण्डूर्विनिर्गमात्||५६|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थाने कुष्ठश्वित्रकृमिनिदानं नाम चतुर्दशोऽध्यायः||१४||
🔊 Audio coming soon
স০-পুরীষোত্থাঃ পক্বাশয এব জাযন্তে| পুরীষস্য পক্বাশযস্থত্বাত্| তে চাধোবিসর্পিণঃ স্যুঃ-নোর্ধ্বগাঃ| বৃদ্ধাঃ সন্তো-বৃদ্ধিং গতাঃ, যদাঽঽমাশযোন্মুখাস্তে স্যুস্তদাঽস্য-কৃমিমতো রোগিণঃ, উদ্গারনিঃশ্বাসা বিড্গন্ধানুবিধাযিনঃ-পুরীষগন্ধানুকারিণো, ভবেযুঃ| তথা তে পৃথুবৃত্ততনুস্থূলাঃ সংস্থানেন স্যুঃ, শ্যাবপীতসিতাসিতা বর্ণেন, তথা নাম্রা পঞ্চ সঙ্খ্যযা| তান্যেব নামান্যাহ-ককেরুকেত্যাদিনা| তে চ বিনির্গমাদ্ধেতোর্বিড্ভেদাদীন্ জনযন্তি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং তৃতীযে নিদানস্থানে কুষ্ঠশ্বিত্রকৃমিনিদানং নাম চতুর্দশোঽধ্যাযঃ সমাপ্তঃ|| ১৪||