Adhikarana adhyAyopakramaH · Śloka
🔊 Audio coming soon
অথোদরনিদানমারভ্যতে| যতোঽনন্তরেঽধ্যায আনাহলক্ষণমুক্তম্| উদরং চ কুক্ষিমানহ্য দোষাঃ কুর্বতে|
12. udaranidānādhyāyaḥ
Adhikarana udaranidAnAdhyAyaH, udarasya nidAnam (2-1) · Śloka 1
তস্মাদতোঽনন্তরমুদরনিদানমুচ্যতে ইত্যাহ - - - - অথাত উদরনিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)|২| রোগাঃ সর্বেঽপি মন্দেঽগ্নৌ সুতরামুদরাণি তু| অজীর্ণান্মলিনৈশ্চান্নৈর্জাযন্তে মলসঞ্চযাত্||১||
View original
तस्मादतोऽनन्तरमुदरनिदानमुच्यते इत्याह - - - - अथात उदरनिदानं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)|२| रोगाः सर्वेऽपि मन्देऽग्नौ सुतरामुदराणि तु| अजीर्णान्मलिनैश्चान्नैर्जायन्ते मलसञ्चयात्||१||
🔊 Audio coming soon
স০-সর্বেঽপি-জ্বরাতীসারাদযো, রোগা মন্দেঽগ্নৌ সতি জাযন্তে, অতিশযেন পুনরুদরাণি| অন্যেভ্যশ্চোদরহেতুভ্যো মন্দাগ্নিত্বং প্রধানমুদরাণাং কারণমিতি মন্দেগ্নাবিত্যনেন প্রাগুদ্দিষ্টেন দ্যোতযতি| অজীর্ণাদিত্যাদি| চতুর্বিধাদজীর্ণাত্-আমবিষ্টব্ধবিদগ্ধরসশেষাখ্যাত্, তথা মলিনৈশ্চান্নৈঃ-পূতিপর্যুষিতসঙ্কীর্ণাদিলক্ষণৈঃ, তথা মলসঞ্চযাত্-চিরকালসম্ভৃতাদ্দোষাণাং প্রচযাত্, উদরাণি জাযন্তে|
Adhikarana udarasya samprAptiH (2-3) · Śloka 3
অধুনা সম্প্রাপ্তিবিশেষমাহ - - - - ঊর্ধ্বাধো ধাতবো রুদ্ধ্বা বাহিনীরম্বুবাহিনীঃ| প্রাণাগ্ন্যপানান্ সন্দূষ্য কুর্যস্ত্বঙ্মাংসসন্ধিগাঃ||২|| আধ্মাপ্য কুক্ষিমুদরম্| |৩|
View original
अधुना सम्प्राप्तिविशेषमाह - - - - ऊर्ध्वाधो धातवो रुद्ध्वा वाहिनीरम्बुवाहिनीः| प्राणाग्न्यपानान् सन्दूष्य कुर्यस्त्वङ्मांससन्धिगाः||२|| आध्माप्य कुक्षिमुदरम्| |३|
🔊 Audio coming soon
স০-অম্বুবাহিনীর্বাহিনীঃ-জলবাহিনী স্রোতাংসি, ঊর্ধ্বাধো রুদ্ধ্বা ধাতবো-বাতাদযঃ, উদরং কুর্যুঃ| কীদৃশাঃ ? ত্বক্ চ মাংসং চ ত্বঙ্মাংসে, তযোঃ সন্ধিঃ-অন্তরং, তত্র গচ্ছন্তীতি ত্বঙ্মাংসসন্ধিগাঃ, তত্রস্থা ইত্যর্থঃ| কিং কৃত্বা ? কুক্ষিমাধ্মাপ্য-আনহ্য| তথা, প্রাণশ্চাগ্নিশ্চাপানশ্চ তান্ প্রাণাগ্ন্যপানান্ সন্দূষ্যদূষযিত্বা| প্রকৃত্যা মন্দোঽগ্নিঃ পুনর্বাতাদিভিঃ সন্দূষিতো জঠরং করোতীত্যর্থঃ|
Adhikarana udaramaShTavidham (3) · Śloka 3
অষ্টধা তচ্চ ভিদ্যতে| পৃথগ্দোষৈঃ সমস্তৈশ্চ প্লীহবদ্ধক্ষতোদকৈঃ||৩||
View original
अष्टधा तच्च भिद्यते| पृथग्दोषैः समस्तैश्च प्लीहबद्धक्षतोदकैः||३||
🔊 Audio coming soon
স০-তচ্চ-উদরং, অষ্টধা স্যাত্| পৃথগ্দোষৈঃ-বাতপিত্তকফৈস্ত্রযঃ, সমস্তৈঃ-সন্নিপাতেন চৈকঃ, প্লীহোদরং বদ্ধোদরং ক্ষতোদরং জলোদরমিতি [ চ চত্বারঃ, এবমষ্টৌ ]| বাতাদিকৃতান্যপি প্লীহাদ্যুদরাণি প্লীহাদিনিমিত্তসংজ্ঞযোক্তানি| যথা, বৃদ্ধ্যাখ্যো রোগঃ| সংজ্ঞাবিশেষশ্চ চিকিত্সাবিশেষপ্রতিপত্ত্যর্থঃ|
Adhikarana udarArtAnAM lakShaNam (4-5) · Śloka 5
তেনার্তাঃ শুষ্কতাল্বোষ্ঠাঃ শূনপাদকরোদরাঃ| নষ্টচেষ্টাবলাহারাঃ কৃশাঃ প্রধ্মাতকুক্ষযঃ||৪|| স্যুঃ প্রেতরূপাঃ পুরুষাঃ| |৫|
View original
तेनार्ताः शुष्कताल्वोष्ठाः शूनपादकरोदराः| नष्टचेष्टाबलाहाराः कृशाः प्रध्मातकुक्षयः||४|| स्युः प्रेतरूपाः पुरुषाः| |५|
🔊 Audio coming soon
স০-তেন-উদরেণ, আর্তাঃ-পীডিতাঃ পুরুষাঃ, শুষ্কতাল্বোষ্ঠাঃ শূনপাদাদযো নষ্টচেষ্টাদিকাঃ কৃশাদযশ্চ স্যুঃ|
Adhikarana udarasya pUrvarUpam (5-8) · Śloka 8
ভাবিনস্তস্য লক্ষণম্| ক্ষুন্নাশোঽন্নং চিরাত্সর্বং সবিদাহং চ পচ্যতে||৫|| জীর্ণাজীর্ণং ন জানাতি সৌহিত্যং সহতে ন চ| ক্ষীযতে বলতঃ শশ্বচ্ছ্বসিত্যল্পেঽপি চেষ্টিতে||৬|| বৃদ্ধির্বিশোঽপ্রবৃত্তিশ্চ কিঞ্চিচ্ছোফশ্চ পাদযোঃ| রুগ্বস্তিসন্ধৌ তততা লঘ্বল্পাভোজনৈরপি||৭|| রাজীজন্ম বলীনাশো জঠরে| |৮|
View original
भाविनस्तस्य लक्षणम्| क्षुन्नाशोऽन्नं चिरात्सर्वं सविदाहं च पच्यते||५|| जीर्णाजीर्णं न जानाति सौहित्यं सहते न च| क्षीयते बलतः शश्वच्छ्वसित्यल्पेऽपि चेष्टिते||६|| वृद्धिर्विशोऽप्रवृत्तिश्च किञ्चिच्छोफश्च पादयोः| रुग्बस्तिसन्धौ ततता लघ्वल्पाभोजनैरपि||७|| राजीजन्म वलीनाशो जठरे| |८|
🔊 Audio coming soon
স০-তস্য ভাবিনো-ভবিষ্যতো, লক্ষণং ক্ষুন্নাশাদিকং স্যাত্| তথা, বস্তিসন্ধৌ রুক্-শূলম্| তথা, লগুভোজনৈরল্পভোজনৈরভোজনৈরপি চ বস্তিসন্ধৌ তততা-বিস্তীর্ণতা, আধ্মাততেত্যর্থঃ| তথা, রাজীনাং জন্ম-সম্ভবো, বলীনাং চ নাশো জঠরে স্যাত্|
Adhikarana udarasya sAmAnyalakShaNam (8-9) · Śloka 9
জঠরেষু তু| সর্বেষু তন্দ্রা সদনং মলসঙ্গোঽল্পবহ্নিতা||৮|| দাহঃ শ্বযথুরাধ্মানমন্তে সলিলসম্ভবঃ| |৯|
View original
जठरेषु तु| सर्वेषु तन्द्रा सदनं मलसङ्गोऽल्पवह्निता||८|| दाहः श्वयथुराध्मानमन्ते सलिलसम्भवः| |९|
🔊 Audio coming soon
স০-জঠরেষু-জঠরাখ্যেষু, সর্বেষু তু রোগেষু তন্দ্রা-আলস্যং, তথা সদনং দেহস্য ভবতি| তথা, মলস্য সঙ্গঃ-পুরীষস্যাপ্রবৃত্তিঃ| তথা, অল্পাগ্নিত্বম্| তথা, দাহঃ শ্বযথুরাধ্মানং চ| অন্তে-অবসানে, সলিলসম্ভবঃ|
Adhikarana atoyasyodarasya lakShaNam (9-12) · Śloka 12
অতোযমদুরং কিং লক্ষণম্ ? ইত্যাহ - - - - | সর্বং ত্বতোযমরুণমশোফং নাতিভারিকম্||৯|| গবাক্ষিতং সিরাজালৈঃ সদা গুডগুডাযতে| নাভিমন্ত্রং চ বিষ্টভ্য বেগং কৃত্বা প্রণশ্যতি||১০|| মারুতো হৃত্কটীনাভিপাযুবঙ্ক্ষণবেদনাঃ| সশব্দো নিশ্চরেদ্বাযুর্বিড্বদ্ধা মূত্রমল্পকম্||১১|| নাতিমন্দোঽনলো লৌল্পং ন চ স্যাদ্বিরসং মুখম্| |১২|
View original
अतोयमदुरं किं लक्षणम् ? इत्याह - - - - | सर्वं त्वतोयमरुणमशोफं नातिभारिकम्||९|| गवाक्षितं सिराजालैः सदा गुडगुडायते| नाभिमन्त्रं च विष्टभ्य वेगं कृत्वा प्रणश्यति||१०|| मारुतो हृत्कटीनाभिपायुवङ्क्षणवेदनाः| सशब्दो निश्चरेद्वायुर्विड्बद्धा मूत्रमल्पकम्||११|| नातिमन्दोऽनलो लौल्पं न च स्याद्विरसं मुखम्| |१२|
🔊 Audio coming soon
স০-সর্বমুদরমতোযং-জলোদরতামপ্রাপ্তং, বর্ণতোঽরুণং, তথাঽশোফং-শোফেনানাক্রান্তং, তথা নাতিভারিকং-নাতিশযেন গুরু, তথা সিরাজালৈঃ-সিরাসমূহৈর্জালাকৃতিভিঃ, গবাক্ষিতং-নিরন্তরমাক্রান্তং, সদা-সর্বকালং, গুডগুডাযতে-গুডগুড ঈদৃশমব্যক্তং শব্দমাচরতি| তথা, মারুতো নাভিং বিষ্টভ্য-স্তব্ধতাং নীত্বা, তথাঽন্ত্রং চ বিষ্টভ্য, বেগং কৃত্বা-হৃত্কটীনাভিপাযুবঙ্ক্ষণবেদনা ইত্যেবংরূপমাত্মীযং সংরম্ভং প্রদর্শ্যানন্তরং, প্রণশ্যতি| তথা, সশব্দো বাযুরন্তর্নিশ্চরেত্-নির্যাতি| তথা বিড্বদ্ধা, তথা মূত্রমতিশযেনাল্পং স্যাত্| তথা কিঞ্চিন্মন্দোঽগ্নিঃ, তথা লৌল্যং-গৃদ্ধিঃ, ন চ বিরসং মুখং স্যাত্| যত্র তদতোযসম্ভবং বেদ্যম্| অস্মাচ্চ বিপরীতলক্ষণং সামর্থ্যাত্ সতোযম্|
Adhikarana vAtodarasya lakShaNam (12-15) · Śloka 15
| তত্র বাতোদরে শোফঃ পাণিপান্মুষ্ককুক্ষিষু||১২|| কুক্ষিপার্শ্বোদরকটীপৃষ্ঠরুক্ পর্বভেদনম্| শুষ্ককাসোঽঙ্গমর্দোঽধোগুরুতা মলসঙ্গ্রহঃ||১৩|| শ্যাবারুণত্বগাদিত্বমকস্মাদ্বৃদ্ধিহ্লাসবত্| সতোদভেদমুদরং তনুকৃষ্ণসিরাততম্||১৪|| আধ্মাতদৃতিবচ্ছব্দমাহতং প্রকরোতি চ| বাযুশ্চাত্র সরুক্শব্দো বিচরেত্সর্বতোগতিঃ||১৫||
View original
| तत्र वातोदरे शोफः पाणिपान्मुष्ककुक्षिषु||१२|| कुक्षिपार्श्वोदरकटीपृष्ठरुक् पर्वभेदनम्| शुष्ककासोऽङ्गमर्दोऽधोगुरुता मलसङ्ग्रहः||१३|| श्यावारुणत्वगादित्वमकस्माद्वृद्धिह्लासवत्| सतोदभेदमुदरं तनुकृष्णसिराततम्||१४|| आध्मातदृतिवच्छब्दमाहतं प्रकरोति च| वायुश्चात्र सरुक्शब्दो विचरेत्सर्वतोगतिः||१५||
🔊 Audio coming soon
স০-তত্র-তেষূদরেষু মধ্যে, বাতোদরে শোফঃ পাণ্যাদিষু, তথা কুক্ষ্যাদিষু রুক্ পর্বভেদনং তথা শুষ্ককাসাদযঃ স্যুঃ| অকস্মাত্-নিমিত্তং বিনা, উদরং বৃদ্ধিহ্রাসযুতং স্যাত্, তথা সতোদভেদং, তথা তনুকৃষ্ণসিরাভিস্ততং-ব্যাপ্তম্, আহতং চ তদুদরমাধ্মাতভস্ত্রেব শব্দং করোতি| অত্র চ-বাতোদরে, বাযুঃ সরুক্শব্দঃ সর্বতোগতিশ্চ সন্ বিচরেত্-ভ্রমতি|
Adhikarana pittodarasya lakShaNam (16-17) · Śloka 17
পিত্তোদরে জ্বরো মূর্চ্ছা দাহস্তৃট্ কটুকাস্যতা| ভ্রমোঽতিসারঃ পীতত্বং ত্বগাদাবুদরং হরিত্||১৬|| পীততাম্রসিরানদ্ধং সস্বেদং সোশ্ম দহ্যতে| ধূমাযতি মৃদুস্পর্শং ক্ষিপ্রপাকং প্রদূযতে||১৭||
View original
पित्तोदरे ज्वरो मूर्च्छा दाहस्तृट् कटुकास्यता| भ्रमोऽतिसारः पीतत्वं त्वगादावुदरं हरित्||१६|| पीतताम्रसिरानद्धं सस्वेदं सोश्म दह्यते| धूमायति मृदुस्पर्शं क्षिप्रपाकं प्रदूयते||१७||
🔊 Audio coming soon
স০-পিত্তোদরে জ্বরাদযঃ স্যুঃ| তথা, ত্বগাদৌ পীতত্বং ভবতি| জঠরং হরিতবর্ণং তথা পীততাম্রাভিঃ সিরাভির্নদ্ধং-যুক্তং, সস্বেদং শোষ্ম চ স্যাত্, দহ্যতে-তপ্যতে চ| তথা, ধূমাযতি| তথা, মৃদুঃ-অকঠিনঃ, স্পর্শো যস্য তদেবম্| তথা, ক্ষিপ্রপাকং স্যাত্| প্রদূযতে-উপতপ্যতে চ|
Adhikarana kaphodarasya lakShaNam (18-19) · Śloka 19
শ্লেষ্মোদরেঽঙ্গসদনং স্বাপঃ শ্বযথুগৌরবম্| নিদ্রোত্ক্লেশারুচিশ্বাসকাসশুক্লত্বগাদিতা||১৮|| উদরং স্তিমিতং শ্লক্ষ্ণং শুক্লরাজীততং মহত্| চিরাভিবৃদ্ধি কঠিনং শীতস্পর্শং গুরু স্থিরম্||১৯||
View original
श्लेष्मोदरेऽङ्गसदनं स्वापः श्वयथुगौरवम्| निद्रोत्क्लेशारुचिश्वासकासशुक्लत्वगादिता||१८|| उदरं स्तिमितं श्लक्ष्णं शुक्लराजीततं महत्| चिराभिवृद्धि कठिनं शीतस्पर्शं गुरु स्थिरम्||१९||
🔊 Audio coming soon
স০-শ্লেষ্মোদরেঽঙ্গসাদাদযঃ স্যুঃ| তথোদরং স্তিমিতং-নিশ্চলম্, তথা শ্লক্ষ্ণং-কোমলস্পর্শম্, তথা শুক্লরাজীভিস্ততং-ব্যাপ্তম্, তথা বৃহত্, তথা চিরাভিবৃদ্ধি কঠিনং চ তথা শীতস্পর্শম্, তথা গুরু, তথা স্থিরং-ন তু চলম্|
Adhikarana sannipAtodarasya lakShaNam (20-22) · Śloka 22
অধুনা সন্নিপাতোদরং লক্ষযিতুমাহ - - - - ত্রিদোষকোপনৈস্তৈস্তৈঃ স্ত্রীদত্তৈশ্চ রজোমলৈঃ| গরদূষীবিষাদ্যৈশ্চ সরক্তাঃ সঞ্চিতা মলাঃ||২০|| কোষ্ঠং প্রাপ্য বিকুর্বাণাঃ শোষমূর্চ্ছাভ্রমান্বিতম্| কুর্যুস্ত্রিলিঙ্গমুদরং শীঘ্রপাকং সুদারুণম্||২১|| বাধতে তচ্চ সুতরাং শীতবাতাভ্রদর্শনে| |২২|
View original
अधुना सन्निपातोदरं लक्षयितुमाह - - - - त्रिदोषकोपनैस्तैस्तैः स्त्रीदत्तैश्च रजोमलैः| गरदूषीविषाद्यैश्च सरक्ताः सञ्चिता मलाः||२०|| कोष्ठं प्राप्य विकुर्वाणाः शोषमूर्च्छाभ्रमान्वितम्| कुर्युस्त्रिलिङ्गमुदरं शीघ्रपाकं सुदारुणम्||२१|| बाधते तच्च सुतरां शीतवाताभ्रदर्शने| |२२|
🔊 Audio coming soon
স০-মলাঃ-বাতাদযঃ, সরক্তাঃ সঞ্চিতাস্ত্রিলিঙ্গং-ত্রিদোষলক্ষণং, তথা শোষাদিযুতং, তথা শীঘ্রপাকং, তথা সুদারুণমুদরং কুর্যুঃ| কিম্ভূতৈঃ সঞ্চিতাঃ ? ত্রিদোষকোপনৈঃ-সঙ্কীর্ণাদিভোজনৈঃ, তৈস্তৈঃ-সর্বরোগনিদানোক্তৈঃ, তথা স্ত্রিযা দত্তৈ রজোমলৈঃ-কার্মণাপরপর্যাযৈর্বশীকরণৈঃ, তথা গরেণ দূষীবিষাদ্যৈশ্চ| আদিশব্দেন বিরুদ্ধাভ্যবহারাদের্গ্রহণম্| অনেনাস্য হেতুবিশেষকথনম্| কীদৃশা দোষাঃ ? কোষ্ঠং প্রাপ্য-আশ্রিত্য, বিকুর্বাণাঃ-বিক্রিযাং যাতাঃ| তচ্চ-জঠরং, সুতরাং শীতবাতাভ্রদর্শনে বাধতে| ইত্যনেনাস্য বিশেষলক্ষণং কথিতম্|
Adhikarana plIhodarasya lakShaNam (22-26) · Śloka 26
প্লীহোদরাদীন্যধুনা লক্ষযতি - - - - | অত্যাশিতস্য সঙ্ক্ষোভাদ্যানযানাদিচেষ্টিতৈঃ||২২|| অতিব্যবাযকর্মাধ্ববমনব্যাধিকর্শনৈঃ| বামপার্শ্বাশ্রিতঃ প্লীহাচ্যুতঃ স্থানাদ্বিবর্দ্ধতে||২৩|| শোণিতং বা রসাদিভ্যো বিবৃদ্ধং তং বিবর্দ্ধযেত্| সোঽষ্ঠীলেবাতিকঠিনঃ প্রাক্ ততঃ কূর্মপৃষ্ঠবত্||২৪|| ক্রমেণ বর্দ্ধমানশ্চ কুক্ষাবুদরমাবহেত্| শ্বাসকাসপিপাসাস্যবৈরস্যাধ্মানরুগ্জ্বরৈঃ||২৫|| পাণ্ডুত্বমূর্চ্ছাছর্দীভির্দাহমোহৈশ্চ সংযুতম্| অরুণাভং বিবর্ণং বা নীলহারিদ্ররাজিমত্||২৬||
View original
प्लीहोदरादीन्यधुना लक्षयति - - - - | अत्याशितस्य सङ्क्षोभाद्यानयानादिचेष्टितैः||२२|| अतिव्यवायकर्माध्ववमनव्याधिकर्शनैः| वामपार्श्वाश्रितः प्लीहाच्युतः स्थानाद्विवर्द्धते||२३|| शोणितं वा रसादिभ्यो विवृद्धं तं विवर्द्धयेत्| सोऽष्ठीलेवातिकठिनः प्राक् ततः कूर्मपृष्ठवत्||२४|| क्रमेण वर्द्धमानश्च कुक्षावुदरमावहेत्| श्वासकासपिपासास्यवैरस्याध्मानरुग्ज्वरैः||२५|| पाण्डुत्वमूर्च्छाछर्दीभिर्दाहमोहैश्च संयुतम्| अरुणाभं विवर्णं वा नीलहारिद्रराजिमत्||२६||
🔊 Audio coming soon
স০-অতিতৃপ্তস্য নরস্য যানগমনাদিচেষ্টিতৈর্যঃ সঙ্ক্ষোভস্তস্মাত্, তথাঽতিব্যবাযাদিভিঃ কর্শনৈঃ প্লীহা স্থানাত্-স্বাশযাত্, চ্যুতো বিবর্ধতে-বিশেষেণ বৃদ্ধিং গচ্ছতি| কিম্ভূতঃ প্লীহা ? বামপার্শ্বাশ্রিতঃ| অথবা রসাদিভ্যো ধাতুভ্যঃ শোণিতং বিবৃদ্ধং-বৃদ্ধিহেতুভিরধিকং কৃত্বা বৃদ্ধিং প্রাপ্তং, অনন্তরং তং-প্লীহানং স্বস্থানাচ্চ্যুতমচ্যুতং বা, বিশেষেণ বর্ধযেত্-স্বপ্রমাণাদাধিক্যং জনযেত্| সঃ-প্লীহা, অষ্ঠীলেবাতিকঠিনঃ প্রাগ্ভূত্বা, ততঃ-অনন্তরং, কচ্ছপপৃষ্ঠাকৃতিঃ ক্রমেণ-ন সহসৈব, বর্ধমানঃ-আধিক্যং গচ্ছন্, কুক্ষৌ-স্বীযে স্থানে, উদরং বিদধ্যাত্| কীদৃশম্ ? শ্বাসাদিভির্দাহমোহপর্যন্তৈঃ সংযুতম্| তথা, অরুণাভং-অরুণবর্ণম্, অথবা বিবর্ণং-অনিশ্চিতবর্ণম্, তথা নীলহারিদ্ররাজিমত্ এবংবিধা রাজযো বিদ্যন্তে যস্মিংস্তদেবম্|
Adhikarana plIhodare doShAnubandhaH (27) · Śloka 27
উদাবর্তরুজানাহৈর্মোহতৃড্দহনজ্বরৈঃ| গৌরবারুচিকাঠিন্যৈর্বিদ্যাত্তত্র মলান্ ক্রমাত্||২৭||
View original
उदावर्तरुजानाहैर्मोहतृड्दहनज्वरैः| गौरवारुचिकाठिन्यैर्विद्यात्तत्र मलान् क्रमात्||२७||
🔊 Audio coming soon
স০-তত্র-প্লীহোদরে, পৃথগ্লক্ষণলক্ষিতান্মলান্-বাতাদীন্, ক্রমেণোদাবর্তাদিনা বিদ্যাত্| তত্রোদাবর্তরুজানাহৈর্বাতং বিদ্যাত্| মোহতৃড্দহনজ্বরৈঃ পিত্তং বিদ্যাত্| গৌরবারুচিকাঠিন্যৈঃ কফং বিদ্যাত্|
Adhikarana yakRududarasya lakShaNam (28) · Śloka 28
অথ যকৃল্লক্ষযতি - - - - প্লীহবদ্দক্ষিণাত্পার্শ্বাত্ কুর্যাদ্যকৃদপি চ্যুতম্| |২৮|
View original
अथ यकृल्लक्षयति - - - - प्लीहवद्दक्षिणात्पार्श्वात् कुर्याद्यकृदपि च्युतम्| |२८|
🔊 Audio coming soon
স০-যথা পূর্বোক্তৈর্হেতুভিঃ প্লীহা বামপার্শ্বাচ্চ্যুতো বিবর্ধতে-বিবৃদ্ধো ভূত্বাঽনন্তরমুদরমাবহেত্, তদ্বদ্যকৃদপি দক্ষিণাত্ পার্শ্বাচ্চ্যুতং সদ্বর্ধতে-বৃদ্ধং সদুদরং কুরুতে| অথবা শোণিতং স্বহেতুতো বিবৃদ্ধং যকৃদ্বিবর্ধযেত্, তচ্চ বিবৃদ্ধমুদরমাবহেত্| ইতি প্লীহোদরযকৃদুদরযোঃ সাদৃশ্যম্|
Adhikarana baddhodarasya lakShaNam (28-32) · Śloka 32
অথ বদ্ধোদরং লক্ষযতি - - - - | পক্ষ্মবালৈঃ সহান্নেন ভুক্তৈর্বদ্ধাযনে গুদে||২৮|| দুর্নামভিরুদাবতৈরন্যৈর্বাঽন্ত্রোপলোপিভিঃ| বর্চঃপিত্তকফান্ রুদ্ধ্বা করোতি কুপিতোঽনিলঃ||২৯|| অপানো জঠরং তেন স্যুর্দাহজ্বরতৃট্ক্ষবাঃ| কাসশ্বাসোরুসদনং শিরোহৃন্নাভিপাযুরুক্||৩০|| মলসঙ্গোঽরুচিশ্চ্ছর্দিরুদরং মূঢমারুতম্| স্থিরং নীলারুণসিরারাজিনদ্ধমরাজি বা||৩১|| নাভেরুপরি চ প্রাযো গোপুচ্ছাকৃতি জাযতে| |৩২|
View original
अथ बद्धोदरं लक्षयति - - - - | पक्ष्मवालैः सहान्नेन भुक्तैर्बद्धायने गुदे||२८|| दुर्नामभिरुदावतैरन्यैर्वाऽन्त्रोपलोपिभिः| वर्चःपित्तकफान् रुद्ध्वा करोति कुपितोऽनिलः||२९|| अपानो जठरं तेन स्युर्दाहज्वरतृट्क्षवाः| कासश्वासोरुसदनं शिरोहृन्नाभिपायुरुक्||३०|| मलसङ्गोऽरुचिश्च्छर्दिरुदरं मूढमारुतम्| स्थिरं नीलारुणसिराराजिनद्धमराजि वा||३१|| नाभेरुपरि च प्रायो गोपुच्छाकृति जायते| |३२|
🔊 Audio coming soon
স০-পক্ষ্মাণি চ বালাশ্চ পক্ষ্মবালাঃ, তৈরন্নেন সহ ভুক্তৈর্বদ্ধাযনে গুদে সত্যপানো বাযুর্বিগুণঃ-কুপিতো, জঠরং করোতি| বদ্ধমযনং-দ্বারং পুরীষানিলবাহি, যস্য তদেবংবিধে গুদে| তথা দুর্নামভির্গুদে বদ্ধাযনে, তথোদাবর্তৈর্বদ্ধাযনে, তথাঽন্যৈর্বাঽন্ত্রোপলেপিভিঃ-উপদেহিভির্দধ্যোদনমাশোমাদিভিঃ, গুদে বদ্ধাযনে, অপানো জঠরং করোতি| কিং কৃত্বা ? বর্চঃপিত্তকফান্ রুদ্ধ্বা-আবৃত্য, তদ্বদ্ধোদরমুচ্যতে| তেন-বদ্ধোদরেণ, দাহজ্বরতৃট্ক্ষবাঃ স্যুঃ| তথা, কাসশ্বাসাবূরুসদনং শিরোহুন্নাভিপাযুরুক্ স্যাত্| তথা, মলানাং-মূত্রপুরীষাদীনাং, সঙ্গঃ-অপ্রবর্তনম্| অরুচিস্তথা ছর্দিঃ স্যাত্| তথোদরং মূঢমারুতং ভবেত্| মূঢো-বহিরনিঃসরণরূপো, মারুতো যস্মিংস্তদেবম্| মূঢমারুতত্বস্য সামান্যলক্ষণেনৈব গৃহীতত্বাত্পুনর্গ্রহণমতিশযার্থম্| তথা, স্থিরং-অচলম্| তথা, নীলারুণসিরারাজিভির্নদ্ধং-ব্যাপ্তম্, অথবাঽরাজি স্যাত্| তচ্চোদরং প্রাযো নাভেরুপরিষ্টাদ্গোপুচ্ছাকৃতি জাযতে| যথাযথোর্ধ্বং তথাতথা সূক্ষ্মমিত্যর্থঃ| অনেনাস্য সংস্থানমুক্তম্|
Adhikarana chidrodarasya lakShaNam (32-36) · Śloka 36
অধুনা ছিদ্রোদরং লক্ষযতি - - - - | অস্থ্যাদিশল্যৈঃ সান্নৈশ্চদ্ভুক্তৈরত্যশনেন বা||৩২|| ভিদ্যতে পচ্যতে বাঽন্ত্রং তচ্ছিদ্রৈশ্চ স্রবন্বহিঃ| আম এব গুদাদেতি ততোঽল্পাল্পং সবিড্রসঃ||৩৩|| তুল্যঃ কুণপগন্ধেন পিচ্ছিলঃ পীতলোহিতঃ| শেষশ্চাপূর্য জঠরং জঠরং ঘোরমাবহেত্||৩৪|| বর্দ্ধযেত্তদধো নাভেরাশু চৈতি জলাত্মতাম্| উদ্রিক্তদোষরূপং চ ব্যাপ্তং চ শ্বাসতৃড্ভ্রমৈঃ||৩৫|| ছিদ্রোদরমিদং প্রাহুঃ পরিস্রাবীতি চাপরে| |৩৬|
View original
अधुना छिद्रोदरं लक्षयति - - - - | अस्थ्यादिशल्यैः सान्नैश्चद्भुक्तैरत्यशनेन वा||३२|| भिद्यते पच्यते वाऽन्त्रं तच्छिद्रैश्च स्रवन्बहिः| आम एव गुदादेति ततोऽल्पाल्पं सविड्रसः||३३|| तुल्यः कुणपगन्धेन पिच्छिलः पीतलोहितः| शेषश्चापूर्य जठरं जठरं घोरमावहेत्||३४|| वर्द्धयेत्तदधो नाभेराशु चैति जलात्मताम्| उद्रिक्तदोषरूपं च व्याप्तं च श्वासतृड्भ्रमैः||३५|| छिद्रोदरमिदं प्राहुः परिस्रावीति चापरे| |३६|
🔊 Audio coming soon
স০-অস্থিতৃণকণ্টকপাষাণধাতুশৃঙ্গদার্বাদিশল্যৈঃ সান্নৈঃ-সহভোজনেন ভুক্তৈঃ| অথবা, অত্যশনেন-অতিমাত্রভোজনেন, যদাঽন্ত্রং ভিদ্যতে-সচ্ছিদ্রং সম্পদ্যতে, অথবা পচ্যতে-পাকং যাতি| তচ্ছিদ্রৈশ্চ-অন্ত্রচ্ছিদ্রৈর্ভেদোত্পন্নৈঃ, পাকতো বা, বহিরাম এব-অপরিপক্ব এব, সবিড্রসঃ স্রবন্নল্পাল্পমেব গুদাদেতি-আযাতি| তুল্যঃ-সদৃশঃ, কুণপগন্ধেন-শবগন্ধেন| তথা পিচ্ছিলঃ, পীতলোহিতশ্চ বর্ণেন| শেষশ্চ রসো-যো গুদান্নাগচ্ছতি, স জঠরমাপূর্য-পূরযিত্বা, ঘোরং-কষ্টতরং, জঠরাখ্যং ব্যাধিং কুর্যাত্| তত্-উদরং, অধো নাভের্বর্ধযেত্-বৃদ্ধিং গচ্ছেত্| বর্ধিশ্চুরাদিঃ| তথা, আশু-শীঘ্রমেব, জলাত্মতাং-জলোদরত্বমেতি, উদ্রিক্তদোষরূপং চ| উদ্রিক্তং-অধিকং, দোষাণাং-বাতপিত্তকফানাং, রূপং-আকৃতিঃ, যস্য তদেবম্| তথা, শ্বাসতৃড্ভ্রমৈর্ব্যাপ্তমিদমুদরং ছিদ্রোদরং প্রাহুরাচার্যাঃ| অপরে ত্বাচার্যাঃ পরিস্রাবীত্যাহুঃ|
Adhikarana udakodarasya lakShaNam (36-40) · Śloka 40
অথোদকোদরদর্শনার্থমাহ - - - - | প্রবৃত্তস্নেহপানাদেঃ সহসাঽঽমাম্বুপাযিনঃ||৩৬|| অত্যম্বুপানান্মন্দাগ্নেঃ ক্ষীণস্যাতিকৃশস্য বা| রুদ্ধ্বাঽম্বুমার্গাননিলঃ কফশ্চ জলমূর্ছিতঃ||৩৭|| বর্ধযেতাং তদেবাম্বু তত্স্থানাদুদরাশ্রিতৌ| ততঃ স্যাদুদরং তৃষ্ণাগুদস্রুতিরুজান্বিতম্||৩৮|| কাসশ্বাসারুচিযুতং নানাবর্ণসিরাততম্| তোযপূর্ণদৃতিস্পর্শশব্দপ্রক্ষোভবেপথু||৩৯|| দকোদরং মহত্স্নিগ্ধং স্থিরমাবৃত্তনাভি তত্| |৪০|
View original
अथोदकोदरदर्शनार्थमाह - - - - | प्रवृत्तस्नेहपानादेः सहसाऽऽमाम्बुपायिनः||३६|| अत्यम्बुपानान्मन्दाग्नेः क्षीणस्यातिकृशस्य वा| रुद्ध्वाऽम्बुमार्गाननिलः कफश्च जलमूर्छितः||३७|| वर्धयेतां तदेवाम्बु तत्स्थानादुदराश्रितौ| ततः स्यादुदरं तृष्णागुदस्रुतिरुजान्वितम्||३८|| कासश्वासारुचियुतं नानावर्णसिराततम्| तोयपूर्णदृतिस्पर्शशब्दप्रक्षोभवेपथु||३९|| दकोदरं महत्स्निग्धं स्थिरमावृत्तनाभि तत्| |४०|
🔊 Audio coming soon
স০-প্রবৃত্তং-আরব্ধং, স্নেহপানাদি যেন স প্রবৃত্তস্নেহপানাদিঃ| আদিগ্রহণাদ্বমনাদিকং কর্ম পঞ্চবিধং গৃহ্যতে| তস্য তথাভূতস্য সহসাঽঽমাম্বুপাযিনঃ-সহসৈবাপক্বপানীযপস্য, তথা মন্দাগ্নেঃ-নষ্টবহ্নেঃ, তথা ক্ষীণস্য-বিশিষ্টব্যাধ্যাক্রান্ততযা ধাত্বপচযবতঃ, তথাঽতিকৃশস্য-অনশনাদিনা ক্ষীণমেদোমাংসস্য, এবংবিধস্য পুরুষস্যাত্যম্বুপানাদম্বুমার্গান্-তোযবাহিনি স্রোতাংসি, রুদ্ধ্বাঽনিলঃ কফশ্চ| কিম্ভূতঃ ? জলমূর্ছিতঃ-তোযমিশ্রিতঃ| তাবুভৌ বাতকফৌ জলমূর্ছিতাবুদরাশ্রিতৌ তদেবাম্বু তত্স্থানাত্-উদকস্থানাত্ ক্লেমতো, বর্দ্ধযেতাম্| ততঃ-অনন্তরং, উদরং স্যাত্| তৃষ্ণাদিযুতং, তথা কাসাদিযুতং, তথা নানাবর্ণাভিঃ-অনেকবর্ণাভিঃ সিরাভিঃ, ততং-ব্যাপ্তম্| তোযেত্যাদি| শব্দস্য প্রক্ষোভঃ-সংরম্ভঃ শব্দপ্রক্ষোভঃ, বেপথুঃ-কম্পঃ, স্পর্শশ্চ শব্দপ্রক্ষোভশ্চ বেপথুশ্চ ত এবম্, তোযেন পূর্ণা তোযপূর্ণা, সা চাসৌ দৃতিশ্চ তোযপূর্ণদৃতিঃ, তোযপূর্ণদৃতিবত্ স্পর্শশব্দপ্রক্ষোভবেপথবো যস্মিন্নুদরে তত্তোযপূর্ণদৃতিস্পর্শশব্দপ্রক্ষোভবেপথু, দকোদরং-জলোদরং, স্যাত্| তচ্চ মহত্-অন্যেভ্য উদরেভ্যো বিস্তীর্ণম্, তথা স্নিগ্ধং, তথা স্থিরং-অচলম্, আবৃত্তনাভি তত্, আসমন্তাদ্বৃত্তা-বর্তুলা, নাভির্যস্য তদেবম্|
Adhikarana upekShayA sarveShUdareShu jalasaMbhave saMprAptirlakShaNaM ca (40-44) · Śloka 44
অধুনা জঠরেঽপ্যবসানে যথা জলসম্ভবঃ স্যাত্তথাঽঽহ - - - - | উপেক্ষযা চ সর্বেষু দোষাঃ স্বস্থানতশ্চ্যুতাঃ||৪০|| পাকাদ্দ্রবা দ্রবীকুর্যুঃ সন্ধিস্রোতোমুখান্যপি| স্বদেশ্চ বাহ্যস্রোতঃসু বিহতস্তির্যগাস্থিতঃ||৪১|| তদেবোদকমাপ্যায্য পিচ্ছাং কুর্যাত্তদা ভবেত্| গুরূদরং স্থিরং বৃত্তমাহতং চ ন শব্দবত্||৪২|| মৃদু ব্যপেতরাজীকং নাভ্যাং স্পৃষ্টং চ সর্পতি| তদনূদকজন্মাস্মিন্কুক্ষিবৃদ্ধিস্ততোঽধিকম্||৪৩|| সিরান্তর্ধানমুদকজঠরোক্তং চ লক্ষণম্| |৪৪|
View original
अधुना जठरेऽप्यवसाने यथा जलसम्भवः स्यात्तथाऽऽह - - - - | उपेक्षया च सर्वेषु दोषाः स्वस्थानतश्च्युताः||४०|| पाकाद्द्रवा द्रवीकुर्युः सन्धिस्रोतोमुखान्यपि| स्वदेश्च बाह्यस्रोतःसु विहतस्तिर्यगास्थितः||४१|| तदेवोदकमाप्याय्य पिच्छां कुर्यात्तदा भवेत्| गुरूदरं स्थिरं वृत्तमाहतं च न शब्दवत्||४२|| मृदु व्यपेतराजीकं नाभ्यां स्पृष्टं च सर्पति| तदनूदकजन्मास्मिन्कुक्षिवृद्धिस्ततोऽधिकम्||४३|| सिरान्तर्धानमुदकजठरोक्तं च लक्षणम्| |४४|
🔊 Audio coming soon
স০-উপেক্ষযা-অচিকিত্সনাত্, সর্বেষূদরেষু, দোষাঃ-বাতপিত্তকফাঃ, স্বস্থানতঃ-আত্মীযাত্ স্থানাত্, চ্যুতাঃ-স্থানান্তরং গতাঃ, তথা পাকাদ্ধেতোস্তে দোষা দ্রবা অধিকং দ্রবীকুর্যুঃ সন্ধিস্রোতোমুখান্যপি| অন্ধযশ্চ স্রোতোমুখানি চ সন্ধিস্রোতোমুখানি-দ্বারাণি| ন কেবলং স্বযং দোষা দ্রবত্বং গতাঃ, যাবত্সন্ধিস্রোতোমুখান্যপি দ্রবীকুর্যুঃ, ইত্যপিশব্দার্থঃ| স্বেদশ্চ বাহ্যস্রোতঃসু সংবৃতেষু বিহতো-নিরুদ্ধঃ, তির্যগাস্থিতঃ-তির্যক্ প্রবৃত্তশ্চ, তদেবোদকং প্রাক্ কুক্ষৌ বৃদ্ধিং গতমাপ্যায্য-বৃদ্ধিং গমযিত্বা, পিচ্ছাং কুর্যাত্| তদা ভবেদ্গুরূদরং স্থিরং-অচলং, বৃত্তং-বর্তুলং, চ| তথাঽঽহতং চ পাণ্যাদিনা ন শব্দবত্-নশব্দযুক্তম্, তথা মৃদু-অকঠিনম্, তথা ব্যপেতা রাজ্যো যস্মাত্ তদ্ব্যপেতরাজীকং স্যাত্| নাভ্যাং চ স্পৃষ্টং সত্ সর্পতি-প্রসারি সম্পদ্যতে| তদনু-ততোঽনন্তরম্, অস্মিন্-উদরাখ্যে ব্যাধৌ, উদকজন্ম-জলসম্ভবঃ| ততঃ-অনন্তরং, অধিকং কৃত্বা কুক্ষিবৃদ্ধির্ভবেত্| তথা, সিরান্তর্ধানং-সিরাণামদর্শনম্| কিমেতদেব লক্ষণম্? নেত্যাহ-উদকজঠরোক্তং চ লক্ষণম্| ন কেবলং যদধুনৈবোক্তং লক্ষণম্, যাবজ্জলোদরোক্তং চেতি চশব্দস্যার্থঃ|
Adhikarana udarANAM kRucchrasAdhyAsAdhyatvam (44-45) · Śloka 45
ইদানীমুদরাণাং সুখসাধ্যত্বাভাবাত্ কৃচ্ছ্রসাধ্যাসাধ্যত্বে বেদযতি - - - - | বাতপিত্তকফপ্লীহসন্নিপাতোদকোদরম্||৪৪|| কৃচ্ছ্রং যথোত্তরম্ পক্ষাত্পরং প্রাযোঽপরে হতঃ| সর্বং চ জাতসলিলং রিষ্টোক্তোপদ্রবান্বিতম্||৪৫||
View original
इदानीमुदराणां सुखसाध्यत्वाभावात् कृच्छ्रसाध्यासाध्यत्वे वेदयति - - - - | वातपित्तकफप्लीहसन्निपातोदकोदरम्||४४|| कृच्छ्रं यथोत्तरम् पक्षात्परं प्रायोऽपरे हतः| सर्वं च जातसलिलं रिष्टोक्तोपद्रवान्वितम्||४५||
🔊 Audio coming soon
স০-বাতাদ্যুদ্ভবমুদরং যথোত্তরং কৃচ্ছ্রম্| তেন বাতোদরাত্ পিত্তোদরাত্ পিত্তোদরং যাবদুদকোদরমত্যর্থং কৃচ্ছ্রম্, কৃচ্ছ্রসাধ্যত্বাত্| স০-পাঠাপেক্ষযা যে দ্বে অপরে-বদ্ধক্ষতোদরে, তে প্রাযঃ পক্ষাত্পরং-অনন্তরং, হতো-মারযতঃ| প্রাযোগ্রহণাত্-কদাচিন্নিযতাযুষ্যুত্পন্নে নৈব মারযতঃ| স০-কিলোপেক্ষযা সর্বেষূদরেষ্বন্তে সলিলসম্ভব ইত্যুক্তম্| সর্বং চ জঠরং জাতোদকং যদ্বাতাদিসমুত্থং কৃচ্ছ্রমুক্তং তদপি হন্ত্যেব| অত্রাপি প্রাযোগ্রহণমনুবর্তনীযম্| কদাচিজ্জাতোদকমপি ন মারযতি, অপি তু যাপযত্যেব| তথা, রিষ্টোক্তোপদ্রবান্বিতং-রিষ্টাধ্যাযোক্তৈরুপদ্রবৈর্যুক্তং "জঠরং হন্তি দুর্বলম্| শূনাক্ষং কুটিলোপস্থং" (হৃ. শা. অ. ৫|৯০) ইত্যাদিভিশ্চ, তদপি হন্তি|
Adhikarana udarasya yatnasAdhyatvam (12) · Śloka 12
জন্মনৈবোদরং সর্বং প্রাযঃ কৃচ্ছ্রতমং মতম্| বলিনস্তদজাতাম্বু যত্নসাধ্যং নবোত্থিতম্||৪৬|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানে উদরনিদানং নাম দ্বাদশোঽধ্যাযঃ||১২||
View original
जन्मनैवोदरं सर्वं प्रायः कृच्छ्रतमं मतम्| बलिनस्तदजाताम्बु यत्नसाध्यं नवोत्थितम्||४६|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थाने उदरनिदानं नाम द्वादशोऽध्यायः||१२||
🔊 Audio coming soon
স০-জন্মনৈব-জাত্যৈব স্বভাবেনৈব, উদরং সর্বং প্রাযঃ কৃচ্ছ্রতমং মতম্, ব্যাধিস্বভাবাত্| প্রাযোগ্রহণাত্কিঞ্চিদুদরং কৃচ্ছ্রমেব ভবতি, ন কৃচ্ছ্রতমম্| অত এবাহ-বলিন ইত্যাদি| বলিনো-বলবতঃ, তদুদরমুত্থিতং নবং সত্ অজাতোদকং সত্, যত্নসাধ্যমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং তৃতীযে নিদানস্থানে উদরনিদানং নাম দ্বাদশোঽধ্যাযঃ সমাপ্তঃ|| ১২||