Adhikarana adhyAyopakramaH · Śloka
🔊 Audio coming soon
ঊর্ধ্বাঙ্গচিকিত্সাপ্রসঙ্গাদ্ধূমপানবিধিং জিগদিষুরাহ-
21. dhumapanavidhiradhyāyaḥ
Adhikarana dhUmapAnavidhiradhyAyaH dUmasya sAmAnyato viShayaH (2-1) · Śloka 1
অথাতো ধূমপানবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| জত্রূর্ধ্বকফবাতোত্থবিকারাণামজন্মনে| উচ্ছেদায চ জাতানাং পিবেদ্ধূমং সদাঽঽত্মবান্||১||
View original
अथातो धूमपानविधिमध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे|२| जत्रूर्ध्वकफवातोत्थविकाराणामजन्मने| उच्छेदाय च जातानां पिबेद्धूमं सदाऽऽत्मवान्||१||
🔊 Audio coming soon
স০-আত্মবান্-সুমতির্হিতাহারবিহারো, জত্রুণ ঊর্ধ্বং শ্লেষ্মবাতোদ্ভবানাং বিকারাণং-রোগাণাং, অজন্মনে-অনুত্পত্ত্যৈ, তথোত্পন্নানামুচ্ছেদায-বিনাশায, সদা ধূমং পিবেত্|
Adhikarana dhUmaBedAH snigdhAdInAM viShayaH (2) · Śloka 2
স্নিগ্ধো মধ্যঃ স তীক্ষ্ণশ্চ, বাতে বাতকফে কফে| যোজ্যঃ|২|
View original
स्निग्धो मध्यः स तीक्ष्णश्च, वाते वातकफे कफे| योज्यः|२|
🔊 Audio coming soon
স০-স চ ধূমঃ স্নিগ্ধমধ্যতীক্ষ্ণভেদেন ত্রিধা| যথাক্রমং বাতে স্নিগ্ধো, বাতকফে মধ্যঃ, কফে তীক্ষ্ণো, যোজ্যঃ|
Adhikarana raktapittArtAdInAM dhUmapAnaniShedhaH (2-4) · Śloka 4
স্নিগ্ধাদীনাং বিষযমাহ-বাত ইতি| ক্রমেণেতি শেষঃ| | ন রক্তপিত্তার্তিবিরিক্তোদরমেহিষু||২|| তিমিরোর্ধ্বানিলাধ্মানরোহিণীদত্তবস্তিষু| মত্স্যমদ্যদধিক্ষীরক্ষৌদ্রস্নেহবিষাশিষু||৩|| শিরস্যভিহতে পাণ্ডুরোগে জাগরিতে নিশি| |৪|
View original
स्निग्धादीनां विषयमाह-वात इति| क्रमेणेति शेषः| | न रक्तपित्तार्तिविरिक्तोदरमेहिषु||२|| तिमिरोर्ध्वानिलाध्मानरोहिणीदत्तबस्तिषु| मत्स्यमद्यदधिक्षीरक्षौद्रस्नेहविषाशिषु||३|| शिरस्यभिहते पाण्डुरोगे जागरिते निशि| |४|
🔊 Audio coming soon
স০-রক্তপিত্তার্ত্যাদিষু ধূমো নাবছারণীযঃ| ননু, বাতে বাতকফে কফে চ ধূমস্যানুজ্ঞাতত্বাত্ পিত্তার্তৌ প্রাপ্তিরেব নাস্তি| তত্কিং প্রতিষেধেন? ব্রূমঃ| বাতপ্রকৃতের্বাতপিত্তার্তৌ সত্যাং কশ্চিদ্ভিষক্পাশো ভ্রান্ত্যা প্রকৃত্যনুরূপোপক্রমচিকীর্ষযা ধূমং যোজযেত্, তন্নিষেধার্থমিদমুক্তম্| অথবা বাতশ্লেষ্মপ্রকৃতেঃ পিত্তার্তৌ পিত্তপ্রকৃতের্বা বাতশ্লেষ্মার্তৌ ধূমো ন যোজ্য ইতি প্রতিপাদনার্থমিদং গদিতম্| অশিশব্দো মত্স্যাদিষু বিষান্তেষু প্রত্যেকং যোজ্যঃ| অত্র চ যথাসম্ভবং পানং মদ্যাদেঃ, ভোজনং ছ মত্স্যাদেঃ অশনশব্দেনোচ্যতে| চতুর্বিধেঽপ্যাহারে অশনশব্দেনাস্ত্যেব ব্যবহারঃ| যথা (হৃ.সূ.অ. ৮|১)-"মাত্রাশী সর্বকালং স্যাত্" ইতি কেচিচ্চ যবাগূপাযিন্যপি ধূমপানং নেচ্ছন্তি|
Adhikarana dhUmasyAkAlapAne~atipAne ca doShaH (4-5) · Śloka 5
| রক্তপিত্তান্ধ্যবাধির্যতৃণ্মূর্চ্ছামদমোহকৃত্||৪|| ধূমোঽকালেঽতিপীতো বা| |৫|
View original
| रक्तपित्तान्ध्यबाधिर्यतृण्मूर्च्छामदमोहकृत्||४|| धूमोऽकालेऽतिपीतो वा| |५|
🔊 Audio coming soon
স০-মূর্চ্ছা-সংজ্ঞানাশঃ| মোহাঃ-চিত্তনাশঃ,'মুহূ বৈচিত্যে' ইতি পাঠাত্| আন্ধ্যবাধির্যগ্রহণমুত্তমাঙ্গরোগোপলক্ষ্ণার্থম্| তেন সঙ্গ্রহোক্তমর্দিতমপি গৃহ্যতে| ধূমোঽকালে-পূর্বোক্তে রক্তপিত্তার্ত্যাদৌ, পীতো রক্তপিত্তাদীন্ কুর্যাত্| অপ্রতিষিদ্ধেঽপি কালে- ক্ষুতাদৌ, অতিশযেন পীতো বা রক্তাদিকৃত্|
Adhikarana uktadoShasya pratIkAraH (5) · Śloka 5
তত্র শীতো বিধির্হিতঃ| |৫|
View original
तत्र शीतो विधिर्हितः| |५|
🔊 Audio coming soon
স০-তত্র-রক্তপিত্তাদ্যার্তৌ, বিধিঃ-উপক্রমো যথাস্বং সর্পিঃ পাননস্যালেপপরিষেকাদিঃ, শীতো হিতঃ|
Adhikarana snigdhadhUmasyAShTau kAlAH madhyadhUmasyaikAdasha kAlAH tIkShNadhUmasya pa~jca kAlAH (5-7) · Śloka 7
ইদানীং ত্রযাণাং ধূমানাং কালং পৃথক্ দর্শযন্নাহ | ক্ষুতজৃম্ভিতবিণ্মূত্রস্ত্রীসেবাশস্ত্রকর্মণাম্||৫|| হাসস্য দন্তকাষ্ঠস্য ধূমমন্তে পিবেন্মৃদুম্| কালেষ্বেষু নিশাহারনাবনান্তে চ মধ্যমম্||৬|| নিদ্রানস্যাঞ্জনস্নানচ্ছর্দিতান্তে বিরেচনম্| |৭|
View original
इदानीं त्रयाणां धूमानां कालं पृथक् दर्शयन्नाह | क्षुतजृम्भितविण्मूत्रस्त्रीसेवाशस्त्रकर्मणाम्||५|| हासस्य दन्तकाष्ठस्य धूममन्ते पिबेन्मृदुम्| कालेष्वेषु निशाहारनावनान्ते च मध्यमम्||६|| निद्रानस्याञ्जनस्नानच्छर्दितान्ते विरेचनम्| |७|
🔊 Audio coming soon
স০-ক্ষুতাদীনামষ্টানামন্তে মৃদুং-স্নেহনাখ্যং, ধূমং পিবেত্| এষু-ক্ষুতাদিষু কালেষু, নিশাহারনাবনান্তেষু চ মধ্যমং ধূমং পিবেত্| মধ্য এব মধ্যমঃ, "মধ্যান্মঃ" ইতি মপ্রত্যযঃ| বিরেছনাখ্যং ধূমং নিদ্রাদীনামন্তে পিবেত্| নাবননস্যশব্দযোরেকার্থযোরিহোপাদানান্নস্যক্রমেণ ধূমং পিবেদিতি গ্রন্থকৃতা প্রতিপাদিতম্| তেন স্নিগ্ধনস্যান্তে স্নিগ্ধং-মৃদ্বপরপর্যাযং, ধূমং পিবেত্| আচার্যোপদেশাচ্চ ক্ষুতাদ্যন্তেষু চ স্নিগ্ধং ধূমং পিবেত্| মধ্যনস্যান্তে মধ্যমং ধূমং পিবেত্| কালেষ্বিতি বচনাচ্চ ক্ষুতান্তাদিষু চ মধ্যমং ধূমং পিবেত্| এবং তীক্ষ্ণনস্যান্তে বিরেচনং ধূমং পিবেত্| ইতি ত্রিষু সম্বন্ধঃ| তীক্ষ্ণশব্দোঽত্র বিরেচনপর্যাযঃ|
Adhikarana dhUmanetrasvarUpam (7-8) · Śloka 8
সাম্প্রতমত্র নেত্রস্বরূপমাহ | বস্তিনেত্রসমদ্রব্যং ত্রিকোশং কারযেদৃজু||৭|| মূলাগ্রেঽঙ্গুষ্ঠকোলাস্থিপ্রবেশং ধূমনেত্রকম্| |৮|
View original
साम्प्रतमत्र नेत्रस्वरूपमाह | बस्तिनेत्रसमद्रव्यं त्रिकोशं कारयेदृजु||७|| मूलाग्रेऽङ्गुष्ठकोलास्थिप्रवेशं धूमनेत्रकम्| |८|
🔊 Audio coming soon
স০-বস্তৌ নেত্রং বস্তিনেত্রম্, বস্তিনেত্রেণ সমং-তুল্যং, দ্রব্যং-ধাতুদার্বস্থিবেণুজং, যস্য-ধূমনেত্রস্য, তদ্বস্তিনেত্রসমদ্রব্যং ধূমনেত্রং শিল্পিনা কারযেদ্ভিষক্| কিম্ভূতং নেত্রম্ ? ত্রযঃ কোশাঃ পর্বাণি, যস্য তত্ ত্রিকোশম্| তথা, ঋজু-অবকম্| তথা, মূলং চাগ্রং চ তস্মিন্ যথাসঙ্খ্যমঙ্গুষ্ঠবদরাস্থিপ্রবেশম্| মূলেঽঙ্গুষ্ঠপ্রবেশমগ্রে কোলাস্থিপ্রবেশমিত্যর্থঃ| অঙ্গুষ্ঠশ্চ কোলাস্থি চেতি সমাহারদ্বন্দ্বঃ| তত্প্রবিশত্যস্মিন্নিতি "পদরুজবিশন্তি" ইতি ঘঞ্|
Adhikarana tIkShNAdibhedena dhUmanetrasya pramANam (8-9) · Śloka 9
ইদানীং তীক্ষ্ণাদিকস্য ত্রিবিধস্য ধূমস্য দৈর্ঘ্যেণ নেত্র প্রমাণমাহ | তীক্ষ্ণস্নেহনমধ্যেষু ত্রীণি চত্বাতি পঞ্চ চ||৮|| অঙ্গুলানাং ক্রমাত্পাতুঃ প্রমাণেনাষ্টকানি তত্| |৯|
View original
इदानीं तीक्ष्णादिकस्य त्रिविधस्य धूमस्य दैर्घ्येण नेत्र प्रमाणमाह | तीक्ष्णस्नेहनमध्येषु त्रीणि चत्वाति पञ्च च||८|| अङ्गुलानां क्रमात्पातुः प्रमाणेनाष्टकानि तत्| |९|
🔊 Audio coming soon
স০-যথাসঙ্খ্যং দৈর্ঘ্যেণ তীক্ষ্ণস্য ত্রীণ্যষ্টকানি-চতুর্বিংশতিরঙ্গুলানি, স্যুঃ| স্নেহনে চ ধূমে চত্বার্যষ্টকানি-দ্বাত্রিংশদঙ্গুলানি, স্যুঃ| মধ্যমে চ ধূমে পঞ্চাষ্টকানি-চত্বারিংশদঙ্গুলানি, স্যুঃ| পর্বানেকত্বং সূক্ষ্মত্বং দৈর্ঘ্যং চ নেত্রস্যেহ কৃতম্| এবং হি নযনকর্ণাদীনাং ন বাধকো ধূমঃ স্যাদিতি| তথা চ মুনিঃ (চ.সূ.অ.৫|৪৮)-"দূরাদ্বিনির্গতঃ পর্বচ্ছিন্নো নাডীতনূকৃতঃ| নেন্দ্রিযং বাধতে ধূমঃ" ইতি|
Adhikarana dhUmapAnavidhiH (9-10) · Śloka 10
কীদৃশঃ সন্ ধূমং পীবেত্? ইত্যাহ | ঋজূপবিষ্টস্তচ্চেতা বিবৃতাস্যস্ত্রিপর্যযম্||৯|| পিধায চ্ছিদ্রমেকৈকং ধূমং নাসিকযা পিবেত্| |১০|
View original
कीदृशः सन् धूमं पीवेत्? इत्याह | ऋजूपविष्टस्तच्चेता विवृतास्यस्त्रिपर्ययम्||९|| पिधाय च्छिद्रमेकैकं धूमं नासिकया पिबेत्| |१०|
🔊 Audio coming soon
স০-ঋজু-স্পষ্টং, উপবিষ্টঃ-আসীনঃ| তথা, তচ্চেতাঃ-ধূমপানগতচিত্তঃ| তথা, প্রসারিতমুখঃ| তথা, নেত্রগতদৃষ্টিরিত্যপি দ্রষ্টব্যম্| কথং পিবেত্ ? ত্রিপর্যযম্| আক্ষেপবিসর্গা-আপানঃ, ত্রিভিরাপানৈঃ-পর্যযঃ| তথা, ছিদ্রমেকৈকং পিধায, প্রকৃতত্বান্নাসিকাযা এব| তদেবংবিধঃ সন্ নাসিকযা পিবেত্| একৈকমিতি "একং বহুব্রীহিবত্" ইতি দ্বিত্বসুব্লোপৌ| তেনাযমর্থঃ,- একং নাসাপুটং পিধাযাপরেণ নাসাপুটেনাকৃষ্য ধূমং পিবেত্| অপরং নাসাপুটং পিধায তদপরেণাকৃষ্য তথৈব পিবেদিত্যর্থঃ|
Adhikarana dhUmapAne visheShaH (10-11) · Śloka 11
| প্রাক্ পিবেন্নাসযোত্ক্লিষ্টে দোষে ঘ্রাণশিরোগতে||১০|| উত্ক্লেশনার্থং বক্ত্রেণ, বিপরীতং তু কণ্ঠগে| |১১|
View original
| प्राक् पिबेन्नासयोत्क्लिष्टे दोषे घ्राणशिरोगते||१०|| उत्क्लेशनार्थं वक्त्रेण, विपरीतं तु कण्ठगे| |११|
🔊 Audio coming soon
স০-নাসাগতে শিরোগতে বা দোষ উত্ক্লিষ্টে-স্বস্থানাচ্চালিতে সতি, প্রাক্-পূর্বং, নাসিকযা পিবেত্| অনুত্ক্লিষ্টে দোষ উত্ক্লেশনার্থং বক্ত্রেণ প্রাক্ পিবেত্, পশ্চান্নসিকযা| কণ্ঠগে তু দোষ উত্ক্লেশনার্থং প্রাঙ্নাসিকযা পিবেত্ পশ্চাদ্বক্ত্রেণেতি বিপরীতত্বম্|
Adhikarana dhUmodvamane niyamaH (11) · Śloka 11
| মুখেনৈবোদ্বমেদ্ধূমং|১১|
View original
| मुखेनैवोद्वमेद्धूमं|११|
🔊 Audio coming soon
স০-নাসযাঽঽস্যেন বা পীতং ধূমং বক্ত্রেণৈবোত্সৃজেত্|
Adhikarana nAsodvamane doShaH (11) · Śloka 11
ননু ঘ্রাণেনৈব কস্মান্ন মুচ্যতে? ইত্যাহ | নাসযা দৃগ্বিঘাতকৃত্||১১||
View original
ननु घ्राणेनैव कस्मान्न मुच्यते? इत्याह | नासया दृग्विघातकृत्||११||
🔊 Audio coming soon
স০-ঘ্রাণেনোত্সৃজ্যমানো ধূমো দৃষ্টিবিঘাতং তিমিরাদিনা করোতি| তস্মান্মুখেনৈবোত্সৃজেত্|
Adhikarana dhUmapAnAvadhiH (12) · Śloka 12
আক্ষেপমোক্ষৈঃ পাতব্যো ধূমস্তু ত্রিস্ত্রিভিস্ত্রিভিঃ| |১২|
View original
आक्षेपमोक्षैः पातव्यो धूमस्तु त्रिस्त्रिभिस्त्रिभिः| |१२|
🔊 Audio coming soon
স০-আক্ষেপমোক্ষৈঃ-আদানবিসর্গৈঃ, ত্রিভিস্ত্রিভিস্ত্রীন্ বারান্ ধূমঃ পাতব্যঃ| ত্রিরিতি "দ্বিত্রিচতুর্ভ্যঃ সুচ্" ইতি সুচ্|
Adhikarana snigdhAdibhedenAvRuttiH (12-13) · Śloka 13
| অহ্নঃ পিবেত্সকৃত্ স্নিগ্ধং, দ্বির্মধ্যং, শোধনং পরম্||১২|| ত্রিশ্চতুর্বা| |১৩|
View original
| अह्नः पिबेत्सकृत् स्निग्धं, द्विर्मध्यं, शोधनं परम्||१२|| त्रिश्चतुर्वा| |१३|
🔊 Audio coming soon
স০-অহ্নঃ সকৃত্-একবারং, স্নিগ্ধং ধূমং পিবেত্| মধ্যমং ধূমং দ্বৌ বারৌ পিবেত্| অহ্ন ইত্যত্রাপ্যনুবর্ততে| তীক্ষ্ণং ধূমং ত্রীন্ বারাংশ্চতুরো বা দিবসস্য পিবেত্| অহ্ন ইতি "কৃত্বোঽর্থপ্রযোগে কালেঽধিকরণে" ইতি ষষ্ঠী|
Adhikarana snigdhadhUmasya dravyANi (13-15) · Śloka 15
মৃদৌ তত্র দ্রব্যাণ্যগুরুগুগ্গুলু| মুস্তস্থৌণেযশৈলেযনলদোশীরবালকম্||১৩|| বরাঙ্গকৌন্তীমধুকবিল্বমজ্জৈলবালুকম্| শ্রীবেষ্টকং সর্জরসো ধ্যামকং মদনং প্লবম্||১৪|| শল্লকী কুঙ্কুমং মাষা যবাঃ কুন্দুরুকস্তিলাঃ| স্নেহঃ ফলানাং সারাণাং মেদো মজ্জা বসা ঘৃতম্||১৫||
View original
मृदौ तत्र द्रव्याण्यगुरुगुग्गुलु| मुस्तस्थौणेयशैलेयनलदोशीरवालकम्||१३|| वराङ्गकौन्तीमधुकबिल्वमज्जैलवालुकम्| श्रीवेष्टकं सर्जरसो ध्यामकं मदनं प्लवम्||१४|| शल्लकी कुङ्कुमं माषा यवाः कुन्दुरुकस्तिलाः| स्नेहः फलानां साराणां मेदो मज्जा वसा घृतम्||१५||
🔊 Audio coming soon
স০-তত্র-তেষু ত্রিষু ধূমেষু মধ্যাত্, মৃদৌ-প্রাযোগিকাখ্যে ধূমে, দ্রব্যাণ্যগুরুপ্রভৃতীনি| প্লবো-গোপালমদনকঃ| স্নেহ ইতি| ফলানাং-আক্ষোডনারিকেলাদীনাং স্নেহঃ, তথা সারাণাং-খদিরাসনাদীনাং চ স্নেহঃ| মধুমদনযোরেকযোনিত্বাদুক্তস্যোপযোগো মদনস্যাত্র বিরুদ্ধ ইতি কেচিত্| তচ্চাযুক্তম্| দ্রব্যান্তরত্বান্মদনস্য| পিণ্যাকদিবত্তিলাদেঃ| ঘৃতং চাত্র গব্যমেব গ্রাহ্যম্, মুখ্যত্বাত্| উক্তং হি (হৃ.সূ.অ.৫|৪২)-"গব্যে ক্ষীরঘৃতে শ্রেষ্ঠে" ইতি|
Adhikarana madhyamadhUmasya dravyANi (16-17) · Śloka 17
শমনে শল্লকী লাক্ষা পৃথ্বীকা কমলোত্পলম্| ন্যগ্রোধোদুম্বরাশ্বত্থপ্লক্ষরোধ্রত্বচঃ সিতা||১৬|| যষ্টীমধু সুবর্ণত্বক্ পদ্মকং রক্তযষ্টিকা| গন্ধাশ্চাকুষ্ঠতগরাঃ|১৭|
View original
शमने शल्लकी लाक्षा पृथ्वीका कमलोत्पलम्| न्यग्रोधोदुम्बराश्वत्थप्लक्षरोध्रत्वचः सिता||१६|| यष्टीमधु सुवर्णत्वक् पद्मकं रक्तयष्टिका| गन्धाश्चाकुष्ठतगराः|१७|
🔊 Audio coming soon
স০-শমনে ধূমে শল্লক্যাদীনি গন্ধদ্রব্যাণি কুষ্ঠতগরবর্জ্যানি|
Adhikarana tIkShNadhUmasya dravyANi (17-18) · Śloka 18
| তীক্ষ্ণে জ্যোতিষ্মতী নিশা||১৭|| দশমূলমনোহ্বালং লাক্ষা শ্বেতা ফলত্রযম্| গন্ধদ্রব্যাণি তীক্ষ্ণানি গণো মূর্দ্ধবিরেচনঃ||১৮||
View original
| तीक्ष्णे ज्योतिष्मती निशा||१७|| दशमूलमनोह्वालं लाक्षा श्वेता फलत्रयम्| गन्धद्रव्याणि तीक्ष्णानि गणो मूर्द्धविरेचनः||१८||
🔊 Audio coming soon
স০-তীক্ষ্ণে-বিরেচনাখ্যে ধূমে, জ্যোতিষ্মত্যাদীনি, গন্ধদ্রব্যাণি, তীক্ষ্ণানি-কুষ্ঠতগরাদীনি, গণশ্চ-শোধনাদিগণসঙ্গ্রহোক্তো "বেল্লাপামার্গ" (হৃ.সূ.অ.১৫|৪) ইত্যাদিকো, মূর্ধবিরেচনঃ|
Adhikarana dhUmavartiH (19-21) · Śloka 21
সম্প্রতি ধূমবর্তিবিধানমাহ জলে স্থিতামহোরাত্রমিষীকাং দ্বাদশাঙ্গুলাম্| পিষ্টৈর্ধূমৌষধৈরেবং পঞ্চকৃত্বঃ প্রলেপযেত্||১৯|| বর্তিরঙ্গুষ্ঠকস্থূলা যবমধ্যা যথা ভবেত্| ছাযাশুষ্কাং বিগর্ভাং তাং স্নেহাভ্যক্তাং যথাযথম্||২০|| ধূমনেত্রার্পিতাং পাতুমগ্নিপ্লুষ্টাং প্রযোজযেত্| |২১|
View original
सम्प्रति धूमवर्तिविधानमाह जले स्थितामहोरात्रमिषीकां द्वादशाङ्गुलाम्| पिष्टैर्धूमौषधैरेवं पञ्चकृत्वः प्रलेपयेत्||१९|| वर्तिरङ्गुष्ठकस्थूला यवमध्या यथा भवेत्| छायाशुष्कां विगर्भां तां स्नेहाभ्यक्तां यथायथम्||२०|| धूमनेत्रार्पितां पातुमग्निप्लुष्टां प्रयोजयेत्| |२१|
🔊 Audio coming soon
স০-রাত্রিংদিবং সলিলে উষিতাং দৈর্ঘ্যেণ দ্বাদশাঙ্গুলামিষীকাং-দর্ভতূলীং, পঞ্চকৃত্বঃ-পশ্চবারান্, ধূমোক্তৈরৌষধৈঃ পিষ্টৈঃ প্রকর্ষেণ লেপযেত্| যথাঽঙ্গুষ্ঠকস্থূলা যবমধ্যা বর্তিঃ স্যাত্| এতদাকৃতিবিধানং চ ত্রিবিধেঽপি নেত্রকে বর্তেঃ সুখপ্রবেশার্থম্| তামিষীকাং (তাং বর্তি) ছাযাযাং বিশুষ্কাং বিগতগর্ভাং (বিগর্ভাং)-অপনীতেষীকাং, তথা স্নেহেন-ঘৃতাদিনা যথাস্বমভ্যক্তাং, তথা, ধূমনেত্রস্য যদঙ্গুষ্ঠপ্রমাণং ছিদ্রং তত্রার্পিতাং, তথাঽগ্নিপ্লুষ্টাং অঙ্গারপ্রদীপ্তাং, পাতুং-পানার্থং, প্রযোজযেত্|
Adhikarana dhUmavartyA dhUmapAnaprakAraH (21-23) · Śloka 23
অধুনাঽপরমপি ধূমপ্রকারমাহ শরাবসম্পুটচ্ছিদ্রে নাডীং ন্যস্য দশাঙ্গুলাম্|২১| অষ্টাঙ্গুলাং বা বক্ত্রেণা কাসবান্ ধূমমাপিবেত্| ২১ ১/২||২৩||
View original
अधुनाऽपरमपि धूमप्रकारमाह शरावसम्पुटच्छिद्रे नाडीं न्यस्य दशाङ्गुलाम्|२१| अष्टाङ्गुलां वा वक्त्रेणा कासवान् धूममापिबेत्| २१ १/२||२३||
🔊 Audio coming soon
স০-শরাবযোঃ সম্পুটো-যুগ্মং, তস্য ছিদ্রে নাডীং দশাঙ্গুলামষ্টাঙ্গুলপ্রমাণাং বা নিক্ষিপ্য কাসী ধূমমাপিবেত্| তদযমত্রার্থঃ,-অপগতধূমখদিরবদরাদিদারুস্থিরাঙ্গারপ্রকরপূর্ণশরাবে কাসহরচূর্ণং সস্নেহং গুলিকাং বা ন্যস্য মধ্যবৃত্তচ্ছিদ্রশরাবেণ পিধায নাডীমষ্টাঙ্গুলাং দশাঙ্গুলাং ব নিবেশ্য কাসবান্-কাসী, বক্ত্রেণ-মুখেন, ধূমং সংপিবেদিতি|
Adhikarana kAsinAM dhUmapAne visheShaH dhUmashIlanasya phalam (21) · Śloka 21
কাসঃ শ্বাসঃ পীনসো বিস্বরত্বং পূতির্গন্ধঃ পাণ্ডুতা কেশদোষঃ| কর্ণাস্যাক্ষিস্ত্রাবকণ্ড্বর্তিজাড্যং তন্দ্রা হিধ্মা ধূমপং ন স্পৃশন্তি| ২২ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে ধূমপানবিধির্নামৈকবিংশতিতমোঽধ্যাযঃ||২১||
View original
कासः श्वासः पीनसो विस्वरत्वं पूतिर्गन्धः पाण्डुता केशदोषः| कर्णास्याक्षिस्त्रावकण्ड्वर्तिजाड्यं तन्द्रा हिध्मा धूमपं न स्पृशन्ति| २२ १/२| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां सूत्रस्थाने धूमपानविधिर्नामैकविंशतितमोऽध्यायः||२१||
🔊 Audio coming soon
স০-কাসাদযো ধূমপং ন স্পৃশন্তি| ধূমপাতুরেতে ন সম্ভবন্তীতি ভাবঃ| তত্র পূতির্গন্ধঃ-আস্যনাসযোঃ| পাণ্ডুতামুখস্য| কেশদোষাঃ-সিতপিঞ্জরত্বাদযঃ| কর্ণৌ চাস্যং চাক্ষিণী চ কর্ণাস্যাক্ষি, স্রাবশ্চ কণ্ডূশ্চার্তিশ্চ জাড্যং চ স্রাবকণ্ড্বর্তিজাড্যম্, কর্ণাদিষু প্রত্যেকং স্রাবাদিচতুষ্টযং যোজ্যমিতি| শালিনীবৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে ধূমপানবিধির্নামৈকবিংশতিতমোঽধ্যাযঃ সমাপ্তঃ|| ২১||