20. nasyavidhiradhyāyaḥ

Adhikarana adhyAyopakramaH · Śloka

পঞ্হ্চকর্মোক্তিপ্রস্তাবে বমনবিরেকান্বাসননিরূহানুক্ত্বা নস্যবিধিমাহ -

Adhikarana nasyavidhiradhyAyaH, nasyasya viShayaH (2-1) · Śloka 1

পঞ্হ্চকর্মোক্তিপ্রস্তাবে বমনবিরেকান্বাসননিরূহানুক্ত্বা নস্যবিধিমাহ - - - - অথাতো নস্যবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ঊর্ধ্বজত্রুবিকারেষু বিশেষান্নস্যমিষ্যতে| নাসা হি শিরসো দ্বারং তেন তদ্ব্যাপ্য হন্তি তান্||১||

স০-জত্রু-বক্ষোংসযোঃ সন্ধিঃ| জত্রুণ ঊর্ধ্বমূর্ধ্বজত্রু| মযূরব্যংসকাদিত্বাত্ সমাসঃ| তত্র বিকারা ঊর্ধ্বজত্রুবিকারাঃ, তেষূর্ধ্বজত্রুবিকারেষু-শিরোরোগাদিষু বিষযে, বমনশিরাব্যধাদযোঽপীষ্যন্ত এব| বিশেষণ তু নস্যমিষ্যতে| নাসাযাং ক্রিযত্ ইতি নস্যম্| নাসিকাযাঃ "পদ্দন্ন" ইতি নসাদেশঃ| ননু, কিমিতি নস্যমেতেষু রোগেষু বিশেষেণেষ্টম্ ? ইত্যাহ-নাসা হীত্যাদি| যস্মাত্ ঘ্রাণং শিরোদ্বারম্| তেন দ্বারেণ শ্রোত্রশৃঙ্গাটকপ্রাপ্তমূর্ধ্বং নেত্রকণ্ঠাদিশিরামুখানুপ্রবেশেন, তত্-শিরো, ব্যাপ্য তাম্-বিকারান্ হন্তি|

Adhikarana nasyabhedAH (2) · Śloka 2

বিরেচনং বৃংহণং চ শমনং চ ত্রিধাঽপি তত্| |২|

স০-তত্-নস্যং, বিরেচনবৃংহণশমনাখ্যভেদেন ত্রিধা স্যাত্|

Adhikarana virecananasyasya viShayaH (2-3) · Śloka 3

তত্র পূর্বং বিরেচনাখ্যস্যোপযোগমাহ - - - - | বিরেচনং শিরঃশূলজাড্যস্যন্দগলামযে||২|| শোফগণ্ডকৃমিগ্রন্থিকুষ্ঠাপস্মারপীনসে| |৩|

স০-শিরঃশূলাদিষু বিরেচনং নস্যমিষ্যতে| অপস্মারো যদ্যপ্যূর্ধ্বজত্রুস্থিতো ন ভবতি, তথাঽপি বিরেচননস্যেন শাম্যতীতি তদুপাদানম্| উপলক্ষণং চেদম্| কফজেষু প্রসেকাস্যবৈরস্যগন্ধাজ্ঞানাদিষ্বপি বিরেচনমেব হিতম্|

Adhikarana bRuMhaNanasyasya viShayaH (3-4) · Śloka 4

| বৃংহণং বাতজে শূলে সূর্যাবর্তে স্বরক্ষযে||৩|| নাসাস্যশোষে বাক্সঙ্গে কৃচ্ছ্রবোধেঽববাহুকে| |৪|

স০-বাতোদ্ভবশূলাদিষু বৃংহণং নস্যং হিতম্| সূর্যাবর্তঃ-শিরোরোগবিশেষঃ| কৃচ্ছ্রবোধঃ-কৃচ্ছ্রোন্মীলনম্| অববাহুকো-বাতব্যাধিবিশেষঃ|

Adhikarana shamananasyasya viShayaH (4) · Śloka 4

| শমনং নীলিকাব্যঙ্গকেশদোষাক্ষিরাজিষু||৪||

স০-নীলিকাদিষু শমনং নস্যং হিতম্| নীলিকাব্যঙ্গৌ-ক্ষুদ্ররোগেষু (হৃ. উ. অ. ৩১|২৮) বক্ষ্যমাণৌ| কেশদোষঃ-কেশশাতঃ|

Adhikarana virecananasyasya dravyANi (5) · Śloka 5

যথাস্বং যৌগিকৈঃ স্নেহৈর্যথাস্বং চ প্রসাধিতৈঃ| কল্কক্বাথাদিভিশ্চাদ্যং মধুপট্বাসবৈরপি||৫||

স০-যে যে স্নেহা যথাস্বং তৈঃ| কিম্ভূতৈঃ ? যোগিকৈঃ,-যোগার্হৈঃ সর্ষপতৈলাদিভিঃ, ন তু ঘৃতাদিভিঃ| তথা, যথাস্বং-মরীচশুণ্ঠ্যাদিভিঃ, প্রসাধিতৈঃ-সংস্কৃতৈঃ| তথা, কল্কক্বাথস্বরসাদিভিশ্চ যথাস্বং কফঘ্নৈর্গিরিকর্ণিকাদিজৈঃ সাধিতং, আদ্যং-বিরেচনাখ্যং নস্যং, ভবতি| ন কেবলমেতৈর্যাবন্মাক্ষিকাদিভিশ্চ| আসবো-মদ্যবিশেষঃ|

Adhikarana bRuMhaNanasyasya dravyANi, shamananasyasya dravyANi (6) · Śloka 6

বৃংহণং ধন্বমাংসোত্থরসাসৃক্ঽঽকপুরৈরপি| শমনং যোজযেত্পূর্বৈঃ ক্ষীরেণ সলিলেন বা||৬||

স০-বৃংহণং নস্যং ধন্বোত্থমাংসোদ্ভবরসৈঃ স্যাত্| তথা, অসৃজা-রক্তেন, ধন্বোত্থেনৈব| তথা, খপুরৈঃ-নির্যাসবিশেষৈঃ| অপিশব্দাদন্যৈরপি পূর্বোক্তৈঃ স্নেহৈরতীক্ষ্ণৈর্বৃংহণং ভবতি| শমনং নস্যং পূর্বোক্তৈরতীক্ষ্ণৈঃ স্নেহৈর্ঘৃতাদিভিস্তথা মাংসরসাদিভির্যোজযেত্| তথা, ক্ষীরেণ জলেন চেতি| সুশ্রুতস্তু স্পষ্টতরমুবাচ (চি. অ. ৪০|২২)- "তত্তু নস্যং দেযং বাতাভিভূতে শিরসি দন্তকেশশ্মশ্রুপ্রপাতদারুণককর্ণশূলকর্ণক্ষ্বেডতিমিরস্বরোপঘাতনাসারোগ মুখশোষেষ্বকালজবলীপলিতপ্রাদুর্ভাবে দারুণপ্রবোধে বাতপৈত্তিকেষু চান্যেষু মুখরোগেষু বাতপিত্তহরদ্রব্যসিদ্ধেন স্নেহেনেতি| শিরোবিরেচনং শ্লেষ্মণাঽভিব্যাপ্ততালুকণ্ঠশিরসাং নিদ্রাভিভূতানাং শিরোগৌরবশূলপীনসার্দ্ধাবভেদককৃমিপ্রতিশ্যাযাপস্মারগন্ধাজ্ঞানেষ্বন্যেষু চোর্ধ্বজত্রুগতেষু কফজেষু বিকারেষু শিরোবিরেচনদ্রব্যৈস্তত্সিদ্ধেন বা স্নেহেনেতি|" তথা-"সম্যগ্বিশুদ্ধে শিরসি সর্পির্নস্তো নিষেচযেত্| অবপীডস্তু শিরোবিরেচনবদভিষ্যন্দসর্পদষ্টবিসংজ্ঞেভ্যো দদ্যাত্, শিরোবিরেচনদ্রব্যাণামন্যতমমবপিষ্যাবপীড্য চ| চেতোবিকারকৃমিবিষাভিপন্নানাং চূর্ণং প্রধমেত্| শর্করেক্ষুরসক্ষীরঘৃতমাংসরসানামন্যতমং ক্ষীণানাং শোণিতপিত্তে চ বিদধ্যাত্| কৃশদুর্বলভীরূণাং সুকুমারস্য যোষিতাম্| শ্রৃতাঃ স্নেহাঃ শিরঃশুদ্ধ্যৈ কল্কস্তেভ্যো যথা হিতঃ||" ইতি|

Adhikarana marshAdaya pa~jca nasyabhedAH (7-8) · Śloka 8

অধুনাঽন্যানপি নস্যবিশেষানাহ - - - - মর্শশ্চ প্রতিমর্শশ্চ দ্বিধা স্নেহোঽত্র মাত্রযা| কল্কাদ্যৈরবপীডস্তু স তীক্ষ্ণৈর্মূর্দ্ধরেচনঃ||৭|| ধ্মানং বিরেচনশ্চূর্ণো| |৮|

স০-অত্র-এষু নস্যভেদেষু মধ্যে, মর্শাখ্যঃ প্রতিমর্শাখ্যশ্চেতি স্নেহো দ্বিধা-ভেদদ্বযেন ভবতি| কথম্ ? মাত্রযা,-মাত্রাভেদেন, ন তু বস্তুভেদেন| কল্কাদ্যৈরিত্যাদি| তুরবধারণে ভিন্নক্রমঃ| কল্কাদ্যৈরেবাবপীডঃ, ন স্নেহেনাপি| স চাবপীডঃ, তীক্ষ্ণৈঃ-শুণ্ঠ্যাদিভিঃ কল্কক্বাথরসাদ্যৈঃ, ন মৃদুভিঃ| মূর্দ্ধরেচনঃ-শিরোবিরেচনাখ্যং নামান্তরমস্য| অতীক্ষ্ণৈস্তু শমনসংজ্ঞমেতদ্বিরেচনং নস্যম্| পুনঃ প্রকারান্তরমাহ-ধ্মানমিত্যাদি| চূর্ণো-মরীচাদিভিঃ কৃতো, নাসযা প্রণীযমানো বিরেচনো-বহির্দোষনিরসনো, ধ্মানং-প্রধ্মানাখ্যং নস্যং স্যাত্|

Adhikarana pradhamanasya vidhiH, pradhamanaya bahudoShaharatve yuktiH (8-9) · Śloka 9

কথং পুনরসৌ নাসাযাং ধ্মাপযিতব্যঃ ? ইত্যাহ - - - - যুঞ্জ্যাত্তং মুখবাযুনা| ষডঙ্গুলদ্বিমুখযা নাড্যা ভেষজগর্ভযা||৮|| স হি ভূরিতরং দোষং চূর্ণত্বাদপকর্ষতি| |৯|

স০-তং-চূর্ণং, মুখবাযুনা-ফূত্কারাখ্যেন, যুঞ্জ্যাত্-প্রবেশযেত্| কথম্ ? নাড্যা, কারণভূতযা| কিম্ভূতযা ? ষডঙ্গুলদ্বিমুখযা,-ষডঙ্গুলানি যস্যাঃ সা ষডঙ্গুলা, দ্বে মুখে যস্যাঃ সা দ্বিমুখা, ষডঙ্গুলা চাসৌ দ্বিমুখা চ ষডঙ্গুলদ্বিমুখা, তযা| তথাবিধযা, তথা ভেষজগর্ভযা-ত্রিকটুকাদিচূর্ণভরিতযা| স হি-চূর্ণো, ভূরিতরং-বহুতরং, দোষং চূর্ণত্বাদপকর্ষতি, ন তথা কল্কক্বাথাদযঃ| তস্মাদ্বিরেচনাখ্যোঽযমিত্যর্থঃ|

Adhikarana bindumAnam, marshasya mAtrAtrayam, avapIDashirovirecanayormAtrAtrayam (9-11) · Śloka 11

অধুনা মর্শস্নেহস্য পরিমাণমধিকৃত্যাহ - - - - | প্রদেশিন্যঙ্গুলীপর্বদ্বযান্মগ্নসমুদ্ধৃতাত্||৯|| যাবত্পত্যসৌ বিন্দুর্দশাষ্টৌ ষট্ ক্রমেণ তে| মর্শস্যোত্কৃষ্টমধ্যোনা মাত্রাস্তা এব চ ক্রমাত্||১০|| বিন্দুদ্বযোনাঃ কল্কাদেঃ| |১১|

স০-প্রদেশিনী-অঙ্গুষ্ঠসমীপজাঽঙ্গুলী, তস্যাঃ পর্বদ্বযং, তস্মাত্| কিম্ভূতাত্ ? পূর্বং ভগ্নং পশ্চাত্সমুদ্ধৃতং, তস্মাত্ মগ্নসমুদ্ধৃতাত্ তর্জনীপর্বদ্বযাত্ যাবত্পরিমাণং পততি, অসৌ বিন্দুঃ, 'উচ্যতে' ইতি শেষঃ| তে-বিন্দবো, যথাসঙ্খ্যং মর্শস্য দশোত্কৃষ্টা মাত্রা, অষ্টৌ মধ্যমা মাত্রা, ষট্ কনিষ্ঠা মাত্রা| তা এব ক্রমান্মাত্রা বিন্দুদ্বযেনোনাঃ কল্কস্বরসাদেঃ| তেনাষ্টৌ বিন্দব উত্তমা মাত্রা, ষণ্মধ্যমা, চত্বারঃ কনিষ্ঠা, ইত্যবতিষ্ঠতে| যাবদিতি যত্পরিমাণমস্যেতি| যত্তদেতেভ্যঃ পরিমাণে বতুপ্, আ সর্বনাম্ন ইত্যাকারাদেশঃ|

Adhikarana pItatoyAdInAM nasyaniShedhaH (11-13) · Śloka 13

অধুনা যেষাং নস্যমযুক্তং তানাহ - - - - যোজযেন্ন তু নাবনম্| তোযমদ্যগরস্নেহপীতানাং পাতুমিচ্ছতাম্||১১|| ভুক্তভক্তশিরঃস্নাতস্নাতুকামস্রুতাসৃজাম্| নবপীনসবেগার্তসূতিকাশ্বাসকাসিনাম্||১২|| শুদ্ধানাং দত্তবস্তীনাং তথাঽনার্তবদুর্দিনে| অন্যত্রাত্যযিকাদ্ব্যাধেঃ|১৩|

স০-তোযাদি পীতং যৈস্তেষাম্| অত্র "আহিতাগ্ন্যাদিত্বাত্" পরনিপাতঃ| তথা পাতুমিচ্ছতাং নাবনং-নস্যং, নৈব যোজযেত্| তোযাদিপীতানাং পাতুমিচ্ছতাং চ যোজিতং নস্যং নাসাস্যস্যন্দোপদেহতিমিরশিরোরোগান্ কুর্যাত্| ভুক্তভক্তস্য চ দোষা ঊর্ধ্বস্রোতাংস্যাবৃত্য ছর্দিশ্বাসকাসপ্রতিশ্যাযান্ জনযেযুঃ| শিরোভ্যক্তস্য চ শিরোক্ষিকর্ণশূলকণ্ঠরোগপীনসহনুমন্যাস্তম্ভার্দিতশিরঃকম্পান্| শিরঃস্নাতস্য স্নাতুকামস্য চ মূর্ধ্নি স্তিমিতো দোষো জাড্যারুচিপীনসান্| স্রুতরক্তস্য চ ক্ষামতামরুচিমগ্নিসাদং চ| নবপ্রতিশ্যাযস্য স্রোতোরোধাত্ দৃষ্টপ্রতিশ্যাযকেশশাতকৃমিকণ্ডূবিচর্চিকারোগান্| মূত্রিতোচ্চারিতাদিবেগার্তানাং ভৃশতরং বেগবিধারণজান্ বিকারান্| সূতিকাযাঃ স্রুতরক্তদোষান্| শ্বাসকাসিনোর্ব্যাধিবিবৃদ্ধিম্| শুদ্ধানাং কৃতবমনবিরেচনাদীনাং শ্বাসকাসস্বরেন্দ্রিযহানিশিরোগৌরবকণ্ডূকৃমিদোষান্| দত্তবস্তীনাং বিবৃতস্রোতস্তযাঽতিব্যাপ্ত্যা শ্বাসকাসাদীনেব| তথা, অনার্তবদুর্দিনে সহসৈব শৈত্যাচ্ছিরোরুগ্বেপথুস্তৈমিত্যতালুনেত্রকণ্ডূপাকমন্যাস্তম্ভকণ্ঠরোগ প্রতিশ্যাযারূংষিকাঃ| এষু চ নস্যদোষেষু জাতেষু যথাস্বমাযতনং দোষোদ্রেকং চাপেক্ষ্য স্নেহস্বেদশিরোবিরেকবক্ক্রলেপসেকতীক্ষ্ণাবপীডধূমগণ্ডূষাদীনি যথাস্বং কুর্যাত্| সঙ্গ্রহে বিশেষঃ (সূ. অ. ২৯)- "গর্ভিণ্যাশ্চ ভক্তদ্বেষজ্বরমূর্চ্ছার্দ্ধাবভেদকাঃ স্যুঃ| অপত্যং চ ব্যঙ্গং বিকলেন্দ্রিযমুন্মাদাপস্মারযুক্তং বা স্যাত্| বিশেষেণ তু গর্ভিণী রূক্ষে নস্যকর্মণি বর্ষাভূকাকোলীকপিকচ্ছূভিঃ শৃতং পযঃ পিবেত্| বলাবিদার্যংশুমতীমেদাভির্বা| এভিরেব চ শ্রৃতং হবিঃ| বাতহরসিদ্ধশ্চ স্নেহঃ শিরোবস্তৌ কর্ণপূরণে চ যোজ্যঃ| সর্বং চ বৃংহণমন্নপানম্|" ইতি| তোযপীতাদিষু সদৈব কিং নস্যং ন যোজ্যম্ ? ইত্যাহ-অন্যত্রেত্যাদি| আত্যযিকে ব্যাধৌ নস্যং যোজ্যমেব|

Adhikarana nasyakAlaH (13-16) · Śloka 16

সাম্প্রতং যত্র কালে যত্র চ দোষে নস্যং প্রযোজ্যং তদ্দর্শনার্থমাহ - - - - | অথ নস্যং প্রযোজযেত্||১৩|| প্রাতঃ শ্লেষ্মণি, মধ্যাহ্নে পিত্তে, সাযংনিশোশ্চলে| স্বস্থবৃত্তে তু পূর্বাহ্ণে শরত্কালবসন্তযোঃ||১৪|| শীতে মধ্যংদিনে, গ্রীষ্মে সাযং বর্ষাসু সাতপে| বাতাভিভূতে শিরসি হিধ্মাযামপতানকে||১৫|| মন্যাস্তম্ভে স্বরভ্রংশে সাযংপ্রাতর্দিনেদিনে| একাহান্তরমন্যত্র|১৬|

স০-কারণে কার্যোপচারাত্কফরোগঃ শ্লেষ্মশব্দেনোক্তঃ| [ এবং পিত্তাদাবপি| ] শ্লেষ্মরোগেষু প্রাতর্নস্যং প্রযোজযেত্| পিত্তরোগেষু মধ্যাহ্নে| বাতরোগেষ্বপরাহ্ণে রাত্রৌ চ| সঙ্গ্রহে বিশেষঃ (সূ. অ. ২৯) - "লালাস্রাবসুপ্তপ্রলাপদন্তকটকটাযনক্রথনকৃচ্ছ্রোন্মীলনপূতিমুখকর্ণনাদতৃষ্ণার্দিতশিরোরোগশ্বাসকাসোন্নিদ্রেষু রাত্রৌ" ইতি| স্বস্থেত্যাদি| তুরবধারণে| স্বস্থবৃত্তে শরদি বসন্তে চ পূর্বাহ্ণে এবং নস্যং যোজ্যম্| শীতে-হেমন্তশিশিরলক্ষণে, মধ্যাহ্নে| গ্রীষ্মে সাযং-অপরাহ্ণে| বর্ষাসু সাতপে-দৃশ্যমানরবৌ বাসরে প্রযোজযেত্| অধুনা দোষাপেক্ষযা নস্যকালনিযমমাহ-বাতেত্যাদি| বাতাভিভূতমূর্দ্ধাদিষু স্বরভ্রংশান্তেষু সাযংপ্রাতঃ-পূর্বাহ্ণাপরাহ্ণযোঃ, [ দিনেদিনে- ] প্রতিদিনং চ, নৈকাহান্তরিতম্| অন্যত্র-বাতাভিভূতমূর্দ্ধাদিভ্যোঽন্যস্মিন্ রোগে, একাহান্তরম্|

Adhikarana nasyAvRutteravadhiH (16) · Śloka 16

| সপ্তাহং চ তদাচরেত্||১৬||

স০-সপ্তাহং চ নস্যমাচরেত্,- সপ্তাহাদূর্ধ্বং নস্যং ন বিদধ্যাত্|

Adhikarana nasyavidhiH, nasye puThasa~gkhyA (17-21) · Śloka 21

ইদানীং যাদৃশস্য পুরুষস্য যথাস্থিতস্য নস্যং দেযং তথাঽঽহ - - - - স্নিগ্ধস্বিন্নোত্তমাঙ্গস্য প্রাক্কৃতাবশ্যকস্য চ| নিবাতশযনস্থস্য জত্রূর্ধ্বং স্বেদযেত্ পুনঃ||১৭|| অথোত্তানুর্জুদেহস্য পাণিপাদে প্রসারিতে| কিঞ্চিদুন্নতপাদস্য কিঞ্চিন্মূর্দ্ধনি নামিতে||১৮|| নাসাপুটং পিধাযৈকং পর্যাযেণ নিষেচযেত্| উষ্ণাম্বুতপ্তং ভৈষ্জ্যং প্রণাড্যা পিচুনাঽথবা||১৯|| দত্তে পাদতলস্কন্ধহস্তকর্ণাদি মর্দযেত্| শনৈরুচ্ছিদ্য নিষ্ঠীবেত্পার্শ্বযোরুভযোস্ততঃ||২০|| আভেষজক্ষযাদেবং দ্বিস্ত্রির্বা নস্যমাচরেত্| |২১|

স০-পূর্বং স্নিগ্ধং পশ্চাত্ স্বিন্নমুত্তমাঙ্গং-শিরো, যস্য তস্য| তথা, প্রাক্-পূর্বং, কৃতমাবশ্যকং-অবশ্যকরণীযমুচ্চারমূত্রোত্সর্গদন্তধাবনাদিকং, যেন স প্রাক্কৃতাবশ্যকঃ, তস্য| তথা, নিবাতস্থানে শযনং যত্তত্র স্থিতস্য সতঃ, ভূযো জত্রূর্ধ্বং স্বেদযেত্| অথেত্যাদি| অথ-অনন্তরম্, উত্তানস্পষ্টস্থিতশরীরস্য সতো হস্তচরণে প্রসারিতে, তথা কিঞ্চিদুন্নতচরণস্য কিঞ্চিচ্ছিরসি নামিতে সতি, নাসাপুটমেকং পিধায-স্থগযিত্বা, পর্যাযেণ-ন তু যুগপত্, ভৈষজ্যং নিষেচযেত্| কীদৃশম্ ? উষ্ণাম্বুতপ্তং,- উষ্ণোদকোষ্ণীকৃতম্| কেন পরিষেচযেত্ ? প্রণাড্যা, অথবা পিচুনা-কার্পাসাদিমযেন| দত্তে নস্যে সতি পাদতলস্কন্ধহস্তকর্ণাদি মর্দযেত্| আদিশব্দেন গ্রীবাললাটাদিপরিগ্রহঃ| সুশ্রুতে চাভ্যধাযি (চি. অ. ৪০|২৫)- "বস্ত্রাবচ্ছাদিতনেত্রায বামহস্তপ্রদেশিন্যগ্রোন্নামিতনাসিকাগ্রায বিশুদ্ধস্রোতসি দক্ষিণহস্তেন স্নেহমুষ্ণাম্বুপ্রতপ্তং রজতসুবর্ণতাম্রমণিমৃত্পাত্রশুক্তীনামন্যতমস্থমনবচ্ছিন্নধারমাসিঞ্চেত্|" ইতি| শনৈরিত্যাদি| ততো-মর্দনানন্তরং, শনৈরুচ্ছিদ্য পার্শ্বযোরুভযোর্নিষ্ঠীবেত্| (সঙ্গ্রহে তু সূ. অ. ২৯)- "অনভ্যবহরন্| কফসহিতমভ্যবহৃতমগ্নিমবাসাদযেদ্দোষং চ সংবর্দ্ধযেত্| একপার্শ্বনিষ্ঠীবনে ন সর্বাঃ শিরা ভেষজেন সম্যগ্ব্যাপ্যন্তে| পুনঃপুনশ্চৈনং স্বেদযেত্|" এবং-অনেন ক্রমেণ, আভেষজক্ষযাত্ কুর্যাত্| (প্রাযঃ সঙ্গ্রহোক্তোঽযমগ্রিমো গ্রন্থঃ-) ন তু নস্যমাত্রা সকৃদেব প্রক্ষেপ্তব্যা| হীনমাত্রং চৌষধং ন দেযম্| তদ্ধি দোষানুত্ক্লেশ্যানির্হরন্ গৌরবারুচিকাসপ্রসেকপীনসচ্ছর্দিকণ্ঠরোগান্ কুর্যাত্| অধিকমতিযোগদোষান্ কুর্যাত্| সকৃদেব সর্বং দত্তমুচ্ছিন্দ্যমানং শিরোরোগেপ্রতিশ্যাযঘ্রাণক্লেদানুচ্ছ্বাসোপরোধং চ কুর্যাত্| অত্যুষ্ণং দাহপাকজ্বররতাগম [ শিরোরুগ্দৃষ্টিদৌর্বল্য ] মূর্ছাভ্রমান্| অতিশীতং হীনদোষান্| অত্যুন্নতশিরসঃ সম্যগপ্রতিপদ্যমানং তানেব হীনদোষান্| অত্যবনতশিরসো দূরগমনান্মূর্চ্ছাজাড্য [ কণ্ডূদাহ ] জ্বরান্| সঙ্কুচিতগাত্রস্য সম্যগ্ধমনীরপ্রাপ্নুবদ্দোষোত্ক্লেশং [ বেদনাং স্তম্ভং বা ] কুর্যাত্|

Adhikarana nasyamUrcchAyAM pratIkAraH (21) · Śloka 21

যদি চ নস্যে দীযমানে ভেষজবেগাদসাত্ম্যেন বা মূর্চ্ছা স্যাত্ তদা কিং কার্যম্ ? ইত্যাহ - - - - | মূর্চ্ছাযাং শীততোযেন সিঞ্চেত্পরিহরন্ শিরঃ||২১||

স০-মূর্চ্ছাযাং সত্যাং শীতজলেন মূর্দ্ধবর্জং সিঞ্চেত্| সঙ্গ্রহেঽপ্যুক্তম্ (সূ. অ. ২৯) - "ন চ নস্যে নিষিচ্যমানে কোপহাসব্যাহারস্পন্দনোচ্ছিন্দনান্যাচরেত্| তথা হি শিরোরুক্ঽঽপ্রতিশ্যাযকাসতিমিরখলতিপলিতব্যঙ্গতিলকালকমুখদূষিকাণাং সম্ভবঃ|" ইতি|

Adhikarana virecananasyAnte snehanaM nasyam (22) · Śloka 22

স্নেহং বিরেচনস্যান্তে দদ্যাদ্দোষাদ্যপেক্ষযা| |২২|

স০-বিরেচনস্যাবসানে দেশদোষসাত্ম্যাদ্যপেক্ষযা স্নেহমনুষেচযেত্| তন্ত্রান্তরে (সঙ্গ্রহে) চোক্তম্| (সূ. অ. ২৯) - "অথ নস্যার্হং নরমব্যাহতবেগং ধৌতান্তর্বহির্মুখং স্ববস্থিতশিরসং প্রাযোগিকধূমপানবিশুদ্ধস্রোতসং স্বাস্তীর্ণনিবাতশযনস্থমুত্তানশীর্ষমীষদুন্নতপাদং প্রসারিতচরণং চ জত্রূর্ধ্বং পাণিতাপেন পুনঃ পুনঃ স্বেদযেত্|" ইতি|

Adhikarana nasyAnte uttAnashayanam (22) · Śloka 22

| নস্যান্তে বাক্শতং তিষ্ঠেদুত্তানঃ|২২|

স০-নস্যাবসানে বাক্ঽঽশতং-মাত্রাশতমুত্তানো নিদ্রামসেবমানস্তিষ্ঠেত্|

Adhikarana tato dhUmagaNDUShau (22-23) · Śloka 23

| ধারযেত্ততঃ||২২|| ধূমং পীত্বা কবোষ্ণাম্বুকবলান্ কণ্ঠশুদ্ধযে| |২৩|

স০-ততো-বাক্শতাবস্থানাদনন্তরম্, ঈষদুষ্ণজলকবলান্ ধারযেত্| কিমর্থম্ ? কণ্ঠশুদ্ধযে উত্ক্লিষ্টদোষশান্তযে চ| কিং কৃত্বা ? ধূমং-বিরেচনাদ্যন্যতমং, যথাযোগং পীত্বা, ততোঽস্য স্নেহোক্তমাচারমাদিশেত্|

Adhikarana snehananasyasya samyagyogahInayogAtiyogaH (23-24) · Śloka 24

| সম্যক্স্নিগ্ধে সুখোচ্ছ্বাসস্বপ্নবোধাক্ষপাটবম্||২৩|| রূক্ষেঽক্ষিস্তব্ধতা শোষো নাসাস্যে মূর্দ্ধশূন্যতা| স্নিগ্ধেঽতি কণ্ডূগুরুতাপ্রসেকারুচিপীনসাঃ||২৪||

স০-সম্যক্ঽঽস্নিগ্ধে শিরসি সুখোচ্ছ্বাসাদযঃ স্যুঃ| সঙ্গ্রহে চোক্তম্ (সূ. অ. ২৯) - "সম্যক্ঽঽস্নিগ্ধে মূর্ধ্নি বিরিক্তে বা সুখোচ্ছ্বাসনিঃশ্বাসক্ষবথুস্বপ্নপ্রবোধশিরোবদনেন্দ্রিযবিশুদ্ধযো ভবন্তি, যথোক্তব্যাধ্যুপশমশ্চ|" ইতি| স০-রূক্ষে তু শিরস্যক্ষিস্তব্ধতা স্যাত্| তথা, নাসাযামাস্যে চ শোষো মূর্দ্ধশূন্যতা চ স্যাত্| স০-অতিস্নিগ্ধে কণ্ড্বাদযঃ স্যুঃ|

Adhikarana virecananasyasya samyagyogahInayogAtiyogAH (25) · Śloka 25

সুবিরিক্তেঽক্ষিলঘুতাবক্ক্রস্বরবিশুদ্ধযঃ| দুর্বিরিক্তে গদোদ্রেকঃ, ক্ষামতাঽতিবিরেচিতে||২৫||

স০-সুবিরিক্তে-সম্যগ্বিরিক্তে, অক্ষিলঘুতাদযঃ স্যুঃ| স০-দুর্বিরিক্তে গদোদ্রেকো-রোগস্যাধিক্যম্| অতিবিরেচিতে ক্ষামতা-কৃশতা স্যাত্|

Adhikarana pratimarshasya viShayaH (26) · Śloka 26

অধুনা প্রতিমর্শস্য বিষযং সূচযিতুমাহ - - - - প্রতিমর্শঃ ক্ষতক্ষামবালবৃদ্ধসুখাত্মসু| প্রযোজ্যোঽকালবর্ষেঽপি|২৬|

স০-প্রতিমর্শঃ ক্ষতক্ষামাদিষু প্রযোজ্যঃ| অকালবর্ষণেঽপি কার্যঃ|

Adhikarana duShTapInasAdau pratimarshaniShedhaH (26-27) · Śloka 27

| ন ত্বিষ্টো দুষ্টপীনসে||২৬|| মদ্যপীতেঽবলশ্রোত্রে কৃমিদূষিতমূর্দ্ধনি| উত্কৃষ্টোত্ক্লিষ্টদোষে চ, হীনমাত্রতযা হি সঃ||২৭||

স০-দৃষ্টপীনসে তু ন প্রযোজ্যঃ| দুষ্টপীনসো-নাসারোগেষু (হৃ. উ. অ. ১৯|৯) বক্ষ্যমাণঃ| তথা মদ্যপীতে, তথাঽবলশ্রোতে-রুদ্ধশ্রবণমার্গে, তথা কৃমিভির্দূষিতো মূর্দ্ধা যস্য তস্মিন্ কৃমিপীডিতশিরসি, তথোত্কৃষ্টো-বৃদ্ধিং গতঃ, তথোত্ক্লিষ্টঃ-প্রচলো, দোষো যস্য তস্মিংশ্চ, প্রতিমর্শো ন যোজ্যঃ| কেন প্রকারেণ (কারণেন) ন যোজ্যঃ ? ইত্যাহ-হীনেত্যাদি| হি-যস্মাত্, এষাং সঃ-প্রতিমর্শঃ, হীনমাত্রতযা,-হীনা মাত্রা যস্য স হীনমাত্রঃ, তস্য ভাবো হীনমাত্রতা, তযা| য (অ) স্মাদসৌ ন যুজ্যতে| এষাং হ্যুদীর্ণদোষত্বাত্ তাবতা দোষোত্ক্লেশ এব ভবতি ন শমঃ|

Adhikarana pratimarshasya pa~jcadasha kAlAH (28-29) · Śloka 29

নিশাহর্ভুক্তবান্তাহঃ স্বপ্নাধ্বশ্রমরেতসাম্| শিরোভ্যঞ্জনগণ্ডূষপ্রস্রাবাঞ্জনবর্চসাম্||২৮|| দন্তকাষ্ঠস্য হাসস্য যোজ্যোঽন্তেঽসৌ দ্বিবিন্দুকঃ| |২৯|

স০-অসৌ-প্রতিমর্শৌ, দ্বিবিন্দুকো নিশাদীনাং পঞ্চদশানাং কালানামন্তে প্রযোজ্যঃ|

Adhikarana uktakAlAnAM phalam (29-30) · Śloka 30

| পঞ্চসু স্রোতসাং শুদ্ধিঃ, ক্লমনাশস্ত্রিষু ক্রমাত্||২৯|| দৃগ্বলং পঞ্চসু, ততো দন্তদার্ঢ্যং মরুচ্ছমঃ| |৩০|

স০-তত্র নিশাহর্ভুক্তবান্তাহঃস্বপ্নাখ্যেষু পঞ্চসু কালেষু প্রতিমর্শে প্রযুক্তে স্রোতসাং শুদ্ধির্ভবতি| ক্রমাত্-ক্রমেণৈব পঠিতেষু| অধ্বশ্রমমৈথুনানাং ত্রযাণামন্তে প্রতিমর্শে দত্তে সতি ক্লমস্য নাশঃ স্যাত্| উপলক্ষণং চেদম্| মনঃপ্রসাদশিরোলাঘবেঽপি ভবতঃ| এবং শিরোভ্যঞ্জনাদিষু পঞ্চস্বন্তে প্রতিমর্শে যোজিতে সতি দৃষ্টের্বলং স্যাত্| ততঃ-অনন্তরং, দন্তকাষ্ঠহাসযোরন্তে যথাসঙ্খ্যেন দ্বিজদৃঢত্বং পবনশমশ্চ স্যাত্|

Adhikarana vayovisheSheNa nasyadhUmakavalashodhanAnAM niShedhaH (30-31) · Śloka 31

অধুনা নস্যস্য ধূমাদীনাং চ পুরুষবিশেষে নিযমং কুর্বন্নাহ - - - - | ন নস্যমূনসপ্তাব্দে নাতীতাশীতিবত্সরে||৩০|| ন চোনাষ্টাদশে ধূমঃ, কবলো নোনপঞ্চমে| ন শুদ্ধিরূনদশমে ন চাতিক্রান্তসপ্ততৌ||৩১||

স০-ঊনসপ্তবর্ষে নস্যং ন যোজ্যম্| তথা, অতিক্রান্তাশীতিবর্ষে চ নস্যং প্রযোজনম্| অপূর্ণাষ্টাদশবর্শে ধূমো ন প্রযোজ্যঃ| কবলোঽপূর্ণপঞ্চবত্সরে ন প্রযোজ্যঃ| ঊনদশমবর্ষে শুদ্ধিঃ-বমনবিরেকাদিকা, ন প্রযোজ্যা| তথা, অতীতসপ্ততিবর্ষে চ শুদ্ধির্ন যোজ্যা|

Adhikarana pratimarshasya sukhasevyatvam (32-33) · Śloka 33

আজন্মমরণং শস্তঃ প্রতিমর্শস্তু বস্তিবত্| মর্শবচ্চ গুণান্ কুর্যাত্স হি নিত্যোপসেবনাত্||৩২|| ন চাত্র যন্ত্রণা নাপি ব্যাপদ্ভ্যো মর্শবদ্ভযম্| |৩৩|

স০-প্রতিমর্শঃ পুনর্বস্তিরিব শস্তো-হিতঃ| কথম্ ? আজন্মমরণং,-জন্মমরণে অবধিং কৃত্বা, প্রতিমর্শো হিত ইত্যর্থঃ| স চ-প্রতিমর্শো, নিত্যোপসেবনাত্-সন্ততমভ্যস্যমানো, মর্শ ইব গুণান্-সুখোচ্ছ্বাসাদীন্ কুর্যাত্| অত্র চ-প্রতিমর্শে, যন্ত্রণা-"উষ্ণোদকোপচারী স্যাত্" ইত্যাদিকা, নাস্তি| ন চ ব্যাপভ্দ্যঃ-"অক্ষিস্তব্ধতা শোষঃ" ইত্যাদিভ্যো, ভযং মর্শ ইব-মর্শবত্ নাস্তীতি| মর্শ ইব মর্শবত্, সপ্তম্যন্তাদ্বতিঃ|

Adhikarana nityanasye tailamevocitam (33-34) · Śloka 34

| তৈলমেব চ নস্যার্থে নিত্যাভ্যাসেন শস্যতে||৩৩|| শিরসঃ শ্লেষ্মধামত্বাত্স্নেহাঃ স্বস্থস্য নেতরে| |৩৪|

স০-তৈলমেব নিত্যাভ্যাসেন প্রতিমর্শন্যাযেন নস্যার্থে শ্রেষ্ঠং ভবতি| কুতো হেতোঃ ? মূর্ধ্নঃ কফস্থানত্বাত্| ন ত্বপরে স্নেহাঃ| তেষাং শ্লেষ্মলত্বাদিতি ভাবঃ|

Adhikarana marshapratimarshAdiShu visheShaguNotkarShApakRuShTatvam (34-36) · Śloka 36

| আশুকৃচ্চিরকারিত্বং গুণোত্কর্ষাপকৃষ্টতা||৩৪|| মর্শে চ প্রতিমর্শে চ বিশেষো ন ভবেদ্যদি| কো মর্শং সপরীহারং সাপদং চ ভজেত্ততঃ||৩৫|| অচ্ছপানবিচারাখ্যৌ কুটীবাতাতপস্থিতী| অন্বাসমাত্রাবস্তী চ তদ্বদেব বিনির্দিশেত্||৩৬||

স০-আশুকারিগুণযুক্তো মর্শঃ, চিরকারী তু প্রতিমর্শঃ| গুণোত্কর্ষত্বযুক্তো মর্শো গুণাপকৃষ্টতান্বিতস্তু প্রতিমর্শ ইত্যনযোর্ভেদঃ| যদি চ মর্শে প্রতিমর্শে চ বিশেষগুণো ন স্যাত্, ততো মর্শং সপরিহারং সব্যাপদং চ কো ভজেত্ ? ন কশ্চিদ্ভজেদিত্যর্থঃ| মর্শপ্রতিমর্শবিশেষবদচ্ছপানবিচারাখ্যৌ স্নেহৌ শীঘ্রকারিত্বাদিনা বিশেষেণ নির্দিশেত্| তথা, কুটীপ্রবেশস্থিত্যা যদ্ররসাযনমুপযুজ্যতে, যচ্চ বাতাতপাদ্যপরিহারস্থিত্যা রসাযনং ক্রিযতে, তে চ দ্বে অপি তথৈব সবিশেষে নির্দিশেত্| তথা, অন্বাসঃ-অনুবাসনং, তথা মাত্রাবস্তিশ্চ, তাবপ্যেবং শীঘ্রকারিচিরকারিত্বাদিগুণৈর্বিনির্দিশেত্|

Adhikarana aNutailam (37-38) · Śloka 38

ইদানীং নস্যমণুতৈলং নির্দিদিক্ষুরাহ - - - - জীবন্তীজলদেবদারুজলদত্বক্ঽঽসেব্যগোপীহিমং দার্বীত্বঙ্মধুকপ্লবাগুরুবরীপুণ্ড্রাহ্বিবিল্বোত্পলম্| ধাবন্যৌ সুরভিং স্থিরে কৃমিহরং পত্রং ত্রুটিং রেণুকাং কিঞ্জল্কং কমলাদ্বলাং শতগুণে দিব্যেঽম্ভসিক্বাথযেত্||৩৭|| তৈলাদ্রসং দশগুণং পরিশেষ্য তেন তৈলং পচেত সলিলেন দশৈব বারান্| পাকে ক্ষিপেচ্চ দশমে সমমাজদুগ্ধং নস্যং মহাগুণমুশন্ত্যণুতৈলমেতত্||৩৮||

স০-জীবন্ত্যাদীনি দ্রব্যাণি দিব্যে জলে ক্বাথযেত্| গোপী-সারিবা| প্লবং-গোপালদমনাখ্যম্| পুণ্ড্রাহ্বং-প্রপৌণ্ডরীকম্| ধাবন্যৌ-কণ্টকারিকামহোটিকাখ্যে| সুরভিঃ-সল্লকী| স্থিরে-শালীপর্ণীপৃশ্নিপর্ণ্যৌ| কৃমিহরং-বিডঙ্গম্| অত্র তৈলসমানি দ্রব্যাণি গ্রাহ্যাণীতি বৃদ্ধবৈদ্যব্যবহারঃ| আকাশাদেব পটাদিভির্গৃহীতং জলং দিব্যমুচ্যতে| তচ্চ তৈলাচ্ছতগুণং গৃহীত্বা তাবত্ক্বাথযেত্, যাবদ্দশগুণো রসস্তৈলাত্স্যাত্| তেন চ ক্বাথেন তৈলং দশৈব বারান্ পচেত্| দশমে চ পাকে তৈলসমমজাক্ষীরং ক্ষিপেত্| ততঃ পুনঃ পচেত্| ইত্যেতত্তৈলং মহাগুণং-সর্বোত্তমগুণং, অণুতৈলসংজ্ঞং কথযন্তি| অণুষু তৈলমণুতৈলম্| অণূনীন্দ্রিযস্রোতাংসি প্রবিশতীত্যর্থঃ|

Adhikarana nasyashIlanasya phalam (20) · Śloka 20

ঘনোন্নতপ্রসন্নত্বক্ঽঽস্কন্ধগ্রীবাস্যবক্ষসঃ| দৃঢেন্দ্রিযাস্তপলিতা ভবেযুর্নস্যশীলিনঃ||৩৯|| ইতি শ্রী বৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে নস্যবিধার্নাম বিংশোঽধ্যাযঃ||২০||

স০-নস্যশীলিনো নিবিডোচ্চতররমণীযত্বগাদযঃ স্যুঃ| ত্বক্ চ স্কন্ধশ্চ গ্রীবা চাস্যং চ বক্ষশ্চ এতেষাং সমাহারঃ ত্বক্ঽঽস্কন্ধগ্রীবাস্যবক্ষঃ| ঘনোন্নতপ্রসন্নং ত্বক্ঽঽস্কন্ধগ্রীবাস্যবক্ষো যেষাং তে ঘনোন্নতপ্রসন্নত্বক্ঽঽস্কন্ধগ্রীবাস্যবক্ষসঃ| তথা, পুষ্টেন্দ্রিযাঃ পলিতবর্জিতাশ্চ ভবেযুঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে নস্যবিধির্নাম বিংশোঽধ্যাযঃ সমাপ্তঃ|| ২০||