4. rōgānutpādanīyādhyāyaḥ

Adhikarana adhyAyopakramaH · Śloka

স্বস্থবৃত্তেঽপ্রবৃত্তস্য বেগধারণশীলস্য চ স্বাস্থ্যাসম্ভবঃ| অতো বেগধারণপ্রতিষেধেন যা রোগানুত্পত্তিস্তামধিকৃত্যাধ্যায আরভ্যতে--

Adhikarana rogAnutpAdanIyAdhyAyaScaturthaH (2) · Śloka 2

অথাতো রোগা|১]নুত্পাদনীযাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২||

স০-ব্যাখ্যাঽত্র প্রথমাধ্যাযবদ্বোদ্ধব্যা| রোগাণামনুত্পাদঃ- অনুত্পাদনম্, তস্মৈ হিতো রোগানুত্পাদনীযঃ| উপদর্শনং চেদম্| নিদর্শনাখ্যযা তন্ত্রযুক্ত্যা চোত্পন্নরোগোপশমনেএযোঽপি, বাতাদিরোধোত্থানাং রোগাণামুপশমস্যাভ্যুপদেশাত্| তথা চ বক্ষ্যতি (অস্মিন্নেবাধ্যাযে শ্লো.৩৪)- "অনুত্পত্ত্যৈ সমাসেন বিধিরেষঃ প্রদর্শিতঃ| নিজাগন্তুবিকারাণামুত্পন্নানাং চ শান্তযে||" ইতি|

Adhikarana vAtAdivegadhAraNaniShedhaH (1) · Śloka 1

বেগান্ন ধারযেদ্বাতবিণ্মূত্রক্ষবতৃট্ক্ষুধাম্| নিদ্রাকাসশ্রমশ্বাসজৃম্ভাশ্রুচ্ছর্দিরেতসাম্||১||

বাতাদেএনাং বেগান্ন ধারযেত্| সর্বত্র দ্বন্দ্বসমাসঃ| ক্ষবঃ- ছিক্ক| ৬ শ্রমো- ব্যাযামাযাসঃ, তেন শ্বাসঃ শ্রমশ্বাসঃ|

Adhikarana adhovAtarodhena gulmAdirogottpattiH (2) · Śloka 2

বাতস্য প্রাধান্যাত্তধ্রোধজান্ রোগান্ পূর্বং নি ১ দর্শযন্নাহ অধোবাতস্য রোধেন গুল্মোদাবর্তরুক্ক্লমাঃ| বাতমূত্রশকৃত্সঙ্গদৃষ্ট্যগ্নিবধহৃদ্গদাঃ ২ ||২||

স০-অধোবাতস্য রোধেন গুল্মাদযো জাযন্তে| ঊর্ধ্ববাতস্য- উদ্গাররূপস্য রোধাত্ সুখসাধ্যা অরুচ্যাদযঃ| অত এবাধোবাতরোধাদ্যে রোগা অতিপ্রত্যপাযরূপা গুল্মাদযঃ, তেঽত্র পূর্বং নির্দিষ্টাঃ| উদাবর্তঃ- অর্শোনিদানে বক্ষ্যতে| রুক্- পীডা| ক্লমো- গ্লানিঃ| বাতমূত্রশকৃত্সঙ্গো- বাতাদীনামপ্রবৃত্তিঃ| দৃষ্টেরগ্নেশ্চ বধো- নাশঃ| হৃদ্গদো- হৃদ্রোগঃ|

Adhikarana shakRuto rodhe piNDakodveShTAdayaH (3-4) · Śloka 4

শকৃতঃ পিণ্ডিকোদ্বেষ্টপ্রতিশ্যাযশিরোরুজঃ| ৩ ঊর্ধ্ববাযুঃ পরীকর্তো হৃদযস্যোপরোধনম্||৩|| মুখেন বিট্প্রবৃত্তিশ্চ পূর্বোক্তাশ্চামযাঃ স্মৃতাঃ| |৪|

স০-শকৃতো রোধেন পিণ্ডিকোদ্বেষ্টাদযো জাযন্তে| উদ্বেষ্টনমিবোদ্বেষ্টঃ| পিণ্ডিকোদ্বেষ্টঃ| পিণ্ডিকা-জঙ্ঘাকাণ্ডস্য পশ্চিমে ভাগে পিণ্ডাকৃতি কঠিনং মাংসম্| তত্রোদ্বেষ্টনেনেব রুগ্ভবতীত্যর্থঃ| প্রতিশ্যাযঃ-পীনসঃ| চঃ সমুচ্চযে| ন কেবলমেত এব, যাবত্পূর্বোক্তাঃ-গুল্মাদযশ্চ, স্মৃতাঃ|

Adhikarana mUtrasya rodhAda~ggaBa~ggAdayaH (4-5) · Śloka 5

| অঙ্গভঙ্গাশ্মরীবস্তিমেঢ্রবংক্ষণবেদনাঃ||৪|| মূত্রস্য রোধাত্পূর্বে চ প্রাযো রোগাঃ| |৫|

স০-মূত্রস্য রোধাদঙ্গভঙ্গাদযো জাযন্তে| অঙ্গানাং ভঙ্গঃ স্ফোটনমিবাঙ্গভঙ্গঃ| বস্ত্যাদীনাং বেদনযা সম্বন্ধঃ| মেঢ্রংশিশ্র্নম্| পূর্বে চ প্রাযো রোগাঃ-অধোবাতশকৃদ্রোধজাঃ, তেঽপি মূত্রস্য রোধাজ্জাযন্তে| প্রাযোগ্রহণাত্ বাতাদিরোধজাঃ কেচিদেবোত্পদ্যন্তে কেচিন্নেতি বোধযতি|

Adhikarana vAtAdirodhajAnAmauShadham (5) · Śloka 5

তদৌষধম্| বর্ত্যভ্যঙ্গাবগাহাশ্চ স্বেদনং বস্তিকর্ম চ||৫||

স০-তদৌষধং-তেষাং বাতাদিরোধজানাং রোগাণামৌষধং চিকিত্সিতং ভবতি| কিং তত্ ? ইত্যাহ-বর্তীত্যাদি| বর্তিঃ-মদনফলাদিকৃতা ফলবর্তিসংজ্ঞা| অভ্যঙ্গঃ-অভ্যঞ্জনম্| অবগাহো বাতহরদ্রব্যসাধিতে দ্রবে দ্রোণ্যাং নিহিতে পাযুদেশস্যাবস্থাপনম্| স্বেদনং-স্বেদঃ| বস্তিকর্ম-মলপ্রবৃত্তযে বস্তিবিধৌ বক্ষ্যমাণম্|

Adhikarana purISharodhajAnAmauShadham (6) · Śloka 6

পুরীষরোধোত্থেষ্বন্যমপ্যসাধারণমুপক্রমমাহ অন্নপানং চ বিড্ভেদি বিড্রোধোত্থেষু যক্ষ্মসু| |৬|

স০-পুরীষবেগধারণজেষু যক্ষ্মসু-রোগেষু, বিশঃ-পুরীষস্য, ভেদি-ভেদকমন্নপানং যাবকমস্তুবাস্তুকাদিকমৌষধম্| চশব্দাত্পূর্বোক্তং বর্ত্যাদি চ|

Adhikarana mUtrajAnAmauShadham (6-7) · Śloka 7

মূত্রজেষু তু পানে চ প্রাগ্ভক্তং শস্যতে ঘৃতম্||৬|| জীর্ণান্তিকং চোত্তমযা মাত্রযা যোজনাদ্বযম্| অবপীডকমেতচ্চ সংজ্ঞিতং|৭|

স০-মূত্ররোধজেষু পুনঃ প্রাগ্ভক্তং-ভোজনাত্পূর্বং, ঘৃতং পানে শস্যতে| জীর্ণান্তিকং ঘৃতং চ শস্যতে| কথম্ ? উত্তমযা মাত্রযা-অহোরাত্রজরণলক্ষণযা| যোজনাদ্বযমেতচ্চাবপীডকসংজ্ঞিতং-অবপীডকমুচ্যতে| যোজনযোর্দ্বযং যোজনাদ্বযং,-প্রাগ্ভক্তস্নেহযোজনা জীর্ণান্তিকস্নেহযোজনা চ| তত্র, প্রাগ্ভক্তং-যত্র ঘৃতপানসমনন্তরং ভক্তং ভুজ্যতে, জীর্ণান্তিকং-যত্ হ্যস্তনেঽন্নে জীর্ণে ঘৃতং প্রযুজ্যতে| প্রদেশান্তরেষ্ববপীডকশব্দেন যোজনাদ্বযমেতদস্মিংস্তন্ত্রে বেদ্যম্| তথা চ বক্ষ্যতি (হৃ. চি. অ. ৮/১২৪)- "রসৈঃ কোষ্ণৈশ্চ সর্পির্ভিরবপীডকযোজিতৈঃ" ইতি| তথাঽষ্টাঙ্গাবতারে মূত্রোদাবর্তচিকিত্সাযাম্-"অবপীডকসর্পিশ্চ বিশেষান্মূত্রজে গদে" ইতি| ননু, বেগধারণেন বাহুল্যেন মরুত এব কোপঃ| তথা চ বক্ষ্যতি (অস্মিন্নেবাধ্যাযে শ্লো.২৩)- "ততশ্চানেকধা প্রাযঃ পবনো যত্প্রকুপ্যতি" ইতি| পবনবিজযে চ তৈলং যথা বরং ন তথা ঘৃতম্| অতস্তৈলস্যৈবাবপীডকযোজন মত্রোচিতম্, ন সর্পিষঃ| অত্রোচ্যতে| তৈলস্য বাতজিতোঽপি বদ্ধবিট্কাল্পমূত্রস্বভাবত্বাদত্রাযোগ্যং পানম্| তথা চ বক্ষ্যতি (হৃ.সূ.অ. ৫/৫৫)- "তৈলং স্বযোনিবত্" ইত্যারভ্য যাবত্ "বদ্ধবিট্কম্" ইতি| স্বযোনিবদিত্যুক্তেশ্চাল্পমূত্রত্বম্| তথা চ বক্ষ্যতি (হৃ. সূ. অ. ৬/২১)- "উষ্ণস্ত্বচ্যো হিমঃ স্পর্শে কেশ্যো বল্যস্তিলো গুরুঃ| অল্পমূত্রঃ" ইতি| তদেবং তৈলস্য বদ্ধবিট্কাল্পমূত্রস্বভাবতযা তদীযোঽবপীডকো মূত্ররোধোত্থেষু রোগেষ্বৌষধত্বেন ন যুক্তঃ, অপি তু সর্পিষ এব যুক্তঃ|

Adhikarana udgArasya rodhAdarUcyAdayaHudgArarIdhajAnAmauShadham (7-8) · Śloka 8

ধারণাত্পুনঃ||৭|| উদ্গারস্যারুচিঃ কম্পো বিবন্ধো হৃদযোরসোঃ| আধ্মানকাসহিধ্মাশ্চ হিধ্মাবত্তত্র ভেষজম্||৮||

স০-পুনরিতি ব্যতিরেকে| উদ্গারস্য ধারণাদরুচ্যাদযো ভবন্তি| উরো-বক্ষঃ, তস্যাধো হৃদযম্, তযোর্বিবন্ধঃ-অন্তস্তম্ভ ইব| তত্র-তেষু রোগেষু, হিধ্মাবদ্ভেষজম্-শ্বাসহিধ্মাচিকিত্সিতে হিধ্মাযাশ্চিকিত্সিতং বক্ষ্যতি|

Adhikarana kShutirodhAcCirortyAdayaH (9) · Śloka 9

শিরোর্তীন্দ্রিযদৌর্বল্যমন্যাস্তম্ভার্দিতং ক্ষুতেঃ| |৯|

স০-ক্ষুতেঃ-ক্ষবথোঃ, ধারণাচ্ছিরোর্ত্যাদযঃ স্যুঃ| দুর্বলস্য ভাবো দৌর্বল্যম্, গুণবচনেত্যাদিনা ষ্যঞ্| ইন্দ্রিযাণাং-দর্শনাদীনাং, দৌর্বল্যং-বিষযগ্রহণাশক্তিত্বম্, ইন্দ্রিযদৌর্বল্যম্| ননু চ, পূরণগুণেত্যাদিনা সমাসপ্রতিষেধেন ভবিতব্যম্| অত্রোচ্যতে| য এব গুণশব্দা গুণিনাবচ্ছিন্না গুণমাত্রে বর্তন্তে কদাচিদ্ গুণিন্যপি, ত এব প্রতিষেধস্য বিষযাঃ| যথা-পটস্য শুক্লো, গুডস্য মধুরঃ, ইত্যাদযঃ| যে তু গুণমাত্র এব বর্তন্তে ন গুণিনি, তে সমাসস্য যথা-পটহশব্দঃ, পুত্রস্পর্শঃ, কন্যারূপম্, দ্রাক্ষারসঃ, চন্দনগন্ধ ইত্যাদযঃ| তথেন্দ্রিযদৌর্বল্যমিত্যাদাবপি ভাবপ্রত্যযান্তস্য সদা ব্যতিরেককারণত্বাদ্গুণাভিধাযিত্বমেব| তস্মাদেবমাদৌ "তত্স্থৈশ্চ গুণৈঃ ষষ্ঠী সমস্যতে" ইতি সমাসঃ| তস্যাযমর্থঃ-তেষু গুণেষ্বেব তিষ্ঠন্তীতি তত্স্থাঃ| এতদুক্তং ভবতি-গুণ এব যে গুণা বর্তন্তে ন দ্রব্যাত্মনি, তৈঃ সহ ষষ্ঠী সমস্যত ইতি| শুক্লাদিশব্দানাং তু কদাচিদ্দ্রব্যবৃতিত্বাত্ সামানাধিকরণ্যেনাপি বৃত্তির্দ্দষ্টা| যথা-শুক্লঃ পট ইতি| গুণবৃত্তিত্বাচ্চ বৈযধিকরণ্যেনাপি| যথা-পটস্য শুক্ল ইতি| তদেষাং প্রতিষেধবিষযত্বম্| পটহশব্দাদীনাং তু তত্স্থত্বাত্সমাসবিষযত্বমিতি স্থিতম্| নন্বেবং সতি বলাকাযাঃ শৌক্ল্যমিত্যত্রাপি পূর্বোক্তান্ন্যাযাত্সমাসঃ প্রাপ্নুযাত্| অত্রোচ্যতে| ভাষ্যকারবচনান্ন ভবিষ্যতি| স হি "গুণবচনগ্রহণমেব কস্মান্ন ক্রিযতে" ইত্যুক্ত্বাঽভ্যধাত্-"বলাকাযাঃ শৌক্ল্যমিত্যত্রাপি যথা স্যাত্" ইতি সমাসস্যাত্রাভাবঃ| অর্দিতং-বাতব্যাধিনিদানে বক্ষ্যতে|

Adhikarana kShutirodhajAnAmauShadhanam (9-10) · Śloka 10

তীক্ষ্ণধূমাঞ্জনাঘ্রাণনাবনার্কবিলোকনৈঃ||৯|| প্রবর্তযত্ক্ষুতিং সক্তাং স্নেহস্বেদৌ চ শীলযেত্| |১০|

স০-ক্ষুতিং সক্তাং-অপ্রবর্তমানাং, তীক্ষ্ণধূমাদিভিঃ প্রবর্তযেত্| তীক্ষ্ণধূমো-ধূমপানবিধৌ বক্ষ্যতে| তীক্ষ্ণং চাঞ্জনংঅক্ষিরোগেষু| তীক্ষ্ণাঘ্রাণাং-যন্নাসযা মরীচাদিগ্রহণম্| তীক্ষ্ণং নাবনং-নস্যবিধৌ বক্ষ্যতি| স্নেহশ্চ স্বেদশ্চ তৌ চ শীলযেত্-অভ্যসেত্| ক্ষুতিং ক্ষুতম্| সুশ্রুতে চোক্তম্ (শা. অ. ৪/৫০ টীকাযাম্)- "প্রাণোদানৌ সমৌ স্যাতাং মূর্ধ্নি স্রোতঃপথে স্থিতৌ| নস্তঃ প্রবর্ততে শব্দঃ ক্ষুতং তচ্চ বিনির্দিশেত্||" ইতি|

Adhikarana tRuShNAnirodhAcchoShAdayaHtRuShArodhajAnAmauShadham (10-11) · Śloka 11

শোষাঙ্গসাদবাধির্যসম্মোহভ্রমহৃদ্গদাঃ||১০|| তৃষ্ণাযা নিগ্রহাত্তত্র শীতঃ সর্বো বিধির্হিতঃ| |১১|

স০-তৃষ্ণাযা নিগ্রহাত্-নিরোধাত্, শোষাদযো ভবন্তি| তত্র-তৃষ্ণাযা রোধজেষু বিকারেষু, সর্বঃ শীতো বিধিঃ-স্নানান্নপানাদিকো হিতঃ|

Adhikarana kShudho rodhAda~ggaBa~ggAdayaH kShudrodhajAnAmauShadham (11-12) · Śloka 12

অঙ্গভঙ্গারুচিগ্লানিকার্শ্যশূলভ্রমাঃ ক্ষুধঃ||১১|| তত্র যোজ্যং লঘু স্নিগ্ধমুষ্ণমল্পং চ ভোজনম্| |১২|

স০-ক্ষুধ ইতি-নিগ্রহাদিত্যনুবৃত্তিঃ, নিগ্রহাপেক্ষযা ষষ্ঠী| এবং নিদ্রাযা ইত্যত্রাপি যোজ্যম্| ক্ষুধো-বুভুক্ষাযাঃ, নিগ্রহাদঙ্গভঙ্গাদযঃ ষট্ ভবন্তি| সামান্যেনাপি শূলশব্দনির্দেশে পক্বাশযগতঃ শূলো গৃহ্যতে| ক্ষুদ্বেগনিগ্রহেণ নিরাবরণঃ প্রভঞ্জনঃ কুপ্যতি| তস্য চ স্থান পক্বাশযঃ| বক্ষ্যতি হি (হৃ. সূ. অ. ১২/১)- "পক্বাশযকটী" ইত্যারভ্য যাবত্ "পক্বাধানং বিশেষতঃ" ইতি| তত্র-ক্ষুন্নিগ্রহে, ভোজনং লঘু স্নিগ্ধমুষ্ণমল্পং চ যোজ্যম্|

Adhikarana nidrArodhAnmohAdayaH nidrArodhajAnAmauShadham (12-13) · Śloka 13

নিদ্রাযা মোহমূর্ধাক্ষিগৌরবালস্যজৃম্ভিকাঃ||১২|| আঙ্গমর্দশ্চ, তত্রেষ্টঃ স্বপ্নঃ সংবাহনানি চ| |১৩|

স০-নিদ্রাযা নিগ্রহান্মোহাদযো ভবন্তি| তত্র-নিদ্রাবেগরোধোত্থে বিকারে, স্বপ্ন ইষ্টঃ| সংবাহনানি-স্বল্পানি মর্দনানি চ|

Adhikarana kAsarodhAttadvRuddhiH kAsarodhajAnAmauShadham (13-14) · Śloka 14

কাসস্য রোধাত্তদ্বৃদ্ধিঃ শ্বাসারুচিহৃদামযাঃ||১৩|| শোষে হিধ্মা চ, কার্যোঽত্র কাসহা সুতরাং বিধিঃ| |১৪|

স০-কাসস্য-কাসবেগস্য, রোধাত্তদ্বৃদ্ধিঃ তস্য-কাসস্য বৃদ্ধিঃ-আধিকয স্যাত্| তথা, শ্বাসাদযঃ| তত্র কাসহাকাসচিকিত্সিতোক্তঃ, সুতরাং-অতিশযেন, বিধিঃ কার্যঃ|

Adhikarana shramashcAsarodhAdrulmAdayaH shramashcAsarodhajAnAmauShadham (14-15) · Śloka 15

গুল্মহৃদ্রোগসম্মোহাঃ শ্রমশ্বাসাদ্বিধারিতাত্||১৪|| হিতং বিশ্রমণং তত্র বাতঘ্নশ্চ ক্রিযাক্রমঃ| |১৫|

স০-শ্রমেণ-অধ্বব্যাযামাদিনা সাহসেন, সদ্যো জাতঃ শ্বাসঃ শ্রমশ্বাসঃ| তস্মাদ্বিধারিতাত্-তদ্বেগরোধাত্, গুল্মাদযঃ স্যুঃ| তত্র বিশ্রমণং হিতম্| বাতঘ্নশ্চ ক্রিযাক্রমো হিতঃ|

Adhikarana jRumbhAyA rodhAtkShutivadrogAH jRumbhArodhajAnAmauShadham (15) · Śloka 15

| জৃম্ভাযাঃ ক্ষববদ্রোগাঃ, সর্বশ্চানিলজিদ্বিধিঃ||১৫||

স০-জৃম্ভাযা রোধাত্ ক্ষুতিবদ্রোগাঃ| তত্র সর্বা চ বাতঘ্নী ক্রিযা, হিতেতি শেষঃ| জৃম্ভা-মুখবিকাসো গাত্রবিনামঃ|

Adhikarana bAShparodhAtpInasAdayaH bAShparodhajAnAmauShadham (16) · Śloka 16

পীনসাক্ষিশিরোহৃদ্রুঙ্মন্যাস্তম্ভারুচিভ্রমাঃ| সগুল্মা বাষ্পতস্তত্র স্বপ্নো মদ্যং প্রিযাঃ কথাঃ||১৬||

স০-বাষ্পতঃ-অশ্রুণো বিধারিতাত্, পীনসাদযো ভবন্তি| পীনসো-নাসাস্রাবঃ| অক্ষিশিরোহৃদাং রুজা সম্বন্ধঃ| সগুল্মা ইতি সশব্দশ্চার্থে, গুল্মাশ্চেত্যর্থঃ| তত্র স্বপ্নাদিকা চিকিত্সা|

Adhikarana vamernirodhe visarpAdayaH vamIrodhajAnAmauShadham (17) · Śloka 17

বিসর্পকোঠকুষ্ঠাক্ষিকণ্ডূপাণ্ড্বামযজ্বরাঃ| সকাসশ্বাসহৃল্লাসব্যঙ্গশ্বযথবো বমেঃ||১৭||

স০-বমেঃ-ছর্দিশো বিধারিতাযাঃ, বিসর্পাদযঃ স্যুঃ| কোঠো-লোহিতং কঠিনং চ মণ্ডলম্| আক্ষিকণ্ডূপাণ্ডূনামামযেন সম্বন্ধঃ| ব্যঙ্গানি-মুখে শ্যামানি মণ্ডলানি|

Adhikarana vamIrodhajAnAmauShadham (18-19) · Śloka 19

গণ্ডূষধূমানাহারা রূক্ষং ভুক্ত্বা তদুদ্বমঃ| ব্যাযামঃ স্রুতিরস্রস্য শস্তং চাত্র বিরেচনম্||১৮|| সক্ষারলবণং তৈলমভ্যঙ্গার্থং চ শস্যতে| |১৯|

স০-তত্র গণ্ডূষাদযঃ শস্তাঃ| অনাহারঃ-অভোজনম্| এতেষাং দ্বন্দ্বঃ| তথা রূক্ষং ভুক্ত্বা, তস্য-রূক্ষস্য, উদ্বমঃ-ছর্দনম্| এবং প্রাণো বাযুঃ স্বমার্গং প্রত্যেতি| ততো ব্যাযামাদ্যত্র শস্তম্| তথা, ক্ষারলবণাভ্যাং যুক্তং তৈলমভ্যঙ্গার্থং শস্যতে-হিতং ভবতি|

Adhikarana shukrarodhAcCukrastravaNAdayaH (19-20) · Śloka 20

শুক্রাত্তত্স্রবণং গুহ্যবেদনাশ্বযথুজ্বরাঃ||১৯|| হৃদ্ব্যথামূত্রসঙ্গাঙ্গভঙ্গবৃদ্ধ্যশ্মষণ্ঢতাঃ| |২০|

স০-শুক্রাদ্বিধারিতাত্ তস্য-শুক্রস্য স্রবণম্| তথা, গুহ্যবেদনা-পাযুবৃষণমেহনানাং শূলম্| তথা, শ্বযথুঃ প্রকৃতত্বাদ্গুহ্য এবেতি যোজ্যম্| বৃদ্ধিঃ-বর্ধ্ম| অশ্মশব্দেনাশ্মরী কথ্যতে| ষণ্ঢতা_স্ত্রীগমনাশক্তিত্বম্|

Adhikarana shukrarodhajAnAM auShadham (20-21) · Śloka 21

তাম্রচূডসুরাশালিবস্ত্যভ্যঙ্গাবগাহনম্||২০|| বস্তিশুদ্ধিকরৈঃ সিদ্ধম্ ভজেত্ক্ষীরং প্রিযাঃ স্ত্রিযঃ| |২১|

স০-তত্র তাম্রচূডাদিকং ভজেত্| তথা, বস্তিশুদ্ধিকরৈঃ কূষ্মাণ্ডাদিভিঃ, সিদ্ধং ক্ষীরং ভজেত্| প্রিযাশ্চ কান্তাঃ| প্রিযত্বেন হি তদ্বিশেষং নিরনুবন্ধং রভসেন প্রবর্ততে শুক্রম্|

Adhikarana tRuDArtAdyA vegarodhino na cikitsyAH (21) · Śloka 21

বেগরোধিনো যে ন চিকিত্স্যাঃ, তান্দর্শযন্নাহ | তৃট্শূলার্তং ত্যজেত্ ক্ষীণং বিড্বমং বেগরোধিনম্||২১||

স০-তৃট্ চ শূলং চ তাভ্যামার্তং-পীডিতম্, তথা, ক্ষীণংক্ষীণদেহম্, বেগরোধিনং ত্যজেত্-ন চিকিত্সেত্| তথা, বিশং যো বমতি, তং চ বেগরোধিনং ত্যজেত্|

Adhikarana vegodIraNadhAraNaiH sarvepi rogAH (22) · Śloka 22

অথ কিমেত এব রোগা বেগোদীরণধারণাদ্ভবন্তি ? নেত্যাহ রোগাঃ সর্বেঽপি জাযন্তে বেগোদীরণধারণৈঃ| |২২|

স০-সর্বেঽপি রোগা জাযন্তে ন কেবলং পূর্বোক্তা এব| বেগানাং-পুরীষাদিসম্বন্ধিনাং, যান্যুদীরণানি-অনাগতানাং প্রবর্তনানি, তৈঃ| তথা, তেষামেবাগতানাং যানি বিধারণানিঅনুত্সর্গলক্ষণানি, তৈঃ| অত্রেযং যুক্তিঃ-বেগোদীরণধারণং নাম বাযোঃ কর্ম, তস্য ক্রিযাবত্ত্বাত্| তেন চ বেগোদীরণধারণলক্ষণেন স্বকর্মণা স এব বাযুঃ কোপ্যতে| স কুপিতঃ সর্বানেব বিকারান্ জনযতি| তথা চোক্তম্ (হৃ. সূ. অ. ১৯/৮৫)- "শাখাগতাঃ কোষ্ঠগতাশ্চ রোগা মর্মোর্ধ্বসর্বাবযবাঙ্গজাশ্চ| যে সন্তি তেষাং ন তু কশ্চিদন্যো বাযোঃ পরং জন্মনি হেতুরস্তি|| বিট্শ্লেষ্মপিত্তাদিমলোচ্চযানাং বিক্ষেপসংহারকরঃ স যস্মাত্" ইতি|

Adhikarana tatra sAdhanamanuktasAdhanAnAM sAmAnyasAdhanam (22-23) · Śloka 23

নির্দিষ্টং সাধনং তত্র ভূযিষ্ঠং যে তু তান্ প্রতি||২২|| ততশ্চানেকধা প্রাযঃ পবনো যত্প্রকুপ্যতি| অন্নপানৌষধং তস্য যুঞ্জীতাতোঽনুলোমনম্||২৩||

স০-তত্র-তেষু বেগোদীরণধারণোত্থেষু সর্বেষু মধ্যে, যে তু ভূযিষ্ঠং-বাহুল্যেন ভবন্তি গুল্মোদাবর্তাদযঃ, তান্ প্রতি "বর্ত্যভ্যঙ্গ" ইত্যাদিনা, সাধনং নির্দিষ্টং-চিকিত্সোক্তা| ততশ্চ-বেগোদীরণধারণাত্, অনেকধাবাযুর্যস্মাত্কুপ্যতি| অতঃ-অস্মাদ্ধেতোঃ, তস্যানুলোমনং-মার্গযোজকং, অন্নপানৌষধং যুঞ্জীত| যদ্যপি বেগোদীরণধারণাত্ "সর্বে রোগা জাযন্তে" ইত্যুক্তম্| তথাপি, যথা বেগধারণাচ্চিরকালভাবিনঃ সপ্রত্যপাযা রোগা ভবন্তি, ন তথোদীরণাত্| অত এব তন্ত্রকারোঽধোবাতস্য রোধেনামীরোম্গা ভবন্তি, শকৃতো রোধাদমী ভবন্তীত্যুবাচ| ন তু তদুদীরণাদমী রোগা ভবন্তীতি| প্রাযোগ্রহণং ক্বচিত্ কফাদেরপি প্রকোপ ইতি সমাপাদযতি| তথা চ বমিনিগ্রহে উক্তম্ "বিসর্পকোঠকুষ্ঠাক্ষি" ইত্যাদি| তত্র "গণ্ডূষধূমানাহারাঃ" ইত্যাদিচিকিত্সা| ন চৈবংরূপো বিধির্বাযাবুপদিশ্যতে| তস্মাত্প্রাযোগ্রহণম্|

Adhikarana loBAdivegAnAM dhAraNameva (24) · Śloka 24

যদি বেগরোধাদ্রোগা জাযন্তে, তর্হি লোভাদীনামপি নরকাদিহেতূনাং বেগা ন ধার্যা ইতি প্রাপ্তে সতীদমাহ ধারযেত্তু সদা বেগান্ হিতৈষী প্রেত্য চেহ চ| লোভের্ষ্যাদ্বেষমাত্সর্যরাগাদীনাং জিতেন্দ্রিযঃ||২৪||

স০-তুশব্দোঽবধারণে| সদা-সর্বকালম্, লোভের্ষ্যাদীনাং বেগান্ ধারযেদেব| হিতৈষী-যঃ পুরুষঃ স্বহিতমিচ্ছন্| ক্ব ? প্রেত্য চেহ চ,-পরলোকে তথেহলোকে চ| কিম্ভূতঃ সন্ ? জিতানি-দান্তানি, ইন্দ্রিযাণি-মনঃষষ্ঠানি চক্ষুরাদীনি, বিষযাণামনভিলাষুকতযা যেন, স জিতেন্দ্রিযঃ| জিতেন্দ্রিযশব্দেন লোভাদিবেগবিধারণে উপাযং দর্শযতি| জিতেন্দ্রিয এবৈতান্ ধারযিতুং শক্তো নান্য ইত্যর্থঃ| লোভঃ-গৃহতৃষ্ণেত্যাদিঃ| ঈর্ষ্যা-অসূযা| দ্বেষো-বৈরম্| মাত্সর্যং-পরগুণাসহিষ্ণুত্বম্| রাগঃ-প্রীতিঃ| আদিশব্দেনাভিধ্যাদিপরিগ্রহঃ| প্রেত্যেহ চেতি কর্তব্যে দ্বিশ্চকারকরণং লোভাদীনাং বেগবিধারণেন প্রেত্য তথাঽস্মিন্ লোকে তুল্যকক্ষত্বজ্ঞাপনার্থম্| অন্যথা প্রেত্যেত্যস্য পূর্বনির্দেশাদ্ভূযসৈষাং লোভাদীনাং বিধারণং প্রেত্য হিতম্, ন তথেহ লোকে| পশ্চান্নির্দিষ্টত্বাত্|

Adhikarana vAtAdInAM yathAkAlashodhanam (25) · Śloka 25

অন্যচ্চ হিতৈশী কিং কুর্যাত্ ? ইত্যাহ যতেত চ যথাকালং মলানাং শোধনং প্রতি| অত্যর্থসঞ্চিতাস্তে হি ঋদ্ধাঃ স্যুর্জীবিতচ্ছিদঃ||২৫||

স০-মলানাং-বাতপিত্তশ্লেষ্মপুরীষাদীনাম্, যথাকালং শোধনং প্রতি যতেত-যত্নং কুর্যাত্| যো যস্য মলস্য শোধনকালঃ, স তস্মিন্কালে শোধনীয ইত্যর্থঃ| কিমর্থং মলানাং শোধনং কার্যম্ ? ইত্যাহ-অত্যর্থেত্যাদি| হি-যস্মাত্, তে-মলাঃ, অত্যর্থসঞ্চিতাঃ-অতিশযেন স্বস্থানেবৃদ্ধিং গতাঃ, কুতোঽপ্যাহার বিহাররূপাত্ কোপহেতোঃ কুদ্ধাঃ-কুপিতাঃ সন্তঃ, কদাচিজ্জীবিতচ্ছিদঃ স্যুঃ-ভবেযুঃ| তস্মাত্তে শোধনীযাঃ| অত্যর্থসঞ্চিতগ্রহণেনৈতদ্দ্যোতযতি| যদ্যেতে মলা অত্যর্থসঞ্চিতাঃ স্যুঃ, তদৈব তেষামন্যোপক্রমেভ্যঃ শোধনাখ্য উপক্রমো জ্যাযান্| লঙ্ঘনপাচনে তূপক্রমমাত্রে|

Adhikarana shodhanasya prAdhAnyam (26) · Śloka 26

তদেবৈতচ্চেতসি কৃত্বা, "দোষাঃ" ইত্যাদি, গ্রন্থকৃদুবাচ দোষাঃ কদাচিত্কুপ্যন্তি জিতা লঙ্ঘনপাচনৈঃ| যে তু সংশোধনৈঃ শুদ্ধা ন তেষাং পুনরুদ্ভবঃ||২৬||

স০-দোষাঃ-বাতাদযঃ, লঙ্ঘনপাচনৈর্জিতাঃ-প্রকৃতিং প্রাপিতাঃ সন্তঃ, কদাচিত্-কস্মিন্নপি কালে, কুপ্যন্তি| যে পুনঃ সংশোধনৈঃ শুদ্ধাস্তেষাং ন পুনরুদ্ভবঃ-উত্থানং ন ভবতি|

Adhikarana shodhanAdUrdhvaM rasAyanavAjIkaraNavidhAnam (27) · Śloka 27

যথাক্রমং যথাযোগমত ঊর্ধ্বং প্রযোজযেত্| রসাযনানি সিদ্ধানি বৃষ্যযোগাংশ্চ কালবিত্||২৭||

স০- কালবিত্-বৈদ্যঃ, অতঃ-সংশোধনাদূর্ধ্বং রসাযনানি প্রযোজযেত্| কালশব্দো দেশবলশরীরাহারসাত্ম্যসত্ত্বপ্রকৃতীনামুপলক্ষণার্থঃ| ন হি কালমাত্রবিত্ রসাযনপ্রযোগং সম্যগ্বিধা পযিতুং শক্তঃ| কিম্ভূতানি রসাযনানি ? সিদ্ধানি,-বহুশো দৃষ্টপ্রত্যযানি ব্রাহ্মবাসিষ্ঠাদীনি| কথং যোজযেত্ ? ইত্যাহ-যথা-ক্রমমিতি| যথাক্রমং যথাযোগমিত্যনেন রসাযনবাজীকরণোক্তং স্মারযতি| তত্রৈষ রসাযনক্রমঃ (হৃ. উ. অ. ৩৯/১১)- "হরীতকীমামলকং সৈন্ধবং নাগরং বচাম্|" ইত্যারভ্য যাবত্ "ইত্থং সংস্কৃতকোষ্ঠস্য রসাযনমুপাহরেত্|" ইতি| এতদুক্তং ভবতি| যদ্যপ্যেবং বমনবিরেচনাস্থাপনানুবাসননাবনৈঃ পঞ্চভিরপি কর্মভিঃ সংস্কৃতোর্ধ্বাধঃসকলকাযঃ, তথাপ্যেষ রসাযনিকো ভূযঃ শরীরসংস্কারঃ করণীযঃ| তস্য তত্পূর্বকত্বাত্| অত এব সংশুদ্ধদেহোঽযমিতি কৃত্বা ত্রিবৃদ্দন্ত্যাদীনতিবিরেচনাত্মকান্নোপদিশতি| তথা বাজীকরণেঽপ্যাহ (হৃ. উ. অ. ৪০/৭)- "অথ স্নিগ্ধ বিশুদ্ধানাং নিরুহান্ সানুবাসনান্| ঘৃততৈলরসক্ষীরশর্করাক্ষৌদ্রসংযুতান্|| যোগবিদ্যোজযেত্পূর্বং ক্ষীরমাংসরসাশিনাম্| ততো বাজীকরান্ যোগান্" ইতি| তথা, যথাযোগং-যো যস্য যুজ্যতে , দাতুমিত্যর্থঃ| যথা-ইদং রসাযনং বাতপ্রকৃতের্যোগ্যমিদং পিত্তপ্রকৃতেরিদং শ্লেষ্মপ্রকৃতেরিত্যাদি| তথাঽমুষ্মিন্ দেশেঽমুষ্মিন্ কালে বাঽমুষ্মিন্ বযস্যমুষ্মিন্ দেহে রসাযনং যোগ্যমিদমিতি যথা যোগার্থঃ| এবং বৃষ্যযোগেঽপি যোজ্যম্| অত্র চ রসাযনানি বাতাতপিকানি যোজযেত্, ন কুটীপ্রবেশিকানি| স্বস্থবৃত্তাধিকারত্বাত্ তদ্বিধানস্য|

Adhikarana shodhanakShINasya bRuMhaNam (28-29) · Śloka 29

ভেষজক্ষপিতে পথ্যমাহারৈর্বৃংহণং ক্রমাত্| শালিষষ্টিকগোধূমমুদ্গমাংসঘৃতাদিভিঃ||২৮|| হৃদ্যদীপনভৈষজ্যসংযোগাদ্রুচিপক্তিদৈঃ| সাভ্যঙ্গোদ্বর্তনস্নাননিরূহস্নেহ বস্তিভিঃ||২৯||

স০-ভেষজেন ক্ষপিতে-নরে শোধনকার্ষতে সতি, আহারৈঃ-ভোজ্যৈর্বৃংহণং পথ্যং-হিতং, ক্রমাত্-ন সহসৈব| কৈরাহারৈঃ ? ইত্যাহ-শাল্যাদিভিঃ| কিম্ভূতৈঃ ? হৃদ্যানি চ তানি দীপনানি ভৈষজ্যানি-ঔষধানি চ শুণ্ঠীপিপ্পল্যার্দ্রকত্বগেলাদীনি, তৈঃ সংযোগো-মিশ্রতা, তস্মাত্ হৃদ্যদীপনভৈষজ্যসংযোগাত্, রুচিপক্তী দদতি-অভিলাষপাকাবুত্পাদযন্তি যে শাল্যাদযস্তৈ রুচিপক্তিদৈরাহারৈর্বৃংহণং ভেষজক্ষপিতে পথ্যম্| কিম্ভূতৈরাহারৈঃ ? সাভ্যঙ্গেত্যাদি| সহাভ্যঙ্গদিভির্বর্তন্ত ইতি সাভ্যঙ্গাদয আহারাস্তৈঃ, আহারৈরভ্যঙ্গাদিভিশ্চেত্যর্থঃ| স্নেহবস্তিঃ-অনুবাসনম্|

Adhikarana SodhanAdiprayogasya Palam (30) · Śloka 30

তথা স লভতে শর্ম সর্বপাবকপাটবম্| ধীবর্ণেন্দ্রিযবৈমল্যং বৃষতাং দৈর্ঘ্যমাযুষঃ||৩০||

স০-তথা-তেন প্রকারেণ পূর্বং শোধনং ততো বৃংহণং ততো রসাযনপ্রযোগ ইত্যেবংরূপেণ, সঃ-শোধনাদিসেবী পুরুষঃ, শর্ম-স্বাস্থ্যং, লভতে| তথা সর্বেত্যাদি| সর্বে চ তে পাবকাশ্চ সর্বপাবকাঃ, তেষাং পাটবং-শক্তিং লভতে| তত্র (হৃ. শা. অ. ৩/৫৯)-"ভৌমাপ্যাগ্নেযবাযব্যাঃ পঞ্চোষ্মাণঃ সনাভসাঃ" ইতি পঞ্চ মহাভূতাগ্নযঃ, সপ্ত ধাত্বগ্নযঃ, ত্রযোদশো জাঠরাগ্নিরিতি| ধীবর্ণেত্যাদি| ধীবর্ণযোশ্চক্ষুরাদীন্দ্রিযাণাং চ বৈমল্যং লভতে| তথা, বৃষতাং-স্ত্রীগমনসামর্থ্যং লভতে| তথা, দৈর্ধ্যমাযুষঃ-জীবিতস্যাধিক্যং লভতে|

Adhikarana AganturogAH (31) · Śloka 31

অধুনাঽঽগন্তুরোগান্ সোপক্রমান্নির্দিশতি যে ভূতবিষবায্বগ্নিক্ষতভঙ্গাদিসম্ভবাঃ| রাগদ্বেষভযাদ্যাশ্চ তে স্যুরাগন্তবো গদাঃ||৩১||

স০-ভূতানি চ বিষং চ বাযুশ্চাগ্নিশ্চ ক্ষতং চ ভঙ্গশ্চেতি দ্বন্দ্বঃ| ত আদির্যেষামাগন্তুকরোগহেতূনাং ত এবম্, তেভ্যঃ সম্ভবো যেষামাগন্তুকগদানাং জ্বরাদীনাং তে ভূতাদিসম্ভবা আগন্তবো রোগাঃ স্যুঃ| আগন্তুহেতুপ্রভবত্বাদাগন্তবো গদা উচ্যন্ত ইত্যর্থঃ| ন কেবলমেত এব গদাঃ, কিন্তু রাগদ্বেষভযাদ্যাশ্চাগন্তবো গদাঃ স্যুঃ|

Adhikarana eShAM cikitsA (32-34) · Śloka 34

অধুনৈষাং চিকিত্সাং নির্দিশতি ত্যাগঃ প্রজ্ঞাপরাধানামিন্দ্রিযোপশমঃ স্মৃতিঃ| দেশকালাত্মবিজ্ঞানং সদ্বৃত্তস্যানুবর্তনম্||৩২|| অথর্ববিহিতা শান্তিঃ প্রতিকূলগ্রহার্চনম্| ভূতাদ্যস্পর্শনোপাযো নির্দিষ্টশ্চ পৃথক্ পৃথক্||৩৩|| অনুত্পত্ত্যৈ সমাসেন বিধিরেষঃ প্রদর্শিতঃ| নিজাগন্তুবিকারাণামুত্পন্নানাং চ শান্তযে||৩৪||

স০-প্রজ্ঞাযা অপরাধাঃ-অসাধ্বাচরণানি, তেষাং ত্যাগঃ| তথা, ইন্দ্রিযাণাং-চক্ষুরাদীনামুপশমো-রূপদিবিষযেঽতিপ্রবৃত্তানাং সংযমনম্, অশুভরূপে বা বিষযে প্রবৃত্তানাং সংযমনম্, অলোলুপতেত্যর্থঃ| তথা, স্মৃতিঃ-অতীতার্থাদিস্মরণম্| দেশেত্যাদি| তথা, দেশাদীনাং বিজ্ঞানম্| দেশো-জাঙ্গলাদিঃ, কালঃ-শীতাদিঃ, আত্মা চ-বাতপ্রকৃত্যাদিঃ, এষাং বিজ্ঞানং-অববোধঃ| তথা চ, সতাং বৃত্তং-চরিতং সদ্বৃত্তম্, তস্যানুবর্তনং-অনুষ্ঠানম্| নিজানামাগন্তূনাং চ বিকারাণামনুত্পত্ত্যৈ-রোগাণামনুত্পাদনায, সমাসেন-সঙ্ক্ষেপেণ, বিধিরেষঃ-ত্যাগঃ প্রজ্ঞাপরাধানামিত্যাদি সদ্বৃত্তস্যানুবর্তনমিত্যেবমন্তঃ, প্রদর্শিতঃ-সম্যগুক্তঃ| উত্পন্নানামিত্যাদি| চ সমুচ্চযে| ন কেবলং নিজাগন্তূনাং রোগাণামনুত্পত্ত্যৈ বিধিরেষঃ প্রোক্তঃ, যাবদুত্পন্নানাং-জাতানাং চ, শান্তযে বিধিঃ প্রোক্তঃ|

Adhikarana malAnAM shodhanakAlAH (35) · Śloka 35

শীতোদ্ভবং দোষচযং বসন্তে বিশোধনং গ্রীষ্মজমভ্রকালে| ঘনাত্যযে বার্ষিকমাশু সম্যক্ প্রাপ্নোতি রোগানৃতুজান্ন জাতু||৩৫||

স০-শীতশব্দেন হেমন্তশিশিরাখ্যাবৃতূ দ্বাবপি গৃহ্যেতে| তত্রোদ্ভবো-জন্ম যস্য দোষচযস্যাসৌ শীতোদ্ভবো দোষচযঃ| তং বসন্তে বিশোধযন্-নির্হরন্, গ্রীষ্মজমভ্রকালে-বর্ষাকালে দোষচযং বিশোধযন্, তথা বার্ষিকং ঘনাত্যযে-শরদি দোষচযং বিশোধযন্, আশু-যথোক্তং কালমনুল্লঙ্ঘযন্, সম্যক্-যথাবত্, ত্রিবিধমপি দোষচযং বিশোধযন্নৃতুজান্ রোগান্ ন জাতু-কদাচিত্, প্রাপ্নোতি-আসাদযতি| বসন্তে বিশোধযন্নিত্যত্র বসন্তপ্রারম্ভ এব চৈত্রে মাসি বিশোধযন্নিতি বোধ্যম্, প্রত্যবাযভযাত্| তথা হি ঋতুদ্বযসঞ্চিতস্য দোষচযস্য চৈত্রে বিশোধনমক্রিযমাণং রোগানীকং কুর্যাত্| ঘনাত্যযে বার্ষিকমিত্যত্রাত্যন্তঘনবিনাশে শরত্পশ্চিমে ভাগে বিশোধযেদিতি বোধ্যম্| বার্ষিকো হি দোষচয একর্তুজ এব| তস্মাদ্বিশ্রব্ধং কৃত্বা সাধারণে কার্তিকে মাসি স বিশোধযিতুং যুক্তঃ| অপি চাগ্রে হেমন্তশিশিরকালজো দোষচযো বসন্তে শোধযিতব্যঃ| তস্মাদাশ্বযুজে মাসি বার্ষিকো দোষচযো যদি বিশোধ্যেত তদানীমতিতরাং বহুরগ্রে দোষচযঃ স্যাত্, কালস্য বহুত্বাত্| গ্রীষ্মজমভ্রকাল ইত্যত্র কালগ্রহণেন বর্ষাপ্রারম্ভমাত্র এবেতি বোধ্যম্| তথা চ শাস্ত্রকারো বক্ষ্যতি (হৃ. সূ. অ. ১৩/৩৩)- "শ্রাবণে কার্তিকে চৈত্রে মাসি সাধারণে ক্রমাত্| গ্রীষ্মবর্ষাহিমচিতান্বায্বাদীনাশু নির্হরেত্||" ইতি|

Adhikarana hitAhAravihArasevanam (4) · Śloka 4

নিত্যং হিতাহারবিহারসেবী সমীক্ষ্যকারী বিষযেষ্বসক্তঃ| দাতা সমঃ সত্যপরঃ ক্ষমাবা- নাপ্তোপসেবী চ ভবত্যরোগঃ||৩৬|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং সূত্রস্থানে রোগানু- ত্পাদনীযো নাম চতুর্থোঽধ্যাযঃ||৪||

স০-নিত্যং-সদৈব, হিতাহারবিহারৌ সেবতে তচ্ছীলো যঃ স এবম্ভূতো নরঃ| তথা, সমীক্ষ্যকারী-বিমৃশ্যবিধাযী, ইদং কৃত্বেদং সম্পদ্যতে, এবং চ কৃত্বৈতত্সম্পদ্যতে, এবং বুদ্ধ্বা শুভং করোত্যশুভং বর্জযতি| তথা, বিষযেষু-শব্দাদিষু, অসক্তঃ-অলোলুপঃ| তথা, দাতা-ত্যাগবান্| তথা, সমঃ-সর্বেষু ভূতেষু সমচিত্তঃ| তথা, সত্যপরঃ-অবিতথবাক্| তথা, ক্ষমাবান্-যঃ শক্তোঽপি কৃতাপরাধং দণ্ডেনানুরূপেণ ন যোজযতি| তথা, আপ্তানুপসেবতে তচ্ছীলো যঃ স আপ্তোপসেবী চারোগো ভবতি| ন কেবলং প্রাক্তনবিধ্যনুষ্ঠানেনারোগঃ সম্পদ্যতে, যাবদাপ্তোপসেবী চেতি চশব্দার্থঃ| "যেষাং ত্রিকালমমলং জ্ঞানমব্যাহতং সদা| আপ্তাঃ শিষ্টা বিবুদ্ধাস্তে তেষাং বাক্যমসংশযম্||" ইতি (চরকে সূ. অ. ১১/৯৮) আপ্তলক্ষণমিতি| উপজাতিবৃত্তে| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গ- হৃদযটীকাযাং সর্বাঙ্গসুন্দরাখ্যাযাং সূত্রস্থানে চতুর্থোঽধ্যাযঃ সমাপ্তঃ|| ৪||