4. rōgānutpādanīyādhyāyaḥ

Adhikarana rogAnutpAdanIyAdhyAyaScaturthaH (2) · Śloka 2

অথাতো রোগা|১]নুত্পাদনীযাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২||

Adhikarana vAtAdivegadhAraNaniShedhaH (1) · Śloka 1

বেগান্ন ধারযেদ্বাতবিণ্মূত্রক্ষবতৃট্ক্ষুধাম্| নিদ্রাকাসশ্রমশ্বাসজৃম্ভাশ্রুচ্ছর্দিরেতসাম্||১||

Adhikarana adhovAtarodhena gulmAdirogottpattiH (2) · Śloka 2

বাতস্য প্রাধান্যাত্তধ্রোধজান্ রোগান্ পূর্বং নি ১ দর্শযন্নাহ অধোবাতস্য রোধেন গুল্মোদাবর্তরুক্ক্লমাঃ| বাতমূত্রশকৃত্সঙ্গদৃষ্ট্যগ্নিবধহৃদ্গদাঃ ২ ||২||

Adhikarana shakRuto rodhe piNDakodveShTAdayaH (3-4) · Śloka 4

শকৃতঃ পিণ্ডিকোদ্বেষ্টপ্রতিশ্যাযশিরোরুজঃ| ৩ ঊর্ধ্ববাযুঃ পরীকর্তো হৃদযস্যোপরোধনম্||৩|| মুখেন বিট্প্রবৃত্তিশ্চ পূর্বোক্তাশ্চামযাঃ স্মৃতাঃ| |৪|

Adhikarana mUtrasya rodhAda~ggaBa~ggAdayaH (4-5) · Śloka 5

| অঙ্গভঙ্গাশ্মরীবস্তিমেঢ্রবংক্ষণবেদনাঃ||৪|| মূত্রস্য রোধাত্পূর্বে চ প্রাযো রোগাঃ| |৫|

Adhikarana vAtAdirodhajAnAmauShadham (5) · Śloka 5

তদৌষধম্| বর্ত্যভ্যঙ্গাবগাহাশ্চ স্বেদনং বস্তিকর্ম চ||৫||

Adhikarana purISharodhajAnAmauShadham (6) · Śloka 6

পুরীষরোধোত্থেষ্বন্যমপ্যসাধারণমুপক্রমমাহ অন্নপানং চ বিড্ভেদি বিড্রোধোত্থেষু যক্ষ্মসু| |৬|

Adhikarana mUtrajAnAmauShadham (6-7) · Śloka 7

মূত্রজেষু তু পানে চ প্রাগ্ভক্তং শস্যতে ঘৃতম্||৬|| জীর্ণান্তিকং চোত্তমযা মাত্রযা যোজনাদ্বযম্| অবপীডকমেতচ্চ সংজ্ঞিতং|৭|

Adhikarana udgArasya rodhAdarUcyAdayaHudgArarIdhajAnAmauShadham (7-8) · Śloka 8

ধারণাত্পুনঃ||৭|| উদ্গারস্যারুচিঃ কম্পো বিবন্ধো হৃদযোরসোঃ| আধ্মানকাসহিধ্মাশ্চ হিধ্মাবত্তত্র ভেষজম্||৮||

Adhikarana kShutirodhAcCirortyAdayaH (9) · Śloka 9

শিরোর্তীন্দ্রিযদৌর্বল্যমন্যাস্তম্ভার্দিতং ক্ষুতেঃ| |৯|

Adhikarana kShutirodhajAnAmauShadhanam (9-10) · Śloka 10

তীক্ষ্ণধূমাঞ্জনাঘ্রাণনাবনার্কবিলোকনৈঃ||৯|| প্রবর্তযত্ক্ষুতিং সক্তাং স্নেহস্বেদৌ চ শীলযেত্| |১০|

Adhikarana tRuShNAnirodhAcchoShAdayaHtRuShArodhajAnAmauShadham (10-11) · Śloka 11

শোষাঙ্গসাদবাধির্যসম্মোহভ্রমহৃদ্গদাঃ||১০|| তৃষ্ণাযা নিগ্রহাত্তত্র শীতঃ সর্বো বিধির্হিতঃ| |১১|

Adhikarana kShudho rodhAda~ggaBa~ggAdayaH kShudrodhajAnAmauShadham (11-12) · Śloka 12

অঙ্গভঙ্গারুচিগ্লানিকার্শ্যশূলভ্রমাঃ ক্ষুধঃ||১১|| তত্র যোজ্যং লঘু স্নিগ্ধমুষ্ণমল্পং চ ভোজনম্| |১২|

Adhikarana nidrArodhAnmohAdayaH nidrArodhajAnAmauShadham (12-13) · Śloka 13

নিদ্রাযা মোহমূর্ধাক্ষিগৌরবালস্যজৃম্ভিকাঃ||১২|| আঙ্গমর্দশ্চ, তত্রেষ্টঃ স্বপ্নঃ সংবাহনানি চ| |১৩|

Adhikarana kAsarodhAttadvRuddhiH kAsarodhajAnAmauShadham (13-14) · Śloka 14

কাসস্য রোধাত্তদ্বৃদ্ধিঃ শ্বাসারুচিহৃদামযাঃ||১৩|| শোষে হিধ্মা চ, কার্যোঽত্র কাসহা সুতরাং বিধিঃ| |১৪|

Adhikarana shramashcAsarodhAdrulmAdayaH shramashcAsarodhajAnAmauShadham (14-15) · Śloka 15

গুল্মহৃদ্রোগসম্মোহাঃ শ্রমশ্বাসাদ্বিধারিতাত্||১৪|| হিতং বিশ্রমণং তত্র বাতঘ্নশ্চ ক্রিযাক্রমঃ| |১৫|

Adhikarana jRumbhAyA rodhAtkShutivadrogAH jRumbhArodhajAnAmauShadham (15) · Śloka 15

| জৃম্ভাযাঃ ক্ষববদ্রোগাঃ, সর্বশ্চানিলজিদ্বিধিঃ||১৫||

Adhikarana bAShparodhAtpInasAdayaH bAShparodhajAnAmauShadham (16) · Śloka 16

পীনসাক্ষিশিরোহৃদ্রুঙ্মন্যাস্তম্ভারুচিভ্রমাঃ| সগুল্মা বাষ্পতস্তত্র স্বপ্নো মদ্যং প্রিযাঃ কথাঃ||১৬||

Adhikarana vamernirodhe visarpAdayaH vamIrodhajAnAmauShadham (17) · Śloka 17

বিসর্পকোঠকুষ্ঠাক্ষিকণ্ডূপাণ্ড্বামযজ্বরাঃ| সকাসশ্বাসহৃল্লাসব্যঙ্গশ্বযথবো বমেঃ||১৭||

Adhikarana vamIrodhajAnAmauShadham (18-19) · Śloka 19

গণ্ডূষধূমানাহারা রূক্ষং ভুক্ত্বা তদুদ্বমঃ| ব্যাযামঃ স্রুতিরস্রস্য শস্তং চাত্র বিরেচনম্||১৮|| সক্ষারলবণং তৈলমভ্যঙ্গার্থং চ শস্যতে| |১৯|

Adhikarana shukrarodhAcCukrastravaNAdayaH (19-20) · Śloka 20

শুক্রাত্তত্স্রবণং গুহ্যবেদনাশ্বযথুজ্বরাঃ||১৯|| হৃদ্ব্যথামূত্রসঙ্গাঙ্গভঙ্গবৃদ্ধ্যশ্মষণ্ঢতাঃ| |২০|

Adhikarana shukrarodhajAnAM auShadham (20-21) · Śloka 21

তাম্রচূডসুরাশালিবস্ত্যভ্যঙ্গাবগাহনম্||২০|| বস্তিশুদ্ধিকরৈঃ সিদ্ধম্ ভজেত্ক্ষীরং প্রিযাঃ স্ত্রিযঃ| |২১|

Adhikarana tRuDArtAdyA vegarodhino na cikitsyAH (21) · Śloka 21

বেগরোধিনো যে ন চিকিত্স্যাঃ, তান্দর্শযন্নাহ | তৃট্শূলার্তং ত্যজেত্ ক্ষীণং বিড্বমং বেগরোধিনম্||২১||

Adhikarana vegodIraNadhAraNaiH sarvepi rogAH (22) · Śloka 22

অথ কিমেত এব রোগা বেগোদীরণধারণাদ্ভবন্তি ? নেত্যাহ রোগাঃ সর্বেঽপি জাযন্তে বেগোদীরণধারণৈঃ| |২২|

Adhikarana tatra sAdhanamanuktasAdhanAnAM sAmAnyasAdhanam (22-23) · Śloka 23

নির্দিষ্টং সাধনং তত্র ভূযিষ্ঠং যে তু তান্ প্রতি||২২|| ততশ্চানেকধা প্রাযঃ পবনো যত্প্রকুপ্যতি| অন্নপানৌষধং তস্য যুঞ্জীতাতোঽনুলোমনম্||২৩||

Adhikarana loBAdivegAnAM dhAraNameva (24) · Śloka 24

যদি বেগরোধাদ্রোগা জাযন্তে, তর্হি লোভাদীনামপি নরকাদিহেতূনাং বেগা ন ধার্যা ইতি প্রাপ্তে সতীদমাহ ধারযেত্তু সদা বেগান্ হিতৈষী প্রেত্য চেহ চ| লোভের্ষ্যাদ্বেষমাত্সর্যরাগাদীনাং জিতেন্দ্রিযঃ||২৪||

Adhikarana vAtAdInAM yathAkAlashodhanam (25) · Śloka 25

অন্যচ্চ হিতৈশী কিং কুর্যাত্ ? ইত্যাহ যতেত চ যথাকালং মলানাং শোধনং প্রতি| অত্যর্থসঞ্চিতাস্তে হি ঋদ্ধাঃ স্যুর্জীবিতচ্ছিদঃ||২৫||

Adhikarana shodhanasya prAdhAnyam (26) · Śloka 26

তদেবৈতচ্চেতসি কৃত্বা, "দোষাঃ" ইত্যাদি, গ্রন্থকৃদুবাচ দোষাঃ কদাচিত্কুপ্যন্তি জিতা লঙ্ঘনপাচনৈঃ| যে তু সংশোধনৈঃ শুদ্ধা ন তেষাং পুনরুদ্ভবঃ||২৬||

Adhikarana shodhanAdUrdhvaM rasAyanavAjIkaraNavidhAnam (27) · Śloka 27

যথাক্রমং যথাযোগমত ঊর্ধ্বং প্রযোজযেত্| রসাযনানি সিদ্ধানি বৃষ্যযোগাংশ্চ কালবিত্||২৭||

Adhikarana shodhanakShINasya bRuMhaNam (28-29) · Śloka 29

ভেষজক্ষপিতে পথ্যমাহারৈর্বৃংহণং ক্রমাত্| শালিষষ্টিকগোধূমমুদ্গমাংসঘৃতাদিভিঃ||২৮|| হৃদ্যদীপনভৈষজ্যসংযোগাদ্রুচিপক্তিদৈঃ| সাভ্যঙ্গোদ্বর্তনস্নাননিরূহস্নেহ বস্তিভিঃ||২৯||

Adhikarana SodhanAdiprayogasya Palam (30) · Śloka 30

তথা স লভতে শর্ম সর্বপাবকপাটবম্| ধীবর্ণেন্দ্রিযবৈমল্যং বৃষতাং দৈর্ঘ্যমাযুষঃ||৩০||

Adhikarana AganturogAH (31) · Śloka 31

অধুনাঽঽগন্তুরোগান্ সোপক্রমান্নির্দিশতি যে ভূতবিষবায্বগ্নিক্ষতভঙ্গাদিসম্ভবাঃ| রাগদ্বেষভযাদ্যাশ্চ তে স্যুরাগন্তবো গদাঃ||৩১||

Adhikarana eShAM cikitsA (32-34) · Śloka 34

অধুনৈষাং চিকিত্সাং নির্দিশতি ত্যাগঃ প্রজ্ঞাপরাধানামিন্দ্রিযোপশমঃ স্মৃতিঃ| দেশকালাত্মবিজ্ঞানং সদ্বৃত্তস্যানুবর্তনম্||৩২|| অথর্ববিহিতা শান্তিঃ প্রতিকূলগ্রহার্চনম্| ভূতাদ্যস্পর্শনোপাযো নির্দিষ্টশ্চ পৃথক্ পৃথক্||৩৩|| অনুত্পত্ত্যৈ সমাসেন বিধিরেষঃ প্রদর্শিতঃ| নিজাগন্তুবিকারাণামুত্পন্নানাং চ শান্তযে||৩৪||

Adhikarana malAnAM shodhanakAlAH (35) · Śloka 35

শীতোদ্ভবং দোষচযং বসন্তে বিশোধনং গ্রীষ্মজমভ্রকালে| ঘনাত্যযে বার্ষিকমাশু সম্যক্ প্রাপ্নোতি রোগানৃতুজান্ন জাতু||৩৫||

Adhikarana hitAhAravihArasevanam (4) · Śloka 4

নিত্যং হিতাহারবিহারসেবী সমীক্ষ্যকারী বিষযেষ্বসক্তঃ| দাতা সমঃ সত্যপরঃ ক্ষমাবা- নাপ্তোপসেবী চ ভবত্যরোগঃ||৩৬|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং সূত্রস্থানে রোগানু- ত্পাদনীযো নাম চতুর্থোঽধ্যাযঃ||৪||