Adhikarana uttarasthAnam · Śloka
🔊 Audio coming soon
শ্রীগণেশায নমঃ| অনন্তরমুত্তরস্থানারম্ভঃ| যতঃ কাযাখ্যমাদ্যমঙ্গম্| তচ্চ পূর্বৈঃ স্থানৈঃ সর্বমুক্তম্| অধুনা বালাদীনামুত্তরেষামঙ্গানামবসর ইত্যুত্তরাখ্যং স্থানমুচ্যতে| তত্রাপি যথোদ্দেশস্তথা নির্দেশ ইতি বালাখ্যমঙ্গং বিবক্ষুরাহ-
Adhikarana bAlopacaraNIyAdhyAyaH (2) · Śloka 2
অথাতো বালোপচরণীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে|২|
अथातो बालोपचरणीयमध्यायं व्याख्यास्यामः| इति ह स्माहुरात्रेयादयो महर्षयः| गद्यसूत्रे|२|
🔊 Audio coming soon
স০-বালস্য-শিশোঃ, উপচরণং বালোপচরণম্, তস্মৈ হিতঃ| শেষং পূর্ববত্| ইতীত্যাদিনা স্বমনীষিকাপরিকল্পিতত্বমস্য তন্ত্রস্য নিরাকরোতি|
Adhikarana bAlasya ulbAdviSodhanam bAlasya balAtailena secanam bAlasya karNamUle~aSmanorvdanam (1-2) · Śloka 2
জাতমাত্রং বিশোধ্যোল্বাদ্বালং সৈন্ধবসর্পিষা| প্রসূতিক্লেশিতং চানু বলাতৈলেন সেচযেত্||১|| অশ্মনোর্বাদনং চাস্য কর্ণমূলে সমাচরেত্| অথাস্য দক্ষিণে কর্ণে মন্ত্রমুচ্চারযেদিমম্||২||
जातमात्रं विशोध्योल्बाद्बालं सैन्धवसर्पिषा| प्रसूतिक्लेशितं चानु बलातैलेन सेचयेत्||१|| अश्मनोर्वादनं चास्य कर्णमूले समाचरेत्| अथास्य दक्षिणे कर्णे मन्त्रमुच्चारयेदिमम्||२||
🔊 Audio coming soon
স০-জাতমাত্রং-সদ্য এবোদ্ভূতং, বালমুল্বাত্-অপরাপরপর্যাযাত্, সৈন্ধবযুক্তেন ঘৃতেন বিবিধৈঃ প্রকারৈঃ শোধযিত্বা পশ্চাত্ প্রসূত্যা-প্রসবেন, ক্লেশিতং বালং বলাতৈলেন সেচযেত্| পশ্চাত্ পাষাণযোর্বাদনমস্য কর্ণমূলে কারযেদ্বৈদ্যঃ| অনন্তরমস্য দক্ষিণে কর্ণে ইমং-বক্ষ্যমাণং, মন্ত্রমুচ্চারযেত্| তমেব মন্ত্রমাহ-
Adhikarana bAlasya dakShiNe karNe mantroccAraNam (3-4) · Śloka 4
তমেব মন্ত্রমাহ "অঙ্গাদঙ্গাত্সম্ভবসি হৃদযাদভিজাযসে| আত্মা বৈ পুত্রনামাসি সঞ্জীব শরদাং শতম্||৩|| শতাযুঃ শতবর্ষোঽসি দীর্ঘমাযুরবাপ্নুহি| নক্ষত্রাণি দিশো রাত্রিরহশ্চ ত্বাঽভিরক্ষতু"||৪||
तमेव मन्त्रमाह "अङ्गादङ्गात्सम्भवसि हृदयादभिजायसे| आत्मा वै पुत्रनामासि सञ्जीव शरदां शतम्||३|| शतायुः शतवर्षोऽसि दीर्घमायुरवाप्नुहि| नक्षत्राणि दिशो रात्रिरहश्च त्वाऽभिरक्षतु"||४||
🔊 Audio coming soon
স০-অঙ্গাদিত্যাদি|
Adhikarana bAlasya nAbhyaa bandhanaM cCedanaM grIvAvasa~jjanaM kuShThatailasecanaM ca bAlasya kShIrivRukShakaShAyaadinA snApanam (5-7) · Śloka 7
স্বস্থীভূতস্য নাভিং চ সূত্রেণ চতুরঙ্গুলাত্| বধ্দ্বোর্ধ্বং বর্ধযিত্বা চ গ্রীবাযামবসঞ্জযেত্||৫|| নাভিং চ কুষ্টতৈলেন সেচযেত্স্নাপযেদনু| ক্ষীরিবৃক্ষকষাযেণ সর্বগন্ধোদকেন বা||৬|| কোষ্ণেন তপ্তরজততপনীযনিমজ্জনৈঃ| |৭|
स्वस्थीभूतस्य नाभिं च सूत्रेण चतुरङ्गुलात्| बध्द्वोर्ध्वं वर्धयित्वा च ग्रीवायामवसञ्जयेत्||५|| नाभिं च कुष्टतैलेन सेचयेत्स्नापयेदनु| क्षीरिवृक्षकषायेण सर्वगन्धोदकेन वा||६|| कोष्णेन तप्तरजततपनीयनिमज्जनैः| |७|
🔊 Audio coming soon
স০-সমাশ্বস্তস্য চ বালস্য নাভিং চতুরঙ্গুলাদূর্ধ্বং সূত্রেণ বধ্দ্বাঽনন্তরং ছেদযিত্বা গ্রীবাযাং যোজযেত্| নাভিং চ কুষ্টতৈলেন সেচযেত্| অনু-পশ্চাত্, ক্ষীরিবৃক্ষকষাযেণ স্নাপযেত্| অথবা সর্বেষাং গন্ধানাং-চন্দনাদীনাং, জলেন স্নাপযেত্| কিম্ভূতেন ? কোষ্ণেন| কথম্ ? তপ্তাভ্যাং-উষ্ণাভ্যাং, রূপ্যসুবর্ণাভ্যাং নিমজ্জনৈঃ-অসকৃত্সেচনৈঃ|
Adhikarana bAlasya tAlUnnamanAdi bAlasya lehaprASanam (7-9) · Śloka 9
| ততো দক্ষিণতর্জন্যা তালূন্নম্যাবগুণ্ঠযেত্||৭|| শিরসি স্নেহপিচুনা, প্রাশ্যং চাস্য প্রযোজযেত্| হরেণুমাত্রং মেধাযুর্বলার্থমভিমন্ত্রিতম্||৮|| ঐন্দ্রীব্রাহ্মীবচাশঙ্খপুষ্পীকল্কং ঘৃতং মধু| |৯|
| ततो दक्षिणतर्जन्या तालून्नम्यावगुण्ठयेत्||७|| शिरसि स्नेहपिचुना, प्राश्यं चास्य प्रयोजयेत्| हरेणुमात्रं मेधायुर्बलार्थमभिमन्त्रितम्||८|| ऐन्द्रीब्राह्मीवचाशङ्खपुष्पीकल्कं घृतं मधु| |९|
🔊 Audio coming soon
স০-অনন্তরং দক্ষিণহস্ততর্জন্যা বৈদ্যস্তালু উন্নম্য শিরসি পিচুনা তৈলাক্তেনাবগুণ্ঠযেত্| অস্য চ-বালস্য, প্রাশ্যং-লেহং, মেধাদ্যর্থং প্রযোজযেত্| কিযন্মাত্রম্ ? হরেণুপ্রমাণম্| তথাঽভিমন্ত্রিতং-প্রাঙ্মন্ত্রেণ| কিং তত্প্রাশ্যম্ ? ইত্যাহ-ঐন্দ্রীত্যাদি| ঐন্দ্রী-ইন্দ্রবারুণী| ব্রাহ্মী-মণ্ডূকপর্ণী|
Adhikarana bAlasya cAmIkarAdi lehAntaram (9-10) · Śloka 10
| চামীকরবচাব্রাহ্মীতাপ্যপথ্যা রজীকৃতাঃ||৯|| লিহ্যান্মধুঘৃতোপেতা হেমধাত্রীরজোঽথবা| |১০|
| चामीकरवचाब्राह्मीताप्यपथ्या रजीकृताः||९|| लिह्यान्मधुघृतोपेता हेमधात्रीरजोऽथवा| |१०|
🔊 Audio coming soon
স০-অথবা সুবর্ণাদিকং সূক্ষ্মচূর্ণিকৃত্য লিহ্যাত্| রজীকৃতা ইতি "অরুর্মনঃ" ইত্যাদিনা সুলোপ ইত্বং চ| হেমধাত্রীচূর্ণং বা মধুঘৃতযুক্তং লিহ্যাত্|
Adhikarana bAlasya garbhAmbhovamanam (10) · Śloka 10
| গর্ভাম্ভঃ সৈন্ধববতা সর্পিষা বামযেত্ততঃ||১০||
| गर्भाम्भः सैन्धववता सर्पिषा वामयेत्ततः||१०||
🔊 Audio coming soon
স০-ততঃ-অনন্তরং, গর্ভাম্ভঃ সর্পিষা সৈন্ধবযুক্তেন বামযেত্|
Adhikarana bAlasya jAtakarmANi (11) · Śloka 11
প্রাজাপত্যেন বিধিনা জাতকর্মাণি কারযেত্| |১১|
प्राजापत्येन विधिना जातकर्माणि कारयेत्| |११|
🔊 Audio coming soon
স০-ততো জাতকর্মাণি-বেদবিহিতানি, প্রাজাপত্যেন-যো বেদোক্তো বিধিস্তেন গৃহ্যোক্তেন, বিধিনা ভিষক্ কারযেত্|
Adhikarana strINAM stanyapravartanadivasaH (11-12) · Śloka 12
স্তন্যপ্রবর্তনহেতুমাহ | সিরাণাং হৃদযস্থানাং বিবৃতত্বাত্ প্রসূতিতঃ||১১|| তৃতীযেঽহ্নি চতুর্থে বা স্ত্রীণাং স্তন্যং প্রবর্ততে| |১২|
स्तन्यप्रवर्तनहेतुमाह | सिराणां हृदयस्थानां विवृतत्वात् प्रसूतितः||११|| तृतीयेऽह्नि चतुर्थे वा स्त्रीणां स्तन्यं प्रवर्तते| |१२|
🔊 Audio coming soon
স০-হৃদযাশ্রিতানাং সিরাণাং প্রসবাদ্ধেতোর্যদ্বিবৃতত্বং তস্মাত্কারণাত্ তৃতীযে দিবসে কদাচিচ্চতুর্থে যোষিতাং স্তন্যং প্রবর্ততে|
Adhikarana bAlasya prathame divase madhusarpiHprASanam (12-13) · Śloka 13
| প্রথমে দিবসে তস্মাত্ত্রিকালং মধুসর্পিষী||১২|| অনন্তামিশ্রিতে মন্ত্রপাবিতে প্রাশযেচ্ছিশুম্| |১৩|
| प्रथमे दिवसे तस्मात्त्रिकालं मधुसर्पिषी||१२|| अनन्तामिश्रिते मन्त्रपाविते प्राशयेच्छिशुम्| |१३|
🔊 Audio coming soon
স০-যত এবং দিনত্রিচতুর্মাত্রং ক্ষীরাভাবঃ, তস্মাদ্ধেতোঃ প্রথমেঽহ্নি ত্রীন্ কালান্ মধুঘৃতে যবাসকযুক্তে মন্ত্রেণ পাবিতে শিশুং প্রাশযেত্|
Adhikarana bAlasya dvitIyAdidivase ghRutAdiprASanam (13-14) · Śloka 14
| দ্বিতীযে লক্ষ্মণাসিদ্ধং তৃতীযে চ ঘৃতং, ততঃ||১৩|| প্রাঙ্নিষিদ্ধস্তনস্যাস্য তত্পাণিতলসম্মিতম্| স্তন্যানুপানং দ্বৌ কালৌ নবনীতং প্রযোজযেত্||১৪||
| द्वितीये लक्ष्मणासिद्धं तृतीये च घृतं, ततः||१३|| प्राङ्निषिद्धस्तनस्यास्य तत्पाणितलसम्मितम्| स्तन्यानुपानं द्वौ कालौ नवनीतं प्रयोजयेत्||१४||
🔊 Audio coming soon
সং-দ্বিতীযে দিবসে তৃতীযে চ দিবসে লক্ষ্মণযা সিদ্ধং ঘৃতং ত্রীনেব কালান্ ভোজযেত্| অনন্তরং তস্য-শিশোঃ, পাণেস্তলেন- মধ্যেন, সম্মিতং-তত্প্রমাণং, নবনীতপ্রযোগাত্ পূর্বং নিবারিতস্তনস্যাস্য-বালস্য, দ্বৌ কালৌ নবনীতং স্তন্যানুপানং প্রযোজযেত্|
Adhikarana bAlasya mAtureva stanyaM varam mAtRustanyAbhAve vatsalAdiguNayukte dve stanyadhAtryau (15-17) · Śloka 17
মাতুরেব পিবেত্স্তন্যং তধ্দ্যলং দেহবৃদ্ধযে| স্তন্যধাত্র্যাবুভে কার্যে তদসম্পদি বত্সলে||১৫|| অব্যঙ্গে ব্রহ্মচারিণ্যৌ বর্ণপ্রকৃতিতঃ সমে| নীরুজে মধ্যবযসৌ জীবদ্বত্সে ন লোলুপে||১৬|| হিতাহারবিহারেণ যত্নাদুপচরেচ্চ তে| |১৭|
मातुरेव पिबेत्स्तन्यं तध्द्यलं देहवृद्धये| स्तन्यधात्र्यावुभे कार्ये तदसम्पदि वत्सले||१५|| अव्यङ्गे ब्रह्मचारिण्यौ वर्णप्रकृतितः समे| नीरुजे मध्यवयसौ जीवद्वत्से न लोलुपे||१६|| हिताहारविहारेण यत्नादुपचरेच्च ते| |१७|
🔊 Audio coming soon
স০-বালো মাতুঃ-জনন্যা এব, স্তন্যং পিবেত্| কুতঃ ? যস্মাচ্চ তস্যাঃ স্তন্যমতিশযেন দেহস্য বৃদ্ধযে স্যাত্| তদসম্পদি-মাতৃস্তন্যাসম্পত্তৌ, দ্বে স্তন্যধাত্র্যৌ চ বত্সলে-স্নেহলে, কার্যে| তথা ব্যঙ্গরহিতে, ব্রহ্মচারিণ্যৌ-বর্জিতমৈথুনে, বর্ণেন প্রকৃত্যা চ তুল্যে, তথা নিরমযে, মধ্যবযস্কে, জীবদ্বত্সে, [ ন লোলুপে-] লৌল্যবর্জিতে আদরযুক্তে, তে হিতেনাহারবিহারেণ যত্নাদুপচরেত্|
Adhikarana stanyanASahetavaH stanyavardhanahetavaH (17-18) · Śloka 18
| শুক্ক্রোধলঙ্ঘনাযাসাঃ স্তন্যনাশস্য হেতবঃ||১৭|| স্তন্যস্য সীধুবর্জ্যানি মদ্যান্যানূপজা রসাঃ| ক্ষীরং ক্ষীরিণ্য ওষধ্যঃ শোকাদেশ্চ বিপর্যযঃ||১৮||
| शुक्क्रोधलङ्घनायासाः स्तन्यनाशस्य हेतवः||१७|| स्तन्यस्य सीधुवर्ज्यानि मद्यान्यानूपजा रसाः| क्षीरं क्षीरिण्य ओषध्यः शोकादेश्च विपर्ययः||१८||
🔊 Audio coming soon
স০-শুগাদীনি স্তন্যনাশস্য কারণানি| শুক্-শোকঃ| স্তন্যস্য মদ্যানি হেতবঃ| কিংভূতানি ? সীধুবর্জ্যানি| আনূপজাশ্চ রসাঃ| তথা ক্ষীরবত্য ওষধযঃ-জীবন্ত্যাদ্যাঃ| শোকাদিবৈপরীত্যং চ|
Adhikarana rogakaraM stanyam (19) · Śloka 19
বিরুদ্ধাহারভুক্তাযাঃ ক্ষুধিতাযা বিচেতসঃ| প্রদুষ্টধাতোর্গর্ভিণ্যাঃ স্তন্যং রোগকরং শিশোঃ||১৯||
विरुद्धाहारभुक्तायाः क्षुधिताया विचेतसः| प्रदुष्टधातोर्गर्भिण्याः स्तन्यं रोगकरं शिशोः||१९||
🔊 Audio coming soon
স০-তথা বিরুদ্ধ আহারো ভুক্তো যযা তস্যাঃ, তথা বুভুক্ষিতাযা নিন্দিতাযাশ্চ, তথা প্রদুষ্টদোষাযা গর্ভিণ্যাশ্চ সম্বন্ধি স্তন্যমুপযুক্তং বালস্য রোগহেতুঃ|
Adhikarana stanyAbhAve CAgAdipayaH (20) · Śloka 20
স্তন্যাভাবে পযশ্ছাগং গব্যং বা তদ্গুণং পিবেত্| হ্রস্বেন পঞ্চমূলেন স্থিরাভ্যাং বা সিতাযুতম্||২০||
स्तन्याभावे पयश्छागं गव्यं वा तद्गुणं पिबेत्| ह्रस्वेन पञ्चमूलेन स्थिराभ्यां वा सितायुतम्||२०||
🔊 Audio coming soon
স০-স্তন্যস্যাভাবে সতি ছাগং পযঃ, গব্যং বা ছাগতুল্যগুণং পিবেত্| ছাগসমানগুণং গব্যং কথং স্যাত্ ? তত্রাহ-হ্রস্বেনেত্যাদি| হ্রস্বেন পঞ্চমূলেন সিদ্ধং শালিপর্ণীপৃশ্নিপর্ণীসিদ্ধং বা শর্করাযুতং পিবেত্|
Adhikarana ShaShThyAM rAtrau jAgarAdividhiH (21) · Śloka 21
ষষ্ঠীং নিশাং বিশেষেণ কৃতরক্ষাবলিক্রিযাঃ| জাগৃযুর্বান্ধবাস্তস্য দধতঃ পরমাং মুদম্||২১||
षष्ठीं निशां विशेषेण कृतरक्षाबलिक्रियाः| जागृयुर्बान्धवास्तस्य दधतः परमां मुदम्||२१||
🔊 Audio coming soon
স০-অন্যদাঽ তস্য-শিশোঃ, বান্ধবা বিহিতরক্ষাদযো নিশাং জাগৃযুঃ| ষষ্ঠীং পুনস্তমস্বিনীং বিশেষেণ-যত্নেন, জাগৃযুঃ| কিং কুর্বন্তঃ ? পরং হর্ষং ধারযন্তঃ|
Adhikarana ekAdaSe divase sUtikotthAnam bAlasya nAmakaraNam (22-23) · Śloka 23
দশমে দিবসে পূর্ণে বিধিভিঃ স্বকুলোচিতৈঃ| কারযেত্সূতিকোত্থানং নাম বালস্য চার্চিতম্||২২|| বিভ্রতোঽঙ্গৈর্মনোহ্লালরোচনাগুরুচন্দনম্| নক্ষত্রদেবতাযুক্তং বান্ধবং বা সমাক্ষরম্||২৩||
दशमे दिवसे पूर्णे विधिभिः स्वकुलोचितैः| कारयेत्सूतिकोत्थानं नाम बालस्य चार्चितम्||२२|| बिभ्रतोऽङ्गैर्मनोह्लालरोचनागुरुचन्दनम्| नक्षत्रदेवतायुक्तं बान्धवं वा समाक्षरम्||२३||
🔊 Audio coming soon
স০-দশমে দিনে পূর্ণে সতি সূতিকাযা উত্থানং কারযেত্| কথং কারযেত্ ? স্বকুলযোগ্যৈর্বিধানৈঃ| বালস্য নাম অর্চিতং-প্রশস্তমনুগতং কুলজাত্যাদিভিঃ| কিম্ভূতস্য ? অঙ্গৈঃ-পাণ্যাদিভিঃ, মনোহ্লাদীনি ধারযতঃ| কিম্ভূতং নাম ? নক্ষত্রস্য যাঽসৌ দেবতা তযা যুক্তম্| অথবা বান্ধবং-জ্ঞাতিপূর্বজং, সমবর্ণং-ন তু বিষমাক্ষরম্|
Adhikarana bAlasya AyuHparIkShaNam bAlasya SayyAstaraNavAsAMsi (24-25) · Śloka 25
ততঃ প্রকৃতিভেদোক্তরূপৈরাযুঃপরীক্ষণম্| প্রাগুদক্শিরসঃ কুর্যাত্ বালস্য জ্ঞানবান্ ভিষক্||২৪|| শুচিধৌতোপধানানি নির্বলীনি মৃদূনি চ| শয্যাস্তরণবাসাংসি রক্ষোঘ্নৈর্ধূপিতানি চ||২৫||
ततः प्रकृतिभेदोक्तरूपैरायुःपरीक्षणम्| प्रागुदक्शिरसः कुर्यात् बालस्य ज्ञानवान् भिषक्||२४|| शुचिधौतोपधानानि निर्वलीनि मृदूनि च| शय्यास्तरणवासांसि रक्षोघ्नैर्धूपितानि च||२५||
🔊 Audio coming soon
স০-ততো-নামকরণাদনন্তরং, প্রকৃতিভেদে-বিকৃতিবিজ্ঞানীযে (শা.অ. ৫) , উক্তানি যানি রূপাণি তৈরাযুষঃ পরীক্ষণং বালস্য জ্ঞানবান্-সুমতিঃ, বৈদ্যঃ কুর্যাত্| কিম্ভূতস্য ? প্রাক্শিরস উত্তরশিরসো বা| তথা শুচ্যাদিগুণযুক্তানি উপধানানি শয্যাযামাস্তরণার্থং বাসাংসি কুর্যাত্| তথা রক্ষোঘ্নৈর্দ্রব্যৈর্ধূপিতানি|
Adhikarana bAlasya vastrAdidhUpane kAkaH SastaH (26) · Śloka 26
কাকো বিশস্তঃ শস্তশ্চ ধূপনে ত্রিবৃতান্বিতঃ| |২৬|
काको विशस्तः शस्तश्च धूपने त्रिवृतान्वितः| |२६|
🔊 Audio coming soon
স০-কাকশ্চ বস্ত্রাদিধূপনে শস্তঃ| কিম্ভূতঃ ? বিশস্তঃ ব্যাপাদিতো, ন তু স্বযং মৃতঃ| তথা ত্রিবৃতাযুক্তঃ|
Adhikarana bAlasya maNyauShadhyAdidhAraNam (26-28) · Śloka 28
| জীবত্খঙ্গাদিশৃঙ্গোত্থান্ সদা বালঃ শুভান্ মণীন্||২৬|| ধারযেদৌষধীঃ শ্রেষ্ঠা ব্রাহ্মযৈন্দ্রীজীবকাদিকাঃ| হস্তাভ্যাং গ্রীবযা মূর্ধ্না বিশেষাত্সততং বচাম্||২৭|| আযুর্মেধাস্মৃতিস্বাস্থ্যকরীং রক্ষোভিরক্ষিণীম্| |২৮|
| जीवत्खङ्गादिशृङ्गोत्थान् सदा बालः शुभान् मणीन्||२६|| धारयेदौषधीः श्रेष्ठा ब्राह्मयैन्द्रीजीवकादिकाः| हस्ताभ्यां ग्रीवया मूर्ध्ना विशेषात्सततं वचाम्||२७|| आयुर्मेधास्मृतिस्वास्थ्यकरीं रक्षोभिरक्षिणीम्| |२८|
🔊 Audio coming soon
স০-বালঃ সর্বদা শুভহেতূন্ মণীন্ বিভৃযাত্| কিম্ভূতান্ ? জীবন্তশ্চ তে খঙ্গাদযশ্চ, তেষাং শৃঙ্গাণি, তেভ্য উত্থানং যেষাং তান্, জীবতামেব যে গৃহীতা ইত্যর্থঃ| শৃঙ্গগ্রহণমুপলক্ষণার্থম্, অত এব সর্পাদিজানপি মণীন্ ধারযেত্| তথা, ওষধীর্ব্রাহ্ম্যাদীঃ শ্রেষ্ঠাঃ-শুভাঃ, ধারযেত্| কৈঃ ? পাণ্যাদিভিঃ| বিশেষেণ সর্বদা বচাং ধারযেত্| কিম্ভূতাং বচাম্ ? আযুরাদিকরণহেতুং তথা রক্ষোনিবারিণীম্|
Adhikarana bAlasya karNavedhanamAsAH (28-29) · Śloka 29
| ষট্সপ্তাষ্টমমাসেষু নীরুজস্য শুভেঽহনি||২৮|| কর্ণৌ হিমাগমে বিধ্যেদ্ধাত্র্যঙ্কস্থস্য সান্ত্বযন্| |২৯|
| षट्सप्ताष्टममासेषु नीरुजस्य शुभेऽहनि||२८|| कर्णौ हिमागमे विध्येद्धात्र्यङ्कस्थस्य सान्त्वयन्| |२९|
🔊 Audio coming soon
স০-অনন্তরং ষষ্ঠে মাসি সপ্তমেঽষ্টমে বা বালস্য নীরুজস্য হিমাগমে শুভে দিবসে কর্ণৌ বিধ্যেত্, ধাত্র্যুত্সঙ্গস্থিতস্য| ধাত্রী-মাতা স্তনদাযিনী চ| কথং বিধ্যেত্ ? সান্ত্বযন্ প্রীতি বচনাদিনা|
Adhikarana bAlasya karNavedhanavidhiH (29-32) · Śloka 32
কুত ইত্যাহ | প্রাগ্দক্ষিণং কুমারস্য ভিষগ্বামং তু যোষিতঃ||২৯|| দক্ষিণেন দধত্সূচীং পালিমন্যেন পাণিনা| মধ্যতঃ কর্ণপীঠস্য কিঞ্চিদ্গণ্ডাশ্রযং প্রতি||৩০|| জরাযুমাত্রপ্রচ্ছন্নে রবিরশ্ম্যবভাসিতে| ধৃতস্য নিশ্চলং সম্যগলক্তকরসাঙ্কিতে||৩১|| বিধ্যেদ্দৈবকৃতে ছিদ্রে সকৃদেবর্জু লাঘবাত্| নোর্ধ্বং ন পার্শ্বতো নাধঃ|৩২|
कुत इत्याह | प्राग्दक्षिणं कुमारस्य भिषग्वामं तु योषितः||२९|| दक्षिणेन दधत्सूचीं पालिमन्येन पाणिना| मध्यतः कर्णपीठस्य किञ्चिद्गण्डाश्रयं प्रति||३०|| जरायुमात्रप्रच्छन्ने रविरश्म्यवभासिते| धृतस्य निश्चलं सम्यगलक्तकरसाङ्किते||३१|| विध्येद्दैवकृते छिद्रे सकृदेवर्जु लाघवात्| नोर्ध्वं न पार्श्वतो नाधः|३२|
🔊 Audio coming soon
স০-কুমারস্য প্রাক্-পূর্বং, দক্ষিণং কর্ণং যোষিতস্তু বামং বৈদ্যো বিধ্যেত্| কিং কুর্বন্ ? দক্ষিণেন হস্তেন সূচীং দধত্, বামেন পাণিনা পালিং দধত্| ক্ব বিধ্যেত্ ? কর্ণপীঠস্য মধ্য ভাগে কিঞ্চিত্-মনাক্, গণ্ডস্থানাভিমুখম্| কীদৃশস্য বালস্য ? সম্যঙ্ নিশ্চলং ধৃতস্য| ক্ব বিধ্যেত্ ? দৈবকৃতে ছিদ্রে| কিম্ভূতে ? জরাযুমাত্রেণ প্রচ্ছন্নে-স্থগিতে| তথা রবিরশ্মিভিরবভাসিতে-উদ্যোতিতে| তথাঽলক্তকরসেনাঙ্কিতে-চিন্হিতে| কথং বিধ্যেত্ ? লাঘবাত্ সকৃত্-একবারমেব, তথা ঋজু-সরলং কৃত্বা নোপরিষ্টান্নাধস্তান্ন পার্শ্বতো বিধ্যেত্|
Adhikarana bAlasya karNasirAvyadhAdrAgAdayaH (32-33) · Śloka 33
| শিরাস্তত্র হি সংশ্রিতাঃ||৩২|| কালিকামর্মরীরক্তাঃ তদ্ব্যধাদ্রাগরুগ্জ্বরাঃ| সশোফদাহসংরম্ভমন্যাস্তম্ভাপতানকাঃ||৩৩||
| शिरास्तत्र हि संश्रिताः||३२|| कालिकामर्मरीरक्ताः तद्व्यधाद्रागरुग्ज्वराः| सशोफदाहसंरम्भमन्यास्तम्भापतानकाः||३३||
🔊 Audio coming soon
স০-হি-যস্মাত্, তত্র শিরা আশ্রিতাঃ| ত এবাহ কালিকেত্যাদি সং-তাসাং চ ব্যধাত্ রাগাদযঃ স্যুঃ|
Adhikarana bAlasya rAgAdInAM cikitsitam (34) · Śloka 34
তেষাং যথামযং কুর্যাদ্বিভজ্যাশু চিকিত্সিতম্| |৩৪|
तेषां यथामयं कुर्याद्विभज्याशु चिकित्सितम्| |३४|
🔊 Audio coming soon
স০-তেষাং চ রাগাদীনাং যথাস্বং নিরূপ্য চিকিত্সিতং কুর্যাত্|
Adhikarana bAlasya uktasthAnavyadhe phalam (34) · Śloka 34
| স্থানে ব্যধান্ন রুধিরং ন রুগ্রাগাদিসম্ভবঃ||৩৪||
| स्थाने व्यधान्न रुधिरं न रुग्रागादिसम्भवः||३४||
🔊 Audio coming soon
স০-স্থানে ব্যধাত্ রুধিরং ন ভ(স্র)বতি, ন চ রুগাদীনাং সম্ভবঃ|
Adhikarana bAlasya karNacCidre sUtrasthApanAdi (35-36) · Śloka 36
স্নেহাক্তং সূচ্যনুস্যূতং সূত্রং চানু নিধাপযেত্| আমতৈলেন সিঞ্চেচ্চ বহলাং তদ্বদারযা||৩৫|| বিধ্যেত্পালীং হিতভুজঃ সঞ্চার্যাঽথ স্থবীযসী| বর্তিস্ত্র্যহাত্ততো রূঢং বর্ধযেত শনৈঃ শনৈঃ||৩৬||
स्नेहाक्तं सूच्यनुस्यूतं सूत्रं चानु निधापयेत्| आमतैलेन सिञ्चेच्च बहलां तद्वदारया||३५|| विध्येत्पालीं हितभुजः सञ्चार्याऽथ स्थवीयसी| वर्तिस्त्र्यहात्ततो रूढं वर्धयेत शनैः शनैः||३६||
🔊 Audio coming soon
সং-অনু-কর্ণব্যধস্য পশ্চাত্, সূত্রং স্নেহলিপ্তং সূচ্যাঽনুস্যূতং কর্ণে নিধাপযেত্| আমতৈলেন চ সেচযেত্| বহলাং-ঘনাং, পালীং তদ্বত্-পূর্ববত্, আরযা বিধ্যেত্ হিতাশিনঃ সতঃ| অনন্তরং ত্র্যহাদূর্ধ্বং স্থূলতরা বর্তিঃ সঞ্চার্যা| ততো রূঢং কর্ণং শনৈঃ শনৈর্বর্ধযেত্|
Adhikarana bAlasya jAtadantasya stanAdapasAraNam bAlasya annam (37) · Śloka 37
অথৈনং জাতদশনং ক্রমেণাপনযেত্স্তনাত্| পূর্বোক্তং যোজযেত্ক্ষীরমন্নং চ লঘু বৃংহণম্||৩৭||
अथैनं जातदशनं क्रमेणापनयेत्स्तनात्| पूर्वोक्तं योजयेत्क्षीरमन्नं च लग़ु बृंहणम्||३७||
🔊 Audio coming soon
সং-অনন্তরমেনং-শিশুং, জাতদন্তং সন্তং স্তনাত্ ক্রমেণাপসারযেত্-ন সহসা| পূর্বোক্তং-ছাগাদিকং, ক্ষীরমন্নং চ লঘু বৃংহণং যোজযেত্|
Adhikarana bAlasya apastanasya prINano modakaH (38-39) · Śloka 39
প্রিযালমজ্জমধুকমধুলাজসিতোপলৈঃ| অপস্তনস্য সংযোজ্যঃ প্রীণনো মোদকঃ শিশোঃ||৩৮|| দীপনো বালবিল্বৈলাশর্করালাজসক্তুভিঃ| সঙ্গ্রাহী ধাতুকীপুষ্পশর্করালাজতর্পণৈঃ||৩৯||
प्रियालमज्जमधुकमधुलाजसितोपलैः| अपस्तनस्य संयोज्यः प्रीणनो मोदकः शिशोः||३८|| दीपनो बालबिल्वैलाशर्करालाजसक्तुभिः| सङ्ग्राही धातुकीपुष्पशर्करालाजतर्पणैः||३९||
🔊 Audio coming soon
স০-প্রিযালাদিভির্মোদকোঽপস্তনস্য শিশোঃ প্রীণনো যোজ্যঃ| বালবিল্বাদিভির্দীপনো মোদকো যোজ্যঃ| ধাতুক্যাদিভিঃ সঙ্গ্রাহী যোজ্যঃ|
Adhikarana bAlasya rogajayArthaM saumyauShadhopacAra (40) · Śloka 40
রোগাংশ্চাস্য জযেত্সোম্যৈর্ভেষজৈরবিষাদকৈঃ| অন্যত্রাত্যযিকাদ্ব্যাঘের্বিরেকং সুতরাং ত্যজেত্||৪০||
रोगांश्चास्य जयेत्सोम्यैर्भेषजैरविषादकैः| अन्यत्रात्ययिकाद्व्याघेर्विरेकं सुतरां त्यजेत्||४०||
🔊 Audio coming soon
স০-যথাবস্থমস্য-শিশোঃ, সোম্যৈরৌষধৈরবিষাদকৈঃ-অক্ষোভকৈঃ, আমযান্ জযেত্| বিরেকমতিশযেন বর্জযেদাত্যযিকং ব্যাধিমন্তরেণ|
Adhikarana bAlaM na trAsayet (41) · Śloka 41
ত্রাসযেন্নাবিধেযং তং ত্রস্তং গৃহ্ণন্তি হি গ্রহাঃ| |৪১|
त्रासयेन्नाविधेयं तं त्रस्तं गृह्णन्ति हि ग्रहाः| |४१|
🔊 Audio coming soon
স০-ন চ তং-বালং, অবিধেযং-অনাযত্তং কৃত্বা, ত্রাসযেত্- ন ভাযযেত্| যতস্ত্রস্তং বালং গ্রহা গৃহ্ণন্তি|
Adhikarana bAlaM vastravAtAdibhyo rakShet (41) · Śloka 41
| বস্ত্রবাতাত্ পরস্পর্শাত্ পালযেল্লঙ্ঘনাচ্চ তম্||৪১||
| वस्त्रवातात् परस्पर्शात् पालयेल्लङ्घनाच्च तम्||४१||
🔊 Audio coming soon
স০-বস্ত্রবাতাদিভ্যশ্চ তং রক্ষযেত্|
Adhikarana brAhyAdi ghRutam (42-43) · Śloka 43
ব্রাহ্মীসিদ্ধার্থকবচাসারিবাকুষ্ঠসৈন্ধবৈঃ| সকণৈঃ সাধিতং পীতং বাঙ্মেধাস্মৃতিকৃদ্ ঘৃতম্||৪২|| আযুষ্যং পাপ্মরক্ষোঘ্নং ভূতোন্মাদনিবর্হণম্| |৪৩|
ब्राह्मीसिद्धार्थकवचासारिवाकुष्ठसैन्धवैः| सकणैः साधितं पीतं वाङ्मेधास्मृतिकृद् घृतम्||४२|| आयुष्यं पाप्मरक्षोघ्नं भूतोन्मादनिबर्हणम्| |४३|
🔊 Audio coming soon
স০-ব্রাহ্ম্যাদিভিঃ কল্কীকৃতৈঃ সাধিতং সর্পির্বাঙ্মেধাদিকৃত্| আযুষ্যং পাপ্মাদিহরং ভূতোন্মাদনিবর্হণং চ|
Adhikarana aShTA~ggaM ghRutam (43-45) · Śloka 45
| বচেন্দুলেখামণ্ডূকীশঙ্খপুষ্পীশতাবরীঃ||৪৩|| ব্রহ্মসোমামৃতাব্রাহ্মীঃ কল্কীকৃত্য পলাংশিকাঃ| অষ্টাঙ্গং বিপচেত্সর্পিঃ প্রস্থং ক্ষীরচতুর্গুণম্||৪৪|| তত্পীতং ধন্যমাযুষ্যং বাঙ্মেধাস্মৃতিবুদ্ধিকৃত্| |৪৫|
| वचेन्दुलेखामण्डूकीशङ्खपुष्पीशतावरीः||४३|| ब्रह्मसोमामृताब्राह्मीः कल्कीकृत्य पलांशिकाः| अष्टाङ्गं विपचेत्सर्पिः प्रस्थं क्षीरचतुर्गुणम्||४४|| तत्पीतं धन्यमायुष्यं वाङ्मेधास्मृतिबुद्धिकृत्| |४५|
🔊 Audio coming soon
স০-বচাদিভিঃ পালিকৈশ্চতুর্গুণক্ষীরাত্ ঘৃতপ্রস্থমষ্টাঙ্গং পচেত্| অষ্টাবঙ্গানি-বচাদীনি যস্মিংস্তদষ্টাঙ্গম্| এতত্পীতং ধন্যাদিগুণম্|
Adhikarana sArasvataM ghRutam (45-46) · Śloka 46
| অজাক্ষীরাভযাব্যোষপাঠোগ্রাশিগ্রুসৈন্ধবৈঃ||৪৫|| সিদ্ধং সারস্বতং সর্পির্বাঙ্মোধাস্মৃতিবহ্নিকৃত্| |৪৬|
| अजाक्षीराभयाव्योषपाठोग्राशिग्रुसैन्धवैः||४५|| सिद्धं सारस्वतं सर्पिर्वाङ्मोधास्मृतिवह्निकृत्| |४६|
🔊 Audio coming soon
স০-অজাক্ষীরাদিভিঃ সিদ্ধং সারস্বতং ঘৃতং বাঙ্মেধাদিকরম্|
Adhikarana vacAdighRutam (46-47) · Śloka 47
| বচামৃতাশঠীপথ্যাশঙ্খিনীবেল্লনাগরৈঃ||৪৬|| অপামার্গেণ চ ঘ্রুতং সাধিতং পূর্ববদ্গুণৈঃ| |৪৭|
| वचामृताशठीपथ्याशङ्खिनीवेल्लनागरैः||४६|| अपामार्गेण च घ्रुतं साधितं पूर्ववद्गुणैः| |४७|
🔊 Audio coming soon
স০-বচাদিভিঃ সাধিতং ঘৃতং পূর্বেণ সমানম্|
Adhikarana hemAdayaScatvAraH prASAH (47-49) · Śloka 49
| হেম শ্বেতবচা কুষ্ঠমর্কপুষ্পী সকাঞ্চনা||৪৭|| হেম মত্স্যাক্ষকঃ শঙ্খঃ কৈডর্যঃ কনকং বচা| চত্বার এতে পাদোক্তাঃ প্রাশা মধুঘৃতপ্লুতাঃ||৪৮|| বর্ষং লীঢা বপুর্মেধাবলবর্ণকরাঃ শুভাঃ| |৪৯|
| हेम श्वेतवचा कुष्ठमर्कपुष्पी सकाञ्चना||४७|| हेम मत्स्याक्षकः शङ्खः कैडर्यः कनकं वचा| चत्वार एते पादोक्ताः प्राशा मधुघृतप्लुताः||४८|| वर्षं लीढा वपुर्मेधाबलवर्णकराः शुभाः| |४९|
🔊 Audio coming soon
স০-হেমাদিশ্লোকোক্তাঃ পাদিকাশ্চত্বারো যোগা মধুঘৃতাভ্যাং সদ্রবা বর্ষং লীঢা বপুরাদিকৃতঃ শুভাশ্চ|
Adhikarana vacAdicUrNaM vAkSuddhikaram (1) · Śloka 1
| বচাযষ্ট্যাহ্বসিন্ধূত্থপথ্যানাগরদীপ্যকৈঃ||৪৯|| শুধ্দ্যতে বাগ্ঘবির্লীঢৈঃ সকুষ্ঠকণজীরকৈঃ| ৪৯ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং ষষ্ঠে উত্তরস্থানে বালো- পচরণীযো নাম প্রথমোঽধ্যাযঃ||১||
| वचायष्ट्याह्वसिन्धूत्थपथ्यानागरदीप्यकैः||४९|| शुध्द्यते वाग्घविर्लीढैः सकुष्ठकणजीरकैः| ४९ १/२| इति श्रीवैद्यपतिसिंहगुप्तसूनुश्रीमद्वाग्भटविरचिता- यामष्टाङ्गहृदयसंहितायां षष्ठे उत्तरस्थाने बालो- पचरणीयो नाम प्रथमोऽध्यायः||१||
🔊 Audio coming soon
স০-বচাদিভিঃ সর্পির্লীঢৈর্বাক্ শস্যতে| শুধ্যত ইতি চিন্ত্যম্, "কর্মবত্কর্মকর্তা" ইত্যস্য ত্ববিষযঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং |সর্বাঙ্গসুন্দরাখ্যাযাং ষষ্ঠে উত্তরস্থানে বালোপ- চরণীযো নাম প্রথমোঽধ্যাযঃ সমাপ্তঃ||১||