5. bhūtapratiṣēdhādhyāyaḥ

Adhikarana bhUtapratiShedhAdhyAyaH||5| (2-3) · Śloka 3

అథాతో భూతప్రతిషేధం వ్యాఖ్యాస్యామః| ఇతి హ స్మాహురాత్రయాదయో మహర్షయః| (గద్యసూత్రే||2|| )||3||

భూతగ్రహవిజ్ఞానాదనంతరం భూతస్య ప్రతిషేధం-చికిత్సితం, ఉచ్యతే| నను, నిదానచికిత్సితపదాభ్యాం ప్రసిద్ధతరాభ్యాం పూర్వవత్కిమితీదం తంత్రకృతా నోపనిబద్ధం ? ఇతి కేచిచ్చోద్యమచూచుదన్| తాన్ సంచక్ష్మహే| శాస్త్రకారస్యాస్యేదృశీ ప్రతిజ్ఞా,-సూత్రశారీరనిదాన చికిత్సితకల్పోత్తరాఖ్యైః షడ్భిః స్థానైస్తంత్రమిదమభిధేయమితి| తదేవం యద్యుత్తరే స్థానేఽపి కించిన్నిదానచికిత్సితపదాభ్యామభిధీయతే, తతః షట్స్థానకమిదం తంత్రమితి ప్రతిజ్ఞాం వ్యాహన్యాత్| తస్మాదయం విరచనాప్రకారవిశేషః కృతః|

Adhikarana ahiMsecchaM bhUtaM japAdibhirjayet (1) · Śloka 1

భూతం జయేదహింసేచ్ఛం జపహోమబలివ్రతైః| తపఃశీలసమాధానదానజ్ఞానదయాదిభిః||1||

స0-అహింసాకామం భూతం జపాదిభిర్జయేత్|

Adhikarana sarvagrahanASakaM hiMgvAdi ghRutaM tailaM vA (2-8) · Śloka 8

హింగువ్యోషాలనేపాలీలశునార్కజటాజటాః| అజలోమీ సగోలోమీ భూతకేశీ వచా లతా||2|| కుక్కుటీ సర్పగంధాఖ్యా తిలాః కాణవికాణికే| వజ్రప్రోక్తా వయఃస్థా చ శృంగీ మోహనవల్ల్యపి||3|| స్రోతోజాంజనరక్షోఘ్నం రక్షోఘ్నం చాన్యదౌషధం| ఖరాశ్వశ్వావిదుష్ట్రర్క్షగోధానకులశల్యకాత్||4|| ద్వీపిమార్జారగోసింహవ్యాఘ్రసాముద్రసత్త్వతః| చర్మపిత్తద్విజనఖా వర్గేఽస్మిన్ సాధయేద్ఘృతం||5|| పురాణమథవా తైలం నవం తత్పాననస్యయోః| అభ్యంగే చ ప్రయోక్తవ్యమేషాం చూర్ణం చ ధూపనే||6|| ఏభిశ్చ గుటికాం యుంజ్యాదంజనే సావపీడనే| ప్రలేపే కల్కమేతేషాం క్వాథం చ పరిషేచనే||7|| ప్రయోగోఽయం గ్రహోన్మాదాన్ సాపస్మారాఞ్శమం నయేత్| |8|

స0-హింగ్వాదయ ఔషధం| ఆలం-హరితాలం| నేపాలీ- కస్తూరికా| జటా-జటామాంసీ| అజలోమీ-శ్వేతదూర్వా| గోలోమీ-దూర్వా| లతా-ప్రియంగుః| కుక్కుటీ-శితివారకః| సర్పగంధాఖ్యా-నాకులీ| కాణవిషా(కా)ణికే-కాకోలీక్షీరకాకోల్యౌ| శృంగీ-అతివిషా| మోహనవల్లీ-వందాకః| అన్యదపి రక్షోఘ్నం గుగ్గుల్వాదికమౌషధం| తథా గర్దభతురంగాదిభ్యశ్చర్మాదయః| సాముద్రసత్త్వతో-జలధిజంతోః| తదేతస్మిన్ హింగ్వాదివర్గే, ఘృతం పురాణమథవా నవం తైలం పచేత్-సాధయేత్| తచ్చ-ఘృతం తైలం వా, సిద్ధం పానే నస్యేఽభ్యంగే చ ప్రయోజ్యం| ఏషాం ద్రవ్యాణాం చ చూర్ణం ధూపనే ప్రయోజ్యం| ఏభిశ్చూర్ణైర్గుటికామంజనేఽవపీడనే చ యుంజ్యాత్| ఏతేషాం చ ద్రవ్యాణాం కల్కం ప్రలేపే క్వాథం పరిషేచనే చ యుంజ్యాత్| అయం ప్రయోగో గ్రహాదీన్ శమయేత్|

Adhikarana sarvagrahanAshakaM gajAhvAdikalkaH (8-9) · Śloka 9

| గజాహ్వాపిప్పలీమూలవ్యోషామలకసర్షపాన్||8|| గోధానకులమార్జారఝషపిత్తప్రపేషితాన్| నావనాభ్యంగసేకేషు విదధీత గ్రహాపహాన్||9||

స0-హస్తిపిప్పల్యాదీని(న్) గోధాదిపిత్తపిష్టాని(న్) నస్యాభ్యంగసేకేషు గ్రహాపహాన్ కుర్యాత్| మూలం-పుష్కరమూలం| ఝషో జలచరభేదః|

Adhikarana sarvagrahanASakaM siddhArthakaM ghRutam (10-13) · Śloka 13

సిద్ధార్థకవచాహింగుప్రియంగురజనీద్వయం| మంజిష్ఠా శ్వేతకటభీ వరా శ్వేతాఽద్రికర్ణికా||10|| నింబస్య పత్రం బీజం తు నక్తమాలశిరీషయోః| సురాహ్వం త్ర్యూషణం సర్పిర్గోమూత్రే తైశ్చతుర్గుణే||11|| సిద్ధం సిద్ధార్థకం నామ పానే నస్యే చ యోజితం| గ్రహాన్ సర్వాన్నిహంత్యాశు విశేషాదాసురాన్ గ్రహాన్||12|| కృత్యాలక్ష్మీవిషోన్మాదజ్వరాపస్మారపాప్మ చ| |13|

స0-సర్షపాది గోమూత్రే చతుర్గుణే సర్పిః సిద్ధం సిద్ధార్థకసంజ్ఞం పానే నస్యే చ యోజితం సర్వాన్ గ్రహాన్ ద్రాక్ నాశయతి| విశేషేణాసురగ్రహాన్ కృత్యాదీంశ్చ| శ్వేతకటభీ-శ్వేతగుంజా| శ్వేతాఽద్రికర్ణికా-శుక్లా గిరికర్ణికా|

Adhikarana sarvagrahanASakaM agadaH (13-14) · Śloka 14

| ఏభిరేవౌషధైర్బస్తవారిణా కల్పితోఽగదః||13|| పాననస్యాంజనాలేపస్నానోద్ధర్షణయోజితః| గుణైః పూర్వవదుద్దిష్టో రాజద్వారే చ సిద్ధికృత్||14||

స0-ఏభిరేవ ద్రవ్యైశ్ఛాగమూత్రేణ కల్పితోఽగదః పానాదిషు యోజితో గుణైః పూర్వేణ తుల్య ఉక్తో రాజద్వారే చ సిద్ధికరః స్యాత్|

Adhikarana sarvagrahanASakaM siddhArthakAdiguDAH (15-17) · Śloka 17

సిద్ధార్థకవ్యోషవచాశ్వగంధా- నిశాద్వయం హింగుపలాండుకందః| బీజం కరంజాత్, కుసుమం శిరీషాత్ ఫలం చ వల్కం చ కపిత్థవృక్షాత్||15|| సమాణిమంథం సనతం సకుష్ఠం స్యోనాకమూలం కిణిహీ సితా చ| బస్తస్య మూత్రేణ సుభావితం తత్ పిత్తేన గవ్యేన గుడాన్ విదధ్యాత్||16|| దుష్టవ్రణోన్మాదతమోనిశాంధా- నుద్బంధకాన్ వారినిమగ్నదేహాన్| దిగ్ధాహతాన్ దర్పితసర్పదష్టాం- స్తే సాధయంత్యంజననస్యలేపైః||17||

స0-సిద్ధార్థకాది బస్తమూత్రేణ సుభావితం గవ్యేన పిత్తేన గుడాన్-గుడకాన్, కుర్యాత్| తే చ-గుడకాః, అంజననస్యలేపైర్దుష్టవ్రణాదీన్ సాధయంతి| ఉపజాతివృత్తే ఇంద్రవజ్రా చ|

Adhikarana skandAdigrahanAshakaM kArpAsAsthyAdidhUpanam (18) · Śloka 18

కార్పాసాస్థిమయూరపత్రబృహతీనిర్మాల్యపిండీతక- త్వఙ్మాంసీవృషదంశవిట్తుషవచాకేశాహినిర్మోకకైః| నాగేంద్రద్విజశృంగహింగుమరిచైస్తుల్యైః కృతం ధూపనం స్కందోన్మాదపిశాచరాక్షససురావేశజ్వరఘ్నం పరం||18||

స0-కార్పాసాస్థ్యాదిభిః కృతం ధూపనం స్కందాదిఘ్నం పరం స్యాత్| నిర్మాల్యం-మహాదేవసంబంధి| వృషదంశవిట్-మార్జారవిష్ఠా| శార్దూలవిక్రీడితం వృత్తం|

Adhikarana sarvagrahaghnaM bhUtarAvaM ghRutaM (19) · Śloka 19

త్రికటుకదలకుంకుమగ్రంథికక్షారసింహీ- నిశాదారుసిద్ధార్థయుగ్మాంబుశక్రాహ్వయైః సితలశునఫలత్రయోశీరతిక్తావచా- తుత్థయష్టీబలాలోహితైలాశిలాపద్మకైః| దధితగరమధూకసారప్రియాహ్వావిషాఖ్యా- విషాతార్క్ష్యశైలైః సచవ్యామయైః కల్కితైర్ఘృతమనవమశేషమూత్రాంశసిద్ధం మతం భూతరావాహ్వయం పానతస్తద్ గ్రహఘ్నం పరం||19||

స0-త్రికటుకాదిభిః కల్కితైః పురాణం సర్పిరశేషమూత్రాణాం- గోమూత్రాదీనాం, అంశైః భాగైః, సిద్ధం భూతరావసంజ్ఞం మతం| తత్ పానే(నతః) పరం గ్రహఘ్నం స్యాత్| దలం-తమాలపత్రం| సిద్ధార్థయుగ్మం-పీతకృష్ణభేదేన| తుత్థం-కర్పారికాతుత్థం| శక్రాహ్వయాః-ఇంద్రయవాః| సితలశునం-శుక్లరసోనం| ప్రియాహ్వా-కంగుణికా| విషాఖ్యా-అతివిషా| విషా-కాకోలీ| "ప్రథమక ఇహ దండకశ్చండవృష్టిప్రయాతో నద్వయానాప్యనాప్యరైః సప్తభిః| ప్రతిపదమిహ వృద్ధిరేఫవృద్ధ్యా స్యురర్ణార్ణవవ్యాలబీమూతలీలాకరోద్దామశంఖాదయః||

Adhikarana sarvagrahaghnaM mahAbhUtarAvaM ghRutam (20) · Śloka 20

నతమధుకరంజలాక్షాపటోలీసమంగావచా- పాటలీహింగుసిద్ధార్థసింహీనిశాయుగ్లతారోహిణీ- బదరకటుఫలత్రికాకాండదారుకృమిఘ్నాజగంధా- మరాంకోల్లకోశాతకీశిగ్రునింబాంబుదేంద్రాహ్వయైః| గదశుకతరుపుష్పబీజోగ్రయష్ట్యద్రికర్ణీనికుంభా- గ్నిబిల్వైః సమైఃకల్కితైర్మూత్రవర్గేణ సిద్ధం ఘృతం విధివినిహితమాశు సర్వైః క్రమైర్యోజితం హంతి సర్వగ్రహోన్మాదకుష్ఠజ్వరాంస్తన్మహాభూతరావం స్మృతం||20||

స0-నతాదిభిర్మూత్రవర్గేణ-గోమూత్రాదిమూత్రకదంబకేన, సర్పిః పక్వం విధివినిహితం సర్వైః క్రమైః-అభ్యంగపాననస్యాదిభిః, యోజితం శీఘ్రం సర్వాన్ గ్రహాదీన్ హంతి| ఏతచ్చ మహాభూతరావసంజ్ఞం ఘృతం| దండకో వ్యాలాఖ్యః|

Adhikarana grahagrahaNadine balyAdi (21) · Śloka 21

గ్రహా గృహ్ణంతి యే యేషు తేషాం తేషు విశేషతః| దినేషు బలిహోమాదీన్ ప్రయుంజీత చికిత్సకః||21||

స0-యేషు దినేషు గ్రహా గృహ్ణంతి తేషు దినేషు తేషాం గ్రహాణాం విశేషేణ బలిహోమాదీన్ భిషక్ ప్రయుంజీత|

Adhikarana sarvagrahANAM sAmAnyo vidhiH (22) · Śloka 22

స్నానవస్త్రవసామాంసమద్యక్షీరగుడాది చ| రోచతే యద్యదా యేభ్యస్తత్తేషామాహరేత్తదా||22||

స0-స్నానవస్త్రాది యద్యేభ్యో గ్రహేభ్యో రోచతే తత్తేభ్యస్తస్మిన్ దినే దద్యాత్|

Adhikarana surAdibhyo balidAnasthAnAni (23) · Śloka 23

రత్నాని గంధమాల్యాని బీజాని మధుసర్పిషీ| భక్ష్యాశ్చ సర్వే సర్వేషాం సామాన్యో విధిరిత్యయం||23||

స0-తథా రత్నాదీని తథా బీజాని-యవాదీని, మధుసర్పిషీ సర్వే చ భక్ష్యాః సర్వేషాం గ్రహాణాం| ఇత్యయం సామాన్యో విధిః|

Adhikarana devAnAmiShTo baliH (24-28) · Śloka 28

సురర్షిగురువృద్ధేభ్యః సిద్ధేభ్యశ్చ సురాలయే| దిశ్యుత్తరస్యాం తత్రాపి దేవాయోపహరేద్బలిం||24|| పశ్చిమాయాం యథాకాలం దైత్యభూతాయ చత్వరే| గంధర్వాయ గవాం మార్గే సవస్త్రాభరణం బలిం||25|| పితృనాగగ్రహే నద్యాం నాగేభ్యః పూర్వదక్షిణే| యక్షాయ యక్షాయతనే సరితోర్వా సమాగమే||26|| చతుష్పథే రాక్షసాయ భీమేషు గహనేషు చ| రక్షసాం దక్షిణస్యాం తు పూర్వస్యాం బ్రహ్మరక్షసాం||27|| శూన్యాలయే పిశాచాయ పశ్చిమాం దిశమాస్థితే| |28|

స0-సురాదిభ్యః పంచభ్యః సురాలయే బలిం దద్యాత్| తత్రాపి దేవాయోత్తరస్యాం బలిముపహరేత్| దైత్యభూతాయ పశ్చిమాయాం దిశిచత్వరే బలిముపహరేత్| గవాం పథి వస్త్రాభరణసహితం బలిం గంధర్వాయోపహరేత్| పితృనాగగ్రహేభ్యో నద్యాం బలిం దద్యాత్| నాగేభ్యః పూర్వదక్షిణదేశే బలిం దద్యాత్| యక్షాయ యక్షప్రాసాదే అథవా సరితోః-నద్యోః, సమాగమే బలిముపహరేత్| రాక్షసశబ్దేనేహ బ్రహ్మరాక్షసో గృహ్యతే| రాక్షసాయ చతుష్పథే భయానకేషు వనేషు చ బలిం దద్యాత్| దక్షిణస్యాం తు దిశి రాక్షసానాం బలిం దద్యాత్| పూర్వస్యాం దిశి బ్రహ్మరక్షసాం| శూన్యాలయే పశ్చిమాం దిశమాస్థితే పిశాచాయ బలిం దద్యాత్|

Adhikarana devagrahamokShaNaM hiMgvAdighRutam (28-30) · Śloka 30

| శుచిశుక్లాని మాల్యాని గంధాః క్షైరేయమోదనం||28|| దధి ఛత్రం చ ధవలం దేవానాం బలిరిష్యతే| హింగుసర్షపషడ్గ్రంథావ్యోషైరర్ధపలోన్మితైః||29|| చతుర్గుణే గవాం మూత్రే ఘృతప్రస్థం విపాచయేత్| తత్పాననావనాభ్యంగైర్దేవగ్రహవిమోక్షణం||30||

స0-శుచిశుక్లమాల్యాదికం చ దేవానాం బలిరిష్యతే| స0-హింగ్వాదిభిరర్ధపలికైః సర్పిఃప్రస్థం చతుర్గుణే గోమూత్రే విపాచయేత్| తత్పానాదిభిర్దేవగ్రహవిమోక్షణం స్యాత్|

Adhikarana devagrahamokShaNaM vacAdinasyA~jjanam (31) · Śloka 31

నస్యాంజనం వచాహింగులశునం బస్తవారిణా| |31|

స0-వచాహింగులశునం ఛాగమూత్రేణ నస్యమంజనం చ దద్యాత్|

Adhikarana daityAnAmiShTo baliH (31) · Śloka 31

| దైత్యే బలిర్బహుఫలః సోశీరకమలోత్పలః||31||

స0-దైత్యగ్రహే బలిర్బహూని ఫలాని యస్మిన్, తథోశీరకమలోత్పలైర్యుక్తో దేయః|

Adhikarana nAgAnAmiShTo baliH nAgAnAmiShTo SvetapatrAdinasyA~jjanam (32-34) · Śloka 34

నాగానాం సుమనోలాజగుడాపూపగుడౌదనైః| పరమాన్నమధుక్షీరకృష్ణమృన్నాగకేసరైః||32|| వచాపద్మపురోశీరరక్తోత్పలదలైర్బలిః| శ్వేతపత్రం చ రోధ్రం చ తగరం నాగసర్షపాః||33|| శీతేన వారిణా పిష్టం నావనాంజనయోర్హితం| |34|

స0-నాగానాం సుమనోలాజాదిభిర్బలిర్దేయః| శ్వేతపత్రాదయః శీతలజలపిష్టా నస్యేఽంజనే చ హితాః| శ్వేతపత్రం శుక్ల పుండరీకం|

Adhikarana yakShANAmiShTo baliH (34-35) · Śloka 35

| యక్షాణాం క్షీరదధ్యాజ్యమిశ్రకౌదనగుగ్గులు||34|| దేవదారూత్పలం పద్మముశీరం వస్త్రకాంచనం| హిరణ్యం చ బలిర్యోజ్యో|35|

స0-యక్షాణాం క్షీరాదిభిర్బలిర్యోజ్యః|

Adhikarana yakShANAM mUtrAdi pAnanasyA~jjanam (35-36) · Śloka 36

| మూత్రాజ్యక్షీరమేకతః||35|| సిద్ధం సమోన్మితం పాననావనాభ్యంజనే హితం| |36|

స0-గోమూత్రక్షీరఘృతం తుల్యప్రమాణమేకస్మిన్ పక్వం నస్యాభ్యంజనయోర్హితం|

Adhikarana yakShANAM harItakyAdi pAnanasyA~jjanam (36-37) · Śloka 37

| హరితకీ హరిద్రే ద్వే లశునో మరిచం వచా||36|| నింబపత్రం చ బస్తాంబుకల్కితం నావనాంజనం| |37|

స0-హరీతక్యాది ఛాగమూత్రేణ పిష్టం నావనాంజనే హితం|

Adhikarana brahmarAkShasAnAmiShTo baliH (37-38) · Śloka 38

| బ్రహ్మరక్షోబలిః సిద్ధం యవానాం పూర్ణమాఢకం||37|| తోయస్య కుంభః పలలం ఛత్రం వస్త్రం విలేపనం| ||38||

స0-పక్వం యవానామాఢకం-పాత్రం, పూర్ణం జలకుంభః పలలం ఛత్రం వస్త్రం ప్రలేపనమితి బ్రహ్మరాక్షసాయ బలిం దద్యాత్| యవానాం పూర్ణం సిద్ధమాఢకం-పక్వపాత్రం, యవైః పూర్ణం పక్వపాత్రమిత్యర్థః| పూరణార్థేఽత్రషష్ఠీ| ఆఢకశబ్దోఽత్ర పాత్రవాచకో న తు మానవాచకః| పక్వపాత్రం-పక్వశరావమితి

Adhikarana rAkShasAnAM naktamAlAdyagadaH (41-43) · Śloka 43

| నక్తమాలశిరీషత్వఙ్మూలపుష్పఫలాని చ||41|| తద్వచ్చ కృష్ణపాటల్యా బిల్వమూలం కటుత్రికం| హింగ్వింద్రయవసిద్ధార్థలశునామలకీఫలం||42|| నావనాంజనయోర్యోజ్యో బస్తమూత్రయుతోఽగదః| |43|

స0-నక్తమాలాదికం బస్తమూత్రేణ యుతమగదో నస్యాభ్యంజనయోర్యోజ్యః|

Adhikarana rAkShasAnAM naktamAlAdighRutam (43-44) · Śloka 44

| ఏభిరేవ ఘృతం సిద్ధం గవాం మూత్రే చతుర్గుణే||43|| రక్షోగ్రహాన్ వారయతే పానాభ్యంజననావనైః| |44|

స0-ఏభిరేవ ద్రవ్యైర్ఘృతం గోమూత్రే చతుర్గుణే సిద్ధం పానాదిభీ రక్షోగ్రహనివారణం స్యాత్|

Adhikarana piSAcAnAmiShTo baliH (44-45) · Śloka 45

| పిశాచానాం బలిః సీధుః పిణ్యాకః పలలం దధి||44|| మూలకం లవణం సర్పిః సభూతౌదనయావకం| |45|

స0-పిశాచానాం సీధ్వాదిభిర్బలిర్దేయః|

Adhikarana pishAcAnAmiShTo haridrAdighRutam (45-47) · Śloka 47

| హరిద్రాద్వయమంజిష్ఠామిశిసైంధవనాగరం||45|| హింగుప్రియంగుత్రికటురసోనత్రిఫలా వచా| పాటలీశ్వేతకటభీశిరీషకుసుమైర్ఘృతం||46|| గోమూత్రపాదికం సిద్ధం పానాభ్యంజనయోర్హితం| |47|

స0-హరిద్రాద్వయాదిభిర్గోమూత్రపాదికం ఘృతం పక్వం పానాభ్యంజనయోర్హితం|

Adhikarana pishAcAnAmiShTo haridrAdi nAvanA~jjanam (47) · Śloka 47

| బస్తాంబుపిష్టైస్తైరేవ యోజ్యమంజననావనం||47||

స0-బస్తాంబుపిష్టైరేతైరేవ ద్రవ్యైర్నస్యమంజనం చ హితముక్తం|

Adhikarana devarShipitRugandharve varjyAvarjyam (48) · Śloka 48

దేవర్షిపితృగంధర్వే తీక్ష్ణం నస్యాది వర్జయేత్| సర్పిష్పానాది మృద్వస్మిన్ భైషజ్యమవచారయేత్||48||

స0-దేవర్షిపితృగంధర్వే తీక్ష్ణం నస్యాది న యోజయేత్| మృదు సర్పిష్పానాదికమౌషధమత్ర యోజ్యం|

Adhikarana pishAcAdRute sarveShvanukUlAcaraNam (49) · Śloka 49

ఋతే పిశాచాత్సర్వేషు ప్రతికూలం చ నాచరేత్| సవైద్యమాతురం ఘ్నంతి క్రుద్ధాస్తే హి మహౌజసః||49||

స0-సర్వేషు చ గ్రహేషు పిశాచమంతరేణ ప్రతికూలం నాచరేత్| తే హి దేవాదయో మహౌజసః ప్రతికూలాచరణాత్ క్రుద్ధాః సంతః వైద్యసహితమాతురం ఘ్నంతి|

Adhikarana sarvagrahanASako ISvarAdi japaH (50-51) · Śloka 51

ఈశ్వరం ద్వాదశభుజం నాథమార్యావలోకితం| సర్వవ్యాధిచికిత్సాం చ జపన్ సర్వగ్రహాన్ జయేత్||50|| తథోన్మాదానపస్మారానన్యం వా చిత్తవిప్లవం| |51|

స0-ఈశ్వరం ద్వాదశభుజం నాథమార్యావలోకితం తథా సర్వవ్యాధిచికిత్సితమిత్యాది జపన్ సర్వాన్ గ్రహానున్మాదాదీంశ్చ పరాకరోతి|

Adhikarana sarvagrahanAshako mAyUrImahAvidyAshravaNam (51) · Śloka 51

| మహావిద్యాం చ మాయూరీం శుచిం తం శ్రావయేత్సదా||51||

స0-మాయురీం మహావిద్యాం తం-గ్రహగృహీతం, శుచిం సంతం సతతం శ్రావయేత్|

Adhikarana sarvagrahanAshako bhUteshAdipUjanaM tanmantrajapashca (52) · Śloka 52

భూతేశం పూజయేత్ స్థాణుం ప్రమథాఖ్యాంశ్చ తద్గణాన్| జపన్ సిద్ధాంశ్చ తన్మంత్రాన్ గ్రహాన్ సర్వానపోహతి||52||

స0-తథా స్థాణుం భూతాధిపం పూజయేత్| తథా తస్య గణాన్ ప్రమథసంజ్ఞాన్ పూజయేత్ గ్రహాన్ పరాకరోతి| | సిద్ధాంశ్చ తన్మంత్రాన్ జపన్ సర్వాన్

Adhikarana sarvagrahanAshako vakShamANAdhyAyayorukta upakramaH (5) · Śloka 5

యచ్చానంతరయోః కించిద్వక్ష్యతేఽధ్యాయయోర్హితం| యచ్చోక్తమిహ తత్సర్వం ప్రయుంజీత పరస్పరం||53|| ఇతి శ్రీవైద్యపతిసింహగుప్తసూనుశ్రీమద్వాగ్భటవిర- చితాయామష్టాంగహృదయసంహితాయాం షష్ఠే ఉత్తర- స్థానే భూతప్రతిషేధో నామ పంచమోఽధ్యాయః||5||

స0-యదప్య్నంతరయోరధ్యాయయోః-ఉన్మాదాపస్మారప్రతిషేధాఖ్యయోః, వక్ష్యతి-భణిష్యతి, తచ్చాత్ర హితం| యచ్చ,[ఇహ-]అస్మిన్నధ్యాయే, దేవగ్రహాదీనాం పృథక్ చికిత్సితం కథితం తదపి పరస్పరం గ్రహాణాం ప్రయుంజీతేతి| ఇతి శ్రీమృగాంకదత్తపుత్రశ్రీమదరుణదత్తవిరచితాయామష్టాంగహృదయ- టీకాయాం సర్వాంగసుందరాఖ్యాయాం షష్ఠే ఉత్తరస్థానే భూత- ప్రతిషేధో నామ పంచమోఽధ్యాయః సమాప్తః|| 5||