Adhikarana bhUtavij~jAnIyAdhyAyaH (2) · Śloka 2
అథాతో భూతవిజ్ఞానీయమధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః| (గద్యసూత్రే|2|
अथातो भूतविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे|२|
🔊 Audio coming soon
అధునా భూతవిజ్ఞానాధ్యాయారంభో గ్రహసామాన్యాత్|
Adhikarana bhUtavij~jAnIyAdhyAyaH (2) · Śloka 2
అథాతో భూతవిజ్ఞానీయమధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః| (గద్యసూత్రే|2|
अथातो भूतविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे|२|
🔊 Audio coming soon
అధునా భూతవిజ్ఞానాధ్యాయారంభో గ్రహసామాన్యాత్|
Adhikarana rUpAdyanukaraNena tattadbhUtAviShTaj~jAnam (2) · Śloka 2
భూతస్య రూపప్రకృతిభాషాగత్యాదిచేష్టితైః| యస్యానుకారం కురుతే తేనావిష్టం తమాదిశేత్||2||
भूतस्य रूपप्रकृतिभाषागत्यादिचेष्टितैः| यस्यानुकारं कुरुते तेनाविष्टं तमादिशेत्||२||
🔊 Audio coming soon
స0-యస్య భూతస్య రూపాదేరనుకారం యాదృశం భజతే తేన తం పురుషమధిష్ఠితం వదేత్|
Adhikarana bhUto~aShTAdaSavidhaH (3) · Śloka 3
సోఽష్టాదశవిధో దేవదానవాదివిభేదతః| |3|
सोऽष्टादशविधो देवदानवादिविभेदतः| |३|
🔊 Audio coming soon
స0-స భూతోఽష్టాదశప్రకారో దేవాదిభేదేన|
Adhikarana bhUtAnuSha~gge hetuH (3-5) · Śloka 5
| హేతుస్తదనుషక్తౌ తు సద్యః పూర్వకృతోఽథవా||3|| ప్రజ్ఞాపరాధః, సుతరాం తేన కామాదిజన్మనా| లుప్తధర్మవ్రతాచారః పూజ్యానప్యతివర్తతే||4|| తం తథా భిన్నమర్యాదం పాపమాత్మోపఘాతినం| దేవాదయోఽప్యనుఘ్నంతి గ్రహాశ్ఛిద్రప్రహారిణః||5||
| हेतुस्तदनुषक्तौ तु सद्यः पूर्वकृतोऽथवा||३|| प्रज्ञापराधः, सुतरां तेन कामादिजन्मना| लुप्तधर्मव्रताचारः पूज्यानप्यतिवर्तते||४|| तं तथा भिन्नमर्यादं पापमात्मोपघातिनम्| देवादयोऽप्यनुघ्नन्ति ग्रहाश्छिद्रप्रहारिणः||५||
🔊 Audio coming soon
స0-తస్య భూతస్యానుషంగే ప్రజ్ఞాపరాధః సద్యః-అధునాతనః, పూర్వజన్మకృతో వా హేతుః| తేన-ప్రజ్ఞాపరాధేన, కామక్రోధాదిజేన సుతరాం నష్టధర్మవ్రతాచారః సన్ పూజ్యానప్యతిక్రామతి| తం పురుషం తథా లుప్తధర్మవ్రతాచారత్వాద్భిన్నమర్యాదం దేవాదయో గ్రహా అప్యత్యంత- మర్యాదాతిక్రమాదను-పశ్చాత్, ఘ్నంతి| న కేవలం హింసాత్మకానామక్షమా ఇతి ద్యోతనార్థోఽపిశబ్దః| కీదృశాస్తే ? ఛిద్రప్రహారిణః| హేతావియం ప్రథమా, ఛిద్రప్రహారిత్వాదిత్యర్థః|
Adhikarana bhUtapraveshakAraNam (6-8) · Śloka 8
ఛిద్రం పాపక్రియారంభః పాకోఽనిష్టస్య కర్మణః| ఏకస్య శూన్యేఽవస్థానం శ్మశానాదిషు వా నిశి||6|| దిగ్వాసస్త్వం గురోర్నిందా రతేరవిధిసేవనం| అశుచేర్దేవతార్చాది పరసూతకసంకరః||7|| హోమమంత్రబలీజ్యానాం విగుణం పరికర్మ చ| సమాసాద్దినచర్యాదిప్రోక్తాచారవ్యతిక్రమః||8||
छिद्रं पापक्रियारम्भः पाकोऽनिष्टस्य कर्मणः| एकस्य शून्येऽवस्थानं श्मशानादिषु वा निशि||६|| दिग्वासस्त्वं गुरोर्निन्दा रतेरविधिसेवनम्| अशुचेर्देवतार्चादि परसूतकसङ्करः||७|| होममन्त्रबलीज्यानां विगुणं परिकर्म च| समासाद्दिनचर्यादिप्रोक्ताचारव्यतिक्रमः||८||
🔊 Audio coming soon
స0-ఛిద్రం పాపక్రియారంభ ఉచ్యతే| స చాశుభస్య కర్మణః పాకః-ఫలం| ఏకస్య-అద్వితీయస్య, శూన్యే స్థానేఽవస్థితిః, అథవా శ్మశానాదిషు నిశ్యవస్థితిః| తథా నగ్రేత్యాది| కిం వా బహునోదితేన ? సంక్షేపేణ దినచర్యాదికథితస్యాచారస్య చ వ్యతిక్రమ ఇతి గ్రహగ్రహణే హేతుః|
Adhikarana surAdibhUtAnAM grahaNakAlAH (9-12) · Śloka 12
గ్రూహ్ణంతి శుక్లప్రతిపత్త్రయోదశ్యోః సురా నరం| శుక్లత్రయోదశీకృష్ణద్వాదశ్యోర్దానవా గ్రహాః||9|| గంధర్వాస్తు చర్తుర్దశ్యాం ద్వాదశ్యాం చోరగాః పునః| పంచమ్యాం, శుక్లసప్తమ్యేకాదశ్యోస్తు ధనేశ్వరాః||10|| శుక్లాష్టపంచమీపౌర్ణమాసీషు బ్రహ్మరాక్షసాః| కృష్ణే రక్షః పిశాచాద్యా నవద్వాదశపర్వసు||11|| దశామావాస్యయోరష్టనవమ్యోః పితరోఽపరే| గురువృద్ధాదయః ప్రాయః కాలం సంధ్యాసు లక్షయేత్||12||
ग्रूह्णन्ति शुक्लप्रतिपत्त्रयोदश्योः सुरा नरम्| शुक्लत्रयोदशीकृष्णद्वादश्योर्दानवा ग्रहाः||९|| गन्धर्वास्तु चर्तुर्दश्यां द्वादश्यां चोरगाः पुनः| पञ्चम्यां, शुक्लसप्तम्येकादश्योस्तु धनेश्वराः||१०|| शुक्लाष्टपञ्चमीपौर्णमासीषु ब्रह्मराक्षसाः| कृष्णे रक्षः पिशाचाद्या नवद्वादशपर्वसु||११|| दशामावास्ययोरष्टनवम्योः पितरोऽपरे| गुरुवृद्धादयः प्रायः कालं सन्ध्यासु लक्षयेत्||१२||
🔊 Audio coming soon
స0-దేవాః శుక్లప్రతిపది శుక్లత్రయోదశ్యాం చ నరం గృహ్ణంతి| శుక్లత్రయోదశ్యాం కృష్ణద్వాదశ్యాం చ దానవా గ్రహా గృహ్ణంతి| గంధర్వాశ్చ- తుర్దశ్యాం ద్వాదశ్యాం చ| సర్పాస్తు పంచమ్యాం| శుక్లపక్షస్య సప్తమ్యామేకాదశ్యాం చ యక్షా గృహ్ణంతి| శుక్లాష్టమ్యాదిషు బ్రహ్మరాక్షసా గృహ్ణంతి| రక్షఃపిశాచాదయః కృష్ణపక్షే నవమీద్వాదశ్యోః పర్వసు చ గృహ్ణంతి| దశమ్యాదిషు పితరో గృహ్ణంతి| అపరే-అనుక్తా గురువృద్ధాదయః, అష్టమీనవమ్యోర్గృహ్ణంతి| పూర్వాక్తేష్వేవ తిథిషు ప్రాయేణ(యః)-బాహుల్యేన, గ్రహణకాలం సంధ్యాసు-పర్వాదిషు, జానీయాత్
Adhikarana 1devagrahagRuhItasya lakShaNam (13-15) · Śloka 15
ఫుల్లపద్మోపమముఖం సౌమ్యదృష్టిమకోపనం| అల్పవాక్స్వేదవిణ్మూత్రం భోజనానభిలాషిణం||13|| దేవద్విజాతిపరమం శుచిం సంస్కృతవాదినం| మీలయంతం చిరాన్నేత్రే సురభిం వరదాయినం||14|| శుక్లమాల్యాంబరసరిచ్ఛైలోచ్చభవనప్రియం| అనిద్రమప్రధృష్యం చ విద్యాద్దేవవశీకృతం||15||
फुल्लपद्मोपममुखं सौम्यदृष्टिमकोपनम्| अल्पवाक्स्वेदविण्मूत्रं भोजनानभिलाषिणम्||१३|| देवद्विजातिपरमं शुचिं संस्कृतवादिनम्| मीलयन्तं चिरान्नेत्रे सुरभिं वरदायिनम्||१४|| शुक्लमाल्याम्बरसरिच्छैलोच्चभवनप्रियम्| अनिद्रमप्रधृष्यं च विद्याद्देववशीकृतम्||१५||
🔊 Audio coming soon
స0-ఫుల్లపద్మోపమముఖమిత్యాది దేవగ్రహగృహీతం విద్యాత్|
Adhikarana 2daityagrahagRuhItasya lakShaNam (16-17) · Śloka 17
జిహ్మదృష్టిం దురాత్మానం గురుదేవద్విజద్విషం| నిర్భయం మానినం శూరం క్రోధనం వ్యవసాయినం||16|| రుద్రః స్కందో విశాఖోఽహమింద్రోఽహమితి వాదినం| సురామాంసరుచిం విద్యాత్ దైత్యగ్రహగృహీతకం||17||
जिह्मदृष्टिं दुरात्मानं गुरुदेवद्विजद्विषम्| निर्भयं मानिनं शूरं क्रोधनं व्यवसायिनम्||१६|| रुद्रः स्कन्दो विशाखोऽहमिन्द्रोऽहमिति वादिनम्| सुरामांसरुचिं विद्यात् दैत्यग्रहगृहीतकम्||१७||
🔊 Audio coming soon
స0-జిహ్మదృష్టిమిత్యాదిలక్షణలక్షితం దైత్యవశీకృతం విద్యాత్|
Adhikarana 3gandharvagRuhItasya lakShaNam (18-19) · Śloka 19
స్వాచారం సురభిం హృష్టం గీతనర్తనకారిణం| స్నానోద్యానరుచిం రక్తవస్త్రమాల్యానులేపనం||18|| శృంగారలీలాభిరతం గంధర్వాధ్యుషితం వదేత్| |19|
स्वाचारं सुरभिं हृष्टं गीतनर्तनकारिणम्| स्नानोद्यानरुचिं रक्तवस्त्रमाल्यानुलेपनम्||१८|| शृङ्गारलीलाभिरतं गन्धर्वाध्युषितं वदेत्| |१९|
🔊 Audio coming soon
స0-స్వాచారమిత్యాదిలక్షణలక్షితం గంధర్వేణ గృహీతం విద్యాత్
Adhikarana 4 uragagRuhItasya lakShaNam (19-21) · Śloka 21
| రక్తాక్షం క్రోధనం స్తబ్ధదృష్టిం వక్రగతిం చలం||19|| శ్వసంతమనిశం హిహ్వాలోలినం సృక్కిణీలిహం| ప్రియదుగ్ధగుడస్నానమధోవదనశాయినం||20|| ఉరగాధిష్ఠితం విద్యాత్త్రస్యాంతం చాతపత్రతః| |21|
| रक्ताक्षं क्रोधनं स्तब्धदृष्टिं वक्रगतिं चलम्||१९|| श्वसन्तमनिशं हिह्वालोलिनं सृक्किणीलिहम्| प्रियदुग्धगुडस्नानमधोवदनशायिनम्||२०|| उरगाधिष्ठितं विद्यात्त्रस्यान्तं चातपत्रतः| |२१|
🔊 Audio coming soon
స0-రక్తాక్షమిత్యాదిలక్షణం ఛత్రాచ్చ త్రస్యంతం సర్పాధిష్ఠితం విద్యాత్|
Adhikarana 5yakShagRuhItasya lakShaNam (21-24) · Śloka 24
| విప్లుతత్రస్తరక్తాంక్షం శుభగంధం సుతేజసం||21|| ప్రియనృత్యకథాగీతస్నానమాల్యానులేపనం| మత్స్యమాంసరుచిం హృష్టం తుష్టం బలినమవ్యథం||22|| చలితాగ్రకరం కస్మై కిం దదామీతి వాదినం| రహస్యభాషిణం వైద్యద్విజాతిపరిభావినం||23|| అల్పరోషం ద్రుతగతిం విద్యాద్యక్షగృహీతకం| |24|
| विप्लुतत्रस्तरक्तांक्षं शुभगन्धं सुतेजसम्||२१|| प्रियनृत्यकथागीतस्नानमाल्यानुलेपनम्| मत्स्यमांसरुचिं हृष्टं तुष्टं बलिनमव्यथम्||२२|| चलिताग्रकरं कस्मै किं ददामीति वादिनम्| रहस्यभाषिणं वैद्यद्विजातिपरिभाविनम्||२३|| अल्परोषं द्रुतगतिं विद्याद्यक्षगृहीतकम्| |२४|
🔊 Audio coming soon
స0-విప్లుతత్రస్తరక్తాక్షమిత్యాదిలక్షణం యక్షగృహీతం విద్యాత్|
Adhikarana 6brahmarAkShasagRuhItasya lakShaNam (24-26) · Śloka 26
| హాస్యనృత్యప్రియం రౌద్రచేష్టం ఛిద్రప్రహారిణం||24|| ఆక్రోశినం శీఘ్రగతిం దేవద్విజభిషగ్ద్విషం| ఆత్మానం కాష్ఠశస్త్రాద్యైర్ఘ్నంతం భోఃశబ్దవాదినం||25|| శాస్త్రవేదపఠం విద్యాద్ గృహీతం బ్రహ్మరాక్షసైః| |26|
| हास्यनृत्यप्रियं रौद्रचेष्टं छिद्रप्रहारिणम्||२४|| आक्रोशिनं शीघ्रगतिं देवद्विजभिषग्द्विषम्| आत्मानं काष्ठशस्त्राद्यैर्घ्नन्तं भोःशब्दवादिनम्||२५|| शास्त्रवेदपठं विद्याद् गृहीतं ब्रह्मराक्षसैः| |२६|
🔊 Audio coming soon
స0-హాస్యనృత్యప్రియమిత్యాదిలక్షణం బ్రహ్మరాక్షసగృహీతం విద్యాత్|
Adhikarana 7rAkShasagRuhItasya lakShaNam (26-29) · Śloka 29
| సక్రోధదృష్టిం భృకుటిముద్వహంతం ససంభ్రమం||26|| ప్రహరంతం ప్రధావంతం శబ్దంతం భైరవాననం| అన్నాద్వినాఽపి బలినం నష్టనిద్రం నిశాచరం||27|| నిర్లజ్జమశుచిం శూరం క్రూరం పరుషభాషిణం| రోషణం రక్తమాల్యస్త్రీరక్తమద్యామిషప్రియం||28|| దృష్ట్వా చ రక్తం మాంసం వాఽఽలిహానం దశనచ్ఛదౌ| హసంతమన్నకాలే చ రాక్షసాధిష్ఠితం వదేత్||29||
| सक्रोधदृष्टिं भृकुटिमुद्वहन्तं ससंभ्रमम्||२६|| प्रहरन्तं प्रधावन्तं शब्दन्तं भैरवाननम्| अन्नाद्विनाऽपि बलिनं नष्टनिद्रं निशाचरम्||२७|| निर्लज्जमशुचिं शूरं क्रूरं परुषभाषिणम्| रोषणं रक्तमाल्यस्त्रीरक्तमद्यामिषप्रियम्||२८|| दृष्ट्वा च रक्तं मांसं वाऽऽलिहानं दशनच्छदौ| हसन्तमन्नकाले च राक्षसाधिष्ठितं वदेत्||२९||
🔊 Audio coming soon
స0-సక్రోధదృష్టిమిత్యాదిలక్షణం రాక్షసాధిష్ఠితం వదేత్|
Adhikarana 8pishAcagRuhItasya lakShaNam (30-34) · Śloka 34
అవస్థచిత్తం నైకత్ర తిష్ఠంతం పరిధావినం| ఉచ్ఛిష్టనృత్యగాంధర్వహాసమద్యామిషప్రియం||30|| నిర్భర్త్సనాద్దీనముఖం రుదంతమనిమిత్తతః| నఖైర్లిఖంతమాత్మానం రూక్షధ్వస్తవపుఃస్వరం||31|| ఆవేదయంతం దుఃఖాని సంబద్ధాబద్ధభాషిణం| నష్టస్మృతిం శూన్యరతిం లోలం నగ్నం మలీమసం||32|| రథ్యాచైలపరీధానం తృణమాలావిభూషణం| ఆరోహంతం చ కాష్ఠాశ్వం తథా సంకరకూటకం||33|| బహ్వాశినం పిశాచేన విజానీయాదధిష్ఠితం| |34|
अवस्थचित्तं नैकत्र तिष्ठन्तं परिधाविनम्| उच्छिष्टनृत्यगान्धर्वहासमद्यामिषप्रियम्||३०|| निर्भर्त्सनाद्दीनमुखं रुदन्तमनिमित्ततः| नखैर्लिखन्तमात्मानं रूक्षध्वस्तवपुःस्वरम्||३१|| आवेदयन्तं दुःखानि सम्बद्धाबद्धभाषिणम्| नष्टस्मृतिं शून्यरतिं लोलं नग्नं मलीमसम्||३२|| रथ्याचैलपरीधानं तृणमालाविभूषणम्| आरोहन्तं च काष्ठाश्वं तथा सङ्करकूटकम्||३३|| बह्वाशिनं पिशाचेन विजानीयादधिष्ठितम्| |३४|
🔊 Audio coming soon
స0-అవస్థచిత్తమిత్యాదిలక్షణం పిశాచగృహీతం విద్యాత్|
Adhikarana 9pretagRuhItasya lakShaNam (34-35) · Śloka 35
| ప్రేతాకృతిక్రియాగంధం భీతమాహారవిద్విషం||34|| తృణచ్ఛిదం చ ప్రేతేన గృహీతం నరమాదిశేత్| |35|
| प्रेताकृतिक्रियागन्धं भीतमाहारविद्विषम्||३४|| तृणच्छिदं च प्रेतेन गृहीतं नरमादिशेत्| |३५|
🔊 Audio coming soon
స0-ప్రేతాకృతిక్రియాగంధమిత్యాదిలక్షణం ప్రేతగృహీతం నరం విద్యాత్
Adhikarana 10kUShmANDagRuhItasya lakShaNam (35-36) · Śloka 36
| బహుప్రలాపం కృష్ణాస్యం ప్రవిలంబితయాయినం||35|| శూనప్రలంబవృషణం కూష్మాండాధిష్ఠితం వదేత్| |36|
| बहुप्रलापं कृष्णास्यं प्रविलम्बितयायिनम्||३५|| शूनप्रलम्बवृषणं कूष्माण्डाधिष्ठितं वदेत्| |३६|
🔊 Audio coming soon
స0-బహుప్రలాపాదిలక్షణం కూష్మాండాధిష్ఠితం వదేత్|
Adhikarana 11niShAdagRuhItasya lakShaNam (36-38) · Śloka 38
| గృహీత్వా కాష్ఠలోష్టాది భ్రమంతం చీరవాససం||36|| నగ్నం ధావంతముత్త్రస్తదృష్టిం తృణవిభూషణం| శ్మశానశూన్యాయతనరథ్యైకద్రుమసేవినం||37|| తిలాన్నమద్యమాంసేషు సతతం సక్తలోచనం| నిషాదాధిష్ఠితం విద్యాద్ వదంతం పరుషాణి చ||38||
| गृहीत्वा काष्ठलोष्टादि भ्रमन्तं चीरवाससम्||३६|| नग्नं धावन्तमुत्त्रस्तदृष्टिं तृणविभूषणम्| श्मशानशून्यायतनरथ्यैकद्रुमसेविनम्||३७|| तिलान्नमद्यमांसेषु सततं सक्तलोचनम्| निषादाधिष्ठितं विद्याद् वदन्तं परुषाणि च||३८||
🔊 Audio coming soon
స0-గృహీత్వా కాష్ఠమిత్యాదిలక్షణం తథా పరుషాణి భాషమాణం నిషాదగృహీతం విద్యాత్|
Adhikarana 12aukaraNagRuhItasya lakShaNam (39) · Śloka 39
యాచంతముదకం చాన్నం త్రస్తలోహితలోచనం| ఉగ్రవాక్యం చ జానీయాన్నరమౌకిరణార్దితం||39||
याचन्तमुदकं चान्नं त्रस्तलोहितलोचनम्| उग्रवाक्यं च जानीयान्नरमौकिरणार्दितम्||३९||
🔊 Audio coming soon
స0-యాచంతముదకమిత్యాదిలక్షణమౌకిరణార్దితం విద్యాత్
Adhikarana 13vaitAlagRuhItasya lakShaNam (40) · Śloka 40
గంధమాల్యరతిం సత్యవాదినం పరివేపినం| బహునిద్రం చ జానీయాద్వేతాలేన వశీకృతం||40||
गन्धमाल्यरतिं सत्यवादिनं परिवेपिनम्| बहुनिद्रं च जानीयाद्वेतालेन वशीकृतम्||४०||
🔊 Audio coming soon
స0-గంధమాల్యరతిమిత్యాదిలక్షణం వేతాలగృహీతం విద్యాత్|
Adhikarana 14pitRugrahagRuhItasya lakShaNam (41-42) · Śloka 42
అప్రసన్నదృశం దీనవదనం శుష్కతాలుకం| చలన్నయనపక్ష్మాణం నిద్రాలుం మందపావకం||41|| అపసవ్యపరీధానం తిలమాంసగుడప్రియం| స్ఖలద్వాచం చ జానీయాత్ పితృగ్రహవశీకృతం||42||
अप्रसन्नदृशं दीनवदनं शुष्कतालुकम्| चलन्नयनपक्ष्माणं निद्रालुं मन्दपावकम्||४१|| अपसव्यपरीधानं तिलमांसगुडप्रियम्| स्खलद्वाचं च जानीयात् पितृग्रहवशीकृतम्||४२||
🔊 Audio coming soon
స0-అప్రసన్నదృశమిత్యాదిలక్షణం పితృగ్రహగృహీతం విద్యాత్|
Adhikarana 15,16,17,18 guruvRuddharShisiddhAbhiSApAdinA tattadgrahaj~jAnam (43) · Śloka 43
గురువృద్ధర్షిసిద్ధాభిశాపచింతానురూపతః| వ్యాహారాహారచేష్టాభిర్యథాస్వం తద్గ్రహం వదేత్||43||
गुरुवृद्धर्षिसिद्धाभिशापचिन्तानुरूपतः| व्याहाराहारचेष्टाभिर्यथास्वं तद्ग्रहं वदेत्||४३||
🔊 Audio coming soon
స0-గుర్వాదీనాం శాపచింతానురూపవచనాదిభిర్యథాయోగం తద్గ్రహం విద్యాత్|
Adhikarana asAdhyalakShaNam (4) · Śloka 4
కుమారవృదానుగతం నగ్నముద్ధతమూర్ధజం| అస్వస్థమనసం దైర్ఘ్యకాలికం సగ్రహం త్యజేత్||44|| ఇతి శ్రీవైద్యపతిసింహగుప్తసూనుశ్రీమద్వాగ్భటవిరచితా- యామష్టాంగహృదయసంహితాయాం షష్ఠే ఉత్తరస్థానే భూత విజ్ఞానీయో నామ చతుర్థోఽధ్యాయః||4||
कुमारवृदानुगतं नग्नमुद्धतमूर्धजम्| अस्वस्थमनसं दैर्घ्यकालिकं सग्रहं त्यजेत्||४४|| इति श्रीवैद्यपतिसिंहगुप्तसूनुश्रीमद्वाग्भटविरचिता- यामष्टाङ्गहृदयसंहितायां षष्ठे उत्तरस्थाने भूत विज्ञानीयो नाम चतुर्थोऽध्यायः||४||
🔊 Audio coming soon
స0-సర్వగ్రహగృహీతం త్యజేత్| కీదృశం ? కుమారసమూహేనానుయాతం, తథా నగ్నముద్ధతకేశం, తథాఽస్వస్థచిత్తం, తథా దీర్ఘకాలానువర్తినం చేతి| ఇతి శ్రీమృగాంకదత్తపుత్రశ్రీమదరుణదత్తవిరచితాయామష్టాంగహృదయటీకాయాం సర్వాంగసుందరాఖ్యాయాం షష్ఠే ఉత్తరస్థానే భూతవిజ్ఞానీయో నామ చతుర్థోఽధ్యాయః సమాప్తః|| 4||