Adhikarana dRuShTirogavij~jAnIyAdhyAyaH timiraroge prathamapaTalAshritasya doShasya lakShaNam (2-1) · Śloka 1
অথাতো দৃষ্টিরোগবিজ্ঞানীযমধ্যাযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে|২|
) সিরানুসারিণি মলে প্রথমং পটলং শ্রিতে|
অব্যক্তমীক্ষতে রূপং ব্যক্তমপ্যনিমিত্ততঃ||১||
View original
अथातो दृष्टिरोगविज्ञानीयमध्यायं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे|२|
) सिरानुसारिणि मले प्रथमं पटलं श्रिते|
अव्यक्तमीक्षते रूपं व्यक्तमप्यनिमित्ततः||१||
অস্মাদনন্তরং দৃষ্টিরোগবিজ্ঞানমাহ| তত্রাপি পূর্বং তিমিরং লিলক্ষযিষুরাহ- স০-[ মলে- ] দোষে বাতাদ্যন্যতমে, সিরানুসারিণি তথা প্রথমং-বাহ্যং, পটলং শ্রিতে সত্যব্যক্তং রূপং পশ্যতি| ব্যক্তমপি কদাচিন্নিমিত্তমন্তরেণ পশ্যতি| এষ তিমিরাখ্যো রোগ ইতি বক্ষ্যমাণেন সম্বন্ধঃ|
Adhikarana timiraroge dvitIyapaTalASritasya doShasya lakShaNam (2-5) · Śloka 5
প্রাপ্তে দ্বিতীযং পটলমভূতমপি পশ্যতি|
ভূতং তু যত্নাদাসন্নং দূরে সূক্ষ্মং চ নেক্ষতে||২||
দূরান্তিকস্থং রূপং চ বিপর্যাসেন মন্যতে|
দোষে মণ্ডলসংস্থানে মণ্ডলানীব পশ্যতি||৩||
দ্বিধৈকং দৃষ্টিমধ্যস্থে বহুধা বহুধাস্থিতে|
দৃষ্টেরভ্যন্তরগতে হ্নস্ববৃদ্ধবিপর্যযম্||৪||
মান্তিকস্থমধঃসংস্থে দূরগং নোপরি স্থিতে|
পার্শ্বে পশ্যেন্নপার্শ্বস্থে তিমিরাখ্যোঽযমামযঃ||৫||
View original
प्राप्ते द्वितीयं पटलमभूतमपि पश्यति|
भूतं तु यत्नादासन्नं दूरे सूक्ष्मं च नेक्षते||२||
दूरान्तिकस्थं रूपं च विपर्यासेन मन्यते|
दोषे मण्डलसंस्थाने मण्डलानीव पश्यति||३||
द्विधैकं दृष्टिमध्यस्थे बहुधा बहुधास्थिते|
दृष्टेरभ्यन्तरगते ह्नस्ववृद्धविपर्ययम्||४||
मान्तिकस्थमधःसंस्थे दूरगं नोपरि स्थिते|
पार्श्वे पश्येन्नपार्श्वस्थे तिमिराख्योऽयमामयः||५||
স০-দ্বিতীযং পটলং প্রাপ্তেঽভূতমপি পশ্যতি, ন কেবলং ভূতম্| ভূতং তু যত্নেন পশ্যতি, তচ্চাসন্নমেব| দূরে ন চ সূক্ষ্মং পশ্যতি| দূরান্তিকস্থং চ রূপং বৈপরীত্যেন মন্যতে,-দূরস্থং নিকটস্থং, নিকটস্থং দূরস্থমিত্যর্থঃ| দোষে মণ্ডলসংস্থানে দ্বিতীযপটলাশ্রিতে এব মণ্ডলানীবালোকতে| দৃষ্টিমধ্যস্থে দোষ একমেব বস্তু দ্বিপ্রকারং পশ্যতি| বহুধাস্থিতে দোষ একমেব বস্তু বহুপ্রকারং পশ্যতি| দৃষ্টেরভ্যন্তরাশ্রিতে দোষে হ্রস্বং চ বৃদ্ধং চ তযোর্বিপর্যযঃ| হ্রস্বং চ মহান্তং, মহান্তং চ হ্রস্বমিতি বৈপরীত্যেন পশ্যতি| অধঃস্থিতে দোষে সমীপস্থং পদার্থং নেক্ষতে| উপরিষ্টাত্স্থিতে দোষে দূরগং ন পশ্যতি| পার্শ্বস্থে দোষে পার্শ্বে রূপং ন পশ্যেত্| অযং সর্ব এব তিমিরসংজ্ঞো রোগঃ|
Adhikarana timiraroge tRutIyApaTalASritasya doShasya lakShaNam (6-7) · Śloka 7
প্রাপ্নোতি কাচতাং দোষে তৃতীযপটলাশ্রিতে|
তেনোর্ধ্বমীক্ষতে নাধস্তনুচৈলাবৃতোপমম্||৬||
যথা বর্ণং চ রজ্যেত দৃষ্টির্হীযেত চ ক্রমাত্|
|৭|
View original
प्राप्नोति काचतां दोषे तृतीयपटलाश्रिते|
तेनोर्ध्वमीक्षते नाधस्तनुचैलावृतोपमम्||६||
यथा वर्णं च रज्येत दृष्टिर्हीयेत च क्रमात्|
|७|
স০-তৃতীযং পটলং স্থিতে দোষে কাচত্বং প্রাপ্নোতি| তেন কাচেনোর্ধ্বমীক্ষতে ন ত্বধঃ| তচ্চ তনুবস্ত্রচ্ছন্নসদৃশম্| দৃষ্টিশ্চাত্র দোষানুসারেণ রজ্যতে| যথা বাতেন শ্যাবেত্যাদি| ক্রমেণ চ দৃষ্তির্হীযতে|
Adhikarana timiraroge caturthapaTalASritasya doShasya lakShaNam (7-8) · Śloka 8
|
তথাঽপ্যুপেক্ষমাণস্য চতুর্থং পটলং গতঃ||৭||
লিঙ্গনাশং মলঃ কুর্বন্ ছাদযেদ্দৃষ্টিমণ্ডলম্|
|৮|
View original
|
तथाऽप्युपेक्षमाणस्य चतुर्थं पटलं गतः||७||
लिङ्गनाशं मलः कुर्वन् छादयेद्दृष्टिमण्डलम्|
|८|
স০-এবমপ্যুপেক্ষমাণস্যাচিকিত্সিতস্য তৃতীযং পটলং মুক্ত্বা চতুর্থপটলং গতো মলো-দোষঃ, লিঙ্গনাশং-দৃষ্টিনাশং চ, কুর্বন্ দৃষ্টিমণ্ডলং ছাদযেত্|
Adhikarana 1vAtajasya timirasya lakShaNam 2vAtajasya kAcasya lakShaNam 3 vAtajasya li~gganASasya lakShaNam (8-12) · Śloka 12
ইতি সামান্যলক্ষণমুক্ত্ব বিশেষমাহ |
তত্র বাতেন তিমিরে ব্যাবিদ্ধমিব পশ্যতি||৮||
চলাবিলারুণাভাসং প্রসন্নং চেক্ষতে মুহুঃ|
জলানি কেশান্ মশকান্ রশ্মীংশ্চোপেক্ষিতেঽত্র চ||৯||
কাচীভূতে দৃগরুণা পশ্যত্যাস্যমনাসিকম্|
চন্দ্রদীপাদ্যনেকত্বং বক্রমৃজ্বপি মন্যতে||১০||
বৃদ্ধঃ কাচো দৃশং কুর্যাদ্রজোধূমাবৃতামিব|
স্পষ্টারুণাভাং বিস্তীর্ণাং সূক্ষ্মাং বা হতদর্শনাম্||১১||
স লিঙ্গনাশো|
|১২|
View original
इति सामान्यलक्षणमुक्त्व विशेषमाह |
तत्र वातेन तिमिरे व्याविद्धमिव पश्यति||८||
चलाविलारुणाभासं प्रसन्नं चेक्षते मुहुः|
जलानि केशान् मशकान् रश्मींश्चोपेक्षितेऽत्र च||९||
काचीभूते दृगरुणा पश्यत्यास्यमनासिकम्|
चन्द्रदीपाद्यनेकत्वं वक्रमृज्वपि मन्यते||१०||
वृद्धः काचो दृशं कुर्याद्रजोधूमावृतामिव|
स्पष्टारुणाभां विस्तीर्णां सूक्ष्मां वा हतदर्शनाम्||११||
स लिङ्गनाशो|
|१२|
স০-তত্র-তিমিরেষু মধ্যে, পবনেন তিমিরে সতি ব্যাবিদ্ধমিব পশ্যতি| তথা চলং ধূমাবিলমরুণাভাসং মুহুঃ-পুনঃ-প্রসন্নং চালোকতে-প্রকৃতিস্থনযনেন পশ্যতি, পবনস্য চলরূপত্বাত্| তথা জালাদীনি মুহুঃ পশ্যতি| আস্যং-মুখং, অনাসিকং-নাসিকারহিতং, পশ্যতি| তথা চন্দ্রদীপাদীনামনেকত্বং বক্রমবক্রমিব চ মন্যতে| বৃদ্ধঃ কাচো রজোধূমাবৃতামিব চ দৃষ্টিং কুর্যাত্| তথা স্পষ্টাঽরুণাঽঽভা যস্যাস্তাম্| তথা বিস্তীর্ণাং সূক্ষ্মাং বা| তথা হতদর্শনাম্| স এবংভূতো লিঙ্গনাশঃ| ইতি বাতজাস্তিমিরকাচলিঙ্গনাশা উক্তাঃ|
Adhikarana 4 gambhIrAyA dRushaH lakShaNam (12) · Śloka 12
অধুনা বাযুসামান্যাং গম্ভীরাং দৃষ্টিং ব্যাচষ্টে বাতে তু সঙ্কোচযতি দৃক্সিরাঃ|
দৃগ্মণ্ডলং বিশত্যন্তর্গম্ভীরা দৃগসোউ স্মৃতা||১২||
View original
अधुना वायुसामान्यां गम्भीरां दृष्टिं व्याचष्टे वाते तु सङ्कोचयति दृक्सिराः|
दृग्मण्डलं विशत्यन्तर्गम्भीरा दृगसोउ स्मृता||१२||
স০-বাতে তু দৃক্সিরাঃ সঙ্কোচযতি সতি দৃষ্টিমণ্ডলমন্তঃ প্রবিশতি| সা গম্ভীরা দৃষ্টিঃ স্মৃতা| 'মুনিভিঃ' ইতি শেষঃ|
Adhikarana 5pittajasya timirasya lakShaNam 6pittajasya kAcasya lakShaNam (13-14) · Śloka 14
পিত্তজে তিমিরে বিদ্যুত্খদ্যোতদ্যোতদীপিতম্|
শিখিতিত্তিরিপত্রাভং প্রাযো নীলং চ পশ্যতি||১৩||
কাচে দৃক্ কাচনীলাভা তাদৃগেব চ পশ্যতি|
অর্কেন্দুপতিবেষাগ্নিমরিচীন্দ্রধনূংষি চ||১৪||
View original
पित्तजे तिमिरे विद्युत्खद्योतद्योतदीपितम्|
शिखितित्तिरिपत्राभं प्रायो नीलं च पश्यति||१३||
काचे दृक् काचनीलाभा तादृगेव च पश्यति|
अर्केन्दुपतिवेषाग्निमरिचीन्द्रधनूंषि च||१४||
স০-পিত্তোদ্ভবে তিমিরে বিদ্যুদাদিদীপিতং তথা মযূরতিত্তিরিপত্রাভং প্রাযেণ নীলং চ পশ্যতি| কাচে কাচনীলসদৃশী দৃষ্টিঃ স্যাত্| তাদৃগেব-কাচনীলাভাসং, পশ্যতি| কাচে কাচনীল সদৃশী দৃষ্টিঃ শ্যাত্| তাদৃগেব কাচনীলাভসং পশ্যতি| তথাঽর্কেন্দু পরিবেষাদীন্ পশ্যতি|
Adhikarana 7 pittajasya li~gganAshasya lakShaNam 8hrasvAkhyAyA dRushaH lakShaNam (15) · Śloka 15
ভৃঙ্গনীলা নিরালোকা দৃক্ স্নিগ্ধা লিঙ্গনাশতঃ|
দৃষ্টিঃ পিত্তেন হ্রস্বাখ্যা সা হৃস্ব হ্রস্বদর্শিনী||১৫||
View original
भृङ्गनीला निरालोका दृक् स्निग्धा लिङ्गनाशतः|
दृष्टिः पित्तेन ह्रस्वाख्या सा हृस्व ह्रस्वदर्शिनी||१५||
স০-লিঙ্গনাশাদ্ দৃষ্টিশ্চ ভ্রমরনীলা নিরালোকা স্নিগ্ধা চ স্যাত্| পিত্তেন হ্রস্বসংজ্ঞা দৃষ্টিঃ স্যাত্| সা চ হ্রস্বা-হ্রস্বসংস্থানা, তথা হ্রস্বদর্শিনী-অল্পদর্শিনী|
Adhikarana 9 pittavidagdhAyAH lakShaNam (16) · Śloka 16
ভবেত্পিত্তবিদগ্ধাখ্যা পীতা পীতাভদর্শনা|
|১৬|
View original
भवेत्पित्तविदग्धाख्या पीता पीताभदर्शना|
|१६|
স০-পিত্তবিদগ্ধসংজ্ঞা দৃষ্টিঃ পীতবর্ণা স্যাত্| তথা পীতাভং দর্শনং যস্যাঃ সা পীতাবদর্শনা চ|
Adhikarana 10 kaphajasya timirasya lakShaNam 11kaphajasya kAcasya lakShaNam 12kaphajasya li~gganAshasya lakShaNam (16-20) · Śloka 20
|
কফেন তিমিরে প্রাযঃ স্নিগ্ধং শ্বেতং চ পশ্যতি||১৬||
শঙ্খেদুকুন্দকুসুমৈঃ কুমুদৈরিব চাচিতম্|
কাচে তু নিষ্প্রভেন্দ্বর্কপ্রদীপাদ্যৈরিবাচিতম্||১৭||
সিতাভা সা চ দৃষ্টিঃ স্যাল্লিঙ্গনাশে তু লক্ষ্যতে|
মূর্তঃ কফো দৃষ্টিগতঃ স্নিগ্ধো দর্শননাশনঃ||১৮||
বিন্দুর্জলস্যেব চলঃ পদ্মিনীপুটসংস্থিতঃ|
উষ্ণে সঙ্কোচমাযাতি ছাযাযাং পরিসর্পতি||১৯||
শঙ্খকুন্দেন্দুকুমুদস্ফটিকোপমশুক্লিমা|
|২০|
View original
|
कफेन तिमिरे प्रायः स्निग्धं श्वेतं च पश्यति||१६||
शङ्खेदुकुन्दकुसुमैः कुमुदैरिव चाचितम्|
काचे तु निष्प्रभेन्द्वर्कप्रदीपाद्यैरिवाचितम्||१७||
सिताभा सा च दृष्टिः स्याल्लिङ्गनाशे तु लक्ष्यते|
मूर्तः कफो दृष्टिगतः स्निग्धो दर्शननाशनः||१८||
बिन्दुर्जलस्येव चलः पद्मिनीपुटसंस्थितः|
उष्णे सङ्कोचमायाति छायायां परिसर्पति||१९||
शङ्खकुन्देन्दुकुमुदस्फटिकोपमशुक्लिमा|
|२०|
স০-কফেন তিমিরে সতি প্রাযঃ স্নিগ্ধং শুক্লং চালোকতে| তথা শঙ্খাদিভিরিবাচিতং পশ্যতি| কাচে তু নিষ্প্রভেন্দ্বর্কাদিভিরিবাচিতং পশ্যতি| দৃক্ শুক্লাভা স্যাত্ লিঙ্গনাশে তু দৃশ্যতে মূর্তঃ কফো দৃষ্টিগতঃ স্নিগ্ধস্তথা দৃষ্টিবিনাশনশ্চ| জলস্যেব বিন্দুশ্চলঃ পদ্মিনীপুটসংস্থিতঃ| আতপে চাসোউ বিন্দুঃ সঙ্কুচতি| ছাযাযাং প্রসরতি| তথা শঙ্খাদিশুক্লিমা স্যাত্|
Adhikarana 13 raktajasya timirasya lakShaNam 14 raktajasya kAcasya lakShaNam 15raktajasya li~gganAshasya lakShaNam (20-21) · Śloka 21
|
রক্তেন তিমিরে রক্তং তমোভূতং চ পশ্যতি||২০||
কাচেন রক্তা কৃষ্ণা বা দৃষ্টিস্তদৃক্ চ পশ্যতি|
লিঙ্গনাশেঽপি তাদৃগ্ দৃঙ্ নিষ্প্রভা হতদর্শনা||২১||
View original
|
रक्तेन तिमिरे रक्तं तमोभूतं च पश्यति||२०||
काचेन रक्ता कृष्णा वा दृष्टिस्तदृक् च पश्यति|
लिङ्गनाशेऽपि तादृग् दृङ् निष्प्रभा हतदर्शना||२१||
স০-রক্তেন তিমিরে সতি রক্তাভং তথা তম ইব চ পশ্যতি| কাচেন রক্তা কৃষ্ণা বা দৃষ্টিঃ স্যাত্| তাদৃগেব-রক্ত কৃষ্ণং বা, পশ্যতি| লিঙ্গনাশে চ তাদৃশ্যেব-কাচবত্, দৃষ্টিস্তথা নিষ্প্রভা হতদর্শনা চ স্যাত্|
Adhikarana 16 saMsargajasya timirasya lakShaNam 17saMsargajasya kAcasya lakShaNam 18saMsargajasya li~gganAshasya lakShaNam 19sannipAtajasya timirasya lakShaNam 20sannipAtajasya kAcasya lakShaNam 21sannipAtajasya li~gganAshasya lakShaNam (22-23) · Śloka 23
সংসর্গসন্নিপাতেষু বিদ্যাত্সঙ্কীর্ণলক্ষণান্|
তিমিরাদীনকস্মাচ্চ তৈঃ স্যাদ্ব্যক্তাকুলেক্ষণঃ||২২||
তিমিরে, শেষযোর্দৃষ্টৌ চিত্রো রাগঃ প্রজাযতে|
|২৩|
View original
संसर्गसन्निपातेषु विद्यात्सङ्कीर्णलक्षणान्|
तिमिरादीनकस्माच्च तैः स्याद्व्यक्ताकुलेक्षणः||२२||
तिमिरे, शेषयोर्दृष्टौ चित्रो रागः प्रजायते|
|२३|
স০-সংসর্গসন্নিপাতেষু সঙ্কীর্ণলক্ষণান্-ব্যামিশ্রলক্ষণান্, তিমিরকাচলিঙ্গনাশান্ বিদ্যাত্| তথাঽকস্মাত্-নিমিত্তমন্তরেণ, তৈঃ-সংসর্গসন্নিপাতৈঃ, ব্যক্তং-স্পষ্টং, কদাচিদাকুলমীক্ষণংদর্শনং, যস্য স এবংভূতো নরস্তিমিরে স্যাত্| শেষযোঃ-কাচলিঙ্গনাশযোঃ দৃষ্টৌ চিত্রো রাগঃ স্যাত্|
Adhikarana 22 nakulAndhasya lakShaNam (23-24) · Śloka 24
|
দ্যোত্যতে নকুলস্যেব যস্য দৃঙ্ নিচিতা মলৈঃ||২৩||
নকুলান্ধঃ স তত্রাহ্নি চিত্রং পশ্যতি নো নিশি|
|২৪|
View original
|
द्योत्यते नकुलस्येव यस्य दृङ् निचिता मलैः||२३||
नकुलान्धः स तत्राह्नि चित्रं पश्यति नो निशि|
|२४|
স০-যস্যাতুরস্য নকুলস্যেব দৃষ্টির্দোষৈর্নিচিতা দ্যোত্যতে-দেদীপ্যতে, স নকুলান্ধঃ| তত্র-নকুলান্ধে, দিবা চিত্রং পশ্যতি, ন তু নিশি-রজান্যাম্|
Adhikarana 23 doShAndhasya atra divAdarshane yuktiH (24-26) · Śloka 26
|
অর্কেঽস্তমস্তকন্যস্তগভস্তৌ স্তম্ভমাগতাঃ||২৪||
স্থগযন্তি দৃশং দোষা দোষান্ধঃ স গদোঽপরঃ|
দিবাকরকরস্পৃষ্টা ভ্রষ্টা দৃষ্টিপথান্মলাঃ||২৫||
বিলীনলীনা যচ্ছন্তি ব্যক্তমত্রাহ্নি দর্শনম্|
|২৬|
View original
|
अर्केऽस्तमस्तकन्यस्तगभस्तौ स्तम्भमागताः||२४||
स्थगयन्ति दृशं दोषा दोषान्धः स गदोऽपरः|
दिवाकरकरस्पृष्टा भ्रष्टा दृष्टिपथान्मलाः||२५||
विलीनलीना यच्छन्ति व्यक्तमत्राह्नि दर्शनम्|
|२६|
স০-অর্কেঽস্তপর্বতস্য মস্তকে ন্যস্তা গভস্তযো যেন তস্মিন্ সতি স্তম্ভং প্রাপ্তা দোষা দৃশং ছাদযন্তি| স এবংভূতো দোষান্ধো নাম রোগঃ| দিবা কথং পশ্যতি ? ইত্যত্র যুক্তিমাহ- সং-মলা অহ্নি দিবাকররশ্মিভিঃ স্পৃষ্টাস্তথা দৃষ্টিপথাদ্ভ্রষ্টা বিলীনাঃ সন্তঃ, অত্র-রাত্র্যন্ধে, স্পষ্টং দর্শনং দদতি| দিবাকরকরস্পৃষ্টা ইতি হেতৌ প্রথমা|
Adhikarana 24 uShNavidagdhAyAH lakShaNam (26-28) · Śloka 28
|
উষ্ণতপ্তস্য সহসা শীতবারিনিমজ্জনাত্||২৬||
ত্রিদোষরক্তসংপৃক্তো যাত্যূষ্মোর্ধ্বং ততোঽক্ষিণি|
দাহোষে মলিনং শুক্লমহন্যাবিলদর্শনম্||২৭||
রাত্রাবান্ধ্যং চ জাযেত বিদগ্ধোষ্ণেন সা স্মৃতা|
|২৮|
View original
|
उष्णतप्तस्य सहसा शीतवारिनिमज्जनात्||२६||
त्रिदोषरक्तसंपृक्तो यात्यूष्मोर्ध्वं ततोऽक्षिणि|
दाहोषे मलिनं शुक्लमहन्याविलदर्शनम्||२७||
रात्रावान्ध्यं च जायेत विदग्धोष्णेन सा स्मृता|
|२८|
স০-উষ্ণেন তপ্তস্য সহসা-ঝটিত্যেব, শিশিরজলনিমজ্জনাত্ ত্রিদোষরক্তসংপৃক্ত ঊষ্মোর্ধ্বমক্ষ্ণি যাতি| ততঃ-ঊষ্মণ ঊর্ধ্বগমনাত্, অক্ষ্ণি দাহোষে ভবতঃ| শুক্লভাগশ্চ মলিনো ভবতি| অহনি-দিনে, আবিলং দর্শনং জাযতে, রাত্রৌ চান্ধ্যম্| সা দৃষ্টিরুষ্ণবিদগ্ধাখ্যা|
Adhikarana 25 amlavidagdhAyAH lakShaNam (28-29) · Śloka 29
|
ভৃশমম্লাশনাদ্দোষৈঃ সাস্রৈর্যা দৃষ্টিরাচিতা||২৮||
সক্লেদকণ্ডূকলুষা বিদগ্ধাঽম্লেন সা স্মৃতা|
|২৯|
View original
|
भृशमम्लाशनाद्दोषैः सास्रैर्या दृष्टिराचिता||२८||
सक्लेदकण्डूकलुषा विदग्धाऽम्लेन सा स्मृता|
|२९|
স০-অত্যন্তমম্লাশনাত্-অম্লভক্ষণাত্, দোষৈঃ সরক্তৈর্যা দৃষ্টিরাচিতা ক্লেদকণ্ডূকলুষান্বিতা স্যাত্| সা বিদগ্ধাম্লেতি দৃষ্টিঃ স্মৃতা|
Adhikarana 26 dhUmarasya lakShaNam (29-30) · Śloka 30
|
শোকজ্বরশিরোরোগসন্তপ্তস্যানিলাদযঃ||২৯||
ধূমাবিলাং ধূমদৃশং দৃশং কুর্যুঃ স ধূমরঃ|
|৩০|
View original
|
शोकज्वरशिरोरोगसन्तप्तस्यानिलादयः||२९||
धूमाविलां धूमदृशं दृशं कुर्युः स धूमरः|
|३०|
স০-শোকাদিসন্তপ্তস্য নরস্য বাতাদযো ধূমেনেবাবিলাং ধূমদর্শনাং দৃষ্টিং কুর্যুঃ| স ধূমরো নাম রোগঃ|
Adhikarana 27 aupasargikali~gganAshasya lakShaNam (30-32) · Śloka 32
|
সহসৈবাল্পসত্ত্বস্য পশ্যতো রূপমদ্ভুতম্||৩০||
ভাস্বরং ভাশ্করাদিং বা বাতাদ্যা নযনাশ্রিতাঃ|
কুর্বন্তি তেজঃ সংশোষ্য দৃষ্টিং মুষিতদর্শনাম্||৩১||
বৈদূর্যবর্ণাং স্তিমিতাং প্রকৃতিস্থামিবাব্যথাম্|
ওউপসর্গিক ইত্যেষ লিঙ্গনাশো|৩২|
View original
|
सहसैवाल्पसत्त्वस्य पश्यतो रूपमद्भुतम्||३०||
भास्वरं भाश्करादिं वा वाताद्या नयनाश्रिताः|
कुर्वन्ति तेजः संशोष्य दृष्टिं मुषितदर्शनाम्||३१||
वैदूर्यवर्णां स्तिमितां प्रकृतिस्थामिवाव्यथाम्|
ओउपसर्गिक इत्येष लिङ्गनाशो|३२|
স০-সহসৈব-অতর্কিতস্য, পুংসোঽল্পসত্ত্বস্য রূপমদ্ভুতং পশ্যতো ভাস্বরং ভাস্করপ্রকারং পশ্যতো বা বাতাদযো লোচনাশ্রিতা দৃষ্টিং মুষিতদর্শনাং বৈডূর্যবর্ণাং স্তিমিতাং প্রকৃতিস্থামিব পীডারহিতাং কুর্বন্তি| কিং কৃত্বা ? তেজঃ সংশোষ্য| ইত্যেষ ঔপসর্গিকো লিঙ্গনাশঃ|
Adhikarana saptaviMshatirogANAmeteShAM sAdhyAsAdhyatvam (12) · Śloka 12
|
ঽত্র বর্জযেত্||৩২||
বিনা কফাল্লিঙ্গনাশান্ গম্ভীরাং হ্ড়স্বজামপি|
ষট্ কাচা নকুলান্ধশ্চ যাপ্যাঃ, শেষাংস্তু সাধযেত্||৩৩||
দ্বাদশেতি গদা দৃষ্টোউ নির্দিষ্টাঃ সপ্তবিংশতিঃ|
৩৩ ১/২|
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে দৃষ্টিরোগবিজ্ঞানীযো নাম দ্বাদশোঽধ্যাযঃ||১২||
View original
|
ऽत्र वर्जयेत्||३२||
विना कफाल्लिङ्गनाशान् गम्भीरां ह्ऱस्वजामपि|
षट् काचा नकुलान्धश्च याप्याः, शेषांस्तु साधयेत्||३३||
द्वादशेति गदा दृष्टोउ निर्दिष्टाः सप्तविंशतिः|
३३ १/२|
इति श्रीवैद्यपतिसिंहगुप्तसूनुश्रीमद्वाग्भटविर- चितायामष्टाङ्गहृदयसंहितायां षष्ठे उत्तर- स्थाने दृष्टिरोगविज्ञानीयो नाम द्वादशोऽध्यायः||१२||
স০-অত্র-এষু মধ্যে, কফাদ্বিনা লিঙ্গনাশান্-বাতপিত্তসংসর্গসন্নিপাতরক্তজোউপসর্গিকান্ ষট্, তথা গভীরাং হ্রস্বজামপিদৃষ্টিমিত্যষ্টৌ বর্জযেত্| ষট্ কাচাঃ-বাতপিত্তকফসংসর্গসন্নিপাতরক্তজাঃ, নকুলান্ধশ্চেতি সপ্ত যাপ্যাঃ| শেষাংশ্চ দ্বাদশ সাধযেত্, তত্র বাতপিত্তকফরক্তসংসর্গসন্নিপাতৈঃ পৃথক্ তিমিরাণীতি ষট্, সপ্তমঃ কফেন চ লিঙ্গনাশঃ, অষ্টমঃ পিত্তবিদগ্ধা দৃষ্টিঃ, নবমো দোষান্ধঃ, দশম উষ্ণবিদগ্ধা, একাদশো বিদগ্ধাম্লা, দ্বাদশো ধূমরঃ, ইতি| এবং দৃষ্টিমণ্ডলে রোগাঃ সপ্তবিংশতিসঙ্খ্যাঃ কথিতাঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে দৃষ্টিরোগ- বিজ্ঞানীযো নাম দ্বাদশোঽধ্যাযঃ সমাপ্তঃ|| ১২||