18. karṇarōgapratiṣēdhādhyāyaḥ

Adhikarana karogapratiShedhAdhyAyaH||18|| vAtaje karNashUle vAtaghnasAdhitaM ghRutam vAtaje karNashUle ashvatthAdipatrarasaiH karNapUraNam (2-3) · Śloka 3

অথাতঃ কর্ণরোগপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) কর্ণশূলে পবনজে পিবেদ্রাত্রৌ রসাশিতঃ| বাতঘ্নসাধিতং সর্পিঃ, কর্ণং স্বিন্নং চ পূরযেত্||১|| পত্রাণাং পৃথগশ্বত্থবিল্বার্কৈরণ্ডজন্মনাম্| তৈলসিন্ধূত্থদিগ্ধানাং স্বিন্নানাং পুটপাকতঃ||২|| রসৈঃ কবোষ্ণৈস্তদ্বচ্চ মূলকস্যারলোরপি| |৩|

অস্মাদনন্তরমেতচ্চিকিত্সোচ্যত ইত্যাহ- স০-বাতোদ্ভবে কর্ণশূলে মাংসরসেন ভোজিতো বাতঘ্নদ্রব্যসাধিতং ঘৃতং নিশি পিবেত্| কর্ণং চ স্বিন্নং সন্তং পৃথগশ্বত্থাদিজানাং পত্রাণাং তৈলসৈন্ধবদিগ্ধানাং পুটপাকতঃ স্বিন্নানাং রসৈঃ কোষ্ণৈঃ পূরযেত্| তথৈব মূলকস্য রসেন স্যোনাকস্য চ রসেন পূরযেত্|

Adhikarana vAtaje karNashUle vAtaharAdisAdhito mahAsnehaH (3-4) · Śloka 4

| গণে বাতহরেঽম্লেষু মূত্রেষু চ বিপাচিতঃ||৩|| মহাস্নেহো দ্রুতং হন্তি সুতীব্রামপি বেদনাম্| |৪|

স০-বাতহরে গণেঽম্লেষু মূত্রেষু চ-গোমূত্রাদিষু, বিপাচিতো মহাস্নেহো দ্রাগেব সুদারুণামপি পীডাং জযতি|

Adhikarana vAtaje karNashUle mahatpa~jcamUlAdijaH snehaH (4-5) · Śloka 5

| মহতঃ পঞ্চমূলস্য কাষ্ঠাত্ক্ষৌমেণ বেষ্টিতাত্||৪|| তৈলসিক্তাত্প্রদীপ্তাগ্রাত্ স্নেহঃ সদ্যো রুজাপহঃ| যোজ্যশ্চৈবং ভদ্রকাষ্ঠাত্কুষ্ঠাত্কাষ্ঠাচ্চ সারলাত্||৫||

স০-মহতঃ পঞ্চমূলস্য একতমাত্ কাষ্ঠাত্ ক্ষৌমেণ বেষ্টিতাত্ তৈলসিক্তাত্ প্রজ্বলিতাত্ গ্রাহ্যঃ স্নেহঃ| স কর্ণে নিষিক্তঃ সদ্যো রুজাহৃত্| স০-এবং-অনেনৈব বিধিনা, দেবদারুকাষ্ঠাত্ কুষ্ঠাত্ সরলকাষ্ঠাচ্চ চ্যুতঃ স্নেহো-রসো, যোজ্যঃ|

Adhikarana vAtaje karNashUle vAtavyAdhipratishyAyacikitsA vAtaje karNashUle shiraHsnAnAdivarjanam (6) · Śloka 6

বাতব্যাধিপ্রতিশ্যাযবিহিতং হিতমত্র চ| বর্জযেচ্ছিরসা স্নানং শীতাম্ভঃপানমহ্ন্যপি||৬||

স০-বাতব্যাধৌ প্রতিশ্যাযে চ যদ্বিহিতং ভেষজং তচ্চাত্র হিতম্| স০-শিরসা সহ স্নানং বর্জযেত্| শীতজলপানং দিবাঽপি ন কার্যম্, রাত্রৌ তু সর্বথা বর্জ্যমেবেত্যর্থঃ|

Adhikarana pittaje karNashUle virekaH pittaje karNashUle drAkShAdisiddhaM stanyaM karNapUraNam (7) · Śloka 7

পিত্তশূলে সিতাযুক্তঘৃতস্নিগ্ধং বিরেচযেত্| দ্রাক্ষাযষ্টিশৃতং স্তন্যং শস্যতে কর্ণপূরণম্||৭||

স০-পিত্তশূলে সিতান্বিতঘৃতেন স্নিগ্ধং বিরেচযেত্| দ্রাক্ষামধুকসিদ্ধং স্ত্রীক্ষীরং কর্ণপূরণং হিতম্|

Adhikarana pittaje karNashUle yaShTyAditailena nasyapUraNAbhya~jjanAni pittaje karNashUle kShaudreNa nasyAdIni (8-10) · Śloka 10

যষ্ট্যনন্তাহিমোশীরকাকোলীরোধ্রজীবকৈঃ| মৃণালবিসমঞ্জিষ্ঠাসারিবাভিশ্চ সাধযেত্||৮|| যষ্টীমধুরসপ্রস্থক্ষীরদ্বিপ্রস্থসংযুতম্| তৈলস্য কুডবং নস্যপূরণাভ্যঞ্জনৈরিদম্||৯|| নিহন্তি শূলদাহোষাঃ কেবলং ক্ষৌদ্রমেব বা| |১০|

স০-যষ্ট্যাদিভিঃ কল্কৈর্মধুকক্বাথপ্রস্থেন ক্ষীরস্য দ্বিপ্রস্থেন চ সংযুতং তৈলকুডবং সাধযেত্| নস্যকর্ণপূরণাভ্যঞ্জনৈরিদং শূলাদীন্ হন্তি| কেবলং ক্ষৌদ্রং বা|

Adhikarana pittaje karNashUle yaShTyAdinA lepaH (10) · Śloka 10

| যষ্ট্যাদিভিশ্চ সঘৃতৈঃ কর্ণৌ দিহ্যাত্সমন্ততঃ||১০||

স০-যষ্ট্যাদিভিঃ-পূর্বোক্তৈঃ, সসর্পিকৈঃ কর্ণৌ চ পরিতো লিম্পেত্|

Adhikarana kaphaje karNashUle vamanam kaphaje karNashUle kaphApahAH dhUmanasya gaNDUShasvedAH (11) · Śloka 11

বামযেত্ পিপ্পলীসিদ্ধসর্পিঃস্নিগ্ধং কফোদ্ভবে| ধূমনাবনগণ্ডূষস্বেদান্ কুর্যাত্কফাপহান্||১১||

স০-কফোত্থে পিপ্পলীপক্বঘৃতস্নিগ্ধং বামযেত্| ধূমাদীংশ্চ কফঘ্নান্ বিদধ্যাত্|

Adhikarana kaphaje karNashUle lashunAdisvarasena karNapUraNam (12) · Śloka 12

লশুনার্দ্রকশিগ্রূণাং মুরুঙ্গ্যা মূলকস্য চ| কদল্যাঃ স্বরসঃ শ্রেষ্ঠঃ কদুষ্ণঃ কর্ণপূরণে||১২||

স০-লশুনাদীনাং পৃথক্ পৃথক্ স্বরসঃ কর্ণপূরণে কোষ্ণঃ শ্রেষ্ঠঃ|

Adhikarana kaphaje karNashUle arkA~gkurapuTapAkarasena karNapUraNam kaphaje karNashUle bIjapUrAdisvarasena karNapUraNam (13-14) · Śloka 14

অর্কাঙ্কুরানম্লপিষ্টাংস্তৈলাক্তাংল্লবণান্বিতান্| সন্নিধায স্নুহীকাণ্ডে কোরিতে তচ্ছদাবৃতান্||১৩|| স্বেদযেত্পুটপাকেন স রসঃ শূলজিত্পরম্| |১৪|

স০-অর্কাঙ্কুরানম্লেন-কাঞিকেন, পিষ্টাংস্তৈলেন রূক্ষি(ষি)তান্ লবণান্বিতান্ স্নুহীকাণ্ডে কোরিতে সন্নিধায তস্যাঃ-স্নুহ্যাঃ, পত্রৈরাবৃতান্ পুটপাকেন স্বেদযেত্| স রসঃ পরং শূলজিত্|

Adhikarana kaphaje karNashUle anu samudraphenenAvacUrNanam (14-15) · Śloka 15

| রসেন বীজপূরস্য কপিত্থস্য চ পূরযেত্||১৪|| সুক্তেন পূরযিত্বা বা ফেনেনান্ববচূর্ণযেত্| |১৫|

স০-তথা বীজপূরস্য রসেন কপিত্থরসেন চ পূরযেত্| অথবা সুক্তেন পূরযিত্বা সমুদ্রফেনচূর্ণৈরবচূর্ণযেত্|

Adhikarana kaphaje karNashUle ajAdimUtrasiddhatailena karNapUraNam kaphaje karNashUle hiMgvAdisiddhasArShapatailena karNapUraNam (15-16) · Śloka 16

| অজাবিমূত্রবংশত্বক্ঽঽসিদ্ধং তৈলং চ পূরণম্||১৫|| সিদ্ধং বা সার্ষপং তৈলং হিঙ্গুতুম্বুরুনাগরৈঃ| |১৬|

স০-অজাবিমূত্রাভ্যাং বংশত্বচা চ সিদ্ধং তৈলং পূরণং হিতম্| সার্ষপং তৈলং হিঙ্গুতুম্বুরুশুণ্ঠীভিঃ সিদ্ধং পূরণং হিতম্|

Adhikarana raktaje karNashUle pittajavaccikitsA raktaje karNashUle shirAmokShaNam (16) · Śloka 16

| রক্তজে পিত্তবত্কার্যং সিরাং চাশু বিমোক্ষযেত্||১৬||

স০-রক্তজে কর্ণশূলে পিত্তবত্কার্যম্| শীঘ্রং চ সিরাং বিমোক্ষযেত্|

Adhikarana pakve pUyavahe karNe (sannipAtaje) yathAsvaM dhUmagaNDUShanAvanaM nADIvidhAnaM duShTavraNaharaM ca (17) · Śloka 17

পক্বে পূযবহে কর্ণে ধূমগণ্ডূষনাবনম্| যুঞ্জ্যান্নাডীবিধানং চ দুষ্টব্রণহরং চ যত্||১৭||

স০-পক্বে পূযবহে কর্ণে ধূমাদিকং যোজ্যম্| নাডীবিধানং চ যোজ্যম্| দুষ্টব্রণঘ্নং যচ্চ তচ্চ যোজ্যম্|

Adhikarana pakve pUyavahe karNe srotasi digdhe dhAvanadhUpanapUraNam pakve pUyavahe karNe srotasi surasAdyAktApicuvartiH pakve pUyavahe karNe srotasi taccUrNairavacUrNanam (18-19) · Śloka 19

স্রোতঃ প্রমুজ্য দিগ্ধং তু দ্বৌ কালৌ পিচুবর্তিভিঃ| পুরেণ ধূপযিত্বা তু মাক্ষিকেণ প্রপূরযেত্||১৮|| সুরসাদিগণক্বাথফাণিতাক্তাং চ যোজযেত্| পিচুবর্তিং সুসূক্ষ্মৈশ্চ তচ্চূর্ণৈরবচূর্ণযেত্||১৯||

স০-পিচুবর্তিভিশ্চ কর্ণস্রোতো দিগ্ধং-পূযেন, দ্বৌ কালৌ প্রমৃজ্য গুগ্গুলুনা ধূপযিত্বা ততো মাক্ষিকেণ পূরযেত্| সুরসাদিগণক্বাথকৃতফাণিতাক্তাং পিচুবর্তিং চ যোজযেত্| সুসূক্ষ্মৈস্তচ্চূর্ণৈঃ-সুরসাদিরজোভিঃ, অবচূর্ণযেত্ কর্ণস্রোতঃ|

Adhikarana pakve pUyavahe karNe eSha shUlAdinivartako vidhiH pakve pUyavahe karNe AsrAve priya~ggvAditailena pUraNam (20-21) · Śloka 21

শূলক্লেদগুরুত্বানাং বিধিরেষ নিবর্তকঃ| প্রিযঙ্গুমধুকাম্বষ্ঠাধাতক্যুত্পলপর্ণিভিঃ||২০|| মঞ্জিষ্ঠালোধ্রলাক্ষাভিঃ কপিত্থস্য রসেন চ| পচেত্তৈলং তদাস্রাবং নিগৃহ্ণাত্যাশু পূরণাত্||২১||

স০-শূলাদীনাং নিবর্তকো বিধিরেষঃ| স০-প্রিযঙ্গ্বাদিভিঃ কপিত্থরসেন তৈলং পচেত্| তত্পূরণাদ্দ্রাগেবাস্রাবং নির্হরতি|

Adhikarana karNanAdabAdhiryayorvAtashUloktamauShadham karNanAdabAdhiryayoH shleShmAnubandhe vamanAdinA prAk shleShmajayaH (22) · Śloka 22

নাদবাধির্যযোঃ কুর্যাদ্ বাতশূলোক্তমৌষধম্| শ্লেষ্মানুবন্ধে শ্লেষ্মাণং প্রাগ্জযেদ্বমনাদিভিঃ||২২||

স০-নাদে বধিরত্বে চ বাতশূলোক্তমৌষধং কুর্যাত্| শ্লেষ্মানুবন্ধে প্রাক্ শ্লেষ্মাণং বমনাদিভির্জযেত্|

Adhikarana karNanAdabAdhiryayoH eraNDAditailena nAvanAbhya~ggapUraNAni (23-24) · Śloka 24

এরণ্ডশিগ্রুবরুণমূলকাত্পত্রজে রসে| চতুর্গুণে পচেত্তৈলং ক্ষীরে চাষ্টগুণোন্মিতে||২৩|| যষ্ট্যাহ্বাক্ষীরকাকোলীকল্কযুক্তং নিহন্তি তত্| নাদবাধির্যশূলানি নাবনাভ্যঙ্গপূরণৈঃ||২৪||

স০-এরণ্ডাদিপত্রজে রসে চতুর্গুণে ক্ষীরে চাষ্টগুণে যষ্টিকাদিকল্কযুতং তৈলং পচেত্| তচ্চ নাবনাদিভির্নাদাদীন্ হন্তি|

Adhikarana karNanAdabAdhiryayoH prativiShAditailena pUraNam (25) · Śloka 25

পক্বং প্রতিবিষাহিঙ্গুমিশিত্বক্ঽঽস্বর্জিকোষণৈঃ| সসুক্তৈঃ পূরণাত্তৈলং রুক্ঽঽস্রাবাশ্রুতিনাদনুত্||২৫||

স০-প্রতিবিষাদিভিঃ সংযুক্তং তৈলং পক্বং পূরণাদ্রুজাদিজিত্|

Adhikarana karNanAdabAdhiryayoH sArShapatailena pUraNam (26) · Śloka 26

কর্ণনাদে হিতং তৈলং সর্ষপোত্থং চ পূরণে| |২৬|

স০-সর্ষপোদ্ভবং চ তৈলং কর্ণনাদে হিতম্|

Adhikarana karNanAdabAdhiryayoH mukhadantAmaye ca kShAratailam (26-30) · Śloka 30

| শুষ্কমূলকখণ্ডানাং ক্ষারো হিঙ্গু মহৌষধম্||২৬|| শতপুষ্পাবচাকুষ্ঠদারুশিগ্রুরসাঞ্জনম্| সৌবর্চলযবক্ষারস্বর্জিকৌদ্ভিদসৈন্ধবম্||২৭|| ভূর্জগ্রন্থিবিডং মুস্তা মধুসুক্তং চতুর্গুণম্| মাতুলুঙ্গরসস্তদ্বত্ কদলীস্বরসশ্চ তৈঃ||২৮|| পক্বং তৈলং জযত্যাশু সুকৃচ্ছ্রানপি পূরণাত্| কণ্ডূং ক্লেদং চ বাধির্যপূতিকর্ণত্বরুক্ঽঽকৃমীন্||২৯|| ক্ষারতৈলমিদং শ্রেষ্ঠং মুখদন্তামযেষু চ| |৩০|

স০-শুষ্কমূলকখণ্ডানাং ক্ষারাদীনি সামান্যপরিভাষোক্তপ্রমাণানি তথা তৈলান্মধুযুতং সুক্তং চতুর্গুণং তথা বীজপূররসঃ কদলীস্বরসশ্চ চতুর্গুণঃ| তৈরেতৈস্তৈলং পক্বং পূরণাত্ সুকৃচ্ছ্রানপি কণ্ড্বাদীনাশু জযেত্| ইদং ক্ষারতৈলং মুখদন্তরোগেষু চ শ্রেষ্ঠম্|

Adhikarana karNanAdabAdhiryayoH suptayoH karNayoH raktaharaNam (30) · Śloka 30

| অথ সুপ্তাবিব স্যাতাং কর্ণৌ রক্তং হরেত্ততঃ||৩০||

স০-যদি কর্ণৌ সুপ্তাবিব স্যাতাং তদাঽস্রং হরেত্|

Adhikarana karNanAdabAdhiryayoH sashophakledayorvamanam bAdhiryasya sAdhyAsAdhyatvam (31) · Śloka 31

সশোফক্লেদযোর্মন্দশ্রুতের্বমনমাচরেত্| বাধির্যং বর্জযেদ্বালবৃদ্ধযোশ্চিরজং চ যত্||৩১||

স০-কর্ণযোঃ সশোফক্লেদযোর্মন্দশ্রুতেরাতুরস্য বমনং প্রযুঞ্জ্যাত্| স০-বাধির্যং বালবৃদ্ধযোশ্চিরজাতং চ যত্তদ্বর্জযেত্|

Adhikarana pratInAhe karNashodhanam pratInAhe tailena pUraNam pratInAhe mAtulu~ggarasAdinA pUraNam pratInAhe rUkShatve ghRutamaNDena pUraNam (32-33) · Śloka 33

প্রতীনাহে পরিক্লেদ্য স্নেহস্বেদৈর্বিশোধযেত্| কর্ণশোধনকেনানু কর্ণং তৈলস্য পূরযেত্||৩২|| সসুক্তসৈন্ধবমধোর্মাতুলুঙ্গরসস্য বা| শোধনাদ্রূক্ষতোত্পত্তৌ ঘৃতমণ্ডস্য পূরণম্||৩৩||

স০-প্রতীনাহে স্নেহস্বেদৈঃ পরিক্লেদ্য কর্ণং কর্ণশোধনকেন বিশোধযেত্| পশ্চাত্তৈলস্য সুক্তাদিনা যুক্তস্য কর্ণৌ(র্ণং) পূরযেত্| তৈলস্যেতি সম্বন্ধমাত্রে ষষ্ঠী| মাতুলুঙ্গরসস্য বা সুক্তাদিযুক্তস্য পূরযেত্| শোধনেন রূক্ষতোত্পত্তৌ সত্যাং ঘৃতমণ্ডস্য পূরণং হিতম্|

Adhikarana pratInAhe malapUrNe~api karNe~ayaM kramaH kaNDUkarNe kaphaghnaM nasyAdi shophakarNe~api tadvat kaTUShNaishca lepaH (34) · Śloka 34

ক্রমোঽযং মলপূর্ণেঽপি কর্ণেকণ্ড্বাং কফাপহম্| নস্যাদি, তদ্বচ্ছোফেঽপি কটূষ্ণৈশ্চাত্র লেপনম্||৩৪||

স০-কর্ণে মলেন পূর্ণেঽপ্যযং-প্রতীনাহোক্তঃ, ক্রমঃ কার্যঃ| স০-কণ্ড্বাং তথা কফঘ্নং নস্যাদি| শোফেঽপি তথৈবাযং ক্রমঃ| কটূষ্ণৈশ্চ লেপনং হিতম্|

Adhikarana pUtikRumikarNayoH karNasrAvoktaM karma kRumikarNe kaTutailena pUraNam (35) · Śloka 35

কর্ণস্রাবোদিতং কুর্যাত্পূতিকৃমিণকর্ণযোঃ| পূরণং কটুতৈলেন বিশেষাত্ কৃমিকর্ণকে||৩৫||

স০-পূতিকর্ণে কৃমি[ণ]কর্ণে চ কর্ণস্রাবোক্তং চিকিত্সিতং কুর্যাত্| কৃমিণকর্ণকে বিশেষাত্কটুতৈলেন পূরণং হিতম্|

Adhikarana karNavidradhau vamipUrvA vidradhi kriyA kShatavidradhau pittajakarNashUloktaM karma arshorbudeShu nAsAvaccikitsA karNavidArikAyAM karNavidradhivat (36-37) · Śloka 37

বমিপূর্বা হিতা কর্ণবিদ্রধৌ বিদ্রধিক্রিযা| পিত্তোত্থকর্ণশূলোক্তং কর্তব্যং ক্ষতবিদ্রধৌ||৩৬|| অর্শোর্বুদেষু নাসাবদ্ আমা কর্ণবিদারিকা| কর্ণবিদ্রধিবত্সাধ্যা যথাদোষোদযেন চ||৩৭||

স০-কর্ণবিদ্রধৌ বমনপূর্বা বিদ্রধিক্রিযা শস্তা| স০-ক্ষতবিদ্রধৌ পিত্তোত্থকর্ণশূলোক্তং সর্বং কর্তব্যম্| স০-অর্শোর্বুদেষু নাসাবত্ চিকিত্সা| স০-কর্ণবিদারিকাঽপক্বা কর্ণবিদ্রধিবত্ চিকিত্স্যা, যথাদোষোদযেন চ|

Adhikarana pAlIshoShe vAtajakarNashUlavannasyAdi pAlIshoShe priyAlabIjAdibhiruddhartanam (38-39) · Śloka 39

পালীশোষেঽনিলশ্রোত্রশূলবন্নস্যলেপনম্| স্বেদং চ কুর্যাত্ স্বিন্নাং চ পালীমুদ্বর্তযেত্তিলৈঃ||৩৮|| প্রিযালবীজযষ্ট্যাহ্বহযগন্ধাযবান্বিতৈঃ| |৩৯|

স০-পালীশোষে বাতশ্রোত্রশূল ইব নস্যাদি স্বেদং চ কুর্যাত্| পালীং চ স্বিন্নাং তিলৈঃ প্রিযালবীজাদিযুক্তৈরুদ্বর্তযেত্|

Adhikarana pAlIshoShe puShTikaraiH snehairnityamabhya~ggaH (39) · Śloka 39

| ততঃ পুষ্টিকরৈঃ স্নেহৈরভ্যঙ্গং নিত্যমাচরেত্||৩৯||

স০-ততঃ স্নেহৈঃ পুষ্টিকৃদ্ভির্নিত্যং সাঽভ্যক্তব্যা|

Adhikarana pAlIshoShe pAlIpuShTikaraM shatAvaryAditailam (40) · Śloka 40

শতাবরীবাজিগন্ধাপযস্যৈরণ্ডজীবকৈঃ| তৈলং বিপক্বং সক্ষীরং পালীনাং পুষ্টিকৃত্পরম্||৪০||

স০-শতাবর্যাদিভিস্তৈলং সক্ষীরং পক্বং পালীনাং পরং পুষ্টিকৃত্|

Adhikarana pAlIshoShe pAlIpuShTikaraM jIvanIyAditailam (41) · Śloka 41

কল্কেন জীবনীযেন তৈলং পযসি পাচিতম্| আনূপমাংসক্বাথে চ পালীপোষণবর্ধনম্||৪১||

স০-জীবন্ত্যাদিগণজেন কল্কেন ক্ষীরে আনূপমাংসক্বাথে চ তৈলং পাচিতং পালিপোষণং পালীবৃদ্ধিকৃচ্চ|

Adhikarana pAlIshoShe atisaMkShINAyAH pAlyAshchedanaM sheShAyAH sandhAnaM poShaNaM ca (42) · Śloka 42

পালীং ছিত্ত্বাঽতিসঙ্ক্ষীণাং শেষাং সন্ধায পোষযেত্| |৪২|

স০-পালীমতিসঙ্ক্ষীণাং ছিত্ত্বা শেষাং সন্ধায বর্ধযেত্|

Adhikarana tantrikAyAmapyevaM cikitsA paripoTe~apyayaM vidhiH utpAte jalaukohRutarakte shItalepaH (42-43) · Śloka 43

| যাপ্যৈবং তন্ত্রিকাখ্যাঽপি পরিপোটেঽপ্যযং বিধিঃ||৪২|| উত্পাতে শীতলৈর্লেপো জলৌকোহৃতশোণিতে| |৪৩|

স০-যাপ্যৈবং তন্ত্রিকাসংজ্ঞা| স০-পরিপোটেঽপ্যেষ এব বিধির্যাপ্যাখ্যঃ| স০-উত্পাতে জলৌকোভিরপনীতরক্তে শীতলৈর্লেপঃ|

Adhikarana utpAte jalaukohRutarakte jambvAditailenAbhya~jjanam utpAte jalaukohRutarakte visarpoktaghRutAni (43-44) · Śloka 44

| জম্ব্বাম্রপল্লববলাযষ্টীরোধ্রতিলোত্পলৈঃ||৪৩|| সধান্যাম্লৈঃ সমঞ্জিষ্ঠৈঃ সকদম্বৈঃ সসারিবৈঃ| সিদ্ধমভ্যঞ্জনে তৈলং বিসর্পোক্তঘৃতানি চ||৪৪||

স০-জম্ব্বাদিভিঃ সিদ্ধং তৈলমভ্যঙ্গে হিতম্| বিসর্পোক্তঘৃতানি চ হিতানি|

Adhikarana unmanthe tIkShNaM nAvanam (45-46) · Śloka 46

উন্মন্থেঽভ্যঞ্জনং তৈলং গোধাকর্কবসান্বিতম্| তালপত্র্যশ্বগন্ধার্কবাকুচীফলসৈন্ধবৈঃ||৪৫|| সুরসালাঙ্গলীভ্যাং চ সিদ্ধং, তীক্ষ্ণং চ নাবনম্| |৪৬|

স০-উন্মন্থে তৈলং গোধাকর্কটবসাযুক্তং তালপর্ণ্যাদিভিঃ সিদ্ধমভ্যঞ্জনং হিতম্| তথা সুরসালাঙ্গলীভ্যাং চ তৈলং সিদ্ধং তীক্ষ্ণং নাবনং হিতম্|

Adhikarana duHkhavardhane~ashmantakAdikvAthena sekaH duHkhavardhane madhukAdicUrNenAvacUrNanam duHkhavardhane lAkShAditailenAbhya~jjanam (46-48) · Śloka 48

| দুর্বিদ্ধেঽশ্মন্তজম্ব্বাম্রপত্রক্বাথেন সেচিতাম্||৪৬|| তৈলেন পালীং স্বভ্যক্তাং সুশ্লক্ষ্ণৈরবচূর্ণযেত্| চূর্ণৈর্মধুকমঞ্জিষ্ঠাপ্রপুণ্ড্রাহ্বনিশোদ্ভবৈঃ||৪৭|| লাক্ষাবিডঙ্গসিদ্ধং চ তৈলমভ্যঞ্জনে হিতম্| |৪৮|

স০-দুর্বিদ্ধেঽশ্মন্তকাদিক্বাথেন সেচিতাং পালীং তৈলেন স্বভ্যক্তাং মধুকাদিভিঃ সূক্ষ্মরজীকৃতৈরবচূর্ণযেত্| লাক্ষাবিডঙ্গসিদ্ধং তৈলমভ্যঞ্জনে হিতম্|

Adhikarana lehikAyAM gomayapiNDaiH svedaH lehikAyAM kauTajAdibhirAlepanam lehikAyAM kauTajAdisiddhakaTutailenAbhya~jjanam (48-50) · Śloka 50

| স্বিন্নাং গোমযজৈঃ পিণ্ডৈর্বহুশঃ পরিলেহিকাম্||৪৮|| বিডঙ্গসারৈরালিম্পেদুরভ্রীমূত্রকল্কিতৈঃ| কৌটজেঙ্গুদকারঞ্জবীজশম্যাকবল্কলৈঃ||৪৯|| অথবাঽভ্যঞ্জনং তৈর্বা কটুতৈলং বিপাচযেত্| সনিম্বপত্রমরিচমদনৈর্লেহিকাব্রণে||৫০||

স০-পরিলেহিকাং গোমযজৈঃ পিণ্ডৈর্বহুশঃ স্বিন্নাং বিডঙ্গসারৈরুরভ্রীমূত্রকল্কিতৈরালিম্পেত্| কৌটজাদিবীজাদিভির্বাঽবিমূত্রেণ কল্কিতৈরালিম্পেত্| অথবা তৈরেব-কৌটজাদিভিঃ, কটুতৈলং নিম্বাদিভিঃ সহ বিপাচযেত্ লেহিকাব্রণে|

Adhikarana chinne karNe bandhAdi (51) · Śloka 51

ছিন্নং তু কর্ণং শুদ্ধস্য বন্ধমালোচ্য যৌগিকম্| শুদ্ধাস্রং লাগযেল্লগ্নে সদ্যশ্ছিন্নে বিশোধনম্||৫১||

স০-কর্ণং তু ছিন্নং শুদ্ধরক্তং শুদ্ধস্য যৌগিকং বন্ধমালোচ্য লাগযেত্| লগ্নে কর্ণে সদ্যশ্ছিন্নে বিশোধনং-বিরেকাদি|

Adhikarana karNasandhAnavidhiH (52-54) · Śloka 54

অথ কর্ণরোগবিধানমাহ অথ গ্রথিত্বা কেশান্তং কৃত্বা ছেদনলেখনম্| নিবেশ্য সন্ধিং সুষমং ন নিম্নং ন সমুন্নতম্||৫২|| অভ্যজ্য মধুসর্পির্ভ্যাং পিচুপ্লোতাবগুণ্ঠিতম্| সূত্রেণাগাঢশিথিলং বদ্ধ্বা চূর্ণৈরবাকিরেত্||৫৩|| শোণিতস্থাপনৈর্ব্রণ্যমাচারং চাদিশেত্ততঃ| সপ্তাহাদামতৈলাক্তং শনৈরপনযেত্ পিচুম্||৫৪||

স০-কেশান্তং গ্রথিত্বা ছেদনং লেখনং চ কৃত্বা সন্ধিং সুষমং নিবেশ্য ন নিম্নং ন চোন্নতম্, সুষমমিতি "সুষামাদিষু চ" ইতি ষত্বম্, অভ্যজ্য মধুসর্পির্ভ্যাং পিচুপ্লোতাবগুণ্ঠিতং সূত্রেণ ন গাঢং ন চ শিথিলং বধ্বা শোণিতস্থাপনৈঃ-মধুকগৈরিকাদিভিঃ, অবচূর্ণযেত্| ততো ব্রণহিতমাচারমাচরেত্| সপ্তাহাদূর্ধ্বমামতৈলেনাক্তং শনৈঃ পিচুমপনযেত্| সুশ্রুতে(?) (সঙ্গ্রহে) তূক্তম্ (সং. উ. অ. ২২)- "ন কর্ণে শোফরাগাদিযুক্তে সন্ধানমিষ্যতে| ন ঘস্মরস্য নাত্যুষ্ণে নাবিশুদ্ধতনোরপি||" ইতি|

Adhikarana surUDhAdeH karNasya vivardhanam (55) · Śloka 55

সুরূঢং জাতরোমাণং শ্লিষ্টসন্ধিং সমং স্থিরম্| সুবর্ষ্মাণমরোগং চ শনৈঃ কর্ণং বিবর্ধযেত্||৫৫||

স০-সুরূঢাদিগুণং চ কর্ণং শনৈর্বিবর্ধযেত্|

Adhikarana karNavardhanaM jalashUkAdighRutam (56-59) · Śloka 59

বর্ষ্মরূপমুচ্যতে(?) জলশূকঃ স্বযঙ্গুপ্তা রজন্যৌ বৃহতীফলম্| অশ্বগন্ধাবলাহস্তিপিপ্পলীগৌরসর্ষপাঃ||৫৬|| মূলং কোশাতকাশ্বঘ্নরূপিকাসপ্তপর্ণজম্| ছুচ্ছুন্দরী কালমৃতা গৃহং মধুকরীকৃতম্||৫৭|| জতূকা জলজন্মা চ তথা শবরকন্দকম্| এভিঃ কল্কৈঃ খরং পক্বং সতৈলং মাহিষং ঘৃতম্||৫৮|| হস্ত্যশ্বমূত্রেণ পরমভ্যঙ্গাত্কর্ণবর্ধনম্| |৫৯|

স০-জলশূকাদিভির্গজাশ্বযোর্মূত্রৈঃ পিষ্টৈঃ সতৈলং মাহিষং ঘৃতং খরপাকং পক্বমভ্যঙ্গাত্ কর্ণবর্ধনম্| জলশূকঃ-শেবালম্| রূপিকা-অর্কঃ| ছুচ্ছুন্দরী-মূষিকাভেদঃ| সা চ কালেন মৃতা, ন তু ব্যাপাদিতা| জতূকা-চর্মচটিকা| জলজন্মা-জলৌকা| শবরকন্দকো-লশুনঃ|

Adhikarana nAsAsandhAnavidhiH (59-65) · Śloka 65

| অথ কুর্যাদ্বযস্থস্য ছিন্নাং শুদ্ধস্য নাসিকাম্||৫৯|| ছিন্দ্যান্নাসাসমং পত্রং তত্তুল্যং চ কপোলতঃ| ত্বঙ্মাংসং নাসিকাসন্নে রক্ষংস্তত্তনুতাং নযেত্||৬০|| সীব্যেদ্ গণ্ডং ততঃ সূচ্যা সেবিন্যা পিচুযুক্তযা| নাসাচ্ছেদেঽথ লিখিতে পরীবর্ত্যোপরি ত্বচম্||৬১|| কপোলবধ্রং সন্দধ্যাত্সীব্যেন্নাসাং চ যত্নতঃ| নাডীভ্যামুত্ক্ষিপেদন্তঃ সুখোচ্ছ্বাসপ্রবৃত্তযে||৬২|| আমতৈলেন সিক্ত্বাν পত্তঙ্গমধুকাঞ্জনৈঃ| শোণিতস্থাপনৈশ্চান্যৈঃ সুশ্লক্ষ্ণৈরবচূর্ণযেত্||৬৩|| ততো মধুঘৃতাভ্যক্তং বধ্বাঽঽচারিকমাদিশেত্| জ্ঞাত্বাঽবস্থান্তরং কুর্যাত্ সদ্যোব্রণবিধিং ততঃ||৬৪|| ছিন্দ্যাদ্রূঢেঽধিকং মাংসং নাসোপান্তাচ্চ চর্ম তত্| সীব্যেত্ততশ্চ সুশ্লক্ষ্ণং হীনং সংবর্ধযেত্পুনঃ||৬৫||

স০-অথেতি মঙ্গলে| কৃতমঙ্গলস্য বযস্থস্য-তরুণস্য, শুদ্ধস্য নাসিকাং ছিন্নাং কুর্যাত্| কথম্ ? ইত্যাহ-নাসাতুল্যং পত্রং ছিন্দ্যাত্| তেন-পত্রেণ, তুল্যং কপোলাচ্ছিন্দ্যাত্| নাসিকাতুল্যে দেশে ত্বচং মাংসং চ রক্ষন্ তত্-পত্রং, তনুতাং নযেত্| অনন্তরং সূচ্যা সেবিন্যা পিচুযুক্তযা গণ্ডং সীব্যেত্| অথ নাসাছেদে লিখিতে তত্ত্বচমুপরিবর্ত্য কপোলবধ্রং সন্দধ্যাত্| নাসাং চ যত্নেন সীব্যেত্| অন্তঃ-মধ্যে, নাসিকাং নাডীভ্যামুত্ক্ষিপেত্ সুখোচ্ছ্বাসপ্রবর্তনায| তত আমতৈলেন সিক্ত্বা পত্তঙ্গমধুকাঞ্জনৈরবচূর্ণযেত্| অন্যৈরপি-সিরাব্যধবিধ্যুক্তৈঃ শোণিতস্থাপনৈঃ (হৃ. সূ. অ. ২৭|৪৮) , সুশ্লক্ষ্ণৈশ্চূর্ণৈরবচূর্ণযেত্| অনন্তরং মাক্ষিকঘৃতাভ্যামভ্যক্তং বধ্বা, আচারিকং-স্নেহবিধ্যুক্তং, আদিশেত্| অবস্থান্তরং চ জ্ঞাত্বা সদ্যোব্রণপ্রতিষেধবিধিং কুর্যাত্| ততো রূঢে সত্যধিকং মাংসং তচ্চ নাসাসমীপাদধিকং চর্ম ছিন্দ্যাত্| অনন্তরং সীব্যেত্| ততঃ সুশ্লক্ষ্ণং চ কৃত্বা পুনঃ সীব্যেত্| হীনং চ বর্ধযেত্|

Adhikarana oShThasandhAnavidhiH (18) · Śloka 18

নিবেশিতে যথান্যাসং সদ্যশ্চ্ছিন্নেঽপ্যযং বিধিঃ| নাডীযোগাদ্বিনৌষ্ঠস্য নাসাসন্ধানবদ্বিধিঃ||৬৬|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে কর্ণরোগপ্রতিষেধো নামাষ্টাদশোঽধ্যাযঃ||১৮||

স০-সদ্যশ্ছিন্নেঽপি ঘ্রাণে যথান্যাসং নিবেশিতে সত্যযমেব বিধিঃ| স০-নাডীযোগমন্তরেণৌষ্ঠস্যাপি ছিন্নস্য নাসাসন্ধানতুল্যো বিধিরিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে কর্ণরোগপ্রতিষেধো নামাষ্টাদশোঽধ্যাযঃ সমাপ্তঃ|| ১৮||