18. karṇarōgapratiṣēdhādhyāyaḥ

Adhikarana karogapratiShedhAdhyAyaH||18|| vAtaje karNashUle vAtaghnasAdhitaM ghRutam vAtaje karNashUle ashvatthAdipatrarasaiH karNapUraNam (2-3) · Śloka 3

ಅಥಾತಃ ಕರ್ಣರೋಗಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ||೨|| ) ಕರ್ಣಶೂಲೇ ಪವನಜೇ ಪಿಬೇದ್ರಾತ್ರೌ ರಸಾಶಿತಃ| ವಾತಘ್ನಸಾಧಿತಂ ಸರ್ಪಿಃ, ಕರ್ಣಂ ಸ್ವಿನ್ನಂ ಚ ಪೂರಯೇತ್||೧|| ಪತ್ರಾಣಾಂ ಪೃಥಗಶ್ವತ್ಥಬಿಲ್ವಾರ್ಕೈರಣ್ಡಜನ್ಮನಾಮ್| ತೈಲಸಿನ್ಧೂತ್ಥದಿಗ್ಧಾನಾಂ ಸ್ವಿನ್ನಾನಾಂ ಪುಟಪಾಕತಃ||೨|| ರಸೈಃ ಕವೋಷ್ಣೈಸ್ತದ್ವಚ್ಚ ಮೂಲಕಸ್ಯಾರಲೋರಪಿ| |೩|

ಅಸ್ಮಾದನನ್ತರಮೇತಚ್ಚಿಕಿತ್ಸೋಚ್ಯತ ಇತ್ಯಾಹ- ಸ೦-ವಾತೋದ್ಭವೇ ಕರ್ಣಶೂಲೇ ಮಾಂಸರಸೇನ ಭೋಜಿತೋ ವಾತಘ್ನದ್ರವ್ಯಸಾಧಿತಂ ಘೃತಂ ನಿಶಿ ಪಿಬೇತ್| ಕರ್ಣಂ ಚ ಸ್ವಿನ್ನಂ ಸನ್ತಂ ಪೃಥಗಶ್ವತ್ಥಾದಿಜಾನಾಂ ಪತ್ರಾಣಾಂ ತೈಲಸೈನ್ಧವದಿಗ್ಧಾನಾಂ ಪುಟಪಾಕತಃ ಸ್ವಿನ್ನಾನಾಂ ರಸೈಃ ಕೋಷ್ಣೈಃ ಪೂರಯೇತ್| ತಥೈವ ಮೂಲಕಸ್ಯ ರಸೇನ ಸ್ಯೋನಾಕಸ್ಯ ಚ ರಸೇನ ಪೂರಯೇತ್|

Adhikarana vAtaje karNashUle vAtaharAdisAdhito mahAsnehaH (3-4) · Śloka 4

| ಗಣೇ ವಾತಹರೇಽಮ್ಲೇಷು ಮೂತ್ರೇಷು ಚ ವಿಪಾಚಿತಃ||೩|| ಮಹಾಸ್ನೇಹೋ ದ್ರುತಂ ಹನ್ತಿ ಸುತೀವ್ರಾಮಪಿ ವೇದನಾಮ್| |೪|

ಸ೦-ವಾತಹರೇ ಗಣೇಽಮ್ಲೇಷು ಮೂತ್ರೇಷು ಚ-ಗೋಮೂತ್ರಾದಿಷು, ವಿಪಾಚಿತೋ ಮಹಾಸ್ನೇಹೋ ದ್ರಾಗೇವ ಸುದಾರುಣಾಮಪಿ ಪೀಡಾಂ ಜಯತಿ|

Adhikarana vAtaje karNashUle mahatpa~jcamUlAdijaH snehaH (4-5) · Śloka 5

| ಮಹತಃ ಪಞ್ಚಮೂಲಸ್ಯ ಕಾಷ್ಠಾತ್ಕ್ಷೌಮೇಣ ವೇಷ್ಟಿತಾತ್||೪|| ತೈಲಸಿಕ್ತಾತ್ಪ್ರದೀಪ್ತಾಗ್ರಾತ್ ಸ್ನೇಹಃ ಸದ್ಯೋ ರುಜಾಪಹಃ| ಯೋಜ್ಯಶ್ಚೈವಂ ಭದ್ರಕಾಷ್ಠಾತ್ಕುಷ್ಠಾತ್ಕಾಷ್ಠಾಚ್ಚ ಸಾರಲಾತ್||೫||

ಸ೦-ಮಹತಃ ಪಞ್ಚಮೂಲಸ್ಯ ಏಕತಮಾತ್ ಕಾಷ್ಠಾತ್ ಕ್ಷೌಮೇಣ ವೇಷ್ಟಿತಾತ್ ತೈಲಸಿಕ್ತಾತ್ ಪ್ರಜ್ವಲಿತಾತ್ ಗ್ರಾಹ್ಯಃ ಸ್ನೇಹಃ| ಸ ಕರ್ಣೇ ನಿಷಿಕ್ತಃ ಸದ್ಯೋ ರುಜಾಹೃತ್| ಸ೦-ಏವಂ-ಅನೇನೈವ ವಿಧಿನಾ, ದೇವದಾರುಕಾಷ್ಠಾತ್ ಕುಷ್ಠಾತ್ ಸರಲಕಾಷ್ಠಾಚ್ಚ ಚ್ಯುತಃ ಸ್ನೇಹೋ-ರಸೋ, ಯೋಜ್ಯಃ|

Adhikarana vAtaje karNashUle vAtavyAdhipratishyAyacikitsA vAtaje karNashUle shiraHsnAnAdivarjanam (6) · Śloka 6

ವಾತವ್ಯಾಧಿಪ್ರತಿಶ್ಯಾಯವಿಹಿತಂ ಹಿತಮತ್ರ ಚ| ವರ್ಜಯೇಚ್ಛಿರಸಾ ಸ್ನಾನಂ ಶೀತಾಮ್ಭಃಪಾನಮಹ್ನ್ಯಪಿ||೬||

ಸ೦-ವಾತವ್ಯಾಧೌ ಪ್ರತಿಶ್ಯಾಯೇ ಚ ಯದ್ವಿಹಿತಂ ಭೇಷಜಂ ತಚ್ಚಾತ್ರ ಹಿತಮ್| ಸ೦-ಶಿರಸಾ ಸಹ ಸ್ನಾನಂ ವರ್ಜಯೇತ್| ಶೀತಜಲಪಾನಂ ದಿವಾಽಪಿ ನ ಕಾರ್ಯಮ್, ರಾತ್ರೌ ತು ಸರ್ವಥಾ ವರ್ಜ್ಯಮೇವೇತ್ಯರ್ಥಃ|

Adhikarana pittaje karNashUle virekaH pittaje karNashUle drAkShAdisiddhaM stanyaM karNapUraNam (7) · Śloka 7

ಪಿತ್ತಶೂಲೇ ಸಿತಾಯುಕ್ತಘೃತಸ್ನಿಗ್ಧಂ ವಿರೇಚಯೇತ್| ದ್ರಾಕ್ಷಾಯಷ್ಟಿಶೃತಂ ಸ್ತನ್ಯಂ ಶಸ್ಯತೇ ಕರ್ಣಪೂರಣಮ್||೭||

ಸ೦-ಪಿತ್ತಶೂಲೇ ಸಿತಾನ್ವಿತಘೃತೇನ ಸ್ನಿಗ್ಧಂ ವಿರೇಚಯೇತ್| ದ್ರಾಕ್ಷಾಮಧುಕಸಿದ್ಧಂ ಸ್ತ್ರೀಕ್ಷೀರಂ ಕರ್ಣಪೂರಣಂ ಹಿತಮ್|

Adhikarana pittaje karNashUle yaShTyAditailena nasyapUraNAbhya~jjanAni pittaje karNashUle kShaudreNa nasyAdIni (8-10) · Śloka 10

ಯಷ್ಟ್ಯನನ್ತಾಹಿಮೋಶೀರಕಾಕೋಲೀರೋಧ್ರಜೀವಕೈಃ| ಮೃಣಾಲಬಿಸಮಞ್ಜಿಷ್ಠಾಸಾರಿವಾಭಿಶ್ಚ ಸಾಧಯೇತ್||೮|| ಯಷ್ಟೀಮಧುರಸಪ್ರಸ್ಥಕ್ಷೀರದ್ವಿಪ್ರಸ್ಥಸಂಯುತಮ್| ತೈಲಸ್ಯ ಕುಡವಂ ನಸ್ಯಪೂರಣಾಭ್ಯಞ್ಜನೈರಿದಮ್||೯|| ನಿಹನ್ತಿ ಶೂಲದಾಹೋಷಾಃ ಕೇವಲಂ ಕ್ಷೌದ್ರಮೇವ ವಾ| |೧೦|

ಸ೦-ಯಷ್ಟ್ಯಾದಿಭಿಃ ಕಲ್ಕೈರ್ಮಧುಕಕ್ವಾಥಪ್ರಸ್ಥೇನ ಕ್ಷೀರಸ್ಯ ದ್ವಿಪ್ರಸ್ಥೇನ ಚ ಸಂಯುತಂ ತೈಲಕುಡವಂ ಸಾಧಯೇತ್| ನಸ್ಯಕರ್ಣಪೂರಣಾಭ್ಯಞ್ಜನೈರಿದಂ ಶೂಲಾದೀನ್ ಹನ್ತಿ| ಕೇವಲಂ ಕ್ಷೌದ್ರಂ ವಾ|

Adhikarana pittaje karNashUle yaShTyAdinA lepaH (10) · Śloka 10

| ಯಷ್ಟ್ಯಾದಿಭಿಶ್ಚ ಸಘೃತೈಃ ಕರ್ಣೌ ದಿಹ್ಯಾತ್ಸಮನ್ತತಃ||೧೦||

ಸ೦-ಯಷ್ಟ್ಯಾದಿಭಿಃ-ಪೂರ್ವೋಕ್ತೈಃ, ಸಸರ್ಪಿಕೈಃ ಕರ್ಣೌ ಚ ಪರಿತೋ ಲಿಮ್ಪೇತ್|

Adhikarana kaphaje karNashUle vamanam kaphaje karNashUle kaphApahAH dhUmanasya gaNDUShasvedAH (11) · Śloka 11

ವಾಮಯೇತ್ ಪಿಪ್ಪಲೀಸಿದ್ಧಸರ್ಪಿಃಸ್ನಿಗ್ಧಂ ಕಫೋದ್ಭವೇ| ಧೂಮನಾವನಗಣ್ಡೂಷಸ್ವೇದಾನ್ ಕುರ್ಯಾತ್ಕಫಾಪಹಾನ್||೧೧||

ಸ೦-ಕಫೋತ್ಥೇ ಪಿಪ್ಪಲೀಪಕ್ವಘೃತಸ್ನಿಗ್ಧಂ ವಾಮಯೇತ್| ಧೂಮಾದೀಂಶ್ಚ ಕಫಘ್ನಾನ್ ವಿದಧ್ಯಾತ್|

Adhikarana kaphaje karNashUle lashunAdisvarasena karNapUraNam (12) · Śloka 12

ಲಶುನಾರ್ದ್ರಕಶಿಗ್ರೂಣಾಂ ಮುರುಙ್ಗ್ಯಾ ಮೂಲಕಸ್ಯ ಚ| ಕದಲ್ಯಾಃ ಸ್ವರಸಃ ಶ್ರೇಷ್ಠಃ ಕದುಷ್ಣಃ ಕರ್ಣಪೂರಣೇ||೧೨||

ಸ೦-ಲಶುನಾದೀನಾಂ ಪೃಥಕ್ ಪೃಥಕ್ ಸ್ವರಸಃ ಕರ್ಣಪೂರಣೇ ಕೋಷ್ಣಃ ಶ್ರೇಷ್ಠಃ|

Adhikarana kaphaje karNashUle arkA~gkurapuTapAkarasena karNapUraNam kaphaje karNashUle bIjapUrAdisvarasena karNapUraNam (13-14) · Śloka 14

ಅರ್ಕಾಙ್ಕುರಾನಮ್ಲಪಿಷ್ಟಾಂಸ್ತೈಲಾಕ್ತಾಂಲ್ಲವಣಾನ್ವಿತಾನ್| ಸನ್ನಿಧಾಯ ಸ್ನುಹೀಕಾಣ್ಡೇ ಕೋರಿತೇ ತಚ್ಛದಾವೃತಾನ್||೧೩|| ಸ್ವೇದಯೇತ್ಪುಟಪಾಕೇನ ಸ ರಸಃ ಶೂಲಜಿತ್ಪರಮ್| |೧೪|

ಸ೦-ಅರ್ಕಾಙ್ಕುರಾನಮ್ಲೇನ-ಕಾಞಿಕೇನ, ಪಿಷ್ಟಾಂಸ್ತೈಲೇನ ರೂಕ್ಷಿ(ಷಿ)ತಾನ್ ಲವಣಾನ್ವಿತಾನ್ ಸ್ನುಹೀಕಾಣ್ಡೇ ಕೋರಿತೇ ಸನ್ನಿಧಾಯ ತಸ್ಯಾಃ-ಸ್ನುಹ್ಯಾಃ, ಪತ್ರೈರಾವೃತಾನ್ ಪುಟಪಾಕೇನ ಸ್ವೇದಯೇತ್| ಸ ರಸಃ ಪರಂ ಶೂಲಜಿತ್|

Adhikarana kaphaje karNashUle anu samudraphenenAvacUrNanam (14-15) · Śloka 15

| ರಸೇನ ಬೀಜಪೂರಸ್ಯ ಕಪಿತ್ಥಸ್ಯ ಚ ಪೂರಯೇತ್||೧೪|| ಸುಕ್ತೇನ ಪೂರಯಿತ್ವಾ ವಾ ಫೇನೇನಾನ್ವವಚೂರ್ಣಯೇತ್| |೧೫|

ಸ೦-ತಥಾ ಬೀಜಪೂರಸ್ಯ ರಸೇನ ಕಪಿತ್ಥರಸೇನ ಚ ಪೂರಯೇತ್| ಅಥವಾ ಸುಕ್ತೇನ ಪೂರಯಿತ್ವಾ ಸಮುದ್ರಫೇನಚೂರ್ಣೈರವಚೂರ್ಣಯೇತ್|

Adhikarana kaphaje karNashUle ajAdimUtrasiddhatailena karNapUraNam kaphaje karNashUle hiMgvAdisiddhasArShapatailena karNapUraNam (15-16) · Śloka 16

| ಅಜಾವಿಮೂತ್ರವಂಶತ್ವಕ್ಽಽಸಿದ್ಧಂ ತೈಲಂ ಚ ಪೂರಣಮ್||೧೫|| ಸಿದ್ಧಂ ವಾ ಸಾರ್ಷಪಂ ತೈಲಂ ಹಿಙ್ಗುತುಮ್ಬುರುನಾಗರೈಃ| |೧೬|

ಸ೦-ಅಜಾವಿಮೂತ್ರಾಭ್ಯಾಂ ವಂಶತ್ವಚಾ ಚ ಸಿದ್ಧಂ ತೈಲಂ ಪೂರಣಂ ಹಿತಮ್| ಸಾರ್ಷಪಂ ತೈಲಂ ಹಿಙ್ಗುತುಮ್ಬುರುಶುಣ್ಠೀಭಿಃ ಸಿದ್ಧಂ ಪೂರಣಂ ಹಿತಮ್|

Adhikarana raktaje karNashUle pittajavaccikitsA raktaje karNashUle shirAmokShaNam (16) · Śloka 16

| ರಕ್ತಜೇ ಪಿತ್ತವತ್ಕಾರ್ಯಂ ಸಿರಾಂ ಚಾಶು ವಿಮೋಕ್ಷಯೇತ್||೧೬||

ಸ೦-ರಕ್ತಜೇ ಕರ್ಣಶೂಲೇ ಪಿತ್ತವತ್ಕಾರ್ಯಮ್| ಶೀಘ್ರಂ ಚ ಸಿರಾಂ ವಿಮೋಕ್ಷಯೇತ್|

Adhikarana pakve pUyavahe karNe (sannipAtaje) yathAsvaM dhUmagaNDUShanAvanaM nADIvidhAnaM duShTavraNaharaM ca (17) · Śloka 17

ಪಕ್ವೇ ಪೂಯವಹೇ ಕರ್ಣೇ ಧೂಮಗಣ್ಡೂಷನಾವನಮ್| ಯುಞ್ಜ್ಯಾನ್ನಾಡೀವಿಧಾನಂ ಚ ದುಷ್ಟವ್ರಣಹರಂ ಚ ಯತ್||೧೭||

ಸ೦-ಪಕ್ವೇ ಪೂಯವಹೇ ಕರ್ಣೇ ಧೂಮಾದಿಕಂ ಯೋಜ್ಯಮ್| ನಾಡೀವಿಧಾನಂ ಚ ಯೋಜ್ಯಮ್| ದುಷ್ಟವ್ರಣಘ್ನಂ ಯಚ್ಚ ತಚ್ಚ ಯೋಜ್ಯಮ್|

Adhikarana pakve pUyavahe karNe srotasi digdhe dhAvanadhUpanapUraNam pakve pUyavahe karNe srotasi surasAdyAktApicuvartiH pakve pUyavahe karNe srotasi taccUrNairavacUrNanam (18-19) · Śloka 19

ಸ್ರೋತಃ ಪ್ರಮುಜ್ಯ ದಿಗ್ಧಂ ತು ದ್ವೌ ಕಾಲೌ ಪಿಚುವರ್ತಿಭಿಃ| ಪುರೇಣ ಧೂಪಯಿತ್ವಾ ತು ಮಾಕ್ಷಿಕೇಣ ಪ್ರಪೂರಯೇತ್||೧೮|| ಸುರಸಾದಿಗಣಕ್ವಾಥಫಾಣಿತಾಕ್ತಾಂ ಚ ಯೋಜಯೇತ್| ಪಿಚುವರ್ತಿಂ ಸುಸೂಕ್ಷ್ಮೈಶ್ಚ ತಚ್ಚೂರ್ಣೈರವಚೂರ್ಣಯೇತ್||೧೯||

ಸ೦-ಪಿಚುವರ್ತಿಭಿಶ್ಚ ಕರ್ಣಸ್ರೋತೋ ದಿಗ್ಧಂ-ಪೂಯೇನ, ದ್ವೌ ಕಾಲೌ ಪ್ರಮೃಜ್ಯ ಗುಗ್ಗುಲುನಾ ಧೂಪಯಿತ್ವಾ ತತೋ ಮಾಕ್ಷಿಕೇಣ ಪೂರಯೇತ್| ಸುರಸಾದಿಗಣಕ್ವಾಥಕೃತಫಾಣಿತಾಕ್ತಾಂ ಪಿಚುವರ್ತಿಂ ಚ ಯೋಜಯೇತ್| ಸುಸೂಕ್ಷ್ಮೈಸ್ತಚ್ಚೂರ್ಣೈಃ-ಸುರಸಾದಿರಜೋಭಿಃ, ಅವಚೂರ್ಣಯೇತ್ ಕರ್ಣಸ್ರೋತಃ|

Adhikarana pakve pUyavahe karNe eSha shUlAdinivartako vidhiH pakve pUyavahe karNe AsrAve priya~ggvAditailena pUraNam (20-21) · Śloka 21

ಶೂಲಕ್ಲೇದಗುರುತ್ವಾನಾಂ ವಿಧಿರೇಷ ನಿವರ್ತಕಃ| ಪ್ರಿಯಙ್ಗುಮಧುಕಾಮ್ಬಷ್ಠಾಧಾತಕ್ಯುತ್ಪಲಪರ್ಣಿಭಿಃ||೨೦|| ಮಞ್ಜಿಷ್ಠಾಲೋಧ್ರಲಾಕ್ಷಾಭಿಃ ಕಪಿತ್ಥಸ್ಯ ರಸೇನ ಚ| ಪಚೇತ್ತೈಲಂ ತದಾಸ್ರಾವಂ ನಿಗೃಹ್ಣಾತ್ಯಾಶು ಪೂರಣಾತ್||೨೧||

ಸ೦-ಶೂಲಾದೀನಾಂ ನಿವರ್ತಕೋ ವಿಧಿರೇಷಃ| ಸ೦-ಪ್ರಿಯಙ್ಗ್ವಾದಿಭಿಃ ಕಪಿತ್ಥರಸೇನ ತೈಲಂ ಪಚೇತ್| ತತ್ಪೂರಣಾದ್ದ್ರಾಗೇವಾಸ್ರಾವಂ ನಿರ್ಹರತಿ|

Adhikarana karNanAdabAdhiryayorvAtashUloktamauShadham karNanAdabAdhiryayoH shleShmAnubandhe vamanAdinA prAk shleShmajayaH (22) · Śloka 22

ನಾದಬಾಧಿರ್ಯಯೋಃ ಕುರ್ಯಾದ್ ವಾತಶೂಲೋಕ್ತಮೌಷಧಮ್| ಶ್ಲೇಷ್ಮಾನುಬನ್ಧೇ ಶ್ಲೇಷ್ಮಾಣಂ ಪ್ರಾಗ್ಜಯೇದ್ವಮನಾದಿಭಿಃ||೨೨||

ಸ೦-ನಾದೇ ಬಧಿರತ್ವೇ ಚ ವಾತಶೂಲೋಕ್ತಮೌಷಧಂ ಕುರ್ಯಾತ್| ಶ್ಲೇಷ್ಮಾನುಬನ್ಧೇ ಪ್ರಾಕ್ ಶ್ಲೇಷ್ಮಾಣಂ ವಮನಾದಿಭಿರ್ಜಯೇತ್|

Adhikarana karNanAdabAdhiryayoH eraNDAditailena nAvanAbhya~ggapUraNAni (23-24) · Śloka 24

ಏರಣ್ಡಶಿಗ್ರುವರುಣಮೂಲಕಾತ್ಪತ್ರಜೇ ರಸೇ| ಚತುರ್ಗುಣೇ ಪಚೇತ್ತೈಲಂ ಕ್ಷೀರೇ ಚಾಷ್ಟಗುಣೋನ್ಮಿತೇ||೨೩|| ಯಷ್ಟ್ಯಾಹ್ವಾಕ್ಷೀರಕಾಕೋಲೀಕಲ್ಕಯುಕ್ತಂ ನಿಹನ್ತಿ ತತ್| ನಾದಬಾಧಿರ್ಯಶೂಲಾನಿ ನಾವನಾಭ್ಯಙ್ಗಪೂರಣೈಃ||೨೪||

ಸ೦-ಏರಣ್ಡಾದಿಪತ್ರಜೇ ರಸೇ ಚತುರ್ಗುಣೇ ಕ್ಷೀರೇ ಚಾಷ್ಟಗುಣೇ ಯಷ್ಟಿಕಾದಿಕಲ್ಕಯುತಂ ತೈಲಂ ಪಚೇತ್| ತಚ್ಚ ನಾವನಾದಿಭಿರ್ನಾದಾದೀನ್ ಹನ್ತಿ|

Adhikarana karNanAdabAdhiryayoH prativiShAditailena pUraNam (25) · Śloka 25

ಪಕ್ವಂ ಪ್ರತಿವಿಷಾಹಿಙ್ಗುಮಿಶಿತ್ವಕ್ಽಽಸ್ವರ್ಜಿಕೋಷಣೈಃ| ಸಸುಕ್ತೈಃ ಪೂರಣಾತ್ತೈಲಂ ರುಕ್ಽಽಸ್ರಾವಾಶ್ರುತಿನಾದನುತ್||೨೫||

ಸ೦-ಪ್ರತಿವಿಷಾದಿಭಿಃ ಸಂಯುಕ್ತಂ ತೈಲಂ ಪಕ್ವಂ ಪೂರಣಾದ್ರುಜಾದಿಜಿತ್|

Adhikarana karNanAdabAdhiryayoH sArShapatailena pUraNam (26) · Śloka 26

ಕರ್ಣನಾದೇ ಹಿತಂ ತೈಲಂ ಸರ್ಷಪೋತ್ಥಂ ಚ ಪೂರಣೇ| |೨೬|

ಸ೦-ಸರ್ಷಪೋದ್ಭವಂ ಚ ತೈಲಂ ಕರ್ಣನಾದೇ ಹಿತಮ್|

Adhikarana karNanAdabAdhiryayoH mukhadantAmaye ca kShAratailam (26-30) · Śloka 30

| ಶುಷ್ಕಮೂಲಕಖಣ್ಡಾನಾಂ ಕ್ಷಾರೋ ಹಿಙ್ಗು ಮಹೌಷಧಮ್||೨೬|| ಶತಪುಷ್ಪಾವಚಾಕುಷ್ಠದಾರುಶಿಗ್ರುರಸಾಞ್ಜನಮ್| ಸೌವರ್ಚಲಯವಕ್ಷಾರಸ್ವರ್ಜಿಕೌದ್ಭಿದಸೈನ್ಧವಮ್||೨೭|| ಭೂರ್ಜಗ್ರನ್ಥಿಬಿಡಂ ಮುಸ್ತಾ ಮಧುಸುಕ್ತಂ ಚತುರ್ಗುಣಮ್| ಮಾತುಲುಙ್ಗರಸಸ್ತದ್ವತ್ ಕದಲೀಸ್ವರಸಶ್ಚ ತೈಃ||೨೮|| ಪಕ್ವಂ ತೈಲಂ ಜಯತ್ಯಾಶು ಸುಕೃಚ್ಛ್ರಾನಪಿ ಪೂರಣಾತ್| ಕಣ್ಡೂಂ ಕ್ಲೇದಂ ಚ ಬಾಧಿರ್ಯಪೂತಿಕರ್ಣತ್ವರುಕ್ಽಽಕೃಮೀನ್||೨೯|| ಕ್ಷಾರತೈಲಮಿದಂ ಶ್ರೇಷ್ಠಂ ಮುಖದನ್ತಾಮಯೇಷು ಚ| |೩೦|

ಸ೦-ಶುಷ್ಕಮೂಲಕಖಣ್ಡಾನಾಂ ಕ್ಷಾರಾದೀನಿ ಸಾಮಾನ್ಯಪರಿಭಾಷೋಕ್ತಪ್ರಮಾಣಾನಿ ತಥಾ ತೈಲಾನ್ಮಧುಯುತಂ ಸುಕ್ತಂ ಚತುರ್ಗುಣಂ ತಥಾ ಬೀಜಪೂರರಸಃ ಕದಲೀಸ್ವರಸಶ್ಚ ಚತುರ್ಗುಣಃ| ತೈರೇತೈಸ್ತೈಲಂ ಪಕ್ವಂ ಪೂರಣಾತ್ ಸುಕೃಚ್ಛ್ರಾನಪಿ ಕಣ್ಡ್ವಾದೀನಾಶು ಜಯೇತ್| ಇದಂ ಕ್ಷಾರತೈಲಂ ಮುಖದನ್ತರೋಗೇಷು ಚ ಶ್ರೇಷ್ಠಮ್|

Adhikarana karNanAdabAdhiryayoH suptayoH karNayoH raktaharaNam (30) · Śloka 30

| ಅಥ ಸುಪ್ತಾವಿವ ಸ್ಯಾತಾಂ ಕರ್ಣೌ ರಕ್ತಂ ಹರೇತ್ತತಃ||೩೦||

ಸ೦-ಯದಿ ಕರ್ಣೌ ಸುಪ್ತಾವಿವ ಸ್ಯಾತಾಂ ತದಾಽಸ್ರಂ ಹರೇತ್|

Adhikarana karNanAdabAdhiryayoH sashophakledayorvamanam bAdhiryasya sAdhyAsAdhyatvam (31) · Śloka 31

ಸಶೋಫಕ್ಲೇದಯೋರ್ಮನ್ದಶ್ರುತೇರ್ವಮನಮಾಚರೇತ್| ಬಾಧಿರ್ಯಂ ವರ್ಜಯೇದ್ಬಾಲವೃದ್ಧಯೋಶ್ಚಿರಜಂ ಚ ಯತ್||೩೧||

ಸ೦-ಕರ್ಣಯೋಃ ಸಶೋಫಕ್ಲೇದಯೋರ್ಮನ್ದಶ್ರುತೇರಾತುರಸ್ಯ ವಮನಂ ಪ್ರಯುಞ್ಜ್ಯಾತ್| ಸ೦-ಬಾಧಿರ್ಯಂ ಬಾಲವೃದ್ಧಯೋಶ್ಚಿರಜಾತಂ ಚ ಯತ್ತದ್ವರ್ಜಯೇತ್|

Adhikarana pratInAhe karNashodhanam pratInAhe tailena pUraNam pratInAhe mAtulu~ggarasAdinA pUraNam pratInAhe rUkShatve ghRutamaNDena pUraNam (32-33) · Śloka 33

ಪ್ರತೀನಾಹೇ ಪರಿಕ್ಲೇದ್ಯ ಸ್ನೇಹಸ್ವೇದೈರ್ವಿಶೋಧಯೇತ್| ಕರ್ಣಶೋಧನಕೇನಾನು ಕರ್ಣಂ ತೈಲಸ್ಯ ಪೂರಯೇತ್||೩೨|| ಸಸುಕ್ತಸೈನ್ಧವಮಧೋರ್ಮಾತುಲುಙ್ಗರಸಸ್ಯ ವಾ| ಶೋಧನಾದ್ರೂಕ್ಷತೋತ್ಪತ್ತೌ ಘೃತಮಣ್ಡಸ್ಯ ಪೂರಣಮ್||೩೩||

ಸ೦-ಪ್ರತೀನಾಹೇ ಸ್ನೇಹಸ್ವೇದೈಃ ಪರಿಕ್ಲೇದ್ಯ ಕರ್ಣಂ ಕರ್ಣಶೋಧನಕೇನ ವಿಶೋಧಯೇತ್| ಪಶ್ಚಾತ್ತೈಲಸ್ಯ ಸುಕ್ತಾದಿನಾ ಯುಕ್ತಸ್ಯ ಕರ್ಣೌ(ರ್ಣಂ) ಪೂರಯೇತ್| ತೈಲಸ್ಯೇತಿ ಸಮ್ಬನ್ಧಮಾತ್ರೇ ಷಷ್ಠೀ| ಮಾತುಲುಙ್ಗರಸಸ್ಯ ವಾ ಸುಕ್ತಾದಿಯುಕ್ತಸ್ಯ ಪೂರಯೇತ್| ಶೋಧನೇನ ರೂಕ್ಷತೋತ್ಪತ್ತೌ ಸತ್ಯಾಂ ಘೃತಮಣ್ಡಸ್ಯ ಪೂರಣಂ ಹಿತಮ್|

Adhikarana pratInAhe malapUrNe~api karNe~ayaM kramaH kaNDUkarNe kaphaghnaM nasyAdi shophakarNe~api tadvat kaTUShNaishca lepaH (34) · Śloka 34

ಕ್ರಮೋಽಯಂ ಮಲಪೂರ್ಣೇಽಪಿ ಕರ್ಣೇಕಣ್ಡ್ವಾಂ ಕಫಾಪಹಮ್| ನಸ್ಯಾದಿ, ತದ್ವಚ್ಛೋಫೇಽಪಿ ಕಟೂಷ್ಣೈಶ್ಚಾತ್ರ ಲೇಪನಮ್||೩೪||

ಸ೦-ಕರ್ಣೇ ಮಲೇನ ಪೂರ್ಣೇಽಪ್ಯಯಂ-ಪ್ರತೀನಾಹೋಕ್ತಃ, ಕ್ರಮಃ ಕಾರ್ಯಃ| ಸ೦-ಕಣ್ಡ್ವಾಂ ತಥಾ ಕಫಘ್ನಂ ನಸ್ಯಾದಿ| ಶೋಫೇಽಪಿ ತಥೈವಾಯಂ ಕ್ರಮಃ| ಕಟೂಷ್ಣೈಶ್ಚ ಲೇಪನಂ ಹಿತಮ್|

Adhikarana pUtikRumikarNayoH karNasrAvoktaM karma kRumikarNe kaTutailena pUraNam (35) · Śloka 35

ಕರ್ಣಸ್ರಾವೋದಿತಂ ಕುರ್ಯಾತ್ಪೂತಿಕೃಮಿಣಕರ್ಣಯೋಃ| ಪೂರಣಂ ಕಟುತೈಲೇನ ವಿಶೇಷಾತ್ ಕೃಮಿಕರ್ಣಕೇ||೩೫||

ಸ೦-ಪೂತಿಕರ್ಣೇ ಕೃಮಿ[ಣ]ಕರ್ಣೇ ಚ ಕರ್ಣಸ್ರಾವೋಕ್ತಂ ಚಿಕಿತ್ಸಿತಂ ಕುರ್ಯಾತ್| ಕೃಮಿಣಕರ್ಣಕೇ ವಿಶೇಷಾತ್ಕಟುತೈಲೇನ ಪೂರಣಂ ಹಿತಮ್|

Adhikarana karNavidradhau vamipUrvA vidradhi kriyA kShatavidradhau pittajakarNashUloktaM karma arshorbudeShu nAsAvaccikitsA karNavidArikAyAM karNavidradhivat (36-37) · Śloka 37

ವಮಿಪೂರ್ವಾ ಹಿತಾ ಕರ್ಣವಿದ್ರಧೌ ವಿದ್ರಧಿಕ್ರಿಯಾ| ಪಿತ್ತೋತ್ಥಕರ್ಣಶೂಲೋಕ್ತಂ ಕರ್ತವ್ಯಂ ಕ್ಷತವಿದ್ರಧೌ||೩೬|| ಅರ್ಶೋರ್ಬುದೇಷು ನಾಸಾವದ್ ಆಮಾ ಕರ್ಣವಿದಾರಿಕಾ| ಕರ್ಣವಿದ್ರಧಿವತ್ಸಾಧ್ಯಾ ಯಥಾದೋಷೋದಯೇನ ಚ||೩೭||

ಸ೦-ಕರ್ಣವಿದ್ರಧೌ ವಮನಪೂರ್ವಾ ವಿದ್ರಧಿಕ್ರಿಯಾ ಶಸ್ತಾ| ಸ೦-ಕ್ಷತವಿದ್ರಧೌ ಪಿತ್ತೋತ್ಥಕರ್ಣಶೂಲೋಕ್ತಂ ಸರ್ವಂ ಕರ್ತವ್ಯಮ್| ಸ೦-ಅರ್ಶೋರ್ಬುದೇಷು ನಾಸಾವತ್ ಚಿಕಿತ್ಸಾ| ಸ೦-ಕರ್ಣವಿದಾರಿಕಾಽಪಕ್ವಾ ಕರ್ಣವಿದ್ರಧಿವತ್ ಚಿಕಿತ್ಸ್ಯಾ, ಯಥಾದೋಷೋದಯೇನ ಚ|

Adhikarana pAlIshoShe vAtajakarNashUlavannasyAdi pAlIshoShe priyAlabIjAdibhiruddhartanam (38-39) · Śloka 39

ಪಾಲೀಶೋಷೇಽನಿಲಶ್ರೋತ್ರಶೂಲವನ್ನಸ್ಯಲೇಪನಮ್| ಸ್ವೇದಂ ಚ ಕುರ್ಯಾತ್ ಸ್ವಿನ್ನಾಂ ಚ ಪಾಲೀಮುದ್ವರ್ತಯೇತ್ತಿಲೈಃ||೩೮|| ಪ್ರಿಯಾಲಬೀಜಯಷ್ಟ್ಯಾಹ್ವಹಯಗನ್ಧಾಯವಾನ್ವಿತೈಃ| |೩೯|

ಸ೦-ಪಾಲೀಶೋಷೇ ವಾತಶ್ರೋತ್ರಶೂಲ ಇವ ನಸ್ಯಾದಿ ಸ್ವೇದಂ ಚ ಕುರ್ಯಾತ್| ಪಾಲೀಂ ಚ ಸ್ವಿನ್ನಾಂ ತಿಲೈಃ ಪ್ರಿಯಾಲಬೀಜಾದಿಯುಕ್ತೈರುದ್ವರ್ತಯೇತ್|

Adhikarana pAlIshoShe puShTikaraiH snehairnityamabhya~ggaH (39) · Śloka 39

| ತತಃ ಪುಷ್ಟಿಕರೈಃ ಸ್ನೇಹೈರಭ್ಯಙ್ಗಂ ನಿತ್ಯಮಾಚರೇತ್||೩೯||

ಸ೦-ತತಃ ಸ್ನೇಹೈಃ ಪುಷ್ಟಿಕೃದ್ಭಿರ್ನಿತ್ಯಂ ಸಾಽಭ್ಯಕ್ತವ್ಯಾ|

Adhikarana pAlIshoShe pAlIpuShTikaraM shatAvaryAditailam (40) · Śloka 40

ಶತಾವರೀವಾಜಿಗನ್ಧಾಪಯಸ್ಯೈರಣ್ಡಜೀವಕೈಃ| ತೈಲಂ ವಿಪಕ್ವಂ ಸಕ್ಷೀರಂ ಪಾಲೀನಾಂ ಪುಷ್ಟಿಕೃತ್ಪರಮ್||೪೦||

ಸ೦-ಶತಾವರ್ಯಾದಿಭಿಸ್ತೈಲಂ ಸಕ್ಷೀರಂ ಪಕ್ವಂ ಪಾಲೀನಾಂ ಪರಂ ಪುಷ್ಟಿಕೃತ್|

Adhikarana pAlIshoShe pAlIpuShTikaraM jIvanIyAditailam (41) · Śloka 41

ಕಲ್ಕೇನ ಜೀವನೀಯೇನ ತೈಲಂ ಪಯಸಿ ಪಾಚಿತಮ್| ಆನೂಪಮಾಂಸಕ್ವಾಥೇ ಚ ಪಾಲೀಪೋಷಣವರ್ಧನಮ್||೪೧||

ಸ೦-ಜೀವನ್ತ್ಯಾದಿಗಣಜೇನ ಕಲ್ಕೇನ ಕ್ಷೀರೇ ಆನೂಪಮಾಂಸಕ್ವಾಥೇ ಚ ತೈಲಂ ಪಾಚಿತಂ ಪಾಲಿಪೋಷಣಂ ಪಾಲೀವೃದ್ಧಿಕೃಚ್ಚ|

Adhikarana pAlIshoShe atisaMkShINAyAH pAlyAshchedanaM sheShAyAH sandhAnaM poShaNaM ca (42) · Śloka 42

ಪಾಲೀಂ ಛಿತ್ತ್ವಾಽತಿಸಙ್ಕ್ಷೀಣಾಂ ಶೇಷಾಂ ಸನ್ಧಾಯ ಪೋಷಯೇತ್| |೪೨|

ಸ೦-ಪಾಲೀಮತಿಸಙ್ಕ್ಷೀಣಾಂ ಛಿತ್ತ್ವಾ ಶೇಷಾಂ ಸನ್ಧಾಯ ವರ್ಧಯೇತ್|

Adhikarana tantrikAyAmapyevaM cikitsA paripoTe~apyayaM vidhiH utpAte jalaukohRutarakte shItalepaH (42-43) · Śloka 43

| ಯಾಪ್ಯೈವಂ ತನ್ತ್ರಿಕಾಖ್ಯಾಽಪಿ ಪರಿಪೋಟೇಽಪ್ಯಯಂ ವಿಧಿಃ||೪೨|| ಉತ್ಪಾತೇ ಶೀತಲೈರ್ಲೇಪೋ ಜಲೌಕೋಹೃತಶೋಣಿತೇ| |೪೩|

ಸ೦-ಯಾಪ್ಯೈವಂ ತನ್ತ್ರಿಕಾಸಂಜ್ಞಾ| ಸ೦-ಪರಿಪೋಟೇಽಪ್ಯೇಷ ಏವ ವಿಧಿರ್ಯಾಪ್ಯಾಖ್ಯಃ| ಸ೦-ಉತ್ಪಾತೇ ಜಲೌಕೋಭಿರಪನೀತರಕ್ತೇ ಶೀತಲೈರ್ಲೇಪಃ|

Adhikarana utpAte jalaukohRutarakte jambvAditailenAbhya~jjanam utpAte jalaukohRutarakte visarpoktaghRutAni (43-44) · Śloka 44

| ಜಮ್ಬ್ವಾಮ್ರಪಲ್ಲವಬಲಾಯಷ್ಟೀರೋಧ್ರತಿಲೋತ್ಪಲೈಃ||೪೩|| ಸಧಾನ್ಯಾಮ್ಲೈಃ ಸಮಞ್ಜಿಷ್ಠೈಃ ಸಕದಮ್ಬೈಃ ಸಸಾರಿವೈಃ| ಸಿದ್ಧಮಭ್ಯಞ್ಜನೇ ತೈಲಂ ವಿಸರ್ಪೋಕ್ತಘೃತಾನಿ ಚ||೪೪||

ಸ೦-ಜಮ್ಬ್ವಾದಿಭಿಃ ಸಿದ್ಧಂ ತೈಲಮಭ್ಯಙ್ಗೇ ಹಿತಮ್| ವಿಸರ್ಪೋಕ್ತಘೃತಾನಿ ಚ ಹಿತಾನಿ|

Adhikarana unmanthe tIkShNaM nAvanam (45-46) · Śloka 46

ಉನ್ಮನ್ಥೇಽಭ್ಯಞ್ಜನಂ ತೈಲಂ ಗೋಧಾಕರ್ಕವಸಾನ್ವಿತಮ್| ತಾಲಪತ್ರ್ಯಶ್ವಗನ್ಧಾರ್ಕಬಾಕುಚೀಫಲಸೈನ್ಧವೈಃ||೪೫|| ಸುರಸಾಲಾಙ್ಗಲೀಭ್ಯಾಂ ಚ ಸಿದ್ಧಂ, ತೀಕ್ಷ್ಣಂ ಚ ನಾವನಮ್| |೪೬|

ಸ೦-ಉನ್ಮನ್ಥೇ ತೈಲಂ ಗೋಧಾಕರ್ಕಟವಸಾಯುಕ್ತಂ ತಾಲಪರ್ಣ್ಯಾದಿಭಿಃ ಸಿದ್ಧಮಭ್ಯಞ್ಜನಂ ಹಿತಮ್| ತಥಾ ಸುರಸಾಲಾಙ್ಗಲೀಭ್ಯಾಂ ಚ ತೈಲಂ ಸಿದ್ಧಂ ತೀಕ್ಷ್ಣಂ ನಾವನಂ ಹಿತಮ್|

Adhikarana duHkhavardhane~ashmantakAdikvAthena sekaH duHkhavardhane madhukAdicUrNenAvacUrNanam duHkhavardhane lAkShAditailenAbhya~jjanam (46-48) · Śloka 48

| ದುರ್ವಿದ್ಧೇಽಶ್ಮನ್ತಜಮ್ಬ್ವಾಮ್ರಪತ್ರಕ್ವಾಥೇನ ಸೇಚಿತಾಮ್||೪೬|| ತೈಲೇನ ಪಾಲೀಂ ಸ್ವಭ್ಯಕ್ತಾಂ ಸುಶ್ಲಕ್ಷ್ಣೈರವಚೂರ್ಣಯೇತ್| ಚೂರ್ಣೈರ್ಮಧುಕಮಞ್ಜಿಷ್ಠಾಪ್ರಪುಣ್ಡ್ರಾಹ್ವನಿಶೋದ್ಭವೈಃ||೪೭|| ಲಾಕ್ಷಾವಿಡಙ್ಗಸಿದ್ಧಂ ಚ ತೈಲಮಭ್ಯಞ್ಜನೇ ಹಿತಮ್| |೪೮|

ಸ೦-ದುರ್ವಿದ್ಧೇಽಶ್ಮನ್ತಕಾದಿಕ್ವಾಥೇನ ಸೇಚಿತಾಂ ಪಾಲೀಂ ತೈಲೇನ ಸ್ವಭ್ಯಕ್ತಾಂ ಮಧುಕಾದಿಭಿಃ ಸೂಕ್ಷ್ಮರಜೀಕೃತೈರವಚೂರ್ಣಯೇತ್| ಲಾಕ್ಷಾವಿಡಙ್ಗಸಿದ್ಧಂ ತೈಲಮಭ್ಯಞ್ಜನೇ ಹಿತಮ್|

Adhikarana lehikAyAM gomayapiNDaiH svedaH lehikAyAM kauTajAdibhirAlepanam lehikAyAM kauTajAdisiddhakaTutailenAbhya~jjanam (48-50) · Śloka 50

| ಸ್ವಿನ್ನಾಂ ಗೋಮಯಜೈಃ ಪಿಣ್ಡೈರ್ಬಹುಶಃ ಪರಿಲೇಹಿಕಾಮ್||೪೮|| ವಿಡಙ್ಗಸಾರೈರಾಲಿಮ್ಪೇದುರಭ್ರೀಮೂತ್ರಕಲ್ಕಿತೈಃ| ಕೌಟಜೇಙ್ಗುದಕಾರಞ್ಜಬೀಜಶಮ್ಯಾಕವಲ್ಕಲೈಃ||೪೯|| ಅಥವಾಽಭ್ಯಞ್ಜನಂ ತೈರ್ವಾ ಕಟುತೈಲಂ ವಿಪಾಚಯೇತ್| ಸನಿಮ್ಬಪತ್ರಮರಿಚಮದನೈರ್ಲೇಹಿಕಾವ್ರಣೇ||೫೦||

ಸ೦-ಪರಿಲೇಹಿಕಾಂ ಗೋಮಯಜೈಃ ಪಿಣ್ಡೈರ್ಬಹುಶಃ ಸ್ವಿನ್ನಾಂ ವಿಡಙ್ಗಸಾರೈರುರಭ್ರೀಮೂತ್ರಕಲ್ಕಿತೈರಾಲಿಮ್ಪೇತ್| ಕೌಟಜಾದಿಬೀಜಾದಿಭಿರ್ವಾಽವಿಮೂತ್ರೇಣ ಕಲ್ಕಿತೈರಾಲಿಮ್ಪೇತ್| ಅಥವಾ ತೈರೇವ-ಕೌಟಜಾದಿಭಿಃ, ಕಟುತೈಲಂ ನಿಮ್ಬಾದಿಭಿಃ ಸಹ ವಿಪಾಚಯೇತ್ ಲೇಹಿಕಾವ್ರಣೇ|

Adhikarana chinne karNe bandhAdi (51) · Śloka 51

ಛಿನ್ನಂ ತು ಕರ್ಣಂ ಶುದ್ಧಸ್ಯ ಬನ್ಧಮಾಲೋಚ್ಯ ಯೌಗಿಕಮ್| ಶುದ್ಧಾಸ್ರಂ ಲಾಗಯೇಲ್ಲಗ್ನೇ ಸದ್ಯಶ್ಛಿನ್ನೇ ವಿಶೋಧನಮ್||೫೧||

ಸ೦-ಕರ್ಣಂ ತು ಛಿನ್ನಂ ಶುದ್ಧರಕ್ತಂ ಶುದ್ಧಸ್ಯ ಯೌಗಿಕಂ ಬನ್ಧಮಾಲೋಚ್ಯ ಲಾಗಯೇತ್| ಲಗ್ನೇ ಕರ್ಣೇ ಸದ್ಯಶ್ಛಿನ್ನೇ ವಿಶೋಧನಂ-ವಿರೇಕಾದಿ|

Adhikarana karNasandhAnavidhiH (52-54) · Śloka 54

ಅಥ ಕರ್ಣರೋಗವಿಧಾನಮಾಹ ಅಥ ಗ್ರಥಿತ್ವಾ ಕೇಶಾನ್ತಂ ಕೃತ್ವಾ ಛೇದನಲೇಖನಮ್| ನಿವೇಶ್ಯ ಸನ್ಧಿಂ ಸುಷಮಂ ನ ನಿಮ್ನಂ ನ ಸಮುನ್ನತಮ್||೫೨|| ಅಭ್ಯಜ್ಯ ಮಧುಸರ್ಪಿರ್ಭ್ಯಾಂ ಪಿಚುಪ್ಲೋತಾವಗುಣ್ಠಿತಮ್| ಸೂತ್ರೇಣಾಗಾಢಶಿಥಿಲಂ ಬದ್ಧ್ವಾ ಚೂರ್ಣೈರವಾಕಿರೇತ್||೫೩|| ಶೋಣಿತಸ್ಥಾಪನೈರ್ವ್ರಣ್ಯಮಾಚಾರಂ ಚಾದಿಶೇತ್ತತಃ| ಸಪ್ತಾಹಾದಾಮತೈಲಾಕ್ತಂ ಶನೈರಪನಯೇತ್ ಪಿಚುಮ್||೫೪||

ಸ೦-ಕೇಶಾನ್ತಂ ಗ್ರಥಿತ್ವಾ ಛೇದನಂ ಲೇಖನಂ ಚ ಕೃತ್ವಾ ಸನ್ಧಿಂ ಸುಷಮಂ ನಿವೇಶ್ಯ ನ ನಿಮ್ನಂ ನ ಚೋನ್ನತಮ್, ಸುಷಮಮಿತಿ "ಸುಷಾಮಾದಿಷು ಚ" ಇತಿ ಷತ್ವಮ್, ಅಭ್ಯಜ್ಯ ಮಧುಸರ್ಪಿರ್ಭ್ಯಾಂ ಪಿಚುಪ್ಲೋತಾವಗುಣ್ಠಿತಂ ಸೂತ್ರೇಣ ನ ಗಾಢಂ ನ ಚ ಶಿಥಿಲಂ ಬಧ್ವಾ ಶೋಣಿತಸ್ಥಾಪನೈಃ-ಮಧುಕಗೈರಿಕಾದಿಭಿಃ, ಅವಚೂರ್ಣಯೇತ್| ತತೋ ವ್ರಣಹಿತಮಾಚಾರಮಾಚರೇತ್| ಸಪ್ತಾಹಾದೂರ್ಧ್ವಮಾಮತೈಲೇನಾಕ್ತಂ ಶನೈಃ ಪಿಚುಮಪನಯೇತ್| ಸುಶ್ರುತೇ(?) (ಸಙ್ಗ್ರಹೇ) ತೂಕ್ತಮ್ (ಸಂ. ಉ. ಅ. ೨೨)- "ನ ಕರ್ಣೇ ಶೋಫರಾಗಾದಿಯುಕ್ತೇ ಸನ್ಧಾನಮಿಷ್ಯತೇ| ನ ಘಸ್ಮರಸ್ಯ ನಾತ್ಯುಷ್ಣೇ ನಾವಿಶುದ್ಧತನೋರಪಿ||" ಇತಿ|

Adhikarana surUDhAdeH karNasya vivardhanam (55) · Śloka 55

ಸುರೂಢಂ ಜಾತರೋಮಾಣಂ ಶ್ಲಿಷ್ಟಸನ್ಧಿಂ ಸಮಂ ಸ್ಥಿರಮ್| ಸುವರ್ಷ್ಮಾಣಮರೋಗಂ ಚ ಶನೈಃ ಕರ್ಣಂ ವಿವರ್ಧಯೇತ್||೫೫||

ಸ೦-ಸುರೂಢಾದಿಗುಣಂ ಚ ಕರ್ಣಂ ಶನೈರ್ವಿವರ್ಧಯೇತ್|

Adhikarana karNavardhanaM jalashUkAdighRutam (56-59) · Śloka 59

ವರ್ಷ್ಮರೂಪಮುಚ್ಯತೇ(?) ಜಲಶೂಕಃ ಸ್ವಯಙ್ಗುಪ್ತಾ ರಜನ್ಯೌ ಬೃಹತೀಫಲಮ್| ಅಶ್ವಗನ್ಧಾಬಲಾಹಸ್ತಿಪಿಪ್ಪಲೀಗೌರಸರ್ಷಪಾಃ||೫೬|| ಮೂಲಂ ಕೋಶಾತಕಾಶ್ವಘ್ನರೂಪಿಕಾಸಪ್ತಪರ್ಣಜಮ್| ಛುಚ್ಛುನ್ದರೀ ಕಾಲಮೃತಾ ಗೃಹಂ ಮಧುಕರೀಕೃತಮ್||೫೭|| ಜತೂಕಾ ಜಲಜನ್ಮಾ ಚ ತಥಾ ಶಬರಕನ್ದಕಮ್| ಏಭಿಃ ಕಲ್ಕೈಃ ಖರಂ ಪಕ್ವಂ ಸತೈಲಂ ಮಾಹಿಷಂ ಘೃತಮ್||೫೮|| ಹಸ್ತ್ಯಶ್ವಮೂತ್ರೇಣ ಪರಮಭ್ಯಙ್ಗಾತ್ಕರ್ಣವರ್ಧನಮ್| |೫೯|

ಸ೦-ಜಲಶೂಕಾದಿಭಿರ್ಗಜಾಶ್ವಯೋರ್ಮೂತ್ರೈಃ ಪಿಷ್ಟೈಃ ಸತೈಲಂ ಮಾಹಿಷಂ ಘೃತಂ ಖರಪಾಕಂ ಪಕ್ವಮಭ್ಯಙ್ಗಾತ್ ಕರ್ಣವರ್ಧನಮ್| ಜಲಶೂಕಃ-ಶೇವಾಲಮ್| ರೂಪಿಕಾ-ಅರ್ಕಃ| ಛುಚ್ಛುನ್ದರೀ-ಮೂಷಿಕಾಭೇದಃ| ಸಾ ಚ ಕಾಲೇನ ಮೃತಾ, ನ ತು ವ್ಯಾಪಾದಿತಾ| ಜತೂಕಾ-ಚರ್ಮಚಟಿಕಾ| ಜಲಜನ್ಮಾ-ಜಲೌಕಾ| ಶಬರಕನ್ದಕೋ-ಲಶುನಃ|

Adhikarana nAsAsandhAnavidhiH (59-65) · Śloka 65

| ಅಥ ಕುರ್ಯಾದ್ವಯಸ್ಥಸ್ಯ ಛಿನ್ನಾಂ ಶುದ್ಧಸ್ಯ ನಾಸಿಕಾಮ್||೫೯|| ಛಿನ್ದ್ಯಾನ್ನಾಸಾಸಮಂ ಪತ್ರಂ ತತ್ತುಲ್ಯಂ ಚ ಕಪೋಲತಃ| ತ್ವಙ್ಮಾಂಸಂ ನಾಸಿಕಾಸನ್ನೇ ರಕ್ಷಂಸ್ತತ್ತನುತಾಂ ನಯೇತ್||೬೦|| ಸೀವ್ಯೇದ್ ಗಣ್ಡಂ ತತಃ ಸೂಚ್ಯಾ ಸೇವಿನ್ಯಾ ಪಿಚುಯುಕ್ತಯಾ| ನಾಸಾಚ್ಛೇದೇಽಥ ಲಿಖಿತೇ ಪರೀವರ್ತ್ಯೋಪರಿ ತ್ವಚಮ್||೬೧|| ಕಪೋಲವಧ್ರಂ ಸನ್ದಧ್ಯಾತ್ಸೀವ್ಯೇನ್ನಾಸಾಂ ಚ ಯತ್ನತಃ| ನಾಡೀಭ್ಯಾಮುತ್ಕ್ಷಿಪೇದನ್ತಃ ಸುಖೋಚ್ಛ್ವಾಸಪ್ರವೃತ್ತಯೇ||೬೨|| ಆಮತೈಲೇನ ಸಿಕ್ತ್ವಾν ಪತ್ತಙ್ಗಮಧುಕಾಞ್ಜನೈಃ| ಶೋಣಿತಸ್ಥಾಪನೈಶ್ಚಾನ್ಯೈಃ ಸುಶ್ಲಕ್ಷ್ಣೈರವಚೂರ್ಣಯೇತ್||೬೩|| ತತೋ ಮಧುಘೃತಾಭ್ಯಕ್ತಂ ಬಧ್ವಾಽಽಚಾರಿಕಮಾದಿಶೇತ್| ಜ್ಞಾತ್ವಾಽವಸ್ಥಾನ್ತರಂ ಕುರ್ಯಾತ್ ಸದ್ಯೋವ್ರಣವಿಧಿಂ ತತಃ||೬೪|| ಛಿನ್ದ್ಯಾದ್ರೂಢೇಽಧಿಕಂ ಮಾಂಸಂ ನಾಸೋಪಾನ್ತಾಚ್ಚ ಚರ್ಮ ತತ್| ಸೀವ್ಯೇತ್ತತಶ್ಚ ಸುಶ್ಲಕ್ಷ್ಣಂ ಹೀನಂ ಸಂವರ್ಧಯೇತ್ಪುನಃ||೬೫||

ಸ೦-ಅಥೇತಿ ಮಙ್ಗಲೇ| ಕೃತಮಙ್ಗಲಸ್ಯ ವಯಸ್ಥಸ್ಯ-ತರುಣಸ್ಯ, ಶುದ್ಧಸ್ಯ ನಾಸಿಕಾಂ ಛಿನ್ನಾಂ ಕುರ್ಯಾತ್| ಕಥಮ್ ? ಇತ್ಯಾಹ-ನಾಸಾತುಲ್ಯಂ ಪತ್ರಂ ಛಿನ್ದ್ಯಾತ್| ತೇನ-ಪತ್ರೇಣ, ತುಲ್ಯಂ ಕಪೋಲಾಚ್ಛಿನ್ದ್ಯಾತ್| ನಾಸಿಕಾತುಲ್ಯೇ ದೇಶೇ ತ್ವಚಂ ಮಾಂಸಂ ಚ ರಕ್ಷನ್ ತತ್-ಪತ್ರಂ, ತನುತಾಂ ನಯೇತ್| ಅನನ್ತರಂ ಸೂಚ್ಯಾ ಸೇವಿನ್ಯಾ ಪಿಚುಯುಕ್ತಯಾ ಗಣ್ಡಂ ಸೀವ್ಯೇತ್| ಅಥ ನಾಸಾಛೇದೇ ಲಿಖಿತೇ ತತ್ತ್ವಚಮುಪರಿವರ್ತ್ಯ ಕಪೋಲವಧ್ರಂ ಸನ್ದಧ್ಯಾತ್| ನಾಸಾಂ ಚ ಯತ್ನೇನ ಸೀವ್ಯೇತ್| ಅನ್ತಃ-ಮಧ್ಯೇ, ನಾಸಿಕಾಂ ನಾಡೀಭ್ಯಾಮುತ್ಕ್ಷಿಪೇತ್ ಸುಖೋಚ್ಛ್ವಾಸಪ್ರವರ್ತನಾಯ| ತತ ಆಮತೈಲೇನ ಸಿಕ್ತ್ವಾ ಪತ್ತಙ್ಗಮಧುಕಾಞ್ಜನೈರವಚೂರ್ಣಯೇತ್| ಅನ್ಯೈರಪಿ-ಸಿರಾವ್ಯಧವಿಧ್ಯುಕ್ತೈಃ ಶೋಣಿತಸ್ಥಾಪನೈಃ (ಹೃ. ಸೂ. ಅ. ೨೭|೪೮) , ಸುಶ್ಲಕ್ಷ್ಣೈಶ್ಚೂರ್ಣೈರವಚೂರ್ಣಯೇತ್| ಅನನ್ತರಂ ಮಾಕ್ಷಿಕಘೃತಾಭ್ಯಾಮಭ್ಯಕ್ತಂ ಬಧ್ವಾ, ಆಚಾರಿಕಂ-ಸ್ನೇಹವಿಧ್ಯುಕ್ತಂ, ಆದಿಶೇತ್| ಅವಸ್ಥಾನ್ತರಂ ಚ ಜ್ಞಾತ್ವಾ ಸದ್ಯೋವ್ರಣಪ್ರತಿಷೇಧವಿಧಿಂ ಕುರ್ಯಾತ್| ತತೋ ರೂಢೇ ಸತ್ಯಧಿಕಂ ಮಾಂಸಂ ತಚ್ಚ ನಾಸಾಸಮೀಪಾದಧಿಕಂ ಚರ್ಮ ಛಿನ್ದ್ಯಾತ್| ಅನನ್ತರಂ ಸೀವ್ಯೇತ್| ತತಃ ಸುಶ್ಲಕ್ಷ್ಣಂ ಚ ಕೃತ್ವಾ ಪುನಃ ಸೀವ್ಯೇತ್| ಹೀನಂ ಚ ವರ್ಧಯೇತ್|

Adhikarana oShThasandhAnavidhiH (18) · Śloka 18

ನಿವೇಶಿತೇ ಯಥಾನ್ಯಾಸಂ ಸದ್ಯಶ್ಚ್ಛಿನ್ನೇಽಪ್ಯಯಂ ವಿಧಿಃ| ನಾಡೀಯೋಗಾದ್ವಿನೌಷ್ಠಸ್ಯ ನಾಸಾಸನ್ಧಾನವದ್ವಿಧಿಃ||೬೬|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಷಷ್ಠೇ ಉತ್ತರಸ್ಥಾನೇ ಕರ್ಣರೋಗಪ್ರತಿಷೇಧೋ ನಾಮಾಷ್ಟಾದಶೋಽಧ್ಯಾಯಃ||೧೮||

ಸ೦-ಸದ್ಯಶ್ಛಿನ್ನೇಽಪಿ ಘ್ರಾಣೇ ಯಥಾನ್ಯಾಸಂ ನಿವೇಶಿತೇ ಸತ್ಯಯಮೇವ ವಿಧಿಃ| ಸ೦-ನಾಡೀಯೋಗಮನ್ತರೇಣೌಷ್ಠಸ್ಯಾಪಿ ಛಿನ್ನಸ್ಯ ನಾಸಾಸನ್ಧಾನತುಲ್ಯೋ ವಿಧಿರಿತಿ| ಇತಿ ಶ್ರೀಮೃಗಾಙ್ಕದತ್ತಪುತ್ರಶ್ರೀಮದರುಣದತ್ತವಿರಚಿತಾಯಾಮಷ್ಟಾಙ್ಗಹೃದಯಟೀಕಾಯಾಂ ಸರ್ವಾಙ್ಗಸುನ್ದರಾಖ್ಯಾಯಾಂ ಷಷ್ಠೇ ಉತ್ತರಸ್ಥಾನೇ ಕರ್ಣರೋಗಪ್ರತಿಷೇಧೋ ನಾಮಾಷ್ಟಾದಶೋಽಧ್ಯಾಯಃ ಸಮಾಪ್ತಃ|| ೧೮||