37. kīṭālūtādiviṣapratiṣēdhādhyāyaḥ

Adhikarana adhyAyopakramaH (1) · Śloka 1

|১|

বিষপ্রক্রমাত্ কীটলূতাদিচিকিত্সিতং বক্তি-

Adhikarana kITalUtAdiviShapratShedhAdhyAyaH ------ kITAH sarpANAM viNmutrAdijAH kITAnAM caturvidhatvam (2-1) · Śloka 1

অথাতঃ কীটলূতাদিবিষপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) সর্পাণামেব বিণ্মূত্রশুক্রাণ্ডশবকোথজাঃ| দোষৈর্ব্যস্তৈঃ সমস্তৈশ্চ যুক্তাঃ কীটাশ্চতুর্বিধাঃ||১||

স০- সর্পাণাং-পূর্বোক্তানাং, বিণ্মূত্রাদিজাঃ কীটা দোষৈঃ পৃথগ্যুক্তাস্ত্রিপ্রকারাঃ সমুদিতৈশ্চ যুক্তা ইতি চতুঃ প্রকারাঃ স্যুঃ|

Adhikarana vAyavyakITadaShTasya lakShaNam (2) · Śloka 2

দষ্টস্য কীটৈর্বাযব্যৈর্দংশস্তোদরুজোল্বণঃ| |২|

স০-তেষু মধ্যে বাযব্যৈঃ-বাতলৈঃ কীটৈঃ, দষ্টস্য দংশস্তোদরুজাধিকো ভবেত্|

Adhikarana AgneyakITadaShTasya lakShaNam (2-3) · Śloka 3

| আগ্নেযৈরল্পসংস্রাবো দাহরাগবিসর্পবান্||২|| পক্বপীলুফলপ্রখ্যঃ খর্জূরসদৃশোঽথবা| |৩|

স০-আগ্নেযৈঃ কীটৈর্দষ্টস্য দংশোঽল্পস্রাবাদিমান্ স্যাত্| পক্বপীলুফলনিভঃ খর্জূরসদৃশো বা স্যাত্|

Adhikarana kaphAdhikakITadaShTasya lakShaNam (3) · Śloka 3

| কফাধিকরিমন্দরুজঃ পক্বোদুম্বরসন্নিভঃ||৩||

স০-কফাধিকৈঃ কীটৈর্দষ্টস্য দংশো মন্দরুজঃ পক্বোদুম্বরসদৃশঃ|

Adhikarana sAnnipAtikakITadaShTasya lakShaNam (4) · Śloka 4

স্রাবাঢ্যঃ সর্বলিঙ্গস্তু বিবর্জ্যঃ সান্নিপাতিকৈঃ| |৪|

স০-সান্নিপাতিকৈঃ-ত্রিদোষাধিকৈঃ কীটৈঃ, দষ্টস্য দংশঃ স্রুত্যধিকঃ সর্বলিঙ্গঃ| স চ বর্জ্যো-নোপক্রমণীযঃ|

Adhikarana kITeShu sarpavat vegAH shophAdishca (4-5) · Śloka 5

| বেগাশ্চ সর্পবচ্ছোফো বর্ধিষ্ণুর্বিস্ররক্ততা||৪|| শিরোক্ষিগৌরবং মূর্চ্ছা ভ্রমঃ শ্বাসোঽতিবেদনা| |৫|

স০-বেগাশ্চ সর্পবত্কীটেষু স্যুঃ| তথা শ্বযথুর্বর্ধনস্বভাবো বিস্রশোণিতত্বং চ মূর্ধনেত্রগুরুত্বং মূর্চ্ছাদ্যাশ্চ স্যুঃ|

Adhikarana sarvakITakadaShTAnAM sAmAnyalakShaNam (5) · Śloka 5

| সর্বেষাং কর্ণিকা শোফো জ্বরঃ কণ্ডূররোচকঃ||৫||

স০-কর্ণিকাদ্যাশ্চ সর্বেষাং দংশানাং স্যুঃ|

Adhikarana vRushcikadaShTasya lakShaNam (6-7) · Śloka 7

বৃশ্চিকস্য বিষং তীক্ষ্ণমাদৌ দহতি বহ্নিবত্| ঊর্ধ্বমারোহতি ক্ষিপ্রং দংশে পশ্চাত্তু তিষ্ঠতি||৬|| দংশঃ সদ্যোঽতিরুক্ শ্যাবস্তুদ্যতে স্ফুটতীব চ| |৭|

স০- বৃশ্চিকস্য তীক্ষ্ণং বিষং ভবতি| তচ্চ প্রথমমগ্নিরিব দহতি| উপরিষ্টাদাশ্বেবারোহতি| পশ্চাচ্চ দংশে তিষ্ঠতি| দংশো বৃশ্চিকসম্বন্ধী সদ্যোঽতিরুগাদিঃ স্যাত্| তুদ্যতে স্ফুটতীব চ| তুদ্যত ইতি কর্মকর্তরি তঙ্|

Adhikarana vRushcikAstriprakArAH (7-8) · Śloka 8

| তে গবাদিশকৃত্কোথাদ্দিগ্ধদষ্টাদিকোথতঃ||৭|| সর্পকোথাচ্চ সম্ভূতা মন্দমধ্যমহাবিষাঃ| |৮|

স০-তে-বৃশ্চিকাঃ, গবাদিশকৃত্কোথাত্ বিষদিগ্ধদষ্টাদি কোথাত্ সর্পকোথাচ্চ সম্ভূতা যথাসঙ্খ্যং মন্দবিশা মধ্যবিষা মহাবিষাশ্চ স্যুঃ|

Adhikarana mandaviShavRushcikAnAM lakShaNam (8-9) · Śloka 9

| মন্দাঃ পীতাঃ সিতাঃ শ্যাবাঃ রূক্ষাঃ কর্বুরমেচকাঃ||৮|| রোমশা বহুপর্বাণো লোহিতাঃ পাণ্ডুরোদরাঃ| |৯|

স০- মন্দবিষাঃ কীটাঃ পীতাদিগুণাঃ| রোমশা ইতি "লোমাদি" ইত্যাদিনা শঃ|

Adhikarana madhyaviShavRushcikAnAM lakShaNam (9-10) · Śloka 10

| ধূম্রোদরাস্ত্রিপর্বাণো মধ্যাস্তু কপিলারুণাঃ||৯|| পিশঙ্গাঃ শবলাশ্চিত্রাঃ শোণিতাভা| |১০|

স০-মধ্যবিষাস্তু কপিলাদিগুণাঃ|

Adhikarana mahAviShavRushcikAnAM lakShaNam (10) · Śloka 10

মহাবিষাঃ| অগ্ন্যাভা-দ্ব্যেকপর্বাণো রক্তাসিতসিতোদরাঃ||১০||

স০-মহাবিষা দর্ভদূর্বাসদৃশা দ্বিপর্বাণ একপর্বাণো বা| রক্তোদরাঃ কেচিত্কৃষ্ণোদরাঃ কেচিত্সিতোদরাশ্চ|

Adhikarana mahAviShavRushcikadaShTasya lakShaNam (11-12) · Śloka 12

তৈর্দষ্টঃ শূনরসনঃ স্তব্ধগাত্রো জ্বরার্দিতঃ| খৈর্বমন্ শোণিতং কৃষ্ণমিন্দ্রিযার্থানসংবিদন্||১১|| স্বিদ্যন্ মূর্চ্ছন্ বিশুষ্কাস্যো বিহ্বলো বেদনাতুরঃ| বিশীর্যমাণমাংসশ্চ প্রাযশো বিজহাত্যসূন্||১২||

স০- তৈঃ-মহাবিষৈঃ, দষ্টঃ সন্ শূনজিহ্বাদিঃ স্যাত্| তথেদমিদং কুর্বন্নীদৃশঃ সন্ প্রাযশো জীবিতং ত্যজতি|

Adhikarana uShTradhUmasya lakShaNam (13-14) · Śloka 14

উচ্চিটিঙ্গস্তু বক্ত্রেণ দশত্যভ্যধিকব্যথঃ| সাধ্যতো বৃশ্চিকাত্ স্তম্ভং শেফসো হৃষ্টরোমতাম্||১৩|| করোতি সেকমঙ্গানাং দংশঃ শীতাম্বুনেব চ| উষ্ট্রধূমঃ স এবোক্তো রাত্রিচারাচ্চ রাত্রিকঃ||১৪||

স০-উচ্চিটিঙ্গাখ্যো বৃশ্চিকো বক্ত্রেণ দশতি| সাধ্যাদ্দৃশ্চিকাদতিরিক্তব্যথঃ| তথা স্তম্ভং করোতি মেঢ্রস্য| তথা হৃষ্টরোমতাং-রোমহর্ষং, করোতি| তথা দংশশ্চ শিশিরজলেনেব সেকমঙ্গানাং বিধত্তে| স এবোষ্ট্রধূমকঃ কথিতঃ| রাত্রিচরণাচ্চ রাত্রিকঃ স এবোক্তঃ|

Adhikarana kITAdInAM doShAdhikatvam (15) · Śloka 15

বাতপিত্তোত্তরাঃ কীটাঃ, শ্লৈশ্মিকাঃ কণভোন্দুরাঃ| প্রাযো বাতোল্বণবিষা বৃশ্চিকাঃ সোষ্ট্রধূমকাঃ||১৫||

স০-কীটা বাতপিত্তাধিকাঃ| কণভোন্দুরাঃ শ্লেষ্মোল্বণাঃ| প্রাযেণ বৃশ্চিকা বাতোল্বণবিষা উষ্ট্রধূমকাশ্চ|

Adhikarana yathAdoShodayaM kriyA (16) · Śloka 16

যস্য যস্যৈব দোষস্য লিঙ্গাধিক্যং প্রতর্কযেত্| তস্য তস্যৌষধৈঃ কুর্যাদ্বিপরীতগুণৈঃ ক্রিযাম্||১৬||

স০-যস্য যস্যৈব দোষস্য লিঙ্গাধিক্যং জ্ঞাযতে, তস্য তস্য দোষস্য ভেষজৈর্বিপরীতগুণৈঃ ক্রিযাং বিদধীত|

Adhikarana vAtikaviShasya lakShaNam (17) · Śloka 17

হৃত্পীডোর্ধ্বানিলস্তম্ভঃ শিরাযামোঽস্থিপর্বরুক্| ঘূর্ণনোদ্বেষ্টনং গাত্রশ্যাবতা বাতিকে বিষে||১৭||

স০-বাতিকে বিষে হৃত্পীডাদযঃ স্যুঃ|

Adhikarana paittikaviShasya lakShaNam (18) · Śloka 18

সংজ্ঞানাশোষ্ণনিশ্বাসৌ হৃদ্দাহঃ কটুকাস্যতা| মাংসাবদরণং শোফো রক্তপীতশ্চ পৈত্তিকে||১৮||

স০-পিত্তোল্বণে সংজ্ঞানাশাদযঃ স্যুঃ|

Adhikarana shlaiShmikaviShasya lakShaNam (19) · Śloka 19

ছর্দ্যরোচকহৃল্লাসপ্রসেকোত্ক্লেশপীনসৈঃ| সশৈত্যমুখমাধুর্যৈর্বিদ্যাচ্ছ্লেষ্মাধিকং বিষম্||১৯||

স০-কফাধিকং বিষং ছর্দ্যাদিভির্জানীযাত্|

Adhikarana vAtikaviShe piNyAkalepAdi (20) · Śloka 20

পিণ্যাকেন ব্রণালেপস্তৈলাভ্যঙ্গশ্চ বাতিকে| স্বেদো নাডীপুলাকাদ্যৈর্বৃংহণশ্চ বিধির্হিতঃ||২০||

স০-বাতিকে বিষে পিণ্যাকেন ব্রণলেপো যোজ্যঃ, তৈলাভ্যঙ্গশ্চ নাড্যাদিভিশ্চ স্বেদো বৃংহণশ্চ বিধিঃ স্মৃতঃ|

Adhikarana paittikaviShe shItalasekAdi (21) · Śloka 21

পৈত্তিকং স্তম্ভযেত্সেকৈঃ প্রদেহৈশ্চাতিশীতলৈঃ| |২১|

স০-পিত্তাধিকং বিষং সেকাদিভিরতিশিশিরৈঃ স্তম্ভযেত্|

Adhikarana shlaiShmikaviShe lekhanAdi (21) · Śloka 21

| লেখনচ্ছেদনস্বেদবমনৈঃ শ্লৈষ্মিকং জযেত্||২১||

স০-শ্লৈষ্মিকং লেখনাদ্যৈর্জযেত্|

Adhikarana trividhAnAM kITAnAM yathAdoShaM cikitsA, svedAlepanasekAH prAyaH koShNAH kAryAH (22-23) · Śloka 23

কীটানাং ত্রিপ্রকারাণাং ত্রৈবিধ্যেন ক্রিযা হিতা| স্বেদালেপনসেকাংস্তু কোষ্ণান্ প্রাযোঽবচারযেত্||২২|| অন্যত্র মূর্চ্ছিতাদ্দংশপাকতঃ কোথতোঽথবা| |২৩|

স০- কীটানাং ত্রিবিধানাং যথাস্বং ত্রিবিধৈব চিকিত্সা হিতা| স্বেদাদীংশ্চ প্রাযেণ কোষ্ণান্ কুর্যাত্| মূর্চ্ছিতং নরং দংশপাকং চ বর্জযিত্বা তথা দংশকোথং চ হিত্বা|

Adhikarana sarvasya viShadaMshasya nRukeshAdayo dhUpanam (23-24) · Śloka 24

| নৃকেশাঃ সর্ষপাঃ পীতা গুডো জীর্ণশ্চ ধূপনম্||২৩|| বিষদংশস্য সর্বস্য কাশ্যপঃ পরমব্রবীত্| |২৪|

স০-নরকচাদযো ধূপনং সর্বস্য বিষদংশস্য পরং হিতমিতি ভগবান্ কাশ্যপোঽবাদীত্|

Adhikarana sarvasya sarvo viShaghno vidhiH saMshodhanAni ca (24) · Śloka 24

| বিষঘ্নং চ বিধিং সর্বং কুর্যাত্সংশোধনানি চ||২৪||

স০- তথা বিষঘ্নং বিধিং সকলং বিদধ্যাত্| সংশোধনানি চ কুর্যাত্|

Adhikarana viShograkITavRushcikadaShTeShu sarpavat sAdhanam (25) · Śloka 25

সাধযেত্সর্পবদ্দষ্টান্ বিষোগ্রৈঃ কীটবৃশ্চিকৈঃ| |২৫|

স০- বিষোগ্রৈঃ কীটবৃশ্চিকৈর্দষ্টান্ সর্পবত্সাধযেত্|

Adhikarana kITaviSheShu tandulIyalAdipAnam (25-26) · Śloka 26

| তন্দুলীযকতুল্যাংশাং ত্রিবৃতাং সর্পিষা পিবেত্||২৫|| যাতি কীটবিষৈঃ কম্পং ন কৈলাস ইবানিলৈঃ| |২৬|

স০-ত্রিবৃতাং তন্দুলীযকসমাং ঘৃতেন নরঃ পিবেত্| এবং কীটবিষৈশ্চ কম্পং-ক্ষোভং, ন যাতি| কৈলাস ইব বাযুভিঃ|

Adhikarana kITavisheShu shuddhe kShIrivRukShatvagAlepaH (26) · Śloka 26

| ক্ষীরিবৃক্ষত্বগালেপঃ শুদ্ধে কীটবিষাপহঃ||২৬||

স০- শুদ্ধে সতি ক্ষীরিবৃক্ষত্বগালেপঃ কীটবিষঘ্নঃ|

Adhikarana kITavisheShu muktAlepaH shophAdighnaH (27) · Śloka 27

মুক্তালেপো বরঃ শোফতোদদাহজ্বরপ্রণুত্| |২৭|

স০- মৌক্তিকলেপঃ শ্রেষ্ঠঃ শোফাদিঘ্নঃ|

Adhikarana kITavisheShu dashA~ggAgadapAnam (27-28) · Śloka 28

| বচা হিঙ্গু বিডঙ্গানি সৈন্ধবং গজপিপ্পলী||২৭|| পাঠা প্রতিবিষা ব্যোষং কাশ্যপেন বিনির্মিতম্| দশাঙ্গমগদং পীত্বা সর্বকীটবিষং জযেত্||২৮||

স০- বচাদিকদশদ্রব্যনির্মিতত্বাত্ দশাঙ্গমগদং কাশ্যপেন নির্মিতং পীত্বা সর্বং কীটবিষং হন্তি|

Adhikarana vRushcikadaMshe cakratailAdinA secanam (29-30) · Śloka 30

সদ্যো বৃশ্চিকজং দংশং চক্রতৈলেন সেচযেত্| বিদারিগন্ধাসিদ্ধেন কবোষ্ণেনেতরেণ বা||২৯|| লবণোত্তমযুক্তেন সর্পিষা বা পুনঃ পুনঃ| সিঞ্চেত্কোষ্ণারনালেন সক্ষীরলবণেন বা||৩০||

স০-বৃশ্চিকোত্থং দংশং সদ্য এব চক্রতৈলেন সেচযেত্| শালিপর্ণীসিদ্ধেন বা ইতরেণ-চক্রতৈলেন, কোষ্ণেন বা সেচযেত্| সৈন্ধবান্বিতেন বাঽঽজ্যেন মুহুর্মুহুঃ সিঞ্চেত্| কবোষ্ণেন কাঞ্জিকেন দুগ্ধসৈন্ধবান্বিতেন বা সিঞ্চেত্|

Adhikarana vRushcikadaMshe ajAjIkalkenopanAhaH (31) · Śloka 31

উপনাহো ঘৃতে ভৃষ্টঃ কল্কোঽজাজ্যাঃ সসৈন্ধবঃ| |৩১|

জীরককল্কঃ সৈন্ধবযুক্তো ঘৃতেন ভৃষ্ট উপনাহঃ স্যাত্|

Adhikarana vRushcikadaMshe svedaH pracchAnaM rajanyAdi cUrNaiH pratisAraNaM ca (31-32) · Śloka 32

| আদংশং স্বেদিতং চূর্ণৈঃ প্রচ্ছায প্রতিসারযেত্||৩১|| রজনীসৈন্ধবব্যোষশিরীষফলপুষ্পজৈঃ| |৩২|

স০-আ- সমন্ততো, দংশং স্বেদিতং প্রচ্ছায চূর্ণৈ রজন্যাদিজৈর্ঘর্ষযেত্|

Adhikarana vRushcikadaMshe surasApuShpAdilepAH (32-33) · Śloka 33

| মাতুলুঙ্গাম্লগোমূত্রপিষ্টং চ সুরসাগ্রজম্||৩২|| লেপঃ সুখোষ্ণশ্চ হিতঃ পিণ্যাকো গোমযোঽপি বা| |৩৩|

স০-বীজপূরাম্লগোমূত্রপিষ্টং সুরসাপুষ্পং লেপঃ স্যাত্| তথা সুখোষ্ণঃ পিণ্যাকো গোমযো বা লেপো হিতঃ|

Adhikarana vRushcikadaMshe ghRutAdipAnam (33) · Śloka 33

| পানে সর্পির্মধুযুতং ক্ষীরং বা ভূরিশর্করম্||৩৩||

স০-পানে হৈযংগবীনং ক্ষৌদ্রযুক্তং, দুগ্ধং বা প্রভূতসিতং, হিতম্|

Adhikarana vRuScikadaMshe pArApatashakRutAdyagadaH (34) · Śloka 34

পারাপতশকৃত্ পথ্যা তগরং বিশ্বভেষজম্| বীজপূররসোন্মিশ্রঃ পরমো বৃশ্চিকাগদঃ||৩৪||

স০-পারাপতশকৃতাদিভিঃ ফলপূররসসংযুক্তঃ শ্রেষ্ঠো বৃশ্চিকাগদঃ|

Adhikarana vRushcikadaMshe uShTradaMShTrAdi (35) · Śloka 35

সশৈবলোষ্ট্রদংষ্ট্রা চ হন্তি বৃশ্চিকজং বিষম্| |৩৫|

স০- করভদংষ্ট্রা শৈবালযুতা বৃশ্চিকবিষঘ্নী| ["সসৈন্ধবোষ্ট্রদংষ্ট্রা চ হন্তি বৃশ্চিকজং বিষম্| মনোহ্বা সৈন্ধবং হিঙ্গু মালতী পল্লবানি চ|| গোশকৃদ্রসপিষ্টেযং গুলিকা বৃশ্চিকার্দিতে| লশুনো মরিচং হিঙ্গু সুরসং বিশ্বভেষজম্|| অর্কক্ষীরেণ গুটিকা বৃশ্চিকার্দিতশঙ্করী|" বৃদ্ধবাগ্ভটাত্ (সং. উ. অ. ৪৩)| ]

Adhikarana vRushcikadaMshe hiMgvAdiguTikA (35-36) · Śloka 36

| হিঙ্গুনা হরিতালেন মাতুলুঙ্গরসেন চ||৩৫|| লেপাঞ্জনাভ্যাং গুটিকা পরমং বৃশ্চিকাপহা| |৩৬|

স০- হিঙ্গুহরিতালে সবীজপূররসে লেপাঞ্জনাভ্যাং গুলিকা পরং বৃশ্চিকবিষহৃত্|

Adhikarana vRushcikadaMshe kara~jjAdipuShpalepaH (36-37) · Śloka 37

| করঞ্জার্জুনশেলূনাং কটভ্যাঃ কুটজস্য চ||৩৬|| শিরীষস্য চ পুষ্পাণি মস্তুনা দংশলেপনম্| |৩৭|

স০- করঞ্জাদীনাং পুষ্পাণি মস্তুনা দংশলেপঃ|

Adhikarana vRushcikadaMshe mohAdiyukte pathyAdilepaH (37-38) · Śloka 38

| যো মুহ্যতি প্রশ্বসিতি প্রলপত্যুগ্রবেদনঃ||৩৭|| তস্য পথ্যানিশাকৃষ্ণামঞ্জিষ্ঠাতিবিষোষণম্| সালাবুবৃন্তং বার্তাকরসপিষ্টং প্রলেপনম্||৩৮||

স০-যো নরো মুহ্যত্যাদীন্ বিধত্তে, তথা দারুণপীডঃ, তস্য পথ্যাদিকং বার্তাকরসপিষ্টং প্রলেপনং কার্যম্|

Adhikarana vRushcikadaMshe sudAruNe dadhisarpiShpAnAdikam (39) · Śloka 39

সর্বত্র চোগ্রালিবিষে পাযযেদ্দধিসর্পিষী| বিধ্যেত্সিরাং বিদধ্যাচ্চ বমনাঞ্জননাবনম্| উষ্ণস্নিগ্ধাম্লমধুরং ভোজনং চানিলাপহম্||৩৯||

স০- সর্বস্মিন্ সুদারুণে বৃশ্চিকবিষে দধিসর্পিষী পাযযেত্| সিরাং চ বিধ্যেত্| বমনাদিকং চ কুর্যাত্| উষ্ণগুণাদিকং চ ভোজনং বাতঘ্নং হিতম্|

Adhikarana vRushcikadaMshe nAgarAdyagadaH (40) · Śloka 40

নাগরং গৃহকপোতপুরীষং বীজপূরকরসো হরিতালম্| সৈন্ধবং চ বিনিহন্ত্যগদোঽযং লেপতোঽলিকুলজং বিষমাশু||৪০||

স০- নাগরাদিকমযমগদো লেপেন বৃশ্চিকবিষং শীঘ্রং পরাকরোতি| স্বাগতাবৃত্তম্|

Adhikarana vRushcikadaMshe samudIrNe viShe viShalepaH (41) · Śloka 41

অন্তে বৃশ্চিকদষ্টানাং সমুদীর্ণে ভৃষং বিষে| বিষেণালেপযেদ্দংশমুচ্চিটিঙ্গেঽপ্যযং বিধিঃ||৪১||

সং-বৃশ্চিকদষ্টানামন্তে ভৃশং সমুদীর্ণে বিষে বিষেণ দংশমালেপযেত্| উচ্চিটিঙ্গসংজ্ঞেঽপ্যেষৈব চিকিত্সা|

Adhikarana vRushcikadaMshe nAgapurIShacchatrAdiguTikA (42) · Śloka 42

নাগপুরীষচ্ছত্রং রোহিষমূলং চ শেলুতোযেন| কুর্যাদ্গুটিকাং লেপাদিযমলিবিষনাশনী শ্রেষ্ঠা||৪২||

স০- গজপুরীষচ্ছত্রং কত্তৃণমূলং চ শ্লেষ্মাতকজলেন গুটিকাং বিদধীত| এষা চ লেপেন পরং বৃশ্চিকবিষঘ্নী| [আর্যা}

Adhikarana vRushcikadaMshe shirIShabIjAdyagadaH kITAdiviShaghnaH (43) · Śloka 43

অর্কস্য দুগ্ধেন শিরীষবীজং ত্রির্ভাবিতং পিপ্পলীচূর্ণমিশ্রম্| এষোঽগদো হন্তি বিষাণি কীটভুজঙ্গলূতোন্দুরবৃশ্চিকানাম্||৪৩||

স০- অর্কক্ষীরেণ শিরীষবীজং ত্রীন্ বারান্ ভাবিতং পিপ্পলীরজোযুতমগদঃ কীটাদীনাং বিষাণি হন্তি|

Adhikarana vRushcikadaMshe shirIShabIjAdyagado rAtrikavRushcikaviShaghnaH (44) · Śloka 44

শিরীষপুষ্পং সকরঞ্জবীজং কাশ্মীরজং কুষ্ঠমনঃশিলে চ| এষোঽগদো রাত্রিকবৃশ্চিকানাং সংক্রান্তিকারী কথিতো জিনেন||৪৪||

স০- শিরীষকুসুমাদিকমেষোঽগদো রাত্রিকবৃশ্চিকানাং বিষক্রান্তিকৃদ্ ভগবতা জিনেনোক্তঃ| উপজাতিবৃত্তে|

Adhikarana lUtAnAM sa~gkhyAviShaye matAni tatra hetushca (45-46) · Śloka 46

কীটেভ্যো দারুণ্তরা লূতাঃ ষোডশ তা জগুঃ| অষ্টাবিংশতিরিত্যেকে ততোঽপ্যন্যে তু ভূযসীঃ||৪৫|| সহস্ররশ্ম্যনুচরা বদন্ত্যন্যে সহস্রশঃ| বহূপদ্রবরুপা তু লূতৈকৈব বিষাত্মিকা||৪৬||

স০- কীটেভ্যোঽপি ঘোরা লূতাঃ| তাশ্চ মুনযঃ ষোডশসংখ্যা অধ্যগীষন্| অন্যে অষ্টাবিংশতিরুলূতা ইত্যবোচন্| ততোঽপ্যপরে বহুতরা আচখ্যুঃ| অন্যে তু রবেরনুচরাঃ সহস্রশো বদন্তি| ইতি নানামতমুক্ত্বা স্বমতং যুক্ত্যা সর্বমতানুগ্রাহি বক্তি| অনেকোপদ্রবস্বভাবত্বেনৈকৈব লূতা বিষাত্মিকা|

Adhikarana lUtAnAM doShato nirupaNam (47) · Śloka 47

রূপাণি নামতস্তস্যা দুর্জ্ঞেযান্যতিসঙ্করাত্| নাস্তি স্থানব্যবস্থা চ দোষতোঽতঃ প্রচক্ষতে||৪৭||

স০-নাম্না যানি রূপাণি, তানি তস্যা অতিসঙ্করাদ্ধেতোর্দুর্জ্ঞানানি| স্থানব্যবস্থাঽপি নাস্তি| তস্মাদ্দোষবশেন ভণিষ্যতে|

Adhikarana lUtAnAM sAdhyAsAdhyatvam (48) · Śloka 48

কৃচ্ছ্রসাধ্যা পৃথগ্দোষৈরসাধ্যা নিচযেন সা| |৪৮|

স০-পৃথগ্দোষৈর্লূতা কৃচ্ছ্রসাধ্যা, সন্নিপাতেন চাসাধ্যা|

Adhikarana paittikasya lUtAdaMshasya lakShaNam (48-49) · Śloka 49

| তদ্দংশঃ পৈত্তিকো দাহতৃট্স্ফোটজ্বরমোহবান্||৪৮|| ভৃশোষ্মা রক্তপীতাভঃ ক্লেদী দ্রাক্ষাফলোপমঃ| |৪৯|

স০-তস্যা দংশঃ পৈত্তিকো দাহাদিমান্ ভৃশোষ্মা পীতরক্তাভঃ ক্লেদবান্ দ্রাক্ষাফলাকারঃ স্যাত্|

Adhikarana shlaiShmikasya lUtAdaMshasya lakShaNam (49-50) · Śloka 50

| শ্লৈষ্মিকঃ কঠিনঃ পাণ্ডুঃ পরূষকফলাকৃতিঃ||৪৯|| নিদ্রাং শীতজ্বরং কাসং কণ্ডূং চ কুরুতে ভৃশম্| |৫০|

স০- শ্লৈষ্মিকো লূতাদংশঃ কঠিনঃ পাণ্ডুবর্ণঃ পরূষকফলনিভো নিদ্রাদীনতিশযেন করোতি|

Adhikarana vAtikasya lUtAdaMshasya lakShaNam (50) · Śloka 50

| বাতিকঃ পরুষঃ শ্যাবঃ পর্বভেদজ্বরপ্রদঃ||৫০||

স০-বাতিকো দংশঃ পরুষস্পর্শঃ স্যাবস্তথা পর্বভেদজ্বরকৃত্|

Adhikarana doShali~ggairyathAsvaM tadvibhAgaH (51) · Śloka 51

তদ্বিভাগং যথাস্বং চ দোষলিঙ্গৈর্বিভাবযেত্| |৫১|

স০-তাসাং বিভাগং দোষাণাং লক্ষণৈর্যথাযোগং লক্ষযেত্|

Adhikarana asAdhyalUtAyAH lakShaNam (51-54) · Śloka 54

| অসাধ্যাযাং তু হৃন্মোহশ্বাসহিধ্মাশিরোগ্রহাঃ||৫১|| শ্বেতপীতাসিতারক্তাঃ পিটিকাঃ শ্বযথূদ্ভবঃ| বেপথুর্বমথুর্দাহস্তৃডান্ধ্যং বক্রনাসতা||৫২|| শ্যাবৌষ্ঠবক্ত্রদন্তত্বং পৃষ্ঠগ্রীবাবভঞ্জনম্| পক্বজম্বূসবর্ণং চ দংশাত্স্রবতি শোণিতম্||৫৩|| সর্বাঽপি সর্বজা প্রাযো ব্যপদেশস্তু ভূযসা| |৫৪|

স০-আসাধ্যাযাং লূতাযাং হৃন্মোহাদ্যাঃ স্যুঃ| শ্বেতাদিগুণাঃ পিটিকাস্তথা শ্বযথ্বাদ্যাশ্চ| দংশাদ্ রক্তং পক্বজম্বূনিভং স্রবতি| সং-সর্বা চ লূতা ত্রিদোষজৈব| বাহুল্যেন তু ব্যপদেশঃ|

Adhikarana lUtAyAstriprakAratvam (54-55) · Śloka 55

| তীক্ষ্ণমধ্যাবরত্বেন সা ত্রিধা হন্ত্যুপেক্ষিতা||৫৪|| সপ্তাহেন দশাহেন পক্ষেণ চ পরং ক্রমাত্| |৫৫|

স০-সা চ লূতা তীক্ষ্ণাদিভেদেন ত্রিপ্রকারা| উপেক্ষিতা চ সতী যথাসঙ্খ্যং দশাহেন পক্ষেণ চ হন্তি|

Adhikarana sarvasya lUtAdaMshasya lakShaNam (55-58) · Śloka 58

| লূতাদংশশ্চ সর্বোঽপি দদ্রুমণ্ডলসন্নিভঃ||৫৫|| সিতোঽসিতোঽরুণঃ পীতঃ শ্যাবো বা মৃদুরুন্নতঃ| মধ্যে কৃষ্ণোঽথবা শ্যাবঃ পর্যন্তে জালকাবৃতঃ||৫৬|| বিসর্পবাংস্ছোফযুতস্তপ্যতে বহুবেদনঃ| জ্বরাশুপাকবিক্লেদকোথাবদরণান্বিতঃ||৫৭|| ক্লেদেন যত্স্পৃশত্যঙ্গং তত্রাপি কুরুতে ব্রণম্| |৫৮|

স০- সর্বশ্চ লূতাদংশো দদ্রুমণ্ডলাকারঃ সিতাদিবর্ণো মৃদুরুন্নতো মধ্যে কৃষ্ণবর্ণঃ শ্যাববর্ণো বা পরিতো জালকবৃতো বিসর্পাদিমান্ স্যাত্| তথা তপ্যতেঽনেকরুজঃ| তথা জ্বরাদিযুতঃ| তথা চ দংশঃ ক্লেদেন যদ্যদঙ্গং স্পৃশেত্ তত্র তত্র চ ব্রণং বিদধাতি|

Adhikarana lUtAyAH shvAsAdibhirviShodvamanam (58-59) · Śloka 59

| শ্বাসদংষ্ট্রাশকৃন্মূত্রশুক্রলালানখার্তবৈঃ||৫৮|| অষ্টাভিরুদ্বমত্যেষা বিষং বক্ত্রাদ্বিশেষতঃ| |৫৯|

স০-শ্বাসাদিভিরষ্টাভিরেষা লূতা বিষমুদ্বমতি| বক্ত্রেণ বিশেষেণ|

Adhikarana lUtAyAH kITAnAM ca daMsha sthAnam (59-60) · Śloka 60

| লূতা নাভের্দশত্যূর্ধ্বমূর্ধ্বং চাধশ্চ কীটকাঃ||৫৯|| তদ্দূষিতং চ বস্ত্রাদি দেহে পৃক্তং বিকারকৃত্| |৬০|

স০- নাভেরূর্ধ্বং লূতা দশতি| ঊর্ধ্বমধস্তাচ্চ কীটা দশন্তি| দশতীতি "দংশসঞ্জস্বঞ্জাং শপি" ইতি নলোপঃ| তযা-লূতযা দূষিতং, বস্ত্রাসনাদি শরীরে লগ্নং বিকারকৃত্|

Adhikarana prathame~ahani lUtAdaMshasya lakShaNam (60-61) · Śloka 61

| দিনার্ধং লক্ষ্যতে নৈব দংশো লূতাবিষোদ্ভবঃ||৬০|| সূচীব্যধবদাভাতি ততোঽসৌ প্রথমেঽহনি| অব্যক্তবর্ণঃ প্রচলঃ কিঞ্চিত্কণ্ডূরুজান্বিতঃ||৬১||

স০-লূতাবিষজো দংশো দিনার্ধং ন লক্ষ্যত এব| ততঃ-অনন্তরং, অসৌ-দংশঃ, প্রথমে দিনে সূচীব্যধতুল্য আভাতি| অব্যক্তবর্ণঃ প্রকর্ষেণ চলো মনাক্কণ্ডূরুগ্যুতশ্চ|

Adhikarana dvitIye~ahani lUtAdaMshasya lakShaNam (62) · Śloka 62

দ্বিতীযেঽভ্যুন্নতোঽন্তেষু পিটিকৈরিব বাঽঽচিতঃ| ব্যক্তবর্ণো নতো মধ্যে কণ্ডূমান্ গ্রন্থিসন্নিভঃ||৬২||

দ্বীতীযেঽহন্যভ্যুন্নতোঽন্তেষু পিটিকৈরিব বাঽঽচিতো ব্যক্তবর্ণো মধ্যে নতঃ সকণ্ডূর্গ্রন্থিনিভঃ|

Adhikarana tRutIye~ahani lUtAdaMshasya lakShaNam (63) · Śloka 63

তৃতীযে সজ্বরো রোমহর্ষকৃদ্রক্তমণ্ডলঃ| শরাবরূপস্তোদাঢ্যো রোমকূপেষু সাস্রবঃ||৬৩||

স০- তৃতীযেঽহনি জ্বরান্বিতো রোমাঞ্চকৃদ্রক্তমণ্ডলঃ শরাবাকারোঽধিকব্যথো রোমকূপেষু স্রাববান্|

Adhikarana caturthe~ahani lUtAdaMshasya lakShaNam (64) · Śloka 64

মহাংশ্চতুর্থে শ্বযথুস্তাপশ্বাসভ্রমপ্রদঃ| |৬৪|

স০-চতুর্থে বাসরে মহাংশ্ছোফস্তাপাদিকৃত্|

Adhikarana pa~jcame~ahani lUtAdaMshasya lakShaNam (64) · Śloka 64

| বিকারান্ কুরুতে তাংস্তান্ পঞ্চমে বিষকোপজান্||৬৪||

স০-পঞ্চমে দিনে তাংস্তান্-পূর্বোক্তান্, বিষকোপজান্ বিকারান্ বিধত্তে|

Adhikarana ShaShThe~ahani lUtAdaMshasya lakShaNam (65) · Śloka 65

ষষ্ঠে ব্যাপ্নোতি মর্মাণি| |৬৫|

স০-ষষ্ঠে দিনে মর্মাণ্যশ্নুতে|

Adhikarana saptame~ahani lUtAdaMshasya lakShaNam (65) · Śloka 65

সপ্তমে হন্তি জীবিতম্| |৬৫|

স০-সপ্তমে দিবসে জীবিতং হন্তি|

Adhikarana iti tIkShNaviShasvarUpam madhyaM hInaM cAto viBajet (65) · Śloka 65

| ইতি তীক্ষ্ণং বিষং, মধ্যং হীনং চ বিভজেদতঃ||৬৫||

স০- ইতি-এবংরূপং, তীক্ষ্ণং বিষম্| মধ্যং হীনং বাঽতো নিরূপ্য লক্ষযেত্|

Adhikarana ekaviMshatirAtreNa sarvathA viShashamaH (66) · Śloka 66

একবিংশতিরাত্রেণ বিষং শাম্যতি সর্বথা| |৬৬|

সং-সর্বথা একবিংশতিরাত্রেণ বিষং শমং যাতি|

Adhikarana lUtAdaMshasyoddharaNaM dAhaSca (66-67) · Śloka 67

| অথাশু লূতাদষ্টস্য শস্ত্রেণাদংশমুদ্ধরেত্||৬৬|| দহেচ্চ জাম্ববৌষ্ঠাদ্যৈর্ন তু পিত্তোত্তরং দহেত্| |৬৭|

সং-অথেতি মঙ্গলে| কৃতমঙ্গলস্য লূতাদষ্টস্য, আ-সমন্তাত্, দংশং ক্ষিপ্রং শস্ত্রেণোদ্ধরেত্| জাম্ব্বৌষ্ঠাদিভিশ্চ দহেত্, পিত্তাধিকং বর্জযিত্বা|

Adhikarana karkashAdidaMshasya chedadAha niShedhaH (67-68) · Śloka 68

| কর্কশং ভিন্নরোমাণং মর্মসন্ধ্যাদিসংশ্রিতম্||৬৭|| প্রসৃতং সর্বতো দংশং ন ছিন্দীত দহেন্ন চ| |৬৮|

সং-কর্কশাদিগুণং দংশং দংশং ন ছিন্দ্যাত্ ন চ দহেত্|

Adhikarana dagdhadaMshasyAgadairlepaH kShIrivRukShakaShAyaiH sekashca (68-69) · Śloka 69

| লেপযেদ্দগ্ধমগদৈর্মধুসৈন্ধবসংযুতৈঃ||৬৮|| সুশীতৈঃ সেচযেচ্চানু কষাযৈঃ ক্ষীরিবৃক্ষজৈঃ| |৬৯|

স০-দগ্ধং দংশমগদৈর্মাক্ষিকসৈন্ধবান্বিতৈর্লেপযেত্| পশ্চাত্ ক্ষীরিবৃক্ষজৈঃ কষাযৈরতিশিশিরৈঃ সেচযেচ্চ|

Adhikarana lUtAdaMshasya sarvato raktApaharaNaM, tataH shItAH sekalepAH (69-70) · Śloka 70

| সর্বতোঽপহরেদ্রক্তং শৃঙ্গাদ্যৈঃ সিরযাঽপি বা||৬৯|| সেকলেপাস্ততঃ শীতা বোধিশ্লেষ্মাতকাক্ষকৈঃ| |৭০|

স০- সর্বতো রক্তং বিস্রাবযেচ্ছৃঙ্গাদিভিঃ| অনন্তরং সেকালেপাশ্চ শিশিরা হিতাঃ পিপ্পলাদিভিঃ|

Adhikarana sarvalUtAkITeShu padmako~agadaH (70-71) · Śloka 71

| ফলিনীদ্বিনিশাক্ষৌদ্রসর্পির্ভিঃ পদ্মকাহ্বযঃ||৭০|| অশেষলূতাকীটানামগদঃ সার্বকার্মিকঃ| |৭১|

স০-ফলিন্যাদিকোঽযং পদ্মকসংজ্ঞোঽগদঃ সার্বকার্মিকঃ| অশেষক্রিযাসু(?) লূতাকীটানাং হিতঃ|