31. kṣudrarōgavijñānīyādhyāyaḥ

Adhikarana adhyAyopakramaH · Śloka

Adhikarana kShudrarogavij~jAnIyAdhyAyaH 1 ajagallikAyAH lakShaNam (2-1) · Śloka 1

ক্ষুদ্ররোগবিজ্ঞানং ক্রমপ্রাপ্তমাচিখ্যাসুরাহ অথাতঃ ক্ষুদ্ররোগবিজ্ঞানীযং ব্যাখ্যাস্যামঃ| ইতি হ স্মাহুরাত্রযাদযো মহর্ষযঃ| (গদ্যসূত্রে)|২| স্নিগ্ধা সবর্ণা গ্রথিতা নীরুজা মুদ্গসন্নিভা| পিটিকা কফবাতাভ্যাং বালানামজগল্লিকা||১||

স০ - বালানাং কফবাতাভ্যাং স্নিগ্ধাদিগুণযুক্তা পিটিকাঽজগল্লিকাখ্যা স্যাত্|

Adhikarana 2 . yavaprakhyAyAH lakShaNam (2) · Śloka 2

যবপ্রখ্যা যবপ্রখ্যা তাভ্যাং মাংসাশ্রিতা ঘনা| |২|

স০- তাভ্যাং-বাতকফাভ্যাং, যবপ্রখ্যা-যবসংজ্ঞা| সা যবপ্রখ্যা-যবাকারা, মংসাশ্রিতা ঘনা কঠিনা চ|

Adhikarana 3 . alajyAH lakShaNam 4 . kacchapyAH lakShaNam (2-3) · Śloka 3

| অবক্ত্রা চালজী বৃত্তা স্তোকপূযা ঘনোন্নতা||২|| গ্রন্থযঃ পঞ্চ বা ষড্বা কচ্ছপী কচ্ছপোন্নতাঃ| |৩|

স০ - গ্রন্থযঃ পঞ্চ বা ষড্বা, কিম্ভূতাঃ ? অমুখাস্তথাঽলজীব বৃত্তাঃ-বর্তুলাঃ, স্তোকপূযা ঘনা উন্নতাশ্চ কচ্ছপীত্যুচ্যতে| সা চ কচ্ছপোন্নতা স্যাত্|

Adhikarana 5 . panasikAyAH lakShaNam (3-4) · Śloka 4

| কর্ণস্যোর্ধ্বং সমন্তাদ্বা পিটিকা কঠিনোগ্ররুক্||৩|| শালূকাভা পনসিকা| |৪|

স০-কর্ণস্যোপরিষ্টাত্ পরিতো বা পিটিকা কঠিনা তীব্ররুজা শালূকনিভা পনসিকাসংজ্ঞা|

Adhikarana 6 . pAShANagardabhasya lakShaNam (4) · Śloka 4

শোফস্ত্বল্পরুজঃ স্থিরঃ| হনুসন্ধিসমুদ্ভূতস্তাভ্যাং পাষাণগর্দভঃ||৪||

স০-শোফোঽল্পরুজঃ স্থিরো হনুসন্ধিসমাশ্রিতো বাতকফাভ্যাং পাষাণগর্দভঃ|

Adhikarana 7 . mukhadUShikAnAM lakShaNam (5) · Śloka 5

শাল্মলীকণ্টকাকারাঃ পিটিকাঃ সরুজো ঘনাঃ| মেদোগর্ভা মুখে যূনাং তাভ্যাং চ মুখদূষিকাঃ||৫||

স০-বাতকফাভ্যাং শাল্মলীকণ্টকসদৃশাঃ পিটিকা রুজান্বিতা ঘনা মেদোগর্ভাস্তরুণানাং মুখে স্যুঃ| তাশ্চ মুখদূষিকাঃ|

Adhikarana 8 . padmakaNTakAnAM lakShaNam (6) · Śloka 6

তে পদ্মকণ্টকা জ্ঞেযা যৈঃ পদ্মমিব কণ্টকৈঃ| চীযতে নীরুজৈঃ শ্বেতৈঃ শরীরং কফবাতজৈঃ||৬||

স০-পদ্মকণ্টকসংজ্ঞাস্তে বেদ্যাঃ, যৈঃ কণ্টকৈর্নীরুজৈঃ শ্বেতবর্ণৈর্বাতকফজৈঃ পদ্মমিব শরীরং চীযতে|

Adhikarana 9 . vivRutAyAH lakShaNam (7) · Śloka 7

পিত্তেন পিটিকা বৃত্তা পক্বোদুম্বরসন্নিভা| মহাদাহজ্বরকরী বিবৃতা বিবৃতাননা||৭||

স০-পিত্তেন যা পিটিকা বর্তুলা পক্বোদুম্বরফলনিভামহাদাহজ্বরকৃচ্চ, সা বিবৃতাখ্যা বিবৃতমুখা স্যাত্|

Adhikarana 10 . masUrikAnAM lakShaNam (8) · Śloka 8

গাত্রেষ্বন্তশ্চ বক্ত্রস্য দাহজ্বররুজান্বিতাঃ| মসূরমাত্রাস্তদ্বর্ণাস্তত্সংজ্ঞাঃ পিটিকা ঘনাঃ||৮||

স০-গাত্রেষু-অবযবেষু, বক্ত্রস্য চান্তরে দাহাদিযুতা মসূরপ্রমাণাস্তদ্বর্ণাস্তত্সংজ্ঞা মসূরিকা ঘনাঃ পিটিকাঃ|

Adhikarana 11 . visphoTAnAM lakShaNam (9) · Śloka 9

ততঃ কষ্টতরাঃ স্ফোটা বিস্ফোটাখ্যা মহারুজাঃ| |৯|

স০-তাভ্যো মসূরিকাভ্যো দারুণতমাঃ স্ফোটা মহারুজা বিস্ফোটাসংজ্ঞাঃ|

Adhikarana 12 viddhAyAH lakShaNam (9-10) · Śloka 10

| যা পদ্মকর্ণিকাকারা পিটিকা পিটিকাচিতা||৯|| সা বিদ্ধা বাতপিত্তাভ্যাং| |১০|

স০-পদ্মকর্ণিকানিভা যা পিটিকা পিটকৈরাচিতা, সা বাতপিত্তাভ্যাং বিদ্ধাখ্যা স্যাত্|

Adhikarana 13 gardabhyAH lakShaNam (10) · Śloka 10

তাভ্যামেব চ গর্দভী| মণ্ডলা বিপুলোত্সন্না সরাগপিটিকাচিতা||১০||

স০-তাভ্যামেব-বাতপিত্তাভ্যাং, গর্দভীসংজ্ঞা মণ্ডলাকারা বিস্তীর্ণা তথোত্সন্না সরাগপিটকৈরাচিতা|

Adhikarana 14 kakShAyAH lakShaNam (11) · Śloka 11

কক্ষেতি কক্ষাসন্নেষু প্রাযো দেশেষু সাঽনিলাত্| পিত্তাদ্ভবন্তি পিটিকাঃ সূক্ষ্মা লাজোপমা ঘনাঃ||১১||

স০-কক্ষানিকটেষু প্রদেশেষু সা গর্দভী কক্ষেত্যুচ্যতে| সা চ বাতাত্ স্যাত্| তস্যামেব পিত্তেন সূক্ষ্মাঃ পিটিকা লাজাকারা ঘনাঃ কক্ষাসংজ্ঞা এব স্যুঃ|

Adhikarana 15 gandhanAmAyAH lakShaNam (12) · Śloka 12

তাদৃশী মহতী ত্বেকা গন্ধনামেতি কীর্তিতা| |১২|

স০-তাদৃশী-লাজসদৃশী, মহতী পিটিকৈকা গন্ধনামেতি স্মৃতা|

Adhikarana 16 rAjikAnAM lakShaNam (12-13) · Śloka 13

| ঘর্মস্বেদপরীতেঽঙ্গে পিটিকাঃ সরুজো ঘনাঃ||১২|| রাজিকাবর্ণসংস্থানপ্রমাণা রাজিকাহ্বযাঃ| |১৩|

স০- ঘর্মস্বেদযুক্তে শরীরে পিটিকা রুজাযুতা ঘনা রাজিকাবর্ণা রাজিকাকারা রাজিকাপ্রমাণা রাজিকাসংজ্ঞাঃ|

Adhikarana 17 jAlagardabhasya lakShaNam (13-14) · Śloka 14

| দোষৈঃ পিত্তোল্বণৈর্মন্দৈর্বিসর্পিতি বিসর্পবত্||১৩|| শোফোঽপাকস্তনুস্তাম্রো জ্বরকৃজ্জালগর্দভঃ| |১৪|

স০- পিত্তাধিকৈর্দোষৈর্মন্দৈর্যঃ শোফো বিসর্প ইব বিসর্পতি, তথাঽপাকস্তনুস্তাম্রবর্ণো জ্বরকারী চ, স জালগর্দভঃ স্যাত্|

Adhikarana 18 agnirohiNyA lakShaNam (14-15) · Śloka 15

| মলৈঃ পিত্তোল্বণৈঃ স্ফোটা জ্বরিণো মাংসদারণাঃ||১৪|| কক্ষাভাগেষু জাযন্তে যেঽগ্ন্যাভাঃ সাঽগ্নিরোহিণী| পঞ্চাহাত্সপ্তরাত্রাদ্বা পক্ষাদ্বা হন্তিজীবিতম্||১৫||

স০-পিত্তোল্বণৈর্মলৈর্জ্বরবতো মাংসদারণাঃ স্ফোটাঃ কক্ষাপ্রদেশেষু যেঽগ্নিসদৃশা জাযন্তে, সাঽগ্নিরোহিণীত্যুচ্যতে| পঞ্চাহেন সপ্তরাত্রেণ পক্ষেণ বা জীবিতং হন্তি|

Adhikarana 19 irivellikAyAH lakShaNam (16) · Śloka 16

ত্রিলিঙ্গা পিটিকা বৃত্তা জত্রূর্ধ্বমিরিবেল্লিকা| |১৬|

স০-ত্রিদোষলক্ষণা পিটিকা বর্তুলা জত্রুণ ঊর্ধ্বমিরিবেল্লিকাখ্যা|

Adhikarana 20 vidAryAH lakShaNam (16) · Śloka 16

| বিদারীকন্দকঠিনা বিদারী কক্ষবঙ্ক্ষণে||১৬||

স০- বিদারীকন্দবত্ কঠিনা কক্ষাযাং বঙ্ক্ষণে চ বিদারী স্যাত্| কক্ষা চ বঙ্ক্ষণং চ কক্ষাবঙ্ক্ষণং তস্মিন্| "পাণ্যোঃ"(?) ইত্যাদিনা হ্রস্বঃ|

Adhikarana 21 sharkarArbudasya lakShaNam (17-19) · Śloka 19

মেদোনিলকফৈর্গ্রন্থিঃ স্নাযুমাংসসিরাশ্রযৈঃ| ভিন্নো বসাজ্যমধ্বাভং স্রবেত্তত্রোল্বণোঽনিলঃ||১৭|| মাংসং বিশোষ্য গ্রথিতাং শর্করামুপপাদযেত্| দুর্গন্ধং রুধিরং ক্লিন্নং নানাবর্ণং ততো মলাঃ||১৮|| তাং স্রাবযন্তি নিচিতাং বিদ্যাত্তচ্ছর্করার্বুদম্| |১৯|

স০-মেদঃপবনকফৈঃ স্নাযুমাংসসিরাশ্রযৈর্গ্রন্থিঃ স্যাত্| স চ ভিন্নো বসাঘৃতমধুনিভং স্রবেত্| তস্মিন্ পবনোঽধিকো মাংসং বিশোষ্য গ্রথিতাং শর্করাং কুর্যাত্| ততো দোষাস্তাং-শর্করাং, নিচিতাং দুর্গন্ধং লোহিতং ক্লিন্নং বিবিধবর্ণং স্রাবযন্তি| তত্ এবংবিধং, শর্করার্বুদং বিদ্যাত্|

Adhikarana 22 valmIkasya lakShaNam (19-20) · Śloka 20

| পাণিপাদতলে সন্ধৌ জত্রূর্ধ্বং বোপচীযতে||১৯|| বল্মীকবচ্ছনৈর্গ্রন্থিস্তদ্বদ্বহ্বণুভির্মুখৈঃ| রুগ্দাহকণ্ডূক্লেদাঢ্যৈর্বল্মীকোঽসৌ সমস্তজঃ||২০||

স০- পাণিতলে পাদতলে সন্ধৌ জত্রূর্ধ্বং বা গ্রন্থির্বল্মীক ইব শনৈরুপচীযতে| তদ্বত্বল্মীকবত্, বহূনি চ তান্যণূনি চ, তৈর্ভূরিসূক্ষ্মৈর্বদনৈরুপলক্ষিতো রুগ্দাহকণ্ডূক্লেদবহুলো বল্মীকাখ্যোঽসৌ ত্রিদোষজঃ|

Adhikarana 23 kadarasya lakShaNam (21) · Śloka 21

শর্করোন্মথিতে পাদে ক্ষতে বা কণ্টকাদিভিঃ| গ্রন্থিঃ কীলবদুত্সন্নো জাযতে কদরং তু তত্||২১||

স০-শর্করাদিভিরুন্মথিতে পাদে কণ্টকাদিভির্বা ক্ষতে কীলসদৃশো গ্রন্থিরুত্সন্নো জাযতে, তত্কদরং নাম|

Adhikarana 24 ruddhagudasya lakShaNam (22-23) · Śloka 23

বেগসন্ধারণাদ্বাযুরপানোঽপানসংশ্রযম্| অণূকরোতি বাহ্যান্তর্মার্গস্য ততঃ শকৃত্||২২|| কৃচ্ছ্রান্নির্গচ্ছতি ব্যাধিরযং রুদ্ধগুদো মতঃ| |২৩|

স০- অপানাখ্যো বাযুর্বেগসন্ধারণাদপানাশ্রযং মার্গং বাহ্যান্তরণূকরোতি| ততোঽস্য-আতুরস্য, কৃচ্ছ্রেণ শকৃন্নির্যাতি| অযং রোগো রুদ্ধগুদো মতঃ|

Adhikarana 25 cippasya lakShaNam (23-24) · Śloka 24

| কুর্যাত্পিত্তানিলং পাকং নখমাংসে সরুগ্জ্বরম্||২৩|| চিপ্যমক্ষতরোগং চ বিদ্যাদুপনখং চ তম্| |২৪|

স০-পিত্তানিলং কর্তৃ নখমাংসে সরুগ্জ্বরং পাকং কুর্যাত্| তং চিপ্যং তথাঽক্ষতরোগমুপনখং চ বিদ্যাত্|

Adhikarana 26 kunakhasya lakShaNam (24) · Śloka 24

| কৃষ্ণোঽভিঘাতাদ্রূক্ষশ্চ খরশ্চ কুনখো নখঃ||২৪||

স০-অভিঘাতাত্ কৃষ্ণবর্ণো রূক্ষশ্চ খরশ্চ নখঃ কুনখাখ্যঃ|

Adhikarana 27 alasasya lakShaNam (25) · Śloka 25

দুষ্টকর্দমসংস্পর্শাত্ কণ্ডূক্লেদান্বিতান্তরাঃ| অঙ্গুল্যোঽলসমিত্যাহুঃ|২৫|

স০- দুষ্টকর্দমসংস্পর্শাত্ কণ্ডূক্লেদযুতান্তরা অঙ্গুল্যোঽলসমিতি বদন্তি|

Adhikarana 28 tilakAlakAnAM lakShaNam (25-26) · Śloka 26

| তিলাভাংস্তিলকালকান্||২৫|| কৃষ্ণানবেদনাংস্ত্বক্স্থান্| |২৬|

স০-তিলসদৃশান্ কৃষ্ণবর্ণানরুজাংস্ত্বক্স্থাংস্তিলকালকানাহুঃ|

Adhikarana 29 maShANAM lakShaNam (26) · Śloka 26

মষাংস্তানেব চোন্নতান্| |২৬|

স০-তানেব তিলকালকানুন্নতান্ মষানাহুঃ|

Adhikarana 30 carmakIlAnAM lakShaNam (26) · Śloka 26

| মষেভ্যস্তূন্নততরাংশ্চর্মকীলান্ সিতাসিতান্||২৬||

স০-মষেভ্যঃ সকাশাদুন্নততরান্ বর্ণতঃ সিতাসিতান্ চর্মকীলাংস্তানাহুঃ|

Adhikarana 31 jatumaNeH lakShaNam (27) · Śloka 27

তথাবিধো জতুমণিঃ সহজো লোহিতস্তু সঃ| |২৭|

স০- তত্প্রমাণো জতুমণিঃ সহজো লোহিতবর্ণশ্চাসৌ স্যাত্|

Adhikarana 32 lA~jchanasya lakShaNam (27) · Śloka 27

| কৃষ্ণং সিতং বা সহজং মণ্ডলং লাঞ্ছনং সমম্||২৭||

স০-শুক্লং কৃষ্ণং বা সহজং মণ্ডলাকারং শরীরসমং লাঞ্ছনমাহুঃ|

Adhikarana 33 vya~ggasya lakShaNam (28-30) · Śloka 30

শোকক্রোধাদিকুপিতাদ্বাতপিত্তান্মুখে তনু| শ্যামলং মণ্ডলং ব্যঙ্গং, বক্ত্রাদন্যত্র নীলিকা||২৮|| পরুষং পরুষস্পর্শং ব্যঙ্গং শ্যাবং চ মারুতাত্| পিত্তাত্তাম্রান্তমানীলং, শ্বেতান্তং কণ্ডুমত্কফাত্||২৯|| রক্তাদ্রক্তান্তমাতাম্র সৌষং চিমিচিমাযতে| |৩০|

স০- বাতপিত্তাচ্ছোকাদিক্রুদ্ধাত্ তনু শ্যামবর্ণং মণ্ডলাকারং মুখে ব্যঙ্গং বদন্তি| মুকাদন্যত্র নীলিকা| পরুষচ্ছবিস্তথা পরুষস্পর্শং শ্যামবর্ণং চ ব্যঙ্গং বাতাত্ স্যাত্| পিত্তেন তাম্রান্তং কিঞ্চিন্নীলম্| কফেন শ্বেতান্তং সকণ্ডু চ স্যাত্| রক্তাদ্রক্তান্তং কিঞ্চিত্তাম্রমোষযুতং চিমিচিমাযতে চ|

Adhikarana 34 prasupteH lakShaNam (30-31) · Śloka 31

| বাযুনোদীরিতঃ শ্লেষ্মা ত্বচং প্রাপ্য বিশুষ্যতি||৩০|| ততস্ত্বগ্জাযতে পাণ্ডুঃ ক্রমেণ চ বিচেতনা| অল্পকণ্ডূরবিক্লেদা সা প্রসুপ্তিঃ প্রসুপ্তিতঃ||৩১||

স০-পবনেন কফঃ প্রেরিতস্ত্বচং প্রাপ্য বিশুষ্যতি| অনন্তরং ত্বক্ পাণ্ডুঃ ক্রমেণ চ বিচেতনা অল্পকণ্ডূর্বিক্লেদরহিতা চ জাযতে| সা প্রসুপ্তিতঃ প্রসুপ্তিঃ স্যাত্|

Adhikarana 35 uktoThasya lakShaNam (32-33) · Śloka 33

অসম্যগ্বমনোদীর্ণপিত্তশ্লেষ্মান্ননিগ্রহৈঃ| মণ্ডলান্যতিকণ্ডূনি রাগবন্তি বহূনি চ||৩২|| উত্কোঠঃ| |৩৩|

স০-অসম্যগ্বমনেন প্রেরিতপিত্তশ্লেষ্মান্ননিগ্রহৈর্মণ্ডলান্যতিশযকণ্ডূনি লোহিতানি বহূনি চ উত্কোঠঃ স্যাত্|

Adhikarana 36 koThasya lakShaNam (33) · Śloka 33

সোঽনুবদ্ধস্তু কোঠ ইত্যভিধীযতে| |৩৩|

স০-স এবানুবদ্ধঃ কোঠ ইত্যুচ্যতে|

Adhikarana ete ShaTatriMshat kShudrarogAH (31) · Śloka 31

| প্রোক্তাঃ ষট্ত্রিংশদিত্যেতে ক্ষুদ্ররোগা বিভাগশঃ||৩৩|| |যানবিজ্ঞায মুহ্যেত চিকিত্সাযাং চিকিত্সকঃ| ] ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে ক্ষুদ্ররোগবিজ্ঞানীযং নামৈকত্রিংশোঽধ্যাযঃ||৩১||

স০- ইতি-অনেন প্রকারেণ, ষট্ত্রিংশত্ ক্ষুদ্ররোগা বিভাগেনোক্তা ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে ক্ষুদ্ররোগ বিজ্ঞানীযং নামৈকত্রিংশোঽধ্যাযঃ সমাপ্তঃ|| ৩১||