21. mukharōgavijñānīyādhyāyaḥ

Adhikarana mukharogavij~jAnIyAdhyAyaH ||21|| mukharogANAM sAmAnyaM nidAnam (2-3) · Śloka 3

ক্রমপ্রাপ্তং মুখরোগবিজ্ঞানমভিধিত্সুরাহ অথতো মুখরোগবিজ্ঞানীযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) মাত্স্যমাহিষবারাহপিশিতামকমূলকম্| মাষসূপদধিক্ষীরসুক্তেক্ষুরসফাণিতম্||১|| অবাক্শয্যাং চ ভজতো দ্বিষতো দন্তধাবনম্| ধূমর্চ্ছর্দনগণ্ডূষানুচিতং চ সিরাব্যধম্||২|| কৃদ্ধাঃ শ্লেষ্মোল্বণা দোষাঃ কুর্বন্ত্যন্তর্মুখং গদান্| |৩|

স০-মাত্স্যমাহিষবারাহপিশিতাদি ভজতো দন্তধাবনং দ্বিষতঃ-অসেবমানস্য, ধূমাদিকং চোচিতং দ্বিষতঃ, সিরাব্যধং চ দ্বিষতঃ, শ্লেষ্মোল্বণা দোষাঃ কৃদ্ধা মুখস্যান্তরে গদান্ কুর্বন্তি|

Adhikarana oShThe ekAdasha rogAH| 1 khaNDauShThasya lakShaNam (3) · Śloka 3

| তত্র খণ্ডৌষ্ঠ ইত্যুক্তো বাতেনৌষ্ঠো দ্বিধা কৃতঃ||৩||

স০-তেষু মুখরোগেষু মধ্যে পবনাদোষ্ঠো দ্বিধা কৃতঃ খণ্ডৌষ্ঠ ইতি গদিতঃ|

Adhikarana 2 vAtajasya oShThakopasya lakShaNam (4) · Śloka 4

ওষ্ঠকোপে তু পবনাত্ স্তব্ধাবোষ্ঠৌ মহারুজৌ| দাল্যেতে পরিপাট্যেতে পরুষাসিতকর্কশৌ||৪||

স০-পবনাদোষ্ঠকোপে ত্বোষ্ঠৌ স্তব্ধৌ মহারুজৌ দাল্যেতে তথা পরিপাট্যেতে ইব| তথা পরুষৌ কৃষ্ণৌ রূক্ষৌ দৃশ্যেতে|

Adhikarana 3 pittajasya oShThakopasya lakShaNam (5) · Śloka 5

পিত্তাত্তীক্ষ্ণাসহৌ পীতৌ সর্ষপাকৃতিভিশ্চিতৌ| পিটিকাভির্বহুক্লেদাবাশুপাকৌ|৫|

স০-পিত্তেনৌষ্ঠৌ তীক্ষ্ণং ন সহেতে| পীতৌ চ স্যাতাম্| তথা চ সর্ষপাকৃতিভিঃ পিটিকাভিশ্চিতৌ বহুক্লেদৌ শীঘ্রপাকৌ চ|

Adhikarana 4 kaphajasya oShThakopasya lakShaNam (5-6) · Śloka 6

| কফাত্পুনঃ||৫|| শীতাসহৌ গুরু শূনৌ সবর্ণপিটিকাচিতৌ| |৬|

স০-কফেন শীতাসহৌ গুরু শূনৌ সবর্ণৈঃ পিটকৈরাচিতৌ স্যাতাম্|

Adhikarana 5 sannipAtajasya oShThakopasya lakShaNam (6-7) · Śloka 7

| সন্নিপাতাদনেকাভৌ দুর্গন্ধাস্রাবপিচ্ছিলৌ||৬|| অকস্মান্ম্লানসংশূনরুজৌ বিষমপাকিনৌ| |৭|

স০-সন্নিপাতাদোষ্ঠৌ নানাবর্ণপিটকৈরাচিতৌ দুর্গন্ধস্রাবপিচ্ছিলৌ সহসৈব ম্লানৌ কদাচিত্সংশূনৌ বিষমপাকিনৌ বা|

Adhikarana 6 raktajasya oShThakopasya lakShaNam (7-8) · Śloka 8

| রক্তোপসৃষ্টৌ রুধিরং স্রবতঃ শোণিতপ্রভৌ||৭|| খর্জূরসদৃশং চাত্র ক্ষীণে রক্তেঽর্বুদং ভবেত্| |৮|

সং-রক্তেন যুক্তৌ রুধিরং স্রবন্তৌ রক্তপ্রভৌ চ| ক্ষীণে রক্তে খর্জূরাকারমর্বুদমোষ্ঠৌ স্যাত্|

Adhikarana 7 arbudasya oShThakopasya lakShaNam 8 mAMsajasya oShThakopasya lakShaNam (8) · Śloka 8

| মাংসপিণ্ডোপমৌ মাংসাত্স্যাতাং মূর্চ্ছত্কৃমী ক্রমাত্||৮||

স০-মাংসেন মাংসপিণ্ডোপমাবোষ্ঠৌ| ক্রমেণ চ মূর্চ্ছত্কৃমী স্যাতাম্| মূর্চ্ছন্তি কৃমযো যযোরিতি মূর্চ্ছত্কৃমী| তযোঃ কৃমযো জাযন্ত ইত্যর্থঃ|

Adhikarana 9 medojasya oShThakopasya lakShaNam 10kShatajasya oShThakopasya lakShaNam (9-10) · Śloka 10

তৈলাভশ্বযথুক্লেদৌ সকণ্ড্বৌ মেদসা মৃদূ| ক্ষতজাববতীর্যেতে পাট্যেতে চাসকৃত্পুনঃ||৯|| গ্রথিতৌ চ পুনঃ স্যাতাং কণ্ডূলৌ দশনচ্ছদৌ| |১০|

স০-মেদসা তৈলাভঃ শোফঃ ক্লেদশ্চ যযোস্তাবেবম্| তথা কণ্ডূযুতৌ মৃদূ চৌষ্ঠৌ স্যাতাম্| স০-ক্ষতজাবসকৃদবদীর্যেতে পরিপাট্যেতে-ভেদ্যেতে ইব, গ্রথিতৌ চ পুনরোষ্ঠৌ স্যাতাং সকণ্ডূকৌ চ|

Adhikarana 11 jalArbudasya oShThakopasya lakShaNam (10) · Śloka 10

| জলবুদ্বুদবদ্বাতকফাদোষ্ঠে জলার্বুদম্||১০||

স০-বাতকফাত্ জলবুদ্বুদাকারং জলার্বুদমোষ্ঠে স্যাত্| ইত্যেকাদশ ওষ্ঠে|

Adhikarana gaNDe eko rogaH| 1 gaNDAlajyAH lakShaNam (11) · Śloka 11

গণ্ডালজী স্থিরঃ শোফো গণ্ডে দাহজ্বরান্বিতঃ| |১১|

স০-স্থিরঃ শোফো গণ্ডপ্রদেশে দাহজ্বরযুতো গণ্ডালজীত্যুচ্যতে| ইত্যেকো গণ্ডে|

Adhikarana dante dasha rogAH| 1 shItadantasya lakShaNam (11-12) · Śloka 12

| বাতাদুষ্ণসহা দন্তাঃ শীতস্পর্শেঽধিকব্যথাঃ||১১|| দাল্যন্ত ইব শূলেন শীতাখ্যো দালনশ্চ সঃ| |১২|

স০-বাতেন দন্তা উষ্ণসহাঃ শীতস্পর্শেঽধিকব্যথাঃ, শূলেন দাল্যন্ত ইব চ| অসৌ শীতদন্তসংজ্ঞো দালনশ্চোক্তঃ|

Adhikarana 2 dantaharShasya lakShaNam 3 dantabhedasya lakShaNam (12-13) · Śloka 13

| দন্তহর্ষে প্রবাতাম্লশীতভক্ষাক্ষমা দ্বিজাঃ||১২|| ভবন্ত্যম্লাশনেনেব সরুজাশ্চলিতা ইব| দন্তভেদে দ্বিজাস্তোদভেদরুক্স্ফুটনান্বিতাঃ||১৩||

স০-দন্তহর্ষে প্রচণ্ডবাতস্যাম্লশীতভক্ষস্যা (স্য চা)- সহাঃ, দ্বিজাঃ তথাঽম্লাশনেনেব সরুজাশ্চিলিতা ইব চ স্যুঃ| স০-দন্তভেদে দন্তাস্তোদাদিযুতাঃ স্যুঃ|

Adhikarana 4 dantacAlasya lakShaNam 5karAlasya lakShaNam (14) · Śloka 14

চালশ্চলদ্ভির্দশনৈর্ভক্ষণাদধিকব্যথৈঃ| করালস্তু করালানাং দশনানাং সমুদ্গমঃ||১৪||

স০-চালাখ্যো রোগো দন্তৈশ্চ চলদ্ভির্ভক্ষণাদধিকব্যথৈশ্চ স্যাত্| স০-করালানাং দন্তানাং সমুদ্গমঃ করালাখ্যো রোগঃ|

Adhikarana 6 adhidantasya lakShaNam (15) · Śloka 15

দন্তোঽধিকোঽধিদন্তাখ্যঃ স চোক্তঃ খলু বর্ধনঃ| জাযমানেঽতিরুগ্ দন্তে, জাতে তত্র তু শাম্যতি||১৫||

স০-অধিকো দন্তোঽধিদন্তসংজ্ঞো রোগঃ| বর্ধনশ্চ স এবোক্তঃ| জাযমানে তস্মিন্ দন্তেঽতিপীডা জাযতে| জাতে তু তস্মিন্ পীডা শাম্যতি|

Adhikarana 7 sharkarAyAH VlakShaNam (16) · Śloka 16

অধাবনামলো দন্তে কফো বা বাতশোষিতঃ| পূতিগন্ধিঃ স্থিরীভূতঃ শর্করা|১৬|

স০-অধাবনাদ্দন্তে মলঃ কফো বা পবনেন শোষিতঃ পূতিগন্ধিঃ স্থিরীভূতঃ| স এবোপেক্ষিতঃ শর্করা স্যাত্|

Adhikarana 8 kapAlikAyAH lakShaNam (16-17) · Śloka 17

| সাঽপ্যুপেক্ষিতা||১৬|| শাতযত্যণুশো দন্তাত্কপালানি কপালিকা| |১৭|

স০-কপালিকাখ্যো দন্তাত্ কপালান্যণুশঃ-স্তোকং স্তোকং, শাতযতি|

Adhikarana 9 shyAvasya lakShaNam (17) · Śloka 17

| শ্যাবঃ শ্যাবত্বমাযাতো রক্তপিত্তানিলৈর্দ্বিজঃ||১৭||

স০-দ্বিজঃ শ্যাবত্বমাযাতো রক্তপিত্তানিলৈঃ শ্যাবাখ্যঃ|

Adhikarana 10 kRumidantasya lakShaNam dantamUle trayodasha rogAH| (18-20) · Śloka 20

সমূলং দন্তমাশ্রিত্য দোষৈরুল্বণমারুতৈঃ| শোষিতে মজ্জ্ঞি সুষিরে দন্তেঽন্নমলপূরিতে||১৮|| পূতিত্বাত্কৃমযঃ সূক্ষ্মা জাযন্তে, জাযতে ততঃ| অহেতুতীব্রার্তিশমঃ সসংরম্ভোঽসিতশ্চলঃ||১৯|| প্রলূনঃ পূযরক্তস্রুত্ স চোক্তঃ কৃমিদন্তকঃ| |২০|

স০-সমূলং দন্তমাশ্রিত্য দোষৈরধিকমারুতৈঃ শোষিতে মজ্জ্ঞি সুষিরে দন্তেঽন্নমলপূরিতে পূতিত্বাত্ কৃমযঃ সূক্ষ্মা জাযন্তে| ততোঽহেতু-নিমিত্তমন্তরেণ, তীব্রার্তিশান্তির্জাযতে| তথা সংরম্ভান্বিতঃ কৃষ্ণশ্চলঃ প্রলূনাখ্যঃ পূযরক্তস্রাবী| স চ কৃমিদন্তক উক্তঃ| ইতি দন্তে দশৈতে|

Adhikarana 1 shItAdasya lakShaNam (20-21) · Śloka 21

| শ্লেষ্মরক্তেন পূতীনি বহন্ত্যস্রমহেতুকম্||২০|| শীর্যন্তে দন্তমাংসানি মৃদুক্লিন্নাসিতানি চ| শীতাদোঽসৌ|২১|

স০-শ্লেষ্মরক্তেন দন্তমাংসানি পূতীনি রক্তং নির্নিমিত্তং বহন্তি শীর্যন্তে| কিম্ভূতানি ? মৃদুক্লিন্নানি অসিতানি চ| অসৌ শীতাদঃ কথ্যতে|

Adhikarana 2 upakushasya lakShaNam (21-23) · Śloka 23

| উপকুশঃ পাকঃ পিত্তাসৃগুদ্ভবঃ||২১|| দন্তমাম্সানি দহ্যন্তে রক্তান্যুত্সেধবন্ত্যতঃ| কণ্ডূমন্তি স্রবন্ত্যস্রমাধ্মাযন্তেঽসৃজি স্থিতে||২২|| চলা মন্দরুজো দন্তা পূতি বক্ত্রং চ জাযতে| |২৩|

স০-পিত্তরক্তোত্থো যো দন্তমাংসে পাকঃ স উপকুশসংজ্ঞঃ| তেন দন্তমাংসানি দহ্যন্তে রক্তবর্ণানি সোত্সেধানি চ| ততঃ কণ্ডূযুতানি রক্তং স্রবন্তি| রক্তে স্থিতে সত্যাধ্মাযন্তে| চলা দন্তা মন্দরুজঃ স্যুঃ| পূতি বক্ত্রং চ জাযতে|

Adhikarana 3 dantapuppuTasya lakShaNam (23-24) · Śloka 24

| দন্তযোস্ত্রিষু বা শোফো বদরাস্থিনিভো ঘনঃ||২৩|| কফাস্রাত্তীব্ররুক্ শীঘ্রং পচ্যতে দন্তপুপ্পুটঃ| |২৪|

স০-দ্বযোর্দন্তযোস্ত্রিষু ব দন্তেষু শোফো বদরাস্থিসদৃশো ঘনঃ কফরক্তাত্ তীব্ররুক্ শীঘ্রং পচ্যতে| স দন্তপুপ্পুটসংজ্ঞঃ|

Adhikarana 4 dantavidradheH lakShaNam (24-25) · Śloka 25

| দন্তমাংসে মলৈঃ সাস্রৈর্বাহ্যান্তঃ শ্বযথুর্গুরুঃ||২৪|| সরুগ্দাহঃ স্রবেদ্ভিন্নঃ পূযাস্রং দন্তবিদ্রধিঃ| |২৫|

স০-দন্তমাংসে বাহ্যেঽভ্যন্তরে চ দোষৈঃ সরক্তৈর্গুরুঃ শ্বযথুঃ সরুগ্দাহঃ| স চ ভিন্নঃ সন্ পূযাস্রং স্রবেত্| স দন্তাবিদ্রধিঃ|

Adhikarana 5 suShirasya lakShaNam (25-26) · Śloka 26

| শ্বযথুর্দন্তমূলেষু রুজাবান্ পিত্তরক্তজঃ||২৫|| লালাস্রাবী স সুষিরো দন্তমাংসপ্রশাতনঃ| |২৬|

সং-দন্তমূলেষু শ্বযথুঃ পীডাবান্ পিত্তরক্তোত্থো লালাস্রাবী| সুষিরসংজ্ঞো দন্তমাংসপ্রশাতনঃ

Adhikarana 6 mahAsuShirasya lakShaNam (26-27) · Śloka 27

| স সন্নিপাতাজ্জ্বরবান্ সপূযরুধিরস্রুতিঃ||২৬|| মহাসুষির ইত্যুক্তো বিশীর্ণদ্বিজবন্ধনঃ| |২৭|

স০-সন্নিপাতজ্বরযুতঃ পূযরুধিরস্রাবেনান্বিতঃ মহাসুষিরাখ্য উক্তঃ| স চ বিশীর্ণদ্বিজবন্ধনঃ স্যাত্|

Adhikarana 7 adhimAMsasya lakShaNam (27-28) · Śloka 28

| দন্তান্তে কীলবচ্ছোফো হনুকর্ণরুজাকরঃ||২৭|| প্রতিহন্ত্যভ্যবহৃতিং শ্লেষ্মণা সোঽধিমাংসকঃ| |২৮|

স০-দন্তান্তে কীলসদৃশঃ শোফো হনৌ কর্ণে চ রুজাং করোতি| অভ্যবহৃতিং প্রতিহন্তি| সোঽধিমাংসকঃ শ্লেষ্মণা স্যাত্|

Adhikarana 8 vidarbhasya lakShaNam (28-29) · Śloka 29

| ঘৃষ্টেষু দন্তমাংসেষু সংরম্ভো জাযতে মহান্||২৮|| যস্মিংশ্চলন্তি দন্তাশ্চ স বিদর্ভোঽভিঘাতজঃ| |২৯|

স০-দন্তমাংসেষু দন্তকাষ্ঠাদিনা ঘৃষ্টেষু মহান্ সংরম্ভো জাযতে| যস্মিন্সতি দন্তাশ্চ চলন্তি| সোঽভিঘাতজো বিদর্ভাখ্যঃ|

Adhikarana 9,10,11,12,13 pa~jcAnAM dantanADInAM lakShaNam (29-31) · Śloka 31

| দন্তমাংসাশ্রিতান্ রোগান্ যঃ সাধ্যানপ্যুপেক্ষতে||২৯|| অন্তস্তস্যাস্রবন্ দোষঃ সূক্ষ্মাং সঞ্জনযেদ্গতিম্| পূযং মুহুঃ সা স্রবতি ত্বঙ্মাংসাস্থিপ্রভেদিনী||৩০|| তাঃ পুনঃ পঞ্চ বিজ্ঞেযা লক্ষণৈঃ স্বৈর্যথোদিতৈঃ| |৩১|

স০-দন্তমাংসাশ্রিতান্ রোগান্ সাধ্যানপি য উপেক্ষতে, তস্যান্তরেষু দোষোঽস্রবন্ সূক্ষ্মাং গতিং সঞ্জনযেত্| সা চ গতিঃ পুনঃ পুনঃ পূযং স্রবতি| ত্বঙ্মাংসাস্থীনি প্রভিনত্তি| তাশ্চ গতযঃ পঞ্চ বিজ্ঞেযাঃ স্বৈঃ স্বৈর্বাতাদিজৈর্লক্ষণৈঃ| ইতি দন্তমূলে ত্রযোদশ|

Adhikarana jihvAyAM ShaDrogAH| 1 vAtadUShitAyAH lakShaNam 2 pittadUShitAyAH lakShaNam (31-32) · Śloka 32

| শাখপত্রখরা সুপ্তা স্ফুটিতা বাতদূষিতা||৩১|| জিহ্বা পিত্তাত্ সদাহোষা রক্তৈর্মাসাঙ্কুরৈশ্চিতা| |৩২|

স০-বাতদূষিতা জিহ্বা শাকপত্রবত্ খরা সুপ্তা স্ফুটিতা চ স্যাত্| স০-পিত্তাত্ সদাহোষা তথা রক্তৈর্মাংসাঙ্কুরৈশ্চ চিতা জিহ্বা স্যাত্|

Adhikarana 3 kaphadUShitAyAH lakShaNam (32) · Śloka 32

| শাল্মলীকণ্টকাভৈস্তু কফেন বহলা গুরুঃ||৩২||

স০-কফেন শাল্মলীকণ্টকাভৈঃ কণ্টকৈশ্চিতা বহলা গুরুশ্চ জিহ্বা স্যাত্|

Adhikarana 4 alasasya lakShaNam (33) · Śloka 33

কফপিত্তাদধঃ শোফো জিহ্বাস্তম্ভকৃদুন্নতঃ| মত্স্যগন্ধির্ভবেত্পক্বঃ সোঽলসো মাংসশাতনঃ||৩৩||

স০-কফপিত্তাত্ জিহ্বাযা অধঃ শোফো জিহ্বাস্তম্ভকর উন্নতঃ পক্বো মত্স্যগন্ধির্ভবেত্| সোঽলসাখ্যোমাংসশাতনঃ|

Adhikarana 5 adhijihvasya lakShaNam 6upajihvasya lakShaNam (34-35) · Śloka 35

প্রবন্ধনেঽধো জিহ্বাযাঃ শোফো জিহ্বাগ্রসন্নিভঃ| সাঙ্কুরঃ কফপিত্তাস্রৈর্লালোষাস্তম্ভবান্ খরঃ||৩৪|| অধিজিহ্বঃ সরুক্কণ্ডূর্বাক্যাহারবিঘাতকৃত্| তাদৃগেবোপজিহ্বস্তু জিহ্বাযা উপরি স্থিতঃ||৩৫||

স০-জিহ্বাযাঃ প্রবন্ধনেঽধস্তাজ্জিহ্বাগ্রতুল্যঃ শোফঃ সহাঙ্কুরঃ কফপিত্তরক্তৈর্লালোষাস্তম্ভযুতঃ খরস্পর্শযুতোঽধিজিহ্বোরুক্কণ্ডূভ্যাং যুতো বাক্যাহারবিঘাতং করোতি| স০-তাদৃগেব-অধিজিহ্বাসদৃশ উপজিহ্বঃ, জিহ্বাযা উপরি স্থিতঃ| ইতি জিহ্বাযাঃ ষডেতে|

Adhikarana tAlurogA aShTau| 1 tAlupiTikAyA lakShaNam (36) · Śloka 36

তালুমাংসেঽনিলাদ্দুষ্টে পিটিকাঃ সরুজঃ খরাঃ| বহ্যো ঘনাঃ স্রাবযুতাস্তাস্তালুপিটিকাঃ স্মৃতাঃ||৩৬||

স০-বাতাত্তালুমাংসে দুষ্টে পিটিকাঃ সরুজঃ খরা বহ্যো ঘনাঃ স্রাবান্বিতাশ্চ| তাস্তালুপিটিকাঃ স্মৃতাঃ|

Adhikarana 2 galaSuNDikAyAH lakShaNam (37-38) · Śloka 38

তালুমূলে কফাত্সাস্রাত্ মত্স্যবস্তিনিভো মৃদুঃ| প্রলম্বঃ পিচ্ছিলঃ শোফো নাসযাঽঽহারমীরযন্||৩৭|| কণ্ঠোপরোধতৃট্কাসবমিকৃত্ গলশুণ্ডিকা| |৩৮|

সং-তালুমূলে কফাদ্রক্তান্বিতাত্ মত্স্যবস্তিসদৃশো মৃদুঃ প্রলম্বঃ পিচ্ছিলঃ শোফো নাসযাঽঽহারং প্রেরযন্ কণ্ঠোপরোধাদিকৃত্| গুলশুণ্ডিকাখ্যঃ|

Adhikarana 3 tAlusaMhateH lakShaNam 4 arbudasya lakShaNam (38-39) · Śloka 39

| তালুমধ্যে নিরুঙ্মাংসং সংহতং তালুসংহতিঃ||৩৮|| পদ্মাকৃতিস্তালুমধ্যে রক্তাচ্ছ্বযথুরর্বুদম্| |৩৯|

স০-তালুমধ্যে নিরুঙ্মাংসং সংহতং সা তালুসংহতিরিত্যুচ্যতে| স০- তালুমধ্যে পদ্মাকারো রক্তাদ্দুষ্টাচ্ছ্বযথুরর্বুদম্|

Adhikarana 5 kacCapasya lakShaNam 6puppaTasya lakShaNam (39-40) · Śloka 40

| কচ্ছপঃ কচ্ছপাকারশ্চিরবৃদ্ধিঃ কফাদরুক্||৩৯|| কোলাভঃ শ্লেষ্মমেদোভ্যাং পুপ্পুটো নীরুজঃ স্থিরঃ| |৪০|

পদার্থচন্দ্রিকা-কফাদ্দুষ্টাত্ তালুদেশে যঃ শ্বযথুঃ কচ্ছপাকারশ্চিরবৃদ্ধিররুক্ চ, স কচ্ছপ ইত্যুচ্যতে| প০ চ০-শ্লেষ্মমেদোভ্যাং দুষ্টাভ্যাং কোলাভঃ-কোলসদৃশো, নীরুজঃ স্থিরশ্চ যঃ শোফঃ স্যাত্, স পুপ্পুট ইত্যুচ্যতে|

Adhikarana 7 tAlupAkasya lakShaNam (40) · Śloka 40

| পিত্তেন পাকঃ পাকাখ্যঃ পূযাস্রাবী মহারুজঃ||৪০||

প০ চ০-পিত্তেন দুষ্টেন যস্তালুনঃ পাকঃ পূযাস্রাবী মহারুজঃ, স পাকাখ্যঃ-পাকসংজ্ঞঃ|

Adhikarana 8 tAlushoShasya lakShaNam (41) · Śloka 41

বাতপিত্তজ্বরাযাসৈস্তালুশোষস্তদাহ্বযঃ| |৪১|

প০ চ০-বাতপিত্তজ্বরাযাসৈঃ প্রতিবদ্ধো যঃ শোষস্তালুশোষঃ, স তদাহ্বযঃ-তালুশোষ ইত্যুচ্যতে| ইত্যষ্টৌ তালুরোগাঃ|

Adhikarana gale aShTAdasha rogAH| rohiNyAH sAmAnyaM lakShaNam (41-42) · Śloka 42

| জিহ্বাপ্রবন্ধজাঃ কণ্ঠে দারুণা মার্গরোধিনঃ||৪১|| মাংসাঙ্কুরাঃ শীঘ্রচযা রোহিণী শীঘ্রকারিণী| |৪২|

প০ চ০-কণ্ঠে-কণ্ঠপ্রদেশে, যে মাংসাঙ্কুরা জিহ্বাপ্রবন্ধজাঃ-জিহ্বামূলোত্থাঃ, দারুণাঃ-দুঃসহাঃ, কণ্ঠমার্গানুরোধিনঃ শীঘ্রচযাঃ-সত্বরোদ্ভূতাঃ, ভবন্তি| সা শীঘ্রকারিণী-আশুব্যাপাদনশীলা, রোহিণীত্যুচ্যতে|

Adhikarana 1 vAtajAyA rohiNyA lakShaNam (42) · Śloka 42

| কণ্ঠাস্যশোষকৃদ্বাতাত্ সা হনুশ্রোত্ররুক্করী||৪২||

প০ চ০-সা-রোহিণী, বাতাত্সমুত্পন্না কণ্ঠাস্যশোষং করোতি| হন্বোঃ শ্রোত্রযোশ্চ রুজং করোতি|

Adhikarana 2 pittajAyAH rohiNyA lakShaNam 3 kaphajAyAH rohiNyA lakShaNam (43-44) · Śloka 44

পিত্তাজ্জ্বরোষাতৃণ্মোহকণ্ঠধূমাযনান্বিতা| ক্ষিপ্রজা ক্ষিপ্রপাকাঽতিরাগিণী স্পর্শনাসহা||৪৩|| কফেন পিচ্ছিলা পাণ্ডুঃ| |৪৪|

প০ চ০-পিত্তাদ্ রোহিণী জ্বরাদিভিরন্বিতা স্যাত্| ক্ষিপ্রজা-শীঘ্রোত্থানা| শীঘ্রপাকা অতিরাগিণী-ভৃশলোহিতা| স্পর্শনাসহা-স্পর্শং ন সহতে| পং চং-কফেন দুষ্টেন রোহিণী পিচ্ছিলা পাণ্ডুরা চ ভবেত্|

Adhikarana 4 raktajAH rohiNyA lakShaNam (44) · Śloka 44

অসৃজা স্ফোটকাচিতা| তপ্তাঙ্গারনিভা কর্ণরুক্করী পিত্তজাকৃতিঃ||৪৪||

প০ চ০-অসৃজা-রক্তেন দুষ্টেন, রোহিণী স্ফোটকৈরাচিতা সমন্তাত্ ব্যাপ্তা স্যাত্| তপ্তাঙ্গারনিভা-বর্ণতঃ স্পর্শতো বা, কর্ণযো রুজাং করোতি| পিত্তজাকৃতিঃ-পিত্তোত্থরোহিণীলক্ষণসমন্বিতা ভবেত্|

Adhikarana 5 sannipAtajAyAH rohiNyA lakShaNam 6 shAlUkasya lakShaNam (45-46) · Śloka 46

গম্ভীরপাকা নিচযাত্ সর্বলিঙ্গসমন্বিতা| দোষৈঃ কফোল্বণৈঃ শোফঃ কোলবদ্ গ্রথিতোন্নতঃ||৪৫|| শূককণ্টকবত্কণ্ঠে শালূকো মার্গরোধনঃ| |৪৬|

প০ চ০-নিচযাত্-সন্নিপাতাত্, রোহিণী গম্ভীরপাকাগূঢপাকা, স্যাত্| সর্বলিঙ্গৈঃ-বাতাদীনাং সম্বন্ধিভিঃ, সমন্বিতা-যুক্তা, স্যাত্| প০ চ০-দোষৈঃ-বাতাদিভিঃ, কফোল্বণৈঃ-কফপ্রধানৈঃ, কণ্ঠে কোলবদ্ গ্রথিতোন্নতঃ শূককণ্টকবত্ মার্গরোধনো যঃ শোফঃ স্যাত্, স কণ্ঠশালূক ইত্যুচ্যতে|

Adhikarana 7 vRundasya lakShaNam 8tuNDikerikAyAH lakShaNam (46-47) · Śloka 47

| বৃন্দো বৃত্তোন্নতো দাহজ্বরকৃদ্ গলপার্শ্বগঃ||৪৬|| হনুসন্ধ্যাশ্রিতঃ কণ্ঠে কার্পাসীফলসন্নিভঃ| পিচ্ছিলো মন্দরুক্ শোফঃ কঠিনাস্তুণ্ডিকেরিকা||৪৭||

প০ চ০-কণ্ঠে বৃত্তোন্নতো গলপার্শ্বগো যঃ শোফো ভবতি, দাহজ্বরং করোতি, স নাম্না বৃন্দ ইত্যুচ্যতে| প০ চ০-কণ্ঠপ্রদেশে শোফঃ কার্পাস্যাঃ ফলসন্নিভঃ-তদাকারঃ, পিচ্ছিলো মন্দরুক্ শোফঃ কঠিনশ্চ| স নাম্না তুণ্ডিকেরিকেত্যুচ্যতে|

Adhikarana 9 galaughasya lakShaNam 10valayasya lakShaNam (48-49) · Śloka 49

বাহ্যান্তঃ শ্বযথুর্ঘোরো গলমার্গার্গলোপমঃ| গলৌঘো মূর্দ্ধগুরুতাতন্দ্রালালাজ্বরপ্রদঃ||৪৮|| বলযং নাতিরুক্ শোফস্তদ্বদেবাযতোন্নতঃ| |৪৯|

প০ চ০-কণ্ঠে শ্বযথুর্বাহ্যান্তর্ঘোরো-দুস্তরো, গলমার্গার্গলোপমঃ-স ইব, জাযতে| মূর্দ্ধগুরুতাদীংশ্চ প্রদদাতি| স গলৌঘ ইত্যুচ্যতে| প০ চ০-গলে যঃ শোফো নাতিরুক্ আযতোন্নতঃ স্যাত্, স ব্যাধির্বলযমিত্যুচ্যতে| তদ্বদেব-বলযাকৃতিত্বাত্|

Adhikarana 11 gilAyukasya lakShaNam 12shataghnyAH lakShaNam (49-51) · Śloka 51

| মাংসকীলো গলে দোষৈরেকোঽনেকোঽথবাঽল্পরুক্||৪৯|| কৃচ্ছ্রোচ্ছ্বাসাভ্যবহৃতিঃ পৃথুমূলো গিলাযুকঃ| ভূরিমাংসঙ্কুরবৃতা তীব্রতৃড্জ্বরমূর্দ্ধরুক্||৫০|| শতঘ্নী নিচিতা বর্তিঃ শতঘ্নীবাতিরুক্বরী| |৫১|

প০ চ০-দোষৈঃ বাতাদিভির্দুষ্টৈঃ, গলে মাংসকীল একোঽনেকো বাঽল্পরুগ্ জাতো মূলে পৃথুঃ-বিস্তীর্ণঃ, কৃচ্ছ্রাত্-দুঃখেন, উচ্ছ্বাসাভ্যবহৃতির্য(তী য)স্য সঃ| তথাবিধো ব্যাধির্গিলাযুক ইত্যুচ্যতে| প০ চ০-ভূরিভিঃ-প্রভূতৈঃ, মাংসাঙ্কুরৈরাবৃতা-পরিবৃতা, তীব্রতৃড্জ্বরমূর্দ্ধরুগ্যুতা বৃত্তা যা বর্তিঃ সা শতঘ্নী| নিচযাত্সঞ্চযং প্রাপ্তা শতঘ্নীবচ্চাতিরুক্করী| স ব্যাধির্নাম্না শতঘ্নীত্যুচ্যতে| শতঘ্নী-শস্ত্রবিশেষঃ|

Adhikarana 13 galavidradheH lakShaNam 14 galArbudasya lakShaNam (51-53) · Śloka 53

| ব্যাপ্তসর্বগলঃ শীঘ্রজন্মপাকো মহারুজঃ||৫১|| পূতিপূযনিভস্রাবী শ্বযথুর্গলবিদ্রধিঃ| জিহ্বাবসানে কণ্ঠাদাবপাকং শ্বযথুং মলাঃ||৫২|| জনযন্তি স্থিরং রক্তং নীরুজং তদ্গলার্বুদম্| |৫৩|

প০ চ০-ব্যাপ্তঃ সর্বগলঃ-কণ্ঠো, যেনেতি| এবংবিধো যঃ শ্বযথুঃ শীঘ্রজন্মপাকো মহারুজঃ পূতি-দুর্গন্ধি, পূযসদৃশং স্রবতি মলং,স গলবিদ্রধিরিত্যুচ্যতে| প০ চ০-জিহ্বাবসানে-পর্যন্তে, কণ্ঠাদৌ শ্বযথুমপাকং স্থিরং রক্তং নীরুজং মলাঃ-দোষাঃ, জনযন্তি| তদ্গলার্বুদং স্মৃতম্|

Adhikarana galAgaNDAsya nidAnAdi 15vAtajasya galagaNDasya lakShaNam (53-54) · Śloka 54

পবনশ্লেষ্মমেদোভির্গলগণ্ডো ভবেদ্বহিঃ| বর্ধমানঃ স কালেন মুষ্কবল্লম্বতেঽতিরুক্||৫৩|| কৃষ্ণোঽরুণো বা তোদাঢ্যঃ স বাতাত্কৃষ্ণরাজিমান্| বৃদ্ধস্তালুগলে শোষং কুর্যাচ্চ বিরসাস্যতাম্||৫৪||

প০ চ০-দুষ্টৈঃ পবনশ্লেষ্মমেদোভির্গলস্য বহির্গলগণ্ডো নাম ব্যাধির্ভবেত্| স চ কালেন বিবর্ধমানো

Adhikarana 16 kaphajasya galagaNDasya lakShaNam (55) · Śloka 55

স্থিরঃ সবর্ণঃ কণ্ডূমান্ শীতস্পর্শো গুরুঃ কফাত্| বৃদ্ধস্তালুগলে লেপং কুর্যাচ্চ মধুরাস্যতাম্||৫৫||

প০ চ০-কফাত্প্রকুপিতাত্ গলে গলগণ্ডো জাতঃ স্থিরঃ সমানবর্ণঃ কণ্ডুমান্ শীতস্পর্শো গুরুশ্চ ভবেত্| বৃদ্ধঃ সন্ তালুগলে লেপং কুর্যাত্| তথা মধুরাস্যতাং-মধুরবক্ত্রত্বং চ, কুর্যাত্|

Adhikarana 17 medojasya galagaNDasya lakShaNam (56) · Śloka 56

মেদসঃ শ্লেষ্মবদ্ধানিবৃদ্ধ্যোঃ সোঽনুবিধীযতে| দেহং বৃদ্ধশ্চ কুরুতে গলে শব্দং স্বরেঽল্পতাম্||৫৬||

প০ চ০-মেদসঃ প্রবৃদ্ধাদুত্পন্নো গলগণ্ডঃ কফবল্লক্ষণৈর্ভবেত্| স চ দেহং-শরীরং, হানিবৃদ্ধ্যোরনুবিধীযতে-অনুকরোতি| তেন দেহস্য বৃদ্ধৌ সোঽপি বৃদ্ধো ভবেত্, দেহস্য ক্ষযাত্ ক্ষীণঃ স্যাত্| বৃদ্ধঃ স গলে শব্দং কুরুতে স্বরে চাল্পতাম্|

Adhikarana 18 svaraghnasya lakShaNam (57) · Śloka 57

শ্লেষ্মরুদ্ধাঽনিলগতিঃ শুষ্ককণ্ঠো হতস্বরঃ| তাম্যন্ প্রসক্তং শ্বসিতি যেন স স্বরহাঽনিলাত্||৫৭||

প০ চ০-শ্লেষ্মণা দুষ্টেন যদাঽনিলস্য-বাযোঃ, গতিঃ রুদ্ধা ভবেত্| তথা স চ যেন ব্যাধিনা পুরুষঃ শুষ্ককণ্ঠো হতস্বরশ্চ স্যাত্| তে(যে)ন চ তাম্যন্-তমোগচ্ছন্ তমঃপ্রবিশন্, প্রকর্ষেণ সক্তং শ্বাসং মুঞ্চতি| স ব্যাধিরনিলাত্-বাতাত্, স্বরহাস্বরঘ্ননাম্না, ভবেত্| ইতি গলরোগা অষ্টাদশ|

Adhikarana sarvavakragA aShTau rogAH| 1 vAtajasya mukhapAkasya lakShaNam (58-59) · Śloka 59

করোতি বদনস্যান্তর্ব্রণান্ সর্বসরোঽনিলঃ| সঞ্চারিণোঽরুণান্ রূক্ষানোষ্ঠৌ তাম্রৌ চলত্বচৌ||৫৮|| জিহ্বা শীতাসহা গুর্বী স্ফুটিতা কণ্টাকাচিতা| বিবৃণোতি চ কৃচ্ছ্রেণ মুখং পাকো মুখস্য সঃ||৫৯||

প০ চ০-অনিলো-বাযুঃ, সর্বসরঃ-সর্বতঃ প্রসরন্ সন্, সর্বতো বদনস্যান্তর্ব্রণান্ সঞ্চারিণোঽরুণান্ রূক্ষাংশ্চ করোতি| তথৌষ্ঠৌ তাম্রৌ-তাম্রবর্ণৌ, চলত্বচৌ| জিহ্বা চ শীতাসহা শীতস্পর্শাক্ষমা, গুর্বী স্ফুটিতা কণ্টকৈরাচিতা স্যাত্| স চ মুখং-বক্ত্রং, কৃচ্ছ্রেণ বিবৃণোতি| স মুখস্য পাক ইত্যুচ্যতে|

Adhikarana 2 Urdhvagudasya mukhapAkasya lakShaNam (60) · Śloka 60

অধঃ প্রতিহতো বাযুরর্শোগুল্মকফাদিভিঃ| যাত্যূর্ধ্বং বক্ত্রদৌর্গন্ধ্যং কুর্বন্নূর্ধ্বগুদস্তু সঃ||৬০||

প০ চ০-অর্শোগুল্মকফাদিভির্বাযুরধঃ প্রতিহতো বক্ত্রদৌর্গন্ধ্যং কুর্বন্নূর্ধ্বং যাতি| স ঊর্ধ্বগুদ ইতি সংজ্ঞিতঃ|

Adhikarana 3 pittajasya mukhapAkasya lakShaNam 4raktajasya mukhapAkasya lakShaNam (61) · Śloka 61

মুখস্য পিত্তজে পাকে দাহোষে তিক্তবক্ত্রতা| ক্ষারোক্ষিতক্ষতসমা ব্রণাঃ তদ্বচ্চ রক্তজে||৬১||

প০ চ০-পিত্তজে-পিত্তোদ্ভবে, মুখস্য পাকে দাহোষে ভবতঃ| তথা তিক্তবক্ত্রতা-তিক্তাস্যত্বং, ভবেত্| ব্রণাশ্চ ক্ষারেণোক্ষিতং যত্ ক্ষতং-ব্রণঃ, তেন সমানাঃ-তত্সমরুজাঃ, ভবন্তি| পং চং-রক্তজে পাকে মুখস্যান্তঃ পিত্তজপাকবল্লক্ষণানি ভবন্তি|

Adhikarana 5 kaphajasya mukhapAkasya lakShaNam 6arbudasya mukhapAkasya lakShaNam (62-63) · Śloka 63

কফজে মধুরাস্যত্বং কণ্ডূমত্পিচ্ছিলা ব্রণাঃ| অন্তঃকপোলমাশ্রিত্য শ্যাবপাণ্ডু কফোঽর্বুদম্||৬২|| কুর্যাত্তদ্ ঘট্টিতং ছিন্নং মৃদিতং চ বিবর্ধতে| |৬৩|

প০ চ০-কফজে পাকে মধুরাস্যত্বং-মধুরমুখত্বং, স্যাত্| তথা কণ্ডূমত্পিচ্ছিলাশ্চ ব্রণা ভবন্তি| প০ চ০-কফো বৃদ্ধোঽন্তঃকপোলমাশ্রিত্যার্বুদং শ্যাবং পাণ্ডু চ কুর্যাত্| তচ্চার্বুদং ঘট্টিতং ছিন্নং মৃদিতং চ পুনর্বিবর্ধতে|

Adhikarana 7 sannipAtajasya mukhapAkasya lakShaNam 8pUtyAsyatAyAH mukhapAkasya lakShaNam (63-64) · Śloka 64

| মুখপাকো ভবেত্সাস্রৈঃ সর্বৈঃ সর্বাকৃতির্মলৈঃ||৬৩|| পূত্যাস্যতা চ তৈরেব দন্তকাষ্ঠাদিবিদ্বিষঃ| |৬৪|

প০ চ০-মলৈঃ-বাতাদিভিঃ, সর্বৈঃ-ত্রিভিঃ, সাস্রৈঃ-সরক্তৈঃ, মুখস্য পাকো ভবেত্| স চ সর্বাকৃতিঃ-সর্বলক্ষণঃ, স্যাত্| প০ চ০-দন্তকাষ্ঠবিদ্বিষঃ পুংসস্তৈরেব দোষৈঃ পূত্যাস্যতাপূতিবক্ত্রত্বং, স্যাত্| [ইতি সর্ববক্ত্রগা অষ্টৌ|]

Adhikarana oShThAdisthAneShu ekAdashAdikrameNa pa~jcasaptatirmukharogAH (64-66) · Śloka 66

| ওষ্টে গণ্ডে দ্বিজে মূলে জিহ্বাযাং তালুকে গলে||৬৪|| বক্ত্রে সর্বত্র চেত্যুক্তাঃ পঞ্চসপ্ততিরামযাঃ| একাদশৈকো দশ চ ত্রযোদশ তথা চ ষট্||৬৫|| অষ্টাবষ্টাদশাষ্টৌ চ ক্রমাত্| |৬৬|

প০ চ০-ওষ্ঠামযা একাদশোক্তাঃ| গণ্ডে একঃ| দ্বিজেদন্তে, দশ| দন্তমূলে ত্রযোদশ| জিহ্বাযাং ষট্| তালুন্যষ্টৌ| গলেঽষ্টদশ| বক্ত্রেঽষ্টবামযাঃ| এবং সর্বত্র পঞ্চসপ্ততিরামযা আখ্যাতাঃ-উক্তাঃ|

Adhikarana teShAM sAdhyAsAdhyatvam (21) · Śloka 21

তেষ্বনুপক্রমাঃ| করালো মাংসরক্তৌষ্ঠাবর্বুদানি জলাদ্বিনা||৬৬|| কচ্ছপস্তালুপিটিকা গলৌঘঃ সুষিরো মহান্| স্বরঘ্নোর্ধ্বগুদশ্যাবশতঘ্নীবলযালসাঃ||৬৭|| নাড্যোষ্ঠকোপৌ নিচযাত্, রক্তাত্সর্বৈশ্চ রোহিণী| দশনে স্ফুটিতে দন্তভেদঃ, পক্বোপজিহ্বিকা||৬৮|| গলগণ্ডঃ স্বরভ্রংশী কৃচ্ছ্রোচ্ছ্বাসোঽতিবত্সরঃ| যাপ্যস্তু হর্ষো ভেদশ্চ শেষান্ শস্ত্রৌষধৈর্জযেত্||৬৯|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে মুখরোগবিজ্ঞানীযো নামৈ- কবিংশোঽধ্যাযঃ||২১||

প০ চ০-ওষ্ঠাদ্যামযেষু মধ্যেঽনুপক্রমাঃ-অসাধ্যাঃ| করালো নাম দন্তরোগঃ| মহাসুষিরো দন্তরোগঃ| স্বরঘ্নো গলরোগঃ| ঊর্ধ্বগুদো বক্ত্ররোগঃ| শতঘ্নীবলযৌ কণ্ঠরোগৌ| অলসোঽধিজিহ্বারোগঃ| নিচযাত্-সন্নিপাতাত্, নাডী দন্তমূলজা| ওষ্ঠকোপঃ সন্নিপাতজোঽসাধ্যঃ| রক্তাত্সন্নিপাতাত্ [চ] জাতা রোহিণী| দন্তভেদো দশনে-দন্তে, স্ফুটিতেঽসাধ্যঃ| পক্বোপজিহ্বিকাঽসাধ্যা| গলগণ্ডঃ স্বরভ্রংশঃ(শী)কৃচ্ছ্রোচ্ছ্বাসোঽতিবত্সরোঽসাধ্যঃ| প০ চ০-দন্তহর্ষো দন্তভেদশ্চ দ্বাবেতৌ যাপ্যৌ| প০ চ০-শেষান্ রোগান্ শস্ত্রৌষধৈর্জযেত্| যথাযোগৈর্বক্ষ্যমাণৈরিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে মুখরোগ- বিজ্ঞানীযো নামৈকবিংশোঽধ্যাযঃ সমাপ্তঃ|| ২১||