Adhikarana nAsArogavij~jAnIyAdhyAyaH ||19|| pratishyAyasya nidAnaM samprAptishca (2-3) · Śloka 3
অথ ক্রমপ্রাপ্তং নাসারোগবিজ্ঞানং বিভণিষুরাহ অথাতো নাসারোগবিজ্ঞানীযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে||২||
)অবশ্যাযানিলরজোভাষ্যাতিস্বপ্নজাগরৈঃ|
নীচাত্যুচ্চোপধানেন পীতেনান্যেন বারিণা||১||
অত্যম্বুপানরমণচ্ছর্দিবাষ্পগ্রহাদিভিঃ|
ক্রুদ্ধা বাতোল্বণা দোষা নাসাযাং স্ত্যানতাং গতাঃ||২||
জনযন্তি প্রতিশ্যাযং বর্ধমানং ক্ষযপ্রদম্|
|৩|
View original
अथ क्रमप्राप्तं नासारोगविज्ञानं बिभणिषुराह अथातो नासारोगविज्ञानीयं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे||२||
)अवश्यायानिलरजोभाष्यातिस्वप्नजागरैः|
नीचात्युच्चोपधानेन पीतेनान्येन वारिणा||१||
अत्यम्बुपानरमणच्छर्दिबाष्पग्रहादिभिः|
क्रुद्धा वातोल्बणा दोषा नासायां स्त्यानतां गताः||२||
जनयन्ति प्रतिश्यायं वर्धमानं क्षयप्रदम्|
|३|
স০-অবশ্যাযাদিভির্বাতোল্বণা দোষাঃ ক্রুদ্ধা নাসাযাং স্ত্যানতাং-ঘনত্বং প্রাপ্তাঃ, প্রতিশ্যাযং জনযন্তি| কিম্ভূতম্ ? বিবর্ধমানং ক্ষযপ্রদম্|
Adhikarana 1 vAtajasya pratishyAyasya lakShaNam (3-5) · Śloka 5
|
তত্র বাতাত্প্রতিশ্যাযে মুখশোষো ভৃশং ক্ষবঃ||৩||
ঘ্রাণোপরোধনিস্তোদদন্তশঙ্খশিরোব্যথাঃ|
কীটিকা ইব সর্পন্তীর্মন্যতে পরিতো ভ্রুবৌ||৪||
স্বরসাদশ্চিরাত্পাকঃ শিশিরাচ্ছকফস্রুতিঃ|
|৫|
View original
|
तत्र वातात्प्रतिश्याये मुखशोषो भृशं क्षवः||३||
घ्राणोपरोधनिस्तोददन्तशङ्खशिरोव्यथाः|
कीटिका इव सर्पन्तीर्मन्यते परितो भ्रुवौ||४||
स्वरसादश्चिरात्पाकः शिशिराच्छकफस्रुतिः|
|५|
স০-[তত্র-] তেষু রোগেষু বাতপিত্তকফাদ্যুত্থেষু মধ্যে, বাতাত্ প্রতিশ্যাযে সতি মুখশোষাদযঃ স্যুঃ| ভ্রুবৌ পরিতঃ কীটিকাঃ সর্পন্তীরিব মন্যতে| ভৃবৌ পরিত ইতি "অভিতঃ পরিতঃ" ইতি দ্বিতীযা| স্বরসাদাদযশ্চ স্যুঃ|
Adhikarana 2 pittajasya pratishyAyasya lakShaNam (5-6) · Śloka 6
|
পিত্তাত্তৃষ্ণাজ্বরঘ্রাণপিটিকাসম্ভবভ্রমাঃ||৫||
নাসাগ্রপাকো রূক্ষোষ্ণতাম্রপীতকফস্রুতিঃ|
|৬|
View original
|
पित्तात्तृष्णाज्वरघ्राणपिटिकासम्भवभ्रमाः||५||
नासाग्रपाको रूक्षोष्णताम्रपीतकफस्रुतिः|
|६|
স০-পিত্তাত্ প্রতিশ্যাযে সতি তৃষ্ণাদযো ভবন্তি| ঘ্রাণমধ্যে পিটিকা ঘ্রাণপিটিকাঃ, তাসাং সম্ভবঃ| নাসাযা অগ্রে পাকো নাসাগ্রপাকঃ|
Adhikarana 3 kaphajasya pratishyAyasya lakShaNam (6-7) · Śloka 7
|
কফাত্কাসোঽরুচিঃ শ্বাসো বমথুর্গাত্রগৌরবম্||৬||
মাধুর্যং বদনে কণ্ডূঃ স্নিগ্ধশুক্লকফস্রুতিঃ|
|৭|
View original
|
कफात्कासोऽरुचिः श्वासो वमथुर्गात्रगौरवम्||६||
माधुर्यं वदने कण्डूः स्निग्धशुक्लकफस्रुतिः|
|७|
স০-কফাত্ প্রতিশ্যাযে সতি কাসাদযঃ স্যুঃ|
Adhikarana 4 sannipAtajasya pratishyAyasya lakShaNam (7) · Śloka 7
|
সর্বজো লক্ষণৈঃ সর্বৈরকস্মাদ্বৃদ্ধিশান্তিমান্||৭||
View original
|
सर्वजो लक्षणैः सर्वैरकस्माद्वृद्धिशान्तिमान्||७||
স০-ত্রিদোষজঃ প্রতিশ্যাযঃ সর্বদোষলক্ষণৈর্যুতঃ| অকস্মাত্-নিমিত্তং বিনা, বৃদ্ধিমাংশ্ছান্তিমাংশ্চ|
Adhikarana 5 raktajasya pratishyAyasya lakShaNam (8-9) · Śloka 9
দুষ্টং নাসাসিরাঃ প্রাপ্য প্রতিশ্যাযং করোত্যসৃক্|
উরসঃ সুপ্ততা তাম্রনেত্রত্বং শ্বাসপূতিতা||৮||
কণ্ডূঃ শ্রোত্রাক্ষিনাসাসু পিত্তোক্তং চাত্র লক্ষণম্|
|৯|
View original
दुष्टं नासासिराः प्राप्य प्रतिश्यायं करोत्यसृक्|
उरसः सुप्तता ताम्रनेत्रत्वं श्वासपूतिता||८||
कण्डूः श्रोत्राक्षिनासासु पित्तोक्तं चात्र लक्षणम्|
|९|
স০-রক্তং দুষ্টং নাসাসিরাঃ প্রাপ্তং প্রতিশ্যাযং করোতি| তস্মিন্নুরসঃ সুপ্তত্ব তাম্রনযনত্বাদিকং পিত্তাভিহিতং চ লক্ষণং স্যাত্|
Adhikarana 6 duShTapratishyAyasya pratishyAyasya lakShaNam duShTapratishyAyasya pakvalakShaNam (9-13) · Śloka 13
অথ দুষ্টপ্রতিশ্যাযলক্ষণমাহ |
সর্ব এব প্রতিশ্যাযা দুষ্টতাং যান্ত্যুপেক্ষিতাঃ||৯||
যথোক্তোপদ্রবাধিক্যাত্স সর্বেন্দ্রিযতাপনঃ|
সাগ্নিসাদজ্বরশ্বাসকাসোরঃপার্শ্ববেদনঃ||১০||
কুপ্যত্যকস্মাদ্বহুশো মুখদৌর্গন্ধ্যশোফকৃত্|
নাসিকাক্লেদসংশোষশুদ্ধিরোধকরো মুহুঃ||১১||
পূযোপমাসিতারক্তগ্রথিতশ্লেষ্মসংস্রুতিঃ|
মূর্চ্ছন্তি চাত্র কৃমযো দীর্ঘস্নিগ্ধসিতাণবঃ||১২||
পক্বলিঙ্গানি তেষ্বঙ্গলাঘবং ক্ষবথোঃ শমঃ|
শ্লেষ্মা সচিক্কণঃ পীতোঽজ্ঞানং চ রসগন্ধযোঃ||১৩||
View original
अथ दुष्टप्रतिश्यायलक्षणमाह |
सर्व एव प्रतिश्याया दुष्टतां यान्त्युपेक्षिताः||९||
यथोक्तोपद्रवाधिक्यात्स सर्वेन्द्रियतापनः|
साग्निसादज्वरश्वासकासोरःपार्श्ववेदनः||१०||
कुप्यत्यकस्माद्बहुशो मुखदौर्गन्ध्यशोफकृत्|
नासिकाक्लेदसंशोषशुद्धिरोधकरो मुहुः||११||
पूयोपमासितारक्तग्रथितश्लेष्मसंस्रुतिः|
मूर्च्छन्ति चात्र कृमयो दीर्घस्निग्धसिताणवः||१२||
पक्वलिङ्गानि तेष्वङ्गलाघवं क्षवथोः शमः|
श्लेष्मा सचिक्कणः पीतोऽज्ञानं च रसगन्धयोः||१३||
স০-সর্ব এব প্রতিশ্যাযা উপেক্ষিতা দুষ্টত্বং যান্তি| স তু-দুষ্টপীনসো, যথোক্তোপদ্রবাণাং-মুখশোষাদীনাং, আধিক্যাদ্ধেতোঃ সর্বেন্দ্রিযতাপনো-নাসাচক্ষুরাদীনাং খেদকঃ, অগ্নিসাদাদিযুতশ্চ স্যাত্| তথা সহসৈব পুনঃ পুনঃ কুপ্যতি| মুখদৌর্গন্ধ্যাদিকরঃ, তথা নাসিকাক্লেদাদিকরো মুহুঃ পূযসদৃশকৃষ্ণরক্তপিণ্ডিতশ্লেষ্মস্রুতিঃ| অত্র চ কৃমযো মূর্চ্ছন্তি দীর্ঘাঃ স্নিগ্ধাঃ শ্বেতাঃ সুসূক্ষ্মাশ্চ| স০-তেষু-প্রতিশ্যাযেষু, পক্বলক্ষণানি| তদ্যথা,-অঙ্গস্য-শরীরস্য লাঘবং স্যাত্, ক্ষুতেশ্চ শমঃ, কফঃ সচিক্কণঃ পীতো, রসগন্ধযোশ্চাজ্ঞানমিতি| ভৃশক্ষবাখ্যং লক্ষযিতুমাহ-
Adhikarana 7 bhRushakShavasya lakShaNam (14-15) · Śloka 15
তীক্ষ্ণাঘ্রাণোপযোগার্করশ্মিসূত্রতৃণাদিভিঃ|
বাতকোপিভিরন্যৈর্বা নাসিকাতরুণাস্থনি||১৪||
বিঘট্টিতেঽনিলঃ ক্রুদ্ধো রুদ্ধঃ শৃঙ্গাটকং ব্রজেত্|
নিবৃত্তঃ কুরুতেঽত্যর্থং ক্ষবথুং স ভৃশক্ষবঃ||১৫||
View original
तीक्ष्णाघ्राणोपयोगार्करश्मिसूत्रतृणादिभिः|
वातकोपिभिरन्यैर्वा नासिकातरुणास्थनि||१४||
विघट्टितेऽनिलः क्रुद्धो रुद्धः शृङ्गाटकं व्रजेत्|
निवृत्तः कुरुतेऽत्यर्थं क्षवथुं स भृशक्षवः||१५||
স০-তীক্ষ্ণস্য-মরীচাদেঃ, ঘ্রাণাত্-সিংহনাত্, তথা রবিরশ্ম্যাদিভির্বাতকোপিভিরন্যৈর্বা নাসাতরুণাস্থনি বিঘট্টিতে সতি বাযুঃ কৃদ্ধো রুদ্ধঃ শৃঙ্গাটকং গচ্ছেত্| স নিবৃত্তঃ সন্ অত্যন্তং ছিক্কাং কুরুতে| স ভৃশক্ষব উচ্যতে|
Adhikarana 8 nAsAshoShasya lakShaNam (16-17) · Śloka 17
শোষযন্নাসিকাস্রোতঃ কফং চ কুরুতেঽনিলঃ|
শূকপূর্ণাভনাসাত্বং কৃচ্ছ্রাদুচ্ছ্বসনং ততঃ||১৬||
স্মৃতোঽসৌ নাসিকাশোষো|
|১৭|
View original
शोषयन्नासिकास्रोतः कफं च कुरुतेऽनिलः|
शूकपूर्णाभनासात्वं कृच्छ्रादुच्छ्वसनं ततः||१६||
स्मृतोऽसौ नासिकाशोषो|
|१७|
স০-শোষযন্নাসিকাস্রোতঃ কফং চ বাযুঃ শূকপূর্ণাভনাসাত্বং কুরুতে| ততঃ কৃচ্ছ্রাদুচ্ছ্বসনং স্যাত্| অসৌ নাসিকাশোষঃ স্মৃতঃ|
Adhikarana 9 nAsAnAhasya lakShaNam (17-18) · Śloka 18
নাসানাহে তু জাযতে|
নদ্ধত্বমিব নাসাযাঃ শ্লেষ্মরুদ্ধেন বাযুনা||১৭||
নিঃশ্বাসোচ্ছ্বাসসংরোধাত্ স্রোতসী সংবৃতে ইব|
|১৮|
View original
नासानाहे तु जायते|
नद्धत्वमिव नासायाः श्लेष्मरुद्धेन वायुना||१७||
निःश्वासोच्छ्वाससंरोधात् स्रोतसी संवृते इव|
|१८|
স০-নাসানাহাখ্যে রোগে জাতে সতি ঘ্রাণস্য নদ্ধত্বং-আপূরমিব, জাযতে| শ্লেষ্মণা রুদ্ধেন বাতেন নিঃশ্বাসোচ্ছাসসংরোধাত্ স্রোতসী সংবৃতে ইব স্যাতাম্|
Adhikarana 10 ghrANapAkasya lakShaNam (18-19) · Śloka 19
|
পচেন্নাসাপুটে পিত্তং ত্বঙ্মাংসং দাহশূলবত্||১৮||
স ঘ্রাণপাকঃ|
|১৯|
View original
|
पचेन्नासापुटे पित्तं त्वङ्मांसं दाहशूलवत्||१८||
स घ्राणपाकः|
|१९|
স০-পিত্তং কর্তৃ নাসাপুটে ত্বঙ্মাংসং সদাহশূলং পচেত্ স ঘ্রাণপাকাখ্যঃ|
Adhikarana 11 nAsAsrAvasya lakShaNam (19) · Śloka 19
স্রাবস্তু তত্সংজ্ঞঃ শ্লেষ্মসম্ভবঃ|
অচ্ছো জলোপমোঽজস্রং বিশেষান্নিশি জাযতে||১৯||
View original
स्रावस्तु तत्संज्ञः श्लेष्मसम्भवः|
अच्छो जलोपमोऽजस्रं विशेषान्निशि जायते||१९||
স০-স্রাবস্তু তত্সংজ্ঞো-ঘ্রাণস্রাবাখ্যঃ| স চ কফাদেব কেবলাদ্ভবতি| অচ্ছো জলসদৃশো নিত্যং স্রাবো জাযতে, বিশেষেণ রাত্রৌ|
Adhikarana 12 apInasasya lakShaNam (20-21) · Śloka 21
কফঃ প্রবৃদ্ধো নাসাযাং রুদ্ধ্বা স্রোতাংস্যপীনসম্|
কুর্যাত্সঘুর্ঘুরশ্বাসং পীনসাধিকবেদনম্||২০||
অবেরিব স্রবত্যস্য প্রক্লিন্না তেন নাসিকা|
অজস্রং পিচ্ছিলং পীতং পক্বং সিঙ্ঘাণকং ঘনম্||২১||
View original
कफः प्रवृद्धो नासायां रुद्ध्वा स्रोतांस्यपीनसम्|
कुर्यात्सघुर्घुरश्वासं पीनसाधिकवेदनम्||२०||
अवेरिव स्रवत्यस्य प्रक्लिन्ना तेन नासिका|
अजस्रं पिच्छिलं पीतं पक्वं सिङ्घाणकं घनम्||२१||
কফো নাসাযাং প্রবৃদ্ধো রুদ্ধ্বা স্রোতাংস্যপীনসং ঘুর্ঘুরশ্বাসযুতং পীনসাধিকরুজং কুর্যাত্| তেন-অপীনসেন, অস্য রোগিণো মেষস্যেবানবরতং প্রক্লিন্না নাসিকা পিচ্ছিলাদিযুক্তং কফং সিঙ্ঘাণকং স্রবতি|
Adhikarana 13 dIpteH lakShaNam (22) · Śloka 22
রক্তেন নাসা দগ্ধেব বাহ্যান্তঃ স্পর্শনাসহা|
ভবেদ্ধূমোপমোচ্ছ্বাসা সা দীপ্তির্দহতীব চ||২২||
View original
रक्तेन नासा दग्धेव बाह्यान्तः स्पर्शनासहा|
भवेद्धूमोपमोच्छ्वासा सा दीप्तिर्दहतीव च||२२||
স০-রক্তেন নাসা দগ্ধেব বাহ্যতোঽন্তরতশ্চ স্পর্শনং ন সহতে| তথা ধূমোপমোচ্ছ্বাসা দহতীব চ| সা দীপ্তিসংজ্ঞা রোগজাতিঃ|
Adhikarana 14 pUtinAsasya lakShaNam (23) · Śloka 23
তালুমূলে মলৈর্দুষ্টৈর্মারুতো মুখনাসিকাত্|
শ্লেষ্মা চ পূতির্নির্গচ্ছেত্ পূতিনাসং বদন্তি তম্||২৩||
View original
तालुमूले मलैर्दुष्टैर्मारुतो मुखनासिकात्|
श्लेष्मा च पूतिर्निर्गच्छेत् पूतिनासं वदन्ति तम्||२३||
স০-তালুমূলে দোষৈর্দুষ্টৈর্মুখনাসিকাদ্ বাযুঃ কফশ্চ পূতির্নির্গচ্ছেত্, তং পূতিনাসং বদন্তি|
Adhikarana 15 pUyaraktasya lakShaNam (24) · Śloka 24
নিচযাদভিঘাতাদ্বা পূযাসৃঙ্নাসিকা স্রবেত্|
তত্পূযর্ অক্তমাখ্যাতং শিরোদাহরুজাকরম্||২৪||
View original
निचयादभिघाताद्वा पूयासृङ्नासिका स्रवेत्|
तत्पूयर् अक्तमाख्यातं शिरोदाहरुजाकरम्||२४||
স০-সন্নিপাতাদভিঘাতাদ্বা নাসা পূযাসৃক্ স্রবেত্| তত্পূযরক্তস্ অংজ্ঞং শিরোদাহরুজাকরমাখ্যাতম্|
Adhikarana 16 puTakasya lakShaNam (25) · Śloka 25
পিত্তশ্লেষ্মাবরুদ্ধোঽন্তর্নাসাযাং শোষযেন্মরুত্|
কফং স শুষ্কঃ পুটতাং প্রাপ্নোতি পুটকং তু তত্||২৫||
View original
पित्तश्लेष्मावरुद्धोऽन्तर्नासायां शोषयेन्मरुत्|
कफं स शुष्कः पुटतां प्राप्नोति पुटकं तु तत्||२५||
স০-পিত্তশ্লেষ্মাবরুদ্ধো বাযুরন্তর্নাসাযাং শোষযেত্কফম্| স চ-কফঃ, শুষ্ক(:) পুটতাং প্রাপ্নোতি| পুটকং তদুচ্যতে|
Adhikarana 17|18 arshorbudAnAM lakShaNam (26-27) · Śloka 27
অর্শোর্বুদানি বিভজেদ্দোষলিঙ্গৈর্যথাযথম্|
সর্বেষু কৃচ্ছ্রোচ্ছ্বসনং পীনসঃ প্রততং ক্ষুতিঃ||২৬||
সানুনাসিকবাদিত্বং পূতিনাসঃ শিরোব্যথা|
|২৭|
View original
अर्शोर्बुदानि विभजेद्दोषलिङ्गैर्यथायथम्|
सर्वेषु कृच्छ्रोच्छ्वसनं पीनसः प्रततं क्षुतिः||२६||
सानुनासिकवादित्वं पूतिनासः शिरोव्यथा|
|२७|
স০-অর্শাংস্যর্বুদানি চ দোষলিঙ্গৈর্যথাস্বং জানীযত্| স০-সর্বেষু-অর্শঃস্বর্বুদেষু চ, কৃচ্ছ্রাদুচ্ছ্বসনম্| তথা পীনসোঽনবরতং ক্ষবঃ, তথা সানুনাসিকভাষিতং, তথা পূতিনাসঃ শিরোব্যথেতি স্যুঃ|
Adhikarana eShAmaShTAdashAnAM madhye duShTapInasasya yApanatvam (19) · Śloka 19
|
অষ্টাদশানামিত্যেষাং যাপযেদ্দুষ্টপীনসম্||২৭||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে নাসারোগবিজ্ঞানীযো নামৈকোনবিংশোঽধ্যাযঃ||১৯||
View original
|
अष्टादशानामित्येषां यापयेद्दुष्टपीनसम्||२७||
इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां षष्ठे उत्तरस्थाने नासारोगविज्ञानीयो नामैकोनविंशोऽध्यायः||१९||
স০-এষামষ্টাদশানাং পীনসাদীনাং মধ্যে দুষ্টপীনসং যাপযেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে নাসারোগবিজ্ঞানীযো নামৈকোনবিংশোঽধ্যাযঃ সমাপ্তঃ|| ১৯||