15. sarvākṣirōgavijñāniyādhyāyaḥ

Adhikarana sarvAkShirogavij~jAnIyAdhyAyaH||15|| (2) · Śloka 2

অধুনা ক্রমপ্রাপ্তং সর্বাক্ষিরোগবিজ্ঞানং বক্তি অথাতঃ সর্বাক্ষিরোগবিজ্ঞানীযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)|২|

Adhikarana 1 vAtAbhiShyandasya lakShaNam (1-3) · Śloka 3

বাতেন নেত্রেঽভিষ্যণ্ণে নাসানাহোঽল্পশোফতা| শঙ্খাক্ষিভ্রূললাটস্য তোদস্ফুরণভেদনম্||১|| শুষ্কাল্পা দূষিকা শীতমচ্ছং চাশ্রু চলা রুজঃ| নিমেষোন্মেষণং কৃচ্ছ্রাজ্জন্তূনামিব সর্পণম্||২|| অক্ষ্যাধ্মাতমিবাভাতি সূক্ষ্মৈঃ শল্যৈরিবাচিতম্| স্নিগ্ধোষ্ণৈশ্চোপশমনং সোঽভিষ্যন্দঃ|৩|

স০-নেত্রে বাতেনাভিষ্যণ্ণে নাসানাহ ইত্যাদিনা লিঙ্গানির্দেশঃ| স্নিগ্ধোষ্ণৈশ্চোপশমনং-সুখম্, ইত্যুপশযনির্দেশঃ|

Adhikarana 2 vAtAdimanthasya lakShaNam (3-4) · Śloka 4

| উপেক্ষিতঃ||৩|| অধিমন্থো ভবেত্তত্র কর্ণযোর্নদনং ভ্রমঃ| অরণ্যেব চ মথ্যন্তে ললাটাক্ষিভ্রুবাদযঃ||৪||

স০-বাতভিষ্যন্দো মোহাদুপেক্ষিতোঽধিমন্থো ভবেত্| তত্রাধিমন্থে, কর্ণনাদাদিকং স্যাত্| অরণিশব্দঃ পুংস্ত্রীলিঙ্গঃ|

Adhikarana 3 hatAdhimanthasya lakShaNam (5) · Śloka 5

হতাধিমন্থঃ সোঽপি স্যাত্ প্রমাদাত্তেন বেদনাঃ| অনেকরূপা জাযন্তে ব্রণো দৃষ্টৌ চ দৃষ্টিহা||৫||

স০-অধিমন্থোঽপি প্রমাদাদুপেক্ষিতো হতাধিমন্থো ভবেত্| তেন-হতাধিমন্থেন, অনেকরূপা রুজা জাযন্তে| ব্রণশ্চ দৃষ্টৌ দৃষ্টিহা স্যাত্|

Adhikarana 4anyatovAtasya lakShaNam (6-7) · Śloka 7

মন্যাক্ষিশঙ্খতো বাযুরন্যতো বা প্রবর্তযন্| ব্যথাং তীব্রামপৈচ্ছিল্যরাগশোফং বিলোচনম্||৬|| সঙ্কোচযতি পর্যশ্রু সোঽন্যতোবাতসংজ্ঞিতঃ| |৭|

সং-মন্যাদিভ্যো বাযুরন্যতো বা তীব্রাং ব্যথাং প্রবর্তযেত্ (যন্) নযনং সঙ্কোচযতি| কিম্ভূতম্ ? পৈচ্ছিল্যরাগশোফরহিতম্| তথা পর্যশ্রু| স অন্যতোবাতসংজ্ঞিতঃ|

Adhikarana 5 vAtaparyayasya lakShaNam (7) · Śloka 7

| তদ্বজ্জিহ্মং ভবেন্নেত্রমূনং বা বাতপর্যযে||৭||

স০-তদ্বত্-অন্যতোবাত ইব, জিহ্মং নেত্রমূনং-হীনং বা, বাতপর্যযে স্যাত্|

Adhikarana 6 pittAbhiShyandasya lakShaNam (8-9) · Śloka 9

দাহো ধূমাযনং শোফঃ শ্যাবতা বর্ত্মনো বহিঃ| অন্তঃ ক্লেদোঽশ্রু পীতোষ্ণং রাগঃ পীতাভদর্শনম্||৮|| ক্ষারোক্ষিতক্ষতাক্ষিত্বং পিত্তাভিষ্যন্দলক্ষণম্| |৯|

সং-দাহ ইত্যাদি পিত্তাভিষ্যন্দলক্ষণম্|

Adhikarana 7pittAdhimanthasya lakShaNam (9-10) · Śloka 10

| জ্বলদঙ্গারকীর্ণাভং যকৃত্পিণ্ডসমপ্রভম্||৯|| অধিমন্থে ভবেন্নেত্রং| |১০|

সং-অধিমন্থে জ্বলদঙ্গারকীর্ণাভং যকৃত্পিণ্ডতুল্যাভং নেত্রং ভবেত্|

Adhikarana 8 kaphAbhiShyandasya lakShaNam (10-11) · Śloka 11

স্যন্দে তু কফসম্ভবে| জাড্যং শোফো মহান্ কণ্ডূর্নিদ্রাঽন্নানভিনন্দনম্||১০|| সান্দ্রস্নিগ্ধবহুশ্বেতপিচ্ছাবদ্দূষিকাশ্রুতা| |১১|

স০-কফজে তু স্যন্দে জাড্যাদিকং স্যাত্|

Adhikarana 9 kaphAdhimanthasya lakShaNam (11-12) · Śloka 12

| অধিমন্থে নতং কৃষ্ণমুন্নতং শুক্লমণ্ডলম্||১১|| প্রসেকো নাসিকাধ্মানং পাংশুপূর্ণমিবেক্ষণম্| |১২|

স০-অধিমন্থে কৃষ্ণমণ্ডলং নতং শুক্লমণ্ডলং চোন্নতং প্রসেকাদি চ স্যাত্|

Adhikarana 10 raktAbhiShyandasya lakShaNam (12-13) · Śloka 13

| রক্তাশ্রুরাজীদূষীকারক্তমণ্ডলদর্শনম্||১২|| রক্তস্যন্দেন নযনং সপিত্তস্যন্দলক্ষণম্| |১৩|

স০-রক্তস্যন্দেন রক্তাশ্রুরাজ্যাদিকং নযনং স্যাত্| পিত্তস্যন্দলক্ষণং চ|

Adhikarana 11 raktAdhimanthasya lakShaNam (13-14) · Śloka 14

| মন্থেঽক্ষি তাম্রপর্যন্তমুত্পাটনসমানরুক্||১৩|| রোগেণ বন্ধূকনিভং তাম্যতি স্পর্শনাক্ষমম্| অসৃঙ্নিমগ্নারিষ্টাভং কৃষ্ণমগ্ন্যাভদর্শনম্||১৪||

স০-মন্থে সতি তাম্রপর্যন্তং তথোত্পাটনেন সমানা রুগ্ যস্য তদেবংভূতং নযনং স্যাত্| বন্ধূকপুষ্পতুল্যরাগম্| তথা তাম্যতি স্পর্শনাক্ষমং লোহিতনিমগ্ননিম্বাভং কৃষ্ণং পাবকসদৃশং চ দর্শনং স্যাত্|

Adhikarana sarvAdhimanthAnAM sAmAnyalakShaNam (15) · Śloka 15

অধিমন্থা যথাস্বং চ সর্বে স্যান্দাধিকব্যথাঃ| শঙ্কদন্তকপোলেশু কপালে চাতিরুক্করাঃ||১৫||

স০-অধিমন্থাশ্চ যথাস্বং সর্বে স্যন্দাধিকব্যথাঃ, তথা শঙ্খাদিষ্বতিশযেন রুক্করাঃ স্যুঃ|

Adhikarana 12 shuShkAkShipAkasya lakShaNam (16-17) · Śloka 17

বাতপিত্তাতুরং ঘার্ষতোদভেদোপদেহবত্| রূক্ষদারুণবর্ত্মাক্ষি কৃচ্ছ্রোন্মীলনিমীলনম্||১৬|| বিকূণনবিশুষ্কত্বশীতেচ্ছাশূলপাকবত্| উক্তঃ শুষ্কাক্ষিপাকোঽযং|১৭|

স০-বাতপিত্তোত্তরং নেত্রং ঘর্ষাদিমত্ স্যাত্| তথা রূক্ষে দারুণে চ বর্ত্মনী যস্মিস্তথা কৃচ্ছ্রাদুন্মীলনিমীলনে যস্মিংস্তথাঽক্ষিসঙ্কোচনেন বিশুষ্কত্বং তথা শীতেচ্ছা শূলপাকেন চ যুতমক্ষি স্যাত্| অযং শুষ্কাক্ষিপাকো নাম উক্তঃ|

Adhikarana 13 sashophasya lakShaNam (17-19) · Śloka 19

| সশোফঃ স্যাত্ত্রিভির্মলৈঃ||১৭|| সরক্তৈস্তত্র শোফোঽতিরুগ্দাহষ্ঠীবনাদিমান্| পক্বোদুম্বরসঙ্কাশং জাযতে শুক্লমণ্ডলম্||১৮|| অশ্রূষ্ণশীতবিশদপিচ্ছিলাচ্ছঘনং মুহুঃ| |১৯|

স০-ত্রিভির্মলৈঃ-দোষৈর্বাতাদিভিঃ, সরক্তৈঃ সশোফো নাম নেত্ররোগো ভবেত্| তত্র-সশোফে, শোফোঽতিরুগ্ দাহষ্ঠীবনাদিমান্ ভবেত্| তদা শুক্লমণ্ডলং পক্বোদুম্বরসঙ্কাশং জাযতে| অশ্রু চ মুহুরুষ্ণং মুহুঃ শীতমিত্যাদি ঘনং চ|

Adhikarana 14 alpashophasya lakShaNam 15akShipAkAtyayasya lakShaNam (19-21) · Śloka 21

| অল্পশোফেঽল্পশোফস্তু পাকোঽন্যৈর্লক্ষণৈস্তথা||১৯|| অক্ষিপাকাত্যযে শোফঃ সংরম্ভঃ কলুষাশ্রুতা| কফোপদিগ্ধমসিতং সিতং প্রক্লেদরাগবত্||২০|| দাহো দর্শনসংরোধো বেদনাশ্চানবস্থিতাঃ| |২১|

স০-পাক ইতি পাকশব্দেনাক্ষিপাকাত্যয উপলক্ষ্যতে| আদ্যন্তলোপাখ্যযা তন্ত্রযুক্ত্যা

Adhikarana 16 amloShitasya lakShaNam (21-23) · Śloka 23

| অন্নসারোঽম্লতাং নীতঃ পিত্তরক্তোল্বণৈর্মলৈঃ||২১|| শিরাভির্নেত্রমারূঢঃ করোতি শ্যাবলোহিতম্| সশোফদাহপাকাশ্রু ভৃশং চাবিলদর্শনম্||২২|| অম্লোষিতোঽযম্| |২৩|

স০-পিত্তরক্তোল্বণৈর্দোষৈরন্নসারোঽম্লত্বং নীতঃ শিরাভির্নেত্রমারূঢঃ সন্ শ্যাবলোহিতং নযনং করোতি| তথা শোফাদিযুতম্| ভৃশং চাস্পষ্টদর্শনম্| ইত্যযমম্লোষিতঃ|

Adhikarana iti sarvagAH ShoDasharogAH (23) · Śloka 23

ইত্যুক্তা গদাঃ ষোডশ সর্বগাঃ| |২৩|

স০-ইত্যেবং ষোডশ সর্বগা রোগা উক্তাঃ| প্রকৃতত্বাত্ সর্বনেত্রগা ইতি গম্যতে|

Adhikarana eteShAM sAdhyAsAdhyatvam (23) · Śloka 23

| হতাধিমন্থমেতেষু সাক্ষিপাকাত্যযং ত্যজেত্||২৩||

স০-এতেষু রোগেষু মধ্যে সাক্ষিপাকাত্যযং হতাধিমন্থং ত্যজেত্|

Adhikarana eteShAM dRuShTihanane kAlamaryAdA (15) · Śloka 25

বাতোদ্ভূতঃ পঞ্চরাত্রেণ দৃষ্টিং সপ্তাহেন শ্লেষ্মজাতোঽধিমন্থঃ| রক্তোত্পন্নো হন্তি তদ্বত্ত্রিরাত্রাত্ মিথ্যাচারাত্ পৈত্তিকঃ সদ্য এব||২৪|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে সর্বাক্ষিরোগবিজ্ঞানীযো নাম পঞ্চদশোঽধ্যাযঃ||২৫||

স০-বাতজোঽধিমন্থঃ পঞ্চরাত্রেণ দৃষ্টিং হন্তি| মিথ্যাচারাদিতি সর্বত্রানুবর্ততে| শ্লেষ্মজোঽধিমন্থঃ সপ্তরাত্রেণ দৃষ্টিং হন্তি| রক্তজশ্চাধিমন্থস্ত্রিরাত্রেণ দৃষ্টিং হন্তি| পৈত্তিকশ্চাধিমন্থো মিথ্যোপচারাত্ সদ্য এব দৃষ্টিং হন্তি| শালিনীবৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং ষষ্ঠে উত্তরস্থানে সর্বাক্ষিরোগবি- জ্ঞানীযো নাম পঞ্চদশোঽধ্যাযঃ সমাপ্তঃ|| ১৫||