Adhikarana shirorogavij~jAnIyAdhyAyaH||23|| shirogatA dasha rogAH| shirorogANAM nidAnaM samprAptishca (2-3) · Śloka 3
అథ క్రమప్రాప్తం శిరోరోగవిజ్ఞానమాహ అథాతః శిరోరోగవిజ్ఞానీయం వ్యాఖ్యాస్యామః|
ఇతి హ స్మాహురాత్రేయాదయో మహర్షయః|
(గద్యసూత్రే||2||
) ధూమాతపతుషారాంబుక్రీడాతిస్వప్నజాగరైః|
ఉత్స్వేదాధిపురోవాతబాష్పనిగ్రహరోదనైః||1||
అత్యంబుమద్యపానేన కృమిభిర్వేగధారణైః|
ఉపధానమృజాభ్యంగద్వేషాధఃప్రతతేక్షణైః||2||
అసాత్మ్యగంధదుష్టామభాష్యాద్యైశ్చ శిరోగతాః|
జనయంత్యామయాన్ దోషాః|3|
View original
अथ क्रमप्राप्तं शिरोरोगविज्ञानमाह अथातः शिरोरोगविज्ञानीयं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे||२||
) धूमातपतुषाराम्बुक्रीडातिस्वप्नजागरैः|
उत्स्वेदाधिपुरोवातबाष्पनिग्रहरोदनैः||१||
अत्यम्बुमद्यपानेन कृमिभिर्वेगधारणैः|
उपधानमृजाभ्यङ्गद्वेषाधःप्रततेक्षणैः||२||
असात्म्यगन्धदुष्टामभाष्याद्यैश्च शिरोगताः|
जनयन्त्यामयान् दोषाः|३|
స0-ధూమాదిభిః శిరోగతా దోషా రోగాన్ జనయంతి|
Adhikarana 1 vAtajasya shirobhitApasya lakShaNam (3-7) · Śloka 7
|
తత్ర మారుతకోపతః||3||
నిస్తుద్యేతే భృశం శంఖౌ ఘాటా సంభిద్యతే తథా|
భ్రువోర్మధ్యం లలాటం చ పతతీవాతివేదనం||4||
బాధ్యేతే స్వనతః శ్రోత్రే నిష్కృష్యేత ఇవాక్షిణీ|
ఘూర్ణతీవ శిరః సర్వం సంధిభ్య ఇవ ముచ్యతే||5||
స్ఫురత్యతి సిరాజాలం కంధరాహనుసంగ్రహః|
ప్రకాశాసహతా ఘ్రాణస్రావోఽకస్మాద్యథాశమౌ||6||
మార్దవం మర్దనస్నేహస్వేదబంధైశ్చ జాయతే|
శిరస్తాపోఽయం|7|
View original
|
तत्र मारुतकोपतः||३||
निस्तुद्येते भृशं शङ्खौ घाटा सम्भिद्यते तथा|
भ्रुवोर्मध्यं ललाटं च पततीवातिवेदनम्||४||
बाध्येते स्वनतः श्रोत्रे निष्कृष्येत इवाक्षिणी|
घूर्णतीव शिरः सर्वं सन्धिभ्य इव मुच्यते||५||
स्फुरत्यति सिराजालं कन्धराहनुसङ्ग्रहः|
प्रकाशासहता घ्राणस्रावोऽकस्माद्यथाशमौ||६||
मार्दवं मर्दनस्नेहस्वेदबन्धैश्च जायते|
शिरस्तापोऽयम्|७|
స0-తత్ర-తేషు మధ్యే, వాతకోపాత్ శంఖనిస్తోదాదయః స్యుః| తథా మర్దనాదిభిర్మార్దవం జాయతే| ఘూర్ణతీవేతి ఘూర్ణస్తుదాదిః| అయమీదృశః శిరస్తాప ఉచ్యతే|
Adhikarana 2 vAtajasya ardhAvabhedakasya lakShaNam (7-8) · Śloka 8
|
అర్ధే తు మూర్ధ్నః సోఽర్ధావభేదకః||7||
పక్షాత్కుప్యతి మాసాద్వా స్వయమేవ చ శామ్యతి|
అతివృద్ధస్తు నయనం శ్రవణం వా వినాశయేత్||8||
View original
|
अर्धे तु मूर्ध्नः सोऽर्धावभेदकः||७||
पक्षात्कुप्यति मासाद्वा स्वयमेव च शाम्यति|
अतिवृद्धस्तु नयनं श्रवणं वा विनाशयेत्||८||
సం-అర్ధే తు శిరసః, అర్ధావభేదక ఉచ్యతే| స చ పక్షేణ కుప్యతి| మాసేన వా కుప్యతి| స్వయమేవ-చికిత్సితం వినైవ, ఉపశామ్యతి| అతివృద్ధస్త్వయం లోచనం కర్ణం వా హన్యాత్|
Adhikarana 3 pittajasya shirobhitApasya lakShaNam 4 kaphajasya shirobhitApasya lakShaNam 5raktajasya shirobhitApasya lakShaNam 6 sannipAtajasya shirobhitApasya lakShaNam (9-11) · Śloka 11
శోరోభితాపే పిత్తోత్థే శోరోధూమాయనం జ్వరః|
స్వేదోఽక్షిదహనం మూర్చ్ఛా నిశి శీతైశ్చ మార్దవం||9||
అరుచిః కఫజే మూర్ధ్నో గురుస్తిమితశీతతా|
శిరానిస్పందతాఽఽలస్యం రూఙ్మందాఽహ్న్యధికానిశి||10||
తంద్రా శూనాక్షికూటత్వం కర్ణకండూయనం వమిః|
రక్తాత్ పిత్తాధికరుజః సర్వైః స్యాత్సర్వలక్షణః||11||
View original
शोरोभितापे पित्तोत्थे शोरोधूमायनं ज्वरः|
स्वेदोऽक्षिदहनं मूर्च्छा निशि शीतैश्च मार्दवम्||९||
अरुचिः कफजे मूर्ध्नो गुरुस्तिमितशीतता|
शिरानिस्पन्दताऽऽलस्यं रूङ्मन्दाऽह्न्यधिकानिशि||१०||
तन्द्रा शूनाक्षिकूटत्वं कर्णकण्डूयनं वमिः|
रक्तात् पित्ताधिकरुजः सर्वैः स्यात्सर्वलक्षणः||११||
స0-కఫజే శిరోభితాపేఽరుచ్యాదయః స్యుః| దివా పీడా మందా భవతి, విభావర్యామధికా| తథా తంద్రాదయః స్యుః| స0-రక్తోద్భవో మూర్ధతాపః పిత్తాధికరుజః స్యాత్| స0-సన్నిపాతేన సర్వలక్షణః స్యాత్|
Adhikarana 7 kRumijasya shirobhitApasya lakShaNam (12-15) · Śloka 15
సంకీర్ణైర్భోజనైర్మూర్ధ్ని క్లేదిత్తే రుధిరామిషే|
కోపితే సన్నిపాతే చ జాయంతే మూర్ధ్ని జంతవః||12||
శిరసస్తే పిబంతోఽస్రం ఘోరాః కుర్వంతి వేదనాః|
చిత్తవిభ్రంశజననీర్జ్వరః కాసో బలక్షయః||13||
రౌక్ష్యశోఫవ్యధంచ్ఛేదదాహస్ఫురణపూతితాః|
కపాలే తాలుశిరసోః కండూః శోషః ప్రమీలకః||14||
తామ్రాచ్ఛసింఘాణకతా కర్ణనాదశ్చ జంతుజే|
|15|
View original
सङ्कीर्णैर्भोजनैर्मूर्ध्नि क्लेदित्ते रुधिरामिषे|
कोपिते सन्निपाते च जायन्ते मूर्ध्नि जन्तवः||१२||
शिरसस्ते पिबन्तोऽस्रं घोराः कुर्वन्ति वेदनाः|
चित्तविभ्रंशजननीर्ज्वरः कासो बलक्षयः||१३||
रौक्ष्यशोफव्यधन्च्छेददाहस्फुरणपूतिताः|
कपाले तालुशिरसोः कण्डूः शोषः प्रमीलकः||१४||
ताम्राच्छसिङ्घाणकता कर्णनादश्च जन्तुजे|
|१५|
స0-సంకీర్ణైరాహారైః శిరసి క్లేదితే రుధిరే మాంసే చ సన్నిపాతే చ కోపితే కృమయో మూర్ధ్ని జాయంతే| తే చ మూర్ధ్నౌ రక్తం పిబంతో దారుణాః పీడా మనోవిభ్రంశకారిణీర్జనయంతి| జ్వరాదయశ్చ స్యుః| తథా కపాలే తాలుశిరసోః కండ్వాద్యాః స్యుః| తథా తామ్రాచ్ఛసింఘాణకత్వం కర్ణనాదశ్చ కృమిజే స్యాత్|
Adhikarana 8 shiraHkampasya shirobhitApasya lakShaNam 9 sha~gkhakasya shirobhitApasya lakShaNam (15-17) · Śloka 17
|
వాతోల్బణాః శిరఃకంపం తత్సంజ్ఞం కుర్వతే మలాః||15||
పిత్తప్రధానైర్వాతాద్యైః శంఖే శోఫః సశోణితైః|
తీవ్రదాహరుజారాగప్రలాపజ్వరతృడ్భ్రమాః||16||
తిక్తాస్యః పీతవదనః క్షిప్రకారీ స శంఖకః|
త్రిరాత్రాజ్జీవితం హంతి సిధ్యత్యప్యాశు సాధితః||17||
View original
|
वातोल्बणाः शिरःकम्पं तत्संज्ञं कुर्वते मलाः||१५||
पित्तप्रधानैर्वाताद्यैः शङ्खे शोफः सशोणितैः|
तीव्रदाहरुजारागप्रलापज्वरतृड्भ्रमाः||१६||
तिक्तास्यः पीतवदनः क्षिप्रकारी स शङ्खकः|
त्रिरात्राज्जीवितं हन्ति सिध्यत्यप्याशु साधितः||१७||
స0-వాతాధికా దోషాః శిరఃకంపం శిరః కంపాఖ్యం కుర్వతే| స0-పిత్తాధికైర్దోషైః సరక్తైః శంఖే శోఫోఽతిదాహాదయశ్చ స్యుః| స చ శంఖకస్తిక్తాస్యః పీతవర్ణముఖః క్షిప్రకారీ చ స్యాత్| తిక్తం-తిక్తస్వాదమాస్యం, యస్మిన్ శంఖకే సః| ఏవమన్యదపి యోజ్యం| స చానుపక్రాంతస్త్రిరాత్రేణ జీవితం హరతి| శీఘ్రం చ చికిత్సితః సిధ్యత్యపి| అపిశబ్దాత్ కదాచిన్న సిధ్యతి|
Adhikarana 10 sUryAvartasya lakShaNam (18-20) · Śloka 20
పిత్తానుబద్ధః శంఖాక్షిభ్రూలలాటేషు మారుతః|
రుజం సస్పందనాం కుర్యాదనుసూర్యోదయోదయాం||18||
ఆమధ్యాహ్నం వివర్ధిష్ణుః క్షుద్వతః సా విశేషతః|
అవ్యవస్థితశీతోష్ణసుఖా శామ్యత్యతః పరం||19||
సూర్యావర్తః స ఇత్యుక్తా దశ రోగాః శిరోగతాః|
|20|
View original
पित्तानुबद्धः शङ्खाक्षिभ्रूललाटेषु मारुतः|
रुजं सस्पन्दनां कुर्यादनुसूर्योदयोदयाम्||१८||
आमध्याह्नं विवर्धिष्णुः क्षुद्वतः सा विशेषतः|
अव्यवस्थितशीतोष्णसुखा शाम्यत्यतः परम्||१९||
सूर्यावर्तः स इत्युक्ता दश रोगाः शिरोगताः|
|२०|
స0-పిత్తానుబద్ధో మారుతః శంఖాదిషు రుజం సస్పందనాం కుర్యాత్| కింభూతాం రుజం ? అనుసూర్యోదయం ఉదయో యస్యాః సా తాం| ఆమధ్యాహ్నం-మధ్యాహ్నం మర్యాదీకృత్య వర్ధనశీలా, సా పీడా బుభుక్షితస్య విశేషేణ| తథాఽనియతశీతోష్ణసుఖా| అతో-మధ్యాహ్నాత్, పరం శమం గచ్ఛతి| సః-ఇత్యేవం, సూర్యావర్త ఉక్తః| స0-దశైతే మూర్ధగతా రోగా ఉక్తాః|
Adhikarana shiraHkapAle nava rogAH| 1 upashIrShakasya lakShaNam (20-21) · Śloka 21
|
శిరస్యేవ చ వక్ష్యంతే కపాలే వ్యాధయో నవ||20||
కపాలే పవనే దుష్టే గర్భస్థస్యాపి జాయతే|
సవర్ణో నీరుజః శోఫస్తం విద్యాదుపశీర్షకం||21||
View original
|
शिरस्येव च वक्ष्यन्ते कपाले व्याधयो नव||२०||
कपाले पवने दुष्टे गर्भस्थस्यापि जायते|
सवर्णो नीरुजः शोफस्तं विद्यादुपशीर्षकम्||२१||
స0-శిరస్యేవ కపాలే నవ రోగా భణిష్యంతే| స0-కపాలే పవనే దుష్టే గర్భస్థితస్యాపి నీరుజః శోఫస్తత్సవర్ణః-కాయసమానవర్ణో, జాయతే| తముపశీర్షకాఖ్యం రోగం జానీయాత్|
Adhikarana 2 piTikAyAH lakShaNam 3 arbudasya lakShaNam 4 vidradheH lakShaNam 5 arUMShikAnAM lakShaNam (22-23) · Śloka 23
యథాదోషోదయం బ్రూయాత్ పిటికార్బుదవిద్రధీన్|
కపాలే క్లేదబహులాః పిత్తాసృక్శ్లేష్మజంతుభిః||22||
కంగుసిద్ధార్థకనిభాః పిటికాః స్యురరుంషికాః|
|23|
View original
यथादोषोदयं ब्रूयात् पिटिकार्बुदविद्रधीन्|
कपाले क्लेदबहुलाः पित्तासृक्श्लेष्मजन्तुभिः||२२||
कङ्गुसिद्धार्थकनिभाः पिटिकाः स्युररुंषिकाः|
|२३|
స0-పిటికాదీన్ త్రీన్ యథాదోషోదయం బ్రూయాత్| స0-కపాలే క్లేదబహులాః పిత్తాసృక్శ్లేష్మజంతుభిః కంగుసిద్ధార్థకఫలరూపాః పిటికా అరుంషికాః స్యుః|
Adhikarana 6 dAruNakasya lakShaNam 7 idraluptasya lakShaNam (23-26) · Śloka 26
|
కండూకేశచ్యుతిస్వాపరౌక్ష్యకృత్ స్ఫుటనం త్వచః||23||
సుసూక్ష్మం కఫవాతాభ్యాం విద్యాద్దారుణకం తు తత్|
రోమకూపానుగం పిత్తం వాతేన సహ మూర్చ్ఛితం||24||
ప్రచ్యావయతి రోమాణి తతః శ్లేష్మా సశోణితః|
రోమకూపాన్ రుణద్ధ్యస్య తేనాన్యేషామసంభవః||25||
తదింద్రలుప్తం రుజ్యాం చ ప్రాహుశ్చాచేతి చాపరే|
|26|
View original
|
कण्डूकेशच्युतिस्वापरौक्ष्यकृत् स्फुटनं त्वचः||२३||
सुसूक्ष्मं कफवाताभ्यां विद्याद्दारुणकं तु तत्|
रोमकूपानुगं पित्तं वातेन सह मूर्च्छितम्||२४||
प्रच्यावयति रोमाणि ततः श्लेष्मा सशोणितः|
रोमकूपान् रुणद्ध्यस्य तेनान्येषामसम्भवः||२५||
तदिन्द्रलुप्तं रुज्यां च प्राहुश्चाचेति चापरे|
|२६|
స0-కండ్వాదికృత్ త్వచః స్ఫుటనం సుసూక్ష్మం యత్ తద్దారుణకం కఫవాతాభ్యాం విద్యాత్| అం-పిత్తం వాతేన సహ మూర్చ్ఛితం రోమకూపానుగతం రోమాణి ప్రచ్యావయతి| తతః శ్లేష్మా రక్తసహితో రోమకూపాన్ రుణద్ధి| తేన కారణేనాస్య-ఇంద్రలుప్తవతః, అన్యేషాం రోమ్ణామనుత్పత్తిః| తత్-ఏతత్, ఇంద్రలుప్తం రుజ్యాం చాచేత్యన్య ఆహుః|
Adhikarana 8 khalateH sAmAnyaM lakShaNam vAtajAyAH khalateH lakShaNam pittajAyAH khalateH lakShaNam kaphajAyAH khalateH lakShaNam (26-27) · Śloka 27
|
ఖలతేరపి జన్మైవం శాతనం తత్ర తు క్రమాత్||26||
సా వాతాదగ్నిదగ్ధాభా, పిత్తాత్స్విన్నసిరావృతా|
కఫాద్ధనత్వగ్వర్ణాశ్చ యథాస్వం నిర్దిశేత్ త్వచి||27||
View original
|
खलतेरपि जन्मैवं शातनं तत्र तु क्रमात्||२६||
सा वातादग्निदग्धाभा, पित्तात्स्विन्नसिरावृता|
कफाद्धनत्वग्वर्णाश्च यथास्वं निर्दिशेत् त्वचि||२७||
స0-ఏవం-ఏతత్తుల్యరూపా, ఖలతేరుత్పత్తిః| కింతు[తత్ర-] ఖలతౌ, క్రమేణ కేశానాం శాతో న త్వింద్రలుప్త ఇవ సహసా| స0-సా-ఖలతిః, వాతాదగ్నిదగ్ధాభా స్యాత్| పిత్తాత్ స్విన్నసిరావృతా స్యాత్| కఫేన ఘనత్వక్| త్వచి వర్ణాశ్చ యథాదోషం నిర్దిశేత్|
Adhikarana sannipAtajAyAH khalateH lakShaNam 9 palitasya nidAnasamprAptI (28) · Śloka 28
దోషైః సర్వాకృతిః సర్వైరసాధ్యా సా నఖప్రభా|
దగ్ధాగ్నినేవ నిర్లోమా సదాహా యా చ జాయతే||28||
View original
दोषैः सर्वाकृतिः सर्वैरसाध्या सा नखप्रभा|
दग्धाग्निनेव निर्लोमा सदाहा या च जायते||२८||
స0-సర్వైర్దోషైః సర్వాకృతిః సర్వలక్షణా ఖలతిః| నఖప్రభా సా చాసాధ్యా స్యాత్| అగ్నిదగ్ధతుల్యా రోమరహితా సదాహా చ యా జాయతే, సాఽప్యసాధ్యా స్యాత్|
Adhikarana vAtajasya palitasya lakShaNam pittajasya palitasya lakShaNam kaphajasya palitasya lakShaNam sannipAtajasya palitasya lakShaNam (29-31) · Śloka 31
శోకశ్రమక్రోధకృతః శరీరోష్మా శిరోగతః|
కేశాన్ సదోషః పచతి పలితం సంభవత్యతః||29||
తద్వాతాత్స్ఫుటితం శ్యావం ఖరం రూక్షం జలప్రభం|
పిత్తాత్సదాహం పీతాభం, కఫాత్ స్నిగ్ధం వివృద్ధిమత్||30||
స్థూలం సుశుక్లం, సర్వైస్తు విద్యాద్వ్యామిశ్రలక్షణం|
|31|
View original
शोकश्रमक्रोधकृतः शरीरोष्मा शिरोगतः|
केशान् सदोषः पचति पलितं सम्भवत्यतः||२९||
तद्वातात्स्फुटितं श्यावं खरं रूक्षं जलप्रभम्|
पित्तात्सदाहं पीताभं, कफात् स्निग्धं विवृद्धिमत्||३०||
स्थूलं सुशुक्लं, सर्वैस्तु विद्याद्व्यामिश्रलक्षणम्|
|३१|
స0-శోకాదిభిరుద్గతః శరీరోష్మా మూర్ధ్ని దోషైః సహితః కేశాన్ పచతి| అతః పలితం జాయతే| స0-తచ్చ-పలితం, వాతాత్ స్ఫిటితాదిగుణం స్యాత్| పిత్తేన సదాహం పీతవర్ణం| కఫాత్ స్నిగ్ధం వివృద్ధిమత్ స్థూలం సుశుక్లం చ| సర్వైస్తు దోషైః సంకీర్ణలక్షణం విద్యాత్
Adhikarana shirorujodbhavasya palitasya lakShaNam sannipAtajakhalatipalitAnAmasAdhyatvam (31-32) · Śloka 32
|
శిరోరుజోద్భవం చాన్యద్వివర్ణం స్పర్శనాసహం||31||
అసాధ్యా సన్నిపాతేన ఖలతిః పలితాని చ|
|32|
View original
|
शिरोरुजोद्भवं चान्यद्विवर्णं स्पर्शनासहम्||३१||
असाध्या सन्निपातेन खलतिः पलितानि च|
|३२|
స0-శిరోరుజోత్థం చాపరం పలితం వివర్ణం స్పర్శనాసహం స్యాత్| స0-ఖలతిః సన్నిపాతేనాసాధ్యా| పలితాని చ సన్నిపాతోత్థాన్యసాధ్యాని| దోషైః సర్వైః ఖలతిరసాధ్యేతి ప్రాగుక్తమేవ| ఇదం తు వచనం స్పష్టార్థమేవేతి మన్యే, తథా సన్నిపాతోద్భూతాని పలితాన్యసాధ్యానీతి|
Adhikarana sharIrapariNAmotthAnAM rasAyanApekShatvam (23) · Śloka 23
|
శరీరపరిణామోత్థాన్యపేక్షంతే రసాయనం||32||
ఇతి శ్రీవైద్యపతిసింహగుప్తసూనుశ్రీమద్వాగ్భటవిర- చితాయామష్టాంగహృదయసంహితాయాం షష్ఠే ఉత్తర- స్థానే శిరోరోగవిజ్ఞానీయో నామ త్రయోవింశోఽధ్యాయః||23||
View original
|
शरीरपरिणामोत्थान्यपेक्षन्ते रसायनम्||३२||
इति श्रीवैद्यपतिसिंहगुप्तसूनुश्रीमद्वाग्भटविर- चितायामष्टाङ्गहृदयसंहितायां षष्ठे उत्तर- स्थाने शिरोरोगविज्ञानीयो नाम त्रयोविंशोऽध्यायः||२३||
స0-శరీరపరిణామోద్భవాని తు పలితాని రసాయనమపేక్షంత ఇతి| ఇతి శ్రీమృగాంకదత్తపుత్రశ్రీమదరుణదత్తవిరచితాయామష్టాంగహృదయ- టీకాయాం సర్వాంగసుందరాఖ్యాయాం షష్ఠే ఉత్తరస్థానే శిరోరోగవిజ్ఞానీయో నామ త్రయోవింశో- ఽధ్యాయః సమాప్తః|| 23||