13. timirapratiśēdhādhyāyaḥ

Adhikarana timirapratiShedhAdhyAyaH||13|| (2-3) · Śloka 3

অস্মাদনন্তরং তিমিরিপ্রতিষেধ উচ্যতে অথাতস্তিমিরপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| )||৩||

স০-ননু, দৃষ্টিরোগবিজ্ঞানাদনন্তরং দৃষ্টিরোগপ্রতিষেধো জ্ঞাপ্যঃ| উপপন্নমাহ ভবান্| কিং তু দৃষ্টিতোগচিকিত্সিতস্য বহুবক্তব্যত্বাত্ পৃথগধ্যাযো বক্তুং যুক্তঃ| তত্রাপি ক্রমপ্রাপ্তস্তিমিরপ্রতিষেধ ইতি তিমিরপ্রতিষেধারম্ভ এব যুক্তঃ| কাচাদীনাং ত্বল্পবক্তব্যত্বাদত্রৈবাভিধানম্| ততো বহুবক্তব্যত্বাত্ পৃথগধ্যাযো লিঙ্গনাশস্য| ইতি সর্বং যুক্তম্|

Adhikarana timirasya shIghraM sAdhanam (1) · Śloka 1

তিমিরং কাচতাং যাতি কাচোঽপ্যান্ধ্যমুপেক্ষযা| নেত্ররোগেষ্বতো ঘোরং তিমিরং সাধযেদ্ দ্রুতম্||১||

স০-তিমিরমুপেক্ষযা কাচত্বং যাতি| কাচোঽপ্যুপেক্ষিত আন্ধ্যং গচ্ছতি| অতঃ কারণান্নেত্ররোগেষু মধ্যে তিমিরং দারুণং শীঘ্রং সাধযেত্|

Adhikarana timiraharaM jIvantyAdighRutam (2-4) · Śloka 4

তুলাং পচেত্ জীবন্ত্যা দ্রোণেঽপাং পাদশেষিতে| তত্ক্বাথে দ্বিগুণক্ষীরং ঘৃতপ্রস্থং বিপাচযেত্||২|| প্রপৌণ্ডরীককাকোলীপিপ্পলীরোধ্রসৈন্ধবৈঃ| শতহ্বামধুকদ্রাক্ষাসিরাদারুফলত্রযৈঃ||৩|| কর্ষিকৈর্নিশি তত্পীতং তিমিরাপহরং পরম্| |৪|

স০-জীবন্ত্যাঃ পলশতমপাং দ্রোণে পাদাবশেষিতং পচেত্| তত্ক্বাথে ঘৃতপ্রস্থং দ্বিগুণক্ষীরং প্রপৌণ্ডরীকাদিভিঃ কর্ষপরিমাণৈঃ কল্কিতৈর্বিপাচযেত্| নিশি পীতং তত্পরং তিমিরাপহম্|

Adhikarana kAcatimirAdiharaM drAkShAdighRutam (4-6) · Śloka 6

| দ্রাক্ষাচন্দনমঞ্জিষ্ঠাকাকোলীদ্বযজীবকৈঃ||৪|| সিতাশতাবরীমেদাপুণ্ড্রাহ্বমধুকোত্পলৈঃ| পচেজ্জীর্ণঘৃতপ্রস্থং সমক্ষীরং পিচূন্মিতৈঃ||৫|| হন্তি তত্কাচতিমিররক্তরাজীশিরোরুজঃ| |৬|

স০-তথা দ্রাক্ষাদিভিঃ পিচূন্মিতৈঃ-কর্ষাংশৈঃ, জীর্ণস্য-পুরাণঘৃতস্য প্রস্থং সমক্ষীরং পচেত্| তচ্চ কাচাদীন্ হন্তি|

Adhikarana shukratimirAdiharaM paTolAdighRutam (6-10) · Śloka 10

| পটোলনিম্বকটুকাদার্বীসেব্যবরাবৃষম্||৬|| সধন্বযাসত্রাযন্তীপর্পটং পালিকং পৃথক্| প্রস্থমামলকানং চ ক্বাথযেন্নল্বণেঽম্ভসি||৭|| তদাঢকেঽর্ধপলিকৈঃ পিষ্টৈঃ প্রস্থং ঘৃতাত্পচেত্| মুস্তভূনিম্বযষ্ট্যাহ্বকুটজোদীচ্যচন্দনৈঃ||৮|| সপিপ্পলীকৈস্তত্সর্পিঘ্রাণকর্ণাস্যরোগজিত্| বিদ্রধিজ্বরদুষ্টারুর্বিসর্পাপচিকুষ্ঠনুত্||৯|| বিশেষাচ্ছুক্রতিমিরনক্তান্ধ্যোষ্ণাম্লদাহহৃত্| |১০|

স০-পটোলাদিকং পর্পটান্তং পৃথক্ পলোন্মিতমামলকানাং প্রস্থং নল্বণে-দ্রোণেঽম্ভসি, ক্বাথযেত্| তদাঢকে মুস্তাদিভিঃ সপিপ্পলীকৈঃ পিষ্টৈঃ-কল্কিতৈঃ, অর্ধপলিকৈর্ঘৃতপ্রস্থং বিপাচযেত্| তচ্চ ঘৃতং ঘ্রাণাদিরোগজিত্, বিদ্রধ্যাদিরোগজিত্, বিশেষেণ শুক্রাদিঘ্নম্| এতত্পটোলাদ্যং ঘৃতম্|

Adhikarana timiraghnaM triphalAghRutam (10-12) · Śloka 12

| ত্রিফলাষ্টপলং ক্বাথ্যং পাদশেষং জলাঢকে||১০|| তেন তুল্যপযস্কেন ত্রিফলাপলকল্কবান্| অর্ধপ্রস্থো ঘ্রুতাত্সিদ্ধঃ সিতযা মাক্ষিকেণ বা||১১|| যুক্তং পিবেত্তত্তিমিরী তদ্যুক্তং বা বরারসম্| |১২|

স০-ত্রিফলাযাঃ পলাষ্টকং জলাঢকে পাদশেষং ক্বাথ্যম্| তেন ক্বাথেন তুল্যক্ষীরেণ ত্রিফলাপলকল্কযুক্তো ঘৃতার্ধপ্রস্থঃ পক্বঃ শর্করযা মাক্ষিকেণ বা যুতং তত্তিমিরী পিবেত্| ঘৃতেন বা তেন যুক্তং ত্রিফলাক্বাথং দোষদূষ্যাদিবশাত্ পিবেত্| এতচ্চ ত্রিফলাঘ্রুতমুচ্যতে|

Adhikarana timiraghnaM mahAtraiphalaghRRutam (12-14) · Śloka 14

| যষ্টীমধুদ্বিকাকোলীব্যাঘ্রীকৃষ্ণামৃতোত্পলৈঃ||১২|| পালিকৈঃ সসিরাদ্রাক্ষৈর্ঘৃতপ্রস্থং পচেত্সমৈঃ| অজাক্ষীরবরাবাসামার্কবস্বরসৈঃ পৃথক্||১৩|| মহাত্রৈফলমিত্যেতত্পরং দৃষ্টিবিকারজিত্| |১৪|

স০-যষ্ট্যাদিভিঃ পালিকৈঃ সহসিতাদ্রাক্ষৈরজাক্ষীরাদিভিঃ পৃথক্স্বরসৈঃ সমৈঃ প্রস্থপ্রমাণৈঃ সর্পিঃপ্রস্থং বিপাচযেত্| এতন্মহাত্রৈফলং সুষ্ট্রু দৃষ্টিবিকারজিত্|

Adhikarana timiraghnaM traiphalaghRutaleho gArutmatadRuShTikaraH (14-16) · Śloka 16

| ত্রৈফলেনাথ হবিষা লিহানস্ত্রিফলাং নিশি||১৪|| যষ্টীমধুকসংযুক্তাং মধুনা চ পরিপ্লুতাম্| মাসমেকং হিতাহারঃ পিবন্নামলকোদকম্||১৫|| সৌপর্ণং লভতে চক্ষুরিত্যাহ ভগবান্নিমিঃ| |১৬|

স০-ত্রৈফলেন চ সর্পিষা ত্রিফলাং যষ্টীযুক্তাং মাক্ষিকেণ চ পরিপ্লুতাং রাত্রৌ লিহানো মাসমেকং হিতাশী সন্নামলকোদকং পিবন্ গারুত্মতং চক্ষুর্লভত ইতি ভগবান্নিমিরাহ|

Adhikarana timiraghnaM triphalAkvAthaH (16-17) · Śloka 17

| তাপ্যাযোহেমযষ্ট্যাহ্বসিতাজীর্ণাজ্যমাক্ষিকৈঃ||১৬|| সংযোজিতা যথাকামং তিমিরঘ্নী বরা বরা| |১৭|

স০-তাপ্যাদিভিঃ সংযোজিতা ত্রিফলা যথাকামং বরা তিমিরঘ্নী স্যাত্|

Adhikarana timiraghnaM apUpasUpasaktavaH (17-18) · Śloka 18

| সঘৃতং বা বরাক্বাথং শীলযেত্তিমিরামযী||১৭|| অপূপসূপসক্তূন্ বা ত্রিফলাচূর্ণসংযুতান্| |১৮|

স০-অথবা ত্রিফলাক্বাথং সসর্পিষ্কং তিমিররোগহরমভ্যসেত্| অপূপাদীন্ বা ত্রিফলাচূর্ণসংযুতান্ শীলযেত্|

Adhikarana timiraghnaM pAyasAdibhakShaNam (18-19) · Śloka 19

| পাযসং বা বরাযুক্তং শীতং সমধুশর্করম্||১৮|| প্রাতর্ভক্তস্য বা পূর্বমদ্যাত্পথ্যাং পৃথক্ পৃথক্| মৃদ্বীকাশর্করাক্ষৌদ্রৈঃ সততং তিমিরাতুরঃ||১৯||

স০-পাযসং ত্রিফলাযুতং ব শীতং সমধুশর্করং প্রাতরদ্যাত্| ভক্তস্য পূর্বং বা| হরীতকীং বা মৃদ্বীকাশর্করাক্ষৌদ্রৈঃ পৃথক্ পৃথক্ যুতামনারতং তিমিরাতুরোঽদ্যাত্|

Adhikarana timiraghnaM cUrNA~jjanam (20-22) · Śloka 22

স্রোতোজাংশাংশ্চতুঃষষ্টিং তাম্রাযোরূপ্যকাঞ্চনৈঃ| যুক্তান্ প্রত্যেকমেকাংশৈরন্ধমূষোদরস্থিতান্||২০|| ধ্মাপযিত্বা সমাবৃত্তং ততস্তচ্চ নিষেচযেত্| রসস্কন্ধকষাযেষু সপ্তকৃত্বঃ পৃথক্ পৃথক্||২১|| বৈডূর্যমুক্তাশঙ্খানাং ত্রিভির্ভাগৈর্যুতং ততঃ| চূর্ণাঞ্জনং প্রযুঞ্জীত তত্সর্বতিমিরাপহম্||২২||

স০-স্রোতোজাত্ চতুঃষষ্টিমংশাংস্তাম্রাদিভিঃ প্রত্যেকমেকাং-শৈর্যুতানন্ধমূষোদরস্থিতান্ ধ্মাপযিত্বা সম্যগাবৃত্তং-আবর্তিতং শিলাযাং, ততঃ-অনন্তরং, মধুরাদিগণক্বাথেষু তন্নিষেচযেত্ পৃথক্ পৃথক্ সপ্তবারান্| ততো বৈডূর্যমুক্তাশঙ্কানাং ত্রিভির্ভাগৈর্যুতমেতচ্চূর্ণাঞ্জনং সর্বতিমিরঘ্নং প্রযুঞ্জীত|

Adhikarana timiraghnaM mAMsyAdya~jjanam (23-24) · Śloka 24

মাংসীত্রিজাতকাযঃকুঙ্কুমনীলোত্পলাভযাতুত্থৈঃ| সিতকাচশঙ্খফেনকমরিচাঞ্জনপিপ্পলীমধুকৈঃ||২৩|| চন্দ্রেঽশ্বনীসনাথে সুচূর্ণিতৈরঞ্জযেদ্যুগুলমক্ষ্ণোঃ| তিমিরার্মরক্তরাজীকণ্ডূকাচাদিশমমিচ্ছন্||২৪||

সং-মাংস্যাদিভিঃ সূক্ষ্মরজীকৃতৈশ্চন্দ্রেঽশ্বিনীযুক্তে সত্যক্ষিযুগ্মমঞ্জযেত্ তিমিরাদিশান্তিমিচ্ছন্| আর্যে মুখচপলে|

Adhikarana timiraghnaM maricAdicUrNam timiraghnaM manohvAdya~jjanam (25-2) · Śloka 2

মরিচবরলবণভাগৌ ভাগৌ দ্বৌ কণসমুদ্রফেনাভ্যাম্| সৌবীরভাগনবকং চিত্রাযাং চূর্ণিতং কফমযজিত্||২৫|| | মনোহ্বাতুত্থকস্তূরীমাংসীমলযরোচনাঃ| দশকর্পূরসংযুক্তমশীতিগুণমঞ্জনম্||১|| পিষ্টং চিত্রাশ্বিনীপুষ্যে ষড্বিধে তিমিরে হিতম্| প্রসাদনং চ দৃষ্টেঃ স্যাচ্চক্ষুষেণাবভাষিতম্]||২||

স০-মরিচসৈন্ধবযোর্দ্বৌ ভাগৌ, পিপ্পলীসমুদ্রফেনযোর্দ্বৌ ভাগৌ, সৌবীরাঞ্জনস্য ভাগা নব, এতচ্চিত্রাযাং চূর্ণিতং কফামযজিত্| গীতিরার্যা|

Adhikarana timiraghnaM videhapatikRutama~jjanam (26-27) · Śloka 27

দ্রাক্ষামৃণালীস্বরসে ক্ষীরমদ্যবসাসু চ| পৃথক্ দিব্যাপ্সু স্রোতোজং সপ্তকৃত্বো নিষেচযেত্||২৬|| তচ্চূর্ণিতং স্থিতং শঙ্খে দৃক্প্রসাদনমঞ্জনম্| শস্তং সর্বাক্ষিরোগেষু বিদেহপতিনির্মিতম্||২৭||

স০-দ্রাক্ষাদিস্বরসেষু পৃথক্ পৃথক্ দিব্যজলে চ স্রোতোঞ্জনং সপ্তকৃত্বো নিষেচযেত্| তচ্চূর্ণিকৃতং শঙ্কে স্থিতং দৃষ্টিপ্রসাদকৃদঞ্জনং সর্বাক্ষিরোগেষু শ্রেষ্ঠং বিদেহপতিনির্মিতম্|

Adhikarana timiraghnaM bhAskaracUrNam (28-31) · Śloka 31

নির্দগ্ধং বাদরাঙ্গারৈস্তুত্থং চেত্থং নিষেচিতম্| ক্রমাদজাপযঃ সর্পিঃক্ষৌদ্রে তস্মাত্ পলদ্বযম্||২৮|| কার্ষিকৈস্তাপ্যমরিচস্রোতোজকটুকানতৈঃ| পটুরোধ্নশিলাপথ্যাকণৈলাঞ্জনফেনকৈঃ||২৯|| যুক্তং পলেন যষ্ট্যাশ্চ মূষান্তর্ধ্মাতচূর্ণিতম্| হন্তি কাচার্মনক্তান্ধ্যরক্তরাজীঃ সুশীলতঃ||৩০|| চূর্ণো বিশেষাত্তিমিরং ভাস্করো ভাস্করো যথা| |৩১|

স০-বাদরঙ্গারৈস্তুত্থং নির্দগ্ধং পূর্ববত্ ক্রমেণ ছাগক্ষীরঘৃতমাক্ষিকে নিষেচিতং, তস্মাত্-নির্দগ্ধাচ্চ তুত্থাত্ পলদ্বযং, তাপ্যাদিভিঃ কার্ষিকৈর্যষ্টীপলেন চ যুক্তং, মূষান্তর্ধ্মাপিতং চূর্ণিতং, কাচাদীন্ হন্তি| সুসেবিতোঽযং ভাস্করশ্চূর্ণো বিশেষেণ তিমিরংহন্তি| যথা রবিরন্ধকারমিত্যুপমাশ্লেষোঽলঙ্কারঃ|

Adhikarana bhAskarA~jjanam (31-33) · Śloka 33

| ত্রিংশদ্ভাগা ভুজঙ্গস্য গন্ধপাষাণপঞ্চকম্||৩১|| শুল্বতালকযোর্দ্বৌ দ্বৌ বঙ্গস্যৈকোঽঞ্জনাত্ত্রযম্| অন্ধমূষীকৃতং ধ্মাতং পক্বং বিমলমঞ্জনম্||৩২|| তিমিরান্তকরং লোকে দ্বিতীয ইব ভাস্করঃ| |৩৩|

স০-বুজঙ্গস্য-সীসকস্য ত্রিংশদ্ভাগাঃ, গন্ধপাষাণস্য ভাগ পঞ্চকং, শুল্বতালকযোর্দ্বৌ দ্বৌ ভাগৌ, বঙ্গস্য-ত্রপুণ একো ভাগঃ, অঞ্জনাদ্ভাগত্রযমন্ধমূষাধ্মাতং বিপক্বমঞ্জনং দ্বিতীযো ভাস্কর ইবলোকে তিমিরান্তকরম্| ভুজঙ্গাদীনাং শোধিতনামত্র প্রযোগঃ, ন তু মারিতানাম্|

Adhikarana timiraghnaM tutthaM garuDasamacakShuHkaram (33) · Śloka 33

গোমূত্রে ছগণরসেঽম্লকাঞ্জিকে চ স্ত্রীস্তন্যে হবিষি বিষে চ মাক্ষিকে চ| যত্তুত্থং জ্বলিতমনেকশো নিষিক্তং তত্কুর্যাদ্গরুডসমং নরস্য চক্ষুঃ||৩৩||

স০-তত্তুত্থং নরস্য গরুডনযনতুল্যং নযনং কুর্যাত্| কতমম্ ? যদ্দীপ্তং সত্ গোমূত্রাদিষ্বনেকশঃ-সপ্তকৃত্বো, নিষিক্তম্| প্রহর্ষিণীবৃত্তম্|

Adhikarana timiraghnaM sIsashalAkA (34-35) · Śloka 35

শ্রেষ্ঠাজলং ভৃঙ্গরসং সবিষাজ্যমজাপযঃ| যষ্টীরসং চ যত্সীসং সপ্তকৃত্বঃ পৃথক্ পৃথক্||৩৪|| তপ্তং তপ্তং পাযিতং তচ্ছলাকা নেত্রে যুক্তা সাঞ্জনাঽনঞ্জনা বা| তৈমির্যার্মস্রাপপৈচ্ছিল্যপৈল্লং কণ্ডূং জাড্যং রক্তরাজীং চ হন্তি||৩৫||

স০-যত্সীসং তপ্তং তপ্তং ত্রিফলাক্বাথাদিকং পৃথক্ পৃথক্ স্পতকৃত্বঃ পাযিতং তস্য সীসস্য শলাকা নযনে যুক্তা সহাঞ্জনাঽঞ্জনেন রহিতা বা তৈমির্যাদীন্ হন্তি| শালিনীবৃত্তম্| দ্রব্যশলাকেযমিতি প্রথিতা|

Adhikarana timiraghnaM rasendrAdya~jjanam (36) · Śloka 36

রসেন্দ্রভুজগৌ তুল্যৌ তযোস্তুল্যমথাঞ্জনম্| ঈষাত্কর্পূরসংযুক্তমঞ্জনং তিমিরাপহম্||৩৬||

স০-পারদসীসকৌ সমাংশৌ, তযোঃ সমমঞ্জনং, ষোডশাংশকর্পূরযুতমিদমঞ্জনং তিমিরাপহং ভবতি|

Adhikarana timiraghnaM gRudhrA~jjanam (37) · Śloka 37

যো গৃধ্রস্তরুণরবিপ্রকাশগল্ল- স্তস্যাস্যং সমযমৃতস্য গোশকৃদ্ভিঃ| নির্দগ্ধং সমধৃতমঞ্জনং চ পেষ্যং যোগোঽযং নযনবলং করোতি গার্ধ্রম্||৩৭||

স০-যো গৃধ্রস্তরুণরবিপ্রকাশগল্লস্তস্য সমযমৃতস্যাস্যং মুখং, গোশকৃদ্ভিঃ-গোমযকরীষৈঃ, নির্দগ্ধং-ভস্মাসাত্কৃতং, তস্য সমমঞ্জনং-স্রোতোজং, সমধৃতং-সমভাগং, পেষ্যং-চূর্ণযিতব্যম্| অযং যোগো নযনযোঃ-নেত্রযোঃ, বলং গার্ধ্রং-গৃধ্রতুল্যং, করোতি|

Adhikarana timiraghnaM kRuShNasarpAsyAdya~jjanam (38) · Śloka 38

কৃষ্ণসর্পবদনে সহবিষ্কং দগ্ধমঞ্জননিঃসৃতধূমম্| চূর্ণিতং নলদপত্রবিমিশ্রং ভিন্নতারমপি রক্ষতি চক্ষুঃ||৩৮||

স০-কৃষ্ণসর্পস্য বদনে সহবিষ্কমঞ্জনমনিঃসৃতধূমং দগ্ধং মাংসীপত্রকমিশ্রিতং চূর্ণীতমুপযুক্তং সত্ চক্ষুর্ভিন্নতারমপি রক্ষতি| ভিন্নতারমপীত্যনেন শক্ত্যতিশযমস্যাহ| ন তু ভিন্নতারস্য কথঞ্চিদ্রক্ষণং স্যাত্| অন্যত্রাপ্যেবংবিধো ন্যাযোঽযমনুসরণীযঃ| স্বাগতাবৃত্তম্|

Adhikarana timiraghnaM andhadRuShTipradaM kukkuTapurISham (39-40) · Śloka 40

কৃষ্ণসর্পং মৃতং ন্যস্য চতুরশ্চাপি বৃশ্চিকান্| ক্ষীরকুম্ভে ত্রিসপ্তাহং ক্লেদযিত্বা প্রমন্থযেত্||৩৯|| তত্র যন্নবনীতং স্যাত্পুষ্ণীযাত্তেন কুক্কুটম্| অন্ধস্তস্য পুরীষেণ প্রেক্ষতে ধ্রুবমঞ্জনাত্||৪০||

স০-ক্ষীরকুম্ভে মৃতং কৃষ্ণসর্পং ন্যস্য বৃশ্চিকাংশ্চ চতুরস্ত্রিসপ্তাহং ক্লেদযিত্বা বিলোডযেত্| তস্মিন্ যন্নবনীতং ভবেত্, তেন নবনীতেন কুক্কুটং পুষ্ণীযাত্| তস্য কুক্কুটস্য পুরীষেণান্ধোঽপ্যঞ্জনান্নিশ্চিতমীক্ষতে|

Adhikarana timiraghnaM andhadRuShTipradaM rasakriyA (41) · Śloka 41

কৃষ্ণসর্পবসা শঙ্খঃ কতকাত্ ফলমঞ্জনম্| রসক্রিযেযমচিরাদন্ধানং দর্শনপ্রদা||৪১||

স০-কৃষ্ণসর্পস্য বসা শঙ্খঃ কতকফলং সৌবীরাঞ্জনম্| ইযং রসক্রিযা দ্রাগেবান্ধানাং দৃষ্টিপ্রদা|

Adhikarana timiraghnaM pratIsArAkhyama~jjanam (42) · Śloka 42

মরিচানি দশার্ধপিচু- স্তাপ্যাত্তুত্থাত্পলং পিচুর্যষ্ট্যাঃ| ক্ষীরার্দ্রদগ্ধমঞ্জন- মপ্রতিসারাখ্যমুত্তমং তিমিরে||৪২||

স০-দশ মরিচানি, বট্টমাক্ষিকাদর্ধকর্ষং, তুত্থাত্পলং, মধুযষ্টিকাযাঃ কর্ষঃ, এতত্সর্বং ক্ষীরার্দ্রং পশ্চাদ্দগ্ধমপ্রতিসারসংজ্ঞমঞ্জনমতিশ্রেষ্ঠং তিমিরে| গীতিরার্যা|

Adhikarana timiraghnaM akShabIjAdiguTikA (43) · Śloka 43

অক্ষবীজমরিচামলকত্বক্- তুত্থযষ্টিমধুকৈর্জলপিষ্টৈঃ| ছাযযৈব গুটিকাঃ পরিশুষ্কা নাশন্যন্তি তিমিরাণ্যচিরেণ||৪৩||

স০-অক্ষবীজাদিভির্জলপিষ্টৈর্গুটিকাঃ ছাযযৈব পরিশুষ্কাঃ-ন ত্বাতপেন, তিমিরাণি লঘু নাশযন্তি| স্বাগতাবৃত্তম্|

Adhikarana timiraghnaM ShaNmAkShiko yogaH (44) · Śloka 44

মরিচামলকজলোদ্ভব- তুত্থাঞ্জনতাপ্যধাতুভিঃ ক্রমবৃদ্ধৈঃ| ষণ্মাক্ষিক ইতি যোগ- স্তিমিরার্মক্লেদকাচকণ্ডূহন্তা||৪৪||

স০-মরিচাদিভিঃ ক্রমবৃদ্ধৈঃ ষণ্মাক্ষিক ইতি যোগস্তিমিরাদিঘ্নঃ| ষণ্মাক্ষিক ইতি কোঽর্থঃ ? কীদৃশঃ সমাসঃ ? ব্রূমঃ| মাক্ষিকশব্দেনাদিলোপাখ্যযা তন্ত্রযুক্ত্যা বট্টমাক্ষিক ইত্যুচ্যতে| ষট্পূরণো বট্টমাক্ষিকো যস্মিন্নিতি সমাসঃ| তেনাস্মিন্ যোগে ষষ্ঠো বট্টমাক্ষিক ইত্যবতিষ্ঠতে| গীতিরার্যা|

Adhikarana timiraghnaM cUrNA~jjanam (45) · Śloka 45

রত্নানি রূপ্যং স্ফটিকং সুবর্ণং স্রোতোঞ্জনং তাম্রমযঃ সশঙ্খম্| কুচন্দনং লোহিতগৈরিকং চ চূর্ণাঞ্জনং সর্বদৃগামযঘ্নম্||৪৫||

স০-রত্নাদিভিশ্চূর্ণাঞ্জনম্| রত্নান্যত্র বজ্রমরকতাদীনি যথালাভং গ্রাহ্যাণি| লোহিতগৈরিকং-লোহিতং গৈরিকম্, কেচিত্তু লোহিতং-কুঙ্কুমমাহুঃ| এতচ্চূর্ণাঞ্জনমশেষদৃষ্টিরোগহরম্| উপজাতিবৃত্তম্|

Adhikarana timiraghnaM tilatailAdinasyam (46) · Śloka 46

তিলতৈলমক্ষতৈলং ভৃঙ্গস্বরসোঽসনাচ্চ নির্যূহঃ| আযসপাত্রবিপক্বং করোতি দৃষ্টের্বলং নস্যম্||৪৬||

স০-তিলতৈলমক্ষতৈলং চ সমাংশং মার্কবস্বরসোঽসনাচ্চ ক্বাথশ্চেত্যযসঃ পাত্রে বিপক্বং দৃষ্টের্বলমেতন্নস্যং করোতি| আর্যা|

Adhikarana doShAnurodhena snehAdyupacAraH (47) · Śloka 47

দোষানুরোধেন চ নৈকশস্তং স্নেহাস্রবিস্রবণরেকনস্যৈঃ| উপাচরেদঞ্জনমূর্ধবস্তি- বস্তিক্রিযাতর্পণলেপসেকৈঃ||৪৭||

স০-দোষবশাচ্চ স্নেহাদিভির্মুহুর্মুহুরেনং-নেত্ররোগিণমুপক্রমেত্| মূর্ধবস্তিঃ-গণ্ডূষাদিবিধ্যুক্তঃ (হৃ.সূ.অ. ২২)| বস্তিঃবস্তিবিধ্যুক্তঃ (হৃ.সূ.অ. ১৯)| উপজাতিবৃত্তম্|

Adhikarana ataHparaM pratidoShaM sAdhanam (48) · Śloka 48

| সামান্যং সাধনমিদম্ প্রতিদোষমতঃ শৃণু||৪৮||

স০-ইদং-অনন্তরাভিহিতং, সামান্যং চিকিত্সিতম্ সং-অতঃ-অনন্তরং, প্রতিদোষং সাধনং শৃণু|

Adhikarana vAtaje timire dashamUlAdighRutam (49-50) · Śloka 50

কিং তত্ ? ইত্যাহ বাতজে তিমিরে তত্র দশমূলাম্ভসা ঘৃতম্| ক্ষীরে চতুর্গুণে শ্রেষ্ঠাকল্কপক্বং পিবেত্ততঃ||৪৯|| ত্রিফলাপঞ্চমূলানাং কষাযং ক্ষীরসংযুতম্| এরণ্ডতৈলসংযুক্তং যোজযেচ্চ বিরেচনম্||৫০||

স০-[তত্র-] তেষু তিমিরাদিষু মধ্যে, বাতোত্থে তিমিরে দশমূলক্বাথেন ঘৃতং ক্ষীরে চতুর্গুণে ত্রিফলাকল্কপক্বং পিবেত্| অনন্তরং ত্রিফলাপঞ্চমূলানাং ক্বাথং ক্ষীরেণ সংযুতমেরণ্ডতৈলান্বিতং বিরেচনং যোজযেত্|

Adhikarana vAtaje timire triphalAdivirecanam (51-54) · Śloka 54

সমূলজালজীবন্তীতুলাং দ্রোণেঽম্ভসঃ পচেত্| অষ্টভাগস্থৈতে তস্মিংস্তৈলপ্রস্থং পযঃসমে||৫১|| বলাত্রিতযজীবন্তীবরীমূলৈঃ পলোন্মিতৈঃ| যষ্টীপলৈশ্চতুর্ভিশ্চ লোহপাত্রে বিপাচযেত্||৫২|| লোহ এব স্থিতং মাসং নাবনাদূর্ধ্বজত্রুজান্| বাতপিত্তাযমযান্ হন্তি তদ্বিশেষাদ্দৃগাশ্রযান্||৫৩|| কেশাস্যকন্ধরাস্কন্ধপুষ্টিলাবণ্যকান্তিদম্| |৫৪|

স০-মূলজালযুতাযা জীবন্ত্যাঃ পলশতং জলদ্রোণে পচেত্| তস্মিন্ জলেঽষ্টভাগশেষে ক্ষীরতুল্যে তৈলপ্রস্থং বলাত্রিতযাদিভিঃ পলোন্মিতৈর্মধুযষ্টিকাপলৈশ্চতুর্ভির্লোহপাত্রে বিপাচযেত্| লোহভাণ্ড এবং মাসং স্থিতং তন্নস্যেনোর্ধ্বজত্রুজান্ রোগান্ হন্তি| বিশেষেণ দৃষ্ট্যাশ্রযান্ বাতপিত্তরোগান্ পরাকরোতি| কেশাদিষু পুষ্টিলাবণ্যকান্তিকরম্|

Adhikarana vAtaje timire jIvantItailanasyaM keshAsyAdikAntidaM ca (54-55) · Śloka 55

| সিতৈরণ্ডজটাসিংহীফলদারুবচানতৈঃ||৫৪|| ঘোষযা বিল্বমূলৈশ্চ তৈলং পক্বং পযোন্বিতম্| নস্যং সর্বোর্ধ্বজত্রূত্থবাতশ্লেষ্মামযার্তিজিত্||৫৫||

স০-শুক্লৈরণ্ডমূলাদিভিস্তৈলং সক্ষীরং পক্বং নস্যেন সর্বজত্রূর্ধ্বরোগাদিজিত্|

Adhikarana vAtaje timire sitairaNDAditailanasyam (56) · Śloka 56

বসাঽঞ্জনে চ বৈযাঘ্রী বারাহী বা প্রশস্যতে| গৃধ্রাহিকুক্কুটোত্থা বা মধুকেনান্বিতা পৃথক্||৫৬||

স০-বৈযাঘ্রী বারাহী বা বসাঽঞ্জনে শস্যতে| গৃধ্রসর্পকুক্কুটোত্থা বা বসা পৃথঙ্ মধুযষ্টিকাযুতা শ্রেষ্ঠা|

Adhikarana vAtaje timire vaiyAghryAdivasA~jjanam vAtaje timire sroto~jjanamM pratya~jjane (57) · Śloka 57

প্রত্যঞ্জনে চ স্রোতোজং রসক্ষীরঘৃতে ক্রমাত্| নিষিক্তং পূর্ববদ্যোজ্যং তিমিরঘ্নমনুত্তমম্||৫৭||

স০-প্রত্যঞ্জনে চ স্রোতোঞ্জনং মাংসরসাদিষু ক্রমেণ তপ্তং তপ্তং সপ্তকৃত্বঃ নিষিক্তং পূর্ববদ্যোজ্যম্| এতচ্চ পরং তিমিরহৃত্|

Adhikarana vAtaje timire evaM timirAshAntau tarpaNam (58) · Śloka 58

ন চেদেবং শমং যাতি ততস্তর্পণমাচরেত্| |৫৮|

স০-যদ্যেবং তিমিরং ন শাম্যেত্ ততস্তর্পণমাচরেত্-কুর্যাত্|

Adhikarana vAtaje timire shatAhvAdighRutamM tarpaNam (58-59) · Śloka 59

| শতাহ্বাকুষ্ঠনলদকাকোলীদ্বযষ্টিভিঃ||৫৮|| প্রপৌণ্ডরীকসরলপিপ্পলীদেবদারুভিঃ| সর্পিরষ্টগুণক্ষীরং পক্বং তর্পণমুত্তমম্||৫৯||

স০-শতপুষ্পাদিভির্ঘৃতমষ্টগুণক্ষীরং পক্বং শ্রেষ্ঠং তর্পণম্|

Adhikarana vAtaje timireaiNeyamedotejaH tarpaNam (60) · Śloka 60

মেদসস্তদ্বদৈণেযাদ্দুগ্ধসিদ্ধাত্ খজাহতাত্| উদ্ধৃতং সাধিতং তেজো মধুকোশীরচন্দনৈঃ||৬০||

স০-তথৈব কৃষ্ণহরিণান্মেদসো দুগ্ধে সিদ্ধাত্ খজেনালোডিতাত্ তেজ উদ্ধৃত্য মধিকোশীরচন্দনৈঃ সহ পক্বং তর্পণমুত্তমম্|

Adhikarana vAtaje timire shvAvidAdivasA tarpaNam (61) · Śloka 61

শ্বাবিচ্ছল্যকগোধানাং দক্ষতিত্তিরিবর্হিণাম্| পৃথক্পৃথগনেনৈব বিধিনা কল্পযেদ্বসাম্||৬১||

স০-শ্বাবিদাদীনাং পৃথগনেনৈব বিধিনা বসাং কল্পযেত্|

Adhikarana vAtaje timire puTapAkaH (62) · Śloka 62

প্রসাদনং স্নেহনং চ পুটপাকং প্রযোজযেত্| |৬২|

স০-পুটপাকং তু প্রসাদনং স্নেহনং চ-তর্পণপুটাপাকবিধ্যুক্তং (হৃ.সূ.অ. ২৪/১৪-১৬), প্রযোজযেত্|

Adhikarana vAtaje timire vAtapInasavannirUhAdi (62) · Śloka 62

| বাতপীনসবচ্চাত্র নিরূহং সানুবাসনম্||৬২||

স০-অত্র চ-বাতজে তিমিরে, বাতপীনস ইব নিরূহমনুবাসনং চ প্রযোজযেত্

Adhikarana pittaje timire jIvanIyAdighRutasnigdhasya sirAvyadhaH (63) · Śloka 63

পিত্তজে তিমিরে সর্পির্জীবনীযফলত্রযৈঃ| বিপাচিতং পাযযিত্বা স্নিগ্ধস্য ব্যধযেত্সিরাম্||৬৩||

স০-পিত্তজে তিমিরে জীবনীযৈঃ ফলত্রিকেন চ পক্বং সর্পিঃ পাযযিত্বা ততঃ স্নিগ্ধস্য সতঃ সিরাং ব্যধযেত্|

Adhikarana pittaje timire sharkarAdivirecanam (64) · Śloka 64

শর্করৈলাত্রিবৃচ্চূর্ণৈর্মধুযুক্তৈর্বিরেচযেত্| |৬৪|

স০-শর্করাদিভিঃ সমাক্ষিকৈর্বিরচযেত্|

Adhikarana pittaje timire netrAdiShu sishItAH sekalepAdayaH (64) · Śloka 64

| সুশীতান্ সেকলেপাদীন্ যুঞ্জ্যান্নেত্রাস্যমূর্ধসু||৬৪||

স০-নেত্রাস্যশিরঃসু চাতিশিশিরন্ সেকলেপাদীন্ যুঞ্জ্যাত্|

Adhikarana pittaje timire sArivAdivartiH a~jjane (65-66) · Śloka 66

সারিবাপদ্মকোশীরমুক্তাশাবরচন্দনৈঃ| বর্তিঃ শস্তাঽঞ্জনে, চূর্ণস্তথা পত্রোত্পলাঞ্জনৈঃ||৬৫|| সনাগপুষ্পকর্পূরযষ্ট্যাহ্বস্বর্ণগৈরিকৈঃ| ||৬৬||

স০-সারিবাদিভির্বর্তিরঞ্জনে শস্তা| তথা পত্রাদিভিশ্চূর্ণোঽঞ্জনং শস্তম্|

Adhikarana pittaje timire patrAdicUrNaH a~jjane (67) · Śloka 67

| সৌবীরাঞ্জনতুত্থকশৃঙ্গীধাত্রীফলস্ফটিককর্পূতম্| পঞ্চাংশং পঞ্চাংশং ত্র্যংশমথৈকাংশমঞ্জনং তিমিরঘ্নম্| |৬৭|

স০-সৌবীরাঞ্জনাদিকমঞ্জনং শস্তম্| কিযত্কিযত্প্রমাণম্ ? ইত্যাহ-পঞ্চাংশমিত্যাদি| তদেবং পঞ্চ ভাগাঃ সৌবীরাঞ্জনস্য, পঞ্চৈব তুত্থকস্য, শৃঙ্গ্যামলকানাং ভাগাস্ত্রযঃ, স্ফটিককর্পূরস্য ভাগ একঃ, ইতি স্থিতম্| এবমেতদঞ্জনং তিমিরহৃত্ কুর্যাত্| গীতিরার্যেযম্|

Adhikarana pittaje timire sauvIrA~jjanAdi a~jjane (67) · Śloka 67

| নস্যং চাজ্যং শৃতং ক্ষীরজীবনীযসিতোত্পলৈঃ||৬৭||

স০-ক্ষীরেণ চতুর্গুণেন জীবনীযাদিভিরাজ্যং-ঘৃতং, পক্বং নস্যে শ্রেষ্ঠম্|

Adhikarana pittaje timire jIvanIyAdighRutanasyam (68-69) · Śloka 69

শ্লেষ্মোদ্ভবেঽমৃতাক্বাথবরাকণশৃতং ঘৃতম্| বিধ্যেত্সিরাং পীতবতো দদ্যাচ্চানু বিরেচনম্||৬৮|| ক্বাথং পূগাভযাশুণ্ঠীকৃষ্ণাকুম্ভনিকুম্ভজম্| |৬৯|

স০-শ্লেষ্মোত্থতিমিরেঽমৃতাদিভিঃ পক্বং ঘৃতং পীতবতঃ সিরাং বিধ্যেত্| বিরেচনং চ পূগাদিভিঃ ক্বাথং দদ্যাত্|

Adhikarana kaphaje timire amRutAdighRutam (69-70) · Śloka 70

| হ্নীবেরদারুদ্বিনিশাকৃষ্ণাকল্কৈঃ পযোন্বিতৈঃ||৬৯|| দ্বিপঞ্চমূলনির্যূহে তৈলং পক্বং চ নাবনম্| |৭০|

স০-হ্নীবেরাদিভিঃ কল্কিতৈঃ পযোন্বিতর্দ্বির্পঞ্চমূলক্বাথে তৈলং পক্বং নাবনং হিতম্|

Adhikarana kaphaje timire pUgAdivirecanam (70-71) · Śloka 71

| শঙ্খপ্রিযঙ্গুনেপালীকটুত্রিকফলত্রিকৈঃ||৭০|| দৃগ্বৈমল্যায বিমলা বর্তিঃ স্যাত্| |৭১|

স০-শঙ্খাদিভির্দৃগ্বৈমল্যায বিমলাখ্যেযং বর্তির্হিতা স্যাত্|

Adhikarana kaphaje timire hrIberAditailanasyam (71) · Śloka 71

কোকিলা পুনঃ| কৃষ্ণলোহরজোব্যোষসৈন্ধবত্রিফলাঞ্জনৈঃ||৭১||

স০-কৃষ্ণলোহাদিভিঃ কোকিলাখ্যা বর্তিঃ|

Adhikarana kaphaje timire vimalA vartiH (72-73) · Śloka 73

শশগোখরসিংহোষ্ট্রদ্বিজা লালাটমস্থি চ| শ্বেতগোবালমরিচশঙ্খচন্দনফেনকম্||৭২|| পিষ্টং স্তন্যাজদুগ্ধাভ্যাং বর্তিস্তিমিশুক্রজিত্| |৭৩|

স০-শশাদিজা দ্বিজাঃ-দন্তাঃ, এষামেব লালাটং-ললাটে ভবমস্থি, তথা শ্বেতগোবালাদীনি, স্ত্রীক্ষীরচ্ছাগদুগ্ধাভ্যাং পিষ্টা বর্তিস্তিমিরশুক্রহরেত্যর্থঃ|

Adhikarana kaphaje timire kokilA vartiH (73) · Śloka 73

| রক্তজে পিত্তবত্সিদ্ধিঃ শীতৈশ্চাস্রং প্রসাদযেত্||৭৩||

স০-রক্তজে তিমিরে পিত্তবদুপক্রমঃ| [শীতৈঃ-] শীতবীর্যৈঃ শীতস্পর্শৈরন্নপানৌষধসেকলেপাদিভিশ্চ, রক্তং প্রসাদযেত্|

Adhikarana kaphaje timire shashadvijAdivartiH (74) · Śloka 74

দ্রাক্ষযা নলদরোধ্রযষ্টিভিঃ শঙ্খতাম্রহিমপদ্মপদ্মকৈঃ| সোত্পলৈশ্ছগলদুগ্ধবর্তিতৈ- রস্রজং তিমিরমাশু নশ্যতি||৭৪||

স০-দ্রাক্ষাদিভিশ্ছাগলীদুগ্ধপিষ্টৈঃ শীঘ্রং রক্তোত্থং তিমিরং নশ্যতি|

Adhikarana raktaje timire pittavat (75) · Śloka 75

সংসর্গসন্নিপাতোত্থে যথাদোষোদযং ক্রিযা| |৭৫|

স০-সংসর্গজে সন্নিপাতজে চ তিমিরে যথাদোষোদ্রেকং চিকিত্সিতম্|

Adhikarana raktaje timire shItaiH raktaprasAdanam (75-76) · Śloka 76

| সিদ্ধং মধূককৃমিজিন্মরিচামরদারুভিঃ||৭৫|| সক্ষীরং নাবনং তৈলং পিষ্টৈর্লেপো মুখস্য চ| |৭৬|

স০-মধূকাদিভিঃ সক্ষীরং তৈলং সিদ্ধং নাবনং হিতম্| মধূকাদিভিরেব জলেন পিষ্টৈর্মুখলেপো হিতঃ|

Adhikarana raktaje timire drAkShAdibheShajam (76-77) · Śloka 77

| নতনীলোত্পলানন্তাযষ্ট্যাহ্বসুনিষণ্ণকৈঃ||৭৬|| সাধিতং নাবনে তৈলং শিরোবস্তৌ চ শস্যতে| |৭৭|

স০-নতাদিভিঃ সাধিতং তৈলং নাবনে শিরোবস্তৌ চ শস্যতে|

Adhikarana saMsargasannipAtaje yathAdoSham (77-78) · Śloka 78

| দদ্যাদুশীরনির্যূহে চূর্ণিতং কণসৈন্ধবম্||৭৭|| তত্স্রুতং সঘৃতং ভূযঃ পচেত্ক্ষৌদ্রং ঘনে ক্ষিপেত্| শীতে চাস্মিন্ হিতমিদং সর্বজে তিমিরেঽঞ্জনম্||৭৮||

স০-উশীরক্বাথে পিপ্পলীসৈন্ধবং রজীকৃতং দদ্যাত্| তচ্চ স্রুতং সত্ ঘৃতান্বিতং পুনঃ পচেত্| ঘনে চাস্মিন্ শীতে চ ক্ষৌদ্রং ক্ষিপেত্| এতত্ সর্বোত্থে তিমিরে হিতমঞ্জনম্|

Adhikarana saMsargasannipAtaje madhUkAditailaM nasyam (79-81) · Śloka 81

অস্থীনি মজ্জপূর্ণানি সত্ত্বানাং রাত্রিচারিণাম্| স্রোতোজাঞ্জনযুক্তানি বহত্যম্ভসি বাসযেত্||৭৯|| মাসং বিংশতিরাত্রং বা ততশ্চোদ্ধৃত্য শোষযেত্| সমেষশৃঙ্গীপুষ্পাণি সযষ্ট্যাহ্বানি তান্যনু||৮০|| চূর্ণিতান্যঞ্জনং শ্রেষ্ঠং তিমিরে সান্নিপাতিকে| |৮১|

স০-রাত্রিচারিণাং প্রাণিনামস্থীনি মজ্জপূর্ণানি স্রোতোঞ্জনযুক্তানি জলে বহতি মাসং বিংশতির্বা নিশা বাসযেত্| ততঃ-পশ্চাত্, উদ্ধৃত্য শোষযেত্| তনি চ মেষশৃঙ্গীপুষ্পৈর্যুতানি মধূকেন চ, চূর্ণিতানি সান্নিপাতিকে তিমিরেঽঞ্জনং শ্রেষ্ঠম্|

Adhikarana saMsargasannipAtaje madhUkAdirmukhalepaH (81-82) · Śloka 82

| কাচেঽপ্যেষা ক্রিযা মুক্ত্বা সিরাং, যন্ত্রনিপীডিতাঃ||৮১|| আন্ধ্যায স্যুর্মলা দদ্যাত্স্রাব্যে ত্বস্রে জলৌকসঃ| |৮২|

স০-কাচেঽপ্যযেষা-পূর্বোদিতা ক্রিযা, সিরাং হিত্বা| সিরাঽপি কস্মান্নানুমীযতে ? ইত্যাহ-যন্ত্রেত্যাদি| সিরোপযোগিযন্ত্রনিপীডিতা মলা আন্ধ্যায যতঃ স্যুঃ| স্রাব্যে তু রক্তে জলৌকসো দদ্যাত্|

Adhikarana saMsargasannipAtaje natAditailaM nasye shiro bastau ca (82-83) · Śloka 83

| গুডঃ ফেনোঽঞ্জনং কৃষ্ণা মরিচং কুঙ্কুমাদ্রজঃ||৮২|| রসক্রিযেযং সক্ষৌদ্রা কাচযাপনমঞ্জনম্| |৮৩|

স০-গুডাদযো রসক্রিযা ক্ষৌদ্রান্বিতেযং কাচযাপনমঞ্জনম্|

Adhikarana nakulAndhe timiravidhiH (83) · Śloka 83

| নকুলন্ধে ত্রিদোষোত্থে তৈমির্যবিহিতো বিধিঃ||৮৩||

স০-নকুলান্ধে ত্রিদোষজে তিমিরবিহিতো বিধিঃ কার্যঃ|

Adhikarana rAtryandhe tArkShyAdirasakriyA (84) · Śloka 84

রসক্রিযা ঘৃতক্ষৌদ্রগোমযস্বরসদ্রুতৈঃ| তার্ক্ষ্যগৈরিকতালীসৈর্নিশান্ধে হিতমঞ্জনম্||৮৪||

স০-ঘৃতাদিদ্রুতৈ রসাঞ্জনাদিভির্নিশান্ধে রসক্রিযা হিতমঞ্জনম্|

Adhikarana rAtryandhe maricA~jjanam (85) · Śloka 85

দঘ্না বিঘৃষ্টং মরিচং রাত্র্যন্ধেঽঞ্জনমুত্তমম্| |৮৫|

স০-দধ্না বিঘৃষ্টং মরিচং রাত্র্যন্ধে শ্রেষ্ঠমঞ্জনম্|

Adhikarana rAtryandhe kauntyAdivartiH (85-86) · Śloka 86

| করঞ্জিকোত্পলস্বর্ণগৈরিকাম্ভোজকেসরৈঃ||৮৫|| পিষ্টৈর্গোমযতোযেন বর্তিদোষান্ধনাশিনী| |৮৬|

স০-করঞ্জিকাদিভির্গোমযরসেন পিষ্টৈর্বর্তির্নক্তান্ধ্যহৃত্|

Adhikarana rAtryandhe kAlAnusAryAdayo vartayaH (86-87) · Śloka 87

| অজামূত্রেণ বা কৌন্তীকৃষ্ণাস্রোতোজসৈন্ধবৈঃ||৮৬|| কালানুসারীত্রিকাতুত্রিফলালমনঃশিলাঃ| সফেনাশ্ছাগদুগ্ধেন রাত্র্যন্ধে বর্তযো হিতাঃ||৮৭||

স০-অজামূত্রেণ পিষ্টৈঃ কৌন্ত্যাদিভির্বা বর্তির্নিশান্ধ্যঘ্নী| সং-কালানুসার্যাদযোঽজাক্ষীরেণ পিষ্টা বর্তযো নিশান্ধে হিতাঃ|

Adhikarana rAtryandhe pippalya~jjanam (88) · Śloka 88

সন্নিবেশ্য যকৃন্মধ্যে পিপ্পলীরদহন্পচেত্| তাঃ শুষ্কা মধুনা ঘৃষ্টা নিশান্ধে শ্রেষ্ঠমঞ্জনম্||৮৮||

স০-পিপ্পলীর্যকৃন্মধ্যে সন্নিবেশ্যাদহন্ পচেত্| ততঃ পিপ্পল্যঃ শুষ্কা মধুঘৃষ্টা রাত্র্যন্ধে পরমঞ্জনম্|

Adhikarana rAtryandhe mAhiShaplIhayakRudbhakShaNam (89) · Śloka 89

খাদেচ্চ প্লীহযকৃতী মাহিষে তৈলসর্পিষা| |৮৯|

স০-মাহিষে চ প্লীহযকৃতী তৈলসর্পিষা সহ ভক্ষযেত্|

Adhikarana rAtryandhe jIvantyAdipallavabhakShaNam (89-90) · Śloka 90

| ঘৃতে সিদ্ধানি জীবন্ত্যাঃ পল্লবানি চ ভক্ষযেত্||৮৯|| তথাঽতিমুক্তকৈরণ্ডাশোফাল্যভীরুজানি চ| ভৃষ্টং ঘৃতং কুম্ভযোনেঃ পত্রৈঃ পানে চ পূজিতম্||৯০||

স০-জীবন্ত্যাশ্চ পল্লবানি সর্পিষা পক্বানি ভুঞ্জীত| তথা অতিমুক্তকাদীনি পত্রাণি ঘৃতসিদ্ধানি খাদেত্| অগস্তিপত্রৈঃ সর্পিঃ সিদ্ধং পানে চ পূজিতম্|

Adhikarana dhUmarAmlapittoShNavidagdhAsu jIrNasarpirvirecanam shItalepashca (91) · Śloka 91

ধূমরাখ্যাম্লপিত্তোষ্ণবিদাহে জীর্ণসর্পিষা| স্নিগ্ধং বেরেচযেচ্ছীতৈঃ শীতোর্দিহ্যাচ্চ সর্বতঃ||৯১||

স০-অম্লপিত্তোষ্ণৈর্বিদাহো-বিদগ্ধত্বং, অম্লপিত্তোষ্ণবিদাহঃ| ধূমরাখ্যশ্চাম্লপিত্তোষ্ণবিদাহশ্চ তস্মিন্| তত্র ধূমরাখ্যঃ-"শোকজ্বরাদি" (অ. ১২/২৯) ইত্যাদি লক্ষণঃ| "ভৃশমম্লাশনাত্" (অ. ১২/২৮) ইত্যাদিনাঽম্লবিদগ্ধা| "ভবেত্পিত্তবিদগ্ধাখ্যা" (অ. ১২/১৬) ইতি পিত্তবিদগ্ধা| "উষ্ণতপ্তস্য" (অ. ১২/২৬) ইত্যাদিনা উষ্ণাবিদগ্ধেতি| তস্মিন্ ধূমরাখ্যাম্লপিত্তোষ্ণবিদাহেঽতিপুরাণসর্পিষাঽভ্যক্তং স্নিগ্ধং শীতৈর্বিশোধযেত্| শীতৈশ্চ সর্বতো লেপযেত্|

Adhikarana dhUmarAmlapittoShNavidagdhAsu goshakRudrasA~jjanam dhUmarAmlapittoShNavidagdhAsu svarNagairikAdirasakriyA (92) · Śloka 92

গোশকৃদ্রসদুগ্ধাজ্যৈর্বিপক্বং শস্যতেঽঞ্জনম্| স্বর্ণগৈরিকতালীসচূর্ণাবাপা রসক্রিযা||৯২||

স০-গোশকৃদাদিভির্বপক্বমঞ্জনং শস্যতে| স্বর্ণগৈরিকাদীনাং চূর্ণৈরাবাপো যস্যাং সা, এবংবিধা রসক্রিযা ব শস্যতে|

Adhikarana dhUmarAmlapittoShNavidagdhAsu medAdighRutatailaM nasyam (93) · Śloka 93

মেদাশাবরকানন্তামঞ্জিষ্ঠাদার্বিযষ্টিভিঃ| ক্ষীরাষ্টাংশং ঘৃতং পক্বং সতৈলং নাবনং হিতম্||৯৩||

স০-মেদাদিভিঃ ক্ষীরাষ্টাংশং ঘৃতং তৈলসহিতং পক্বং নাবনং হিতম্|

Adhikarana dhUmarAmlapittoShNavidagdhAsu kShIrasarpistarpaNam (94) · Śloka 94

তর্পণং ক্ষীরসর্পিঃ স্যাদশাম্যতি সিরাব্যধঃ| |৯৪|

স০-ক্ষীরোদ্ভবম্ সর্পিস্তর্পণং হিতম্| এবমশাম্যতি সিরাব্যধঃ কার্যঃ|

Adhikarana dhUmarAmlapittoShNavidagdhAsu evamashAntau sirAvyadhaH timirarogivadavalokane kAraNAni (94-96) · Śloka 96

| চিন্তাভিঘাতভীশোকরৌক্ষ্যাত্ সোত্কটকাসনাত্||৯৪|| বিরেকনস্যবমনপুটপাকাদিবিভ্রমাত্| বিদগ্ধাহারবমনাত্ ক্ষুত্তৃষ্ণাদিবিধারণাত্||৯৫|| অক্ষিরোগাবসানাচ্চ পশ্যেত্তিমিররোগিবত্| |৯৬|

স০-চিন্তাদিভিরতিমিরবানপি তিমিররোগীব পশ্যেত্|

Adhikarana timirarogivadavalokane yathAdoShamauShadham (96) · Śloka 96

| যথাস্বং তত্র যুঞ্জীত দোষাদীন্ বীক্ষ্য ভেষজম্||৯৬||

স০-[ তত্র- ] তস্মিংশ্চ তিমিররোগিসদৃশদর্শনে, যথাযোগং দোষদূষ্যদেশাদীন্ বীক্ষ্যৌষধং প্রযুঞ্জীত|

Adhikarana sUryo parAgAdyupahatekShaNe santarpaNam sUryo parAgAdyupahatekShaNe suvarNA~jjanam (97) · Śloka 97

সূর্যোপরাগানলবিদ্যুদাদি- বিলোকনেনোপহতেক্ষণস্য| সন্তর্পণং স্নিগ্ধহিমাদি কার্যং তথাঞ্জনং হেম ঘৃতেন ঘৃষ্টম্||৯৭||

স০-সূর্যোপরাগাদিবিলোকনেনোপহতদর্শনস্য স্নিগ্ধহিমাদি সন্তর্পণং কার্যম্| আদিশব্দেনাতিসূক্ষ্মাতিভাসুরাদিপরিগ্রহঃ| সুর্বণং চ ঘৃতেন ঘৃষ্টমঞ্জনং হিতম্| উপাজাতিবৃত্তম্|

Adhikarana netrarakShaNaM sarvadA kartavyam (98) · Śloka 98

চক্ষূরক্ষাযাং সর্বকালং মনুষ্যৈ- র্যত্নঃ কর্তব্যো জীবিতে যাবদিচ্ছা| ব্যর্থো লোকোঽযং তুল্যরাত্রিংদিবানাং পুংসামন্ধানাং বিদ্যমানেঽপি বিত্তে||৯৮||

স০-নেত্ররক্ষাযাং সদা যত্নো বিধেযো যাবজ্জীবিতাভিলাষিত্বম্| যস্মাদন্ধানাং তুল্যরাত্রিংদিবানাং পুংসাং বিদ্যমানেঽপি ধনে লোক এব নিরর্থকঃ স্যাত্| রাত্রিংদিবশব্দোঽত্রাচতুরাদিসূত্রে নিপাতিতঃ| বৈশ্বদেবীবৃত্তম্|

Adhikarana netrarakShaNakaraM triphalAdi (99) · Śloka 99

ত্রিফলা রুধিরস্রুতির্বিশুদ্ধি- র্মনসো নির্বৃতিরঞ্জনং সনস্যম্| শকুনাশনতা সপাদপূজা ঘৃতপানং চ সদৈব নেত্ররক্ষা||৯৯||

স০-ত্রিফলাদিকং সদৈব-সর্বকালং, নেত্ররক্ষা স্যাত্|

Adhikarana netrarakShaNakaraM ahitAshananivRuttyAdi (13) · Śloka 13

অহিতাদশনাত্সদা নিবৃত্তি- র্ভৃশভাস্বচ্চলসূক্ষ্মবীক্ষণাচ্চ| মুনিনা নিমিনোপদষ্টমেতত্ পরমং রক্ষণমীক্ষণস্য পুংসাম্||১০০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচি- তাযামষ্টাঙ্গহৃদযসংহিতাযাং ষষ্ঠে উত্তর স্থানে তিমিরপ্রতিষেধো নাম ত্রযোদশোঽধ্যাযঃ||১৩||

স০-অহিতাদাহারাত্ সততং নিবৃত্তিঃ, অতিভাসুরাদ্যালোকনাচ্চোপরতিঃ, ইত্যেতন্নিমিনাম্রা মুনিনা পরমং নৃণাং নযনস্য রক্ষণমুদিতম্| ঔপচ্ছন্দসিকং(কে) বৃত্তম্(ত্তে)| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাম্ সর্বাঙ্গসুন্দরাখ্যাযাং ষষ্ঠে উত্তরস্থানে তিমির- প্রতিষেধো নাম ত্রযোদশোঽধ্যাযঃ সমাপ্তঃ|| ১৩||