Adhikarana atha madAtyayacikitsitannAma navamo~adhyAyaH adhyAya pratij~jA (1) · Śloka 1
অথাতো মদাত্যযচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो मदात्ययचिकित्सितं व्याख़्यास्यामः| इति ह स्माहुरात्रेयादयो महर्षयः||१||
🔊 Audio coming soon
ক্রমপ্রাপ্তং মদাত্যযং নির্ণেতুমধ্যায আরভ্যতে||১||
Adhikarana madAtyaye doShajayakramaH (2) · Śloka 2
যং দোষমধিকং পশ্যেত্তস্যাদৌ প্রতিকারযেত্| কফস্থানানুপূর্ব্যা বা তুল্যদোষং মদাত্যযে| পিত্তমারুতপর্যন্তঃ প্রাযেণহি মদাত্যযঃ||২||
यं दोषमधिकं पश्येत्तस्यादौ प्रतिकारयेत्| कफस्थानानुपूर्व्या वा तुल्यदोषं मदात्यये| पित्तमारुतपर्यन्तः प्रायेणहि मदात्ययः||२||
🔊 Audio coming soon
সর্বস্য মদাত্যযস্য ত্রিদোষজত্বাদুচ্যতে -যং দোষমিত্যাদি| যত্র পুনর্ন কস্যচিদাধিক্যং সর্বে সমাঃ তত্র কফস্থানানুপূর্ব্যা| আদৌ কফঃ পশ্চাত্ পিত্তং ততো বাযুঃ| অস্মিন্ ক্রমে যুক্তিঃ -পিত্তমারুতেত্যাদি| সর্বস্মিন্ মদাত্যযে কালক্রমেণ পিত্তমারুতাবাধিকীভবতঃ| প্রথমং তু কফস্যৈবাধিক্যম্||২||
Adhikarana madyapAne mAtrAdoShe tadeva samam (3) · Śloka 3
হীনমিথ্যাতিপীতেন যো ব্যাধিরুপজাযতে| সমপীতেন তেনৈব স মদ্যেনোপশাম্যতি||৩||
हीनमिथ्यातिपीतेन यो व्याधिरुपजायते| समपीतेन तेनैव स मद्येनोपशाम्यति||३||
🔊 Audio coming soon
সাম্যাদ্ধীনপীতেন বা বিপরীতপীতেন বাঽতিপীতেন বা মদ্যেন যো ব্যাধিরুপজাযতে স তেনৈব সাত্মেন পীতেনোপশাম্যতি||৩||
Adhikarana madye madyamevauShadham (4) · Śloka 4
মদ্যস্য বিষসাদৃশ্যাদ্বিষং তূত্কর্ষবৃত্তিভিঃ| তীক্ষ্ণাদিভির্গুণৈযোগাদ্বিষান্তরমপেক্ষতে||৪||
मद्यस्य विषसादृश्याद्विषं तूत्कर्षवृत्तिभिः| तीक्ष्णादिभिर्गुणैयोगाद्विषान्तरमपेक्षते||४||
🔊 Audio coming soon
কথং যেনৈব রোগ উত্পন্নস্তেনৈব শাম্যতীত্যাহ - মদ্যস্য বিষসাদৃশ্যাত্| যথা বিষং তীক্ষ্ণাদিগুণযুতং তীক্ষ্ণাদিগুণযুতেন বিষেণৈব শাম্যতি তদ্বন্মদ্যমপি মদ্যেন| মদ্যত্বং বিষস্য বিশেষঃ| যদ্বিষমুত্কৃষ্টৈস্তীক্ষ্ণাদিভির্যোগাদ্বিষান্তরং বিজাতীযং বিষমপেক্ষতে| মদ্যং পুনঃ স্বল্পত্বাত্তীক্ষ্ণাদীনাং সজাতীযেনৈবোপশাম্যতি||৪||
Adhikarana madyasyauShadhatve upapattiH (5) · Śloka 5
তীক্ষ্ণোষ্ণেনাতিমাত্রেণ পীতেনান্নবিদাহিনা| মদ্যেনান্নরসক্লেদো বিদগ্ধঃ ক্ষারতাং গতঃ| যান্ কুর্যান্মদতৃণ্মোহজ্বরান্তর্দাহবিভ্রমান্| মদ্যোত্ক্লিষ্টেন দোষেণ রুদ্ধঃ স্রোতস্সু মারুতঃ| সুতীব্রা বেদনা যাশ্চ শিরস্যস্থিষু সন্ধিষু| জীর্ণামমদ্যদোষস্য প্রকাংক্ষালাঘবে সতি| যৌগিকং বিধিবদ্যুক্তং মদ্যমেব নিহন্তি তান্||৫||
तीक्ष्णोष्णेनातिमात्रेण पीतेनान्नविदाहिना| मद्येनान्नरसक्लेदो विदग्धः क्षारतां गतः| यान् कुर्यान्मदतृण्मोहज्वरान्तर्दाहविभ्रमान्| मद्योत्क्लिष्टेन दोषेण रुद्धः स्रोतस्सु मारुतः| सुतीव्रा वेदना याश्च शिरस्यस्थिषु सन्धिषु| जीर्णाममद्यदोषस्य प्रकांक्षालाघवे सति| यौगिकं विधिवद्युक्तं मद्यमेव निहन्ति तान्||५||
🔊 Audio coming soon
স্বভাবত এব তীক্ষ্ণাদিগুণবতা মদ্যেনাতিমাত্রপীতেনান্নরসো বিদগ্ধঃ ক্ষারগুণঃ সন্ যান্ মদাদীন্ কুর্যাত্ তান্ মদাদীন্ কাল উপযুক্তং বিশিষ্টমদ্যমেব নাশযতি| তথা মদ্যোত্ক্লিষ্টেন দোষেণ শ্লেষ্মণা স্রোতঃসু মারুতো রুদ্ধঃ সন্ শিরঃপ্রভৃতিষু যাশ্চ বেদনাঃ কুর্যাত্তা অপি মদ্যমেব নিহন্তি| কস্মিন্ কাল ইত্যাহ - জীর্ণামমদ্যদোষস্য| আমা অভিনবা মদ্যবিকারা আমমদ্যদোষাঃ| জীর্ণা আমদোষা যস্য| তথা প্রকাংক্ষাযাং মদ্যবিষযাযাং লাঘবে তনুত্বে সতি প্রযুক্তম্| কিম্ভূতং মদ্যং নিহন্তীত্যাহ- যৌগিকং বিধিবদ্যুক্তং চ| দোষাদ্যপেক্ষযা যদাতুরস্য যোগমর্হতি তদ্যৌগিকম্| বিধিস্ত্বস্মিন্নেবাধ্যাযে বক্ষ্যতে||৫||
Adhikarana yuktyantara~jca (6) · Śloka 6
ক্ষারো হি যাতি মাধুর্যং শীঘ্রমম্লোপসংহিতঃ| মদ্যমম্লেষু চ শ্রেষ্ঠং দোষবিষ্যন্দনাদলম্| তীক্ষ্ণোষ্ণাদ্যৈঃ পুরা প্রোক্তৈর্দীপনাদ্যৈস্তথা গুণৈঃ| সাত্ম্যত্বাচ্চ তদেবাস্য ধাতুসাম্যকরং পরম্||৬||
क्षारो हि याति माधुर्यं शीघ्रमम्लोपसंहितः| मद्यमम्लेषु च श्रेष्ठं दोषविष्यन्दनादलम्| तीक्ष्णोष्णाद्यैः पुरा प्रोक्तैर्दीपनाद्यैस्तथा गुणैः| सात्म्यत्वाच्च तदेवास्य धातुसाम्यकरं परम्||६||
🔊 Audio coming soon
মদ্যোদ্ভবানাং মদ্যেনৈব শান্তেঃ প্রকারান্তরেণ যুক্তিরুচ্যতে- ক্ষারো হীত্যাদি| প্রথমেন মদ্যেনান্নরসে ক্ষারতাং গতে রোগা উত্পদ্যন্তে| ক্ষার-শ্চাম্লোপসংহিতঃ সন্ মাধুর্যং শীঘ্রং যাতি| অম্লেষু চ মদ্যং শ্রেষ্ঠ-মতস্তদেব বিকারনাশনম্| তথা তীক্ষ্ণোষ্ণাদ্যৈঃ পুরা নিদানস্থান-প্রোক্তৈঃ দীপনাদ্যৈশ্চ দোষাণাং বিষ্যন্দনাত্ স্রাবণাত্তদেব পথ্যম্| অস্য চ পুরুষস্য সাত্ম্যত্বাদ্ধেতোস্তদেব পরং ধাতুসাম্যকরম্||৬||
Adhikarana pAnAtyayauShadhakAlaH (7) · Śloka 7
সপ্তাহমষ্টরাত্রং বা কুর্যাত্পানাত্যযৌষধম্| জীর্যত্যেতাবত পানং কালেন বিপথাশ্রিতম্||৭||
सप्ताहमष्टरात्रं वा कुर्यात्पानात्ययौषधम्| जीर्यत्येतावत पानं कालेन विपथाश्रितम्||७||
🔊 Audio coming soon
যচ্চ মদাত্যযোদ্দেশে ঔষধমুক্তং তত্ সপ্তাহমষ্টরাত্রং বা কুর্যাত্| এতাবতা হি কালেন বিমার্গস্থং মদ্যং জীর্যতি||৭||
Adhikarana anubandhacikitsopakramaH (8) · Śloka 8
পরং ততোঽনুবধ্নাতি যো রোগস্তস্য ভেষজম্| যথাযথং প্রযুঞ্জীত কৃতপানাত্যযৌষধম্||৮||
परं ततोऽनुबध्नाति यो रोगस्तस्य भेषजम्| यथायथं प्रयुञ्जीत कृतपानात्ययौषधम्||८||
🔊 Audio coming soon
তত ঊর্ধ্বং য এব রোগঃ কৃতপানাত্যযৌষধমাতুরমনুবধ্নাতি তস্যৈব ভেষজং কুর্যাত্| যথাযথমিতি দোষাদ্যপেক্ষযা স্বস্য প্রকরণে বিহিতম্||৮||
Adhikarana vAtolbaNe pAnAtyaye cikitsA (9) · Śloka 9
তত্র বাতোল্বণে মদ্যে দদ্যাত্পিষ্টকৃতং যুতম্| বীজপূরকবৃক্ষাম্লকোলদাডিমদীপ্যকৈঃ| যবানীহপুষাজাজী ব্যোষত্রিলবণার্দ্রকৈঃ| শূল্যৈর্মাংসৈর্হরিতকৈঃ স্নেহবদ্ভিশ্চ সক্তুভিঃ| উষ্ণস্নিগ্ধাম্ললবণা মেদ্যমাংসরসা হিতাঃ| আম্রাম্রাতকপেশীভিঃ সংস্কৃতা রাগষাডবাঃ| গোধূমমাষবিকৃতীর্মৃদুচিত্রা মুখপ্রিযাঃ| আর্দ্রিকার্দ্রককুল্মাষশুক্তমাংসাদিগর্ভিণীঃ| সুরভির্লবণা শীতা নিগদা বাচ্ছবারুণী| স্বরসো দাডিমাত্ক্বাথঃ পঞ্চমূলাত্কনীযসঃ| শুণ্ঠীধান্যাত্তথামস্তুশুক্তাম্ভোচ্ছাম্লকাঞ্জিকম্| অভ্যঙ্গোদ্বর্তনস্নানমুষ্ণং প্রাবরণং ঘনম্| ঘনশ্চাগুরুজো ধূপঃ পঙ্কশ্চাগুরুকুঙ্কুমাত্| কুচোরুশ্রোণিশালিন্যো যৌবনোষ্ণাঙ্গযষ্টযঃ| হর্ষেণালিঙ্গনে যুক্তাঃ প্রিযাঃ সংবাহনেষু চ||৯||
तत्र वातोल्बणे मद्ये दद्यात्पिष्टकृतं युतम्| बीजपूरकवृक्षाम्लकोलदाडिमदीप्यकैः| यवानीहपुषाजाजी व्योषत्रिलवणार्द्रकैः| शूल्यैर्मांसैर्हरितकैः स्नेहवद्भिश्च सक्तुभिः| उष्णस्निग्धाम्ललवणा मेद्यमांसरसा हिताः| आम्राम्रातकपेशीभिः संस्कृता रागषाडवाः| गोधूममाषविकृतीर्मृदुचित्रा मुखप्रियाः| आर्द्रिकार्द्रककुल्माषशुक्तमांसादिगर्भिणीः| सुरभिर्लवणा शीता निगदा वाच्छवारुणी| स्वरसो दाडिमात्क्वाथः पञ्चमूलात्कनीयसः| शुण्ठीधान्यात्तथामस्तुशुक्ताम्भोच्छाम्लकाञ्जिकम्| अभ्यङ्गोद्वर्तनस्नानमुष्णं प्रावरणं घनम्| घनश्चागुरुजो धूपः पङ्कश्चागुरुकुङ्कुमात्| कुचोरुश्रोणिशालिन्यो यौवनोष्णाङ्गयष्टयः| हर्षेणालिङ्गने युक्ताः प्रियाः संवाहनेषु च||९||
🔊 Audio coming soon
তত্রেত্যাদিনা পানাত্যযৌষধং প্রদর্শ্যতে| শালিপিষ্টং মদ্যং বীজপূরকাদিভির্যথাযোগং যুক্তং মদাত্যযে বাতোল্বণে দদ্যাত্| তত্র চোষ্ণাদিগুণা মাংসরসাঃ হিতাঃ| সুবোধম্| পেশ্যঃ খণ্ডাঃ| মৃদ্বাদিগুণযুক্তা গোধূমমাষবিকৃতীঃ চিত্রা ভক্ষ্যাদিনানেকপ্রকারাঃ| তথা আর্দ্রিকাদিমিশ্রা বিকৃতীঃ| কুল্মাষোঽর্ধস্বিন্নানি সস্যানি| গর্ভিণীরন্তরান্তরা যুক্তাঃ| অচ্ছবারুণী সুরভিত্বাদিগুণযুক্তা হিতা| সুবোধম্| শুণ্ঠীধান্যাত্ ক্বাথঃ| ধূপো ঘনঃ প্রভূতঃ| পঙ্কঃ কর্দমঃ| প্রিযশ্চ হিতাঃ| কীদৃগ্ভূতাঃ কুচাদিভী রমণিযত্বেন যাঃ শ্লাঘ্যন্তে| যাশ্চ যৌবনোষ্ণাঙ্গযষ্টযো হর্ষেণ প্রীত্যা আলিঙ্গনে সংবাহনেষু চ যুক্তাঃ অনুরূপাঃ||৯||
Adhikarana pittolbaNe cikitsA (10) · Śloka 10
পিত্তোল্বণে বহুজলং শার্করং মধু বা যুতম্| রসৈর্দাডিমখর্জূরভব্যদ্রাক্ষাপরূষজৈঃ| সুশীতং সসিতা সক্তু যোজ্যং তাদৃক্চ পানকম্| স্বাদুবর্গকষাযৈর্বা যুক্তং মদ্যং সমাক্ষিকম্| শালিষষ্টিকমশ্নীযাচ্ছশাজৈণকপিঞ্জলৈঃ| সতীনমুদ্গামলকপটোলীদাডিমৈরপি||১০||
पित्तोल्बणे बहुजलं शार्करं मधु वा युतम्| रसैर्दाडिमखर्जूरभव्यद्राक्षापरूषजैः| सुशीतं ससिता सक्तु योज्यं तादृक्च पानकम्| स्वादुवर्गकषायैर्वा युक्तं मद्यं समाक्षिकम्| शालिषष्टिकमश्नीयाच्छशाजैणकपिञ्जलैः| सतीनमुद्गामलकपटोलीदाडिमैरपि||१०||
🔊 Audio coming soon
পিত্তোল্বণে মদত্যযে বহুনা জলেন মিশ্রিতং শার্করং মধু মার্দ্বীকং বা বহুজলং দাডিমাদিজৈ রসৈর্যুক্তং উভযমপি যোজ্যম্| পানকমপি তাদৃক্সশর্করং সসক্তু চ||১০||
Adhikarana kaPapittolbaNe cikitsA (11) · Śloka 11
কফপিত্তং সমুত্ক্লিষ্টমুল্লিখেত্তৃড্বিদহবান্| পীত্বাম্বু শীতং মদ্যং বা ভূরীক্ষুরসমং যুতম্| দ্রাক্ষারসং বা সংসর্গী তর্পণাদিঃ পরং হিতম্| তথাগ্নির্দীপ্যতে তস্য দোষশেষান্নপাচকঃ||১১||
कफपित्तं समुत्क्लिष्टमुल्लिखेत्तृड्विदहवान्| पीत्वाम्बु शीतं मद्यं वा भूरीक्षुरसमं युतम्| द्राक्षारसं वा संसर्गी तर्पणादिः परं हितम्| तथाग्निर्दीप्यते तस्य दोषशेषान्नपाचकः||११||
🔊 Audio coming soon
কফপিত্তমিত্যাদি সুবোধম্| সংসর্গী শোধনক্রমাখ্যা তর্পণাদিকা হিতা| তর্পণাঃ সক্তবঃ পেযাস্থানে তত্র যোজ্যাঃ ন তু পেযাঃ| তথা শোধনসংসর্গীক্রমেণাগ্নির্দীপ্যতে যোঽগ্নির্দোষশেষমন্নং চ পচতি||১১||
Adhikarana kAsAdiyukte cikitsA (12) · Śloka 12
কাসে সরক্তনিষ্ঠীবে পার্শ্বস্তনরুজাসু চ| তৃষ্ণাযাং সবিদাহাযাং সোত্ক্লেশে হৃদযোরসি| গুডূচীভদ্রমুস্তানাং পটোলস্যাথবা রসম্| সনাগরং যোজযেত তিত্তিরিপ্রতিভোজনম্||১২||
कासे सरक्तनिष्ठीवे पार्श्वस्तनरुजासु च| तृष्णायां सविदाहायां सोत्क्लेशे हृदयोरसि| गुडूचीभद्रमुस्तानां पटोलस्याथवा रसम्| सनागरं योजयेत तित्तिरिप्रतिभोजनम्||१२||
🔊 Audio coming soon
কাসাদিকে গুডূচ্যাদীনাং ক্বাথঃ সনাগরঃ| ভোজনং তিত্তিরিণাং রসাদিপ্রযুক্তেন||১২||
Adhikarana tRuShNAyukte cikitsA (13) · Śloka 13
তৃষ্যতে চাতিবলবদ্বাতপিত্তে সমুদ্ধতে| দদ্যাদ্ দ্রাক্ষারসং পানং শীতং দোষানুলোমনম্| জীর্ণেঽদ্যান্মধুরাম্লেন ছাগমাংসরসেন চ| তৃষ্যল্পশঃ পিবেন্মদ্যং মদং রক্ষন্ বহূদকম্| মুস্তদাডিমলাজাম্বু জলং বা পর্ণিনীশৃতম্| পারস্যুত্পলকন্দৈর্বা স্বভাবাদেব বা হিমম্||১৩||
तृष्यते चातिबलवद्वातपित्ते समुद्धते| दद्याद् द्राक्षारसं पानं शीतं दोषानुलोमनम्| जीर्णेऽद्यान्मधुराम्लेन छागमांसरसेन च| तृष्यल्पशः पिबेन्मद्यं मदं रक्षन् बहूदकम्| मुस्तदाडिमलाजाम्बु जलं वा पर्णिनीशृतम्| पारस्युत्पलकन्दैर्वा स्वभावादेव वा हिमम्||१३||
🔊 Audio coming soon
তৃষ্যত ইতি সুবোধম্| জীর্ণ ইতি দ্রাক্ষারসে| তৃষি সত্যাং অল্পমল্পং মদ্যং পিবেত্| যদা পিবেত্তদা বহুনোদকেন যুক্তং পিবেত্| মদং রক্ষন্ মুস্তাদ্যম্বুনা পর্ণিনীচতুষ্টযকৃতং বা জলম্| কেবলমেব বা স্বভাবশীতম্||১৩|
Adhikarana tRuShANAtivRuddhau tasya samprAptiH cikitsA ca (14) · Śloka 14
মদ্যাতিপানাদব্ধাতৌ ক্ষীণে তেজসি চোদ্ধতে| যঃ শুষ্কগলতাল্বোষ্ঠৌ জিহ্বাং নিষ্ক্রম্য বেষ্টতে| পাযযেত্ কামতোঽম্ভস্তং নিশীতপবনাহতম্| কোলদাডিমবৃক্ষাম্লচুক্রীকাচুক্রিকারসঃ| পঞ্চাম্লকো মুখালেপঃ সদ্যতৃষ্ণাং নিযচ্ছতি||১৪||
मद्यातिपानादब्धातौ क्षीणे तेजसि चोद्धते| यः शुष्कगलताल्वोष्ठौ जिह्वां निष्क्रम्य वेष्टते| पाययेत् कामतोऽम्भस्तं निशीतपवनाहतम्| कोलदाडिमवृक्षाम्लचुक्रीकाचुक्रिकारसः| पञ्चाम्लको मुखालेपः सद्यतृष्णां नियच्छति||१४||
🔊 Audio coming soon
মদ্যাতিপানাদিত্যাদি সুবোধম্| কামতো যথেচ্ছং তমাতুরমম্ভঃ পযযেদ্রাত্রৌ প্রবাতস্থিতম্| কোলদিকো মুখালেপো নাম্না পঞ্চাম্লকস্তৃষ্ণাং সদ্যো নিযচ্ছতি||১৪||
Adhikarana pAnAtyayajadAhasamprAptiH tasya saMprAptiH (15) · Śloka 15
ত্বচং প্রাপ্তশ্চ পানোষ্মা পিত্তরক্তাভিমূর্চ্ছিতঃ| দাহং প্রকুরুতে ঘোরং বিহ্বলো যেন মুহ্যতি||১৫||
त्वचं प्राप्तश्च पानोष्मा पित्तरक्ताभिमूर्च्छितः| दाहं प्रकुरुते घोरं विह्वलो येन मुह्यति||१५||
🔊 Audio coming soon
পানকৃত ঊষ্মা পিত্তরক্তাভ্যাং মিশ্রিতঃ সন্ ত্বচং প্রাপ্তো ঘোরং দাহং প্রকুরুতে| যেন দাহেন বিহ্বলো যেন মুহ্যতি||১৫||
Adhikarana tatra cikitsAkramaH (16) · Śloka 16
তৃষ্ণাদাহপরীতস্য তস্য দাহজ্বরাপহম্| বিধিং যথোক্তং যুঞ্জীত বাহ্যান্তঃ পরিমার্জনম্||১৬||
तृष्णादाहपरीतस्य तस्य दाहज्वरापहम्| विधिं यथोक्तं युञ्जीत बाह्यान्तः परिमार्जनम्||१६||
🔊 Audio coming soon
তস্য তৃষ্ণযা দাহেন চ পরীতস্য যথোক্তং বাহ্যান্তঃ পরিমার্জনং দাহজ্বরহরং বিধিং কুর্বীত||১৬||
Adhikarana candanasya dAhanASakatvam (17) · Śloka 17
প্রভাতমারুতোদ্ধূতাঃ প্রালেযজলবর্ষিণঃ| স্মর্যমাণা অপি ঘ্নন্তি দাহং মলযপাদপাঃ||১৭||
प्रभातमारुतोद्धूताः प्रालेयजलवर्षिणः| स्मर्यमाणा अपि घ्नन्ति दाहं मलयपादपाः||१७||
🔊 Audio coming soon
মলযগিরৌ যে চন্দনাদযঃ পাদপাঃ তে স্মর্যমাণা অপি দাহং ঘ্নন্তি| কিম্ভূতাঃ প্রভাতমারুতেন নিশান্তবাতেনোদ্ধূতাঃ কম্পিতাস্তথা প্রালেযজলমবশ্যাযাম্ভো যে বর্ষন্তি তে তথাবিধাঃ||১৭||
Adhikarana muktAkalApAdInAM tRuDdAhAdinASanatvam (18) · Śloka 18
মুক্তাকলাপাঃ শশিরশ্মিশুভ্রাঃ মৃণালপদ্মোত্পলপত্ররম্যাঃ| সেকাবগাহাঃ সজলাজলার্দ্রা বাতাঃ সুশীতা মণযো মহার্হাঃ| অলিঞ্জরাঃ পদ্মপুটাভিধানাঃ প্রবালবর্ণাহিমবারিপূর্ণাঃ| পরিস্রবন্তো দৃতযোমহান্তঃ পুত্রাঃ প্রিযাদর্পণমণ্ডলানি| নার্যশ্চ নেত্রোত্পলকর্ণপূরা মধ্যং বযঃ কিঞ্চিদিবস্পৃশন্ত্যঃ| মনোনুকূলা হরিচন্দনার্দ্রা স্তৃড্দাহমূর্চ্ছাদবথূঞ্জযন্তি||১৮||
मुक्ताकलापाः शशिरश्मिशुभ्राः मृणालपद्मोत्पलपत्ररम्याः| सेकावगाहाः सजलाजलार्द्रा वाताः सुशीता मणयो महार्हाः| अलिञ्जराः पद्मपुटाभिधानाः प्रवालवर्णाहिमवारिपूर्णाः| परिस्रवन्तो दृतयोमहान्तः पुत्राः प्रियादर्पणमण्डलानि| नार्यश्च नेत्रोत्पलकर्णपूरा मध्यं वयः किञ्चिदिवस्पृशन्त्यः| मनोनुकूला हरिचन्दनार्द्रा स्तृड्दाहमूर्च्छादवथूञ्जयन्ति||१८||
🔊 Audio coming soon
মুক্তাকলাপাদযস্তৃড্দাহাদীন্ জযন্তি| শশিরশ্মিবদ্ধিমরশ্মি কিরণবচ্ছুভ্রাঃ শুক্লাঃ| সেকাবগাহাশ্চ মৃণালাদিভিশ্চিত্রাঃ রম্যাঃ তে চ সজলাঃ বলাহকাঃ| তথা জলার্দ্রা সিক্তাপরা| মহার্হা উত্কৃষ্টাঃ| অলিঞ্জরা মণিকা মহামৃন্মযা জলাধারাঃ| তে চ পক্বত্বাত্ প্রবালবর্ণাঃ| মহান্তশ্চ জলপূর্ণত্বাত্ স্রবন্তো দৃতযঃ| নেত্রাণ্যেবোত্পলানি তান্যেবাযতত্বাত্ কর্ণপূরা যাসাম্| মধ্যং বযঃ কিঞ্চিদিব স্পৃষন্ত্যঃ ঈষদ্বিলসিতনবযৌবনাঃ| দবথুশ্চক্ষুরাদিদাহঃ||১৮||
Adhikarana sindhusmaraNAdikam (19) · Śloka 19
করেণুকাভিঃ পরিবারিতেন বিক্ষোভণং বরণযূথপেন| আস্ফালনং শীকরবর্ষণঞ্চ সিন্ধোঃ স্মরন্দাহতৃষোরগম্যঃ| সরিদ্ধ্রদানাং হিমবদ্যরীণাঞ্চন্দ্রোদযানাং কমলাকরাণাম্| মনোরমান্যাপি কথা প্রবৃত্তদাহঞ্চ তৃষ্ণাঞ্চ নিহন্তি সদ্যঃ||১৯||
करेणुकाभिः परिवारितेन विक्षोभणं वरणयूथपेन| आस्फालनं शीकरवर्षणञ्च सिन्धोः स्मरन्दाहतृषोरगम्यः| सरिद्ध्रदानां हिमवद्यरीणाञ्चन्द्रोदयानां कमलाकराणाम्| मनोरमान्यापि कथा प्रवृत्तदाहञ्च तृष्णाञ्च निहन्ति सद्यः||१९||
🔊 Audio coming soon
তস্য সিন্ধৌস্তস্মাদ্বা সিন্ধোর্বারণযূথপেন করিযূথপতিনা বিক্ষোভণং জলাস্ফালনং করেণ চ শীকরবর্ষণং স্মরন্ পুরুষো দাহতৃষ্ণোরগম্যো ভবতি| কিম্ভূতেন করেণুকাভির্বারণবধূভিঃ পরিবারিতেন| সরিদ্ধ্রদাদীনাং কথা অন্যাশ্চ মনোরমাঃ কথাঃ সদ্যো দাহং তৃষ্ণাঞ্চ নিযচ্ছন্তি| হ্রদঃ নদীপ্রবাহেষ্বন্তরান্তরা মহান্তো দূরাবগাঢাঃ| শিশিরমন্দমন্দসঞ্চারজলাশযাঃ| দরযো গিরিগুহাঃ||১৯||
Adhikarana lAjAdyambupAnam (20) · Śloka 20
লাজোত্পলোশীরকুচন্দনাম্বুশীতাভিধানং মধুশর্করাঢ্যম্| মদ্যোদ্ভবাং পিত্তকৃতাঞ্চ তৃষ্ণাং সদাহশোষাং বিনিহন্তি পীতম্||২০||
लाजोत्पलोशीरकुचन्दनाम्बुशीताभिधानं मधुशर्कराढ्यम्| मद्योद्भवां पित्तकृताञ्च तृष्णां सदाहशोषां विनिहन्ति पीतम्||२०||
🔊 Audio coming soon
লাজাদিমিশ্রমম্বু প্রভূতঘৃতশর্করং নাম্না শীতং মদ্যাদিতৃষ্ণাং নিহন্তি||২০||
Adhikarana priya~ggvAdilepaH (21) · Śloka 21
প্রিযঙ্গুপত্রপ্লবলোধ্সেব্যহ্রীবেরকলেযকনাগপুষ্পৈঃ| শীতাম্বুপিষ্টৈর্নবকর্পরস্থৈস্তৃড্দাহহা সর্বশরীরলেপঃ||২১||
प्रियङ्गुपत्रप्लवलोध्सेव्यह्रीबेरकलेयकनागपुष्पैः| शीताम्बुपिष्टैर्नवकर्परस्थैस्तृड्दाहहा सर्वशरीरलेपः||२१||
🔊 Audio coming soon
প্রিযঙ্গ্বাদিভিঃ শীতাম্বুপিষ্টৈর্নবকর্পরস্থৈশ্চ সর্বশরীরলেপঃ তৃড্দাহহা| পত্রং গন্ধপত্রম্| সেব্যমুশীরম্| কর্পরগ্রহণং বাতাহতিযোগ্যপাত্রোপলক্ষণার্থম্||২১||
Adhikarana sirAvyadhaH (22) · Śloka 22
অশাম্যত্যথবা দাহে রসৈস্তৃপ্তস্য জাঙ্গলৈঃ| শাখাশ্রযাং যথান্যাযং রোহিণীং ব্যধ্যেত্সিরাম্||২২||
अशाम्यत्यथवा दाहे रसैस्तृप्तस्य जाङ्गलैः| शाख़ाश्रयां यथान्यायं रोहिणीं व्यध्येत्सिराम्||२२||
🔊 Audio coming soon
এবমপ্যশাম্যতি দাহে জাঙ্গলৈ রসৈঃ কৃততৃপ্তেঃ পুরুষস্য রোহিণীং শুদ্ধশোণিতবহাং সিরাং শাখাশ্রাযাং ব্যধযেত্| যথান্যাযং সিরাব্যধং শাস্ত্রোক্তেন বিধানেন||২২||
Adhikarana kaPaje madAtyaye cikitsA tatra kramaH (23) · Śloka 23
উল্লেখনোপবাসাভ্যাং বিজযেত কফোল্বণম্||২৩||
उल्लेख़नोपवासाभ्यां विजयेत कफोल्बणम्||२३||
🔊 Audio coming soon
কফোল্বণং তু মদাত্যযমুল্লেখনোপবাসাভ্যাং জযেত্| উল্লেখনং বমনম্| দোষাদ্যপেক্ষযৈতযোরুপযোগঃ||২৩||
Adhikarana jalapAnam (24) · Śloka 24
তৃষিতোঽম্বু পিবেচ্ছীতং মুস্তযা পর্পটেন বা| স্থিরাশুণ্ঠীবলোদীচ্যদুস্পর্শান্যতমেন বা| সিদ্ধমেতচ্চ সর্বেষু পানদোষেষু শস্যতে||২৪||
तृषितोऽम्बु पिबेच्छीतं मुस्तया पर्पटेन वा| स्थिराशुण्ठीबलोदीच्यदुस्पर्शान्यतमेन वा| सिद्धमेतच्च सर्वेषु पानदोषेषु शस्यते||२४||
🔊 Audio coming soon
তৃষিতশ্চ সন্ কফমদাত্যযী মুস্তযা পর্পটকেন বা সিদ্ধমম্বু শীতং পিবেত্| স্থিরাদীনামন্যতমেন বা সিদ্ধম্| এতচ্চাম্বু সর্বত্র মদাত্যযে শুদ্ধস্য দোষশেষে শস্যতে||২৪||
Adhikarana nirAme~ariShTapAnAdi (25) · Śloka 25
নিরামং ক্ষুধিতং কালে পাযযেদ্বহুমাক্ষিকম্| শার্করং মধু বা জীর্ণমরিষ্টং শীধুমেব বা| রূক্ষতর্পণসংযুক্তং যবানীনাগরান্বিতম্||২৫||
निरामं क्षुधितं काले पाययेद्बहुमाक्षिकम्| शार्करं मधु वा जीर्णमरिष्टं शीधुमेव वा| रूक्षतर्पणसंयुक्तं यवानीनागरान्वितम्||२५||
🔊 Audio coming soon
নিরামং মদাত্যযিনং ক্ষুধিতং রূক্ষৈরস্নেহৈস্তর্পণৈর্লাজসক্তুভিঃ সংযুক্তং শার্করং বা জীর্ণং Vবা মধু দ্রাক্ষারসমরিষ্টং সীধুমেব বা বহুনা মাক্ষিকেণ যুক্তং কালে পাযযেত্| তচ্চ সর্বং যবানীনাগরাভ্যাং সমন্বিতম্||২৫||
Adhikarana yUShAdyannam (26) · Śloka 26
যূষেণ যবগোধূমং তনুনাঽল্পেন ভোজযেত্| উষ্ণাম্লকটুতিক্তেন কৌলত্থেনাল্পসর্পিষা| শুষ্কমূলকজৈশ্ছাগৈ রসৈর্বা ধন্বচারিণাম্| সাম্লবেতসবৃক্ষাম্লপটোলীব্যোষদাডিমৈঃ||২৬||
यूषेण यवगोधूमं तनुनाऽल्पेन भोजयेत्| उष्णाम्लकटुतिक्तेन कौलत्थेनाल्पसर्पिषा| शुष्कमूलकजैश्छागै रसैर्वा धन्वचारिणाम्| साम्लवेतसवृक्षाम्लपटोलीव्योषदाडिमैः||२६||
🔊 Audio coming soon
কৌলত্থেন চ যূষেণ তনুনা স্বল্পেন চোষ্ণাদিগুণেনাল্পসর্পিষা যবগোধূমং ভোজযেত্| রসৈর্বা ভোজযেত্| কৈরিত্যাহ- শুষ্কমূলকচ্ছাগকৃতৈর্ধন্বচারিণাং সম্বন্ধিভিঃ||২৬||
Adhikarana mAMsamadyAdyannam (27) · Śloka 27
প্রভূতশুণ্ঠীমরিচহরিতার্দ্রকপেশিকম্| বীজপূররসাদ্যম্লং ভৃষ্টং নীরসবর্তিতম্| করীরকরমর্দাদি রোচিষ্ণু বহুশাবনম্| প্রব্যক্তাষ্টাঙ্গলবণংবিকল্পিতনিমর্দকম্| যথাগ্নি ভক্ষযন্মাংসং মাধবং নিগদং পিবেত্||২৭||
प्रभूतशुण्ठीमरिचहरितार्द्रकपेशिकम्| बीजपूररसाद्यम्लं भृष्टं नीरसवर्तितम्| करीरकरमर्दादि रोचिष्णु बहुशावनम्| प्रव्यक्ताष्टाङ्गलवणंविकल्पितनिमर्दकम्| यथाग्नि भक्षयन्मांसं माधवं निगदं पिबेत्||२७||
🔊 Audio coming soon
তস্মিংশ্চ মদাত্যযে যথাগ্নি মাংসং ভক্ষযন্নিগদং নির্দোষং মাধবং পিবেত্| তচ্চ মাংসং প্রভূতশুণ্ঠ্যাদিকম্| আর্দ্রকপেশিকা আর্দ্রকদলানি| বীজপূররসাদিনা চাম্লম্| ভৃষ্টং ঘৃতে| নীরসবর্তিতং নির্গতো রসোঽস্যেতি নীরসং বর্তিতং বৃত্ততাং যাতং পরিশুষ্কব্যঞ্জনমিতি যাবত্ - ইতি জেজ্জটঃ| নীরসবর্তিতং সমচিক্কণপক্বম্| করীরাদিকং রোচিষ্ণু বহু চ শাবনমুপদংশো যস্মিন্ মাংসে| তথা প্রব্যক্তং প্রভূতমষ্টাঙ্গাখ্যং বক্ষ্যমাণং লবণং যত্র| বিকল্পিতা বিমর্দকা যেন মাংসেন| মাংসহরিতকবর্গাদিনানারসোঽচ্ছাগোধূমবেষ্টিতো বটকাকৃত্যা ছিন্নো নিমর্দক উচ্যতে||২৭||
Adhikarana aShTA~ggalavaNam (28) · Śloka 28
সিতাসৌবর্চলাজাজিতিন্তিণীকাম্লবেতসম্| ত্বগেলামরিচার্ধাংশমষ্টাঙ্গলবণং হিতম্| স্রোতোবিশুদ্ধ্যগ্নিকরং কফপ্রাযে মদাত্যযে||২৮||
सितासौवर्चलाजाजितिन्तिणीकाम्लवेतसम्| त्वगेलामरिचार्धांशमष्टाङ्गलवणं हितम्| स्रोतोविशुद्ध्यग्निकरं कफप्राये मदात्यये||२८||
🔊 Audio coming soon
সিতাদিকমষ্টাঙ্গং লবণাখ্যং কফপ্রাযে মদাত্যযে হিতং স্রোতোবিশুদ্ধ্যগ্নিকরঞ্চ| একো ভাগঃ সিতাদীনাং ততোঽর্ধেন দ্বিতীযস্ত্বগাদীনাম্||২৮||
Adhikarana mRudvIkArAgaH (29) · Śloka 29
কটুস্কন্ধযুতাং শ্বেতাং মৃদ্বীকাং নিষ্কুলীকৃতাম্| রসেন মাতুলুঙ্গস্য কল্কযেদ্দাডিমস্য বা| তযা ক্ষৌদ্রযুতো রাগঃ কৃতো দীপনপাচনঃ||২৯||
कटुस्कन्धयुतां श्वेतां मृद्वीकां निष्कुलीकृताम्| रसेन मातुलुङ्गस्य कल्कयेद्दाडिमस्य वा| तया क्षौद्रयुतो रागः कृतो दीपनपाचनः||२९||
🔊 Audio coming soon
(কটুস্কন্ধযুতামিত্যত্র যুতগ্রহণেন কটুস্কন্ধানামল্পমাত্রত্বং দর্শযতীতি জেজ্জটঃ ) শ্বেতাং মৃদ্বীকাং নিষ্কুলীকৃতাং ত্বগস্থিরহিতাং কটুস্কন্ধেন সংযোজ্য মাতুলুঙ্গরসেন দাডিমরসেন বা কল্কযেত্| তযা কল্কিতযা ক্ষৌদ্রযুতো রাগঃ কৃতো রোচনো দীপনশ্চ ভবতি|
Adhikarana kAravyAH rAgaH (30) · Śloka 30
সৌবর্চলৈলামরিচদীপ্যকাজাজিচোচবত্| কারব্যাঃ কল্পযেদেবং শুক্তং মত্স্যণ্ডিকান্বিতম্| আম্রামলকপেশীভিঃ কুর্যাদ্রাগান্ পৃথক্ পৃথক্| ধান্যসৌবর্চলাজাজী কারবী মরিচাচিতান্| সগুডান্ মধুযুক্তেন ব্যক্তাম্লান্ মরিচোত্কটান্||৩০||
सौवर्चलैलामरिचदीप्यकाजाजिचोचवत्| कारव्याः कल्पयेदेवं शुक्तं मत्स्यण्डिकान्वितम्| आम्रामलकपेशीभिः कुर्याद्रागान् पृथक् पृथक्| धान्यसौवर्चलाजाजी कारवी मरिचाचितान्| सगुडान् मधुयुक्तेन व्यक्ताम्लान् मरिचोत्कटान्||३०||
🔊 Audio coming soon
কারব্যাঃ কল্কেন সৌবর্চলাদিযুতং শুক্তং মত্স্যণ্ডিকান্বিতং রাগং কল্পযেত্| আম্রামলকখণ্ডৈঃ পৃথগ্ধান্যাদ্যন্বিতান্ রাগান্ কল্পযেত্| মধু মাক্ষিকম্| কারবী দ্রাক্ষীবিশেষো যা গোস্তনিকেত্যুচ্যতে- ইতি জেজ্জটঃ||৩০||
Adhikarana udvartanAdyupacArAH (31) · Śloka 31
রূক্ষোষ্ণোদ্বর্তনোদ্ঘর্ষস্নানভোজনলঙ্গনৈঃ| সকামাভিঃ সহ স্ত্রীভির্যুক্ত্যা জাগরণেন চ||৩১||
रूक्षोष्णोद्वर्तनोद्घर्षस्नानभोजनलङ्गनैः| सकामाभिः सह स्त्रीभिर्युक्त्या जागरणेन च||३१||
🔊 Audio coming soon
মদাত্যযঃ কফপ্রাযঃ শীঘ্রং সমুপশাম্যতি| রূক্ষোষ্ণাদিভিঃ কফপ্রাযো মদাত্যযঃ শীঘ্রং সমুপশাম্যতি||৩১||
Adhikarana sannipAtamadAtyaye (32) · Śloka 32
যদিদং কর্ম নির্দিষ্টং পৃথগ্দোষবলং প্রতি| সন্নিপাতে দশবিধে তচ্ছেষেঽপি বিকল্পযেত্||৩২||
यदिदं कर्म निर्दिष्टं पृथग्दोषबलं प्रति| सन्निपाते दशविधे तच्छेषेऽपि विकल्पयेत्||३२||
🔊 Audio coming soon
পৃথগ্বাতাদিদোষবলং প্রতি নির্দিষ্টং যত্ কর্ম তন্মিশ্রীকৃত্য তারতম্যবিকল্পেন চ শেষে দশবিধে সন্নিপাতেঽপি বিকল্পযেত্| পূর্বং হি ত্রযোদশবিধঃ সন্নিপাত উক্তঃ| তত্র একদোষাতিশযেন যঃ সোঽত্র প্রদর্শিতঃ| দ্ব্যতিশযেন ত্রযস্তুল্যাধিকৈশ্চৈকঃ সন্নিপাতঃ তারতম্যবিকল্পনাচ্চ ষট্ত্বমিত্যেতদ্দশকম্||৩২||
Adhikarana trayaH pAnakayogAH (33) · Śloka 33
ত্বঙ্নাগপুষ্পমগধামরিচাজাজিধান্যকৈঃ| পরূষকমধুকৈলাসুরাহ্বৈশ্চ সিতান্বিতৈঃ| সকপিত্থরসং হৃদ্যং পানকং শশিবোধিতম্| মদাত্যযেষু সর্বেষু পেযং রুচ্যগ্নিদীপনম্| তদ্বদ্দাডিমমৃদ্বীকাকণাকাশ্মর্যদারুভিঃ| সবীজপূরকরসৈর্বিডসৌবর্চলান্বিতম্| ফলৈর্বা বিবিধৈরম্লৈঃ সন্নিবৃচ্চূর্ণশর্করম্||৩৩||
त्वङ्नागपुष्पमगधामरिचाजाजिधान्यकैः| परूषकमधुकैलासुराह्वैश्च सितान्वितैः| सकपित्थरसं हृद्यं पानकं शशिबोधितम्| मदात्ययेषु सर्वेषु पेयं रुच्यग्निदीपनम्| तद्वद्दाडिममृद्वीकाकणाकाश्मर्यदारुभिः| सबीजपूरकरसैर्बिडसौवर्चलान्वितम्| फलैर्वा विविधैरम्लैः सन्निवृच्चूर्णशर्करम्||३३||
🔊 Audio coming soon
ত্বগাদিনা শশিবোধিতং নাম পানকম্| শশীকর্পূরম্| দাডিমাদিভিঃ সৌবর্চলান্বিতং দ্বিতীযং পানকম্|বিবিধৈঃ ফলৈস্তৃতীযম্||৩৩||
Adhikarana kacCudArA~gkurAdicUrNam (34) · Śloka 34
কচ্ছুদারাঙ্কুরদ্রাক্ষাবর্ষাভূজীরকদ্বযম্| মধূকযষ্টীত্বক্কৃষ্ণাকেসরং শ্লক্ষ্ণচূর্ণিতম্| পিবেদালোড্য দুগ্ধেন সূক্ষ্মতান্তবগালিতম্||৩৪||
कच्छुदाराङ्कुरद्राक्षावर्षाभूजीरकद्वयम्| मधूकयष्टीत्वक्कृष्णाकेसरं श्लक्ष्णचूर्णितम्| पिबेदालोड्य दुग्धेन सूक्ष्मतान्तवगालितम्||३४||
🔊 Audio coming soon
কচ্ছুদারাঙ্কুরাদিকং দুগ্ধেনালোড্য সূক্ষ্মবস্ত্রগালিতং পিবেত্||৩৪||
Adhikarana madAtyayeShu harShaNI kriyA (35) · Śloka 35
নাক্ষোভ্য হি মনো মদ্যং শরীরমবিহন্য বা| কুর্যান্মদাত্যযং তস্মাদিষ্যতে হর্ষণী ক্রিযা| সেব্যাঃ সর্বেন্দ্রিযসুখা ধর্মকল্পদ্রুমাঙ্কুরাঃ| বিষযাতিশযাঃ পঞ্চ শরাঃ কুসুমধন্বনঃ||৩৫||
नाक्षोभ्य हि मनो मद्यं शरीरमविहन्य वा| कुर्यान्मदात्ययं तस्मादिष्यते हर्षणी क्रिया| सेव्याः सर्वेन्द्रियसुख़ा धर्मकल्पद्रुमाङ्कुराः| विषयातिशयाः पञ्च शराः कुसुमधन्वनः||३५||
🔊 Audio coming soon
সর্বস্মিন্ মদাত্যযে হর্ষণী ক্রিযেষ্যতে যস্মান্মদ্যং মনো নাক্ষোভ্য অপি তু সংক্ষোভ্য মদাত্যযং কুরুতে| শরীরং চাবিহন্যাপি তু বিহন্য উভযত্রাপি হর্ষণী ক্রিযা হিতা| তথা পঞ্চবিষযাণাং শব্দাদীনামতিশযাঃ সেব্যাঃ ত এব পঞ্চ কুসুমচাপস্য শরাঃ| ধর্ম এব কল্পদ্রুমঃ তস্যাঙ্কুরাঃ ফলপ্ররোহাস্তে||৩৫||
Adhikarana madAtyaye kShIraviShayaH (36) · Śloka 36
সংশুদ্ধিশমনাদ্যেষু মদদোষঃ কৃতেষ্বপি| ন চেচ্ছাম্যেত্কফে ক্ষীণে জাতে দৌর্বল্যলাঘবে| তস্য মদ্যবিদগ্ধস্য বাতপিত্তাধিকস্য চ| গ্রীষ্মোপতপ্তস্য তরোর্যথা বর্ষং তথা পযঃ| মদ্যক্ষীণস্য হি ক্ষীরঃ ক্ষীণমাশ্বেব পুষ্যতি| ওজস্তুল্যং গুণৈঃ সর্বৈর্বিপরীতং চ মদ্যতঃ||৩৬||
संशुद्धिशमनाद्येषु मददोषः कृतेष्वपि| न चेच्छाम्येत्कफे क्षीणे जाते दौर्बल्यलाघवे| तस्य मद्यविदग्धस्य वातपित्ताधिकस्य च| ग्रीष्मोपतप्तस्य तरोर्यथा वर्षं तथा पयः| मद्यक्षीणस्य हि क्षीरः क्षीणमाश्वेव पुष्यति| ओजस्तुल्यं गुणैः सर्वैर्विपरीतं च मद्यतः||३६||
🔊 Audio coming soon
সংশুদ্ধীত্যাদিনা ক্ষীরস্য বিষয উচ্যতে| মদ্যেন ক্ষীণস্য পুরুষস্য যত্কিঞ্চিত্ ক্ষীণমোজস্তত্ ক্ষীরং শীঘ্রমেব পুষ্যতি| যতস্তত্ক্ষীরমোজসো গুণৈঃ সর্বৈস্তুল্যং মদ্যস্য চ বিপরীতম্||৩৬||
Adhikarana tataH krameNa madyasevanam (37) · Śloka 37
পযসা বিহতে রোগে বলে জাতে নিবর্তযেত্| ক্ষীরপ্রযোগং মদ্যং চ ক্রমেণাল্পাল্পমাচরেত্| ন বিক্ষযধ্বংসকোত্থৈঃ স্পৃশেতোপদ্রবৈর্যথা| তযোস্তু স্যাত্ ঘৃতং ক্ষীরং বস্তযো বৃংহণাঃ শিবাঃ| অভ্যঙ্গোদ্বর্তনস্নানান্যন্নপানং চ বাতজিত্||৩৭||
पयसा विहते रोगे बले जाते निवर्तयेत्| क्षीरप्रयोगं मद्यं च क्रमेणाल्पाल्पमाचरेत्| न विक्षयध्वंसकोत्थैः स्पृशेतोपद्रवैर्यथा| तयोस्तु स्यात् घृतं क्षीरं बस्तयो बृंहणाः शिवाः| अभ्यङ्गोद्वर्तनस्नानान्यन्नपानं च वातजित्||३७||
🔊 Audio coming soon
ততঃ ক্ষীরেণ মদ্যরোগে বিহতে বলে চ জাতে ক্ষীরপ্রযোগং ক্রমেণ নিবর্তযেত্ ক্রমেণৈব চাল্পাল্পং মদ্যমাচরেত্| সহসা মদ্যপানাত্ ধ্বংসকবিক্ষযোপদ্রবোদ্ভবঃ| তযোস্তু ধ্বংসকবিক্ষযযোর্ঘৃতাদিকং বাতজিত্ স্যাত্||৩৭||
Adhikarana yuktamadyasevanam (38) · Śloka 38
যুক্তমদ্যস্য মদ্যোত্থো ন ব্যাধিরুপজাযতে| অতোঽস্য বক্ষ্যতে যোগো যঃ সুখাযৈব কেবলম্||৩৮||
युक्तमद्यस्य मद्योत्थो न व्याधिरुपजायते| अतोऽस्य वक्ष्यते योगो यः सुख़ायैव केवलम्||३८||
🔊 Audio coming soon
উপযুক্তমদ্যস্য পুংসো মদ্যোত্থো ব্যাধির্নোপজাযত এব যতোঽতঃ কারণাদস্য মদ্যস্য যোগো বক্ষ্যতে যঃ সুখাযৈব কেবলম্||৩৮||
Adhikarana madyapraSaMsA (39) · Śloka 39
আশ্বিনং যা মহত্তেজো বলে সারস্বতং চ যা| দধাত্যৈন্দ্রং চ যা বীর্যং প্রভাবং বৈষ্ণবঞ্চ যা| অস্ত্রং মকরকেতোর্যা পুরুষার্থো বলস্য যা| সৌত্রামণ্যাং দ্বিজমুখে হুতাশে হূতযে চ যা| যা সর্বৌষধিসম্পূর্ণান্মথ্যমানাত্সুরাসুরৈঃ| মহোদধেঃ সমুদ্ভূতা শ্রীশশাঙ্কামৃতৈঃ সহ| মধুমাধবমৈরেযসীধুগৌডাসবাদিভিঃ| মদশক্তিমনুজ্ঞন্তী যা রূপৈর্বহুভিঃ স্থিতা| যামাস্বাদ্য বিলাসিন্যো যথার্থং নাম বিভ্রতি| কুলাঙ্গনাপি যাং পীত্বা নযত্যুদ্ধতমানসা| অনঙ্গালিঙ্গিতৈরঙ্গৈঃ ক্বাপি চেতো মুনেরপি| তরঙ্গভঙ্গভ্রুকুটীতর্জনৈর্মানিনীমনঃ| একং প্রসাদ্য কুরুতে যা দ্বযোরপি নির্বৃতিম্| যথাকামভটাবাপ্তিপরিহৃষ্টাপ্সরোগণে| তৃণবত্পুরুষা যুদ্ধে যামাস্বাদ্য জহত্যসূন্| যাং শীলযিত্বাপি চিরং বহুধা বহুবিগ্রহাম্| নিত্যং হর্ষাতিবেগেন তত্ পূর্বমিব সেবতে| শোকোদ্বেগরতিভযৈর্যা দৃষ্ট্বা নাভিভূযতে| গোষ্ঠীমহোত্সবোদ্যানং ন যস্যাঃ শোভতে বিনা| স্মৃত্বা স্মৃত্বা চ বহুশো বিযুক্তঃ শোচতে যযা| অপ্রসন্নাপি যা প্রীত্যৈ প্রসন্না স্বর্গ এব যা| অপীন্দ্রং মন্যতে দুস্স্থং হৃদযস্থিতযা যযা| অনির্দেশ্যসুখাস্বাদা স্বসংবেদ্যৈব যা পরম্| ইতি চিত্রাস্ববস্থাসু প্রিযামনুকরোতি যা| প্রিযাতিপ্রিযতাং যাতি যত্প্রিযস্য বিশেষতঃ| যা প্রীতির্যা রতির্যা বাগ্যা পুষ্টিরিতি চ স্তুতা| দেবদানবগন্ধর্বযক্ষরাক্ষসমানুষৈঃ| পানপ্রবৃতৌ সত্যাং তু তাং সুরাং বিধিনা পিবেত্||৩৯||
आश्विनं या महत्तेजो बले सारस्वतं च या| दधात्यैन्द्रं च या वीर्यं प्रभावं वैष्णवञ्च या| अस्त्रं मकरकेतोर्या पुरुषार्थो बलस्य या| सौत्रामण्यां द्विजमुख़े हुताशे हूतये च या| या सर्वौषधिसम्पूर्णान्मथ्यमानात्सुरासुरैः| महोदधेः समुद्भूता श्रीशशाङ्कामृतैः सह| मधुमाधवमैरेयसीधुगौडासवादिभिः| मदशक्तिमनुज्ञन्ती या रूपैर्बहुभिः स्थिता| यामास्वाद्य विलासिन्यो यथार्थं नाम बिभ्रति| कुलाङ्गनापि यां पीत्वा नयत्युद्धतमानसा| अनङ्गालिङ्गितैरङ्गैः क्वापि चेतो मुनेरपि| तरङ्गभङ्गभ्रुकुटीतर्जनैर्मानिनीमनः| एकं प्रसाद्य कुरुते या द्वयोरपि निर्वृतिम्| यथाकामभटावाप्तिपरिहृष्टाप्सरोगणे| तृणवत्पुरुषा युद्धे यामास्वाद्य जहत्यसून्| यां शीलयित्वापि चिरं बहुधा बहुविग्रहाम्| नित्यं हर्षातिवेगेन तत् पूर्वमिव सेवते| शोकोद्वेगरतिभयैर्या दृष्ट्वा नाभिभूयते| गोष्ठीमहोत्सवोद्यानं न यस्याः शोभते विना| स्मृत्वा स्मृत्वा च बहुशो वियुक्तः शोचते यया| अप्रसन्नापि या प्रीत्यै प्रसन्ना स्वर्ग एव या| अपीन्द्रं मन्यते दुस्स्थं हृदयस्थितया यया| अनिर्देश्यसुख़ास्वादा स्वसंवेद्यैव या परम्| इति चित्रास्ववस्थासु प्रियामनुकरोति या| प्रियातिप्रियतां याति यत्प्रियस्य विशेषतः| या प्रीतिर्या रतिर्या वाग्या पुष्टिरिति च स्तुता| देवदानवगन्धर्वयक्षराक्षसमानुषैः| पानप्रवृतौ सत्यां तु तां सुरां विधिना पिबेत्||३९||
🔊 Audio coming soon
আশ্বিনমিত্যাদেস্তাং সুরাং বিধিনা পিবেদিত্যনেন সম্বন্ধঃ| এবমিতিহাসেষু শ্রূযতে যথা কিল সুরযা অশ্বিভ্যাং স্বতেজো দত্তম্| সরস্বত্যা চ বলম্| ইন্দ্রেণ বীর্যম্| বিষ্ণুনা প্রভাবঃ| যা চ সুরা মকরকেতোঃ কামস্যাস্ত্রং; বলস্য চ হলভৃতো যা পুরুষার্থঃ| যা চ সৌত্রামণ্যাধ্বরে দ্বিজমুখে ব্রাহ্মণপ্রত্যক্ষমগ্নৌ হূযতে| যা চ মহোদধেঃ সর্বৌষধিসম্পূর্ণাত্ সুরাসুরৈর্মথ্যমানাত্ শ্য্রাদিভিঃ সহোত্পন্না| যা চ মধ্বাদিভির্বহুভী রূপৈর্মদশক্তিমনুজ্ঝন্তি স্থিতা| যাং চাস্বাদ্য বিলাসিন্যঃ কত্রর্যো বিলাসিনীতি নাম যথার্থং বিভ্রতি| সুরযা বিলাসস্যাগমনাত্| যাং সুরাং পীত্বা কুলাঙ্গনাপি লজ্জাদিমত্বাদললিতাপি মুনেরভ্যস্তধৈর্যস্যাপি ক্বাপি চেতো নযত্যনঙ্গেন কামেনালিঙ্গিতৈরঙ্গৈঃ করণভূতৈঃ| যা চ সুরা একং মানিনীমনঃ প্রসাদ্য দ্বযোরপি মানিনীবল্লভযোর্নিবৃতিং কুরুতে| অতিনিবেডমানাবষ্টম্ভপরবশাপ্যাস্বাদিতকাদম্বরীরসা মানং পৃষ্ঠতঃ কৃত্বা অবধীরিতপূর্বমপি প্রযাংসং প্রার্থযিতুং যততে| যত্র চৈবমুত্প্রেক্ষ্যতে যস্যাঃ সুরাযা যে তরঙ্গভাসৈব ভ্রুকুটী তযা তর্জনেন সখীব সখ্যা বল্লভাবধীরণানুতাপভিযেব মানিন্যা মানমবধীর্য মনঃ প্রসাদযতি| তযা চ প্রসন্নমনসা দ্বিতীযো মানিন্যা মানমবধীর্য মনঃ প্রসাদযতি| তযা চ প্রসন্নমনসা দ্বিতীযো নির্বৃতিমাসাদযতি| তদিদং সুরাযা মহত্ কৌশলম্| যদেকত্র প্রসাদমাপাদ্যান্যত্র নির্বৃতিমাপ্নোতি| যাং চ সুরামাস্বাদ্য যুদ্ধে পুরুষস্তৃণবদসূন্ প্রাণাংস্ত্যজন্তি| কিম্ভূতে যুদ্ধে আহ-যথেত্যাদি| যথাকামং যথেচ্ছং যা ভটানামবাপ্তিস্তযা পরিহৃষ্টোঽপ্সরোগণো যস্মিন্যুদ্ধে| ইতি চিত্রাবস্বস্থাসু প্রিযামনুকরোতি যেতি বক্ষ্যমাণত্বাত্সর্বত্রাপীতঃপ্রভৃতি প্রিযাযাঃ সুরাযাশ্চ শ্লেষঃ| তথা চ যেনৈব প্রিযা আস্বাদিতা ভবতি স এবাপ্সরোবিষযেঽতিশযং পশ্যংস্তল্লাভোপাযে যুদ্ধে তৃণবদসূংস্ত্যজতি| যাং সুরাং বহুধা মধ্বাদিনা বহুবিগ্রহাং চিরং শীলযিত্বাপি পুরুষো নিত্যং তাম্ অপূর্বমিব সেবতে| সদৈবাভিনবামেবাতিপ্রিযত্বাজ্জানাতীত্যর্থঃ| প্রিযপি বহুধা রতিপ্রযোগৈর্বহুবিগ্রহানেকশঃ কৃতপ্রণযকলহাপি নিত্যং হর্ষাতিবেগেনাভিনবেব সেব্যতে| যাঞ্চ সুরাং দৃষ্ট্বা শোকাদিভির্নাভিভূযতে| প্রিযামপি দৃষ্ট্বা শোকাদিভির্নাভিভূযতে| দর্শনাভিভবযোঃ শোকাদয এবং কর্ত্তৃত্বেন নীযন্তে যেন সমানকর্ত্তৃকত্বং ভবতি| তত্সন্নিধানে শোকাদযো ন ভবন্তীতি তাত্পর্যম্| যস্যাশ্চ সুরাযা বনা গোষ্ঠ্যাদিকং ন শোভতে| প্রিযযা বা বিনা ন শোভতে| যযা চ সুরযা বিযুক্তস্তাং স্মৃত্বাঽঽত্মানাং শোচতে প্রিযযা বিযুক্তশ্চ শোযতে| যা সুরা অপ্রসন্নাপি ঘনাপি প্রীত্যৈ ভবতি| প্রসন্না চ স্বর্গ এব| প্রিযাপ্যকৃতপ্রসাদাপি প্রীত্যৈ ভবতি| প্রসন্না পুনঃ স্বর্গ এব| যথা চ সুরযা হৃদযস্থিতযা পীতযা পুরুষ ইন্দ্রমপি দুঃস্থং মন্যতে আত্মানমেব সুস্থম্| তদ্বত্ প্রিযযাপি হৃদযস্থিতযা মনসি গৃহীতযা| যা চ সুরা অনির্দেশ্য সুখাস্বাদা সুখমাস্বাদশ্চ যস্যাঃ পরস্য নির্দেষ্টুমিদন্তযা ন পার্যতে| প্রিযাঽপ্যেবম্| যা চ সুরা পরং স্বসংবেদ্যৈব| প্রিযাপি তদ্বত্| ইত্যেবমনন্তরোক্তপ্রকারেণ চিত্রাসু বিছিত্রাস্ববস্থাসু যা সুরা প্রিযামনুকরোতি তাং সুরাং বিধিনা পিবেদিতি সুরযাঃ প্রত্যবমর্শঃ| যস্য হি সুরা প্রিযা তস্য পীতমাত্রাযামেব তস্যাং বল্লভাপি নিতরাং বল্লভাত্বং যাতি| প্রীত্যাদিশব্দৈশ্চ যা দেবাদিভিঃ স্তুতা| তাং সুরাং মদ্যপানপ্রবৃত্তৌ সত্যাং পিবেদ্বক্ষ্যমাণেন বিধিনা; ন তু যথেচ্ছম্||৩৯||
Adhikarana medorogasya vidhipItayA surayA nivRuttiH (40) · Śloka 40
সম্ভবন্তি ন তে রোগা মেদানিলকফোদ্ভবাঃ| বিধিযুক্তাদৃতে মদ্যাদ্যে ন সিদ্ধ্যন্তি দারুণাঃ||৪০||
सम्भवन्ति न ते रोगा मेदानिलकफोद्भवाः| विधियुक्तादृते मद्याद्ये न सिद्ध्यन्ति दारुणाः||४०||
🔊 Audio coming soon
কিং তযা সুরযা বিধিনা পীতযা ভবতীত্যাহ-সম্ভবন্তীত্যাদি| যে রোগা মেদোপ্রভৃতিজা দারুণাস্তে বিধিযুক্তান্মদ্যাদৃতে দ্রব্যান্তরেণ ন সিদ্ধ্যন্তি| বিধিযুক্তেন মদ্যেনৈব সিদ্ধ্যন্তি| তে রোগা বিধিবিপরীতযা সুরযা ন সম্ভবন্তি ন জাযন্তে||৪০||
Adhikarana vidhiyuktamadyapAne~apavAdaH (41) · Śloka 41
অস্তি দেহস্য সাঽবস্থা যস্যাং পানং নিবার্যতে| অন্যত্র মদ্যান্নিগদাদ্বিবিধৌষধসম্ভৃতান্||৪১||
अस्ति देहस्य साऽवस्था यस्यां पानं निवार्यते| अन्यत्र मद्यान्निगदाद्विविधौषधसम्भृतान्||४१||
🔊 Audio coming soon
এবংবিধমপি বিধিযুক্তং পানং ন সর্বত্র প্রযোজ্যমিতি প্রদর্শনার্থমাহ-অস্তীত্যাদি| সুবোধম্||৪১||
Adhikarana madyasaMskArAH (42) · Śloka 42
আনূপং জাঙ্গলং মাংসং বিধিনাঽপ্যুপকল্পিতম্| মদ্যং সহাযমপ্রাপ্য সম্যক্ পরিণমেত্কথম্| সুতীব্রমারুতব্যাধিঘতিনো লশুনস্য চ| মদ্যমাংসবিযুক্তস্য প্রযোগে স্যাক্তিযান্ গুণঃ| নিগূঢশল্যাহরণে শস্ত্রক্ষারাগ্নিকর্মণি| পীতমদ্যো বিষহতে সুখং বৈদ্যবিকত্থনাম্| অনলোত্তেজনং রুচ্যং শোকশ্রমবিনাশনম্| ন চাতঃ পরমস্ত্যন্যদারোগ্যবলপুষ্টিকৃত্||৪২||
आनूपं जाङ्गलं मांसं विधिनाऽप्युपकल्पितम्| मद्यं सहायमप्राप्य सम्यक् परिणमेत्कथम्| सुतीव्रमारुतव्याधिघतिनो लशुनस्य च| मद्यमांसवियुक्तस्य प्रयोगे स्याक्तियान् गुणः| निगूढशल्याहरणे शस्त्रक्षाराग्निकर्मणि| पीतमद्यो विषहते सुख़ं वैद्यविकत्थनाम्| अनलोत्तेजनं रुच्यं शोकश्रमविनाशनम्| न चातः परमस्त्यन्यदारोग्यबलपुष्टिकृत्||४२||
🔊 Audio coming soon
আনূপেত্যাদিনা মদ্যসংস্কারা উচ্যন্তে| মদ্যেন সহাযেন মাংসং সম্যক্ পরিণতিং যাতীতি তাত্পর্যার্থঃ| মহাগুণস্য চ লশুনস্য মদ্যমাংসসংযুক্তস্যৈব সফলত্বম্| নিগূঢস্য দেহে দূরপ্রাপ্তস্যাদৃশ্যস্য শল্যস্যাহরণে শস্ত্রাদিকর্মণি বৈদ্যবিকত্থনাং বৈদ্যকদর্থনাং পীতমদ্য এব সুখং বিষহতে সাধু সোঢুং শক্নোতি সুবোধম্| অত ইতি মদ্যান্||৪২||
Adhikarana jIvitaM rakShatA madyaM peyam (43) · Śloka 43
রক্ষতা জীবিতং তস্মাত্পেযমাত্মবতা সদা| আশ্রিতোপাশ্রিতহিতং পরমং ধর্মসাধনম্||৪৩||
रक्षता जीवितं तस्मात्पेयमात्मवता सदा| आश्रितोपाश्रितहितं परमं धर्मसाधनम्||४३||
🔊 Audio coming soon
তস্মান্মদ্যমাত্মবতা বুদ্ধিমতা জীবিতে রক্ষাং কুর্বতা সদা পেযম্| মদ্যে ত্বনেকধা জীবিতাপায আশঙ্ক্যতে| আশ্রিতেত্যাদি মদ্যবিশেষণম্| আশ্রিতা উপকৃতা ভৃত্যবান্ধবাদ্যাঃ| উপাশ্রিতাঃ আশ্রিতাশ্রিতাঃ||৪৩||
Adhikarana vasumatAM madyapAnavidhiH (44) · Śloka 44
স্নাতঃ প্রণম্য সুরবিপ্রগুরূন্যথাস্বং বৃত্তিং বিধায চ সমস্তপরিগ্রহস্য| আপানভূমিমথ গন্ধজলভিষিক্তামাহারমণ্ডপসমীপগতাং শ্রযেত| স্বাতৃতেঽথ শযনে কমনীযে মিত্রভৃত্যরমণীসমবেতঃ| স্বং যশঃ কথকচারণসঙ্ঘৈরুদ্ধতং নিশমযন্নতিলোকম্| বিলাসিনীনাঞ্চ বিলাসশোভিগীতং সনৃত্তং কলতূর্যঘোষৈঃ| কাঞ্চীকলাপৈশ্চলকিঙ্কিণীকৈঃ ক্রীডাবিহঙ্গৈশ্চ কৃতানুনাদম্| মণিকনকসমুত্যৈরাবনেযৈর্বিচিত্রৈঃ সজলবিবিধভক্তিক্ষৌমবস্ত্রাবৃতাঙ্গৈঃ| অপি মুনিজনচিত্তক্ষোভসম্পাদনীভিশ্চকিতহরিণলোলপ্রেক্ষণীভিঃ প্রিযাভিঃ| স্তননিতম্বকৃতাদতিগৌরবাদলসমাকুলমীশ্বরসংশ্রযাত্| ইতি গতং দধতীভিরসংস্থিতং তরুণচিত্তবিলোভনকার্মণম্| যৌবনাসবমত্তাভির্বিলাসাধিষ্ঠিতাত্মভিঃ| সঞ্চার্যমাণং যুগপত্তন্বঙ্গীভিরিতস্ততঃ| তালবৃন্তনলিনীদলানিলৈঃ শীতলীকৃতমতীব শিতলৈঃ| দর্শনেঽপি বিদধদ্বশানুগং স্বাদিতং কিমুত চিত্তজন্মনঃ| চূতরসেন্দুমৃগৈঃ কৃতবাসং মল্লিকোজ্জ্বলতযা চ সনাথম্| স্ফটিকশুক্তিগতং সতরঙ্গং কান্তমনঙ্গমিবোদ্বহদঙ্গম্| তালীসাদ্যং চূর্ণমেলাদিকং বা হৃদ্যং প্রাশ্য প্রাগ্বযঃস্থাপনং বা| তত্প্রার্থিভ্যো ভূমিভাগে সুমৃষ্টে তোযোন্মিশ্রং দাপযিত্বা ততশ্চ| ধৃতিমান্ স্মৃতিমান্ নিত্যমনূনাধিকমাচরন্| উচিতেনোপচারেণ সর্বমেবোপপালযন্| জিতবিকসিতাসিতসরোজনযনসঙ্ক্রান্তিবর্ধিতশ্রীকম্| কান্তামুখমিব সৌরভহৃতমধুপগণং পিবেন্মদ্যম্||৪৪||
स्नातः प्रणम्य सुरविप्रगुरून्यथास्वं वृत्तिं विधाय च समस्तपरिग्रहस्य| आपानभूमिमथ गन्धजलभिषिक्तामाहारमण्डपसमीपगतां श्रयेत| स्वातृतेऽथ शयने कमनीये मित्रभृत्यरमणीसमवेतः| स्वं यशः कथकचारणसङ्घैरुद्धतं निशमयन्नतिलोकम्| विलासिनीनाञ्च विलासशोभिगीतं सनृत्तं कलतूर्यघोषैः| काञ्चीकलापैश्चलकिङ्किणीकैः क्रीडाविहङ्गैश्च कृतानुनादम्| मणिकनकसमुत्यैरावनेयैर्विचित्रैः सजलविविधभक्तिक्षौमवस्त्रावृताङ्गैः| अपि मुनिजनचित्तक्षोभसम्पादनीभिश्चकितहरिणलोलप्रेक्षणीभिः प्रियाभिः| स्तननितम्बकृतादतिगौरवादलसमाकुलमीश्वरसंश्रयात्| इति गतं दधतीभिरसंस्थितं तरुणचित्तविलोभनकार्मणम्| यौवनासवमत्ताभिर्विलासाधिष्ठितात्मभिः| सञ्चार्यमाणं युगपत्तन्वङ्गीभिरितस्ततः| तालवृन्तनलिनीदलानिलैः शीतलीकृतमतीव शितलैः| दर्शनेऽपि विदधद्वशानुगं स्वादितं किमुत चित्तजन्मनः| चूतरसेन्दुमृगैः कृतवासं मल्लिकोज्ज्वलतया च सनाथम्| स्फटिकशुक्तिगतं सतरङ्गं कान्तमनङ्गमिवोद्वहदङ्गम्| तालीसाद्यं चूर्णमेलादिकं वा हृद्यं प्राश्य प्राग्वयःस्थापनं वा| तत्प्रार्थिभ्यो भूमिभागे सुमृष्टे तोयोन्मिश्रं दापयित्वा ततश्च| धृतिमान् स्मृतिमान् नित्यमनूनाधिकमाचरन्| उचितेनोपचारेण सर्वमेवोपपालयन्| जितविकसितासितसरोजनयनसङ्क्रान्तिवर्धितश्रीकम्| कान्तामुख़मिव सौरभहृतमधुपगणं पिबेन्मद्यम्||४४||
🔊 Audio coming soon
তচ্চ মদ্যমেবং পিবেদিতি প্রদর্শনার্থমাহ-স্নাত ইত্যাদি| সর্বস্য পরিগ্রহস্য যথাস্বং বৃত্তিং বিধায, ন তু ভৃত্যাদেরসংবিভজ্য| এতত্কৃত্বা প্রথমেবাপানভূমিমাশ্রযেত্| কিম্ভূতামাহ-গন্ধজলাভিষিক্তামাহারমণ্ডপনিকটবর্তিনীম্| অথ স্বাতৃতে শযনে স্থিত ইদমিদং কুর্বন্ পিবেত্| কমনীযে কান্তে| স্বং যশো নিশমযন্ মনসা গৃহ্ণন্| উত্কর্ষেণ লোকমতিক্রান্তমতিলোকম্| বিলাসিনীনাঞ্চ সনৃত্তাদিকং গীতং নিশমযন্| তচ্চ গীতং কাঞ্চীকলাপাদিভিঃ কৃতানুনাদম্| তচ্চ মদ্যমেবংবিধমেবংবিধাভিস্তন্বঙ্গীভিঃ সঞ্চার্যমাণম্| কিম্ভূতং মদ্যমাহ-মণীত্যাদি| আবরেযৈর্ভাণ্ডবিশেষৈর্মণিমযৈঃ কনকমযৈর্বা| বিচিত্রৈঃ রমণীযসংস্থানাদিভিঃ| অন্যচ্চ কিম্ভূতৈরাবরেযৈঃ সজলানি জলার্দ্রাণি বিবিধভক্তীনি নানিবিধরচিতশকুনিপত্রাদিবিচ্ছেদানি যানি ক্ষৌমাণি তৈরাচ্ছাদিতশরীরৈঃ| কিম্ভূতাভিস্তন্বঙ্গীভিঃ অপি মুনিজনচিত্তক্ষোভসম্পাদনীভিস্তথা চকিতহরিণবত্ লোলপ্রেক্ষণীভি- শ্চঞ্চলপ্রেক্ষণীভিস্তথা প্রিযাভিস্তাভিশ্চ তন্বঙ্গীভির্গতং দধতীভির্গমনং ধারযন্তীভিঃ| কিম্ভূতং স্তনাভ্যাং নিতম্বেন চ যত্কৃতং দেহস্য গৌরবং তেনালসম্| ঈশ্বরহেতুকাচ্চ সম্ভ্রমাদাকুলম্| তথা অসংস্থিতমনেকরূপম্| তরুণচিত্তস্য বিলোভনে কার্মণং বশীকরণপ্রযোগম্| যৌবনমেব মদহেতুত্বাদাসবস্তেন মত্তাভিস্তন্বঙ্গীভিস্তথা বিলাসেনাধিষ্ঠিত আত্মা স্বভাবো যাসাং তাভির্যুগপদ্বহ্বীভিঃ| তচ্চ মদ্যং তালবৃন্তাদ্যনিলৈশ্চন্দনাদ্যম্বুসংযোগাদতীব শীতলৈঃ শিতলী-কৃতম্| তালবৃন্তং ব্যজনম্| তথা যন্মদ্যং দর্শনমাত্রেঽপি চিত্তজন্মনঃ কামস্য সর্বং বশানুগং বিদধত্| কিমুত স্বাদিতম্| চূতরসাদিভিঃ কৃতবাসনম্| চূতরসঃ সহকারঃ| ইন্দুঃ কর্পূরম্| মৃগঃ কস্তূরিকা| মল্লিকা প্রসিদ্ধঃ পুষ্পবিশেষঃ| তত্কান্তং মদ্যমনঙ্গমিব কামমিবোদ্বহদঙ্গং সশরীরম্| সুবোধম্| বযঃস্থাপনং যত্কিঞ্চিজ্জরাপহারকৃত্| ততোঽনন্তরমিদং কৃত্বৈব মদ্যং পিবেদিতি সম্বন্ধঃ| কিং কৃত্বেত্যাহ-তত্প্রার্থিভ্য ইত্যাদি| তন্মদ্যং যে প্রার্থযন্ত্যভিলষন্তি ভূতবিশেষাঃ তেভ্যস্তোযোন্মিশ্রং তোযমিশ্রিতং তচ্চ দাপযিত্বা ধৃতিমত্বাদিযুতঃ পিবেত্| অনূনাধিকং তত্র মদ্যপানে আচরন্| তথাবিধেনোপচারেণ সর্বমেব পরিবারমুপলালযন্ সান্ত্বযন্| তচ্চ মদ্যং জিতানি শোভাতিশযেন পরাভূতানি বিকসিতান্যসিতসরোজানি নীলোত্পলানি যাভ্যাং নযনাভ্যাং বিবর্ধিতশ্রীকম্| কান্তামুখসদৃশং যতঃ সৌরভেণ হতো মধুপগণোঽলিসমূহো যেন এবম্ভূতং মদ্যং পিবেত্||৪৪||
Adhikarana madyapAnottaraM Bojanam (45) · Śloka 45
পীত্বৈবং চষকত্রযং পরিজনং সম্মান্য সর্বং ততো| গত্বাহারভুবং পুরঃ সুভিষজো ভুঞ্জীত ভূযোঽত্র চ| মাংসাপূপঘৃতার্দ্রকাদিহরিতৈর্যুক্তং সসৌবর্চলৈঃ| দ্বিস্ত্রির্বা নিশি চাল্পমেব বনিতাসংবল্গনার্থং পিবেত্||৪৫||
पीत्वैवं चषकत्रयं परिजनं सम्मान्य सर्वं ततो| गत्वाहारभुवं पुरः सुभिषजो भुञ्जीत भूयोऽत्र च| मांसापूपघृतार्द्रकादिहरितैर्युक्तं ससौवर्चलैः| द्विस्त्रिर्वा निशि चाल्पमेव वनितासंवल्गनार्थं पिबेत्||४५||
🔊 Audio coming soon
এবমনন্তরোক্তেন প্রকারেণ চষকত্রযং পীত সর্বঞ্চ পরিজনমুচিতেন প্রকারেণ সম্মান্য তত আহারভুবং গত্বা সুভিষজঃ পুর উত্কৃষ্টবৈদ্যস্যাগ্রতঃ স্থিতো ভুঞ্জীত| অত্র চ ভোজনে ভূযঃ পুনর্মাংসাদিযুক্তং সদ্ দ্বৌ বারৌ ত্রীন্ বা বারান্ পিবেত্| নিশি রাত্রাবল্পং বনিতাসংবল্গাহমাত্রং পিবেদ্যাবতা চিত্তোল্লাসেন কেলিসুখং ভবতি||৪৫||
Adhikarana tataH krIDA Sayana~jca (46) · Śloka 46
রহসি দযিতামঙ্কে কৃত্বা ভুজান্তরপীডনাত্ পুলকিততনুং জাতস্বেদাং সকম্পপযোধরাম্| যদি সরভসং সীধোর্বারং ন পাযযতে কৃতী কিমনুভবতি ক্লেশপ্রাযং তদা গৃহতন্ত্রতাম্| বরতনুবক্ত্রং সঙ্গতিসুগন্ধিতরং সরকং দ্রুতমিব পদ্মরাগমণিমাসবরূপধরম্| ভবতি রতিশ্রমেণ চ মদঃ পিবেতোঽল্পমপি ক্ষযমত ওজসঃ পরিহরন্ স শযীত পরম্||৪৬||
रहसि दयितामङ्के कृत्वा भुजान्तरपीडनात् पुलकिततनुं जातस्वेदां सकम्पपयोधराम्| यदि सरभसं सीधोर्वारं न पाययते कृती किमनुभवति क्लेशप्रायं तदा गृहतन्त्रताम्| वरतनुवक्त्रं सङ्गतिसुगन्धितरं सरकं द्रुतमिव पद्मरागमणिमासवरूपधरम्| भवति रतिश्रमेण च मदः पिबेतोऽल्पमपि क्षयमत ओजसः परिहरन् स शयीत परम्||४६||
🔊 Audio coming soon
রহস্যেকান্তে দযিতামঙ্কে উত্সঙ্গে কৃত্বা যদা সীধোর্বারমেকং চষকং ন পাযযতে তদা গৃহতন্ত্রতাং গৃহবিষমতাং স কৃতী কিমর্থমনুভবতি| ক্লেশপ্রাযং বহুক্লেশম্| কিম্ভূতাং দযিতামাহ-ভুজান্তরপীডনাত্ পুলকিততনুং তথা জাতস্বেদাং রতিশ্রমাত্ সকম্পৌ পযোধরৌ যস্যাস্তথাবিধাম্| বরতন্বিত্যাদিনা নত্কুটকাহ্বযেন সুরাফলম্| তচ্চ সরকমেবম্ভূতং সদল্পমপি পিবতো রতিশ্রমেণৈব মদো ভবত্যতোঽনন্তরং স পুমান্ ওজসঃ ক্ষযং পরিহরন্ শযীত| কিম্ভূতং সকরং বরতনোঃ কান্তাযা বক্ত্রসঙ্গত্যা স্বভাবসুগন্ধ্যপি সুগন্ধিতরম্| এবমুত্প্রেক্ষতে দ্রুতমিব পদ্মরাগমণিমাসবরূপধরম্||৪৬||
Adhikarana vidhivanmadyapAnasya Palam (47) · Śloka 47
ইত্থং যুক্ত্যা পিবন্মদ্যং ন ত্রিবর্গাদ্বিহীযতে| অসারসংসারসুখং পরমং চাধিগচ্ছতি| এশ্বর্যস্যোপভোগোঽযং স্পৃহণীযঃ সুরৈরপি| অন্যথা হি বিপত্সু স্যাত্পশ্চাত্তাপেন্ধনং ধনম্| উপভোগেন রহিতো ভোগবানিতি নিন্দ্যতে| নির্মিতোঽতিকদর্যোঽযং বিধিনা নিধিপাবকঃ| ত্স্মাদ্ব্যবস্থযা পানং পানস্য সততং হিতম্| জিত্বা বিষযলুব্ধানামিন্দ্রিযাণাং স্বতন্ত্রতাম্| বিধির্বসুমতামেষ ভবিষ্যদ্বসবস্তু যে| যথোপপত্তিতৈর্মদ্যং পাতব্যং মাত্রযা হিতম্||৪৭||
इत्थं युक्त्या पिबन्मद्यं न त्रिवर्गाद्विहीयते| असारसंसारसुख़ं परमं चाधिगच्छति| एश्वर्यस्योपभोगोऽयं स्पृहणीयः सुरैरपि| अन्यथा हि विपत्सु स्यात्पश्चात्तापेन्धनं धनम्| उपभोगेन रहितो भोगवानिति निन्द्यते| निर्मितोऽतिकदर्योऽयं विधिना निधिपावकः| त्स्माद्व्यवस्थया पानं पानस्य सततं हितम्| जित्वा विषयलुब्धानामिन्द्रियाणां स्वतन्त्रताम्| विधिर्वसुमतामेष भविष्यद्वसवस्तु ये| यथोपपत्तितैर्मद्यं पातव्यं मात्रया हितम्||४७||
🔊 Audio coming soon
ইত্থমনযা যুক্ত্যা মদ্যং পিবন্ পুরুষঃ ত্রিবর্গাদ্ধর্মার্থকামান্ন হীযতে ন তস্য ত্রিবর্গহানির্ভবতীত্যর্থঃ| অসারস্য চ সংসারস্য যত্ পরমং স্বাদু বিষযোপভোগাখ্যং সুখং তদধিগচ্ছতি প্রাপ্নোতি| অযঞ্চ যো মদ্যস্য বিধিরুক্তঃ স এশ্বর্যস্যোপভোগঃ সুরৈরপি স্পৃহণীযঃ| অন্যথা যো ধনবানৈশ্বর্যবান্নোপভুঙ্ক্তে তস্য বিপত্সু রাজোপদ্রবাদিষু ধনং পশ্চাত্তাপেন্ধনং পশ্চাত্তাপস্যেন্ধনমুদ্বোধকং স্যাত্| যশ্চ ধনস্যোপভোগেন রহিতো ভোগবানিতি জনৈর্নিন্দ্যন্তে| কথমেবং যথাযমতিকদর্যো বিধিনা নিধিপাবকো নির্মিতঃ| তস্মাদ্বিষযেষু লুব্ধানামিন্দ্রিযাণাং স্বতন্ত্রতাং জিত্বা পানস্য মদ্যস্য পানং ব্যবস্থযা হিতং ন ত্বনিযমেন| এষ চ যথোক্তো বিধির্বসুমতাং ধনিনাং বিজ্ঞেযঃ যে পুনর্ভবিষ্য- দ্বসবস্তৈর্মদ্যং যথোপপত্তি যথাসম্ভবমুপচারেণ মাত্রযা পাতব্যম্| হিতং পথ্যম্| ভবিষ্যদ্বসুশব্দেন ব্যুত্পত্ত্যা দরিদ্রা উক্তাঃ| ভবিষ্যন্তি বসূনি যেষামিতি কৃত্বা||৪৭||
Adhikarana madyapAnamaryAdA (48) · Śloka 48
যাবদ্দৃষ্টের্ন সম্ভ্রান্তির্যাবন্ন ক্ষোভ্যতে মনঃ| তাবদেব বিরন্তব্যং মদ্যাদাত্মবতা সদা||৪৮||
यावद्दृष्टेर्न सम्भ्रान्तिर्यावन्न क्षोभ्यते मनः| तावदेव विरन्तव्यं मद्यादात्मवता सदा||४८||
🔊 Audio coming soon
যাবদিত্যাদিনা মদ্যপানবিধিঃ সুবোধঃ||৪৮||
Adhikarana doShAnusAraM madyapAnavidhiH (49) · Śloka 49
অভ্যঙ্গোদ্বর্তনস্নানবাসধূপানুলেপনৈঃ| স্নিগ্ধোষ্ণৈর্ভাবিতৈশ্চান্নৈঃ পানং বাতোত্তরঃ পিবেত্| শীতোপচারৈর্বিবিধৈর্মধুরস্নিগ্ধশীতলৈঃ| পৈত্তিকো ভাবিতশ্চান্নৈঃ পিবন্মদ্যং ন সীদতি| উপচারৈরশিশিরৈর্যবগোধূমভুক্ পিবেত্| শ্লৈষ্মিকো ধন্বজৈর্মাংসৈর্মদ্যং মারিচিকৈঃ সহ||৪৯||
अभ्यङ्गोद्वर्तनस्नानवासधूपानुलेपनैः| स्निग्धोष्णैर्भावितैश्चान्नैः पानं वातोत्तरः पिबेत्| शीतोपचारैर्विविधैर्मधुरस्निग्धशीतलैः| पैत्तिको भावितश्चान्नैः पिबन्मद्यं न सीदति| उपचारैरशिशिरैर्यवगोधूमभुक् पिबेत्| श्लैष्मिको धन्वजैर्मांसैर्मद्यं मारिचिकैः सह||४९||
🔊 Audio coming soon
তচ্চ মদ্যমভ্যঙ্গাদিভির্ভাবিত অহিতসংস্কারঃ সন্ বাতাধিকঃ পুরুষঃ পিবেত্| বাসঃ পটবাসঃ| শিতোপচারাদিভিঃ পৈত্তিকো মদ্যং পিবন্ ন সীদতি| অশিশিরোপচারাদিনা শ্লৈষ্মিকো মদ্যং পিবেত্| অশিশিরশব্দেনাতিশিশিরস্য প্রতিষেধঃ| নোষ্ণবিধানম্| উষ্ণোপ-চারস্য মদ্যে প্রতিষেধাত্ মরিচেন সংস্কৃতং মারিচিকম্| ধন্বজং জাঙ্গলম্||৪৯||
Adhikarana doShAnusAraM madyaprakArAH kAlaSca (50) · Śloka 50
তত্র বাতে হিতং মদ্যং প্রাযঃ পৈষ্টিকগৌডিকম্| পিত্তে সাম্ভো মধু কফে মার্দ্বিকারিষ্টমাধবম্| প্রাক্পিবেচ্ছ্লৈষ্মিকো মদ্যং ভুক্তস্যোপরি পৈত্তিকঃ| বাতিকস্তু পিবেন্মধ্যে সমদোষো যথেচ্ছতি||৫০||
तत्र वाते हितं मद्यं प्रायः पैष्टिकगौडिकम्| पित्ते साम्भो मधु कफे मार्द्विकारिष्टमाधवम्| प्राक्पिबेच्छ्लैष्मिको मद्यं भुक्तस्योपरि पैत्तिकः| वातिकस्तु पिबेन्मध्ये समदोषो यथेच्छति||५०||
🔊 Audio coming soon
তত্রেত্যাদি সুবোধম্| শালিপিষ্টেন পৈষ্টিকম্| গুডেন গৌডিকম্| পিত্তে মধু মাক্ষিকং সাম্ভঃ| কফে মার্দ্বিকম্| প্রাগিত্যাদিনা মদ্যস্য দোষবিশেষাশ্রযেণ কালনিযমঃ সুবোধঃ||৫০||
Adhikarana madamUrcCAyayoScikitsA (51) · Śloka 51
মদেষু বাতপিত্তঘ্নং প্রাযো মূর্চ্ছাসু চেষ্যতে| সর্বত্রাপি বিশেষেণ পিত্তমেবোপলক্ষযেত্| শীতাঃ প্রদেহাঃ মণযঃ সেকা ব্যজনমারুতাঃ| সিতাদ্রাক্ষেক্ষুখর্জূরকাশ্মর্যস্বরসাঃ পযঃ| সিদ্ধা মধুরবর্গেণ রসা যূষাঃ সদাডিমাঃ| ষষ্টিকাঃ শালযো মুদ্গা যবাঃ সর্পিশ্চ জীবনম্| কল্যাণকং পঞ্চগব্যং ষট্পলং পযসাগ্নিকম্| পিপ্পল্যো বা শিলাহ্বং বা রসাযনবিধানতঃ| ত্রিফলা বা প্রযোক্তব্যা সঘৃতক্ষৌদ্রশর্করা||৫১||
मदेषु वातपित्तघ्नं प्रायो मूर्च्छासु चेष्यते| सर्वत्रापि विशेषेण पित्तमेवोपलक्षयेत्| शीताः प्रदेहाः मणयः सेका व्यजनमारुताः| सिताद्राक्षेक्षुख़र्जूरकाश्मर्यस्वरसाः पयः| सिद्धा मधुरवर्गेण रसा यूषाः सदाडिमाः| षष्टिकाः शालयो मुद्गा यवाः सर्पिश्च जीवनम्| कल्याणकं पञ्चगव्यं षट्पलं पयसाग्निकम्| पिप्पल्यो वा शिलाह्वं वा रसायनविधानतः| त्रिफला वा प्रयोक्तव्या सघृतक्षौद्रशर्करा||५१||
🔊 Audio coming soon
মদেষ্বিত্যাদিনা ক্রমপ্রাপ্তানাং মদমূর্চ্ছাসংন্যাসানাং চিকিত্সা| প্রাযোগ্রহণং ব্যভিচারসূচনার্থম্| সর্বস্যপি মদ্যবিকারেষু পিত্তমেব চিকিত্স্যত্বেনোপলক্ষযেত্| সর্বত্র শীতাঃ প্রদেহাদযঃ প্রযোক্তব্যাঃ| তথা সিতাদিমধুরস্কন্ধেন শৃতং পযঃ| সুবোধম্| কল্যাণকাদীনি বক্ষ্যন্তে| ষট্পলমুক্তং যক্ষ্মণি||৫১||
Adhikarana prasaktavegeShu viSeShaH (52) · Śloka 52
প্রসক্তবেগেষু হিতং মুখনাসাবরোধনম্| পিবেদ্বা মানুষীক্ষীরং তেন দদ্যাচ্চ নাবনম্||৫২||
प्रसक्तवेगेषु हितं मुख़नासावरोधनम्| पिबेद्वा मानुषीक्षीरं तेन दद्याच्च नावनम्||५२||
🔊 Audio coming soon
প্রসক্তবেগেষু সন্ততবেগেষু মদমূর্চ্ছাযেষু মুখনাসযোঃ পাণ্যাদিকেনাবরোধনং হিতম্| তেন মানুষীক্ষীরেণ নস্যম্||৫২||
Adhikarana vogottarakAlInA cikitsA (53) · Śloka 53
মৃণালবিসকৃষ্ণা বা লিহ্যাত্ক্ষৌদ্রেণ সাভযাঃ| দুরালভাং বা মুস্তাং বা শীতেন সলিলেন বা| পিবেন্মরিচকোলাস্থিমজ্জোশীরাহিকেসরম্| ধাত্রীফলরসে সিদ্ধং পথ্যা ক্বাথেন বা ঘৃতম্| কুর্যাত্ ক্রিযাং জ্বরোক্তাঞ্চ যথাদোষবলোদযাম্| পঞ্চ কর্মাণি শস্তানি তথা রক্তাবসেচনম্| সত্ত্বস্যালম্বনং জ্ঞানমগৃদ্ধির্বিষযেষু চ||৫৩||
मृणालबिसकृष्णा वा लिह्यात्क्षौद्रेण साभयाः| दुरालभां वा मुस्तां वा शीतेन सलिलेन वा| पिबेन्मरिचकोलास्थिमज्जोशीराहिकेसरम्| धात्रीफलरसे सिद्धं पथ्या क्वाथेन वा घृतम्| कुर्यात् क्रियां ज्वरोक्ताञ्च यथादोषबलोदयाम्| पञ्च कर्माणि शस्तानि तथा रक्तावसेचनम्| सत्त्वस्यालम्बनं ज्ञानमगृद्धिर्विषयेषु च||५३||
🔊 Audio coming soon
মৃণালাদ্যভযান্তং ক্ষৌদ্রেণ লেহঃ দুরালভাং বা ক্ষৌদ্রেণ| মুস্তাং বা| মরিচাদিকং শীতেন সলিলেন পিবেত্| ধাত্রীফলরসেন বা চতুর্গুণেন সিদ্ধং ঘৃতম্| পথ্যা ক্বাথেন বা স্নেহসমে সিদ্ধং ঘৃতং পিবেত্| দোষবলানতিক্রমেণ চ মদমূর্চ্ছাযযোঃ জ্বরোক্তাং ক্রিযাং কুর্যাত্| সুবোধম্| সত্ত্বস্যালম্বনং ধৈর্যস্যাবষ্টম্ভঃ| গৃদ্ধির্লোলুপতা বিষযেষু দ্বারাদিষু||৫৩||
Adhikarana atipravRuddhAdiShu viSeShaH (54) · Śloka 54
মদেষ্বতিপ্রবৃদ্ধেষু মূর্চ্ছাযেষু চ যোজযেত্| তীক্ষ্ণং সংন্যাসবিহিতং বিষজং বিষজেষু চ||৫৪||
मदेष्वतिप्रवृद्धेषु मूर्च्छायेषु च योजयेत्| तीक्ष्णं संन्यासविहितं विषजं विषजेषु च||५४||
🔊 Audio coming soon
সংন্যাসবিহিতং তীক্ষ্ণং নস্যাদি যত্তত্সর্বমতিপ্রবৃদ্ধেষু সর্বেষু মদেষু মূর্চ্ছাযেষু চ যোজযেত্| বিষযজেষু মদেষু বিষঘ্নঞ্চ যোজযেত্||৫৪||
Adhikarana saMnyAsacikitsA (55) · Śloka 55
আশু প্রযোজ্যং সংন্যাসে সুতীক্ষ্ণং নস্যমঞ্জনম্| ধূমং প্রধমনং তোদঃ সূচীভিশ্চ নখান্তরে| কেশানাং লুঞ্চনং দাহো দংশো দশনবৃশ্চিকৈঃ| কদ্বম্লগালনং বক্ত্রে কপিকচ্ছ্বাবঘর্ষণম্| উত্থিতো লব্ধসংজ্ঞশ্চ লশুনস্বরসং পিবেত্| খাদেত্সব্যোষলবণং বীজপূরককেসরম্| লঘ্বন্নং কটুতীক্ষ্ণোষ্ণমদ্যাত্ স্রোতোবিশুদ্ধযে||৫৫||
आशु प्रयोज्यं संन्यासे सुतीक्ष्णं नस्यमञ्जनम्| धूमं प्रधमनं तोदः सूचीभिश्च नख़ान्तरे| केशानां लुञ्चनं दाहो दंशो दशनवृश्चिकैः| कद्वम्लगालनं वक्त्रे कपिकच्छ्वावघर्षणम्| उत्थितो लब्धसंज्ञश्च लशुनस्वरसं पिबेत्| ख़ादेत्सव्योषलवणं बीजपूरककेसरम्| लघ्वन्नं कटुतीक्ष्णोष्णमद्यात् स्रोतोविशुद्धये||५५||
🔊 Audio coming soon
দুর্জযত্বেন প্রাধান্যাত্সংন্যাসস্য চিকিত্সাং পৃথগুচ্যতে-আশ্বিত্যাদি| সংন্যাসে শীঘ্রমেব সুতীক্ষ্ণং নস্যাদিকং প্রযোজ্যম্| প্রধমনান্তানাং সুতীক্ষ্ণশব্দেন সম্বন্ধঃ| প্রধমনং নাসাযাং চূর্ণেন| নখমাংসযোর্মধ্যে সূচীভিস্তোদঃ| লুঞ্চনমবনযনম্| দাহোঽঙ্গেষ্বগ্ন্যাদিনা| দন্তৈর্বৃশ্চিকৈশ্চাঙ্গদংশঃ| বক্ত্রে কটূনাং মরিচাদিরম্লানাং মদ্যাদীনাং গালনং স্রাবণম্||৫৫||
Adhikarana pralayahetoScittasaMrakShaNam (56-9) · Śloka 9
বিস্মাপনৈঃ সংস্মরণৈঃ প্রিযশ্রবণদর্শনৈঃ| পটুভির্গীতবাদিত্রশব্দৈর্ব্যাযামশীলনৈঃ| স্রংসনোল্লেখনৈর্ধূমৈঃ শোণিতস্যাবসেচনৈঃ| উপাচরেত্তং প্রততমনুবন্ধভযাত্ পনঃ| তস্য সংরক্ষিতব্যং চ মনঃ প্রলযহেতুতঃ||৫৬|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং চিকিত্সিতস্থানে মদাত্যযচিকিত্সিতন্নাম নবমোঽধ্যাযঃ||৯||
विस्मापनैः संस्मरणैः प्रियश्रवणदर्शनैः| पटुभिर्गीतवादित्रशब्दैर्व्यायामशीलनैः| स्रंसनोल्लेख़नैर्धूमैः शोणितस्यावसेचनैः| उपाचरेत्तं प्रततमनुबन्धभयात् पनः| तस्य संरक्षितव्यं च मनः प्रलयहेतुतः||५६|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां चिकित्सितस्थाने मदात्ययचिकित्सितन्नाम नवमोऽध्यायः||९||
🔊 Audio coming soon
তস্য চ নিবৃত্তসংন্যাসস্য প্রলযহেতোশ্চিত্তক্লেশাত্মনো বিস্মাপনাদিভিঃ সংরক্ষিতব্যং পুনরনুবন্ধং ন গৃহ্ণাতীতি||৫৬|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং চিকিত্সিতস্থানে নবমোঽধ্যাযঃ