Adhikarana atha virecanakalpo nAma dvitIyo~adhyAyaH upodghAtaH · Śloka
🔊 Audio coming soon
ঊর্ধ্বশোধনমুক্ত্বা অধঃ শোধনকল্পনাযাঽধ্যায আরভ্যতে||
2. virēcanakalpaḥ
Adhikarana pratij~jA (1) · Śloka 1
অথাথো বিরেচনকল্পং ব্যাখ্যাস্যামঃ| ইতি হ স্মাহুরত্রেযাদযো মহর্ষযঃ||১||
View original
अथाथो विरेचनकल्पं व्याख्यास्यामः| इति ह स्माहुरत्रेयादयो महर्षयः||१||
🔊 Audio coming soon
Adhikarana trivRunmukhyAni virecanadravyANi (2) · Śloka 2
বিরেচনদ্রব্যাণাং মূলেষু ত্রিবৃত্| ত্বক্ষু তিল্বকঃ| ক্ষীরেষু স্নুহী| ফলেষু হরীতকী প্রধানানি||২||
View original
विरेचनद्रव्याणां मूलेषु त्रिवृत्| त्वक्षु तिल्वकः| क्षीरेषु स्नुही| फलेषु हरीतकी प्रधानानि||२||
🔊 Audio coming soon
দন্তীশঙ্খিন্যাদিমূলবিরেচনদ্রব্যাণাং ত্রিবৃত্ প্রধানম্| রম্যকত্বগাদীনাং তিল্বকঃ| সপ্তপর্ণজ্যোতিষ্মত্যাদি ক্ষীরাণাং সুধাক্ষীরং প্রধানমাঽঽশুফলত্বেন সুবিষযত্বেন সাধুকারিত্বেন চ|| ২||
Adhikarana trivRudBedAH guNAshca (3) · Śloka 3
ত্রিবৃতাযাঃ খলু দ্বিবিধং মূলমরুণং শ্যাবঞ্চ| তত্রারুণং কষাযমধুরং বিপাকে কটুকং রূক্ষং শ্লেষ্মপিত্তহরং কল্পনা- বিশেষাত্পুনঃ সর্বব্যাধিপ্রশমনম্| সুখবিরেচনত্বাত্ শিশু- স্থবিরসুকুমারমৃদুকোষ্ঠেষু প্রশস্তং ত্রিবৃচ্ছব্দবাচ্যং চ| ইতরদপি তস্মাদ্গুণৈঃ কিঞ্চিদূনং তীক্ষ্ণং কণ্ঠহৃদযকর্ষণং মূর্চ্ছাসম্মোহকৃদাঽঽশু দোষহরত্বাদ্বহুদোষক্লেশক্ষমক্রূর- কোষ্ঠেষু প্রশস্তং ত্রিবৃচ্ছব্দবাচ্যং চ||৩||
View original
त्रिवृतायाः खलु द्विविधं मूलमरुणं श्यावञ्च| तत्रारुणं कषायमधुरं विपाके कटुकं रूक्षं श्लेष्मपित्तहरं कल्पना- विशेषात्पुनः सर्वव्याधिप्रशमनम्| सुखविरेचनत्वात् शिशु- स्थविरसुकुमारमृदुकोष्ठेषु प्रशस्तं त्रिवृच्छब्दवाच्यं च| इतरदपि तस्माद्गुणैः किञ्चिदूनं तीक्ष्णं कण्ठहृदयकर्षणं मूर्च्छासम्मोहकृदाऽऽशु दोषहरत्वाद्बहुदोषक्लेशक्षमक्रूर- कोष्ठेषु प्रशस्तं त्रिवृच्छब्दवाच्यं च||३||
🔊 Audio coming soon
সুবোধম্| কল্পনাবিশেষাঃ সংযোগসংস্কারাদিকৃতাঃ| তদরুণং ত্রিবৃন্মূলং ত্রিবৃচ্ছব্দবাচ্যম্| উভযোক্তাবপি| ইতরচ্ছ্যাবম্| তস্মাদিত্যরুণাত্| গুণঃ রসাদিভিঃ| মূর্চ্ছা প্রলযঃ| সম্মোহোঽস্ফুটজ্ঞত্বম্| তদ্বচ্ছ্যাবং ত্রিবৃন্মূলং শ্যামাশব্দবাচ্যম্| উভযোক্তাবপি|| ৩||
Adhikarana trivRunmUlAharaNavidhAnam (4) · Śloka 4
অথ তযোর্মূলমতির্যগ্ বিসৃতং গম্ভীরানুগতং শ্লক্ষ্ণমা- ঽঽহরেত্| ততস্ত্বচং শোষযিত্ব সম্যক্সুগুপ্তং স্থাপযেত্||৪||
View original
अथ तयोर्मूलमतिर्यग् विसृतं गम्भीरानुगतं श्लक्ष्णमा- ऽऽहरेत्| ततस्त्वचं शोषयित्व सम्यक्सुगुप्तं स्थापयेत्||४||
🔊 Audio coming soon
তযোর্দ্বযোরপি অতির্যগ্ বিসৃতমধোগতম্| এবং গাঢং ভূমৌ বহুপ্রবিষ্টং গম্ভীরানুগতম্| তত ইতি মূলাত্| সম্যক্ সুগুপ্তং কৃত্বা স্থাপযেত্ যাবত্প্রযোগকালম্|| ৪||
Adhikarana tasya doShAdyapekShayA prayogaH (5) · Śloka 5
তচ্চূর্ণং শুণ্ঠীসৈন্ধবযুক্তমম্লৈর্মাংসরসেন বা পিবেদ্বাতা- মযেষু| ক্ষীরক্ষৌদ্রদ্রাক্ষেক্ষুকাশ্মর্যস্বরসসর্পিঃ স্বাদুদ্রব্য- ক্বাথৈঃ সশর্করং পিত্তোত্থেষু| মূত্রক্ষৌদ্রদ্রাক্ষারিষ্টপীলুরস- ত্রিফলাপঞ্চকোলক্বাথৈর্ব্যোষচূর্ণানুবিদ্ধং কফজেষু||৫||
View original
तच्चूर्णं शुण्ठीसैन्धवयुक्तमम्लैर्मांसरसेन वा पिबेद्वाता- मयेषु| क्षीरक्षौद्रद्राक्षेक्षुकाश्मर्यस्वरससर्पिः स्वादुद्रव्य- क्वाथैः सशर्करं पित्तोत्थेषु| मूत्रक्षौद्रद्राक्षारिष्टपीलुरस- त्रिफलापञ्चकोलक्वाथैर्व्योषचूर्णानुबिद्धं कफजेषु||५||
🔊 Audio coming soon
তচ্চূর্ণং ত্রিবৃন্মূলচূর্ণং শুণ্ঠীসৈন্ধবসংযুক্তং অম্লৈঃ কাঞ্জিকমদ্যাদিভির্বা মাংসরসেন বা দোষাদ্যপেক্ষযা বাতামযেষু পিবেদ্ বিরেকযোগ্যেষু| ক্ষীরাদিযুক্তং চূর্ণং পিত্তোত্থেষু দোষাদ্যপেক্ষযা সর্বথা বা সশর্করম্| কফব্যাধিষু মূত্রাদীনামন্যতমেন সর্বথা বা ব্যোষচূর্ণানুবিদ্ধম্|| ৫||
Adhikarana vividhAH kalpanAH (6) · Śloka 6
এভিরেব চ দ্রব্যৈর্যথাস্বং ঘৃতশর্করাদ্রাক্ষেক্ষুরসতুগাক্ষী- রীমধুরাণি মাতুলুঙ্গদাডিমামলককোলকরমর্দকপিত্থ- রসতক্রাম্লানি সৈন্ধবলবণানি ব্যোষতীক্ষ্ণানি বিবিধ- বেশবারপরিপূরিতানি সহকাররসত্রিজাতনাগকেসরকর্পূ- রসুরভীণি লেহগুলিকামোদকভক্ষ্যভোজ্যান্যুপকল্প- যেদিতি| ভবতি চাত্র- ত্রিবৃত্কল্ককষাযেণ সাধিতঃ সসিতো হিমঃ| মধুত্রিজাতসংযুক্তো লেহো হৃদ্যং বিরেচনম্| অজগন্ধা তুগাক্ষীরী বিদারী শর্করা ত্রিবৃত্| চূর্ণিতং মধুসর্পিভ্যাং লীঢ্বা সাধু বিরিচ্যতে| সন্নিপাতজ্বরস্তম্ভপিপাসাদাহপীডিতঃ| লিম্পেদন্তস্ত্রিবৃতযা দ্বিধা কৃত্বেক্ষুগণ্ডিকাম্| একীকৃত্য চ তত্স্বিন্নং পুটপাকেন ভক্ষযেত্| ত্বগেলাভ্যাং সমা নীলী তৈস্ত্রিবৃত্তৈশ্চ শর্করা| চূর্ণং ফলরসক্ষৌদ্রসক্তুভিস্তর্পণং পিবেত্| বাতপিত্তকফোত্থেষু রোগেষ্বল্পানলেষু চ| নরেষু সুকুমারেষু নিরপাযং বিরেচনম্| বিডঙ্গতণ্ডুলবরাযাবশূককণাস্ত্রিবৃত্| সর্বতোঽর্ধেন তল্লীঢং মধ্বাজ্যেন গুডেন বা| গুল্মং প্লীহোদরং কাসং হলীমকমরোচকম্| কফবাতকৃতাশ্চান্যান্ পরিমার্ষ্টি মদান্ বহূন্||৬||
View original
एभिरेव च द्रव्यैर्यथास्वं घृतशर्कराद्राक्षेक्षुरसतुगाक्षी- रीमधुराणि मातुलुङ्गदाडिमामलककोलकरमर्दकपित्थ- रसतक्राम्लानि सैन्धवलवणानि व्योषतीक्ष्णानि विविध- वेशवारपरिपूरितानि सहकाररसत्रिजातनागकेसरकर्पू- रसुरभीणि लेहगुलिकामोदकभक्ष्यभोज्यान्युपकल्प- येदिति| भवति चात्र- त्रिवृत्कल्ककषायेण साधितः ससितो हिमः| मधुत्रिजातसंयुक्तो लेहो हृद्यं विरेचनम्| अजगन्धा तुगाक्षीरी विदारी शर्करा त्रिवृत्| चूर्णितं मधुसर्पिभ्यां लीढ्वा साधु विरिच्यते| सन्निपातज्वरस्तम्भपिपासादाहपीडितः| लिम्पेदन्तस्त्रिवृतया द्विधा कृत्वेक्षुगण्डिकाम्| एकीकृत्य च तत्स्विन्नं पुटपाकेन भक्षयेत्| त्वगेलाभ्यां समा नीली तैस्त्रिवृत्तैश्च शर्करा| चूर्णं फलरसक्षौद्रसक्तुभिस्तर्पणं पिबेत्| वातपित्तकफोत्थेषु रोगेष्वल्पानलेषु च| नरेषु सुकुमारेषु निरपायं विरेचनम्| विडङ्गतण्डुलवरायावशूककणास्त्रिवृत्| सर्वतोऽर्धेन तल्लीढं मध्वाज्येन गुडेन वा| गुल्मं प्लीहोदरं कासं हलीमकमरोचकम्| कफवातकृताश्चान्यान् परिमार्ष्टि मदान् बहून्||६||
🔊 Audio coming soon
এভিরেব বিরেচনদ্রব্যৈস্ত্রিবৃচ্চূর্ণশুণ্ঠীসৈন্ধবাদিভির্যথাদোষং লেহাদি কল্পযেত্| যত্র মাধুর্যঘৃতাদিভিরেব| অম্লত্বমাতুলুঙ্গাদিভিরেব| লাবণ্যং সৈন্ধবেনৈব| তৈক্ষ্ণ্যকার্যকরণং ব্যোষেণ| বিবিধৈর্বেশবারৈর্মাসধান্যকৃতৈঃ পরিপূরণং সম্ভবান্মোদকাদীনাং বিশেষণম্| সহকারাদি সর্বেষাং বিশেষণম্| সহকারাদিনা সর্বত্র সুরভীকরণম্| ত্রিবৃতালেহঃ সুবোধঃ| অজগন্ধাদিনা চূর্ণলেহং লীঢ্বা সন্নিপাতজ্বরাদিপীডিতঃ সাধু বিরিচ্যতে| ইক্ষুগণ্ডস্য দীর্ঘপাটিতস্যান্তস্ত্রিবৃত্ প্রলিপ্তস্য পুনঃ সংযোজিতস্য পুটপাকেন স্বেদনং স্বিন্নস্য চ ভক্ষণম্| ত্বগোলাভ্যাং সমাভ্যামেকো ভাগঃ| দ্বিতীযো নীল্যাঃ| ত্রিভিঃ সমাত্রিবৃত্| সর্বসমা শর্করা| এতচ্চূর্ণং দ্রাক্ষাদিফলরসাদিনা বাতপিত্তকফব্যাধিষু তর্পণং পিবেত্| এতচ্চাল্পানলাদিগুণেষু নরেষু নিরপাযমনুপদ্রবং বিরেচনম্| তর্পণশব্দেন সক্তূনাং বহুত্বং প্রতিপাদিতম্| এতত্ পৃথগ্দোষক্ষমং সংসর্গসন্নিপাতযোশ্চ সংযোগভেদেন যোজ্যম্| বিডঙ্গতণ্ডুলাদীনাং সম্মিশ্রিতানামর্ধেন ত্রিবৃত্| গুডযোগে জলেন লেহঃ| এতচ্চূর্ণং গুল্মাদীনন্যাংশ্চ কফবাতকৃতান্ বহূন্ গদান্ পরিমার্ষ্টি নাশযতি|| ৬||
Adhikarana kalyANako guDaH (7) · Śloka 7
বিদঙ্গপিপ্পলীমূলত্রিফলাধান্যচিত্রকান্| মরিচেন্দ্রযবাজাজীপিপ্পলীহস্তিপিপ্পলীঃ| দীপ্যকং পঞ্চলবণং চূর্ণিতং কার্ষিকং পৃথক্| তিলতৈলত্রিবৃচ্চূর্ণভাগৌ চাষ্টপলোন্মিতৌ| ধাত্রীফলরসপ্রস্থাংস্ত্রীন্ গুডার্ধতুলান্বিতান্| পক্ত্বা মৃদ্বগ্নিনা খাদেত্ততো মাত্রামযন্ত্রণঃ| কুষ্ঠাঽর্শঃকামলাগুল্মমেহোদরভগন্দরান্| গ্রহণীপাণ্ডুরোগাংশ্চ হন্তি পুংসবনশ্চ সঃ| গুডঃ কল্যাণকো নাম সর্বর্ত্তুষু চ যৌগিকঃ||৭||
View original
विदङ्गपिप्पलीमूलत्रिफलाधान्यचित्रकान्| मरिचेन्द्रयवाजाजीपिप्पलीहस्तिपिप्पलीः| दीप्यकं पञ्चलवणं चूर्णितं कार्षिकं पृथक्| तिलतैलत्रिवृच्चूर्णभागौ चाष्टपलोन्मितौ| धात्रीफलरसप्रस्थांस्त्रीन् गुडार्धतुलान्वितान्| पक्त्वा मृद्वग्निना खादेत्ततो मात्रामयन्त्रणः| कुष्ठाऽर्शःकामलागुल्ममेहोदरभगन्दरान्| ग्रहणीपाण्डुरोगांश्च हन्ति पुंसवनश्च सः| गुडः कल्याणको नाम सर्वर्त्तुषु च यौगिकः||७||
🔊 Audio coming soon
বিডঙ্গাদিনা কল্যাণকনাম গুডো বটকঃ|| ৭||
Adhikarana vyoShAdiguTikA (8) · Śloka 8
ব্যোষত্রিজাতকাম্ভোদকৃমিঘ্নামলকৈস্ত্রিবৃত্| সর্বৈঃ সমা সমসিতা ক্ষৌদ্রেণ গুটিকাঃ কৃতাঃ| মূত্রকৃচ্ছ্রজ্বরচ্ছর্দিকাসশোষভ্রমক্ষযে| তাপে পাণ্ড্বামযেঽল্পেঽগ্নৌ শস্তাঃ সর্ববিষেষু চ||৮||
View original
व्योषत्रिजातकाम्भोदकृमिग़्नामलकैस्त्रिवृत्| सर्वैः समा समसिता क्षौद्रेण गुटिकाः कृताः| मूत्रकृच्छ्रज्वरच्छर्दिकासशोषभ्रमक्षये| तापे पाण्ड्वामयेऽल्पेऽग्नौ शस्ताः सर्वविषेषु च||८||
🔊 Audio coming soon
সুবোধম্|| ৮||
Adhikarana RutvanusAraM trivRudyogAH (9) · Śloka 9
ত্রিবৃতা কৌটজং বীজং পিপ্পলী বিশ্বভেষজম্| ক্ষৌদ্রক্ষাররসোপেতং বর্ষাকালে বিরেচনম্| ত্রিবৃদ্দুরালভামুস্তাশর্করোদীচ্যচন্দনম্| দ্রাক্ষাম্বুনা সযষ্ট্যাহ্বসাতলং জলদাত্যযে| ত্রিবৃতাং চিত্রকং পাঠামজাজী সরলং বচাম্| স্বর্ণক্ষীরী চ হেমন্তে চূর্ণমুষ্ণাম্বুনা পিবেত্| ত্রিবৃতা শর্করাতুল্যা গ্রীষ্মকালে বিরেচনম্| ত্রিবৃত্ত্রাযন্তি হপুষাসাতলাকটুরোহিণীঃ| স্বর্ণক্ষীরী চ সঞ্চূর্ণ্য গোমূত্রে ভাবযেত্ত্র্যহম্| এষ সর্বর্ত্তুকো যোগঃ স্নিগ্ধানাং মলদোষহৃত্||৯||
View original
त्रिवृता कौटजं बीजं पिप्पली विश्वभेषजम्| क्षौद्रक्षाररसोपेतं वर्षाकाले विरेचनम्| त्रिवृद्दुरालभामुस्ताशर्करोदीच्यचन्दनम्| द्राक्षाम्बुना सयष्ट्याह्वसातलं जलदात्यये| त्रिवृतां चित्रकं पाठामजाजी सरलं वचाम्| स्वर्णक्षीरी च हेमन्ते चूर्णमुष्णाम्बुना पिबेत्| त्रिवृता शर्करातुल्या ग्रीष्मकाले विरेचनम्| त्रिवृत्त्रायन्ति हपुषासातलाकटुरोहिणीः| स्वर्णक्षीरी च सञ्चूर्ण्य गोमूत्रे भावयेत्त्र्यहम्| एष सर्वर्त्तुको योगः स्निग्धानां मलदोषहृत्||९||
🔊 Audio coming soon
ত্রিবৃত্ত্রাযন্ত্যাদিকং সর্বর্ত্তুষু| এতচ্চ স্নিগ্ধানামেব বিরেচনং ভবতি| মলদোষা দুষ্টবাতবিকারাঃ|| ৯||
Adhikarana rUkShANAM virecanam (10) · Śloka 10
শ্যামাত্রিবৃদ্দুরালভাহস্তিপিপ্পলিবত্সকম্| নীলিনী কটুকামুস্তাশ্রেষ্ঠাযুক্তং সুচূর্ণিতম্| রসাজ্যোষ্ণাম্বুভিঃ শস্তরূক্ষণামপি সর্বদা||১০||
View original
श्यामात्रिवृद्दुरालभाहस्तिपिप्पलिवत्सकम्| नीलिनी कटुकामुस्ताश्रेष्ठायुक्तं सुचूर्णितम्| रसाज्योष्णाम्बुभिः शस्तरूक्षणामपि सर्वदा||१०||
🔊 Audio coming soon
শ্যামাদিকং নীলিন্যাদিযুক্তং রসাদীনামন্যতমেন রূক্ষাণামপি শস্যতে| অপিশব্দঃ পূর্বস্মাদ্বিশেষঃ| সর্বদা সর্বর্ত্তুষু|| ১০||
Adhikarana tryUShaNAdicUrNam (11) · Śloka 11
ত্র্যূষণং ত্রিফলাং হিঙ্গুং কার্ষিকং ত্রিবৃতাপলম্| সৌবর্চলার্ধকর্ষং চ পলার্ধং চাম্লবেতসাত্| তচ্চূর্ণং শর্করাতুল্যং কণ্ডেনাম্লেন বা পিবেত্| গুল্মপার্শ্বার্ত্তিনুত্সিদ্ধং জীর্ণে চাস্মিন্ রসৌদনম্||১১||
View original
त्र्यूषणं त्रिफलां हिङ्गुं कार्षिकं त्रिवृतापलम्| सौवर्चलार्धकर्षं च पलार्धं चाम्लवेतसात्| तच्चूर्णं शर्करातुल्यं कण्डेनाम्लेन वा पिबेत्| गुल्मपार्श्वार्त्तिनुत्सिद्धं जीर्णे चास्मिन् रसौदनम्||११||
🔊 Audio coming soon
ত্র্যূষণাদিকং সিদ্ধং বিরেকেণ দুষ্টফলং গুল্মপার্শ্বার্ত্তিনুদ্ভবতি| ত্র্যূষণত্রিফলে সমুদাযে| অম্লবেতসস্যার্ধপলম্| মণ্ডঃ স্বচ্ছা পেযা| অম্লঃ কাঞ্জিকমদ্যাদিঃ| রসৌদনো মাংসরসমিশ্র ওদনঃ||১১||
Adhikarana trivRutAdicUrNam (12) · Śloka 12
ত্রিবৃতাত্রিফলাদন্তীসাতলাব্যোষসৈন্ধবৈঃ| প্রকল্প্য চূর্ণং সপ্তাহং ভাব্যমামলকাদ্রসে| তদ্যোজ্যং তর্পণে যূষে পিশিতে রাগযুক্তিষু||১২||
View original
त्रिवृतात्रिफलादन्तीसातलाव्योषसैन्धवैः| प्रकल्प्य चूर्णं सप्ताहं भाव्यमामलकाद्रसे| तद्योज्यं तर्पणे यूषे पिशिते रागयुक्तिषु||१२||
🔊 Audio coming soon
ত্রিবৃতাদিচূর্ণং সপ্তদিনান্যামলকরসেন ভাবিতং তর্পণাদিষু দোষাদ্যপেক্ষযা যোজ্যম্| তর্পণঃ সক্তবঃ| রাগা বদরমণ্ডাদযঃ|| ১২||
Adhikarana siddhaghRutaM kShIra~jca (13) · Śloka 13
তুল্যাম্লং ত্রিবৃতাকল্কসিদ্ধং গুল্মহরং ঘৃতম্| শ্যামাত্রিবৃত্কষাযেণ সিদ্ধং সর্পিঃ পযোঽপি বা||১৩||
View original
तुल्याम्लं त्रिवृताकल्कसिद्धं गुल्महरं घृतम्| श्यामात्रिवृत्कषायेण सिद्धं सर्पिः पयोऽपि वा||१३||
🔊 Audio coming soon
ত্রিবৃদ্ ঘৃতে যথালাভমম্লানি কাঞ্জিকাদীনি পৃথক্স্নেহসমানি| ঘৃতং কল্কপাদম্| শ্যামাত্রিবৃতযোঃ কষাযে ঘৃতপাকঃ| কল্কং বিনা| কেচিত্তু সর্বকষাযপাকেষু কষাযৌষধাত্কল্কমপীচ্ছন্তি| পযোঽপি বা শ্যামাত্রিবৃত্কষাযসিদ্ধম্|| ১৩||
Adhikarana trivRutAriShTakalpanA (14) · Śloka 14
ত্রিবৃন্মুষ্টীস্তু সনখানষ্টৌ দ্রোণেঽম্ভসঃ পচেত্| পাদশেষং কষাযং তং পূতং গুডতুলাযুতম্| স্নিগ্ধে স্থাপ্যং ঘটে ক্ষৌদ্রপিপ্পলীফলচিত্রকৈঃ| লিপ্তে মাসে গতে পীতং পাণ্ডুশ্বযথুগুল্মজিত্||১৪||
View original
त्रिवृन्मुष्टीस्तु सनखानष्टौ द्रोणेऽम्भसः पचेत्| पादशेषं कषायं तं पूतं गुडतुलायुतम्| स्निग्धे स्थाप्यं घटे क्षौद्रपिप्पलीफलचित्रकैः| लिप्ते मासे गते पीतं पाण्डुश्वयथुगुल्मजित्||१४||
🔊 Audio coming soon
অষ্টৌ ত্রিবৃন্মুষ্টীন্ সনখানন্তর্নখান্যত্রাঙ্গুলিনখা অপি মুষ্টৌ প্রবিশন্তি| দ্রোণেঽম্ভসঃ সদ্বাদশানি পঞ্চপলশতানি| পাকত্বাচ্চতুর্ভাগঃ| ক্ষৌদ্রাদিকেন স্নিগ্ধঘটালেপঃ|| ১৪||
Adhikarana trivRutsurA (15) · Śloka 15
সুরা বা ত্রিবৃতাপাদকিণ্বা তত্ক্বাথসংযুতা||১৫||
View original
सुरा वा त्रिवृतापादकिण्वा तत्क्वाथसंयुता||१५||
🔊 Audio coming soon
অথবৈবম্ভূতা সুরাপাণ্ড্বাদিজিত্| কিম্ভূতা ত্রিবৃতা পাদকিণ্বা| ত্রিবৃতাপাদ এব কিণ্বঃ যস্যাঃ| সুরাপাদেন ত্রিবৃদ্দেযেত্যর্থঃ| কিণ্বঃ সুরাকল্কঃ| তত্ক্বাথেন ত্রিবৃত্ ক্বাথেন সংযুতা যুক্তা|| ১৫||
Adhikarana trivRutsauvIrakam (16) · Śloka 16
যবৈঃ শ্যামাত্রিবৃত্ক্বাথস্বিন্নৈঃ কুল্মাষমম্ভসা| আসুতং ষডহং পল্লে জাতং সৌবীরকং পিবেত্||১৬||
View original
यवैः श्यामात्रिवृत्क्वाथस्विन्नैः कुल्माषमम्भसा| आसुतं षडहं पल्ले जातं सौवीरकं पिबेत्||१६||
🔊 Audio coming soon
শ্যামাত্রিবৃত্ক্বাথস্বিন্নৈর্যবৈঃ কুল্মাষমর্ধস্বিন্নমাষমম্ভসা আসুতং ষডহং পল্লে ধান্যরাশৌ জাতং সৌবীরকত্বোত্পত্তৌ পেযম্| এষ সৌবীরকো নিস্তুষৈঃ ক্রিযতে|| ১৬||
Adhikarana trivRuttuShodakam (17) · Śloka 17
ভৃষ্টান্ বা সতুষান্ শুষ্কান্ যবাংস্তচ্চূর্ণসংযুতান্| আসুরানম্ভসা তদ্বত্ পিবেজ্জাতং তুষোদকম্||১৭||
View original
भृष्टान् वा सतुषान् शुष्कान् यवांस्तच्चूर्णसंयुतान्| आसुरानम्भसा तद्वत् पिबेज्जातं तुषोदकम्||१७||
🔊 Audio coming soon
ভৃষ্টানিত্যাদিনা সতুষেণ কৃতং তুষোদকং ভবতি| ইতি ত্রিবৃত্ কল্পঃ|| ১৭||
Adhikarana AragvadhAdhikAraH (18) · Śloka 18
জ্বরহৃদ্রোগবাতাসৃগুদাবর্তাদিরোগিষু| রাজবৃক্ষোঽধিকং পথ্যো মৃদুর্মধুর শীতলঃ| বালে বৃদ্ধে ক্ষতে ক্ষীণে সুকুমারে চ মানবে| যোজ্যো মৃদ্বনপাযিত্বাদ্ বিশেষাচ্চতুরঙ্গুলঃ||১৮||
View original
ज्वरहृद्रोगवातासृगुदावर्तादिरोगिषु| राजवृक्षोऽधिकं पथ्यो मृदुर्मधुर शीतलः| वाले वृद्धे क्षते क्षीणे सुकुमारे च मानवे| योज्यो मृद्वनपायित्वाद् विशेषाच्चतुरङ्गुलः||१८||
🔊 Audio coming soon
রাজবৃক্ষোঽধিকং জ্বরাদিষু পথ্যঃ| স চ মৃদ্বাদিগুণঃ| বালাদিষু মৃদ্বনপাযিত্বাদ্ধেতোশ্চতুরঙ্গুলো বিশেষাদ্যোজ্যঃ| তৌ সৌরজাতীযৌ| কর্ণিকারো রাজবৃক্ষঃ প্রগ্রহঃ কৃতমালকঃ| আরোগ্যশিম্বী শম্যাকো ব্যাধিঘাতোপঘাতকঃ আরগ্বধো দীর্ঘফলো ঘাতশ্চ চতুরঙ্গুলঃ| আরগ্বধস্তথা চান্যো কর্ণিকারেবতস্তথা|| ১৮||
Adhikarana tasya kalpanABedAH (19) · Śloka 19
ফলকালে পরিণতং ফলং তস্য সমাহরেত্| তেষাং গুণবতাং ভারং সিকতাসু বিনিক্ষিপেত্| সপ্তরাত্রাত্ সমুদ্ধৃত্য শোষযেদাতপে ততঃ| ততো মজ্জানমুদ্ধৃত্য শুচৌপাত্রে নিধাপযেত্| দ্রাক্ষারসেন তং দদ্যাদ্ দাহোদাবর্তপীডিতে| চতুর্বর্ষে সুখং বালে যাবদ্ দ্বাদশবার্ষিকে| চতুরঙ্গুলমজ্ঞো বা কষাযে পাযযেদ্ধিমম্| দধিমণ্ডসুরামণ্ডধাত্রীফলরসৈঃ পৃথক্| সৌবীরকেণ বা যুক্তং কল্কেন ত্রৈবৃতেন বা| চতুরঙ্গুলসিদ্ধাদ্বা ক্ষীরাদ্যদুদিযাদ্ ঘৃতম্| মজ্জকল্কেন ধাত্রীণাং রসে তত্সাধিতং পিবেত্| তদেব দশমূলস্য কুলত্থানাং যবস্য চ| কষাযে সাধিতং সর্পিষ্কল্কৈঃ শ্যামাদিভিঃ পিবেত্| দন্তীকষাযে তন্মজ্জ্ঞো গুডং জীর্ণং চ নিক্ষিপেত্| তমরিষ্টং স্থিতং মাসং পাযযেত্ পক্ষমেব বা||১৯||
View original
फलकाले परिणतं फलं तस्य समाहरेत्| तेषां गुणवतां भारं सिकतासु विनिक्षिपेत्| सप्तरात्रात् समुद्धृत्य शोषयेदातपे ततः| ततो मज्जानमुद्धृत्य शुचौपात्रे निधापयेत्| द्राक्षारसेन तं दद्याद् दाहोदावर्तपीडिते| चतुर्वर्षे सुखं बाले यावद् द्वादशवार्षिके| चतुरङ्गुलमज्ञो वा कषाये पाययेद्धिमम्| दधिमण्डसुरामण्डधात्रीफलरसैः पृथक्| सौवीरकेण वा युक्तं कल्केन त्रैवृतेन वा| चतुरङ्गुलसिद्धाद्वा क्षीराद्यदुदियाद् घृतम्| मज्जकल्केन धात्रीणां रसे तत्साधितं पिबेत्| तदेव दशमूलस्य कुलत्थानां यवस्य च| कषाये साधितं सर्पिष्कल्कैः श्यामादिभिः पिबेत्| दन्तीकषाये तन्मज्ज्ञो गुडं जीर्णं च निक्षिपेत्| तमरिष्टं स्थितं मासं पाययेत् पक्षमेव वा||१९||
🔊 Audio coming soon
তস্য সামান্যেন রাজবৃক্ষস্য| ফলকালে যদাঽস্য ফলানি ভবন্তি তদা পরিণতমতিক্রান্তপাকমেব ফলমাহরেত্| ন মধ্যমম্| অকালেঽপি ফলসম্ভবাত্কালবিশেষণম্| তেষামিতি ফলানাম্| গুণবতামিতি দোষরহিতানাম্| সপ্তরাত্রং সিকতাসু বাসনম্| তত আতপে শোষণম্| ততঃ শুষ্কাণাং মজ্জানমুদ্ধৃত্য তং মজ্জানং শুচৌ নির্মলে পাত্রে নিধাপযেত্| দ্রাক্ষেত্যাদি সুবোধম্| চতুরঙ্গুলমজ্জকষাযং হিমং শীতীভূতং দধিমণ্ডাদীনামন্যতমেন যুক্তং ত্রিবৃত্কল্কেন যুক্তং বা পাযযেত্| চতুরঙ্গুলসিদ্ধাত্ ক্ষীরাত্ প্রমথিতাদ্যদ্ ঘৃতমুদিযাত্ তদ্ ঘৃতং চতুরঙ্গুলমজ্জাকল্কেন সহামলকরসেন সাধিতং পিবেত্| তদেব চতুরঙ্গুলসিদ্ধক্ষীরজং ঘৃতং দশমূলাদ্যন্যতমকষাযে শ্যামাদিভির্বিরেচনদ্রব্যকল্কৈঃ সহ সাধিতং পিবেত্| দন্ত্যাঃ ক্বাথে চতুরঙ্গুলমজ্জানং জীর্ণগুডং চ নিক্ষিপেত্| তং মাংসং পক্ষস্থিতং বাঽঽরিষ্টং পিবেত্| ইতি চতুরঙ্গুলকল্পঃ|| ১৯||
Adhikarana tilvakakalpaH (20) · Śloka 20
ত্বচং তিল্বকমূলস্য ত্যক্ত্বাভ্যন্তরবল্কলম্| বিশোষ্য চূর্ণযিত্বা চ দ্বৌ ভাগৌ গালযেত্ততঃ| লোধ্রস্যৈব কষাযেণ তৃতীযং তেন ভাবযেত্| কাষাযে দশমূলস্য তং ভাগং ভাবিতং পুনঃ| শুষ্কচূর্ণং পুনঃ কৃত্বা ততঃ পাণিতলং পিবেত্| মস্তুমূত্রসুরামণ্ডকোলধাত্রীপলাম্বুভিঃ||২০||
View original
त्वचं तिल्वकमूलस्य त्यक्त्वाभ्यन्तरवल्कलम्| विशोष्य चूर्णयित्वा च द्बौ भागौ गालयेत्ततः| लोध्रस्यैव कषायेण तृतीयं तेन भावयेत्| काषाये दशमूलस्य तं भागं भावितं पुनः| शुष्कचूर्णं पुनः कृत्वा ततः पाणितलं पिबेत्| मस्तुमूत्रसुरामण्डकोलधात्रीपलाम्बुभिः||२०||
🔊 Audio coming soon
ত্বচমিত্যাদিনা তিল্বকস্যোচ্যতে| লোধ্রঃ শাবরকস্তিল্বস্তিলকস্তিলকস্তথা| রবিদুঃ কাণ্ডহীনশ্চ মিল্লীশম্বরপাদপঃ| অভ্যন্তরবল্কলঃ অন্তর্ভাগস্ত্যক্তো যথা ত্বচা| তাং ত্বচং চূর্ণযিত্বা তস্য চূর্ণস্য ত্রীন্ ভাগান্ কুর্যাত্| ততো দ্বৌ ভাগৌ লোধ্রক্বাথেন স্রাবযেত্| তেন শিষ্টস্তৄতীযো ভাগো ভাব্যঃ| স এব পুনর্দশমুলকষাযেণ ভাব্যঃ| ততঃ শুষ্কচূর্ণং কৃত্বা ততশ্চূর্ণাত্ পাণিতলং কর্ষং মস্ত্বাদীনামন্যতমেন পিবেত্| কোলৈর্বদরৈর্মৃদিতমম্বু তথোক্তম্| তদ্বদ্ধাত্রীফলাঽম্বু|| ২০||
Adhikarana tilvakasya kalpanABedAH (21) · Śloka 21
মেষশৃঙ্গ্যভযাকৃষ্ণাচিত্রকৈঃ ক্বথিতে জলে| মরুজাঃ সুনুযাত্তচ্চ জাতং সৌবীরকং যদা| ভবেদঞ্জলিনা তস্য লোধ্রকল্কং পিবেত্তদা| সুরাং লোধ্রকষাযেণ জাতাং পক্ষস্থিতাং পিবেত্| তিল্ব্কস্য কষাযেণ কল্কেন চ সশর্করঃ| সঘৃতঃ সাধিতো লেহঃ স চ শ্রেষ্ঠং বিরেচনম্||২১||
View original
मेषशृङ्ग्यभयाकृष्णाचित्रकैः क्वथिते जले| मरुजाः सुनुयात्तच्च जातं सौवीरकं यदा| भवेदञ्जलिना तस्य लोध्रकल्कं पिबेत्तदा| सुरां लोध्रकषायेण जातां पक्षस्थितां पिबेत्| तिल्व्कस्य कषायेण कल्केन च सशर्करः| सघृतः साधितो लेहः स च श्रेष्ठं विरेचनम्||२१||
🔊 Audio coming soon
মরুজাভির্মেষশৃঙ্গযাদিক্বথিতজলাসুতাভিঃ সৌবীরকং কুর্য্যাত্| মরুজাঃ যবাঃ| তত্ সৌবীরকং যদা জাতং ভবেত্তদা তস্যাঽঞ্জলিনা পলচতুষ্টযেন লোধ্রকল্কং সামান্যেনাঽক্ষমাত্রং পিবেত্| মরুজানাং যবানাং সুরাবিধানেন পক্ষজাতাং সুরাং পিবেত্| তিল্বককষাযকল্কেন সহ লেহঃ সুবোধঃ| ইতি তিল্বককল্পঃ|| ২১||
Adhikarana snuhyadhikAraH (22) · Śloka 22
সুধা ভিনত্তি দোষাণাং মহান্তমপি সঞ্চযম্| আশ্বেব কষ্টবিভ্রংশা নৈব তাং কল্পযেদতঃ| মৃদু কোষ্ঠেঽবলে বালে স্থবিরে দীর্ঘরোগিণি| কল্প্যা গুল্মোদরগরত্বগ্রোগমধুমেহিষু| পাণ্ডৌ দূষীবিষে শোফে দোষবিভ্রান্তচেতসি||২২||
View original
सुधा भिनत्ति दोषाणां महान्तमपि सञ्चयम्| आश्वेव कष्टविभ्रंशा नैव तां कल्पयेदतः| मृदु कोष्ठेऽबले बाले स्थविरे दीर्घरोगिणि| कल्प्या गुल्मोदरगरत्वग्रोगमधुमेहिषु| पाण्डौ दूषीविषे शोफे दोषविभ्रान्तचेतसि||२२||
🔊 Audio coming soon
সুধা মহান্তমপি দোষাণাং সঞ্চযমাঽঽশ্বেব ভিনত্তি| কষ্টবিভ্রংশা তদসম্যগ্যোগেন কষ্টা অপাযা ভবন্তীত্যর্থঃ| অতস্তাং সুধাং নৈব কস্যচিত্ কল্পযেত্| কিং সর্বত্রৈব সা ন কল্প্যা| নৈবমপি তু মৃদুকোষ্ঠাদিষ্বেব| ক্ব তর্হি সা কল্প্যা| গুল্মাদিষু|| ২২||
Adhikarana tasyAH kalpanAvidhiH (23) · Śloka 23
সা শ্রেষ্ঠা কণ্টকৈস্তীক্ষ্ণৈর্বহুভিশ্চ সমাচিতা| দ্বিবর্ষা বা ত্রিবর্ষা বা শিশিরান্তে বিশেষতঃ| তাং পাটযিত্বা শস্ত্রেণ ক্ষীরমুদ্ধারযেত্ততঃ| বিল্বাদীনাং বৃহত্যোর্বা ক্বাথেন সমমেকশঃ| মিশ্রযিত্বা সুধাক্ষীরং ততোঽঙ্গারেষু শোষযেত্| পিবেত্ কৃত্বা তু গুটিকাং মস্তুমূত্রসুরাদিভিঃ|২৩|
View original
सा श्रेष्ठा कण्टकैस्तीक्ष्णैर्बहुभिश्च समाचिता| द्विवर्षा वा त्रिवर्षा वा शिशिरान्ते विशेषतः| तां पाटयित्वा शस्त्रेण क्षीरमुद्धारयेत्ततः| बिल्वादीनां बृहत्योर्वा क्वाथेन सममेकशः| मिश्रयित्वा सुधाक्षीरं ततोऽङ्गारेषु शोषयेत्| पिबेत् कृत्वा तु गुटिकां मस्तुमूत्रसुरादिभिः|२३|
🔊 Audio coming soon
সা চ সুধা তীক্ষ্ণৈর্বহুভিশ্চ কণ্টকৈঃ সমাচিতা সতী শ্রেষ্ঠা| তাং চ সুধাং শস্ত্রেণ পাটযিত্ব ক্ষীরমুদ্ধারযেত্| নবামভিনবাং ন পাটযেত্| অপি চ দ্বিবর্ষাং বা ত্রিবর্ষাং বা| বিশেষেণ শিশিরস্যান্তে ক্ষীরং গৃহ্ণীযাত্| স্নুহিঃ সুধামহাবৃক্ষৌ গুডা নিস্ত্রিংশপত্রকঃ| সমন্তদুগ্ধা গণ্ডীরো স্নুগ্বজ্রী বজ্রকণ্টকঃ| ততোঽনন্তরং বিল্বাদীনাং মহাপঞ্চমূলদ্রব্যাণাং বৃহত্যোশ্চৈকশঃ প্রত্যেকং কষাযেণ সমপরিমাণেন সুধাক্ষীরং মিশ্রযিত্বাঽঙ্গারেষু শোষযেত্| পচেদিত্যর্থঃ| ততোঽঙ্গারশোষণানন্তরং গুটিকাং কৃত্বা মস্ত্বাদীনামন্যতমেন পিবেত্||২৩||
Adhikarana tasyAH kalpanAvidhiH (23) · Śloka 23
সা শ্রেষ্ঠা কণ্টকৈস্তীক্ষ্ণৈর্বহুভিশ্চ সমাচিতা| দ্বিবর্ষা বা ত্রিবর্ষা বা শিশিরান্তে বিশেষতঃ| তাং পাটযিত্বা শস্ত্রেণ ক্ষীরমুদ্ধারযেত্ততঃ| বিল্বাদীনাং বৃহত্যোর্বা ক্বাথেন সমমেকশঃ| মিশ্রযিত্বা সুধাক্ষীরং ততোঽঙ্গারেষু শোষযেত্| পিবেত্ কৃত্বা তু গুটিকাং মস্তুমূত্রসুরাদিভিঃ||২৩||
View original
सा श्रेष्ठा कण्टकैस्तीक्ष्णैर्बहुभिश्च समाचिता| द्विवर्षा वा त्रिवर्षा वा शिशिरान्ते विशेषतः| तां पाटयित्वा शस्त्रेण क्षीरमुद्धारयेत्ततः| बिल्वादीनां बृहत्योर्वा क्वाथेन सममेकशः| मिश्रयित्वा सुधाक्षीरं ततोऽङ्गारेषु शोषयेत्| पिबेत् कृत्वा तु गुटिकां मस्तुमूत्रसुरादिभिः||२३||
🔊 Audio coming soon
সা চ সুধা তীক্ষ্ণৈর্বহুভিশ্চ কণ্টকৈঃ সমাচিতা সতী শ্রেষ্ঠা| তাং চ সুধাং শস্ত্রেণ পাটযিত্ব ক্ষীরমুদ্ধারযেত্| নবামভিনবাং ন পাটযেত্| অপি চ দ্বিবর্ষাং বা ত্রিবর্ষাং বা| বিশেষেণ শিশিরস্যান্তে ক্ষীরং গৃহ্ণীযাত্| স্নুহিঃ সুধামহাবৃক্ষৌ গুডা নিস্ত্রিংশপত্রকঃ| সমন্তদুগ্ধা গণ্ডীরো স্নুগ্বজ্রী বজ্রকণ্টকঃ| ততোঽনন্তরং বিল্বাদীনাং মহাপঞ্চমূলদ্রব্যাণাং বৃহত্যোশ্চৈকশঃ প্রত্যেকং কষাযেণ সমপরিমাণেন সুধাক্ষীরং মিশ্রযিত্বাঽঙ্গারেষু শোষযেত্| পচেদিত্যর্থঃ| ততোঽঙ্গারশোষণানন্তরং গুটিকাং কৃত্বা মস্ত্বাদীনামন্যতমেন পিবেত্||২৩||
Adhikarana snuhIkShIrAdiBistrivRutAdInAM prayogaH (24) · Śloka 24
ত্রিবৃতাদীন্নব বরাং স্বর্ণক্ষারীং সসাতলাম্| সপ্তাহং স্নুক্পযঃ পীতান্ রসেনাজ্যেন বা পিবেত্| তদ্বদ্ ব্যোষোত্তমাকুম্ভনিকুম্ভাগ্নীন্ গুডাম্বুনা| আদ্যাচ্ছ্যামাত্রিবৃত্ক্বাথং স্নুক্ক্ষীরঘৃতফাণিতৈঃ| কাসারিরসযূষাদ্যৈর্যুক্তং বা স্নুক্পযঃ পিবেতঃ||২৪||
View original
त्रिवृतादीन्नव वरां स्वर्णक्षारीं ससातलाम्| सप्ताहं स्नुक्पयः पीतान् रसेनाज्येन वा पिबेत्| तद्वद् व्योषोत्तमाकुम्भनिकुम्भाग्नीन् गुडाम्बुना| आद्याच्छ्यामात्रिवृत्क्वाथं स्नुक्क्षीरघृतफाणितैः| कासारिरसयूषाद्यैर्युक्तं वा स्नुक्पयः पिबेतः||२४||
🔊 Audio coming soon
ত্রিবৃতাদীন্নব ত্রিবৃচ্ছ্যামারাজবক্ষাঽরগ্বধতিল্বকসুধাশঙ্খিনীদ্রবন্তীদন্ত্যাখ্যান্| সাতলাযাঃ পৃথগ্যুক্তিরপি নিশ্চিতা| বরা ত্রিফলা| স্নুক্পযঃ পীতান্ সুধাক্ষীরভাবিতান্| ব্যোষাদীন্ তদ্বদিতি সপ্তাহং স্নুক্পযঃপীতান্| শ্যামাত্রিবৃত্ক্বাথং স্নুহীক্ষীরাদিভিরদ্যাত্| কাসাঽরিরসাদিযুক্তং বা স্নুক্পযঃ পিবেত্|| ২৪||
Adhikarana snuhIkShIrasya mRudukoShThe prayogaH (25) · Śloka 25
নিকুম্ভকুম্ভশম্যাকশঙ্খিনীসপ্তলারজঃ| রাত্রৌ মূত্রে দিবা ঘর্মে সপ্তাহং স্থাপযেদিতি| স্নুক্ক্ষীরেঽপি ততস্তেন মাল্যং বাসোঽবচূর্ণিতম্| আজিঘ্রন্ প্রাবৃণানশ্চ মৃদুকোষ্ঠো বিরিচ্যতে||২৫||
View original
निकुम्भकुम्भशम्याकशङ्खिनीसप्तलारजः| रात्रौ मूत्रे दिवा घर्मे सप्ताहं स्थापयेदिति| स्नुक्क्षीरेऽपि ततस्तेन माल्यं वासोऽवचूर्णितम्| आजिघ्रन् प्रावृणानश्च मृदुकोष्ठो विरिच्यते||२५||
🔊 Audio coming soon
নিম্কুম্ভাদীনাং রজঃচূর্ণং রাত্রৌ গোমূত্রে স্থাপযেত্| দিবা চ ঘর্ম আতপে শোষযন্ স্থাপযেত্| স্নুক্ক্ষীরেঽপি সপ্তাহমাতপে স্থাপযেত্| ততস্তেন চূর্ণেন মাল্যমবচূর্ণিতমাঽঽজিঘ্রন্ বাসশ্চ প্রাবৃণ্বানো মৃদুকোষ্ঠো বিরিচ্যতে| ইতি মহাবৃক্ষকল্পঃ|| ২৫||
Adhikarana atha saptalAsha~gkhinyoradhikAraH (26) · Śloka 26
নাতিশুষ্কং ফলং গ্রাহ্যং শঙ্খিন্যা নিস্তুষীকৃতম্| সপ্তলাযাস্তথা মূলং তে তু তীক্ষ্ণবিকাষিণী| শ্লেষ্মামযোদরগরশ্বযথ্বাদিষু কল্পযেত্||২৬||
View original
नातिशुष्कं फलं ग्राह्यं शङ्खिन्या निस्तुषीकृतम्| सप्तलायास्तथा मूलं ते तु तीक्ष्णविकाषिणी| श्लेष्मामयोदरगरश्वयथ्वादिषु कल्पयेत्||२६||
🔊 Audio coming soon
শঙ্খিন্যাঃ ফলং বিরেচনায গ্রাহ্যম্| তচ্চ নিস্তুষীকৃতম্| সপ্তলাযাস্তু তথাবিধমেব মূলম্| তে চ সপ্তলাশঙ্খিন্যৌ| তীক্ষ্ণত্বগুণযুক্তে বিকাষিণ্যৌ চ| অত এব শ্লেষ্মামযাদিষু কল্পযেত্| তীক্ষ্ণঃ ক্ষিপ্রকারী| বিকাষী বিকষন্ ধাতুন্ সন্ধিবন্ধান্ বিমুঞ্চতি| এবং তিক্তা শঙ্খিনী চ দৃঢপাদা বিসর্পণী| নাকুলী চাক্ষপীডা চ নেত্রমীলা যশস্করী| সাতলা সপ্তলা সারী বিদুলা বিমলাঽমলা| বহুফেনা চর্মকষা ফেনা দীপ্তা মরালিকাঃ|| ২৬||
Adhikarana tayoH kalpanA (27) · Śloka 27
অক্ষমাত্রং তযোঃ পিণ্ডং মদিরালবণান্বিতম্| হৃদ্রোগো বাতকফজে তদ্বদ্ গুল্মেঽপি যোজযেত্| শঙ্খিনীচূর্ণভাগৌ দ্বৌ তিলকল্কস্য চাপরঃ| হরীতকী কষাযেণ তত্তৈলং পীডিতং পিবেত্| অতসীসর্ষপৈরণ্ডকরঞ্জেষ্বপ্যযং বিধিঃ||২৭||
View original
अक्षमात्रं तयोः पिण्डं मदिरालवणान्वितम्| हृद्रोगो वातकफजे तद्वद् गुल्मेऽपि योजयेत्| शङ्खिनीचूर्णभागौ द्वौ तिलकल्कस्य चापरः| हरीतकी कषायेण तत्तैलं पीडितं पिबेत्| अतसीसर्षपैरण्डकरञ्जेष्वप्ययं विधिः||२७||
🔊 Audio coming soon
অক্ষমাত্রমিত্যাদি সুবোধম্| তিলানাং ভাগ একস্তত্সমাভ্যাং শঙ্খিনীচূর্নভাগাভ্যাং সহাবপীডযেত্| তত্তৈলং হরীতকীক্বাথেন পিবেত্| তিলবদ্ভাগকল্পনযাঽতস্যাদীনামপি পৃথক্পীডিতানাং তৈলস্য হরীতকীকষাযেণ পানবিধিঃ| ইতি সপ্তলাশঙ্খিন্যোঃ কল্পঃ|| ২৭||
Adhikarana atha dantIdravantyoH kalpaH (28) · Śloka 28
দন্তিদন্তস্থিরস্থূলং মূলং দন্তীদ্রবন্তিজম্| আতাম্রশ্যাবতীক্ষ্ণোষ্ণমাশুকারি বিকাষি চ| গুরুপ্রকোপিবাতস্য পিত্তশ্লেষ্মবিলাযনম্| তত্ক্ষৌদ্রপিপ্পলীলিপ্তং স্বেদযেন্মৃত্যুকুশান্তরে| শোষযেচ্চাতপেঽগ্ন্যর্কৌ ততো হ্যস্য বিকাষিতাম্| তত্ পিবেন্মস্তুমদিরাতক্রপীলুরসাসবৈঃ| অভিষ্যণ্ণতনুর্গুল্মী প্রমেহী জঠরী গরী| গোমৃগাঽজরসৈঃ পাণ্ডুকৃমিকোষ্ঠী ভগন্দরী||২৮||
View original
दन्तिदन्तस्थिरस्थूलं मूलं दन्तीद्रवन्तिजम्| आताम्रश्यावतीक्ष्णोष्णमाशुकारि विकाषि च| गुरुप्रकोपिवातस्य पित्तश्लेष्मविलायनम्| तत्क्षौद्रपिप्पलीलिप्तं स्वेदयेन्मृत्युकुशान्तरे| शोषयेच्चातपेऽग्न्यर्कौ ततो ह्यस्य विकाषिताम्| तत् पिबेन्मस्तुमदिरातक्रपीलुरसासवैः| अभिष्यण्णतनुर्गुल्मी प्रमेही जठरी गरी| गोमृगाऽजरसैः पाण्डुकृमिकोष्ठी भगन्दरी||२८||
🔊 Audio coming soon
দন্তীদ্রবন্তিজং মূলং দন্তিদন্তবত্ করিদন্তবত্ তীক্ষ্ণত্বাদিগুণং ভবতি| সুবোধম্| দন্তীশীঘ্রা নিকুম্ভা স্যাদুপচিত্রা মুকূলকঃ| তথোদুম্বরপর্ণী চ বিশল্যা চ গুণপ্রিযা| দ্রবন্তী শম্বরী চিত্রান্যগ্রোধা মূষিকাহ্বযা| প্রত্যক্শ্রেণী বিষা রণ্ডা পুত্রশ্রেণ্যাখুপর্ণিকা| তদ্দন্তীদ্রবন্ত্যোর্মূলং মাক্ষিকপিপ্পলীভ্যাং লিপ্তং কুশাদিভিঃ পশ্চাচ্চ মৃদা বেষ্টযিত্বা পুটপাকবত্স্বেদযেত্| স্বিন্নং চাঽঽতপে শোষযেত্| যস্মাত্তস্য বিকাষিতাং ধাতুকষণস্বরূপত্বমগ্ন্যর্কৌ নাশযতঃ| তন্মূলং মস্ত্বাদিভিরভিষ্যণ্ণতনুত্বাদিমান্ পিবেত্| অভিষ্যণ্ণান্তঃ ক্লিন্না তনুর্যস্য স তথোক্তঃ| তদেব মূলং পাণ্ড্বাদিযুক্তঃ গোমাংসরসাদিনা পিবেত্|| ২৮||
Adhikarana tayossarpistailakalpanA (29) · Śloka 29
সিদ্ধং তত্ক্বাথকল্কাভ্যাং দশমূলরসেন চ| বিসর্পবিদ্রধ্যলজীকক্ষ্যাদাহান্ জযেদ্ ঘৃতম্| তৈলং তু গুল্মমেহার্শোবিবন্ধকফমারুতান্| মহাস্নেহঃ শকৃচ্ছুক্রবাতসঙ্গানিলব্যথাঃ||২৯||
View original
सिद्धं तत्क्वाथकल्काभ्यां दशमूलरसेन च| विसर्पविद्रध्यलजीकक्ष्यादाहान् जयेद् घृतम्| तैलं तु गुल्ममेहार्शोविबन्धकफमारुतान्| महास्नेहः शकृच्छुक्रवातसङ्गानिलव्यथाः||२९||
🔊 Audio coming soon
তদিতি দন্ত্যা দ্রবন্ত্যাশ্চ মূলস্য পরিগ্রহঃ| দশমূলস্য ক্বাথেন চ দন্তীদ্রবন্তীমূলকল্কং দত্বা যদ্ ঘৃতং সিদ্ধং তদ্বিসর্পাদীন্ জযেত্| অলজী প্রমেহোক্তা পিটকা| কক্ষ্যানাম গ্রন্থিরুত্তরে বক্ষ্যতে| অনেনৈব বিধিনা তৈলং পক্বং গুল্মাদীন্ জযেত্| অনেনৈব বিধিনা মহাস্নেহঃ স্নেহচতুষ্টযং পক্বং শকৃত্ সঙ্গাদীন্ জযেত্|| ২৯||
Adhikarana tayorlehavidhAnam (30) · Śloka 30
দন্ত্যা রসেঽজশৃঙ্গ্যাশ্চ গুডক্ষৌদ্রঘৃতান্বিতঃ| লেহঃ সিদ্ধো বিরেকার্থে দাহসন্তাপমেহনুত্| বাততর্ষে জ্বরে পৈত্তে স্যাত্স এবাঽজগন্ধযা| দন্তীদ্রবন্ত্যোর্মূলানি পচেদ্ধাত্রীরসে ততঃ| ত্রীনংশান্ ফাণিতাদ্দ্বৌ চ ভৃষ্টস্তৈলে ঘৃতেঽথবা| শ্যামাদিকল্কযুক্তোঽযং লেহঃ সিদ্ধং বিরেচনম্| পথ্যাক্ষদশমূলানাং তদ্বল্লেহাঃ পৃথগ্রসৈঃ||৩০||
View original
दन्त्या रसेऽजशृङ्ग्याश्च गुडक्षौद्रघृतान्वितः| लेहः सिद्धो विरेकार्थे दाहसन्तापमेहनुत्| वाततर्षे ज्वरे पैत्ते स्यात्स एवाऽजगन्धया| दन्तीद्रवन्त्योर्मूलानि पचेद्धात्रीरसे ततः| त्रीनंशान् फाणिताद्द्वौ च भृष्टस्तैले घृतेऽथवा| श्यामादिकल्कयुक्तोऽयं लेहः सिद्धं विरेचनम्| पथ्याक्षदशमूलानां तद्वल्लेहाः पृथग्रसैः||३०||
🔊 Audio coming soon
দন্ত্যা মূলস্য পরিগ্রহঃ| দন্তীশৃঙ্গযোঃ ক্বাথে গুডাদিকং দত্বা লেহঃ সিদ্ধো বিরেকার্থে দাহাদিনুচ্চ ভবতি| স এব দন্তীলেহোঽজগন্ধযা সংযুক্তো বাততর্ষে পৈত্তে চ জ্বরে স্যাত্ সিদ্ধ ইতি সম্বধ্যতে| ধাত্র্যা আমলকস্য রসে সিদ্ধযোর্যুগপদ্দন্তীদ্রবন্তীকূলযোস্ত্রীনংশান্ সমাস্ত্রযো ভাগাঃ| দ্বৌ ভাগৌ ফাণিতস্য| ক্ষুদ্রগুডস্যেত্যেকতঃ পঞ্চকদোষাদ্যপেক্ষযা তৈলেন বা ঘৃতেন বা ভৃষ্টমুভযথাঽপি শ্যামাদিগণকল্কেন সংযোজ্য লেহো বিরেচনং সিদ্ধম্| ধাত্রীফলরসবচনেনৈব প্রকারেণ পৃথগ্ঘরীতক্যাদীনামপি রসৈর্লেহ্য ভবন্তি|| ৩০||
Adhikarana tayoshcUrNakalpanA (31) · Śloka 31
তযোর্বিডসমং চূর্ণং তদ্রসেনৈব ভাবিতম্| বিবদ্ধবিশি বাতোত্থে গুল্মে চাম্লযুতং হিতম্| মুদ্গাদিসিদ্ধৈস্তন্মূলৈর্যূষাদীংশ্চ প্রকল্পযেত্| দন্তীদ্রবন্তীমরিচস্বর্ণক্ষীরীযবাসকম্| সশুণ্ঠ্যগ্নিকপৃথ্বীকং চূর্ণিতং সপ্তবাসরান্| মূত্রভাবিতমাজ্যেন পিবেজ্জীর্ণে চ তর্পণম্| সর্বদা সর্বরোগেষু বালে বৃদ্ধে চ তদ্ধিতম্| দুর্ভক্তাজীর্ণপার্শ্বার্তিগুল্মপ্লীহোদরেষু চ| গণ্ডমালাসু বাতে চ পাণ্ডুরোগে চ শস্যতে||৩১||
View original
तयोर्विडसमं चूर्णं तद्रसेनैव भावितम्| विबद्धविशि वातोत्थे गुल्मे चाम्लयुतं हितम्| मुद्गादिसिद्धैस्तन्मूलैर्यूषादींश्च प्रकल्पयेत्| दन्तीद्रवन्तीमरिचस्वर्णक्षीरीयवासकम्| सशुण्ठ्यग्निकपृथ्वीकं चूर्णितं सप्तवासरान्| मूत्रभावितमाज्येन पिबेज्जीर्णे च तर्पणम्| सर्वदा सर्वरोगेषु बाले वृद्धे च तद्धितम्| दुर्भक्ताजीर्णपार्श्वार्तिगुल्मप्लीहोदरेषु च| गण्डमालासु वाते च पाण्डुरोगे च शस्यते||३१||
🔊 Audio coming soon
তযোর্দন্তীদ্রবন্তীমূলযোশ্চূর্ণং সমেন বিডলবণেন যুক্তং পশ্চাত্তন্মূলক্বাথেনৈব ভাবিতমম্লৈঃ কাঞ্জিকমদ্যাদির্ভিযুক্তং বিড্বিবন্ধে বাতগুল্মে চ হিতম্| মুদ্গাদিসিদ্ধৈরিতি সুবোধম্| একেনাদিগ্রহণেন ধান্যানাং গ্রহণম্| দ্বিতীযেনাঽন্নং প্রকরণাত্| দন্ত্যাদিকং চূর্ণিতং সপ্তরাত্রং চ যেন কেনচিন্মূত্রেণ ভাবিতং ঘৃতেন তস্মিন্ জীর্ণে তর্পণং সক্তুমণ্ডং পিবেত্| এতচ্চ সর্বকালং সর্বরোগেষু বালবৃদ্ধযোশ্চ দুর্ভুক্তাঽজীর্ণাদিষু চ গণ্ডমালাদিকে চ শস্যতে|| ৩১||
Adhikarana dantyAdiBirmodakakalpanA (32) · Śloka 32
গুডস্যাষ্টপলে পথ্যা বিংশতিঃ স্যাত্পলং পলম্| দন্তীচিত্রকযোঃ কর্ষো পিপ্পলীত্রিবৃতোর্দশ| প্রকল্প্য মোদকানেকং দশমে দশমেঽহনি| উষ্ণাম্ভোঽনুপিবন্ খাদেত্তান্ সর্বান্ বিধিনাঽমুন| এতে নিষ্পরিহারাঃ স্যুঃ সর্বব্যাধিনিবর্হণাঃ| বিশেষাদ্ গ্রহণীপাণ্ডুকণ্ডূকোঠাঽর্শসাং হিতাঃ| বিরেচনে মুখ্যতমা নবৈতে ত্রিবৃতাদযঃ||৩২||
View original
गुडस्याष्टपले पथ्या विंशतिः स्यात्पलं पलम्| दन्तीचित्रकयोः कर्षो पिप्पलीत्रिवृतोर्दश| प्रकल्प्य मोदकानेकं दशमे दशमेऽहनि| उष्णाम्भोऽनुपिबन् खादेत्तान् सर्वान् विधिनाऽमुन| एते निष्परिहाराः स्युः सर्वव्याधिनिबर्हणाः| विशेषाद् ग्रहणीपाण्डुकण्डूकोठाऽर्शसां हिताः| विरेचने मुख्यतमा नवैते त्रिवृतादयः||३२||
🔊 Audio coming soon
গুডাদিকেন মোদকান্ দশ প্রকল্প্য দশমে দশমেঽহন্যেকমেকং মোদকমুষ্ণাম্ভোঽনুপিবন্ খাদেদেবম্ সর্বান্| সুবোধম্| এতে নব ত্রিবৃতাদযো বিরেচনে মুখ্যতমাঃ|| ৩২||
Adhikarana atha harItakIkalpaH (33) · Śloka 33
হরীতকীমপি ত্রিবৃদ্বিধানেনোপকল্পযেত্| বিশেষাদ্ গ্রহণীশোফপাণ্ডুমেহোদরাপহাম্| পিবেত্পথ্যাং সসিন্ধূত্থবিডঙ্গোষণনাগরাম্| মূত্রেণ বত্সকাদের্বা নির্য্যূহেণ হরীতকীম্| পথ্যানাগরচূর্ণং বা সংযুতং নীলিনীফলৈঃ| গুডেন ভক্ষযেত্তোযং কবোষ্ণং চ পিবেদনু||৩৩||
View original
हरीतकीमपि त्रिवृद्विधानेनोपकल्पयेत्| विशेषाद् ग्रहणीशोफपाण्डुमेहोदरापहाम्| पिबेत्पथ्यां ससिन्धूत्थविडङ्गोषणनागराम्| मूत्रेण वत्सकादेर्वा निर्य्यूहेण हरीतकीम्| पथ्यानागरचूर्णं वा संयुतं नीलिनीफलैः| गुडेन भक्षयेत्तोयं कवोष्णं च पिबेदनु||३३||
🔊 Audio coming soon
ত্রিবৃত্কল্পনাভির্হরীতকীং কল্পযেত্| যাং পুনঃ পথ্যাং হরীতকী গ্রহণ্যাদিনাশনস্বরূপাং বিশেষাত্ পিবেত্| বিশেষণমেব হেতুতাং প্রাপ্তম্| সিন্ধূত্থাদিযুক্তাং হরীতকীং মূত্রেণ বা বত্সকাদিনির্য্যূহেণ বা পিবেত্| পথ্যানাগরযোশ্চূর্ণনীলিনীফলচূর্ণেন যুক্তং গুডেন সহ ভক্ষযেত্| পশ্চাত্ কোষ্ণং তোযং পিবেত্|| ৩৩||
Adhikarana pathyAdiguTikA (34) · Śloka 34
পথ্যাত্রিবৃদ্ধ্যাং গুটিকাঃ কার্যাঃ দ্রাক্ষারসাপ্লুতাঃ| মাষপ্রমাণাস্তাঃ শুষ্কা লিহ্যাদ্যক্ষ্মী ঘৃতদ্রুতাঃ| পথ্যাত্রিবৃত্পট্ষ্ণাম্বু সর্বশ্রেষ্ঠং বিরেচনম্||৩৪||
View original
पथ्यात्रिवृद्ध्यां गुटिकाः कार्याः द्राक्षारसाप्लुताः| माषप्रमाणास्ताः शुष्का लिह्याद्यक्ष्मी घृतद्रुताः| पथ्यात्रिवृत्पट्ष्णाम्बु सर्वश्रेष्ठं विरेचनम्||३४||
🔊 Audio coming soon
হরীতকীত্রিবৃতোশ্চূর্ণেন্ দ্রাক্ষারসালোডিতেন গুডিকাঃ কার্যাঃ| মাষপ্রমাণাস্তাঃ শুষ্কাঃ প্রযোগকালেঽবচূর্ণ্য ঘৃতেন লিহ্যাদ্রা জযক্ষ্মী| পথ্যাদিকং সর্বত্র কালে বিষযে হিতম্|| ৩৪||
Adhikarana pathyAdimodakam (35) · Śloka 35
স্নুক্ক্ষীরভাবিতে পথ্যাচূর্ণে কুর্বীত মোদকান্| কোলাঽস্থিমাত্রাঞ্ছুষ্কাংশ্চ নবনীতেন লেহযেত্| গুল্মোদরযকৃত্প্লীহশূলানাহবিবন্ধিনঃ||৩৫||
View original
स्नुक्क्षीरभाविते पथ्याचूर्णे कुर्वीत मोदकान्| कोलाऽस्थिमात्राञ्छुष्कांश्च नवनीतेन लेहयेत्| गुल्मोदरयकृत्प्लीहशूलानाहविबन्धिनः||३५||
🔊 Audio coming soon
হরীতকীচূর্ণেন সুধাক্ষীরালোডিতেন বদরাঽস্থিপ্রমাণাং গুটিকাং কৃত্বা শুষ্কাঃ প্রযোগকালে নবনীতযুক্তাঃ বৈদ্যো লেহযেত্| ইতি হরীতকীকল্পঃ|| ৩৫||
Adhikarana sukhavirecanayogAH (36) · Śloka 36
লিহ্যাদেরণ্ডতৈলেন কুষ্ঠং ত্রিকটুকান্বিতম্| সুখোদকং চাঽনুপিবেত্ সুখমেতদ্বিরেচনম্||৩৬||
View original
लिह्यादेरण्डतैलेन कुष्ठं त्रिकटुकान्वितम्| सुखोदकं चाऽनुपिबेत् सुखमेतद्विरेचनम्||३६||
🔊 Audio coming soon
ত্রিকটুকযুক্তং কুষ্ঠমেরণ্ডতৈলেন লীঢং সুখোদকানুপানং সুখবিরেচনম্|| ৩৬||
Adhikarana guNA~antaropAdAne yuktiH (37) · Śloka 37
অল্পস্যাঽপি মহার্থত্বং প্রভূতস্যাঽল্পকর্মতাম্| কুর্যাত্ সংশ্লেষবিশ্লেষকালসংস্কারযুক্তিভিঃ||৩৭||
View original
अल्पस्याऽपि महार्थत्वं प्रभूतस्याऽल्पकर्मताम्| कुर्यात् संश्लेषविश्लेषकालसंस्कारयुक्तिभिः||३७||
🔊 Audio coming soon
অমীষাং বিরেচনানাং কোষ্ঠপরাযত্তত্বেন কার্যকর্ত্তৃত্বমুচ্যতে| অল্পস্যাঽপি মাত্রযা বহুকার্যকর্ত্তৃত্বং কুর্যাত্| কথমেতত্ কর্তুং পার্যত ইত্যাঽঽহ-সংশ্লেষেত্যাদি| অল্পমপি তীক্ষ্ণেন সংসৃষ্টং মহার্থত্বং যাতি| তথা প্রভূতমপি তীক্ষ্ণেন বিশ্লেষিতমল্পকর্মতাং যাতি| কালাদিভিরপ্যল্পং মহাকার্যকরং ভবতি| বহু চ স্বল্পকর্মকরম্| সংস্কারং তদ্যোগ্যেনগুণান্তরোত্পাদনম্| যুক্তির্বিশিষ্টৈঃ ক্রমাদিভির্যোজনম্|| ৩৭||
Adhikarana virecanAnAM hRudyatvApAdanam (38-39) · Śloka 39
ত্বক্কেসরাঽঽম্রাতকদাডিমৈলা- সিতোপলামাক্ষিকমাতুলুঙ্গৈঃ| মদ্যেন তৈস্তৈশ্চ মনোঽনুকূলে- র্যুক্তানি দেযানি বিরেচনানি||৩৮|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং কল্পস্থানে বিরেচনকল্পো নাম দ্বিতীযোঽধ্যাযঃ||৩৯||
View original
त्वक्केसराऽऽम्रातकदाडिमैला- सितोपलामाक्षिकमातुलुङ्गैः| मद्येन तैस्तैश्च मनोऽनुकूले- र्युक्तानि देयानि विरेचनानि||३८|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां कल्पस्थाने विरेचनकल्पो नाम द्वितीयोऽध्यायः||३९||
🔊 Audio coming soon
এতানি বিরেচনানি ত্বগাদিভির্যুক্তানি দেযানি| তৈস্তৈশ্চ প্রতিপুরুষং মনোঽনুকূলৈঃ প্রিযর্বস্তুভির্যুক্তানি| যতঃ প্রিযত্বাত্ পথ্যাদি যোগায জাযত ইতি|| ৩৮|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযাং কল্পস্থানে দ্বিতীযোঽধ্যাযঃ