Adhikarana athodaranidAnaM nAma dvAdasho~adhyAyaH | pratij~jA (1) · Śloka 1
অথাত উদরনিদানং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथात उदरनिदानं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শোফানাহজঠরবিকৃতিসামান্যাদ্বিদ্রধ্যাদ্যনন্তরমুদর-নির্ণযাযাঽধ্যাযারম্ভঃ|| ১||
Adhikarana udarasya nidAnaM samprAptishca (2) · Śloka 2
রোগাঃ সর্বেঽপি মন্দেঽগ্নৌ সুতরমুদরাণি তু| অজীর্ণান্মলিনিশ্চান্নৈর্জাযন্তে মলসঞ্চযাত্| ঊর্ধ্বাধো ধাতবো রুধ্বা বাহিনীরম্বুবাহিনীঃ| প্রাণাগ্ন্যপানান্সন্দূষ্য কুর্য্যুস্ত্বঙ্মাংসসন্ধিগাঃ| আধ্মাপ্য কুক্ষিমুদরম্.............................||২||
रोगाः सर्वेऽपि मन्देऽग्नौ सुतरमुदराणि तु| अजीर्णान्मलिनिश्चान्नैर्जायन्ते मलसञ्चयात्| ऊर्ध्वाधो धातवो रुध्वा वाहिनीरम्बुवाहिनीः| प्राणाग्न्यपानान्सन्दूष्य कुर्य्युस्त्वङ्मांससन्धिगाः| आध्माप्य कुक्षिमुदरम्.............................||२||
🔊 Audio coming soon
সর্বেষামপি জ্বরাদীনামগ্নিমান্দ্যসম্ভবাদুদরাণামতিশযঃ| অতোঽজীর্ণহেতুকান্ মলিনান্নহেতুকাচ্চ বাতাদিসঞ্চযাদুদরাণি জাযন্তে| ঊর্ধ্বাধ ইত্যাদিকযা সম্প্রাপ্ত্যা মলা উদরং কুর্য্যুরিতি সম্বন্ধঃ| ধাবতো বাতাদযঃ| অম্বুবাহিনীঃ সিরা ঊর্ধ্বাধো দেহে রুধ্বা প্রাণাদীংশ্চ সন্দূষ্য ত্বঙ্মাংসস্য মধ্যমাশ্রিতাঃ|| ২||
Adhikarana udaraprabhedAH (3) · Śloka 3
...................... অষ্টধা তচ্চ ভিদ্যতে| পৃথগ্দোষৈঃ সমস্তৈশ্চ প্লীহবদ্ধক্ষতোদকৈঃ||৩||
...................... अष्टधा तच्च भिद्यते| पृथग्दोषैः समस्तैश्च प्लीहबद्धक्षतोदकैः||३||
🔊 Audio coming soon
তচ্চোদরং বাতাদিভিঃ সন্নিপাতেন প্লীহাদিভিশ্চাষ্টধা|| ৩||
Adhikarana udararogisAmAnyalakShaNam (4) · Śloka 4
তেনার্ত্তাঃ শুষ্কতাল্বোষ্ঠাঃ শূনপাদকরোদরাঃ| নষ্টচেষ্টাবলাহারঃ কৃশাঃ প্রধ্মাতকুক্ষযঃ| স্যুঃ প্রেতরূপাঃ পুরুষাঃ .........................||৪||
तेनार्त्ताः शुष्कताल्वोष्ठाः शूनपादकरोदराः| नष्टचेष्टाबलाहारः कृशाः प्रध्मातकुक्षयः| स्युः प्रेतरूपाः पुरुषाः .........................||४||
🔊 Audio coming soon
সুবোধম্|| ৪||
Adhikarana udarapUrvarUpANi (5) · Śloka 5
..................................ভাবিনস্তস্য লক্ষণম্| ক্ষুন্নাশোঽন্নং চিরাত্সর্বং সবিদাহং চ পচ্যতে| জীর্ণাজীর্ণং ন জানাতি সৌহিত্যং সহতে ন চ| ক্ষীযতে বলতঃ শশ্বত্ শ্বসিত্যল্পেঽপি চেষ্টিতে| বৃদ্ধির্বিশোঽপ্রবৃত্তিশ্চ কিঞ্চিচ্ছোফশ্চ পাদযোঃ| রুগ্বস্তিসন্ধৌ তততালধ্বল্পা ভোজনৈরপি| রাজীজন্মবলীনাশো জঠরে.............................||৫||
..................................भाविनस्तस्य लक्षणम्| क्षुन्नाशोऽन्नं चिरात्सर्वं सविदाहं च पच्यते| जीर्णाजीर्णं न जानाति सौहित्यं सहते न च| क्षीयते बलतः शश्वत् श्वसित्यल्पेऽपि चेष्टिते| वृद्धिर्विशोऽप्रवृत्तिश्च किञ्चिच्छोफश्च पादयोः| रुग्बस्तिसन्धौ तततालध्वल्पा भोजनैरपि| राजीजन्मवलीनाशो जठरे.............................||५||
🔊 Audio coming soon
লঘুভোজনাদিভিরপি জঠরে তততা রাজীজন্মবলীণাং নাশশ্চ ভবতীতি পূর্বরূপম্|| ৫||
Adhikarana udarasAmAnyalakShaNam (6) · Śloka 6
......................................জঠরেষু তু| সর্বেষু তন্দ্রা সদনং মলসঙ্গোঽল্পবহ্নিতা| দাহঃ শ্বযথুরাধ্মানমন্ত্রে সলিলসম্ভবঃ||৬||
......................................जठरेषु तु| सर्वेषु तन्द्रा सदनं मलसङ्गोऽल्पवह्निता| दाहः श्वयथुराध्मानमन्त्रे सलिलसम्भवः||६||
🔊 Audio coming soon
সর্বেষু জঠরেষু তন্দ্রাদি সাধারণং লিঙ্গম্|| ৬||
Adhikarana asa~jjAtajalasyodarasya lakShaNam (7) · Śloka 7
সর্বং ত্বতোযমরুণমশোফং নাতিভারিকম্| গবাক্ষিতং সিরাজালৈঃ সদা গুডুগুডাযতে| নাভিমন্ত্রং চ বিষ্টভ্য বেগং কৃত্বা প্রণশ্যতি| মারুতো হৃত্কটীনাভিপাযুবংক্ষণবেদনঃ| সশব্দো নিশ্চরেদ্বাযুর্বিড্বদ্ধা মূত্রমল্পকম্| নাঽতিমন্ধোঽনলো লৌল্যন্ন চ স্যাদ্বিরসং মখম্||৭||
सर्वं त्वतोयमरुणमशोफं नातिभारिकम्| गवाक्षितं सिराजालैः सदा गुडुगुडायते| नाभिमन्त्रं च विष्टभ्य वेगं कृत्वा प्रणश्यति| मारुतो हृत्कटीनाभिपायुवंक्षणवेदनः| सशब्दो निश्चरेद्वायुर्विड्बद्धा मूत्रमल्पकम्| नाऽतिमन्धोऽनलो लौल्यन्न च स्याद्विरसं मखम्||७||
🔊 Audio coming soon
অরুণতাদ্যতোযসম্ভবলিঙ্গম্| ভারিকং গুরু| গুডুগুডুরিত্যব্যক্তঃ শব্দঃ| মারুতো বেগং কৃত্বা নশ্যতীতি সম্বধ্যতে| নশ্যতি নোপলভ্যত ইত্যর্থঃ| নাতিমন্দ ইত্যাদিনা সলিলসম্ভবেঽতিমন্দত্বং দর্শিতম্| ন চ লৌল্যং স্যাত্| বিরসং চ মুখং ন স্যাত্| যথা সলিল ইত্যর্থাত্|| ৭||
Adhikarana vAtodaralakShaNam (8) · Śloka 8
তত্র বাতোদরে শোফঃ পাণিপন্মুষ্কসন্ধিষু| কুক্ষিপার্শ্বোদরকটী পৃষ্ঠরুক্পর্বভেদনম্| শুষ্ককাসোঽঙ্গমর্দোঽধো গুরুতা মলসংগ্রহঃ| শ্যাবারুণত্বগাদিত্বমকস্মাদ্ হ্নাসবৃদ্ধিমত্| সতোদভেদমুদরং তনুকৃষ্ণসিরাততম্| আধ্মাতদৃতিবচ্ছব্দমাহতং প্রকরোতি চ| বাযুশ্চাত্র সরুক্শব্দো বিচরেত্সর্বতো গতিঃ||৮||
तत्र वातोदरे शोफः पाणिपन्मुष्कसन्धिषु| कुक्षिपार्श्वोदरकटी पृष्ठरुक्पर्वभेदनम्| शुष्ककासोऽङ्गमर्दोऽधो गुरुता मलसंग्रहः| श्यावारुणत्वगादित्वमकस्माद् ह्नासवृद्धिमत्| सतोदभेदमुदरं तनुकृष्णसिराततम्| आध्मातदृतिवच्छब्दमाहतं प्रकरोति च| वायुश्चात्र सरुक्शब्दो विचरेत्सर्वतो गतिः||८||
🔊 Audio coming soon
পাণিশোফাদিবাতোদরলিঙ্গম্|| ৮||
Adhikarana pittodaralakShaNam (9) · Śloka 9
পিত্তোদরে জ্বরো মূর্চ্ছা দাহস্তৃট্কটুকাস্যতা| ভ্রমোঽতীসারঃ পীতত্বং ত্বগাদাবুদরং হরিত্| পীততাম্রসিরানদ্ধং সস্বেদং সোষ্ম দহ্যতে| ধূমাযতি মৃদুস্পর্শং ক্ষিপ্রপাকং প্রদূযতে||৯||
पित्तोदरे ज्वरो मूर्च्छा दाहस्तृट्कटुकास्यता| भ्रमोऽतीसारः पीतत्वं त्वगादावुदरं हरित्| पीतताम्रसिरानद्धं सस्वेदं सोष्म दह्यते| धूमायति मृदुस्पर्शं क्षिप्रपाकं प्रदूयते||९||
🔊 Audio coming soon
জ্বরাদিকং পিত্তোদরে|| ৯||
Adhikarana shleShmodaralakShaNam (10) · Śloka 10
শ্লেষ্মোদরেঽঙ্গসদনং স্বাপঃ শ্বযথুগৌরবম্| নিদ্রোত্ক্লেশাঽরুচিশ্বাসকাসশুক্লত্বগাদিতাঃ| উদরং স্তিমিতং স্নিগ্ধং শুক্লরাজীততং মহত্| চিরাভিবৃদ্ধিকঠিনং শীতস্পর্শং গুরু স্থিরম্||১০||
श्लेष्मोदरेऽङ्गसदनं स्वापः श्वयथुगौरवम्| निद्रोत्क्लेशाऽरुचिश्वासकासशुक्लत्वगादिताः| उदरं स्तिमितं स्निग्धं शुक्लराजीततं महत्| चिराभिवृद्धिकठिनं शीतस्पर्शं गुरु स्थिरम्||१०||
🔊 Audio coming soon
অঙ্গসদনাদিকং শ্লেষ্মোদরে|| ১০||
Adhikarana sannipAtodarasya nidAnAdi (11) · Śloka 11
ত্রিদোষকোপনৈস্তৈস্তৈঃ স্ত্রীদত্তৈশ্চ রজোমলৈঃ| গরদূষীবিষাদ্যৈশ্চ সরক্তাঃ সঞ্চিতা মলাঃ| কোষ্ঠং প্রাপ্য বিকুর্বাণাঃ শোফমূর্চ্ছাভ্রমান্বিতম্| কুর্য্যুস্ত্রিলিঙ্গমুদরং শীঘ্রপাকং সুদারুণম্| বাধতে তচ্চ সুতরাং শীতবাতাভ্রদর্শনে||১১||
त्रिदोषकोपनैस्तैस्तैः स्त्रीदत्तैश्च रजोमलैः| गरदूषीविषाद्यैश्च सरक्ताः सञ्चिता मलाः| कोष्ठं प्राप्य विकुर्वाणाः शोफमूर्च्छाभ्रमान्वितम्| कुर्य्युस्त्रिलिङ्गमुदरं शीघ्रपाकं सुदारुणम्| बाधते तच्च सुतरां शीतवाताभ्रदर्शने||११||
🔊 Audio coming soon
ত্রিদোষকোপনৈরিত্যাদিনা সন্নিপাতোদরস্য নিদানাদিকমুচ্যতে| তৈস্তৈরিত্যাদি সর্বরোগনিদানোক্তৈঃ (অ. সং. নি. -৩০)| তচ্চ সন্নিপাতোদরং শীতাদিকালে সুতরাং বাধতে|| ১১||
Adhikarana plIhodarasya nidAnAdi (12) · Śloka 12
অত্যাশিতস্য সংক্ষোভাদ্যানপানাদিচেষ্টিতৈঃ| অতিব্যবাযভারাধ্বগমনব্যাধিকর্শনৈঃ| বামপার্শ্বাশ্রিতঃ প্লীহাচ্যুতঃ স্থানাদ্বিবর্ধতে| শোণিতং বা রসাদিভ্যো বিবৃদ্ধং তং বিবর্দ্ধযেত্||১২||
अत्याशितस्य संक्षोभाद्यानपानादिचेष्टितैः| अतिव्यवायभाराध्वगमनव्याधिकर्शनैः| वामपार्श्वाश्रितः प्लीहाच्युतः स्थानाद्विवर्धते| शोणितं वा रसादिभ्यो विवृद्धं तं विवर्द्धयेत्||१२||
🔊 Audio coming soon
অত্যাশিতস্যেত্যাদিনা প্লীহোদরমুচ্যতে| অতিভুক্তবতো যানাদিচেষ্টতৈঃ সংক্ষোভাদিতব্যবাযাদিকর্শনৈশ্চ স্থানাচ্চ্যুতঃ প্লীহা বিবর্ধতে| অথবা রসাদিভ্যো ধাতুভ্যো রক্তং বিবৃদ্ধং বৃদ্ধিং প্রাপ্তমাশ্রযত্বাত্তং প্লীহানং বিবর্ধযেত্|| ১২||
Adhikarana plIhodarasya saMsthAnaM lakShaNa~jca (13) · Śloka 13
সোঽষ্ঠীলেবাতিকঠিনঃ প্রোন্নতঃ কূর্মপৃষ্ঠবত্| ক্রমেণ বর্দ্ধমানশ্চ কুক্ষাবুদরমাবহেত্| শ্বাসকাসপিপাসাস্যবৈরস্যাধ্মানরুগ্জ্বরৈঃ| পাণ্ডুত্বমূর্চ্ছর্জ্ঞচ্ছর্দীভির্দাহমোহৈশ্চ সংযুতম্| অরুণাভং বিবর্ণং বা নীলহারিদ্ররাজিমত্||১৩||
सोऽष्ठीलेवातिकठिनः प्रोन्नतः कूर्मपृष्ठवत्| क्रमेण वर्द्धमानश्च कुक्षावुदरमावहेत्| श्वासकासपिपासास्यवैरस्याध्मानरुग्ज्वरैः| पाण्डुत्वमूर्च्छर्ज्ञच्छर्दीभिर्दाहमोहैश्च संयुतम्| अरुणाभं विवर्णं वा नीलहारिद्रराजिमत्||१३||
🔊 Audio coming soon
শ্বাসাদিভিঃ সংযুতমুদরমাবহেদিতি সম্বন্ধঃ|| ১৩||
Adhikarana plIhodare doShAdhikyaj~jAnopAyaH (14) · Śloka 14
উদাবর্তরুগাঽঽনাহৈর্মোহতৃড্দহনজ্বরৈঃ| গৌরবারুচিকাঠিন্যৈর্বিদ্যাত্তত্র মলান্ ক্রমাত্||১৪||
उदावर्तरुगाऽऽनाहैर्मोहतृड्दहनज्वरैः| गौरवारुचिकाठिन्यैर्विद्यात्तत्र मलान् क्रमात्||१४||
🔊 Audio coming soon
তত্র প্লীহোদরে উদাবর্ত্তাদিভির্লিঙ্গৈঃ ক্রমাদ্বাতাদীন্ মলান্ বিদ্যাত্তেনোদাবর্তাদিভির্লিঙ্গৈর্বাতাধিকং প্লীহোদরং ভবতি| মোহাদিভিঃ পিত্তাধিকং ভবতি| গৌরবাদিভিঃ কফাধিক্যম্|| ১৪||
Adhikarana yakRududaram (15) · Śloka 15
প্লীহবদ্দক্ষিণাত্পার্শ্বাত্কুর্যাদ্যকৃদপি চ্যুতম্||১৫||
प्लीहवद्दक्षिणात्पार्श्वात्कुर्याद्यकृदपि च्युतम्||१५||
🔊 Audio coming soon
প্লীহসমানত্বাদ্যকৃতস্তদুদরস্যাপি নিদানাদিভিরনধিকতা||১৫||
Adhikarana baddhodarasya samprAptiH (16) · Śloka 16
পক্ষ্মবালসহান্নেন ভুক্তৈর্বদ্ধাযনে গুদে| দুর্নামভিরুদাবর্ত্তৈরেন্নৈর্বান্ত্রোপলেপিভিঃ| বর্চঃ পিত্তকফান্রুধ্বা করোতি কুপিতোঽনিলঃ| অপানো জঠরং ...............................||১৬||
पक्ष्मबालसहान्नेन भुक्तैर्बद्धायने गुदे| दुर्नामभिरुदावर्त्तैरेन्नैर्वान्त्रोपलेपिभिः| वर्चः पित्तकफान्रुध्वा करोति कुपितोऽनिलः| अपानो जठरं ...............................||१६||
🔊 Audio coming soon
পক্ষ্মবালৈরিত্যাদিনা বদ্ধোদরমাহ| পক্ষ্মাদিভির্গুদে বদ্ধমার্গে কুপিতোঽনিলাঽপানাখ্যো বর্চঃ প্রভৃতীন্ রুধ্বা জঠরং কুরুত ইতি সম্বন্ধঃ|| ১৬||
Adhikarana baddhodarasya lakShaNam (17) · Śloka 17
............................... তেন স্যুর্দাহজ্বরতৃট্ক্ষবাঃ| কাসশ্বাসোরুসদনং শিরোহৃন্নাভিপাযুরুক্| মলসঙ্গোঽরুচিশ্ছর্দিরুদরং মূঢমারুতম্| স্থিরং নীলারুণসিরারাজীনদ্ধমরাজি বা| নাভেরুপরি চ প্রাযো গোপুচ্ছাকৃতি জাযতে||১৭||
............................... तेन स्युर्दाहज्वरतृट्क्षवाः| कासश्वासोरुसदनं शिरोहृन्नाभिपायुरुक्| मलसङ्गोऽरुचिश्छर्दिरुदरं मूढमारुतम्| स्थिरं नीलारुणसिराराजीनद्धमराजि वा| नाभेरुपरि च प्रायो गोपुच्छाकृति जायते||१७||
🔊 Audio coming soon
তেন জঠরেণ পুরুষস্য দাহাদযঃ স্যুঃ| সুবোধম্|| ১৭||
Adhikarana chidrodaranidAnasamprAptilakShaNam (18) · Śloka 18
অস্থ্যাদিশল্যৈঃ সান্নৈশ্চ ভুক্তৈরত্যশনেন বা| ভিদ্যতে পচ্যতে চান্ত্রং তচ্ছিদ্রৈশ্চ স্রবন্ বহিঃ| আম এব গুদাদেতি ততোঽল্পাল্পং সবিড্রসঃ| তুল্যঃ কুণপগন্ধেন পিচ্ছিলঃ পীতলোহিতঃ| শেষশ্চাপূর্য্য জঠরং ঘোরমাবহেত্| বর্ধতে তদধো নাভেরাশু চৈতি জলাত্মতাম্| উদ্রিক্তদোষরূপঞ্চ ব্যাপ্তঞ্চ শ্বাসতৃড্ভ্রমৈঃ| ছিদ্রোদরমিদং প্রাহুঃ পরিস্রাবীতি চাপরে||১৮||
अस्थ्यादिशल्यैः सान्नैश्च भुक्तैरत्यशनेन वा| भिद्यते पच्यते चान्त्रं तच्छिद्रैश्च स्रवन् बहिः| आम एव गुदादेति ततोऽल्पाल्पं सविड्रसः| तुल्यः कुणपगन्धेन पिच्छिलः पीतलोहितः| शेषश्चापूर्य्य जठरं घोरमावहेत्| वर्धते तदधो नाभेराशु चैति जलात्मताम्| उद्रिक्तदोषरूपञ्च व्याप्तञ्च श्वासतृड्भ्रमैः| छिद्रोदरमिदं प्राहुः परिस्रावीति चापरे||१८||
🔊 Audio coming soon
অস্থ্যাদিশল্যৈরিত্যাদিনা ছিদ্রোদরস্য নিদানাদিকমাহ| তচ্ছিদ্রৈশ্ছিন্নপক্বান্ত্রচ্ছিদ্রৈঃ| স্রবন্ কিঞ্চিত্ গুদাত্ বহিরেতি| কিঞ্চিজ্জঠরমাপূর্য্য তিষ্ঠতি| বাতাদিদোষান্বযেন যানি রূপাণি তত্র তান্যুদ্রিক্তানি ভবন্তি| ব্যাপ্তমতিশযেন যুতম্| আচার্যাঃ (চরকাচার্যাঃ) ইদং ছিদ্রোদরং নাম্না আহুঃ| অপরে আচার্যাঃ (সুশ্রুতাচার্যাঃ) ছিদ্রোদরস্যৈব পরিস্রাবীতি নাম মন্যতে|| ১৮||
Adhikarana jalodaranidAnasamprAptilakShaNAni (19) · Śloka 19
প্রবৃত্তস্নেহপানাদেঃ সহসাঽঽমাম্বুপাযিনঃ| অত্যম্বুপানান্মন্দাগ্নেঃ ক্ষীণস্যাতিকৃশস্য বা| রুধ্বাম্বুমার্গাননিলঃ কফশ্চ জলমূর্চ্ছিতঃ| বর্দ্ধযেতাং তদেবাম্বু তত্স্থানাদুদরাশ্রিতৌ| ততঃ স্যাদুদরং তৃষ্ণাগুদস্রুতিরুজান্বিতম্| কাসশ্বাসারুচিযুতং নানাবর্ণসিরাততম্| তোযপূর্ণদৃতিস্পর্শশব্দপ্রক্ষোভবেপথুঃ| দকোদরং মহত্স্নিগ্ধং স্থিরমাবৃত্তনাভিতত্||১৯||
प्रवृत्तस्नेहपानादेः सहसाऽऽमाम्बुपायिनः| अत्यम्बुपानान्मन्दाग्नेः क्षीणस्यातिकृशस्य वा| रुध्वाम्बुमार्गाननिलः कफश्च जलमूर्च्छितः| वर्द्धयेतां तदेवाम्बु तत्स्थानादुदराश्रितौ| ततः स्यादुदरं तृष्णागुदस्रुतिरुजान्वितम्| कासश्वासारुचियुतं नानावर्णसिराततम्| तोयपूर्णदृतिस्पर्शशब्दप्रक्षोभवेपथुः| दकोदरं महत्स्निग्धं स्थिरमावृत्तनाभितत्||१९||
🔊 Audio coming soon
প্রবৃত্তস্নেহপানাদেরিত্যাদিনা দকোদরমাহ| তদম্বু কফানিলাবুদরাশ্রযৌ বর্ধযেতম্| ততস্তৃষ্ণান্বিতত্বাদিযুক্তমুদরং স্যাত্| আবৃত্তা নাভির্যত্র|| ১৯||
Adhikarana upekShAyAM sarvodarANAM jalodaratvaprAptiH (20) · Śloka 20
উপেক্ষযা চ সর্বেষু দোষাঃ স্বস্থানতশ্চ্যুতাঃ| পাকাদ্ দ্রবা দ্রবীকুর্য্যঃ সন্ধীন্ স্রোতোমুখান্যপি| স্বেদশ্চ বাহ্যস্রোতস্সু বিহতস্তির্য্যগাঽঽস্থিতঃ| তদেবোদকমাপ্যায্য পিচ্ছাং কুর্যাত্তদা ভবেত্| গুরূদরং স্থিরং বৃত্তমাহতং চ ন শব্দবত্| মৃদু ব্যপেতরাজীকং নাভ্যাং স্পৃষ্টং চ সর্পতি| তদনূদকজন্মাস্মিন্ কুক্ষিবৃদ্ধিস্ততোঽধিকম্| সিরান্তর্ধানমুদকং জঠরোক্তং চ লক্ষণম্||২০||
उपेक्षया च सर्वेषु दोषाः स्वस्थानतश्च्युताः| पाकाद् द्रवा द्रवीकुर्य्यः सन्धीन् स्रोतोमुखान्यपि| स्वेदश्च बाह्यस्रोतस्सु विहतस्तिर्य्यगाऽऽस्थितः| तदेवोदकमाप्याय्य पिच्छां कुर्यात्तदा भवेत्| गुरूदरं स्थिरं वृत्तमाहतं च न शब्दवत्| मृदु व्यपेतराजीकं नाभ्यां स्पृष्टं च सर्पति| तदनूदकजन्मास्मिन् कुक्षिवृद्धिस्ततोऽधिकम्| सिरान्तर्धानमुदकं जठरोक्तं च लक्षणम्||२०||
🔊 Audio coming soon
উপেক্ষযেত্যাদিনা সর্বোদরেষূদকরূপাপতৌ হেতুরুচ্যতে| উপেক্ষযা বাতাদযঃ স্থানাচ্চ্যুতাঃ পাকেন চ স্বযং দ্রবাঃ সন্ধ্যাদিকং দ্রবেযুঃ| স্বেদশ্চ বাহ্যবিহতস্তদুদকমাপ্যায্য পিচ্ছাং কুর্য্যাত্| তদা ভবেদিত্যাদি সুবোধম্|| ২০||
Adhikarana vAtAdyudarANAM yathottaraM kRucchratvam (21) · Śloka 21
বাতপিত্তকফপ্লীহসন্নিপাতদকোদরম্| কৃচ্ছ্রং যথোত্তরং..................||২১||
वातपित्तकफप्लीहसन्निपातदकोदरम्| कृच्छ्रं यथोत्तरं..................||२१||
🔊 Audio coming soon
বাতোদরাত্ পিত্তোদরং কৃচ্ছ্রম্| ততঃ কফোদরম্| ততঃ প্লীহোদরম্| ততঃ সন্নিপাতেন| তত উদকেনেতি যথোত্তরার্থঃ|| ২১||
Adhikarana asAdhyodaram (22) · Śloka 22
................................পক্ষাত্পরং প্রাযোঽপরে হতঃ| সর্বঞ্চ জাতসলিলং রিষ্টোক্তোপদ্রবান্বিতম্||২২||
................................पक्षात्परं प्रायोऽपरे हतः| सर्वञ्च जातसलिलं रिष्टोक्तोपद्रवान्वितम्||२२||
🔊 Audio coming soon
অপরে বদ্ধচ্ছিদ্রোদরে প্রাযঃ পক্ষাদূর্ধ্বং হতো মারযতঃ| প্রাযোগ্রহণং পক্ষাদধরেঽপীতি প্রতিপত্ত্যর্থম্| জাতসলিলত্বাদিযুক্তং সর্বমুদরং হন্তি|| ২২||
Adhikarana sarvasyaivodarasya kRucchratamatvAdi (23) · Śloka 23
জন্মনৈবোদরং সর্বং প্রাযঃ কৃচ্ছ্রতমং মতম্||২৩||
जन्मनैवोदरं सर्वं प्रायः कृच्छ्रतमं मतम्||२३||
🔊 Audio coming soon
জাতসলিলত্বাদিযুক্তং সর্বমুদরং হন্তি|| ২৩||
Adhikarana sAdhyodaralakShaNam (24-12) · Śloka 12
বলিনস্তদজাতাম্বুযত্নসাধ্যং নবোত্থিতম্||২৪|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং নিদানস্থানে উদরনিদানংনাম দ্বাদশোঽধ্যাযঃ||১২||
बलिनस्तदजाताम्बुयत्नसाध्यं नवोत्थितम्||२४|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां निदानस्थाने उदरनिदानंनाम द्वादशोऽध्यायः||१२||
🔊 Audio coming soon
বলিনঃ পুরুষস্যাজাতাম্বু চাঽভিনবোত্থিতং সদ্যত্নেন সাধ্যং ভবতি|| ২৪|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং নিদানস্থানে দ্বাদশোঽধ্যাযঃ