9. vikr̥tivijñānīyaḥ

Adhikarana atha vikRutA~ggavij~jAnIyo nAma navamo~adhyAyaH pratij~jA (1) · Śloka 1

অথাতো বিকৃতাঙ্গবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

শরীরমাধানাত্ প্রভৃত্যপবর্গো যাবদস্মিন্ স্থানে নির্ণীযতে| তত্রাঙ্গং জীবিতং চানেকেন প্রকারেণ নির্ণীতম্| তস্য মৃত্যুসামন্তপরিকরপরিজ্ঞানং নির্ণীতশেষম্, অতস্তদ্বিজ্ঞানার্থমধ্যাযারম্ভঃ| অথেত্যাদি পূর্ববদ্ব্যাখ্যেযম্| বিকৃতির্মরণং জন্মান্তরপ্রাদুর্ভাবঃ, পরাসুতা, দেহান্তরগমনম্, পঞ্চত্বম্, অদর্শনম্, অন্তো, বিনাশঃ ইতি পর্য্যাযাঃ| অথবা বিকৃতিঃ স্বভাববর্ণাদ্যন্যথাভাবঃ| তস্য বিজ্ঞানমধিকৃত্য কৃতস্তথোক্তঃ|| ১||

Adhikarana riShTalakShaNam (2) · Śloka 2

স্বস্থানামাতুরাণাং বা পুরুষাণাং দেহান্তরাভিলাষিণা- মৌষধবিষযমতীতাঃ সকলশরীরব্যাপিনো দোষা ঘনা- ঘনা ইব বর্ষমাযুষঃ ক্ষযং সূচযন্তোঽকস্মাত্ স্ব- ভাববিপর্য্যাসং জনযন্তি| তত্সমাসতো রিষ্টমিত্যাহুঃ||২||

স্বস্থাতুরবিশেষানপেক্ষযা সর্বেষাং পুরুষাণাং দেহান্তরাভিলাষিণাং মুমূর্ষূণাং প্রকৃতিবিপর্য্যাসং জনযন্তি| তদ্ রিষ্টমিত্যাহুঃ| এতাবতা বিকৃতী রিষ্টমিত্যুক্তম্| কিম্ভূতা দোষাঃ ? ঔষধবিষযমতীতাঃ অসাধ্যাঃ| সকলশরীরব্যাপিনঃ সন্ত আযুষঃ ক্ষযং সূচযন্তোঽকস্মাদবিকল্পিতপ্রাপ্তং বিপর্য্যাসং জনযন্তি| তত্র বর্ণাদীনাং ক্রমেণ বিকৃতযো নির্দিশ্যন্তে|| ২||

Adhikarana prAkRutA varNAH tadbhedAMshca (3) · Śloka 3

তত্র গৌরঃ শ্যামঃ কৃষ্ণো গৌরশ্যামঃ কৃষ্ণশ্যাম ইতি দেহে প্রকৃতিবর্ণাঃ| তদ্বেদাংশ্চ পদ্মগৌরাদযঃ||৩||

পঞ্চ তাবত্ প্রাকৃতাঃ প্রধানবর্ণাঃ গৌরশ্যামঃ, শ্যামঃ কৃষ্ণঃ রৌরশ্যামঃ কৃষ্ণশ্যামশ্চেতি| পদ্মগৌরাদযস্তেষাং ভেদাঃ| পদ্মগৌরশ্চন্দ্রগৌরঃ শরগৌরঃ ইত্যেবমাদযো গৌরভেদাঃ| কপিত্থশ্যামো দূর্বাঙ্কুরশ্যামো নভশ্যাম ইত্যেবমাদযঃ শ্যামভেদাঃ| প্রিযঙ্গুশ্যামো জলশ্যামো ঘৃতশ্যাম ইত্যেবমাদযো গৌরশ্যামভেদাঃ| কজ্জলকৃষ্ণঃ কোকিলকৃষণঃ ষট্পদকৃষ্ণ ইত্যেবমাদযঃ কৃষ্ণভেদাঃ| অতসীকৃষ্ণঃ তমালকৃষ্ণ ইত্যেবমাদযঃ কৃষ্ণশ্যামভেদাঃ|| ৩||

Adhikarana vikRutA varNAH (4) · Śloka 4

নীলশ্যামতাগ্রহারিদ্রশুক্লাদযস্তু বিকৃতযঃ||৪||

শ্যামোঽরুণলোহিতস্তাম্রোঽগ্নিপ্রখ্যঃ| হরিদ্রো হরিতালসমঃ| শুক্লস্তু শঙ্খকুন্দাদিপ্রখ্যঃ|| ৪||

Adhikarana mRutyusUcakAH varNAH (5) · Śloka 5

তত্র প্রকৃতিবিকৃতিবর্ণৌ যুগপদঙ্গেঽঙ্গৈকদেশে বা মর- ণায||৫||

শরীরে শরীরৈকদেশে বা বিভক্তৌ প্রকৃতিবিকৃতিবর্ণৌ মরণায|৫||

Adhikarana glAnyupacayAdInAM bhAvAnAM riShTatvam (6) · Śloka 6

এতেন গ্লান্যুপচযশোকহর্ষরৌক্ষ্যস্নেহাদযস্তথা প্রকৃতি- ভেদীযোক্তানাং মহদুপচযসূক্ষ্মদীর্ঘাণাং সর্বেষাং চ দোষা- দিবিভাগেন প্রতিনিযতানাং ভাবানামনিমিত্ততোঽন্যথা- ত্বমুক্তং ভবতি||৬||

এতেন গ্লান্যুপচযাদীনি ব্যাখ্যাতানি| বিরুদ্ধযোর্যুগপচ্ছরীরেঽকস্মাদনিমিত্ততঃ সরণং মরণাযোত্যর্থঃ| তথা মহত্ত্বাদিযুক্তানাং শরীরপ্রভৃতীনামকস্মাল্লঘুত্বং দীর্ঘত্বযুক্তানা- মঙ্গুল্যাদ্লীনামকস্মাদ্ধ্রস্বত্বং মরণাযেত্যেবমাদ্যপ্ত্যুক্তং ভবতি|

Adhikarana AkAshAdipa~jcabhUtAnAM chAyAstadguNAMshca (7) · Śloka 7

তত্র খাত্ মলখড্গাকাশনীলনির্মলা সস্নেহা সপ্রভেব| বাতাত্ পাংশুভস্মরূক্ষা রজোরুণা শ্যাবা নিষ্প্রভ স্বেদ- মলগন্ধিঃ| তেজসঃ হুতহুতাশনিবিদ্যুততপ্ততপনীযরক্তা দৃষ্টিসুখা| অম্ভসঃ বৈডূর্য্যেন্দ্রনীলবিমলা ঘনা সুস্নিগ্ধা ভুবঃ রুচিরভা ঘনা স্থিরা স্নিগ্ধা শুদ্ধা শ্যামা শ্বেতা চ||৭||

খাদিমহাভূতময্যঃ পঞ্চ ছাযাঃ শরীরে সম্ভবন্তি| ছাযা কান্তিঃ| সুবোধম্| সপ্রভেব সদীপ্তিরিব| ছাযাযা গন্ধাসম্ভবাত্তদাধারস্য গন্ধী বিজ্ঞেযঃ| হুতহুতাশনাদিবদ্ রক্তা| তপনীযং সুবর্ণম্| তস্য সন্তপ্তস্য সতঃ ঘনা স্ফুটোপলক্ষ্যা| ভুবঃ পৃথিব্যাঃ| রুচিরাভা রমণীযদীপ্তিঃ| সুবোধম্|| ৭||

Adhikarana riShTarUpA chAyA (8) · Śloka 8

তাসাং বাযব্যা বিনাশায ক্লেশায চাঽতিমহতে|৮|

Adhikarana sukhasvarUpA cchAyAH (8) · Śloka 8

তাসাং বাযব্যা বিনাশায ক্লেশায চাঽতিমহতে|৮|

Adhikarana sukhasvarUpA cchAyAH (8) · Śloka 8

শেষাক্তু সুখোদযাঃ ১||৮||

Adhikarana sapta prabhAH (9) · Śloka 9

সপ্ত প্রভাঃ-রক্তা পীতা পাণ্ডুরা সিতাঽসিতা শ্যাবা হরিতা চ||৯||

রক্তাদিকাঃ সপ্তপ্রকারাঃ প্রভাঃ| প্রভাঃ দীপ্তিঃ| শ্যাবো নীললোহিতঃ|| ৯||

Adhikarana shobhanAH shubhAH prabhAH (1) · Śloka 1

তাঃ স্নিগ্ধা বিকাসিন্যোঽমলাঃ শুভাঃ||১||

Adhikarana ashubhAH prabhAH (10) · Śloka 10

বিপরীতাস্ত্বশুভাঃ||১০||

Adhikarana chAyAprabhayorlAkShaNaM (11) · Śloka 11

তযোর্বিশেষঃ-ছাযা বর্ণমাক্রামত্যাঽঽসন্ন চ লক্ষ্যতে পঞ্চংভূতাত্মিকা চ| প্রভা তু বর্ণং প্রকাশযতি বিপ্রকৃষ্টাল্লক্ষ্যতে তেজঃপ্রভবৈব চ||১১||

ছাযাপ্রভযোঃ শাস্ত্রকারঃ স্বযং লক্ষণং দর্শযতি| বর্ণমাক্রামতি প্রতিদ্বন্দ্বীভূতেব বর্ণস্যাত্মানং প্রকাশযতি| নিকটে চ লক্ষ্যতে| সা পৃথিত্যাদিপঞ্চমহাভূতসমুদাকার্য্যম্| প্রভা তু কেবলং তেজঃপ্রভবা সতী বর্ণং প্রকাশযতি| বিপ্রকৃষ্টাচ্চ লক্ষ্যতে|| ১১||

Adhikarana kumArikA~a~adarshanaM riShTam (12) · Śloka 12

যস্য দৃষ্টৌ প্রতিচ্ছাযামযী কুমারিকা ন দ্রুষ্যতে স পরাসুঃ||১২||

যস্য দর্পণাদৌ প্রতিচ্ছাযাযাং প্রতিবিম্বেঽক্ষ্ণি কুমারিকা ন দৃশ্যতে, স পরাসুর্মৃত্কল্পঃ পরাগতা অসবো যস্যেতি কৃত্বা||১২||

Adhikarana praticchAyAyAH riShTam (13) · Śloka 13

যস্যাঽঽতপাদর্শাদিষ্বকস্মাত্ প্রতিচ্ছাযা ছিন্না ভিন্না হীনাঽধিকাঽঽকুলা নষ্ট জিহ্যাঽবাক্শিরা বিশিরা দ্বিশিরা বিস্তৃতাঽন্যথা বা বিকৃতা বা দৃশ্যতে||১৩||

যস্য-যস্য দেহ ইদমিদং দৃশ্যতে স-স গতাসুরিতি সম্বন্ধঃ| সুবোধম্| প্রতিচ্ছাযা প্রতিবিম্বম্| ছিন্না দ্বিধা গতা| ভিন্না সচ্ছিদ্রা| অধিকা অঙ্গেন স্বপ্রমাণাদ্ বা| আকুলা অপরিস্ফুটাঽবযা| নষ্ট যা দৃষ্ট্যা ন দ্রুশ্যতে| জিহ্যা মলিনেব| অধোমুখং শিরো যস্যাঃ অতদ্ভূতস্যাপি সা অবাক্শিরাঃ| বিকৃতা স্বপ্রমাণাদ্ বিস্তীর্ণা| অন্যথেতি স্বপ্রমাণাত্ সংক্ষিপ্তা|| ১৩||

Adhikarana lAlATAdyAshrayaM riShTam (14) · Śloka 14

যস্য ললাটং ন স্বিদ্যতি||১৪||

ললাটং ন স্বিদ্যতি প্রাযঃ| অকস্মাদিতি স্মর্তব্যম্|| ১৪||

Adhikarana kesharomAshrayaM riShTam (15) · Śloka 15

যস্য কেশরোমাণ্যনভ্যক্তান্যভ্যতবদ্ দৃষ্যন্তে||১৫||

Adhikarana nayanAshrayANi riShTAni (16) · Śloka 16

নযনে চাতিপ্রবিষ্টে নির্গতে বিস্তৃতে সংক্ষিপ্তে সংক্ষিপ্ত- ভৃণী জিহ্যে বিষমে বিভ্রান্তদর্শনে হীনদর্শনে নকুলাভে কপোতাভে অলাতবর্ণে নীলাদিবিকৃতবর্ণে অতিচলে স্ত- ব্ধস্রস্তে প্রস্রুতে অত্যুন্মিষিতে অতিনিমিষিতে লুলিতপ- ক্ষ্মণী বা|১৬|

বিভ্রান্তং মিথ্যাবিষযকং দর্শনং যযোস্তে বিভ্রান্তদর্শনে| স্রস্তে মুক্তসন্ধিবন্ধনে স গতাযুঃ|| ১৬||

Adhikarana nAsikAdyAshrayaM riShTam (16) · Śloka 16

নাসিকা বাতবিবৃতাঽতিসংবৃতা কুটিলা স্ফুটিতা পিট- কাচিতা শুষ্কা বা স গতাযুঃ ১|১৬|

Adhikarana oShThAshrayaM riShTam (16) · Śloka 16

যস্যাধোঽধরৌষ্ঠো যাত্যুত্তরৌষ্ঠশ্চোর্ধ্বমুভৌ বা পক্ব- জম্বূনীলৌ ২|১৬|

Adhikarana dantAshrayaM riShTam (16) · Śloka 16

দন্তা বাতিরূক্ষাস্তাম্রাঃ শ্যামাঃ পঙ্কিতাঃ পুষ্পিতাঃ সশ- র্করা বা সহসা বা পতন্তি ৩||১৬||

Adhikarana jihvAshrayaM riShTam (1) · Śloka 1

জিহ্বা বা জিহ্যা স্তব্ধা সুপ্তাঽবলিপ্তা গুর্বী শ্যাবা শূনা শুষ্কা বিসর্পিণী কণ্টকাচিতেব বা|১|

Adhikarana gaNDalalATahanvAshrayaM riShTam (1) · Śloka 1

যস্য গণ্ডললাটহনুবন্ধনানি স্থানাচ্চ্যুতানীব স্র- স্তানি|১|

Adhikarana shirodharApRuShThagataM riShTam (1) · Śloka 1

যস্য ন ধত্তে শিরঃ শিরোধরাং পৃষ্ঠং বা স্বভারম্|১|

Adhikarana hanUgataM riShTam (1) · Śloka 1

হনূ বা পিণ্ডমাস্যস্থম্|১|

Adhikarana meDhravRuShaNAshrayaM riShTam (1) · Śloka 1

যস্যোত্সিক্তং মেঢ্রমতিনিস্সৃতৌ বৃষণাবতো বিপর্যযো বা|১|

Adhikarana mUtrAshrayaM riShTam (1) · Śloka 1

যস্য মুত্রমত্যুষ্ণম্|১|

Adhikarana raktAshrayaM riShTam (1) · Śloka 1

যস্য বিষদোষাদ্বিনা খেভ্যঃ সরোমকূপেভ্যো রক্তং প্রবর্ত্ততে||১||

Adhikarana a~ggalAghavagauravagataM riShTam (17) · Śloka 17

যস্যানিমিত্তমঙ্গান্যতিলধূন্যতিগুরূণি বা স্যুঃ স মুমূর্ষুঃ||১৭||

যস্যাধ ইত্যাদি সুবোধম্| পুষ্পিতাঃ কুসুমাচিতা ইব যথা নিচুলাঃ পুষ্পিতা ভবন্তি| শর্করাচূর্ণম্| অত উক্তাদ্বিপর্য্যযোঽতিনিস্সৃতং মেঢ্রমুত্সিক্তৌ বৃহণৌ স মুমূর্ষুরিতি যোজ্যম্|| ১৭||

Adhikarana svarAshritaM riShTam (1) · Śloka 1

যস্যৈকোঽনেকো বা স্বরো গদ্গদো ব্যক্তঃ ক্ষামো দীনো বা সহসা লক্ষ্যতে||১||

Adhikarana vAggataM riShTam (2) · Śloka 2

যো বা বিবক্ষুর্মুহ্যতি| যস্য বা বদতো ভৃশমুর্ধ্বমুরো রূজতি||২||

Adhikarana ucchvavAsagataM riShTam (1) · Śloka 1

যস্যোচ্ছ্বাসোঽতিদীর্ঘোঽতিহ্রস্বঃ পূতিগন্ধিঃ সুগন্ধির্বা|১|

Adhikarana a~gguligataM riShTam (1) · Śloka 1

যস্যাঙ্গুলয আযম্যমানা ন স্ফুটেযুঃ|১|

Adhikarana svabhAvAtItashabdAshrayaM svabhAvAtItashabdAshrayaM riShTam (1) · Śloka 1

যস্যান্যান্যোঽপি ক্ষুতগতমূত্রণাদিষু স্বভাবাঽতীতঃ শব্দঃ|১|

Adhikarana gandhAshrayaM riShTam (1) · Śloka 1

যস্যেষ্টোঽনিষ্টো বা মাল্যফলচন্দনকুণপাদিগন্ধো দেহমুখমলব্রণবস্ত্রাদিষু|১|

Adhikarana yUkAmakShikAdisharIra- tyAgAshrayaM riShTam (1) · Śloka 1

যস্য শরীরং বৈরস্যাত্ সৌরস্যাদ্বাঽত্যর্থং যূকামক্ষি- কাদযস্ত্যজন্তি ভজন্তি ব|১|

Adhikarana UShmashaityAdigataM riShTam (1) · Śloka 1

যস্য সততোষ্মস্বঙ্গাবযবেষু শৈত্যং শীতেষু ব কুমুদো- ত্পত্নানুকার্যমতিশৈত্যমতিস্বেদোঽতিস্তম্ভো বিগতমাংস- শোণিতেষ্বিব চ স্রংসঃ||১||

Adhikarana sharIragatamahAbhUtayogAtiyogAshrayaM riShTam (18) · Śloka 18

যস্য চ যোগাঽতিযোগো বা শরীরে যুগপন্মহাভূতানাং দৃশ্যতে সর্বে তে কালপক্বা ইতি||১৮||

যস্যৈকোঽনেকো বা ইত্যাদিঃ সর্বে তে কালপক্বা ইত্যনেন সম্বন্ধঃ| বিবক্ষুর্মুহ্যতি| যদ্বক্তুমিচ্ছতি তন্ন স্মরতীত্যর্থঃ| যস্য শরীরং মক্ষিকাদযোঽতিবৈরস্যাত্ ত্যজন্তি| সৌরস্যাদ্বা ভজন্তে যুগপন্মহাভূতানামেকস্মিন্নেব শরীরে বৃদ্ধ্যবৃদ্ধী ন পৃথিব্যাদীনামন্যতমস্য|| ১৮||

Adhikarana ShaNmAsAyurbodhakaM riShTam (4) · Śloka 4

ভবন্তি চাত্র- যস্যাপুর্বাঃ সিরালেখা বালেন্দ্বাকৃতযোঽপি বা| ললাটে বস্তিশীর্ষে বা ষণ্মাসান্ন স জীবতি| পদ্মিনীপত্রবত্তোযং শরীরে যস্য দেহিনঃ| প্লবতে প্লবমানস্য ষষ্মাসস্তস্য জীবিতম্||৪||

Adhikarana pittAnmaraNasUcakaM riShTam (2) · Śloka 2

হরিতাভাঃ সিরা যস্য রোমকূপাশ্চ সংবৃতাঃ| সোঽম্লাভিলাষী পুরুষঃ পিত্তান্মরণমশ্নুতে|২|

Adhikarana mAsAyurbodhakaM riShTam (2) · Śloka 2

যস্য গোমযচূর্ণাভং চূর্ণং মূর্ধ্নি মুখেঽপি বা| সস্নেহং মূর্ধ্নি ধূমো বা মাসান্তং তস্য জীবিতম্|২|

Adhikarana ShaTtrirAtrAYuHsUcakaM riShTam (2) · Śloka 2

মূর্ধ্নি ভ্রুবোর্বা কুর্বন্তি সীমন্তাবর্তকা নবাঃ| মৃত্যুং স্বস্থস্য ষড্রাত্রাত্ ত্রিরাত্রাদাতুরস্য তু|২|

Adhikarana pakShAyuHsUcakaM riShTam (2) · Śloka 2

যস্য স্নাতানুলিপ্তস্য পুর্বং শুষ্যত্যুরোভৃশম্| আর্দ্রেষু সর্বগাত্রেষু সোঽর্ধমাসং ন জীবতি|২|

Adhikarana pretAtmatAsUcakaM riShTam (2) · Śloka 2

উরস্যূষ্মা ভবেদ্যস্য জঠরে চাঽতিশীতিতা| ভিন্নং পুরীষং তৃষ্ণা চ যথা প্রেতস্তথৈব সঃ|২|

Adhikarana mAsAyuHsUcakaM riShTam (2) · Śloka 2

মূত্রং পুরীষং নিষ্ঠ্যূতং শুক্রং চাপ্সু নিমজ্জতি| নিষ্ঠ্যূতং বহুবর্ণং বা যস্যা মাসাত্স নশ্যতি|২|

Adhikarana svarabalavarNAdyAshrayaM riShTam (2) · Śloka 2

স্বরস্য দুর্বলীভাবণ্ হানিং বা বলবর্ণযোঃ| রোগবৃদ্ধিমযুক্ত্যা চ দৃষ্ট্বা মরণমাদিশেত্||২||

Adhikarana AtmamaraNabhAShaNAdyAshrayaM riShTam (19) · Śloka 19

অপস্বরং ভাষমাণং প্রাপ্তং মরণমাত্মনঃ| শ্রোতারং চাস্য শব্দস্য দূরতঃ পরিবর্জযেত্||১৯||

ভবন্তি চাত্রেতি তন্ত্ররীতিঃ| যস্যাপূর্বা ইত্যাদি সুবোধম্| বালেন্দ্বাকৃতযশ্চন্দ্রকলাসমানাঃ| প্লবমানস্য স্নানং কুর্বতঃ প্লবতে গচ্ছতি| সস্নেহং গোমযচূর্ণাভং চূর্ণম্| নব অভূতপূর্বাঃ সীমন্তাঃ আবর্ত্তকাশ্চ মৃত্যুং কুর্বন্তীতি সম্বন্ধঃ| নিষ্ঠ্যূতং মুখাস্রাবঃ| অযুক্ত্যা রোগপ্রবৃদ্ধির্যা যুক্ত্যাহারাদিপুর্বিকযা নোপপদ্যতে চ দৃষ্টা চ| আত্মনো মরণং প্রাপ্তমিতি দুষ্টেন স্বরেণ ভাষমাণং মরণং প্রাপ্তমিত্যস্যাত্মনঃ শব্দস্য শ্রোতারং চ দূরতঃ পরিবর্জযেত্|| ১৯||

Adhikarana UrdhvashvAsAdIni riShTAni (2) · Śloka 2

ঊর্ধ্বশ্বাসং গতোষ্মাণং শূলোপহতবঙ্ক্ষণম্| শর্ম চানধিগচ্ছন্তং বুদ্ধিমান্ পরিবর্জযেত্|২|

Adhikarana shItapiTakAdIni riShTani (2) · Śloka 2

যো জাতঃ শীতপিটকঃ শীতাঙ্গো বা বিদহ্যতে| উষ্ণদ্বেষী চ শীতার্ত্তঃ স প্রেতাধিপগোচরঃ||২||

Adhikarana kaNThagatarajjucchAyAsamAshrayaM riShTam (20-9) · Śloka 9

যস্য রজ্জুরিব চ্ছাযা কণ্ঠে সক্তোপলক্ষ্যতে| অবশ্যং কৃষ্যতে জন্তুঃ সোঽচিরাদ্যমকিঙ্করৈঃ||২০|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টঙ্গসংগ্রহ- সংহিতাযাং শারীরস্থানে বিকৃতাঙ্গবিজ্ঞানীযো নাম নবমোঽধ্যাযঃ||৯||

ঊর্ধ্বশ্বাসমিত্যাদি সুবোধম্| বিদহ্যতে বিদাহং প্রাপ্নোতি| ছাযা কণ্ঠে রজ্জুসদৃশী যস্যাসক্তোপলক্ষ্যতে| সোঽচিরাত্ যমকিঙ্করৈর্নীযত ইতি|| ২০|| ইতি শ্রীমন্মহামহোপাধ্যাযেন্দুর্বিরচিতাযাম্ অষ্টাঙ্গসংগ্রহ- ব্যাখ্যাযাং শশিলেখাযাং শারীরস্থানে নবমোঽধ্যাযঃ