Adhikarana atha doShAdivij~jAnIyo nAmaikonaviMsho~adhyAyaH pratij~jA (1) · Śloka 1
অথাতো দোষাদিবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो दोषादिविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
দ্রব্যং দেহে দোষাদিবৃদ্ধিক্ষযদ্বারণৈবোপযুজ্যতে| তে চ দোষাদযঃ প্রাকৃতেন বৈকৃতেন চ স্বরূপেণ ন জ্ঞাতাঃ| অতস্তদ্বিজ্ঞানার্থমধ্যাযারম্ভঃ||১||
Adhikarana vAtAdidoShANAM lakShaNaM karmANi ca (2) · Śloka 2
দোষধাতুমলমূলো হি দেহঃ| তস্মাত্তেষাং লক্ষণমুপদেক্ষ্যামঃ| তমুচ্ছ্বাসনিশ্বাসোত্সাহপ্রস্পন্দনেন্দ্রি-যপাটববেগপ্রবর্তনাদিভির্বাযুরনুগৃহ্ণাতি| পক্ত্যূষ্মাভিলাষক্ষুত্পিপাসাপ্রভাপ্রসাদদর্শনমেধাশৌর্য-মার্দবাদিভিঃ পিত্তং স্থৈর্যস্নেহসন্ধিবন্ধবৃষতাক্ষমাধী ধৃতিবলালৌল্যাদিভিঃ শ্লেষ্মা||২||
दोषधातुमलमूलो हि देहः| तस्मात्तेषां लक्षणमुपदेक्ष्यामः| तमुच्छ्वासनिश्वासोत्साहप्रस्पन्दनेन्द्रि-यपाटववेगप्रवर्तनादिभिर्वायुरनुगृह्णाति| पक्त्यूष्माभिलाषक्षुत्पिपासाप्रभाप्रसाददर्शनमेधाशौर्य-मार्दवादिभिः पित्तं स्थैर्यस्नेहसन्धिबन्धवृषताक्षमाधी धृतिबलालौल्यादिभिः श्लेष्मा||२||
🔊 Audio coming soon
দোষেত্যাদি| দোষাদযো মূলং কারণং যস্য স তথা| দোষাদীন্ বর্জযিত্বা নান্যচ্ছরীরসম্বদ্ধং শরীরে দৃশ্যতে| ত এব সংযুক্তা দেহ ইতি যাবত্| তত্র দোষা বাতাদযঃ| ধাতবো রসাদযঃ| মলামূত্রশকৃত্স্বেদাদযঃ| এষাং প্রাকৃতানাং যথাস্বং নানাবিধৈঃ কর্মভিঃ ক্রমেণ তমুচ্ছ্বাসেত্যাদিনা দেহোপকারিত্বমুচ্যতে, ন হ্যনুপকারকঃ কারণতাং যাতি| তং দেহমুচ্ছ্বাসাদিভির্বাযুরনুগৃহ্ণাতি| উচ্ছ্বাসঃ শ্বাসস্যোদ্গমনম্| নিঃ শ্বাসোঽন্তঃপ্রবেশনম্| উত্সাহঃ কার্যোত্থানশক্তিঃ| প্রস্পন্দোঽঙ্গচেষ্টা| ইন্দ্রিযপাটবং চক্ষুরাদীনাং স্ববিষযগ্রহণেষু স্ফুটত্বম্| বেগানাং পূর্বোক্তানাং মূত্রপুরীষাদীনাং প্রবর্তনম্| আদিগ্রহণেনান্যত্ সর্বং দেহস্থিতিং ক্রিযাস্বরূপং ভাবং গৃহ্যতে| তথা তং দেহং পক্ত্যূষ্মাদিভিঃ পিত্তমনুগৃহ্ণাতি| পক্তিঃ পাকঃ পচনক্রিযা| তত্ফলং চোষ্মা তেজঃ| অভিলাষঃ প্রিযোপভোগেচ্ছা| প্রভাপ্রসাদঃ কান্তিবৈশদ্যম্| দর্শনং স্বরূপগ্রহণশক্তিঃ| মেধা প্রজ্ঞা| আদিগ্রহণাদন্যানি তেজস্করাণি দেহে গৃহ্যন্তে| তং দেহং স্থৈর্যাদিভিঃ শ্লেষ্মানুগৃহ্ণাতি| সন্ধিবন্ধঃ পর্বশ্লেষঃ| বৃষতা স্ত্রীগমনশক্ততা| আদিগ্রহণাত্ সৌম্যভাবপরিগ্রহঃ||২||
Adhikarana rasAdidhAtUnAM karmANi (3) · Śloka 3
তুষ্টিপ্রীণনরক্তপুষ্টিভিস্তু রসঃ| জীবনবর্ণপ্রসাদনমাংসপোষণৈরসৃক্| দেহলেপমলমেদঃ পুষ্টিভির্মাংসম্| নেত্রগাত্রস্নিগ্ধতাস্নেহদার্ঢ্যাস্থিপুষ্টিভির্ভেদঃ| দেহো- র্ধ্বতাধারণমজ্জপোষণাভ্যামস্থি| স্নেহবলাস্থিপূরণ শুক্রপুষ্টিভির্মজ্জা| হর্ষবলগর্ভোত্পাদনৈঃ শুক্রম্||৩||
तुष्टिप्रीणनरक्तपुष्टिभिस्तु रसः| जीवनवर्णप्रसादनमांसपोषणैरसृक्| देहलेपमलमेदः पुष्टिभिर्मांसम्| नेत्रगात्रस्निग्धतास्नेहदार्ढ्यास्थिपुष्टिभिर्भेदः| देहो- र्ध्वताधारणमज्जपोषणाभ्यामस्थि| स्नेहबलास्थिपूरण शुक्रपुष्टिभिर्मज्जा| हर्षबलगर्भोत्पादनैः शुक्रम्||३||
🔊 Audio coming soon
দেহং তুষ্ট্যাদিভিঃ রসোনুগৃহ্ণাতি| তুষ্টিঃ মনঃপ্রীতি| প্রীণনং হৃদযাশ্বাসনম্| রক্তস্য পুষ্টির্দ্ধাত্বাহারশ্চেতি স্মরণীযং সর্বধাতুষু| অসৃক্জীবনত্বাদিভিঃ| জীবনত্বং প্রাণসন্ধারকত্বম্| লেপাদিভিঃ মাংসং দেহমনুগৃহ্ণাতি| নেত্রাস্নিগ্ধতাদিভির্মেদঃ| দেহোর্ধ্বতাধারণেনাস্থি| দেহস্যোর্ধ্বতযা ধারণং দেহোর্ধ্বতাধারণম্| উত্থিতাসনমিতি যাবত্| অন্যথা অস্থ্যভাবাদ্দেহে মাংসং পিণ্ডীভূতংস্যাত্| স্নেহাদিভির্মজ্জা| হর্ষাদিভিঃ শুক্রম্||৩||
Adhikarana puriShAdimalAnAM karmANi (4) · Śloka 4
অবষ্টম্ভানিলানলধারণৈঃ শকৃত্| অন্নক্লেদনির্বাহ ণেন মূত্রম্| ক্লেদত্বক্স্নেহরোমধারণৈঃ স্বেদ ইতি||৪||
अवष्टम्भानिलानलधारणैः शकृत्| अन्नक्लेदनिर्वाह णेन मूत्रम्| क्लेदत्वक्स्नेहरोमधारणैः स्वेद इति||४||
🔊 Audio coming soon
অবষ্টম্ভাদিভিঃ শকৃত্| অবষ্টম্ভঃ শরীরধারণশক্তিঃ| অন্নক্লেদবাহনেন মূত্রম্| ক্লেদাদিধারণেন স্বেদঃ| অন্যথা শেষ এব স্যাত্| ইতি দোষাদীনাং প্রাকৃতং স্বরূপম্||৪||
Adhikarana vRuddhairvAtAdidoShaiH sharIrapIDanam (5) · Śloka 5
কার্শ্যকার্ষ্ণ্য্গত্রকম্পস্ফুরণোষ্ণকামিতাসংজ্ঞানিদ্রানা শবলেন্দ্রিযোপঘাতাস্থিশূলমজ্জাশোষমলসঙ্গাধ্মানা টোপমোহদৈন্যভযশোকপ্রলাপাদিভির্বৃদ্ধো বাযুঃ পীডযতি| পীতত্বগ্লান্দ্রিযদৌর্বল্যৌজোবিস্রংসশীতাভি লাশদাহ তিক্তাস্যতাতৃণ্মূর্চ্ছাল্পনিদ্রতাক্রোধাদিভিঃ পিত্তম্| শ্বৈত্যশৈত্যস্থৌল্যালস্যগৌরবাঙ্গসাদস্রোতঃপিধান মূর্চ্ছাতন্দ্রানিদ্রাশাসকাসপ্রসেকহৃল্লাসাগ্নিসাদসন্ধি বিশ্লেষাদিভিঃ শ্লেষ্মা||৫||
कार्श्यकार्ष्ण्य्गत्रकम्पस्फुरणोष्णकामितासंज्ञानिद्राना शबलेन्द्रियोपघातास्थिशूलमज्जाशोषमलसङ्गाध्माना टोपमोहदैन्यभयशोकप्रलापादिभिर्वृद्धो वायुः पीडयति| पीतत्वग्लान्द्रियदौर्बल्यौजोविस्रंसशीताभि लाशदाह तिक्तास्यतातृण्मूर्च्छाल्पनिद्रताक्रोधादिभिः पित्तम्| श्वैत्यशैत्यस्थौल्यालस्यगौरवाङ्गसादस्रोतःपिधान मूर्च्छातन्द्रानिद्राशासकासप्रसेकहृल्लासाग्निसादसन्धि विश्लेषादिभिः श्लेष्मा||५||
🔊 Audio coming soon
বৈকৃতমুচ্যতে| বিকৃতির্দ্বিবিধা বৃদ্ধ্যাহীনতযা চ| তত্র প্রথমং বৃদ্ধিরুচ্যতে| তং দেহং বৃদ্ধো বাযুঃ কার্শ্যাদিভিঃ পীডযতি| গাত্রাণাং কম্পঃ সর্বাঙ্গচলনম্| স্ফুরণং গাত্রৌকদেশে স্বল্পং চলনম্| অত্রাপ্যাদিগ্রহণাত্ দোষস্বরূপরোগগ্রহণার্ত্য্হানি ব্যাখ্যেযানি| পিত্তম্ বৃদ্ধং পীতত্বক্ত্বাদিভির্দেহং পীডযতি| শ্লেষ্মা বৃদ্ধং শ্বৈত্যাদিভিঃ| শ্বৈত্যং গাত্রশ্বেততা||৫||
Adhikarana vRuddhaiH rasAdidAtubhiH sharIrapIDanam (6) · Śloka 6
প্রসেকারোচকস্যবৈরস্যহৃল্লাসস্রোতোরোধস্বাদুদ্বেষাঙ্গ মর্দাদিভিরন্যৈশ্চ শ্লেষ্মবিকারপ্রাযৈঃ রসঃ| কুষ্ঠ- বিসর্পপিটকাসৃগ্দরাক্ষিমুখমেঢ্রগুদদাহগুল্মবিদ্রধি-প্লীহব্যঙ্গকামলাগ্নিনাশতমঃপ্রবেশরক্তাঙ্গনেত্রতাবাতরক্তপিত্তাদিভিরন্যৈশ্চ পিত্তবিকারপ্রাযৈরসৃক্| গলগণ্ডগণ্ডমালার্বুদগ্রন্থিতালুজিহ্বাকণ্ঠরোগস্ফিগ্গলৌ- ষ্ঠবাহূদরোরুজঙ্ঘাগৌরববৃদ্ধিভিঃ শ্লেষ্মরক্তবিকারপ্রাযৈশ্চ মাংসম্| প্রমেহপূর্বরূপৈঃ স্থৌল্যোপদ্রবৈশ্চান্যৈরপি শ্লেষ্মরক্তমাংসবিকারপ্রাযৈ| র্মেদঃ| অধ্যস্থিভিরধিদন্তৈশ্চাস্থি| নেত্রাঙ্গরক্তগৌরবৈঃ পর্বসু চ স্থূলমূলারুভির্মজ্জা| অতিস্ত্রীকামতাশুক্রাশ্মরীসম্ভবাভ্যাং শুক্রাধিক্যকম্||৬||
प्रसेकारोचकस्यवैरस्यहृल्लासस्रोतोरोधस्वादुद्वेषाङ्ग मर्दादिभिरन्यैश्च श्लेष्मविकारप्रायैः रसः| कुष्ठ- विसर्पपिटकासृग्दराक्षिमुखमेढ्रगुददाहगुल्मविद्रधि-प्लीहव्यङ्गकामलाग्निनाशतमःप्रवेशरक्ताङ्गनेत्रतावातरक्तपित्तादिभिरन्यैश्च पित्तविकारप्रायैरसृक्| गलगण्डगण्डमालार्बुदग्रन्थितालुजिह्वाकण्ठरोगस्फिग्गलौ- ष्ठबाहूदरोरुजङ्घागौरववृद्धिभिः श्लेष्मरक्तविकारप्रायैश्च मांसम्| प्रमेहपूर्वरूपैः स्थौल्योपद्रवैश्चान्यैरपि श्लेष्मरक्तमांसविकारप्रायै| र्मेदः| अध्यस्थिभिरधिदन्तैश्चास्थि| नेत्राङ्गरक्तगौरवैः पर्वसु च स्थूलमूलारुभिर्मज्जा| अतिस्त्रीकामताशुक्राश्मरीसम्भवाभ्यां शुक्राधिक्यकम्||६||
🔊 Audio coming soon
প্রসেকাদিভী রসঃ| অত্রাপ্যাদিগ্রহণানি পূর্ববত্| প্রসেকো মুখস্রাবঃ হৃল্লাসঃ সপ্রসেকো হৃদযোত্ক্লেশঃ| রক্তং কুষ্ঠাদিভিঃ| দাহশব্দস্যাক্ষ্যাদিভিঃ সম্বন্ধঃ| তমঃপ্রবেশোঽতমসি তমসীব প্রবেশঃ| গলগণ্ডাদিভির্মাংসম্| প্রমেহপূর্বরূপাদিভির্মেদো বৃদ্ধং পীডযতি| প্রমেহপূর্বরূপাণি `স্বেদোঽঙ্গগন্ধ' ইত্যাদিনা প্রমেহনিদানে বক্ষ্যন্তে| স্থৌল্যোপদ্রবাণ্যতিস্থৌল্যাদতি- ক্ষুত্তৃডিত্যাদিনা দ্বিবিধোপক্রমণীযে বক্ষ্যমাণানি| অধ্যস্থ্যাদিভিরস্থি| অস্থ্নি যদধিকমস্থি তদ্ধ্যস্থি| নেত্রগৌরবাদিভির্মজ্জা| অরূংষি পিটকাবিশেষাঃ||৬||
Adhikarana vRuddhaiH shakRudAdimalaiH dehapIDanam (7) · Śloka 7
কুক্ষিশূলাটোপগৌরবৈঃ শকৃদাধিক্যম্| বস্তিতোদাধ্মানৈর্মূত্রাধিক্যম্| কণ্ডূদৌর্গন্ধ্যৈঃ স্বেদঃ| অন্যেঽপি চ দূষিকাদিমলা বাহুল্যদ্রবতাকণ্ডূগৌরবৈঃ||৭||
कुक्षिशूलाटोपगौरवैः शकृदाधिक्यम्| बस्तितोदाध्मानैर्मूत्राधिक्यम्| कण्डूदौर्गन्ध्यैः स्वेदः| अन्येऽपि च दूषिकादिमला बाहुल्यद्रवताकण्डूगौरवैः||७||
🔊 Audio coming soon
সুবোধম্||৭||
Adhikarana kShINairvAtAdibhirdoShaiH dehapIDanam (8) · Śloka 8
প্রসেকারুচিহৃল্লাসসংজ্ঞামোহাল্পবাক্চেষ্টতাপ্রহর্ষা-ঙ্গসাদাগ্নিবৈষম্যাদিভিঃ ক্ষীণো বাযুঃ পীডযতি| স্তম্ভ শৈত্যানিযততোদারোচকাবিপাকাঙ্গপারুষ্যকম্পগৌরবনখ-নযনশৌক্ল্যাদিভিঃ পিত্তম্| ভ্রমোদ্বেষ্টনানিদ্রাঙ্গমর্দ- পরিপ্লোষতোদদবদাহস্ফোটনবেপনধূমাযনসন্ধিশৈথিল্য- হৃদযদ্রবশ্লেষ্মাশযশূন্যতাদিভিঃ শ্লেষ্মা||৮||
प्रसेकारुचिहृल्लाससंज्ञामोहाल्पवाक्चेष्टताप्रहर्षा-ङ्गसादाग्निवैषम्यादिभिः क्षीणो वायुः पीडयति| स्तम्भ शैत्यानियततोदारोचकाविपाकाङ्गपारुष्यकम्पगौरवनख-नयनशौक्ल्यादिभिः पित्तम्| भ्रमोद्वेष्टनानिद्राङ्गमर्द- परिप्लोषतोददवदाहस्फोटनवेपनधूमायनसन्धिशैथिल्य- हृदयद्रवश्लेष्माशयशून्यतादिभिः श्लेष्मा||८||
🔊 Audio coming soon
ক্ষীণো বাযুঃ প্রসেকাদিভির্দেহং পীডযতি| ক্ষীণং পিত্তং স্তম্ভনাদিভির্দেহং পীডযতি| অঙ্গে তোদ ইব তোদঃ| অনিযতে দেশে বা কালে বা তোদোঽনিযততোদঃ| শ্লেষ্মা ক্ষীণো ভ্রমাদিভিঃ পীডযতি| রজ্বাদিনাঙ্গ উদ্বেষ্টনমিবোদ্বেষ্টনম্| পরিপ্লোষঃ সন্তাপাত্ স্বল্পস্ত্বগ্দাহঃ| অন্যে রোগা বক্ষ্যমাণলক্ষণাঃ| ধূমাযনং কণ্ঠে ধূম ইব| শ্লেষ্মাশযা উরঃ কণ্ঠাদযঃ||৮||
Adhikarana kShINaiH rasAdibhirdhAtubhirdehapIDanam (9) · Śloka 9
শব্দাসহত্বহৃদযদ্রবকম্পশোষশূলশূন্যতাস্পন্দন ঘট্টনৈরল্পযাপি চ চেষ্টযা শ্রমতর্ষাভ্যাং রসঃ| ত্বগ্রৌক্ষ্যাম্লশীতাভিলাষসিরাশৈথিল্যৈরসৃক্| স্ফিগ্গণ্ডাদিশুষ্কতাতোদরৌক্ষ্যাক্ষগ্লানিসন্ধিস্ফোটন-ধমনীশৈথিল্যৈর্মাংসম্| প্লীহবৃদ্ধিকটীস্বাপসন্ধি- শূন্যতাঙ্গরৌক্ষ্যকার্শ্যশ্রমশোষমেদুরমাংসাভিলাষৈ- র্মাংসক্ষযোক্তৈশ্চ মেদঃ| দন্তনখরোমকেশশাতনরৌক্ষ্যপারুষ্যসন্ধিশৈথিল্যাস্থিতো- দাস্থিবদ্ধমাংসাভিলাষৈরস্থি| অস্থিসৌষির্যনিস্তোদ- দৌর্বল্যভ্রমতমোদর্শনৈর্মজ্জা| শ্রমদৌর্বল্যাস্য শোষতিমিরদর্শনাঙ্গমর্দপাণ্ডুতাসদনক্লৈব্যমুষ্কতোদ মেঢ্রধূমাযনৈশ্চিরাচ্চ নিষেকেণ সরক্তনিষেকেণ বা শুক্রম্||৯||
शब्दासहत्वहृदयद्रवकम्पशोषशूलशून्यतास्पन्दन घट्टनैरल्पयापि च चेष्टया श्रमतर्षाभ्यां रसः| त्वग्रौक्ष्याम्लशीताभिलाषसिराशैथिल्यैरसृक्| स्फिग्गण्डादिशुष्कतातोदरौक्ष्याक्षग्लानिसन्धिस्फोटन-धमनीशैथिल्यैर्मांसम्| प्लीहवृद्धिकटीस्वापसन्धि- शून्यताङ्गरौक्ष्यकार्श्यश्रमशोषमेदुरमांसाभिलाषै- र्मांसक्षयोक्तैश्च मेदः| दन्तनखरोमकेशशातनरौक्ष्यपारुष्यसन्धिशैथिल्यास्थितो- दास्थिबद्धमांसाभिलाषैरस्थि| अस्थिसौषिर्यनिस्तोद- दौर्बल्यभ्रमतमोदर्शनैर्मज्जा| श्रमदौर्बल्यास्य शोषतिमिरदर्शनाङ्गमर्दपाण्डुतासदनक्लैब्यमुष्कतोद मेढ्रधूमायनैश्चिराच्च निषेकेण सरक्तनिषेकेण वा शुक्रम्||९||
🔊 Audio coming soon
রসঃ ক্ষীণঃ শব্দাসহত্বাদিভিঃ পীডযতি| স্বল্পেনাপি কর্মণা শ্রমস্তর্ষশ্চ ভবতি| অসৃক্ ক্ষীণং ত্বগ্রৌক্ষ্যাদিভিঃ পীডযতি| মাংসং ক্ষীণং স্ফিক্শুষ্কতাদিভিঃ পীডযতি| ধমন্যোঽঙ্গবিভাগে বক্ষ্যন্তে| তাসাং শৈথিল্যং নিবিডত্বনাশঃ| প্লীহাবৃদ্ধ্যাদিভিঃ স্ফিক্শুষ্কতাদিভির্মাংসক্ষযোক্তৈর্মেদঃ ক্ষীণং পীডযতি| মেদুরস্য মাংসে ভোজনাভিলাষঃ| দন্তশাতনাদিভিরস্থিক্ষীণং পীডযতি| অস্থিবদ্ধে মাংসে মৃগপরশুকাদৌ রুচিস্তদভিলাষঃ| মজ্জাস্থিসৌষির্যাদিভিঃ পীডযতি| নিস্তোদো বৃদ্ধস্তোদঃ| তমোদর্শনমতমস এব তমসোঽনুভবঃ| শুক্রং ক্ষীণং শ্রমাদিভিঃ পীডযতি| সদনমগ্নিসাদঃ| ক্লৈব্যং রত্যনভিমুখতা| মেঢ্রস্য শেফসো ধূমাযনমন্তঃ সধূমতেব||৯||
Adhikarana kShINaiH shakRudAdimalaiH dehapIDanam (10) · Śloka 10
সশব্দস্য বাযোঃ কুক্ষৌ তির্যগূর্ধ্বং চ ভ্রমণেনান্ত্র বেষ্টনেন পার্শ্বহৃদযপীডনেনাল্পতযা চ শকৃত্| বস্তিনিস্তোদমুখশোষকৃচ্ছ্রাল্পবিবর্ণমূত্রতাদিভিঃ সরুধিরমূত্রতযা বা মূত্রম্| স্তব্ধরোমকূপতারোমচ্যবনত্বক্পরিপাটনস্বাপপারুষ্য স্বেদনাশৈঃ স্বেদঃ| অন্যেঽপি চ মলা যথাযথং মলাযনং শোষশূন্যত্বলাঘবৈঃ||১০||
सशब्दस्य वायोः कुक्षौ तिर्यगूर्ध्वं च भ्रमणेनान्त्र वेष्टनेन पार्श्वहृदयपीडनेनाल्पतया च शकृत्| बस्तिनिस्तोदमुखशोषकृच्छ्राल्पविवर्णमूत्रतादिभिः सरुधिरमूत्रतया वा मूत्रम्| स्तब्धरोमकूपतारोमच्यवनत्वक्परिपाटनस्वापपारुष्य स्वेदनाशैः स्वेदः| अन्येऽपि च मला यथायथं मलायनं शोषशून्यत्वलाघवैः||१०||
🔊 Audio coming soon
শকৃত্ ক্ষীণং কুক্ষৌ তির্যগূর্ধ্বং সশব্দস্যাপানবাযোর্ভ্র মণেনান্ত্রবেষ্টনেন হৃত্পার্শ্বপীডনাদিনা চ পীডযতি| বেষ্টনমিব রজ্বাদিনা বেষ্টনম্| মূত্রং ক্ষীণং বস্তিনিস্তোদাদিনা পীডযতি| বস্তের্মূত্রাধারস্য শলাকাদিভির্নিস্তোদ ইব নিস্তোদঃ| অথবা কেবলযৈব সরুধিরমূত্রতযা মূত্রং ক্ষীণং পীডযতি| মূত্রক্ষযা ত্সরুধিরমূত্রতা ভবতীতি যাবত্| স্বেদঃ ক্ষীণো রোমকূপস্তম্ভনাদিনা দেহং পীডযতি| ত্বচঃ স্বাপ উপঘাতাদচৈতন্যম্| অন্যেঽপি চ মলা দূষিকাদযো যথাযথং যথাস্বং মলাধারং শোষাদিনা ক্ষীণাঃ পীডযন্তি| শোষাদীনাং ত্রযাণাং মলাযনশব্দেন সম্বন্ধঃ||১০||
Adhikarana doShadhAtumalAnAM vRuddhikShayasAmAnyalakShaNam (11) · Śloka 11
বিপরীতগুণক্ষযবৃদ্ধিভ্যাং চ বৃদ্ধিক্ষযাবুপলক্ষযেত্| মলানাং ত্বতিসঙ্গোত্সর্গাভ্যাং চ তদ্বৃদ্ধিক্ষযৌ||১১||
विपरीतगुणक्षयवृद्धिभ्यां च वृद्धिक्षयावुपलक्षयेत्| मलानां त्वतिसङ्गोत्सर्गाभ्यां च तद्वृद्धिक्षयौ||११||
🔊 Audio coming soon
ননু কিমেতাবদেব দোষাদীনাং বৃদ্ধিক্ষযলক্ষণমুতান্যদপীত্যাহ-বিপরীতেত্যাদি| দোষাদীনাং সর্বেষাং যে বিপরীতা গুণাস্তেষাং দেহে যদা ক্ষযো দৃশ্যতে তদা তেষাং দোষাদীনাং বৃদ্ধিমুপলক্ষযেত্| যদা তু দোষাদিবিপরীতানাং গুণানাং বৃদ্ধির্দৃশ্যতে দেহে তদা দোষাদীনাং ক্ষযমুপলক্ষযেত্| উদাহরণং যথা বাতস্য গুণা রূক্ষলঘুশীতাদযস্তেষাং বিপরীতা স্নিগ্ধগুরূষ্ণাদযঃ তেষাং স্নিগ্ধত্বাদীনাং দেহে ক্ষযো যদা দৃশ্যতে তদা বাযোর্বৃদ্ধিমুপলক্ষযেত্| যদা তু তেষামেব স্নিগ্ধাদীনাং দেহে বৃদ্ধির্দৃশ্যতে তদা বাতস্য ক্ষযমুপলক্ষযেত্| ইত্যেবং স্ববুদ্ধ্যা বিকল্প্য ধাতূনাং মলানাং চ বাচ্যম্| মলানান্তু বিশেষতঃ অতিসঙ্গোত্সর্গৌ যথাসঙ্খ্যেন বৃদ্ধিক্ষযোপলক্ষণৌ| মলানাং শকৃদাদীনাং সঙ্গেন বহিরপ্রবৃত্ত্যা তেষামেব বৃদ্ধিমুপলক্ষযেত্||১১||
Adhikarana malakShayaH vRuddherapekShayA pIDAkaraH (2) · Śloka 2
বৃদ্ধেস্তু মলানাং ক্ষযঃ পীডযতি| সুতরামনৌচিত্যাত্||২||
वृद्धेस्तु मलानां क्षयः पीडयति| सुतरामनौचित्यात्||२||
🔊 Audio coming soon
তথোত্সর্গেণ বহিঃ প্রবৃত্ত্যা তেষাং ক্ষযমুপলক্ষযেত্| মলানাং চ বৃদ্ধির্ন তথা পীডাকরী যথা ক্ষযঃ | কুতঃ? অনৌচিত্যাত্| দেহিনো হি প্রাযেণ মলক্ষযোঽনুচিতোঽ নভ্যস্তঃ| বৃদ্ধিস্তূচিতৈব|
Adhikarana doShadhAtUnAmekavRuddhikShayakAraNaM tatrApavAdashca (13) · Śloka 13
তত্রাস্থিনি স্থিতো বাযুঃ অসৃক্স্বেদযোঃ পিত্তম্| শেষেষু শ্লেষ্মা তস্মাদেকবৃদ্ধিক্ষযকারণত্বমেষাম্| নত্বেব মস্থিবায্বোঃ| সর্বৈব হি বৃদ্ধিঃ প্রাযোঽতিসন্তর্পণনিমিত্তত্বাচ্ছ্লেষ্মণানুগতা তদ্বিপর্যযা চ্চ ক্ষযো বাযুনা তস্মাল্লঙ্ঘনবৃংহণাভ্যাং বৃদ্ধিক্ষযজান্ বিকারানুপচরেত্| পবনে তু বৃংহণলঙ্ঘনাভ্যাম্| সর্বত্র চ দ্রব্যগুণকর্মবিপর্যয তুল্যভাবেনাবিরুদ্ধেন||১৩||
तत्रास्थिनि स्थितो वायुः असृक्स्वेदयोः पित्तम्| शेषेषु श्लेष्मा तस्मादेकवृद्धिक्षयकारणत्वमेषाम्| नत्वेव मस्थिवाय्वोः| सर्वैव हि वृद्धिः प्रायोऽतिसन्तर्पणनिमित्तत्वाच्छ्लेष्मणानुगता तद्विपर्यया च्च क्षयो वायुना तस्माल्लङ्घनबृंहणाभ्यां वृद्धिक्षयजान् विकारानुपचरेत्| पवने तु बृंहणलङ्घनाभ्याम्| सर्वत्र च द्रव्यगुणकर्मविपर्यय तुल्यभावेनाविरुद्धेन||१३||
🔊 Audio coming soon
তত্র দোষাদিষ্বাশ্রযাশ্রযিভাবেন বৃদ্ধিক্ষযকারণং দর্শযিতুকাম আহ-তত্রেত্যাদি| তত্র তেষু বাতাদিষু মধ্যে বাযুরস্থ্নি স্থিতঃ স্বেদে রক্তে চ পিত্তং স্থিতম্| অস্থি স্বেদং রক্তং চ বর্জযিত্বা শেষেষু রসাদিষু শ্লেষ্মা স্থিতঃ| এতে রসাদযো দোষাণামবিকৃতানামাশ্রযাঃ| তস্মাদেষামাশ্রযাণামাশ্রযিণাং চৈকমেব বৃদ্ধিক্শযকারণম্| একসং সাধারণমিত্যর্থঃ| যদেবাশ্রযস্য বৃদ্ধিক্ষযকারণং তদেবাশ্রযিণস্তথা যদেবাশ্রযিণস্তদেবাশ্রযস্যাপীতি| এবং ক্ষযেঽপ্যুচ্যতে| তত্রোদাহরণং যথা যদেবোষ্ণং সুরাদিকং পিত্তস্য বৃদ্ধিকারণং তদেব স্বেদরক্তযোস্তথা শীতস্থিরাদিকং পিত্তস্য ক্ষযকারণং তদেব রক্তস্বেদযোশ্চ| এবং শ্লেষ্মণোঽপি বাচ্যম্| বাযোস্তু স্বযং তন্ত্রকৃন্নিবারণং করোতি| নত্বেবমস্থিবায্বোরিতি| তত্রানন্তরোক্তযোর্বৃদ্ধিক্ষযযোঃ সর্বেত্যাদিনা চিকিত্সার্থমাহ| হি শব্দো যস্মাদর্থে| যেযং শারীরণাং ভাবানাং বৃদ্ধিঃ সা প্রাযেণ শ্লেষ্মণানুগতা অতিসন্তর্প ণনিমিত্তত্বাত্| সন্তর্পণেন হ্যত্যুপযুজ্যমানেন সর্বে শারীরা ভাবা বৃদ্ধিং যান্তি| অতোঽস্যা বৃদ্ধেরেককারণত্বাত্ শ্লেষ্মানুগতিং করোতি| য্শ্চ শারীরাণাং ভাবানাং ক্ষযঃ স বাযুনানুগতঃ| কুতঃ? বিপর্যযাত্| পোওর্বোক্তহেতুতঃ অত্যপতর্পণনিমিত্ত ত্বাচ্ছারীরভাবক্ষযস্যেত্যর্থঃ| তস্মাত্ সর্বান্ দোষাদি বৃদ্ধিজান্ রোগান্ বক্ষ্যমাণেন লঙ্ঘনেনোপচরেত্| সর্বাংশ্চ শারীরভাবক্ষযজান্ রোগান্ বৃংহণেনোপচরেত্| ইত্যত্র হেতুর্বৃদ্ধিক্ষযযোর্যথাসঙ্খ্যেন শ্লেষ্মবায্বনুগতত্বম্| বাতে তু বৈপরীত্যম্| বাতস্য বৃদ্ধিং বৃংহণোপচরেত্| ক্ষযং লঙ্ঘনেতি| তথা সর্বত্র দোষাদিবর্গে বৃদ্ধিক্ষযৌ যথাসংখ্যেন দ্রব্যাদীনামবিরুদ্ধেন বিপর্যযভাবেন তুল্যভাবেন চোপচরেত্| তেনৈতদুক্তং ভবতি সর্বস্য দোষাদের্বৃদ্ধিদ্রব্যাদিবিপর্যযভাবেনোপচরেতী দ্রব্য বিপর্যযভাবো যদ্গুণবিশেষানপেক্ষযৈব দ্রব্যস্য শারীরস্য বাহ্যদ্রব্যাদ্বৈপরীত্যম্| যথা মাংসস্য গবেদুকান্নাত্| গুণবিপর্যযভাবো বিপরীত গুণত্বম্| যথা মাংসস্য মধুনঃ| শ্লেষ্মণঃ শীধ্বারনালাভ্যাম্| কর্মণো বাক্যস্য শারীরাত্ দ্রব্যতঃ ফলে বৈপরীত্যম্| যথা মাংসস্য শোকাদ্বাযোশ্চ স্বপ্নাদিত্যেবং সর্বত্র বাচ্যম্| তুল্য ভাবঃ শারীরাণাং ভাবানাং বাহ্যৈর্দ্রব্যাদিভিঃ সাদৃশ্যং যথা মাংসস্য মাংসেন রক্তস্য রক্তেনেতি| গুণানাং তুল্যভাবো যদ্ দ্রব্যজাত্যসাদৃশ্যেঽপি গুণসাদৃশ্যং যথা শুক্রস্য ক্ষীরসর্পির্ভ্যাম্| কর্ম ক্রিযা তস্যাশ্চ শরীরেণদ্রব্যেণ তুল্যভাবঃ ক্রিযাফলদ্বারেণ| যথা বাতস্য ধাবনপ্লবনাদিনা কর্মণা| শ্লেশ্মণশ্চ হর্শস্বনাভ্যাম্| অবিরুদ্ধেনেতি বিপর্যযেণ তুল্যভাবেন চ সম্বধ্যতে| তেন যত্র বৃদ্ধিবিপর্যযভাবেনোপচর্যা তত্র তথা বিধ বিপর্যযো গ্রাহ্যঃ| যস্তদ্বিজাতীযবৃদ্ধিসংপাদনযা ন বিরুদ্ধ্যতে| তথা ক্ষযে তুল্যভাবো যোগ্যেন বৃদ্ধেন সমেন বা ন বিরুদ্ধ্যতে||১৩||
Adhikarana doShAdInAM vRuddhikShayayoH kAraNam (14) · Śloka 14
ধাতবঃ খলু শারীরাঃ সমানৈঃ সমানগুণভূযিষ্ঠৈর্বাঽঽহারবিহারৈরভ্যস্যমানৈর্বৃদ্ধিমাপ্নুবন্তি| হ্রাসং তু বিপরীতৈর্বিপরীতগুণভূযিষ্ঠৈর্বা| তথাহি দেহধাতবো যে গুরবস্তে গুরুভিরৈক্যকারিতযোপচীযন্তে| লঘবস্তু লঘুভিঃ| তদ্বিপরীতৈস্তু পৃতহ্ক্ত্বাকারিভিরপচীযন্তে| তস্মাদন্যেভ্যো দ্রব্যেভ্যোঽপি সুতরাং রক্তমাপ্যায্যতে| রক্তেন মাংসং, মাংসেন মেদো, মেদসাঽস্থি, তরুণাস্থ্না মজ্জা, মজ্জা শুক্রং, শুক্রেণামগর্ভেণ গর্ভঃ| যত্র ত্বেবংলক্ষণেনসামান্যেন সামান্যবতামাহারবিহারাণামসান্নিধ্যং স্যাত্, সন্নিহিতানাঞ্চাভ্যবহরণমশক্যং বিরুদ্ধত্বাদ্ ঘৃণিত্বাদরুচেরন্যস্মাদ্বা কারণন্তরাত্| তত্র সমানগুণভূযিষ্ঠানামযপ্রকৃতীনামাহারবিহারানামভ্যবহারঃ শ্রেযান্| তদ্যথা শুক্রক্ষযে ক্ষীরসর্পিষোরুপযোগো মধুরস্নিগ্ধশীতানামপরেষাং চ দ্রব্যাণাম্||১৪||
धातवः खलु शारीराः समानैः समानगुणभूयिष्ठैर्वाऽऽहारविहारैरभ्यस्यमानैर्वृद्धिमाप्नुवन्ति| ह्रासं तु विपरीतैर्विपरीतगुणभूयिष्ठैर्वा| तथाहि देहधातवो ये गुरवस्ते गुरुभिरैक्यकारितयोपचीयन्ते| लघवस्तु लघुभिः| तद्विपरीतैस्तु पृतह्क्त्वाकारिभिरपचीयन्ते| तस्मादन्येभ्यो द्रव्येभ्योऽपि सुतरां रक्तमाप्याय्यते| रक्तेन मांसं, मांसेन मेदो, मेदसाऽस्थि, तरुणास्थ्ना मज्जा, मज्जा शुक्रं, शुक्रेणामगर्भेण गर्भः| यत्र त्वेवंलक्षणेनसामान्येन सामान्यवतामाहारविहाराणामसान्निध्यं स्यात्, सन्निहितानाञ्चाभ्यवहरणमशक्यं विरुद्धत्वाद् घृणित्वादरुचेरन्यस्माद्वा कारणन्तरात्| तत्र समानगुणभूयिष्ठानामयप्रकृतीनामाहारविहारानामभ्यवहारः श्रेयान्| तद्यथा शुक्रक्षये क्षीरसर्पिषोरुपयोगो मधुरस्निग्धशीतानामपरेषां च द्रव्याणाम्||१४||
🔊 Audio coming soon
ননু দোষাদীনাং বৃদ্ধিক্ষযযোর্লক্ষণং চিকিত্সা চোক্তা কারণং নোক্তমতস্তত্প্রতিপাদনার্থমাহ- ধাতব ইত্যাদি| ধাতুশব্দেন দেহধারণসামান্যাত্ সর্বে দোষাদয উচ্যন্তে| তেন ধাতবঃ শারীরাঃ শরীরস্থাঃ সমানৈর্জাত্যা সদৃশৈরাহারৈর্বিহারৈশ্চ বৃদ্ধিমাপ্নুবন্তি| অথবা সমানগুণভূযিষ্টৈর্বিহারৈশ্চ বৃদ্ধিমাপ্নুবন্তি| অথবা সমানগুণভূযিষ্টৈর্জাতিবিসদৃশৈরপি বাহুল্যেন সদৃশগুণৈরিত্যর্থঃ| এবং ধাতবো জাতিবিপরীতৈর্বিপরীতগুণভূযিষ্ঠৈর্বা হ্রাসং প্রাপ্নুবন্তি| তথা হীত্যাদিনা তন্ত্রকার এবোদাহরণপূর্বকং দর্শযতি| দেহে শরীরে যে মাংসকফাদ্যা গুরবো ধাতবঃ তে তথাবিধৈর্গুরুভিরেব| বাহ্যৈরুপচীযন্তে| বিপরীতৈস্তু লঘুভিঃ পৃথক্ত্বকারিভির্বিজাতীযৈরপচীযন্তে| পৃথক্ত্বং তজ্জাত্যপরিপোষঃ| এবং লঘুধাতূনামপি বাতাদীনাং বাচ্যম্| তস্মাদ্যত এবমত এব ন তথান্যে ভাবা মাংসস্য বৃদ্ধিকারণং যথা মাংসং যথঃ সর্বেণ প্রকারেণ তযোরেব সাদৃশ্যম্| এবং সর্বধাতূনাং বাচ্যম্| যত্র ত্বনন্তরোক্তং সমানং ধাতোর্ন সন্নিহিতম্, সন্নিহিতমপি কেনচিদ্ধেতুনা বাভ্যবহর্তুং ন পার্যতে, তত্রান্যপ্রকৃতীনাং জাত্যা সমানানাং সমানগুণভূযিষ্ঠানামাহারবিহারাণাং নানাবিধানামভ্যবহারো বিধেযঃ| ননু কথং সন্নিহিতানামভ্যবহরণমশক্যত আহ-বিরুদ্ধত্বাত্, ঘৃণিত্বাদরুচেশ্চ| বিরুদ্ধত্বং বিবিক্ষিধাতুবিজাতীযধাতুবৃদ্ধিদ্বারেণ দেহেঽপথ্যত্বং ধাতুসামান্যেঽপি| ঘৃণিত্বমাহারবিষেষজুগুপ্সাবত্বম্| অরুচির্যত্র ন কিঞ্চিদ্রোচতে| ন চ জুগুপ্সা বিদ্যতে| এবং তত্র ধাতুবিজাতীযস্য সদৃশগুণস্য ত্বভ্যবহারঃ শ্রেযান্| তদ্যথেত্যুদাহরণেনৈতদেব স্ফুটযতি|
Adhikarana karmaNApi vRuddhikShayau bhavataH (15) · Śloka 15
কর্মাপি যদ্যস্য ধাতোঃ সমানক্রিযতযা বৃদ্ধিকরং তস্য তস্য বৃদ্ধিমভিলষতা তত্তদাসেব্যম্| তথৈব চাতুল্যক্রিযতযা হ্রাসকরং তদর্থিনেতি| অপি চ - বিশেষতো রক্তবৃদ্ধিজান্ রক্তনির্হরণপ্রসাদনকাযবিরেচনেন| মাংসবৃদ্ধিজান্ সংশোধনশস্ত্রক্ষারাগ্নিকর্মভিঃ| মেদোজান্ স্থৌল্যকার্শ্যক্রিযাক্রমেণ| রক্তক্ষযজান্ মাংসরসমদ্যক্ষীরৈঃ| অস্থিক্ষযজান্ বস্তিভিস্তিক্তোপহিতৈঃ ক্ষীরস্তিভিশ্চ| শকৃদ্বৃদ্ধিজানতীসারবিধানেন| শকৃত্ক্ষযজান্ মেহকৃচ্ছ্রচিকিত্সযা| স্বেদক্ষ্যজানভ্যঙ্গব্যাযামমদ্যস্বপ্ননিবাতশরণাস্বেদৈরিতি||১৫||
कर्मापि यद्यस्य धातोः समानक्रियतया वृद्धिकरं तस्य तस्य वृद्धिमभिलषता तत्तदासेव्यम्| तथैव चातुल्यक्रियतया ह्रासकरं तदर्थिनेति| अपि च - विशेषतो रक्तवृद्धिजान् रक्तनिर्हरणप्रसादनकायविरेचनेन| मांसवृद्धिजान् संशोधनशस्त्रक्षाराग्निकर्मभिः| मेदोजान् स्थौल्यकार्श्यक्रियाक्रमेण| रक्तक्षयजान् मांसरसमद्यक्षीरैः| अस्थिक्षयजान् बस्तिभिस्तिक्तोपहितैः क्षीरस्तिभिश्च| शकृद्वृद्धिजानतीसारविधानेन| शकृत्क्षयजान् मेहकृच्छ्रचिकित्सया| स्वेदक्ष्यजानभ्यङ्गव्यायाममद्यस्वप्ननिवातशरणास्वेदैरिति||१५||
🔊 Audio coming soon
কর্মাপীত্যাদ্যুক্তার্থপ্রাযমিতি| সামান্যেন ধাতুবৃদ্ধিহান্যোঃ কারণ্মুক্ত্বা তজ্জাতানাং রোগানামপি চেত্যাদিনা চিকিত্সাসমুচ্চযং করোতি| বিশেষগ্রহণং যদ্যপি বৃদ্ধধাতুজানাং ক্ষীণধাতুজানাং চ রোগাণাং ধাতোর্বিসদৃশৈঃ সদৃশৈশ্চ দ্রব্যাদিভিরুপশমো ভবতি| তথাঽপ্যসারণ্যেন তেষাং রক্তাদিজানাং রোগাণাং বিশেষেণেদং কার্যমিতি প্রদর্শনার্থম্| অত এব বিশেষগ্রহণাদনুক্তশেষধাতুবৃদ্ধিক্ষযরোগচিকিত্সাঽনারম্ভো ন দোষায তন্ত্রকৃতঃ| রক্তস্য নির্হরণং সিরাব্যধাদিনা| প্রসাদনং সামর্থ্যাদ্রক্তস্যৈব স্বল্পদুষ্টৌ| মেদোজানাং দ্বৈবিধ্যং বৃদ্ধিক্ষযকৃতম্| তত্র মেদোবৃদ্ধিজান্ স্থৌল্যক্রিযাক্রমেণ স্থৌল্যচিকিত্সযোপচরেত্| মেদঃক্ষযজান্ কার্শ্যচিকিত্সযা| এষা চ দ্বিবিধাপি চিকিত্সা দ্বিবিধোপক্রমণীযে বক্ষ্যতে| অস্থিক্ষযজান্ রোগান্ বস্থিভিস্তথা তিক্তোপহিতৈর্যথাযোগ্যতিক্তদ্রব্যসহিতৈঃ কল্পে বক্ষ্যমাণৈঃ ক্ষীরবস্তিভিশ্চেতি প্রাধান্যখ্যাপনম্| কুল্মাষঃ সস্যান্নম্| অজমেষযোর্মধ্যমন্তর্জঠরমাংসম্| আদিগ্রহণাদন্যানি পুরীষজননানি গৃহ্যন্তে| মূত্রবৃদ্ধিজান্ প্রমেহচিকিত্সযা মূত্রক্ষযজান্ মূত্রকৃচ্ছ্রচিকিত্সযেতি| স্বেদক্ষযজানভ্যঙ্গাদিভিঃ স্বেদান্তৈশ্চিকিত্সেত্||১৫||
Adhikarana dhAtvagnimAndyataikShNAbhyAM dhAtuvRuddhikShayau, samAnavisheShadravye vRuddhikShayakAraNe (16) · Śloka 16
ভবতি চাত্র যে পাচকাংশা ধাতুস্থাস্তেষাং মান্দ্যাতিতৈক্ষ্ণ্যতঃ বৃদ্ধিঃ ক্ষযশ্চ ধাতূনাং জাযতে শৃণু চাপরম্| পারম্পর্যেঽপি দাবাগ্নেস্তত্ প্রাপ্যেন্ধনং শিখা| বৃদ্ধিক্ষযৌ যথা যাতি তদ্বদ্ধাতু পরম্পরা| দ্রব্যং তুল্যং বিশিষ্টং হি স্বং স্বং বৃদ্ধ্যৈ ক্ষযায চ| প্রত্যাত্মবীজনিযতং ভৃশমাশু প্রজাযতে||১৬||
भवति चात्र ये पाचकांशा धातुस्थास्तेषां मान्द्यातितैक्ष्ण्यतः वृद्धिः क्षयश्च धातूनां जायते शृणु चापरम्| पारम्पर्येऽपि दावाग्नेस्तत् प्राप्येन्धनं शिखा| वृद्धिक्षयौ यथा याति तद्वद्धातु परम्परा| द्रव्यं तुल्यं विशिष्टं हि स्वं स्वं वृद्ध्यै क्षयाय च| प्रत्यात्मबीजनियतं भृशमाशु प्रजायते||१६||
🔊 Audio coming soon
ভবতি চাত্রেত্যনেকশ উক্তম্| পাচকনাম্নোঽগ্নিস্বরূপস্য পিত্তস্য যেংঽশা ভাগাঃ সপ্তসু ধাতুষু স্থিতাস্তেষাংধাতুস্থানামনলানাং মান্দ্যতো ধাতুবৃদ্ধিঃ| পাকেনোত্তরধাত্বাপাদনাযাস্য পূর্বধাতোঃ ক্ষপণকারণস্যাগ্নেরল্পত্বাত্তথা তেষামেব তৈক্ষ্ণ্যাত্ ধাতূনাং ক্ষযো জাযতে| তেনৈতদুক্তং ভবতি যদ্যপ্যন্নপাচকাগ্নিপরাযত্তবৃদ্ধিক্ষযা ধাত্বগ্নযঃ, তথাপ্যাহারদ্রব্যশক্তিবশাদ্য এবান্যতমো ধাত্বগ্নির্মন্দী ভবতি স এব স্বস্য ধাতোঃ ক্ষপণাশক্তত্বাত্ বৃদ্ধিমেব জনযতি| এবং তীক্ষ্ণোঽগ্নিঃ স্বস্য ধাতোঃ ক্ষযম্| শৃণু চাপরমিত্যনেন দৃষ্টান্তং বক্তুমস্যার্থস্যোপক্রমতে| কিং শৃণোমীতি শিষ্যেণ পৃষ্ট আহ - পারংপর্যেত্যাদি| দাবাগ্নেঃ সম্বন্ধিনী শিখা পারংপর্যেঽপ্যব্যুচ্ছিন্নবনদাহপ্রবৃত্তেঽপি যথা তত্তদ্বিশিষ্টমিন্ধনং প্রাপ্য বৃদ্ধিং ক্ষযং চ যাতি| তথৈব ধাতুপরম্পরা ধাতুসমূহঃ| কোঽস্য ভাষিতস্যার্থঃ? উচ্যতে| দাবাগ্নির্যদ্যপি সকলং বনং দহতি তথাপি তত্সম্বন্ধিনী শিখা জ্বালা যদা মহদ্ বৃক্ষাদীন্ধনমাশ্লিষ্যতি| তদা সা জ্বালা বৃদ্ধিং যাতি| যদা তু স্বল্পমিন্ধনং প্রাপ্নোতি তদা সা জ্বালা ক্ষযং যাতি| এবং ধাতু পরম্পরাপি| তস্য ইন্ধনমাহারসারঃ| যত্র তু ধাত্বগ্নিমান্দ্যাদক্ষপনাত্স আহারসারঃ সন্ততং স্রোতঃপ্রবাহাননুপ্রবেশেন বৃদ্ধো ভবতি তত্র স ধাতুর্বৃদ্ধিং যাতি এবং ক্ষযেঽপি বিকল্প্য বাচ্যম্ ধাতুবৃদ্ধিক্ষযকারণেনেদমুচ্যতে - দ্রব্যমিত্যাদি সর্বং দ্রব্যং বাহ্যমাভ্যন্তরেণ তুল্যং সত্ ভৃশমাশু চ বৃদ্ধ্যৈ জাযতে ভ্রুশমত্যর্থমাশু শীঘ্রমেব বিশিষ্টং বিসদৃশং ক্ষযায জাযতে কুত আহ-প্রত্যাত্মবীজনিযতত্বাত্ প্রতিস্বরূপং নিযতকারণত্বাদিত্যর্থঃ তথা হি মাংসমেব যথা মাংসকারণং ন তথান্যত্ ইদমপি ধাতুবৃদ্ধিক্ষযকারণমুচ্যতে||১৬||
Adhikarana pUrvadhAtuvRuddhikShayAvuttaradhAtuvRuddhikShayakAraNe (17) · Śloka 17
পূর্বো ধাতুঃ পরং কুর্যাদ্বৃদ্ধঃ ক্ষীণশ্চ তদ্বিধমী||১৭||
पूर्वो धातुः परं कुर्याद्वृद्धः क्षीणश्च तद्विधमी||१७||
🔊 Audio coming soon
পূর্বমিত্যাদি যো ধাতুর্যস্মাত্ পূর্বঃ স বৃদ্ধঃ সন্ পরমনন্তরং তথাবিধমাত্মসদৃশং বৃদ্ধমেব কুর্যাদিত্যর্থঃ এবং পূর্বং কারণান্তরেণ ক্ষীযং উত্তরং তথাবিধং ক্ষীণমেব করোতি যতো ধাত্বাহারা হি ধাতব ইত্যুক্তম্ ইতি দোষাদীনাং বৃদ্ধিক্ষযকারণমুক্তম্|
Adhikarana malAyaneShu rogasaMbhavakramaH (18) · Śloka 18
দোষা দুষ্টা রসৈর্ধাতূন্ দূষযন্ত্যুভযে মলানী অধো দ্বে সপ্ত শিরসি খানি স্বেদবহানি চ মলা মলাযনানি স্যর্যথাস্বং তেষ্বতো গদাঃ||১৮||
दोषा दुष्टा रसैर्धातून् दूषयन्त्युभये मलानी अधो द्वे सप्त शिरसि खानि स्वेदवहानि च मला मलायनानि स्यर्यथास्वं तेष्वतो गदाः||१८||
🔊 Audio coming soon
তে চ দোশাদযো দুষ্টারোগকরণতমেব যান্তীত্যুচ্যতে- দোষা দুষ্টা ইত্যাদি| দোষা বাতাদযো দুষ্টা ধাতূন্ রসাদীন্ দূষযন্তি| তে তু দোষাঃ কথং দুষ্যন্তীত্যাহ-রসৈর্মধুরাদিভির্যুক্তৈরিত্যর্থঃ|উভযে দোষাশ্চ ধাতবশ্চ দুষ্টা মলান্ দূষযন্তি| তে চ মলা দুষ্টা মলাযনানি মলমার্গান্ দূষযন্তি| কানি তানীত্যাহ-অধো দ্বে ইত্যাদি| অধো দ্বে গুদমেঢ্রে| শিরসি সপ্ত| দ্বৌ কর্ণৌঈ দ্বৌ নাসাপুটৌ| দ্বে অক্ষিণী| আস্যং চেতি| যথা স্বেদবহানি সকলরোমকূপানি ইতি মলানাং শকৃদাদীনামযনানি মর্গাঃ| অতঃ কারণাদ্যাতো দুষ্টদোষদূষিতমলানামাশ্রযভূতানি মলাযনান্যতস্তেষু যথাস্বং গদাঃ স্যুঃ| য এব মলো দুষ্টস্তদযনস্যৈব রোগোত্পত্তিরিত্যর্থঃ||১৮||
Adhikarana vAtajarogAH (19) · Śloka 19
বক্ষ্যন্তে বাতজাস্তত্র নিদানে বাতরৌগিকে||১৯||
वक्ष्यन्ते वातजास्तत्र निदाने वातरौगिके||१९||
🔊 Audio coming soon
এতে দোষাদযো দুষ্টা যতো রোগান্ কুর্বন্তি অতস্তেশাং দোষাণাং বিশিষ্তস্থানাশ্রযেণ রোগা উচ্যন্তে তত্র বাতজা রোগা বাতব্যাধিনিদানে বক্ষ্যন্তে|| ১৯||
Adhikarana pittajarogAH (20) · Śloka 20
পিত্তং ত্বচি স্থিতং কুর্যাদ্বিস্ফোটকমসূরিকাঃ| রক্তো বিসর্পং দাহং চ মাংসে মাংস্পাককোথনম্| সদাহান্মেদসি গ্রন্থীন্ স্বেদাত্যুদ্বমনং তৃষম্| অস্থ্নি দাহং ভৃশং মজ্জি হারিদ্রনখনেত্রতাম্| পূতপীতাবভাসং চ শুক্রং শুক্রসমাশ্রিতম্| শিরাগতং ক্রোধনতাং প্রলাপং স্নাবগং তৃষম্| কোষ্ঠগং মদতৃডাদাহান্ ব্যাপিনোঽন্যাংশ্চ যক্ষ্মণঃ||২০||
पित्तं त्वचि स्थितं कुर्याद्विस्फोटकमसूरिकाः| रक्तो विसर्पं दाहं च मांसे मांस्पाककोथनम्| सदाहान्मेदसि ग्रन्थीन् स्वेदात्युद्वमनं तृषम्| अस्थ्नि दाहं भृशं मज्जि हारिद्रनखनेत्रताम्| पूतपीतावभासं च शुक्रं शुक्रसमाश्रितम्| शिरागतं क्रोधनतां प्रलापं स्नावगं तृषम्| कोष्ठगं मदतृडादाहान् व्यापिनोऽन्यांश्च यक्ष्मणः||२०||
🔊 Audio coming soon
পিত্তমিত্যাদি সুভোধং মসূরিকা মসূরবর্ণপ্রমাণাঃ পিটকাঃ কোথনং ক্লেদঃ স্বেদস্যাত্যুদ্বমনং বহির্নির্গমনমী অস্থিস্থিতং পিত্তং ভৃশং দেহে দাহং করোতি ব্যাপিনোঽপি যক্ষ্মাণঃ সর্বশরীরচরা ব্যাধযো রক্তপিত্তাদযঃ||২০||
Adhikarana shleShmaja rogAH (21) · Śloka 21
শ্লেষ্মা ত্বচি স্থিতঃ কুর্যাত্স্তম্ভং শ্বেতাবভাসতাম্| পণ্ড্বামযং শোণিতগো মাংসসংস্থোঽর্বুদাপচীঃ| আর্দ্রচর্মাবনদ্ধাভগাত্রতাং চাতিগৌরবম্| মেদোগঃ স্থূলতাং মেহমস্থ্নাং স্তব্ধত্বমস্থিগঃ| মজ্জগঃ শুক্লনেত্রত্বং শুক্রস্থঃ শুক্রসঞ্চযম্| বিবন্ধং গৌরবং চাতি সিরাস্থঃ স্তব্ধগাত্রতাম্| স্নাযুগঃ সন্ধি শূলত্বং কোষ্ঠগো জঠরোন্নতিম্| অরোচকাবিপাকৌ চ তাংস্তাংশ্চ কফসংভবান্||২১||
श्लेष्मा त्वचि स्थितः कुर्यात्स्तम्भं श्वेतावभासताम्| पण्ड्वामयं शोणितगो मांससंस्थोऽर्बुदापचीः| आर्द्रचर्मावनद्धाभगात्रतां चातिगौरवम्| मेदोगः स्थूलतां मेहमस्थ्नां स्तब्धत्वमस्थिगः| मज्जगः शुक्लनेत्रत्वं शुक्रस्थः शुक्रसञ्चयम्| विबन्धं गौरवं चाति सिरास्थः स्तब्धगात्रताम्| स्नायुगः सन्धि शूलत्वं कोष्ठगो जठरोन्नतिम्| अरोचकाविपाकौ च तांस्तांश्च कफसंभवान्||२१||
🔊 Audio coming soon
অনন্তরং শ্লেষ্মণো রোগকর্তৃত্বমাশ্রযবিশেষেণাহ- শ্লেষ্মা ত্বচিত্যাদি| শ্বেতাবভাসতা শ্বেতবর্ণ দর্শিত্বম্| মেদসি স্থিতঃ স্থৌল্যং প্রমেহং চ করোতি| অস্থিগতঃ স্বাশ্রযাণামস্থ্নাং স্তব্ধত্বং করোতি| শুক্রস্থিতঃ শুক্রস্য সঞ্চযং ধারণেন বহুত্বং করোতি| বিবন্ধো বহিষ্প্রবৃত্তিঃ| নিরোধঃ শুক্রস্য| তস্যৈবাতিগুরুত্বং চ করোতি| কোষ্ঠগো জঠরোন্নত্যাদীন্ করোতিঈ তাংস্তান্ কফজান্ শ্লেশ্মজ্বরশ্লেষ্মগুল্ম কামলাদীন্ সর্বান্ শ্লেষ্মোদ্ভবান্ গদান্ করোতি||২১||
Adhikarana malamUtragatadoShavikArAH (22) · Śloka 22
বিণ্মূত্রযোঃ সাশ্রযযোস্তত্র তত্রোপদেক্ষ্যতে উপতাপোপঘাতৌ তু স্বাশ্রযেন্দ্রিযগামলাঃ||২২||
विण्मूत्रयोः साश्रययोस्तत्र तत्रोपदेक्ष्यते उपतापोपघातौ तु स्वाश्रयेन्द्रियगामलाः||२२||
🔊 Audio coming soon
বিশি পুরীষে মূত্রে চ তযোশ্চাশ্রযে স্থিতা দোষা যত্ কুর্বন্তি তত্তস্য তত্র মূত্রাঘাতাতিসারাদাবুপদেক্ষ্যতে এতে চ মলা বাতদযো যদা ইন্দ্রিযং প্রাপ্নুবন্তি তদা তস্য মলোপতপ্তস্যেন্দ্রিযস্য চক্ষুরাদের্য আশ্রযঃ অক্ষ্যাদিস্তত্র স্বাশ্রযে উপতাপং বোপঘাতং বা কুর্বন্তি স্বল্পত্বাদুপতাপমাধিক্যাদুপঘাতমিতি মলানামাশ্রযভেদেনে রোগ-কর্তৃত্বম্||২২||
Adhikarana doShANAM koShThAcchAkhAdigamanahetustathA shAkhAdibhyaH koShThagamanahetushca (23) · Śloka 23
ব্যাযামাদূষ্মণস্তৈক্ষ্ণ্যাদহিতাচরণাদপি কোষ্ঠাচ্ছাখাস্থিমর্মাণি দ্রুতত্বান্মারুতস্য চ দোষা যান্তি তথা তেভ্যঃ স্রোতোমুখবিশোধনাতী বৃদ্ধ্যাভিষ্যন্দনাত্পাকাত্কোষ্ঠং বাযোশ্চ নিগ্রহাত্||২৩||
व्यायामादूष्मणस्तैक्ष्ण्यादहिताचरणादपि कोष्ठाच्छाखास्थिमर्माणि द्रुतत्वान्मारुतस्य च दोषा यान्ति तथा तेभ्यः स्रोतोमुखविशोधनाती वृद्ध्याभिष्यन्दनात्पाकात्कोष्ठं वायोश्च निग्रहात्||२३||
🔊 Audio coming soon
ননু দোষাণাং সকলশরীরব্যাপিত্বেঽপি কোষ্ঠাখ্যঃ প্রধান আশ্রযো যতস্তত্র বাহুল্যেন তিষ্ঠন্তি এবং চ সতি কথং তেষাং রক্তাদ্যাশ্রযেণেন রোগকর্তৃত্বমিত্যাহ-ব্যাযামেত্যাদি ব্যাযামাদিভিঃ কারণৈর্দোষাঃ কোষ্ঠং মুক্ত্বা শাখাদীনি যান্তি শাখা ভিষক্শাস্ত্রপ্রসিদ্ধা রক্তাদযো ধাতবস্ত্বক্চ অস্থ্নাং মর্মাণ্যস্থিমর্মাংণি তত্র ব্যাযামেন শিথিলীভূতেষুস্রোতস্সু বাযৌ প্রেরক উদীর্ণে তত্প্রেরিতা দোষাঃ কোষ্ঠং মুক্ত্বা শাখাদীনি যান্তিঈ তথা ঊষ্মণোঽগ্নেস্তৈক্ষ্ণ্যাত্ পরিত্যক্তনিবিডভাবা বিলিনা ইব সর্বতোঽভিসরন্তি এবমহিতস্যাহারাদেরাচরণাদপি শাখাদীনি যান্তি দোষস্য কোষ্ঠাখ্যস্থানভ্রংশকরণস্বরূপাপথ্যসেবনাদিতিঈ মারুতস্য বাযোশ্চ কারণান্তরেণ স্বভাবেনৈব বা দ্রুতত্বাতী বাযোশ্চ বায্বন্তরপ্রেরণং দৃষ্টত্বান্নাসম্বদ্ধমী ননু তত্র শাখাদৌ স্থিতানাং যদা কোষ্ঠানযনপ্রযোজনং তদা কথমাগচ্ছন্তীত্যাহ-তথা তেভ্যঃ ইত্যাদি তেভ্যঃ শাখাদিভ্যঃ কোষ্ঠং দোষা যান্তী সম্বন্ধঃ স্রোতোমুখানাং শুদ্ধ্যা দোষা কোষ্ঠং যান্তি তথা বৃদ্ধ্যা বর্দ্ধনেন যোঽভিষ্যন্দঃ স্রাবঃ শাখাদিভ্যঃ কোষ্ঠো শাখাদিস্থা দোষাঃ পাকাত্পরিত্যক্তসন্ধানাঃ কোষ্ঠং যান্তি প্রেরকস্য বাযোর্নিগ্রাহাদাধিক্যনাশাত্|| ২৩||
Adhikarana bhUyoH hetupratIkShiNaH doShAH (24) · Śloka 24
তত্রস্থাশ্চ বিলম্বেরন্ ভূযো হেতুপ্রতীক্ষিণঃ||২৪||
तत्रस्थाश्च विलम्बेरन् भूयो हेतुप्रतीक्षिणः||२४||
🔊 Audio coming soon
তে চ দোষাস্তত্রস্থাঃ কোষ্ঠস্থা হেতুপ্রতীক্ষিণঃ স্বযং বিলম্বেরন্ রোগান্ন কুর্বন্তীত্যর্থঃঈ তেনৈতদুক্তং ভবতি-যে বহবঃ স্বরূপেণৈব তে ন সদৃশং দেশকালাদিহেতুমপেক্ষন্তেঈ অপি তু স্বযমেব রোগং কুর্বন্ত্যেব|| ২৪||
Adhikarana anyAshrayeShvapi doShANAM kAlAdibalAtprakopaH (25) · Śloka 25
তে কালাদিবলং লব্ধ্বা কুপ্যন্ত্যন্যাশ্রযেষ্বপি||২৫||
ते कालादिबलं लब्ध्वा कुप्यन्त्यन्याश्रयेष्वपि||२५||
🔊 Audio coming soon
যে চ হেতুপ্রতীক্ষিণঃ সন্তো বিলম্বিতাস্তে ভূযঃ সমানাত্কালাদিতো বলং লব্ধ্বা কুপ্যন্ত্যাশ্রযেশ্বপীত্যপিশব্দাত্ স্বাশ্রযেঽপি| তত্র বাযুহ্ কদাচিত্ স্বে যথোক্তে স্থানে কুপ্যতি| কদাচিচ্ছ্লেষ্মণঃ পিত্তস্য স্থানে বা এবং পিত্তশ্লেষনোরপি বাচ্যম্||২৫||
Adhikarana parasthAnagatadoShANAM cikitsAsUtraM (26) · Śloka 26
তত্রান্যস্থানসংস্থেষু তদীযামবলেষু তু| কুর্যাচ্চিকিত্সাং স্বামেব বলেনান্যাভিভাবিষু| আগন্তুং শমযেদ্দোষং স্থানিনং প্রতিকৃত্য বা||২৬||
तत्रान्यस्थानसंस्थेषु तदीयामबलेषु तु| कुर्याच्चिकित्सां स्वामेव बलेनान्याभिभाविषु| आगन्तुं शमयेद्दोषं स्थानिनं प्रतिकृत्य वा||२६||
🔊 Audio coming soon
তত্র তু যা চিকিত্সা তামাহ- তত্রান্যস্থানসংস্থেষ্বিত্যাদি| স্বস্থানস্থানাঞ্চিকিত্সা স্পষ্টৈব| পরস্থান গতানাং দ্বৈবিধ্যং| স্থানিনমপেক্ষ্যাঽঽগন্তোর্বলবত্বমবলবত্বঞ্চ| তত্রাগন্তুষ্ববলেষু তদীযা চিকিত্সা| তদীযেত্যনেনান্যশব্দোপলক্ষিতঃ স্থান্| পরামৃষতে| যদা ত্বাগন্তবো বলেনান্যং স্থানিনমভিভবন্তি,তদা তেষ্বাগন্তুষু স্বামেব চিকিত্সাং কুর্যাত্| যদা তু দ্বযোঃ স্থানিন আগন্তোশ্চ সমত্বং তদা প্রথমং স্থানিনিং প্রতিকৃত্য পঞ্চাদাগন্তুং শমযেত্| বলাবলানপেক্ষযা বা ইতি|| ২৬||
Adhikarana ojonirUpaNam (27) · Śloka 27
তেজো যত্সর্বধাতূনামোজস্তত্ পরমুচ্যতে| মৃদু সোমাত্মকং শুদ্ধং রক্তমীষত্সপীতকম্| যত্সারমাদৌ গর্ভস্য যচ্চ গর্ভরসাদ্রসঃ| সংবর্তমানং হৃদযং সমাশ্রযতি যত্পুরা| যচ্ছরীররসস্নেহঃ প্রাণো যত্র প্রতিষ্ঠিতঃ| যস্যা নাশান্ননাশোঽস্তি প্রীণিতা যেন দেহিনঃ| হৃদযস্থমপি ব্যাপি তত্ পরং জীবতাস্পদম্||২৭||
तेजो यत्सर्वधातूनामोजस्तत् परमुच्यते| मृदु सोमात्मकं शुद्धं रक्तमीषत्सपीतकम्| यत्सारमादौ गर्भस्य यच्च गर्भरसाद्रसः| संवर्तमानं हृदयं समाश्रयति यत्पुरा| यच्छरीररसस्नेहः प्राणो यत्र प्रतिष्ठितः| यस्या नाशान्ननाशोऽस्ति प्रीणिता येन देहिनः| हृदयस्थमपि व्यापि तत् परं जीवतास्पदम्||२७||
🔊 Audio coming soon
দোষাণাং প্রাকৃতং বৈকৃতং চ স্বরূপমুক্তমী তে চ দোষাঃ সমা অপ্যোজসা বিহিনং দেহং সংবাহযিতুমশক্তাঃ;অত ওজসঃ স্বরূপং পালনং চোচ্যতে-তেজ ইত্যাদিঈ সর্বধাতূনাং যত্তেজস্তত্ প্রধানং পরমোজঃ শব্দেনোচ্যতেঈ অষ্টবিন্দুকমিত্যর্থঃঈ তচ্চ মৃদ্বতীক্ষ্ণগুণমী সোমাত্মকং সৌম্যস্বরূপমী শুদ্ধমনুপহতমীষদ্রক্তং স্তোকলোহিতং সপীতকং চঈ যদ্ গর্ভস্যাদৌ সারং সারমিব সারং ন হি তেন বিনা শুক্রশোণিতে জীবানুপ্রবেশঃঈ যচ্চ গর্ভরসাদ্রসঃ গর্ভস্য যোঽসৌ রসঃ প্রথমো ধাতুঃ তস্মাদপি সারঃ প্রসাদভূতমী সংবর্তমানং যচ্চ পুরা ধাতোর্দেহে প্রবর্তমানং প্রথমং হৃদযমাশ্রযতি, পশ্চাত্ ক্রমাদ্ দেহব্যাপ্তিং চ করোতিঈ যচ্চ শরীরসস্তস্য সস্নেহো যত্র প্রাণো ব্যাপকোঽপি প্রতিষ্ঠিতো বদ্ধঃঈ যস্য ত্বষ্টবিন্দ্বাখ্যস্যানাশাদ্দেহস্য নাশো নাস্তিঈ যেন চ হৃদযস্থেন দেহিনো বিবিধাঃ প্রাণিনঃ প্রীণিতাস্তর্পিতাঃ যচ্চ হৃদযস্থমপি ব্যাপি তদোজোঽন্যেভ্যো জীবিতাস্পদেভ্যঃ শিরঃপ্রভৃতিভ্যঃ পরং প্রধানং জীবিতাস্পদম্|| ২৭||
Adhikarana ojaHkShayakAraNAni (28) · Śloka 28
ওজঃ ক্ষীযতে কোপক্ষুদ্ধ্যানশোকশ্রমাদিভিঃ||২৮||
ओजः क्षीयते कोपक्षुद्ध्यानशोकश्रमादिभिः||२८||
🔊 Audio coming soon
তচ্চোজঃ কোপক্ষুদাদিভিরসৌম্যৈঃ ক্ষীযতে|| ২৮||
Adhikarana ojaHkShayalakShaNaM tatra bheShaja~jca, ojOvRuddhilakShaNam (29-30) · Śloka 30
বিভেতি দুর্বলোঽভীক্ষ্ণং ধ্যাযাতি ব্যথিতেন্দ্রিযঃ| দুশ্চ্ছাযো দুর্মনো রুক্ষো ভবেত্ ক্ষামশ্চ তত্ক্ষতে \\\\\\\\ জীবনেযৌষধক্ষীররসাদ্যাস্তত্র ভেষজম্||২৯|| ওজোবৃদ্ধৌ হি দেহস্য তুষ্টিপুষ্টিবলোদযঃ||৩০||
बिभेति दुर्बलोऽभीक्ष्णं ध्यायाति व्यथितेन्द्रियः| दुश्च्छायो दुर्मनो रुक्षो भवेत् क्षामश्च तत्क्षते \\\\\\\\ जीवनेयौषधक्षीररसाद्यास्तत्र भेषजम्||२९|| ओजोवृद्धौ हि देहस्य तुष्टिपुष्टिबलोदयः||३०||
🔊 Audio coming soon
তত্ক্ষযে চ দেহী বিভেতি| অকারণাদ্ দৌর্বল্যাদিযুক্তিশ্চ ভবেত্| অভীক্ষ্ণমত্যর্থং ধ্যাযাতি ধ্যানপরো ভবতীত্যর্থঃ| ব্যথিতেন্দ্রিযোঽশক্তেন্দ্রিযহ্| দুষ্চ্ছাযো দুষ্টকান্তিঃ| তত্রৌজঃক্ষযে ভৈষজ্যমৌষধং জীবনিযৌষধসিদ্ধক্ষীরমাংসরসাদ্যাঃ|আদিগৃহণেন নানাবিধাভ্যবহার্যপরিগ্রহঃ ||২৯|| এবংবিধেন চ ভেষজেন ওজোবৃদ্ধৌ সত্যাং চ দেহস্য শরীরস্য তুষ্ট্যাদ্যুদ্ভবঃ| তুষ্টির্মনঃপরিতোষঃ| পুষ্টিরঙ্গানাং পরিপোষ ইতি|
Adhikarana doShANAM vRuddhikShayajayopAyastatropapattishca (31) · Śloka 31
যদন্নং দ্বেষ্টি যদাপি প্রার্থযেতাবিরোধি তু| তত্তত্ত্যজন্ সমশ্নংশ্চ তৌ তৌ বৃদ্ধিক্ষযৌ জযেত্| কুর্বতেঽভিরুচিং দোষা বিপরীতসমানযোঃ| বৃদ্ধাঃ ক্ষীণাশ্চ ভূযিষ্ঠং লক্ষযন্ত্যবুধা ন তত্||৩১||
यदन्नं द्वेष्टि यदापि प्रार्थयेताविरोधि तु| तत्तत्त्यजन् समश्नंश्च तौ तौ वृद्धिक्षयौ जयेत्| कुर्वतेऽभिरुचिं दोषा विपरीतसमानयोः| वृद्धाः क्षीणाश्च भूयिष्ठं लक्षयन्त्यबुधा न तत्||३१||
🔊 Audio coming soon
ওজোসশ্চিকিত্সাপ্রসঙ্গেন সর্বেষাং দোষাদীনাং সামান্যরূপেণ বৈকারিকরূপবিনাশার্থমাহ-যদন্নমিত্যাদিঈ যদন্নমভ্যবহার্যং দ্বেষ্টি নাভিলষতি তদন্নং ত্যজন্ দোষাদের্বৃদ্ধিং জযেতী যচ্চ প্রার্থযেতাভিলষেত, তদশ্নন্ ভুঞ্জানঃ ক্ষযং দোষাদের্জযেতী কুতঃ যতো দোষা বাতাদযো দেহে বৃদ্ধাঃ সন্তঃ স্বগুণৈর্বিপরীত আহারজাতে ভূযিষ্ঠং প্রাযো রুচিমভিলাষং কুর্বতে, ত এব ক্ষীণঃ সমানগুণেঽভিলাষমাহারে কুর্বতেঈ ভূযিষ্ঠং প্রাযোগ এতচ্চ দোষস্বরূপমবুধাঃ স্বল্পপ্রজ্ঞা ভিষজো ন লক্ষযন্তিঈ যদযং দোষস্বরূপানুগতোঽভিলাষো যন্নেতি|| ৩১||
Adhikarana hInAdhikasamAnaM doShANAM kAryANi (32) · Śloka 32
যথাবলং যথাস্বং চ দোষা বৃদ্ধা বিতন্বতে| রূপাণি জহতি ক্ষীণাঃ সমাঃ স্বং কর্ম কুর্বতে||৩২||
यथाबलं यथास्वं च दोषा वृद्धा वितन्वते| रूपाणि जहति क्षीणाः समाः स्वं कर्म कुर्वते||३२||
🔊 Audio coming soon
ন কেবলমন্নরুচিরেব দোষাণাং বৃদ্ধিক্ষযপরিজ্ঞানকারণং যাবত্স্বরূপমপি এতত্প্রদর্শনার্থমাহ-যথাবলমিত্যাদি| বৃদ্ধা দোষা বলানতিক্রমেণ আত্মানতিক্রমেণ চ স্বরূপাণি বিতন্বতে বিস্তারযন্তি| য এব দোষো বৃদ্ধঃ স এব স্বরূপাণি স্বস্য সমানানি রূপাণি দর্শযতীতি যথাস্বশব্দস্যার্থঃ যথাবলমিতি বৃদ্ধেরবস্থাবিশেষাদ্রূপাণামপি বিশেষঃ ত এব দোষাঃ ক্ষীণাঃ সন্তস্তান্যেব যথোক্তানি রূপাণি জহতি ত্যজন্তি| অত্রাপি যথাবলং যথাস্বমিতি চানুবর্ততে সমাস্তু যথোক্তং স্বমেব কর্ম কুর্বতে|| ৩২||
Adhikarana doShANAM kShayadapi rakShaNIyatvam (33-34) · Śloka 34
য এব দেহস্য সমা বিবৃদ্ধ্যৈ ত এব দোষা বিষমা বধায| যস্মাদতস্তে হিতাচর্যযৈব ক্ষযাদ্বিবৃদ্ধেরিব রক্ষণীযাঃ||৩৩|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে দোষাদিবিজ্ঞানিযো নামৈকোনবিংশোঽধ্যাযঃ||৩৪||
य एव देहस्य समा विवृद्ध्यै त एव दोषा विषमा वधाय| यस्मादतस्ते हिताचर्ययैव क्षयाद्विवृद्धेरिव रक्षणीयाः||३३|| इति श्रीवैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां सूत्रस्थाने दोषादिविज्ञानियो नामैकोनविंशोऽध्यायः||३४||
🔊 Audio coming soon
তে চ দোষাদযঃ ক্ষযাত্তথা রক্ষণীযাঃ, যথৈব বৃদ্ধে রক্ষ্যন্তেঈ যস্মাদ্য এব দোষা বাতাদযঃ সমাঃ সন্তো দেহস্য বৃদ্ধ্যৈ ভবন্তি, ত এব বিষমা বধায ভবন্তিঈ বৈষম্যং স্বরূপাদ্ বৃদ্ধিঃ ক্ষযো বাঈ অতো বৃদ্ধিহান্যোঃ সমানত্বাত্ ক্ষযাদ্ বৃদ্ধেরিব রক্ষণীযাঃ| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং সূত্রস্থান একোনবিংশোঽধ্যাযঃ