Adhikarana atha mahAkaShAyasaMgraho nAma pa~jcadasho~adhyAyaH pratij~jA (1) · Śloka 1
অথাতো মহাকষাযসঙ্গ্রহমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो महाकषायसङ्ग्रहमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
মহান্তশ্চ তে কষাযা মহাকষাযাঃ| এতদেবোচ্যতে||১||
Adhikarana kaShAyANAmAnantye kAraNanirdeshaH (2) · Śloka 2
আনন্ত্যাদৌষধানামামযানাং চানন্তা এব কষাযাঃ| যে তু সুতরামুপযোগবন্তঃ প্রকর্ষবর্ত্তিনো বা তে জীবনীযাদিসংজ্ঞাঃ| প্রত্যেকং দশকষাযসংযোগাত্ পঞ্চচত্বারিংশন্মহাকষাযা বক্ষ্যন্তে| তত্প্রতিপত্ত্যর্থমেব মন্দবুদ্ধীনাম্| বুদ্ধিমতামুদাহরণমাত্রপ্রদর্শনার্থম্| শক্যং হি বুদ্ধিমদ্ভিঃ স্বাদুশীতস্নিগ্ধাদীন্ জীবন্ত্যাদিষু সাধারণান্ গুণানালোচ্য ক্ষীরেক্ষুদ্রাক্ষাঽক্ষোডবিদারীকন্দাদিষ্বপি তদ্গুণেষু জীবনীযাদিত্বমবধারযিতুম্| যথোক্তানুসরণমেব তু শ্রেযো মন্দবুদ্ধেরিতি| ব্যস্তাশ্চ তে চত্বারি শতানি পঞ্চাশদধিকানি তদভিধানান্যেব||২||
आनन्त्यादौषधानामामयानां चानन्ता एव कषायाः| ये तु सुतरामुपयोगवन्तः प्रकर्षवर्त्तिनो वा ते जीवनीयादिसंज्ञाः| प्रत्येकं दशकषायसंयोगात् पञ्चचत्वारिंशन्महाकषाया वक्ष्यन्ते| तत्प्रतिपत्त्यर्थमेव मन्दबुद्धीनाम्| बुद्धिमतामुदाहरणमात्रप्रदर्शनार्थम्| शक्यं हि बुद्धिमद्भिः स्वादुशीतस्निग्धादीन् जीवन्त्यादिषु साधारणान् गुणानालोच्य क्षीरेक्षुद्राक्षाऽक्षोडविदारीकन्दादिष्वपि तद्गुणेषु जीवनीयादित्वमवधारयितुम्| यथोक्तानुसरणमेव तु श्रेयो मन्दबुद्धेरिति| व्यस्ताश्च ते चत्वारि शतानि पञ्चाशदधिकानि तदभिधानान्येव||२||
🔊 Audio coming soon
ঔষধানামামযানাং চানন্ত্যমতঃ প্রতিব্যাধ্যৌষধবিশেষাত্ কষাযাণামপ্যানন্ত্যম্| যে তু কষাযা অত্যর্থেনোপযুজ্যন্তে, অন্যেভ্যশ্চোত্কর্ষবন্তো বা তেষাং শাস্ত্রকারৈর্জীবনীযবৃংহণীযাদযঃ সংজ্ঞা ধৃতাঃ| তে চ জীবনীযাদযো মহাকষাযাঃ সংখ্যযা পঞ্চচত্বারিংশত্| চরকে তু ষড্বিরেচনশতাশ্রিতীযে পঞ্চাশদুক্তাঃ| তেভ্যো বমনোপযোগাদযঃ পঞ্চাত্র ন সংগৃহীতাঃ| তদ্দ্রব্যাণাং শোধনাদিগণসংগ্রহোক্তবমনাদ্যুপযোগিষ্বেবান্তর্ভাবাত্| তথা চাস্থাপনানুবাসনোপযোগিদ্রব্যাণি শোধনাদিপঠিতেষু সর্বেষু তু প্রাযেণ মদনেত্যেবমাদিকে গ্রন্থে দৃশ্যন্ত এব| এবং বমনবিরেচনশিরোবিরেচনোপযোগীন্যপি| বিল্বশ্বদংষ্ট্রাগ্নিমন্থস্যোনাকানি দশমূলাঙ্গত্বাত্ দৃশ্যন্ত এব বস্ত্যুপযোগিষু| বৃশ্চীবস্য পুনর্নবাভেদত্বম্| পিপ্পলী তু ব্যোষেঽন্তর্ভাবাত্| তত্রৈকৈকস্মিন্ মহাকষাযে দশকানাং কষাযাণাং সংযোগঃ| এতে চ মহাকষাযা মন্দবুদ্ধীনাং যথোক্তপ্রতিপত্ত্যর্থমুক্তাঃ| মহাবুদ্ধীনাং তু তদুদাহরণমাত্রপ্রদর্শনার্থম্| যতো মহাবুদ্ধিভির্জীবনীয মহাকষাযেঽনুক্তানামপি দ্রাক্ষাক্ষোডাদীনাং তদুক্তগুণসাদৃশ্যাত্তদর্থঃ প্রযোগোঽপ্যবধারযিতুং শক্যঃ মন্দবুদ্ধেস্তূচিতোহাঽসহিষ্ণুধিযো যথাপঠিতানুসরণমেব শ্রেষ্ঠমতস্তস্য যথোক্তপ্রতিপত্ত্যর্থমেব| তে চ মহাকষাযসংগৃহীতাঃ অবশ্যকষাযাঃ সংখ্যা পঞ্চাশদধিকানি চত্বারি শতানি পঞ্চচত্বারিংশতাং দশভির্গুণিতানাম্||২||
Adhikarana mahAkaShAyeShu dravyasa~gkare~api na saMj~jAvirodhaH (3) · Śloka 3
যদ্যপি তানি তান্যেব দ্রব্যাণীতি দ্রব্যসঙ্করঃ কষাযেষু তথাপি ন সংজ্ঞাবিরোধঃ| একস্যাপি বহুকার্যনির্বর্তনাত্||৩||
यद्यपि तानि तान्येव द्रव्याणीति द्रव्यसङ्करः कषायेषु तथापि न संज्ञाविरोधः| एकस्यापि बहुकार्यनिर्वर्तनात्||३||
🔊 Audio coming soon
যদ্যপি চৈকং দ্রব্যমনেকে মহাকষাযে দৃশ্যতে তথাপি সংজ্ঞাবিরোধো ন ভবতি যতঃ কার্যভেদাত্ সংজ্ঞাভেদঃ| যথৈকো দেবদত্তঃ পাকং কুর্বন্ পাচক ইত্যুচ্যতে লবনং চ লাবক ইতি| তদ্বদেকমপি দ্রব্যং কার্যভেদাত্ সংজ্ঞাভেদং গচ্ছতি||৩||
Adhikarana kaShAyayonirasAH (4) · Śloka 4
তত্র লবণবর্জ্যা রসাঃ কল্পনাযাং কষাযা ইত্যুচ্যন্তে| তদ্যোনিত্বাত্||৪||
तत्र लवणवर्ज्या रसाः कल्पनायां कषाया इत्युच्यन्ते| तद्योनित्वात्||४||
🔊 Audio coming soon
তত্র লবণবর্জ্যা পঞ্চরসাঃ ক্বাথচূর্ণাদিকল্পনাযাং কষাযশব্দবাচ্যাঃ তদ্যোনিত্বাদ্রসানাং কষাযকারণত্বাদ্রসা এব পঞ্চকষাযশব্দেনোচ্যন্তে||৪||
Adhikarana lavaNasya kaShAyatvAbhAve hetuH (5) · Śloka 5
লবণস্য যতো নির্যাসাদিকল্পনানামসম্ভবঃ| পৃথগুপযোগোপকাররহিতত্বাচ্চ নৈরর্থক্যমিতি||৫||
लवणस्य यतो निर्यासादिकल्पनानामसम्भवः| पृथगुपयोगोपकाररहितत्वाच्च नैरर्थक्यमिति||५||
🔊 Audio coming soon
লবণস্য তু কষাযত্বং নিষ্প্রযোজনত্বান্নোক্তম্| এবং চ নৈরর্থক্যম্| যতো লবণরসস্য লবণদ্রব্যাদের্নির্যাসনিষ্ক্বাথাদিকং ন সম্ভবতি| ন চ পৃথগ্লবণস্য কেবলস্যোপযোগঃ| উপযোগোঽপি শরীরে নোপকারবানিতি নৈরর্থক্যম্||৫||
Adhikarana jIvanIyagaNaH (2) · Śloka 2
ভবন্তি চাত্র- জীবন্তীকাকোল্যৌ দ্বে মেদে মুদ্গমাষপর্ণ্যৌ চ| ঋষভকজীবকমধুকং চেতি গণো জীবনীযাখ্যঃ|২|
भवन्ति चात्र- जीवन्तीकाकोल्यौ द्वे मेदे मुद्गमाषपर्ण्यौ च| ऋषभकजीवकमधुकं चेति गणो जीवनीयाख्यः|२|
🔊 Audio coming soon
Adhikarana bRuMhaNIyagaNaH (2) · Śloka 2
বাট্যা বলা পযস্যাকাকোল্যাবিক্ষুবাজিগন্ধে চ| ক্ষীরিণিরাজক্ষবকে ভারদ্বাজী চ বৃংহণীযোঽযম্|২|
वाट्या बला पयस्याकाकोल्याविक्षुवाजिगन्धे च| क्षीरिणिराजक्षवके भारद्वाजी च बृंहणीयोऽयम्|२|
🔊 Audio coming soon
Adhikarana lekhanIyagaNaH (2) · Śloka 2
হৈমবতী চিরিবিল্বং মুস্তা কুষ্ঠং বচা হরিদ্রে চ| চিত্রককটুকাতিবিষা বর্গোঽযং লেখনীযাখ্যঃ||২||
हैमवती चिरिबिल्वं मुस्ता कुष्ठं वचा हरिद्रे च| चित्रककटुकातिविषा वर्गोऽयं लेखनीयाख्यः||२||
🔊 Audio coming soon
Adhikarana bhedanIyagaNaH (6) · Śloka 6
অর্কৈরণ্ডৌ চিত্রা চিত্রকাচিরিবিল্বশঙ্খিণীসরলা| হেমক্ষীরী কটুকা বন্হিমুখী ভেদনীযোঽযম্| মধুমধুকপৃশ্নিপর্ণীকট্ফললোধ্রপ্রিযঙ্গুধাতক্যঃ| অম্বষ্ঠকী সমঙ্গা মোচরসশ্চেতি সন্ধানঃ||৬||
अर्कैरण्डौ चित्रा चित्रकाचिरिबिल्वशङ्खिणीसरला| हेमक्षीरी कटुका वन्हिमुखी भेदनीयोऽयम्| मधुमधुकपृश्निपर्णीकट्फललोध्रप्रियङ्गुधातक्यः| अम्बष्ठकी समङ्गा मोचरसश्चेति सन्धानः||६||
🔊 Audio coming soon
ভবন্তি চাত্রেতি পদ্যবন্ধসমুচ্চযে তন্ত্ররীতিঃ| জীবন্তীপ্রভৃতীনি দশৌষধানি প্রত্যেকং জীবনীযত্বে শক্তানি| তেষাং চ প্রত্যেকং দ্রব্যাদিসংযোগেন চ প্রযোজনবশাত্ প্রযোগঃ| প্রত্যেকং পঞ্চকষাযাণাং চত্বারি শতানি পঞ্চশদধিকানি| সংযোগেন তু সমানজাতীযকৃতেন প্রত্যেকং মহাকষাযে দ্বিসংযোগানি পঞ্চচত্বারিংশত্| ত্রিকে বিংশচ্ছতম্| চতুষ্কে চতুরশীতিঃ| পঞ্চকে ষট্পঞ্চাশত্| ষট্কে পঞ্চত্রিংশত্| সপ্তকে বিংশতিঃ| অষ্টকে দশ| নবকে চত্বারঃ| এবং সংযোগশতানি ত্রীণি চতুস্সপ্তত্যধিকানি প্রত্যেকং মহাকষাযে| কেবলকষাযা দশ| দশসংযোগশ্চৈকঃ| এবমেকো জীবনীযাদ্যন্যতমো মহাকষাযঃ পঞ্চাশীত্যধিকং শতত্রযং ভেদানামুপগচ্ছতি| এতদেব পঞ্চচত্বারিংশদ্গুণিতং কার্ত্স্ন্যেন সঙ্খ্যা মহাকষাযাণাম্| তত্রাপি বিশিষ্টসঙ্খ্যাবর্গান্তরদ্রব্যবিশেষেণ বিশিষ্টসংযোগকল্পনযানন্ত্যং মহাকষাযাণাম্| এবং জীবন্ত্যাদীনি দশ কষাযশব্দবাচ্যানি| জীবনীযং প্রাণানাং সন্ধারকম্| লেখনং দেহ উপলেপাদিকান্ ভাবান্ বিচ্ছিনত্তি| সন্ধানকং শরীরেঽন্তঃসংহতিকরং ভাবানাম্||৬||
Adhikarana dIpanIyagaNaH (2) · Śloka 2
হিঙ্গুমরিচাম্ল্বেতসদীপ্যকভল্লাতকাস্থিসংযোগাত্| বর্গঃ সপঞ্চকোলো নির্দিষ্টো দীপনীযোঽযম্|২|
हिङ्गुमरिचाम्ल्वेतसदीप्यकभल्लातकास्थिसंयोगात्| वर्गः सपञ्चकोलो निर्दिष्टो दीपनीयोऽयम्|२|
🔊 Audio coming soon
Adhikarana balyagaNaH (2) · Śloka 2
ঐন্দ্র্যতিরসাপযস্যা ঋষ্যপ্রোক্তা স্থিরা বলাতিবলাঃ| ইতি বল্যো দশকোঽযং হযগন্ধা রোহিণী ঋষভঃ|২|
ऐन्द्र्यतिरसापयस्या ऋष्यप्रोक्ता स्थिरा बलातिबलाः| इति बल्यो दशकोऽयं हयगन्धा रोहिणी ऋषभः|२|
🔊 Audio coming soon
Adhikarana varNyagaNaH (2) · Śloka 2
চন্দনতুঙ্গপযস্যা সিতালতামধুকপদ্মকোশীরম্| বর্ণ্যো গণোঽযমুদিতো মঞ্জিষ্ঠাসারিবাসহিতঃ|২|
चन्दनतुङ्गपयस्या सितालतामधुकपद्मकोशीरम्| वर्ण्यो गणोऽयमुदितो मञ्जिष्ठासारिवासहितः|२|
🔊 Audio coming soon
Adhikarana kaNThyagaNaH (2) · Śloka 2
হংসপদীবৃহতীদ্বযমৃদ্বীকাসরিবেক্ষুমূলানি| কৈডর্যমধুককৃষ্ণাঃ সবিদার্যঃ কণ্ঠজনানি||২||
हंसपदीबृहतीद्वयमृद्वीकासरिवेक्षुमूलानि| कैडर्यमधुककृष्णाः सविदार्यः कण्ठजनानि||२||
🔊 Audio coming soon
Adhikarana hRudyagaNaH (4) · Śloka 4
বৃক্ষাম্লবদরদাডিমকবলাম্রাম্রাতলিকুচকরমর্দম্| হৃদ্যং সমাতুলুঙ্গাম্লবেতসং বিদ্ধি বর্গমিমম্| নাগরচবিকাচিত্রকবিডঙ্গমূর্বামৃতাবচামুস্তাঃ| সহপিপ্পলীপটোলাস্তৃপ্তিঘ্নোঽযং গণঃ প্রথিতঃ||৪||
वृक्षाम्लबदरदाडिमकवलाम्राम्रातलिकुचकरमर्दम्| हृद्यं समातुलुङ्गाम्लवेतसं विद्धि वर्गमिमम्| नागरचविकाचित्रकविडङ्गमूर्वामृतावचामुस्ताः| सहपिप्पलीपटोलास्तृप्तिघ्नोऽयं गणः प्रथितः||४||
🔊 Audio coming soon
Adhikarana arshoghnagaNaH (2) · Śloka 2
কটজফলবিল্বচিত্রকমহৌষধপ্রতিবিষাবচাচবিকাঃ| ধন্বযবাসং পথ্যা দারুহরিদ্রা গণোঽযমর্শোঘ্নঃ|২|
कटजफलबिल्वचित्रकमहौषधप्रतिविषावचाचविकाः| धन्वयवासं पथ्या दारुहरिद्रा गणोऽयमर्शोघ्नः|२|
🔊 Audio coming soon
Adhikarana kuShThaghnagaNaH (2) · Śloka 2
খদিরামলকারুষ্করনিশাভযাসপ্তপর্ণকরবীরাঃ| কুষ্ঠঘ্নাশ্চতুরঙ্গুলবিডঙ্গজাতিপ্রবালাশ্চ|২|
खदिरामलकारुष्करनिशाभयासप्तपर्णकरवीराः| कुष्ठघ्नाश्चतुरङ्गुलविडङ्गजातिप्रवालाश्च|२|
🔊 Audio coming soon
Adhikarana kaNDUharagaNaH (2) · Śloka 2
নলদকৃতমালচন্দনসর্ষপঘননিম্বকুটজমধুকানি| কণ্ডূং দারুহরিদ্রাসনক্তমালানি নিঘ্নন্তি||২||
नलदकृतमालचन्दनसर्षपघननिम्बकुटजमधुकानि| कण्डूं दारुहरिद्रासनक्तमालानि निघ्नन्ति||२||
🔊 Audio coming soon
Adhikarana krimiharagaNaH (4) · Śloka 4
অক্ষীবমরিচকেবুকবিডঙ্গগণ্ডীরকিণিহিনির্গুণ্ড্যঃ| ঘ্নন্তি ক্রিমীন্ শ্বদংষ্ট্রাবিষাখুপর্ণ্যস্তথা ন চিরাত্| মঞ্জিষ্ঠাশ্লেষ্মাতকরজনীসুবহাশিরীষপালিন্দ্যঃ| সৈলাচন্দনকতকাঃ সসিন্দুবারা বিষং ঘ্নন্তি||৪||
अक्षीवमरिचकेबुकविडङ्गगण्डीरकिणिहिनिर्गुण्ड्यः| घ्नन्ति क्रिमीन् श्वदंष्ट्राविषाखुपर्ण्यस्तथा न चिरात्| मञ्जिष्ठाश्लेष्मातकरजनीसुवहाशिरीषपालिन्द्यः| सैलाचन्दनकतकाः ससिन्दुवारा विषं घ्नन्ति||४||
🔊 Audio coming soon
Adhikarana stanyajananagaNaH (2) · Śloka 2
শলিকুশকাশষষ্টিকবীরণদর্ভেক্ষুবালিকেক্ষূণাম্| তদ্বদ্গুন্দ্রোত্কটযোর্মূলমলং স্তন্যজননায|২|
शलिकुशकाशषष्टिकवीरणदर्भेक्षुवालिकेक्षूणाम्| तद्वद्गुन्द्रोत्कटयोर्मूलमलं स्तन्यजननाय|२|
🔊 Audio coming soon
Adhikarana stanyashuddhikaraNagaNaH (2) · Śloka 2
পাঠা নাগরসুরতরুঘনামৃতাসারিবেন্দ্রযবমূর্বাঃ| কটুকাকিরাততিক্তং বর্গোঽযং স্তন্যশুদ্ধিকরঃ|২|
पाठा नागरसुरतरुघनामृतासारिवेन्द्रयवमूर्वाः| कटुकाकिराततिक्तं वर्गोऽयं स्तन्यशुद्धिकरः|२|
🔊 Audio coming soon
Adhikarana shukrajananagaNaH (2) · Śloka 2
মেদাকাকোলীদ্বযবৃক্ষরুহাজীবকর্ষভকুলিঙ্গাঃ| শুক্রজননো গণোঽযং সহজটিলাশূর্পপর্ণীভিঃ|২|
मेदाकाकोलीद्वयवृक्षरुहाजीवकर्षभकुलिङ्गाः| शुक्रजननो गणोऽयं सहजटिलाशूर्पपर्णीभिः|२|
🔊 Audio coming soon
Adhikarana shukrashodhanagaNaH (2) · Śloka 2
কুষ্ঠৈলবালুককট্ফলকাণ্ডেক্ষ্বিক্ষ্বব্ধিফেনকোশীরৈঃ| বসুকেক্ষুরকৈঃ শুক্রং শুদ্ধ্যেত্ সকদম্বনির্যাসৈঃ|২|
कुष्ठैलवालुककट्फलकाण्डेक्ष्विक्ष्वब्धिफेनकोशीरैः| वसुकेक्षुरकैः शुक्रं शुद्ध्येत् सकदम्बनिर्यासैः|२|
🔊 Audio coming soon
Adhikarana snehopagagaNaH (2) · Śloka 2
দ্রাক্ষাকাকোলীদ্বযমধুপর্ণীমধুকজীবকবিদার্যঃ| স্নেহোপগাঃ সমেদাজিবন্তীশালিপর্ণিকাঃ|২|
द्राक्षाकाकोलीद्वयमधुपर्णीमधुकजीवकविदार्यः| स्नेहोपगाः समेदाजिवन्तीशालिपर्णिकाः|२|
🔊 Audio coming soon
Adhikarana svedopagagaNAH (2) · Śloka 2
সৌভাঞ্জনকপুনর্নববৃশ্চীবকুলত্থমাষবদরাণি| স্বেদোপগানি বিদ্যাত্ সযবতিলার্কোরুপূগানি|২|
सौभाञ्जनकपुनर्नववृश्चीवकुलत्थमाषबदराणि| स्वेदोपगानि विद्यात् सयवतिलार्कोरुपूगानि|२|
🔊 Audio coming soon
Adhikarana vaminigrahaNagaNaH (2) · Śloka 2
লাজাম্রবদরদাডিমযবষষ্টিকমাতুলুঙ্গসেব্যানি| জম্ব্বাম্রপল্লবানি বমিনিগ্রহণানি মৃত্সা চ||২||
लाजाम्रबदरदाडिमयवषष्टिकमातुलुङ्गसेव्यानि| जम्ब्वाम्रपल्लवानि वमिनिग्रहणानि मृत्सा च||२||
🔊 Audio coming soon
Adhikarana tRuShNAnigrahaNagaNaH (1) · Śloka 1
নাগরধন্বযবাসকবালকপর্পটকচন্দনগুডূচ্যঃ||১||
नागरधन्वयवासकवालकपर्पटकचन्दनगुडूच्यः||१||
🔊 Audio coming soon
Adhikarana hidhmAnigrahaNagaNaH (3) · Śloka 3
ভূনিম্বঘনপটোলীকুস্তুম্বর্যস্তৃষং ঘ্নন্তি| বৃহতীদ্বযবৃক্ষরুহাপুষ্করমূলাভযাকণাশৃঙ্গ্যঃ| হিধ্মাং নিঘ্নন্তি শটী দুরালভা বদরবীজং চ||৩||
भूनिम्बघनपटोलीकुस्तुम्बर्यस्तृषं घ्नन्ति| बृहतीद्वयवृक्षरुहापुष्करमूलाभयाकणाशृङ्ग्यः| हिध्मां निघ्नन्ति शटी दुरालभा बदरबीजं च||३||
🔊 Audio coming soon
Adhikarana viTsaMgrahaNagaNaH (2) · Śloka 2
শমানন্তা পদ্মা কট্বঙ্গঃ পদ্মকেসরং লোধ্রম্| ধাতকিকুসুমসমঙ্গামোচরসাম্রাস্থিবিড্গ্রহণম্|২|
शमानन्ता पद्मा कट्वङ्गः पद्मकेसरं लोध्रम्| धातकिकुसुमसमङ्गामोचरसाम्रास्थिविड्ग्रहणम्|२|
🔊 Audio coming soon
Adhikarana viDvirajanagaNaH (2) · Śloka 2
জম্বূসল্লকিমধুকং নীলোত্পলকচ্ছুরাতিলশ্র্যাহ্বম্| ভৃষ্টা চ মৃত্পযস্যা সশাল্মলী বিড্বিরজনানি|২|
जम्बूसल्लकिमधुकं नीलोत्पलकच्छुरातिलश्र्याह्वम्| भृष्टा च मृत्पयस्या सशाल्मली विड्विरजनानि|२|
🔊 Audio coming soon
Adhikarana mUtrasaMgrahaNagaNaH (2) · Śloka 2
জম্ব্বাম্রোদুম্বরবটকপীতনপ্লক্ষপিপ্পলাশ্মন্তম্| ভল্লাতসোমবল্কং মূত্রগ্রহণায নির্দিষ্টম্|২|
जम्ब्वाम्रोदुम्बरवटकपीतनप्लक्षपिप्पलाश्मन्तम्| भल्लातसोमवल्कं मूत्रग्रहणाय निर्दिष्टम्|२|
🔊 Audio coming soon
Adhikarana mUtravirajanagaNaH (2) · Śloka 2
কমলনলিনকুমুদমধুকসৌগন্ধিকধাতকীলতাকুসুমম্| মূত্রং নযতি বিরাগং সোত্পলশতপুণ্ডরীকং চ|২|
कमलनलिनकुमुदमधुकसौगन्धिकधातकीलताकुसुमम्| मूत्रं नयति विरागं सोत्पलशतपुण्डरीकं च|२|
🔊 Audio coming soon
Adhikarana mUtravirecanagaNaH (2) · Śloka 2
বৃক্ষাদনীশ্বদংষ্ট্রাদর্ভেত্কটবসুকবশিরকুশকাশাঃ| মূত্রং বিরেচযেযুর্গুন্দ্রাপাষাণভেদশ্চ|২|
वृक्षादनीश्वदंष्ट्रादर्भेत्कटवसुकवशिरकुशकाशाः| मूत्रं विरेचयेयुर्गुन्द्रापाषाणभेदश्च|२|
🔊 Audio coming soon
Adhikarana kAsaghnagaNaH (2) · Śloka 2
দ্রাক্ষামলকপুনর্নববৃশ্চীবদুরালভাভযাকৃষ্ণাঃ| কাসং ঘ্নন্তি সশৃঙ্গী তামলকী কণ্টকারী চ|২|
द्राक्षामलकपुनर्नववृश्चीवदुरालभाभयाकृष्णाः| कासं घ्नन्ति सशृङ्गी तामलकी कण्टकारी च|२|
🔊 Audio coming soon
Adhikarana shvAsaghnagaNaH (2) · Śloka 2
চণ্ডাম্লবেতসশটীতামলকীসুরসহিঙ্গুজীবন্ত্যঃ| পুষ্করমূলৈলাগুরুবর্গোঽযং শ্বাসশমনায|২|
चण्डाम्लवेतसशटीतामलकीसुरसहिङ्गुजीवन्त्यः| पुष्करमूलैलागुरुवर्गोऽयं श्वासशमनाय|२|
🔊 Audio coming soon
Adhikarana jvaraghnagaNaH (2) · Śloka 2
দ্রাক্ষাপীলুকপরূষকমঞ্জিষ্ঠাসারিবাঽমৃতাপাঠাঃ| ত্রিফলা চেতি গণোঽযং জ্বরস্য শমনায নির্দিষ্টঃ|২|
द्राक्षापीलुकपरूषकमञ्जिष्ठासारिवाऽमृतापाठाः| त्रिफला चेति गणोऽयं ज्वरस्य शमनाय निर्दिष्टः|२|
🔊 Audio coming soon
Adhikarana shramaghnagaNaH (2) · Śloka 2
দাডিমফল্গুপরূষকপ্রিযালযবষষ্টিকেক্ষুবদরাণি| শ্রমনাশনানি বিদ্যাত্ দ্রাক্ষাখর্জূরসহিতানি|২|
दाडिमफल्गुपरूषकप्रियालयवषष्टिकेक्षुबदराणि| श्रमनाशनानि विद्यात् द्राक्षाखर्जूरसहितानि|२|
🔊 Audio coming soon
Adhikarana dAhaghnagaNaH (2) · Śloka 2
পদ্মকলাজোশীরং মধুকোত্পলসারিবাসিতোদচ্যম্| কাশ্মর্যফলং চন্দনমেষ গণো দাহহা প্রোক্তঃ|২|
पद्मकलाजोशीरं मधुकोत्पलसारिवासितोदच्यम्| काश्मर्यफलं चन्दनमेष गणो दाहहा प्रोक्तः|२|
🔊 Audio coming soon
Adhikarana shItaprashamanagaNaH (2) · Śloka 2
নতনাগরাগুরুবচাধান্যকভূতীকপিপ্পলীব্যাঘ্র্যঃ| শীতং শমযন্ত্যচিরাত্ স্যোনাকঃ সাগ্নিমন্থশ্চ|২|
नतनागरागुरुवचाधान्यकभूतीकपिप्पलीव्याघ्र्यः| शीतं शमयन्त्यचिरात् स्योनाकः साग्निमन्थश्च|२|
🔊 Audio coming soon
Adhikarana udardaprashamanagaNaH (2) · Śloka 2
তিন্দুকপ্রিযালবীজকসপ্তচ্ছদখদিরকদরবদরাণি| অরিমেদবাজিকর্ণৌ ককুভশ্চোদর্দশমনানি|২|
तिन्दुकप्रियालबीजकसप्तच्छदखदिरकदरबदराणि| अरिमेदवाजिकर्णौ ककुभश्चोदर्दशमनानि|२|
🔊 Audio coming soon
Adhikarana a~ggamardaprashamanagaNaH (2) · Śloka 2
কাকোল্যেলাসেব্যং নিদিগ্ধিকে শালিপৃশ্নিপর্ণ্যৌ চ| ঘ্নন্ত্যঙ্গমর্দমচিরাচ্চন্দনমধুকোরুবূকং চ||২||
काकोल्येलासेव्यं निदिग्धिके शालिपृश्निपर्ण्यौ च| घ्नन्त्यङ्गमर्दमचिराच्चन्दनमधुकोरुबूकं च||२||
🔊 Audio coming soon
Adhikarana shUlashophaghnagaNau (7) · Śloka 7
দীপ্যকমরিচাজাজীগণ্ডীরং সাজগন্ধমথ শূলম্| শমযতি সপঞ্চকোলং শোফং দশমূলমাদ্যং চ||৭||
दीप्यकमरिचाजाजीगण्डीरं साजगन्धमथ शूलम्| शमयति सपञ्चकोलं शोफं दशमूलमाद्यं च||७||
🔊 Audio coming soon
উদর্দো বক্ষ্যমাণশীতপানীযসংস্পর্শাদিত্যাদিনা| দীপ্যকাদিপঞ্চকং সপঞ্চকোলং শূলং শমযতীতি সম্বন্ধঃ| আদ্যং দশমূলং দ্বে পঞ্চমূলে বিল্বাদি মহত্ বৃহত্যাদি চ লঘু এতদ্দশকং শোফম্ শমযতি||৭||
Adhikarana shoNitAsthApanagaNaH (2) · Śloka 2
মধুমধুকলাজগৈরিকফলিনমোচরসমৃত্কপালানি| সম্স্থাপযন্তি রুধিরং চ সশর্করং লোধ্রম্|২|
मधुमधुकलाजगैरिकफलिनमोचरसमृत्कपालानि| सम्स्थापयन्ति रुधिरं च सशर्करं लोध्रम्|२|
🔊 Audio coming soon
Adhikarana vedanAsthApanagaNaH (2) · Śloka 2
শিলৈলবালুকট্ফলমোচরসাশোকপদ্মকশিরীষম্| স্থাপযতি বেদনামথমহতুঙ্গকদম্ববিদুলং চ|২|
शिलैलवालुकट्फलमोचरसाशोकपद्मकशिरीषम्| स्थापयति वेदनामथमहतुङ्गकदम्बविदुलं च|२|
🔊 Audio coming soon
Adhikarana saMj~jAsthApanagaNaH (2) · Śloka 2
কৈডর্যহিঙ্গুচোরকপলঙ্কষাঽশোকরোহিণিবযস্থাঃ| পূত্যরিমেদো জটিলাগোলোমিবচাশ্চ সংজ্ঞাদাঃ|২|
कैडर्यहिङ्गुचोरकपलङ्कषाऽशोकरोहिणिवयस्थाः| पूत्यरिमेदो जटिलागोलोमिवचाश्च संज्ञादाः|२|
🔊 Audio coming soon
Adhikarana garbhasthApanagaNaH (2) · Śloka 2
এন্দ্রী দূর্বামাঘাবিষ্বক্সেনাব্যথা শিবারিষ্টা| ব্রাহ্মী সবাট্যপুষ্পী শতবীর্যা স্থাপযেদ্ গর্ভম্||২||
एन्द्री दूर्वामाघाविष्वक्सेनाव्यथा शिवारिष्टा| ब्राह्मी सवाट्यपुष्पी शतवीर्या स्थापयेद् गर्भम्||२||
🔊 Audio coming soon
Adhikarana vayaH sthApanagaNaH (8) · Śloka 8
অমৃতা পথ্যা ধাত্রী জীবন্তী শ্রেযসী স্থিরা যুক্তা| মণ্ডূকপর্ণ্যতিরসা স্থাপযতি পুনর্নবা চ বযঃ||৮||
अमृता पथ्या धात्री जीवन्ती श्रेयसी स्थिरा युक्ता| मण्डूकपर्ण्यतिरसा स्थापयति पुनर्नवा च वयः||८||
🔊 Audio coming soon
মধুমধুকাদীনি নবানি প্রাণিরুধিরং চ পুরুষস্য রুধিরবৃদ্ধিস্থির্যকরম্| বেদনাযাশ্চিচ্ছক্তেঃ সন্তর্পকং বেদনাস্থাপনম্| অন্যত্র স্থাপনং স্থৈর্যকরম্||৮||
Adhikarana upasaMhAraH (9-10) · Śloka 10
ইতি নানাবিধব্যাধিবিঘাতার্থমুদাহৃতাঃ| যোগা রোগাতুরবশাত্কল্পযেত্তান্ যথাযথম্||৯|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে মহাকষাযসংগ্রহো নাম পঞ্চদশোঽধ্যাযঃ||১০||
इति नानाविधव्याधिविघातार्थमुदाहृताः| योगा रोगातुरवशात्कल्पयेत्तान् यथायथम्||९|| इति श्रीवैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां सूत्रस्थाने महाकषायसंग्रहो नाम पञ्चदशोऽध्यायः||१०||
🔊 Audio coming soon
ইত্যনেন প্রকারেণ নানাবিধব্যাধিনির্ঘাতর্থং প্রযোগা উদাহৃতাঃ| তাংস্তু রোগমাতুরং চ বিকল্প্য যথাযথং নানাবিধৈঃ প্রযোগৈঃ প্রকল্পযেত্||৯|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং সূত্রস্থানে পঞ্চদশোঽধ্যাযঃ