Adhikarana atha mahAkaShAyasaMgraho nAma pa~jcadasho~adhyAyaH pratij~jA (1) · Śloka 1
ಅಥಾತೋ ಮಹಾಕಷಾಯಸಙ್ಗ್ರಹಮಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||
अथातो महाकषायसङ्ग्रहमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
ಮಹಾನ್ತಶ್ಚ ತೇ ಕಷಾಯಾ ಮಹಾಕಷಾಯಾಃ| ಏತದೇವೋಚ್ಯತೇ||೧||
Adhikarana kaShAyANAmAnantye kAraNanirdeshaH (2) · Śloka 2
ಆನನ್ತ್ಯಾದೌಷಧಾನಾಮಾಮಯಾನಾಂ ಚಾನನ್ತಾ ಏವ ಕಷಾಯಾಃ| ಯೇ ತು ಸುತರಾಮುಪಯೋಗವನ್ತಃ ಪ್ರಕರ್ಷವರ್ತ್ತಿನೋ ವಾ ತೇ ಜೀವನೀಯಾದಿಸಂಜ್ಞಾಃ| ಪ್ರತ್ಯೇಕಂ ದಶಕಷಾಯಸಂಯೋಗಾತ್ ಪಞ್ಚಚತ್ವಾರಿಂಶನ್ಮಹಾಕಷಾಯಾ ವಕ್ಷ್ಯನ್ತೇ| ತತ್ಪ್ರತಿಪತ್ತ್ಯರ್ಥಮೇವ ಮನ್ದಬುದ್ಧೀನಾಮ್| ಬುದ್ಧಿಮತಾಮುದಾಹರಣಮಾತ್ರಪ್ರದರ್ಶನಾರ್ಥಮ್| ಶಕ್ಯಂ ಹಿ ಬುದ್ಧಿಮದ್ಭಿಃ ಸ್ವಾದುಶೀತಸ್ನಿಗ್ಧಾದೀನ್ ಜೀವನ್ತ್ಯಾದಿಷು ಸಾಧಾರಣಾನ್ ಗುಣಾನಾಲೋಚ್ಯ ಕ್ಷೀರೇಕ್ಷುದ್ರಾಕ್ಷಾಽಕ್ಷೋಡವಿದಾರೀಕನ್ದಾದಿಷ್ವಪಿ ತದ್ಗುಣೇಷು ಜೀವನೀಯಾದಿತ್ವಮವಧಾರಯಿತುಮ್| ಯಥೋಕ್ತಾನುಸರಣಮೇವ ತು ಶ್ರೇಯೋ ಮನ್ದಬುದ್ಧೇರಿತಿ| ವ್ಯಸ್ತಾಶ್ಚ ತೇ ಚತ್ವಾರಿ ಶತಾನಿ ಪಞ್ಚಾಶದಧಿಕಾನಿ ತದಭಿಧಾನಾನ್ಯೇವ||೨||
आनन्त्यादौषधानामामयानां चानन्ता एव कषायाः| ये तु सुतरामुपयोगवन्तः प्रकर्षवर्त्तिनो वा ते जीवनीयादिसंज्ञाः| प्रत्येकं दशकषायसंयोगात् पञ्चचत्वारिंशन्महाकषाया वक्ष्यन्ते| तत्प्रतिपत्त्यर्थमेव मन्दबुद्धीनाम्| बुद्धिमतामुदाहरणमात्रप्रदर्शनार्थम्| शक्यं हि बुद्धिमद्भिः स्वादुशीतस्निग्धादीन् जीवन्त्यादिषु साधारणान् गुणानालोच्य क्षीरेक्षुद्राक्षाऽक्षोडविदारीकन्दादिष्वपि तद्गुणेषु जीवनीयादित्वमवधारयितुम्| यथोक्तानुसरणमेव तु श्रेयो मन्दबुद्धेरिति| व्यस्ताश्च ते चत्वारि शतानि पञ्चाशदधिकानि तदभिधानान्येव||२||
🔊 Audio coming soon
ಔಷಧಾನಾಮಾಮಯಾನಾಂ ಚಾನನ್ತ್ಯಮತಃ ಪ್ರತಿವ್ಯಾಧ್ಯೌಷಧವಿಶೇಷಾತ್ ಕಷಾಯಾಣಾಮಪ್ಯಾನನ್ತ್ಯಮ್| ಯೇ ತು ಕಷಾಯಾ ಅತ್ಯರ್ಥೇನೋಪಯುಜ್ಯನ್ತೇ, ಅನ್ಯೇಭ್ಯಶ್ಚೋತ್ಕರ್ಷವನ್ತೋ ವಾ ತೇಷಾಂ ಶಾಸ್ತ್ರಕಾರೈರ್ಜೀವನೀಯಬೃಂಹಣೀಯಾದಯಃ ಸಂಜ್ಞಾ ಧೃತಾಃ| ತೇ ಚ ಜೀವನೀಯಾದಯೋ ಮಹಾಕಷಾಯಾಃ ಸಂಖ್ಯಯಾ ಪಞ್ಚಚತ್ವಾರಿಂಶತ್| ಚರಕೇ ತು ಷಡ್ವಿರೇಚನಶತಾಶ್ರಿತೀಯೇ ಪಞ್ಚಾಶದುಕ್ತಾಃ| ತೇಭ್ಯೋ ವಮನೋಪಯೋಗಾದಯಃ ಪಞ್ಚಾತ್ರ ನ ಸಂಗೃಹೀತಾಃ| ತದ್ದ್ರವ್ಯಾಣಾಂ ಶೋಧನಾದಿಗಣಸಂಗ್ರಹೋಕ್ತವಮನಾದ್ಯುಪಯೋಗಿಷ್ವೇವಾನ್ತರ್ಭಾವಾತ್| ತಥಾ ಚಾಸ್ಥಾಪನಾನುವಾಸನೋಪಯೋಗಿದ್ರವ್ಯಾಣಿ ಶೋಧನಾದಿಪಠಿತೇಷು ಸರ್ವೇಷು ತು ಪ್ರಾಯೇಣ ಮದನೇತ್ಯೇವಮಾದಿಕೇ ಗ್ರನ್ಥೇ ದೃಶ್ಯನ್ತ ಏವ| ಏವಂ ವಮನವಿರೇಚನಶಿರೋವಿರೇಚನೋಪಯೋಗೀನ್ಯಪಿ| ಬಿಲ್ವಶ್ವದಂಷ್ಟ್ರಾಗ್ನಿಮನ್ಥಸ್ಯೋನಾಕಾನಿ ದಶಮೂಲಾಙ್ಗತ್ವಾತ್ ದೃಶ್ಯನ್ತ ಏವ ಬಸ್ತ್ಯುಪಯೋಗಿಷು| ವೃಶ್ಚೀವಸ್ಯ ಪುನರ್ನವಾಭೇದತ್ವಮ್| ಪಿಪ್ಪಲೀ ತು ವ್ಯೋಷೇಽನ್ತರ್ಭಾವಾತ್| ತತ್ರೈಕೈಕಸ್ಮಿನ್ ಮಹಾಕಷಾಯೇ ದಶಕಾನಾಂ ಕಷಾಯಾಣಾಂ ಸಂಯೋಗಃ| ಏತೇ ಚ ಮಹಾಕಷಾಯಾ ಮನ್ದಬುದ್ಧೀನಾಂ ಯಥೋಕ್ತಪ್ರತಿಪತ್ತ್ಯರ್ಥಮುಕ್ತಾಃ| ಮಹಾಬುದ್ಧೀನಾಂ ತು ತದುದಾಹರಣಮಾತ್ರಪ್ರದರ್ಶನಾರ್ಥಮ್| ಯತೋ ಮಹಾಬುದ್ಧಿಭಿರ್ಜೀವನೀಯ ಮಹಾಕಷಾಯೇಽನುಕ್ತಾನಾಮಪಿ ದ್ರಾಕ್ಷಾಕ್ಷೋಡಾದೀನಾಂ ತದುಕ್ತಗುಣಸಾದೃಶ್ಯಾತ್ತದರ್ಥಃ ಪ್ರಯೋಗೋಽಪ್ಯವಧಾರಯಿತುಂ ಶಕ್ಯಃ ಮನ್ದಬುದ್ಧೇಸ್ತೂಚಿತೋಹಾಽಸಹಿಷ್ಣುಧಿಯೋ ಯಥಾಪಠಿತಾನುಸರಣಮೇವ ಶ್ರೇಷ್ಠಮತಸ್ತಸ್ಯ ಯಥೋಕ್ತಪ್ರತಿಪತ್ತ್ಯರ್ಥಮೇವ| ತೇ ಚ ಮಹಾಕಷಾಯಸಂಗೃಹೀತಾಃ ಅವಶ್ಯಕಷಾಯಾಃ ಸಂಖ್ಯಾ ಪಞ್ಚಾಶದಧಿಕಾನಿ ಚತ್ವಾರಿ ಶತಾನಿ ಪಞ್ಚಚತ್ವಾರಿಂಶತಾಂ ದಶಭಿರ್ಗುಣಿತಾನಾಮ್||೨||
Adhikarana mahAkaShAyeShu dravyasa~gkare~api na saMj~jAvirodhaH (3) · Śloka 3
ಯದ್ಯಪಿ ತಾನಿ ತಾನ್ಯೇವ ದ್ರವ್ಯಾಣೀತಿ ದ್ರವ್ಯಸಙ್ಕರಃ ಕಷಾಯೇಷು ತಥಾಪಿ ನ ಸಂಜ್ಞಾವಿರೋಧಃ| ಏಕಸ್ಯಾಪಿ ಬಹುಕಾರ್ಯನಿರ್ವರ್ತನಾತ್||೩||
यद्यपि तानि तान्येव द्रव्याणीति द्रव्यसङ्करः कषायेषु तथापि न संज्ञाविरोधः| एकस्यापि बहुकार्यनिर्वर्तनात्||३||
🔊 Audio coming soon
ಯದ್ಯಪಿ ಚೈಕಂ ದ್ರವ್ಯಮನೇಕೇ ಮಹಾಕಷಾಯೇ ದೃಶ್ಯತೇ ತಥಾಪಿ ಸಂಜ್ಞಾವಿರೋಧೋ ನ ಭವತಿ ಯತಃ ಕಾರ್ಯಭೇದಾತ್ ಸಂಜ್ಞಾಭೇದಃ| ಯಥೈಕೋ ದೇವದತ್ತಃ ಪಾಕಂ ಕುರ್ವನ್ ಪಾಚಕ ಇತ್ಯುಚ್ಯತೇ ಲವನಂ ಚ ಲಾವಕ ಇತಿ| ತದ್ವದೇಕಮಪಿ ದ್ರವ್ಯಂ ಕಾರ್ಯಭೇದಾತ್ ಸಂಜ್ಞಾಭೇದಂ ಗಚ್ಛತಿ||೩||
Adhikarana kaShAyayonirasAH (4) · Śloka 4
ತತ್ರ ಲವಣವರ್ಜ್ಯಾ ರಸಾಃ ಕಲ್ಪನಾಯಾಂ ಕಷಾಯಾ ಇತ್ಯುಚ್ಯನ್ತೇ| ತದ್ಯೋನಿತ್ವಾತ್||೪||
तत्र लवणवर्ज्या रसाः कल्पनायां कषाया इत्युच्यन्ते| तद्योनित्वात्||४||
🔊 Audio coming soon
ತತ್ರ ಲವಣವರ್ಜ್ಯಾ ಪಞ್ಚರಸಾಃ ಕ್ವಾಥಚೂರ್ಣಾದಿಕಲ್ಪನಾಯಾಂ ಕಷಾಯಶಬ್ದವಾಚ್ಯಾಃ ತದ್ಯೋನಿತ್ವಾದ್ರಸಾನಾಂ ಕಷಾಯಕಾರಣತ್ವಾದ್ರಸಾ ಏವ ಪಞ್ಚಕಷಾಯಶಬ್ದೇನೋಚ್ಯನ್ತೇ||೪||
Adhikarana lavaNasya kaShAyatvAbhAve hetuH (5) · Śloka 5
ಲವಣಸ್ಯ ಯತೋ ನಿರ್ಯಾಸಾದಿಕಲ್ಪನಾನಾಮಸಮ್ಭವಃ| ಪೃಥಗುಪಯೋಗೋಪಕಾರರಹಿತತ್ವಾಚ್ಚ ನೈರರ್ಥಕ್ಯಮಿತಿ||೫||
लवणस्य यतो निर्यासादिकल्पनानामसम्भवः| पृथगुपयोगोपकाररहितत्वाच्च नैरर्थक्यमिति||५||
🔊 Audio coming soon
ಲವಣಸ್ಯ ತು ಕಷಾಯತ್ವಂ ನಿಷ್ಪ್ರಯೋಜನತ್ವಾನ್ನೋಕ್ತಮ್| ಏವಂ ಚ ನೈರರ್ಥಕ್ಯಮ್| ಯತೋ ಲವಣರಸಸ್ಯ ಲವಣದ್ರವ್ಯಾದೇರ್ನಿರ್ಯಾಸನಿಷ್ಕ್ವಾಥಾದಿಕಂ ನ ಸಮ್ಭವತಿ| ನ ಚ ಪೃಥಗ್ಲವಣಸ್ಯ ಕೇವಲಸ್ಯೋಪಯೋಗಃ| ಉಪಯೋಗೋಽಪಿ ಶರೀರೇ ನೋಪಕಾರವಾನಿತಿ ನೈರರ್ಥಕ್ಯಮ್||೫||
Adhikarana jIvanIyagaNaH (2) · Śloka 2
ಭವನ್ತಿ ಚಾತ್ರ- ಜೀವನ್ತೀಕಾಕೋಲ್ಯೌ ದ್ವೇ ಮೇದೇ ಮುದ್ಗಮಾಷಪರ್ಣ್ಯೌ ಚ| ಋಷಭಕಜೀವಕಮಧುಕಂ ಚೇತಿ ಗಣೋ ಜೀವನೀಯಾಖ್ಯಃ|೨|
भवन्ति चात्र- जीवन्तीकाकोल्यौ द्वे मेदे मुद्गमाषपर्ण्यौ च| ऋषभकजीवकमधुकं चेति गणो जीवनीयाख्यः|२|
🔊 Audio coming soon
Adhikarana bRuMhaNIyagaNaH (2) · Śloka 2
ವಾಟ್ಯಾ ಬಲಾ ಪಯಸ್ಯಾಕಾಕೋಲ್ಯಾವಿಕ್ಷುವಾಜಿಗನ್ಧೇ ಚ| ಕ್ಷೀರಿಣಿರಾಜಕ್ಷವಕೇ ಭಾರದ್ವಾಜೀ ಚ ಬೃಂಹಣೀಯೋಽಯಮ್|೨|
वाट्या बला पयस्याकाकोल्याविक्षुवाजिगन्धे च| क्षीरिणिराजक्षवके भारद्वाजी च बृंहणीयोऽयम्|२|
🔊 Audio coming soon
Adhikarana lekhanIyagaNaH (2) · Śloka 2
ಹೈಮವತೀ ಚಿರಿಬಿಲ್ವಂ ಮುಸ್ತಾ ಕುಷ್ಠಂ ವಚಾ ಹರಿದ್ರೇ ಚ| ಚಿತ್ರಕಕಟುಕಾತಿವಿಷಾ ವರ್ಗೋಽಯಂ ಲೇಖನೀಯಾಖ್ಯಃ||೨||
हैमवती चिरिबिल्वं मुस्ता कुष्ठं वचा हरिद्रे च| चित्रककटुकातिविषा वर्गोऽयं लेखनीयाख्यः||२||
🔊 Audio coming soon
Adhikarana bhedanIyagaNaH (6) · Śloka 6
ಅರ್ಕೈರಣ್ಡೌ ಚಿತ್ರಾ ಚಿತ್ರಕಾಚಿರಿಬಿಲ್ವಶಙ್ಖಿಣೀಸರಲಾ| ಹೇಮಕ್ಷೀರೀ ಕಟುಕಾ ವನ್ಹಿಮುಖೀ ಭೇದನೀಯೋಽಯಮ್| ಮಧುಮಧುಕಪೃಶ್ನಿಪರ್ಣೀಕಟ್ಫಲಲೋಧ್ರಪ್ರಿಯಙ್ಗುಧಾತಕ್ಯಃ| ಅಮ್ಬಷ್ಠಕೀ ಸಮಙ್ಗಾ ಮೋಚರಸಶ್ಚೇತಿ ಸನ್ಧಾನಃ||೬||
अर्कैरण्डौ चित्रा चित्रकाचिरिबिल्वशङ्खिणीसरला| हेमक्षीरी कटुका वन्हिमुखी भेदनीयोऽयम्| मधुमधुकपृश्निपर्णीकट्फललोध्रप्रियङ्गुधातक्यः| अम्बष्ठकी समङ्गा मोचरसश्चेति सन्धानः||६||
🔊 Audio coming soon
ಭವನ್ತಿ ಚಾತ್ರೇತಿ ಪದ್ಯಬನ್ಧಸಮುಚ್ಚಯೇ ತನ್ತ್ರರೀತಿಃ| ಜೀವನ್ತೀಪ್ರಭೃತೀನಿ ದಶೌಷಧಾನಿ ಪ್ರತ್ಯೇಕಂ ಜೀವನೀಯತ್ವೇ ಶಕ್ತಾನಿ| ತೇಷಾಂ ಚ ಪ್ರತ್ಯೇಕಂ ದ್ರವ್ಯಾದಿಸಂಯೋಗೇನ ಚ ಪ್ರಯೋಜನವಶಾತ್ ಪ್ರಯೋಗಃ| ಪ್ರತ್ಯೇಕಂ ಪಞ್ಚಕಷಾಯಾಣಾಂ ಚತ್ವಾರಿ ಶತಾನಿ ಪಞ್ಚಶದಧಿಕಾನಿ| ಸಂಯೋಗೇನ ತು ಸಮಾನಜಾತೀಯಕೃತೇನ ಪ್ರತ್ಯೇಕಂ ಮಹಾಕಷಾಯೇ ದ್ವಿಸಂಯೋಗಾನಿ ಪಞ್ಚಚತ್ವಾರಿಂಶತ್| ತ್ರಿಕೇ ವಿಂಶಚ್ಛತಮ್| ಚತುಷ್ಕೇ ಚತುರಶೀತಿಃ| ಪಞ್ಚಕೇ ಷಟ್ಪಞ್ಚಾಶತ್| ಷಟ್ಕೇ ಪಞ್ಚತ್ರಿಂಶತ್| ಸಪ್ತಕೇ ವಿಂಶತಿಃ| ಅಷ್ಟಕೇ ದಶ| ನವಕೇ ಚತ್ವಾರಃ| ಏವಂ ಸಂಯೋಗಶತಾನಿ ತ್ರೀಣಿ ಚತುಸ್ಸಪ್ತತ್ಯಧಿಕಾನಿ ಪ್ರತ್ಯೇಕಂ ಮಹಾಕಷಾಯೇ| ಕೇವಲಕಷಾಯಾ ದಶ| ದಶಸಂಯೋಗಶ್ಚೈಕಃ| ಏವಮೇಕೋ ಜೀವನೀಯಾದ್ಯನ್ಯತಮೋ ಮಹಾಕಷಾಯಃ ಪಞ್ಚಾಶೀತ್ಯಧಿಕಂ ಶತತ್ರಯಂ ಭೇದಾನಾಮುಪಗಚ್ಛತಿ| ಏತದೇವ ಪಞ್ಚಚತ್ವಾರಿಂಶದ್ಗುಣಿತಂ ಕಾರ್ತ್ಸ್ನ್ಯೇನ ಸಙ್ಖ್ಯಾ ಮಹಾಕಷಾಯಾಣಾಮ್| ತತ್ರಾಪಿ ವಿಶಿಷ್ಟಸಙ್ಖ್ಯಾವರ್ಗಾನ್ತರದ್ರವ್ಯವಿಶೇಷೇಣ ವಿಶಿಷ್ಟಸಂಯೋಗಕಲ್ಪನಯಾನನ್ತ್ಯಂ ಮಹಾಕಷಾಯಾಣಾಮ್| ಏವಂ ಜೀವನ್ತ್ಯಾದೀನಿ ದಶ ಕಷಾಯಶಬ್ದವಾಚ್ಯಾನಿ| ಜೀವನೀಯಂ ಪ್ರಾಣಾನಾಂ ಸನ್ಧಾರಕಮ್| ಲೇಖನಂ ದೇಹ ಉಪಲೇಪಾದಿಕಾನ್ ಭಾವಾನ್ ವಿಚ್ಛಿನತ್ತಿ| ಸನ್ಧಾನಕಂ ಶರೀರೇಽನ್ತಃಸಂಹತಿಕರಂ ಭಾವಾನಾಮ್||೬||
Adhikarana dIpanIyagaNaH (2) · Śloka 2
ಹಿಙ್ಗುಮರಿಚಾಮ್ಲ್ವೇತಸದೀಪ್ಯಕಭಲ್ಲಾತಕಾಸ್ಥಿಸಂಯೋಗಾತ್| ವರ್ಗಃ ಸಪಞ್ಚಕೋಲೋ ನಿರ್ದಿಷ್ಟೋ ದೀಪನೀಯೋಽಯಮ್|೨|
हिङ्गुमरिचाम्ल्वेतसदीप्यकभल्लातकास्थिसंयोगात्| वर्गः सपञ्चकोलो निर्दिष्टो दीपनीयोऽयम्|२|
🔊 Audio coming soon
Adhikarana balyagaNaH (2) · Śloka 2
ಐನ್ದ್ರ್ಯತಿರಸಾಪಯಸ್ಯಾ ಋಷ್ಯಪ್ರೋಕ್ತಾ ಸ್ಥಿರಾ ಬಲಾತಿಬಲಾಃ| ಇತಿ ಬಲ್ಯೋ ದಶಕೋಽಯಂ ಹಯಗನ್ಧಾ ರೋಹಿಣೀ ಋಷಭಃ|೨|
ऐन्द्र्यतिरसापयस्या ऋष्यप्रोक्ता स्थिरा बलातिबलाः| इति बल्यो दशकोऽयं हयगन्धा रोहिणी ऋषभः|२|
🔊 Audio coming soon
Adhikarana varNyagaNaH (2) · Śloka 2
ಚನ್ದನತುಙ್ಗಪಯಸ್ಯಾ ಸಿತಾಲತಾಮಧುಕಪದ್ಮಕೋಶೀರಮ್| ವರ್ಣ್ಯೋ ಗಣೋಽಯಮುದಿತೋ ಮಞ್ಜಿಷ್ಠಾಸಾರಿವಾಸಹಿತಃ|೨|
चन्दनतुङ्गपयस्या सितालतामधुकपद्मकोशीरम्| वर्ण्यो गणोऽयमुदितो मञ्जिष्ठासारिवासहितः|२|
🔊 Audio coming soon
Adhikarana kaNThyagaNaH (2) · Śloka 2
ಹಂಸಪದೀಬೃಹತೀದ್ವಯಮೃದ್ವೀಕಾಸರಿವೇಕ್ಷುಮೂಲಾನಿ| ಕೈಡರ್ಯಮಧುಕಕೃಷ್ಣಾಃ ಸವಿದಾರ್ಯಃ ಕಣ್ಠಜನಾನಿ||೨||
हंसपदीबृहतीद्वयमृद्वीकासरिवेक्षुमूलानि| कैडर्यमधुककृष्णाः सविदार्यः कण्ठजनानि||२||
🔊 Audio coming soon
Adhikarana hRudyagaNaH (4) · Śloka 4
ವೃಕ್ಷಾಮ್ಲಬದರದಾಡಿಮಕವಲಾಮ್ರಾಮ್ರಾತಲಿಕುಚಕರಮರ್ದಮ್| ಹೃದ್ಯಂ ಸಮಾತುಲುಙ್ಗಾಮ್ಲವೇತಸಂ ವಿದ್ಧಿ ವರ್ಗಮಿಮಮ್| ನಾಗರಚವಿಕಾಚಿತ್ರಕವಿಡಙ್ಗಮೂರ್ವಾಮೃತಾವಚಾಮುಸ್ತಾಃ| ಸಹಪಿಪ್ಪಲೀಪಟೋಲಾಸ್ತೃಪ್ತಿಘ್ನೋಽಯಂ ಗಣಃ ಪ್ರಥಿತಃ||೪||
वृक्षाम्लबदरदाडिमकवलाम्राम्रातलिकुचकरमर्दम्| हृद्यं समातुलुङ्गाम्लवेतसं विद्धि वर्गमिमम्| नागरचविकाचित्रकविडङ्गमूर्वामृतावचामुस्ताः| सहपिप्पलीपटोलास्तृप्तिघ्नोऽयं गणः प्रथितः||४||
🔊 Audio coming soon
Adhikarana arshoghnagaNaH (2) · Śloka 2
ಕಟಜಫಲಬಿಲ್ವಚಿತ್ರಕಮಹೌಷಧಪ್ರತಿವಿಷಾವಚಾಚವಿಕಾಃ| ಧನ್ವಯವಾಸಂ ಪಥ್ಯಾ ದಾರುಹರಿದ್ರಾ ಗಣೋಽಯಮರ್ಶೋಘ್ನಃ|೨|
कटजफलबिल्वचित्रकमहौषधप्रतिविषावचाचविकाः| धन्वयवासं पथ्या दारुहरिद्रा गणोऽयमर्शोघ्नः|२|
🔊 Audio coming soon
Adhikarana kuShThaghnagaNaH (2) · Śloka 2
ಖದಿರಾಮಲಕಾರುಷ್ಕರನಿಶಾಭಯಾಸಪ್ತಪರ್ಣಕರವೀರಾಃ| ಕುಷ್ಠಘ್ನಾಶ್ಚತುರಙ್ಗುಲವಿಡಙ್ಗಜಾತಿಪ್ರವಾಲಾಶ್ಚ|೨|
खदिरामलकारुष्करनिशाभयासप्तपर्णकरवीराः| कुष्ठघ्नाश्चतुरङ्गुलविडङ्गजातिप्रवालाश्च|२|
🔊 Audio coming soon
Adhikarana kaNDUharagaNaH (2) · Śloka 2
ನಲದಕೃತಮಾಲಚನ್ದನಸರ್ಷಪಘನನಿಮ್ಬಕುಟಜಮಧುಕಾನಿ| ಕಣ್ಡೂಂ ದಾರುಹರಿದ್ರಾಸನಕ್ತಮಾಲಾನಿ ನಿಘ್ನನ್ತಿ||೨||
नलदकृतमालचन्दनसर्षपघननिम्बकुटजमधुकानि| कण्डूं दारुहरिद्रासनक्तमालानि निघ्नन्ति||२||
🔊 Audio coming soon
Adhikarana krimiharagaNaH (4) · Śloka 4
ಅಕ್ಷೀವಮರಿಚಕೇಬುಕವಿಡಙ್ಗಗಣ್ಡೀರಕಿಣಿಹಿನಿರ್ಗುಣ್ಡ್ಯಃ| ಘ್ನನ್ತಿ ಕ್ರಿಮೀನ್ ಶ್ವದಂಷ್ಟ್ರಾವಿಷಾಖುಪರ್ಣ್ಯಸ್ತಥಾ ನ ಚಿರಾತ್| ಮಞ್ಜಿಷ್ಠಾಶ್ಲೇಷ್ಮಾತಕರಜನೀಸುವಹಾಶಿರೀಷಪಾಲಿನ್ದ್ಯಃ| ಸೈಲಾಚನ್ದನಕತಕಾಃ ಸಸಿನ್ದುವಾರಾ ವಿಷಂ ಘ್ನನ್ತಿ||೪||
अक्षीवमरिचकेबुकविडङ्गगण्डीरकिणिहिनिर्गुण्ड्यः| घ्नन्ति क्रिमीन् श्वदंष्ट्राविषाखुपर्ण्यस्तथा न चिरात्| मञ्जिष्ठाश्लेष्मातकरजनीसुवहाशिरीषपालिन्द्यः| सैलाचन्दनकतकाः ससिन्दुवारा विषं घ्नन्ति||४||
🔊 Audio coming soon
Adhikarana stanyajananagaNaH (2) · Śloka 2
ಶಲಿಕುಶಕಾಶಷಷ್ಟಿಕವೀರಣದರ್ಭೇಕ್ಷುವಾಲಿಕೇಕ್ಷೂಣಾಮ್| ತದ್ವದ್ಗುನ್ದ್ರೋತ್ಕಟಯೋರ್ಮೂಲಮಲಂ ಸ್ತನ್ಯಜನನಾಯ|೨|
शलिकुशकाशषष्टिकवीरणदर्भेक्षुवालिकेक्षूणाम्| तद्वद्गुन्द्रोत्कटयोर्मूलमलं स्तन्यजननाय|२|
🔊 Audio coming soon
Adhikarana stanyashuddhikaraNagaNaH (2) · Śloka 2
ಪಾಠಾ ನಾಗರಸುರತರುಘನಾಮೃತಾಸಾರಿವೇನ್ದ್ರಯವಮೂರ್ವಾಃ| ಕಟುಕಾಕಿರಾತತಿಕ್ತಂ ವರ್ಗೋಽಯಂ ಸ್ತನ್ಯಶುದ್ಧಿಕರಃ|೨|
पाठा नागरसुरतरुघनामृतासारिवेन्द्रयवमूर्वाः| कटुकाकिराततिक्तं वर्गोऽयं स्तन्यशुद्धिकरः|२|
🔊 Audio coming soon
Adhikarana shukrajananagaNaH (2) · Śloka 2
ಮೇದಾಕಾಕೋಲೀದ್ವಯವೃಕ್ಷರುಹಾಜೀವಕರ್ಷಭಕುಲಿಙ್ಗಾಃ| ಶುಕ್ರಜನನೋ ಗಣೋಽಯಂ ಸಹಜಟಿಲಾಶೂರ್ಪಪರ್ಣೀಭಿಃ|೨|
मेदाकाकोलीद्वयवृक्षरुहाजीवकर्षभकुलिङ्गाः| शुक्रजननो गणोऽयं सहजटिलाशूर्पपर्णीभिः|२|
🔊 Audio coming soon
Adhikarana shukrashodhanagaNaH (2) · Śloka 2
ಕುಷ್ಠೈಲವಾಲುಕಕಟ್ಫಲಕಾಣ್ಡೇಕ್ಷ್ವಿಕ್ಷ್ವಬ್ಧಿಫೇನಕೋಶೀರೈಃ| ವಸುಕೇಕ್ಷುರಕೈಃ ಶುಕ್ರಂ ಶುದ್ಧ್ಯೇತ್ ಸಕದಮ್ಬನಿರ್ಯಾಸೈಃ|೨|
कुष्ठैलवालुककट्फलकाण्डेक्ष्विक्ष्वब्धिफेनकोशीरैः| वसुकेक्षुरकैः शुक्रं शुद्ध्येत् सकदम्बनिर्यासैः|२|
🔊 Audio coming soon
Adhikarana snehopagagaNaH (2) · Śloka 2
ದ್ರಾಕ್ಷಾಕಾಕೋಲೀದ್ವಯಮಧುಪರ್ಣೀಮಧುಕಜೀವಕವಿದಾರ್ಯಃ| ಸ್ನೇಹೋಪಗಾಃ ಸಮೇದಾಜಿವನ್ತೀಶಾಲಿಪರ್ಣಿಕಾಃ|೨|
द्राक्षाकाकोलीद्वयमधुपर्णीमधुकजीवकविदार्यः| स्नेहोपगाः समेदाजिवन्तीशालिपर्णिकाः|२|
🔊 Audio coming soon
Adhikarana svedopagagaNAH (2) · Śloka 2
ಸೌಭಾಞ್ಜನಕಪುನರ್ನವವೃಶ್ಚೀವಕುಲತ್ಥಮಾಷಬದರಾಣಿ| ಸ್ವೇದೋಪಗಾನಿ ವಿದ್ಯಾತ್ ಸಯವತಿಲಾರ್ಕೋರುಪೂಗಾನಿ|೨|
सौभाञ्जनकपुनर्नववृश्चीवकुलत्थमाषबदराणि| स्वेदोपगानि विद्यात् सयवतिलार्कोरुपूगानि|२|
🔊 Audio coming soon
Adhikarana vaminigrahaNagaNaH (2) · Śloka 2
ಲಾಜಾಮ್ರಬದರದಾಡಿಮಯವಷಷ್ಟಿಕಮಾತುಲುಙ್ಗಸೇವ್ಯಾನಿ| ಜಮ್ಬ್ವಾಮ್ರಪಲ್ಲವಾನಿ ವಮಿನಿಗ್ರಹಣಾನಿ ಮೃತ್ಸಾ ಚ||೨||
लाजाम्रबदरदाडिमयवषष्टिकमातुलुङ्गसेव्यानि| जम्ब्वाम्रपल्लवानि वमिनिग्रहणानि मृत्सा च||२||
🔊 Audio coming soon
Adhikarana tRuShNAnigrahaNagaNaH (1) · Śloka 1
ನಾಗರಧನ್ವಯವಾಸಕವಾಲಕಪರ್ಪಟಕಚನ್ದನಗುಡೂಚ್ಯಃ||೧||
नागरधन्वयवासकवालकपर्पटकचन्दनगुडूच्यः||१||
🔊 Audio coming soon
Adhikarana hidhmAnigrahaNagaNaH (3) · Śloka 3
ಭೂನಿಮ್ಬಘನಪಟೋಲೀಕುಸ್ತುಮ್ಬರ್ಯಸ್ತೃಷಂ ಘ್ನನ್ತಿ| ಬೃಹತೀದ್ವಯವೃಕ್ಷರುಹಾಪುಷ್ಕರಮೂಲಾಭಯಾಕಣಾಶೃಙ್ಗ್ಯಃ| ಹಿಧ್ಮಾಂ ನಿಘ್ನನ್ತಿ ಶಟೀ ದುರಾಲಭಾ ಬದರಬೀಜಂ ಚ||೩||
भूनिम्बघनपटोलीकुस्तुम्बर्यस्तृषं घ्नन्ति| बृहतीद्वयवृक्षरुहापुष्करमूलाभयाकणाशृङ्ग्यः| हिध्मां निघ्नन्ति शटी दुरालभा बदरबीजं च||३||
🔊 Audio coming soon
Adhikarana viTsaMgrahaNagaNaH (2) · Śloka 2
ಶಮಾನನ್ತಾ ಪದ್ಮಾ ಕಟ್ವಙ್ಗಃ ಪದ್ಮಕೇಸರಂ ಲೋಧ್ರಮ್| ಧಾತಕಿಕುಸುಮಸಮಙ್ಗಾಮೋಚರಸಾಮ್ರಾಸ್ಥಿವಿಡ್ಗ್ರಹಣಮ್|೨|
शमानन्ता पद्मा कट्वङ्गः पद्मकेसरं लोध्रम्| धातकिकुसुमसमङ्गामोचरसाम्रास्थिविड्ग्रहणम्|२|
🔊 Audio coming soon
Adhikarana viDvirajanagaNaH (2) · Śloka 2
ಜಮ್ಬೂಸಲ್ಲಕಿಮಧುಕಂ ನೀಲೋತ್ಪಲಕಚ್ಛುರಾತಿಲಶ್ರ್ಯಾಹ್ವಮ್| ಭೃಷ್ಟಾ ಚ ಮೃತ್ಪಯಸ್ಯಾ ಸಶಾಲ್ಮಲೀ ವಿಡ್ವಿರಜನಾನಿ|೨|
जम्बूसल्लकिमधुकं नीलोत्पलकच्छुरातिलश्र्याह्वम्| भृष्टा च मृत्पयस्या सशाल्मली विड्विरजनानि|२|
🔊 Audio coming soon
Adhikarana mUtrasaMgrahaNagaNaH (2) · Śloka 2
ಜಮ್ಬ್ವಾಮ್ರೋದುಮ್ಬರವಟಕಪೀತನಪ್ಲಕ್ಷಪಿಪ್ಪಲಾಶ್ಮನ್ತಮ್| ಭಲ್ಲಾತಸೋಮವಲ್ಕಂ ಮೂತ್ರಗ್ರಹಣಾಯ ನಿರ್ದಿಷ್ಟಮ್|೨|
जम्ब्वाम्रोदुम्बरवटकपीतनप्लक्षपिप्पलाश्मन्तम्| भल्लातसोमवल्कं मूत्रग्रहणाय निर्दिष्टम्|२|
🔊 Audio coming soon
Adhikarana mUtravirajanagaNaH (2) · Śloka 2
ಕಮಲನಲಿನಕುಮುದಮಧುಕಸೌಗನ್ಧಿಕಧಾತಕೀಲತಾಕುಸುಮಮ್| ಮೂತ್ರಂ ನಯತಿ ವಿರಾಗಂ ಸೋತ್ಪಲಶತಪುಣ್ಡರೀಕಂ ಚ|೨|
कमलनलिनकुमुदमधुकसौगन्धिकधातकीलताकुसुमम्| मूत्रं नयति विरागं सोत्पलशतपुण्डरीकं च|२|
🔊 Audio coming soon
Adhikarana mUtravirecanagaNaH (2) · Śloka 2
ವೃಕ್ಷಾದನೀಶ್ವದಂಷ್ಟ್ರಾದರ್ಭೇತ್ಕಟವಸುಕವಶಿರಕುಶಕಾಶಾಃ| ಮೂತ್ರಂ ವಿರೇಚಯೇಯುರ್ಗುನ್ದ್ರಾಪಾಷಾಣಭೇದಶ್ಚ|೨|
वृक्षादनीश्वदंष्ट्रादर्भेत्कटवसुकवशिरकुशकाशाः| मूत्रं विरेचयेयुर्गुन्द्रापाषाणभेदश्च|२|
🔊 Audio coming soon
Adhikarana kAsaghnagaNaH (2) · Śloka 2
ದ್ರಾಕ್ಷಾಮಲಕಪುನರ್ನವವೃಶ್ಚೀವದುರಾಲಭಾಭಯಾಕೃಷ್ಣಾಃ| ಕಾಸಂ ಘ್ನನ್ತಿ ಸಶೃಙ್ಗೀ ತಾಮಲಕೀ ಕಣ್ಟಕಾರೀ ಚ|೨|
द्राक्षामलकपुनर्नववृश्चीवदुरालभाभयाकृष्णाः| कासं घ्नन्ति सशृङ्गी तामलकी कण्टकारी च|२|
🔊 Audio coming soon
Adhikarana shvAsaghnagaNaH (2) · Śloka 2
ಚಣ್ಡಾಮ್ಲವೇತಸಶಟೀತಾಮಲಕೀಸುರಸಹಿಙ್ಗುಜೀವನ್ತ್ಯಃ| ಪುಷ್ಕರಮೂಲೈಲಾಗುರುವರ್ಗೋಽಯಂ ಶ್ವಾಸಶಮನಾಯ|೨|
चण्डाम्लवेतसशटीतामलकीसुरसहिङ्गुजीवन्त्यः| पुष्करमूलैलागुरुवर्गोऽयं श्वासशमनाय|२|
🔊 Audio coming soon
Adhikarana jvaraghnagaNaH (2) · Śloka 2
ದ್ರಾಕ್ಷಾಪೀಲುಕಪರೂಷಕಮಞ್ಜಿಷ್ಠಾಸಾರಿವಾಽಮೃತಾಪಾಠಾಃ| ತ್ರಿಫಲಾ ಚೇತಿ ಗಣೋಽಯಂ ಜ್ವರಸ್ಯ ಶಮನಾಯ ನಿರ್ದಿಷ್ಟಃ|೨|
द्राक्षापीलुकपरूषकमञ्जिष्ठासारिवाऽमृतापाठाः| त्रिफला चेति गणोऽयं ज्वरस्य शमनाय निर्दिष्टः|२|
🔊 Audio coming soon
Adhikarana shramaghnagaNaH (2) · Śloka 2
ದಾಡಿಮಫಲ್ಗುಪರೂಷಕಪ್ರಿಯಾಲಯವಷಷ್ಟಿಕೇಕ್ಷುಬದರಾಣಿ| ಶ್ರಮನಾಶನಾನಿ ವಿದ್ಯಾತ್ ದ್ರಾಕ್ಷಾಖರ್ಜೂರಸಹಿತಾನಿ|೨|
दाडिमफल्गुपरूषकप्रियालयवषष्टिकेक्षुबदराणि| श्रमनाशनानि विद्यात् द्राक्षाखर्जूरसहितानि|२|
🔊 Audio coming soon
Adhikarana dAhaghnagaNaH (2) · Śloka 2
ಪದ್ಮಕಲಾಜೋಶೀರಂ ಮಧುಕೋತ್ಪಲಸಾರಿವಾಸಿತೋದಚ್ಯಮ್| ಕಾಶ್ಮರ್ಯಫಲಂ ಚನ್ದನಮೇಷ ಗಣೋ ದಾಹಹಾ ಪ್ರೋಕ್ತಃ|೨|
पद्मकलाजोशीरं मधुकोत्पलसारिवासितोदच्यम्| काश्मर्यफलं चन्दनमेष गणो दाहहा प्रोक्तः|२|
🔊 Audio coming soon
Adhikarana shItaprashamanagaNaH (2) · Śloka 2
ನತನಾಗರಾಗುರುವಚಾಧಾನ್ಯಕಭೂತೀಕಪಿಪ್ಪಲೀವ್ಯಾಘ್ರ್ಯಃ| ಶೀತಂ ಶಮಯನ್ತ್ಯಚಿರಾತ್ ಸ್ಯೋನಾಕಃ ಸಾಗ್ನಿಮನ್ಥಶ್ಚ|೨|
नतनागरागुरुवचाधान्यकभूतीकपिप्पलीव्याघ्र्यः| शीतं शमयन्त्यचिरात् स्योनाकः साग्निमन्थश्च|२|
🔊 Audio coming soon
Adhikarana udardaprashamanagaNaH (2) · Śloka 2
ತಿನ್ದುಕಪ್ರಿಯಾಲಬೀಜಕಸಪ್ತಚ್ಛದಖದಿರಕದರಬದರಾಣಿ| ಅರಿಮೇದವಾಜಿಕರ್ಣೌ ಕಕುಭಶ್ಚೋದರ್ದಶಮನಾನಿ|೨|
तिन्दुकप्रियालबीजकसप्तच्छदखदिरकदरबदराणि| अरिमेदवाजिकर्णौ ककुभश्चोदर्दशमनानि|२|
🔊 Audio coming soon
Adhikarana a~ggamardaprashamanagaNaH (2) · Śloka 2
ಕಾಕೋಲ್ಯೇಲಾಸೇವ್ಯಂ ನಿದಿಗ್ಧಿಕೇ ಶಾಲಿಪೃಶ್ನಿಪರ್ಣ್ಯೌ ಚ| ಘ್ನನ್ತ್ಯಙ್ಗಮರ್ದಮಚಿರಾಚ್ಚನ್ದನಮಧುಕೋರುಬೂಕಂ ಚ||೨||
काकोल्येलासेव्यं निदिग्धिके शालिपृश्निपर्ण्यौ च| घ्नन्त्यङ्गमर्दमचिराच्चन्दनमधुकोरुबूकं च||२||
🔊 Audio coming soon
Adhikarana shUlashophaghnagaNau (7) · Śloka 7
ದೀಪ್ಯಕಮರಿಚಾಜಾಜೀಗಣ್ಡೀರಂ ಸಾಜಗನ್ಧಮಥ ಶೂಲಮ್| ಶಮಯತಿ ಸಪಞ್ಚಕೋಲಂ ಶೋಫಂ ದಶಮೂಲಮಾದ್ಯಂ ಚ||೭||
दीप्यकमरिचाजाजीगण्डीरं साजगन्धमथ शूलम्| शमयति सपञ्चकोलं शोफं दशमूलमाद्यं च||७||
🔊 Audio coming soon
ಉದರ್ದೋ ವಕ್ಷ್ಯಮಾಣಶೀತಪಾನೀಯಸಂಸ್ಪರ್ಶಾದಿತ್ಯಾದಿನಾ| ದೀಪ್ಯಕಾದಿಪಞ್ಚಕಂ ಸಪಞ್ಚಕೋಲಂ ಶೂಲಂ ಶಮಯತೀತಿ ಸಮ್ಬನ್ಧಃ| ಆದ್ಯಂ ದಶಮೂಲಂ ದ್ವೇ ಪಞ್ಚಮೂಲೇ ಬಿಲ್ವಾದಿ ಮಹತ್ ಬೃಹತ್ಯಾದಿ ಚ ಲಘು ಏತದ್ದಶಕಂ ಶೋಫಮ್ ಶಮಯತಿ||೭||
Adhikarana shoNitAsthApanagaNaH (2) · Śloka 2
ಮಧುಮಧುಕಲಾಜಗೈರಿಕಫಲಿನಮೋಚರಸಮೃತ್ಕಪಾಲಾನಿ| ಸಮ್ಸ್ಥಾಪಯನ್ತಿ ರುಧಿರಂ ಚ ಸಶರ್ಕರಂ ಲೋಧ್ರಮ್|೨|
मधुमधुकलाजगैरिकफलिनमोचरसमृत्कपालानि| सम्स्थापयन्ति रुधिरं च सशर्करं लोध्रम्|२|
🔊 Audio coming soon
Adhikarana vedanAsthApanagaNaH (2) · Śloka 2
ಶಿಲೈಲವಾಲುಕಟ್ಫಲಮೋಚರಸಾಶೋಕಪದ್ಮಕಶಿರೀಷಮ್| ಸ್ಥಾಪಯತಿ ವೇದನಾಮಥಮಹತುಙ್ಗಕದಮ್ಬವಿದುಲಂ ಚ|೨|
शिलैलवालुकट्फलमोचरसाशोकपद्मकशिरीषम्| स्थापयति वेदनामथमहतुङ्गकदम्बविदुलं च|२|
🔊 Audio coming soon
Adhikarana saMj~jAsthApanagaNaH (2) · Śloka 2
ಕೈಡರ್ಯಹಿಙ್ಗುಚೋರಕಪಲಙ್ಕಷಾಽಶೋಕರೋಹಿಣಿವಯಸ್ಥಾಃ| ಪೂತ್ಯರಿಮೇದೋ ಜಟಿಲಾಗೋಲೋಮಿವಚಾಶ್ಚ ಸಂಜ್ಞಾದಾಃ|೨|
कैडर्यहिङ्गुचोरकपलङ्कषाऽशोकरोहिणिवयस्थाः| पूत्यरिमेदो जटिलागोलोमिवचाश्च संज्ञादाः|२|
🔊 Audio coming soon
Adhikarana garbhasthApanagaNaH (2) · Śloka 2
ಏನ್ದ್ರೀ ದೂರ್ವಾಮಾಘಾವಿಷ್ವಕ್ಸೇನಾವ್ಯಥಾ ಶಿವಾರಿಷ್ಟಾ| ಬ್ರಾಹ್ಮೀ ಸವಾಟ್ಯಪುಷ್ಪೀ ಶತವೀರ್ಯಾ ಸ್ಥಾಪಯೇದ್ ಗರ್ಭಮ್||೨||
एन्द्री दूर्वामाघाविष्वक्सेनाव्यथा शिवारिष्टा| ब्राह्मी सवाट्यपुष्पी शतवीर्या स्थापयेद् गर्भम्||२||
🔊 Audio coming soon
Adhikarana vayaH sthApanagaNaH (8) · Śloka 8
ಅಮೃತಾ ಪಥ್ಯಾ ಧಾತ್ರೀ ಜೀವನ್ತೀ ಶ್ರೇಯಸೀ ಸ್ಥಿರಾ ಯುಕ್ತಾ| ಮಣ್ಡೂಕಪರ್ಣ್ಯತಿರಸಾ ಸ್ಥಾಪಯತಿ ಪುನರ್ನವಾ ಚ ವಯಃ||೮||
अमृता पथ्या धात्री जीवन्ती श्रेयसी स्थिरा युक्ता| मण्डूकपर्ण्यतिरसा स्थापयति पुनर्नवा च वयः||८||
🔊 Audio coming soon
ಮಧುಮಧುಕಾದೀನಿ ನವಾನಿ ಪ್ರಾಣಿರುಧಿರಂ ಚ ಪುರುಷಸ್ಯ ರುಧಿರವೃದ್ಧಿಸ್ಥಿರ್ಯಕರಮ್| ವೇದನಾಯಾಶ್ಚಿಚ್ಛಕ್ತೇಃ ಸನ್ತರ್ಪಕಂ ವೇದನಾಸ್ಥಾಪನಮ್| ಅನ್ಯತ್ರ ಸ್ಥಾಪನಂ ಸ್ಥೈರ್ಯಕರಮ್||೮||
Adhikarana upasaMhAraH (9-10) · Śloka 10
ಇತಿ ನಾನಾವಿಧವ್ಯಾಧಿವಿಘಾತಾರ್ಥಮುದಾಹೃತಾಃ| ಯೋಗಾ ರೋಗಾತುರವಶಾತ್ಕಲ್ಪಯೇತ್ತಾನ್ ಯಥಾಯಥಮ್||೯|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತೌ ಅಷ್ಟಾಙ್ಗಸಂಗ್ರಹಸಂಹಿತಾಯಾಂ ಸೂತ್ರಸ್ಥಾನೇ ಮಹಾಕಷಾಯಸಂಗ್ರಹೋ ನಾಮ ಪಞ್ಚದಶೋಽಧ್ಯಾಯಃ||೧೦||
इति नानाविधव्याधिविघातार्थमुदाहृताः| योगा रोगातुरवशात्कल्पयेत्तान् यथायथम्||९|| इति श्रीवैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां सूत्रस्थाने महाकषायसंग्रहो नाम पञ्चदशोऽध्यायः||१०||
🔊 Audio coming soon
ಇತ್ಯನೇನ ಪ್ರಕಾರೇಣ ನಾನಾವಿಧವ್ಯಾಧಿನಿರ್ಘಾತರ್ಥಂ ಪ್ರಯೋಗಾ ಉದಾಹೃತಾಃ| ತಾಂಸ್ತು ರೋಗಮಾತುರಂ ಚ ವಿಕಲ್ಪ್ಯ ಯಥಾಯಥಂ ನಾನಾವಿಧೈಃ ಪ್ರಯೋಗೈಃ ಪ್ರಕಲ್ಪಯೇತ್||೯|| ಇತಿ ಶ್ರೀಮನ್ಮಹಾಮಹೋಪಾಧ್ಯಾಯೇನ್ದುವಿರಚಿತಾಯಾಮ್ ಅಷ್ಟಾಙ್ಗಸಂಗ್ರಹವ್ಯಾಖ್ಯಾಯಾಂ ಶಶಿಲೇಖಾಯಾಂ ಸೂತ್ರಸ್ಥಾನೇ ಪಞ್ಚದಶೋಽಧ್ಯಾಯಃ