29. nasyavidhiḥ

Adhikarana atha nasyavidhirnAmaikonatriMsho&dhyAyaH pratij~jA (1) · Śloka 1

অথাতো নস্যবিধির্নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

ইহ হি দোষনির্হরণায বমনাদীনি কর্মাণ্যুক্তানি তানি চ শিরোগতান্ দোষাণ্ ন তথা নির্হর্তুং শক্নুবন্তি যথা নস্যম্ | নাসা যস্মাচ্ছিরসো দ্বারম্ | তযা চ প্রযুক্তমোউষধমাশ্বেবোত্তমাঙ্গাদ্ দোষমপকর্শত্যতস্তস্য বিধানপরিজ্ঞানার্থমধ্যাযারম্ভঃ- অথাত ইত্যাদি || ১ ||

Adhikarana nasyanirvacanaM paryAyAshca (2) · Śloka 2

নাসাযাং প্রণীযমানমোউষধং নস্যম্| নাবনং নস্যকর্মেতি চ সংজ্ঞাং লভতে||২||

নাসাযামিত্যাদিনা নস্যসংজ্ঞাযা অন্বর্থকথনম্ | নাসযা শিরসি প্রণীযমানমোউষধং নস্যসংজ্ঞাং লভতে || ২ ||

Adhikarana nasyasyordhvajannuvikAreShu kArmukatvam (3) · Śloka 3

নাসা হি শিরসো দ্বারম্| তত্রাবসেচিতমোউষধং স্রোতঃ- শৃঙ্গাটকং প্রাপ্য ব্যাপ্য চ মূর্ধানং নেত্রশ্রোত্রকণ্ঠাদি- সিরামুখানি চ মুঞ্জাদিষীকামবিসক্তামূর্ধ্বজত্রুগতাং বৈকারিকীমশেষামাশু দোষসংহতিমুত্তমাঙ্গাদপকর্ষতি||৩||

স্রোতঃশৃঙ্গাটকং শিরসো&অম্প্;ন্তর্মধ্যং প্রাপ্য ব্যাপ্য চ মূর্ধানং নেত্রাদীনি চোত্তমাঙ্গাদূর্ধ্বগতাং বিবিধবিকারহেতুং দোষসংহতিমপকর্ষতি | যথান্যঃ কশ্ছিন্মুঞ্জাত্তৃণবিশেষাদিষীকাং দর্ভশলাকামপকর্ষতি | সা হীষিকা মুঞ্জে তদঙ্গত্বাদতিসুলগ্না ভবতীতি দৃষ্টান্তপ্রযোজনম্ | অক্ষকাখ্যোরস্থ্নোঃ সন্ধির্জত্রুর্নাম মর্ম || ৩ ||

Adhikarana nasyaBedAH (4) · Śloka 4

তত্তু ত্রিবিধং বিরেচনং বৃংহণং শমনং চ||৪||

তচ্চ নস্যং বিরেচনাদিভেদেন ত্রিবিধম্ | নামভিরেব প্রধানো&অম্প্;র্থো ব্যাখ্যাতঃ || ৪ ||

Adhikarana virecananasyArhAH virecananasyadravyAdi ca (5) · Śloka 5

তেষাং বিরেচনং জত্রূর্ধ্বগোউরবশোফোপদেহকণ্ডূস্তম্ভাভি- ষ্যন্দপাকপ্রসেকবৈরস্যারোচকস্বরভেদক্রিমিপ্রতিশ্যাযা- পস্মারগন্ধাজ্ঞানগ্রন্থ্যর্বুদদদ্রুকোঠাদিষু শ্লেষ্মজেষু তীক্ষ্ণেন স্নেহেন শিরোবিরেচনদ্রব্যৈর্বা সিদ্ধেন তেষাং বা ক্বাথচূর্ণ- স্বরসৈস্তৈরেব বা যথার্হদ্রবশ্লক্ষ্ণকল্কিতালোডিতৈর্মধু- সৈন্ধবাসবপিত্তমূত্রৈর্যথাস্বঞ্চোপদিষ্টৈর্যোজ্যম্||৫||

তত্র বিরেচনং নাম নস্যং শ্লেষ্মজেষু জত্রূর্ধ্বগোউরবাদিষু দেযম্ | কেনোউষধেনেত্যুচ্যতে-তীক্ষ্ণেনেত্যাদি | তীক্ষ্ণেন সার্ষপাদিনা স্নেহেন শিরোবিরেচনদ্রব্যৈর্বা সিদ্ধেন স্নেহেন তেষামেব শিরোবিরেচনানাং ক্বাথাদিভিঃ তৈরেব বা শিরোবিরেচনদ্রব্যৈর্যথার্হেণ মদ্যাদ্যন্যতমেন দ্রবেনালোডিতৈর্যথাস্বং যথোক্তেষু চ ব্যাধিষু স্বপ্রকরণেষূপদিষ্টৈরোউষধৈঃ || ৫ ||

Adhikarana adhikAraBedena snehAdikalpanABedaH (6) · Śloka 6

তত্র ভীতক্লীবকৃশসুকুমারেষু স্নেহঃ| গলরোগসন্নি- পাতজ্বরাতিনিদ্রামনোবিকারক্রিমিবিষাভিপন্নাভিষ্য- ণ্ণসর্পদষ্টবিসংজ্ঞেষু শেষাঃ| তেষ্বেব ভূযসি দোষে শীঘ্র- কারিণি চ চূর্ণঃ| স হি নিহিতনাসাগ্রআবেগকরতরো ভবতি||৬||

তত্র ভীতাদিষু যথোক্তে ব্যাধোউ স্নেহবিরেচনং দেযম্ | গলরোগাদিষু সেহ্ষাঃ ক্বাথাদযঃ | তেষ্বেব গলরোগাদিষু প্রভূতে শীঘ্রকারিণি দোষে চূর্ণস্য বিশেষ ইতি বিরেচনং নস্যম্ || ৬ ||

Adhikarana bRuMhaNanasyArhA vyAdhayaH dravyANi ca (7) · Śloka 7

বৃংহণং সূর্যাবর্তার্ধাবভেদককৃমিশিরোরোগাক্ষিসঙ্কোচস্প- ন্দতিমিরকৃচ্ছ্রাববোধদন্তকর্ণশূলনাদনাসামুখশোষ- বাক্যসঙ্গস্বরোপঘাতমন্যারোগাপতানকাপবাহুকনিদ্রা- নাশাদিষ্বনিলোত্থেষু স্নিগ্ধমধুরদ্রব্যৈস্তত্সিদ্ধৈর্যথাযথ- ঞ্চোপদিষ্টৈঃ স্নেহৈর্নির্যাসৈর্ধন্বমাংসরসরক্তৈশ্ছ||৭||

বৃংহণং তু সূর্যাবর্তাদিষু বাতপ্রধানেষু স্নিগ্ধমধুরাদিভির্দ্রব্যৈর্যোজ্যম্ | নির্যাসো যো বৃক্ষাত্ পরিস্রুত্য নিস্সরতি খপুরাদিঃ ||৭||

Adhikarana shamanasyArhA vyAdhayaH dravyaBedashcha dravyAdi ca (8) · Śloka 8

শমনমকালবলীপলিতখলতিদারুণকরক্তরাজীব্যঙ্গনী- লিকারক্তপিত্তাদিষু যথাস্বমুপদিষ্টৈঃ স্নেহৈর্ভেষজস্বর- সাদিভিঃ ক্ষীরোদকাভ্যাং বা সমদোষে বাণুতৈলেনেতি||৮||

শমনং পুনরকালপলিতাদিষু যথাস্বপ্রকরণোক্তৈঃ স্নেহৈঃ স্বর সাদিভিশ্ছ | সমদোষে পুরুষে বক্ষ্যমাণেনাণুতৈলেন || ৮ ||

Adhikarana snehanasyasya dvaividhyamavapIDAdivivaraNa~jca (9) · Śloka 9

তত্র স্নেহো মাত্রাভেদাদ্ দ্বিধা-মর্শঃ প্রতিমর্শশ্ছ| বিরে- চনঃ শমনো বা নাসযা প্রণীযমানঃ কল্কো&অম্প্;বপীডসংজ্ঞো বিরেচনচূর্ণস্য প্রধমনাখ্যঃ| পরিশেষং তু নাবনমব- পীডকসংজ্ঞম্| কল্কীকৃতাদোউষধাদবপীডিতঃ স্রুতো রসো- &অম্প্;বপীড ইত্যপরেষাম্| তত্র পুনস্তীক্ষ্ণে বৈশেষিকী শিরো- বিরেচনসংজ্ঞা| তথান্যে সর্বমেব বিরেচনং নস্যমিত্যাহুঃ| সদ্যঃ শ্লেষ্মবিরেচনসামান্যাত্||৯||

তত্র স্নেহো মাত্রাদ্বৈবিধ্যাদ্ দ্বিধা মর্শঃ প্রতিমর্শশ্ছ | চূর্ণস্য প্রধমনং পর্যাযঃ | শেষং ক্বাথাদিকমবপীডকমুচ্যতে | অপরেষামাচার্যাণাং কল্ক এবাবপীডকমবপীড্য দানাত্ | যদ্যপি সর্বং নস্যং শ্লেষ্মরেচনসামান্যাদ্বিরেচনং তথাপি তীক্ষ্ণে নস্যে বিরেচনসংজ্ঞা বৈশেষিকী অদ্বিতীযা অসাধারণা || ৯ ||

Adhikarana aNutailANuGRute (10) · Śloka 10

অথাণুতৈলস্য বিধানমুচ্যতে| অণুতৈলবিধানং তু মঞ্জি- ষ্ঠামধুকপ্রপোউণ্ডরীকজীবকর্ষভককালোলীদ্বযপযস্যা- সারিবানন্তানীলোত্পলাঞ্জনরাস্নাবিডঙ্গতণ্ডুলমধুপর্ণী- শ্রাবণীমেদাকাকনাসাসরলসালভদ্রদারুচন্দনৈঃ সুপি- ষ্টৈরষ্টগুণং ষড্গুণেন পযসা তৈলং পচেত্| ঘৃতং ব পিত্তো- ল্বণেষু দোষেষু||১০||

মঞ্জিষ্ঠাদীন্ সমভাগাত্সুপিষ্টান্ কারযেত্ | একীকৃত্য চ তাংস্তুলযা পরিচ্ছিদ্য ততো&অম্প্;ষ্টগুণং তৈলং তৈলাদ্ ষডগুণং ক্ষীরমোউষধেন সম্মিশ্র্য বিপচেত্ | অত্রাপঠিতমাচার্যাঃ সামান্যেনোউষধরসনির্হরণায স্নেহাচ্চতুর্গুণং তোযমিচ্ছন্তি | দ্বিগুণং ত্বত্র ন্যায্যম্ | স্নেহস্য কল্কাদষ্টগুণত্বাত্ | অথবা পিত্তোল্বণেষু দোষেষ্বনেনৈব বিধানেন তৈলবদ্ ঘৃতং বিপচেদিত্যণুতৈলাণুঘৃতে || ১০ ||

Adhikarana dvitIyamaNutailam (11) · Śloka 11

অথবা চন্দনাগরুপত্রদার্বীত্বঙ্মধুকবলাদ্বযবিল্বোত্প- লপদ্মকেসরপ্রপৌণ্ডরীকবিডঙ্গোশীরহ্নীবেরবন্যত্বঙ্মুস্তা- সারিবাবৃহতীদ্বযাংশুমতীদ্বযজীবন্তীদেবদারুসুরভিশতা- বরীঃ শতগুণে দিব্যেঽম্ভসি দশভাগাবশিষ্টং ক্বা থযেত্| ততস্তস্য ক্বাথস্য দশমাংশেন সমাংশং তৈলং সাধযেত্| দশমে চাত্র পাকে তৈলতুল্যমাজমপি পযো দদ্যাত্| এতদয্যণুতৈলং পুর্বস্মাদ্বিশেষেণেন্দ্রিযদার্ঢ্যকরং কেশ্যং ত্বচ্যং কণ্ঠ্যং প্রীণনং বৃংহণং দোষত্রযঘ্নং চ||১১||

দ্বিতীযমণুতৈলমথবেত্যাদীনা | চন্দনাদীনি সমান্যেকীকৃত্য পরিচ্ছিদ্য ততঃ শতগুণে দিব্যজলে ক্বাথযেত্ যাবত্ ক্বাথো দশভাগশেষঃ | ততশ্চ ক্বাথাদ্দশাংশাঃ সমাঃ কার্যাঃ | তত্রৈকেনাংশেন সমং তৈলং তেনৈব সহ পচেত্ তত্পক্বং পুনর্দ্বিতীযেন পচেত্ | তত্ পুনস্তৃতীযেন যাবন্নব পাকাঃ | দশমে তু পাকে তৈলতুল্যমাজং পযো দেযমেতদ্ দ্বিতীযমণুতৈলম্ | সুবোধমন্যত্ ||১১||

Adhikarana nasyAnarhAstatra kAraNAni ca (12) · Śloka 12

অনস্যার্হাস্তু ভুক্তভক্তস্নেহমদ্যগরতোযপীতপাতুকাম- শিরঃস্নাতস্নাতুকামসিরাদিব্যধস্রুতরক্তমূত্রিতোচ্চরিতা- ভিহতকৃতবমনবিরেকবস্তিকর্মগর্ভিণীসূতিকানবপ্রতি- শ্যাযশ্বাসকাসিনোঽনার্তবদুর্দিনেষ্বপি| তত্র ভুক্তভক্তস্য নস্যেরিতো দোষঊর্ধ্বস্রোতাংস্যাবৃত্য ছর্দিশ্বাসকাসপ্রতি- শ্যাযান্ জনযেত্| স্নেহাদিপীতপাতুকামানামক্ষিনাসা- স্যস্যন্দোপহতিতিমিরশিরোরোগান্| শিরঃস্নাতস্য শিরো- ঽক্ষিকর্ণশূলকণ্ঠরোগপীনসহনুমন্যাস্তম্ভার্দিতশিরঃ- কম্পান্| স্নাতুকামস্য মূর্ধস্তৈমিত্যজাড্যারুচিপীন- সান্| স্রুতরক্তস্য ক্ষামতামরুচিমগ্নিসাদঞ্চ| মূত্রিতো- চ্চারিতযোর্ভৃশতরং বেগধারণজান্ বিকারান্| অভিহত- স্য তীব্রতরাং রুজম্| কৃতবমনাদীনাং শ্বাসকাসস্বরে- ন্দ্রিযহানিশিরোগৌরবকণ্ডূকৃমিদোষান্| গর্ভিণ্যা ভক্ত- দ্বেষজ্বরমূর্চ্ছার্ধাবভেদকাঃ স্যুরপত্যঞ্চ ব্যঙ্গং বিক- লেন্দ্রিযমুন্মাদাপস্মারযুক্তং বা| সূতিকাযাঃ স্রুতরক্তো- ক্তান্ দোষান্| নবপ্রতিশ্যাযস্য স্রোতোরোধাদ্ দুষ্টপ্রতি- শ্যাযকেশশাতকৃমিকণ্ডূবিচর্চিকাঃ| শ্বাসকাসিনো- র্ব্যাধিবৃদ্ধিঃ| অকালে দুর্দিনে সহসৈব শৈত্যাচ্ছিরোরু- গ্বেপথুস্তৈমিত্যতালুনেত্রকণ্ডূপাকমন্যাস্তম্ভকণ্ঠরোগ- প্রতিশ্যাযারূংষিকাঃ||১২||

অনস্যার্হা ইত্যাদি | ভুক্তভক্তাদযোঽস্য নস্যস্যানর্হাঃ | স্নাতুকামশব্দেন নস্যে দত্তে স্নানপ্রতিষেধমাহ | তদ্বত্ পাতুকামশব্দেন | কৃতং বমনাদি যস্মিন্ তদ্দিবসম্ দুর্দিনে ন কস্যচিদ্ নস্যং যোজ্যম্ | দুর্দিন ইতি যদ্যপি সামান্যেনোক্তং তথাপ্যকালদুর্দিন ইতি বিজ্ঞেযম্ | শীতে বর্ষাসু চ কালনিযমস্য বক্ষ্যমাণত্বাত্ | সূতিকাযাঃ স্রুতরক্তোক্তান্ দোষাণ্ ক্ষামতারুচ্যাদীন্ || ১২ ||

Adhikarana nasyAnarhANAM nasyaprayogAjjAteShUpadraveShu pratIkAraH (13) · Śloka 13

তেষু যথাস্বমাযতনং দোষোদ্রেকং চাপেক্ষ্য স্নেহস্বেদশিরো- বক্ত্রলেপসেকতীক্ষ্ণাবপীডধূমগণ্ডূষাদীনাচরেত্| বিশে- ষেণ তু গর্ভিণী রূক্ষে নস্যকর্মণি বর্ষাভূকাকোলীক- পিকচ্ছুভিঃ শৃতং পযঃ পিবেত্| বলাবিদার্যংশুমতী- মেদাভির্বা| এভিরেব চ শৃতং হবিঃ| বাতহরশ্চ সিদ্ধঃ স্নেহঃ শিরোবস্তৌ কর্ণপূরণে চ যোজ্যঃ| সর্বঞ্চ বৃংহণ- মন্নপানম্| ভুক্তভক্তাদিষ্বপি চাত্যযিকব্যাধ্যাতুরম- পেক্ষেত||১৩||

তেষাং চ নস্যরোগাণাং যথাস্বং যথাত্মীযমাযতনং নিদানদোষাদিকং চাপেক্ষ্য স্নেহাদীনাচরেত্ | বিশেষেণ তু গর্ভিণীত্যাদি সুবোধম্ || ১৩ ||

Adhikarana marshanasyapramANam (14) · Śloka 14

মর্শপ্রমাণং তু প্রদেশিন্যঙ্গুলীপর্বদ্বযান্নিমগ্নোদ্ধৃতাদ্যাবত্প- ততি স বিন্দুঃ| অমী দশাষ্টৌ ষড্বিন্দব উত্তমমধ্য- মকনীযস্যো মাত্রাঃ| ক্বাথাদীনামষ্টৌ ষট্ চত্বারঃ| প্রধমনস্য তু ষডঙ্গুলদ্বিমুখযা নাড্যা মুখানিলেরিত- স্যাকণ্ঠগতের্দোষানুরোধতশ্চ পুনঃ পুনর্যোজনমিতি||১৪||

মর্শপ্রমাণং দশ স্নেহবিন্দব উত্তমমাত্রা | অষ্টৌ মধ্যমা | ষট্ কনীযসী | বিন্দুরিতি কিমুচ্যত ইত্যাহ-প্রদেশিনীত্যাদি | সুবোধম্ | ক্বাথাদীনামষ্টৌ ষট্ চত্বারশ্চ বিন্দবো যথাসঙ্খ্যেন উত্তমমধ্যমকনীযস্যো মাত্রাঃ | প্রধমনস্য চূর্ণস্য মাত্রা ষডঙ্গুলদ্বিমুখযা নাড্যা নাসাযাং বৈদ্যমুখানিলপ্রেরিতং চূর্ণং যাবত্ কণ্ঠপ্রদেশং প্রাপ্নোতি | দোষপারতন্ত্র্যেণ পুনঃপুনর্যোজনম্ || ১৪ ||

Adhikarana nasyavidhiH (15) · Śloka 15

অথ নস্যার্হং নরমব্যাহতবেগং ধৌতান্তর্বহির্মুখং স্নিগ্ধ- স্বিন্নশিরসং নাতিক্ষুধিতং প্রাযোগিকধূমপানবিশুদ্ধস্রোতসং স্বাস্তীর্ণনিবাতশযনস্থমুত্তানশির্ষমীষদুন্নতপাদং প্রসা- রিতকরচরণং জত্রূর্ধ্বং পাণিতাপেন পুনঃ পুনঃ স্বেদযেত্| ততঃ কনকরজততাম্রান্যতমশুক্তিস্থিতং প্রদেযমৌষধত্রি- ভাগমুষ্ণাম্বুপ্রতপ্তং কিঞ্চিত্ প্রলম্বিতশিরসো বামহস্তা- ঙ্গুষ্ঠকনিষ্ঠিকাভ্যামাক্রম্য নযনপ্রচ্ছাদনং চতুর্গুণং বাসো মধ্যমযা নাসাগ্রমুন্নময্য প্রদেশিন্যনামিকাভ্যং চৈকৈকং নাসাপুটং পর্যাযেণ পিধাযেতরস্মিন্ নাসাস্রোতসি দক্ষিণ- হস্তেন প্রনাড্যা পিচুনা বানবচ্ছিন্নমাসিঞ্চেত্||১৫||

অথ নস্যেত্যাদি সুবোধম্ | প্রাযোগিকো ধূমো বক্ষ্যমাণলক্ষণঃ | তেন বিশুদ্ধিঃ স্রোতসাম্ | প্রদেযাদৌষধান্মাত্রাভেদেনোক্তাত্ ত্রিভাগমুষ্ণাম্বুপ্রতপ্তং কুর্যাত্ | ততো দ্বিতীযো ভাগঃ, ততস্তৃতীযঃ | অন্যথা শীতীভবতি | পর্যাযেণেতি | যদা বামং পিহিতং তদা দক্ষিণে যদা দক্ষিণং পিহিতং তদা বাম ইতি | ইতরস্মিন্নিত্যপিহিতে | পিচুঃ কার্পাসস্তোকঃ || ১৫ ||

Adhikarana doShAnusAraM vyAdhyAdyanusAra~jca nasyakAlAH (16) · Śloka 16

বাতপিত্তকফামযেশু ক্রমেণাপরাহ্ণমধ্যাহ্নপূর্বাহ্ণেষু| লা- লাস্রাবসুপ্তপ্রলাপদন্তকটকটাযনক্রথনকৃচ্ছ্রোন্মীলন- পূতিমুখকর্ণনাদতৃষ্ণার্দিতশিরোরোগশ্বাসকাসোন্নিদ্রেষু রাত্রৌ| স্বস্থবৃত্তে তু শীতে মধ্যাহ্নে শরদ্বসন্তযোঃ প্রাহ্ণে গ্রীষ্মে- ঽপরাহ্ণে বর্ষাস্বাদিত্যদর্শনে পঞ্চকর্মাণ্যাচরতো বস্তি- কর্মোত্তরকালমেব||১৬||

বাতাদিষু যথাসঙ্খ্যেনাপরাহ্ণাদিষু কালেষু নস্যমাচরেত্ | লালাস্রাবাদিষু রাত্রৌ | স্বস্থবৃত্তে তু শীতে হেমন্তশিশিরযোর্মধ্যাহ্ন এব | শরদি বসন্তে চ পূর্বাহ্ণ এব | গ্রীষ্মেঽপরাহ্ণে সাযঙ্কালে | বর্ষাসু তু যদৈবাদিত্যদর্শনম্ | পঞ্চকর্মাঙ্গত্বে বস্ত্যুত্তরকালমেব || ১৬ ||

Adhikarana hInatvAdiyuktanasyaniShedhastatra hetushca (10) · Śloka 10

ন চ হীনাধিকং সকৃদেব সর্বমত্যুষ্ণশীতমত্যুন্নতাবন- তশিরসে সঙ্কুচিতগাত্রাবযবায দেযম্| তত্র হীনং দোষ- মুত্ক্লেশ্য ন নির্হরেত্| গৌরবারুচিকাসপ্রসেকপীনসচ্ছ- র্দিকণ্ঠরোগান্ কুর্যাত্| অধিকমতিযোগদোষান্| সকৃ- দেব সর্বং দত্তমুত্স্নেহনশিরোরোগপ্রতিশ্যাযঘ্ড়ানক্লেদানুচ্ছ্- বাসোপরোধঞ্চ| অত্যুষ্ণং দাহপাকজ্বররক্তাগমশিরোরু- গ্দৃষ্টিদৌর্বল্যমূর্চ্ছাভ্রমান্| অতিশীতং হীনদোষান্| অত্যু- ন্নতশিরসোঽপি সম্যক্ শিরোঽপ্রতিপদ্যমানং তানেব| অত্যবনতশিরসোঽতিদূরগমনান্মূর্চ্ছাজাড্যকণ্ডূদাহ- জ্বরান্| সঙ্কুচিতগাত্রস্য সম্যগ্ধমনীরব্যাপ্নুবদ্দোষো- ত্কেল্শং বেদনাং স্তম্ভং বা||১০||

Adhikarana nasyamUrcCAyAM pratIkAraH (1) · Śloka 1

যদি চ নস্যে দীযমানে ভেষজবেগাদসাত্ম্যতযা বা মূর্চ্ছা স্যাত্ ততঃ শোরোবর্জং শীতাম্ভসা সিঞ্চেত্||১||

Adhikarana nasyasevanasamaye varjanIyantatra hetushca (17) · Śloka 2

ন চ নস্যে নিষিচ্যমানে কোপহাস্যব্যাহারস্পন্দনোচ্ছিঙ্খ- নান্যাচরেত্| তথা হি শিরোরুক্প্রতিশ্যাযকাসতিমির- খলতিপলিতব্যঙ্গতিলকালকমূকদূষিকাণাং সম্ভবঃ||২||

ন চ হীনত্বাদিযুক্তং নস্যং যোজযেত্ | অতিযোগদোষা অত্রৈববক্ষ্যমাণাঃ | উত্স্নেহনং কণ্ঠস্রোতস্যন্যনাডীগমনম্ | হীনযোগদোষা দোষমুত্ক্লেশ্যানির্হরন্নিত্যাদিনোক্তাঃ | তস্মান্নাতিশীতং কুর্যাত্ | সুবোধম্ || ১৭ ||

Adhikarana nasyadAnottarakRutyam (18) · Śloka 18

দত্তমাত্রে তু নস্যে কর্ণললাটকেশভূমিগণ্ডমন্যাস্ক- ন্ধপাণিপাদতলান্যনুসুখং মর্দযেত্| শনৈশ্চোচ্ছিঙ্খেত্| অন- ভ্যবহরংশ্চ বামদক্ষিণপার্শ্বযোরৌষধং নিষ্ঠীবেত্| সকলং হি তদভ্যবহৃতমগ্নিমবসাদযেত্| দোষং চ সংবর্ধযেত্| একপার্শ্বনিষ্ঠীবনেন সর্বাঃ সিরা ভেষজেন সম্যগ্ব্যাপ্যন্তে| পুনঃ পুনশ্চৈনং স্বেদযেদাভেষজদর্শনান্নোছিঙ্খন্নিষ্ঠীবেচ্চ| ততশ্চৈবমেব দ্বিতীযমংশমনুষেচযেত্তথা তৃতীযং দোষাদিবলেন বা| বিরেচনে ত্ববপীডে দোষবলমপেক্ষ্য পশ্চাত্ স্নেহমনু- ষেচযেত্| নিবৃত্তনস্যং চৈবমুন্নিদ্রমুত্তানং বাক্শতমাত্রং শায- যেত্| ততঃ পুনরপ্যুত্ক্লিষ্টদোষশেষোপশান্তযে বৈরেচনিকং যথার্হং বা ধূমং পাযযিত্বোষ্ণোদকগণ্ডূষান্ ধারযেত্| অথাস্য স্নেহোক্তমাচারমাদিশেত্| অতিদ্রবপানঞ্চ বর্জযেত্| পুনশ্চ তৃতীযেঽহনি নস্যমবসেচযেত্| হিধ্মাস্বরোপঘাত- মন্যাস্তম্ভাপতানকেষু শিরসি চানিলার্ত্যাদ্যভিভূতে প্রত্যহং সাযম্প্রাতরুভযকালং বা| অনেন বিধিনা পঞ্চ সপ্ত নব বা দিনানি দদ্যাদাসম্যগ্যোগাদ্বা||১৮||

দত্তমাত্রে নস্যে কর্ণাদীনি সুখং মর্দযেত্ | সুবোধম্ | দোষাদিবলাপেক্ষযা দ্বিতীযতৃতীযাবংশৌ সেচযেন্ন বা | অনেনানুমানাত্ কল্পিতাযা অপি মাত্রাযা দোষাদ্যপেক্ষপ্রযোগ উক্তঃ | সুবোধম্ | হিধ্মাদিষু দোষাদ্যপেক্ষযা প্রত্যহমেকবারং সাযং প্রাতর্বা নস্যমবসেচযেত্ | আসম্যগ্যোগলক্ষণোত্পত্তেঃ || ১৮ ||

Adhikarana nasyasamyagyogAyogAtiyogalakShaNAni (19) · Śloka 19

তত্র সম্যক্ স্নিগ্ধে মূর্ধনি বিরিক্তে বা সুখোচ্ছ্বাসনি- শ্বাসক্ষবথুস্বপ্নপ্রবোধশিরোবেদনেন্দ্রিযবিশুদ্ধযো ভবন্তি| যথোক্তব্যাধ্যুপশমশ্চ| অযোগাতিযোগযোস্তু যথাস্বং বাতকফবিকারাস্তান্যথা স্বমেব সাধযেত্| অন্যাংশ্চ পূর্বোক্তান্ বিকারান্||১৯||

তত্র নস্যে সম্যক্ স্নিগ্ধস্য শিরোবিরিক্তস্য চ সুখোচ্ছ্বাসাদযো ভবন্তি | তত্সাধ্যানাং ব্যাধীনাং চোপশম ইতি সম্যগ্যোগঃ | অযোগেঽতিযোগে চ যথাস্বং বাতকফবিকারাঃ | তত্র স্নেহস্যাযোগে বাতবিকারাঃ | অতিযোগে কফবিকারাঃ | বিরেচনস্যাযোগে কফবিকারাঃ | অতিযোগে বাতবিকারা ইতি যথাস্বশব্দার্থঃ || ১৯ ||

Adhikarana pratimarshArhAnarhAshca (20) · Śloka 20

প্রতিমর্শস্তু ক্ষামক্ষততৃষ্ণামুখশোষবৃদ্ধবালভীরুসুকু- মারেষ্বপ্যকালবর্ষদুর্দিনেষ্বপি চ যোজ্যঃ| ন তু দুষ্ট- প্রতিশ্যাযবহুদোষক্রিমিণশিরোমদ্যপিতদুর্বলশ্রোত্রেষু| এষাং হ্যুদীর্ণদোষত্বাত্ তাবতা দোষোত্ক্লেশো ভবতি||২০||

প্রতিমর্শঃ পুনঃ ক্ষামাদীনাং যোজ্যঃ | দুষ্টপ্রতিশ্যাযাদিষু বর্জ্যঃ || ২০ ||

Adhikarana pratimarshasya pa~jcadashakAlA teShu nasyadAnaguNAshca (21) · Śloka 21

তস্য পঞ্চদশকালস্তেষং চ গুণাঃ| প্রাতর্দত্তে ভুক্ত- বতশ্চান্তে স্রোতোবিশুদ্ধিঃ শিরোলাঘবং মনঃপ্রসাদশ্চ ভবতি| বিণ্মূত্রশিরোঽভ্যঙ্গাঞ্জনকবলান্তে দৃষ্টিপ্রসাদঃ| দন্তধাবনান্তে দন্তদৃঢতা সৌগন্ধ্যঞ্চ| অধ্বব্যাযামব্য- বাযান্তে শ্রমক্লমস্বেদস্তম্ভনাশঃ| দিবাস্বপ্নান্তে নিদ্রা- শেষগৌরবপ্রণাশো মনঃপ্রসাদশ্চ| অতিহসিতান্তেঽনি- লপ্রশমঃ| ছর্দিতান্তে স্রোতোলীনলেষ্মব্যপোহঃ| দিনান্তে স্রোতোবিশুদ্ধিঃ সুখনিদ্রাপ্রবোধশ্চ ভবতি||২১||

তস্য পঞ্চদশ কালাঃ প্রত্যেকং কালেষু চ গুণাঃ প্রাতরিত্যাদিনোচ্যন্তে | প্রাতরিতি কালঃ | স্রোতোবিশুদ্ধিরিতি গুণঃ | তদ্বত্ ভক্তান্তে | এবং কালো গুণশ্চ সর্বত্র বাচ্যঃ | অন্তশব্দস্য পীডাদিভিঃ পঞ্চভিঃ সম্বন্ধঃ | দ্বিতীযস্যান্তশব্দস্যাধ্বাদিভিস্ত্রিভিঃ | অন্যত্ সুবোধম্ || ২১ ||

Adhikarana pratimarshapramANam (3) · Śloka 3

ভবতি চাত্র- প্রমাণং প্রতিমর্শস্য বিন্দুদ্বিতযমিষ্যতে| বিন্দুর্বা যেন চোত্ক্লেশো নানুত্ক্লিষ্টস্য জাযতে| নিষ্ঠ্যূতে যত্র বা স্নেহো ন সাক্ষাদুপলক্ষ্যতে|৩|

Adhikarana nasyAdInAM visheSheNa niShedhaH (3) · Śloka 3

ন নস্যমূনসপ্তাব্দে নাতীতাশীতিবত্সরে| ন চোনাষ্টাদশে ধূমঃ কবলো নোনপঞ্চমে| ন শুদ্ধিরূনদশমে ন চাতিক্রান্তসপ্ততৌ|৩|

Adhikarana pratimarshaprashaMsA (3) · Śloka 3

আজন্মমরণং শস্তঃ প্রতিমর্শস্তু বস্তিবত্| মর্শবচ্চ গুণান্ কুর্যাত্ স হি নিত্যোপসেবনাত্| ন চাত্র যন্ত্রণা নাপি ব্যাপদ্ভ্যো মর্শবদ্ভযম্||৩||

Adhikarana nityanasyArthaM tailasya shraiShThyam (22) · Śloka 22

তৈলমেব চ নস্যার্থে নিত্যাভ্যাসেন শস্যতে| শিরসঃ শ্লেষ্মধামত্বাত্স্নেহাঃ স্বস্থস্য নেতরে||২২||

বিন্দুদ্বযোনানুত্ক্লেশনেন চৌষধাদর্শনেন চ প্রতিমর্শস্য লক্ষণত্রযম্ | কবলো বক্ষ্যমাণঃ | স চ প্রতিমর্শো নিত্যসেবনাচ্ছিরসো বস্তিসাদৃশ্যান্ মর্শসদৃশাংশ্চ গুণান্ করোতি | সুবোধম্ || ২২ ||

Adhikarana marshaprashaMsA (23) · Śloka 23

আশুকৃচ্চিরকারিত্বং গুণোত্কৃষ্টাবকৃষ্টতা| মর্শে চ প্রতিমর্শে চ ন বিশেষো ভবেদ্যদি| কো মর্শং সপরীহারং সাপদং চ ভজেত্ততঃ||২৩||

মর্শপ্রতিমর্শযোর্যদি বিশেষো ন স্যাত্ তত্ কোঽমূর্খঃ সপরীহারং সাপদঞ্চ মর্শমাতুরস্য বদেত্ | ননু মর্শস্য প্রতিমর্শাত্ কো বিশেষ ইত্যাহ-আশুকৃদিত্যাদিনা | যথাসঙ্খ্যেন মর্শপ্রতিমর্শযোর্বিশেষঃ || ২৩ ||

Adhikarana prasa~ggAcacCapAnAdInAM prashaMsA (24-25) · Śloka 25

অচ্ছাপানবিচারাখ্যা কুটীবাতাতপস্থিতী| অন্বাসমাত্রাবস্তী চ তদ্বদেব বিনির্দিশেত্||২৪|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে নস্যবিধির্নামৈকোনত্রিংশোঽধ্যাযঃ||২৫||

এবং প্রসঙ্গেনোচ্যতে | বিচারণাখ্যাত্ স্নেহাদচ্ছপেয আশু স্বকার্যং করোতি গুণোত্কৃষ্টশ্চ তদ্বদ্বাতাতপিকাদ্রসাযনাত্কুটীরসাযনং মাত্রাবস্তিতশ্চানুবাসনমিতি || ২৪ || ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং সূত্রস্থানে একোনত্রিংশোঽধ্যাযঃ