Adhikarana pratij~jA (1) · Śloka 1
অথাত ঋতুচর্যাং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथात ऋतुचर्यां नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
ইহ স্বস্থবৃত্তং প্রকৃতম্| তচ্চ পূর্বস্মিন্নধ্যাযে ঋতুসাধারণ্যেনোক্তম্| অতঃ ঋতুবিশেষপ্রদর্শনার্থমধ্যায আরভ্যতে- অথাত ইত্যাদি| পূর্ববত্|| ১||
Adhikarana kAlalakShaNam (2) · Śloka 2
কালো হি নাম ভগবাননাদিনিধনো যথোপচিতকর্মানুসারী যদনুরোধাদাদিত্যাদযঃ খাদযশ্চ মহাভূতবিশেষাস্তথা তথা বিপরিণমন্তো জন্মবতাং জন্মমরণস্যর্তুরসবীর্যদোষদেহবলব্যাপত্সম্পদাঞ্চ কারণত্বং প্রত্যযতাং প্রতিপদ্যন্তে||২||
कालो हि नाम भगवाननादिनिधनो यथोपचितकर्मानुसारी यदनुरोधादादित्यादयः खादयश्च महाभूतविशेषास्तथा तथा विपरिणमन्तो जन्मवतां जन्ममरणस्यर्तुरसवीर्यदोषदेहबलव्यापत्सम्पदाञ्च कारणत्वं प्रत्ययतां प्रतिपद्यन्ते||२||
🔊 Audio coming soon
ঋতুঃ কালবিভাগঃ, অত উচ্যতে- কালো হীতি| ন বিদ্যতে আদিনিধনে প্রারম্ভপরিসমাপ্তী চ যস্য স তথাবিধঃ| যথোপচিতকর্মানুসারী সর্বভূতানি চ পূর্বদেহোপচিতকর্মানুগুণ্যেনানুসরতীতি| উপচিতকর্মানুগুণ্যেন কর্মফলেষু নিমিত্তকারণতাং যাতীত্যর্থঃ| যদনুরোধেন যস্য কালস্যানুরোধেন নির্বাহেণাদিত্যাদিত্যাদযঃ আকাশাদযশ্চ পঞ্চমহাভূতবিশেষাঃ, তথা-তথা নানাবিধৈঃ প্রমাণজাতিসংস্থানবর্ণাদিবিশেষৈঃ, পরিণমন্তো জন্মবতাম্ভূতানাং জন্মনো মরণস্য চ প্রত্যযতাং কারণতাং, প্রতিপদ্যন্তে অঙ্গীকুর্বন্তি| একেনাঽদিশব্দেন গ্রহনক্ষত্রাদীনাং গ্রহণম্, দ্বিতীযেনানলপবনাদীনাং মহাভূতানাং তথা ঋতূনাং রসাদীনাঞ্চ যথাস্বং ব্যাপদঃ সম্পদশ্চ| তত্রাদিত্যাদযঃ পরিণমন্তো যদনুরোধাদ্যস্য নির্বাহাত্, কারণতাং প্রতিপদ্যন্তে স কালঃ| তথাহি ত এবাদিত্যাদযঃ প্রতাপাদিপরিত্যাগসঙ্গ্রহাদিনা ঋতুবিশেষান্ কুর্বন্তঃ কালানুরোধেন দৃশ্যন্তে| কালবিশেষেণ চ মহাভূতানাং কেনচিত্পরিণামেন কালকৃত এব| এতেন কালসদ্ভাবে প্রমাণমপ্যুক্তম্| যতো যোঽযং জগত্কারণাভিমতেষ্বাদিত্যখাদিষু সদৈব পরিনিষ্ঠতাত্মস্বতিশযেন কদাচিত্ কস্যচিদ্ভাবস্যাবির্ভাবো, কদাচিত্ কস্যচিত্তিরোভাবো ন চ তেষামেবাদিত্যাদীনামন্যথাভাবঃ| তত্রাবশ্যং নিমিত্তান্তরেণ ভবিতব্যম্| এবমন্যথানুপপত্ত্যা যত্তন্নিমিত্তান্তরমিতি স কালঃ ইতি|| ২||
Adhikarana kAlasya dvAdashabhedAH (3) · Śloka 3
স মাত্রাকাষ্ঠাকলানাডিকামুহূর্তযামাহোরাত্রপক্ষমাসর্ত্বযনবর্ষভেদেন দ্বাদশধা বিভজ্যতে||৩||
स मात्राकाष्ठाकलानाडिकामुहूर्तयामाहोरात्रपक्षमासर्त्वयनवर्षभेदेन द्वादशधा विभज्यते||३||
🔊 Audio coming soon
স চ কালো মাত্রাদির্ভির্ভেদৈঃ দ্বাদশভিঃ তন্ত্রব্যবহারার্থং বিভজ্যতে|| ৩||
Adhikarana mAtrAdInAM lakShaNAni (4) · Śloka 4
তত্রাক্ষিনিমেষো মাত্রা| তাঃ পঞ্চদশ কাষ্ঠা| তাঃ ত্রিংশত্ কলা| তাঃ সদশভাগা বিংশতির্নাডিকা| নাডিকাদ্বযং মুহূর্তশ্চ| তে তুল্যরাত্রিন্দিবে রাশিভাগে চত্বারঃ পাদোনো যামঃ| তৈশ্চতুর্ভিঃ অহোরাত্রিশ্চ| পঞ্চদশাহোরাত্রাঃ পক্ষঃ| পক্ষদ্বযং মাসঃ| স শুক্লান্তঃ| তৈর্মার্গশীর্ষাদিভির্দ্বিসঙ্খ্যৈঃ ক্রমাদ্ধেমন্তশিশিরবসন্তগ্রীষ্মবর্ষাশরদাখ্যাঃ ষডৃতবো ভবন্তি| তেষু শিশিরাদযস্ত্রযো রবেরুদগযনমাদানঞ্চ| শেষা দক্ষিণাযনং বিসর্গশ্চ| তাবাদানবিসর্গৌ বর্ষম্||৪||
तत्राक्षिनिमेषो मात्रा| ताः पञ्चदश काष्ठा| ताः त्रिंशत् कला| ताः सदशभागा विंशतिर्नाडिका| नाडिकाद्वयं मुहूर्तश्च| ते तुल्यरात्रिन्दिवे राशिभागे चत्वारः पादोनो यामः| तैश्चतुर्भिः अहोरात्रिश्च| पञ्चदशाहोरात्राः पक्षः| पक्षद्वयं मासः| स शुक्लान्तः| तैर्मार्गशीर्षादिभिर्द्विसङ्ख्यैः क्रमाद्धेमन्तशिशिरवसन्तग्रीष्मवर्षाशरदाख्याः षडृतवो भवन्ति| तेषु शिशिरादयस्त्रयो रवेरुदगयनमादानञ्च| शेषा दक्षिणायनं विसर्गश्च| तावादानविसर्गौ वर्षम्||४||
🔊 Audio coming soon
সুবোধম্| বিংশতিঃ কলাঃ কলাযা দশভাগসহিতাঃ নাডিকা| নাডিকাদ্বযশব্দেনোচ্যতে মুহূর্তঃ| তে চ মুহূর্তাশ্চত্বারঃ মুহূর্তচতুর্ভাগেন হীনাঃ যামঃ| যত্র রাত্রের্দিব(স)স্য চ সাম্যং তত্রৈবম্| অন্যত্র তু বৃদ্ধহানী স্ববুদ্ধ্যোহ্যে| মার্গশীর্ষাদিমাসদ্বযক্রমেণ হেমন্তাদ্যাখ্যাঃ ষড্ ঋতবো ভবন্তি| তেষু ষডৃতুষু মধ্যে ত্রযঃ শিশিরবসন্তগ্রীষ্মা রবেস্তিগ্মাংশোরুদগযনমুদীচীপ্রস্থানমাদানঞ্চ তদুচ্যতে| শেষাস্ত্রযো রবের্দক্ষিণাযনং বিসর্গশ্চোত্যতে| তৌ বর্ষম্|
Adhikarana AdAnakAlaH (5) · Śloka 5
তযোরাদামাগ্নেযম্| তস্মিন্ খলু কালস্বভাবমার্গপরিগৃহীতোঽত্যর্থোষ্ণাগভস্তিজালমণ্ডলোঽর্কঃ তত্সম্পর্কাদ্বাযবশ্চ তীব্ররূক্ষাঃ সোমজং গুণমুপশোষযন্তো জগতঃ স্নেহমাদদানা ঋতুক্রমেণোপজনিতরৌক্ষ্যা রূক্ষান্ রসাংস্তিক্তকষাযকটুকানভিপ্রবলযন্তো নৃণাং দৌর্বল্যমাবহন্তি||৫||
तयोरादामाग्नेयम्| तस्मिन् खलु कालस्वभावमार्गपरिगृहीतोऽत्यर्थोष्णागभस्तिजालमण्डलोऽर्कः तत्सम्पर्काद्वायवश्च तीव्ररूक्षाः सोमजं गुणमुपशोषयन्तो जगतः स्नेहमाददाना ऋतुक्रमेणोपजनितरौक्ष्या रूक्षान् रसांस्तिक्तकषायकटुकानभिप्रबलयन्तो नृणां दौर्बल्यमावहन्ति||५||
🔊 Audio coming soon
তযোশ্চাঽদানবিসর্গযোরাদানমাদ্নেযম্| তদা হি ভাবারম্ভকস্যাগ্নের্বলমবশ্যং ভবতীত্যর্থঃ| তস্মিন্নিত্যাদি আদানকালস্বভাবেনোত্তরমার্গগমনেন চাত্যর্থমুষ্ণকিরণসমূহব্যাপ্তমণ্ডলো ভগবানংশুমালী তত্সম্বন্ধেন চ বাযবোঽত্যন্তরূক্ষাঃ সোমজং গুণমব্ভাগমুপশোষযন্তো জগতঃ স্থাবরজঙ্গমস্য, ঋতুক্রমেণ দিনানুদিনং স্নেহং গৃহ্ণানা দত্তরৌক্ষ্যাশ্চ অতিরৌক্ষ্যেণ যুক্তান্ তিক্তকষাযকটুকান্ রসানভিবর্ধযন্তো নৃণাং মনুষ্যজাতীনাং, দৌর্বল্যং হীনবলতাং কুর্বন্তি|| ৫||
Adhikarana visargakAlaH (6) · Śloka 6
বিসর্গস্তু সৌম্যঃ| তস্মিন্নপি কালমার্গমেঘবাতবর্ষাভিহতপ্রভাবে দক্ষিণাযনগেঽর্কে শশিনি চাব্যাহতবলে শিশিরাভির্ভাভিঃ শশ্বদাপ্যাযমানে মাহেন্দ্রসলিলপ্রশান্তসন্তাপে জগত্যরূক্ষাঃ রসাঃ প্রবর্ধন্তেঽম্ললবণমধুরা যথাক্রমং বলং চোপচীযতে নৃণামিতি||৬||
विसर्गस्तु सौम्यः| तस्मिन्नपि कालमार्गमेघवातवर्षाभिहतप्रभावे दक्षिणायनगेऽर्के शशिनि चाव्याहतबले शिशिराभिर्भाभिः शश्वदाप्यायमाने माहेन्द्रसलिलप्रशान्तसन्तापे जगत्यरूक्षाः रसाः प्रवर्धन्तेऽम्ललवणमधुरा यथाक्रमं बलं चोपचीयते नृणामिति||६||
🔊 Audio coming soon
এতাদ্বিপর্যযত্বাদ্বিসর্গস্য| সুবোধম্|| ৬||
Adhikarana RutusharIrabalasvarUpam (7) · Śloka 7
ভবতি চাত্র- হেমন্তে শিশিরে চাগ্র্যং বিসর্গাদানযোর্বলম্| শরদ্বসন্তযোর্মধ্যং হীনং বর্ষানিদাঘযোঃ||৭||
भवति चात्र- हेमन्ते शिशिरे चाग्र्यं विसर्गादानयोर्बलम्| शरद्वसन्तयोर्मध्यं हीनं वर्षानिदाघयोः||७||
🔊 Audio coming soon
ভবতি চাত্রেতি পদ্যারম্ভে তন্ত্ররীতিঃ| বিসর্গাদানযোর্মধ্যে হেমন্তে শিশিরে চ পুরুষাণাং বলাধিকতা ভবতি| হেমন্তে বিসর্গস্য পরপ্রকর্ষাধিরোহাত্| শিশিরে ত্বাদানেনাব্যাপ্তত্বাত্| শরদ্বসন্তযোরাদানবিসর্গযোর্মধ্যবান্মধ্যবলতা| গ্রীষ্মে আদানস্য পরপ্রকর্ষাধিরোহাত্, বর্ষাসু চ বিসর্গেণাব্যাপ্তত্বাদ্ধীনবলত্বম্|| ৭||
Adhikarana hemantartulakShaNam (8) · Śloka 8
ধূমধূম্রা রজোমন্দাস্তুষারাবিলমণ্ডলাঃ| দিগাদিত্যা মরুচ্ছৈত্যাদুত্তরো রোমহর্ষণঃ| লোধ্রপ্রিযঙ্গুপুন্নাগলবল্যঃ কুসুমোজ্জ্বলাঃ| দৃপ্তা গজাজমহিষবাজিবাযসসূকরাঃ| হিমানীপটলচ্ছন্নাঃ লীনমীনবিহঙ্গমাঃ| নদ্যঃ সবাষ্পাঃ সোষ্মাণঃ কূপাপশ্চ হিমাগমে||৮||
धूमधूम्रा रजोमन्दास्तुषाराविलमण्डलाः| दिगादित्या मरुच्छैत्यादुत्तरो रोमहर्षणः| लोध्रप्रियङ्गुपुन्नागलवल्यः कुसुमोज्ज्वलाः| दृप्ता गजाजमहिषवाजिवायससूकराः| हिमानीपटलच्छन्नाः लीनमीनविहङ्गमाः| नद्यः सवाष्पाः सोष्माणः कूपापश्च हिमागमे||८||
🔊 Audio coming soon
শিশিরে হেমন্তবিধেরতিদেশায লাঘববিকল্পাত্ আদানক্রমভঙ্গেনাদৌ হেমন্ত উচ্যতে| ত্রিবিধো হি ঋতুঃ মাসস্বরূপেণ রাশিস্বরূপেণ স্বলক্ষণস্বরূপেণ চ| তত্র মাসস্বরূপং দ্বিসঙ্খ্যৈর্মার্গশীর্ষাদিভিরিত্যাদিনোক্তম্| রাশিস্বরূপং লোকে প্রসিদ্ধং যথা ধনুধর্মকরৌ হেমন্ত ইত্যাদি| ধূমধূম্রেত্যাদিনা স্বরূপলক্ষণমুচ্যতে- প্রযোজনঞ্চ বিদ্যতে ঋতুস্বলক্ষণোক্তের্হীনযোগাদিচতুষ্টযজং যজ্জ্ঞানম্| ধূমবত্ ধূম্রেণ মলিনেন মন্দাঃ অপটবঃ দিশঃ আদিত্যশ্চ| তথা তুষারেণাঽবিলানি মণ্ডলানি যাসাং তা দিশস্তথোক্তাঃ, আদিত্যশ্চ তুষারবিলমণ্ডলঃ| উত্তর উত্তরীযো বাযুঃ শৈত্যেন রোমহর্ষণঃ| লিধ্রাদযশ্চ তদা কুসুমৈঃ উজ্জ্বলা ভবন্তি| গজাদযশ্চ দৃপ্তাঃ সদর্পাঃ| নদ্যশ্চ হিমানীপটলেন চ্ছান্নাঃ স্থগিতাঃ, মীনাঃ বিহঙ্গমাশ্চ দীনাঃ নিঃসঞ্চারাঃ যাসু তাস্তথোক্তাঃ তথা সবাষ্পাঃ| তথা কূপাপঃ সোষ্মাণো ভবন্তি|| ৮||
Adhikarana hemante caryA (9) · Śloka 9
দেহোষ্মাণো বিশন্তোঽথ শীতে শীতানিলাহতা| জঠরে পিণ্ড্তোষ্মাণং প্রবলং কুর্বতেঽনলম্| বিসর্গে বলিনাং প্রাযঃ স্বভাবাদিগুরুক্ষমম্| বৃংহণান্যন্নপানানি যোজযেত্তস্য যুক্তযে| অনিন্ধনোঽন্যথা সীদেদত্যুদীর্ণতযাঽথবা| ধাতূনপি পচেদস্য ততস্তেষাং ক্ষযান্মরুত্| তেজঃ সহচরঃ কুপ্যেচ্ছীতঃ শীতে বিশেষতঃ||৯||
देहोष्माणो विशन्तोऽथ शीते शीतानिलाहता| जठरे पिण्ड्तोष्माणं प्रबलं कुर्वतेऽनलम्| विसर्गे बलिनां प्रायः स्वभावादिगुरुक्षमम्| बृंहणान्यन्नपानानि योजयेत्तस्य युक्तये| अनिन्धनोऽन्यथा सीदेदत्युदीर्णतयाऽथवा| धातूनपि पचेदस्य ततस्तेषां क्षयान्मरुत्| तेजः सहचरः कुप्येच्छीतः शीते विशेषतः||९||
🔊 Audio coming soon
তথা শীতে কালে হেমন্তশিশিরযোঃ, পুরুষাণাং দেহোষ্মাণঃ স্বভাবাদিগুরুক্ষমং প্রবলমনলং কুর্বতে| কিম্ভূতানাম্? বিসর্গত্বাদ্বলবতাম্| কিম্ভূতা দেহোষ্মাণঃ? বহিঃ ক্রুদ্ধেন বলবতা চ শীতেন বাযুনা আহতা পুনরন্তরে প্রবিশন্তঃ| কিম্ভূতমগ্নিম্? পিণ্ডিতোষ্মাণং প্রবিষ্টৈর্দেহোষ্মভির্মিশ্রীভূতমিত্যর্থঃ| স্বভাবাদিগুরুক্ষমং তজ্জরযিতুং শক্নোতীত্যর্থঃ| স্বভাবগুরুঃ দ্রব্যস্বরূপেণৈব গুরুঃ, যথা মাষাদি| আদিগ্রহণেন মাত্রাসংযোগসংস্কারপরিণামানাং গ্রহণম্| তস্যাগ্নের্যুক্তযে সমবাহনায বৃংহণান্যন্নপানানি যোজযেত্| যদ্যেবং ন ক্রিযতে ততো বাহ্যাগ্নিরিব নিরিন্ধনঃ সীদেত্ নাশং প্রাপ্নুযাত্| অত্যুদীর্ণতযা বা ধাতূনপি পচেত্| তেষাং ধাতূনাং ক্ষযান্মরুদ্বাযুস্তেজোমিশ্রিতঃ কুপ্যেত্|| ৯||
Adhikarana hemantacaryA (10) · Śloka 10
অতো হিমে ভজেত্স্নিগ্ধান্স্বাদ্বম্ললবণান্রসান্| বিলেশযৌদকানূপ্রসহানাং ভৃতানি চ| মাংসানি গুডপিষ্টোত্থমদ্যান্যভিনবানি চ| মাষেক্ষুক্ষীরবিকৃতিবসাতৈলনবৌদনান্| ব্যাযামোদ্বর্তনাভ্যঙ্গস্বেদধূমাঞ্জনাতপান্| সুখোদকং শৌচবিধৌ ভূমিগর্ভগৃহাণি চ| সাঙ্গারযানাং শয্যাঞ্চ কুথকম্বলসংস্কৃতাম্| কুঙ্কুমেনানুলিপ্তাঙ্গো গুরুণাঽগরুণাপি বা| লঘূষ্ণৈঃ প্রাবৃতঃ স্বপ্যাত্কালে ধূপাধিবাসিতঃ| পীনাঙ্গনাসংসর্গনিবারিতহিতমানিলঃ||১০||
अतो हिमे भजेत्स्निग्धान्स्वाद्वम्ललवणान्रसान्| बिलेशयौदकानूप्रसहानां भृतानि च| मांसानि गुडपिष्टोत्थमद्यान्यभिनवानि च| माषेक्षुक्षीरविकृतिवसातैलनवौदनान्| व्यायामोद्वर्तनाभ्यङ्गस्वेदधूमाञ्जनातपान्| सुखोदकं शौचविधौ भूमिगर्भगृहाणि च| साङ्गारयानां शय्याञ्च कुथकम्बलसंस्कृताम्| कुङ्कुमेनानुलिप्ताङ्गो गुरुणाऽगरुणापि वा| लघूष्णैः प्रावृतः स्वप्यात्काले धूपाधिवासितः| पीनाङ्गनासंसर्गनिवारितहितमानिलः||१०||
🔊 Audio coming soon
শীতকালে তস্মাত্স্নিগ্ধমধুরাদীন্ রসান্ ভজেত্তস্য মরুতঃ কোপরক্ষার্থম্| স্নিগ্ধানিতি ঘৃতাদিসংস্কৃতান্| অন্যত্ সুবোধম্| বিলেশযাদের্মাংসানি ভৃতানি যত্নপুষ্টস্য প্রাণিনঃ সম্বন্ধীনি, তথা গুডোত্থানি পিষ্টোত্থানি চ নবানি মদ্যানি| গুডোত্থানি যানি গুডেন প্রধানেন ক্রিযন্তে, ন ত্বিক্ষুরসেন, পিষ্টং শালিপিষ্টম্| অঙ্গারযানমগ্নিশকটিকা| কুথং কার্পাসাদিপূর্ণম্| গুরুণা অগুরুণা বহুনা অগরুসারেণ, কুঙ্কুমেন বা দিগ্ধঃ উপলিপ্তাঙ্গঃ, লঘূষ্ণৈশ্চর্মকৌশেযাদিভিঃ প্রাবৃতঃ সন্নুচিতে কালে স্বপ্যাত্| উপচিতশরীরকামিনীবপুঃ সম্বন্ধপরিহৃতশীতপবনঃ সন্|| ১০||
Adhikarana shishirartulakShaNantatra caryAtideshashca (11) · Śloka 11
শিশিরে শীতমধিকং মেঘমারুতবর্ষজম্| রৌক্ষ্যমাদানজং তস্মাত্কার্যঃ পূর্বোঽধিকং বিধিঃ||১১||
शिशिरे शीतमधिकं मेघमारुतवर्षजम्| रौक्ष्यमादानजं तस्मात्कार्यः पूर्वोऽधिकं विधिः||११||
🔊 Audio coming soon
শিশিরে হেমন্তস্বরূপাধিক্যাত্ হেমন্তবিধিরেবাধিকাঃ কার্যঃ| যতঃ শিশিরে বহিঃ শীতেনাত্যন্তং রুধ্যন্তে দেহোষ্মাণঃ| আদানত্বাচ্চ রৌক্ষ্যং জাযতে|| ১১||
Adhikarana vasantartulakShaNam (12) · Śloka 12
বসন্তে দক্ষিণো বাযুরাতাম্রকিরণো রবিঃ| নবপ্রবালত্বক্পত্রাঃ পাদপাঃ ককুভোঽমলাঃ| কিংশুকাশোকচূতাদিবনরাজিবিরাজিতাঃ| কোকিলালিকুলালাপকলকোলাহলাকুলাঃ||১২||
वसन्ते दक्षिणो वायुराताम्रकिरणो रविः| नवप्रवालत्वक्पत्राः पादपाः ककुभोऽमलाः| किंशुकाशोकचूतादिवनराजिविराजिताः| कोकिलालिकुलालापकलकोलाहलाकुलाः||१२||
🔊 Audio coming soon
বসন্তেত্যাদিনা বসন্তস্বরূপলক্ষণং বর্ণযতি| বসন্তে বাযুর্দাক্ষিণাত্যো ভবতি, রবিশ্চৈষ লোহিতদীধিতিঃ| নবাঃ প্রবালাদযো যেষু পাদপেষু তে তথোক্তাঃ| প্রবালং অভিনবোদ্ভিন্নং কিসলযম্| ককুভো দিশো নির্মলাঃ| তথা কিংশুকাদিভিঃ যা বনরাজযঃ তাভিঃ বিরাজিতাঃ ককুভো ভবন্তি তথা কোকিলানামলিকুলানাং ভ্রমরসন্ততীনাং চ আলাপৈর্যঃ কলো মধুরঃ কোলাহলস্তেনাঽকুলাঃ|| ১২||
Adhikarana vasante caryA (13) · Śloka 13
শিশিরে সমুচিতঃ শ্লেষ্মা দিনকৃদ্ভাভিরীরিতঃ| তদা প্রবোধমানোঽগ্নিং রোগান্ প্রকুরুতে বহূন্| অতোঽস্মিংস্তীক্ষ্ণবমনধূমগণ্ডূষনাবনম্| ব্যাযামোদ্বর্তনক্ষৌদ্রযবগোধূমজাঙ্গলান্| সেবেত সুহৃদ্যুদ্যানযুবতীশ্চ মনোরমাঃ| স্নাতঃ স্বলঙ্কৃতঃ স্রগ্বী চন্দনাগরুরূষিতঃ| বিচিত্রামত্রবিন্যস্তান্ সহকারোত্পলাঙ্কিতান্| নির্গদাংশ্চাসবারিষ্টশীধুমার্দ্বীকমাধবান্| ক্বথিতং মুস্তশুণ্ঠ্যম্বুসারাম্ভঃ ক্ষৌদ্রবারি বা| গুরুশীতদিবাস্বপ্নস্নিগ্ধাম্লমধুরাংস্ত্যজেত্||১৩||
शिशिरे समुचितः श्लेष्मा दिनकृद्भाभिरीरितः| तदा प्रबोधमानोऽग्निं रोगान् प्रकुरुते बहून्| अतोऽस्मिंस्तीक्ष्णवमनधूमगण्डूषनावनम्| व्यायामोद्वर्तनक्षौद्रयवगोधूमजाङ्गलान्| सेवेत सुहृद्युद्यानयुवतीश्च मनोरमाः| स्नातः स्वलङ्कृतः स्रग्वी चन्दनागरुरूषितः| विचित्रामत्रविन्यस्तान् सहकारोत्पलाङ्कितान्| निर्गदांश्चासवारिष्टशीधुमार्द्वीकमाधवान्| क्वथितं मुस्तशुण्ठ्यम्बुसाराम्भः क्षौद्रवारि वा| गुरुशीतदिवास्वप्नस्निग्धाम्लमधुरांस्त्यजेत्||१३||
🔊 Audio coming soon
পূর্বং শিশিরে মধুরস্নিগ্ধাদিনা আহারেণ শ্লেষ্মা সঞ্চিতোঽতিশযেন স্ত্যানত্বান্ন কুপিতঃ, সম্প্রতি দিনকৃত্ প্রভাভির্বিলাযিতো দ্রবস্বরূপত্বাদ্বিপরীতস্যাগ্নের্বাধাং করোতি| তদ্বাধযা চানেকরোগোত্পত্তিঃ| অতঃ কারণাচ্ছ্লেষ্মনাশনার্থং তীক্ষ্ণবমনাদিকং সেবেত| অন্যত্ সুবোধম্| চন্দনাগরুভ্যাং রূষিতঃ উপলিপ্তঃ আসবাদীন্ নির্গদান্ দেশকালাদ্যনুপহতান্| সারাম্ভঃ অসনখদিরচন্দনাদিসারসংস্কৃতাম্ভঃ| তদা গুর্বাদীংস্ত্যজেত্|| ১৩||
Adhikarana grIShmartulakShaNam (14) · Śloka 14
গ্রীষ্মেঽতসীপুষ্পনিভস্তীক্ষ্ণাংশুর্দাবদীপিতাঃ| দিশো জ্বলন্তি ভূমিশ্চ মারুতো নৈঋতো সুখঃ| প্রবাতাতপসংস্বেদৈর্জন্তবো জ্বরিতা ইবা| তাপার্ততুঙ্গমাতঙ্গমহিষৈঃ কলুষীকৃতাঃ| দিবাকরকরাঙ্গারনিকরক্ষপিতাম্ভসঃ| প্রবৃদ্ধরোধসো নদ্যশ্ছাযাহীনা মহীরুহাঃ| বিশীর্ণজীর্ণপর্ণাশ্চ শুষ্কবল্কলতাঙ্কিতাঃ||১৪||
ग्रीष्मेऽतसीपुष्पनिभस्तीक्ष्णांशुर्दावदीपिताः| दिशो ज्वलन्ति भूमिश्च मारुतो नैऋतो सुखः| प्रवातातपसंस्वेदैर्जन्तवो ज्वरिता इवा| तापार्ततुङ्गमातङ्गमहिषैः कलुषीकृताः| दिवाकरकराङ्गारनिकरक्षपिताम्भसः| प्रवृद्धरोधसो नद्यश्छायाहीना महीरुहाः| विशीर्णजीर्णपर्णाश्च शुष्कवल्कलताङ्किताः||१४||
🔊 Audio coming soon
গ্রীষ্মেত্যাদিনা গ্রীষ্মস্বরূপস্য লক্ষণং দর্শযতি| গ্রীষ্মে তীক্ষ্ণাংশুঃ সূর্যোঽতসীপুষ্পনিভঃ, আনীল ইব| দাবো বনাগ্নিঃ| নৈঋতো বাযুঃ দক্ষিণপশ্চিমদিশোরন্তরঃ| তদা হি পবনাদিভির্জন্তবো জ্বরিতা ইব ভবন্তি| তথা নদ্যস্তাপার্তত্বাদির্বিশিষ্টৈর্মাতঙ্গাদিভিঃ কলুষীকৃতাঃ, দিবাকরকরা এবাঙ্গারাস্তেষাং নিকরেণ ক্ষপিতমম্ভো যাসাং তাস্তথোক্তাঃ, তথা প্রবৃদ্ধানি রোধাংসি তদানীং স্বল্পোদকত্বাত্ তাস্তথা| মহীরুহা বৃক্ষাঃ চ্ছাযাহীনত্বাদিগুণযুক্তাঃ||১৪||
Adhikarana grIShmacaryA (15) · Śloka 15
আদত্তে জগতস্তেজস্তদাঽদিত্যো ভৃশং যতঃ| ব্যাযামাতপকট্বম্ললবণোষ্ণং ত্যজেদতঃ| মদ্যং ন সেব্যং স্বল্পং বা সেব্যং সুবহুবারি বা| অন্যথা শোফশৈথিল্যদাহমোহান্করোতি তত্| নবমৃদ্ভাজনস্থানি হৃদ্যানি সুরভীণি চ| পানকানি সমন্থানি সিতাঢ্যানি হিমানি চ| স্বাদু শীতং দ্রবং চান্নং জাঙ্গলান্মৃগপক্ষিণঃ| শালিক্ষীরঘৃতদ্রাক্ষানালিকেরাম্বু শর্করাঃ| তালবৃন্তানিলান্হারান্স্রজঃ সকমলোত্পলাঃ| তন্বীর্মৃণালবলযাঃ কান্তাশ্চন্দনরূষিতাঃ| সরাংসি বাপীঃ সরিতঃ কাননানি হিমানি চ| সুরভীণি নিষেবেত বাসাংসি সুলঘূনি চ| নিষ্পতদ্যন্ত্রসলিলে স্বপ্যাদ্ধারাগৃহে দিবা| রাত্রৌ চাঽকাশতলকে সুগন্ধিকুসুমাস্তৃতে| কর্পূরচন্দনার্দ্রাঙ্কো বিরলানঙ্গসঙ্গমঃ||১৫||
आदत्ते जगतस्तेजस्तदाऽदित्यो भृशं यतः| व्यायामातपकट्वम्ललवणोष्णं त्यजेदतः| मद्यं न सेव्यं स्वल्पं वा सेव्यं सुबहुवारि वा| अन्यथा शोफशैथिल्यदाहमोहान्करोति तत्| नवमृद्भाजनस्थानि हृद्यानि सुरभीणि च| पानकानि समन्थानि सिताढ्यानि हिमानि च| स्वादु शीतं द्रवं चान्नं जाङ्गलान्मृगपक्षिणः| शालिक्षीरघृतद्राक्षानालिकेराम्बु शर्कराः| तालवृन्तानिलान्हारान्स्रजः सकमलोत्पलाः| तन्वीर्मृणालवलयाः कान्ताश्चन्दनरूषिताः| सरांसि वापीः सरितः काननानि हिमानि च| सुरभीणि निषेवेत वासांसि सुलघूनि च| निष्पतद्यन्त्रसलिले स्वप्याद्धारागृहे दिवा| रात्रौ चाऽकाशतलके सुगन्धिकुसुमास्तृते| कर्पूरचन्दनार्द्राङ्को विरलानङ्गसङ्गमः||१५||
🔊 Audio coming soon
যতঃ আদিত্যোঽতিশযেন তেজ আদত্তে| তেজঃ শুক্লান্তানাং ধাতূনাং স্নেহঃ (সারঃ)| অতো ব্যাযামাদীংস্ত্যজেত্| অন্যত্ সুবোধম্| সুবহুবারি যস্মিন্ মদ্যে তত্তথোক্তম্| মন্থঃ প্রভূতোদকাঃ সক্তবঃ| তালবৃন্তমুত্ক্ষেপকম্| নিষ্পতদ্যন্ত্রবাহি জলং যস্মিন্ ধারাগৃহে তত্তথোক্তমাকাশতলকং শরণপৃষ্ঠকম্|| ১৫||
Adhikarana varShartulakShaNam (16) · Śloka 16
বর্ষাসু বারুণো বাযুঃ সর্বসস্যসমুদ্গমঃ| ভিন্নেন্দ্রনীলনীলাভ্রবৃন্দমন্দাবিলং নভঃ| দীর্ঘিকানববার্যৌঘমগ্নসোপানপঙ্ক্তযঃ| বারিধারাভৃশাঘাতবিকাসিতসরোরুহাঃ| সরিতঃ সাগরাকারা ভূরব্যক্তজলস্থলা| মন্দ্রস্তনিতজীমূতশিখিদর্দুরনাদিতা| ইন্দ্রগোপধনুঃখণ্ডবিদ্যুদুদ্যোতদীপিতা| পরিতঃ শ্যামলতৃণা সিলিন্ধ্রকুটজোজ্জ্বলা||১৬||
वर्षासु वारुणो वायुः सर्वसस्यसमुद्गमः| भिन्नेन्द्रनीलनीलाभ्रवृन्दमन्दाविलं नभः| दीर्घिकानववार्यौघमग्नसोपानपङ्क्तयः| वारिधाराभृशाघातविकासितसरोरुहाः| सरितः सागराकारा भूरव्यक्तजलस्थला| मन्द्रस्तनितजीमूतशिखिदर्दुरनादिता| इन्द्रगोपधनुःखण्डविद्युदुद्योतदीपिता| परितः श्यामलतृणा सिलिन्ध्रकुटजोज्ज्वला||१६||
🔊 Audio coming soon
বর্ষাস্বিত্যাদিনা তস্যৈব স্বরূপলক্ষণমুচ্যতে| তদা বরুণদিক্কো বাযুর্বহতি সর্বসস্যানাং সমুদ্রমহেতুঃ| তথা ভিন্নেন্দ্রনীলেন তুল্যৈঃ নীলত্বৈরভ্রবৃন্দৈর্মন্দমপটু আবিলমাকুলঞ্চ নভো ভবতি| ভেদে হীন্দ্রনীলোঽতিশযনীলবান্ ভবতি| নবেন বার্যৌঘেন মগ্নাঃ স্থগিতাঃ সোপানপঙ্ক্তযো যাসু দীর্ঘিকাসু পুষ্করিণীষু তাঃ তথোক্তাঃ| তথা তা এব মেঘবারিধারাভির্যোঽসৌ ভৃশমত্যর্থমাঘাতস্তেন বিকাসিতসরোরুহাঃ| নদ্যশ্চ সমুদ্রসদৃশাঃ| ভূশ্চ বহুলজলপ্লাবিতত্বাদব্যক্তজলস্থলা ভূতপূর্বস্য জলস্য ব্যক্তদেশো ন জ্ঞাযত ইত্যর্থঃ| তথা মন্দ্রস্তনিতা মধুরশব্দাঃ যে জীমূতা মেঘাঃ শিখিনো মযূরাঃ দর্দুরা মণ্ডূকাঃ তৈর্নাদিতা কৃতশব্দা ভূর্ভবতি| তথা ইন্দ্রগোপৈর্ভাস্বরৈঃ কৃমিবিশেষৈর্ধনুঃখণ্ডেন চৈন্দ্রেণ বিদ্যুদ্ভিশ্চ য উদ্যোতঃ প্রকাশঃ, তেন দীপিতা প্রকটা ভূঃ ভবতি| তথা পরিতঃ সমন্তাত্ শ্যামলানি তৃণানি যস্যা সা তথোক্তা| তথা সিলিন্ধ্রৈঃ কুটজৈশ্চ পুষ্পবিশেষৈরুজ্জ্বলা|| ১৬||
Adhikarana varShAcaryA (17) · Śloka 17
তদাঽঽদানাবলে দেহে মন্দেঽগ্নৌ বাধিতে পুনঃ| বৃষ্টিভূবাষ্পতোযাম্লপাকদুষ্টশ্চলাদিভিঃ| বস্তিকর্ম নিষেবেত কৃতসংশোধনক্রমঃ| পুরাণশালিগোধূমযবান্যূষরসৈঃ কৃতৈঃ| নিগদং মদিরারিষ্টমার্দ্বীকং স্বল্পমম্বু বা| দিব্যং ক্বথিতকূপোত্থং চৌণ্ডং সারসমেব বা| বৃষ্টিবাতাকুলে ত্বহ্নি ভোজনং ক্লেদবাতজিত্| পরিশুষ্কং লঘু স্নিগ্ধমুষ্ণাম্ললবণং ভজেত্| প্রাযোঽন্নপানং সক্ষৌদ্রং সংস্কৃতং চ ঘনোদযে| অসরীসৃপভূবাষ্পশীতমারুতশীকরম্| সাগ্নিযানঞ্চ ভবনং নির্দংশমশকোন্দুরম্| প্রঘর্ষোদ্বর্তনস্নানধূমগন্ধাগরুপ্রিযঃ| যাযাত্করেণুমুখ্যাভিশ্চিত্রস্রগ্বস্ত্রভূষিতঃ| নদীজলোদমন্থাহঃ স্বপ্নাতিদ্রবমৈথুনম্| তুষারপাদচরণব্যাযামার্ককরাংস্ত্যজেত্||১৭||
तदाऽऽदानाबले देहे मन्देऽग्नौ बाधिते पुनः| वृष्टिभूवाष्पतोयाम्लपाकदुष्टश्चलादिभिः| बस्तिकर्म निषेवेत कृतसंशोधनक्रमः| पुराणशालिगोधूमयवान्यूषरसैः कृतैः| निगदं मदिरारिष्टमार्द्वीकं स्वल्पमम्बु वा| दिव्यं क्वथितकूपोत्थं चौण्डं सारसमेव वा| वृष्टिवाताकुले त्वह्नि भोजनं क्लेदवातजित्| परिशुष्कं लघु स्निग्धमुष्णाम्ललवणं भजेत्| प्रायोऽन्नपानं सक्षौद्रं संस्कृतं च घनोदये| असरीसृपभूवाष्पशीतमारुतशीकरम्| साग्नियानञ्च भवनं निर्दंशमशकोन्दुरम्| प्रघर्षोद्वर्तनस्नानधूमगन्धागरुप्रियः| यायात्करेणुमुख्याभिश्चित्रस्रग्वस्त्रभूषितः| नदीजलोदमन्थाहः स्वप्नातिद्रवमैथुनम्| तुषारपादचरणव्यायामार्ककरांस्त्यजेत्||१७||
🔊 Audio coming soon
তদা বর্ষাস্বাদনত্বাদবলত্বেনাগ্নিমান্দ্যম্| পুনশ্চ বৃষ্ট্যাদিদুষ্টৈর্বাতাদিভিরাত্যর্থং বাধিতে অগ্নৌ তদুপকারায বস্তিকর্মাদিকং নিষেবেত| কিম্ভূত ইত্যাহ- কৃতসংশোধনক্রমঃ| যথোক্তৌ বমনবিরেকৌ কৃতৌ যেন স তথোক্তঃ| কৃতা যূষাদযঃ স্নেহশুণ্ঠ্যাদিযুক্তাঃ দিব্যাম্বু ক্বথিতং পিবেত্| চৌণ্ডং যত্পর্বতে শিলাকূপিকাভবম্| বৃষ্ট্যা বাতেন চাঽকুলে বৃষ্টিবাতভূযিষ্ঠং, সংস্কৃতং কালযোগ্যৈর্দ্রব্যৈঃ| সরীসৃপাঃ সর্পবৃশ্চিকাদযঃ|| ১৭||
Adhikarana sharadRutulakShaNam (18) · Śloka 18
শরদি ব্যোম শুভ্রাভ্রং কিঞ্চিত্পঙ্কাঙ্কিতা মহী| প্রকাশকাশসপ্তাহ্বকুমুদা শালিশালিনী| বিক্ষিপ্ততীক্ষ্ণকিরণো মেদ্যৌঘবিগমাদ্রবিঃ| বভ্রুবর্ণোঽতিবিমলাঃ ক্রৌঞ্চমালাকুলা দিশঃ| কমলান্তরসংলীনমীনহংসাংসঘট্টনৈঃ| তরঙ্গভঙ্গতুঙ্গানি সরাংসি বিমলানি চ||১৮||
शरदि व्योम शुभ्राभ्रं किञ्चित्पङ्काङ्किता मही| प्रकाशकाशसप्ताह्वकुमुदा शालिशालिनी| विक्षिप्ततीक्ष्णकिरणो मेद्यौघविगमाद्रविः| बभ्रुवर्णोऽतिविमलाः क्रौञ्चमालाकुला दिशः| कमलान्तरसंलीनमीनहंसांसघट्टनैः| तरङ्गभङ्गतुङ्गानि सरांसि विमलानि च||१८||
🔊 Audio coming soon
শরদি ব্যোমেত্যাদিনা শরত্স্বরূপং বর্ণযতি- প্রকাশাঃ কাশাঃ সপ্তাহ্বপুষ্পং কুমুদানি চ যস্যাং ভুবি সা তথোক্তা| তথা মেঘৌঘবিগমাদ্ধেতোঃ রবির্বিক্ষিপ্ততীক্ষ্ণকিরণো বভ্রুবর্ণশ্চ ভবতি| বভ্রুঃ কপিলঃ| তথা কমলানামন্তরে যে সংলীনা মীনা হংসাশ্চ তেষাং সঙ্ঘট্টনৈর্যে তরঙ্গভঙ্গাস্তৈস্তুঙ্গানি উন্নতানি যানি সরাংসি তানি তথোক্তানি|| ১৮||
Adhikarana sharadi caryA (19) · Śloka 19
বর্ষাশীতোচিতাঙ্গানাং সহসৈবার্করশ্মিভিঃ| তপ্তানাং সঞ্চিতং পূর্বং তদা পিত্তং প্রকুপ্যতি| শস্তং তিক্তহবিঃপানং বিরেকোঽস্রস্রুতিঃ সদা| শীতং লঘ্বন্নপানং চ কষাযস্বাদুতিক্তকম্| শালিষষ্টিকগোধূমযবমুদ্গসিতামধু| পটোলামলকং দ্রাক্ষা জাঙ্গলং ক্ষুদ্বতাং ভৃশম্| দিবা দিবাকরকরৈর্নিশাকরকরৈর্নিশি| সন্তপ্তং হ্লাদিতং তোযমগস্ত্যেনাবিষীকৃতম্| নির্মলং শুচি কালেন পক্বং পানেঽমৃতোপমম্| হংসৌঘপক্ষবিক্ষেপভ্রমরপঙ্ক্তিষু| সুসরোরুহসেব্যাসু সরসীষু প্লবেত্ চ| লঘুশুদ্ধাম্বরঃ স্রগ্বী শীতোশীরবিলেপনঃ| সেবেত চন্দ্রকিরণান্প্রদোষে সৌধমাশ্রিতঃ| তৃপ্তিদধ্যাতপক্ষারবসাতৈলপুরোনিলান্| তীক্ষ্ণমদ্যদিবাস্বপ্নতুষারাংশ্চ বিবর্জযেত্||১৯||
वर्षाशीतोचिताङ्गानां सहसैवार्करश्मिभिः| तप्तानां सञ्चितं पूर्वं तदा पित्तं प्रकुप्यति| शस्तं तिक्तहविःपानं विरेकोऽस्रस्रुतिः सदा| शीतं लघ्वन्नपानं च कषायस्वादुतिक्तकम्| शालिषष्टिकगोधूमयवमुद्गसितामधु| पटोलामलकं द्राक्षा जाङ्गलं क्षुद्वतां भृशम्| दिवा दिवाकरकरैर्निशाकरकरैर्निशि| सन्तप्तं ह्लादितं तोयमगस्त्येनाविषीकृतम्| निर्मलं शुचि कालेन पक्वं पानेऽमृतोपमम्| हंसौघपक्षविक्षेपभ्रमरपङ्क्तिषु| सुसरोरुहसेव्यासु सरसीषु प्लवेत् च| लघुशुद्धाम्बरः स्रग्वी शीतोशीरविलेपनः| सेवेत चन्द्रकिरणान्प्रदोषे सौधमाश्रितः| तृप्तिदध्यातपक्षारवसातैलपुरोनिलान्| तीक्ष्णमद्यदिवास्वप्नतुषारांश्च विवर्जयेत्||१९||
🔊 Audio coming soon
বর্ষাস্বম্লাবিপাকজলমদ্যাদিভিঃ পিত্তং সঞ্চিতং কালস্য শৈত্যাদিকুপিতমাদিত্যকিরণসন্তাপেন শরদি কুপ্যতি| অতিস্তিক্তঘৃতপানাদিকং পিত্তজযায সেবেত, তিক্তং নাম ঘৃতং বক্ষ্যতে (চি০অ০-২১); অন্যে তু মহাতিক্তপঞ্চতিক্তাদি সর্বং তিক্তদ্রব্যসিদ্ধমিচ্ছন্তি| অন্যত্ সুবোধম্|| ১৯||
Adhikarana sarvartuShu ShaDsopayogakramaH (20) · Śloka 20
নিত্যং সর্বরসাভ্যাসঃ স্বস্বাধিক্যমৃতাবৃতৌ||২০||
नित्यं सर्वरसाभ्यासः स्वस्वाधिक्यमृतावृतौ||२०||
🔊 Audio coming soon
নিত্যং সর্বেষ্বৃতুষু সর্বরসাভ্যাসঃ| যে চ রসা যস্মিন্ ঋতাবুক্তাঃ তত্রাধিক্যেন সেব্যা ইতি|| ২০||
Adhikarana RutusandhiH caryAkramashca (21) · Śloka 21
ঋত্বোরন্তাদিসপ্তাহাবৃতুসন্ধিরিতি স্মৃতঃ| তত্র পূর্বো বিধিস্ত্যাজ্যঃ সেবনীযোঽপরঃ ক্রমাত্| অসাত্ম্যজা হি রোগাঃ স্যুঃ সহসা ত্যাগশীলনাত্||২১||
ऋत्वोरन्तादिसप्ताहावृतुसन्धिरिति स्मृतः| तत्र पूर्वो विधिस्त्याज्यः सेवनीयोऽपरः क्रमात्| असात्म्यजा हि रोगाः स्युः सहसा त्यागशीलनात्||२१||
🔊 Audio coming soon
গচ্ছত ঋতোরন্তসপ্তাহ আগচ্ছত ঋতোরাদিসপ্তাহঃ ইতি দিবসাশ্চতুর্দশ ঋতুসন্ধিশব্দবাচ্যাঃ তস্মিংশ্চ ঋতুসন্ধৌ গচ্ছতস্তু বিধিঃ ক্রমেণ ত্যাজ্যঃ| তথৈব ক্রমেণ বর্ত্তমানস্য বিধিঃ সেব্যঃ সেবনীযঃ| ক্রমশ্চ `পাদেনাপথ্যমভ্যস্তম্' (সূ০অ০-৯) ইত্যাদিনা বক্ষ্যতে| অন্যথা ঝটিতি বিধিত্যাগোপাদানে কুর্বতোঽসাত্ম্যত্বাদ্রোগোত্পত্তিঃ|| ২১||
Adhikarana samyagrogamukteShveva RutuShvayaM vidhiH (22) · Śloka 22
ঋতুষ্বেবংবিধেষ্বেষ বিধিঃ স্বাস্থ্যে চ দেহিনাম্| নির্দিশ্যতেঽন্যরূপেষু বিরুদ্ধজ্ঞনিকো বিধিঃ||২২||
ऋतुष्वेवंविधेष्वेष विधिः स्वास्थ्ये च देहिनाम्| निर्दिश्यतेऽन्यरूपेषु विरुद्धज्ञनिको विधिः||२२||
🔊 Audio coming soon
এবংবিধেষ্বৃতুষু যথোক্তকালস্বরূপলক্ষণেষ্বেবাযং যথোক্তবিধিঃ| অনেন চ বিধিনৈবংবিধেষ্বেব স্বাস্থ্যম্| অন্যরূপেষু তু বিরুদ্ধবিজ্ঞানপ্রসঙ্গে নির্দেক্ষ্যতে (সূ০অ০-৯)|| ২২||
Adhikarana RutoH lakShaNatrayaM sUtra~jca (4) · Śloka 4
মাসরাশিস্বরূপাখ্যমৃতোর্যল্লক্ষণত্রযম্| যথোত্তরং ভজেচ্চর্যাং তত্র তস্য বলাদিতি||২৩|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং সূত্রস্থানে ঋতুচর্যানাম চতুর্থোঽধ্যাযঃ||৪||
मासराशिस्वरूपाख्यमृतोर्यल्लक्षणत्रयम्| यथोत्तरं भजेच्चर्यां तत्र तस्य बलादिति||२३|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां सूत्रस्थाने ऋतुचर्यानाम चतुर्थोऽध्यायः||४||
🔊 Audio coming soon
অস্য চ ঋতোর্মাসাদিস্বরূপেণ যল্লক্ষণত্রযং প্রসিদ্ধং তত্র যথোত্তরং চর্যাং সেবেত যথোত্তরস্যৈব বলবত্ত্বাত্| তেনৈতদুক্তং ভবতি- যো যস্যর্তোর্বিধিরুক্তঃ স তন্মাসপ্রারম্ভ এব সতি রাশিস্বরূপাভ্যাং রহিতস্য স্বল্পং যোজ্যঃ| অথ চেত্ কদাচিদ্ রাশিরপি প্রাপ্তো ন তু যথোক্তস্বলক্ষণস্তত্র স এব বিধিঃ কিঞ্চিত্পরিপূরণীযঃ| যত্র তু মাসে রাশিঃ স্বরূপলক্ষণঞ্চ পরিপূর্ণং তত্র বিধিরপি পরিপূর্ণ এব| তথা যত্রাপি মাসেন বিনা রাশিঃ প্রাপ্তঃ ন তু স্বরূপলক্ষণং, তত্র মধ্যো বিধিঃ| মাসস্বরূপলক্ষণযোরন্তরত্বাদ্রাশের্বলবত্ত্বম্| যত্র মাসরাশিভ্যাং বিনৈব পূর্ণং স্বরূপলক্ষণং, তত্র পূর্ণো বিধিঃ| স্বরূপলক্ষণস্য সর্ববলত্ত্বাদিতি|| ২৩|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযাং সূত্রস্থানে চতুর্থোঽধ্যাযঃ||৪||