Adhikarana athAtaH shodhanAdigaNasaMgraho nAma caturdasho~adhyAyaH pratij~jA (1) · Śloka 1
অথাতঃ শোধনাদিগণসঙ্গ্রহমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातः शोधनादिगणसङ्ग्रहमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শোধনং বমনবিরেচনকারণত্বাত্ দ্রব্যং শোধনম্| অথবা করণসাধন এব শোধনশব্দঃ আদিগ্রহণেনাস্থাপনানুবাসনাদি- পরিগ্রহঃ| গণঃ সমূহঃ| তেষাং শোধনাদিগণানাং সঙ্গ্রহমেকত্রস্থাপনমস্মিন্নধ্যাযে ক্রিযতে সুখগ্রহণার্থম্||১||
Adhikarana vamanopayogIni dravyANi (2) · Śloka 2
মদনজীমূতকেক্ষ্বাকুকোশাতকীদ্বযফলপুষ্পপত্রাণি কুটজ- করঞ্জত্রপুসসর্ষপপিপ্পলীবিডঙ্গৈলাপ্রত্যক্পুষ্পীহরেণু- পৃথ্বীকাকুস্তুম্বরুপ্রপুন্নাটানাং ফলানি শারদানি চ, হস্তিপর্ণ্যাঃ কোবিদারকর্বুদারারিষ্টাশ্বগন্ধানীপবিদুলবিল্ববিম্বীবন্ধু-জীবকশ্বেতাশণপুষ্পীসদাপুষ্পীবচাচিত্রাচিত্রকমৃগেন্দ্র-বারুণীসুষবীচতুরঙ্গুলস্বাদুকণ্টকপাঠাপাটলীশার্ঙ্গেষ্টা-মধুকমূর্বাসপ্তপর্ণসোমবল্কদ্বীপিশিগ্রুসুমনস্সৌমনস্যা- যবানীবৃশ্চীবপুনর্নবামহাসহাক্ষুদ্রসহেক্ষুকাণ্ডকালক্ত বৃন্তপিপ্পলীমূলচবিকানলদোশীরহ্রীবেরমূলানি| শাল্মলীশেলুকাভদ্রপর্ণ্যৈরাবণ্যাবর্তক্যুপোদকোদ্দালধন্বন-রসাঞ্জনরাজাদনোপচিত্রাগোপশৃঙ্গাটিকাপিচ্ছাঃ| প্রিযঙ্গুপুষ্পম্| তালীসপত্রম্| হরিদ্রাশৃঙ্গবেরকন্দৌ| মধুযষ্টী দারুহরিদ্রাসারৌ| তগরগুডূচীমধুফাণিত ক্ষীরক্ষারলবণানি চেতি বমনোপযোগীনি||২||
मदनजीमूतकेक्ष्वाकुकोशातकीद्वयफलपुष्पपत्राणि कुटज- करञ्जत्रपुससर्षपपिप्पलीविडङ्गैलाप्रत्यक्पुष्पीहरेणु- पृथ्वीकाकुस्तुम्बरुप्रपुन्नाटानां फलानि शारदानि च, हस्तिपर्ण्याः कोविदारकर्बुदारारिष्टाश्वगन्धानीपविदुलबिल्वबिम्बीबन्धु-जीवकश्वेताशणपुष्पीसदापुष्पीवचाचित्राचित्रकमृगेन्द्र-वारुणीसुषवीचतुरङ्गुलस्वादुकण्टकपाठापाटलीशार्ङ्गेष्टा-मधुकमूर्वासप्तपर्णसोमवल्कद्वीपिशिग्रुसुमनस्सौमनस्या- यवानीवृश्चीवपुनर्नवामहासहाक्षुद्रसहेक्षुकाण्डकालक्त वृन्तपिप्पलीमूलचविकानलदोशीरह्रीबेरमूलानि| शाल्मलीशेलुकाभद्रपर्ण्यैरावण्यावर्तक्युपोदकोद्दालधन्वन-रसाञ्जनराजादनोपचित्रागोपशृङ्गाटिकापिच्छाः| प्रियङ्गुपुष्पम्| तालीसपत्रम्| हरिद्राशृङ्गवेरकन्दौ| मधुयष्टी दारुहरिद्रासारौ| तगरगुडूचीमधुफाणित क्षीरक्षारलवणानि चेति वमनोपयोगीनि||२||
🔊 Audio coming soon
মদনাদীনাং পঞ্চানাং ফলং পুষ্পং পত্রং চ প্রত্যেকম্| কুটজাদীনাং চ ফলানি| হস্তিপর্ণ্যাঃ শরদুদ্ভূতানি ফলানি| কোবিদারাদীনাং চ মূলানি| শাল্মল্যাদীনাং চ পিচ্ছা মণ্ডপ্রাযম্| প্রিযঙ্গোঃ পুষ্পম্| তালীসস্য পত্রম্| পিণ্ডহরিদ্রাযাঃ শৃঙ্গবেরস্য চ কন্দো ভূমিভবঃ| মধুযষ্ট্যা দারুহরিদ্রাযাশ্চ সারং কাষ্ঠম্| তগরাদীনি স্বরুপেণৈব| ইত্যেতানি সকলানি দ্রব্যাণি বমনোপযোগে ত্বঙ্গত্বং যান্তীতি || ২||
Adhikarana virecanopayogIni dravyANi (3) · Śloka 3
ত্রিবৃচ্ছ্যামাদন্তীদ্রবন্তীশঙ্খিনীসপ্তলাজগন্ধাজশৃঙ্গীবচা গবাক্ষীছগলান্ত্রীসুবর্ণক্ষীরীচিত্রককিণিহীহ্রস্বপঞ্চমূল বৃশ্চীবপুনর্নবাপলঙকষাবাস্তুকশাকসালমূলানি| তিল্বক রম্যককাম্পিল্যকপাটলীত্বচঃ| ত্রিফলাপীলুপ্রিযালকুবলবদর কর্কন্ধুকাশ্মর্যপরূষকদ্রাক্ষানীলিনীক্লীতনকোদকীর্যাবিডঙ্গ পূগপঞাঙ্গুলফলানি| চতুরঙ্গুলফলপত্রাণি| পূতীকস্য ত্বক্ফলপত্রাণি| মহাবৃক্ষসপ্তচ্ছদজ্যোতিষ্মতীক্ষীরাণি| ক্ষীরমদ্যমস্তুতক্রধান্যাম্লমূত্রাণি চেতি বিরেচনোপযোগীনি||৩||
त्रिवृच्छ्यामादन्तीद्रवन्तीशङ्खिनीसप्तलाजगन्धाजशृङ्गीवचा गवाक्षीछगलान्त्रीसुवर्णक्षीरीचित्रककिणिहीह्रस्वपञ्चमूल वृश्चीवपुनर्नवापलङकषावास्तुकशाकसालमूलानि| तिल्वक रम्यककाम्पिल्यकपाटलीत्वचः| त्रिफलापीलुप्रियालकुवलबदर कर्कन्धुकाश्मर्यपरूषकद्राक्षानीलिनीक्लीतनकोदकीर्याविडङ्ग पूगपञाङ्गुलफलानि| चतुरङ्गुलफलपत्राणि| पूतीकस्य त्वक्फलपत्राणि| महावृक्षसप्तच्छदज्योतिष्मतीक्षीराणि| क्षीरमद्यमस्तुतक्रधान्याम्लमूत्राणि चेति विरेचनोपयोगीनि||३||
🔊 Audio coming soon
ত্রিবৃতাদীনাং মূলানি| তিল্বকাদীনাং ত্বক্| ত্রিফলাদি ফলানি| চতুরঙ্গুলস্য ফলং পত্রং চ| পূতীকস্য ত্বক্ ফলং পত্রং চ| মহাবৃক্ষাদীনাং ক্ষীরাণি| ক্ষীরাদীনি স্বরূপেণৈবেতি বিরেচনোপযোগীনি||৩||
Adhikarana vamanavirecanopayogIni dravyANi (4) · Śloka 4
কোশাতকীদেবদালীসপ্তলাকারবেল্লিকাস্বরসমর্কক্ষীরমুষ্ণো-দকং চেত্যুভযাত্মকানি||৪||
कोशातकीदेवदालीसप्तलाकारवेल्लिकास्वरसमर्कक्षीरमुष्णो-दकं चेत्युभयात्मकानि||४||
🔊 Audio coming soon
কোশাতক্যাদীনাং স্বরসাঃ অর্কক্ষীরমুষ্ণোদকং চোভযোপযোগি বমনে বিরেচনে চোপযুজ্যতে||৪||
Adhikarana bastyupayogIni dravyANi (5) · Śloka 5
বস্তিষু তু তেষু তেষ্ববস্থান্তরেষু যান্যুপযুজ্যন্তে দ্রব্যাণি তান্যেবাসঙ্খ্যেযত্বান্নোপদিশ্যন্তে| অসস্কন্ধেভ্য এব যথাদোষং যথাবস্থং চ বিভজেত্| সর্বেষু তু প্রাযো মদনকুটজজীমূতকেক্ষ্বাকুকোশাতকীদ্বযত্রপুসসিদ্ধার্থক শতাহ্বাফলানি| বলাদশমূলৈরণ্ডত্রিবৃদ্ধচাযষ্ট্যাহ্বকুষ্ঠ- রাস্নাপুনর্নবকত্তৃণমূলানি| সরলদেবদারুহপুষাহিঙ্গু- রসাঞ্জনব্যোষপত্রৈলামৃতাযবকোলকুলত্থগুডলবণমস্তু ধান্যাম্লমূত্রস্নেহক্ষীরক্ষৌদ্রাণি চেতি নিরূহোপযোগীনি||৫||
बस्तिषु तु तेषु तेष्ववस्थान्तरेषु यान्युपयुज्यन्ते द्रव्याणि तान्येवासङ्ख्येयत्वान्नोपदिश्यन्ते| असस्कन्धेभ्य एव यथादोषं यथावस्थं च विभजेत्| सर्वेषु तु प्रायो मदनकुटजजीमूतकेक्ष्वाकुकोशातकीद्वयत्रपुससिद्धार्थक शताह्वाफलानि| बलादशमूलैरण्डत्रिवृद्धचायष्ट्याह्वकुष्ठ- रास्नापुनर्नवकत्तृणमूलानि| सरलदेवदारुहपुषाहिङ्गु- रसाञ्जनव्योषपत्रैलामृतायवकोलकुलत्थगुडलवणमस्तु धान्याम्लमूत्रस्नेहक्षीरक्षौद्राणि चेति निरूहोपयोगीनि||५||
🔊 Audio coming soon
বস্তিষু ত্বৌষধান্যস্মাভির্ন্নোপদিশ্যন্তে| অসঙ্খ্যেযত্বাত্| অসঙ্খ্যেযত্বং ব্যাধ্যবস্থাবিশেষেষু তেষু তেষু চ চিকিত্সিতস্থানোক্তেরবস্থান্তরেষু বহুভির্ভেদৈর্যতো বস্তস্য উক্তাঃ| বস্তিশব্দেনাত্র সর্বং নিরূহাদিকমুচ্যতে| তানি তু বস্তিদ্রব্যাণি বাতাদিদোষাপেক্ষযা ব্যাধ্যবস্থাপেক্ষযা চ বিভজেত্| রসস্কন্ধেভ্যো রসভেদীযে বক্ষ্যমাণেভ্যো দ্রাক্ষাদিভ্য উদ্ধৃত্য| সর্ববস্তিষু চ প্রাযো বাহুল্যেন যানি দৃশ্যন্তে দ্রব্যাণি তান্যুচ্যন্তে| মদনাদীনাং ফলানি| বলাদীনাং মূলানি| সরলাদীনি স্বরূপেণৈবেতি বস্ত্যুপযোগীনি|
Adhikarana shirovirecanopayogIni dravyANi (6) · Śloka 6
অপামার্গবিডঙ্গমরিচপিপ্পলীশিরীষবিল্বাজাজ্যজমোজবার্তাক- পৃথ্বীকৈলাহরেণুফলানি| তালীসতমালতর্কারীহরিতকবর্গপত্রাণি| সর্ষপাফলপত্রাণি| শিগ্রুফলপত্রত্বচঃ| হরিদ্রামূলকলশুননাগরকন্দপত্রাণি| অতিবিষাকন্দাঃ| কুষ্ঠবচাভার্ঙ্গীশ্বেতাকিণিহীনাগদন্তী- জ্যোতিষ্মতীগবাক্ষীবযঃস্থাবৃশ্চিকালীবিম্বীকরঞ্জমূলানি| অর্কালর্কপুষ্পমূলানি| লোধ্রমদনসপ্তপর্ণনিম্বপীলুবীজানি| মুরুঙ্গীমাতুলুঙ্গী লবঙ্গপুষ্পাণি| অগরুসুরদারুসরলসল্লকীজিঙ্গিণ্যনরসাঞ্জনহিঙ্গুলাক্ষা-নির্যাসাঃ| তমালসালতালমধূকদার্বীসারাঃ| তেজস্বিনী-মেষশৃঙ্গীবরাঙ্গেঙ্গুদীবৃহতীদ্বযচোচত্বচঃ| রাজাদনমজ্জক্ষৌদ্রলবণানি মদ্যানি গবাদিশকৃদ্রসমূত্র- পিত্তান্যেবংবিধানি চেন্দ্রিযোপশযান্যন্যানপি তথা স্নেহাঃ ক্ষীরং রক্তং মাংসরসো ধান্যরসস্তোযমিতি শিরোবিরেচনোপ- যোগীনি||৬||
अपामार्गविडङ्गमरिचपिप्पलीशिरीषबिल्वाजाज्यजमोजवार्ताक- पृथ्वीकैलाहरेणुफलानि| तालीसतमालतर्कारीहरितकवर्गपत्राणि| सर्षपाफलपत्राणि| शिग्रुफलपत्रत्वचः| हरिद्रामूलकलशुननागरकन्दपत्राणि| अतिविषाकन्दाः| कुष्ठवचाभार्ङ्गीश्वेताकिणिहीनागदन्ती- ज्योतिष्मतीगवाक्षीवयःस्थावृश्चिकालीबिम्बीकरञ्जमूलानि| अर्कालर्कपुष्पमूलानि| लोध्रमदनसप्तपर्णनिम्बपीलुबीजानि| मुरुङ्गीमातुलुङ्गी लवङ्गपुष्पाणि| अगरुसुरदारुसरलसल्लकीजिङ्गिण्यनरसाञ्जनहिङ्गुलाक्षा-निर्यासाः| तमालसालतालमधूकदार्वीसाराः| तेजस्विनी-मेषशृङ्गीवराङ्गेङ्गुदीबृहतीद्वयचोचत्वचः| राजादनमज्जक्षौद्रलवणानि मद्यानि गवादिशकृद्रसमूत्र- पित्तान्येवंविधानि चेन्द्रियोपशयान्यन्यानपि तथा स्नेहाः क्षीरं रक्तं मांसरसो धान्यरसस्तोयमिति शिरोविरेचनोप- योगीनि||६||
🔊 Audio coming soon
অপামার্গাদীনাং ফলানি| তালীসাদিপত্রাণি| সর্ষপাযাঃ পত্রং ফলঞ্চ| শিগ্রোঃ ফলং পত্রং ত্বক্ চ| হরিদ্রাদীনাং কন্দঃ পত্রং চ| অতিবিষাযাঃ কন্দঃ| কুষ্ঠাদীনাং মূলানি| অর্কালর্কযোঃ পুষ্পং মূলং চ| লোধ্রাদীনাং বীজানি মুরঙ্গ্যাদীনাং পুষ্পাণি| অগর্বাদীনাং নির্যাসঃ স্বযং প্রস্তুতো রসঃ| সালাদীনাং সারঃ| তেজস্বিন্যাদীনাং ত্বক্| রাজাদনস্য মজ্জা| ক্ষৌদ্রাদীনি স্বরূপেণৈব| গবাদীনামষ্টানাং মূত্রযোনিত্বপাঠিতানাং শকৃতঃ পীডিতো রসঃ| মূত্রং পিত্তং চ তেষামেবৈবংবিধানি রসবীর্যবিপাকপ্রভাবৈরেতত্সদৃশা-নীন্দ্রিযাণাং চক্ষুরাদিনামুপশযানি স্বাস্থ্যসংবাহকানি তানি স্নেহা যথোক্তাঃ ক্ষীররক্তাদযশ্চেতি শিরোবিরেচনে নস্যে উপযুজ্যতে||৬||
Adhikarana prAyogikadhUmopayogIni dravyANi (7) · Śloka 7
মধুকপদ্মকমঞ্জিষ্ঠাশারিবামুস্তাপুন্নাগনাগকেসরৈবালবালুক সুবর্ণত্বক্তমালপৃথ্বীকাহরেণুলাক্ষাশতপুষ্পাসল্লকীশর্করা-মদনকমরুবকন্যগ্রোধোদুম্বরাশ্বত্থপ্লক্ষলোধ্রত্বক্পদ্মো-ত্পলানি সর্বগন্ধদ্রব্যাণি চ কুষ্ঠতগরবর্জ্যানি প্রাযোগিকধূমোপযোগীনি||৭||
मधुकपद्मकमञ्जिष्ठाशारिवामुस्तापुन्नागनागकेसरैवालवालुक सुवर्णत्वक्तमालपृथ्वीकाहरेणुलाक्षाशतपुष्पासल्लकीशर्करा-मदनकमरुबकन्यग्रोधोदुम्बराश्वत्थप्लक्षलोध्रत्वक्पद्मो-त्पलानि सर्वगन्धद्रव्याणि च कुष्ठतगरवर्ज्यानि प्रायोगिकधूमोपयोगीनि||७||
🔊 Audio coming soon
মধুকাদীনি প্রাযোগিকে স্বাস্থ্যবৃত্তিকে ধূমে যোগমর্হন্তীতি|
Adhikarana snaihikadhUmopayogIni dravyANi (8) · Śloka 8
অগরুগুগ্গুলুসল্লকীশৈলেযকনলদহ্রীবেরহরেণূশীরমুস্তা- ধ্যামকবরাঙ্গশ্রীবেষ্টকস্থৌণেযকপরিপেলবৈলবালুক কুন্দরুকসর্জরসযষ্ট্যাহ্বফলসারস্নেহমধূচ্ছিষ্টবিল্বফল- মজ্জযবতিলমাষকুঙ্কুমানি মেদোমজ্জবসাসর্পিষি চ স্নৈহিকধূমোপযোগীনি||৮||
अगरुगुग्गुलुसल्लकीशैलेयकनलदह्रीबेरहरेणूशीरमुस्ता- ध्यामकवराङ्गश्रीवेष्टकस्थौणेयकपरिपेलवैलवालुक कुन्दरुकसर्जरसयष्ट्याह्वफलसारस्नेहमधूच्छिष्टबिल्वफल- मज्जयवतिलमाषकुङ्कुमानि मेदोमज्जवसासर्पिषि च स्नैहिकधूमोपयोगीनि||८||
🔊 Audio coming soon
অগর্বাদীনি স্নৈহিকধূমোপযোগীনি||৮||
Adhikarana tIkShNAni shirovirecanadravyANi (9) · Śloka 9
শিরোবিরেচনদ্রব্যাণি গন্ধদ্রব্যাণি চ তীক্ষ্ণানি মনোহ্বা হরিতালং চেতি তীক্ষ্ণধূমোপযোগীনি||৯||
शिरोविरेचनद्रव्याणि गन्धद्रव्याणि च तीक्ष्णानि मनोह्वा हरितालं चेति तीक्ष्णधूमोपयोगीनि||९||
🔊 Audio coming soon
তীক্ষ্ণানি শিরোবিরেচনদ্রব্যাণি হৈমবতীদন্ত্যাদীনি মনশ্শিলা হরিতালং চেতি তীক্ষ্ণধূমোপযোগীনি||৯||
Adhikarana vAtashamanAni dravyANi (10) · Śloka 10
ভদ্রদারুকুষ্ঠতগরবরুণবলাতিবলাতিবলার্তগলকচ্ছুরা- হ্লাদিনীকুবেরাক্ষীবত্সাদিন্যর্কালর্ককতকভার্ঙ্গীকার্পাসীবৃশ্চিকা- লীপত্তূরপ্রভৃতীনি বিদার্যাদিগণো বীরতরাদিস্তৃণাখ্যবর্জ্যানি ষট্ পঞ্চমূলানি চেতি বাতশমনানি||১০||
भद्रदारुकुष्ठतगरवरुणबलातिबलातिबलार्तगलकच्छुरा- ह्लादिनीकुबेराक्षीवत्सादिन्यर्कालर्ककतकभार्ङ्गीकार्पासीवृश्चिका- लीपत्तूरप्रभृतीनि विदार्यादिगणो वीरतरादिस्तृणाख्यवर्ज्यानि षट् पञ्चमूलानि चेति वातशमनानि||१०||
🔊 Audio coming soon
ভদ্রদার্বাদীনি বক্ষ্যমাণৌ চ বিদারীবীরতরাদিকৌ গণৌ তৃণাখ্যপঞ্চমূলং বর্জযিত্বা শেষাণি ষট্ পঞ্চমূলানি চেতি ক্রুদ্ধ বাতশমনানি||১০||
Adhikarana pittashamanAni dravyANi (11) · Śloka 11
দূর্বাঽনন্তামোচরসমঞ্জিষ্ঠাপরিপেলবকালাকালীযক- কদলীকন্দলীপযস্যাত্মগুপ্তানালিকেরখর্জ্জূরদ্রাক্ষাবিদারীবদরী- বলানাগবলানাগপুষ্পাশতাবরীশীতপাক্যোদনপাকীতৃণ- শূল্যাংশুমতীদ্বযারিষ্টকারিষ্টাটরূষকেত্কটপ্রিযঙ্গুধাতকীধবধন্বন- স্যন্দনখদিরকদরপ্রিযালতালসালসর্জতিনিশাশ্বকর্ণ-গুন্দ্রাবানীরপদ্মাপদ্মবীজমৃণালকুমুদনলিনসৌগন্ধিক-পুণ্ডরীকশতপত্রশৈবালকল্হারোত্পলকাকোল্যুত্পলিকাশালূক-শৃঙ্গাটককশেরুকক্রৌঞ্চাদনপ্রভৃতীনি অন্যানি চ শীতবীর্যাণি সারিবাদিঃ পদ্মকাদিঃ পটোলাদির্ন্যগ্রোধাদির্দাহহরো মহাকষাযস্তৃণপঞ্চমূলং চেতি পিত্তশমনানি||১১||
दूर्वाऽनन्तामोचरसमञ्जिष्ठापरिपेलवकालाकालीयक- कदलीकन्दलीपयस्यात्मगुप्तानालिकेरखर्ज्जूरद्राक्षाविदारीबदरी- बलानागबलानागपुष्पाशतावरीशीतपाक्योदनपाकीतृण- शूल्यांशुमतीद्वयारिष्टकारिष्टाटरूषकेत्कटप्रियङ्गुधातकीधवधन्वन- स्यन्दनखदिरकदरप्रियालतालसालसर्जतिनिशाश्वकर्ण-गुन्द्रावानीरपद्मापद्मबीजमृणालकुमुदनळिनसौगन्धिक-पुण्डरीकशतपत्रशैवालकल्हारोत्पलकाकोल्युत्पलिकाशालूक-शृङ्गाटककशेरुकक्रौञ्चादनप्रभृतीनि अन्यानि च शीतवीर्याणि सारिवादिः पद्मकादिः पटोलादिर्न्यग्रोधादिर्दाहहरो महाकषायस्तृणपञ्चमूलं चेति पित्तशमनानि||११||
🔊 Audio coming soon
দূর্বাদীনি যথাপঠিতান্যন্যানি চ শীতবীর্যাণি শারিবাপদ্মকপটোলন্যগ্রোধাদিগণচতুষ্টযং বক্ষ্যমাণং, দাহহরো মহাকষাযঃ তৃণপঞ্চমূলং চেতি পিত্তশমনানি||১১||
Adhikarana shleShmashamanAni dravyANi (12) · Śloka 1
শীতশিবশতপুষ্পাসরলসুরদারুরাস্নেন্গুদীসাতলাসুমনঃ-কাকাদনীলাঙ্গলিকাহস্তিকর্ণমুঞ্জাতলামজ্জকপ্রভৃতীন্যানি চ রূক্ষ্ণোষ্ণবীর্যাণ্যারগ্বধাদিরসনাদিরর্কাদিঃ সুরসাদির্মুষ্ককাদির্বত্সকার্মুস্তাদিঃ শীতঘ্নশ্চ মহাকষাযো বল্লীকণ্টকপঞ্চমূলে চ শ্লেষ্মশমনানীতি||১||
शीतशिवशतपुष्पासरलसुरदारुरास्नेन्गुदीसातलासुमनः-काकादनीलाङ्गलिकाहस्तिकर्णमुञ्जातलामज्जकप्रभृतीन्यानि च रूक्ष्णोष्णवीर्याण्यारग्वधादिरसनादिरर्कादिः सुरसादिर्मुष्ककादिर्वत्सकार्मुस्तादिः शीतघ्नश्च महाकषायो वल्लीकण्टकपञ्चमूले च श्लेष्मशमनानीति||१||
🔊 Audio coming soon
শীতশিবাদ্যন্যানি চ রূক্ষ্ণোষ্ণবীর্যাণি আরগ্বধাসনার্কসুরসমুষ্ককবত্সকমুস্তাদিগণসপ্তকং শীতঘ্নশ্চ মহাকষাযো বল্যাখ্যং পঞ্চমূলং কণ্টকাখ্যং চেতি শ্লেষ্মপ্রশমনানি||১২||
Adhikarana upasaMhAraH (13-14) · Śloka 14
ভবতি চাত্র- সমীক্ষ্য দোষদূষ্যাদীনমী বর্গাঃ সুযোজিতাঃ| সর্বামযজযাযালং জযন্তে নিযতাত্মনাম্||১৩|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং সূত্রস্থানে শোধনাদিগণসংগ্রহো নাম চতুর্দশোঽধ্যাযঃ||১৪||
भवति चात्र- समीक्ष्य दोषदूष्यादीनमी वर्गाः सुयोजिताः| सर्वामयजयायालं जयन्ते नियतात्मनाम्||१३|| इति श्रीवैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां सूत्रस्थाने शोधनादिगणसंग्रहो नाम चतुर्दशोऽध्यायः||१४||
🔊 Audio coming soon
ভবতি চাত্রেতি তন্ত্ররীতিঃ| অমী যথোক্তবর্গা বমনোপযোগ্যাদযো দোষদূষ্যবলকালাদীনবেক্ষ্য নানাবিধাভিঃ ক্বাথস্নেহাদিপরিকল্পনাভিঃ যোজিতা নিযতাত্মনামলোলুপানাং সর্বব্যাধিনাশনাযালং জাযন্তে পর্যাপ্তং ভবন্তীত্যর্থঃ||১৩|| ইতি শ্রীমন্মহামহোপাধ্যাযেন্দুবিরচিতাযা-মষ্টাঙ্গসংগ্রহব্যাখ্যাযাং শশিলেখাযাং সূত্রস্থানে চতুর্দশোঽধ্যাযঃ