Adhikarana atha sirAvyadhavidhirnAma ShaTtriMsho~adhyAyaH pratij~jA (1) · Śloka 1
அதாதஃ ஸிராவ்யதவிதஂ நாமாத்யாயஂ வ்யாக்யாஸ்யாமஃ| இதி ஹ ஸ்மாஹுராத்ரேயாதயோ மஹர்ஷயஃ||௧||
अथातः सिराव्यधविधं नामाध्यायं व्याख़्यास्यामः| इति ह स्माहुरात्रेयादयो महर्षयः||१||
🔊 Audio coming soon
ரக்தவிஸ்ராவணப்ரஸங்கே அஸக்வ்யாபிஸிராவ்யதைரித்யுக்தமதஸ்தத்விஜ்ஞாநார்தமத்யாயாரம்பஃ-அதாத இத்யாதி| ஸுபோதம்|| ௧||
Adhikarana ratkavirecanAdisAdhyavikAreShu sirAvyadhasya prAdhAnyam (2) · Śloka 2
பஹவோ ஹி ரக்தாவஸேசநோபாயாஃ ப்ராகபிஹிதாஸ்தேஷாமந்யேஷாஂ ச விரேகாதீநாமுபக்ரமாணாஂ தத்ஸாத்யேஷ்வாமயேஷு ஸிராவ்யதஃ ப்ரதாநம்| அமுநா ஹி தே ஸமூலாஃ ஶோஷமாயந்தி கேதாரஸேதுபேதேந ஶல்யாதய இவ||௨||
बहवो हि रक्तावसेचनोपायाः प्रागभिहितास्तेषामन्येषां च विरेकादीनामुपक्रमाणां तत्साध्येष्वामयेषु सिराव्यधः प्रधानम्| अमुना हि ते समूलाः शोषमायन्ति केदारसेतुभेदेन शल्यादय इव||२||
🔊 Audio coming soon
ஸிராவ்யதே ப்ராதாந்யப்ரதர்ஶநார்தமாஹ-பஹவ இத்யாதி| ப்ராக்பூர்வேऽத்யாயே| ஜலௌகஃப்ரபதயோ ரக்தவிஸ்ராவணோபாயா பஹவோऽபிஹிதாஃ| தேஷாஂ ரக்தவிஸ்ராவணாநாஂ மத்யே தத்ஸாத்யேஷு ரக்தாவஸேசநஸாத்யேஷு வ்யாதிஷ்வந்யேஷாஂ ச விரேகாதீநாமுபக்ரமாணாஂ ஸிராவ்யதஃ ப்ரதாந உபக்ரமஃ| அமுநா ஹி ஸிராவ்யதேந ரக்தாவஸேசநஸாத்யா வ்யாதயஃ ஸமுலாஃ ஶேஷமாயாந்தி| யதா கேதாரஸேதுபேதேந ஶால்யாதயஃ| கேதாரஸேதுஃ க்ஷேத்ரமர்யாதா ஜலாவஷ்டம்பிநீ| ரக்தாவஸேசநஸாத்யாநாஂ து வ்யாதீநாஂ ந ததா விரேகாதய உபக்ரமாஃ ந சாந்யே ரக்தவிஸ்ராவணோபாயாஃ யதா ஸிராவ்யதஃ|| ௨||
Adhikarana sirAvyadhaprashaMsA (3) · Śloka 3
ததா ச- ஸிராவ்யதிஶ்சிகித்ஸார்தஂ ஸம்பூர்ணஂ வா சிகித்ஸிதம்| ஶல்யதந்த்ரே ஸ்மதோ யத்வத்பஸ்திஃ காயசிகித்ஸிதே| யதா ரக்தமதிஷ்டாநஂ விகாராணாஂ விகாரிணாம்| அந்யந்ந ஹி ததா தூஷ்யஂ கர்மேதஂ ப்ரதமஂ ததஃ||௩||
तथा च- सिराव्यधिश्चिकित्सार्धं सम्पूर्णं वा चिकित्सितम्| शल्यतन्त्रे स्मृतो यद्वद्बस्तिः कायचिकित्सिते| यथा रक्तमधिष्ठानं विकाराणां विकारिणाम्| अन्यन्न हि तथा दूष्यं कर्मेदं प्रथमं ततः||३||
🔊 Audio coming soon
ததா சேதி தீர்தாந்தரபாடஂ ஸமுச்சிநோதி| ஸுபோதம்|| ௩||
Adhikarana raktasya dUShyatvaM samAntara~jca (4) · Śloka 4
தத்ராம்பு ஶரீரமாஹாரஸாரபூதஂ ரஸாக்யமவிகதமவிகதேந தேஜஸா ரஞ்ஜிதமிந்த்ரகோபாகாரஂ ச ஶஶஶோணிதகுஞ்ஜாபலாலக்தகபத்மஸுவர்ணவர்ணஂ தௌதஂ ச விரஜ்யமாநஂ மதுரமீஷல்லவணஂ ஸ்நிக்தமஸஂஹதமஶீதோஷ்ணஂ குரு பித்தைகசயப்ரகோபோபஶமநஂ ஸௌம்யாக்நேயஂ ப்ரகத்யா ரக்தமாஹுஸ்ததா தோஷம்| தூஷ்யமிதி கேசித்| உபயாத்மகமந்யே||௪||
तत्राम्बु शरीरमाहारसारभूतं रसाख़्यमविकृतमविकृतेन तेजसा रञ्जितमिन्द्रगोपाकारं च शशशोणितगुञ्जाफलालक्तकपद्मसुवर्णवर्णं धौतं च विरज्यमानं मधुरमीषल्लवणं स्निग्धमसंहतमशीतोष्णं गुरु पित्तैकचयप्रकोपोपशमनं सौम्याग्नेयं प्रकृत्या रक्तमाहुस्तथा दोषम्| दूष्यमिति केचित्| उभयात्मकमन्ये||४||
🔊 Audio coming soon
ரக்தஂ கிமுச்யத இத்யாஹ-தத்ரேத்யாதி| தத்ர ஶாரீரமம்ப்வா சார்யா ரக்தமாஹுரிதி ஸம்பந்தஃ| கிம்புதமித்யாஹஆஹாரஸாரபூதமித்யாதி| தௌதஂ வஸ்த்ராதி ந ரஞ்ஜயதி| பித்தேநைகஂ ஸமாநஂ சயாதிகஂ யஸ்ய தத்ததோக்தம்| தச்ச ரக்தஂ கேசிதாசார்யா தோஷமித்யாஹுர்தந்வதரீயாதயஃ| யதோ யதா வாதாதீநாஂ விலக்ஷணா ஹேதவஸ்தத்வதஸ்யாபி| ததா வாதாதீநாஂ ச யத்வத்விஶிஷ்டரோகஜநகத்வஂ விஶிஷ்டஶ்சோபக்ரமஃ தத்வதஸ்யாபீதி| ததாந்யே சரகாதயஸ்தத்ரக்தஂ தூஷ்யமித்யாஹுஃ| வாதாதிபிர்தூஷணாத்| அந்யே புநருபயரூபத்வஂ ரக்தஸ்யாஹுஃ| தோஷத்வஂ தூஷ்யத்வஂ ச யதஸ்தஸ்யைகோஂऽஶோ துஷ்டஃ பரமஂஶஂ தூஷயதி|| ௪||
Adhikarana shuddharaktakAryam (5) · Śloka 5
தச்சைவஂவிதமேவ விதிவதாஹாரவிஹாராப்யாஸாத்விஶுத்தஂ பலவர்ணஸுகாயுஷாஂ யோநிஃ||௫||
तच्चैवंविधमेव विधिवदाहारविहाराभ्यासाद्विशुद्धं बलवर्णसुख़ायुषां योनिः||५||
🔊 Audio coming soon
தச்ச ரக்தஂ விதிவதாஹாராத்யப்யாஸாத்விஶுத்தஂ ஸத் பலாதீநாஂ ஹேதுஃ|| ௫||
Adhikarana duShTaraktakAryam (6) · Śloka 6
இதரதா புநஃ ஶரத்காலஸ்வபாவாதேவ வா ப்ரதுஷ்டமபிஷ்யந்தாதிமந்தஶுக்லார்மதிமிரரக்தராஜீஶிரஸ்தோதபேததாஹகண்டூகர்ணரோகமுகபாகபூதிக்ராணாஸ்யோபதேஹத்வகுல்மப்லீஹவித்ரதிவீஸர்பஜ்வரரக்தபித்தகுஷ்டபிடகாஶ்லீபதோபதஂஶஶங்கஶோபவாதஶோணிதரக்தமேஹக்ஷுத்ரரோகாக்நிஸ்வரநாஶாங்ககௌரவஸாதாரோசகாம்லோத்காரலவணாஸ்யதாக்ரோதமோஹஸ்வேதமதமூர்ச்சாயஸஂந்யாஸகம்பதந்த்ராதீநாம்||௬||
इतरथा पुनः शरत्कालस्वभावादेव वा प्रदुष्टमभिष्यन्दाधिमन्थशुक्लार्मतिमिररक्तराजीशिरस्तोदभेददाहकण्डूकर्णरोगमुख़पाकपूतिग़्राणास्योपदेहत्वगुल्मप्लीहविद्रधिवीसर्पज्वररक्तपित्तकुष्ठपिटकाश्लीपदोपदंशशङ्ख़शोफवातशोणितरक्तमेहक्षुद्ररोगाग्निस्वरनाशाङ्गगौरवसादारोचकाम्लोद्गारलवणास्यताक्रोधमोहस्वेदमदमूर्च्छायसंन्यासकम्पतन्द्रादीनाम्||६||
🔊 Audio coming soon
இதரதா அவிதிநா ஆஹாராத்யப்யாஸாததவா ஶரத்காலே காலஸ்வபாவேந துஷ்டமபிஷ்யந்தாதீநாஂ யோநிரிதி ஸம்பந்தஃ|| ௬||
Adhikarana raktadoShajavikArANAM lakShaNantatra sirovyadhopadeshashca (7) · Śloka 7
தே ச ஶீதோஷ்ணாஸ்நிக்தரூக்ஷத்யைஃ ஸர்வதோஷப்ரதிபக்ஷைஃ ஸம்யகப்யுபக்ராந்தாஃ ஸாத்யா அபி ந ஸித்த்யந்தி| தே ச ரக்தப்ரகோபஜாஃ தஸ்மாத்தேஷ்வத்யுத்ரிக்தரக்தவிஸ்ராவணாய யதாஸ்வஂ ஸிராஂ வித்த்யேத்||௭||
ते च शीतोष्णास्निग्धरूक्षद्यैः सर्वदोषप्रतिपक्षैः सम्यगप्युपक्रान्ताः साध्या अपि न सिद्ध्यन्ति| ते च रक्तप्रकोपजाः तस्मात्तेष्वत्युद्रिक्तरक्तविस्रावणाय यथास्वं सिरां विद्ध्येत्||७||
🔊 Audio coming soon
ஸர்வதோஷப்ரதிபக்ஷைஃ ஶீதாதிபிஃ ஸம்யகுபக்ராந்தாஶ்சிகித்ஸிதாஃ ஸாத்யலக்ஷணயுக்தா அபி யே ந ஸித்த்யந்தி தே ரக்தப்ரகோபஜா ஜ்ஞேயாஃ|| ௭||
Adhikarana sirAvyadhAnarhaH apavAdashca (8) · Śloka 8
ந து ஸ்நேஹபீதகதபஞ்சகர்மாந்யதமகர்பிணீஸூதிகாஜீர்ணகாமலாக்லீபோநஷோடஶாதீதஸப்ததிவர்ஷாபிகாதாதிஸ்ருதரக்தாதுஷ்டரக்தாஸ்நிக்தாதிஸ்நிக்தாஸ்விந்நாக்ஷேபகபக்ஷாகாதாதிஸாரச்சர்திஶ்வாஸகாஸோதரரக்தபித்தார்ஶஃ பாண்டுரோகஃ ஸர்வாங்கஶோபபீடிதாநாம்| ந சாவ்யதநீயாஶ்சாயந்த்ரிதாநுத்திதாஃ ஸிராஃ ந திர்யங் ந சாதிஶீரோஷ்ணவர்ஷவாதாப்ரேஷு| தத்ர ஸ்நேஹபீதாதிஷு ஸம்யக்வித்தா அபி ஸிரா ந ஸ்ரவந்த்யதிஸ்ரவந்தி வா ஸம்யக் ஸ்நிக்தஸ்விந்நஸ்ய புநர்த்ரவீபூதா தோஷாஃ ஶோணிதமநுப்ரவிஷ்டாஃ ஸம்யக் ப்ரச்யவந்தே| ந த்வேஷ நிஷேதோ விஷஸஂஸஷ்டாபஸர்காத்யயிகவ்யாதிஷு||௮||
न तु स्नेहपीतकृतपञ्चकर्मान्यतमगर्भिणीसूतिकाजीर्णकामलाक्लीबोनषोडशातीतसप्ततिवर्षाभिग़ातातिस्रुतरक्तादुष्टरक्तास्निग्धातिस्निग्धास्विन्नाक्षेपकपक्षाग़ातातिसारच्छर्दिश्वासकासोदररक्तपित्तार्शः पाण्डुरोगः सर्वाङ्गशोफपीडितानाम्| न चाव्यधनीयाश्चायन्त्रितानुत्थिताः सिराः न तिर्यङ् न चातिशीरोष्णवर्षवाताभ्रेषु| तत्र स्नेहपीतादिषु सम्यग्विद्धा अपि सिरा न स्रवन्त्यतिस्रवन्ति वा सम्यक् स्निग्धस्विन्नस्य पुनर्द्रवीभूता दोषाः शोणितमनुप्रविष्टाः सम्यक् प्रच्यवन्ते| न त्वेष निषेधो विषसंसृष्टापसर्गात्ययिकव्याधिषु||८||
🔊 Audio coming soon
ந து ஸ்நேஹபீதாதீநாம் ஸிராஂ வித்யேதிதி ஸம்பந்தஃ| ஸிராஂ அவ்யதநீயத்வேந படிதாஂ ந வித்யேத்| உத்திதா அப்யாஹநநாதிநா தஶ்யந்தே| ஸுபோதம்|| ௮||
Adhikarana pratirogaM vyadhyasirAnirdeshaH (9) · Śloka 9
ப்ரதிரோகஂ து வ்யதஂ ப்ரதி விபாகஃ| ஶிரோநேத்ரரோகேஷு லாலாட்யாமுபநாஸ்யாமபாங்க்யஂ வா| கர்ணரோகேஷு பரிதஃ கர்ணௌ| நாஸாரோகேஷு நாஸாக்ரே| ப்ரதிஶ்யாயே து நாஸாலலாடஸ்தாஃ| முகரோகேஷு ஜிஹ்வௌஷ்டஹநுதாலுகாஃ| ஜத்ரூர்த்வக்ரந்திஷு க்ரீவாகர்ணஶங்கமூர்தகாஃ| அபஸ்மாரே ஹநுஸந்திமத்யகாஃ| உந்மாதே தூரோऽபாங்கலலாடகாஃ| வித்ரதௌ பாற்ஶ்வஶூலே ச பார்ஶ்வகக்ஷாஸ்தநாந்தரஸ்தாஃ| சதுர்தகே ஸ்கந்தாதோகதாமந்யதரபார்ஶ்வஶ்ரயாம்| ததீயகேஂऽஸயோரந்தரே த்ரிகஸந்திமத்யகதாம்| ப்ரவாஹிகாயாஂ ஶூலிந்யாஂ ஶ்ரோண்யாஃ ஸமந்தாத் த்வ்யங்குலே நிர்வத்தோபதஂஶஶுக்ரவ்யாபத்ஸு மேட்ரே| கலகண்ட ஊருமூலஸஂஶ்ரிதாம்| கத்ரஸ்யாஂ ஜாநுஸந்தேருபர்யதோ வா சதுரங்குலே| அபச்யாமிந்த்ரபஸ்தேரதஸ்தாத் த்வ்யங்குலே| க்ரோஷ்டுகஶீர்ஷே ஸக்திவாதருஜாஸு ச குல்பஸ்யோபரிஷ்டாச்சதுரங்குலே| ஶ்லீபதேஷு யதாஸ்வஂ வக்ஷ்யதே| தாஹஹர்ஷசிப்பவாதஶோணிதவாதகண்டகவிதாரிகாபாததாரீப்ரபதிஷு பாதரோகேஷு க்ஷிப்ரமர்மண உபரிஷ்டாத் த்வ்யங்குலே| ஏதேநேதரஸக்திபாஹூ வ்யாக்யாதௌ| விஶேஷதஸ்து வாமபாகாப்யந்தரதோ பாஹுமத்யே ப்லீஹோதரே| ஏவமேவ தக்ஷிணே பாஹௌ யகதாக்யே| ததா காஸஶ்வாஸயோரப்யாதிஶந்தி| கத்ரஸ்யாமிவ விஶ்வாச்யம்| பாஹுஶோஷாபபாஹுகயோரப்யேகே| அதஶ்யமாநாஸு த்வேதாஸ்வதிவத்தஸ்ய வ்யாதேரந்யவ்யாத்யுக்தாநாமாபி யதாஸந்நஂ வ்யதஃ||௯||
प्रतिरोगं तु व्यधं प्रति विभागः| शिरोनेत्ररोगेषु लालाट्यामुपनास्यामपाङ्ग्यं वा| कर्णरोगेषु परितः कर्णौ| नासारोगेषु नासाग्रे| प्रतिश्याये तु नासाललाटस्थाः| मुख़रोगेषु जिह्वौष्ठहनुतालुगाः| जत्रूर्ध्वग्रन्थिषु ग्रीवाकर्णशङ्ख़मूर्धगाः| अपस्मारे हनुसन्धिमध्यगाः| उन्मादे तूरोऽपाङ्गललाटगाः| विद्रधौ पाऱ्श्वशूले च पार्श्वकक्षास्तनान्तरस्थाः| चतुर्थके स्कन्धाधोगतामन्यतरपार्श्वश्रयाम्| तृतीयकेंऽसयोरन्तरे त्रिकसन्धिमध्यगताम्| प्रवाहिकायां शूलिन्यां श्रोण्याः समन्ताद् द्व्यङ्गुले निर्वृत्तोपदंशशुक्रव्यापत्सु मेढ्रे| गलगण्ड ऊरुमूलसंश्रिताम्| गृध्रस्यां जानुसन्धेरुपर्यधो वा चतुरङ्गुले| अपच्यामिन्द्रबस्तेरधस्ताद् द्व्यङ्गुले| क्रोष्टुकशीर्षे सक्थिवातरुजासु च गुल्फस्योपरिष्टाच्चतुरङ्गुले| श्लीपदेषु यथास्वं वक्ष्यते| दाहहर्षचिप्पवातशोणितवातकण्टकविदारिकापाददारीप्रभृतिषु पादरोगेषु क्षिप्रमर्मण उपरिष्टाद् द्व्यङ्गुले| एतेनेतरसक्थिबाहू व्याख़्यातौ| विशेषतस्तु वामभागाभ्यन्तरतो बाहुमध्ये प्लीहोदरे| एवमेव दक्षिणे बाहौ यकृदाख़्ये| तथा कासश्वासयोरप्यादिशन्ति| गृध्रस्यामिव विश्वाच्यम्| बाहुशोषापबाहुकयोरप्येके| अदृश्यमानासु त्वेतास्वतिवृद्धस्य व्याधेरन्यव्याध्युक्तानामापि यथासन्नं व्यधः||९||
🔊 Audio coming soon
ப்ரதிரோகஂ து வ்யதநவிபாகௌச்யத இதி வாக்யஶேஷஃ| தத்ர ஶிரோரோகேஷு நேத்ரரோகேஷு ச நேத்ரரோகவிஶேஷநைகட்யாபேக்ஷயாபாங்கயாத்யந்யதமாஂ வ்யதயேத்| அபாங்கே பவா அபாங்க்யா| உபநாஸ்யா நாஸாஸமீபஸ்தா| சதுர்தகே ஜ்வரே ஸ்கந்தஸ்யாதோகதாநாஂ மத்யாதந்யதரஸ்ய பார்ஶ்வாஶ்ரயாம்| ப்ரவாஹிகா நிஸ்தாநிகா| ஶூலிநீ ஶூலமிஶ்ரா| உபதஂஶோ மேட்ரரோகோ குஹ்யரோகேஷு வக்ஷ்மாணஃ| அபசீ கண்டமாலா| இந்த்ரபஸ்திர்நாம ஜங்காமத்யே மர்ம| கோஷ்டுகஶீர்ஷே நாம ஜாநுமத்யே ரோகஃ| யதைவைகஸ்மிந்ஸக்திநி பாஹௌ ச தத்வதபரஸ்மிந்நபி| காஸஶ்வாஸயோரபி பாஹுஸிராமித்யேவமாதிஶ்யந்த்யாசார்யாஃ| யஸ்மிந் வ்யாதௌ ஸிரா உக்த ஸா யதி ந தஶ்யதே ததா அந்யவ்யாத்யுக்தா அபி தந்நிகடே வ்யதநீயா|| ௯||
Adhikarana sirAvyadhAtprAgupakalpanIyam (10) · Śloka 10
ப்ராகேவ சோபகல்பயேச்சயநாஸநோதகும்பவஸ்த்ரபட்டாதி| ததா யதாலாபஂ ச தகரைலாஶீதஶிவகுஷ்டபாடாவிடங்கபத்ரதாருத்ரிகடுகாகாரதூமஹரித்ரார்காங்குரநக்தமாலசூர்ணம்-அஸக்ஸ்த்ராவணாய| அஸக்ஸ்தாபநாய ச லோத்ரமதுகப்ரியங்குபத்தங்ககைரிகரஸாஞ்ஜநஶால்மலீஶங்கயவகோதூமமாஷசூர்ணம்| வடாஶ்வத்தாஶ்வகர்ணபலாஶபிபீதகஸர்ஜார்ஜுநதந்வநதாதகீஸாலஸாராரிமேததிந்துகத்வகங்குரநிர்யாஸ-ஶ்ரீவேஷ்டகமத்கபாலமணாலாஞ்ஜநசூர்ணம்| க்ஷௌமமஷீலாக்ஷாஸமுத்ரபேநசூர்ணஂ வா| ததாந்யச்சாதிஸ்ருதரக்தவ்யாபத்ப்ரதீகாரோபகரணம்| ஸஜ்ஜோபகரணே ஹி வைத்யோ ந மோஹமாப்நோதி||௧௦||
प्रागेव चोपकल्पयेच्छयनासनोदकुम्भवस्त्रपट्टादि| तथा यथालाभं च तगरैलाशीतशिवकुष्ठपाठाविडङ्गभद्रदारुत्रिकटुकागारधूमहरिद्रार्काङ्कुरनक्तमालचूर्णम्-असृक्स्त्रावणाय| असृक्स्थापनाय च लोध्रमधुकप्रियङ्गुपत्तङ्गगैरिकरसाञ्जनशाल्मलीशङ्ख़यवगोधूममाषचूर्णम्| वटाश्वत्थाश्वकर्णपलाशबिभीतकसर्जार्जुनधन्वनधातकीसालसारारिमेदतिन्दुकत्वगङ्कुरनिर्यास-श्रीवेष्टकमृत्कपालमृणालाञ्जनचूर्णम्| क्षौममषीलाक्षासमुद्रफेनचूर्णं वा| तथान्यच्चातिस्रुतरक्तव्यापत्प्रतीकारोपकरणम्| सज्जोपकरणे हि वैद्यो न मोहमाप्नोति||१०||
🔊 Audio coming soon
தத்ர ஸிராவ்யதே ப்ராக் ப்ரதமமேவ ஶயநாதிகமுபகல்பயேத்| அஸக்ஸ்ராவணாய ச தகராதீநாஂ யதாலாபம் சூர்ணமுபகல்பயேத்| அதிப்ரவத்தஸ்ய ச ரக்தஸ்ய ஸ்தாபநாய ஸ்தம்பநாய லோத்ராதீநாஂ சூர்ணமதிஸ்ருதரயதவ்யாத்யுபகரணஂ ச| ஸுபோதமந்யத்|| ௧௦||
Adhikarana sirAvyadhavidhiH (11) · Śloka 11
அத கதஸ்வஸ்த்யயநமாதுரஂ வ்யாதிபலஸாத்ம்யாத்யவேக்ஷ்ய ஸ்நிக்தஂ ஜாங்கலரஸஂ யவாகூஂ வா பாயயித்வ முஹூர்தமாத்ரமாஶ்வாஸிதஂ பூர்வா~ஹ்ணேऽபராஹ்ணே வாங்காரதாபோஷ்ணபாஷ்பாந்யதரேண ஸ்விந்நஂ ஜாநூச்ச்ரிதே மதாவாஸநே ஜாநுநிஹிதகூர்பரஂ ஸமஸ்திதபாதஂ ப்ரத்யாதித்யமுபவேஶயேத்| கேஶாந்தே ச ப்லோதசர்மவல்கலபட்டாந்யதமேந பத்நீயாத்| ததஶ்சாயதேந வஸ்த்ராங்கஷ்டகர்பேண முஷ்டித்வயேநாதுரோ யதாஸ்வஂ மந்யே நிபீடயேத்தந்தைஶ்ச தந்தாந்| கண்டௌ சாத்மாபயேத்| புருஷஶ்சைநஂ பஷ்டதோ வஸ்த்ரககாடிகாந்தரந்யஸ்தவாமப்ரதேஶிநீகோ நாதிகாடஂ க்ரீவாயாஂ பரிக்ஷிப்ய வேஷ்டயந் வஸ்த்ரஂ ப்ராணாநபாதமாநோ யந்த்ரயேதித்யேஷோऽந்தர்முகவர்ஜ்யாநாஂ ஸிராணாஂ வ்யதநே யந்த்ரவிதிஃ| ததஶ்சாஸ்ய வைத்யோऽங்குஷ்டநிஷ்டப்தயா மத்யமாங்குல்யா ஸிராஂ தாடயேத்| உத்திதாஞ்ச ஸ்பந்தமாநாஂ ஸ்பர்ஶதாஂ வாபிலக்ஷ்ய வாமஹஸ்தேந குடாரிகாமூர்த்வதண்டாஂ கத்வா ஸிராமத்யே ந்யஸ்ய லக்ஷயித்வா ச ததைவ ச மத்யமாங்குல்யா தாடயேதங்குஷ்டோதரேண வா பீடயேத்| கூடபஹலத்வக் ப்ரதிச்சாந்நாயாமங்குஷ்டபீடாநாதுந்நமநமுபலக்ஷயேத்| உத்கஸநேந க்ரோதஸஂரம்பேண சாபூர்யந்தே ஸிராஃ||௧௧||
अथ कृतस्वस्त्ययनमातुरं व्याधिबलसात्म्याद्यवेक्ष्य स्निग्धं जाङ्गलरसं यवागूं वा पाययित्व मुहूर्तमात्रमाश्वासितं पूर्वा~ह्णेऽपराह्णे वाङ्गारतापोष्णबाष्पान्यतरेण स्विन्नं जानूच्छ्रिते मृदावासने जानुनिहितकूर्परं समस्थितपादं प्रत्यादित्यमुपवेशयेत्| केशान्ते च प्लोतचर्मवल्कलपट्टान्यतमेन बध्नीयात्| ततश्चायतेन वस्त्राङ्गष्ठगर्भेण मुष्टिद्वयेनातुरो यथास्वं मन्ये निपीडयेद्दन्तैश्च दन्तान्| गण्डौ चाध्मापयेत्| पुरुषश्चैनं पृष्ठतो वस्त्रकृकाटिकान्तरन्यस्तवामप्रदेशिनीको नातिगाढं ग्रीवायां परिक्षिप्य वेष्टयन् वस्त्रं प्राणानबाधमानो यन्त्रयेदित्येषोऽन्तर्मुख़वर्ज्यानां सिराणां व्यधने यन्त्रविधिः| ततश्चास्य वैद्योऽङ्गुष्ठनिष्टब्धया मध्यमाङ्गुल्या सिरां ताडयेत्| उत्थिताञ्च स्पन्दमानां स्पर्शदां वाभिलक्ष्य वामहस्तेन कुठारिकामूर्ध्वदण्डां कृत्वा सिरामध्ये न्यस्य लक्षयित्वा च तथैव च मध्यमाङ्गुल्या ताडयेदङ्गुष्ठोदरेण वा पीडयेत्| गूढबहलत्वक् प्रतिच्छान्नायामङ्गुष्ठपीडानादुन्नमनमुपलक्षयेत्| उत्कसनेन क्रोधसंरम्भेण चापूर्यन्ते सिराः||११||
🔊 Audio coming soon
அதேத்யாதி ஸுபோதம்| ப்ரத்யாதித்யமாதித்யாபிமுகமித்யர்தஃ| யதாஸ்வமிதி தக்ஷிணேந முஷ்டிநா தக்ஷிணாஂ மந்யாம்| வாமேந ச வாமாம்| அந்யஶ்ச புருஷ ஏநமாதுரஂ பஷ்டத ஆதுரக்ரீவாயாஂ வஸ்த்ரஂபரிவேஷ்ட்ய ஆதுரககாடிகாயா வஸ்த்ரஸ்ய ச மத்யே ஆத்மீயாஂ ப்ரதேஶிநீமங்குலிஂ கத்வா யந்த்ரயேதிதி ஸம்பந்தஃ| ந த்வேவமந்தர்முகஸிராணாமந்தர்முகஂ ஜிஹ்வாதந்தாதி| ஸ்பர்ஶநஂ ததாதீதி சேதயதீதி ஸ்பர்ஶதா| உத்கஸநஂ கண்டஂ நிஷ்பீட்ய கஸநம்|| ௧௧||
Adhikarana vishiShTasirAvyadhanArthaM yantraNAdinirdeshaH (12) · Śloka 12
அங்குஷ்டேந து நாஸாக்ரமுந்நமய்ய வ்ரீஹிமுகேநோபநாஸிகாஂ வித்யேத்| உந்நமிதவிதஷ்டாக்ரஜிஹ்வஸ்யாதோஜிஹ்வாயாஃ| விவதாஸ்யஸ்ய தாலுநி தந்தமூலே ச| க்ரீவாஸிராஸு ஸ்தநயோருபரி யந்த்ரயேத்| உதரோரஸோஃ ப்ரஸாரிதோரஸ்கஸ்யோந்நமிதஶிரஸஃ| பாஹுப்யாமவலம்பமாநஸ்ய பார்ஶ்வயோஃ| உந்நதமேட்ரஸ்ய மேட்ரே| ஶ்ரோணிபஷ்டஸ்கந்தேஷூந்நமிதபஷ்டஸ்யாவாக்ஶிரஸ உபவிஷ்டஸ்ய| விஶ்வாசீகத்ரஸ்யோரநாகுஞ்சிதே கூர்பரே ஜாநுநி வா ஸுகோபவிஷ்டஸ்ய கூடாங்குஷ்டபத்தமுஷ்டேர்வ்யதநீயப்ரதேஶஸ்யோபரி சதுரங்குலே ப்லோதாத்யந்யதமேந ச பத்வா ஹஸ்தஸிராம்| ஏவமேகபாதஂ ஸுஸஂஸ்திதஂ ஸ்தாபயித்வாऽந்யபாதமீஷத்ஸங்குசிதஂ தஸ்யோபரி நிதாய ஜாநுஸந்தேரதோ ஹஸ்தாப்யாமாகுல்பஂ நிபீட்ய பூர்வவத்பத்வா பாதஸிராஂ வித்யேத்| தத்ர தத்ர ச தைஸ்தேருபாயைர்விகல்ப்ய யந்த்ரயேத்||௧௨||
अङ्गुष्ठेन तु नासाग्रमुन्नमय्य व्रीहिमुख़ेनोपनासिकां विध्येत्| उन्नमितविदष्टाग्रजिह्वस्याधोजिह्वायाः| विवृतास्यस्य तालुनि दन्तमूले च| ग्रीवासिरासु स्तनयोरुपरि यन्त्रयेत्| उदरोरसोः प्रसारितोरस्कस्योन्नमितशिरसः| बाहुभ्यामवलम्बमानस्य पार्श्वयोः| उन्नतमेढ्रस्य मेढ्रे| श्रोणिपृष्ठस्कन्धेषून्नमितपृष्ठस्यावाक्शिरस उपविष्टस्य| विश्वाचीगृध्रस्योरनाकुञ्चिते कूर्परे जानुनि वा सुख़ोपविष्टस्य गूढाङ्गुष्ठबद्धमुष्टेर्व्यधनीयप्रदेशस्योपरि चतुरङ्गुले प्लोताद्यन्यतमेन च बध्वा हस्तसिराम्| एवमेकपादं सुसंस्थितं स्थापयित्वाऽन्यपादमीषत्सङ्कुचितं तस्योपरि निधाय जानुसन्धेरधो हस्ताभ्यामागुल्फं निपीड्य पूर्ववद्बध्वा पादसिरां विध्येत्| तत्र तत्र च तैस्तेरुपायैर्विकल्प्य यन्त्रयेत्||१२||
🔊 Audio coming soon
ஜிஹ்வா விதஷ்டா ஊர்த்வமுத்க்ஷிப்யாந்தர்க்ரஹணேந கலே நீதா| பாஹுப்யாமவலம்பமாநஸ்யோர்த்வபாஹோர்வக்ஷஶாகாதாவேவஂ ஹி பார்ஶ்வஸிரா ஸ்புடீபவதி| தத்ர தத்ர தாஸு தாஸு ச ஸிராஸு யந்த்ரணஂ ஸ்வபுத்த்யா பரிகல்பயேத்|| ௧௨||
Adhikarana sthAnavisheSheNa shastravisheShaH shAstrapAtanamaryAdA ca (13) · Śloka 13
தத்ர மாஂஸலேஷ்வவகாஶேஷு யவமாத்ரஂ வ்ரீஹிமுகேந| அதோऽந்யதார்தயவமாத்ரஂ வ்ரீஹிமாத்ரஂ வா அஸ்த்நாமுபரி குடாரிகயார்தயவமாத்ரம்| ஸர்வத்ர சாநுத்தநாவகாடமஜ்வஸங்கீர்ணஂ மர்மாத்யநுபகாதிஸிராமத்யே ஶஸ்த்ரமாஶு பாதயேத்||௧௩||
तत्र मांसलेष्ववकाशेषु यवमात्रं व्रीहिमुख़ेन| अतोऽन्यथार्धयवमात्रं व्रीहिमात्रं वा अस्थ्नामुपरि कुठारिकयार्धयवमात्रम्| सर्वत्र चानुत्तनावगाढमृज्वसङ्कीर्णं मर्माद्यनुपग़ातिसिरामध्ये शस्त्रमाशु पातयेत्||१३||
🔊 Audio coming soon
தத்ர மாஂஸலேஷ்வித்யாதிநா ப்ரதேஶவிஶேஷேண ஶஸ்த்ரவிஶேஷாணாமுபயோகஂ தர்ஶயதி| ஸுபோதம்| துஃகஂ தார்யதே துஃகேந ரோத்துஂ ஶக்யத இத்யர்தஃ|| ௧௩||
Adhikarana samyagviddhalakShaNam (14) · Śloka 14
ஏகப்ரஹாராபிஹதா தாரயா யா ஸ்ரவேதஸக்| முஹூர்தருத்தா திஷ்டேச்ச ஸம்யக்வித்தேதி தாஂ விதுஃ|௧௪|
एकप्रहाराभिहता धारया या स्रवेदसृक्| मुहूर्तरुद्धा तिष्ठेच्च सम्यग्विद्धेति तां विदुः|१४|
🔊 Audio coming soon
Adhikarana alpadurviddhAtividdhalakShaNAni (14) · Śloka 14
அல்பகாலஂ வஹத்யல்பஂ துர்வித்தா தைலசூர்ணநைஃ| ஸஶப்தமதிவித்தா து ஸ்ரவேத் துஃகேந தார்யதே|௧௪|
अल्पकालं वहत्यल्पं दुर्विद्धा तैलचूर्णनैः| सशब्दमतिविद्धा तु स्रवेद् दुःख़ेन धार्यते|१४|
🔊 Audio coming soon
Adhikarana samyagviddhAnAmapyavahanakAraNAni tatropAyAshca (14) · Śloka 14
ஸம்யக்வித்தாநாமபி ச ஸிராணாவஹநகாரணாநி மூர்ச்சாஂ பயஂ யந்த்ரஶைதில்யமதிகாடத்வமத்யாஶிததா க்ஷாமத்வஂ குண்டஶஸ்த்ரவ்யதோ மூத்ரிதோச்சாரிதத்வஂ துஃஸ்விந்நதா கபாவதவ்ரணத்வாரதா சேதி| அதாப்ரவத்திகாரணஂ அதாஸ்வமுபலக்ஷ்ய ப்ரதிகுர்யாத்| தகராதிசூர்ணேந ச தைலலவணப்ரகாடேந ஸிராமுகமவசூர்ணயேத்| பஷ்டமத்யே சாதுரஂ பீடயேத்| ஏவஂ ஸாது வஹதி|௧௪|
सम्यग्विद्धानामपि च सिराणावहनकारणानि मूर्च्छां भयं यन्त्रशैथिल्यमतिगाढत्वमत्याशितता क्षामत्वं कुण्ठशस्त्रव्यधो मूत्रितोच्चारितत्वं दुःस्विन्नता कफावृतव्रणद्वारता चेति| अथाप्रवृत्तिकारणं अथास्वमुपलक्ष्य प्रतिकुर्यात्| तगरादिचूर्णेन च तैललवणप्रगाढेन सिरामुख़मवचूर्णयेत्| पृष्ठमध्ये चातुरं पीडयेत्| एवं साधु वहति|१४|
🔊 Audio coming soon
Adhikarana samyakpravRutte upacArAH (14) · Śloka 14
ஸம்யக்ப்ரவத்தே கபாநிலோபஶமநரக்தாச்சேதநார்தமுஷ்ணலவணதைலபிந்துபிஃ ஸிராமுகஂ ஸிஞ்சேத்|௧௪|
सम्यक्प्रवृत्ते कफानिलोपशमनरक्ताच्छेदनार्थमुष्णलवणतैलबिन्दुभिः सिरामुख़ं सिञ्चेत्|१४|
🔊 Audio coming soon
Adhikarana duShTaraktameva sravecCuddhantu svayaM tiShThet (14) · Śloka 14
அக்ரே ஸ்ரவதி துஷ்டாஸ்ரஂ குஸும்பாதிவ பீதிகா| ஸம்யக் ஸ்ருத்வா ஸ்வயஂ திஷ்டேச்சுத்தந்ததிதி நாஹரேத்|௧௪|
अग्रे स्रवति दुष्टास्रं कुसुम्भादिव पीतिका| सम्यक् स्रुत्वा स्वयं तिष्ठेच्छुद्धन्तदिति नाहरेत्|१४|
🔊 Audio coming soon
Adhikarana raktasrAvasamaye mUrcCAyAM pratikAraH (14) · Śloka 14
யஸ்ய து ஸ்ரவதி ரக்தே மூர்ச்சா ஜாயதே தஸ்ய விமுச்ய யந்த்ரஂ ஶீதஸலிலற்த்ரபாணிஸ்பர்ஶேந வ்யஜநவாயுநா ஶ்ரோத்ரஸுகேந வசஸா ஸமாஶ்வாஸயந்நுபஶமய்ய மூர்ச்சாஂ புநஃ ஸ்ராவயேத்| புநமூர்ச்சத்யபரேத்யுஸ்த்ர்யஹேऽபி வா||௧௪||
यस्य तु स्रवति रक्ते मूर्च्छा जायते तस्य विमुच्य यन्त्रं शीतसलिलऱ्द्रपाणिस्पर्शेन व्यजनवायुना श्रोत्रसुख़ेन वचसा समाश्वासयन्नुपशमय्य मूर्च्छां पुनः स्रावयेत्| पुनमूर्च्छत्यपरेद्युस्त्र्यहेऽपि वा||१४||
🔊 Audio coming soon
ஸம்யக்வித்தா அபி ஸிரா மூர்ச்சாதிபிஃ காரணை ரக்தஂ ந வஹதி| மூத்ரதோச்சாரிதத்வஂ மூத்ரோச்சாரிதவேகப்ராப்திஃ| ஸுபோதமந்யத்|| ௧௪||
Adhikarana rudhirAvasecanapramANam (15) · Śloka 15
பரமஂ து ருதிராவஸேசநப்ரமாணஂ ப்ரஸ்தஃ| அதோऽந்யதா வ்யாதிதேஹர்துபலமபேக்ஷேத||௧௫||
परमं तु रुधिरावसेचनप्रमाणं प्रस्थः| अतोऽन्यथा व्याधिदेहर्तुबलमपेक्षेत||१५||
🔊 Audio coming soon
கேசித் படந்தி- வமநே ச விரேகே ச ததா ஶோணிதமோக்ஷணே| ஸார்தத்ரயோதஶபலஂ ப்ரஸ்தமாஹுர்மநீஷிணஃ|| இதி| வ்யாத்யாதிபலாபேக்ஷயா ஸ்தோகஂ பஹு வா ரக்தஂ ஸ்ராவயேத்|| ௧௫||
Adhikarana srutaraktasya varNAdiBedaiH parIkShaNaM vAtAdiduShTaraktalakShaNa~jca (16) · Śloka 16
தத்ர பேநிலமருணஂ ஶ்யாவமச்சஂ ரூக்ஷமஸ்கந்தி கஷாயாநுரஸஂ லோஹகந்தி வேகஸ்ராவி ஶீதஞ்ச ரக்தஂ வாதாத்| கஹதூமாஞ்ஜநோதககஷ்ணஂ பீதஂ ஹரிதஂ விஸ்ரஂ மத்ஸ்யகந்தி கடுத்வாந்மக்ஷிகாऽநிஷ்டமௌஷ்ண்யாதஸ்கந்தி ஸசந்த்ரகஂ கோமூத்ராபஂ ச பித்தாத்| கோவிதாரபுஷ்பகைரிகோதகபாண்டுஶீதஂ ஸ்நிக்தஂ ஸ்கந்தி கநஂ பிச்சிலஂ தந்துமதப்ரணத்வாராவஸாதி லவணரஸஂ வஸாகந்தி ச கபாத்| த்வந்த்வஸங்கீர்ணஂ ஸஂஸர்காத்| கஂஸநீலமாவிலஂ துர்கந்தஞ்ச ஸந்நிபாதாத்| ஶுத்தமுக்தஂ ப்ராக்||௧௬||
तत्र फेनिलमरुणं श्यावमच्छं रूक्षमस्कन्दि कषायानुरसं लोहगन्धि वेगस्रावि शीतञ्च रक्तं वातात्| गृहधूमाञ्जनोदककृष्णं पीतं हरितं विस्रं मत्स्यगन्धि कटुत्वान्मक्षिकाऽनिष्टमौष्ण्यादस्कन्दि सचन्द्रकं गोमूत्राभं च पित्तात्| कोविदारपुष्पगैरिकोदकपाण्डुशीतं स्निग्धं स्कन्दि ग़नं पिच्छिलं तन्तुमदब्रणद्वारावसादि लवणरसं वसागन्धि च कफात्| द्वन्द्वसङ्कीर्णं संसर्गात्| कंसनीलमाविलं दुर्गन्धञ्च सन्निपातात्| शुद्धमुक्तं प्राक्||१६||
🔊 Audio coming soon
தத்ர வாததுஷ்டஂ ரக்தஂ பேநிலத்வாதியுக்தஂ பவதி| அஸ்கந்தி ந து ஸ்த்யாநீபவதி| பித்ததுஷ்டஂ கஹதூமாதிவர்ணாதியுக்தஂ பவதி| ததப்யௌஷ்ண்யாதஸ்கந்தி| கபதுஷ்டஂ கோவிதாரபுஷ்பபாண்டுத்வாதிநா யுக்தஂ பவதி| ஏவஂ மிஶ்ரணாதிநா லக்ஷணேந த்வாப்யாஂ த்ரிபிர்வா துஷ்டஂ வித்யாத்| ஸந்நிபாதேந து கஂஸநீலத்வாதிவிஶேஷஃ| ஶுத்தஂ ப்ராகஸ்மிந்நேவாத்யாய உக்தம்|| ௧௬||
Adhikarana raktasrAvaNottaravidhiH (17) · Śloka 17
ததஃ ஸ்ருதரக்தஸ்ய வ்யதமநுலோமமங்குஷ்டேநோபருத்ய ஶநைஃ ஶநைர்யந்த்ரமபநீயாஶ்வாஸயேத்| ஸதைலஂ ச ப்லோதஂ ஸிராமுகே தத்வா பத்நீயாத்| ஸஂவேஶயேச்சைநம்||௧௭||
ततः स्रुतरक्तस्य व्यधमनुलोममङ्गुष्ठेनोपरुध्य शनैः शनैर्यन्त्रमपनीयाश्वासयेत्| सतैलं च प्लोतं सिरामुख़े दत्वा बध्नीयात्| संवेशयेच्चैनम्||१७||
🔊 Audio coming soon
ப்லோதஂ சைலகண்டம்|| ௧௭||
Adhikarana atiShThati rakte upacArAH (19) · Śloka 19
அதிஷ்டதி து ரக்தே ஸிராமுகஂ ஸந்தாதுஂ பூர்வோக்தைஶ்சூர்ணைரவசூர்ண்யாங்குல்யக்ரேண பீடயேத்| ஶால்மல்யுபோதகாஂ பிச்சாஂ வா வ்ரணமுகே தத்வா காடஂ பத்நீயாத்| மதூச்சிஷ்டப்ரலிப்தஂ வா பட்டம்| ஶீதாம்புநாவஸிஞ்சேத்| ஶீதமதுரகஷாயாந்நபாநஸேகப்ரதேஹப்ரவாதவேஶ்மபிர்வா ஸ்கந்தநாயோபசரேத்| பத்மகாதிக்வாதஂ ஶர்கராமதுமதுரஂ க்ஷீரமிக்ஷுரஸமேணஹரிணாஜோரப்ரமஹிஷவராஹாணாமந்யதமஸ்ய ஸிராஂ வித்த்வா ருதிரமாமஂ கதபஷ்டஂ வா பாநஂ தத்யாத்| தேநைவ வா தர்பபாதமதிதேநாநுவாஸயேத்| ஸ்நிக்தைஶ்ச யூஷரஸைர்போஜயேத்| வ்யதாதநந்தரஂ வா புநஸ்தாமேவ ஸிராஂ வித்யேத்| ஸர்வதா சாநவதிஷ்டமாநே பாசநாய க்ஷாரஂ தத்யாத்| ஸங்கோசயிஉதஂ வா ஸிராமுகஂ தப்தஶலாகயா தஹேத்| ந ச க்ஷணமப்யுபேக்ஷேத| க்ஷீணரக்தஸ்ய ஹி வாயுர்மர்மண்யுபஸஂகஹ்ய மூர்ச்சாஸஂஜ்ஞாநாஶஶிரஃகம்பப்ரமமந்யாஸ்தம்பாபதாநகஹநுப்ரஂஶஹித்மா-பாண்டுத்வபாதிர்யதாதுக்ஷயாக்ஷேபகாதீந் கரோதி மரணஂ வா|௧௯|
अतिष्ठति तु रक्ते सिरामुख़ं सन्धातुं पूर्वोक्तैश्चूर्णैरवचूर्ण्याङ्गुल्यग्रेण पीडयेत्| शाल्मल्युपोदकां पिच्छां वा व्रणमुख़े दत्वा गाढं बध्नीयात्| मधूच्छिष्टप्रलिप्तं वा पट्टम्| शीताम्बुनावसिञ्चेत्| शीतमधुरकषायान्नपानसेकप्रदेहप्रवातवेश्मभिर्वा स्कन्दनायोपचरेत्| पद्मकादिक्वाथं शर्करामधुमधुरं क्षीरमिक्षुरसमेणहरिणाजोरभ्रमहिषवराहाणामन्यतमस्य सिरां विद्ध्वा रुधिरमामं ग़ृतभृष्टं वा पानं दद्यात्| तेनैव वा दर्भपादमृदितेनानुवासयेत्| स्निग्धैश्च यूषरसैर्भोजयेत्| व्यधादनन्तरं वा पुनस्तामेव सिरां विध्येत्| सर्वथा चानवतिष्ठमाने पाचनाय क्षारं दद्यात्| सङ्कोचयिउतं वा सिरामुख़ं तप्तशलाकया दहेत्| न च क्षणमप्युपेक्षेत| क्षीणरक्तस्य हि वायुर्मर्मण्युपसंगृह्य मूर्च्छासंज्ञानाशशिरःकम्पभ्रममन्यास्तम्भापतानकहनुभ्रंशहिध्मा-पाण्डुत्वबाधिर्यधातुक्षयाक्षेपकादीन् करोति मरणं वा|१९|
🔊 Audio coming soon
ரக்தே அதிஷ்டிதி அருத்யதி பூர்வோக்தைஶ்சூர்ணைஸ்தகராதிபிஃ| ஶால்மல்யுபோதகயோரந்தஃபிச்சைவ பிச்சா பவதி| மதூச்சிஷ்டஂ ஸிக்தகம்| ரக்தஸ்கந்தநாய ஸ்த்யாநத்வாய ஶீதாதிபிருபசரேத்| அதவாதிஸ்ருதரக்தஸ்ய ஏணாதிகஸ்ய ருதிரமாமஂ தத்காலஸ்ருதஂ பாநாய தத்யாத்| பத்மகாதிக்வாதமிக்ஷுரஸஂ க்ஷீரஂ வா| வ்யதாதநந்தரஂ வ்யதநஸ்ய பஶ்சிமே பாகே புநர்வ்யதயேத்| ஸுபோதமந்யத்|| ௧௯||
Adhikarana raktasrAvaNAnantaraM yuktyA bRuMhaNaM deyam (19) · Śloka 19
ப்ராணஃ ப்ராணபதாஂ ரக்தஂ தத்க்ஷயாத்க்ஷீயதேऽநலஃ| வர்ததே சாநிலஸ்தஸ்மாத்யுக்த்யா பஂஹணமாசரேத்|௧௯|
प्राणः प्राणभृतां रक्तं तत्क्षयात्क्षीयतेऽनलः| वर्धते चानिलस्तस्माद्युक्त्या बृंहणमाचरेत्|१९|
🔊 Audio coming soon
Adhikarana punarvyadhananiyamAH (19) · Śloka 19
அஶுத்தந்து ரக்தமபராஹ்ணேऽந்யேத்யுர்வா புநஃ ஸ்ராவயேத்| ததோऽபி ஶேஷஂ ஸர்வதா வாப்யவிஸ்ராவ்யரக்தஸ்ய ஶீதஸேகப்ரதேஹவிரேகோபவாஸஸ்நிக்தமதுராந்நபாநைஃ ப்ரஸாதயேத்| மாஸமாத்ரஂ வா ஸ்நேஹாதிபிருபசர்ய புநர்வித்யேத்|௧௯|
अशुद्धन्तु रक्तमपराह्णेऽन्येद्युर्वा पुनः स्रावयेत्| ततोऽपि शेषं सर्वथा वाप्यविस्राव्यरक्तस्य शीतसेकप्रदेहविरेकोपवासस्निग्धमधुरान्नपानैः प्रसादयेत्| मासमात्रं वा स्नेहादिभिरुपचर्य पुनर्विध्येत्|१९|
🔊 Audio coming soon
Adhikarana vyadhavyApatpratikAraH (19) · Śloka 19
துர்வ்யதாதிவ்யதகுடிததிர்யக்வ்யதாதேர்வ்யததோஷாத் வ்யாபதோ யாஃ ஸ்யுஸ்தாஃ யதாஸ்வஂ ஸாதயேதிதி||௧௯||
दुर्व्यधातिव्यधकुटिततिर्यग्व्यधादेर्व्यधदोषाद् व्यापदो याः स्युस्ताः यथास्वं साधयेदिति||१९||
🔊 Audio coming soon
அந்யேத்யுர்த்விதீயேऽஹ்நி| ததோऽபி புநர்விஸ்ராவிதாதபி ஶீதைஃ ஸேகாதிபிஃ ப்ரஸாதயேத்| அவிஸ்ராவ்யரக்தஸ்ய கர்பிண்யாதேரேவமேவ ப்ரஸாதயேத்| அஶுத்தே ரக்தே மாஸமாத்ரேண புநஸ்ஸிராஂ வித்யேத்| வ்யததோஷாச்ச வ்யாதீநாஂ ஸ்வஂ ஸ்வஂ சிகித்ஸிதஂ யோஜ்யம்|| ௧௯||
Adhikarana pathyapAlanamaryAdA (20) · Śloka 20
பவதி சாத்ர- உந்மார்ககா யந்த்ரநிபீடநேந ஸ்வஸ்தாநமாயாந்தி புநர்ந யாவத்| தோஷாஃ ப்ரதுஷ்டா ருதிரஂ ப்ரபந்நாஸ்தாவித்ததாஹாரவிஹாரபாக் ஸ்யாத்||௨௦||
भवति चात्र- उन्मार्गगा यन्त्रनिपीडनेन स्वस्थानमायान्ति पुनर्न यावत्| दोषाः प्रदुष्टा रुधिरं प्रपन्नास्ताविद्धताहारविहारभाक् स्यात्||२०||
🔊 Audio coming soon
பவதி சாத்ரேதி தந்த்ரரீதிஃ| தோஷா வாதாதயோ யந்த்ரபீடநேந ஸ்வமார்கேப்ய உந்மார்கஂ கதாஃ புநர்யாவத் ஸ்வஂ ஸ்தாநஂ ந யாந்தி தாவத்திதாஹாரவிஹாரபாக் ஸ்யாதிதி ஸம்பந்தஃ|| ௨௦||
Adhikarana pathyanirdeshaH (21) · Śloka 21
நாதயுஷ்ணஶீதஂ லகு தீபநீயஂ ரக்தேऽபநீதே ஹிதமந்நபாநம்| ததா ஶரீரஂ ஹ்யநவஸ்தைதாஸகக்நிர்விஶேஷாதிதி ரக்ஷிதவ்யஃ||௨௧||
नातयुष्णशीतं लग़ु दीपनीयं रक्तेऽपनीते हितमन्नपानम्| तदा शरीरं ह्यनवस्थैतासृगग्निर्विशेषादिति रक्षितव्यः||२१||
🔊 Audio coming soon
ரக்தேऽபநீதே நாத்யுஷ்ணத்வாதியுக்தமந்நபாநஂ ஹிதம்| ததஸ்தஸ்மிந் காலே ரக்ஷிதவ்யஃ புருஷோ யதஸ்ததா ஶரீரமநவஸ்திதாஸகநவஸ்திதோऽக்நிஶ்ச பவதி|| ௨௧||
Adhikarana vishuddharaktapuruShalakShaNam (3) · Śloka 3
ப்ரஸந்நவர்ணேந்த்ரியமிந்த்ரியார்தாநிச்சந்தமவ்யாஹதபக்தவேகம்| ஸுகாந்விதஂ புஷ்டிபலோபபந்நஂ விஶுத்தரக்தஂ புருஷஂ வதந்தி| இதி ஶ்ரீவைத்யபதிஸிஂஹகுப்தஸ்ய ஸூநோர்வாக்படஸ்ய கதௌ அஷ்டாங்கஸஂக்ரஹஸஂஹிதாயாஂ ஸூத்ரஸ்தாநே ஸிராவ்யதவிதிர்நாம ஷட்த்ரிஂஶோऽத்யாயஃ||௩||
प्रसन्नवर्णेन्द्रियमिन्द्रियार्थानिच्छन्तमव्याहतपक्तृवेगम्| सुख़ान्वितं पुष्टिबलोपपन्नं विशुद्धरक्तं पुरुषं वदन्ति| इति श्रीवैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां सूत्रस्थाने सिराव्यधविधिर्नाम षट्त्रिंशोऽध्यायः||३||
🔊 Audio coming soon
விஶுத்தரக்தஂ புருஷமாசார்யாஃ ப்ரஸந்நவர்ணத்வாதியுக்தஂ வதந்தி| இதி ஶ்ரீமந்மஹாமஹோபாத்யாயேந்துவிரசிதாயாம் அஷ்டாங்கஸஂக்ரஹவ்யாக்யாயாஂ ஶஶிலேகாயாஂ ஸூத்ரஸ்தாநே ஷட்த்ரிஂஶோऽத்யாயஃ