Adhikarana atha bAlagrahapratiShedho nAma caturtho~adhyAyaH - avataraNikA · Śloka
🔊 Audio coming soon
গ্রহাণাং স্বরূপমুক্ত্বা তেনৈব ক্রমেণ চিকিত্সাং প্রদর্শযিতুমধ্যায আরভ্যতে
4. bālagrahapratiṣēdhaḥ
Adhikarana pratij~jA (1) · Śloka 1
অথাতো বালগ্রহপ্রতিষেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
View original
अथातो बालग्रहप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana sAdhyagrahe sAmAnyacikitsA (2) · Śloka 2
গ্রহেষু সাধ্যেষু শিশুং বিবিক্তে শরণে স্থিতম্| ত্রিরহ্না মুষ্টসংসিক্তে সদা সন্নিহিতানলে| বিকীর্ণভূতিকুসুমবীজপত্রান্নসর্ষপে| রক্ষোঘ্নতৈলজ্বলিতপ্রদীপহতপাপ্মনি| ব্যবাযমদ্যপিশিতনিবৃত্তপরিচারকে| পুরাণসর্পিষাভ্যক্তং পরিষিক্তং সুখাম্বুনা| সাধিতেন বলানিম্ববৈজযন্তীনৃপদ্রুমৈঃ| পারিভদ্রককট্বঙ্গজম্বূবরণকত্তৃণৈঃ| কপোতবঙ্কাপামার্গপাটলীমধুশিগ্রুভিঃ| কাকজঙ্ঘামহাশ্বেতাকপিত্থক্ষীরিপাদপৈঃ| সকদম্বকরঞ্চৈশ্চ ধূপং স্নাতস্য চাচরেত্| দ্বীপিব্যাঘ্রাহিসিংহর্ক্ষচর্মভির্ঘৃতমিশ্রিতৈঃ||২||
View original
ग्रहेषु साध्येषु शिशुं विविक्ते शरणे स्थितम्| त्रिरह्ना मुष्टसंसिक्ते सदा सन्निहितानले| विकीर्णभूतिकुसुमबीजपत्रान्नसर्षपे| रक्षोघ्नतैलज्वलितप्रदीपहतपाप्मनि| व्यवायमद्यपिशितनिवृत्तपरिचारके| पुराणसर्पिषाभ्यक्तं परिषिक्तं सुखाम्बुना| साधितेन बलानिम्बवैजयन्तीनृपद्रुमैः| पारिभद्रककट्वङ्गजम्बूवरणकत्तृणैः| कपोतवङ्कापामार्गपाटलीमधुशिग्रुभिः| काकजङ्घामहाश्वेताकपित्थक्षीरिपादपैः| सकदम्बकरञ्चैश्च धूपं स्नातस्य चाचरेत्| द्वीपिव्याघ्राहिसिंहर्क्षचर्मभिर्घृतमिश्रितैः||२||
🔊 Audio coming soon
সাধ্যেষু গ্রহেষু ন তু দুঃসাধ্যেষু শিশুমেবং কুর্যাত্| অহ্না দিনেন ত্রীন্ বারান্ যদা মৃষ্টং সংসিক্তং চ তস্মিন্| বিবিক্তে জনাদিরহিতে| শরণে গৃহে স্থিতং কুর্যাত্| সদা সন্নিহিতোঽনলো যস্মিন্| তথা বিকীর্ণং বিক্ষিপ্তং ভূত্যাদিকং যস্মিন্| ভূতির্ভস্ম| রক্ষোঘ্নৈস্তৈলৈর্যে জ্বলিতা প্রদীপাস্তৈর্হতঃ পাপ্মা যত্র| ব্যবাযাদিতো নিবৃত্তাঃ পরিচারিকা যত্র| ব্যবাযো মৈথুনম্| পুরাণসর্পিষাঽভ্যক্তং সুখাম্বুনোষ্ণোদকেন| পরিষিক্তং স্নাতম্| কুর্যাদিতি কির্যাপদমত্র লভ্যতে| অথ বা স্নাতস্য চাচরেদিত্যনেনৈব চকারেণ যথাকথং চিদাচরেদিত্যেতত্ ক্রিযাপদং বোদ্ধব্যম্| কিম্ভূতেন সুখাম্বুনা আহ-বলাদিভিঃ কদম্বান্তৈঃ সাধিতেন| বৈজযন্ত্যগ্নিমন্থঃ| নৃপদ্রুম আরগ্বধঃ| পারিভদ্রকঃ কণ্টককিংশুকঃ কট্বঙ্গঃ স্যোনাকঃ| কত্তৃণং ভূতীকম্| কপোতপঙ্কা সুবর্চলা| কাকজঙ্ঘা লোমশপাদিকা| মহাশ্বেতা নীলপুষ্পী গিরিকর্ণিকা| ক্ষীরিপাদপা বটাদযঃ| স্নাতস্য চ দ্বীপ্যাদিচর্মভির্ঘৃতমিশ্রিতৈর্ধূপমাচরেত্|| ২||
Adhikarana sarvagrahe dhUpAH (3) · Śloka 3
পূতীদশাঙ্গসিদ্ধার্থবচাভল্লাতদীপ্যকৈঃ| সকুষ্ঠৈঃ সঘৃতৈর্ধূপঃ সর্বগ্রহবিমোক্ষণঃ| সর্ষপানিম্বপত্রাণি মূলমশ্বখুরাদ্বচা| ভূর্জপত্রং ঘৃতং ধূপঃ সর্বগ্রহনিবর্হণঃ||৩||
View original
पूतीदशाङ्गसिद्धार्थवचाभल्लातदीप्यकैः| सकुष्ठैः सघृतैर्धूपः सर्वग्रहविमोक्षणः| सर्षपानिम्बपत्राणि मूलमश्वखुराद्वचा| भूर्जपत्रं घृतं धूपः सर्वग्रहनिबर्हणः||३||
🔊 Audio coming soon
পূত্যাদিভির্ধূপঃ সর্বগ্রহবিমোক্ষণঃ| সর্ষপাদিভির্ধূপঃ সর্বগ্রহনিবর্হণঃ| অশ্বখুরা গিরিকর্ণী ততো মূলম্|| ৩||
Adhikarana anantAdighRutam (4) · Śloka 4
অনন্তাম্রাস্থিতগরং মরিচং মধুরো গণঃ| সৃগালবিন্না মুস্তা চ কল্কিতৈস্তৈর্ঘৃতং পচেত্| দশমূলরসক্ষীরযুক্তং তদ্ গ্রহজিত্ পরম্||৪||
View original
अनन्ताम्रास्थितगरं मरिचं मधुरो गणः| सृगालविन्ना मुस्ता च कल्कितैस्तैर्घृतं पचेत्| दशमूलरसक्षीरयुक्तं तद् ग्रहजित् परम्||४||
🔊 Audio coming soon
অনন্তাদিভিঃ কল্কিতৈর্দশমূলক্বাথেন ক্ষীরেণ চ ঘৃতং পাচযেত্| তত্পরং গ্রহজিত্| অনন্তা যবাসকঃ| সৃগালবিন্না পৃশ্নিপর্ণী|| ৪||
Adhikarana sarvagrahe rAsnAdighRutam (5) · Śloka 5
রাস্নাদ্ব্যংশুমতী বঢ্রপঞ্চমূলবলাঘনাত্| ক্বাথে সর্পিঃ পচেত্পিষ্টৈঃ শারিবাব্যোষচিত্রকৈঃ| পাঠাবিডঙ্গমধুকপযস্যাহিঙ্গুদারুভিঃ| সগ্রন্থিকৈঃ সেন্দ্রযবৈঃ শিশোস্তত্সততং হিতম্| সর্বরোগগ্রহহরং দীপনং বলবর্ণদম্||৫||
View original
रास्नाद्व्यंशुमती वढ्रपञ्चमूलबलाघनात्| क्वाथे सर्पिः पचेत्पिष्टैः शारिवाव्योषचित्रकैः| पाठाविडङ्गमधुकपयस्याहिङ्गुदारुभिः| सग्रन्थिकैः सेन्द्रयवैः शिशोस्तत्सततं हितम्| सर्वरोगग्रहहरं दीपनं बलवर्णदम्||५||
🔊 Audio coming soon
রাস্নাদিকষাযে শারিবাদিভিঃ পিষ্টৈঃ সর্পির্বিপাচযেত্| ততঃ সুবোধম্| বঢ্রপঞ্চমূলং মহত্পঞ্চমূলম্|| ৫||
Adhikarana sarvagrahe sArivAdighRutAni (6) · Śloka 6
সারিবাসুরাভির্ব্রাহ্মীশঙ্খিনীকুষ্ঠসর্ষপৈঃ| বচাশ্বগন্ধাসুরসাযুক্তৈঃ সর্পির্বিপাচযেত্| তন্নাশযেদ্ গ্রহান্ সর্বান্ পানেনাভ্যঞ্জনেন চ| যোজযেদ্ ভূতবিদ্যাযাং যান্যুক্তানি ঘৃতানি চ||৬||
View original
सारिवासुराभिर्ब्राह्मीशङ्खिनीकुष्ठसर्षपैः| वचाश्वगन्धासुरसायुक्तैः सर्पिर्विपाचयेत्| तन्नाशयेद् ग्रहान् सर्वान् पानेनाभ्यञ्जनेन च| योजयेद् भूतविद्यायां यान्युक्तानि घृतानि च||६||
🔊 Audio coming soon
সারিবাদিভিঃ সর্পির্বিপাচযেত্| তত্ পানেনাভ্যঞ্জনেন চ সর্বান্ গ্রহান্ নাশযেত্| যানি চ ঘৃতানি বক্ষ্যমাণাযাং ভূতবিদ্যাযামুক্তানি তান্যপি যোজযেত্|| ৬||
Adhikarana pratisarABimantraNam (7) · Śloka 7
হস্তমাত্রং শুচৌ দেশে গোমযেনোপলেপযেত্| তত্রাক্ষতানাঞ্চোক্ষাণাং স্থাপ্যং পাত্রং সদক্ষিণম্| নির্ধূমশ্চানলস্তোযং গুগ্গুলুঃ সর্পিরাহুতিঃ| শুক্লং পুষ্পং বলির্ধূপো দূর্বা শ্বেতাশ্চ সর্ষপাঃ| প্রাঙ্মুখোঽথ শুচির্বৈদ্যস্ত্রিবর্ণামথবা সিতাম্| উপবিষ্টঃ প্রতিসরাং গৃহীত্বা বেষ্টযেত্তযা| ভূর্জে রোচনযা বিদ্যাং লিখিতামপরাজিতাম্| বিধিনা সাধিতাং ভূতৈঃ সর্বৈরপ্যপরাজিতাম্| লক্ষ্মণাদিপরীবারাং নিত্যানুস্মৃসেবিতাম্| লক্ষ্মণাসহদেবাখ্যানাগদন্তীকটম্ভরা| মর্কটী কর্কটী লম্বা বৃহতী কণ্টকারিকা| খরনাসা মৃগোর্বারুর্মহাশ্বেতা শতাবরী| উদঙ্মুখস্য বালস্য বধ্নীযাত্তাং ততো গলে| তদভাবে দৃঢং ক্ষৌমসূত্রং মন্ত্রমিদং জপন্||৭||
View original
हस्तमात्रं शुचौ देशे गोमयेनोपलेपयेत्| तत्राक्षतानाञ्चोक्षाणां स्थाप्यं पात्रं सदक्षिणम्| निर्धूमश्चानलस्तोयं गुग्गुलुः सर्पिराहुतिः| शुक्लं पुष्पं बलिर्धूपो दूर्वा श्वेताश्च सर्षपाः| प्राङ्मुखोऽथ शुचिर्वैद्यस्त्रिवर्णामथवा सिताम्| उपविष्टः प्रतिसरां गृहीत्वा वेष्टयेत्तया| भूर्जे रोचनया विद्यां लिखितामपराजिताम्| विधिना साधितां भूतैः सर्वैरप्यपराजिताम्| लक्ष्मणादिपरीवारां नित्यानुस्मृसेविताम्| लक्ष्मणासहदेवाख्यानागदन्तीकटम्भरा| मर्कटी कर्कटी लम्बा बृहती कण्टकारिका| खरनासा मृगोर्वारुर्महाश्वेता शतावरी| उदङ्मुखस्य बालस्य बध्नीयात्तां ततो गले| तदभावे दृढं क्षौमसूत्रं मन्त्रमिदं जपन्||७||
🔊 Audio coming soon
হস্তমাত্রমিত্যাদিনা প্রতিসরাবন্ধনোপকরণবিধানং সুবোধম্| চোক্ষাণাং নির্মলানাম্| অথ প্রাঙ্মুখো বৈদ্যস্ত্রিবর্ণাং সিতরক্তপীতাং সিতামেব বা প্রতিসরাং কার্পাসসূত্রবেণিকাং গৃহীত্বা ভূর্জলিখিতামপরাজিতাখ্যাং বিদ্যাং লক্ষ্মণাদ্দ্যৌষধিপরিবারাং নিত্যং চ স্বানুস্মৃত্যা বৈদ্যেন সেবিতাং তযা প্রতিসরযা বেষ্টযেত্| কিম্ভূতামপরাজিতাং সর্বৈরপি ভূতৈর্ন পরাজিতাম্| কাস্তা লক্ষ্মণাদয ইত্যাহ| (নি) 'লক্ষ্মণা পুত্রনননী রক্তবিন্দুচ্ছদা তথা|' সহদেবা বলা| নাগদন্তী হস্তিদন্তী| কটম্ভরা গিরিকর্ণী| মর্কটী কপিকচ্ছূঃ| স্বনামিকা চ কর্কটী বিল্বাদিঃ লম্বা কটুকালাবুনী| খরনাসাভ্রম্| মৃগোর্বারুর্গবাক্ষী| মহাশ্বেতা নীলপুষ্পী গিরিকর্ণিকা| ততোঽনন্তরং তাং বেষ্টিতাং বধ্নামীত্যাদিমন্ত্রং জপন্ বৈদ্য উদীচ্যভিমুখস্য বালস্য গলে বধ্নীযাত্| তস্যা অপরাজিতাযা অভাবে দৃঢং ক্ষৌমসূত্রং বধ্নীযাত্| অন্যে তু ক্ষৌমসূত্রস্যৈব মন্ত্রং বদন্তি|| ৭||
Adhikarana pratisarAbandhanamantraH (8) · Śloka 8
বধ্নাম্যহং প্রতিসরাং নমস্কৃত্বা স্বযম্ভুবে| বালানাং রক্ষণার্থায শিবাং পূর্বর্ষিনির্মিতাম্| ইন্দ্রোঽনুমন্যতাং তুভ্যং যে চ তস্যানুচারিণঃ| বজ্রাশনিধরা ভূতা মেঘবৃন্দানুসারিণঃ| ঐরাবতস্কন্ধগতং যেঽনুযান্তি পুরন্দরম্| যমো বৈবস্বতো রাজা যে চ তস্যানুচারিণঃ| মেষসূকরসিংহোষ্ট্রখরবাজিসমাননাঃ| কালা কালাযসৈঃ পাশৈঃ স্তব্ধাক্ষা ভ্রুকুটীমুখাঃ| শক্তিমুদ্গরহস্তাশ্চ খড্গপাশধরাশ্চ যে| পাশভৃদ্বরুণো রাজা তোযভূঃ সাগরালযঃ| শারদাভ্রঘনাকারা যে চ তস্যানুচারিণঃ| মহোর্মিমন্তং বেগেন ক্ষোভযন্তি সরিত্পতিম্| ধনাধিপো বৈশ্রবণঃ সর্বযক্ষাধিপো বিভুঃ| নানাকারাশ্চ যে ভূতাস্তস্যৈবানুচরাঃ সদা| আদিত্যা বসবো রুদ্রা মরুতশ্চাশ্বিনাবপি| এতে সর্বেঽনুমন্যন্তামিমাং প্রতিসরক্রিযাম্| দীর্ঘমাযুররোগং চ তব দাস্যন্তি স্বস্তি তে| স্বস্তি তে ভগবান্ ব্রহ্মা স্বস্তি নারদপর্বতৌ| স্বস্তি বেদাশ্চ যজ্ঞাশ্চ অগ্নীষোমৌ চ স্বস্তি তে| স্বস্তি তে শ্রীর্ধৃতিঃ কীর্তির্লক্ষ্মীর্মেধাক্ষমাদ্যুতিঃ| স্বস্তি তুষ্টিশ্চ পুষ্টিশ্চ বপুর্হ্রীর্বুদ্ধিরেব চ| স্বস্তি রুদ্রো বিশাখশ্চ স্কন্দঃ শক্তিধরশ্চ তে| স্বস্তি ধাতা বিধাতা চ সুপর্ণশ্চ মহাবলঃ| স্বস্তি দেবাশ্চ যক্ষাশ্চ মা চ তে পাপমাগতম্| দুর্ব্যাহৃতানি দুঃস্বপ্নং মনসা চিন্তিতানি চ| দুষ্টাদীনাং ভযকৃতো বাচঃ প্রতিহতা মযা| রক্ষা প্রতিসরা তুভ্যং বদ্ধেযং পাপঘাতিনী| নির্বৃতস্ত্বং নিরুদ্বেগো জীব বর্ষশতং সুখী||৮||
View original
बध्नाम्यहं प्रतिसरां नमस्कृत्वा स्वयम्भुवे| बालानां रक्षणार्थाय शिवां पूर्वर्षिनिर्मिताम्| इन्द्रोऽनुमन्यतां तुभ्यं ये च तस्यानुचारिणः| वज्राशनिधरा भूता मेघवृन्दानुसारिणः| ऐरावतस्कन्धगतं येऽनुयान्ति पुरन्दरम्| यमो वैवस्वतो राजा ये च तस्यानुचारिणः| मेषसूकरसिंहोष्ट्रखरवाजिसमाननाः| काला कालायसैः पाशैः स्तब्धाक्षा भ्रुकुटीमुखाः| शक्तिमुद्गरहस्ताश्च खड्गपाशधराश्च ये| पाशभृद्वरुणो राजा तोयभूः सागरालयः| शारदाभ्रघनाकारा ये च तस्यानुचारिणः| महोर्मिमन्तं वेगेन क्षोभयन्ति सरित्पतिम्| धनाधिपो वैश्रवणः सर्वयक्षाधिपो विभुः| नानाकाराश्च ये भूतास्तस्यैवानुचराः सदा| आदित्या वसवो रुद्रा मरुतश्चाश्विनावपि| एते सर्वेऽनुमन्यन्तामिमां प्रतिसरक्रियाम्| दीर्घमायुररोगं च तव दास्यन्ति स्वस्ति ते| स्वस्ति ते भगवान् ब्रह्मा स्वस्ति नारदपर्वतौ| स्वस्ति वेदाश्च यज्ञाश्च अग्नीषोमौ च स्वस्ति ते| स्वस्ति ते श्रीर्धृतिः कीर्तिर्लक्ष्मीर्मेधाक्षमाद्युतिः| स्वस्ति तुष्टिश्च पुष्टिश्च वपुर्ह्रीर्बुद्धिरेव च| स्वस्ति रुद्रो विशाखश्च स्कन्दः शक्तिधरश्च ते| स्वस्ति धाता विधाता च सुपर्णश्च महाबलः| स्वस्ति देवाश्च यक्षाश्च मा च ते पापमागतम्| दुर्व्याहृतानि दुःस्वप्नं मनसा चिन्तितानि च| दुष्टादीनां भयकृतो वाचः प्रतिहता मया| रक्षा प्रतिसरा तुभ्यं बद्धेयं पापघातिनी| निर्वृतस्त्वं निरुद्वेगो जीव वर्षशतं सुखी||८||
🔊 Audio coming soon
বধ্নামীত্যাদিভিশ্চতুর্দশভিঃ শ্লোকৈর্মন্ত্রো নিগদব্যাখ্যাতঃ কিঞ্চিত্ প্রদর্শ্যতে| স্বযম্ভুবে ব্রহ্মণে নমস্কৃত্বা প্রতিসরাং বধ্নামি বালানাং রক্ষণায| কিম্ভূতামাহ শিবাং শ্রেযস্করীং পূর্বর্ষিনির্মিতাম্| হে বাল! তুভ্যং প্রতিসরামিন্দ্রোঽনুমন্যতামঙ্গীকরোতু| বজ্রাশনিধরত্বাদিগুণাশ্চ তস্যেন্দ্রস্যানুচারিণো যে ভূতা ঐরাবতস্কন্ধগতং পুরন্দরমিন্দ্রমনুযান্তি| যমোঽনুমন্যতাং যে চ তদনুচরা মেষাদ্যাননাঃ কৃষ্ণাদিরূপাশ্চ| বারুণোঽনুমন্যতাং তদনুচরাশ্চ| সাগর আলযো যস্য| মহোর্মীত্যাদি বরুণানুচরবিশেষণম্| ধনাধিপশ্চ তদনুচরাশ্চ| আদিত্যাশ্চ| ইতি সর্বে ইমাং প্রতিসরক্রিযামনুমন্য-তাম্| তব শিশোস্তে দীর্ঘমাযুররোগং চ দাস্যন্তি| রবস্তীত্যাদ্যাশীঃ পদম্| তে শিশোঃ পাপং দুর্ব্যাহৃতাদিকং চ মাগমত্| দুষ্টাদীনাং বাচো ভযঙ্করা মযা প্রতিহতাঃ| ইযং চ পাপঘাতিনী রক্ষা প্রতিসরা তব বদ্ধা| অনযা চ ত্বং নির্বৃতো নিরুদ্বেগশ্চ সুখী বর্ষশতং জীব|| ৮||
Adhikarana balivitaraNam (9) · Śloka 9
অপূপপূপসংযাবস্বস্তিকালোপিকাদযঃ| পাযসো মিশ্রকঃ সিদ্ধো গুডপূরো হরিদ্রকঃ| কৃসরো যাবকঃ ক্ষৌদ্রং পললং লবণং হবিঃ| দধিকুল্মাষনিষ্পাবো রক্তো ভূতৌদনঃ পযঃ| পক্বামমাংসরুধিরমত্স্যসক্তুসুরাসবাঃ| গন্ধং মাল্যং ফলং হেম ধূপঃ সপুরকুন্দুরুঃ| সুরসার্জকনির্গুণ্ডীকুসুমং চ সপল্লবম্| বলিঃ সুশস্তৈর্দেযঃ স্যাদ্ভবনস্য চতুর্দিশম্| চতুষ্কচৈত্যত্রিপথদেবাযতনগোপুরে| রেখাবৃক্ষোদপানে চ সন্ধ্যযোর্দীপবান্ নিশি||৯||
View original
अपूपपूपसंयावस्वस्तिकालोपिकादयः| पायसो मिश्रकः सिद्धो गुडपूरो हरिद्रकः| कृसरो यावकः क्षौद्रं पललं लवणं हविः| दधिकुल्माषनिष्पावो रक्तो भूतौदनः पयः| पक्वाममांसरुधिरमत्स्यसक्तुसुरासवाः| गन्धं माल्यं फलं हेम धूपः सपुरकुन्दुरुः| सुरसार्जकनिर्गुण्डीकुसुमं च सपल्लवम्| बलिः सुशस्तैर्देयः स्याद्भवनस्य चतुर्दिशम्| चतुष्कचैत्यत्रिपथदेवायतनगोपुरे| रेखावृक्षोदपाने च सन्ध्ययोर्दीपवान् निशि||९||
🔊 Audio coming soon
বালনিবাসভবনস্য চতুর্দিশমপূপাদিকশ্চ বলির্দেযঃ| অপূপা মণ্ডকাঃ| ত এব সগুডাঃ স্নেহসিদ্ধাঃ পূপাঃ| সংযাবো যবৌদনঃ| স্বস্তিকাঃ স্বস্তিকাকৃতযঃ পিষ্টবিকারাঃ| লোপিকাঃ সপূরাঃ পিষ্টস্বিন্নাঃ| মিশ্রকস্তণ্ডুলাবরান্নৌদনঃ| সিদ্ধঃ সিদ্ধৌদনঃ| গুডপূরঃ প্রসিদ্ধঃ| হরিদ্রকঃ পীতভক্ষঃ| হবির্ঘৃতম্| পললং তিলকল্কঃ| রক্তৌদনো রক্তমিশ্রো ভূতৌদনঃ| ভূতৌদনো মাংসমিশ্রঃ| চতুষ্কাদিষু চ বলির্দেযঃ| চতুষ্কং চতুঃশালম্| রেখামণ্ডলং মন্যে| উদপানং কূপসরঃ| নিশি দীপবান্ বলির্দেযঃ||৯||
Adhikarana maNDalavidhAnaM balimantrashca (10) · Śloka 10
অথাপতিতগোবর্চঃ প্রলিপ্তে দর্ভাসংস্তৃতে| বৃত্তে বা চতুরস্রে বা মণ্ডলে কুসুমোজ্জ্বলে| নানাগ্রহপরীবারং ভিষগ্ভূতপতিং লিখেত্| তং প্রতিপ্রাঙ্মুখো বিদ্যাং পঠন্নুপহরেদ্বলিম্| নমো বিমারকস্য| নমঃ কুমারঙ্গায| নমঃ সপ্তানাং মাতৄণাম্| নমঃ স্কন্দায| এষ পরিগ্রহমন্ত্রঃ| মাতৄণামাবাহনং চ| হিলিহিলিনিমাপটলিনি স্বাহা| অনেন সপ্তকৃত্বঃ পরিজপিতেন পানীযচুলুকেনাত্মাভ্যুক্ষযিতব্যঃ| এবমাত্মরক্ষা কৃতা ভবতি||১০||
View original
अथापतितगोवर्चः प्रलिप्ते दर्भासंस्तृते| वृत्ते वा चतुरस्रे वा मण्डले कुसुमोज्ज्वले| नानाग्रहपरीवारं भिषग्भूतपतिं लिखेत्| तं प्रतिप्राङ्मुखो विद्यां पठन्नुपहरेद्बलिम्| नमो विमारकस्य| नमः कुमारङ्गाय| नमः सप्तानां मातॄणाम्| नमः स्कन्दाय| एष परिग्रहमन्त्रः| मातॄणामावाहनं च| हिलिहिलिनिमापटलिनि स्वाहा| अनेन सप्तकृत्वः परिजपितेन पानीयचुलुकेनात्माभ्युक्षयितव्यः| एवमात्मरक्षा कृता भवति||१०||
🔊 Audio coming soon
অথেত্যাদিনা মণ্ডলবিধানম্| অপতিতগোবর্চো যত্পতদেব গোর্গৃহীতম্| বৃত্তং বর্তুলং মণ্ডলম্| চতুরস্রং চতুষ্কোণম্| ভূতপতির্ভগবান্ মহাদেবঃ| তং মণ্ডলে চিত্রকর্মণা লিখেত্| তং প্রতি প্রাঙ্মুখ ইত্যর্থঃ| নম ইত্যাদিকাং বিদ্যাং পঠন্ তস্মৈ ভগবতে নানাবিধং বলিমুপহরেত্| নম ইত্যাদি বলিপরিগ্রহমন্ত্রঃ| এবমেব মাতৃণামাবাহনমাহ্বানম্| হিল্যাদিকেন সপ্তবারান্ যত্পরিজপিতং পানীযচুলুকং তেনাত্মাভ্যুক্ষযিতব্যঃ| অভ্যুক্ষণং সমন্তাদ্বিন্দুভিঃ সেচনম্| অনেনাভ্যুক্ষণেনাত্মনো রক্ষ কৃতা ভবতি|| ১০||
Adhikarana grahasannidhAyakaH mantraH (11) · Śloka 11
গ্রহাণাং সন্নিধানায বলেশ্চ প্রতিপত্তযে| সত্যসন্ধানসংযুক্তমিমং মন্ত্রং পঠেদনু| প্রজাপতৌ চ যত্সত্যং যত্সত্যমমরেশ্বরে| ধর্মরাজে চ যত্সত্যং যচ্চ সত্যং জলাধিপে| যত্সত্যমগ্নিহোত্রেষু সত্যং যচ্ছ্রোত্রিযেষু চ| পতিব্রতাসু যত্সত্যমীশ্বরে চ মহাত্মনি| এতৈস্তু সত্যসমযৈর্গুহ্যকাঃ সত্যবাদিনঃ| দর্শযধ্বং স্বরূপাণি সত্যং রক্ষতু সর্বতঃ| আমন্ত্রিতা মযা সৌম্যাঃ সৌম্যরূপাঃ প্রতীচ্ছত| বলিং চোপহৃতং সর্বং সর্বে কৌমারকা গ্রহাঃ| দর্শযধ্বং স্বরূপাণি বলিশ্চ প্রতিগৃহ্যতাম্||১১||
View original
ग्रहाणां सन्निधानाय बलेश्च प्रतिपत्तये| सत्यसन्धानसंयुक्तमिमं मन्त्रं पठेदनु| प्रजापतौ च यत्सत्यं यत्सत्यममरेश्वरे| धर्मराजे च यत्सत्यं यच्च सत्यं जलाधिपे| यत्सत्यमग्निहोत्रेषु सत्यं यच्छ्रोत्रियेषु च| पतिव्रतासु यत्सत्यमीश्वरे च महात्मनि| एतैस्तु सत्यसमयैर्गुह्यकाः सत्यवादिनः| दर्शयध्वं स्वरूपाणि सत्यं रक्षतु सर्वतः| आमन्त्रिता मया सौम्याः सौम्यरूपाः प्रतीच्छत| बलिं चोपहृतं सर्वं सर्वे कौमारका ग्रहाः| दर्शयध्वं स्वरूपाणि बलिश्च प्रतिगृह्यताम्||११||
🔊 Audio coming soon
অনন্তরং প্রজাপতাবিত্যাদিমন্ত্রং পঠেত্| কিমর্থমিত্যাহ গ্রহাণাং সন্নিধানং কর্তুং তেষামেব চ বলেঃ প্রতিপত্ত্যর্থং চ| কিম্ভূতং মন্ত্রমাহ| সত্যসন্ধানসংযুতম্| এবং হীষ্টসিদ্ধির্ভবতি| পঞ্চভিঃ শ্লোকৈর্মন্ত্রঃ| এতৈঃ সত্যৈর্গুহ্যকা ভূতবিশেষাঃ| সত্যবাদিনঃ স্বরূপাণি দর্শযধ্বং যে মযা অভিমন্ত্রিতাঃ| সত্যং রক্ষত বলিং চ প্রতীচ্ছত মযোপহ্বতম্| কৌমারকগ্রহাশ্চ সর্বে স্বরূপাণি দর্শযধ্বং বলিশ্চ প্রতিগৃহ্যতাম্|| ১১||
Adhikarana kulavidyApAThaH (12) · Śloka 12
ততশ্চানু পঠেদেনাং কুলবিদ্যাং সমাহিতঃ| ঔলা নীলা খলা কালা নকুলা গ্রহকারিকা| সেনা সুসেনা মাতা চ মহাসেনা যশস্বিনী| কৃতমালা ক্ষতশিরা এতাস্তু গ্রহমাতরঃ| কুমারবচনাচ্ছীঘ্রং প্রমুঞ্চন্তু শিশুন্ত্বিমম্| কালকল্পা জ্বলচ্ছক্তিঃ কিঙ্কিণীজালভূষিতা| কুমারবচনাদ্ দূতী সম্প্রাপ্তা মুচ্যতাং শিশুঃ| পতাকা কুক্কুটঃ ছত্রং ঘণ্টাবর্হধরঃ শিখী| শরস্তম্ভশ্চ তে মুদ্রা মুচ্যতাং মাতরঃ শিশুঃ| গন্ধং ধূপং চ মাল্যং চ কুমারস্তে প্রযচ্ছতি| ন স্থাতব্যং তদাঘ্রায স্বাং গতিং গচ্ছ মা চিরম্| ধাত্র্যাঃ সর্বাঃ কুমারস্য সঙ্গতা গন্ধমাদনে| রক্তধ্বজপতাকস্য রক্তাংশুকনিবাসিনঃ| কুমারস্যালযং তত্র যাত বালং বিমুঞ্চত| ষণ্মুখো দ্বাদশাক্ষো বৈ তস্মিন্ কালে বৃতো বরম্| বীরঃ কুমারধিপতিস্তব পুত্রোঽভিষিচ্যতাম্| ব্রাহ্মণো ব্রাহ্মণানান্তু সর্ববেদবিদাং বরঃ| যক্ষরাক্ষসনাগানাং গন্ধর্বাসুরযোরপি| পিশাচভূতসঙ্ঘানাং ব্যাধীনাং চ স ঈশ্বরঃ| আজ্ঞাপযতি বঃ স্কন্দো গম্যতাং গন্ধমাদনম্| গ্রহো যঃ কোপযেদাজ্ঞাং কুমারস্য যশস্বিনঃ| স্থানাচ্চ্যুতঃ স বৈ ক্ষিপ্রং বাহ্যঃ পরিষদো ভবেত্||১২||
View original
ततश्चानु पठेदेनां कुलविद्यां समाहितः| औला नीला खला काला नकुला ग्रहकारिका| सेना सुसेना माता च महासेना यशस्विनी| कृतमाला क्षतशिरा एतास्तु ग्रहमातरः| कुमारवचनाच्छीघ्रं प्रमुञ्चन्तु शिशुन्त्विमम्| कालकल्पा ज्वलच्छक्तिः किङ्किणीजालभूषिता| कुमारवचनाद् दूती सम्प्राप्ता मुच्यतां शिशुः| पताका कुक्कुटः छत्रं घण्टावर्हधरः शिखी| शरस्तम्भश्च ते मुद्रा मुच्यतां मातरः शिशुः| गन्धं धूपं च माल्यं च कुमारस्ते प्रयच्छति| न स्थातव्यं तदाघ्राय स्वां गतिं गच्छ मा चिरम्| धात्र्याः सर्वाः कुमारस्य सङ्गता गन्धमादने| रक्तध्वजपताकस्य रक्तांशुकनिवासिनः| कुमारस्यालयं तत्र यात बालं विमुञ्चत| षण्मुखो द्वादशाक्षो वै तस्मिन् काले वृतो वरम्| वीरः कुमारधिपतिस्तव पुत्रोऽभिषिच्यताम्| ब्राह्मणो ब्राह्मणानान्तु सर्ववेदविदां वरः| यक्षराक्षसनागानां गन्धर्वासुरयोरपि| पिशाचभूतसङ्घानां व्याधीनां च स ईश्वरः| आज्ञापयति वः स्कन्दो गम्यतां गन्धमादनम्| ग्रहो यः कोपयेदाज्ञां कुमारस्य यशस्विनः| स्थानाच्च्युतः स वै क्षिप्रं बाह्यः परिषदो भवेत्||१२||
🔊 Audio coming soon
ততোঽনন্তরং সমাহিতঃ বৈদ্যঃ সার্ধর্দশভিঃ শ্লোকৈঃ কুলবিদ্যাং পঠেত্| অস্যার্থঃ কৌলাদযস্ত্রযোদশ গ্রহমাতরঃ| ভগবত্কুমারবচাদিমং শিশুং শীঘ্রং প্রমুঞ্চন্তু| কুমারবচনাত্ কালকল্পাদিগুণা দূতী সম্প্রাপ্তা শিশুর্মুচ্যতামিতি| কিঙ্কিণীজালং সূক্ষ্মঘণ্টাসমূহঃ| পতাকাদিকা মুদ্রাস্তে তুভ্যম্| হে মাতরঃ| শিশুর্মুচ্যতাং তে ইতি বহূনাং প্রযোগো মন্ত্রত্বাত্| তে কুমারো গন্ধাদিকং প্রযচ্ছতি| তদাঘ্রায স্বাং গতিং গচ্ছ| মাচিরং শীঘ্রম্| কুমারধাত্র্যঃ সর্বাঃ গন্ধমাদনে সঙ্গতাঃ| রক্তধ্বজাদিমতঃ কুমারস্য তত্রালযম্| তত্র যাতো বালং বিমুঞ্চত| শেষস্য পাঠ এব শরণম্| যো গ্রহঃ কুমারস্য যশস্বিন আজ্ঞাং কোপযেত্ সঃ ক্ষিপ্রমেব স্থানাচ্চ্যুতঃ পরিষদঃ স্ব-বৃন্দাদ্ বাহ্যো ভবেদিতি কুলবিদ্যা|| ১২||
Adhikarana homavidhiH (13) · Śloka 13
বলেরনন্তরং কুর্যাদ্ধোমমভ্যর্চ্য পাবকম্| পুষ্পৈর্ভক্ষ্যৈশ্চ বিবিধৈশ্চরুণা লোহিতৈস্তথা| গন্ধৈর্গুগ্গুলুধূপৈশ্চ সমিধঃ খদিরাদথ| শতমষ্টোত্তরং হব্যমথবা চন্দনদ্রুমাত্||১৩||
View original
बलेरनन्तरं कुर्याद्धोममभ्यर्च्य पावकम्| पुष्पैर्भक्ष्यैश्च विविधैश्चरुणा लोहितैस्तथा| गन्धैर्गुग्गुलुधूपैश्च समिधः खदिरादथ| शतमष्टोत्तरं हव्यमथवा चन्दनद्रुमात्||१३||
🔊 Audio coming soon
ততো বলেরনন্তরং পাবকমভ্যর্চ্য পুষ্পাদিভির্হোমং কুর্যাত্| ততো হব্যমন্নং গন্ধৈর্গন্ধদ্রব্যৈর্লোহিতৈঃ খদিরসমিধাং চন্দনসমিধাং চাষ্টোত্তরং শতং হব্যম্||১৩||
Adhikarana havanamantraH (14) · Śloka 14
অগ্নিদণ্ডং প্রবক্ষ্যামি সর্বগ্রহবিমোক্ষণম্| ব্রহ্মণ্যন্ত্বনলং (ত্বমলং) দেবং হব্যকব্যপ্রতীচ্ছকম্| দেবানাং প্রাঙ্মুখং (প্রমুখং) স্বস্তি স্বাহাপহরতি দ্রুতম্| সন্নস্রবিদ্যো দহনঃ পাবকঃ সর্বভক্ষণঃ| ত্বং হি যজ্ঞশ্চ যূপশ্চ ত্বং হি ধর্মবতাং গতিঃ| হিরণ্যরেতা দেবস্ত্বং ত্বং হি বেদবিদাং গতিঃ| দুর্বৃত্তানাং বিনাশায ত্বং সমুত্পাদিতঃ সুরৈঃ| দহ সংগ্রহদেবত্বমিদং দুষ্টস্য নিগ্রহম্| অগ্নযে স্বাহা| মহাগ্নযে স্বাহা| ত্বং হি শান্তিকরো বহ্নিস্ত্বং মারুতহরোদনঃ| হরিপ্রধানগতিরাসীদিমং নিগৃহ্য গুহ্যকমুত্সাদযতেজসা| ত্বং মম বশ্যং চ তং কুরু দুষ্টগ্রহনিবারণং সর্বোপদ্রবেষু চ| ত্বযা কৃতেন হোমেন শীঘ্রং শান্তিঃ প্রজাযতে| আযাহি বহ্নে দেবানাং ত্বং হি বক্ত্রং পুরাতনম্| তেন সত্যেন দেবেশ ইস সাধয মে গ্রহম্| নমোঽস্তু তে হব্যবাহন দণ্ডং প্রদর্শয দহ দহ দর্শ দর্শ তেজ তেজ মোটয মোটয অপস্মারমুদ্ঘাটয কুমার পিশাচ-রেবতী-রোদন-ত্রাসন-বিত্রাসন-কম্পন-উত্ক- ম্পন-বিজৃম্ভণ-দেব-যক্ষ-গন্ধর্ব-ভূত-নাগ-রাক্ষস- সন্তর্জনদণ্ড-নাবিধূসারয ভগবন্নগ্নিদণ্ড অগ্নিবীর্য নমস্তেজসা স্বেন ত্যক্তমুত্সাদয স্বাহা| (ভুর্ভুবায স্বাহা) ভূর্ভুবস্স্বস্স্বাহা| দীপ্ততেজসে স্বাহা| হব্য বাহনায স্বাহা| যমায স্বাহা| নশ্যন্ত্যনেন হোমেন সমস্তা বালকগ্রহাঃ||১৪||
View original
अग्निदण्डं प्रवक्ष्यामि सर्वग्रहविमोक्षणम्| ब्रह्मण्यन्त्वनलं (त्वमलं) देवं हव्यकव्यप्रतीच्छकम्| देवानां प्राङ्मुखं (प्रमुखं) स्वस्ति स्वाहापहरति द्रुतम्| सन्नस्रविद्यो दहनः पावकः सर्वभक्षणः| त्वं हि यज्ञश्च यूपश्च त्वं हि धर्मवतां गतिः| हिरण्यरेता देवस्त्वं त्वं हि वेदविदां गतिः| दुर्वृत्तानां विनाशाय त्वं समुत्पादितः सुरैः| दह संग्रहदेवत्वमिदं दुष्टस्य निग्रहम्| अग्नये स्वाहा| महाग्नये स्वाहा| त्वं हि शान्तिकरो वह्निस्त्वं मारुतहरोदनः| हरिप्रधानगतिरासीदिमं निगृह्य गुह्यकमुत्सादयतेजसा| त्वं मम वश्यं च तं कुरु दुष्टग्रहनिवारणं सर्वोपद्रवेषु च| त्वया कृतेन होमेन शीघ्रं शान्तिः प्रजायते| आयाहि वह्ने देवानां त्वं हि वक्त्रं पुरातनम्| तेन सत्येन देवेश इस साधय मे ग्रहम्| नमोऽस्तु ते हव्यवाहन दण्डं प्रदर्शय दह दह दर्श दर्श तेज तेज मोटय मोटय अपस्मारमुद्घाटय कुमार पिशाच-रेवती-रोदन-त्रासन-वित्रासन-कम्पन-उत्क- म्पन-विजृम्भण-देव-यक्ष-गन्धर्व-भूत-नाग-राक्षस- सन्तर्जनदण्ड-नाविधूसारय भगवन्नग्निदण्ड अग्निवीर्य नमस्तेजसा स्वेन त्यक्तमुत्सादय स्वाहा| (भुर्भुवाय स्वाहा) भूर्भुवस्स्वस्स्वाहा| दीप्ततेजसे स्वाहा| हव्य वाहनाय स्वाहा| यमाय स्वाहा| नश्यन्त्यनेन होमेन समस्ता बालकग्रहाः||१४||
🔊 Audio coming soon
অগ্নিদণ্ডো মন্ত্রো যমায স্বাহেত্যেবমন্তঃ| অনেনানন্তরোক্তেন মন্ত্রেণ হোমেন সমস্তা বালকগ্রহা নশ্যন্তি|| ১৪||
Adhikarana siddhilakShaNam (15-16) · Śloka 16
তত্রাগ্নাবরুণে তাম্রে তপ্তহেমসমার্চিষি| তারাবৈডূর্যসদৃশে শশিবিদ্যুত্সমপ্রভ| ঘৃতমণ্ডাভবর্ণে বা গন্ধেন চ ঘৃতোপমে| কেতকোত্পলদধ্যাভে ধ্রুবমারোগ্যমাদিশেত্| অনারোগ্যং তু নীলেঽগ্নৌ কপিলে ভস্মনিষ্প্রভে| কৃষ্ণে কপোতে দুর্গন্ধে মত্স্যপূযাস্রগন্ধিকে| বচালশুনগন্ধাভে বিস্রে কর্দমগন্ধিকে||১৫|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে বাল গ্রহপ্রতিষেধো নাম চতুর্থোঽধ্যাযঃ||১৬||
View original
तत्राग्नावरुणे ताम्रे तप्तहेमसमार्चिषि| तारावैडूर्यसदृशे शशिविद्युत्समप्रभ| घृतमण्डाभवर्णे वा गन्धेन च घृतोपमे| केतकोत्पलदध्याभे ध्रुवमारोग्यमादिशेत्| अनारोग्यं तु नीलेऽग्नौ कपिले भस्मनिष्प्रभे| कृष्णे कपोते दुर्गन्धे मत्स्यपूयास्रगन्धिके| वचालशुनगन्धाभे विस्रे कर्दमगन्धिके||१५|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे बाल ग्रहप्रतिषेधो नाम चतुर्थोऽध्यायः||१६||
🔊 Audio coming soon
তত্রাগ্নাবিত্যাদি সিদ্ধলক্ষণং তপ্তহেমারুণাদিরূপেঽগ্নৌ ধ্রুবমবশ্যমারোগ্যমাদিশেত্| নীলাদিরূপেঽগ্নাবাতুরস্যানারোগ্যমাদিশেত্| ইতি শ্রীমন্মহামহোপাধ্যাযেন্দুবিরচিতাযা মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে চতুর্থোঽধ্যাযঃ