Adhikarana atha bAlagrahapratiShedho nAma caturtho~adhyAyaH - avataraNikA · Śloka
🔊 Audio coming soon
ഗ്രഹാണാം സ്വരൂപമുക്ത്വാ തേനൈവ ക്രമേണ ചികിത്സാം പ്രദര്ശയിതുമധ്യായ ആരഭ്യതേ
4. bālagrahapratiṣēdhaḥ
Adhikarana pratij~jA (1) · Śloka 1
അഥാതോ ബാലഗ്രഹപ്രതിഷേധം നാമാധ്യായം വ്യാഖ്യാസ്യാമഃ| ഇതി ഹ സ്മാഹുരാത്രേയാദയോ മഹര്ഷയഃ||൧||
View original
अथातो बालग्रहप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana sAdhyagrahe sAmAnyacikitsA (2) · Śloka 2
ഗ്രഹേഷു സാധ്യേഷു ശിശും വിവിക്തേ ശരണേ സ്ഥിതമ്| ത്രിരഹ്നാ മുഷ്ടസംസിക്തേ സദാ സന്നിഹിതാനലേ| വികീര്ണഭൂതികുസുമബീജപത്രാന്നസര്ഷപേ| രക്ഷോഘ്നതൈലജ്വലിതപ്രദീപഹതപാപ്മനി| വ്യവായമദ്യപിശിതനിവൃത്തപരിചാരകേ| പുരാണസര്പിഷാഭ്യക്തം പരിഷിക്തം സുഖാമ്ബുനാ| സാധിതേന ബലാനിമ്ബവൈജയന്തീനൃപദ്രുമൈഃ| പാരിഭദ്രകകട്വങ്ഗജമ്ബൂവരണകത്തൃണൈഃ| കപോതവങ്കാപാമാര്ഗപാടലീമധുശിഗ്രുഭിഃ| കാകജങ്ഘാമഹാശ്വേതാകപിത്ഥക്ഷീരിപാദപൈഃ| സകദമ്ബകരഞ്ചൈശ്ച ധൂപം സ്നാതസ്യ ചാചരേത്| ദ്വീപിവ്യാഘ്രാഹിസിംഹര്ക്ഷചര്മഭിര്ഘൃതമിശ്രിതൈഃ||൨||
View original
ग्रहेषु साध्येषु शिशुं विविक्ते शरणे स्थितम्| त्रिरह्ना मुष्टसंसिक्ते सदा सन्निहितानले| विकीर्णभूतिकुसुमबीजपत्रान्नसर्षपे| रक्षोघ्नतैलज्वलितप्रदीपहतपाप्मनि| व्यवायमद्यपिशितनिवृत्तपरिचारके| पुराणसर्पिषाभ्यक्तं परिषिक्तं सुखाम्बुना| साधितेन बलानिम्बवैजयन्तीनृपद्रुमैः| पारिभद्रककट्वङ्गजम्बूवरणकत्तृणैः| कपोतवङ्कापामार्गपाटलीमधुशिग्रुभिः| काकजङ्घामहाश्वेताकपित्थक्षीरिपादपैः| सकदम्बकरञ्चैश्च धूपं स्नातस्य चाचरेत्| द्वीपिव्याघ्राहिसिंहर्क्षचर्मभिर्घृतमिश्रितैः||२||
🔊 Audio coming soon
സാധ്യേഷു ഗ്രഹേഷു ന തു ദുഃസാധ്യേഷു ശിശുമേവം കുര്യാത്| അഹ്നാ ദിനേന ത്രീന് വാരാന് യദാ മൃഷ്ടം സംസിക്തം ച തസ്മിന്| വിവിക്തേ ജനാദിരഹിതേ| ശരണേ ഗൃഹേ സ്ഥിതം കുര്യാത്| സദാ സന്നിഹിതോऽനലോ യസ്മിന്| തഥാ വികീര്ണം വിക്ഷിപ്തം ഭൂത്യാദികം യസ്മിന്| ഭൂതിര്ഭസ്മ| രക്ഷോഘ്നൈസ്തൈലൈര്യേ ജ്വലിതാ പ്രദീപാസ്തൈര്ഹതഃ പാപ്മാ യത്ര| വ്യവായാദിതോ നിവൃത്താഃ പരിചാരികാ യത്ര| വ്യവായോ മൈഥുനമ്| പുരാണസര്പിഷാऽഭ്യക്തം സുഖാമ്ബുനോഷ്ണോദകേന| പരിഷിക്തം സ്നാതമ്| കുര്യാദിതി കിര്യാപദമത്ര ലഭ്യതേ| അഥ വാ സ്നാതസ്യ ചാചരേദിത്യനേനൈവ ചകാരേണ യഥാകഥം ചിദാചരേദിത്യേതത് ക്രിയാപദം ബോദ്ധവ്യമ്| കിമ്ഭൂതേന സുഖാമ്ബുനാ ആഹ-ബലാദിഭിഃ കദമ്ബാന്തൈഃ സാധിതേന| വൈജയന്ത്യഗ്നിമന്ഥഃ| നൃപദ്രുമ ആരഗ്വധഃ| പാരിഭദ്രകഃ കണ്ടകകിംശുകഃ കട്വങ്ഗഃ സ്യോനാകഃ| കത്തൃണം ഭൂതീകമ്| കപോതപങ്കാ സുവര്ചലാ| കാകജങ്ഘാ ലോമശപാദികാ| മഹാശ്വേതാ നീലപുഷ്പീ ഗിരികര്ണികാ| ക്ഷീരിപാദപാ വടാദയഃ| സ്നാതസ്യ ച ദ്വീപ്യാദിചര്മഭിര്ഘൃതമിശ്രിതൈര്ധൂപമാചരേത്|| ൨||
Adhikarana sarvagrahe dhUpAH (3) · Śloka 3
പൂതീദശാങ്ഗസിദ്ധാര്ഥവചാഭല്ലാതദീപ്യകൈഃ| സകുഷ്ഠൈഃ സഘൃതൈര്ധൂപഃ സര്വഗ്രഹവിമോക്ഷണഃ| സര്ഷപാനിമ്ബപത്രാണി മൂലമശ്വഖുരാദ്വചാ| ഭൂര്ജപത്രം ഘൃതം ധൂപഃ സര്വഗ്രഹനിബര്ഹണഃ||൩||
View original
पूतीदशाङ्गसिद्धार्थवचाभल्लातदीप्यकैः| सकुष्ठैः सघृतैर्धूपः सर्वग्रहविमोक्षणः| सर्षपानिम्बपत्राणि मूलमश्वखुराद्वचा| भूर्जपत्रं घृतं धूपः सर्वग्रहनिबर्हणः||३||
🔊 Audio coming soon
പൂത്യാദിഭിര്ധൂപഃ സര്വഗ്രഹവിമോക്ഷണഃ| സര്ഷപാദിഭിര്ധൂപഃ സര്വഗ്രഹനിബര്ഹണഃ| അശ്വഖുരാ ഗിരികര്ണീ തതോ മൂലമ്|| ൩||
Adhikarana anantAdighRutam (4) · Śloka 4
അനന്താമ്രാസ്ഥിതഗരം മരിചം മധുരോ ഗണഃ| സൃഗാലവിന്നാ മുസ്താ ച കല്കിതൈസ്തൈര്ഘൃതം പചേത്| ദശമൂലരസക്ഷീരയുക്തം തദ് ഗ്രഹജിത് പരമ്||൪||
View original
अनन्ताम्रास्थितगरं मरिचं मधुरो गणः| सृगालविन्ना मुस्ता च कल्कितैस्तैर्घृतं पचेत्| दशमूलरसक्षीरयुक्तं तद् ग्रहजित् परम्||४||
🔊 Audio coming soon
അനന്താദിഭിഃ കല്കിതൈര്ദശമൂലക്വാഥേന ക്ഷീരേണ ച ഘൃതം പാചയേത്| തത്പരം ഗ്രഹജിത്| അനന്താ യവാസകഃ| സൃഗാലവിന്നാ പൃശ്നിപര്ണീ|| ൪||
Adhikarana sarvagrahe rAsnAdighRutam (5) · Śloka 5
രാസ്നാദ്വ്യംശുമതീ വഢ്രപഞ്ചമൂലബലാഘനാത്| ക്വാഥേ സര്പിഃ പചേത്പിഷ്ടൈഃ ശാരിവാവ്യോഷചിത്രകൈഃ| പാഠാവിഡങ്ഗമധുകപയസ്യാഹിങ്ഗുദാരുഭിഃ| സഗ്രന്ഥികൈഃ സേന്ദ്രയവൈഃ ശിശോസ്തത്സതതം ഹിതമ്| സര്വരോഗഗ്രഹഹരം ദീപനം ബലവര്ണദമ്||൫||
View original
रास्नाद्व्यंशुमती वढ्रपञ्चमूलबलाघनात्| क्वाथे सर्पिः पचेत्पिष्टैः शारिवाव्योषचित्रकैः| पाठाविडङ्गमधुकपयस्याहिङ्गुदारुभिः| सग्रन्थिकैः सेन्द्रयवैः शिशोस्तत्सततं हितम्| सर्वरोगग्रहहरं दीपनं बलवर्णदम्||५||
🔊 Audio coming soon
രാസ്നാദികഷായേ ശാരിവാദിഭിഃ പിഷ്ടൈഃ സര്പിര്വിപാചയേത്| തതഃ സുബോധമ്| വഢ്രപഞ്ചമൂലം മഹത്പഞ്ചമൂലമ്|| ൫||
Adhikarana sarvagrahe sArivAdighRutAni (6) · Śloka 6
സാരിവാസുരാഭിര്ബ്രാഹ്മീശങ്ഖിനീകുഷ്ഠസര്ഷപൈഃ| വചാശ്വഗന്ധാസുരസായുക്തൈഃ സര്പിര്വിപാചയേത്| തന്നാശയേദ് ഗ്രഹാന് സര്വാന് പാനേനാഭ്യഞ്ജനേന ച| യോജയേദ് ഭൂതവിദ്യായാം യാന്യുക്താനി ഘൃതാനി ച||൬||
View original
सारिवासुराभिर्ब्राह्मीशङ्खिनीकुष्ठसर्षपैः| वचाश्वगन्धासुरसायुक्तैः सर्पिर्विपाचयेत्| तन्नाशयेद् ग्रहान् सर्वान् पानेनाभ्यञ्जनेन च| योजयेद् भूतविद्यायां यान्युक्तानि घृतानि च||६||
🔊 Audio coming soon
സാരിവാദിഭിഃ സര്പിര്വിപാചയേത്| തത് പാനേനാഭ്യഞ്ജനേന ച സര്വാന് ഗ്രഹാന് നാശയേത്| യാനി ച ഘൃതാനി വക്ഷ്യമാണായാം ഭൂതവിദ്യായാമുക്താനി താന്യപി യോജയേത്|| ൬||
Adhikarana pratisarABimantraNam (7) · Śloka 7
ഹസ്തമാത്രം ശുചൌ ദേശേ ഗോമയേനോപലേപയേത്| തത്രാക്ഷതാനാഞ്ചോക്ഷാണാം സ്ഥാപ്യം പാത്രം സദക്ഷിണമ്| നിര്ധൂമശ്ചാനലസ്തോയം ഗുഗ്ഗുലുഃ സര്പിരാഹുതിഃ| ശുക്ലം പുഷ്പം ബലിര്ധൂപോ ദൂര്വാ ശ്വേതാശ്ച സര്ഷപാഃ| പ്രാങ്മുഖോऽഥ ശുചിര്വൈദ്യസ്ത്രിവര്ണാമഥവാ സിതാമ്| ഉപവിഷ്ടഃ പ്രതിസരാം ഗൃഹീത്വാ വേഷ്ടയേത്തയാ| ഭൂര്ജേ രോചനയാ വിദ്യാം ലിഖിതാമപരാജിതാമ്| വിധിനാ സാധിതാം ഭൂതൈഃ സര്വൈരപ്യപരാജിതാമ്| ലക്ഷ്മണാദിപരീവാരാം നിത്യാനുസ്മൃസേവിതാമ്| ലക്ഷ്മണാസഹദേവാഖ്യാനാഗദന്തീകടമ്ഭരാ| മര്കടീ കര്കടീ ലമ്ബാ ബൃഹതീ കണ്ടകാരികാ| ഖരനാസാ മൃഗോര്വാരുര്മഹാശ്വേതാ ശതാവരീ| ഉദങ്മുഖസ്യ ബാലസ്യ ബധ്നീയാത്താം തതോ ഗലേ| തദഭാവേ ദൃഢം ക്ഷൌമസൂത്രം മന്ത്രമിദം ജപന്||൭||
View original
हस्तमात्रं शुचौ देशे गोमयेनोपलेपयेत्| तत्राक्षतानाञ्चोक्षाणां स्थाप्यं पात्रं सदक्षिणम्| निर्धूमश्चानलस्तोयं गुग्गुलुः सर्पिराहुतिः| शुक्लं पुष्पं बलिर्धूपो दूर्वा श्वेताश्च सर्षपाः| प्राङ्मुखोऽथ शुचिर्वैद्यस्त्रिवर्णामथवा सिताम्| उपविष्टः प्रतिसरां गृहीत्वा वेष्टयेत्तया| भूर्जे रोचनया विद्यां लिखितामपराजिताम्| विधिना साधितां भूतैः सर्वैरप्यपराजिताम्| लक्ष्मणादिपरीवारां नित्यानुस्मृसेविताम्| लक्ष्मणासहदेवाख्यानागदन्तीकटम्भरा| मर्कटी कर्कटी लम्बा बृहती कण्टकारिका| खरनासा मृगोर्वारुर्महाश्वेता शतावरी| उदङ्मुखस्य बालस्य बध्नीयात्तां ततो गले| तदभावे दृढं क्षौमसूत्रं मन्त्रमिदं जपन्||७||
🔊 Audio coming soon
ഹസ്തമാത്രമിത്യാദിനാ പ്രതിസരാബന്ധനോപകരണവിധാനം സുബോധമ്| ചോക്ഷാണാം നിര്മലാനാമ്| അഥ പ്രാങ്മുഖോ വൈദ്യസ്ത്രിവര്ണാം സിതരക്തപീതാം സിതാമേവ വാ പ്രതിസരാം കാര്പാസസൂത്രവേണികാം ഗൃഹീത്വാ ഭൂര്ജലിഖിതാമപരാജിതാഖ്യാം വിദ്യാം ലക്ഷ്മണാദ്ദ്യൌഷധിപരിവാരാം നിത്യം ച സ്വാനുസ്മൃത്യാ വൈദ്യേന സേവിതാം തയാ പ്രതിസരയാ വേഷ്ടയേത്| കിമ്ഭൂതാമപരാജിതാം സര്വൈരപി ഭൂതൈര്ന പരാജിതാമ്| കാസ്താ ലക്ഷ്മണാദയ ഇത്യാഹ| (നി) 'ലക്ഷ്മണാ പുത്രനനനീ രക്തബിന്ദുച്ഛദാ തഥാ|' സഹദേവാ ബലാ| നാഗദന്തീ ഹസ്തിദന്തീ| കടമ്ഭരാ ഗിരികര്ണീ| മര്കടീ കപികച്ഛൂഃ| സ്വനാമികാ ച കര്കടീ ബില്വാദിഃ ലമ്ബാ കടുകാലാബുനീ| ഖരനാസാഭ്രമ്| മൃഗോര്വാരുര്ഗവാക്ഷീ| മഹാശ്വേതാ നീലപുഷ്പീ ഗിരികര്ണികാ| തതോऽനന്തരം താം വേഷ്ടിതാം ബധ്നാമീത്യാദിമന്ത്രം ജപന് വൈദ്യ ഉദീച്യഭിമുഖസ്യ ബാലസ്യ ഗലേ ബധ്നീയാത്| തസ്യാ അപരാജിതായാ അഭാവേ ദൃഢം ക്ഷൌമസൂത്രം ബധ്നീയാത്| അന്യേ തു ക്ഷൌമസൂത്രസ്യൈവ മന്ത്രം വദന്തി|| ൭||
Adhikarana pratisarAbandhanamantraH (8) · Śloka 8
ബധ്നാമ്യഹം പ്രതിസരാം നമസ്കൃത്വാ സ്വയമ്ഭുവേ| ബാലാനാം രക്ഷണാര്ഥായ ശിവാം പൂര്വര്ഷിനിര്മിതാമ്| ഇന്ദ്രോऽനുമന്യതാം തുഭ്യം യേ ച തസ്യാനുചാരിണഃ| വജ്രാശനിധരാ ഭൂതാ മേഘവൃന്ദാനുസാരിണഃ| ഐരാവതസ്കന്ധഗതം യേऽനുയാന്തി പുരന്ദരമ്| യമോ വൈവസ്വതോ രാജാ യേ ച തസ്യാനുചാരിണഃ| മേഷസൂകരസിംഹോഷ്ട്രഖരവാജിസമാനനാഃ| കാലാ കാലായസൈഃ പാശൈഃ സ്തബ്ധാക്ഷാ ഭ്രുകുടീമുഖാഃ| ശക്തിമുദ്ഗരഹസ്താശ്ച ഖഡ്ഗപാശധരാശ്ച യേ| പാശഭൃദ്വരുണോ രാജാ തോയഭൂഃ സാഗരാലയഃ| ശാരദാഭ്രഘനാകാരാ യേ ച തസ്യാനുചാരിണഃ| മഹോര്മിമന്തം വേഗേന ക്ഷോഭയന്തി സരിത്പതിമ്| ധനാധിപോ വൈശ്രവണഃ സര്വയക്ഷാധിപോ വിഭുഃ| നാനാകാരാശ്ച യേ ഭൂതാസ്തസ്യൈവാനുചരാഃ സദാ| ആദിത്യാ വസവോ രുദ്രാ മരുതശ്ചാശ്വിനാവപി| ഏതേ സര്വേऽനുമന്യന്താമിമാം പ്രതിസരക്രിയാമ്| ദീര്ഘമായുരരോഗം ച തവ ദാസ്യന്തി സ്വസ്തി തേ| സ്വസ്തി തേ ഭഗവാന് ബ്രഹ്മാ സ്വസ്തി നാരദപര്വതൌ| സ്വസ്തി വേദാശ്ച യജ്ഞാശ്ച അഗ്നീഷോമൌ ച സ്വസ്തി തേ| സ്വസ്തി തേ ശ്രീര്ധൃതിഃ കീര്തിര്ലക്ഷ്മീര്മേധാക്ഷമാദ്യുതിഃ| സ്വസ്തി തുഷ്ടിശ്ച പുഷ്ടിശ്ച വപുര്ഹ്രീര്ബുദ്ധിരേവ ച| സ്വസ്തി രുദ്രോ വിശാഖശ്ച സ്കന്ദഃ ശക്തിധരശ്ച തേ| സ്വസ്തി ധാതാ വിധാതാ ച സുപര്ണശ്ച മഹാബലഃ| സ്വസ്തി ദേവാശ്ച യക്ഷാശ്ച മാ ച തേ പാപമാഗതമ്| ദുര്വ്യാഹൃതാനി ദുഃസ്വപ്നം മനസാ ചിന്തിതാനി ച| ദുഷ്ടാദീനാം ഭയകൃതോ വാചഃ പ്രതിഹതാ മയാ| രക്ഷാ പ്രതിസരാ തുഭ്യം ബദ്ധേയം പാപഘാതിനീ| നിര്വൃതസ്ത്വം നിരുദ്വേഗോ ജീവ വര്ഷശതം സുഖീ||൮||
View original
बध्नाम्यहं प्रतिसरां नमस्कृत्वा स्वयम्भुवे| बालानां रक्षणार्थाय शिवां पूर्वर्षिनिर्मिताम्| इन्द्रोऽनुमन्यतां तुभ्यं ये च तस्यानुचारिणः| वज्राशनिधरा भूता मेघवृन्दानुसारिणः| ऐरावतस्कन्धगतं येऽनुयान्ति पुरन्दरम्| यमो वैवस्वतो राजा ये च तस्यानुचारिणः| मेषसूकरसिंहोष्ट्रखरवाजिसमाननाः| काला कालायसैः पाशैः स्तब्धाक्षा भ्रुकुटीमुखाः| शक्तिमुद्गरहस्ताश्च खड्गपाशधराश्च ये| पाशभृद्वरुणो राजा तोयभूः सागरालयः| शारदाभ्रघनाकारा ये च तस्यानुचारिणः| महोर्मिमन्तं वेगेन क्षोभयन्ति सरित्पतिम्| धनाधिपो वैश्रवणः सर्वयक्षाधिपो विभुः| नानाकाराश्च ये भूतास्तस्यैवानुचराः सदा| आदित्या वसवो रुद्रा मरुतश्चाश्विनावपि| एते सर्वेऽनुमन्यन्तामिमां प्रतिसरक्रियाम्| दीर्घमायुररोगं च तव दास्यन्ति स्वस्ति ते| स्वस्ति ते भगवान् ब्रह्मा स्वस्ति नारदपर्वतौ| स्वस्ति वेदाश्च यज्ञाश्च अग्नीषोमौ च स्वस्ति ते| स्वस्ति ते श्रीर्धृतिः कीर्तिर्लक्ष्मीर्मेधाक्षमाद्युतिः| स्वस्ति तुष्टिश्च पुष्टिश्च वपुर्ह्रीर्बुद्धिरेव च| स्वस्ति रुद्रो विशाखश्च स्कन्दः शक्तिधरश्च ते| स्वस्ति धाता विधाता च सुपर्णश्च महाबलः| स्वस्ति देवाश्च यक्षाश्च मा च ते पापमागतम्| दुर्व्याहृतानि दुःस्वप्नं मनसा चिन्तितानि च| दुष्टादीनां भयकृतो वाचः प्रतिहता मया| रक्षा प्रतिसरा तुभ्यं बद्धेयं पापघातिनी| निर्वृतस्त्वं निरुद्वेगो जीव वर्षशतं सुखी||८||
🔊 Audio coming soon
ബധ്നാമീത്യാദിഭിശ്ചതുര്ദശഭിഃ ശ്ലോകൈര്മന്ത്രോ നിഗദവ്യാഖ്യാതഃ കിഞ്ചിത് പ്രദര്ശ്യതേ| സ്വയമ്ഭുവേ ബ്രഹ്മണേ നമസ്കൃത്വാ പ്രതിസരാം ബധ്നാമി ബാലാനാം രക്ഷണായ| കിമ്ഭൂതാമാഹ ശിവാം ശ്രേയസ്കരീം പൂര്വര്ഷിനിര്മിതാമ്| ഹേ ബാല! തുഭ്യം പ്രതിസരാമിന്ദ്രോऽനുമന്യതാമങ്ഗീകരോതു| വജ്രാശനിധരത്വാദിഗുണാശ്ച തസ്യേന്ദ്രസ്യാനുചാരിണോ യേ ഭൂതാ ഐരാവതസ്കന്ധഗതം പുരന്ദരമിന്ദ്രമനുയാന്തി| യമോऽനുമന്യതാം യേ ച തദനുചരാ മേഷാദ്യാനനാഃ കൃഷ്ണാദിരൂപാശ്ച| വാരുണോऽനുമന്യതാം തദനുചരാശ്ച| സാഗര ആലയോ യസ്യ| മഹോര്മീത്യാദി വരുണാനുചരവിശേഷണമ്| ധനാധിപശ്ച തദനുചരാശ്ച| ആദിത്യാശ്ച| ഇതി സര്വേ ഇമാം പ്രതിസരക്രിയാമനുമന്യ-താമ്| തവ ശിശോസ്തേ ദീര്ഘമായുരരോഗം ച ദാസ്യന്തി| രവസ്തീത്യാദ്യാശീഃ പദമ്| തേ ശിശോഃ പാപം ദുര്വ്യാഹൃതാദികം ച മാഗമത്| ദുഷ്ടാദീനാം വാചോ ഭയങ്കരാ മയാ പ്രതിഹതാഃ| ഇയം ച പാപഘാതിനീ രക്ഷാ പ്രതിസരാ തവ ബദ്ധാ| അനയാ ച ത്വം നിര്വൃതോ നിരുദ്വേഗശ്ച സുഖീ വര്ഷശതം ജീവ|| ൮||
Adhikarana balivitaraNam (9) · Śloka 9
അപൂപപൂപസംയാവസ്വസ്തികാലോപികാദയഃ| പായസോ മിശ്രകഃ സിദ്ധോ ഗുഡപൂരോ ഹരിദ്രകഃ| കൃസരോ യാവകഃ ക്ഷൌദ്രം പലലം ലവണം ഹവിഃ| ദധികുല്മാഷനിഷ്പാവോ രക്തോ ഭൂതൌദനഃ പയഃ| പക്വാമമാംസരുധിരമത്സ്യസക്തുസുരാസവാഃ| ഗന്ധം മാല്യം ഫലം ഹേമ ധൂപഃ സപുരകുന്ദുരുഃ| സുരസാര്ജകനിര്ഗുണ്ഡീകുസുമം ച സപല്ലവമ്| ബലിഃ സുശസ്തൈര്ദേയഃ സ്യാദ്ഭവനസ്യ ചതുര്ദിശമ്| ചതുഷ്കചൈത്യത്രിപഥദേവായതനഗോപുരേ| രേഖാവൃക്ഷോദപാനേ ച സന്ധ്യയോര്ദീപവാന് നിശി||൯||
View original
अपूपपूपसंयावस्वस्तिकालोपिकादयः| पायसो मिश्रकः सिद्धो गुडपूरो हरिद्रकः| कृसरो यावकः क्षौद्रं पललं लवणं हविः| दधिकुल्माषनिष्पावो रक्तो भूतौदनः पयः| पक्वाममांसरुधिरमत्स्यसक्तुसुरासवाः| गन्धं माल्यं फलं हेम धूपः सपुरकुन्दुरुः| सुरसार्जकनिर्गुण्डीकुसुमं च सपल्लवम्| बलिः सुशस्तैर्देयः स्याद्भवनस्य चतुर्दिशम्| चतुष्कचैत्यत्रिपथदेवायतनगोपुरे| रेखावृक्षोदपाने च सन्ध्ययोर्दीपवान् निशि||९||
🔊 Audio coming soon
ബാലനിവാസഭവനസ്യ ചതുര്ദിശമപൂപാദികശ്ച ബലിര്ദേയഃ| അപൂപാ മണ്ഡകാഃ| ത ഏവ സഗുഡാഃ സ്നേഹസിദ്ധാഃ പൂപാഃ| സംയാവോ യവൌദനഃ| സ്വസ്തികാഃ സ്വസ്തികാകൃതയഃ പിഷ്ടവികാരാഃ| ലോപികാഃ സപൂരാഃ പിഷ്ടസ്വിന്നാഃ| മിശ്രകസ്തണ്ഡുലാവരാന്നൌദനഃ| സിദ്ധഃ സിദ്ധൌദനഃ| ഗുഡപൂരഃ പ്രസിദ്ധഃ| ഹരിദ്രകഃ പീതഭക്ഷഃ| ഹവിര്ഘൃതമ്| പലലം തിലകല്കഃ| രക്തൌദനോ രക്തമിശ്രോ ഭൂതൌദനഃ| ഭൂതൌദനോ മാംസമിശ്രഃ| ചതുഷ്കാദിഷു ച ബലിര്ദേയഃ| ചതുഷ്കം ചതുഃശാലമ്| രേഖാമണ്ഡലം മന്യേ| ഉദപാനം കൂപസരഃ| നിശി ദീപവാന് ബലിര്ദേയഃ||൯||
Adhikarana maNDalavidhAnaM balimantrashca (10) · Śloka 10
അഥാപതിതഗോവര്ചഃ പ്രലിപ്തേ ദര്ഭാസംസ്തൃതേ| വൃത്തേ വാ ചതുരസ്രേ വാ മണ്ഡലേ കുസുമോജ്ജ്വലേ| നാനാഗ്രഹപരീവാരം ഭിഷഗ്ഭൂതപതിം ലിഖേത്| തം പ്രതിപ്രാങ്മുഖോ വിദ്യാം പഠന്നുപഹരേദ്ബലിമ്| നമോ വിമാരകസ്യ| നമഃ കുമാരങ്ഗായ| നമഃ സപ്താനാം മാതൃൗണാമ്| നമഃ സ്കന്ദായ| ഏഷ പരിഗ്രഹമന്ത്രഃ| മാതൃൗണാമാവാഹനം ച| ഹിലിഹിലിനിമാപടലിനി സ്വാഹാ| അനേന സപ്തകൃത്വഃ പരിജപിതേന പാനീയചുലുകേനാത്മാഭ്യുക്ഷയിതവ്യഃ| ഏവമാത്മരക്ഷാ കൃതാ ഭവതി||൧൦||
View original
अथापतितगोवर्चः प्रलिप्ते दर्भासंस्तृते| वृत्ते वा चतुरस्रे वा मण्डले कुसुमोज्ज्वले| नानाग्रहपरीवारं भिषग्भूतपतिं लिखेत्| तं प्रतिप्राङ्मुखो विद्यां पठन्नुपहरेद्बलिम्| नमो विमारकस्य| नमः कुमारङ्गाय| नमः सप्तानां मातॄणाम्| नमः स्कन्दाय| एष परिग्रहमन्त्रः| मातॄणामावाहनं च| हिलिहिलिनिमापटलिनि स्वाहा| अनेन सप्तकृत्वः परिजपितेन पानीयचुलुकेनात्माभ्युक्षयितव्यः| एवमात्मरक्षा कृता भवति||१०||
🔊 Audio coming soon
അഥേത്യാദിനാ മണ്ഡലവിധാനമ്| അപതിതഗോവര്ചോ യത്പതദേവ ഗോര്ഗൃഹീതമ്| വൃത്തം വര്തുലം മണ്ഡലമ്| ചതുരസ്രം ചതുഷ്കോണമ്| ഭൂതപതിര്ഭഗവാന് മഹാദേവഃ| തം മണ്ഡലേ ചിത്രകര്മണാ ലിഖേത്| തം പ്രതി പ്രാങ്മുഖ ഇത്യര്ഥഃ| നമ ഇത്യാദികാം വിദ്യാം പഠന് തസ്മൈ ഭഗവതേ നാനാവിധം ബലിമുപഹരേത്| നമ ഇത്യാദി ബലിപരിഗ്രഹമന്ത്രഃ| ഏവമേവ മാതൃണാമാവാഹനമാഹ്വാനമ്| ഹില്യാദികേന സപ്തവാരാന് യത്പരിജപിതം പാനീയചുലുകം തേനാത്മാഭ്യുക്ഷയിതവ്യഃ| അഭ്യുക്ഷണം സമന്താദ്ബിന്ദുഭിഃ സേചനമ്| അനേനാഭ്യുക്ഷണേനാത്മനോ രക്ഷ കൃതാ ഭവതി|| ൧൦||
Adhikarana grahasannidhAyakaH mantraH (11) · Śloka 11
ഗ്രഹാണാം സന്നിധാനായ ബലേശ്ച പ്രതിപത്തയേ| സത്യസന്ധാനസംയുക്തമിമം മന്ത്രം പഠേദനു| പ്രജാപതൌ ച യത്സത്യം യത്സത്യമമരേശ്വരേ| ധര്മരാജേ ച യത്സത്യം യച്ച സത്യം ജലാധിപേ| യത്സത്യമഗ്നിഹോത്രേഷു സത്യം യച്ഛ്രോത്രിയേഷു ച| പതിവ്രതാസു യത്സത്യമീശ്വരേ ച മഹാത്മനി| ഏതൈസ്തു സത്യസമയൈര്ഗുഹ്യകാഃ സത്യവാദിനഃ| ദര്ശയധ്വം സ്വരൂപാണി സത്യം രക്ഷതു സര്വതഃ| ആമന്ത്രിതാ മയാ സൌമ്യാഃ സൌമ്യരൂപാഃ പ്രതീച്ഛത| ബലിം ചോപഹൃതം സര്വം സര്വേ കൌമാരകാ ഗ്രഹാഃ| ദര്ശയധ്വം സ്വരൂപാണി ബലിശ്ച പ്രതിഗൃഹ്യതാമ്||൧൧||
View original
ग्रहाणां सन्निधानाय बलेश्च प्रतिपत्तये| सत्यसन्धानसंयुक्तमिमं मन्त्रं पठेदनु| प्रजापतौ च यत्सत्यं यत्सत्यममरेश्वरे| धर्मराजे च यत्सत्यं यच्च सत्यं जलाधिपे| यत्सत्यमग्निहोत्रेषु सत्यं यच्छ्रोत्रियेषु च| पतिव्रतासु यत्सत्यमीश्वरे च महात्मनि| एतैस्तु सत्यसमयैर्गुह्यकाः सत्यवादिनः| दर्शयध्वं स्वरूपाणि सत्यं रक्षतु सर्वतः| आमन्त्रिता मया सौम्याः सौम्यरूपाः प्रतीच्छत| बलिं चोपहृतं सर्वं सर्वे कौमारका ग्रहाः| दर्शयध्वं स्वरूपाणि बलिश्च प्रतिगृह्यताम्||११||
🔊 Audio coming soon
അനന്തരം പ്രജാപതാവിത്യാദിമന്ത്രം പഠേത്| കിമര്ഥമിത്യാഹ ഗ്രഹാണാം സന്നിധാനം കര്തും തേഷാമേവ ച ബലേഃ പ്രതിപത്ത്യര്ഥം ച| കിമ്ഭൂതം മന്ത്രമാഹ| സത്യസന്ധാനസംയുതമ്| ഏവം ഹീഷ്ടസിദ്ധിര്ഭവതി| പഞ്ചഭിഃ ശ്ലോകൈര്മന്ത്രഃ| ഏതൈഃ സത്യൈര്ഗുഹ്യകാ ഭൂതവിശേഷാഃ| സത്യവാദിനഃ സ്വരൂപാണി ദര്ശയധ്വം യേ മയാ അഭിമന്ത്രിതാഃ| സത്യം രക്ഷത ബലിം ച പ്രതീച്ഛത മയോപഹ്വതമ്| കൌമാരകഗ്രഹാശ്ച സര്വേ സ്വരൂപാണി ദര്ശയധ്വം ബലിശ്ച പ്രതിഗൃഹ്യതാമ്|| ൧൧||
Adhikarana kulavidyApAThaH (12) · Śloka 12
തതശ്ചാനു പഠേദേനാം കുലവിദ്യാം സമാഹിതഃ| ഔലാ നീലാ ഖലാ കാലാ നകുലാ ഗ്രഹകാരികാ| സേനാ സുസേനാ മാതാ ച മഹാസേനാ യശസ്വിനീ| കൃതമാലാ ക്ഷതശിരാ ഏതാസ്തു ഗ്രഹമാതരഃ| കുമാരവചനാച്ഛീഘ്രം പ്രമുഞ്ചന്തു ശിശുന്ത്വിമമ്| കാലകല്പാ ജ്വലച്ഛക്തിഃ കിങ്കിണീജാലഭൂഷിതാ| കുമാരവചനാദ് ദൂതീ സമ്പ്രാപ്താ മുച്യതാം ശിശുഃ| പതാകാ കുക്കുടഃ ഛത്രം ഘണ്ടാവര്ഹധരഃ ശിഖീ| ശരസ്തമ്ഭശ്ച തേ മുദ്രാ മുച്യതാം മാതരഃ ശിശുഃ| ഗന്ധം ധൂപം ച മാല്യം ച കുമാരസ്തേ പ്രയച്ഛതി| ന സ്ഥാതവ്യം തദാഘ്രായ സ്വാം ഗതിം ഗച്ഛ മാ ചിരമ്| ധാത്ര്യാഃ സര്വാഃ കുമാരസ്യ സങ്ഗതാ ഗന്ധമാദനേ| രക്തധ്വജപതാകസ്യ രക്താംശുകനിവാസിനഃ| കുമാരസ്യാലയം തത്ര യാത ബാലം വിമുഞ്ചത| ഷണ്മുഖോ ദ്വാദശാക്ഷോ വൈ തസ്മിന് കാലേ വൃതോ വരമ്| വീരഃ കുമാരധിപതിസ്തവ പുത്രോऽഭിഷിച്യതാമ്| ബ്രാഹ്മണോ ബ്രാഹ്മണാനാന്തു സര്വവേദവിദാം വരഃ| യക്ഷരാക്ഷസനാഗാനാം ഗന്ധര്വാസുരയോരപി| പിശാചഭൂതസങ്ഘാനാം വ്യാധീനാം ച സ ഈശ്വരഃ| ആജ്ഞാപയതി വഃ സ്കന്ദോ ഗമ്യതാം ഗന്ധമാദനമ്| ഗ്രഹോ യഃ കോപയേദാജ്ഞാം കുമാരസ്യ യശസ്വിനഃ| സ്ഥാനാച്ച്യുതഃ സ വൈ ക്ഷിപ്രം ബാഹ്യഃ പരിഷദോ ഭവേത്||൧൨||
View original
ततश्चानु पठेदेनां कुलविद्यां समाहितः| औला नीला खला काला नकुला ग्रहकारिका| सेना सुसेना माता च महासेना यशस्विनी| कृतमाला क्षतशिरा एतास्तु ग्रहमातरः| कुमारवचनाच्छीघ्रं प्रमुञ्चन्तु शिशुन्त्विमम्| कालकल्पा ज्वलच्छक्तिः किङ्किणीजालभूषिता| कुमारवचनाद् दूती सम्प्राप्ता मुच्यतां शिशुः| पताका कुक्कुटः छत्रं घण्टावर्हधरः शिखी| शरस्तम्भश्च ते मुद्रा मुच्यतां मातरः शिशुः| गन्धं धूपं च माल्यं च कुमारस्ते प्रयच्छति| न स्थातव्यं तदाघ्राय स्वां गतिं गच्छ मा चिरम्| धात्र्याः सर्वाः कुमारस्य सङ्गता गन्धमादने| रक्तध्वजपताकस्य रक्तांशुकनिवासिनः| कुमारस्यालयं तत्र यात बालं विमुञ्चत| षण्मुखो द्वादशाक्षो वै तस्मिन् काले वृतो वरम्| वीरः कुमारधिपतिस्तव पुत्रोऽभिषिच्यताम्| ब्राह्मणो ब्राह्मणानान्तु सर्ववेदविदां वरः| यक्षराक्षसनागानां गन्धर्वासुरयोरपि| पिशाचभूतसङ्घानां व्याधीनां च स ईश्वरः| आज्ञापयति वः स्कन्दो गम्यतां गन्धमादनम्| ग्रहो यः कोपयेदाज्ञां कुमारस्य यशस्विनः| स्थानाच्च्युतः स वै क्षिप्रं बाह्यः परिषदो भवेत्||१२||
🔊 Audio coming soon
തതോऽനന്തരം സമാഹിതഃ വൈദ്യഃ സാര്ധര്ദശഭിഃ ശ്ലോകൈഃ കുലവിദ്യാം പഠേത്| അസ്യാര്ഥഃ കൌലാദയസ്ത്രയോദശ ഗ്രഹമാതരഃ| ഭഗവത്കുമാരവചാദിമം ശിശും ശീഘ്രം പ്രമുഞ്ചന്തു| കുമാരവചനാത് കാലകല്പാദിഗുണാ ദൂതീ സമ്പ്രാപ്താ ശിശുര്മുച്യതാമിതി| കിങ്കിണീജാലം സൂക്ഷ്മഘണ്ടാസമൂഹഃ| പതാകാദികാ മുദ്രാസ്തേ തുഭ്യമ്| ഹേ മാതരഃ| ശിശുര്മുച്യതാം തേ ഇതി ബഹൂനാം പ്രയോഗോ മന്ത്രത്വാത്| തേ കുമാരോ ഗന്ധാദികം പ്രയച്ഛതി| തദാഘ്രായ സ്വാം ഗതിം ഗച്ഛ| മാചിരം ശീഘ്രമ്| കുമാരധാത്ര്യഃ സര്വാഃ ഗന്ധമാദനേ സങ്ഗതാഃ| രക്തധ്വജാദിമതഃ കുമാരസ്യ തത്രാലയമ്| തത്ര യാതോ ബാലം വിമുഞ്ചത| ശേഷസ്യ പാഠ ഏവ ശരണമ്| യോ ഗ്രഹഃ കുമാരസ്യ യശസ്വിന ആജ്ഞാം കോപയേത് സഃ ക്ഷിപ്രമേവ സ്ഥാനാച്ച്യുതഃ പരിഷദഃ സ്വ-വൃന്ദാദ് ബാഹ്യോ ഭവേദിതി കുലവിദ്യാ|| ൧൨||
Adhikarana homavidhiH (13) · Śloka 13
ബലേരനന്തരം കുര്യാദ്ധോമമഭ്യര്ച്യ പാവകമ്| പുഷ്പൈര്ഭക്ഷ്യൈശ്ച വിവിധൈശ്ചരുണാ ലോഹിതൈസ്തഥാ| ഗന്ധൈര്ഗുഗ്ഗുലുധൂപൈശ്ച സമിധഃ ഖദിരാദഥ| ശതമഷ്ടോത്തരം ഹവ്യമഥവാ ചന്ദനദ്രുമാത്||൧൩||
View original
बलेरनन्तरं कुर्याद्धोममभ्यर्च्य पावकम्| पुष्पैर्भक्ष्यैश्च विविधैश्चरुणा लोहितैस्तथा| गन्धैर्गुग्गुलुधूपैश्च समिधः खदिरादथ| शतमष्टोत्तरं हव्यमथवा चन्दनद्रुमात्||१३||
🔊 Audio coming soon
തതോ ബലേരനന്തരം പാവകമഭ്യര്ച്യ പുഷ്പാദിഭിര്ഹോമം കുര്യാത്| തതോ ഹവ്യമന്നം ഗന്ധൈര്ഗന്ധദ്രവ്യൈര്ലോഹിതൈഃ ഖദിരസമിധാം ചന്ദനസമിധാം ചാഷ്ടോത്തരം ശതം ഹവ്യമ്||൧൩||
Adhikarana havanamantraH (14) · Śloka 14
അഗ്നിദണ്ഡം പ്രവക്ഷ്യാമി സര്വഗ്രഹവിമോക്ഷണമ്| ബ്രഹ്മണ്യന്ത്വനലം (ത്വമലം) ദേവം ഹവ്യകവ്യപ്രതീച്ഛകമ്| ദേവാനാം പ്രാങ്മുഖം (പ്രമുഖം) സ്വസ്തി സ്വാഹാപഹരതി ദ്രുതമ്| സന്നസ്രവിദ്യോ ദഹനഃ പാവകഃ സര്വഭക്ഷണഃ| ത്വം ഹി യജ്ഞശ്ച യൂപശ്ച ത്വം ഹി ധര്മവതാം ഗതിഃ| ഹിരണ്യരേതാ ദേവസ്ത്വം ത്വം ഹി വേദവിദാം ഗതിഃ| ദുര്വൃത്താനാം വിനാശായ ത്വം സമുത്പാദിതഃ സുരൈഃ| ദഹ സംഗ്രഹദേവത്വമിദം ദുഷ്ടസ്യ നിഗ്രഹമ്| അഗ്നയേ സ്വാഹാ| മഹാഗ്നയേ സ്വാഹാ| ത്വം ഹി ശാന്തികരോ വഹ്നിസ്ത്വം മാരുതഹരോദനഃ| ഹരിപ്രധാനഗതിരാസീദിമം നിഗൃഹ്യ ഗുഹ്യകമുത്സാദയതേജസാ| ത്വം മമ വശ്യം ച തം കുരു ദുഷ്ടഗ്രഹനിവാരണം സര്വോപദ്രവേഷു ച| ത്വയാ കൃതേന ഹോമേന ശീഘ്രം ശാന്തിഃ പ്രജായതേ| ആയാഹി വഹ്നേ ദേവാനാം ത്വം ഹി വക്ത്രം പുരാതനമ്| തേന സത്യേന ദേവേശ ഇസ സാധയ മേ ഗ്രഹമ്| നമോऽസ്തു തേ ഹവ്യവാഹന ദണ്ഡം പ്രദര്ശയ ദഹ ദഹ ദര്ശ ദര്ശ തേജ തേജ മോടയ മോടയ അപസ്മാരമുദ്ഘാടയ കുമാര പിശാച-രേവതീ-രോദന-ത്രാസന-വിത്രാസന-കമ്പന-ഉത്ക- മ്പന-വിജൃമ്ഭണ-ദേവ-യക്ഷ-ഗന്ധര്വ-ഭൂത-നാഗ-രാക്ഷസ- സന്തര്ജനദണ്ഡ-നാവിധൂസാരയ ഭഗവന്നഗ്നിദണ്ഡ അഗ്നിവീര്യ നമസ്തേജസാ സ്വേന ത്യക്തമുത്സാദയ സ്വാഹാ| (ഭുര്ഭുവായ സ്വാഹാ) ഭൂര്ഭുവസ്സ്വസ്സ്വാഹാ| ദീപ്തതേജസേ സ്വാഹാ| ഹവ്യ വാഹനായ സ്വാഹാ| യമായ സ്വാഹാ| നശ്യന്ത്യനേന ഹോമേന സമസ്താ ബാലകഗ്രഹാഃ||൧൪||
View original
अग्निदण्डं प्रवक्ष्यामि सर्वग्रहविमोक्षणम्| ब्रह्मण्यन्त्वनलं (त्वमलं) देवं हव्यकव्यप्रतीच्छकम्| देवानां प्राङ्मुखं (प्रमुखं) स्वस्ति स्वाहापहरति द्रुतम्| सन्नस्रविद्यो दहनः पावकः सर्वभक्षणः| त्वं हि यज्ञश्च यूपश्च त्वं हि धर्मवतां गतिः| हिरण्यरेता देवस्त्वं त्वं हि वेदविदां गतिः| दुर्वृत्तानां विनाशाय त्वं समुत्पादितः सुरैः| दह संग्रहदेवत्वमिदं दुष्टस्य निग्रहम्| अग्नये स्वाहा| महाग्नये स्वाहा| त्वं हि शान्तिकरो वह्निस्त्वं मारुतहरोदनः| हरिप्रधानगतिरासीदिमं निगृह्य गुह्यकमुत्सादयतेजसा| त्वं मम वश्यं च तं कुरु दुष्टग्रहनिवारणं सर्वोपद्रवेषु च| त्वया कृतेन होमेन शीघ्रं शान्तिः प्रजायते| आयाहि वह्ने देवानां त्वं हि वक्त्रं पुरातनम्| तेन सत्येन देवेश इस साधय मे ग्रहम्| नमोऽस्तु ते हव्यवाहन दण्डं प्रदर्शय दह दह दर्श दर्श तेज तेज मोटय मोटय अपस्मारमुद्घाटय कुमार पिशाच-रेवती-रोदन-त्रासन-वित्रासन-कम्पन-उत्क- म्पन-विजृम्भण-देव-यक्ष-गन्धर्व-भूत-नाग-राक्षस- सन्तर्जनदण्ड-नाविधूसारय भगवन्नग्निदण्ड अग्निवीर्य नमस्तेजसा स्वेन त्यक्तमुत्सादय स्वाहा| (भुर्भुवाय स्वाहा) भूर्भुवस्स्वस्स्वाहा| दीप्ततेजसे स्वाहा| हव्य वाहनाय स्वाहा| यमाय स्वाहा| नश्यन्त्यनेन होमेन समस्ता बालकग्रहाः||१४||
🔊 Audio coming soon
അഗ്നിദണ്ഡോ മന്ത്രോ യമായ സ്വാഹേത്യേവമന്തഃ| അനേനാനന്തരോക്തേന മന്ത്രേണ ഹോമേന സമസ്താ ബാലകഗ്രഹാ നശ്യന്തി|| ൧൪||
Adhikarana siddhilakShaNam (15-16) · Śloka 16
തത്രാഗ്നാവരുണേ താമ്രേ തപ്തഹേമസമാര്ചിഷി| താരാവൈഡൂര്യസദൃശേ ശശിവിദ്യുത്സമപ്രഭ| ഘൃതമണ്ഡാഭവര്ണേ വാ ഗന്ധേന ച ഘൃതോപമേ| കേതകോത്പലദധ്യാഭേ ധ്രുവമാരോഗ്യമാദിശേത്| അനാരോഗ്യം തു നീലേऽഗ്നൌ കപിലേ ഭസ്മനിഷ്പ്രഭേ| കൃഷ്ണേ കപോതേ ദുര്ഗന്ധേ മത്സ്യപൂയാസ്രഗന്ധികേ| വചാലശുനഗന്ധാഭേ വിസ്രേ കര്ദമഗന്ധികേ||൧൫|| ഇതി വൈദ്യപതിസിംഹഗുപ്തസ്യ സൂനോര്വാഗ്ഭടസ്യ കൃതാ വഷ്ടാങ്ഗസംഗ്രഹസംഹിതായാമുത്തരതന്ത്രേ ബാല ഗ്രഹപ്രതിഷേധോ നാമ ചതുര്ഥോऽധ്യായഃ||൧൬||
View original
तत्राग्नावरुणे ताम्रे तप्तहेमसमार्चिषि| तारावैडूर्यसदृशे शशिविद्युत्समप्रभ| घृतमण्डाभवर्णे वा गन्धेन च घृतोपमे| केतकोत्पलदध्याभे ध्रुवमारोग्यमादिशेत्| अनारोग्यं तु नीलेऽग्नौ कपिले भस्मनिष्प्रभे| कृष्णे कपोते दुर्गन्धे मत्स्यपूयास्रगन्धिके| वचालशुनगन्धाभे विस्रे कर्दमगन्धिके||१५|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे बाल ग्रहप्रतिषेधो नाम चतुर्थोऽध्यायः||१६||
🔊 Audio coming soon
തത്രാഗ്നാവിത്യാദി സിദ്ധലക്ഷണം തപ്തഹേമാരുണാദിരൂപേऽഗ്നൌ ധ്രുവമവശ്യമാരോഗ്യമാദിശേത്| നീലാദിരൂപേऽഗ്നാവാതുരസ്യാനാരോഗ്യമാദിശേത്| ഇതി ശ്രീമന്മഹാമഹോപാധ്യായേന്ദുവിരചിതായാ മഷ്ടാങ്ഗസംഗ്രഹവ്യാഖ്യായാം ശശിലേഖായാമുത്തരതന്ത്രേ ചതുര്ഥോऽധ്യായഃ