Adhikarana atha bAlagrahapratiShedho nAma caturtho~adhyAyaH - avataraNikA · Śloka
🔊 Audio coming soon
గ్రహాణాం స్వరూపముక్త్వా తేనైవ క్రమేణ చికిత్సాం ప్రదర్శయితుమధ్యాయ ఆరభ్యతే
4. bālagrahapratiṣēdhaḥ
Adhikarana pratij~jA (1) · Śloka 1
అథాతో బాలగ్రహప్రతిషేధం నామాధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః||1||
View original
अथातो बालग्रहप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana sAdhyagrahe sAmAnyacikitsA (2) · Śloka 2
గ్రహేషు సాధ్యేషు శిశుం వివిక్తే శరణే స్థితం| త్రిరహ్నా ముష్టసంసిక్తే సదా సన్నిహితానలే| వికీర్ణభూతికుసుమబీజపత్రాన్నసర్షపే| రక్షోఘ్నతైలజ్వలితప్రదీపహతపాప్మని| వ్యవాయమద్యపిశితనివృత్తపరిచారకే| పురాణసర్పిషాభ్యక్తం పరిషిక్తం సుఖాంబునా| సాధితేన బలానింబవైజయంతీనృపద్రుమైః| పారిభద్రకకట్వంగజంబూవరణకత్తృణైః| కపోతవంకాపామార్గపాటలీమధుశిగ్రుభిః| కాకజంఘామహాశ్వేతాకపిత్థక్షీరిపాదపైః| సకదంబకరంచైశ్చ ధూపం స్నాతస్య చాచరేత్| ద్వీపివ్యాఘ్రాహిసింహర్క్షచర్మభిర్ఘృతమిశ్రితైః||2||
View original
ग्रहेषु साध्येषु शिशुं विविक्ते शरणे स्थितम्| त्रिरह्ना मुष्टसंसिक्ते सदा सन्निहितानले| विकीर्णभूतिकुसुमबीजपत्रान्नसर्षपे| रक्षोघ्नतैलज्वलितप्रदीपहतपाप्मनि| व्यवायमद्यपिशितनिवृत्तपरिचारके| पुराणसर्पिषाभ्यक्तं परिषिक्तं सुखाम्बुना| साधितेन बलानिम्बवैजयन्तीनृपद्रुमैः| पारिभद्रककट्वङ्गजम्बूवरणकत्तृणैः| कपोतवङ्कापामार्गपाटलीमधुशिग्रुभिः| काकजङ्घामहाश्वेताकपित्थक्षीरिपादपैः| सकदम्बकरञ्चैश्च धूपं स्नातस्य चाचरेत्| द्वीपिव्याघ्राहिसिंहर्क्षचर्मभिर्घृतमिश्रितैः||२||
🔊 Audio coming soon
సాధ్యేషు గ్రహేషు న తు దుఃసాధ్యేషు శిశుమేవం కుర్యాత్| అహ్నా దినేన త్రీన్ వారాన్ యదా మృష్టం సంసిక్తం చ తస్మిన్| వివిక్తే జనాదిరహితే| శరణే గృహే స్థితం కుర్యాత్| సదా సన్నిహితోఽనలో యస్మిన్| తథా వికీర్ణం విక్షిప్తం భూత్యాదికం యస్మిన్| భూతిర్భస్మ| రక్షోఘ్నైస్తైలైర్యే జ్వలితా ప్రదీపాస్తైర్హతః పాప్మా యత్ర| వ్యవాయాదితో నివృత్తాః పరిచారికా యత్ర| వ్యవాయో మైథునం| పురాణసర్పిషాఽభ్యక్తం సుఖాంబునోష్ణోదకేన| పరిషిక్తం స్నాతం| కుర్యాదితి కిర్యాపదమత్ర లభ్యతే| అథ వా స్నాతస్య చాచరేదిత్యనేనైవ చకారేణ యథాకథం చిదాచరేదిత్యేతత్ క్రియాపదం బోద్ధవ్యం| కింభూతేన సుఖాంబునా ఆహ-బలాదిభిః కదంబాంతైః సాధితేన| వైజయంత్యగ్నిమంథః| నృపద్రుమ ఆరగ్వధః| పారిభద్రకః కంటకకింశుకః కట్వంగః స్యోనాకః| కత్తృణం భూతీకం| కపోతపంకా సువర్చలా| కాకజంఘా లోమశపాదికా| మహాశ్వేతా నీలపుష్పీ గిరికర్ణికా| క్షీరిపాదపా వటాదయః| స్నాతస్య చ ద్వీప్యాదిచర్మభిర్ఘృతమిశ్రితైర్ధూపమాచరేత్|| 2||
Adhikarana sarvagrahe dhUpAH (3) · Śloka 3
పూతీదశాంగసిద్ధార్థవచాభల్లాతదీప్యకైః| సకుష్ఠైః సఘృతైర్ధూపః సర్వగ్రహవిమోక్షణః| సర్షపానింబపత్రాణి మూలమశ్వఖురాద్వచా| భూర్జపత్రం ఘృతం ధూపః సర్వగ్రహనిబర్హణః||3||
View original
पूतीदशाङ्गसिद्धार्थवचाभल्लातदीप्यकैः| सकुष्ठैः सघृतैर्धूपः सर्वग्रहविमोक्षणः| सर्षपानिम्बपत्राणि मूलमश्वखुराद्वचा| भूर्जपत्रं घृतं धूपः सर्वग्रहनिबर्हणः||३||
🔊 Audio coming soon
పూత్యాదిభిర్ధూపః సర్వగ్రహవిమోక్షణః| సర్షపాదిభిర్ధూపః సర్వగ్రహనిబర్హణః| అశ్వఖురా గిరికర్ణీ తతో మూలం|| 3||
Adhikarana anantAdighRutam (4) · Śloka 4
అనంతామ్రాస్థితగరం మరిచం మధురో గణః| సృగాలవిన్నా ముస్తా చ కల్కితైస్తైర్ఘృతం పచేత్| దశమూలరసక్షీరయుక్తం తద్ గ్రహజిత్ పరం||4||
View original
अनन्ताम्रास्थितगरं मरिचं मधुरो गणः| सृगालविन्ना मुस्ता च कल्कितैस्तैर्घृतं पचेत्| दशमूलरसक्षीरयुक्तं तद् ग्रहजित् परम्||४||
🔊 Audio coming soon
అనంతాదిభిః కల్కితైర్దశమూలక్వాథేన క్షీరేణ చ ఘృతం పాచయేత్| తత్పరం గ్రహజిత్| అనంతా యవాసకః| సృగాలవిన్నా పృశ్నిపర్ణీ|| 4||
Adhikarana sarvagrahe rAsnAdighRutam (5) · Śloka 5
రాస్నాద్వ్యంశుమతీ వఢ్రపంచమూలబలాఘనాత్| క్వాథే సర్పిః పచేత్పిష్టైః శారివావ్యోషచిత్రకైః| పాఠావిడంగమధుకపయస్యాహింగుదారుభిః| సగ్రంథికైః సేంద్రయవైః శిశోస్తత్సతతం హితం| సర్వరోగగ్రహహరం దీపనం బలవర్ణదం||5||
View original
रास्नाद्व्यंशुमती वढ्रपञ्चमूलबलाघनात्| क्वाथे सर्पिः पचेत्पिष्टैः शारिवाव्योषचित्रकैः| पाठाविडङ्गमधुकपयस्याहिङ्गुदारुभिः| सग्रन्थिकैः सेन्द्रयवैः शिशोस्तत्सततं हितम्| सर्वरोगग्रहहरं दीपनं बलवर्णदम्||५||
🔊 Audio coming soon
రాస్నాదికషాయే శారివాదిభిః పిష్టైః సర్పిర్విపాచయేత్| తతః సుబోధం| వఢ్రపంచమూలం మహత్పంచమూలం|| 5||
Adhikarana sarvagrahe sArivAdighRutAni (6) · Śloka 6
సారివాసురాభిర్బ్రాహ్మీశంఖినీకుష్ఠసర్షపైః| వచాశ్వగంధాసురసాయుక్తైః సర్పిర్విపాచయేత్| తన్నాశయేద్ గ్రహాన్ సర్వాన్ పానేనాభ్యంజనేన చ| యోజయేద్ భూతవిద్యాయాం యాన్యుక్తాని ఘృతాని చ||6||
View original
सारिवासुराभिर्ब्राह्मीशङ्खिनीकुष्ठसर्षपैः| वचाश्वगन्धासुरसायुक्तैः सर्पिर्विपाचयेत्| तन्नाशयेद् ग्रहान् सर्वान् पानेनाभ्यञ्जनेन च| योजयेद् भूतविद्यायां यान्युक्तानि घृतानि च||६||
🔊 Audio coming soon
సారివాదిభిః సర్పిర్విపాచయేత్| తత్ పానేనాభ్యంజనేన చ సర్వాన్ గ్రహాన్ నాశయేత్| యాని చ ఘృతాని వక్ష్యమాణాయాం భూతవిద్యాయాముక్తాని తాన్యపి యోజయేత్|| 6||
Adhikarana pratisarABimantraNam (7) · Śloka 7
హస్తమాత్రం శుచౌ దేశే గోమయేనోపలేపయేత్| తత్రాక్షతానాంచోక్షాణాం స్థాప్యం పాత్రం సదక్షిణం| నిర్ధూమశ్చానలస్తోయం గుగ్గులుః సర్పిరాహుతిః| శుక్లం పుష్పం బలిర్ధూపో దూర్వా శ్వేతాశ్చ సర్షపాః| ప్రాఙ్ముఖోఽథ శుచిర్వైద్యస్త్రివర్ణామథవా సితాం| ఉపవిష్టః ప్రతిసరాం గృహీత్వా వేష్టయేత్తయా| భూర్జే రోచనయా విద్యాం లిఖితామపరాజితాం| విధినా సాధితాం భూతైః సర్వైరప్యపరాజితాం| లక్ష్మణాదిపరీవారాం నిత్యానుస్మృసేవితాం| లక్ష్మణాసహదేవాఖ్యానాగదంతీకటంభరా| మర్కటీ కర్కటీ లంబా బృహతీ కంటకారికా| ఖరనాసా మృగోర్వారుర్మహాశ్వేతా శతావరీ| ఉదఙ్ముఖస్య బాలస్య బధ్నీయాత్తాం తతో గలే| తదభావే దృఢం క్షౌమసూత్రం మంత్రమిదం జపన్||7||
View original
हस्तमात्रं शुचौ देशे गोमयेनोपलेपयेत्| तत्राक्षतानाञ्चोक्षाणां स्थाप्यं पात्रं सदक्षिणम्| निर्धूमश्चानलस्तोयं गुग्गुलुः सर्पिराहुतिः| शुक्लं पुष्पं बलिर्धूपो दूर्वा श्वेताश्च सर्षपाः| प्राङ्मुखोऽथ शुचिर्वैद्यस्त्रिवर्णामथवा सिताम्| उपविष्टः प्रतिसरां गृहीत्वा वेष्टयेत्तया| भूर्जे रोचनया विद्यां लिखितामपराजिताम्| विधिना साधितां भूतैः सर्वैरप्यपराजिताम्| लक्ष्मणादिपरीवारां नित्यानुस्मृसेविताम्| लक्ष्मणासहदेवाख्यानागदन्तीकटम्भरा| मर्कटी कर्कटी लम्बा बृहती कण्टकारिका| खरनासा मृगोर्वारुर्महाश्वेता शतावरी| उदङ्मुखस्य बालस्य बध्नीयात्तां ततो गले| तदभावे दृढं क्षौमसूत्रं मन्त्रमिदं जपन्||७||
🔊 Audio coming soon
హస్తమాత్రమిత్యాదినా ప్రతిసరాబంధనోపకరణవిధానం సుబోధం| చోక్షాణాం నిర్మలానాం| అథ ప్రాఙ్ముఖో వైద్యస్త్రివర్ణాం సితరక్తపీతాం సితామేవ వా ప్రతిసరాం కార్పాససూత్రవేణికాం గృహీత్వా భూర్జలిఖితామపరాజితాఖ్యాం విద్యాం లక్ష్మణాద్ద్యౌషధిపరివారాం నిత్యం చ స్వానుస్మృత్యా వైద్యేన సేవితాం తయా ప్రతిసరయా వేష్టయేత్| కింభూతామపరాజితాం సర్వైరపి భూతైర్న పరాజితాం| కాస్తా లక్ష్మణాదయ ఇత్యాహ| (ని) 'లక్ష్మణా పుత్రనననీ రక్తబిందుచ్ఛదా తథా|' సహదేవా బలా| నాగదంతీ హస్తిదంతీ| కటంభరా గిరికర్ణీ| మర్కటీ కపికచ్ఛూః| స్వనామికా చ కర్కటీ బిల్వాదిః లంబా కటుకాలాబునీ| ఖరనాసాభ్రం| మృగోర్వారుర్గవాక్షీ| మహాశ్వేతా నీలపుష్పీ గిరికర్ణికా| తతోఽనంతరం తాం వేష్టితాం బధ్నామీత్యాదిమంత్రం జపన్ వైద్య ఉదీచ్యభిముఖస్య బాలస్య గలే బధ్నీయాత్| తస్యా అపరాజితాయా అభావే దృఢం క్షౌమసూత్రం బధ్నీయాత్| అన్యే తు క్షౌమసూత్రస్యైవ మంత్రం వదంతి|| 7||
Adhikarana pratisarAbandhanamantraH (8) · Śloka 8
బధ్నామ్యహం ప్రతిసరాం నమస్కృత్వా స్వయంభువే| బాలానాం రక్షణార్థాయ శివాం పూర్వర్షినిర్మితాం| ఇంద్రోఽనుమన్యతాం తుభ్యం యే చ తస్యానుచారిణః| వజ్రాశనిధరా భూతా మేఘవృందానుసారిణః| ఐరావతస్కంధగతం యేఽనుయాంతి పురందరం| యమో వైవస్వతో రాజా యే చ తస్యానుచారిణః| మేషసూకరసింహోష్ట్రఖరవాజిసమాననాః| కాలా కాలాయసైః పాశైః స్తబ్ధాక్షా భ్రుకుటీముఖాః| శక్తిముద్గరహస్తాశ్చ ఖడ్గపాశధరాశ్చ యే| పాశభృద్వరుణో రాజా తోయభూః సాగరాలయః| శారదాభ్రఘనాకారా యే చ తస్యానుచారిణః| మహోర్మిమంతం వేగేన క్షోభయంతి సరిత్పతిం| ధనాధిపో వైశ్రవణః సర్వయక్షాధిపో విభుః| నానాకారాశ్చ యే భూతాస్తస్యైవానుచరాః సదా| ఆదిత్యా వసవో రుద్రా మరుతశ్చాశ్వినావపి| ఏతే సర్వేఽనుమన్యంతామిమాం ప్రతిసరక్రియాం| దీర్ఘమాయురరోగం చ తవ దాస్యంతి స్వస్తి తే| స్వస్తి తే భగవాన్ బ్రహ్మా స్వస్తి నారదపర్వతౌ| స్వస్తి వేదాశ్చ యజ్ఞాశ్చ అగ్నీషోమౌ చ స్వస్తి తే| స్వస్తి తే శ్రీర్ధృతిః కీర్తిర్లక్ష్మీర్మేధాక్షమాద్యుతిః| స్వస్తి తుష్టిశ్చ పుష్టిశ్చ వపుర్హ్రీర్బుద్ధిరేవ చ| స్వస్తి రుద్రో విశాఖశ్చ స్కందః శక్తిధరశ్చ తే| స్వస్తి ధాతా విధాతా చ సుపర్ణశ్చ మహాబలః| స్వస్తి దేవాశ్చ యక్షాశ్చ మా చ తే పాపమాగతం| దుర్వ్యాహృతాని దుఃస్వప్నం మనసా చింతితాని చ| దుష్టాదీనాం భయకృతో వాచః ప్రతిహతా మయా| రక్షా ప్రతిసరా తుభ్యం బద్ధేయం పాపఘాతినీ| నిర్వృతస్త్వం నిరుద్వేగో జీవ వర్షశతం సుఖీ||8||
View original
बध्नाम्यहं प्रतिसरां नमस्कृत्वा स्वयम्भुवे| बालानां रक्षणार्थाय शिवां पूर्वर्षिनिर्मिताम्| इन्द्रोऽनुमन्यतां तुभ्यं ये च तस्यानुचारिणः| वज्राशनिधरा भूता मेघवृन्दानुसारिणः| ऐरावतस्कन्धगतं येऽनुयान्ति पुरन्दरम्| यमो वैवस्वतो राजा ये च तस्यानुचारिणः| मेषसूकरसिंहोष्ट्रखरवाजिसमाननाः| काला कालायसैः पाशैः स्तब्धाक्षा भ्रुकुटीमुखाः| शक्तिमुद्गरहस्ताश्च खड्गपाशधराश्च ये| पाशभृद्वरुणो राजा तोयभूः सागरालयः| शारदाभ्रघनाकारा ये च तस्यानुचारिणः| महोर्मिमन्तं वेगेन क्षोभयन्ति सरित्पतिम्| धनाधिपो वैश्रवणः सर्वयक्षाधिपो विभुः| नानाकाराश्च ये भूतास्तस्यैवानुचराः सदा| आदित्या वसवो रुद्रा मरुतश्चाश्विनावपि| एते सर्वेऽनुमन्यन्तामिमां प्रतिसरक्रियाम्| दीर्घमायुररोगं च तव दास्यन्ति स्वस्ति ते| स्वस्ति ते भगवान् ब्रह्मा स्वस्ति नारदपर्वतौ| स्वस्ति वेदाश्च यज्ञाश्च अग्नीषोमौ च स्वस्ति ते| स्वस्ति ते श्रीर्धृतिः कीर्तिर्लक्ष्मीर्मेधाक्षमाद्युतिः| स्वस्ति तुष्टिश्च पुष्टिश्च वपुर्ह्रीर्बुद्धिरेव च| स्वस्ति रुद्रो विशाखश्च स्कन्दः शक्तिधरश्च ते| स्वस्ति धाता विधाता च सुपर्णश्च महाबलः| स्वस्ति देवाश्च यक्षाश्च मा च ते पापमागतम्| दुर्व्याहृतानि दुःस्वप्नं मनसा चिन्तितानि च| दुष्टादीनां भयकृतो वाचः प्रतिहता मया| रक्षा प्रतिसरा तुभ्यं बद्धेयं पापघातिनी| निर्वृतस्त्वं निरुद्वेगो जीव वर्षशतं सुखी||८||
🔊 Audio coming soon
బధ్నామీత్యాదిభిశ్చతుర్దశభిః శ్లోకైర్మంత్రో నిగదవ్యాఖ్యాతః కించిత్ ప్రదర్శ్యతే| స్వయంభువే బ్రహ్మణే నమస్కృత్వా ప్రతిసరాం బధ్నామి బాలానాం రక్షణాయ| కింభూతామాహ శివాం శ్రేయస్కరీం పూర్వర్షినిర్మితాం| హే బాల! తుభ్యం ప్రతిసరామింద్రోఽనుమన్యతామంగీకరోతు| వజ్రాశనిధరత్వాదిగుణాశ్చ తస్యేంద్రస్యానుచారిణో యే భూతా ఐరావతస్కంధగతం పురందరమింద్రమనుయాంతి| యమోఽనుమన్యతాం యే చ తదనుచరా మేషాద్యాననాః కృష్ణాదిరూపాశ్చ| వారుణోఽనుమన్యతాం తదనుచరాశ్చ| సాగర ఆలయో యస్య| మహోర్మీత్యాది వరుణానుచరవిశేషణం| ధనాధిపశ్చ తదనుచరాశ్చ| ఆదిత్యాశ్చ| ఇతి సర్వే ఇమాం ప్రతిసరక్రియామనుమన్య-తాం| తవ శిశోస్తే దీర్ఘమాయురరోగం చ దాస్యంతి| రవస్తీత్యాద్యాశీః పదం| తే శిశోః పాపం దుర్వ్యాహృతాదికం చ మాగమత్| దుష్టాదీనాం వాచో భయంకరా మయా ప్రతిహతాః| ఇయం చ పాపఘాతినీ రక్షా ప్రతిసరా తవ బద్ధా| అనయా చ త్వం నిర్వృతో నిరుద్వేగశ్చ సుఖీ వర్షశతం జీవ|| 8||
Adhikarana balivitaraNam (9) · Śloka 9
అపూపపూపసంయావస్వస్తికాలోపికాదయః| పాయసో మిశ్రకః సిద్ధో గుడపూరో హరిద్రకః| కృసరో యావకః క్షౌద్రం పలలం లవణం హవిః| దధికుల్మాషనిష్పావో రక్తో భూతౌదనః పయః| పక్వామమాంసరుధిరమత్స్యసక్తుసురాసవాః| గంధం మాల్యం ఫలం హేమ ధూపః సపురకుందురుః| సురసార్జకనిర్గుండీకుసుమం చ సపల్లవం| బలిః సుశస్తైర్దేయః స్యాద్భవనస్య చతుర్దిశం| చతుష్కచైత్యత్రిపథదేవాయతనగోపురే| రేఖావృక్షోదపానే చ సంధ్యయోర్దీపవాన్ నిశి||9||
View original
अपूपपूपसंयावस्वस्तिकालोपिकादयः| पायसो मिश्रकः सिद्धो गुडपूरो हरिद्रकः| कृसरो यावकः क्षौद्रं पललं लवणं हविः| दधिकुल्माषनिष्पावो रक्तो भूतौदनः पयः| पक्वाममांसरुधिरमत्स्यसक्तुसुरासवाः| गन्धं माल्यं फलं हेम धूपः सपुरकुन्दुरुः| सुरसार्जकनिर्गुण्डीकुसुमं च सपल्लवम्| बलिः सुशस्तैर्देयः स्याद्भवनस्य चतुर्दिशम्| चतुष्कचैत्यत्रिपथदेवायतनगोपुरे| रेखावृक्षोदपाने च सन्ध्ययोर्दीपवान् निशि||९||
🔊 Audio coming soon
బాలనివాసభవనస్య చతుర్దిశమపూపాదికశ్చ బలిర్దేయః| అపూపా మండకాః| త ఏవ సగుడాః స్నేహసిద్ధాః పూపాః| సంయావో యవౌదనః| స్వస్తికాః స్వస్తికాకృతయః పిష్టవికారాః| లోపికాః సపూరాః పిష్టస్విన్నాః| మిశ్రకస్తండులావరాన్నౌదనః| సిద్ధః సిద్ధౌదనః| గుడపూరః ప్రసిద్ధః| హరిద్రకః పీతభక్షః| హవిర్ఘృతం| పలలం తిలకల్కః| రక్తౌదనో రక్తమిశ్రో భూతౌదనః| భూతౌదనో మాంసమిశ్రః| చతుష్కాదిషు చ బలిర్దేయః| చతుష్కం చతుఃశాలం| రేఖామండలం మన్యే| ఉదపానం కూపసరః| నిశి దీపవాన్ బలిర్దేయః||9||
Adhikarana maNDalavidhAnaM balimantrashca (10) · Śloka 10
అథాపతితగోవర్చః ప్రలిప్తే దర్భాసంస్తృతే| వృత్తే వా చతురస్రే వా మండలే కుసుమోజ్జ్వలే| నానాగ్రహపరీవారం భిషగ్భూతపతిం లిఖేత్| తం ప్రతిప్రాఙ్ముఖో విద్యాం పఠన్నుపహరేద్బలిం| నమో విమారకస్య| నమః కుమారంగాయ| నమః సప్తానాం మాతౄణాం| నమః స్కందాయ| ఏష పరిగ్రహమంత్రః| మాతౄణామావాహనం చ| హిలిహిలినిమాపటలిని స్వాహా| అనేన సప్తకృత్వః పరిజపితేన పానీయచులుకేనాత్మాభ్యుక్షయితవ్యః| ఏవమాత్మరక్షా కృతా భవతి||10||
View original
अथापतितगोवर्चः प्रलिप्ते दर्भासंस्तृते| वृत्ते वा चतुरस्रे वा मण्डले कुसुमोज्ज्वले| नानाग्रहपरीवारं भिषग्भूतपतिं लिखेत्| तं प्रतिप्राङ्मुखो विद्यां पठन्नुपहरेद्बलिम्| नमो विमारकस्य| नमः कुमारङ्गाय| नमः सप्तानां मातॄणाम्| नमः स्कन्दाय| एष परिग्रहमन्त्रः| मातॄणामावाहनं च| हिलिहिलिनिमापटलिनि स्वाहा| अनेन सप्तकृत्वः परिजपितेन पानीयचुलुकेनात्माभ्युक्षयितव्यः| एवमात्मरक्षा कृता भवति||१०||
🔊 Audio coming soon
అథేత్యాదినా మండలవిధానం| అపతితగోవర్చో యత్పతదేవ గోర్గృహీతం| వృత్తం వర్తులం మండలం| చతురస్రం చతుష్కోణం| భూతపతిర్భగవాన్ మహాదేవః| తం మండలే చిత్రకర్మణా లిఖేత్| తం ప్రతి ప్రాఙ్ముఖ ఇత్యర్థః| నమ ఇత్యాదికాం విద్యాం పఠన్ తస్మై భగవతే నానావిధం బలిముపహరేత్| నమ ఇత్యాది బలిపరిగ్రహమంత్రః| ఏవమేవ మాతృణామావాహనమాహ్వానం| హిల్యాదికేన సప్తవారాన్ యత్పరిజపితం పానీయచులుకం తేనాత్మాభ్యుక్షయితవ్యః| అభ్యుక్షణం సమంతాద్బిందుభిః సేచనం| అనేనాభ్యుక్షణేనాత్మనో రక్ష కృతా భవతి|| 10||
Adhikarana grahasannidhAyakaH mantraH (11) · Śloka 11
గ్రహాణాం సన్నిధానాయ బలేశ్చ ప్రతిపత్తయే| సత్యసంధానసంయుక్తమిమం మంత్రం పఠేదను| ప్రజాపతౌ చ యత్సత్యం యత్సత్యమమరేశ్వరే| ధర్మరాజే చ యత్సత్యం యచ్చ సత్యం జలాధిపే| యత్సత్యమగ్నిహోత్రేషు సత్యం యచ్ఛ్రోత్రియేషు చ| పతివ్రతాసు యత్సత్యమీశ్వరే చ మహాత్మని| ఏతైస్తు సత్యసమయైర్గుహ్యకాః సత్యవాదినః| దర్శయధ్వం స్వరూపాణి సత్యం రక్షతు సర్వతః| ఆమంత్రితా మయా సౌమ్యాః సౌమ్యరూపాః ప్రతీచ్ఛత| బలిం చోపహృతం సర్వం సర్వే కౌమారకా గ్రహాః| దర్శయధ్వం స్వరూపాణి బలిశ్చ ప్రతిగృహ్యతాం||11||
View original
ग्रहाणां सन्निधानाय बलेश्च प्रतिपत्तये| सत्यसन्धानसंयुक्तमिमं मन्त्रं पठेदनु| प्रजापतौ च यत्सत्यं यत्सत्यममरेश्वरे| धर्मराजे च यत्सत्यं यच्च सत्यं जलाधिपे| यत्सत्यमग्निहोत्रेषु सत्यं यच्छ्रोत्रियेषु च| पतिव्रतासु यत्सत्यमीश्वरे च महात्मनि| एतैस्तु सत्यसमयैर्गुह्यकाः सत्यवादिनः| दर्शयध्वं स्वरूपाणि सत्यं रक्षतु सर्वतः| आमन्त्रिता मया सौम्याः सौम्यरूपाः प्रतीच्छत| बलिं चोपहृतं सर्वं सर्वे कौमारका ग्रहाः| दर्शयध्वं स्वरूपाणि बलिश्च प्रतिगृह्यताम्||११||
🔊 Audio coming soon
అనంతరం ప్రజాపతావిత్యాదిమంత్రం పఠేత్| కిమర్థమిత్యాహ గ్రహాణాం సన్నిధానం కర్తుం తేషామేవ చ బలేః ప్రతిపత్త్యర్థం చ| కింభూతం మంత్రమాహ| సత్యసంధానసంయుతం| ఏవం హీష్టసిద్ధిర్భవతి| పంచభిః శ్లోకైర్మంత్రః| ఏతైః సత్యైర్గుహ్యకా భూతవిశేషాః| సత్యవాదినః స్వరూపాణి దర్శయధ్వం యే మయా అభిమంత్రితాః| సత్యం రక్షత బలిం చ ప్రతీచ్ఛత మయోపహ్వతం| కౌమారకగ్రహాశ్చ సర్వే స్వరూపాణి దర్శయధ్వం బలిశ్చ ప్రతిగృహ్యతాం|| 11||
Adhikarana kulavidyApAThaH (12) · Śloka 12
తతశ్చాను పఠేదేనాం కులవిద్యాం సమాహితః| ఔలా నీలా ఖలా కాలా నకులా గ్రహకారికా| సేనా సుసేనా మాతా చ మహాసేనా యశస్వినీ| కృతమాలా క్షతశిరా ఏతాస్తు గ్రహమాతరః| కుమారవచనాచ్ఛీఘ్రం ప్రముంచంతు శిశుంత్విమం| కాలకల్పా జ్వలచ్ఛక్తిః కింకిణీజాలభూషితా| కుమారవచనాద్ దూతీ సంప్రాప్తా ముచ్యతాం శిశుః| పతాకా కుక్కుటః ఛత్రం ఘంటావర్హధరః శిఖీ| శరస్తంభశ్చ తే ముద్రా ముచ్యతాం మాతరః శిశుః| గంధం ధూపం చ మాల్యం చ కుమారస్తే ప్రయచ్ఛతి| న స్థాతవ్యం తదాఘ్రాయ స్వాం గతిం గచ్ఛ మా చిరం| ధాత్ర్యాః సర్వాః కుమారస్య సంగతా గంధమాదనే| రక్తధ్వజపతాకస్య రక్తాంశుకనివాసినః| కుమారస్యాలయం తత్ర యాత బాలం విముంచత| షణ్ముఖో ద్వాదశాక్షో వై తస్మిన్ కాలే వృతో వరం| వీరః కుమారధిపతిస్తవ పుత్రోఽభిషిచ్యతాం| బ్రాహ్మణో బ్రాహ్మణానాంతు సర్వవేదవిదాం వరః| యక్షరాక్షసనాగానాం గంధర్వాసురయోరపి| పిశాచభూతసంఘానాం వ్యాధీనాం చ స ఈశ్వరః| ఆజ్ఞాపయతి వః స్కందో గమ్యతాం గంధమాదనం| గ్రహో యః కోపయేదాజ్ఞాం కుమారస్య యశస్వినః| స్థానాచ్చ్యుతః స వై క్షిప్రం బాహ్యః పరిషదో భవేత్||12||
View original
ततश्चानु पठेदेनां कुलविद्यां समाहितः| औला नीला खला काला नकुला ग्रहकारिका| सेना सुसेना माता च महासेना यशस्विनी| कृतमाला क्षतशिरा एतास्तु ग्रहमातरः| कुमारवचनाच्छीघ्रं प्रमुञ्चन्तु शिशुन्त्विमम्| कालकल्पा ज्वलच्छक्तिः किङ्किणीजालभूषिता| कुमारवचनाद् दूती सम्प्राप्ता मुच्यतां शिशुः| पताका कुक्कुटः छत्रं घण्टावर्हधरः शिखी| शरस्तम्भश्च ते मुद्रा मुच्यतां मातरः शिशुः| गन्धं धूपं च माल्यं च कुमारस्ते प्रयच्छति| न स्थातव्यं तदाघ्राय स्वां गतिं गच्छ मा चिरम्| धात्र्याः सर्वाः कुमारस्य सङ्गता गन्धमादने| रक्तध्वजपताकस्य रक्तांशुकनिवासिनः| कुमारस्यालयं तत्र यात बालं विमुञ्चत| षण्मुखो द्वादशाक्षो वै तस्मिन् काले वृतो वरम्| वीरः कुमारधिपतिस्तव पुत्रोऽभिषिच्यताम्| ब्राह्मणो ब्राह्मणानान्तु सर्ववेदविदां वरः| यक्षराक्षसनागानां गन्धर्वासुरयोरपि| पिशाचभूतसङ्घानां व्याधीनां च स ईश्वरः| आज्ञापयति वः स्कन्दो गम्यतां गन्धमादनम्| ग्रहो यः कोपयेदाज्ञां कुमारस्य यशस्विनः| स्थानाच्च्युतः स वै क्षिप्रं बाह्यः परिषदो भवेत्||१२||
🔊 Audio coming soon
తతోఽనంతరం సమాహితః వైద్యః సార్ధర్దశభిః శ్లోకైః కులవిద్యాం పఠేత్| అస్యార్థః కౌలాదయస్త్రయోదశ గ్రహమాతరః| భగవత్కుమారవచాదిమం శిశుం శీఘ్రం ప్రముంచంతు| కుమారవచనాత్ కాలకల్పాదిగుణా దూతీ సంప్రాప్తా శిశుర్ముచ్యతామితి| కింకిణీజాలం సూక్ష్మఘంటాసమూహః| పతాకాదికా ముద్రాస్తే తుభ్యం| హే మాతరః| శిశుర్ముచ్యతాం తే ఇతి బహూనాం ప్రయోగో మంత్రత్వాత్| తే కుమారో గంధాదికం ప్రయచ్ఛతి| తదాఘ్రాయ స్వాం గతిం గచ్ఛ| మాచిరం శీఘ్రం| కుమారధాత్ర్యః సర్వాః గంధమాదనే సంగతాః| రక్తధ్వజాదిమతః కుమారస్య తత్రాలయం| తత్ర యాతో బాలం విముంచత| శేషస్య పాఠ ఏవ శరణం| యో గ్రహః కుమారస్య యశస్విన ఆజ్ఞాం కోపయేత్ సః క్షిప్రమేవ స్థానాచ్చ్యుతః పరిషదః స్వ-వృందాద్ బాహ్యో భవేదితి కులవిద్యా|| 12||
Adhikarana homavidhiH (13) · Śloka 13
బలేరనంతరం కుర్యాద్ధోమమభ్యర్చ్య పావకం| పుష్పైర్భక్ష్యైశ్చ వివిధైశ్చరుణా లోహితైస్తథా| గంధైర్గుగ్గులుధూపైశ్చ సమిధః ఖదిరాదథ| శతమష్టోత్తరం హవ్యమథవా చందనద్రుమాత్||13||
View original
बलेरनन्तरं कुर्याद्धोममभ्यर्च्य पावकम्| पुष्पैर्भक्ष्यैश्च विविधैश्चरुणा लोहितैस्तथा| गन्धैर्गुग्गुलुधूपैश्च समिधः खदिरादथ| शतमष्टोत्तरं हव्यमथवा चन्दनद्रुमात्||१३||
🔊 Audio coming soon
తతో బలేరనంతరం పావకమభ్యర్చ్య పుష్పాదిభిర్హోమం కుర్యాత్| తతో హవ్యమన్నం గంధైర్గంధద్రవ్యైర్లోహితైః ఖదిరసమిధాం చందనసమిధాం చాష్టోత్తరం శతం హవ్యం||13||
Adhikarana havanamantraH (14) · Śloka 14
అగ్నిదండం ప్రవక్ష్యామి సర్వగ్రహవిమోక్షణం| బ్రహ్మణ్యంత్వనలం (త్వమలం) దేవం హవ్యకవ్యప్రతీచ్ఛకం| దేవానాం ప్రాఙ్ముఖం (ప్రముఖం) స్వస్తి స్వాహాపహరతి ద్రుతం| సన్నస్రవిద్యో దహనః పావకః సర్వభక్షణః| త్వం హి యజ్ఞశ్చ యూపశ్చ త్వం హి ధర్మవతాం గతిః| హిరణ్యరేతా దేవస్త్వం త్వం హి వేదవిదాం గతిః| దుర్వృత్తానాం వినాశాయ త్వం సముత్పాదితః సురైః| దహ సంగ్రహదేవత్వమిదం దుష్టస్య నిగ్రహం| అగ్నయే స్వాహా| మహాగ్నయే స్వాహా| త్వం హి శాంతికరో వహ్నిస్త్వం మారుతహరోదనః| హరిప్రధానగతిరాసీదిమం నిగృహ్య గుహ్యకముత్సాదయతేజసా| త్వం మమ వశ్యం చ తం కురు దుష్టగ్రహనివారణం సర్వోపద్రవేషు చ| త్వయా కృతేన హోమేన శీఘ్రం శాంతిః ప్రజాయతే| ఆయాహి వహ్నే దేవానాం త్వం హి వక్త్రం పురాతనం| తేన సత్యేన దేవేశ ఇస సాధయ మే గ్రహం| నమోఽస్తు తే హవ్యవాహన దండం ప్రదర్శయ దహ దహ దర్శ దర్శ తేజ తేజ మోటయ మోటయ అపస్మారముద్ఘాటయ కుమార పిశాచ-రేవతీ-రోదన-త్రాసన-విత్రాసన-కంపన-ఉత్క- ంపన-విజృంభణ-దేవ-యక్ష-గంధర్వ-భూత-నాగ-రాక్షస- సంతర్జనదండ-నావిధూసారయ భగవన్నగ్నిదండ అగ్నివీర్య నమస్తేజసా స్వేన త్యక్తముత్సాదయ స్వాహా| (భుర్భువాయ స్వాహా) భూర్భువస్స్వస్స్వాహా| దీప్తతేజసే స్వాహా| హవ్య వాహనాయ స్వాహా| యమాయ స్వాహా| నశ్యంత్యనేన హోమేన సమస్తా బాలకగ్రహాః||14||
View original
अग्निदण्डं प्रवक्ष्यामि सर्वग्रहविमोक्षणम्| ब्रह्मण्यन्त्वनलं (त्वमलं) देवं हव्यकव्यप्रतीच्छकम्| देवानां प्राङ्मुखं (प्रमुखं) स्वस्ति स्वाहापहरति द्रुतम्| सन्नस्रविद्यो दहनः पावकः सर्वभक्षणः| त्वं हि यज्ञश्च यूपश्च त्वं हि धर्मवतां गतिः| हिरण्यरेता देवस्त्वं त्वं हि वेदविदां गतिः| दुर्वृत्तानां विनाशाय त्वं समुत्पादितः सुरैः| दह संग्रहदेवत्वमिदं दुष्टस्य निग्रहम्| अग्नये स्वाहा| महाग्नये स्वाहा| त्वं हि शान्तिकरो वह्निस्त्वं मारुतहरोदनः| हरिप्रधानगतिरासीदिमं निगृह्य गुह्यकमुत्सादयतेजसा| त्वं मम वश्यं च तं कुरु दुष्टग्रहनिवारणं सर्वोपद्रवेषु च| त्वया कृतेन होमेन शीघ्रं शान्तिः प्रजायते| आयाहि वह्ने देवानां त्वं हि वक्त्रं पुरातनम्| तेन सत्येन देवेश इस साधय मे ग्रहम्| नमोऽस्तु ते हव्यवाहन दण्डं प्रदर्शय दह दह दर्श दर्श तेज तेज मोटय मोटय अपस्मारमुद्घाटय कुमार पिशाच-रेवती-रोदन-त्रासन-वित्रासन-कम्पन-उत्क- म्पन-विजृम्भण-देव-यक्ष-गन्धर्व-भूत-नाग-राक्षस- सन्तर्जनदण्ड-नाविधूसारय भगवन्नग्निदण्ड अग्निवीर्य नमस्तेजसा स्वेन त्यक्तमुत्सादय स्वाहा| (भुर्भुवाय स्वाहा) भूर्भुवस्स्वस्स्वाहा| दीप्ततेजसे स्वाहा| हव्य वाहनाय स्वाहा| यमाय स्वाहा| नश्यन्त्यनेन होमेन समस्ता बालकग्रहाः||१४||
🔊 Audio coming soon
అగ్నిదండో మంత్రో యమాయ స్వాహేత్యేవమంతః| అనేనానంతరోక్తేన మంత్రేణ హోమేన సమస్తా బాలకగ్రహా నశ్యంతి|| 14||
Adhikarana siddhilakShaNam (15-16) · Śloka 16
తత్రాగ్నావరుణే తామ్రే తప్తహేమసమార్చిషి| తారావైడూర్యసదృశే శశివిద్యుత్సమప్రభ| ఘృతమండాభవర్ణే వా గంధేన చ ఘృతోపమే| కేతకోత్పలదధ్యాభే ధ్రువమారోగ్యమాదిశేత్| అనారోగ్యం తు నీలేఽగ్నౌ కపిలే భస్మనిష్ప్రభే| కృష్ణే కపోతే దుర్గంధే మత్స్యపూయాస్రగంధికే| వచాలశునగంధాభే విస్రే కర్దమగంధికే||15|| ఇతి వైద్యపతిసింహగుప్తస్య సూనోర్వాగ్భటస్య కృతా వష్టాంగసంగ్రహసంహితాయాముత్తరతంత్రే బాల గ్రహప్రతిషేధో నామ చతుర్థోఽధ్యాయః||16||
View original
तत्राग्नावरुणे ताम्रे तप्तहेमसमार्चिषि| तारावैडूर्यसदृशे शशिविद्युत्समप्रभ| घृतमण्डाभवर्णे वा गन्धेन च घृतोपमे| केतकोत्पलदध्याभे ध्रुवमारोग्यमादिशेत्| अनारोग्यं तु नीलेऽग्नौ कपिले भस्मनिष्प्रभे| कृष्णे कपोते दुर्गन्धे मत्स्यपूयास्रगन्धिके| वचालशुनगन्धाभे विस्रे कर्दमगन्धिके||१५|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे बाल ग्रहप्रतिषेधो नाम चतुर्थोऽध्यायः||१६||
🔊 Audio coming soon
తత్రాగ్నావిత్యాది సిద్ధలక్షణం తప్తహేమారుణాదిరూపేఽగ్నౌ ధ్రువమవశ్యమారోగ్యమాదిశేత్| నీలాదిరూపేఽగ్నావాతురస్యానారోగ్యమాదిశేత్| ఇతి శ్రీమన్మహామహోపాధ్యాయేందువిరచితాయా మష్టాంగసంగ్రహవ్యాఖ్యాయాం శశిలేఖాయాముత్తరతంత్రే చతుర్థోఽధ్యాయః