Adhikarana atha bhUtapratiShedho nAmAShTamo~adhyAyaH - avataraNikA · Śloka
🔊 Audio coming soon
ഉക്തക്രമേണൈവ ഭൂതാനാം ചികിത്സിതം പ്രദര്ശയിതുമധ്യായ ആരഭ്യതേ||
8. bhūtapratiṣēdhaḥ
Adhikarana pratij~jA (1) · Śloka 1
അഥാതോ ഭൂതപ്രതിഷേധം നാമാധ്യായം വ്യാഖ്യാസ്യാമഃ| ഇതി ഹ സ്മാഹുരാത്രേയാദയോ മഹര്ഷയഃ||൧||
View original
अथातो भूतप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana sAdhyeShu sAmAnyopakramaH (2) · Śloka 2
ഭൂതം ജയേദഹിംസേച്ഛും ജപഹോമബലിവ്രതൈഃ| തപശ്ശീലസമധാനജ്ഞാനദാനദയാദിഭിഃ||൨||
View original
भूतं जयेदहिंसेच्छुं जपहोमबलिव्रतैः| तपश्शीलसमधानज्ञानदानदयादिभिः||२||
🔊 Audio coming soon
അഹിംസേച്ഛും സാധ്യം രതികാമം ബലികാമം ച ഭൂതം ജപപ്രഭൃതിഭിര്ജയേത്||൨||
Adhikarana hi~gvAdivargaprayogaH (3) · Śloka 3
ഹിങുവ്യോഷാലനൈമാലീലശുനാര്കജടാജടാഃ| അജലോമീ സഗോലോമീ ഭൂതകേശീ വചാ ലതാ| കുക്കുടീസര്പഗന്ധാഖ്യാ തിലാഃ കാണവികാണകേ| വജ്രപ്രോക്താ വയസ്ഥാ ച ശൃങ്ഗീ മോഹനവത്യപി| സ്രോതോജാഞ്ജനരക്ഷോഘ്നം രക്ഷോഘ്നം ചാന്യദൌഷധമ്| ഖരാശ്വശ്വാവിഡുഷ്ട്രര്ക്ഷഗോധാനകുലശല്യകാത്| ദ്വീപിമാര്ജാരഗോസിംഹവ്യാഘ്രസാമുദ്രസത്വതഃ| ചര്മപിത്തദ്വിജനഖാ വര്ഗേऽസ്മിന് സാധയേദ് ഘൃതമ്| പുരാണാമഥവാ തൈലം നവം തത്പാനനസ്യയോഃ| അഭ്യങ്ഗേ ച പ്രയോക്തവ്യമേഷാം ചൂര്ണം ച ധൂപനേ| ഏഭിശ്ച ഗുലികാം യുഞ്ജ്യാദഞ്ജനേ സാവപീഡനേ| പ്രലേപേ കല്കമേതേഷാം ക്വാഥം ച പരിഷേചനേ| പ്രയോഗോऽയം ഗ്രഹോന്മാദാന്സാസ്പസ്മാരാന് ശമം നയേത്||൩||
View original
हिङुव्योषालनैमालीलशुनार्कजटाजटाः| अजलोमी सगोलोमी भूतकेशी वचा लता| कुक्कुटीसर्पगन्धाख्या तिलाः काणविकाणके| वज्रप्रोक्ता वयस्था च शृङ्गी मोहनवत्यपि| स्रोतोजाञ्जनरक्षोघ्नं रक्षोघ्नं चान्यदौषधम्| खराश्वश्वाविडुष्ट्रर्क्षगोधानकुलशल्यकात्| द्वीपिमार्जारगोसिंहव्याघ्रसामुद्रसत्वतः| चर्मपित्तद्विजनखा वर्गेऽस्मिन् साधयेद् घृतम्| पुराणामथवा तैलं नवं तत्पाननस्ययोः| अभ्यङ्गे च प्रयोक्तव्यमेषां चूर्णं च धूपने| एभिश्च गुलिकां युञ्ज्यादञ्जने सावपीडने| प्रलेपे कल्कमेतेषां क्वाथं च परिषेचने| प्रयोगोऽयं ग्रहोन्मादान्सास्पस्मारान् शमं नयेत्||३||
🔊 Audio coming soon
ഹിങ്ഗ്വാദൌ വര്ഗേ പുരാണം ഘൃതം സിദ്ധം നവം തൈലം വാ പാനനസ്യയോരഭ്യങ്ഗേ ച പ്രയോക്തവ്യമ്| നൈപാലീ മനഃശിലാ| അര്കജടാ അര്കമൂലമ്| ജടാ മാംസീ| അജലോമീ മേഷവിലോചനാ| ഗോലോമീ ദൂര്വാ| ഭൂതകേശീ ശുക്ലാ നിര്ഗുണ്ഡീ| ലതാ ശതപുഷ്പാ| കുക്കുടീ രസായനോക്തലക്ഷണാ| സര്പഗന്ധാ ഗന്ധനാകുലീ| കാണാ കാകോലീ| വികാണാ ക്ഷീരകാകോലീ| വജ്രപ്രോക്താ സുധാ| വയസ്ഥാം ആമലകമ്| ശൃങ്ഗീ കര്കടശൃങ്ഗീ| മോഹനവല്ലീ ബ്രാഹ്മീ ശിരീഷശ്ച| രക്ഷോഘ്നം സര്ഷപമ്| അന്യദ്രക്ഷോഘ്നമൌഷധം വചാദി യഥാലാഭമ്| ഖരാദീനാം ത്രയോദശാനാം സാമുദ്രാണാം ച സത്ത്വാനാം പ്രാണിനാം യഥാലാഭം ചര്മാദികമ്| ഏഷാമിത്യേഭിരിതി ച ഹിങ്ഗ്വാദീനാം പരാമര്ശഃ| അവപീഡനം കല്കാദിനസ്യമ്| സുബോധമ്||൩||
Adhikarana gajAhvAdiyogaH (4) · Śloka 4
ഗജാഹ്വാപിപ്പലീമൂലവ്യോഷാമലകസര്ഷപാന്| ഗോധാനകുലമാര്ജാരശശപിത്തപ്രപേഷിതാന്| നാവനാഭ്യങ്ഗസേകേഷു വിദധീത ഗ്രഹാപഹാന്||൪||
View original
गजाह्वापिप्पलीमूलव्योषामलकसर्षपान्| गोधानकुलमार्जारशशपित्तप्रपेषितान्| नावनाभ्यङ्गसेकेषु विदधीत ग्रहापहान्||४||
🔊 Audio coming soon
ഗജാഹ്വാദീന് ഗോധാദിപിത്തപ്രപേഷിതാന് നാവനാദിഷു ഗ്രഹാപഹാന് വിദധീത| ഗജാഹ്വാ ഹസ്തിപിപ്പലീ||൪||
Adhikarana ashvAdiviDyogaH (5) · Śloka 5
അശ്വശ്വാശ്വതരോലൂകകങ്കഗൃധ്രസൃഗാലജാ| വിട്ഖരോഷ്ട്രവരാഹാശ്ച തയാ തൈലം വിപാചിതമ്| പിഷ്ടയാ ബസ്നമൂത്രേണ നാവനാദിഷു പൂജിതമ്||൫||
View original
अश्वश्वाश्वतरोलूककङ्कगृध्रसृगालजा| विट्खरोष्ट्रवराहाश्च तया तैलं विपाचितम्| पिष्टया बस्नमूत्रेण नावनादिषु पूजितम्||५||
🔊 Audio coming soon
അശ്വാദീനാം ദശാനാം വിശാ പുരീഷേണ വസ്തമൂത്രപിഷ്ടയാ തൈലം വിപാചിതം നാവനാദിഷു പൂജിതമ്| അശ്വതരോ വേസരഃ||൫||
Adhikarana shirIShAdya~jjanam (6) · Śloka 6
ശിരീഷപുഷ്പം ലശുനം ശുണ്ഠീം സിദ്ധാര്ഥകം വചാമ്| മഞ്ജിഷ്ഠാം ദ്വേ നിശേ കൃഷ്ണാം ബസ്തമൂത്രേണ പേഷയേത്| ഛായാശുഷ്കാ കൃതാ വര്തിഃ മത്സ്യപിത്തദ്രുതാഞ്ജനമ്||൬||
View original
शिरीषपुष्पं लशुनं शुण्ठीं सिद्धार्थकं वचाम्| मञ्जिष्ठां द्वे निशे कृष्णां बस्तमूत्रेण पेषयेत्| छायाशुष्का कृता वर्तिः मत्स्यपित्तद्रुताञ्जनम्||६||
🔊 Audio coming soon
ശിരീഷാദിഭിര്ബസ്തമൂത്രപിഷ്ടൈഃ കൃതാ വര്തിഃ ഛായാശുഷ്കാ സതീ പ്രയോഗകാലേ മത്സ്യപിത്തേന ദ്രുതാ ഭൂതേഷ്വഞ്ജനമ്||൬||
Adhikarana naktamAlaPalAdya~jjanam (7) · Śloka 7
നക്തമാലഫലം വ്യോഷം ബില്വസ്യോനാകയോര്ജടാ| ഹരിദ്രേ ച കൃതാ വര്തിഃ പൂര്വവന്നയനാഞ്ജനമ്| വയസ്ഥാഹിങ്ഗുകടുകാഷഡ്ഗ്രന്ഥാസൈന്ധവം തഥാ||൭||
View original
नक्तमालफलं व्योषं बिल्वस्योनाकयोर्जटा| हरिद्रे च कृता वर्तिः पूर्ववन्नयनाञ्जनम्| वयस्थाहिङ्गुकटुकाषड्ग्रन्थासैन्धवं तथा||७||
🔊 Audio coming soon
നക്തമാലഫലാദിഭിഃ കൃതാ വര്തിഃ പൂര്വവദിതി ബസ്തമൂത്രപിഷ്ടാ ശുഷ്കാ ച മത്സ്യപിത്തേന ദ്രുതാ നയനാഞ്ജനമ്| നക്തമാലഃ കര്ണികാരഃ| ജടാ മൂലമ്| വയേസ്ഥേത്യാദി| തഥാ പൂര്വവന്നയനഞ്ജനമ്| വയസ്ഥാ ആമലകമ്| ഷഡ്ഗ്രന്ഥാ വചാ|| ൭||
Adhikarana siddhArthakAdisarpiragadashca (8) · Śloka 8
സിദ്ധാര്ഥകവചാഹിങ്ഗുപ്രിയങ്ഗുരജനീദ്വയമ്| മഞ്ജിഷ്ഠാശ്വേതകടഭ്Vഈവരാശ്വേതാദ്രികര്ണികാ| നിമ്ബസ്യ പത്രം ബീജം തു നക്തമാലശിരീഷയോഃ| സുരാഹ്വം ത്ര്യൂഷണം സര്പിര്ഗോമൂത്രേ തൈശ്ചതുര്ഗുണേ| സിദ്ധം സിദ്ധാര്ഥകം നാമ പാനേ നസ്യേ ച യോജിതമ്| ഗ്രഹാന്സര്വാന്നിഹന്ത്യാശു വിശേഷാദാസുരാന് ഗ്രഹാന്| കൃത്യാലക്ഷ്മീവിഷോന്മാദജ്വരാപസ്മാരപാപ്മജിത്| ഏഭിരേവൌഷധൈര്ബസ്തവാരിണാ കല്പിതോऽഗദഃ| പാനനസ്യാഞ്ജനാലേപസ്നാനോദ്ഘര്റ്ഷണയോജിതഃ| ഗുണൈഃ പൂര്വവദുദ്ദിഷ്ടോ രാജദ്വാരേ ച സിദ്ധികൃത്||൮||
View original
सिद्धार्थकवचाहिङ्गुप्रियङ्गुरजनीद्वयम्| मञ्जिष्ठाश्वेतकटभ्Vईवराश्वेताद्रिकर्णिका| निम्बस्य पत्रं बीजं तु नक्तमालशिरीषयोः| सुराह्वं त्र्यूषणं सर्पिर्गोमूत्रे तैश्चतुर्गुणे| सिद्धं सिद्धार्थकं नाम पाने नस्ये च योजितम्| ग्रहान्सर्वान्निहन्त्याशु विशेषादासुरान् ग्रहान्| कृत्यालक्ष्मीविषोन्मादज्वरापस्मारपाप्मजित्| एभिरेवौषधैर्बस्तवारिणा कल्पितोऽगदः| पाननस्याञ्जनालेपस्नानोद्घर्ऱ्षणयोजितः| गुणैः पूर्ववदुद्दिष्टो राजद्वारे च सिद्धिकृत्||८||
🔊 Audio coming soon
സിദ്ധാര്ഥകാദിഭിഃ കല്കീകൃതൈശ്ചതുര്ഗുണേ ഗോമൂത്രേ സിദ്ധം സര്പിര്നാമ്നാ സിദ്ധാര്ഥകമ്| ഗ്രഹാന് സര്വാന് സുരാദീന് നിഹന്തി| ആസുരാന് ഗ്രഹാന് വിശേഷാന്നിഹന്തി| കൃത്യാദിഘ്നഞ്ച| കൃത്യാ ആഭിചാരദേവതാ| ഏഭിരിതി സിദ്ധാര്ഥകാദിഭിര്വസ്തമൂത്രേണാഗദഃ പാനാദിയോജിതോ ഗുണൈഃ പൂര്വവത്| സുബോധമ്|| ൮||
Adhikarana siddhArthakAdiguDAH (9) · Śloka 9
സിദ്ധാര്ഥകവ്യോഷവചാശ്വഗന്ധാ നിശാദ്വയം ഹിങ്ഗുപലാണ്ഡുകന്ദമ്| ബീജം കരഞ്ജാത്കുസുമം ശീരിഷാത് ഫലഞ്ച വല്കഞ്ചകപിത്ഥവൃക്ഷാത്| സമാണിമന്ഥം സനതം സകുഷ്ഠം സ്യോനാകമൂലം കിണിഹീ സിതാ ച| ബസ്തസ്യ മൂത്രേണ സുഭാവിതം തത് പിത്തേന ഗവ്യേന ഗുഡാന് വിദധ്യാത്| ദുഷ്ടഗ്രഹോന്മാദതമോ നിശാന്ധാ നുദ്ബന്ധകാന് വാരിനിമഗ്നദേഹാന്| ദിഗ്ധാഹനാന് ദര്പിതസര്പദഷ്ടാം സ്തേ സാധയന്ത്യഞ്ജനനസ്യലേപൈഃ||൯||
View original
सिद्धार्थकव्योषवचाश्वगन्धा निशाद्वयं हिङ्गुपलाण्डुकन्दम्| बीजं करञ्जात्कुसुमं शीरिषात् फलञ्च वल्कञ्चकपित्थवृक्षात्| समाणिमन्थं सनतं सकुष्ठं स्योनाकमूलं किणिही सिता च| बस्तस्य मूत्रेण सुभावितं तत् पित्तेन गव्येन गुडान् विदध्यात्| दुष्टग्रहोन्मादतमो निशान्धा नुद्बन्धकान् वारिनिमग्नदेहान्| दिग्धाहनान् दर्पितसर्पदष्टां स्ते साधयन्त्यञ्जननस्यलेपैः||९||
🔊 Audio coming soon
സിദ്ധാര്ഥകാദ്യനേകവാരം ബസ്തമൂത്രേണ ഭാവിതം ഗോപിത്തേന ഗുഡാന് കുര്യാത്| തേ ഗുഡാ അഞ്ജനാദിഭിര്ദുഷ്ടഗ്രഹാദീന് സാധയന്തി| വല്കം ത്വക്| മാണിമന്ഥം സൈന്ധവമ്| സ്യോനാകസ്യ മയൂരജങ്ഘസ്യ മൂലമ്| കിണിഹീ ഗിരികര്ണികാ| സാ തു സിതാ ശുക്ലാ| തമസ്തിമിരമ്| ഉദ്ബന്ധകോ ഗലബന്ധേന മൃതകല്പഃ| തദ്വജ്ജലനിമഗ്നദേഹഃ| വിഷലിപ്തേന ശസ്ത്രേണാഹതോ ദിഗ്ധാഹതഃ||൯||
Adhikarana kArpAsAsthyAdidhUpanam (10) · Śloka 10
കാര്പാസാസ്ഥിമയൂരപത്രബൃഹതീനിര്മാല്യപിണ്ഡീതക ത്വഗ്വാംശീവൃഷദംശവിട്തുഷവചാകേശാഹിനിര്മോചനൈഃ| നാഗേന്ദ്രദ്വിജശൃങ്ഗഹിങ്ഗുമരിചൈസ്തുല്യൈഃ കൃതം ധൂപനം സ്കന്ദോന്മാദപിശാചരാക്ഷസസുരോവേശഗ്രഹഘ്നം പരമ്||൧൦||
View original
कार्पासास्थिमयूरपत्रबृहतीनिर्माल्यपिण्डीतक त्वग्वांशीवृषदंशविट्तुषवचाकेशाहिनिर्मोचनैः| नागेन्द्रद्विजशृङ्गहिङ्गुमरिचैस्तुल्यैः कृतं धूपनं स्कन्दोन्मादपिशाचराक्षससुरोवेशग्रहघ्नं परम्||१०||
🔊 Audio coming soon
കാര്പാസാസ്ഥ്യാദിഭിസ്തുല്യൈഃ സമഭാഗൈഃ കൃതം ധൂപനം സ്കന്ദഗ്രഹാദിഘ്നമ്| നിര്മാല്യം സ്പൃക്കാ| പിണ്ഡീതകോ മദനഃ||൧൦||
Adhikarana bhUtarAvaM ghRutam (11) · Śloka 11
ത്രികടുകദലകുങ്കുമഗ്രന്ഥികക്ഷാരസിംഹീ നിശാദാരുസിദ്ധാര്ഥയുഗ്മാമ്ബുശക്രാഹ്വയൈഃ| സിതലശുനഫലത്രയോശീരതിക്താവചാ തുത്ഥയഷ്ടീബലാലോഹിതൈലാശിലാപദ്മകൈഃ| ദധിതഗരമധൂകസാരപ്രിയാഹ്വാവിഷാഖ്യാ വിഷാതാര്ക്ഷ്യശൈലൈഃ സചവ്യാമയൈഃ കല്കിതൈഃ| ഘൃതമനവമശേഷമൂത്രാംശസിദ്ധം മതം ഭൂതരാവാഹ്വയം പാനതസ്തദ്ഗ്രഹഘ്നം പരമ്||൧൧||
View original
त्रिकटुकदलकुङ्कुमग्रन्थिकक्षारसिंही निशादारुसिद्धार्थयुग्माम्बुशक्राह्वयैः| सितलशुनफलत्रयोशीरतिक्तावचा तुत्थयष्टीबलालोहितैलाशिलापद्मकैः| दधितगरमधूकसारप्रियाह्वाविषाख्या विषातार्क्ष्यशैलैः सचव्यामयैः कल्कितैः| घृतमनवमशेषमूत्रांशसिद्धं मतं भूतरावाह्वयं पानतस्तद्ग्रहघ्नं परम्||११||
🔊 Audio coming soon
ത്രികടുകാദിഭിസ്തുല്യൈഃ സമഭാഗൈഃ കല്കിതൈരശേഷമൂത്രാംശസിദ്ധമഷ്ടാനാം മൂത്രാണാമംശേന ഭാഗേന പക്വമാജ്യമനവം പുരാണം നാമ്നാ ഭൂതരാവമ്| തത്പാനാത്പരം ഗ്രഹഘ്നമ്| ഗ്രന്ഥികം പിപ്പലീമൂലമ്| സിംഹീ ബൃഹതീ| സിദ്ധാര്ഥയുഗ്മം രക്തശ്വേതഭേദേന| സിതം ചന്ദനമ്| ലോഹിതാ മഞ്ജിഷ്ഠാ| ദധി ശ്രീവാസമ്| പ്രിയാഹ്വാ പ്രിയങ്ഗുഃ| വിഷാഖ്യാ ലാങ്ഗലീ| വിഷാ അതിവിഷാ| ആഭയം കുഷ്ഠമ്| ത്രിംശദ്വര്ണൈഃ പൂര്ണപാദസ്ത്വര്ണാഖ്യോയം ഹി ദണ്ഡകഃ|| ൧൧||
Adhikarana mahAbhUtarAvaM ghRutam (12) · Śloka 12
നതമധുകകരഞ്ജലാക്ഷാപടോലീസമങ്ഗാവചാ പാടലീഹിങ്ഗുസിദ്ധാര്ഥസിംഹീനിശായുഗ്ലതാരോഹിണൈഃ| ബദരകട്ഫലത്രികാകാണ്ഡദ്രുക്രിമിഘ്നാജഗ ന്ധാമരാങ്കോലകോശാതകീശിഗ്രുനിമ്ബാമ്ബുദേന്ദ്രാഹ്വയൈഃ| ഗദശുകതരുപുഷ്പബീജോഗ്രയഷ്ട്യാദ്രികര്ണീനികു മ്ഭാഗ്നിബില്വൈഃ സമൈഃ കല്കിതൈര്മൂത്രവര്ഗേണ സിദ്ധം ഘൃതമ്| വിധിവിനിഹിതമാശു സര്വൈഃ ക്രമൈര്യോജിതം ഹന്തി സ ര്വഗ്രഹോന്മാദകുഷ്ഠജ്വരംസ്തന്മഹാഭൂതരാവം സ്മൃതമ്||൧൨||
View original
नतमधुककरञ्जलाक्षापटोलीसमङ्गावचा पाटलीहिङ्गुसिद्धार्थसिंहीनिशायुग्लतारोहिणैः| बदरकट्फलत्रिकाकाण्डद्रुक्रिमिघ्नाजग न्धामराङ्कोलकोशातकीशिग्रुनिम्बाम्बुदेन्द्राह्वयैः| गदशुकतरुपुष्पबीजोग्रयष्ट्याद्रिकर्णीनिकु म्भाग्निबिल्वैः समैः कल्कितैर्मूत्रवर्गेण सिद्धं घृतम्| विधिविनिहितमाशु सर्वैः क्रमैर्योजितं हन्ति स र्वग्रहोन्मादकुष्ठज्वरंस्तन्महाभूतरावं स्मृतम्||१२||
🔊 Audio coming soon
നതാദിഭിഃ സമൈഃ കല്കിതൈര്ഘൃതം മൂത്രവര്ഗേണാഷ്ടഭിര്മൂത്രൈഃ സിദ്ധം വിധിനാ ച പാത്രേ നിഹിതം സര്വൈശ്ച പാനാദിഭിഃ ക്രമൈര്യോജിതം സര്വ ഗ്രഹാദീന് ഹന്തി നാമ്നാ മഹാഭൂതരാവം സ്മൃതമ്| സമങ്ഗാ മഞ്ജിഷ്ഠാ| സിംഹീ ബൃഹതീ| നിശായുഗ്ദാര്വീ പിണ്ഡാഹരിദ്രാ ച| ലതാ ശാരിവാ ശതപുഷ്പാ ച| രോഹിണീ കടുരോഹിണീ| കടു മരിചമ്| ഫലത്രികം ത്രിഫലാ| ദാരുര്ദേവദാരുഃ| അമരാ നിര്ഗുണ്ഡീ| അങ്കോലോऽങ്കോലഃ| അമ്ബുദോ മുസ്തഃ| ഇന്ദ്രാഹ്വയഃ ഇന്ദ്രവൃക്ഷഃ| ഗദം കുഷ്ഠമ്| ശുകതരുഃ ശിരീഷഃ| ബീജോഗ്രോ വംശഃ| അദ്രികര്ണീ ഗിരികര്ണീ| നികുമ്ഭോ ദന്തീ| അഗ്നിശ്ചിത്രകഃ| ഷട്ത്രിംശദ്വര്ണപാദോऽയം വ്യാലാഖ്യോ ദണ്ഡകഃ സ്മൃതഃ|| ൧൨||
Adhikarana balihomAdyarthe kAlanirdeshaH (13) · Śloka 13
ഗ്രഹാ ഗൃഹ്ണന്തി യേ യേഷു തേഷാം തേഷു വിശേഷതഃ| ദിനേഷു ബലിഹോമാദീന് പ്രയുഞ്ജീത ചികിത്സകഃ||൧൩||
View original
ग्रहा गृह्णन्ति ये येषु तेषां तेषु विशेषतः| दिनेषु बलिहोमादीन् प्रयुञ्जीत चिकित्सकः||१३||
🔊 Audio coming soon
പൂര്വാധ്യായോക്തപ്രകാരേണ ഗ്രഹാ ഭൂതാ യേഷു ദിനേഷു ഗൃഹ്ണന്തി തേഷ്വേവ ദിനേഷു വിശേഷതസ്തേഷാം ബല്യാദീശ്ചികിത്സകഃ പ്രയുഞ്ജീത| വിശേഷശബ്ദാദന്യദാപീതി||൧൩||
Adhikarana balyupaharaNArthaM sAmAnyavidhiH (14) · Śloka 14
സ്നാനവസ്ത്രവസാമാംസമദ്യക്ഷീരഗുഡാദി ച| രോചതേ യദ്യദാ യേഭ്യസ്താനേഷാമാഹരേത്തദാ| രത്നാനി ഗന്ധമാല്യാനി ബീജാനി മധുസര്പിഷീ| ഭക്ഷ്യാശ്ച സര്വേ സര്വേഷാം സാമാന്യോ വിധിരിത്യയമ്||൧൪||
View original
स्नानवस्त्रवसामांसमद्यक्षीरगुडादि च| रोचते यद्यदा येभ्यस्तानेषामाहरेत्तदा| रत्नानि गन्धमाल्यानि बीजानि मधुसर्पिषी| भक्ष्याश्च सर्वे सर्वेषां सामान्यो विधिरित्ययम्||१४||
🔊 Audio coming soon
യേഭ്യോ ഗ്രഹേഭ്യഃ സ്നാനാദികം യദൈവ രോചതേ തദൈവാഹരേദുപനയേത്| രത്നാദികം സര്വേഷാം ഗ്രഹാണാം സാമാന്യഃ സാധാറ്രണോ വിധിഃ||൧൪||
Adhikarana balyupaharaNArthaM deshanidarshanam (15) · Śloka 15
സുരര്ഷിഗുരുവൃദ്ധേഭ്യഃ സിദ്ധേഭ്യശ്ച സുരാലയേ| ദിശ്യുത്തരസ്യാം തത്രാപി ദേവായോപഹരേത് ബലിമ്| പശ്ചിമായാം യഥാകാലം ദൈത്യഭൂതായ ചത്വരേ| ഗന്ധര്വായ ഗവാം മാര്ഗേ സവസ്ത്രാഭരണം ബലിമ്| പിതൃനാഗഗ്രഹേ നദ്യാം നാഗേഭ്യഃ പൂര്വദക്ഷിണേ| യക്ഷായ യക്ഷായതനേ സരിതോര്വാ സമാഗമേ| ചതുഷ്പഥേ രാക്ഷസയോര്ഭീമേഷു ഗഹനേഷു വാ| രക്ഷസാം ദക്ഷിണസ്യാം തു പൂര്വസ്യാം ബ്രഹ്മരക്ഷസാമ്| ശൂന്യാലയേ പിശാചായ പശ്ചിമാം ദിശമാസ്ഥിതേ||൧൫||
View original
सुरर्षिगुरुवृद्धेभ्यः सिद्धेभ्यश्च सुरालये| दिश्युत्तरस्यां तत्रापि देवायोपहरेत् बलिम्| पश्चिमायां यथाकालं दैत्यभूताय चत्वरे| गन्धर्वाय गवां मार्गे सवस्त्राभरणं बलिम्| पितृनागग्रहे नद्यां नागेभ्यः पूर्वदक्षिणे| यक्षाय यक्षायतने सरितोर्वा समागमे| चतुष्पथे राक्षसयोर्भीमेषु गहनेषु वा| रक्षसां दक्षिणस्यां तु पूर्वस्यां ब्रह्मरक्षसाम्| शून्यालये पिशाचाय पश्चिमां दिशमास्थिते||१५||
🔊 Audio coming soon
സുരാദിഭ്യഃ പഞ്ചഭ്യഃ സുരാലയേ ബലിസ്തത്രാപി തേഷ്വപി ഉത്തരസ്യാം ദിശിദേവേഷു വിശേഷഃ| ദൈത്യഭൂതായ ചത്വരേ ത്രിപഥേ പശ്ചിമായാമ് ദിശി| ഗവാം മാര്ഗേ വസ്ത്രാഭരണയുക്തോ ഗന്ധര്വായ ബലിഃ| പിതൃഗ്രഹേ നാഗഗ്രഹേ ച നദ്യാം ബലിഃ| നാഗാനാം വിശേഷമാഹ- നാഗേഭ്യഃ പൂര്വദക്ഷിണായാം ദിശി| യക്ഷായ യക്ഷായതനേ യക്ഷായതനം യക്ഷദേവതാക്ഷേത്രമ്| യദ്വാ വടവിടപിമൂലം തത്ര യക്ഷാധിവാസസ്യ പ്രസിദ്ധത്വാത്| സരിതോഃ സമാഗമോ നദ്യോഃ സങ്ഗമഃ| രാക്ഷസയോരിതി രാക്ഷസാനാം ബ്രഹ്മ-രാക്ഷസാനാം ച ചതുഷ്പഥേ വാ ഭീഷണേഷു വാ ഗഹനേഷു കാനനേഷു| തയോരേവ ദിക് സബോധാ| പശ്ചിമാം ദിശമാസ്ഥിതേ ശൂന്യാലയേ പിശാചായ ബലിഃ സര്വത്ര ദിഗ്വിഭാഗ ആതുരഗൃഹാപേക്ഷയേതി|| ൧൫||
Adhikarana devAnAM baliH (16) · Śloka 16
ശുചിശുക്ലാനി മാല്യാനി ഗന്ധാഃ ക്ഷൈരേയമോദനമ്| ദധിച്ഛത്രം ച ധവലം ദേവാനാം ബലിരിഷ്യതേ||൧൬||
View original
शुचिशुक्लानि माल्यानि गन्धाः क्षैरेयमोदनम्| दधिच्छत्रं च धवलं देवानां बलिरिष्यते||१६||
🔊 Audio coming soon
ദിഗ്ദേശമുക്ത്വാ ശുചീത്യാദിനാ ബലിരുച്യതേ| ശുചിമാല്യാദികം ദേവാനാം ബലിരിഷ്യതേ||൧൬||
Adhikarana devagrahe pAnAdyupacArAH (17) · Śloka 17
ഹിങ്ഗുസര്ഷപഷഡ്ഗ്രന്ഥാവ്യോഷൈരര്ധപലോന്മിതൈഃ| ചതുര്ഗുണേ ഗവാം മൂത്രേ ഘൃതപ്രസ്ഥം വിപാചയേത്| തത്പാനനാവനാഭ്യങ്ഗൈര്ദേവഗ്രഹവിമോക്ഷണമ്| നസ്യാഞ്ജനം വചാഹിങ്ഗുലശുനം ബസ്തവാരിണാ||൧൭||
View original
हिङ्गुसर्षपषड्ग्रन्थाव्योषैरर्धपलोन्मितैः| चतुर्गुणे गवां मूत्रे घृतप्रस्थं विपाचयेत्| तत्पाननावनाभ्यङ्गैर्देवग्रहविमोक्षणम्| नस्याञ्जनं वचाहिङ्गुलशुनं बस्तवारिणा||१७||
🔊 Audio coming soon
ഹിങ്ഗ്വാദിഭിരര്ധപലോന്മിതൈര്ഘൃതപ്രസ്ഥം ചതുര്ഷു ഗോമൂത്രപ്രസ്ഥേഷു വിപാചയേത്| തദ് ഘൃതം പാനാദിഭിര്ദേവഗ്രഹവിമോക്ഷണമ്| ഷഡ്ഗ്രന്ഥാ വചാ| വചാദികം ബസ്തമൂത്രേണ സഹ നസ്യം ചാഞ്ജനം ച ദേവഗ്രഹവിമോക്ഷണമിതി സമ്ബന്ധഃ| ഇതി ദേവാനാമ്||൧൭||
Adhikarana daitye balivisheShaH (18) · Śloka 18
ദൈത്യേ ബലിര്ബഹുഫലഃ സോശീരകമലോത്പലഃ||൧൮||
View original
दैत्ये बलिर्बहुफलः सोशीरकमलोत्पलः||१८||
🔊 Audio coming soon
ബഹഫലാദിയുക്തോ ദൈത്യേ ബലിഃ| ഇതി ദൈത്യേ|| ൧൮||
Adhikarana nAgAnAM balyAdivisheShAH (19) · Śloka 19
നാഗാനാം സുമനോലാജഗുഡാപൂപഗുഡൌദനൈഃ| പരമാന്നമധുക്ഷീരകൃഷ്ണമൃന്നാഗകേസരൈഃ| വചാപദ്മപുരോശീരരക്തോത്പലദലൈര്ബലിഃ| ശ്വേതപത്രം ച ലോധ്രം ച തഗരം നാഗസര്ഷപാഃ| ശീതേന വാരിണാ പിഷ്ടം നാവനാഞ്ജനയോര്ഹിതമ്||൧൯||
View original
नागानां सुमनोलाजगुडापूपगुडौदनैः| परमान्नमधुक्षीरकृष्णमृन्नागकेसरैः| वचापद्मपुरोशीररक्तोत्पलदलैर्बलिः| श्वेतपत्रं च लोध्रं च तगरं नागसर्षपाः| शीतेन वारिणा पिष्टं नावनाञ्जनयोर्हितम्||१९||
🔊 Audio coming soon
സുമനഃപ്രഭൃതിഭിര്നാഗാനാം ബലിഃ ഗുഡാപൂപഃ സോമാലകമ്| പരമാന്നം പായസമ്| പുരോ ഗുഗ്ഗുലുഃ| രക്തോത്പലം രക്തോത്പലകുസുമമ്| ഇതി നാഗാനാമ്|| (ശ്വേതപത്രമിത്യാദി| ശീതേനാനുഷ്ണേന ജലേന പിഷ്ടം ശ്വേതപത്രാദികം നാവനാഞ്ജനയോര്നാവനേऽഞ്ജനേ ച ഹിതം നാഗഗ്രഹവിമോക്ഷണമിത്യര്ഥഃ| ശ്വേതപത്രം (വേല്ലിയില) ശ്വേതപദ്മമിതി കേചിത്| നാഗം നഖമ്| സര്ഷപം ഹ്രസ്വസര്ഷപമ്| നപുംസകമനപുംസകേനൈകവച്ചാന്യതരസ്യാമിതി ഹിതശബ്ദസ്യ ക്ലീബത്വമേകത്വം ച| ഇതി കൈരലീ വ്യാഖ്യാ|| ൧൯||
Adhikarana yakShANAM balyAdivisheShAH (20) · Śloka 20
യക്ഷാണാം ക്ഷീരദധ്യാജ്യമിശ്രകൌദനഗുഗ്ഗുലുഃ| ദേവദാരുത്പലം പദ്മമുശീരം വസ്ത്രകാഞ്ചനമ്| ഹിരണ്യം ച ബലിര്യോജ്യോ മൂത്രാജ്യക്ഷീരമേകതഃ| സിദ്ധം സമോന്മിതം പാനനാവനാഭ്യഞ്ജനേ ഹിതമ്| ഹരീതകീ ഹരിദ്രേ ദ്വേ ലശുനോ മരിചം വചാ| നിമ്ബപത്രഞ്ച ബസ്താമ്ബുകല്കിതം നാവനാഞ്ജനമ്||൨൦||
View original
यक्षाणां क्षीरदध्याज्यमिश्रकौदनगुग्गुलुः| देवदारुत्पलं पद्ममुशीरं वस्त्रकाञ्चनम्| हिरण्यं च बलिर्योज्यो मूत्राज्यक्षीरमेकतः| सिद्धं समोन्मितं पाननावनाभ्यञ्जने हितम्| हरीतकी हरिद्रे द्वे लशुनो मरिचं वचा| निम्बपत्रञ्च बस्ताम्बुकल्कितं नावनाञ्जनम्||२०||
🔊 Audio coming soon
ക്ഷീരാദികം ഹിരണ്യാന്തം യക്ഷാണാം ബലിഃ| മിശ്രകൌദനം മാംസമിശ്രമോദനമ്| വസ്ത്രകാഞ്ചനം ഹിരണ്യം സ്വര്ണമ്| നാഗകേസരമിതി കേചിത്| മൂത്രം ഘൃതം ക്ഷീരം ച സമോന്മിതം തുല്യമേകത്ര മിശ്രീഭാവേന സിദ്ധം പാനാദൌ ഹിതമ്| ഹരീതക്യാദികം ബസ്തമൂത്രേണ കല്കിതം നാവനമഞ്ജനം ച നാവനാഞ്ജനവിഷയേ ഹിതമ്| ഇതി യക്ഷാണാമ്||൨൦||
Adhikarana brahmarakShasAM balyAdivisheShAH (21) · Śloka 21
ബ്രഹ്മരക്ഷോ ബലിഃ സിദ്ധം യവാനാം പൂര്ണമാഢകമ്| തോയസ്യ കുമ്ഭഃ പലലം ഛത്രം വസ്ത്രം വിലേപനമ്| ഗായത്രീവിംശതിപലക്വാഥേऽര്ധപലികൈഃ പചേത്| ത്ര്യൂഷണത്രിഫലാഹിങ്ഗുഷഡ്ഗ്രന്ഥാമിസിസര്ഷപൈഃ| ഗോമൂത്രേ ത്രിഗുണേ പാനനസ്യാഭ്യങ്ഗേഷു തദ്ധിതമ്||൨൧||
View original
ब्रह्मरक्षो बलिः सिद्धं यवानां पूर्णमाढकम्| तोयस्य कुम्भः पललं छत्रं वस्त्रं विलेपनम्| गायत्रीविंशतिपलक्वाथेऽर्धपलिकैः पचेत्| त्र्यूषणत्रिफलाहिङ्गुषड्ग्रन्थामिसिसर्षपैः| गोमूत्रे त्रिगुणे पाननस्याभ्यङ्गेषु तद्धितम्||२१||
🔊 Audio coming soon
യവാനാം പൂര്ണമന്യൂനാധികമാഢകം സിദ്ധം കല്കിതം തോയകുമ്ഭാദികം ച ബ്രഹ്മരക്ഷസോ ബലിര്ഭവതി| ആഢകം ഷോഡശകുഡവപ്രമാണമ്| തോയസ്യ കുമ്ഭോ ദ്രോണഃ| പലലം മാംസമ്| വിലേപനം ചന്ദനാദ്യനുലേപനമ്| ഗായത്രീവിംശതിപലസ്യ ഖദിരപലവിംശതേഃ ക്വാഥേ ക്വാഥപരിഭാഷയാ കൃതേ ത്ര്യൂഷണാദിഭിരര്ധപലൈഃ സഹ സപ്ത കുഡവാന് സര്പിഷസ്ത്രിഗുണേ ഗോമൂത്രേ പചേത്| തത് പക്വം ഘൃതം ബ്രഹ്മരക്ഷസാം പാനാദിഷു ഹിതമ്| ലശുനം സിതലശുനമ്| ഇതി ബ്രഹ്മരക്ഷസാമ്||൨൧||
Adhikarana rakShasAM balyAdivisheShAH (22) · Śloka 22
രക്ഷസാം പലലം ശുക്ലം കുസുമം മിശ്രകൌദനമ്| ബലിഃ പക്വാമമാംസാനി നിഷ്പാവാ രുധിരോക്ഷിതാഃ| നക്തമാലശിരീഷത്വങ്മൂലപുഷ്പഫലാനി ച| തദ്വച്ച കൃഷ്ണപാടല്യാ ബില്വമൂലം കടുത്രികമ്| ഹിങിഗ്വന്ദ്രയവസിദ്ധാര്ഥലശുനാമലകീഫലമ്| നാവനാഞ്ജനയോര്യോജ്യോ ബസ്തമൂത്രദ്രുതോऽഗദഃ| ഏഭിരേവ ഘൃതം സിദ്ധം ഗവാം മൂത്രേ ചതുര്ഗുണേ| രക്ഷോഗ്രഹാന് വാരയതേ പാനാഭ്യഞ്ജനനാവനൈഃ||൨൨||
View original
रक्षसां पललं शुक्लं कुसुमं मिश्रकौदनम्| बलिः पक्वाममांसानि निष्पावा रुधिरोक्षिताः| नक्तमालशिरीषत्वङ्मूलपुष्पफलानि च| तद्वच्च कृष्णपाटल्या बिल्वमूलं कटुत्रिकम्| हिङिग्वन्द्रयवसिद्धार्थलशुनामलकीफलम्| नावनाञ्जनयोर्योज्यो बस्तमूत्रद्रुतोऽगदः| एभिरेव घृतं सिद्धं गवां मूत्रे चतुर्गुणे| रक्षोग्रहान् वारयते पानाभ्यञ्जननावनैः||२२||
🔊 Audio coming soon
പലലാദികം രുധിരോക്ഷിതനിഷ്പാവാന്തം രക്ഷസാം ബലിഃ ബലിസാധനമ്| പലലം തിലചൂര്ണമ്| മിശ്രകൌദനം മാംസേന സഹ പക്വമോദനമ്| പക്വാന്യാമാനി ച മാംസാനി| രുധിരേണ രക്തോനോക്ഷിതഃ സിക്താഃ| നക്തമാലശിരീഷത്വഗാദികം ബസ്തമൂത്രദ്രുതോऽഗദോ രക്ഷസാം നാവനാഞ്ജനയോര്നാവനവിഷയേ ച യോജ്യഃ| നക്തമാലഃ കര്ണികാരഃ| കൃഷ്ണപാടലീ കൃഷ്ണപുഷ്പാ പാടലീ| ഏഭിരേവ നക്തമാലത്വഗാദിഭിശ്ചതുര്ഗുണേ ഗോമൂത്രേ സിദ്ധം പക്വം ഘൃതം പാനാദിഭീ രക്ഷോഗ്രഹാന് വാരയതേ രുണാദ്ധി| ഇതി രക്ഷസാമ്|| ൨൨||
Adhikarana pishAcAnAM balyAdivisheShAH (23) · Śloka 23
പിശാചാനാം ബലിഃ സീധുഃ പിണ്യാകഃ പലലം ദധി| മൂലകം ലവണം സര്പിഃ സഭൂതൌദനയാവകമ്| ഹരിദ്രാദ്വയമഞ്ജിഷ്ഠാമിസിസൈന്ധവനാഗരമ്| ഹിങ്ഗുപ്രിയങ്ഗുത്രികടുരസോനത്രിഫലാവചാഃ| പാടലീശ്വേതകടഭീശിരീഷകുസുമൈര്ഘൃതമ്| ഗോമൂത്രപാദികം സിദ്ധം പാനാഭ്യഞ്ജനയോര്ഹിതമ്| ബസ്താമ്ബുപിഷ്ടൈസ്തൈരേവ യോജ്യമഞ്ജനനാവനമ്||൨൩||
View original
पिशाचानां बलिः सीधुः पिण्याकः पललं दधि| मूलकं लवणं सर्पिः सभूतौदनयावकम्| हरिद्राद्वयमञ्जिष्ठामिसिसैन्धवनागरम्| हिङ्गुप्रियङ्गुत्रिकटुरसोनत्रिफलावचाः| पाटलीश्वेतकटभीशिरीषकुसुमैर्घृतम्| गोमूत्रपादिकं सिद्धं पानाभ्यञ्जनयोर्हितम्| बस्ताम्बुपिष्टैस्तैरेव योज्यमञ्जननावनम्||२३||
🔊 Audio coming soon
സീധ്വാദി യാവകാന്തം പിശാചാനാം ബലിഃ| സീധുരിക്ഷുകൃതം മദ്യമ്| പിണ്യാകസ്തിലകല്കഃ| പലലം മാംസമ്| മൂലകം തത്സംജ്ഞം ശാകമ്| ഭൂതൌദനം മാംസൌദനമ്| യാവകം വാട്യമ്| പാടല്യാദിഭിഃ കൃതേ ക്വാഥേ ഹരിദ്രാദ്വയാദികം കല്കീകൃത്യ ഗോമൂത്രചതുര്ഭാഗയുക്തം സിദ്ധം ഘൃതം പാനേऽഭ്യഞ്ജനേ ച പിശാചാനാം പിശാചഗ്രഹഗൃഹീതാനാം ഹിതമ്| ശ്വേതകടഭീ സുഷവീ| പുല്ലാനീതി ഭാഷായാമ്| ബസ്താമ്ബുനാവിമൂത്രേണ പിഷ്ടൈസ്തൈരേവ ഹരിദ്രാദ്വയാദിഭിരഞ്ജനം നാവനം ച യോജ്യമ്| ഇതി പിശാചാനാമ്||൨൩||
Adhikarana tIkShNapratikUlopacAraniShedhavisheShAH (24) · Śloka 24
ദേവര്ഷിപിതൃഗന്ധര്വേ തീക്ഷ്ണം നസ്യാദി വര്ജയേത്| സര്പിഷ്പാനാദി മൃദ്വസ്മിന് ഭൈഷജ്യമവചാരയേത്| ഋതേ പിശാചാത്സര്വേഷു പ്രതികൂലം ച നാചരേത്| സവൈദ്യമാതുരം ഘ്നന്തി ക്രുദ്ധാസ്തേ ഹി മഹൌജസഃ||൨൪||
View original
देवर्षिपितृगन्धर्वे तीक्ष्णं नस्यादि वर्जयेत्| सर्पिष्पानादि मृद्वस्मिन् भैषज्यमवचारयेत्| ऋते पिशाचात्सर्वेषु प्रतिकूलं च नाचरेत्| सवैद्यमातुरं घ्नन्ति क्रुद्धास्ते हि महौजसः||२४||
🔊 Audio coming soon
ദേവാദിചതുഷ്ടയേ തീക്ഷ്ണമസഹനീയം നസ്യാദികം വര്ജയേത്| അസ്മിംശ്ചതുഷ്ടയേ സര്പിഷ്പാനാദികം സര്വം ച ഭൈഷജ്യം മൃദ്വതീക്ഷ്ണമവചാരയേത് പ്രയോജയേത്| സര്പിഷ്പാനാദീത്യത്രാദിശബ്ദേന നാവനാഭ്യങ്ഗാദിപരിഗ്രഹഃ| സര്വേഷു ഗ്രഹേഷു പ്രതികൂലം ന കിഞ്ചിദപ്യാചരേത് പിശാചാദൃതേ പിശാചം വര്ജയിത്വാ| തേ സുരാദയഃ പിശാചവര്ജിതാ മഹൌജസോऽനിര്ദേശ്യശക്തിവിശേഷാ യതഃ പ്രതികൂലാചരണേന ക്രുദ്ധാഃ സവൈദ്യമാതുരം ഘ്നന്തി|| ൨൪||
Adhikarana cittaviplave japAdyupacArAH (25) · Śloka 25
ഈശ്വരം ദ്വാദശഭുജം നാഥമാര്യാവലോകിതമ്| സര്വവ്യാധിചികിത്സാം ച ജപന്സര്വഗ്രഹാഞ്ജയേത്| തഥോന്മാദാനപസ്മാരാനന്യം വാ ചിത്തവിപ്ലവമ്| മഹാവിദ്യാം ച മായൂരീം ശുചിസ്തം ശ്രാവയേത്സദാ| ഭൂതേശം പൂജയേത്സ്ഥാണും പ്രമഥാഖ്യാംശ്ച തദ്ഗണാന്| ജപന് സിദ്ധാംശ്ച തന്മാത്രാന് ഗ്രഹാന് സര്വാനപോഹതി||൨൫||
View original
ईश्वरं द्वादशभुजं नाथमार्यावलोकितम्| सर्वव्याधिचिकित्सां च जपन्सर्वग्रहाञ्जयेत्| तथोन्मादानपस्मारानन्यं वा चित्तविप्लवम्| महाविद्यां च मायूरीं शुचिस्तं श्रावयेत्सदा| भूतेशं पूजयेत्स्थाणुं प्रमथाख्यांश्च तद्गणान्| जपन् सिद्धांश्च तन्मात्रान् ग्रहान् सर्वानपोहति||२५||
🔊 Audio coming soon
നാഥമാര്യാവലോകിതാഖ്യം ധ്യാത്വാ സര്വവ്യാധിചികിത്സാം വിദ്യാം ജപന് സമാഹിതഃ പൌനഃപുന്യേനോച്ചരന് സര്വഗ്രഹാനുന്മാദാദീംശ്ച ജയേത്| ഈശ്വരാദികം തസ്യൈവ| (ഈശ്വരമിതി)| ദ്വാദശഭുജം ദ്വാദശസങ്ഖ്യൈര്ഭുജൈര്യുതം ആര്യാവലോകിതം ആര്യയാ പാര്വത്യാ അവലോകിതമാര്യാസഹിതമിത്യര്ഥഃ| നാഥം ലോകൈകനാഥമീശ്വരം മഹാദേവം ധ്യാത്വാ സര്വവ്യാധിചികിത്സാം ലക്ഷണയാ സര്വവ്യോധേഃ പ്രായശ്ചിത്തഭൂതം ശ്രീപഞ്ചാക്ഷരാദികം മന്ത്രം ജപന് സമാഹിതഃ പൌനഃപുന്യോനോച്ചരന് സര്വഗ്രഹാന് പഞ്ചസപ്താഷ്ടാദശവിധാനുന്മാദാന് വക്ഷ്യമാണലക്ഷണാനപസ്മാ രാനപസ്മാരഗ്രഹാനന്യം വാ യേന കേനാപി ഹേതുനോത്പന്നം ചിത്തവിപ്ലവം ബുദ്ധി വിഭ്രംശം ജയേച്ഛമയേത്| ഇതി കൈരലീ)| തം ചാതുരം ശുചിര്വൈദ്യോ മായൂരീം മഹാവിദ്യാം സദാ ശ്രാവയേത്| ('ശുചിം തം ശ്രാവയേത്സദാ' ഇതി ച പാഠഃ| മഹാവിദ്യാമിതി| ശുചിം കായവാങ്ഹ്മനോവ്യാപാരശുദ്ധം തമാതുരം മഹാവിദ്യാം ബുദ്ധദേവതാഖ്യാം മായുരീം ത്വരിതാം സദാനവരതം ശ്രാവയേത് തം പ്രതി ബ്രൂയാത്| ഇതി കൈരലീ)| ഭൂതേശമിതി| ഭൂതനാഥവിഗ്രഹം സ്ഥാണുഞ്ച ഭഗവന്തം മഹേശ്വരം പ്രമഥാഖ്യാംസ്തദ്ഗണാംശ്ച പൂജയേത്| തദിതി സ്ഥാണുപരാമര്ശഃ| (ഭൂതേശമിതി| ഭൂതേശം സര്വഭൂതാനാമീശം സ്ഥാണും മഹാദേവം പ്രമഥാഖ്യാന് ഭൂതപ്രമഥഗുഹ്യകാദിഷു മധ്യേ പ്രമഥാഖ്യാന് ഗണാംശ്ച തദിതി സ്ഥാണുപരാമര്ശഃ പൂജയേത് ബലികര്മാദിപൂജാവിശേഷൈഃ പ്രസാദയേത്| ജപന്നിതി| സിദ്ധാന് പ്രസിദ്ധാംസ്തന്മന്ത്രാനഘോരാദീനിതി പാട്യകാരഃ| ഗ്രന്ഥാന്തരേऽന്യഥാ പ്രോക്തം ച - വ്യോമാ വാപീ മഹാവിദ്യാ മഹാപാശുപതസ്തഥാ| ഫേനലാക്ഷീ വജ്രഗാന്ധാരീ മാലിനി മന്ത്രസംഹിതാ| തഥാ ചിവിഡനാസാ ച ശൂലിനീ ചേതി കീര്തിതാഃ| തന്ത്രേ സിദ്ധാ മഹാമന്ത്രാ ഗ്രഹാണാം നിഗ്രഹാ ഹിതാഃ| ഇതി താന് മന്ത്രാന് ജപന് സര്വാന് ഗ്രഹാനപോഹതി| ഇതി കൈരലീ) ||൨൫||
Adhikarana atideshena cikitsAnirdeshaH (8) · Śloka 8
യച്ചാനന്തരയോഃ കിഞ്ചിദ്വക്ഷ്യതേऽധ്യായയോര്ഹിതമ്| യച്ചോക്തമിഹ തത്സര്വം പ്രയുഞ്ജീത പരസ്പരമ്||൨൬|| ഇതി വൈദ്യപതിസിംഹഗുപ്തസ്യ സൂനോര്വാഗ്ഭടസ്യ കൃതാവഷ്ടാങ്ഗസംഗ്രഹസംഹിതായാമുത്തരതന്ത്രേ ഭൂതപ്രതിവേധോ നാമാഷ്ടമോऽധ്യായഃ||൮||
View original
यच्चानन्तरयोः किञ्चिद्वक्ष्यतेऽध्याययोर्हितम्| यच्चोक्तमिह तत्सर्वं प्रयुञ्जीत परस्परम्||२६|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे भूतप्रतिवेधो नामाष्टमोऽध्यायः||८||
🔊 Audio coming soon
യച്ചേത്യാദിനോന്മാദാപസ്മാരയോര്ഭൂതാനാഞ്ച സാധാരണീ ചികിത്സാ ബോദ്ധവ്യേത്യുക്തമ്| (യച്ചേതി| അനന്തരയോരുന്മാദാപസ്മാരപ്രതിഷേധയോര്യദ്ധിതം ചികിത്സിതം വക്ഷ്യതേ ഇഹ ഭൂതപ്രതിഷേധേ യദുക്തം ച തത്സര്വം കര്മ പരസ്പരം വ്യത്യസ്യ പ്രയോജയേത്| തച്ചേതി ച ശബ്ദേന അസ്മിന്നാധ്യായേ ദേവദാനവഗ്രഹദീനുദ്ദിശ്യ പ്രോക്തം കര്മപി പരസ്പരം പ്രയുഞ്ജീതേതി ദ്യോതിതമ്| ഇതി കൈരലീ)||൨൬|| ഇതി ശ്രീമന്മഹാമഹോപാധ്യായേന്ദുവിരചിതായാ- മഷ്ടാങ്ഗസംഗ്രഹവ്യാഖ്യായാം ശശിലേഖായാമുത്തരതന്ത്രേ അഷ്ടമോऽധ്യായഃ ||൮||