46. mūṣikālarkapratiṣēdhaḥ

Adhikarana atha mUShikAlarkapratiShedho nAma ShaTcatvAriMsho~adhyAyaH adhyAyapratij~jA (1) · Śloka 1

অথাতো মূষিকলর্কপ্রতিষেধং নামাধ্যাযং ব্যাখ্যাস্যামঃ| ইতি হ স্মাসুরাত্রেযাদযো মহর্ষযঃ||১||

জঙ্গমবিষপ্রক্রমেণ মূষিকালর্কবিষযোশ্চিকিত্সাং প্রদর্শযিতুমধ্যায আরভ্যতে| (লালনাদিভেদেনাষ্স্টাদশবিধস্য মূষিকস্যালর্কস্য শুনশ্চ বিষস্য প্রতিষেধশ্চিকিত্সাস্মিন্নধ্যায উচ্যত ইতি মূষিকালর্কপ্রতিষেধস্তম্| বিজ্ঞানাদ্বিনা প্রতিষেধস্য দুষ্করত্বাত্সবিজ্ঞানং প্রতিষেধমিত্যর্থঃ| শেষং পূর্ববত্)|| ১||

Adhikarana mUShikabhedAH (2) · Śloka 2

লালনশ্চপলঃ পুত্রো হসিরশ্চিকিরোঽজিনঃ| কষাযদন্তঃ কুলকঃ কোকিলঃ কপিলোঽসিতঃ| অরুণঃ শবলঃ শ্বেতঃ কপোতঃ পলিতোন্দুরুঃ| চুচ্ছুন্দরো রসালাখ্যো দশাষ্টৌ চেতি মূষিকাঃ||২||

তত্র পূর্বং মূষিকাণাং নামবিশেষং সংখ্যাঞ্চ দর্শযতি| (লালনাদযোঽষ্টাদশ মূষিকাঃ| মূষিকস্য প্রসিদ্ধত্বাত্ ভেদকীর্তনমেব| অলর্কস্য তু লক্ষণং বক্ষ্যতে)|| ২||

Adhikarana mUShikaviShasaMkrAntihetavaH prabhAvashca (3) · Śloka 3

যস্মিন্নঙ্গে পতত্যেষাং শুক্লমঙ্গৈঃ স্পৃশন্তি বা| যচ্ছুক্লদিগ্ধৈস্তত্রাস্রে দূষিতে পাণ্ডুতাং গতে| গ্রন্থযঃ শ্বযথুঃ কোঠো মণ্ডলানি ভ্রমোঽরুচিঃ| শীতজ্বরোঽতিরুক্সাদো বেপথুঃ পর্বভেদনম্| রোমহর্ষঃ স্রুতির্মূর্চ্ছা দীর্ঘকালানুবন্ধম্| শ্লেষ্মানুবিদ্ধবহ্বাখুপোতকচ্ছর্দনং সকৃত্||৩||

মূষিকবিষস্য ব্রণেন বিনাপি রক্তাদিদূষকত্বাত্তত্সংক্রান্তের্হেতুমাহ| এষাং মূষিকাণাং সম্বন্ধি শুক্রং যস্মিন্নঙ্গে পততি যদ্বা যদঙ্গং মূষিকশুক্লদিগ্ধৈরঙ্গৈঃ স্পৃশন্তি তত্রোস্রে রক্তে দূষিতে পাণ্ডুত্বং চ গতে গ্রন্থ্যাদিকং ভবতি| শ্লেষ্মণানুবিদ্ধানাং বহূনামাখুপোতকানাং ছর্দনং বমনম্| (তত্প্রভাবাত্ সকৃদেকবারমেব শ্লেষ্মণানুবদ্ধনাং বহূনামাঽনুপোতানাং মূষিকাবালাকারমাংসখণ্ডানাং ছর্দনং চ স্যাত্| শীতজ্বরঃ শীতাদিজ্বরঃ| পর্বভেদনং সন্ধিষু ভেদনপ্রতীতিঃ| স্রুতির্ব্রণমুখাদ্রক্তপূযাদিস্রাবঃ| দীঘকালং চিরকালমনুবন্ধনমনুবর্ত্তনম্)|| ৩||

Adhikarana AkhuviShasya kRucchrasAdhyatA (4) · Śloka 4

ব্যবায্যাখুবিষং কৃচ্ছ্রং ভূযো ভূযশ্চ কুপ্যতি||৪||

সর্বং চাখুবিষং ব্যবাযি ব্যাপকগুণস্বভাবং কৃচ্ছ্রং কৃচ্ছ্ড়সাধ্যং ভবতি| ভূযো ভূযশ্চ কুপ্যতি| (ব্যবাযিগুণস্য সর্ববিষসাধারণত্বেঽপ্যত্র বিশেষকথনমতিশযদ্যোতনার্থম্| ভূযো ভূযশ্চ কুপ্যতি ষন্তমপি পুনঃ পুনঃ কালান্তরেণ কোপং যাতি)|| ৪||

Adhikarana asAdhyalakShaNam (5) · Śloka 5

মূর্চ্ছাঙ্গশোফবৈবর্ণ্যক্লেদশব্দাশ্রুতিজ্বরাঃ| শিরোগুরুত্বং লালাসৃক্চ্ছর্দিশ্চাসাধ্যলক্ষণম্||৫||

মূর্চ্ছাদিকমসাধ্যমূষিকবিষলক্ষণম্| (অঙ্গশব্দঃ শোফাদিষুত্রিষু সম্বধ্যতে)|| ৫||

Adhikarana varjanIyalakShaNam (6) · Śloka 6

শূনবস্তিং বিবর্ণৌষ্ঠমাখ্বাভৈর্গ্রন্থিভিশ্চিতম্| চুচ্ছুন্দুরুসগন্ধং চ বর্জযেদাখুদূষিতম্||৬||

শূনবস্তিমিত্যাদিকং চাখুদূষিতং বর্জযেত্| চুচ্ছুন্দুরুসমানগন্ধং চ| চুচ্ছুন্দুরুর্জাত্যা দীর্ঘমুখো মূষিকঃ| (অসাধ্যলক্ষণান্যুক্ত্বা পুনরপি বর্জযেদিত্যুক্তত্বাত্ পূর্বোক্তস্য যাপ্যত্বমস্য পরিত্যাজ্যত্বং চ সূচিতম্)|| ৬||

Adhikarana alarkalakShaNam (7) · Śloka 7

শুনঃ শ্লেষ্মোল্বণা দোষাঃ সংজ্ঞাং সংজ্ঞাবহাশ্রিতাঃ| মুষ্ণন্তঃ কুর্বতে ক্ষোভং ধাতূনামতিদারুণম্| লালাবনন্ধবধিরঃ সর্বতঃ সোঽভিধাবতি| স্রস্তপুচ্ছহনুস্কন্ধঃ শিরো দুঃখী নতাননঃ||৭||

শুন ইত্যাদিনা অলর্কস্য লক্ষণমুচ্যতে| অনন্তরমলর্কবিষলক্ষণং বিবক্ষুঃ পূর্বং তস্যোন্মাদহেতুমাহ| শুনঃ সারমেযস্য শ্লেষ্মোল্বণা দোষাঃ সংজ্ঞাবহাঃ সিরা আশ্রিত্য সংজ্ঞা চেতনাং মুষ্ণন্তো ধাতূনাং শুনো রসরক্তাদীনাং দারুণমতিঘোরং ক্ষোভং কুর্বতে| ততঃ স লালবত্বাদিযুক্তঃ স্রস্তপুচ্ছাদিকশ্চ সর্বতো বিনা প্রযোজনমভিধাবতি|| ৭||

Adhikarana alarkadaMshalakShaNam (8) · Śloka 8

দংশস্তেন বিদষ্টস্য সুপ্তঃ কৃষ্ণং ক্ষরত্যসৃক্| হৃচ্ছিরোরুগ্জ্বরস্তম্ভতৃষ্ণামূর্চ্ছোদ্ভবোঽনু চ||৮||

উন্মাদলক্ষণমুক্ত্বা অলর্কস্য দংশলক্ষণমাহ| তেন তথা বিধেনালর্কাখ্যেন শুনা দষ্টস্য পুংসো দংশঃ সুপ্ত অচেতনঃ সন্ কৃষ্ণমসৃক্ ক্ষরতি| ততশ্চ তৃষ্ণাদ্যুদ্ভবো ভবতি|| ৮||

Adhikarana prasa~ggataH sRugAlAdidaMshalakShaNam (9) · Śloka 9

অনেনান্যেঽপি বোদ্ধ্ব্যা ব্যালা দংষ্ট্রাপ্রহারিণঃ| সৃগালাশ্বতরাশ্বর্ক্ষদ্বীপিব্যাঘ্রবৃকাদযঃ||৯||

অলর্কবিষপ্রসঙ্গাত্সৃগালাদিবিষলক্ষণমাহ| অনেন চ শ্বদংশপ্রকারেণান্যেঽপি ব্যালা ক্ষুদ্রা দংষ্ট্রাপ্রহারিণঃ সৃগালাদযো বোদ্ধব্যা জ্ঞেযাঃ| সৃগালাদয ইত্যাদিশব্দেন বিডালাদযো গৃহ্যন্তে| ব্যালা দুষ্টসত্ত্বাঃ|| ৯||

Adhikarana sAmAnyaM saviShanirviShalakShaNam (10) · Śloka 10

কণ্ডূনিস্তোদবৈবর্ণ্যসুপ্তিক্লেদজ্বরভ্রমাঃ| বিদাহরাগরুক্পাকশোফগ্রন্থিবিকুঞ্চনম্| দংশাবদরণং স্ফোটাঃ কর্ণিকা মণ্ডলানি চ| সর্বত্র সবিষে লিঙ্গং বিপরীতং তু নির্বিষে||১০||

সর্বত্র সবিষে দংশে কণ্ডূবাদিকং লিঙ্গম্| এতদ্বিপরীতে নির্বিষম্||১০||

Adhikarana sAmAnyamasAdhyalakShaNam (11) · Śloka 11

দষ্টো যেন তু তচ্চেষ্টরুতং কুর্বন্ বিনশ্যতি| পশ্যংস্তমেব চাকস্মাদাদর্শসলিলাদিষু||১১||

অলর্কপ্রসঙ্গাত্তদ্বিধানাং সৃগালাদীনাং লক্ষণমুক্ত্বা সামান্যেনাসাধ্যলক্ষণমাহ| যেনৈব প্রণিনা দষ্টস্তস্যৈব সম্বন্ধিনীশ্চেষ্টাস্তস্যৈব রুতং কুর্বন্ পুরুষো বিনশ্যতি| তমেব চ প্রাণিনমক স্মাদাদার্শাদিষু পশ্যন্নপি বিনশ্যতি|| ১১||

Adhikarana jalasantrAsalakShaNam (12) · Śloka 12

জলদর্শনসংস্পর্শশব্দেভ্যো যশ্চ সন্ত্রসেত্| অদষ্টমপি তং জহ্যাজ্জলসন্ত্রাসরোগিণম্||১২||

অদষ্টোঽপি যঃ পুরুষো জলস্য দর্শনেন বা স্পর্শনেন বা শব্দেন বা সন্ত্রস্যেত্তং জলসন্ত্রাসনাম্না রোগেণ যুক্তং জহ্যাত্|| ১২||

Adhikarana mUShakaviShacikitsA daShTamAtre dAhaH (13) · Śloka 13

আখুনা দষ্টমাত্রস্য দংশং কাণ্ডেন দাহযেত্| দর্পণেনাথবা তীব্ররুজা স্যাত্কর্ণিকান্যথা||১৩||

মূষিকালর্কযোর্লক্ষণমুক্ত্বাঽনন্তরং মূষিকচিকিত্সামাহ-আখুনেত্যাদিনা| মূষিকাণাং সাধারণী চিকিত্স| সুবোধম্| দংশদাহেন বিনা কর্ণিকা সম্ভবতি| (আখুনা মূষিকেণ দষ্টমাত্রস্য মাত্রযাঽপ্যনতিলঙ্ঘিতদষ্টসমযস্য দংশং দংশব্রণং কাণ্ডেন শরকাণ্ডাদিনা অথবা দর্পণেনাদর্শেন দাহযেত্ অন্যথা দাহাভবে ত্লীব্ররুজা অতিবেদনাযুক্তা কর্ণিকা স্যাত্)|| ১৩||

Adhikarana dAhAnantarIyakRutyam (14) · Śloka 14

দগ্ধং বিস্রাবযেদ্দংশং প্রচ্ছিতং চ প্রলেপযেত্| শিরীষরজনী বক্রকুঙ্কুমামৃতবল্লিভিঃ||১৪||

অনন্তরকরণীযমাহ-দগ্ধং দংশং দংশব্রণং বিস্রাবযেত্| প্রচ্ছিতং চেতি বক্ষ্যমাণত্বাদ্বিস্রাবণং প্রচ্ছানেন| ততঃ শিরীষাচিভিরমৃতবল্যন্তৈঃ প্রলেপযেত্| 'শিরীষরজনীকুষ্ঠমি'তি সুশ্রুতপাঠঃ||১৪||

Adhikarana agAradhUmAdilepaH (15) · Śloka 15

অগারধূমমঞ্জিষ্ঠারজনীলবণোত্তমৈঃ| লেপো জযত্যাখুবিষং কর্ণিকাযাশ্চ পাতনঃ||১৫||

অগারধূমাদিভিশ্চ আখুবিষং জযতি| কর্ণিকাযাঃ পাতনশ্চ||১৫||

Adhikarana lepAnantarIyaM kRutyam (16) · Śloka 16

ততোঽম্লৈঃ ক্ষালযিত্বা তু তোযৈরনু চ লেপযেত্| পালিন্দী শ্বেতকটভী বিল্বমূলগুডূচিভিঃ| অন্যৈশ্চ বিষশোফঘ্নৈঃ সিরাং বা মোক্ষযেদ্ দ্রুতম্||১৬||

ততো লেপাদনন্তরমম্লৈঃ কাঞ্জিকাদিভিঃ ক্ষালযিত্বানু পশ্চাচ্চ তোযৈঃ ক্ষালযিত্ব পালিন্দ্যাদিভির্লেপযেত্| পালিন্দী শ্যামা ত্রিবৃত্| অন্যৈশ্চ বিষঘ্নৈঃ শোফঘ্নৈশ্চ হরিদ্রাদিভির্লেপযেত্| অন্যৈশ্চ বিষঘ্নৈঃ শোফঘ্নৈশ্চ হরিদ্রাদিভির্লেপযেত্| অথব দ্রুতং শীঘ্রং সিরাং মোক্শযেত্| (বিষঘ্নৈঃ শিরীষাদিভিঃ শোফঘ্নৈঃ শিগ্রুমূলাদিভিরন্যৈরপরৈরোষধৈশ্চ লেপং কুর্যাত্)|| ১৬||

Adhikarana vamanam (17) · Śloka 17

ছর্দনং জালিনীক্বাথৈঃ শুকাখ্যাঙ্কোলযোরপি| কোশবত্যাঃ শুকাখ্যাযাঃ ফলং জীমূতকস্য চ| মদনস্য চ সঞ্চূর্ণ্য দধ্না পীত্বা বিষং বমেত্| বচামদনজীমূতকুষ্ঠং বা মূত্রপেষিতম্| পূর্বকল্পেন পাতব্যং সর্বোন্দুরুবিষাপহম্| নিষ্পাবাঃ কদলীমূলং বন্ধুজীবফলানি চ| সুবর্চলারামঠকং স্বর্জিকাতিবিষাদ্বযম্| শ্যামাদ্রিকর্ণিকামূলমর্ধর্চৈর্বমনত্রযম্||১৭||

নীলিনীক্বাথেন ছর্দনং শুকাখ্যাঙ্কোলযোশ্চ ক্বাথেন| কোশবত্যাদিফলানাং চূর্ণং দধ্না ফিত্বা বিষং বমেত্| শুকাখ্যা শিরীষঃ| কোশবতী কোশাতকী| জীমূতঃ কৃতবেধনঃ| বচাদিকং গোমূত্রেণ পিষ্ট্বা পূর্বকল্পেনেতি দধ্না পাতব্যম্| তত্সর্বেষামুন্দুরুণাং বিষং হন্তি| নিষ্পাবসুবর্চলাশ্যামাদিভিরর্ধর্চৈরর্ধশ্লোকৈর্বমনত্রযং ভবতি| শমঠং হিঙ্গুঃ|| ১৭||

Adhikarana vAntasya shUlAdau cikitsA (18) · Śloka 18

বান্তস্য শুদ্ধে হৃদযে শূলং হিধ্মারুচির্বমিঃ| উষ্ণোদ্গারানুবন্ধো বা স্যাচ্চেত্তত্রৈতদৌষধম্| জীরকং ত্র্যূষণং কুষ্ঠং তুঙ্গাখ্যং নাগকেসরম্| রজন্যৌ সৈন্ধবং সেব্যং যষ্টীমধুসুবর্চলাম্| মধুরং চ গণং পিষ্ট্বা বীজপুরকপিত্থযোঃ| রসেন ষাডবং কুর্যান্মধুমত্স্যণ্ডিকান্বিতম্| গন্ধবর্ণরসোপেতঃ স পীতো বিষদোষজিত্| দ্বিপিপ্পলীদ্বযংশুমতি ক্বাথে পেযা চ তদ্গুণা||১৮||

বান্তস্য সতো হৃদযে শুদ্ধে শূলাদিকং যদি স্যাত্তত্রৈতদৌষধম্| কিমিত্যাহ-জীরকমিত্যাদি| ব্যাখ্যাসমম্| তুঙ্গাখ্যং নাগকেসরম্| মধুরোগণঃ সূত্রোক্তঃ| দ্বিপিপ্পল্যাদিক্বাথে কৃতা পেযা চ তদুগ্ণা জীরকাদিষাডবগুণা|| ১৮||

Adhikarana kAyashirovirekaH (19) · Śloka 19

বিরেচনে ত্রিবৃন্নীলী ত্রিফলা কল্ক ইষ্যতে| শিরোবিরেচনে সারঃ শিরীষস্য ফলানি চ||১৯||

ত্রিবৃদাকল্কো বিরেচন ইষ্যতে| শিরীষস্য সারঃ ফলানি চ শিরোবিরেচনে|| ১৯||

Adhikarana a~jjanam (20) · Śloka 20

অঞ্জনে গোমযরসো ব্যোষসূক্ষ্মরজোঽন্বিতঃ| কপিত্থগোমযরসো মধুমানবলেহনে||২০||

ব্যোষসূক্ষ্মরজোঽন্বিতো গোমযরসোঽঞ্জন ইষ্যতে| কপিত্থগোমযরসো মাক্ষিকযুক্তোঽবলেহনে|| ২০||

Adhikarana siddhaghRutam (21) · Śloka 21

তণ্ডুলীযকমূলেন সিদ্ধং পানে হিতং ঘৃতম্| দ্বিনিশা কটভী রক্তা যষ্ট্যাহ্বৈর্বামৃতান্বিতৈঃ| আস্ফোতমূলসিদ্ধং বা প~চ্চকাপিত্থমেব বা||২১||

তণ্ডুলীযকস্য মূলেন সিদ্ধং ঘৃতং পানে হিতম্| অমৃতান্বিতৈর্দ্বিনিশাদিভির্বা সিদ্ধং ঘৃতম্| রক্তা মঞ্জিষ্ঠা| সুবোধম্| আস্ফোতোঽর্কঃ| পঞ্চকাপিত্থং কপিত্থস্য ত্বক্পত্রপুষ্পফলমলানি তৈঃ পঞ্চভিঃ সিদ্ধং ঘ্রুতং বা|| ২১||

Adhikarana viriktasya shUlAdau cikitsA (22) · Śloka 22

অধোভাগে বিশুদ্ধস্য শূলং নাভ্যাং ভবেদ্যদি| পুরীষং ব বিবধ্যেত গুদে স্যাদ্বা বিকর্তিক| তত্র পেযাং পিবেচ্ছীতাং শর্করামধুসংযুতাম্| পিপ্পলীপিপ্পলীমূলশারিবাকটুকাহ্বযৈঃ| শৃতৈঃ সিদ্ধাং সহবলাসমঙ্গাবিশ্বভেষজৈঃ||২২||

বিরক্তস্য যদি নাভিশূলং পুরীষং বা বিবদ্ধং গুদে ব বিকর্তিকা স্যাত্তত্র পিপ্পল্যাদিভির্বিশ্বভেশজান্তৈঃ শৃতৈঃ সিদ্ধাং শীতাং শর্করামধুযুক্তাং পেযাং পিবেত্| সমঙ্গা মঞ্জিষ্ঠা|| ২২||

Adhikarana dvau prAshau (23) · Śloka 23

নলদধ্যামকব্যোষলোধ্রচিত্রকদীপ্যকম্| কুতলক্ষারতোযেন পিষ্টং মাক্ষিকসর্পিষা| দধ্না বা প্রাশযেত্ক্ষৌদ্রম্ যবক্ষারপযোদধি| ফাণিতং তৈলমাজ্যং বিষঘ্নং পীতমেকতঃ||২৩||

নলদাদিদীপ্যকান্তং কুতলক্ষারতোযেন পিষ্টং মধুসর্পিষা দধ্না বা প্রাশযেত্| কুতলস্তিলকাণ্ডম্| ক্ষৌদ্রাদিকমাজ্যান্তমেকতোমিশ্রীভাবেন পীতং বিষঘ্নং ভবতি|| ২৩||

Adhikarana sinduvArAdikvAthaH (24) · Śloka 24

সিন্দুবারং নতং শিগ্রু বিল্বমূলং পুনর্নবম্| বচাশ্বদংষ্ট্রা জীমূতমেশাং ক্বাথং সমাক্ষিকম্| পিবেচ্ছাল্যোদনং দধ্না ভুঞ্জানো মূষিকার্দিতঃ||২৪||

মূষিকৈরার্দিতো হিংসিতঃ দধ্না শাল্যোদনং ভুঞ্জানঃ সিন্দুবারাদীনাং ক্বাথং সমাক্ষিকং পিবেত্| শ্বদংষ্ট্ড়া কণ্ডূকরী|| ২৪||

Adhikarana pAnalepanayoryogau (25) · Śloka 25

তক্রেণ শরপুঙ্খাযাঃ বীজং সঞ্চূর্ণ্য বা পিবেত্| অঙ্কোলমূলকল্কো ব বস্তমূত্রেণ কল্কিতঃ| পানলেপনযোর্যুক্তঃ সর্বোন্দুরুবিষাপহঃ||২৫||

অথবা শরপুঙ্কাযাঃ প্রসিদ্ধাযাশ্চূর্ণং তক্রেণ পিবেত্| অঙ্কোলমূলত্বক্প্রযোগঃ সুবোধঃ| (অবিমূত্রেণ পিষ্টঃ পানবিষযে লেপনবিষযে চ প্রযুক্তঃ অঙ্কোলমূলস্য বল্কশ্চ মূষিকবিষস্য নাশনঃ)||২৫||

Adhikarana payasyApayaH (26) · Śloka 26

পযঃ পযস্যযা যুক্তং সিতযা মধুকেন চ||২৬||

পযস্যযা শর্করযা মধুকেন চ যুক্তং পযঃ প্রকরণাত্ সর্বোন্দুরুবিষাপহম্| পযস্যা ক্ষীরিকা|| ২৬||

Adhikarana jvare kirAtatiktAdikam (27) · Śloka 27

কিরাততিক্তমমৃতাং সমঙ্গাং ককুভত্বচম্| বাণং পলাশং কাশ্মর্যং পযস্যাং তণ্ডুলীযকম্| আখুবিন্নাং মহানিম্বং সপ্তপর্ণং মধূলিকাম্| কপিত্থং রাজবৃক্ষং বা পিবেদন্যতমং জ্বরী||২৭||

যশ্চ মূষিকবিষে জ্বরবান্ ভবতি স কিরাততিক্তকাদীনামন্যতমং পিবেত্| আখুবিন্না মূষিকপর্ণী|| ২৭||

Adhikarana karNikApAtanam (28) · Śloka 28

স্থিরাং মন্দরুজাং প্রচ্ছেত্ কর্ণিকাং পাতযেত বা| শ্যামা লাঙ্গলিকা দন্তী কিণিহী গিরিকর্ণিকা| আখুবৃক্ষো মহাবৃক্ষস্ত্রিবৃদঞ্জনকী স্নুহী| কর্ণিকাপাতনং কল্কমেকৈকং তিলকল্কবত্||২৮||

কর্ণিকাং স্থিরাং মন্দরুজাং চ সতীং প্রচ্ছেত্ পাতযেত বা| শ্যামাদীন্যেকৈকং তিলকল্কযোগাত্ কর্ণিকাশাতনানি| লাঙ্গলিকা বিষল্যা| কিণিহী গিরিকর্ণিকা| আখুবৃক্ষো জীমূতকঃ| অঞ্জনকী নীলিনী|| ২৮||

Adhikarana vraNaropaNam (29) · Śloka 29

ক্ষীরিপ্রবালমঞ্জিষ্ঠা বলাদার্বী হযাহ্বযাঃ| রোপণ্যঃ কল্কিতাস্তৈলং ঘৃতং ব সাধিতং তথা| দ্বিনিশা তিলযষ্ট্যাহ্বতগরোশীরপদ্মকৈঃ||২৯||

ক্ষীরিপ্রবালাদিকং কল্কিতং রোপণম্| অথবা তৈঃ সাধিতং তৈলং বা ঘৃতং বা তথাগুণম্| দ্বিনিশাদিভিঃ সাধিতং তৈলং বা ঘৃতং বা||২৯||

Adhikarana sAmAnyakriyopasaMhAraH (30) · Śloka 30

সামান্যেনেতি নির্দিষ্টা ক্রিযাখূনাং বিশেষতঃ||৩০||

ইত্যাখুনাং ক্রিযা সামান্যেন নির্দিষ্টা|| ৩০||

Adhikarana bhedAnusAralakShaNaM cikitsA ca lAlane (31) · Śloka 31

লালনেন বমির্মূর্চ্ছা লালাস্রাবশ্চ জাযতে| লিহ্যাত্সমাক্ষিকং তত্র চূর্ণিতং তণ্ডুলীযকম্||৩১||

বিশেষতস্তূচ্যতে লালনেনেত্যাদিনা| লালাস্রাবান্তং লালনেন জাযতে| তত্র সমাক্ষিকং তণ্ডুলীযকচূর্ণং লিহ্যাত্|| ৩১||

Adhikarana capale (32) · Śloka 32

চপলেন বর্মির্মূর্চ্ছা তৃড্বা তত্রাবলেহযেত্| সদারুমুস্তাং ত্রিফলাং.......................||৩২||

চপলাখ্যেন বমির্মূর্চ্ছা তৃড্বা জাযতে| তত্র দেবদারুমুস্তসহিতাং ত্রিফলাং লেহযেত্|| ৩২||

Adhikarana putrake (33) · Śloka 33

.............................পুত্রকেণ তু পাণ্ডুতা| সাদোঽঙ্গে সর্বশ্চাখুসদৃশগ্রন্থিসম্ভবঃ| শিরীষবীজং কুষ্ঠং চ মধুনা তত্র লেহযেত্||৩৩||

পুত্রকাখ্যেন গ্রন্থিসম্ভবান্তম্| তত্র শিরীষবীজং কুষ্ঠঞ্চ মধুনা লেহযেত্|| ৩৩||

Adhikarana hasire (34) · Śloka 34

হসিরেণান্নবিদ্বেষো জৃম্ভণম্ রোমহর্শণম্| আরগ্বধাদিনির্যুহং সুবান্তং তত্র পাযযেত্||৩৪||

হসিরাখ্যেন রোমহর্ষণান্তম্ | তত্র সুষ্ঠু বমনং কৃত্বা আরগ্বধাদিক্বাথং পাযযেত্ ||৩৪||

Adhikarana cikire (35) · Śloka 35

চিকিরেণ শিরোদুঃখং শোফো হিধ্মা বমির্ভ্রমঃ বান্তোঽত্র জালিনীক্বাথৈঃ সারমঙ্কোলজং পিবেত্||৩৫||

চিকিরাখ্যেন ভ্রমান্তম্| অত্র জালিনীক্বাথেন বমনং কৃত্বা অঙ্কোলসারং পিবেত্|| ৩৫||

Adhikarana ajine (36) · Śloka 36

অজিনেনাঙ্গকৃষ্ণত্বং মূর্চ্ছ ছর্দিশ্চ হৃদ্গ্রহঃ| মধুনা তত্র মঞ্জিষ্ঠাং লিহ্যাত্স্নুক্ক্ষীরকল্কিতাম্||৩৬||

অজিনাখ্যেন হৃদ্গ্রহান্তম্| তত্র সুধাক্ষীরেণ কল্কিতাং মঞ্জিষ্ঠাং মধুনা লিহ্যাত্|| ৩৬||

Adhikarana kaShAyadante (37) · Śloka 37

নিদ্রা কষাযদন্তেন হৃচ্ছোষঃ কৃশতাতি চ| শিরীষসারত্বগ্বীজং তত্র ক্ষৌদ্রেণ লেহযেত্||৩৭||

কষাযদন্তাখ্যেন নিদ্রা হৃচ্ছোষঃ অতিকৃশতা চ| তত্র শিরীষস্য সারাদিকং ক্ষৌদ্রেণ লেহযেত্|| ৩৭||

Adhikarana kulake (38) · Śloka 38

কুলকেন রুজাস্রাবৌ রাজযো দংশমণ্ডলে| সদিন্দুবারকৌ তত্র সহৌ লিহ্যান্মধুপ্লুতৌ||৩৮||

কুলকাখ্যেন দংশমণ্ডলে রুজাস্রাবৌ রাজযশ্চ| তত্র সিন্দুবারসহিতৌ সহৌ কুষ্ঠনখে মধুপ্লুতৌ লিহ্যাত্|| ৩৮||

Adhikarana kokile (39) · Śloka 39

গ্রন্থযঃ কোকিলেনোগ্রা জ্বরো দাহশ্চ দারুণঃ| নীলীপুনর্নবাক্বাথে সিদ্ধং তত্র পিবেদ্ ঘৃতম্||৩৯||

কোকিলাখ্যেনোগ্রা গ্রন্থযো দারুণৌ চ দাহজ্বরৌ| তত্র নীল্যাদিক্বাথসিদ্ধং ঘৃতং পিবেত্|| ৩৯||

Adhikarana kapile (40) · Śloka 40

কপিলেন ব্রণে কোথে জ্বরো গ্রন্থির্ভ্রমঃ সতৃট্| লেহযেন্মধুনা শ্বেতাং শ্বেতাং চাত্র পুনর্নবাম্||৪০||

কপিলাখ্যেন তৃডন্তম্| অত্র শ্বেতাং শ্বেতবচাং শ্বেতপুনর্নবাঞ্চ মধুনা লেহযেত্|| ৪০||

Adhikarana kRuShNe (41) · Śloka 41

রক্তং কৃষ্ণেন বমতি বিশেষাদ্ দুর্দিনে পিবেত্| তত্র কিংশুকভস্মাম্বু শিরীষফলবালকম্||৪১||

কৃষ্ণেনাসিতাখ্যেন রক্তং সদা বমতি দুর্দিনে তু বিশেষাত্| তত্র পলাশভস্মোদকাদিকং পিবেত্|| ৪১||

Adhikarana aruNAdiShu pa~jcasu (42) · Śloka 42

অরুণাদ্যাঃ পৃথগ্দোষসন্নিপাতাস্রসম্ভবান্| জনযন্তি ক্রমাদ্রাগান্ সর্বে চ গ্রন্থিকর্ণিকাঃ| করঞ্জারগ্বধব্যোষবৃহত্যংশুমতীদ্বযাত্| ক্বাথে দধিপযঃসর্পিঃ পৃথক্প্রস্থোন্মিতং পচেত্| কপিত্থদাডিমবরীবিশালাত্রিসুগন্ধিকাঃ| ত্রিবৃতামৃত্তিকাবক্রগুডূচীশ্চাত্র কল্কিতাঃ| ক্ষিপেত্তদরুণাদীনাং পঞ্চানাং বিষনাশনম্| কাকাদনী কাকামাচী স্বরসেন্স্ শৃতং ঘৃতম্||৪২||

অরুণাদ্যাঃ পঞ্চ পৃথগ্দোষাদিসম্ভবান্ ক্রমাদ্রোগান্ জনযন্তি| সর্বে চ গ্রন্থিকর্ণিকাযুক্তা ভবন্তি| অরুণো বাতসম্ভবান্ রোগান্ জনযতি| শবলঃ পিত্তসম্ভবান্| স্বেতঃ কফসম্ভবান্| পৈতোন্দুরোস্রসম্ভবানিতি ক্রমার্থঃ| করঞ্জাদিক্বাথে কপিত্থাদিকল্কে দধিক্ষীরপ্রস্থাব্যাং যুক্তং ঘ্রুতপ্রস্থং পচেত্| তদ্ঘৃতমরুণাদীনাং পঞ্চানাং বিষনাশনম্| কাকাদন্যাঃ কাকমাচ্যা চ স্বরসেন শৃতং ঘৃতঞ্চারুণাদীনাং পঞ্চানাং বিষনাশনম্|| ৪২||

Adhikarana cacchundure (43) · Śloka 43

ক্লমশ্রুচ্ছুন্দরেণোগ্রো গ্রীবাস্তম্ভো বিষচিকা| যবনালর্ষভক্ষারম্ বৃহত্যৌ বাঽত্র পাযযেত্||৪৩||

চচ্ছুন্দরাখ্যেন ক্লমাদিবিষূচিকান্তম্| তত্র যবনালক্ষারাদিকং পাযযেত্| যবনালক্ষারো যবক্ষারঃ|| ৪৩||

Adhikarana rasAle (44) · Śloka 44

গ্রীবাস্তম্ভো রসালেন বেদনা দংশমণ্ডলে| লিহ্যান্মহাগদং তত্র ঘৃতমাক্ষিকসংযুতম্||৪৪||

রসালাখ্যেন গ্রীবাযাঃ স্তম্বো দংশমণ্ডলে বেদনা চ| তত্র মহাগদাখ্যমগদং ঘৃতমাক্ষিকসংযুতং লিহ্যাত্| মহাগদাখ্যোঽগদঃ সর্পবিষপ্রতিষেধোক্তঃ|| ৪৪||

Adhikarana sasheShaviShalakShaNaM cikitsa ca (45) · Śloka 45

সশেষং মূষিকবিষং প্রকুপ্যত্যভ্রদর্শনে| যথাযথং বা কালেষু দোষাণাং বৃদ্ধিহেতুষু| তত্র সর্বে যথাবস্থং প্রযোজ্যাঃ স্যুরুপক্রমাঃ| যথাস্বং যে চ নির্দিষ্টাস্তথা দূষীবিষাপহাঃ||৪৫||

যন্মূষিকবিষং চিকিত্সযা নিশ্শেষং ন নিরস্তং তদভ্রদর্শনে প্রকুপ্যতি| অথবা যেনৈব দোষেণাধিকং যন্মূষিকবিশং তত্তস্য বৃদ্ধিহেতুষু কোলোষ্বাযুষ্কামীযোক্তেশু প্রকুপ্যতি| তত্র সশেষবিষবৃদ্ধৌ অবস্থানতিক্রমেণ যথাদোষঞ্চ নির্দিষ্টা উপক্রমা প্রযোজ্যাঃ স্যুঃ| তথা দূষীবিষাপহাশ্চোপক্রমাঃ| ইতি মূষিকবিষোপক্রমঃ|| ৪৫||

Adhikarana alarkaviShacikitsA (46) · Śloka 46

দংশন্ত্বলর্কদষ্টস্য দগ্ধমুষ্ণেন সর্পিষা| প্রদিহ্যাদগদৈস্তৈস্তৈঃ পুরাণং চ ঘৃতং পিবেত্||৪৬||

অলর্কদষ্টস্য দংশং দংশব্রণং উষ্ণেন সর্পিষা দগ্ধ্বা তৈস্তৈর্নানাবিধৈরগদৈঃ প্রদিহ্যাত্| পুরাণং পঞ্চসংবত্সরাতীতঞ্চ ঘৃতং পিবেত্| অথবা ব্রণস্যোপরিপ্রত্যক্পুষ্পীরসো নিষ্পীড্যঃ| প্রযুক্পুষ্পী অপামার্গঃ||৪৬||

Adhikarana tilAdikalkaH (47) · Śloka 47

তিলগুগ্গুলুদূর্বাণাং দাডিমস্য গুডস্য চ| কল্কো মুহুর্মুহুর্লেপঃ শ্বদংশবিষজিত্পরম্||৪৭||

তিলাদীনাং কল্কেন মুহুর্মুহুর্লেপঃ পরং শ্বদংশবিষজিত্|| ৪৭||

Adhikarana daMshabandhanam (48) · Śloka 48

নলমূলং জলে পিষ্টং পানলেপনযোর্হিতম্| মাতুলুঙ্গচ্ছদৈর্দংশং বধ্নীযাদ্দন্তচর্বিতৈঃ||৪৮||

নলমূলমিত্যাদি সুবোধম্| দন্তৈশ্চর্বিতানি যানি মাতুলুঙ্গপত্রাণি তৈর্দংশং বধ্নীযাত্|| ৪৮||

Adhikarana virecanam (49) · Śloka 49

অর্কক্ষীরযুতং চাস্য যোজ্যমাশু বিরেচনম্||৪৯||

অস্য চালর্কদষ্টস্যর্কক্ষীরযুক্তং যোগ্যং বিরেচনমাশু যুঞ্জ্যাত্||৪৯||

Adhikarana shvetapunarnavAdiyogaH (50) · Śloka 50

পিবেত্ পুনর্নবাং শ্বেতাং ধুর্ধূরকফলান্বিতম্||৫০||

শ্বেতাং শুক্লপুষ্পাং পুনর্নবাং ধুর্ধূরকফলৈর্যুক্তাং পিবেত্|| ৫০||

Adhikarana dhattUraPalayogAH (51) · Śloka 51

ফলং ধুর্ধূরকান্মূলং কাকোদুম্বরিকোদ্ভবম্| শীধুনা শ্ববিষং হন্তি পীতং বা তণ্ডুলাম্বুনা||৫১||

ধুর্ধূরকফলং কাকোদুম্বরিকামূলং চ শীধুনা বা তণ্ডুলাম্বুনা বা পীতং শ্ববিষং হন্তি|| ৫১||

Adhikarana palalAdiyogaH (52) · Śloka 52

একধ্যং পললং তৈলং রূপিকাযাঃ পযো গুডঃ| ভিনত্তি বিষমলর্কং ঘনবৃন্দমিবানিলঃ||৫২||

পললাদিকমৈকধ্যং মিশ্রযিত্বা প্রযুক্তমালর্কং বিষং ভিনত্তি| যথা ঘনসমূহং বাযুঃ| রূপিকাঃ অর্কঃ|| ৫২||

Adhikarana lashunAdiyogaH (53) · Śloka 53

লশুনোষণবৈদেহী বরা গোপিত্তকল্কিতাঃ| পাননস্যাঞ্জনালেপৈঃ শ্বদষ্টস্যৌষধং পরম্||৫৩||

লশুনাদিকং গোপিত্তকল্কিতং পানাদিভিঃ পরং শ্বদষ্টৌষধম্| বৈদেহী পিপ্পলী|| ৫৩||

Adhikarana jalavetasapatrAdikvAthaH (54) · Śloka 54

জলবেতসপত্রত্বঙ্মূলং ক্ষুণ্ণং পচেজ্জলে| সক্বাথঃ শীতলঃ পীতঃ পরং শ্ববিষভেষজম্| তত্সিদ্ধং চ ঘ্রুতং পাননস্যাভ্যঞ্জনলেপনম্| জলত্রাসে সমস্তে চ বিষে তদ্গরুডোপমম্||৫৪||

জলবেতসপত্রাদিক্বাথঃ সুবোধঃ| তত্সিদ্ধমিতি জলবেতসপত্রাদিসিদ্ধং ঘৃতং পানাদিপ্রযোগাজ্জলত্রাসে সর্ববিষেষু চ গরুডোপমম্|| ৫৪||

Adhikarana yavamAShAdi ghRutam (55) · Śloka 55

যবমাষকুলত্থানাং পঞ্চমূলস্য চাম্ভসি| ক্ষীরদ্বিগুণিতে সর্পিঃ সাধ্যেচ্ছ্লক্ষ্ণকল্কিতৈঃ| অশ্বগন্ধাসহাকুষ্ঠবৃহতীরজনীদ্বযৈঃ| বিদারীনতকট্বঙ্গপযস্যাসিন্দুবারকৈঃ| সর্পগন্ধানখাভীরুশর্করারক্তচন্দনৈঃ| শ্বদংষ্ট্রোপদ্রবান্ সর্বান্ পানাভ্যঙ্গৈর্ন্নিহন্তি তত্||৫৫||

যবাদীনাং পঞ্চমূলান্তানাং ক্বাথে দ্বিগুণক্ষীরে অশ্বগন্ধাদিভিঃ শ্লক্ষ্ণকল্কিতৈঃ সর্পিঃ সাধযেত্| তদ্ঘৃতং সর্বান্ শুনো দংষ্ট্রযা কৃতানুপদ্রবান্ নিহন্তি|| ৫৫||

Adhikarana hRudvidAhAdau kramaH (56) · Śloka 56

হৃদ্বিদাহে প্রসেকে চ বিরেকবমনে ভৃশম্| বিষদোষহরে যোজ্যে শুদ্ধে সংসর্জনক্রমঃ||৫৬||

অলর্কদষ্টে চ যদি হৃদ্বিদাহঃ প্রসেকশ্চ ভবতি| তত্র বিষদোষহরে বিরেকবমনে ভৃশং যোজ্যে| তস্য চ শুদ্ধে হৃদি সংসর্জনক্রমঃ|| ৫৬||

Adhikarana saMshodhanaM tIkShNameva deyam (57) · Śloka 57

দদ্যাত্ সংশোধনং তীক্ষ্ণমবশ্যং বিষনাশনম্| অশুদ্ধস্য নিরূঢেঽপি ব্রণে কুপ্যতি তদ্বিষম্||৫৭||

তত্র যদা সংশোধনং দদ্যাত্তদাবশ্যমেব তীক্ষ্ণৈরেব নাতিক্ষ্ণৈর্যস্মাদসম্যক্ শুদ্ধস্য নিরূঢেঽপি ব্রণে তদ্বিষং কুপ্যতি|| ৫৭||

Adhikarana snapanam (58) · Śloka 58

সরত্নবীজৌষধিভিঃ কুম্ভৈঃ শীতাম্বুপূরিতৈঃ| অষ্তোত্তরশতং বারান্ সিদ্ধমন্ত্রাভিমিন্ত্রিতৈঃ| অষ্টোত্তরশতোন্মানৈঃ পুষ্পমালাবগুণ্ঠিতৈঃ| গোচর্মমাত্রকে লিপ্তে জ্বলিতাগ্নৌ কুশাস্তৃতে| স্থণ্ডিলে সরিতস্তীরে স্নানং বাস্য চতুষ্পথে||৫৮||

অস্য চালর্কদষ্টস্য্ সরিতস্তীরে বা চতুষ্পথে বা স্থণ্ডিলে ভূপ্রদেশে গোচর্মমাত্রস্থানে লিপ্তে জ্বলিতাগ্নৌ কুশৈশ্চাস্তৃতে সরত্নবীজাদিভিঃ কুম্ভৈর্ঘটৈঃ স্নানং স্যাত্| রত্নৈর্বীজৈর্দ্ধান্যৈশ্চৌষধৈশ্চ সহ যে বর্তন্তে তে তথোক্তঃ| যে চ কুম্ভাঃ সিদ্ধমন্ত্রেণাষ্টত্তরং শতং বারানভিমন্ত্রিতাস্তৈঃ| যে জলেন পূর্ণাঃ সন্তস্তে| যে অষ্টোত্তরং শতমুন্মানেন ভবন্তি, তৈঃ কলশৈঃ|| ৫৮||

Adhikarana alarkaviShe mantraH (59) · Śloka 59

অলর্কাধিপতে যক্ষ সারমেযগণাধিপ| অলর্কজুষ্টমেতং মে নির্বিষং কুরু মাচিরাত্| স্বাহেতি মন্ত্রোঽলর্কার্ত্তে সর্বকর্মসু শস্যতে||৫৯||

অলর্কাধিপত ইত্যাদি স্বাহান্তো মন্ত্রোলর্কার্ত্তে পুরুষে সর্বকর্মসু শস্যতে| হে অলর্কাভিধান, অধিপতে স্বামিন্, হে যক্ষগণানাং সারমেযগণানাং চাধিপ| এনমলর্কজুষ্টং মে নির্বিষং কুরু মাচিশত্ শীঘ্রং স্বাহেতি মন্ত্রপদম্|| ৫৯||

Adhikarana nakhadantakShatam (60) · Śloka 60

চতুষ্পাদ্ভির্দ্বিপার্দ্ভির্বা নখদন্তপরিক্ষতম্| শূযতে পচ্যতে রাগজ্বরস্ত্রাবরুজান্বিতম্||৬০||

চতুষ্পাদ্ভিঃ প্রাণিভিঃ দ্বিপাদ্ভিশ্চ মনুষ্যাদিভির্নখপরিক্ষতং দন্তপরিক্ষতঞ্চ রাগাদ্যন্বিতং সচ্ছূযতে পচ্যতে চ|| ৬০||

Adhikarana nakhadantaviShe yogaH (61-46) · Śloka 46

সোমবল্কোঽশ্বকর্ণশ্চ গোজিহ্বা হংসপাদিকা| রজন্যৌ গৈরিকং লেপো নখদন্তবিষাপহঃ||৬১|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে মূষিকালর্ক প্রতিষেধো নাম ষট্চত্বারিংশোঽধ্যাযঃ||৪৬||

সোমবল্কাদিনা লেপো নখদন্তবিষাপহঃ| সোমবল্কঃ কট্ফলত্বক্| হংসপদী প্রসিদ্ধৈব| অশ্বকর্ণো মধুস্রবা পূর্বদেশে প্রসিদ্ধঃ| ('নখদন্তবিষাপহ ইত্যত্র মনুষ্যাণাং দন্তনখক্ষতং বিষমন্যত্র মৈথুনাদিত্যাস্তিকাঃ, ইতি জেজ্জটঃ)|| ৬১|| ইতি শ্রীমন্মহামহোপাধ্যাযেন্দুবিরচিতাযা মষ্টাঙ্গসংগ্রহব্যাখ্যাযাং শশিলেখাযা মুত্তরতন্ত্রে ষট্চত্বারিংশোঽধ্যাযঃ