Adhikarana atha nAsArogavij~jAnIyo nAma trayoviMsho~adhyAyaH - pratij~jA (1) · Śloka 1
অথাতো নাসারোগবিজ্ঞানীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो नासारोगविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
ঊর্ধ্বাঙ্গপ্রসন্ঙ্গেন নাসারোগাণাং হেত্বাদিকং প্রদর্শযিতুমধ্যায আরভ্যতে||১||
Adhikarana pratiSyAyanidAnaM samprAptiSca (2) · Śloka 2
অবশ্যাযানিলরজোভাষ্যাতিস্বপ্নজাগরৈঃ| নীচাত্যুচ্চোপধানেন পীতেনান্যেন বারিণা| অত্যম্বুপানরমণচ্ছর্দিবাষ্পগ্রহাদিভিঃ| ক্রৃদ্ধা বাতোল্বণা দোষা নাসাযাং স্ত্যানতাঙ্গতাঃ| জনযন্তি প্রতিশ্যাযং বর্ধমানং ক্ষযপ্রদম্||২||
अवश्यायानिलरजोभाष्यातिस्वप्नजागरैः| नीचात्युच्चोपधानेन पीतेनान्येन वारिणा| अत्यम्बुपानरमणच्छर्दिबाष्पग्रहादिभिः| क्रृद्धा वातोल्बणा दोषा नासायां स्त्यानताङ्गताः| जनयन्ति प्रतिश्यायं वर्धमानं क्षयप्रदम्||२||
🔊 Audio coming soon
অবশ্যাযাদিভির্হেতুভির্বাতোল্বণাস্ত্রযো দোষা নাসাযাং কুপিতাস্তত্রৈব স্ত্যানতাং সংহতত্বং প্রাপ্তাঃ প্রতিশ্যাযাখ্যং রোগং জনযন্তি| স চ বর্ধমান উপেক্ষযা ক্ষযং দদাতি| অবশ্যাযঃ প্রদোষে জলং শীতমন্তরিক্ষাত্ পতত্| রজঃ ক্ষিতিরজো ধূলিঃ| অতিশব্দঃ স্বপ্নজাগরাভ্যাং সম্বধ্যতে| উপধানশব্দঃ শয্যাযাঃ শিরোনিষ্যন্দনপর্যাযো নীচাত্যুচ্চাভ্যাম্| অন্যেন বিজাতীযেন বারিণা পীতেনার্থাদন্যস্মিন্ পীতে| অত্যম্বুপানেনাত্যম্বুরমণেন ছর্দিবাষ্পগ্রহাদিভিশ্চ| আদিগ্রহণেন বেগরোধাদীনাং গ্রহণম্||২||
Adhikarana vAtapratishyAyalakShaNam (3) · Śloka 3
তত্র বাতাত্প্রতিশ্যাযে মুখশোষো ভৃশং ক্ষবঃ| ঘ্রাণোপরোধনিস্তোদদ্ন্তশঙ্খশিরোব্যথাঃ| কীটকা ইব সর্পন্তি মন্যতে পরিতো ভ্রুবৌ| স্বরসাদশ্চিরাত্পাকঃ শিশিরাচ্ছকফস্রুতিঃ||৩||
तत्र वातात्प्रतिश्याये मुखशोषो भृशं क्षवः| घ्राणोपरोधनिस्तोदद्न्तशङ्खशिरोव्यथाः| कीटका इव सर्पन्ति मन्यते परितो भ्रुवौ| स्वरसादश्चिरात्पाकः शिशिराच्छकफस्रुतिः||३||
🔊 Audio coming soon
তত্রেত্যাদিনাঽধিকদোষবিশেষবশেন প্রতিশ্যাযাদীনাং লক্ষণমুচ্যতে| মুখশোষাদিশিশিরাচ্ছাফস্রুত্যন্তং বাতপ্রতিশ্যাযলক্ষণম্| প্রতিশ্যাযানাং পাক ইহৈব বক্ষ্যমাণলক্ষণঃ||৩||
Adhikarana pittapratiSyAyalakShaNam (4) · Śloka 4
পিত্তাত্তৃষ্ণাজ্বরঘ্রাণপিটকাসম্ভবভ্রমাঃ| নাসাগ্রপাকো রূক্ষোষ্ণতাম্রপীতকফস্রুতিঃ||৪||
पित्तात्तृष्णाज्वरघ्राणपिटकासम्भवभ्रमाः| नासाग्रपाको रूक्षोष्णताम्रपीतकफस्रुतिः||४||
🔊 Audio coming soon
তৃষ্ণাদিকং রূক্ষাদিগুণকফস্রুত্যন্তং পিত্তাত্প্রতিশ্যাযে ভবতি||৪||
Adhikarana kaPapratiSyAyalakShaNam (5) · Śloka 5
কফাত্কাসো রুচিঃ শ্বাসো বমথুর্গাত্রগৌরবম্| মাধুর্যং বদনে কণ্ডূঃ স্নিগ্ধশুক্লকফস্রুতিঃ||৫||
कफात्कासो रुचिः श्वासो वमथुर्गात्रगौरवम्| माधुर्यं वदने कण्डूः स्निग्धशुक्लकफस्रुतिः||५||
🔊 Audio coming soon
কাসাদিস্নিগ্ধাদিস্রুত্যন্তং কফাত্ প্রতিশ্যাযে||৫||
Adhikarana tridoShajapratiSyAyalakShaNam (6) · Śloka 6
সর্বজো লক্ষণৈঃ সর্বৈরকস্মাদ্ধদ্ধিশান্তিমান্||৬||
सर्वजो लक्षणैः सर्वैरकस्माद्धद्धिशान्तिमान्||६||
🔊 Audio coming soon
যস্তু সর্বদোষজঃ প্রতিশ্যাযঃ সর্বৈরনন্তরোক্তৈর্বাতাদিপ্রতিশ্যাযলক্ষণৈর্যুক্তো ভবতি| স চাঽকস্মাদহেতুর্হান্যা বৃদ্ধ্যা চ যুক্তো ভবতি||৬||
Adhikarana raktapratiSyAyalakShaNam (7) · Śloka 7
দুষ্ট নাসাসিরাঃ প্রাপ্য প্রতিশ্যায়ং করোত্যসৃক্| উরসঃ সুপ্ততা তাম্রনেত্রত্বং শ্বাসপূতিতা| কণ্ডূঃ শ্রোত্রাক্ষিনাসাসু পিত্তোক্তং চাত্র লক্ষণম্||৭||
दुष्ट नासासिराः प्राप्य प्रतिश्याय़ं करोत्यसृक्| उरसः सुप्तता ताम्रनेत्रत्वं श्वासपूतिता| कण्डूः श्रोत्राक्षिनासासु पित्तोक्तं चात्र लक्षणम्||७||
🔊 Audio coming soon
অসৃগ্রক্তং বাতাদিদূষণৈর্দুষ্টং নাসাসিরাঃ প্রাপ্য প্রতিশ্যাযং করোতি| অত্র চ রক্তপ্রতিশ্যাযে উরসঃ সুপ্ততাদি পিত্তপ্রতিশ্যাযোক্তং লক্ষণম্||৭||
Adhikarana duShTapratiSyAyalakShaNam (8) · Śloka 8
সর্ব এব প্রতিশ্যাযা দুষ্টতাং যান্ত্যুপেক্ষিতাঃ| যথোক্তোপদ্রবাধিক্যাত্স সর্বেন্দ্রিযতাপনঃ| সাগ্নিসাদজ্বরশ্বাসকাসোরঃপার্শ্ববেদনঃ| কুপ্যত্যকস্মাদ্বহুশো মুখদৌর্গন্ধ্যশোষকৃত্| নাসিকাক্লেদসংশোষশুদ্ধিরোধকরো মুহুঃ| পূযোপমাসিতা রক্তগ্রথিতশ্লেষ্মসংস্রুতিঃ| মূর্চ্ছন্তি চাত্র কৃমযো দীর্ঘস্নিগ্ধসিতাণবঃ||৮||
सर्व एव प्रतिश्याया दुष्टतां यान्त्युपेक्षिताः| यथोक्तोपद्रवाधिक्यात्स सर्वेन्द्रियतापनः| साग्निसादज्वरश्वासकासोरःपार्श्ववेदनः| कुप्यत्यकस्माद्बहुशो मुखदौर्गन्ध्यशोषकृत्| नासिकाक्लेदसंशोषशुद्धिरोधकरो मुहुः| पूयोपमासिता रक्तग्रथितश्लेष्मसंस्रुतिः| मूर्च्छन्ति चात्र कृमयो दीर्घस्निग्धसिताणवः||८||
🔊 Audio coming soon
সর্ব এবানন্তরোক্তাঃ প্রতিশ্যাযা উপেক্ষিতাঃ সন্তো দুষ্টপ্রতিশ্যাযতাম্ যান্তি| স চ দুষ্টপ্রতিশ্যাযো যথোক্তানামুপদ্রবাণাং মুখশোষাদীনাং প্ররূষত্বেনাধিক্যাত্ সর্বেন্দ্রিযাণাং তাপন উপতাপকরো ভবতি| অগ্নিসাদাদিযুতশ্চ| স চ দুষ্টপ্রতিশ্যাযোঽকস্মাদিবাতিশযেন কুপ্যতি মুখদৌর্গন্ধ্যাদিকৃচ্চ ভবতি| মুহুঃ প্রতিক্ষণং নাসিকাযাঃ ক্লেদশ্চ শোষশ্চ শুদ্ধিশ্চ রোধং করোতি পূযোপমাদিগুণশ্লেষ্মসংস্রুতিশ্চ ভবতি| অত্র চ দুষ্টপ্রতিশ্যাযে কফস্রুতৌ দীর্ঘাদিরূপাঃ কৃমযো মূর্চ্ছন্তি সমুচ্ছ্রাযং লভন্তে অণবো লঘুপ্রমাণাঃ||৮||
Adhikarana pakvapratiSyAyalakShaNam (9) · Śloka 9
পক্বলিঙ্গানি তেষ্বঙ্গলাঘবং ক্ষবথোঃ শমঃ| শ্লেষ্মা সুচিক্কণঃ পীতো জ্ঞানং চ রসগন্ধযোঃ||৯||
पक्वलिङ्गानि तेष्वङ्गलाघवं क्षवथोः शमः| श्लेष्मा सुचिक्कणः पीतो ज्ञानं च रसगन्धयोः||९||
🔊 Audio coming soon
তেষু চ সর্বেষু প্রতিশ্যাযেষু পক্বেষ্বঙ্গলাঘবাদিকং লিঙ্গম্||৯||
Adhikarana bhRushakShavalakShaNam (10) · Śloka 10
তীক্ষ্ণাঘ্রাণোপযোগার্করশ্মিসূত্রতৃণাদিভিঃ| বাতকোপিভিরন্যৈর্বা নাসিকাতরুণাস্থনি| বিঘট্টিতেঽনিলঃ ক্রুদ্ধো রুদ্ধঃ শ্রৃঙ্গাটকং ব্রজন্| নিবৃত্তঃ কুরুতেঽত্যর্থং ক্ষবথুং স ভৃশক্ষবঃ||১০||
तीक्ष्णाघ्राणोपयोगार्करश्मिसूत्रतृणादिभिः| वातकोपिभिरन्यैर्वा नासिकातरुणास्थनि| विघट्टितेऽनिलः क्रुद्धो रुद्धः श्रृङ्गाटकं व्रजन्| निवृत्तः कुरुतेऽत्यर्थं क्षवथुं स भृशक्षवः||१०||
🔊 Audio coming soon
তীক্ষ্ণাঘ্রাণাদিভির্নাসিকাযাস্তরুণাস্থনি মৃদ্বস্থনি বিঘট্টিতে ক্ষুণ্ণে সত্যনিলঃ ক্রুদ্ধো যদি কেনচিদ্ধেতুনা রুদ্ধো ভবতি তদা স রুদ্ধঃ সন্ বহিঃ প্রতিনিবৃত্ত্যান্তঃ শ্রৃঙ্গাটকাখ্যং নাসাস্রোতো ব্রজন্নেব নিবৃত্তঃ সন্নত্যর্থং ক্ষবথুঃ কুরুতে| স রোগো নাম্না ভৃশক্ষবঃ| উপযোগশব্দস্তীক্ষ্ণেন সম্বধ্যতে| আদিশব্দ এবঞ্জাতীযগ্রহণার্থঃ||১০||
Adhikarana nAsikASoShalakShaNam (11) · Śloka 11
শোষযন্নাসিকাস্রোতঃ কফং চ কুরুতেঽনিলঃ| শূকপূর্ণাভনাসাত্বং কৃচ্ছ্রাদুচ্ছ্বসনং ততঃ| স্মৃতোঽসৌ নাসিকাশোষঃ........................||১১||
शोषयन्नासिकास्रोतः कफं च कुरुतेऽनिलः| शूकपूर्णाभनासात्वं कृच्छ्रादुच्छ्वसनं ततः| स्मृतोऽसौ नासिकाशोषः........................||११||
🔊 Audio coming soon
স্বহেতুভিঃ ক্রুদ্ধোঽনিলো নাসিকাস্রোতঃ শোষযন্ কফঞ্চ শোষযন্ প্রথমং শূকপূর্ণাভনাসাত্বং কুরুতে| ততঃ কৃচ্ছ্রাদুছ্বসনমসৌ রোগো নাম্না নাসিকাশোষঃ স্মৃতঃ||১১||
Adhikarana nAsAnAhalakShaNam (12) · Śloka 12
........................ংআসানাহে তু জাযতে| নদ্ধত্বমিব নাসাযাঃ শ্লেষ্মরুদ্ধেন বাযুনা| নিঃশ্বাসোচ্ছ্বাসসংরোধাত্স্রোতসী সংবৃতে ইব||১২||
........................ंआसानाहे तु जायते| नद्धत्वमिव नासायाः श्लेष्मरुद्धेन वायुना| निःश्वासोच्छ्वाससंरोधात्स्रोतसी संवृते इव||१२||
🔊 Audio coming soon
নাসানাহাখ্যে তু রোগে নাসাযা নদ্ধত্বমিব জাযতে| কেন হেতুনেত্যাহ-শ্লেষ্মরুদ্ধেন বাযুনা| তত্র চ নাসানাহে নিঃশ্বাসোচ্ছ্বাসযো রোধান্নাসাস্রোতসী সংবৃতে পিহিতে ইব ভবতঃ||১২||
Adhikarana ghrANapAkalakShaNam (13) · Śloka 13
পচেন্নাসাপুটে পিত্তং ত্বঙ্মাংসং দাহশূলবত্| স ঘ্রাণপাকঃ...................................||১৩||
पचेन्नासापुटे पित्तं त्वङ्मांसं दाहशूलवत्| स घ्राणपाकः...................................||१३||
🔊 Audio coming soon
পিত্তং স্বহেতুনা নাসাপুটে কুপিতং দাহশুলাভ্যাং যুক্তং তত্রৈব ত্বঙ্মাংসং পচেত্ স রোগো নাম্না ঘ্রাণপাকঃ||১৩||
Adhikarana nAsAsrAvalakShaNam (14) · Śloka 14
..........স্রাবস্তু তত্সংজ্ঞং শ্লেষ্মসম্ভবঃ| অচ্ছো জলোপমোঽজস্রং বিশেষান্নিশি জাযতে||১৪||
..........स्रावस्तु तत्संज्ञं श्लेष्मसम्भवः| अच्छो जलोपमोऽजस्रं विशेषान्निशि जायते||१४||
🔊 Audio coming soon
যস্তু শ্লেষ্মসম্ভবোঽচ্ছত্বাদিগুণো নাসাযাঃ স্রাবঃ স তত্সংজ্ঞে রোগো নাম্না স্রাবঃ| অজস্রং সন্ততম্| স চ স্রাবো নিশি বিশেষাজ্জাযতে||১৪||
Adhikarana avInasalakShaNam (15) · Śloka 15
কফঃ প্রবৃদ্ধো নাসাযাং রুদ্ধ্বা স্রোতাংস্যবীনসম্| কুর্যাত্সঘুর্ঘুরশ্বাসং পীনসাধিকবেদনম্| অবেরিব স্রবত্যস্য প্রক্লিন্না তেন নাসিকা| অজস্রং পিচ্ছিলং শীতং পক্বং সিঙ্ঘাণকং ঘনম্||১৫||
कफः प्रवृद्धो नासायां रुद्ध्वा स्रोतांस्यवीनसम्| कुर्यात्सघुर्घुरश्वासं पीनसाधिकवेदनम्| अवेरिव स्रवत्यस्य प्रक्लिन्ना तेन नासिका| अजस्रं पिच्छिलं शीतं पक्वं सिङ्घाणकं घनम्||१५||
🔊 Audio coming soon
নাসাযাং স্বহেতোঃ প্রবৃদ্ধঃ কফঃ স্রোতাংসি রুদ্ধ্বা অবীনসাখ্যং রোগং কুর্যাত্| কিম্ভূতমাহ-সঘুর্ঘুরশ্বাসম্| পীনসাখ্যাদ্রোগাদধিকবেদনম্| তেনাবীনসাখ্যেন প্রক্লিন্না সতী নাসিকা অবের্মেষস্যেবাজস্রমবিচ্ছিন্নং স্রবতি| কিং স্রবতীত্যাহ-পিচ্ছিলাদিগুণং সিঙ্ঘাণকং নাসাকফং স্রবতি||১৫||
Adhikarana dIptilakShaNam (16) · Śloka 16
রক্তেন নাসা দগ্ধেব বাহ্যান্তঃ স্পর্শনাসহা| ভবেদ্ধূমোপমোচ্ছ্বাসা সা দীপ্তির্দহতীব চ||১৬||
रक्तेन नासा दग्धेव बाह्यान्तः स्पर्शनासहा| भवेद्धूमोपमोच्छ्वासा सा दीप्तिर्दहतीव च||१६||
🔊 Audio coming soon
রক্তেন ক্রুদ্ধেন দগ্ধেব নাসা ভবেদ্বাহ্যান্তঃস্পর্শনাসহা ধূমোপমোচ্ছ্বাসা চ ভবেত্| স রোগো নাম্না দীপ্তিঃ| সম্ভবাচ্চাশ্রযং দহতীব||১৬||
Adhikarana pUtinAsAlakShaNam (17) · Śloka 17
তালুমূলে মলৈর্দুষ্টে মারুতো মুখনাসিকাত্| শ্লেষ্মা চ পূতির্নির্গচ্ছেত্পূতিনাসং বদন্তি তম্||১৭||
तालुमूले मलैर्दुष्टे मारुतो मुखनासिकात्| श्लेष्मा च पूतिर्निर्गच्छेत्पूतिनासं वदन्ति तम्||१७||
🔊 Audio coming soon
তালুমূলমাশ্রিত্য মলৈর্বাতাদিভির্দুষ্টে মুখাচ্চ নাসিকাতশ্চ পূতির্মারুতে নির্গচ্ছেত্ কফশ্চ পূতির্নির্গচ্ছেত্| তং রোগমাচার্যাঃ পূতিনাসং নাম্না বদন্তি||১৭||
Adhikarana pUyaraktalakShaNam (18) · Śloka 18
নিচযাদভিঘাতাদ্বা পূযাসৃঙ্নাসিকা স্রবেত্| তত্পূযরক্তমাখ্যাতং শিরোদাহরুজাকরম্||১৮||
निचयादभिघाताद्वा पूयासृङ्नासिका स्रवेत्| तत्पूयरक्तमाख्यातं शिरोदाहरुजाकरम्||१८||
🔊 Audio coming soon
নিচযাত্ সন্নিপাতাদভিঘাতাদ্বা হেতোর্নাসিকা পূযমসৃক্চ স্রবেত্| তত্পূযাসৃক্ শিরোদাহরুজাকরম্| নাম্না পূযরক্তমিত্যাচার্যৈরাখ্যাতম্|| ১৮||
Adhikarana puTakalakShaNam (19) · Śloka 19
পিত্তশ্লেষ্মাবরুদ্ধোন্তর্নাসাযাং শোষযেন্মরুত্| কফং স শুষ্কঃ পুটতাং প্রাপ্নোতি পুটকং তু তত্||১৯||
पित्तश्लेष्मावरुद्धोन्तर्नासायां शोषयेन्मरुत्| कफं स शुष्कः पुटतां प्राप्नोति पुटकं तु तत्||१९||
🔊 Audio coming soon
পিত্তশ্লেষ্মভ্যাং কর্তৃভ্যামেবান্তর্নাসং বাযুরবরুদ্ধঃ কফং শোষযেত্| স কফঃ শুষ্কঃ পুটতাং শুষ্কত্বাচ্চর্মাকৃতিত্বং প্রাপ্নোতি| এবংবিধো রোগঃ পুটকমিত্যুচ্যতে|| ১৯||
Adhikarana nAsArSo~arbudalakShaNam (20) · Śloka 20
অর্শোর্বুদানি বিভজেদ্দোষলিঙ্গৈর্যথাযথম্||২০||
अर्शोर्बुदानि विभजेद्दोषलिङ्गैर्यथायथम्||२०||
🔊 Audio coming soon
অর্শাংস্যর্বুদানি চ নাম্না প্রসিদ্ধান্ মাসাঙ্কুরান্যাযথং যথাস্বমারম্ভকবাতাদিদোষলিঙ্গৈর্বিভজেত্| বহুবচনং মাংসাঙ্কুরণামনেকত্বাপেক্ষযা ||২০||
Adhikarana nAsArogasAdhAraNalakShaNam (21) · Śloka 21
সর্বেষু কৃচ্ছ্রোচ্ছ্বসনং পীনসং প্রততং ক্ষুতম্| সানুনাসিকবাদিত্বং পূতিনাসঃ শিরোব্যথা||২১||
सर्वेषु कृच्छ्रोच्छ्वसनं पीनसं प्रततं क्षुतम्| सानुनासिकवादित्वं पूतिनासः शिरोव्यथा||२१||
🔊 Audio coming soon
সর্বেষু চ নাসারোগেষু কৃচ্ছ্রোচ্ছ্বসনাদি সাধারণং লিঙ্গম্||২১||
Adhikarana sAdhyAsAdhyatAnirdeSaH (27-23) · Śloka 23
অষ্টাদশানামিত্যেষাং যাপযেদ্দষ্টপীনসম্||২৭|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে নাসরোগবিজ্ঞানীযো নাম ত্রযোবিংশোঽধ্যাযঃ||২৩||
अष्टादशानामित्येषां यापयेद्दष्टपीनसम्||२७|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे नासरोगविज्ञानीयो नाम त्रयोविंशोऽध्यायः||२३||
🔊 Audio coming soon
এষাঞ্চ রোগাণাং বাতপ্রতিশ্যায, পিত্তপ্রতিশ্যায, কফপ্রতিশ্যায, ভৃশক্ষব, নাসাশোষ, নাসানাহ, ঘ্রাণপাক, স্রাব, অবীনস, দীপ্তি, পূতিনাস, পূযরক্ত, পুটক, অর্শ, অর্বুদাখ্যা অষ্টাদশ রোগা উক্তাঃ| তেষাং রোগাণাং মধ্যে দুষ্টপীনসং যাপযেত্| শেষাঃ সাধ্যা ইত্যর্থাদিতি|| ২৭|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে ত্রযোবিংশোঽধ্যাযঃ||