6. pratyēkagrahapratiṣēdhaḥ

Adhikarana atha pratyekagrahapratiShedho nAma ShaShTho~adhyAyaH - avataraNikA · Śloka

ಸಾಮಾನ್ಯೇನ ಸರ್ವಗ್ರಹಾಣಾಂ ಸ್ನಪನಮುಕ್ತ್ವಾ ವಿಶೇಷೇಣ ಪ್ರತ್ಯೇಕಂ ಚಿಕಿತ್ಸಾಂ ಪ್ರದರ್ಶಯಿತುಮಧ್ಯಾಯ ಆರಭ್ಯತೇ||

Adhikarana pratij~jA (1) · Śloka 1

ಅಥಾತಃ ಪ್ರಯೇಕಗ್ರಹಪ್ರತಿಷೇಧಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana skandagrahacikitsA - guggulvAdipradeha pariShekAbhya~ggaH (2(1)) · Śloka 2

ಸ್ಕನ್ದಗ್ರಹೇ ಗುಗ್ಗುಲ್ವೇಲಾವಾಲುಕಮನಶಿಶಲಾಹರಿತಾಲಮಞ್ಜಿಷ್ಠೋ- ಶೀರರಾಸ್ನಾಗರುದೇವದಾರುಶ್ರೀವೇಷ್ಟಕಹರೇಣೂಗಿರಿಕದಮ್ಬಕಚನ್ದನೈಃ ಶ್ಲಕ್ಷ್ಣಪಿಷ್ಟೈಃ ಪ್ರದೇಹೋ ವಾತಹರವೃಕ್ಷಪತ್ರಕ್ವಾಥೇನ ಕವೋಷ್ಣೇನ ಪರಿಷೇಕಸ್ತೇಷಾಮೇವ ಚ ಮೂಲಕ್ವಾಥೇ ಸರ್ವಗನ್ಧಸುರರಾಮಣ್ಡಾಕೈಡರ್ಯಾವಾಪವತ್ತೈಲಂ ವಿಪಕ್ವಮಭ್ಯಙ್ಗಃ| (೧)|೨|

ಸ್ಕನ್ದಗ್ರಹೇ ಗುಗ್ಗುಲ್ವಾದಿಭಿಃ ಶ್ಲಕ್ಷ್ಣಪಿಷ್ಟೈಃ ಪ್ರದೇಹಃ| ಏಲವಾಲೂಕಂ ಮಾಲೂಕಮ್| ಶ್ರೀವೇಷ್ಟಕಂ ಧೂಪದ್ರವ್ಯಮ್| ಗಿರಿಕದಮ್ಬಕೋ ಭೂಕದಮ್ಬಕಃ ಭೂಕದಮ್ಬಕಃ| ವಾತಹರವೃಕ್ಷಾಣಾಂ ಭದ್ರದಾರ್ವಾದೀನಾಂ ಪತ್ರಕ್ವಾಥೇನ ಕೋಷ್ಣೇನ ಪರಿಷೇಕಃ| ತೇಷಾಮೇವ ಚ ವಾತಹರವೃಕ್ಷಾಣಾಮ್ ಮೂಲಕ್ವಾಥೇ ಸರ್ವಗನ್ಧದ್ಯಾವಾಪತತ್ತೈಲಂ ವಿಪಕ್ವಮಭ್ಯಙ್ಗಃ| ಆವಾಪಃ ಕಲ್ಕಃ| ಸರ್ವಾಣಿ ಗನ್ಧದ್ರವ್ಯಾಣಿ ಯಥಾ ಲಾಭಮ್| ಕೈಡರ್ಯಂ ಸುರಭಿಪತ್ರಮ್||೨(೧)||

Adhikarana bRuhatyAditailamabhya~ggArthe (2(2)) · Śloka 2

ಬೃಹತೀದ್ವಯದ್ವಿಪುನರ್ನವರೇಣುಕೋಪಕುಲ್ಯಾಮುಸ್ತಖದಿರವಚಾಶಙ್ಖನಾಭಿಸರಲಸರ್ಪಸುಗನ್ಧಾಸುರಾಹ್ವಕಲ್ಕವಿಪಕ್ವಂ ವಾ| (೨)|೨|

ಅಥವಾ ಬೃಹತ್ಯಾದಿಭಿರ್ವಿಪಕ್ವಂ ತೈಲಮಭ್ಯಙ್ಗಃ| ರೇಣುಕಾ ಹರೇಣೂಃ| ಉಪಕುಲ್ಯಾ ಪಿಪ್ಪಲೀ| ಸರ್ಪಸುಗನ್ಧಾ ನಾಕುಲೀ| ಸುರಾಹ್ವಂ ದೇವದಾರು|| ೨(೨)||

Adhikarana kShIrivRukShAdighRutaM pAnArthe (2(3)) · Śloka 2

ಕ್ಷೀರಿವೃಕ್ಷಕಷಾಯೇಣ ಕ್ಷೀರೇಣ ಚ ಸಿದ್ಧಮರ್ಧಪಲಿಕೈಶ್ಚ ಪಿಷ್ಟೈಃ ಶಾರಿವಾದ್ವಿಕಾಕೋಲೀದ್ವಿಬಲಾಂಶುಮತೀದ್ವಯಹಸ್ತಿಕರ್ಣಪರ್ಣೈರ್ಘೃತ- ಪ್ರಸ್ಥಂ ಪಾನಮ್| (೩)|೨|

ಕ್ಷೀರಿವೃಕ್ಷಾಣಾಂ ವಟಾದೀನಾಂ ಕ್ವಾಥೇನ ಕ್ಷೀರೇಣ ಚ ತತ್ಸರ್ವಮೇಕತಃ ಕೃತ್ವಾ ಶಾರಿವಾದಿಭಿಶ್ಚಾರ್ಧಪಲಿಕೈಃ ಪಿಷ್ಟೈಃ ಘೃತಪ್ರಸ್ಥಂ ಸಿದ್ಧಂ ಪಾನಮ್| ಅಂಶುಮತೀ ಸಾಲಪರ್ಣೀ|| ೨(೩)||

Adhikarana rAsnAdisarpiHpAnam (2(4)) · Śloka 2

ರಾಸ್ನಾದೇವದಾರ್ವನ್ಯತರಕಲ್ಕೇನ ವಾ ಸಕ್ಷೀರಂ ಸಾಧಿತಂ ಸರ್ಪಿಃ| (೪)|೨|

ಅಥವಾ ರಾಸ್ನಾದೇವದಾರುಭ್ಯಾಮನ್ಯತರಸ್ಯ ಕಲ್ಕೇನ ಸಕ್ಷೀರಂ ಸರ್ಪಿಃ ಸಾಧಿತಂ ಪಾನಮ್||೨(೪)||

Adhikarana dhUpayogau (2 (5)) · Śloka 2

ವಚಾಕಾಕಾದನೀಸರ್ಪಕಞ್ಚುಕಸರ್ಷಪೈರುಷ್ಟ್ರಾಜಾವ್ಯಶ್ವಗೋರೋಮಭಿಶ್ಚ ಸಘೃತೈರ್ಧೂಪಃ| ಸಿದ್ಧಾರ್ಥಕಸರ್ಜರಸಕುಷ್ಠಹಿಙ್ಗುಗುಗ್ಗುಲುಭಿರ್ವಾ (೫)|೨|

ವಚಾದಿಭಿರುಷ್ಟ್ರಾದಿಲೋಮಭಿಶ್ಚ ಸಘೃತೈರ್ಧೂಪಃ| ಸಿದ್ಧಾರ್ಥಕಾದಿಭಿರ್ವಾ ಸಘೃತೈರ್ಧೂಪಃ|| ೨ (೫)||

Adhikarana auShadhidhAraNam (2(6)) · Śloka 2

ಸೋಮವಲ್ಲೀನ್ದ್ರವಲ್ಲೀಶಮೀಬಿಲ್ವವನ್ದಾಕಮೃಗಾದಿನೀಮೂಲಾನಿ ಸೂತ್ರೇಣ ಗ್ರಥಿತಾನಿ ಕಣ್ಠೇನ ಶಿರಸಾ ವಾ ಧಾರಯೇತ್| (೬)|೨|

ಸೋಮವಲ್ಯಾದೀನಾಂ ಮೂಲಾನಿ ಸೂತ್ರೇಣ ಗ್ರಥಿತಾನಿ ಬದ್ಧಾನಿ ಕಣ್ಠೇನ ಶಿರಸಾ ವಾ ಧಾರಯೇತ್| ಸೋಮವಲ್ಲೀ ಗುಡೂಚೀ| ಇನ್ದ್ರವಲ್ಲೀ ಏನ್ದ್ರೀ| ಬನ್ದಾಕೋ ವೃಕ್ಷಾದಿನೀ| ಮೃಗಾದಿನೀ ಗವಾಕ್ಷೀ|| ೨(೬)||

Adhikarana baliH (2(7)) · Śloka 2

ರಕ್ತಮಾಲ್ಯಾನುಲೇಪವಸ್ರಪತಾಕಾಮಣಿಬೀಜೈರ್ವಿವಿಧೈಶ್ಚ ಭಕ್ಷ್ಯೈಃ ಸದಧಿಘೃತಮಧುಲಾಜಕುಲ್ಮಾಷಮಾಂಸಮತ್ಸ್ಯಸುರಾಸವಂ ಸಮಯೂರಕು- ಕ್ಕುಟಂ ಸಘಣ್ಟಾಕಂ ಸಶೂರ್ಪವ್ಯಜನಞ್ಚ ಕುಮಾರಗ್ರಹೇ ರಕ್ತೌದನೇನ ಬಲಿಮುಪೋಷಿತೋ ನಿವೇದಯೇತ್| (೭)|೨|

ಉಪೋಷಿತಶ್ಚ ರಕ್ತಮಾಲ್ಯಾದಿಭಿರ್ಬಲಿಂ ಬಾಲಗ್ರಹೇ ನಿವೇದಯೇತ್| ರಕ್ತಶಬ್ದೋ ಲೋಹಿತವರ್ಣವಾಚೀ ಮಾಲ್ಯಾನುಲೇಪನಾಭ್ಯಾಂ ಸಮ್ಬಧ್ಯತೇ| ಪತಾಕಾ ವೈಜಯನ್ತೀ| ಬೀಜಾನಿ ಸಸ್ಯಾನಿ| ಸದಧೀತ್ಯಾದಿ ಬಲಿವಿಶೇಷಣಮ್| ಕುಲ್ಮಾಷಃ ಸ್ವಿನ್ನಸಸ್ಯಮ್||೨(೭)||

Adhikarana samantrako homaH (2(8)) · Śloka 2

ತತ್ರ ಚ ರಾತ್ರಾವಿಗ್ನಿಂ ಜ್ವಾಲಯಿತ್ವಾ ಮನ್ತ್ರಮಿಮಂ ಪಠನ್ ಮಧುಸರ್ಪಿಷಾ ಜುಹುಯಾತ್| ಅಗ್ನಯೇ ಕೃತ್ತಿಕಾಭ್ಯಶ್ಚ ಸ್ವಾಹಾಸ್ವಾಹೇತಿ ಚಾನ್ತತಃ| ನಮಃ ಸ್ಕನ್ದಾಯ ದೇವಾಯ ಗ್ರಹಾಧಿಪತಯೇ ನಮಃ| ಶಿರಸಾ ತ್ವಾಭಿವನ್ದೇಹಂ ಪ್ರತಿಗೃಹ್ಣೀಷ್ವ ಮೇ ಬಲಿಮ್| ನೀರುಜೋ ನಿರ್ವಿಕಾರಶ್ಚ ಶಿಶುರ್ಭವತು ಸರ್ವದಾ| ಸ್ವಾಹೇತಿ| (೮)|೨|

ತತ್ರ ಚ ಕುಮಾರಗ್ರಹೇ ರಾತ್ರಾವಗ್ನಿಂ ಜ್ವಾಲಯಿತ್ವಾ ಮನ್ತ್ರಮಿಮಗ್ನಯೇ ಕೃತ್ತಿಕಾಭ್ಯಶ್ಚೇತ್ಯಾದಿ ಪಠನ್ ಮಧುಸರ್ಪಿಷಾ ಮಿಶ್ರೇಣಾಗ್ನಿಂ ಜುಹುಯಾತ್| ಸ್ವಾಹಾ ಸ್ವಾಹೇತ್ಯನೇನಾಗ್ನಯೇ ಸ್ವಾಹಾ ಕೃತ್ತಿಕಾಭ್ಯಶ್ಚ ಸ್ವಾಹೇತ್ಯುಕ್ತಮ್| ಸರ್ವತ್ರ ಸ್ವಾಹೇತ್ಯೇವಮನ್ತೋ ಮನ್ತ್ರಃ|| ೨(೮)||

Adhikarana prasa~ggAtsAmAnyanirdeshaH (2(9)) · Śloka 2

ಸರ್ವೇಷ್ವೇವ ಗ್ರಹೇಷು ತ್ರಿಕಾಲಮಗ್ನಿಂ ಪೂಜಯೇತ್ತರ್ಪಯೇಚ್ಚ| ವಿಶೇ- ಷತಃ ಸ್ಕನ್ದಗ್ರಹೇ ತ್ರಿರಾತ್ರಂ ಚ ರಾತ್ರೌ ರಾತ್ರೌ ಗಾಯತ್ರ್ಯಭಿಮನ್ತ್ರಿತೋದ- ಕೇನ ಚತ್ವರೇ ಧಾತ್ರೀಕುಮಾರಯೋಃ ಸ್ನಪನಮಾಚರೇತ್| (೯)|೨|

ಸರ್ವೇಷ್ವೇವ ಗ್ರಹೇಷು ತ್ರಿಕಾಲಂ ಪ್ರಾತರ್ಮಧ್ಯಾಹ್ನೇ ಸಾಯಂ ಚಾಗ್ನಿಂ ಪೂಜಯೇತ್ಪುಷ್ಪಾದಿನಾ| ವಿಶೇಷತಃ ಇತ್ಯಾದಿ ಸುಬೋಧಮ್|| ೨(೯)||

Adhikarana pratisarAmantraH (2(10)) · Śloka 2

ತ್ರಿಕಾಲಂ ಚ ಮನ್ತ್ರೇಣಾನೇನ ಬಾಲಮಪಮಾರ್ಜಯೇತ್ ಪ್ರತಿಸರಾಂ ಚ ಬಧ್ನೀಯಾತ್| ತಪಸಾಂ ತೇಜಸಾಂ ಚೈವಂ ಯಶಸಾಂ ವಪುಷಾಂ ತಥಾ| ವಿಧಾತಾ ಯೋಽವ್ಯಯೋ ದೇವಃ ಸ ತೇ ಸ್ಕನ್ದಃ ಪ್ರಸೀದತು| ಗ್ರಹಸೇನಾಪತಿರ್ದೇವೋ ದೇವಸೇನಾಪತಿರ್ವಿಭುಃ| ದೇವಸೇನಾರಿಪುಹರಃ ಪಾತು ತ್ವಾ ಭಗವಾನ್ ಗುಹಃ| ದೇವದೇವಸ್ಯ ಮಹತಃ ಪಾವಕಸ್ಯ ಚ ಯಃ ಸುತಃ| ಗಙ್ಗೋಮಾಕೃತ್ತಿಕಾನಾಂ ಚ ಸ ತೇ ಶರ್ಮ ಪ್ರಯುಚ್ಛತು| ರಕ್ತಮಾಲ್ಯಾಮ್ಬರಃ ಶ್ರೀಮಾನ್ ರಕ್ತಚನ್ದನಭೂಷಿತಃ| ರಕ್ತಾದಿತ್ಯವಪುರ್ದೇವಃ ಪಾತು ತ್ವಾ ಕ್ರೌಞ್ಚಸೂದನಃ| (೧೦)||೨||

ತ್ರಿಕಾಲಮನೇನ ವಕ್ಷ್ಯಮಾಣೇನ ತಪಸಾಮಿತ್ಯಾದಿನಾ ಮನ್ತ್ರೇಣ ಬಾಲಮಪಮಾರ್ಜಯೇತ್ ಮಾರ್ಜನಂ ಚ ಕುರ್ಯಾತ್| ಅನೇನೈವ ಮನ್ತ್ರೇಣ ಪ್ರತಿಸರಾಂ ಸೂತ್ರವೇಣಿಕಾಂ ಚ ಬಧ್ನೀಯಾತ್| ತಪಸಾಮಿತ್ಯಾದಿಭಿಶ್ಚತುರ್ಭಿಃ ಶ್ಲೋಕೈರ್ಮನ್ತ್ರಃ| ಇತಿ ಸ್ಕನ್ದಗ್ರಹೇ||೨(೧೦)||

Adhikarana vishAkhAgrahacikitsA (3) · Śloka 3

ವಿಶಾಖೇ ಸ್ಕನ್ದಗ್ರಹೋಕ್ತೋ ವಚಾಕುಷ್ಠಾನ್ವಿತಃ ಪ್ರದೇಹೋ ಗೋಲೋಮೀಬಿಲ್ವಶಿರೀಷಮುಸ್ತಸುರಸಾದಿಕ್ವಾಥೇನ ಪರಿಷೇಕಃ| ಸರ್ಪಸುಗನ್ಧಾದೇವದಾರುಕುಷ್ಠಮುಸ್ತಾಕಲ್ಕೇನ ಸಗೋಮೂತ್ರಬಸ್ತಮೂತ್ರೇಣ ಸಿದ್ಧಂ ತೈಲಮಭ್ಯಙ್ಗಃ| ಕ್ಷೀರಿವೃಕ್ಷಕಷಾಯೇಣ ಜೀವನೀಯಗರ್ಭಂ ಸಪಯಸ್ಕಂ ಸರ್ಪಿಃ ಸಿದ್ಧಂ ಪಾನಮ್| ಜೀವಕರ್ಷಭಕಕ್ಷೀರಿಣೀಬೃಹತೀಹರಿದ್ರಾಂಶುಮತೀದ್ವಯಕೈರ್ವಾ ವಿದಾರೀದ್ವಯತವಕ್ಷೀರೀಮೃದ್ವೀಕಾಮಧುಕರಾಸ್ನಾನೀಲೋತ್ಪಲಕನ್ದವ- ಚಾವ್ಯೋಷೈರ್ವಾ| ಗೃಧ್ರೋಲೂಕಪುರೀಷವೃಷಭರೋಮಕೇಶಹಸ್ತಿನಖೈರ್ಘೃತಾಕ್ತೈರ್ಧೂಪಃ| ಅನನ್ತಾ ಕುಕ್ಕುಟೀಮರ್ಕಟೀಬಿಮ್ಬೀಸಮಙ್ಗಾಶ್ವೇತಗಿರಿಕರ್ಣಿಕಾಃ ಪೂರ್ವೋಕ್ತಾನಿ ಚ ಪೂರ್ವವತ್ ಧಾರಯೇತ್| ಪಕ್ವಾಮಮಾಂಸರುಧಿರದಧಿವಾರುಣೀಯುಕ್ತೋ ವಟವೃಕ್ಷೇ ಬಲಿಶ್ಚ- ತುಷ್ಪಥೇ ಸ್ನಾನಮ್| ಮನ್ತ್ರಶ್ಚ -- ಸ್ಕನ್ದಾಪಸ್ಮಾರಸಂಜ್ಞೋ ಯಃ ಸ್ಕನ್ದಸ್ಯ ದಯಿತಃ ಸಖಾ| ವಿಶಾಖಸಂಜ್ಞಃ ಸ ಶಿಶೋಃ ಶಿವೋಸ್ತು ವಿಕೃತಾನನಃ||೩||

ವಿಶಾಖಾಖ್ಯೇ ಗ್ರಹೇ ಸ್ಕನ್ದೋಕ್ತೋ ಗುಗ್ಗುಲ್ವಾದಿರ್ವಚಾಕುಷ್ಠಾಭ್ಯಾಂ ಯುಕ್ತಃ ಪ್ರದೇಹಃ| ಗೋಲೋಮ್ಯಾದಿಯುಕ್ತಸುರಸಾದಿಗಣಕ್ವಾಥೇನ ಪರಿಷೇಕಃ| ಗೋಲೀಮೀ ದೂರ್ವಾ| ಸರ್ಪಸುಗನ್ಧಾದಿಕಲ್ಕೇನ ಗೋವಸ್ತಮೂತ್ರೇಣ ಚ ಸಿದ್ಧಂ ತೈಲಮಭ್ಯಙ್ಗಃ| ಸರ್ಪಸುಗ್ಗನ್ಧಾ ನಾಕುಲೀ| ವಸ್ತಮೂತ್ರಂ ಛಾಗಮೂತ್ರಮ್| ಕ್ಷೀರಿವೃಕ್ಷಾಣಾಂ ಕ್ವಾಥೇನ ಜೀವನೀಯಗಣಂ ಗರ್ಭಂ ದತ್ವಾ ಸಕ್ಷೀರಂ ಸಿದ್ಧಂ ಸರ್ಪಿಃಪಾನಮ್| ಜೀವಕಾದಿಭಿರ್ವಾ ಸಿದ್ಧಂ ಸರ್ಪಿಃ ಪಾನಮ್| ಕ್ಷೀರಿಣೀ ಕ್ಷೀರಿಕಾ| ಅಂಶುಮತೀದ್ವಯಂ ಪೃಶ್ನಿಪರ್ಣೀ ಸಾಲಪರ್ಣೀ ಚ| ವಿದಾರ್ಯಾದಿಭಿರ್ವಾ ಸಿದ್ಧಂ ಸರ್ಪಿಃ ಪಾನಮ್| ಗುಧ್ರಪುರೀಷಾದಿಭಿಘೃರ್ತಾಕ್ತೈರ್ಧೂಪಃ ಕಾರ್ಯಃ| ಕೇಶಾ ಮನುಷ್ಯಸ್ಯ| ಅನನ್ತಾದೀನಿ ಚ ಪೂರ್ವೋಕ್ತಾನಿ ಸ್ಕನ್ದಗ್ರಹೋಕ್ತಾನಿ ಸೋಮವಲ್ಲ್ಯಾದೀನಿ ಚ ಪೂರ್ವವದಿತಿ ಸೂತ್ರೇಣ ಬದ್ಧ್ವಾ ಕಣ್ಠೇನ ಶಿರಸಾ ವಾ ಧಾರಯೇತ್| ಪಕ್ವಾಮಮಾಂಸಾದಿಯುಕ್ತೋ ವಟವೃಕ್ಷೇ ಬಲಿಶ್ಚತುಷ್ಪಥೇ ಸ್ನಾನಮ್| ಸ್ಕನ್ದಾಪರಮಾರ ಇತ್ಯಾದಿಶ್ಲೋಕೇನ ಮನ್ತ್ರಃ| ಇತಿ ವಿಶಾಖೇ|| ೩||

Adhikarana naigameShagrahacikitsA (4) · Śloka 4

ನೈಗಮೇಷೇ ವಿಶಾಖೋಕ್ತಃ ಪ್ರದೇಹೋಽಗ್ನಿಮನ್ಥವರುಣನಲರೋಹಿಷಪೂತೀಕಪಾರಿಭದ್ರಕೈಃ ಪರಿಷೇಕೋ ಧಾನ್ಯಮ್ಲೇನ ಸಬೀಜೇನ ಗುಗ್ಗುಲು ಅಶ್ವಗನ್ಧಾಸರ್ಷಪೋಶೀರಶ್ವೇತಾಕುಷ್ಠಶತಾಹ್ವಾವಿಪಕ್ವಂ ತೈಲಮಭ್ಯಙ್ಗಃ| ದಶಮೂಲಕ್ವಾಥೇ ಮಧುರಸ್ಕನ್ಧಗರ್ಭಂ ಸಕ್ಷೀರಂ ಸರ್ಪಿಃಪಾನಮ್| ಸರ್ಪಗನ್ಧಾಬಸ್ತನಖರೋಮಭಿರ್ಧೂಪಃ| ಸರ್ಪಗನ್ಧಾಬಸ್ತಗನ್ಧಾತುಮ್ಬೀ- ಮೃಗೋರ್ವಾರುಶತಾವರೀಸಹದೇವಾ ಪುನರ್ನವಬೀಜಾನಿ ಧಾರಯೇತ್| ವಿಚಿತ್ರಮಾಲ್ಯಫಲಶುಕ್ಲವಿಲೇಪನೌದನದಧಿಧೃತಗುಡಕ್ಷೀರೈಃ ಮಹಾಪಥೇ ಕ್ಷೀರಿದ್ರುಮೇ ವಾ ಬಲಿಃ| ನದೀತೀರೇ ಸ್ನಾನಮ್| ಮನ್ತ್ರಶ್ಚ -- ಅಜಾನನಶ್ಚಲಾಕ್ಷಿಭ್ರೂಃ ಕಾಮರೂಪೀ ಮಹಾಯಶಾಃ| ಬಾಲಂ ಬಾಲಹಿತೋ ದೇವೋ ನೈಗಮೇಷೋಽಭಿರಕ್ಷತು| ಸ್ವಾಹಾ||೪||

ನೈಗಮೇಷೋ ಮೇಷಾಸ್ಯ ಇತಿ ಪರ್ಯಾಯೌ| ತಸ್ಮಿನ್ ವಿಶಾಖೋಕ್ತೋ ವಚಾಕುಷ್ಠಾನ್ವಿತೋ ಗುಗ್ಗುಲ್ವಾದಿಪ್ರದೇಹಃ| ಅಗ್ನಿಮನ್ಥಾದಿಭಿಃ ಪರಿಷೇಕಃ| ರೋಹಿಷಃ ಪ್ಲೀಹಘ್ನಃ| ಪಾರಿಭದ್ರಕೋ ನಿಮ್ಬತರುಃ| ಧಾನ್ಯಾಮ್ಲಾದಿಭಿಃ ಪಕ್ವಂ ತೈಲಮಭ್ಯಙ್ಗಃ| ಧಾನ್ಯಾಮ್ಲಸ್ಯ ಬೀಜಮಧೋಽವಸ್ಥಿತಂ ತೇನ ಸಹ| ಶ್ವೇತಾ ಕಟಭೀ| ಶತಾಹ್ವಾ ಶತಪುಷ್ಪಾ| ದಶಮೂಲಸ್ಯ ಕ್ವಾಥೇ ಮಧುರಸ್ಕನ್ಧಂ ಸೂತ್ರೋಕ್ತಂ ಗರ್ಭಂ ದತ್ವಾ ಸಕ್ಷೀರಂ ಸರ್ಪಿರ್ವಿಪಕ್ವಂ ಪಾನಮ್| ಸರ್ಪಗನ್ಧಾದಿಭಿಶ್ಚ ಧೂಪಃ| ಸರ್ಪಗನ್ಧಾದೀನಿ ಪೂರ್ವವದ್ಧಾರಯೇತ್| ಬಸ್ತಗನ್ಧಾಽಜಗನ್ಧಾ| ತುಮ್ಬೀ ಕಟುಕಾಲಾಬುನೀ| ಮೃಗೋರ್ವಾರುರ್ಗವಾಕ್ಷೀ| ಸಹದೇವಾ ಬಲಾ| ವಿಚಿತ್ರಮಾಲ್ಯಾದಿಭಿರ್ಮಹಾಪಥೇ ರಾಜಮಾರ್ಗೇ ಕ್ಷೀರಿದ್ರುಮೇ ವಾ ಬಲಿಃ| ನದೀತೀರೇ ಸ್ನಾನಮ್| ಮನ್ತ್ರಶ್ಚಾಜಾನನ ಇತಿ ಶ್ಲೋಕಃ| ಇತಿ ಮೇಷಾಸ್ಯೇ||೪||

Adhikarana shvagrahe cikitsA (5) · Śloka 5

ಶ್ವಗ್ರಹೇ ಗವಾಕ್ಷೀಬ್ರಹ್ಮದತ್ತಾಬೃಹತೀದ್ವಯಶಾರಿವಾಹ್ನೀವೇರಕುಷ್ಠಭೂಮಿ- ಕದಮ್ಬಸುರಸಮಞ್ಜರೀಕರವೀರಪುಷ್ಪೈಃ ಪ್ರದೇಹಃ| ಮಯೂರೋಲೂಕಾಶ್ವ ಮಹಿಷೀಪುರೀಷರೋಮಭಿಶ್ಚ| ಬಿಲ್ವೈರಣ್ಡನಕ್ತಮಾಲಾರಲುಕಪತ್ರಕ್ವಾಥಃ ಪರಿಷೇಕಃ| ವಯಸ್ಥಾಶತಾವರೀಶಾರಿವಾಪಯಸ್ಯೈರಣ್ಡಸಹದೇವಾ ತ್ರಿಕಟುಕಕಲ್ಕಕ್ಷೀರಸಿದ್ಧಂ ತೈಲಮಭ್ಯಙ್ಗಃ| ತಥೈವ ಚ ಘೃತಂ ಪಾನಮ್| ಗೋವಸ್ತಮೂತ್ರಭಾವಿತಶುಷ್ಕಮತ್ಸ್ಯಚೂರ್ಣೋ ನಿಶೀಥೇ ಧೂಪಃ| ವಚಾವಯಸ್ಥಾಬ್ರಾಹ್ಮೀಜಟಿಲಾಗೋಲೋಮೀಲಮ್ಬಾಪೂತನಾಕೇಶೀಗಿರಿ- ಕದಮ್ಬಕೇಕೈಷೀಕಾಸಹದೇವೀರ್ಧರಯೇತ್| ಸಘೃತಸುರಾಮಾಂಸದಧಿರುಧಿರಪಲಲಶ್ಚತ್ವರೇ ಬಲಿಃ| ಅಙ್ಕರಕೂಟೇ ಸ್ನಾನಮ್| ಮನ್ತ್ರಶ್ಚ ರಕ್ಷಾರ್ಥಂ ಕಾರ್ತಿಕೇಯಸ್ಯ ಕೃತ್ತಿಕೋಮಾಗ್ನಿಶೂಲಿಭಿಃ| ಯೋಽಸೌ ಶ್ವವಿಗ್ರಹಃ ಸೃಷ್ಟಃ ಸ ದೇವಸ್ತ್ವಾಭಿರಕ್ಷತು| ಸ್ವಾಹಾ||೫||

ಶ್ವಗ್ರಹೇ ಗವಾಕ್ಷ್ಯಾದಿಭಿಃ ಪ್ರದೇಹಃ| ಬ್ರಹ್ಮದತ್ತಾ| ಹ್ರೀಬೇರಂ ವಾಲಕಮ್| ಭೂಮಿಕದಮ್ಬಕಮ್ ಗಿರಿಕದಮ್ಬಕಮ್| ಸುರಸಸ್ಯ ಮಞ್ಜರೀ ತಥೋಕ್ತಾ| ಮಯೂರಪುರೀಷಾದಿಭಿರ್ಲೇಪಃ| ಬಿಲ್ವಾದಿಪತ್ರಕ್ವಾಥಃ ಪರಿಷೇಕಃ| ನಕ್ತಮಾಲಃ ಕರಞ್ಜಃ| ಅರಲುಕೋ ಮಯೂರಜಙ್ಘಃ| ವಯಸ್ಥಾದಿಕಲ್ಕೇನ ಕ್ಷೀರೇಣ ಚ ಸಿದ್ಧಂ ತೈಲಮಭ್ಯಙ್ಗಃ| ತಥೈವ ಚ ವಯಸ್ಥಾದಿಕಲ್ಕಕ್ಷೀರಾಭ್ಯಾಂ ಘೃತಂ ಪಾನಮ್| ವಯಸ್ಥಾ ಆಮಲಕಮ್| ಪಯಸ್ಯಾ ಕ್ಷೀರಿಕಾ| ಸಹದೇವಾ ಬಲಾ| ಶುಷ್ಕಾಣಾಂ ಮತ್ಸ್ಯಾನಾಂ ಚೂರ್ಣೋ ಗೋಬಸ್ತಮೂತ್ರಾಭ್ಯಾಂ ಭಾವಿತೋ ನಿಶೀಥೇಯ್ಽರ್ಧರಾತ್ರೇ ಧೂಪಃ| ವಚಾದಿಕಂ ಧಾರಯೇತ್| ವಯಸ್ಥಾ ಆಮಲಕಮ್| ಬ್ರಾಹ್ಮೀ ಪ್ರಸಿದ್ಧಾ| ಜಟಿಲಾ ಮಾಂಸೀ| ಗೋಲೋಮೀ ದೂರ್ವಾ| ಲಮ್ಬಾ ಕಟುಕಾಲಾಬುನೀ ಪೂತನಾ ಹರೀತಕೀ| ಕೇಶೀ ಗನ್ಧಮಾಂಸೀ| ಕೇಷಾಞ್ಚಿಚ್ಛತಾವರೀ| ಏಕೈಷೀಕಾ ತ್ರಿವೃನ್ಮಯೂರಶಿಖಾ ಚ| ಘೃತಾದಿಯುಕ್ತಃ ಚತ್ವರೇ ತ್ರಿಪಥೇ ಬಲಿಃ| ಸಙ್ಕರಕೂಟೇಽವಕರನಿಕರೇ ಸ್ನಾನಮ್| ರಕ್ಷಾರ್ಥಮಿತ್ಯಾದಿನಾ ಶ್ಲೋಕೇನ ಮನ್ತ್ರಃ| ಇತಿ ಶ್ವಗ್ರಹೇ|| ೫||

Adhikarana pitRugrahacikitsA (6) · Śloka 6

ಪಿತೃಗ್ರಹೇ ಪೂರ್ವೋಕ್ತಃ ಪ್ರದೇಹೋ ವಚಾವಯಸ್ಥಾಜೀವನ್ತೀಧಾತಕೀ- ಪ್ರಿಯಙ್ಗುಗುಗ್ಗುಲುರಾಸ್ನಾಮನಶ್ಶಿಲಾಲೈರ್ವಾ| ವಚಾದಿಭಿರೇವ ಸಿದ್ಧಂ ತೈಲಮಭ್ಯಙ್ಗಃ| ಬಿಲ್ವಕಪಿತ್ಥಕರಞ್ಜತಕ್ಕಾರೀಸುರಸಪಾಟಲೀವರಣಪಾರಿಭದ್ರಕ- ಪಾರಿಜಾತಮಾತುಲುಙ್ಗಪತ್ರಕ್ವಾಥೇನ ರಾತ್ರೌ ಪರಿಷೇಕೋ ಬಿಲ್ವಾದಿಭಿರೇವ ಚ ತೈಲಂ ಸುರಾಬಸ್ತ್ರಮೂತ್ರಯುಕ್ತಂ ಸಾಧಿತಮಭ್ಯಙ್ಗಃ| ತ್ರಿಫಲಾಂಶುಮತೀದ್ವಯಪಯಸ್ಯಾಮಧುಕಕಲ್ಕೇನ ದಶಮೂಲನಿರ್ಯೂಹೇ ಸಕ್ಷೀರಂ ಸರ್ಪಿಃ ಪಕ್ವಂ ಪಾನಮ್| ದೇವದಾರುಭಾರ್ಙ್ಗೀವಿಡಙ್ಗಚ- ನ್ದನಕಾಕೋಲೀದ್ವಯಜೀವಕರ್ಷಭಕೈರ್ವಾ ಸಕ್ಷೀರೈಃ| ಲಕ್ಷ್ಮೀಪುರಕುಷ್ಠಗೋಲೋಮೀಜಟಿಲೋಗ್ರಗನ್ಧಾಭಿಃ ಸಿದ್ಧಂ ತೈಲಂ ನಾವನಮ್| ಏಭಿರೇವ ಚ ಸುರಾಪಿಷ್ಟೈರ್ಲೇಪಃ| ಗೃಧ್ರೋಲೂಕವಾನರರೋಮಾಣಿ ಸಘೃತಾನಿ ತತ್ಪುರೀಷಂ ವಾ ಸುಪ್ತಜನೇ ಧೂಪೋ ವಚಾದಿಭಿರ್ವಾ ಪ್ರದೇಹೋಕ್ತೈಃ ಪೂರ್ವೋಕ್ತೋ ವಾ| ಪೂರ್ವೋಕ್ತಾ ಏವ ಚ ಧಾರಯೇತ್| ಸುರಾಸವಗುಡಾಪೂಪಪಿಷ್ಟತಿಲಕೃತಭಕ್ಷೋ ವೃಕ್ಷಮೂಲೇ ಸವೃಷಭಃ ಕಞ್ಚನಾಕ್ಷಿಯುಗಯುಕ್ತಃ ಸ್ವಯಂ ಪಿತ್ರಾ ಕುಮಾರಸ್ಯ ನಿರ್ವಾಪಣೀಯೋ ಬಲಿಃ| ಕ್ಷೀರಿವೃಕ್ಷಸಮೀಪೇ ಸ್ನಾನಮ್| ಮನ್ತ್ರಶ್ಚ ಯಃ ಪಿತಾ ಸರ್ವಬಾಲಾನಾಂ ಗ್ರಹಾಣಾಂ ಪೂಜಿತೋ ವರಃ| ವೃಕ್ಷಮೂಲೇ ಕೃತಾವಾಸಃ ಸ ತ್ವಾಂ ಪಾತು ಪಿತಾ ಸದಾ| ಸ್ವಾಹಾ||೬||

ಪಿತೃಗ್ರಹೇ ಪೂರ್ವೋಕ್ತಃ ಶ್ವಗ್ರಹೋಕ್ತೋ ಗವಾಕ್ಷ್ಯಾದಿಃ ಪ್ರದೇಹೋ ವಚಾದಿಭಿರ್ವಾ| ವಚಾದಿಭಿರೇವ ಸಿದ್ಧಂ ತೈಲಮಭ್ಯಙ್ಗಃ| ಬಿಲ್ವಾದಿಪತ್ರಕ್ವಾಥೇನ ರಾತ್ರೌ ಪರಿಷೇಕಃ| ತಕ್ಕಾರ್ಯಗ್ನಿಮನ್ಥಃ| ಪಾರಿಭದ್ರಕೋ ನಿಮ್ಬಃ| ಪಾರಿಜಾತೋ ದೇವದಾರುಃ| ಬಿಲ್ವಾದಿಭಿರೇವ ಚ ಸುರಾಬಸ್ತಮೂತ್ರಯುಕ್ತಂ ಸಾಧಿತಂ ತೈಲಮಭ್ಯಙ್ಗಃ| ದಶಮೂಲಕ್ವಾಥೇ ತ್ರಿಫಲಾದೀನಾಂ ಕಲ್ಕೇನ ಸಕ್ಷೀರಂ ಪಕ್ವಂ ಸರ್ಪಿಃ ಪಾನಮ್| ಪಯಸ್ಯಾ ಕ್ಷೀರಿಕಾ| ದೇವದಾರ್ವಾದಿಭಿರ್ವಾ ಸಕ್ಷೀರಂ ಪಕ್ವಂ ಸರ್ಪಿಃ ಪಾನಮ್| ಲಕ್ಷ್ಮ್ಯಾದಿಭಿಃ ಸಿದ್ಧಂ ತೈಲಂ ನಾವನಮ್| ಸುರಾಪಿಷ್ಟೈಸ್ತೈರೇವ ಚ ಲೇಪಃ| ಲಕ್ಷ್ಮೀ ಋದ್ಧಿಃ ಶಮೀ ಪದ್ಮಚಾರಿಣೀ ಚ| ಗೋಲೋಮೀ ದೂರ್ವಾ| ಜಟಿಲಾ ಮಾಂಸೀ| ಉಗ್ರಗನ್ಧಾ ವಚಾ| ಗೃಧ್ರಾದಿಲೋಮಾನಿ ಘೃತಾಕ್ತಾನಿ ಗೃಧ್ರಾದೀನಾಂ ಪುರೀಷಂ ವಾ ಸುಪ್ತಜನೇ ಘನಾಯಾಂ ರಾತ್ರೌ ಧೂಪಃ| ಅಥವಾ ವಚಾದಿಭಿಃ ಪ್ರದೇಹಪಠಿತೈರ್ಧೂಪಃ| ಪೂರ್ವೋಕ್ತಃ ಶ್ವಗ್ರಹೋಕ್ತೋ ವಾ ಮೂತ್ರಭಾವಿತಮತ್ಸ್ಯಚೂರ್ಣೋ ಧೂಪಃ| ಪೂರ್ವೋಕ್ತಾ ಏವ ಲಕ್ಷ್ಮ್ಯಾದ್ಯಾ ಧಾರಯೇತ್| ಕುಮಾರಸ್ಯ ಪಿತ್ರಾ ವೃಕ್ಷಮೂಲೇ ಸುರಾದಿಯುಕ್ತಃ ಸ್ವರ್ಣಮಯೇನ ಚಾಕ್ಷಿಯುಗೇನ ಯುಕ್ತೋ ಬಲಿಃ ಸ್ವಯಂ ನಿರ್ವಾಪಣೀಯೋ ನಿವೇದನೀಯಃ| ಕ್ಷೀರಿವೃಕ್ಷಸ್ಯ ಸಮೀಪೇ ಸ್ನಾನಮ್| ಯಃ ಪಿತೇತ್ಯಾದಿನಾ ಶ್ಲೋಕನ ಮನ್ತ್ರಃ| ಇತಿ ಪಿತೃಗ್ರಹೇ|

Adhikarana shukunigrahacikitsA (7) · Śloka 7

ಶಕುನ್ಯಾಂ ಮಧುಕಹ್ರೀವೇರೋಶೀರಶಾರಿವಾಪದ್ಮಕೋತ್ಪಲಮಞ್ಜಿ- ಷ್ಠಾಲೋಧ್ರಪ್ರಿಯಙ್ಗುಗೈರಿಕೈಃ ಪ್ರದೇಹಃ| ಸುರಾಮೂತ್ರಪಿಷ್ಟೈರ್ವಾ ಲೋಧ್ರಯಷ್ಟೀ- ಮಧುಕಮಞ್ಜಿಷ್ಠಾಹರೀತಕೀದೇವರಾರುಭಿರ್ವ್ರಣೋಕ್ತಾಶ್ಚ ಪ್ರದೇಹಾಃ| ವೇತಸಾಮ್ಲಕಪಿತ್ಥೈಃ ಸಪಞ್ಚಮೂಲೈರ್ವಾ| ಶುಕ್ತಿಶಙ್ಖಾಶಮ್ಬೂಕ- ಭಸ್ಮ-ಮಞ್ಜಿಷ್ಠಾಭಯಾಮಧುಕೈಸ್ತೈಲಂ ಪಕ್ವಂ ವ್ರಣರೋಪಣಮ್| ಕ್ಷೀರಿತರುಭಿಃ ಪರಿಷೇಕೋ ಮಾರ್ಕವಮೂಲಕಾಮಲಕೀತ್ವಕ್ಪತ್ರ- ಪ್ರಿಯಙ್ಗುಮನಶ್ಶಿಲಾಲೈಲಾದ್ವಯಯಷ್ಟೀಕ್ರಮುಕಲೋಧ್ರಧಾತಕೀಶಾರಿ- ವಾಞ್ಜನೋತ್ಪಲಪತ್ತಙ್ಗಸಮಙ್ಗಾದ್ವಿಹರಿದ್ರಾಮಾಂಸೀಮಞ್ಜಿಷ್ಠಾಚನ್ದನಪದ್ಮ- ಕಸುವರ್ಣಗೈರಿಕೈಸ್ತೈಲಂ ಸಪಯಸ್ಕಂ ಪಕ್ವಮಾಭ್ಯಙ್ಗೋ ಗ್ರಹಹಾ ವ್ರಣರೋಪಣಶ್ಚ| ಅರ್ಜುನಫಲಲೋಧ್ರಮಧುಕೋದುಮ್ಬರವಚಾಚೂರ್ಣಃ ಕ್ಷೌದ್ರಯುಕ್ತೋ ಮುಖ- ಪಾಕೇ ಮುಖೋದ್ಧರ್ಷಃ| ವಿಶಾಖೋಕ್ತಂ ಸರ್ಪಿಃಪಾನಮ್| ಸ್ಕನ್ದೋಕ್ತೋ ಧೂಪಃ| ಕಾಕಾಪಿಚ್ಛೇನ ವಾ ಗೋಬಾಲೋಗ್ರಗನ್ಧಾ ರಕ್ಷೋಘ್ನಘೃತ- ಮಯೂರಚನ್ದ್ರಕೈರ್ವಾ| ಕಟಮ್ಭರಾಕುಕ್ಕುಟೀಮರ್ಕಟೀಲಮ್ಬಾಸಹದೇವಹ್ರೀವೇರೋಶೀರಾಣೀ ಧಾರಯೇತ್| ನಾಗದನ್ತೀಲಕ್ಷ್ಮಣಾಬೃಹತೀದ್ವಯಮೃಗೋರ್ವಾರುಶತಾವರೀ- ಸಹದೇವಾ ವಾ| ತಿಲತಣ್ಡುಲಮತ್ಸ್ಯಮನಶಿಶಲಾಹರಿತಾಲಸಮ್ಪೃಕ್ತಸ್ತಿಲಪಿ- ಷ್ಟಕೃತಶಕುನಿಕೈಃ ಕರಞ್ಜೇ ಬಲಿರ್ನಿಷ್ಕುಟೇ ಸ್ನಾನಮ್| ಮನ್ತ್ರಶ್ಚ- ಅನ್ತರಿಕ್ಷಚರಾ ದೇವೀ ಸರ್ವಾಲಙ್ಕಾರಭೂಷಿತಾ| ಅಯೋಮುಖೀ ತೀಕ್ಷ್ಣತುಣ್ಡಾ ಶಕುನೀ ತೇ ಪ್ರಸೀದತು| ದುರ್ದರ್ಶನಾ ಮಹಾಕಾಯಾ ಪಿಙ್ಗಾಕ್ಷೀ ಭೈರವಸ್ವರಾ| ಲಮ್ಬೋದರೀ ಶಙ್ಕುಕರ್ಣೀ ಶಕುನೀ ತೇ ಪ್ರಸೀದತು||೭||

ಶಕುನ್ಯಾಖ್ಯೇ ಮಧುಕಾದಿಭಿಃ ಪ್ರದೇಹೋ ಲೇಪಃ| ಅಥವಾ ಸುರಾದಿಪಿಷ್ಟೈರ್ಲೋಧ್ರಾದಿಭಿಃ ಪ್ರದೇಹಃ| ವ್ರಣಪ್ರತಿಷೇಧಿಕ್ತಾಶ್ಚ ಪ್ರದೇಹಾಃ| ವೇತಸಾಮ್ಲಾದಿಭಿರ್ವಾ| ಶುಕ್ತಿಭಸ್ಮಾದಿಭಿಃ ಪಕ್ವಂ ತೈಲಂ ವ್ರಣರೋಪಣಮ್| ಶುಕ್ತ್ಯಾದಿತ್ರಯಂ ಜಲಪ್ರಾಣಿವಿಶೇಷಃ| ಕ್ಷೀರಿವೃಕ್ಷಜಲೈಃ ಪರಿಷೇಕೋ ಮಾರ್ಕವಮೂಲಕಾದಿಭಿಃ ಸಾಧಿತೇನ ತೈಲೇನ ಕೃತೋಽಭ್ಯಙ್ಗಶ್ಚ ಗ್ರಹಹಾ ಭವತಿ ವ್ರಣರೋಪಣಶ್ಚ| ಕ್ರಮುಕಃ ಪಟ್ಟಿಕಾರೋಧ್ರಃ| ಮಾರ್ಕವೋ ಭೃಙ್ಗರಾಜಃ| ಅಜುನಫಲಾದೀನಾಂ ಚೂರ್ಣಃ ಕ್ಷೌದ್ರಯುಕ್ತೋ ಶಾಕುನಿಕೇ ಮುಖಪಾಕೇ ಮುಖೋದ್ಘರ್ಷಃ| ವಿಶಾಖೋಕ್ತಂ ಸರ್ಪಿರ್ಜೀವನೀಯಕ್ವಾಥಕೃತಂ ಜೀವಕಾದಿಕೃತಂ ವಾ| ಸ್ಕನ್ದೋಕ್ತೋ ಧೂಪೋ ವಚಾದಿಃ ಸಿದ್ಧಾರ್ಥಕಾದಿಶ್ಚ| ಕಾಕಸ್ಯ ವಾ ಪಿಚ್ಛೇನ ಪಶ್ಚಿಮಯಾ ಪಕ್ಷಸನ್ತತ್ಯಾ ಗೋವಾಲಾತತ್ಯಾ ಗೋವಾಲಾದಿಭಿರ್ವಾ ಶೂಪಃ| ಉಗ್ರಗನ್ಧಾ ವಚಾ| ಕಟಮ್ಭರಾದೀನಿ ಧಾರಯೇತ್| ಕಟಮ್ಭರಾ ಮಹಾಶ್ವೇತಾ| ಕಟಞ್ಜಟೀತಿ ಚ| ಕುಕ್ಕುಟೀ ಮೇಕವಾಟಿಕೇ ಪ್ರಸಿದ್ಧಾ ರಸಾಯನಾಧ್ಯಾಯೋಕ್ತಲಕ್ಷಣಾ| ಮರ್ಕಟೀ ಕಪಿಕಚ್ಛುಃ| ಸ್ವನಾಮಿಕಾ ಚ| ನಾಗದತ್ನ್ಯಾದಿರ್ವಾ ಧಾರಯೇತ್| ತಿಲಾದಿಭಿಃ ಸಮ್ಪೃಕ್ತಸ್ತಿಲಪಿಷ್ಟಾಭ್ಯಾಂ ಕೃತೈಃ ಶಕುನಿಕೈಃ ಪಕ್ಷಿಭಿಃ ಸಹ ಕರಞ್ಜವೃಕ್ಷೇ ಬಲಿಃ| ನಿಷ್ಕುಟೇ ಗೃಹಾರಾಮೇ ಸ್ನಾನಮ್| ಅನ್ತರಿಕ್ಷಚರೇತ್ಯಾದಿನಾ ಶ್ಲೋಕದ್ವಯೇನ ಮನ್ತ್ರಃ| ಇತಿ ಶಕುನ್ಯಾಖ್ಯೇ ಗ್ರಹೇ|| ೭||

Adhikarana pUtanAgrahacikitsA (8) · Śloka 8

ಪೂತನಾಯಾಂ ಹಿಙ್ಗುವಚಾಗಿರಿಕದಮ್ಬಕುಷ್ಠೈಲಾದ್ವಯಸುರಾಹ್ವೈಃ ಪ್ರದೇಹಃ| ಕಪಿತ್ಥಶಿರೀಷನ್ಯಗ್ರೋಧಬಿಲ್ವೈರಣ್ಡಬಕುಲಧವವಂಶಾಗ್ನಿಮನ್ಥ- ಪತ್ರಕ್ವಾಥಃ ಸರ್ವಗನ್ಧೋದಕಯುಕ್ತಃ ಪರಿಷೇಕೋ ವರಣಕಟ್ವಙ್ಗಾಸ್ಫೋತಕಪೋತಪಙ್ಕಾಪಾರಿಭದ್ರಕೈರ್ವಾ| ಕುಷ್ಠಸರ್ಜರಸವಚಾಗೋಲೋಮೀವಯಸ್ಥಾಮನಶ್ಶಿಲಾಲೈಸ್ತೈಲಂ ಸಾಧಿತಮಭ್ಯಙ್ಗಃ| ಮಧುರೌಷಧೈಃ ಸಾಧಿತಂ ಸರ್ಪಿಃಪಾನಮ್| ಏಲಾದ್ವಯಕುಷ್ಠವಚಾಹಿಙ್ಗುದೇವದಾರುಗಿರಿಕದಮ್ಬಕೈಧೂರ್ಪಃ| ಬಿಬ್ಬೀಗುಞ್ಜಾಕಾಕಾದನೀನ್ದ್ರವಾರುಣೀಚಿತ್ರಪಲಾ ಧಾರಯೇತ್| ವಿಚಿತ್ರಮಾಲ್ಯಮತ್ಸ್ಯೋದನಕೃಸರಪಲಲವಾನ್ ಬಲಿಃ ಸಙ್ಕರ- ಕೂಟೇ| ತದ್ವಚ್ಛರಾವಸಮ್ಪುಟಸ್ಥಃ ಶೂನ್ಯಗೃಹೇ ಚತುರ್ದಿಶಂ ಪ್ರಕ್ಷೇಪ್ಯಃ| ತತ್ರ ಚೋಚ್ಛಿಷ್ಟೇನ ಸ್ನಪನಮ್| ಮನ್ತ್ರಶ್ಚ - ಮಲಿನಾಮ್ಬರಸಂವೀತಾ ಮಲಿನಾ ರೂಕ್ಷಮೂರ್ಧಜಾ| ಶೂನ್ಯಾಗಾರಾಶ್ರಯಾ ದೇವೀ ದಾರಕಂ ಪಾತು ಪೂತನಾ| ದುರ್ದರ್ಶನಾ ಮಹಾಕಾಯಾ ಕರಾಲಾ ಮೇಘಮಾಲಿಕಾ| ಭಿನ್ನಾಗಾರಾಶ್ರಯಾ ದೇವೀ ದಾರಕಂ ಪಾತು ಪೂತನಾ||೮||

ಪೂತನಾಯಾಂ ಹಿಙ್ಗ್ವಾದಿಭಿಃ ಪ್ರದೇಹಃ| ಗಿರಿಕದಮ್ಬಕೋ ಭೂಕದಮ್ಬಃ| ಕಪಿತ್ಥಾದಿಪತ್ರಾಣಾಂ ಕ್ವಾಥಃ ಸರ್ವಾಗನ್ಧೋದಕೇನ ಯುಕ್ತಃ ಪರಿಷೇಕಃ| ವರಣಾದಿಭಿರ್ವಾ ಪರಿಷೇಕಃ| ಕಟ್ವಙ್ಗಃ ಸ್ಯೋನಾಕಃ| ಆಸ್ಫೋತೋಽರ್ಕಃ| ಕಪೋತವಙ್ಕಾ ಸುವರ್ಚಲಾ| ಪಾರಿಭದ್ರಕೋ ಮನ್ದಾರಃ| ಕುಷ್ಠಾದಿಭಿಃ ಸಾಧಿತಂ ತೈಲಮಭ್ಯಙ್ಗಃ| ಮಧುರೌಷಧೈಃ ಸೂತ್ರೋಕ್ತೈಃ ಸಿದ್ಧಂ ಸರ್ಪಿಃ ಪಾನಮ್| ಏಲಾದಿಭಿರ್ಧೂಪಃ| ಗಿರಿಕದಮ್ಬಕೋ ಭೂಕದಮ್ಬಕಃ| ಬಿಮ್ಬ್ಯಾದೀರ್ಧಾರಯೇತ್| ಬಿಮ್ಬೀ ತುಣ್ಡಿಕೇರೀ| ವಿಚಿತ್ರಮಾಲ್ಯಾದಿಮಾನ್ ಲಃಅಙ್ಕರಕೂಟೇಽವಕರನಿಕರೇ| ತದ್ವದಿತಿ ಸಙ್ಕರಕೂಟವದ್ವಿಚಿತ್ರಮಾಲ್ಯಾದಿಮಾನ್| ಶರಾವಸಮ್ಪುಟಸಂಸ್ಥೋ ಬಲಿಃ ಶೂನ್ಯಗೃಹೇ ಚತುರ್ದಿಶಂ ಪ್ರಕ್ಷೇಪ್ಯಃ| ತತ್ರ ಚ ಶೂನ್ಯಗೃಹೇ ಉಚ್ಛಿಷ್ಟೇನ ಭುಕ್ತಶಿಷ್ಟೇನ ಬಾಲಸ್ಯ ಸ್ನಪನಮ್| ಮಲಿನಾಮ್ಬರೇತ್ಯಾದಿಶ್ಲೋಕದ್ವಯೇನ ಮನ್ತ್ರಃ| ಇತಿ ಪೂಂತನಾಯಾಮ್|

Adhikarana shItapUtanAgrahacikitsA (9) · Śloka 9

ಶೀತಪೂತನಾಯಂ ಪೂತನೋಕ್ತಃ ಪ್ರದೇಹೋ ಧಾರಣೀಯಾನಿ ಚ| ವರಣ- ಕಪಿತ್ಥತುಲಸೀಪಾಶಿಕಾವಂಶೀಬಿಲ್ವಪಾಟಲೀನನ್ದೀ ಭಲ್ಲಾತ- ಕಪತ್ರನಿರ್ಯೂಹೇಣ ಪರಿಷೇಕಃ| ಮುಸ್ತಾಮರದಾರುಕುಷ್ಠಸರ್ಪಗನ್ಧೈರ್ಗೋಬಸ್ತಮೂತ್ರಯುಕ್ತಂ ತೈಲಂ ವಿಪ ಕ್ವಮಭ್ಯಙ್ಗಃ| ಕಾಶ್ಮರ್ಯಪೃಶ್ನಪರ್ಣೀಲೋಧ್ರಮಧುಕೈರ್ಮಧುರವರ್ಗೇಣ ಚ ಸಮಕ್ಷೀರಂ ಸರ್ಪಿಃ ಶೃತಂ ಪ್ರಾಶ್ಯಮಾನಂ ಶೀತಪೂತನಾಂ ಛರ್ದಿಹಿಧ್ಮಾ- ಕಾಸಶ್ವಾಸಾಂಶ್ಚ ಶಮಯತಿ| ಸಾತಿಸಾರಾಯಂ ತು ಖದಿರಪಲಾಶಸರ್ಜಾರ್ಜುನರೋಹಿಣೀತ್ವಕ್ಕ್ವಾ- ಥೇನ ತುಲ್ಯಪಯಃ ಸರ್ಪಿಃ| ಗೃಧ್ರೋಲೂಕವಿಡ್ಬಸ್ತಗನ್ಧಾಹಿನಿರ್ಮೋ- ಕನಿಮ್ಬಪತ್ರೈರ್ಧೂಪಃ| ಜೀರ್ಣಗೋಚರ್ಮಸರ್ಷಪಭಿಕ್ಷುಸಙ್ಕಟೀಸರ್ಪಕಞ್ಚು- ಕೈರ್ವಾ| ಮುದ್ಗೌದನಪ್ರಾಯೋ ಜಲಾಶಯಸಮೀಪೇ ಬಲಿಸ್ತತ್ರೈವ ಚ ಸ್ನಾನಮ್| ಮನ್ತ್ರಶ್ಚ- ಮುದ್ಗೌದನಾಶನಾ ದೇವೀ ಸುರಾಶೋಣಿತಪಾಯಿನೀ| ಜಲಾಶಯಾಲಯರತಾ ಪಾತು ತ್ವಾ ಶೀತಪೂತನಾ||೯||

ಶೀತಪೂತನಾಯಾಂ ಪೂತನೋಕ್ತೈರ್ಹಿಙ್ಗ್ವಾದಿಭಿಃ ಪ್ರದೇಹಃ| ತದುಕ್ತಾನ್ಯೇವ ಬಿಮ್ವ್ಯಾದೀನಿ ಧಾರಣೀಯಾನಿ| ವರುಣಕಪಿತ್ಥಾದಿಪತ್ರಕ್ವಾಥೇನ ಪರಿಷೇಕಃ| ತುಲಸೀ ಸುರಸಾ| ಪಾಶಿಕಾಖ್ಯೋ ವೃಕ್ಷಃ ಪ್ರಸಿದ್ಧೋ ದಾಕ್ಷಿಣಾತ್ಯೇಷ| ವಂಶೀ ಗಿರಿಕರ್ಣಿಕಾ| ನನ್ದೀ ನನ್ದ್ಯಾವರ್ತಾಖ್ಯಾ| ಮುಸ್ತಾದಿಭಿರ್ಗೋಬಸ್ತಮೂತ್ರಾಭ್ಯಾಂ ಯುಕ್ತಂ ತೈಲಂ ವಿಪಕ್ವಮಭ್ಯಙ್ಗಃ| ಕಾಶ್ಮರ್ಯಾದಿಭಿಃ ಸೂತ್ರೋಕ್ತೇನ ಚ ಮಧುರವರ್ಗೇಣ ಸಮಕ್ಷೀರಂ ಘೃತಂ ಸರ್ಪಿಃ ಪ್ರಾಶ್ಯಮಾನಂ ಶೀತಪತನಾದಿಞ್ಛಮಯೇತ್| ಅತಿಸಾರಯುಕ್ತಾಯಾಂ ತು ಶೀತಪೂತನಾಯಾಂ ಖದಿರಾದಿತ್ವಚಾಂ ಕ್ವಾಥೇನ ತುಲ್ಯಕ್ಷೀರಂ ಸರ್ಪಿಃ ಸಿದ್ಧಂ ಶಸ್ಯತೇ| ಗೃಧ್ರವಿಡಾದಿಭಿರ್ಧೂಪಃ| ಬಸ್ತಗನ್ಧಾಜಗನ್ಧಾ| ಜೀರ್ಣೋರ್ಗೋಚರ್ಮಾದಿಭಿರ್ವಾ ಧೂಪಃ| ಭಿಕ್ಷುಸಙ್ಘಾಟೀ ಶ್ರಮಣಕಕನ್ಥಾ| ಅತ್ರ ಚ ಮುದ್ಗೌದನಪ್ರಾಯೋ ಜಲಾಶಯಸ್ಯ ನದ್ಯಾದೇಃ ಸಮೀಪೇ ಬಲಿಃ| ತತ್ರೈವ ಚ ಜಲಾಶಯಸಮೀಪೇ ಸ್ನಾನಮ್| ಮುದ್ಗೌದನಾಶನೇತ್ಯಾದಿನಾ ಶ್ಲೋಕೇನ ಮನ್ತ್ರಃ| ಇತಿ ಶೀತಪೂತನಾಯಾಮ್|| ೯||

Adhikarana andhapUtanAgrahacikitsA (10) · Śloka 10

ಅನ್ಧಪೂತನಾಯಾಂ ಸರ್ವಗನ್ಧೈಃ ಸಶಿರೋವಕ್ತ್ರಸ್ಯ ಪ್ರದೇಹಃ| ವರುಣಾಸ್ಫೋತಪಾರಿಭದ್ರಕವೃಕ್ಷಾದನೀನಾಗಬಲಾಗೈರಿಕಶತಾವರೀಭಿಃ ಪರಿಷೇಕಃ| ಹರಿತಾಲಮನಃಶಿಲಾಕುಷ್ಠಸರ್ಜರಸಸುರಾಸೌವೀ- ರಕಸಂಸ್ಕೃತಂ ತೈಲಮಭ್ಯಙ್ಗಃ| ಸ್ಯನ್ದನಸ್ಯೋನಾಕಕಾಶ್ಮರ್ಯಖದಿರಕುಷ್ಠೈರ್ಮಧುರವರ್ಗೇಣ ಚ ಕ್ಷೀರಿ- ವೃಕ್ಷಕಷಾಯೇ ಸಕ್ಷೀರಂ ಶೃತಂ ಘೃತಂ ಮಧುಯುಕ್ತಂ ಚಕ್ಷುಃ ಕಾಮೋ- ಪಸೃಷ್ಟಾನಾಂ ಪ್ರಾಶಃ| ಛರ್ದಿಕಾತೀಸಾರವತಾಂ ತು ತದೇವ ಪಿಪ್ಪಲೀ- ಪಿಪ್ಪಲೀಮೂಲಸಾಲಪರ್ಣೀಬೃಹತೀಕಲ್ಕೋಪೇತಮ್| ರಕ್ಷೋಘ್ನಾರುಷ್ಕರಸರ್ಜರಸಮಧುಭಿರ್ಧೂಪಃ| ಜೀರ್ಣಭಿಕ್ಷುಸಙ್ಘಾಟೀ- ಕೃಕವಾಕುಪುರೀಷಾಹಿತ್ವಕ್ಕೇಶಚರ್ಮಭಿರ್ವಾ| ಅನನ್ತಾ ಕುಕ್ಕುಟೀ ಮರ್ಕಟೀ ಬಿಮ್ಬೀರ್ಧಾರಯೇತ್| ತುಮ್ಬೀ ಚಿತ್ರ- ಫಲಾ ಮೃಗೋವ್ಕ್ರುಜಾಲಿನೀ ಕಾಕಾದನೀರ್ವಾ| ಪಕ್ವಾಮ್ರಮಾಂಸಶೋಣಿತೈಶ್ಚತುಷ್ಪಥೇ ಬಲಿಗೃಹೇ ಸ್ನಾನಮ್| ಮನ್ತ್ರಶ್ಚ- ಕರಾಲಾ ಪಿಙ್ಗಲಾ ಮುಣ್ಡಾ ಕಷಾಯಾಮ್ಬರವಾಸಿನೀ| ದೇವೀ ಬಾಲಮಿಮಂ ಪ್ರೀತಾ ಪಾಲಯತ್ವನ್ಧಪೂತನಾ||೧೦||

ಅನ್ಧಪೂತನಾಯಾಂ ಸರ್ವೈರ್ಗನ್ಧದ್ರವ್ಯೈಃ ಸಶಿರೋವಕ್ತ್ರಸ್ಯ ಬಾಲಸ್ಯ ಪ್ರದೇಹಃ| ವರುಣಾದಿಭಿಃ ಪರಿಷೇಕಃ| ಆಸ್ಫೋತಾ ಮುಕುನ್ದಾ ಅರ್ಕಶ್ಚ| ವೃಕ್ಷಾದನೀ ದ್ರುಮವ್ಯಾಧಿಃ| ಹರಿತಾಲಾದಿಸಂಸ್ಕೃತಂ ತೈಲಮಭ್ಯಙ್ಗಃ| ಸ್ಯನ್ದನಾದಿಭಿಃ ಸೂತ್ರೋಕ್ತೇನ ಚ ಮಧುರವರ್ಗೇಣ ಕಲ್ಕೀಕೃತೇನ ಕ್ಷೀರಿವೃಕ್ಷಕಷಾಯೇ ಸಕ್ಷೀರಂ ಸಿದ್ಧಂ ಘೃತಂ ಪ್ರಯೋಗೇ ಚ ಮಾಕ್ಷಿಕಯುಕ್ತಂ ಚಕ್ಷುಃ ಕಾಮಗ್ರಹೋಪಸೃಷ್ಟಾನಾಂ ಪ್ರಾಶಃ| ಛರ್ದ್ಯಾದಿಮತಾಮನ್ಧಪೂತನಾರ್ತಾನಾಂ ತದೇವ ಸ್ಯನ್ದನಾದಿಭಿಃ ಸಿದ್ಧಂ ಪಿಪ್ಪಲ್ಯಾದಿಕಲ್ಕೋಪೇತಮ್| ರಕ್ಷೋಘ್ನಾದಿಭಿರ್ಧೂಪಃ| ಅಥವಾ ಜೀರ್ಣಭಿಕ್ಷುಸಙ್ಘಾಟ್ಯಾದಿಭಿಃ| ರಕ್ಷೋಘ್ನಃ ಸರ್ಷಪಃ| ಅರುಷ್ಕರೋ ಭಲ್ಲಾತಕಃ| ಜೀರ್ಣಾ ಶೀರ್ಣಾ ಭಿಕ್ಷುಸಙ್ಘಾಟೀ ಶ್ರಮಣಕಕನ್ಥಾ| ಕೃಕವಾಕುಃ ಕುಕ್ಕುಟಸ್ತಸ್ಯ ಪುರೀಷಮ್| ಅನನ್ತಾದೀರ್ಧಾರಯೇತ್| ಅನನ್ತಾ ದೂರ್ವಾ| ಕುಕ್ಕುಟೀ ಪ್ರಸಿದ್ಧಾಮೇಕವಾಟಿಕೇ| ಮರ್ಕಟೀ ಆತ್ಮಗುಪ್ತಾ ಬಿಮ್ಬೀ ತುಣ್ಡೀಕೇರೀ| ಅಥವಾ ತುಮ್ಬ್ಯಾದೀರ್ಧಾರಯೇತ್| ಚಿತ್ರಫಲಾ ಚಿರ್ಭಿಟೋ ವಿಶಾಲಭೇದಃ| ಮೃಗೋರ್ವಾರುರ್ಗವಾಕ್ಷೀ| ಜಾಲಿನೀ ಕೋಶಾತಕೀ| ಕಾಕಾದನೀ ಗುಞ್ಜಾ| ಪಕ್ವಾಮಮಾಂಸಾದಿಭಿಶ್ಚತುಷ್ಪಥೇ ಬಲಿಃ| ಗೃಹೇ ಸ್ನಾನಮ್| ಕರಾಲೇತ್ಯಾದಿ ಶ್ಲೋಕೇನ ಮನ್ತ್ರಃ| ಇತ್ಯನ್ಧಪೂತನಾಯಾಮ್|| ೧೦||

Adhikarana mukhamaNDitikAgrahacikitsA (11) · Śloka 11

ಮುಖಮಣ್ಡಿತಿಕಾಯಾಂ ವಾರುಷ್ಯಾ ಶ್ಲಕ್ಷ್ಣಪಿಷ್ಟೈಃ ಸರ್ವಗನ್ಧೈರ್ಲೇಪಃ| ಬಿಲ್ವೈರಣ್ಡಕಪಿತ್ಥಾಗ್ನಿಮನ್ಥವಂಶೀಕುಬೇರಾಕ್ಷೀಪತ್ರ- ಕ್ವಾಥೇನ ಪರಿಷೇಕಸ್ತೇಷಾಮೇವ ಚ ಸ್ವರಸೇನ ಮಧುಕವಾಜಿಗನ್ಧಾ- ಗರ್ಭಮೈಕಧ್ಯಂ ತೈಲಂ ವಸಾ ಚ ಪಕ್ವಮಭ್ಯಙ್ಗಃ| ಹ್ರಸ್ವಪಞ್ಚಮೂಲಮಧುರವರ್ಗಸಿದ್ಧಂ ಘೃತಂ ಸಮಧುಶರ್ಕರಂ ಪ್ರಾಶಃ| ಪಾಠಾಕೇತಕಸೂಚೀನಿಮ್ಬಫಲಪಿಪ್ಪಲೀವಿಡಙ್ಗಹರೀತಕೀಭಸ್ಮ- ವಚಾಚೋರಕಚೂರ್ಣೋ ವಾ ಮಧುಸರ್ಪಿರ್ಭ್ಯಾಮ್| ಋಕ್ಷರೋಮಮಷೀಪಾಠಾ- ಮರಿಚಪಿಪ್ಪಲೀಚೂರ್ಣೋ ವಾ| ದೇವದಾರುಭಸ್ಮಯುಕ್ತೋ ಮೂರ್ವಾವ್ಯೋಷ- ಮುಸ್ತರಾಸ್ನಾಗಿರಿಕದಮ್ಬಕಾಶ್ವಗನ್ಧಾಚೂರ್ಣೋ ವಾಽಶೋಕರೋಹಿ- ಣೀಚೂರ್ಣಾ ವಾ| ಏಭಿರೇವ ಚ ವಿಪಕ್ವಮಾಜಂ ಘೃತಂ ಪಯೋ ವಾ ಪಿಬೇತ್| ಏಭಿರೇವ ಚ ಯೋಗೈರ್ಧೂಪೋಪದೇಹಾಭ್ಯಙ್ಗನಸ್ಯತೈಲಾಕ್ಷಿಪೂರಣಪರಿ- ಷೇಕಾನ್ ಕುರ್ಯಾತ್| ಯವಕುಷ್ಠಸರ್ಜರಸೈರ್ಧೂಪಃ| ಸರ್ಪಚಾಷಕೀರರಲ್ಲಕಜಿಹ್ವಾ ಧಾರಯೇತ್| ಮಾತುಶ್ಚಾಸ್ಯ ಶ್ಲೇಷ್ಮಹರಮೌಷಧಂ ಪಾನೇ ಸ್ತನೋದ್ವರ್ತನೇ ಚ ಯುಞ್ಜ್ಯಾತ್| ವಿವಿಧಗನ್ಧಧೂಪಮಾಲ್ಯಾಞ್ಜನಪಾರದಮನಶಿಶಲಾಯುಕ್ತೋ ಗೋಷ್ಠಮಧ್ಯೇ ಬಲಿರ್ಗವಾಂ ಮಧ್ಯೇ ಸ್ನಾನಮ್| ಮನ್ತ್ರಶ್ಚ- ಅಲಙ್ಕೃತಾ ರೂಪವತೀ ಸುಭಗಾ ಕಾಮರೂಪಿಣೀ| ಗೋಷ್ಠಮಧ್ಯಾಲಯರತಾ ಪಾತು ತ್ವ ಮುಖಮಣ್ಡಿತಾ||೧೧||

ಮುಖಮಣ್ಡಿತಿಕಾಯಾಂ ವಾರುಣ್ಯಾ ಸುರಯಾ ಶ್ಲಕ್ಷ್ಣಪಿಷ್ಟೈಸ್ಸರ್ವೈರ್ಗನ್ಧದ್ರವ್ಯೈರ್ಲೇಪಃ| ಬಿಲ್ವಾದಿಪತ್ರಕ್ವಾಥೇನ ಪರಿಷೇಕಃ| ವಂಶೀ ಗಿರಿಕರ್ಣಿಕಾ| ಕುಬೇರಾಕ್ಷೀ ಶ್ವೇತಪಾಟಲಾ| ತೇಷಾಮೇವ ಚ ಬಿಲ್ವಾದಿಪತ್ರಾಣಾಂ ಸ್ವರಸೇನ ಮಧುಕಾಶ್ವಗನ್ಧಗರ್ಭಂ ವಸಾ ತೈಲಂ ಚೈಕಧ್ಯಮೇಕೀಭೂತಂ ಪಕ್ವಮಭ್ಯಙ್ಗಃ| ಹ್ಱಸ್ವಪಞ್ಚಮೂಲೇನ ಸೂತ್ರೋಕ್ತೇನ ಮಧುರವರ್ಗೇಣ ಚ ಸಿದ್ಧಂ ಘೃತಂ ಮಧುಶರ್ಕರಾಭ್ಯಾಂ ಪ್ರಯೋಗಕಾಲೇ ಯುಕ್ತಂ ಪ್ರಾಶಃ| ಪಾಠಾದಿಚೂರ್ಣೋ ವಾ ಮಧುಸರ್ಪಿರ್ಭ್ಯಾಂ ಪ್ರಾಶಃ| ಭಸ್ಮಶಬ್ದಸ್ಯ ಪಾಠಾದಿಭಿಃ ಸಮ್ಬನ್ಧಃ| ಕೇತಕಸೂಚೀ ಪ್ರಸಿದ್ಧಾ| ಅಥವಾ ಋಕ್ಷರೋಮಮಷೀಪಾಠಾದೀನಾಂ ಚೂರ್ಣೋ ಮಧುಘೃತಾಭ್ಯಾಂ ಪ್ರಾಶಃ| ಅಥವಾ ಮೂರ್ವಾದೀನಾಂ ಚೂರ್ಣೋ ದೇವದಾರುಭಸ್ಮನಾ ಯುಕ್ತೋ ಮಧುಘೃತಾಭ್ಯಾಂ ಪ್ರಾಶಃ| ಗಿರಿಕದಮ್ಬಕಂ ಭೂಕದಮ್ಬಕಮ್| ಅಥವೈಕ ಏವಾಶೋಕರೋಹಿಣ್ಯಾಃ ಕಟುಕರೋಹಿಣ್ಯಾಶ್ಚೂರ್ಣಃ| ಏಭಿರೇವ ಚ ಮೂರ್ವಾದಿಭಿರ್ವಿಪಕ್ವಮಾಜಂ ಘೃತಂ ವಾ ಕ್ಷೀರಂ ವಾ ಪಿಬೇತ್| ಏಭಿರೇವ ಚಾನನ್ತರೋಕ್ತೈರ್ಯೋಗೈರ್ಧೂಪಾದೀನ್ ಕುರ್ಯಾತ್| ಯವಾದಿಭಿರ್ಧೂಪಃ ಕಾರ್ಯಃ| ಸರ್ಪಾದಿಜಿಹ್ವಾ ಧಾರಯೇತ್| ರಲ್ಲಕಃ ಪ್ರಾಣಿವಿಶೇಷಃ| ಮಾತುರಿತ್ಯಾದಿ ಸುಬೋಧಮ್| ವಿವಿಧಗನ್ಧದಿಯುಕ್ತೋ ಗೋಷ್ಠಮಧ್ಯೇ ಬಲಿಃ| ಗೋಮಧ್ಯೇ ಸ್ನಾನಮ್| ಅಲಂಕೃತಾದಿಶ್ಲೋಕಶ್ಚ ಮನ್ತ್ರಃ| ಇತಿ ಮುಖಮಣ್ಡಿತಿಕಾಯಾಮ್|| ೧೧||

Adhikarana revatIgrahacikitsA (12) · Śloka 12

ರೇವತ್ಯಾಂ ಸರ್ವಗನ್ಧೈಃ ಕುಲತ್ಥಮಾಷಚೂರ್ಣೇನ ಚ ಪ್ರದೇಹಃ| ಅಶ್ವಗ- ನ್ಧಾಜಶೃಙ್ಗೀಶಾರಿವಾದ್ವಿಪುನರ್ನವದ್ವಿಸಹಾವಿದಾರೀಭಿಃ ಪರಿಷೇಕಃ| ಕುಷ್ಠಸರ್ಜರಸಸಾಧಿತಂ ತೈಲಮಭ್ಯಙ್ಗಃ| ಧವಾಶ್ವಕರ್ಣಧಾತ- ಕೀಕಕುಭತಿನ್ದುಕೈರ್ಜೀವನೀಯೈಶ್ಚ ಪಿಷ್ಟೈರ್ಘೃತಂ ಶೃತಂ ಪ್ರಾಶಃ| ಯವ-ಯವಫಲೋಲೂಕಗೃಧ್ರಶಕೃದ್ಭಿಃ ಸಘೃತೈರ್ಧೂಪಃ| ವರಣಾರಿಷ್ಟಸಿನ್ದುಕಾನ್ವಿತಶ್ಚಾವಿಕಮೂತ್ರೇಣ ಕಣ್ಡಕಲೇಪಃ| ಶುಕ್ಲಮಾಲ್ಯವಿಲೇಪನಲಾಜೌದನಪಾಯಸೈರ್ಗೋತೀರ್ಥೇ ಬಲಿಃ| ನದೀಸಙ್ಗಮೇ ಕ್ಷೀರಿವೃಕ್ಷಸಮೀಪೇ ವಾ ಸ್ನಪನಮ್| ಮನ್ತ್ರಶ್ಚ- ನಾನಾವಸ್ತ್ರಧರಾ ದೇವೀ ಚಿತ್ರಮಾಲ್ಯಾನುಲೇಪನಾ| ಚಲತ್ಕುಣ್ಡಲಿನೀ ಶ್ಯಾಮಾ ರೇವತೀ ತೇ ಪ್ರಸೀದತು|೧೨|

ರೇವತ್ಯಾಂ ಸರ್ವಗನ್ಧೈಃ ಕುಲತ್ಥಮಾಷಾಭ್ಯಾಂ ಚೂರ್ಣೇನ ಚ ಪ್ರದೇಹಃ| ಅಶ್ವಗನ್ಧಾದಿಭಿಃ ಪರಿಷೇಕಃ| ದ್ವೇ ಸಹೇ ಮುದ್ಗಪರ್ಣೀ ಮಾಷಪರ್ಣೀ ಚ| ಕುಷ್ಠಸರ್ಜರಸಾಭ್ಯಾಂ ಸಾಧಿತಂ ತೈಲಮಭ್ಯಙ್ಗಃ| ಧವಾದಿಭಿಃ ಪಿಷ್ಟೈಃ ಶೃತಂ ಪ್ರಾಶಃ| ಯವಾದಿಭಿಃ ಸಘೃತೈರ್ಧೂಪಃ| ಯವಫಲೋ ವಂಶಫಲಃ| ವರುಣಾರಿಷ್ಟಾದ್ಯನ್ವಿತಃ ಕಣ್ಡಕಸ್ತಣ್ಡುಲತ್ವಕಚೂರ್ಣಂ ಆವಿಕಮೂತ್ರೇಣ ಲೇಪಃ| ಸಿನ್ದುಕಃ ಸಿನ್ದುವಾರಕಃ| ಶುಕ್ಲಮಾಲ್ಯಾದಿಭಿರ್ಗೋತೀರ್ಥೇ ಪ್ರಧಾನಗೋಸ್ಥಾನೇ ಬಲಿಃ ನದೀಸಙ್ಗಮೇ ವಾ ಕ್ಷೀರಿವೃಕ್ಷಸಮೀಪೇ ವಾ ಸ್ನಪನಮ್| ನಾನಾವಸ್ತ್ರೇತ್ಯಾದಿನಾ ಶ್ಲೋಕೇನ ಮನ್ತ್ರಃ| ಇತಿ ರೇವತ್ಯಾಮ್|| ೧೨||

Adhikarana revatIgrahacikitsA (12) · Śloka 12

ರೇವತ್ಯಾಂ ಸರ್ವಗನ್ಧೈಃ ಕುಲತ್ಥಮಾಷಚೂರ್ಣೇನ ಚ ಪ್ರದೇಹಃ| ಅಶ್ವಗ- ನ್ಧಾಜಶೃಙ್ಗೀಶಾರಿವಾದ್ವಿಪುನರ್ನವದ್ವಿಸಹಾವಿದಾರೀಭಿಃ ಪರಿಷೇಕಃ| ಕುಷ್ಠಸರ್ಜರಸಸಾಧಿತಂ ತೈಲಮಭ್ಯಙ್ಗಃ| ಧವಾಶ್ವಕರ್ಣಧಾತ- ಕೀಕಕುಭತಿನ್ದುಕೈರ್ಜೀವನೀಯೈಶ್ಚ ಪಿಷ್ಟೈರ್ಘೃತಂ ಶೃತಂ ಪ್ರಾಶಃ| ಯವ-ಯವಫಲೋಲೂಕಗೃಧ್ರಶಕೃದ್ಭಿಃ ಸಘೃತೈರ್ಧೂಪಃ| ವರಣಾರಿಷ್ಟಸಿನ್ದುಕಾನ್ವಿತಶ್ಚಾವಿಕಮೂತ್ರೇಣ ಕಣ್ಡಕಲೇಪಃ| ಶುಕ್ಲಮಾಲ್ಯವಿಲೇಪನಲಾಜೌದನಪಾಯಸೈರ್ಗೋತೀರ್ಥೇ ಬಲಿಃ| ನದೀಸಙ್ಗಮೇ ಕ್ಷೀರಿವೃಕ್ಷಸಮೀಪೇ ವಾ ಸ್ನಪನಮ್| ಮನ್ತ್ರಶ್ಚ- ನಾನಾವಸ್ತ್ರಧರಾ ದೇವೀ ಚಿತ್ರಮಾಲ್ಯಾನುಲೇಪನಾ| ಚಲತ್ಕುಣ್ಡಲಿನೀ ಶ್ಯಾಮಾ ರೇವತೀ ತೇ ಪ್ರಸೀದತು||೧೨||

ರೇವತ್ಯಾಂ ಸರ್ವಗನ್ಧೈಃ ಕುಲತ್ಥಮಾಷಾಭ್ಯಾಂ ಚೂರ್ಣೇನ ಚ ಪ್ರದೇಹಃ| ಅಶ್ವಗನ್ಧಾದಿಭಿಃ ಪರಿಷೇಕಃ| ದ್ವೇ ಸಹೇ ಮುದ್ಗಪರ್ಣೀ ಮಾಷಪರ್ಣೀ ಚ| ಕುಷ್ಠಸರ್ಜರಸಾಭ್ಯಾಂ ಸಾಧಿತಂ ತೈಲಮಭ್ಯಙ್ಗಃ| ಧವಾದಿಭಿಃ ಪಿಷ್ಟೈಃ ಶೃತಂ ಪ್ರಾಶಃ| ಯವಾದಿಭಿಃ ಸಘೃತೈರ್ಧೂಪಃ| ಯವಫಲೋ ವಂಶಫಲಃ| ವರುಣಾರಿಷ್ಟಾದ್ಯನ್ವಿತಃ ಕಣ್ಡಕಸ್ತಣ್ಡುಲತ್ವಕಚೂರ್ಣಂ ಆವಿಕಮೂತ್ರೇಣ ಲೇಪಃ| ಸಿನ್ದುಕಃ ಸಿನ್ದುವಾರಕಃ| ಶುಕ್ಲಮಾಲ್ಯಾದಿಭಿರ್ಗೋತೀರ್ಥೇ ಪ್ರಧಾನಗೋಸ್ಥಾನೇ ಬಲಿಃ ನದೀಸಙ್ಗಮೇ ವಾ ಕ್ಷೀರಿವೃಕ್ಷಸಮೀಪೇ ವಾ ಸ್ನಪನಮ್| ನಾನಾವಸ್ತ್ರೇತ್ಯಾದಿನಾ ಶ್ಲೋಕೇನ ಮನ್ತ್ರಃ| ಇತಿ ರೇವತ್ಯಾಮ್|| ೧೨||

Adhikarana shuShkarevatIgrahacikitsA (13) · Śloka 13

ಶುಷ್ಕರೇವತ್ಯಾಂ ಧೂಪವರ್ಜ್ಯಃ ಸ್ಕನ್ದಗ್ರಹೋಕ್ತೋ ವಿಧಿಃ| ವಚಾಶ್ವಗನ್ಧಾಹಿಙ್ಗುಲಾಜಸಿದ್ಧಾರ್ಥರುದ್ವರ್ತನಮ್| ಸರ್ಷಪತೈಲಂ ವಚಾಸಿದ್ಧಂ ನೇತ್ರಪೂರಣಮ್| ಕಾಕಗೃಧ್ರಗರ್ದಭಶಕೃದ್ಭಿರ್ಲೇಪಃ| ಕುಲೀರಕಪಾಲಶಲ್ಯಕಶುಕ್ತಿತಮೇಷಶೃಙ್ಗಹಯಖರಜಾಹಕಹಸ್ತಿನಖನಕುಲರೋಮಭಿರ್ವಪುಃ ಸರ್ವಗ್ರಹಘ್ನಃ| ಕುಲ್ಮಾಷೈರ್ಮದ್ಯೇನ ಶುಷ್ಕಮಾಂಸೇನ ಚ ಶುಷ್ಕವೃಕ್ಷೇ ಬಲಿಃ| ತತ್ರೈವ ಚ ಸ್ನಾನಮ್| ಮನ್ತ್ರಶ್ಚೌಪಾಸತೇ ಯಾಂ ಸತತಂ ದೇವ್ಯೋ ವಿವಿಧಭೂಷಣಾಃ| ಲಮ್ಬಾ ಕರಾಲಾ ವಿನತಾ ತಥೈವ ಬಹುಪುತ್ರಿಕಾ| ರೇವತೀ ಶುಷ್ಕನಾಮಾ ಚ ಸಾ ತೇ ದೇವೀ ಪ್ರಸೀದತು| ಇತಿ||೧೩||

ಶುಷ್ಕರೇವತ್ಯಾಂ ಧೂಪಂ ವರ್ಜಯಿತ್ವಾ ಸರ್ವೋ ವಿಧಿಃ ಸ್ಕನ್ದಗ್ರಹೋಕ್ತಃ| ವಚಾದಿಭಿರುದ್ವರ್ತನಮ್| ವಚಯಾ ಸಿದ್ಧಂ ಸರ್ಷಪತೈಲಂ ನೇತ್ರಪೂರಣಮ್| ಕಾಕಾದಿಶಕೃದ್ಭಿರ್ಲೇಪಃ| ಕುಲೀರಕಪಾಲಂ ಕಚ್ಛಪವರಾಟಕಃ| ಜಾಹಕೋ ನಾಮ ಪ್ರಾಣಿವಿಶೇಷಃ| ಕುಲ್ಮಾಷಾದಿಭಿಃ ಶುಷ್ಕವೃಕ್ಷೇ ಬಲಿಃ| ತತ್ರೈವ ಚ ಶುಷ್ಕವೃಕ್ಷೇ ಸ್ನಾನಮ್| ಉಪಾಸತ ಇತ್ಯಾದಿನಾ ಸಾರ್ಧೇನ ಶ್ಲೋಕೇನ ಮನ್ತ್ರಃ| ಇತಿ ಶುಷ್ಕರೇವತ್ಯಾಮ್||

Adhikarana anubandhacikitsAsUtram (14-6) · Śloka 6

ಭವತಿ ಚಾತ್ರ ಅನುಬನ್ಧಾನ್ಯಥಾಕೃಚ್ಛ್ರಂ ಗ್ರಹಾಪಾಯೇಽಪ್ಯುಪದ್ರವಾನ್| ಬಾಲಾಮಯನಿಷೇಧೋಕ್ತಭೇಷಜೈಃ ಸಮುಪಾಚರೇತ್||೧೪|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾವಷ್ಟಾಙ್ಗಸಂಗ್ರಹಸಂಹಿತಾಯಾಮುತ್ತರತನ್ತ್ರೇ ಪ್ರತ್ಯೇಕಗ್ರಹಪ್ರತಿಷೇಧೋ ನಾಮ ಷಷ್ಠೋಽಧ್ಯಾಯಃ||೬||

ಗತಾನುಗತಿಕಾ| ಗ್ರಹಾಪಾಯೇ ಗ್ರಹವಿಗಮೇಽಪ್ಯನುಬನ್ಧಾನುಪದ್ರವಾನ್ಯಥಾಕೃಚ್ಛ್ರಂ ಕೃಚ್ಛ್ರೋಪದ್ರವಾನತಿಕ್ರಮೇಣ ಯಥಾಸ್ವಂ ಬಾಲಾಮಯಪ್ರತಿಧೋಕ್ತೈರ್ಭೇಷಜೈಃ ಸಮುಪಾಚರೇದಿತಿ|| ೧೪|| ಇತಿ ಶ್ರೀಮನ್ಮಹಾಮಹೋಪಾಧ್ಯಾಯೇನ್ದುವಿರಚಿತಾಯಾ- ಮಷ್ಟಾಙ್ಗಸಂಗ್ರಹವ್ಯಾಖ್ಯಾಯಾಂ ಶಶಿಲೇಖಾಯಾಮುತ್ತರತನ್ತ್ರೇ ಷಷ್ಠೋಽಧ್ಯಾಯಃ ದ್ವಿತೀಯಂ ಕೌಮಾರತನ್ತ್ರಂ ಸಮ್ಪೂರ್ಣಮ್