Adhikarana atha vAjIkaraNavidhirnAma pa~jcAsho~adhyAyaH adhyAyapratij~jA (1) · Śloka 1
অথাতো বাজীকরণবিধিং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो वाजीकरणविधिं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
উভযলোকহিতত্বাদেকান্তস্বস্থোপযোগিত্বান্মঙ্গলত্বাচ্চ তন্ত্রে বাজীকরণাখ্যস্যাষ্টমস্যাঙ্গস্য নির্দেশঃ| তত্প্রযোগদর্শনার্থমধ্যায আরভ্যতে| বাজীকরণমিত্যাদিনা ভঙ্গ্যা প্রযোজনমুচ্যতে|| ১||
Adhikarana vAjIkaraNAdhikArI Pala~jca (2) · Śloka 2
বাজীকরণমন্বিচ্ছেত্সততং বিষযী পুমান্| তুষ্টিঃ পুষ্টিরপত্যং চ গুণবত্তত্র সংশ্রিতম্| অপত্যসন্তানকরং যত্সদ্যঃ সম্প্রহর্ষণম্||২||
वाजीकरणमन्विच्छेत्सततं विषयी पुमान्| तुष्टिः पुष्टिरपत्यं च गुणवत्तत्र संश्रितम्| अपत्यसन्तानकरं यत्सद्यः सम्प्रहर्षणम्||२||
🔊 Audio coming soon
যঃ পুমান্ বিষযী বিষযেশু শব্দাদিষু দেহচিত্তোপযোগিষু হেতেষু সক্তঃ স বাজীকরণলক্ষণমুপাযমন্বিচ্ছেত্| তত্র হি বাজীকরণে পুষ্ট্যাদিকং সংশ্রিতম্| (বাজীকরণমিত্যাদি| বাজীবাশ্বসধর্মা যেন ক্রিযতে তং অন্বিচ্ছেত্ কুতোঽনুরসাযনাত্| তস্য হি সমুপ-চিতধাতোঃ প্রধানধাতুপরিক্ষযো মা ভূদিতি| পুরুষগ্রহণং বালা-ত্যন্তবৃদ্ধনিরাসার্থং ন পুনঃ স্ত্রীষণ্ডব্যুদাসার্থং তেষাং বাজীকর-ণাপ্রাপ্তেঃ| সততগ্রহণং সদা সেবনং জ্ঞাপযতি| যথা রসাযনং প্রযুক্তং সর্বধাতূনাং পুষ্টিমাদধাতি নৈবং বাজীকরণং তদ্ধি সততমুপযুজ্যমানমাহারবচ্ছুক্রধাতুবৃদ্ধিমাদধাতীতি| প্রবর্ত্তকঞ্চ ধর্মং স্বর্গপ্রাপ্তিলক্ষণমাশ্রিত্যৈতদুচ্যতে| যন্নিবৃত্তিকৃতে হি স উপদেশঃ| কোশকারো যথা হ্যংশূনুপাদত্তে বধপ্রদান্| তথাঽগ্নিকল্পানর্থান্ জ্ঞো জ্ঞাত্বা তেভ্যো নিবর্ত্তত ইতি| নৈঃশ্রেযসিকং ধর্মমাশ্রিত্য ব্রহ্মচর্যোপদেশঃ| অযঞ্চাভ্যুদযিকমিতি ন পরস্পরবিরোধাশঙ্কেতি জেজ্জটঃ)|| ২||
Adhikarana vAjIkaraNaniruktiH (3) · Śloka 3
বাজীবাতিবলো যেন যাত্যপ্রতিহতোঽঙ্গনাঃ| ভবত্যতিপ্রিযঃ স্ত্রীণাং যেন যেনোপচীযতে| তদ্বাজীকরণং তদ্ধি দেহস্যৌজস্করং পরম্||৩||
वाजीवातिबलो येन यात्यप्रतिहतोऽङ्गनाः| भवत्यतिप्रियः स्त्रीणां येन येनोपचीयते| तद्वाजीकरणं तद्धि देहस्यौजस्करं परम्||३||
🔊 Audio coming soon
বাজীকরণং কিমুচ্যত ইত্যাহ-যেন হেতুভূতেন পুরুষো বাজীবাশ্ব ইবাপ্রতিহতোঽঙ্গনা যাতি| যেন চ স্ত্রীণামতিপ্রিযো ভবতি যেন চ ধাতুরুপযচং প্রাপ্নোতি, তদ্বস্তু বাজীকরণমিত্যুচ্যতে| তদ্ধি পরং দেহস্যৌজস্করম্|| ৩||
Adhikarana guNavatstrIprashaMsA (4) · Śloka 4
সারো হি জীবলোকস্য স্ত্রী স্ত্রীগুণসমন্বিতা| স্ত্রিযঃ সাধ্ব্যঃ প্রসুবতে নরান্ গুণমযানিব| গোত্রবৃদ্ধিকরা হ্যেতা গৃহিণ্যো গৃহদেবতাঃ| গৃহং হি হীনমেতাভির্ন শ্রীমদপি শোভতে||৪||
सारो हि जीवलोकस्य स्त्री स्त्रीगुणसमन्विता| स्त्रियः साध्व्यः प्रसुवते नरान् गुणमयानिव| गोत्रवृद्धिकरा ह्येता गृहिण्यो गृहदेवताः| गृहं हि हीनमेताभिर्न श्रीमदपि शोभते||४||
🔊 Audio coming soon
সারো হীত্যাদিনা স্ত্রিযাঃ প্রিযত্বং প্রযোজনবতীত্যুচ্যতে তস্মাদপ্রিযে ভর্ত্তরি কুলজাঽপি স্ত্রী কদাচ্ছীলং কলঙ্কযতি| জীব লোকস্যৈষ সারো যত্ স্ত্রী স্ত্রীগুণসমন্বিতা ভবতীত| সাধ্ব্যঃ স্ত্রিযো গুণৈরিব কৃতান্ নরান্ প্রসুবতে| এতা ইতি সাধ্ব্যঃ স্ত্রিযঃ| গৃহিণ্যো ভার্যাঃ|| ৪||
Adhikarana puMyogaprashaMsA (5) · Śloka 5
ন তু তা অপি শোভন্তে জরসাঽনুগতা ইব| পুংযোগেন বিনা স্ত্রীণাং স হি সংবননং পরম্||৫||
न तु ता अपि शोभन्ते जरसाऽनुगता इव| पुंयोगेन विना स्त्रीणां स हि संवननं परम्||५||
🔊 Audio coming soon
তা অপি স্ত্রিযঃ পুংযোগেন বিনা তু তথা ন শোভন্তে যথা জরসাঽনুগতাঃ| স হি পুংযোগঃ স্ত্রীণাং পরং সংবননং বশীকরণম্ ( পুরুষরহিতাঃ স্ত্রিযঃ স্বতন্ত্রত্বান্ন ইত্যর্থঃ)|| ৫||
Adhikarana vAjIkaraNaprashaMsA (6) · Śloka 6
বাজীকরণনিত্যস্য কামং কামং সিষেবিষোঃ| ন শরীরমবাপ্নোতি ন বা রতিরতিঃ ক্ষযম্| অচ্ছাযঃ পূতিকুসুমঃ ফলেন রহিতো দ্রুমঃ| যথৈকশ্চৈকশাখশ্চ নিরপত্যস্তথা নরঃ| অদৃষ্টপুত্রপৌত্রস্য কুলতন্ত্বন্তবর্ত্তিনঃ| সংসারসুখবাহ্যস্য কীদৃশং নাম জীবিতম্| অসম্বন্ধো হ্যপুত্রস্য নিত্যমেব পরঃ পরঃ| সীদত্যস্যাবসানে চ গৃহং সুস্থেঽপ্যনাযকম্| অতো বাজীকরা যোগাঃ নিষেব্যাঃ শুক্রবর্দ্ধনাঃ| কল্যস্যোদগ্রবযসো বাজীকরণসেবিনঃ| সর্বেষ্বৃতুষ্বহরহর্ব্যবাযো ন নিবার্যতে||৬||
वाजीकरणनित्यस्य कामं कामं सिषेविषोः| न शरीरमवाप्नोति न वा रतिरतिः क्षयम्| अच्छायः पूतिकुसुमः फलेन रहितो द्रुमः| यथैकश्चैकशाखश्च निरपत्यस्तथा नरः| अदृष्टपुत्रपौत्रस्य कुलतन्त्वन्तवर्त्तिनः| संसारसुखबाह्यस्य कीदृशं नाम जीवितम्| असम्बन्धो ह्यपुत्रस्य नित्यमेव परः परः| सीदत्यस्यावसाने च गृहं सुस्थेऽप्यनायकम्| अतो वाजीकरा योगाः निषेव्याः शुक्रवर्द्धनाः| कल्यस्योदग्रवयसो वाजीकरणसेविनः| सर्वेष्वृतुष्वहरहर्व्यवायो न निवार्यते||६||
🔊 Audio coming soon
যঃ পুরুষো বাজীকরণনিত্যস্তস্য কামমিচ্ছযা কামং স্ত্রীসঙ্গমং সিষেবিষোরপি শরীরং ক্ষযং ন প্রাপ্নোতি| রতিরতিশ্চ ক্ষযং ন নাবাপ্নোতি| দ্রুমো যথা অচ্ছাযত্বাদিযুক্তঃ পরিহার্যো নিরুপকারশ্চ ভবতি তথৈব নিরপত্যো নরঃ| অথবা যেন পুত্রপৌত্রমদৃষ্টং বঃ কুলতন্তোরন্তে বর্ত্ততে অত এব চ সম্সারসুখাদ্ বহির্ভূতস্যেদৃশস্য কীদৃশং নাম জীবিতম্| তজ্জীবিতমেব ন ভবতীত্যর্থঃ| অপুত্রস্য হি পরোঽন্যো বিশিষ্টেন সম্বন্ধেন রহিতো নিত্যমেব পরঃ ন তদ্বিত্তস্যাশ্রযোঽসাধারণসম্বন্ধাভাবাদিত্যর্থঃ| অস্য চাপুত্রস্যাবসানে বযোঽন্তে সুস্থেঽপি| ধনাদিসদ্ভাবেঽপ্যনাযকং গৃহমবসীদতি| যত এবমতঃ শুক্রস্য বর্দ্ধনা বাজীকরা যোগা নিষেব্যাঃ| কল্যস্য নীরোগস্য প্রত্যগ্রবযসো বাজীকরণসেবিনশ্চ পুংসঃ সর্বেষু ঋতুষু ষট্স্বপি অহরহর্দিনে দিনে ব্যবাযো মৈথুনং ন নিবার্যতে ন নিষিধ্যতে|| ৬||
Adhikarana shukrakShayahetavaH (7) · Śloka 7
চিন্তাজরাভ্যাং শুক্রং তু ব্যাধিভিঃ কর্মকর্শনাত্| ক্ষযং গচ্ছত্যনশনাত্ স্ত্রীণাং চাতিনিষেবণাত্| শুক্রক্ষযাত্ ভযাচ্ছোকাদবিস্রম্ভাদসেবনাত্| অতিহর্ষাদতিস্থৌল্যান্মলোপচযতঃ শ্রমাত্| স্ত্রীণামকৌশলাদ্দোষদর্শনাদভিচারতঃ| মেঢ্রামযাত্সুমহতঃ ক্রোধতোঽর্ধর্মকীর্তনাত্| তৃপ্তস্যাপি স্ত্রিযো গন্তুং ন শক্তিরুপজাযতে||৭||
चिन्ताजराभ्यां शुक्रं तु व्याधिभिः कर्मकर्शनात्| क्षयं गच्छत्यनशनात् स्त्रीणां चातिनिषेवणात्| शुक्रक्षयात् भयाच्छोकादविस्रम्भादसेवनात्| अतिहर्षादतिस्थौल्यान्मलोपचयतः श्रमात्| स्त्रीणामकौशलाद्दोषदर्शनादभिचारतः| मेढ्रामयात्सुमहतः क्रोधतोऽर्धर्मकीर्तनात्| तृप्तस्यापि स्त्रियो गन्तुं न शक्तिरुपजायते||७||
🔊 Audio coming soon
চিন্তাদিভিঃ শুক্রং ক্ষযং যাতি সঞ্চিতমপ্যপচীযতে| কর্মকর্শনাদ্বমনাদিকর্মকৃতেন কর্শনেন| শুক্রক্ষযাদ্ধাতুস্ত্রোতস্থিতস্য শুক্রস্য ক্ষযাত্ শুক্রাশযস্থিতং শুক্রমুপক্ষীযতে| অসেবা স্ত্রীণাম্| স্ত্রীণামকৌশলং রহস্যব্যুত্পত্তিঃ| দোষপ্রদর্শনং স্ত্রীণামেব| অক্ষীণেঽপি শুক্রে তৃপ্তস্যাপি পুংসঃ স্ত্রিয়ো গন্তুং শক্তিন্নোপজাযতে|| ৭||
Adhikarana strIgamanashaktivaividhyam (8) · Śloka 8
ন হি জাতবলাঃ সর্বে নরাশ্চাপত্যভাগিনঃ| বৃহচ্ছরীরা বলিনঃ কেচিন্নারীষু দুর্বলাঃ| সন্তি চাল্পাশ্রযাঃ স্ত্রীষু বলবন্তো বহুপ্রজাঃ| নরাশ্চটকবত্কেচিদ্ ব্রজন্তি বহুশঃ স্ত্রিযঃ| গজবচ্চ প্রসিঞ্চন্তি কেচিন্ন বহুগামিনঃ| কেচিত্প্রযত্নৈর্বাহ্যন্তে বৃষাঃ কেচিত্স্বভাবতঃ||৮||
न हि जातबलाः सर्वे नराश्चापत्यभागिनः| बृहच्छरीरा बलिनः केचिन्नारीषु दुर्बलाः| सन्ति चाल्पाश्रयाः स्त्रीषु बलवन्तो बहुप्रजाः| नराश्चटकवत्केचिद् व्रजन्ति बहुशः स्त्रियः| गजवच्च प्रसिञ्चन्ति केचिन्न बहुगामिनः| केचित्प्रयत्नैर्वाह्यन्ते वृषाः केचित्स्वभावतः||८||
🔊 Audio coming soon
ন হীত্যাদিনা স্ত্রীগমনশক্তেরনিযমং দর্শযতি| সুবোধম্| প্রযত্নেন রতির্বাজীকরণাদিভিঃ| (সবলা এবাপত্যভাগিনো জাতবলা অপি নাপত্যভাগিনঃ, অজাতবলা অপ্যপত্যভাগিন ইতি প্রতিপাদযন্ সর্বান্ বলবিশেষানাহ-নহি জাতবলা ইত্যাদি| বৃহচ্ছরীরা যে মেদস্বিনস্তেঽপ্যল্পব্যবাযাঃ| অল্পাশ্রযা অপি যে শুক্রসারা বলবন্তো বহুপ্রজাঃ| কেচিত্প্রযত্নৈর্বাহ্যন্তে ঔপনিষদাদিকোক্তৈঃ| বৃষাঃ কেচিত্ স্বভাবতঃ প্রকৃত্যৈবেত্যর্থঃ ইতি জেজ্জটঃ)|| ৮||
Adhikarana vAjIkaraNaprastAvaH (9) · Śloka 9
তস্মাত্পযোগান্ বক্ষ্যামি দুর্বলানাং বলপ্রদান্| সুখোপভোগান্ বলিনাং ভূযশ্চ বলবর্দ্ধনান্||৯||
तस्मात्पयोगान् वक्ष्यामि दुर्बलानां बलप्रदान्| सुखोपभोगान् बलिनां भूयश्च बलवर्द्धनान्||९||
🔊 Audio coming soon
তস্মাদ্যে দুর্বলাস্তেষাং বলপ্রদাদিগুণান্ প্রযোগান্ বক্ষ্যামি| বলিনাং চ ভূযো বলবর্দ্ধনান্ সুখোপভোগাংশ্চ| (ইদমত্র চিন্ত্যতে- শ্লেষ্ম-প্রকৃতের্গুরুস্নিগ্ধমধুরশীতানি সামান্যাত্ কফবৃদ্ধিমাদধতি কথং তেষাং সুখোপভোগতেতি| অত্র বিধাস্যত্যত্রৈব| স্রোতস্সু শুদ্ধেষ্বিত্যাদি যাবত্ ক্লিষ্টে যথা বাসসি রাগযোগা ইতি| এতদুক্তং ভবতি-কৃতসংশোধনস্যাপহৃতকফপিত্তস্যৈধিতাগ্নে দোষায বাজীকরণযোগা ইতি| উক্তং চ-'ক্ষীণদোষস্য চাপথ্যং নাবশ্যং দোষকৃদ্ভবেদি'তি| অতিমন্দাগ্নেস্ত্বনির্বাহিতদোষস্যাপরিণতানি দোষং প্রকৃতি নান্যথা| যোঽপি তত্র সামান্যাত্ কফলবঃ সোঽপি ব্যবাযাদপচীযতে| যথোক্তাদধিকং নিস্সৃতং ব্যাধযে সম্পদ্যত এব-ইতি জেজ্জটঃ)|| ৯||
Adhikarana vAjIkarAsevanAtpUrvamanuShTheyam (10) · Śloka 10
অথ স্নিগ্ধবিশুদ্ধানাং নিরূহান্ সানুবাসনান্| ঘৃততৈলরসক্ষীরশর্করাক্ষৌদ্রসংযুতান্| যোগবিদ্যোজযেত্ পূর্বং ক্ষীরমাংসরসাশিনাম্| ততো বাজীকরান্ যোগান্ শুক্রাপত্যবলপ্রদান্||১০||
अथ स्निग्धविशुद्धानां निरूहान् सानुवासनान्| घृततैलरसक्षीरशर्कराक्षौद्रसंयुतान्| योगविद्योजयेत् पूर्वं क्षीरमांसरसाशिनाम्| ततो वाजीकरान् योगान् शुक्रापत्यबलप्रदान्||१०||
🔊 Audio coming soon
অথেত্যাদি| প্রযোগাত্পূর্বমেব স্নিগ্ধস্যানন্তরং বমনবিরেচনাভ্যাং শুদ্ধস্য নিরূহাননুবাসনযুক্তান্ ঘৃতাদিযুক্তাংশ্চ ক্ষীরমাংসরসাশিনাং যোজযেত্ ততোঽনন্তরং শুক্রাদিপ্রদান্ বাজীকরান্ যোগান্| (অথ স্নিগ্ধবিশুদ্ধানামিত্যাদিনৈতদুক্তং ভবতি-শুদ্ধানামেধিতাগ্নীনাং যথাবলং প্রযুক্তং বাজীকরণং যথাবত্ সিদ্ধ্যত্যন্যথাঽনর্থায| বস্তযো ঘৃতাদিসহিতাঃ ক্ষীরমাংসরসাশিনাং বিধেযাঃ-ইতি জেজ্জটঃ)|| ১০||
Adhikarana sharekShvAdighRutam (11) · Śloka 11
শরেক্ষুকুশকাশানং বিদার্যা বীরণস্য চ| মূলানি কণ্টকার্যাশ্চ জীবকর্শভকৌ বলাম্| মেদে দ্বে দ্বে চ কাকোল্যৌ সূপ্যপর্ণী শতাবরীম্| অশ্বগন্ধামতিবলামাত্মগুপ্তাং পুনর্নবাম্| বীরাং পযস্যাং জীবন্তীং ঋদ্ধিং রাস্নাং ত্রিকণ্টকম্| মধুকং শালিপর্ণী চ ভাগাংস্ত্রিপলিকান্ পৃথক্| মাষাণামাঢকং চৈতদ্ দ্বিদ্রোণে সাধযেদাপাম্| রসেনাঢকশেষেণ পচেত্তেন ঘৃতাঢকম্| রসেনাঢকশেষেণ পচেত্তেন ঘৃতাঢকম্| ঘৃতাচ্চতুর্গুণং ক্ষীরং পেষ্যাণীমানি চাবপেত্| বীরাং স্বগুপ্তাঙ্কাকোল্যৌ যষ্টীং ফল্গুং দ্বিপিপ্পলীম্| দ্রাক্ষাং বিদারীং খর্জূরং মধুকানি শতাবরীম্| তত্সিদ্ধপূতং চূর্ণস্য পৃথক্প্রস্থেন যোজযেত্| শর্করাযস্তুগাযাশ্চ পিপ্পল্যাঃ কুডবেন চ| মরিচস্য প্রকুঞ্চেন পৃথগর্দ্ধপলোন্মিতৈঃ| ত্বগেলাকেসরৈঃ শ্লক্ষ্ণৈঃ ক্ষৌদ্রদ্বিকুডবেন চ| পলমাট্রং ততঃ খাদেত্ প্রত্যহং রসদুগ্ধভুক্| তেনারোহতি বাজীব কুলিঙ্গ ইব হৃষ্যতি||১১||
शरेक्षुकुशकाशानं विदार्या वीरणस्य च| मूलानि कण्टकार्याश्च जीवकर्शभकौ बलाम्| मेदे द्वे द्वे च काकोल्यौ सूप्यपर्णी शतावरीम्| अश्वगन्धामतिबलामात्मगुप्तां पुनर्नवाम्| वीरां पयस्यां जीवन्तीं ऋद्धिं रास्नां त्रिकण्टकम्| मधुकं शालिपर्णी च भागांस्त्रिपलिकान् पृथक्| माषाणामाढकं चैतद् द्विद्रोणे साधयेदापाम्| रसेनाढकशेषेण पचेत्तेन घृताढकम्| रसेनाढकशेषेण पचेत्तेन घृताढकम्| घृताच्चतुर्गुणं क्षीरं पेष्याणीमानि चावपेत्| वीरां स्वगुप्ताङ्काकोल्यौ यष्टीं फल्गुं द्विपिप्पलीम्| द्राक्षां विदारीं खर्जूरं मधुकानि शतावरीम्| तत्सिद्धपूतं चूर्णस्य पृथक्प्रस्थेन योजयेत्| शर्करायस्तुगायाश्च पिप्पल्याः कुडवेन च| मरिचस्य प्रकुञ्चेन पृथगर्द्धपलोन्मितैः| त्वगेलाकेसरैः श्लक्ष्णैः क्षौद्रद्विकुडवेन च| पलमाट्रं ततः खादेत् प्रत्यहं रसदुग्धभुक्| तेनारोहति वाजीव कुलिङ्ग इव हृष्यति||११||
🔊 Audio coming soon
শরাদীনাং কণ্টকার্যন্তানাং মূলানি| ব্যাখ্যাসমম্| শরঃ কাণ্ডেক্ষুঃ, বীরণমুশীরম্| বীরা ক্ষীরবিদারী| পযস্যা ক্ষীরিকা| ত্রিকণ্টকো গোক্ষুরকঃ| ফল্গু কাকোদুম্বরিকাফলম্| ক্ষৌদ্রস্য দ্বিকুডব ষোডশপলানি| কুলিঙ্গশ্চটকঃ|| ১১||
Adhikarana mAShAdighRutam (12) · Śloka 12
মাষাত্মগুপ্তাবীজানামাঢকং প্রসৃতোন্মিতম্| মেদাশ্বগন্ধর্দ্ধিবরী বীরা যষ্টী দ্বিজীবকম্| শূর্পেঽপাং বিপচেত্তেন পাদশেষেণ পাচযেত্| বিদারীক্ষুরসপ্রস্থদ্বযেন সদৃশেন চ| সর্বৈঃ ক্ষীরেণ হবিষো নবাত্প্রস্থং শৃতেঽত্র চ| সিতা ক্ষৌদ্রসিতাখ্যানাং পৃথগ্দদ্যাচ্চতুষ্পলম্| পলং কণাত্ পুরো ভক্তং লিহংস্তত্পলপূর্বকম্| তরুণীষ্ববতৃপ্তাসু প্রসভং রাসভাযতে||১২||
माषात्मगुप्ताबीजानामाढकं प्रसृतोन्मितम्| मेदाश्वगन्धर्द्धिवरी वीरा यष्टी द्विजीवकम्| शूर्पेऽपां विपचेत्तेन पादशेषेण पाचयेत्| विदारीक्षुरसप्रस्थद्वयेन सदृशेन च| सर्वैः क्षीरेण हविषो नवात्प्रस्थं शृतेऽत्र च| सिता क्षौद्रसिताख्यानां पृथग्दद्याच्चतुष्पलम्| पलं कणात् पुरो भक्तं लिहंस्तत्पलपूर्वकम्| तरुणीष्ववतृप्तासु प्रसभं रासभायते||१२||
🔊 Audio coming soon
মাষাত্মগুপ্তাবীজানাং মিশ্রীকৃতানামাঢকম্| মন্দাদিকং প্রসৃতোন্মিতমিতি| সর্বৈরিতি ক্বাথবিদারীক্ষুরসৈঃ সদৃশেন সমেন ক্ষীরেণ| সুবোধম্| অস্য যোগস্য ভক্তাত্পূর্বং প্রযোগঃ| পলপূর্বকং লিহংস্তদ্ ঘৃতং পুরুষো যাঃ পুরুষে অতৃপ্তাস্তরুণ্যস্তাসু রাসভাযতে রাসভ ইবাচরতি|| ১২||
Adhikarana medAdibAShkayaNaM payaH (13) · Śloka 13
মেদাদিভিশ্চ কর্ষাংশৈঃ শৃতং বাষ্কযণং পযঃ| সশর্করাক্ষৌদ্রঘৃতং শুক্রবৃদ্ধিকরং পরম্||১৩||
मेदादिभिश्च कर्षांशैः शृतं बाष्कयणं पयः| सशर्कराक्षौद्रघृतं शुक्रवृद्धिकरं परम्||१३||
🔊 Audio coming soon
মেদাদিভিঃ পূর্বক্বাথনির্দিষ্টৈর্জীবকান্তৈঃ কর্ষাশৈর্বাষ্কযণং পযঃ শৃতং শর্করাদিযুক্তং পরং শুক্রবৃদ্ধিকরম্|| ১৩||
Adhikarana mAShAdipAyasaH (14) · Śloka 14
পযসা পাযসস্তেন মাষকণ্ডূকরীফলৈঃ| বৃষ্যো বেগকরঃ সিদ্ধঃ সঘৃতক্ষৌদ্রশর্করঃ||১৪||
पयसा पायसस्तेन माषकण्डूकरीफलैः| वृष्यो वेगकरः सिद्धः सघृतक्षौद्रशर्करः||१४||
🔊 Audio coming soon
তেন চ মেদাদিসিদ্ধেন পযসা মাষৈঃ কপিকচ্ছূফলৈশ্চ পাযসঃ সিদ্ধো ঘৃতাদিযুক্তো বৃষ্যো বেগকরশ্চ|| ১৪||
Adhikarana shvadaMShTrAdipAyasaH (15) · Śloka 15
শ্বদংষ্ট্রাযা বিদার্যাশ্চ রসে ক্ষীরচতুর্গুণে| ঘৃতাঢ্যঃ সাধিতো বৃষ্যো মাষষষ্টিকপাযসঃ||১৫||
श्वदंष्ट्राया विदार्याश्च रसे क्षीरचतुर्गुणे| घृताढ्यः साधितो वृष्यो माषषष्टिकपायसः||१५||
🔊 Audio coming soon
ক্ষীরচতুর্গুণে শ্বদংষ্ট্রাদিরসে ঘৃতাঢ্যঃ সাধিতো মাষষষ্টিকপাযসো বৃষ্যঃ শুক্রপুষ্টিকরঃ|| ১৫||
Adhikarana madhUlikAdicUrNam (16) · Śloka 16
মধূলিকা মাষপর্ণী সিতা শৃঙ্গাটকং যবাঃ| স্বগুপ্তামূলযষ্ট্যাহ্ববিদারীক্ষুরকাঃ সমাঃ| সপ্রিযালা কৃতং চূর্ণং পৃথঙ্মধ্বাজ্যষড্গুণম্| পাদাভ্যামস্পৃশন্ ভূমিং লিহন্ কাল্যমতঃ পিচুম্| লভতে বলমুত্সাহং স্ত্রীংশ্চ যাতি কুলিঙ্গবত্||১৬||
मधूलिका माषपर्णी सिता शृङ्गाटकं यवाः| स्वगुप्तामूलयष्ट्याह्वविदारीक्षुरकाः समाः| सप्रियाला कृतं चूर्णं पृथङ्मध्वाज्यषड्गुणम्| पादाभ्यामस्पृशन् भूमिं लिहन् काल्यमतः पिचुम्| लभते बलमुत्साहं स्त्रींश्च याति कुलिङ्गवत्||१६||
🔊 Audio coming soon
মধূলিকাদযঃ প্রিযালান্তাঃ সমস্তৈশ্চূর্ণং পৃথগিতি মধুনা ষড্গুণেনাজ্যেনাপি ষড্গুণেন যুক্তমতঃ পরং পিচুং কর্ষং কাল্যং প্রভাতে লিহন্ পাদাভ্যাং ভূমিমস্পৃশন্ পুরুষো বলমুত্সাহং চ লভতে| কুলিঙ্গশ্চটকঃ|| ১৬||
Adhikarana svaguptAdicUrNam (17) · Śloka 17
স্বগুপ্তা ক্ষীরকাকোলী বিদারী জীবকদ্বযম্| তিলাঃ সুলুঞ্চিতাঃ ভৃষ্টাঃ শর্করাজ্যমধুপ্লুতম্| তচ্চূর্ণং প্রসৃতং লীঢ্বা গচ্ছতি প্রমদাশতম্||১৭||
स्वगुप्ता क्षीरकाकोली विदारी जीवकद्वयम्| तिलाः सुलुञ्चिताः भृष्टाः शर्कराज्यमधुप्लुतम्| तच्चूर्णं प्रसृतं लीढ्वा गच्छति प्रमदाशतम्||१७||
🔊 Audio coming soon
স্বগুপ্তাদিকং সুলুঞ্চিতাস্ত্যাজিতত্বচো ভৃষ্টস্তিলাশ্চেত্যন্তমেতচ্ছর্করাদ্যাপ্লুতঞ্চূর্ণন্তস্য প্রসৃতং পলদ্বযং প্রমদাশতং গচ্ছতি||১৭||
Adhikarana mAShacUrNalehaH (18) · Śloka 18
প্রসৃতং মাষচূর্ণস্য ধাত্রীস্বরসভাবিতম্| বিদারীরজসো বাপি লিহন্ মধুঘৃতদ্গুতম্| ক্ষীরানুপশ্চটকবদ্দশকৃত্বো ব্রজেত্ স্ত্রিযঃ||১৮||
प्रसृतं माषचूर्णस्य धात्रीस्वरसभावितम्| विदारीरजसो वापि लिहन् मधुघृतद्गुतम्| क्षीरानुपश्चटकवद्दशकृत्वो व्रजेत् स्त्रियः||१८||
🔊 Audio coming soon
মাষচূর্ণস্য ব বিদারীচূর্ণস্য বা প্রসৃতং ধাত্রীরসেন ভাবিতং মধুঘৃতাভ্যাং লিহন্ ক্ষীরানুপঃ সন্ দশকৃত্বো দশবারান্ চটকবত্ স্ত্রিযো ব্রজেত্|| ১৮||
Adhikarana vidArIcUrNalehaH (19) · Śloka 19
চূর্ণং বিদার্যা বহুশঃ স্বরসেনৈব ভাবিতম্| ক্ষৌদ্রসর্পির্যুতং লীঢ্বা প্রমদা দশ গচ্ছতি||১৯||
चूर्णं विदार्या बहुशः स्वरसेनैव भावितम्| क्षौद्रसर्पिर्युतं लीढ्वा प्रमदा दश गच्छति||१९||
🔊 Audio coming soon
বিদারীচূর্ণলেহঃ সুবোধঃ| বহুশো অনেকশঃ| স্বরসেন বিদারী স্বরসেন|| ১৯||
Adhikarana kRuShNAdicUrNalehaH (20) · Śloka 20
কৃষ্ণা ধাত্রীফলরজঃ স্বরসেনৈব ভাবিতম্| শর্করামধুসর্পির্ভির্লীঢ্বা যোঽনু পযঃ পিবেত্| স নরোঽশীতিবর্ষোঽপি যুবেব পরিহৃষ্যতি||২০||
कृष्णा धात्रीफलरजः स्वरसेनैव भावितम्| शर्करामधुसर्पिर्भिर्लीढ्वा योऽनु पयः पिबेत्| स नरोऽशीतिवर्षोऽपि युवेव परिहृष्यति||२०||
🔊 Audio coming soon
কৃষ্ণাফলানাং ধাত্রীফলানাঞ্চ চূর্ণং স্বরসেন কৃষ্ণাধাত্রীফলরসেন সুভাবিতং সত্ শর্করাদিভির্লীঢ্বা যঃ পযোঽনুপিবেত্ সোঽশীতিবর্ষোঽপি যুবেব পরং হর্ষং প্রাপ্নোতি|| ২০||
Adhikarana madhuyaShTIkarShaprayogaH (21) · Śloka 21
কর্ষং মধুকচূর্ণয্স্ ঘৃতক্ষৌদ্রসমন্বিতম্| পযোঽনুপানং যো লিহ্যান্নিত্যবেগঃ স না ভবেত্||২১||
कर्षं मधुकचूर्णय्स् घृतक्षौद्रसमन्वितम्| पयोऽनुपानं यो लिह्यान्नित्यवेगः स ना भवेत्||२१||
🔊 Audio coming soon
মধুযষ্টী কর্ষপ্রযোগঃ সুবোধঃ| না পুরুষঃ| নিত্যবেগঃ সদা বেগবান্|| ২১||
Adhikarana kulIrashRu~ggIkalkaH (22) · Śloka 22
কুলীরশৃঙ্গ্যা যঃ কল্কমালোড্য পযসা পিবেত্| সিতাঘৃতপযোঽন্নাশী স নারীষু বৃষাযতে||২২||
कुलीरशृङ्ग्या यः कल्कमालोड्य पयसा पिबेत्| सिताघृतपयोऽन्नाशी स नारीषु वृषायते||२२||
🔊 Audio coming soon
কর্কটাশৃঙ্গ্যাঃ কল্কস্য পযসা প্রযোগে যঃ সিতাদিভিরন্নমশ্নাতি স নারীষু বৃষ ইবাচরতি|| ২২||
Adhikarana dhAnyamASharasAdiprayogaH (23) · Śloka 23
ধান্যমাষরসঃ ক্ষীরং ক্ষৌদ্রমিক্ষুরসো ঘৃতম্| দ্বিমেদা জীবকযুগক্বাথশ্চৈকত্র যোজিতঃ| পীতঃ করোতি পুরুষং প্রমদাশতগামিনম্||২৩||
धान्यमाषरसः क्षीरं क्षौद्रमिक्षुरसो घृतम्| द्विमेदा जीवकयुगक्वाथश्चैकत्र योजितः| पीतः करोति पुरुषं प्रमदाशतगामिनम्||२३||
🔊 Audio coming soon
ধান্যমাষযোরেকো রসঃ তত্সমানি প্রত্যেকং পঞ্চ ক্ষীরাদীনি| একত্র যোজিতো মিশ্রীকৃতঃ পীতঃ পুরুষং প্রমদাশতগামিনং করোতি|| ২৩||
Adhikarana BallAtakashRutakShIram (24) · Śloka 24
ভলাতকৈশ্চতুর্ভিস্তু দুগ্ধস্যার্দ্ধাঢকং পচেত্| পীতং করোতি বৃষতাং সুজীর্ণস্যাপি দেহিনঃ||২৪||
भलातकैश्चतुर्भिस्तु दुग्धस्यार्द्धाढकं पचेत्| पीतं करोति वृषतां सुजीर्णस्यापि देहिनः||२४||
🔊 Audio coming soon
ভল্লাতকষৃতক্ষীরং সুবোধম্| দুগ্ধস্যার্দ্ধাঢকংচতুঃষষ্টিপলানি| সুজীর্ণস্য সুবৃদ্ধস্যাপি (ভল্লাতকস্যারুষ্করস্য মজ্জা)|| ২৪||
Adhikarana svaya~gguptekShurakAdicUrNayogAH (25) · Śloka 25
স্বযঙ্গুপ্তেক্ষুরকযোর্বীজচূর্ণং সশর্করম্| ধারোষ্ণেন নরঃ পীত্বা পযসা রাসভাযতে| উচ্চটাচূর্ণমপ্যেনং শতাবর্যাশ্চ যোজযেত্||২৫||
स्वयङ्गुप्तेक्षुरकयोर्बीजचूर्णं सशर्करम्| धारोष्णेन नरः पीत्वा पयसा रासभायते| उच्चटाचूर्णमप्येनं शतावर्याश्च योजयेत्||२५||
🔊 Audio coming soon
স্বযঙ্গুপ্তেক্ষুরকযোরধ্যণ্ডকোকিলাক্ষকযোর্বীজস্য চূর্ণং শর্করা সহিতং ধারোষ্ণেন পযসা পীত্বা নরো রাসভাযতে রাসভ ইবাচরতি| সুবোধম্| উচ্চটা প্রসিদ্ধা (মহামুস্তা)|| ২৫||
Adhikarana sUpyaparNyAdikShIrayogau (26) · Śloka 26
সূপ্যপর্ণী দ্বিকাকোলী জীবকর্ষভকৈঃ শৃতম্| লঘুনা পঞ্চমূলেন দ্বিকাকোলীযুতেন বা| পযোঽতিবৃষ্যমভ্যস্য বৃদ্ধোঽপি তরুণাযতে||২৬||
सूप्यपर्णी द्विकाकोली जीवकर्षभकैः शृतम्| लघुना पञ्चमूलेन द्विकाकोलीयुतेन वा| पयोऽतिवृष्यमभ्यस्य वृद्धोऽपि तरुणायते||२६||
🔊 Audio coming soon
সূপ্যপর্ণ্যাদিভিঃ ঋষভকান্তৈঃ শৃতং পয একঃ প্রযোগঃ| হ্রস্বপঞ্চমূলেন কাকোলীদ্বযযুতেন দ্বিতীযঃ|| ২৬||
Adhikarana kShIriNyAdipuMsavanayogAH (27) · Śloka 27
ক্ষীরিণী চ শ্বদংষ্ট্রা চ ফাণিতং শর্করা মধু| গৃষ্টিক্ষীরং নবং সর্পিরেতত্ পুংসবনং পরম্||২৭||
क्षीरिणी च श्वदंष्ट्रा च फाणितं शर्करा मधु| गृष्टिक्षीरं नवं सर्पिरेतत् पुंसवनं परम्||२७||
🔊 Audio coming soon
ক্ষীরিণ্যাদিকং পুরুষেণোপযুক্তং পরং পুংসবনম্| ক্ষীরিণী পযস্যা||২৭||
Adhikarana ashvatyaPalAdivRuShyayogaH (28) · Śloka 28
অশ্বত্থফলমূলত্বক্শৃঙ্গসিদ্ধং পযো নরঃ| পীত্বা সশর্করং শীতং কুলিঙ্গ ইব হৃষ্যতি||২৮||
अश्वत्थफलमूलत्वक्शृङ्गसिद्धं पयो नरः| पीत्वा सशर्करं शीतं कुलिङ्ग इव हृष्यति||२८||
🔊 Audio coming soon
অশ্বত্থফলাদিচতুষ্টযেন সিদ্ধং পযঃ পীত্বা কুলিঙ্গবদ্ধৃষ্যতি|| ২৮||
Adhikarana payasyAsiddhaM payaH (29) · Śloka 29
পযঃ পযস্যযা সিদ্ধং শুক্রকৃত্সাজ্যমাক্ষিকম্||২৯||
पयः पयस्यया सिद्धं शुक्रकृत्साज्यमाक्षिकम्||२९||
🔊 Audio coming soon
পযস্যযা সিদ্ধপযঃ প্রযোগো ব্যাখ্যাস্যামঃ|| ২৯||
Adhikarana shatAvarIghRutayogau (30) · Śloka 30
শতাবরীকল্করসে পযো দশগুণং ঘৃতম্| শৃতং সপিপ্পলীক্ষৌদ্রশর্করং বৃষ্যমুত্তমম্| শতাবরীরসপ্রস্থং ক্ষীরপ্রস্থচতুষ্টযম্| প্রস্থং ঘৃতস্য শুক্ত্যংশং দ্রাক্ষামাংসীপরূষকম্| জীবকর্ষভযষ্ট্যাহ্ববলামেদাকশেরুকম্| প্রিযালবীজং কাকোলীযুগ্মং চৈকত্র পাচযেত্| পক্বপূতে ক্ষিপেচ্চাস্মিন্ কুডবাংশাং সিতোপলাম্| গৃষ্টিক্শীরানুপঃ প্রাশ্য তন্নারীষু বৃষাযতে| বিজযেত চ বাতাস্রং পিত্তাস্রোরঃ ক্ষতক্ষযান্||৩০||
शतावरीकल्करसे पयो दशगुणं घृतम्| शृतं सपिप्पलीक्षौद्रशर्करं वृष्यमुत्तमम्| शतावरीरसप्रस्थं क्षीरप्रस्थचतुष्टयम्| प्रस्थं घृतस्य शुक्त्यंशं द्राक्षामांसीपरूषकम्| जीवकर्षभयष्ट्याह्वबलामेदाकशेरुकम्| प्रियालबीजं काकोलीयुग्मं चैकत्र पाचयेत्| पक्वपूते क्षिपेच्चास्मिन् कुडवांशां सितोपलाम्| गृष्टिक्शीरानुपः प्राश्य तन्नारीषु वृषायते| विजयेत च वातास्रं पित्तास्रोरः क्षतक्षयान्||३०||
🔊 Audio coming soon
শতাবরীঘৃতে ঘৃতাদ্দশগুণং পযঃ পিপ্পল্যাদিকং সিদ্ধে দেযম্| দ্বিতীযে শতাবরীরসপ্রস্থাদ্যে দ্রাক্ষাদিকং শুক্ত্যংশমর্দ্ধপলং চৈকস্মিন্ ভাজনে কৃত্বা পাচযেদেতচ্চ ঘৃতং বাতাস্রাদিকঞ্চ জযেত্|| ৩০||
Adhikarana jIvAkAdighRutam (31) · Śloka 31
জীবকক্ষীরকাকোলীস্থিরাহংসপদীঘনৈঃ| ষটীক্ষুগণ্ডিকাযষ্টীমৃণালৈঃ কার্ষিকৈঃ পচেত্| ঘৃতপ্রস্থং দশগুণে ক্ষীরে তদ্ বলপুষ্টিকৃত্| বন্ধ্যানাং পুত্রজননং শুক্রবর্দ্ধনশোধনম্||৩১||
जीवकक्षीरकाकोलीस्थिराहंसपदीघनैः| षटीक्षुगण्डिकायष्टीमृणालैः कार्षिकैः पचेत्| घृतप्रस्थं दशगुणे क्षीरे तद् बलपुष्टिकृत्| वन्ध्यानां पुत्रजननं शुक्रवर्द्धनशोधनम्||३१||
🔊 Audio coming soon
জীবকাদিঘৃতং সুবোধম্| হংসপদী বিসগ্রন্থ্যাখ্যা, কার্ষিকং কর্ষপ্রমাণম্, ঘৃতাদ্দশগুণং ক্ষীরম্, বন্ধ্যানামপ্রজানাম্| শুক্রবর্দ্ধনং শুক্রশোধনং চ|| ৩১||
Adhikarana svaya~gguptAdimodakaH (32) · Śloka 32
জলাঢকে স্বযঙ্গুপ্তামূলাত্ পঞ্চপলং পচেত্| পাদশেষে চ স্ঞ্চূর্ণ্য কুডবাংশাঃ পৃথক্ষিপেত্| স্বগুপ্তামূলগোধূমমাষেক্ষুরকপিপ্পলিঃ| সপ্রিযালফলক্ষৌদ্রাঃ প্রস্থার্দ্ধং নবসর্পিষঃ| সিতোপলাতুলাপাদং কুর্যাত্তান্ মোদকাংস্ততঃ| মোদকং ভক্ষযিত্বৈকং ষষ্টিং ব্রজতি যোষিতাম্||৩২||
जलाढके स्वयङ्गुप्तामूलात् पञ्चपलं पचेत्| पादशेषे च स्ञ्चूर्ण्य कुडवांशाः पृथक्षिपेत्| स्वगुप्तामूलगोधूममाषेक्षुरकपिप्पलिः| सप्रियालफलक्षौद्राः प्रस्थार्द्धं नवसर्पिषः| सितोपलातुलापादं कुर्यात्तान् मोदकांस्ततः| मोदकं भक्षयित्वैकं षष्टिं व्रजति योषिताम्||३२||
🔊 Audio coming soon
আত্মগুপ্তামূলাত্ পঞ্চপলং জলস্যাঢকে অষ্টাবিংশত্যধিকে পলশতে পচেত্| তমিন্ পাদশেষে স্বগুপ্তাদিকং কুডবাংশং পৃথবিক্ষপেত্| স্বগুপ্তাদীনাং কুডবশ্চত্বারি পলানি| ক্ষৌদ্রস্য কুডবোঽষ্টৌ পলানি| নবসর্পিষঃ প্রস্থার্দ্ধং ষোডশপলানি| সিতোপলাযাস্তুলাপাদঃ পঞ্চবিংশতিপলানি| প্রত্যহমেকস্য মোদকস্য ভক্ষণম্||৩২||
Adhikarana bRuhatyAdistilashaShkulikA (33) · Śloka 33
পলাংশান্ বৃহতীব্যাঘ্রীপৃশ্নিপর্ণীত্রিকণ্টকান্| দ্বযাঢকেনাম্ভসা পক্ত্বা পাদশেষে রসে স্থিতে| পলানি ক্ষীরকাকোল্যাঃ পঞ্চ মাগধিকাপলম্| স্বগুপ্তাফলমূলানাং মাষাণামিক্ষুররস্য চ| বিদার্যা মধুনশ্চাত্র কুডবং কুডবং ক্ষিপেত্| পৃথগ্দ্বৌ মুদ্গতিলযোর্ঘৃতে শষ্কুলিকাস্ততঃ| পচেদেকাং ততঃ প্রাশ্য শতং ব্রজতি যোষিতাম্||৩৩||
पलांशान् बृहतीव्याघ्रीपृश्निपर्णीत्रिकण्टकान्| द्वयाढकेनाम्भसा पक्त्वा पादशेषे रसे स्थिते| पलानि क्षीरकाकोल्याः पञ्च मागधिकापलम्| स्वगुप्ताफलमूलानां माषाणामिक्षुररस्य च| विदार्या मधुनश्चात्र कुडवं कुडवं क्षिपेत्| पृथग्द्वौ मुद्गतिलयोर्घृते शष्कुलिकास्ततः| पचेदेकां ततः प्राश्य शतं व्रजति योषिताम्||३३||
🔊 Audio coming soon
পলাংশানিতি| বৃহত্যাদিভিস্তিলশষ্কুলিকা সুবোধা| ক্ষীরকাকোল্যাঃ পঞ্চ পলানি| স্বগুপ্তামূলাদীনাং প্রত্যেকং কুডবঃ| মধুনঃ কুডবো বিদার্যাদ্ দ্বিগুণঃ| মুদ্গস্য দ্বৌ কুডবৌ তিলস্য দ্বাবিতি পৃথগর্যঃ|| ৩৩||
Adhikarana svaguptAmUlakRutabhakShyAH (34) · Śloka 34
স্বগুপ্তামূলচূর্ণেন দ্রুতেন পযসা কৃতাঃ| ঘৃতে সশর্করাক্ষৌদ্রা ভক্ষ্যা বেগশতপ্রদাঃ||৩৪||
स्वगुप्तामूलचूर्णेन द्रुतेन पयसा कृताः| घृते सशर्कराक्षौद्रा भक्ष्या वेगशतप्रदाः||३४||
🔊 Audio coming soon
পযসা দ্রুতেন স্বগুপ্তামূলচূর্ণেন ঘৃতে সংস্কৃতাঃ সশর্করাক্ষৌদ্রা ভক্ষ্যা বেগশতপ্রদাঃ|| ৩৪||
Adhikarana mAShAtmaguptAdipUpalikAH (35) · Śloka 35
মাষাত্মগুপ্তা গোধূমশালিষষ্টিকপৈষ্টীকান্| শর্করাযা বিদার্যাশ্চ চূর্ণানীক্ষুরকস্য চ| সংযোজ্য ক্ষীরসর্পির্ভ্যাং ঘৃতে পূপলিকাঃ পচেত্| পযোঽনুপানাস্তাঃ শীঘ্রং কুর্বন্তি বৃষতাং পরম্||৩৫||
माषात्मगुप्ता गोधूमशालिषष्टिकपैष्टीकान्| शर्कराया विदार्याश्च चूर्णानीक्षुरकस्य च| संयोज्य क्षीरसर्पिर्भ्यां घृते पूपलिकाः पचेत्| पयोऽनुपानास्ताः शीघ्रं कुर्वन्ति वृषतां परम्||३५||
🔊 Audio coming soon
মাষাত্মগুপ্তা গোধূমাদিপৈষ্টিকান্ শর্করাদিচূর্ণানি চ ক্ষীরঘৃতাভ্যামালোড্য ঘৃতে বটকবত্ পূপলিকাঃ পচেত্| সুবোধম্|| ৩৫||
Adhikarana mAShatilAdishaShkulikAH (36) · Śloka 36
চূর্ণং মাষাত্তিলাচ্ছালোর্বিদার্যাশ্চ সসৈন্ধবম্| রসেন পুণ্ড্রকস্যেক্ষোঃ প্লুতং বারাহমেদসি| পক্ত্বা শুষ্কুলিকাঃ খাদন্নারোহেত্ ষষ্টিমঙ্গনাঃ||৩৬||
चूर्णं माषात्तिलाच्छालोर्विदार्याश्च ससैन्धवम्| रसेन पुण्ड्रकस्येक्षोः प्लुतं वाराहमेदसि| पक्त्वा शुष्कुलिकाः खादन्नारोहेत् षष्टिमङ्गनाः||३६||
🔊 Audio coming soon
মাষাদীনাং চূর্ণং লবণেন যুক্তং পুণ্ড্রেক্ষুরসেনালোড্য সূকরমেদসি শষ্কুলিকাঃ কার্যাঃ| সুবোধম্|| ৩৬||
Adhikarana madhuraphalapUpalikAH (37) · Śloka 37
মুখপ্রিযাণাং স্নিগ্ধানাং ফলানাং মধুরাত্মনাম্| ফলানামাত্মগুপ্তাযাঃ শালের্মাষাত্তিলাদ্ ঘৃতাত্| মুদ্গাদ্গোধূমতশ্চাপি কুডবং কুডবং পৃথক্| চূর্ণিতৈর্ন্নিস্তুষৈস্তৈস্তু ক্ষীরেণালোড্য মর্দিতৈঃ| পক্বাং পূপলিকাং খাদন্ স্ত্রীষু হৃষ্যতি বাজিবত্||৩৭||
मुखप्रियाणां स्निग्धानां फलानां मधुरात्मनाम्| फलानामात्मगुप्तायाः शालेर्माषात्तिलाद् घृतात्| मुद्गाद्गोधूमतश्चापि कुडवं कुडवं पृथक्| चूर्णितैर्न्निस्तुषैस्तैस्तु क्षीरेणालोड्य मर्दितैः| पक्वां पूपलिकां खादन् स्त्रीषु हृष्यति वाजिवत्||३७||
🔊 Audio coming soon
মুখপ্রিযালাদিগুণানাং দ্রাক্ষাদীনাং ফলানামাত্মগুপ্তাফলানাং শাল্যাদীনাঞ্চ প্রত্যেকং কুডবঃ| এভির্ন্নিস্তুষৈশ্চূর্ণীকৃতৈঃ ক্ষীরেণালোড্য মর্দ্দিতৈঃ পূপলিকাঃ কার্যা|| ৩৭||
Adhikarana rasAnupAnotkArikAprayogaH (38) · Śloka 38
শর্করামাষগোধূমতুগাক্ষীরীপযোঘৃতৈঃ| পক্বামুত্কারিকাং খাদেত্কৃকবাকুরসানুপঃ| মাযূরং তৈত্তিরং হাংসমেবমেব রসং পিবেত্| অনেনাশ্ব ইবোদীর্ণে বলী লিঙ্গং সমর্পযেত্||৩৮||
शर्करामाषगोधूमतुगाक्षीरीपयोघृतैः| पक्वामुत्कारिकां खादेत्कृकवाकुरसानुपः| मायूरं तैत्तिरं हांसमेवमेव रसं पिबेत्| अनेनाश्व इवोदीर्णे बली लिङ्गं समर्पयेत्||३८||
🔊 Audio coming soon
শর্করাদিভিঃ পক্বামুত্কারিকাং কৃকবাকুরসানুপঃ খাদেত্| কৃকবাকুরসঃ কুক্কুটরসঃ মযূররসাদ্যন্যতমং বা পিবেত্| লিঙ্গং মেঢ্রম্|| ৩৮||
Adhikarana varAhamAMsAdigulikA (39) · Śloka 39
পিষ্ট্বা বরাহমাংসানি দত্ত্বা মরিচসৈন্ধবে| কোলবদ্গুলিকাঃ কৃত্বা তপ্তে সর্পিষি বর্ত্তযেত্| বর্ত্তনস্তম্ভিতাস্তাশ্চ প্রক্ষেপ্যাঃ কৌক্কুটে রসে| ঘৃতাঢ্যে গন্ধপিশুনে দধিদাডিমসারিকে| যথা ন ভিন্দ্যাদ্গুলিকাস্তথা তং সাধযেদ্রসম্| তং পিবন্ভক্ষযংস্তাশ্চ বলী বালেযবদ্ ব্রজেত্| মাংসানি বলযুক্তানি তথাঽন্যান্যপি কল্পযেত্||৩৯||
पिष्ट्वा वराहमांसानि दत्त्वा मरिचसैन्धवे| कोलवद्गुलिकाः कृत्वा तप्ते सर्पिषि वर्त्तयेत्| वर्त्तनस्तम्भितास्ताश्च प्रक्षेप्याः कौक्कुटे रसे| घृताढ्ये गन्धपिशुने दधिदाडिमसारिके| यथा न भिन्द्याद्गुलिकास्तथा तं साधयेद्रसम्| तं पिबन्भक्षयंस्ताश्च बली बालेयवद् व्रजेत्| मांसानि बलयुक्तानि तथाऽन्यान्यपि कल्पयेत्||३९||
🔊 Audio coming soon
পিষ্ট্বেত্যাদি| সূকরমাংসেন পিষ্টেন মরিচসৈন্ধবযুক্তেন কৃতা গুলিকাস্তপ্তে ঘৃতে বর্তযেত্ মনাগগ্নিসন্তাপং নযেত্| তস্তেন বর্ত্তনেন স্তম্ভিতা গৃহীতকাঠিন্যাঃ কৌক্কুটে রসে প্রক্ষেপ্যাঃ| ততস্তা রক্ষযন্ সাধযেত্| ঘৃতাঢ্য ইত্যাদি রসবিশেষণম্| বালেযো রাসভঃ| কুক্কুটবচ্চান্যান্যপি বলযুক্তানি মাংসানি কল্পযেত্| (তপ্তে সর্পিষি ভর্জযেত্| 'ভর্জনস্তম্ভিতাস্তাশ্চ' ইতি চরকপাঠঃ| ব্যাখ্যা-তপ্তে সর্পিষি ভর্জ্জযেত্| ভর্জ্জনস্তম্ভিতাশ্চ প্রক্ষেপ্যাঃকৌক্কুটে রসে ইত্যস্যাযমভিপ্রাযঃ| সর্পিষা তপ্তেন নবনীতাবস্থামতিক্রান্তেন| নবনীতাবস্থাযাং হি সাবশেষকালশেযাবযবত্বাদম্লানুগতং প্রযোগে নেষ্যতে| ননু সর্পিষীত্যুক্তে তদেব গম্যতে কথং পুনর্নবনীতাশঙ্কেতি| উচ্যতে-আচার্যা নবনীতং ঘৃতং জাতমিত্যস্তি নবনীতে ঘৃতব্যপদেশঃ| তস্মাত্তদপনযনার্থমিতি ব্যাখ্যানযন্তি| তেন চ তপ্তেন তাঃ সংহতিমাসাদযন্তি| তথা ন ভিদ্যন্তে দ্রবে ক্ষিপ্তাঃ| দধিদাডিমসারিক ইতি সারিকে সান্দ্রীভূত ইত্যর্থঃ| দধি দাডিমাম্লমিষ্যতে নান্যচ্ছুক্তাদি তস্য শুক্রক্ষযহেতুত্বেনাম্নানাত্| অম্লোঽম্লং পচ্যতে অম্লশ্চ পাকঃ শুক্রনাশনঃ-ইতি জেজ্জটঃ)|| ৩৯||
Adhikarana mAShA~gkurasiddho mAhiSharasaH (40) · Śloka 40
মাষানঙ্কুরিতান্ শুদ্ধান্ নিস্তুষান্ সাজহাফলান্| ঘৃতাঢ্যে মাহিরসে দধিদাডিমসারিকে| প্রক্ষিপ্য সাধযেদ্যুক্ত্যা ধান্যজীরকনাগরৈঃ| পীতো ভুক্তশ্চ স রসঃ কুরুতে শুক্রমক্ষযম্||৪০||
माषानङ्कुरितान् शुद्धान् निस्तुषान् साजहाफलान्| घृताढ्ये माहिरसे दधिदाडिमसारिके| प्रक्षिप्य साधयेद्युक्त्या धान्यजीरकनागरैः| पीतो भुक्तश्च स रसः कुरुते शुक्रमक्षयम्||४०||
🔊 Audio coming soon
অঙ্কুরিতত্বাদিযুক্তান্ মাষানজহাফলসংযুক্তান্ মাহিষমাংসরসে ঘৃতভূযিষ্ঠে দধিদাডিমপ্রধানে প্রক্ষিপ্য সাধযেত্| স সিদ্ধো রসঃ পীতো ভুক্তশ্চাক্ষযং শুক্রং কুরুতে| অজহা আত্মগুপ্তা| (কুরুতে, শুক্রমক্ষযমিতি সন্তানপ্রবৃত্ত্যা অক্ষযমিত্যুপচর্যতে- ইতি জেজ্জটঃ)|| ৪০||
Adhikarana haMsAdInAmaNDaprayogaH (41) · Śloka 41
হংসবর্হিণদক্ষাণ্ডান্ ভৃষ্টাংস্তপ্তেন সর্পিষা| সুরানুপানান্ যঃ খাদেত্স তৃপ্তস্তর্পযেত্স্ত্রিযঃ||৪১||
हंसबर्हिणदक्षाण्डान् भृष्टांस्तप्तेन सर्पिषा| सुरानुपानान् यः खादेत्स तृप्तस्तर्पयेत्स्त्रियः||४१||
🔊 Audio coming soon
হংসাদীনাং প্রযেকস্যাণ্ডান্ তপ্তেন সর্পিষা ভৃষ্টান্ সুরানুপানান্ খাদেত্|| ৪১||
Adhikarana ArdramatsyamAMsAdiprayogaH (42) · Śloka 42
আর্দ্রাণি মত্স্যমাংসানি শফরীর্বা সুভর্জিতাঃ| তপ্তে সর্পিষি যঃ খাদেত্স গচ্ছেত্স্ত্রীষু ন ক্ষযম্||৪২||
आर्द्राणि मत्स्यमांसानि शफरीर्वा सुभर्जिताः| तप्ते सर्पिषि यः खादेत्स गच्छेत्स्त्रीषु न क्षयम्||४२||
🔊 Audio coming soon
আর্দ্রাণাং মত্স্যমাংসানাং শফরীমাংসানাং চ ঘৃতভৃষ্টানাং প্রযোগঃ সুবোধঃ| শফরী রোহিতঃ| (মত্স্যশব্দস্য সামান্যবাচিত্বেঽপি রোহিতস্য গ্রহণং প্রধানকল্পনাশ্রযণাত্ রোহিতো মত্স্যানামিতি| ইতি জেজ্জটঃ)|| ৪২||
Adhikarana chAgarasasiddho rohitamatsyaprayogaH (43) · Śloka 43
ঘৃতভৃষ্টান্ রসে ছাগে রোহিতান্ ফলসারিকে| অনুপীতরসান্ সিদ্ধানপত্যার্থী প্রযোজযেত্||৪৩||
घृतभृष्टान् रसे छागे रोहितान् फलसारिके| अनुपीतरसान् सिद्धानपत्यार्थी प्रयोजयेत्||४३||
🔊 Audio coming soon
রোহিতান্ দাডিমাদিফলপ্রধানে ছাগে রসে সিদ্ধান্ ঘৃতভৃষ্টান্ রসানুপানযুক্তানপত্যার্থী প্রযোজযেত্|| ৪৩||
Adhikarana mAShabastANDAdiprayogAH (44) · Śloka 44
ঘৃতং মাষান্ সবস্তাণ্ডান্ ফলাম্লে মাহিষে রসে| স্বাদৌ বা সাধযেত্ পূতং তদ্রসং ভর্জযেদ্ ঘৃতে| ঈষল্লবণিতং যুক্তং ধান্যজীরকনাগরৈঃ| পীতঃ স বৃষ্যো বল্যশ্চ বৃংহণশ্চ পরং রসঃ||৪৪||
घृतं माषान् सबस्ताण्डान् फलाम्ले माहिषे रसे| स्वादौ वा साधयेत् पूतं तद्रसं भर्जयेद् घृते| ईषल्लवणितं युक्तं धान्यजीरकनागरैः| पीतः स वृष्यो बल्यश्च बृंहणश्च परं रसः||४४||
🔊 Audio coming soon
ঘৃতং মাষান্ বস্তানামণ্ডাংশ্চ মাহিষে দাডিমাদিফলাম্লে বা রসে স্বাদাবেব বা ন ত্বম্লে সাধযেত্| তং তথাবিধং রসং পূতমীষল্লবণং ধান্যাম্লাদিভির্যুক্তং ঘৃতে ভর্জযেত্| পীতঃ স রসঃ পরং বৃষ্যাদিগুণঃ|| ৪৪||
Adhikarana caTakAdirasaprayogAH (45) · Śloka 45
চটকাংস্তৈত্তিরে তদ্বত্তিত্তিরীন্ কৌক্কুটে রসে| কল্প্যেচ্ছিখিনো হংসে হংসান্ বা শিখিজে রসে| তৃপ্তিং চটকমাংসানাং গত্বা যোঽনু পযঃ পিবেত্| প্রভূতকালসংরুদ্ধাঃ সন্তর্পযতি যোষিতঃ||৪৫||
चटकांस्तैत्तिरे तद्वत्तित्तिरीन् कौक्कुटे रसे| कल्प्येच्छिखिनो हंसे हंसान् वा शिखिजे रसे| तृप्तिं चटकमांसानां गत्वा योऽनु पयः पिबेत्| प्रभूतकालसंरुद्धाः सन्तर्पयति योषितः||४५||
🔊 Audio coming soon
তৈত্তিরে রসে চটকাংস্তদ্বদিতি মাহিষরসবিধানেন কল্পযেত্| তদ্বদেবেতি তিত্তিরীণাং প্রযোগঃ কৌক্কুটে রসে| ব্যাখ্যাসমম্| প্রভূত কালসংরুদ্ধাঃ বহুকালং পুরুষসংসর্গেণ বিনাভূতাঃ|| ৪৫||
Adhikarana shUlyakukkuTaprayogaH (46) · Śloka 46
ঘৃটাঢ্যং কুক্কুটং শূল্যং শীতং খাদেত্ সমাক্ষিকম্| পিবেচ্চানন্তরং ক্ষীরং য ইচ্ছেচ্ছুক্রমক্ষযম্||৪৬||
घृटाढ्यं कुक्कुटं शूल्यं शीतं खादेत् समाक्षिकम्| पिबेच्चानन्तरं क्षीरं य इच्छेच्छुक्रमक्षयम्||४६||
🔊 Audio coming soon
শূলে কুক্কুটং বহুনা ঘৃতেন সংস্কৃত্য শীতীকৃত্য ক্ষৌদ্রেণ যুক্তং খাদেত্| অনন্তরঞ্চ ক্ষীরং পিবেত্| স এবং কুর্যাদ্যঃ শুক্রমক্ষযমিচ্ছেত্|| ৪৬||
Adhikarana pipalyAdinA bastANDaprayogAH (47) · Śloka 47
পিপ্পলীলবণৈর্যুক্তো বস্তাণ্ডৌ ক্ষীরসর্পিষা| সাধিতৌ ভক্ষযেদ্যস্তু স গচ্ছেত্ প্রমদাশতম্| বস্তাণ্ডসিদ্ধে গোদুগ্ধে ভাবিতানসকৃত্তিলান্| যঃ খাদেত্সসিতান্ গচ্ছেত্ স স্ত্রীশতমপূর্ববত্||৪৭||
पिप्पलीलवणैर्युक्तो बस्ताण्डौ क्षीरसर्पिषा| साधितौ भक्षयेद्यस्तु स गच्छेत् प्रमदाशतम्| बस्ताण्डसिद्धे गोदुग्धे भावितानसकृत्तिलान्| यः खादेत्ससितान् गच्छेत् स स्त्रीशतमपूर्ववत्||४७||
🔊 Audio coming soon
পিপ্পল্যাদিনা ছগলাণ্ডবিধানং সুবোধম্| তথৈব ছগলাণ্ডসিদ্ধগোক্ষীরভাবিতানাং তিলানাং প্রযোগঃ|| ৪৭||
Adhikarana mAShasUpena ShaShTikaudanaprayogaH (48) · Śloka 48
ভুক্ত্বা যো মাষসূপেন ঘৃতাঢ্যং ষষ্টিকৌদনম্| পযঃ পিবতি জাগর্ত্তি কৃত্স্নাং রাত্রিং স বেগবান্||৪৮||
भुक्त्वा यो माषसूपेन घृताढ्यं षष्टिकौदनम्| पयः पिबति जागर्त्ति कृत्स्नां रात्रिं स वेगवान्||४८||
🔊 Audio coming soon
ভুক্ত্বেত্যাদি| যো ঘৃতাঢ্যং ঘৃতভূযিষ্ঠং ষষ্টিকান্নং মাষসূপেন সহ ভুক্ত্বা পযঃ পিবতি স বেগবান্ সকলাং রাত্রিং জাগর্ত্তি||৪৮||
Adhikarana AtmaguptAdibhiH kShIrapAkaH (49) · Śloka 49
আত্মগুপ্তাফলং মাষান্ খর্জূরাণি শতাবরীম্| শৃঙ্গাটকানি মৃদ্বীকাং পচেত্তত্ প্রসৃতোন্মিতম্| ক্ষীরপ্রস্থং জলপ্রস্থমেতত্ ক্ষীরাবশেষিতম্| শুচিনা বাসসা পূতং যোজযেত্ প্রসৃতৈস্ত্রিভিঃ| শর্করাযাস্তুগাক্ষীর্যাঃ সর্পিষোঽভিনবস্য চ| তত্পিবেত্ক্ষৌদ্রসংযুক্তং ভুঞ্জানঃ ষষ্টিকৌদনম্| তথা জরাপরীতোঽপি পুত্রৈঃ স পরিবার্যতে||৪৯||
आत्मगुप्ताफलं माषान् खर्जूराणि शतावरीम्| शृङ्गाटकानि मृद्वीकां पचेत्तत् प्रसृतोन्मितम्| क्षीरप्रस्थं जलप्रस्थमेतत् क्षीरावशेषितम्| शुचिना वाससा पूतं योजयेत् प्रसृतैस्त्रिभिः| शर्करायास्तुगाक्षीर्याः सर्पिषोऽभिनवस्य च| तत्पिबेत्क्षौद्रसंयुक्तं भुञ्जानः षष्टिकौदनम्| तथा जरापरीतोऽपि पुत्रैः स परिवार्यते||४९||
🔊 Audio coming soon
আত্মগুপ্তাফলাদিভিঃ ক্ষীরবিধানং সুবোধম্| শর্করাদাদীনাং প্রত্যেকং ত্রযঃ প্রসৃতাঃ|| ৪৯||
Adhikarana drAkShAdikShIrapAkaH (50) · Śloka 50
দ্রাক্ষাখর্জূরখর্জূরীমস্তকান্যজহাফলম্| পযস্যাভীরুমাষাংশ্চ মধুকানি চ সাধযেত্| তোযাঢকে পলাংশানি পাদশেষেণ তেন চ| ক্ষীরপ্রস্থং পচেত্ক্ষীরশেষেণাদ্যাদ্ ঘৃতান্বিতম্| ষষ্টিকান্নং সিতাজ্যেন যোগোঽযং শুক্রকৃত্পরম্||৫০||
द्राक्षाखर्जूरखर्जूरीमस्तकान्यजहाफलम्| पयस्याभीरुमाषांश्च मधुकानि च साधयेत्| तोयाढके पलांशानि पादशेषेण तेन च| क्षीरप्रस्थं पचेत्क्षीरशेषेणाद्याद् घृतान्वितम्| षष्टिकान्नं सिताज्येन योगोऽयं शुक्रकृत्परम्||५०||
🔊 Audio coming soon
দ্রাক্ষাদীনাং ক্বাথেন ক্ষীরপ্রস্থং পচেত্| ক্ষীরশেষম্| সিতাজ্যসহিতেন তেন ক্ষীরেণ ষষ্টিকান্নমদ্যাত্| অজহা আত্মগুপ্তা||৫০||
Adhikarana jIvakAdighRutam (51) · Śloka 51
জীবকর্ষভকৌ মেদা জীবন্তী শ্রাবণীদ্বযম্| খার্জূরং মধুকং দ্রাক্ষাং বিদারীং বিশ্বভেষজম্| শৃঙ্গাটকানি চপলা নবং সর্পিঃ পযোজলম্| ঘৃতাবশেষিতং সিদ্ধং শর্করামাক্ষিকান্বিতম্| ষষ্টিকৌদনসংযুক্তমুপযোজ্যং যথাবলম্| তদ্দৃষ্যং বলকৃদ্বর্ণ্যং কণ্ড্যং দেহস্য বৃংহণম্||৫১||
जीवकर्षभकौ मेदा जीवन्ती श्रावणीद्वयम्| खार्जूरं मधुकं द्राक्षां विदारीं विश्वभेषजम्| शृङ्गाटकानि चपला नवं सर्पिः पयोजलम्| घृतावशेषितं सिद्धं शर्करामाक्षिकान्वितम्| षष्टिकौदनसंयुक्तमुपयोज्यं यथाबलम्| तद्दृष्यं बलकृद्वर्ण्यं कण्ड्यं देहस्य बृंहणम्||५१||
🔊 Audio coming soon
জীবকাদিসিদ্ধং ঘৃতং শর্করামাক্ষিকসহিতং যথাবলং ষষ্টিকান্নমুপযোজ্যং বৃষ্যাদিগুণম্|| ৫১||
Adhikarana gRuShTyAdikShIram (52) · Śloka 52
গৃষ্টির্বষ্কযণী নীরুগূর্ধ্বশৃঙ্গী চতুস্তনী| সান্দ্রস্বাদুবহুক্ষীরা রূপশীলসমন্বিতা| ইক্ষুভির্মাষপর্ণেন যা সুপুষ্টার্জুনেন বা| তত্ক্ষীরং সসিতাক্ষৌদ্রঘৃতং পুত্র্যং রতিপ্রদম্||৫২||
गृष्टिर्बष्कयणी नीरुगूर्ध्वशृङ्गी चतुस्तनी| सान्द्रस्वादुबहुक्षीरा रूपशीलसमन्विता| इक्षुभिर्माषपर्णेन या सुपुष्टार्जुनेन वा| तत्क्षीरं ससिताक्षौद्रघृतं पुत्र्यं रतिप्रदम्||५२||
🔊 Audio coming soon
গুষ্টিত্বাদিগুণযুক্তাযা ইক্ষ্বাদিনা সুপুষ্টাযাঃ গোঃ ক্ষীরং সিতাদিসহিতং পীতং পুত্রীযং রতিপ্রদং চ| গৃষ্টিঃ প্রথমপ্রসবা| বষ্কযণ্যনবপ্রসূতা| (গৃষ্টিরেকবারপ্রসূতা তস্যা উপচিতধাতুত্বাত্ পযোঽপি কারণানুবিধানাত্ তদ্বদেব ভবতি| পুষ্টঘ্ণং চৈতত্ জ্ঞাপযতি| সাত্ম্যেনোপচিতাযাঃ ক্ষীরমপি জ্যাযস্তামাবহতি| চতুস্তন্যাদিভির্বিশেষণৈঃ ক্ষীরমপি ত্রিস্তনত্ববিশালত্ববিশঙ্কটত্বাদযো গবাং দোষা ইতি| এবংবিধা মঙ্গল্যা চতুস্তন্যাদিযুক্তেতি| এবংবিধাযাঃ পযঃপ্রভাবাদ্ বৃষ্যতামাসাদযতি| মাষপর্ণেনেত্যত্র পর্ণগ্রহণেনৈতজ্জ্ঞাপযতি| শুষ্কাঃ স্তম্ববন্তো ন ফলানীতি| তান্যসাত্ম্যানি প্রাযশো গবাং তৃণপর্ণোচিতত্বাত্| তস্মাত্ মাষপর্ণেনেত্যুচ্যতে| অন্যতৃণপর্ণপুষ্টাযা অপি ক্ষীরং বৃষ্যমুচ্যতে| মাষাপর্ণাদিভির্বৃষ্যৈঃ পুষ্টাযা নিতরাং বৃষত্বমাপাদযতি| অন্যে ত্বন্যথা ক্ষীরত্রযমিতি বর্ণযন্তি| ইক্ষ্বাদাযা মাষপর্ণাদাযা অর্জুনাদাযাশ্চেতি-ইতি জেজ্জটঃ)|| ৫২||
Adhikarana gRuShTyAdikShIraprayogaH prathamaH prayogaH (53) · Śloka 53
শুক্রলৈর্জীবনীযাখ্যৈর্বৃহণৈর্বলবর্দ্ধনঃ| বযসঃ স্থাপনৈশ্চৈতত্পযঃসিদ্ধং পৃথক্পৃথক্| যুক্তং গোধূমচূর্ণেন সঘৃতক্ষৌদ্রশর্করম্| পর্যাযেণোপযোক্তব্যমিচ্ছতা শুক্রমক্ষযম্||৫৩||
शुक्रलैर्जीवनीयाख्यैर्बृहणैर्बलवर्द्धनः| वयसः स्थापनैश्चैतत्पयःसिद्धं पृथक्पृथक्| युक्तं गोधूमचूर्णेन सघृतक्षौद्रशर्करम्| पर्यायेणोपयोक्तव्यमिच्छता शुक्रमक्षयम्||५३||
🔊 Audio coming soon
গোর্গ্গৃষ্ট্যাদিগুণযুক্তাযাশ্চৈতত্ পযঃ শুক্রলৈঃ শুক্রবর্দ্ধনৈর্মহাকষাযসংগ্রহাধ্যাযপঠিতৈর্মেদাকাকোলীদ্বযাদিভিঃ জীবনীযাখ্যৈর্জীবন্তীকাকোল্যাদিভিঃ| বৃংহণৈর্বাট্যাবলাদিভিঃ| বযসঃ স্থাপনৈস্মৃতাপথ্যাদিভিশ্চ পৃথক্পৃথক্সিদ্ধমনন্তরঞ্চ গোধূমচূর্ণেন ঘৃতাদিভিশ্চ যুক্তং পর্যাযেণেতি ক্রমেণোপযোক্তব্যমক্ষযং শুক্রমিচ্ছতা পুংসা||৫৩||
Adhikarana dvitIyaH prayogaH (54) · Śloka 54
মেদাং পযস্যাং জীবন্তীং বিদারীং কণ্টকারিকাম্| মাষান্ শ্বদংষ্ট্রাং ক্ষীরিকাং গোধূমান্ শালিষষ্টিকান্| তত্ক্ষীরেঽর্দ্ধোদকে সিদ্ধান্ কার্ষিকানাঢকোন্মিতে| বিসর্জযেত্পযশ্শেষং তত্পূতং ক্ষৌদ্রসর্পিষা| সিতযা চ যুতং পীত্বা বৃদ্ধোঽপি তরুণাযতে||৫৪||
मेदां पयस्यां जीवन्तीं विदारीं कण्टकारिकाम्| माषान् श्वदंष्ट्रां क्षीरिकां गोधूमान् शालिषष्टिकान्| तत्क्षीरेऽर्द्धोदके सिद्धान् कार्षिकानाढकोन्मिते| विसर्जयेत्पयश्शेषं तत्पूतं क्षौद्रसर्पिषा| सितया च युतं पीत्वा वृद्धोऽपि तरुणायते||५४||
🔊 Audio coming soon
তত্ক্ষীরে তস্যা গৃষ্ট্যাদিগুণযুক্তাযা গোঃ ক্ষীরে আঢকোন্মিতে অর্দ্ধোদকে উদকস্যার্দ্ধেন যুক্তে মেদাদীন্ কর্ষাশান্ দত্বা সিদ্ধান্ পযশ্শেষং কৃত্বা তান্ বিসর্জযেত্| ততঃ পূতং তত্ক্ষীরং ক্ষৌদ্রাদিযুক্তং পীত্বা বৃদ্ধোঽতীতসপ্ততিবর্ষোঽপি তরুণাযতে তরুণ ইবাচরতি||৫৪||
Adhikarana tRutIyaH prayogaH (55) · Śloka 55
মণ্ডলৈর্জাতরূপস্য সুতপ্তৈস্তত্পযঃ শৃতম্| সিদ্ধং পুংসবনং বৃষ্যং সসিতাঘৃতমাক্ষিকম্| রূপ্যাযস্তাম্রসীসানামযমেব পৃথগ্বিধিঃ||৫৫||
मण्डलैर्जातरूपस्य सुतप्तैस्तत्पयः शृतम्| सिद्धं पुंसवनं वृष्यं ससिताघृतमाक्षिकम्| रूप्यायस्ताम्रसीसानामयमेव पृथग्विधिः||५५||
🔊 Audio coming soon
তত্পযস্তস্যা গৃষ্ট্যাদিগুণযুক্তাযা গোঃ পযঃ সুতপ্তৈঃ সুবর্ণস্য পত্রৈঃ শৃতম্| সিদ্ধমিত্যাদি সুবোধম্| সুবর্ণবদ্রূপ্যানানামপি চতুর্ণামন্যতমস্য বিধিঃ| (জাতরূপস্য সুবর্ণস্য শুদ্ধস্যেত্যর্থঃ| মণ্ডলৈঃ পত্রৈঃ শৃতস্য পযসো বিশিষ্টশক্ত্যুত্পাদঃ| তত্পযস্তস্যা এবেক্ষ্বাদিপুষ্টাযাঃ-ইতি জেজ্জটঃ)|| ৫৫||
Adhikarana pippalIprayogaH (56) · Śloka 56
চূর্ণিতাঃ পিপ্পলীস্ত্রিংশত্ প্রকুঞ্চে তৈলসর্পিষোঃ| ভৃষ্টাঃ সশর্করাক্ষৌদ্রাঃ ক্ষীরেণালোডিতাঃ পিবেত্| অশ্নংশ্চ ষষ্টিকং ক্ষীরসর্পিভ্যাং বাজিবদ্ভবেত্||৫৬||
चूर्णिताः पिप्पलीस्त्रिंशत् प्रकुञ्चे तैलसर्पिषोः| भृष्टाः सशर्कराक्षौद्राः क्षीरेणालोडिताः पिबेत्| अश्नंश्च षष्टिकं क्षीरसर्पिभ्यां वाजिवद्भवेत्||५६||
🔊 Audio coming soon
তৈলঘৃতযোঃ প্রকুঞ্চে ভৃষ্টাস্য ত্রিংশত্ পিপ্পলীচূর্ণস্য শর্করাক্ষৌদ্রসহিতস্য ক্ষীরেণ পানং ষষ্টিকান্নস্য চ ক্ষীরসর্পির্ভ্যামশনং বাজীকরণম্|| ৫৬||
Adhikarana payasA ShaShTikaudanaprayogaH (57) · Śloka 57
চন্দ্রাংশুশুভ্রম্ পযসা ঘৃতাঢ্যং ষষ্টিকৌদনম্| শর্করামধুসংযুক্তং ভুঞ্জানো না বৃষাযতে||৫৭||
चन्द्रांशुशुभ्रम् पयसा घृताढ्यं षष्टिकौदनम्| शर्करामधुसंयुक्तं भुञ्जानो ना वृषायते||५७||
🔊 Audio coming soon
চন্দ্রাংশুবচ্ছুভ্রং ষষ্টিকস্যৌদনং ঘৃতভূযিষ্ঠং শর্করামধুযুক্তং ক্ষীরেণ ভুঞ্জানো বৃষাযতে| না পুরুষঃ| ('চন্দ্রাংশুকলপমি'তি চরকপাঠঃ) ষষ্টিকৌদনস্য চন্দ্রাংশুকল্পত্বং তস্যাপ্যপেতকণমলস্যাখণ্ডিতধৌতস্য জ্ঞাপনার্থম্| অন্যে তু গৌরষষ্টিকস্য প্রবরত্বাত্তদ্বিশেষণার্থং চন্দ্রাংশুকলপমিতি সাদৃশ্যান্ন কল্পনেনেতি-ইতি জেজ্জটঃ)|| ৫৭||
Adhikarana dadhnaH sareNa ShaShTikaudanaprayogaH (58) · Śloka 58
দধ্নঃ সরেণ সঘৃতো ভক্ষিতঃ ষষ্টিকৌদনঃ| সৈলাতুগোষণক্ষৌদ্রঃ শর্করাঢ্যেন শুক্রকৃত্||৫৮||
दध्नः सरेण सघृतो भक्षितः षष्टिकौदनः| सैलातुगोषणक्षौद्रः शर्कराढ्येन शुक्रकृत्||५८||
🔊 Audio coming soon
শর্করাভূযিষ্ঠেন দধ্নঃ সরেণৈলাদিযুক্তঃ ষষ্টিকৌদনো ভক্ষিতঃ শুক্রকৃদ্ভবতি| ঊষণং মরিচম্| দধ্নঃ সরং শরচ্চন্দ্রসন্নিভং দোষবর্জিতম্| শর্করাক্ষৌদ্রমরিচৈস্তুগাক্ষীর্যা চ বুদ্ধিমান্|| যুক্ত্যা যুক্তং সুসূক্ষ্মৈলং নাবে কুম্ভে শুচৌ পটে| মার্জিতং প্রক্ষিপেচ্ছীতে ঘৃতাঢ্যে ষষ্টিকৌদনং|| পিবেন্মাত্রাং রসালাযাস্তং ভুক্ত্বা ষষ্টিকৌদনম্| বর্ণস্বরবলোপেতঃ পুমাংস্তেন বৃষাযতে|| ইতি চরকে| দধ্নঃ সরমিত্যাদি| ষষ্টিকৌদনং ভুক্ত্বা রসালাযা মাত্রাং পিবেত্| রসালানাম দধিশর্করযা সহ পটমৃদিতং চ চতুর্জাতককর্পূরমাত্রযা যুক্তং লোকে রসালেত্যুচ্যতে-ইতি জেজ্জটঃ|| ৫৮||
Adhikarana vRuShyau pAdalepau (59) · Śloka 59
অধ্যণ্ডামার্ষভীং চৈব স্বযঙ্গুপ্তাফলানি চ| পাদলেপং নরঃ কৃত্বা নিশি বেগৈর্ন হীযতে| বর্ষাভূমূলমৃদ্বীকাস্বযঙ্গুপ্তাফলানি চ| সিদ্ধশ্চরণলেপোঽযং ভুবং পদ্ভ্যাং তু ন স্পৃশেত্||৫৯||
अध्यण्डामार्षभीं चैव स्वयङ्गुप्ताफलानि च| पादलेपं नरः कृत्वा निशि वेगैर्न हीयते| वर्षाभूमूलमृद्वीकास्वयङ्गुप्ताफलानि च| सिद्धश्चरणलेपोऽयं भुवं पद्भ्यां तु न स्पृशेत्||५९||
🔊 Audio coming soon
অধ্যণ্ডাদিভিঃ পাদলেপো বাজীকরণঃ| (নি) অধ্যণ্ডেক্ষুরকস্তৈলকণ্টকঃ কোকিলাক্ষকঃ| আর্ষভী ঋষভকাখ্যা| স্বযঙ্গুপ্তা আত্মগুপ্তা| সৈব কপিকচ্ছূঃ| বর্ষাভ্বাদিভিশ্চরণলেপঃ সিদ্ধোঽপ্রতিহতঃ| অস্মিন্ কৃতে পদ্ভযাং ভুবং ন স্পৃশেত্|| ৫৯||
Adhikarana nityavRuShyANi (60) · Śloka 60
ঘৃতক্ষীরাশনো নিত্যং নির্ব্যাধির্নিত্যগো যুবা| সঙ্কল্পপ্রবণো নিত্যং নরঃ স্ত্রীষু বৃষাযতে||৬০||
घृतक्षीराशनो नित्यं निर्व्याधिर्नित्यगो युवा| सङ्कल्पप्रवणो नित्यं नरः स्त्रीषु वृषायते||६०||
🔊 Audio coming soon
ঘৃতক্ষীরাশন ইতি| নিত্যং ঘৃতক্ষীরাশনত্বাদিযুক্তো নরঃ স্ত্রীষু নিত্যং বৃষাযতে| নিত্যগো যঃ সদৈব স্ত্রিযং যাতি| (সঙ্কল্পপ্রবণঃ কালানুধ্যানাভিমুখঃ সঙ্কল্পপ্রবণস্তন্নিত্যঃ| নরগ্রহণং কিং স্ত্রীষু বৃষাযত ইত্যুক্তে গম্যত এব| তথা স্ত্রীগ্রহণঞ্চ তত্রৈব বৃষাযতে নান্যত্রেতি স্ত্রীগ্রহণমপি ব্যর্থম্| উচ্যতে নরগ্রহণং নপুংসকমিত্যেতজ্জ্ঞাপযতি| স্ত্রীগ্রহণঞ্চ সামান্যেনৈব স্ত্রীতি প্রবর্ততে-ইতি জেজ্জটঃ)|| ৬০||
Adhikarana vRuShyANi BakShyapeyAdIni (61) · Śloka 61
আত্মগুপ্তাফলংমাষা গোধূমঃ শালিষষ্টিকম্| ইক্ষুরিক্ষুরকঃ ক্ষীরং ক্ষৌদ্রং দ্রাক্ষা সিতোপলা| উচ্চটা শরমূলানি বিদারী সশতাবরী| জীবনীযানি খর্জূরং মোচচোচফলানি চ| এভির্ভক্ষ্যাণি পেযানি লেহ্যানি চ ঘৃতানি চ| নিত্যমাসেবমানস্য স্ত্রীষু হর্ষো বিবর্দ্ধতে||৬১||
आत्मगुप्ताफलंमाषा गोधूमः शालिषष्टिकम्| इक्षुरिक्षुरकः क्षीरं क्षौद्रं द्राक्षा सितोपला| उच्चटा शरमूलानि विदारी सशतावरी| जीवनीयानि खर्जूरं मोचचोचफलानि च| एभिर्भक्ष्याणि पेयानि लेह्यानि च घृतानि च| नित्यमासेवमानस्य स्त्रीषु हर्षो विवर्द्धते||६१||
🔊 Audio coming soon
আত্মগুপ্তাফলাদিভিঃ কৃতানি ভক্ষ্যাদীনি সদা সেবমানস্য স্ত্রীষু বিষযে হর্ষো বিবর্দ্ধতে| ইক্ষুরকঃ কোকিলাক্ষকঃ, উচ্চটা প্রসিদ্ধা মহামুস্তা, শ্বেতদুর্বারিকা স্বল্পবিটপঃ 'প্রাযশো নদীতীরে দৃষ্যতে' ইতি সুশ্রুতটীকা| 'চূডালা চক্রলোচ্চটা' ইত্যমরঃ||৬১||
Adhikarana kShipravRuShyAH bastayaH (62) · Śloka 62
জীবনীযঘৃতক্ষীরমধুতৈলসিতারসৈঃ| রসক্ষীরাশিনঃ ক্ষিপ্রং বৃষং কুর্বন্তি বস্তযঃ||৬২||
जीवनीयघृतक्षीरमधुतैलसितारसैः| रसक्षीराशिनः क्षिप्रं वृषं कुर्वन्ति बस्तयः||६२||
🔊 Audio coming soon
জীবনীযাদিভিঃ কৃতা বস্তযো রসক্ষীরাশিনং নরং ক্ষিপ্রং বৃষং কুর্বন্তি|| ৬২||
Adhikarana putrIyAH bastayaH (63) · Śloka 63
সিদ্ধবস্তিবিকল্পোক্তান্ বলশুক্লসুতপ্রদান্| যুঞ্জীত বস্তীন্ পুত্রার্থী পুত্রকামোদিতং চ যত্||৬৩||
सिद्धबस्तिविकल्पोक्तान् बलशुक्लसुतप्रदान्| युञ्जीत बस्तीन् पुत्रार्थी पुत्रकामोदितं च यत्||६३||
🔊 Audio coming soon
যস্তু পুত্রার্থী স সিদ্ধবস্তিকল্পাধ্যাযোক্তান্ বলাদিপ্রদান্ বস্তীন্ যুঞ্জীত| তথা যদপি কিঞ্চিত্ পুত্রকামীযে শারীর উক্তং তদপি যুঞ্জীত|| ৬৩||
Adhikarana uktAnuktavAjIkaraNasaMgrahaH (64) · Śloka 64
যত্কিঞ্চিন্মধুরং স্নিগ্ধং বৃংহণং বলবর্দ্ধনম্| মনসো হর্ষণং যচ্চ তত্সর্বং বৃষ্যমুচ্যতে| দ্রব্যৈরেবZংবিধৈস্তস্মাদ্ ভাবিতঃ প্রমদাং ব্রজেত্| আত্মবেগেন চোদীর্ণঃ স্ত্রীগুণৈশ্চ প্রহর্ষিতঃ||৬৪||
यत्किञ्चिन्मधुरं स्निग्धं बृंहणं बलवर्द्धनम्| मनसो हर्षणं यच्च तत्सर्वं वृष्यमुच्यते| द्रव्यैरेवZंविधैस्तस्माद् भावितः प्रमदां व्रजेत्| आत्मवेगेन चोदीर्णः स्त्रीगुणैश्च प्रहर्षितः||६४||
🔊 Audio coming soon
ইদানীমুক্তানুক্তবাজীকরণসংগ্রহাযাহ-যদিত্যাদি| যচ্চ কিঞ্চিন্মাধুর্যাদিগুণং বস্তু যচ্চ মনসো হর্ষণং তত্সর্বং বৃষ্যমুচ্যতে| (ননু দধ্যাদীন্যম্লত্বেঽপি শুক্রজননানি মধ্বাদীনি রূক্ষাণ্যপি| অতো যত্কিঞ্চিন্মধুরাদ্যেতদ্বিরোধীতি| উচ্যতে-প্রভাবাত্| দধিমধ্বাদীন্যিম্লরূক্ষাণ্যপি বাজীকরণানি| ন কেবলং গুণপ্রভাবাদেব দ্রব্যাণি কারণানি, কিন্তু প্রভাবাদপি| দ্রব্যপ্রভাবশ্চানিত্যঃ শাস্ত্রৈকসমধিগম্য এবেতি ন কশ্চিদ্বিরোধ ইতি-জেজ্জটঃ)| তস্মাদেবংবিধৈর্মধুরাদিগুণৈর্দ্রব্যৈর্ভাবিত উত্পন্নসংস্কারঃ সন্নাত্মবেগেন চ পুরুষসদ্ভাবকৃতেনোদীর্ণ উত্সিক্তঃ স্ত্রীগুণৈশ্চ রূপচেষ্টাদিভিঃ প্রহর্ষিতঃ প্রমদাং ব্রজেত্| (দ্রব্যৈরিত্যাদি| অত্র ভাবিতগ্রহণেনৈতত্ জ্ঞাপযতি যাবত্ সর্বাত্মনান্বিতং দেহে দ্রব্যং স্যাত্তাবত্ গন্তব্যং ন প্রযোগান্তরমেবেতি| ননু চাত্মবেগেন চোদীর্ণ ইতি ব্যর্থঃ| ন হি পরবেগেনোদীর্ণতা সম্ভবতি| উচ্যতে| অযমভিপ্রাযঃ যাবদিচ্ছযোদ্ভূতবেগঃ পরাং হর্ষকাষ্ঠামারুঢস্তাবত্ প্রমদাং ব্রজেত্| উক্তং চ নানুদ্ভূতবেগ ইতি| স্ত্রীগুণৈশ্চ প্রহর্ষিতো হাবভাবসংবাহনাদিভিরিত্যর্থঃ-ইতি জেজ্জটঃ)|| ৬৪||
Adhikarana striyAH vRuShyatvam (65) · Śloka 65
ইষ্টা হ্যেকৈকশোঽপ্যর্থা হর্ষপ্রীতিকরাঃ পরম্| কিং পুনঃ স্ত্রীশরীরে যে সঙ্ঘাতেন প্রতিষ্ঠিতাঃ||৬৫||
इष्टा ह्येकैकशोऽप्यर्था हर्षप्रीतिकराः परम्| किं पुनः स्त्रीशरीरे ये सङ्घातेन प्रतिष्ठिताः||६५||
🔊 Audio coming soon
অর্থাঃ শব্দাদযো বিষযা য ইষ্টাস্তে নিযতমেকৈকশঃ পৃথগ্ভাবেনাপি স্থিতাঃ পরং হর্ষপ্রীতিকরা ভবন্তি| কিং পুনর্যে স্ত্রীশরীরে সঙ্ঘাতেন যুগপত্পত্প্রতিষ্ঠিতাঃ| (সর্ববাজীকরণেভ্যোঽপি স্ত্র্যৈব বাজীকরণমুত্কৃষ্টামানন্দহেতুত্বাদিত্যাহ-ইষ্টা হ্যেকৈকশ ইত্যাদি| একৈকশোঽপ্যর্থা বিষযাঃ শব্দাদয ইষ্টাঃ, পরং হর্ষপ্রীতিকরা ভবন্তি| এবমর্থানাং প্রত্যেকং হর্ষপ্রীতিকরণে সামর্থ্যং কিং পুনঃ স্ত্রীশরীরে যে সঙ্ঘাতেন প্রতিষ্ঠিতাঃ| ননু স্ত্রীগ্রহণেন পর্যাপ্তত্বাত্ শরীরগ্রহণং কিম্ ? উচ্যতে| একদেশানামাত্মমনসাঞ্চ ব্যাবর্ত্তনার্থম্| আত্মন্যপি কেচিদ্ব্যযবস্থিতা মনস্যপি কেচিত্| তস্মাচ্ছরীরে যে প্রতিষ্ঠিতা ইত্যর্থঃ| কিঞ্চ গুণগুণিনোরন্যত্বং চানেন প্রকাশিতং ভবতি-ইতি জেজ্জটঃ)|| ৬৫||
Adhikarana guNotkarShe hetuBedaH (66) · Śloka 66
রুচিভেদেন লোকস্য দৈবযোগাচ্চ যোষিতাম্| তং তং প্রাপ্য বিবর্দ্ধন্তে নরং রূপাদযো গুণাঃ||৬৬||
रुचिभेदेन लोकस्य दैवयोगाच्च योषिताम्| तं तं प्राप्य विवर्द्धन्ते नरं रूपादयो गुणाः||६६||
🔊 Audio coming soon
রুচিভেদেনেত্যাদি| তথা রূপাদযো যোষিতাং যে গুণাস্তে তং তং বিশিষ্টং নরং প্রাপ্য বিবর্দ্ধন্তে| য এবৈকস্য ন কিঞ্চিদপ্যনুরূপাস্ত এবাপরস্যাপরিমেযা ইতি ভবন্তি| অস্য চ রাগবিরাগস্য হেতুর্লোকানাং রুচিভেদেন ভিন্নরুচিত্বম্| তচ্চ স্বভাবাত্| তথা দৈবযোগতঃ যস্য তথাবিধমদৃষ্টং ভবত্যেতদাহিতমনোভিঃ সুতরাং বিচার্যম্| ন কিঞ্চিত্ কল্পিতং তদিতি কিঞ্চিদপি প্রতিভাতি|| ৬৬||
Adhikarana vRuShyatamA strI (67) · Śloka 67
তস্মাদ্যা যস্য হৃদযং বিশতীব বরাঙ্গনা| তুল্যস্বভাবা যা হারিমৃজারূপগুণান্বিতা| পাশভূতৈর্বহন্ত্যঙ্গৈর্লাবণ্যমিব মুর্তিমত্| আলপন্ত্যমৃতেনেব যা গাত্রাণি নিষিঞ্চতি| পিবন্তীব চ পশ্যন্তী স্পৃশন্তী লিম্পতীব যা| নিত্যমুত্সবভূতা যা যা সমানমনঃশযা| নযত্যুত্সুকতাং চেতো নিত্যং সন্নিহিতাপি যা| যযা বিযুক্তো নিস্ত্রীকমরতির্মন্যতে জগত্| প্রগল্ভা রতিসংগ্রামে স্বস্থা লজ্জামযী চ যা| বহুশোঽপি চ যাং গত্বা তত্পূর্বমিব গচ্ছতি| চরিতৈর্নির্বিকারাযা বিকারৈরিব নির্মিতা| কান্তানুবৃত্তি পরমা সা স্ত্রী বৃষ্যতমা মতা||৬৭||
तस्माद्या यस्य हृदयं विशतीव वराङ्गना| तुल्यस्वभावा या हारिमृजारूपगुणान्विता| पाशभूतैर्वहन्त्यङ्गैर्लावण्यमिव मुर्तिमत्| आलपन्त्यमृतेनेव या गात्राणि निषिञ्चति| पिबन्तीव च पश्यन्ती स्पृशन्ती लिम्पतीव या| नित्यमुत्सवभूता या या समानमनःशया| नयत्युत्सुकतां चेतो नित्यं सन्निहितापि या| यया वियुक्तो निस्त्रीकमरतिर्मन्यते जगत्| प्रगल्भा रतिसंग्रामे स्वस्था लज्जामयी च या| बहुशोऽपि च यां गत्वा तत्पूर्वमिव गच्छति| चरितैर्निर्विकाराया विकारैरिव निर्मिता| कान्तानुवृत्ति परमा सा स्त्री वृष्यतमा मता||६७||
🔊 Audio coming soon
যত এবং তস্মাদ্যা বরাঙ্গনা যস্য হৃদযং স্বশরীরান্তঃপ্রিযতযা বিশতীব সা বৃষ্যতমা মতেতি সম্বন্ধঃ| তুল্যস্বভাবেত্যাদেরেষ এব সম্বন্ধঃ| যা তুল্যস্বভাবা হারিমৃজাদ্যন্বিতা চ হারিমৃজা মনোহরা স্নানাদিভিঃ| পাশভূতৈস্সর্বাকর্ষণযোগ্যৈরঙ্গৈর্যুক্তা মূর্তিমদিবলাবণ্যং বহন্তী| যা চালপন্তী গাত্রাণ্যমৃতেন নিষিঞ্চতীব| যা চ পশ্যন্তী পিবন্তীব স্পৃশন্তী লিম্পন্তীব| যা চ নিত্যমুত্সবভূতা সদা হৃদযানন্দকরী| যা সমানমনঃশযা তুল্যকালোদ্ভবসুরতাবসানা (সদৈব তুল্যকামা-ইতি জেজ্জটঃ)| যা নিত্যং সন্নিহিতা সমীপস্থিতাপি চেত উত্সুকতাং নযতি| উত্সুকতা সোত্কণ্ঠত্বম্| যযা বিযুক্তো বিপ্রযুক্তোঽরতিঃ সন্ সর্বং জগ্গন্নিস্ত্রীকমেব মন্যতে| যা রতিসংগ্রামে প্রগল্ভা সমর্থা| স্বস্থা নিবৃত্তরতিসংগ্রামা লজ্জামযীব| যাং চ বহুশোঽপি গত্বা পুরুষোঽতৃপ্তঃ সন্ প্রথমমিব গচ্ছতি| যা চ চরিতৈর্ব্যবহারচেষ্টাদিভির্নির্বিকারা| শৃঙ্গারচেষ্স্টাসু পুনর্বিকারৈরিব নির্মিতা| কান্তস্যচিন্তানুবৃত্তিপ্রধানা| সৈবম্ভূতা বৃষ্যতমা মতাভিপ্রেতা| (যা যস্য হৃদযমিত্যাদৌ বহুশো যাযেতি বহুত্বম্| উচ্যতে-পৃথগপি বৃষ্যা, দ্বিত্রাদিভির্বৃষ্যতরা, সর্বৈর্বৃষ্যতমেত্যস্যার্থস্য প্রাপণার্থং যাযেতি বহুত্বম্| সৌরুপ্যমেকমেব পর্যাপ্তো গুণঃ প্রথমং যৌবনমত্র দ্বিতীযশ্চ পরিগৃহ্যতে| লক্ষণৈর্বাহ্যৈরান্তরৈর্বিদ্যাবিনযাদিভিশ্চ যান্বিতা সা মতাভিপ্রেতা বৃষ্যতমেতি| ইতি জেজ্জটঃ)|| ৬৭||
Adhikarana apare vRuShyaBAvAH (68) · Śloka 68
অভ্যঞ্জনোদ্বর্তনসেকগন্ধ স্রক্চিত্রবস্ত্রাভরণপ্রকারাঃ| সুগন্ধিপুষ্পোত্কররেণুকীর্ণা মৃদুর্মনোজ্ঞা বিপুলা চ শয্যা| প্রাজ্ঞা কলাজ্ঞাবশগা বিনীতাঃ প্রিযংবদাঃ প্রীতিকরা বযস্যাঃ| বিস্রম্ভসত্ত্বপ্রকৃতিক্রিযৈক্যা চ্ছরীরমাত্রেণ পৃথক্ত্বভূতাঃ| কান্তাবনান্তাঃ পরপুষ্টঘুষ্টা রম্যাঃ স্রবন্ত্যঃ সততং স্রবন্ত্যঃ| মদ্যং মদামোদকরং বিশেষা দ্ধৃদ্যা প্রসন্না সুরভিঃ প্রসন্না| শকাঙ্গনাগণ্ডতলাভিপাণ্ডু তাম্বূলপত্রং পরিবারশোভি| প্রসাধনং স্ত্রীমুখপঙ্কজানাং যদাযুধং মূর্ত্তিমিবাত্মজস্য| হিমাচলোদ্ধূনিতদুগ্ধসিন্ধু সমুদ্ভবত্ ফেনচযাবদাতম্| সৌধং সুধা শুভ্রতরা করাশ্চ চন্দ্রস্য কুর্বন্তি পরং বৃষত্বম্||৬৮||
अभ्यञ्जनोद्वर्तनसेकगन्ध स्रक्चित्रवस्त्राभरणप्रकाराः| सुगन्धिपुष्पोत्कररेणुकीर्णा मृदुर्मनोज्ञा विपुला च शय्या| प्राज्ञा कलाज्ञावशगा विनीताः प्रियंवदाः प्रीतिकरा वयस्याः| विस्रम्भसत्त्वप्रकृतिक्रियैक्या च्छरीरमात्रेण पृथक्त्वभूताः| कान्तावनान्ताः परपुष्टघुष्टा रम्याः स्रवन्त्यः सततं स्रवन्त्यः| मद्यं मदामोदकरं विशेषा द्धृद्या प्रसन्ना सुरभिः प्रसन्ना| शकाङ्गनागण्डतलाभिपाण्डु ताम्बूलपत्रं परिवारशोभि| प्रसाधनं स्त्रीमुखपङ्कजानां यदायुधं मूर्त्तिमिवात्मजस्य| हिमाचलोद्धूनितदुग्धसिन्धु समुद्भवत् फेनचयावदातम्| सौधं सुधा शुभ्रतरा कराश्च चन्द्रस्य कुर्वन्ति परं वृषत्वम्||६८||
🔊 Audio coming soon
অপরে অমী ভাবাঃ পরং বৃষত্বং কুর্বন্তীত্যাহ-অভ্যঞ্জনেত্যাদি| অভ্যঞ্জনাদযো নানাবিধাঃ প্রকারাঃ| তথা মৃদ্বাদিগুণা শয্যা, কিম্ভূতা শোভনস্য পুষ্পপ্রকরস্য রেণুভিঃ কীর্ণা| তথা বযস্যাঃ| প্রাজ্ঞত্বাদিগুণাঃ| কলাশ্চতুঃষষ্টিঃ কামতন্ত্রপ্রসিদ্ধাঃ তজ্জ্ঞাঃ বিস্রম্ভাদীনামৈক্যাচ্ছারীরমাত্রেণ পৃথগ্ভূতাঃ| তথা বনান্তাঃ কান্তা মনোরমাঃ| তথা স্রবন্ত্যো নদ্যঃ সততমবিচ্ছেদেন স্রবন্ত্যো বহন্ত্যঃ| তথা তন্মদ্যং যন্মদং করোত্যামোদঞ্চ| আমোদঃ সৌরভম্| মদ্যেভ্যশ্চ বিশেষাত্ প্রসন্না সুরা| কিম্ভূতা হৃদ্যা হৃদযপ্রীতিদাযিনী| সুরভিঃ সৌরভ্যযুক্তা প্রসন্না স্বচ্ছা চ| তথা তাম্বূলপত্রম্| কিংভূতম্| শকাঙ্গনানাং যদ্গণ্ডতলং গণ্ডপ্রদেশং তদ্বদভিপাণ্ডু তথা যত্তাম্বূলপত্রং পরিবারেণ পূগক্ষারকর্পূরাদিনা শোভতে| অন্যচ্চ কিম্ভূতং স্ত্রীণাং যানি মুখপঙ্কজানি তেষাং প্রসাধনং মণ্ডনং যত্পরিবারশোভি তদাত্মজস্য কামস্য মূর্ত্তিমদিবাযুধং বিজযহেতুত্বাত্| তথা সৌধং হর্ম্যপৃষ্ঠমপি বৃষত্বং করোতি| কিম্ভূতমাহ-হিমাচলেন তুষারগিরিণা উদ্ভূনিতঃ শোধিতো যো দুগ্ধসিন্ধুস্তত উদ্ভূতো যঃ ফেনানাং চযো নিচযস্তদ্বদবদাতং শুক্লম্| তথা সুধাতঃ শুভ্রতরা অত্যন্তশুক্লা যে চন্দ্রস্য করাস্তে চ পরং বৃষত্বং কুর্বন্তি|| ৬৮||
Adhikarana ratAvAsanAntaram (69) · Śloka 69
বন্ধেন পূর্বোপহিতেন পুংসঃ খিন্নস্য বৃত্তিঃ করণান্তরেণ| সংবাহনং স্পর্শসুখৈঃ করৈশ্চ করোত্যপূর্বামিব মন্মথেচ্ছাম্||৬৯||
बन्धेन पूर्वोपहितेन पुंसः खिन्नस्य वृत्तिः करणान्तरेण| संवाहनं स्पर्शसुखैः करैश्च करोत्यपूर्वामिव मन्मथेच्छाम्||६९||
🔊 Audio coming soon
তথা বন্ধেন রতৌ সংবেশনপ্রকারেণৈকেন খিন্নস্য পুংসোঽন্যেন করণেন বৃত্তির্যা সাঽপূর্বামিব মন্মথেচ্ছাং করোতি| তস্যৈব বন্ধখিন্নস্য স্পর্শসুখৈঃ কান্তাকরৈঃ সংবাহনমপূর্বাং মন্মথেচ্ছাং করোতি|| ৬৯||
Adhikarana raticeShTAj~jAnamahattvam (70) · Śloka 70
প্রাযোগিকাধিকরণোদিতচিত্রচেষ্টা সংশীলনোদ্ভবদনল্পরসার্দ্রচিত্তঃ| বৃষ্যোপযোগপরিবৃংহিতদেহধাতু র্নারীমনাংসি বশমানযতি প্রসহ্য| তস্মান্নিত্যং স্ত্রীষু বাঞ্ছন্ প্রিযত্বং বৃষ্যৈর্যোগৈর্জাতকামোঽপি কামী| সত্ত্বং সাত্ম্যং দেশকালৌ চ বুধ্বা চাতুষ্ষষ্টে চেষ্টিতে ব্যাপ্রিযেত||৭০||
प्रायोगिकाधिकरणोदितचित्रचेष्टा संशीलनोद्भवदनल्परसार्द्रचित्तः| वृष्योपयोगपरिबृंहितदेहधातु र्नारीमनांसि वशमानयति प्रसह्य| तस्मान्नित्यं स्त्रीषु वाञ्छन् प्रियत्वं वृष्यैर्योगैर्जातकामोऽपि कामी| सत्त्वं सात्म्यं देशकालौ च बुध्वा चातुष्षष्टे चेष्टिते व्याप्रियेत||७०||
🔊 Audio coming soon
তথা এবম্ভূতঃ পুরুষো নারীমনাংসি স্ত্রীচিত্তানি প্রসহ্যাঽঽক্রম্য বশমানযতি| কিম্ভূত আহ-প্রাযোগিকাখ্যেঽধিকরণে কামশাস্ত্রে যা বিচিত্রাশ্চেষ্টাস্তাসাং শীলনাত্ ভবেদ্যোঽনল্পো রসঃ সুখাখ্যস্তেনার্দ্রং চিত্তং যস্য স তথোক্তঃ| তথা বৃষ্যাণামাহারাদীনামুপযোগেন পরিবৃংহিতা দেহধাতবো যস্যেতি| তস্মাদ্যত এবং ততঃ কামী বৃষ্যৈর্যোগৈর্জাতকামোঽপি স্ত্রীষু প্রিযত্বং বাঞ্ছন্ সত্ত্বাদিকং বুধ্বা বাত্স্যাযনোক্তাযাঃ সাম্প্রযোগিকাযাঃ নখরদনাদিভেদেন চাতুষ্ষষ্টে চেষ্টিতে ব্যাপ্রিযেত|| ৭০||
Adhikarana ratAtishayaprashaMsA (71) · Śloka 71
বলযস্বনসঙ্কুলমুষ্টিরব দ্বিগুণীকৃতমেখলিকানিনদঃ| চলনূপুরশব্দযুতোঽপি মুহুঃ শমমাবহতে ন রতাতিশযঃ||৭১||
वलयस्वनसङ्कुलमुष्टिरव द्विगुणीकृतमेखलिकानिनदः| चलनूपुरशब्दयुतोऽपि मुहुः शममावहते न रतातिशयः||७१||
🔊 Audio coming soon
বলযস্বনাদিযুক্তো রতাতিশযো মুহুরপি সেব্যমানো ন শমমাবহতে|| ৭১||
Adhikarana kAmavardhanAni (72) · Śloka 72
সর্বার্থসিদ্ধিঃ প্রথমোঽনুরাগঃ শৃঙ্গারগান্ধর্বকথাবিশেষাঃ| সীত্কারগর্ভম্ হসিতং সহাবং ছিন্নাক্ষরম্ বিভ্রমবচ্চ গীতম্| সব্যাজসন্দর্শিতচারুগাত্রং বৃত্তং প্রিযাণামবলোকিতঞ্চ| চূতাঙ্কুরং পুষ্পফলং যথর্তুবিদ্যুত্বদুদ্যোতিতগর্জিতানি| বিহঙ্গভৃঙ্গস্তনিতানুযাতং স্ত্রীকূজিতং ভূষণশিঞ্জিতানি| কালে যথাস্বং বপুষশ্চ শুদ্ধিঃ সঙ্কল্পযোনের্ধুরমুদ্বহন্তি||৭২||
सर्वार्थसिद्धिः प्रथमोऽनुरागः शृङ्गारगान्धर्वकथाविशेषाः| सीत्कारगर्भम् हसितं सहावं छिन्नाक्षरम् विभ्रमवच्च गीतम्| सव्याजसन्दर्शितचारुगात्रं वृत्तं प्रियाणामवलोकितञ्च| चूताङ्कुरं पुष्पफलं यथर्तुविद्युत्वदुद्योतितगर्जितानि| विहङ्गभृङ्गस्तनितानुयातं स्त्रीकूजितं भूषणशिञ्जितानि| काले यथास्वं वपुषश्च शुद्धिः सङ्कल्पयोनेर्धुरमुद्वहन्ति||७२||
🔊 Audio coming soon
সর্বার্থসিদ্ধ্যাদীনি সঙ্কল্পযোনেঃ কামস্য ধুরমুদ্বহন্তি| সর্বেষামর্থানামিষ্টানাং সিদ্ধিঃ সীত্কারগর্ভং হসিতমিত্যদেঃ প্রিযাণামিতি সম্বধ্যতে| তথা সহাবং হাবেন যুক্তং অনুরাগভাবসূচকো দৃষ্ট্যাদিবিকারো হাবঃ| তথা গীতং ছিন্নাক্ষরং ধ্বনিপ্রযোগবাহুল্যাত্| তথা বিভ্রমবত্ বিভ্রমোঽত্র বিলাস এব তস্য লক্ষণম্-স্থানাসনশযনানাং হস্তভ্রূনেত্রকর্মণাং চৈব| উত্পদ্যতে বিশেষো যঃ শ্লিষ্টঃ স তু বিলাসঃ স্যাদিতি| তথা তাসামেব বৃত্তম্| কিম্ভূতমাহ-সব্যাজং কৃত্বা সন্দর্শিতং চারুগাত্রং যস্মিন্| তথা তাসামেবাবলোকিতম্| যথর্তু চূতাঙ্কুরাদীন্| বিদ্যুত্বান্ বলাহকঃ তদুদ্যোতিতানি গর্জিতানি| স্ত্রীণাং রতিসমযে কূজিতং পারাবতাদিবিহঙ্গমস্তনিতেন ভ্রমরস্তনিতেন চানুগতম্| যথাস্বম্ কাল ইতি শ্রাবণ ইত্যাদিনা সূত্রোক্তপ্রকারেণ| বপুষো বমনাদিনা শুদ্ধিশ্চ|| ৭২||
Adhikarana shodhanapUrvameva vRuShyayogopayogaH (73) · Śloka 73
স্রোতস্সু শুদ্ধেষ্বমলে শরীরে বৃষ্যং যদাদ্যং মিতমত্তি কালে| বৃষাযতে তেন পরং মনুষ্য স্তদ্ বৃংহণং দেহবলপ্রদং চ| তস্মাত্ পুরা শোধনমেব কার্যং বলানুরূপং ন চ বৃষ্যযোগাঃ| সিধ্যন্তি দেহে কলুষে প্রযুক্তাঃ ক্লিষ্টে যথা বাসসি রাগযোগাঃ||৭৩||
स्रोतस्सु शुद्धेष्वमले शरीरे वृष्यं यदाद्यं मितमत्ति काले| वृषायते तेन परं मनुष्य स्तद् बृंहणं देहबलप्रदं च| तस्मात् पुरा शोधनमेव कार्यं बलानुरूपं न च वृष्ययोगाः| सिध्यन्ति देहे कलुषे प्रयुक्ताः क्लिष्टे यथा वाससि रागयोगाः||७३||
🔊 Audio coming soon
স্রোতস্সু বমনাদিকর্মণা শুদ্ধেষু সত্সু শরীরে চ নির্মলে কালে চাহারযোগ্যে মনুষ্যো যদাদ্যং ভোজ্যং বৃষ্যং মিতং পরিমিতং চাত্তি ভুঙ্ক্তে তেনাদ্যেন স পরং বৃষাযতে| তদাদ্যং বৃংহণং দেহবলপ্রদং চেতি নির্ব্যূঢস্তন্ত্রকর্তুরভিমতোঽর্থঃ| তস্মাদিত্যাদি| যস্মাদেবং তস্মাত্পুরা পূর্বং বলানুরূপং শোধনমেব কার্যম্| ক্লিষ্টে বাসসি যথা রাগযোগা ন সিধ্যন্তি তথা কলুষে দেহে বৃষ্যযোগাঃ|| ৭৩||
Adhikarana AgamAnusArameva varttitavyam (74) · Śloka 74
উপদিষ্টে বিচিত্রেঽস্মিন্ বক্তব্যার্থানুরোধতঃ| কর্ত্তব্যমেব কর্ত্তব্যং প্রাণাবাধেঽপি নেতরত্||৭৪||
उपदिष्टे विचित्रेऽस्मिन् वक्तव्यार्थानुरोधतः| कर्त्तव्यमेव कर्त्तव्यं प्राणाबाधेऽपि नेतरत्||७४||
🔊 Audio coming soon
উপদিষ্টে ইত্যাদিনা তন্ত্রার্থো নিরাকারাকাঙ্ক্ষী ক্রিযতে অস্মিন্ বিষযে নানারূপে স্ত্রীসংযোগবশীকরণবধোপাযাদিকে বক্তব্যার্থানুরোধাদুপদিষ্টে সতি যদাগমাদিভিঃ কর্ত্তব্যং করণীযমিত্যাভাতি তদেব কর্ত্তব্যং কার্যং|| ৭৪||
Adhikarana shAstropadeshavyavasthA (75) · Śloka 75
এতত্স্বরূপং শাস্ত্রস্য যদ্ব্যাপিত্বেন বর্ণ্যতে| স্পৃশতি ন্যূনতাদোষো মহানব্যাপিনি ধ্রুবম্| বীর্যহীনৈরসম্পূর্ণৈঃ প্রযোগৈরপি ভূষিতম্| অর্থানতন্ত্রযত্তন্ত্রং তন্ত্রতামাপ্নুযাত্কথম্| হংসবর্হিণদক্ষাণ্ডা যদ্যপ্যত্যর্থশুক্রলাঃ| মুনযঃ সদযা ব্রূযুস্তান্যোগেষ্বন্যথা কথম্| কথং বা সর্ব এবৈতে যোগা রাগাগ্নিদীপনাঃ| ক্লিষ্টসঙ্কল্পজননাঃ প্রোক্তাঃ সংসারবর্দ্ধনাঃ| ত্রিকালদর্শিভির্দির্ব্যৈঃ সত্ত্বদোষবিবর্জিতৈঃ| পূর্বাচার্যৈঃ কৃতং বর্ত্ম কো লঙ্ঘযিতুমর্হতি| প্রকান্তে সর্বথা সর্বমুক্তং ভবতি সূদিতম্| ন হি লেশাভিধানেন লভ্যঃ সর্বার্থসংগ্রহঃ| তথা চ গর্দ্দভীক্ষীরং মাংসমশ্বশ্বহস্তিনাম্| মহাসাগরতোযং চ প্রোক্তং নিরুপযোগ্যপি||৭৫||
एतत्स्वरूपं शास्त्रस्य यद्व्यापित्वेन वर्ण्यते| स्पृशति न्यूनतादोषो महानव्यापिनि ध्रुवम्| वीर्यहीनैरसम्पूर्णैः प्रयोगैरपि भूषितम्| अर्थानतन्त्रयत्तन्त्रं तन्त्रतामाप्नुयात्कथम्| हंसबर्हिणदक्षाण्डा यद्यप्यत्यर्थशुक्रलाः| मुनयः सदया ब्रूयुस्तान्योगेष्वन्यथा कथम्| कथं वा सर्व एवैते योगा रागाग्निदीपनाः| क्लिष्टसङ्कल्पजननाः प्रोक्ताः संसारवर्द्धनाः| त्रिकालदर्शिभिर्दिर्व्यैः सत्त्वदोषविवर्जितैः| पूर्वाचार्यैः कृतं वर्त्म को लङ्घयितुमर्हति| प्रकान्ते सर्वथा सर्वमुक्तं भवति सूदितम्| न हि लेशाभिधानेन लभ्यः सर्वार्थसंग्रहः| तथा च गर्द्दभीक्षीरं मांसमश्वश्वहस्तिनाम्| महासागरतोयं च प्रोक्तं निरुपयोग्यपि||७५||
🔊 Audio coming soon
অকর্ত্তব্যস্যোপদেশে বক্তব্যার্থানুরোধো যো হেতুরুক্তঃ স এবৈতত্ স্বরূপমিত্যাদিনা ব্যবস্থাপ্যতে| শাস্ত্রস্য হ্যেতত্ স্বরূপং যচ্ছাস্রং ব্যাপিত্বেন বর্ণ্যতে| অব্যাপিনি তু শাস্ত্রে ধৃবমবশ্যং ন্যূনতাদোষো মহান্ স্পৃশতি| বীর্যহীনৈরসম্পূর্ণৈশ্চ প্রযোগৈরর্থাত্তন্ত্রবিভূষণে হেতুভূতৈর্বিভূষিতৈরপি তন্ত্রমর্থানযত্তন্ত্রতামাপ্নুযাত্| এষা হি তন্ত্রস্য তন্ত্রতা যা তন্ত্রিতানামর্থানামনন্যাপেক্ষিতা| অন্যথেতি যদ্যপি কশ্চিত্র্যূনতাদোষঃ পরিহার্যো ন স্যাত্ততঃ সদযাঃ সুদূরং ত্যক্তপ্রাণিহিংসাঃ কথমিব হংসাদ্যণ্ডান্ প্রযোগেষু ব্রূযুঃ| যদি চ ন্যূনতাদোষঃ পরিহার্যো ন স্যাত্ততঃ কথং বৈতে যোগা রাগাগ্নের্দীপনা উত্তেজনাননির্বাপণঃ সর্ব এব কামস্যোদ্দীপনাঃ প্রযোজিতাঃ ক্লিষ্টস্য চ সঙ্কল্পস্য জননাঃ যত্নজেযস্য চ সংসারস্য বর্দ্ধনাঃ প্রোক্তাঃ| এতচ্চ বর্ত্ম ত্রিকালদর্শিভিঃ পূর্বাচার্যৈঃ কৃতং কোঽস্মাদির্লঙ্ঘযিতুমতিক্রমিতুমর্হতি| দর্শনং দর্শঃ ত্রিকালে ভূতভবিষ্যদ্বর্ত্তমানাখ্যে কালে দর্শো যেষাং তৈঃ| দিবি ভবা দিব্যৈস্তৈঃ| যথা সত্ত্বদোষা রাগদ্বেষাদযঃ তদ্বির্জিতৈরাচার্যৈঃ| সর্বথা প্রক্রান্তে সর্বপ্রকারং বক্তুমারব্ধে সতি সর্বমেবোক্তং সূদিতং ভবতি| ন তু লেশোক্তম্| এতদেবোচ্যতে-ন হীত্যাদিনা| লেশাভিধানেন স্তোকোক্ত্যা সর্বেষামর্থানাং সংগ্রহো ন লভ্যো ভবতি| তথা চ গর্দ্দভীক্ষীরাদিকং নিরুপযোগ্যপি প্রযোক্তব্যমেব|| ৭৫||
Adhikarana shAstrasya nirdoShatApratipAdanam tatra vyApitvam (76) · Śloka 76
অদ্যত্বেঽপি বিশেষেণ ভূরিতন্ত্রার্থসংগ্রহাত্| সংগ্রহাদ্যন্ন বুধ্যেত তজ্জ্ঞানমতিদুর্লভম্| যথা প্রতিজ্ঞাতমিতিক্রমেণ বেদোঽযমষ্টাঙ্গনিধের্ন্নিবদ্ধঃ| অভ্যস্যতো মার্গমিবার্যসত্যং সঞ্জাযতে স্বর্থপরার্থসিদ্ধিঃ||৭৬||
अद्यत्वेऽपि विशेषेण भूरितन्त्रार्थसंग्रहात्| संग्रहाद्यन्न बुध्येत तज्ज्ञानमतिदुर्लभम्| यथा प्रतिज्ञातमितिक्रमेण वेदोऽयमष्टाङ्गनिधेर्न्निबद्धः| अभ्यस्यतो मार्गमिवार्यसत्यं सञ्जायते स्वर्थपरार्थसिद्धिः||७६||
🔊 Audio coming soon
তস্মাত্ ন্যূনতাদোষং পরিহৃত্যাস্য তন্ত্রস্য ব্যাপিত্বমুচ্যতে-অদ্যত্বে সাম্প্রতিকত্বেঽপি সংগ্রহাদস্মাত্তন্ত্রাদ্যন্ন বুধ্যেত তজ্জ্ঞানমতিদুর্লভম্| এবংবিধস্যান্যস্যোপাযস্যাভাবাত্| কিম্ভূতাত্ সংগ্রহাদিত্যাহ-ভূরিতন্ত্রার্থসংগ্রহাত্| প্রভূতানাং তন্ত্রাণাং সম্বন্ধিনোঽর্থস্য সংগ্রহাদেকত্রাবস্থাপনাত্| যথেতি| পূর্বং যথা প্রতিজ্ঞাতং তথা ক্রমেণাষ্টাঙ্গনিধের্বেদোঽযমিতি নিবদ্ধঃ| যং নিবন্ধমভ্যস্যতঃ পুংসস্তথা স্বার্থপরার্থযোঃ সিদ্ধিঃ সঞ্জাযতে যথা মার্গাখ্যমার্যসত্যমভ্যস্যতশ্চত্বার্যপত্যানি দুঃখং সমুদাযো নিরোধো মার্গশ্চেতি সৌগতপ্রসিদ্ধলক্ষণানি| এবঞ্চ পূর্বং প্রতিজ্ঞাতম্ সর্বতন্ত্রাণ্যতঃ প্রাযঃ সংহৃত্যাষ্টাঙ্গসংগ্রহঃ| অস্থানবিস্তরাক্ষেপ পুনরুক্তাদিবর্জিতঃ|| হেতুলিঙ্গৌষধস্কন্ধত্রযমাত্রনিবন্ধনঃ| বিনিগূঢার্থতত্ত্বানাং প্রদেশানাং প্রকাশকঃ|| স্বান্যতন্ত্রবিরোধানাং ভূযিষ্ঠং বিনিবর্ত্তকঃ| যুগানুরূপসন্দর্ভো বিভাগেন করিষ্যতে|| ইতি|| ৭৬||
Adhikarana vividhaguNavattvam (77) · Śloka 77
পিতামহমুখোদ্গীর্ণমিত্যাযুর্বেদবাঙ্মযম্| জীবিতারোগ্যধর্মার্থসুখগৌরবকীর্তিকৃত্| অলংকৃতং যুক্তিপদৈঃ সদ্রত্নৈরিব কাঞ্চনম্| ষট্ত্রিংশতার্থদুর্গেষু ভিষজাং সংক্রমৈরিব||৭৭||
पितामहमुखोद्गीर्णमित्यायुर्वेदवाङ्मयम्| जीवितारोग्यधर्मार्थसुखगौरवकीर्तिकृत्| अलंकृतं युक्तिपदैः सद्रत्नैरिव काञ्चनम्| षट्त्रिंशतार्थदुर्गेषु भिषजां संक्रमैरिव||७७||
🔊 Audio coming soon
পিতামহ ইত্যাদি| ইত্যনেন প্রকারেণাযুর্বেদবাঙ্মযং পিতামহস্য ব্রহ্মণো মুখাদুদ্গীর্ণং জীবিতাদিকৃত্স্বরূপং ষট্ত্রিংশতা যুক্তিপদৈর্যুক্তিস্থানৈরলংকৃতং তথা যথা সদ্রত্নৈঃ কাঞ্চনং সুবর্ণমলংক্রিযতে| ষট্ত্রিংশতা যুক্তিপদৈরিতি সংখ্যাসংখ্যেযযোরব্যতিরেকাপেক্ষযা নির্দেশঃ| কিম্ভূতৈর্যুক্তিপদৈরিত্যাহ-ভিষজামর্থদুর্গেষু সংক্রমৈরিব স্থিতৈঃ| যথা হি দুর্গা গজাদিগুপ্তাঃ পরৈরধিগন্তুমশক্যাঃ সংক্রমৈঃ সেতুভিঃ শক্যা ভবন্তি তদ্বদ্যেঽর্থা ভিষজামগম্যাস্তে যুক্তিপদৈর্জ্ঞাতৈর্গম্যা ভবন্তি|| ৭৭||
Adhikarana tantrayuktayaH (78) · Śloka 78
তত্রাধিকরণং যোগো হেত্বর্থোঽর্থঃ পদস্য চ| প্রদেশোদ্দেশনির্দেশবাক্যশেষাঃ প্রযোজনম্| উপদেশাপদেশাতিদেশার্থাপত্তিনির্ণযাঃ| প্রসঙ্গৈকান্তনৈকান্তাঃ সাপবর্গো বিপর্যযঃ| পূর্বপক্ষবিধানানুমতব্যাখ্যানসংশযাঃ| নিদর্শনং নির্বচনং নিযোগোঽথ বিকল্পনম্| প্রত্যুত্সারস্তথোদ্ধারঃ সম্ভবস্তন্ত্রযুক্তযঃ||৭৮||
तत्राधिकरणं योगो हेत्वर्थोऽर्थः पदस्य च| प्रदेशोद्देशनिर्देशवाक्यशेषाः प्रयोजनम्| उपदेशापदेशातिदेशार्थापत्तिनिर्णयाः| प्रसङ्गैकान्तनैकान्ताः सापवर्गो विपर्ययः| पूर्वपक्षविधानानुमतव्याख्यानसंशयाः| निदर्शनं निर्वचनं नियोगोऽथ विकल्पनम्| प्रत्युत्सारस्तथोद्धारः सम्भवस्तन्त्रयुक्तयः||७८||
🔊 Audio coming soon
তত্রেত্যাদিনা যুক্তযঃ উচ্যন্তে| বাক্যার্থানাং যোজনং যুক্তিঃ যাভির্যোজনাভির্বিনা তন্ত্রমসম্বদ্ধং ভবতি| কা যুক্তযঃ ? তত্র তেষ্বধিকরণং নাম অধিকরণং প্রস্তাবঃ সামান্যেনোক্তমপ্যর্থজাতং যদ্বলাদ্বিশেষেঽবাস্থাপ্যতে তদধিকরণম্| যথা সপ্তাহাদৌষধং কেচিদাহুরন্যে দশাহত ইতি বাক্যার্থঃ সামান্যেন প্রবৃত্তোঽধিকরণবশাজ্জ্বরাখ্যে বিশেষেঽবস্থাপ্যতে|| ১|| যোগো নাম যোগঃ সম্বন্ধঃ| স চ পদার্থযোর্বাক্যার্থযোর্বা| তত্র পদার্থযোঃ সাধ্যসাধনভাবেন| যথা রাগাদিরোগা ইত্যাদৌ সমূলা ইত্যস্যাপাস্তা ইত্যনেন| বাক্যার্থযোর্যথা 'জীর্ণাজীর্ণবিশঙ্কাযাং পুনরুষ্ণোদকং পিবেদি'ত্যস্য 'তেনোদ্গারবিশুদ্ধিঃ স্যাত্ততশ্চ লঘুতা রুচিরি'ত্যনেন|| ২|| হেত্বর্থো নাম যদেকত্রোচ্যমানমন্যত্রাপি তথৈবোপযুজ্যতে| যথা তত্রৈকৈকত্র শাখাযামিত্যাদ্যবেধ্যোক্ত্যাশেষা বেধ্যা ইতি গম্যতে| পদার্থো নাম পদেনার্থোঽবগম্যতে| যথা গুর্বাদযো গুণশব্দাদবগম্যন্তে|| ৪|| প্রদেশো নাম যত্রৈকদেশস্যোচ্যমানস্যার্থস্য প্রসাদাদনুচ্যমানোঽপি তচ্ছেষ আপদ্যতে সঃ প্রদেশঃ| যথা কুকূলাদিপাকক্রমেণ লাঘবাতিশযোঽপূপানামুচ্যমানানাং প্রসাদাননুচ্যমানান্যপি কৃতান্নানি তথাবগম্যন্তে|| ৫|| উদ্দেশো নাম যত্রার্থনাং শব্দমাত্রেণৈব কীর্তনমুদ্দেশঃ| হ্রস্বদীর্ঘা ইত্যাদযোঽষ্টৌ নেত্রদোষা ইতি শব্দমাত্রেণাষ্টৌ কীর্তিতাঃ|| ৬|| নির্দেশো নাম যচ্ছব্দমাত্রেণ নির্দিষ্টানাং স্বরূপবিশেষপ্রদর্শনায পুনঃ কীর্তনং নির্দেশঃ| যথা বস্তিব্যাপদি দ্রুতোত্ক্ষিপ্ত ইত্যাদিকমুদ্দিশ্য তেষু দোষং প্রদর্শযিতুমনুচ্ছ্বাস্য তু বদ্ধ ইত্যুচ্যতে|| ৭|| বাক্যশেষো নাম যস্মিন্ বাক্যে একদেশঃ শিষ্যতে ব্যাখ্যাকালে ত্বনুচ্যমানোঽপ্যাপততি স বাক্যশেষঃ| যথা রোগস্তু দোষবৈষম্যং দোষসাম্যমরোগতা ইত্যত্র উচ্যত ইতি বাক্যশেষঃ|| ৮|| প্রযোজনং নাম যত্সম্পাদযিতুং ক্রিযা হ্যারভতে তত্প্রযোজনম্| যথা সদোষেষু দোষশেষপাচনমগ্নিসন্ধুক্ষণং চ সম্পাদযিতুমৌষধপানমারভ্যতে|| ৯|| উপদেশো নাম শুদ্ধস্যাপ্তবচনস্য কীর্ত্তনমুপদেশঃ| যথা গর্ভস্তু মাতুঃ পৃষ্ঠাভিমুখো ললাটে কৃতাঞ্জলিঃ সঙ্কুচিতাঙ্গ ইত্যেবমাদিঃ|| অপদেশো নাম প্রতিজ্ঞানস্য সাধনহেতুরপদেশঃ| যথা অহিতাযোত্তরোত্তরং দুষ্টা বাতাদয ইত্যস্যাং প্রতিজ্ঞাযাং দুষ্পরিহরত্বাদিতি হেতুঃ|| অতিদেশো নাম অন্যসম্বন্ধিনাং ধর্মাণামন্যত্রাবস্থাপনমতিদেশঃ| যথা পালক্যাসম্বন্ধিনাং ধর্মাণাং চুচ্চাবস্থাপনম্|| ১২|| অর্থাপত্তির্নাম যদেকস্মিন্নর্থং উচ্যমানে অনুক্তস্যাপ্যর্থস্য বলাদাগমনং সার্থাপত্তিঃ| যথা পক্বে জলে জীর্ণেঽপ্যামং ন পেযমিত্যুচ্যমানে আভোজনাদিত্যনুচ্যমানস্যাপি সামর্থ্যাদাগমনম্| নির্ণযো নাম উদ্দিষ্টানামর্থানামনুদ্দিষ্টেন নিরাকাঙ্ক্ষত্বাপাদনং নির্ণযঃ| যথা বর্ত্মরোগবিজ্ঞানীযোক্তানাং রোগাণাং বর্ত্মরোগপ্রতিষেধনিরাকাত্বাপাদনম্|| ১৪|| প্রসঙ্গো নাম যদপ্রাকরিণকস্যাপি বস্তুনঃ কিঞ্চিত্ সম্বন্ধেন যত্কীর্তনং স হি প্রসঙ্গঃ| যথা বমনপ্রস্তাবে ধূমান্তৈঃ প্রাযঃ সর্বৈরিত্যাদেরপ্রাকরণিকস্য কীর্ত্তনম্|| ১৫|| একান্তো নাম যত্পক্ষান্তরব্যাবর্ত্তকং তদেকান্তঃ| যথা দোষহেতুজত্বোক্তের্নিজত্বং ন কদাচিদপি বাহ্যহেতুজং ব্যাপ্নোতি|| ১৬|| নৈকান্তো নাম যদুচ্যমানমপ্যবশ্যম্ভাবিত্বেনানিযতং স নৈকান্তঃ| যথা জ্বরস্তু জাতঃ ষড্রাত্রাদশ্বিনীষু নিবর্ত্তত ইত্যেতদুক্তমপ্যবশ্যম্ভাবিত্বেনানিযতম্|| ১৭|| অপবর্গো নাম সামান্যোক্ত্যনুপ্রবিষ্টস্য বিশেষেণাকর্ষণং সোঽপবর্গঃ| যথা মধুরং শ্লেষ্মলমিত্যুক্তাবনুপ্রবিষ্টেষু জীর্ণশাল্যাদিষু শব্দেনাকর্ষণম্|| ১৮|| বিপর্যযো নাম উক্তস্যান্যথাভাবো বিপর্যযঃ| যথা নিদানোক্তানামনুপশযো ভবতি তদ্বিপরীতানাং চোপশযঃ|| ১৯|| পূর্বপক্ষো নাম পরপ্রতিজ্ঞাতানুপপত্তিপ্রদর্শনপরো বাক্যসমুদাযঃ পূর্বপক্ষঃ যথা ষড্রসবাদিনং প্রত্যনেকরসপ্রতিপাদকানি বাক্যানি|| বিধানং নাম তন্ত্রস্য কর্ত্রা বিশিষ্টা যা পদাদিরচনা কৃতা তদ্বিধানম্| যথা সর্ববিরোধপরিজ্ঞানাদ্ব্যবহারোচ্ছিত্তির্মা ভূদিত্যভিপ্রাযেণোক্তং ন চ তদ্বিজ্ঞানমেকান্তভদ্রকমিতি|| ২১|| অনুমতং নাম পরপক্ষস্য ভিন্নস্যাপ্যঙ্গীকরণমনুমতম্| যথা বস্তিবিধানে কল্পনাযা মতেষু দোষৌষধাদি বলতঃ সর্বমেতত্প্রমাণযেদিত্যঙ্গীকরণম্|| ২২|| ব্যাখ্যানং নাম সঙ্ক্ষেপেণোক্তস্যা বিস্তরেণাখ্যানং ব্যাখ্যানম্| যথা সর্বরোগনিদানে তস্যোপলব্ধির্নিদানাদিভিরিতি সঙ্ক্ষেপেণোক্তস্য তস্যেত্যাদিনা বিস্তরেণাখ্যানম্| অথবা স্ফুটৈঃ শব্দৈরনভিহিতং গুরুপারম্পর্যক্রমাগতম্|| ২৩|| সংশযো নাম বিরুদ্ধানাং পক্ষাণামনিশ্চযঃ সংশযঃ| যথা বিষবেগসম্ভবপক্ষেষু|| ২৪|| অতীতাপেক্ষা নাম যত্রাতীতং পদমপেক্ষ্য সম্বন্ধার্থতা ভবতি সাঽতীতাপেক্ষা| যথা স্বেদ্যাদযঃ স্নেহ্যা ইত্যুক্তেন ত্বতিমন্দাগ্নিরিত্যাদেঃ স্নেহ্যা ইত্যপেক্ষতে| যথা চ জ্বরে লঙ্ঘনং কুর্বীতেতি সূত্রোক্তং লঙ্ঘনমপেক্ষতে|| ২৫|| অনাগতাপেক্ষা নাম যত্রানাগতেনাঽর্থেন সম্বন্ধিতা ভবতি সানাগতাপেক্ষা| যথা ততো নাবনগণ্ডূষেত্যাদিনা দিনচর্যাযাং নস্যাদি বিধযোঽপেক্ষ্যন্তে|| ২৬|| স্বসংজ্ঞা নাম যা স্বতন্ত্রে এবমন্যস্মিঞ্ছাস্ত্রে ন শ্রূযতে সা স্বসংজ্ঞা| যথা 'আপানো' 'জেন্তাক' ইত্যেবমাদি|| ২৭|| ঊহ্যং নাম যদ্ ভিষজা স্বপ্রজ্ঞযা শব্দেনানুক্তমপি ব্যবথাপ্যতে তধ্যম্| যথা দ্রব্যং জহ্যাদযৌগিকমিতি যন্ন যৌগিকং তচ্ছব্দেন নোক্তমপি প্রজ্ঞযা ব্যবস্থাপ্যতে|| ২৮|| সমুচ্চযো নাম একস্মিন্ বিহিতে তদবিরোধেন তত্রৈব দ্বিতীযস্য বিধানং সমুচ্চযঃ| যথা বাতস্যোপক্রমঃ স্নেহঃ স্বেদ ইত্যাদি| নিদর্শনং নাম সাধ্যস্যৈকদেশো দৃষ্টান্তো নিদর্শনম্| যথা আমদোষেষু ত্রিবিধেষু লঙ্ঘনপাচনশোধনানি দ্রুষ্টান্তঃ| (এবমন্যানপি ব্যাধীন্ স্বনিদনবিপর্যযাত্ চিকিত্সেদিত্যাদিঃ)|| ৩০|| নির্বচনং নাম সংজ্ঞযোক্তস্য তদর্থেন যোজনং নির্বচনম্| যথা সূচীভিরিব গাত্রাণি ভিদ্যতীতি বিসূচিকা|| ৩১|| নিযোগো নাম ক্রিযাণাং ব্যাপারাণাং নিযোগঃ| যথা ভবতা স্বেদমূর্চ্ছাপরীতেনাপি নৈষা পিণ্ডিকা বিমোক্তব্যেতি|| ৩২|| বিকল্পো নাম ক্রমেণ যৌগপদ্যেন বা সম্ভবিনাং পক্ষাণাং কীর্ত্তনম্| যথা কুর্বীত লঙ্ঘনং প্রাগ্রূপেষু জ্বরাদৌ বা||৩৩|| প্রত্যুত্সারো নাম যত্রোপপত্তিং দর্শযন্তঃ পরস্পরমতানি নিবারযন্তি| যথা গর্ভিণী অষ্টমে মাসি ক্ষীরযবাগূং সর্পিষ্মতীং পিবেত্| নেতি খণ্ডকাপ্যঃ গর্ভস্য পৈঙ্গল্যাবাধভযাত্| অস্তু পৈঙ্গল্যাবাধস্তথাপ্যেবং কুর্বতী নীরুজং বলবর্ণাযুপেতমপত্যং জনযতীতি ভগবানাত্রেযঃ||৩৪|| উদ্ধারো নাম যচ্ছাস্ত্রে চোদ্যস্য সমাধানম্| যথা চিত্রকর্মগুণকৃত্ গুরুণোক্তো বস্তিরিত্যাদি যাবত্ সর্বতঃ কথমপোহতি দোষানিতি চোদ্যস্য স্তিমিতমারুতবশ্যমেতদিত্যাদি সমাধানম্|| ৩৫|| সম্ভবো নাম কিমপ্যন্যত্রাদর্শনাদ্যেন নিযমেন স্থাপ্যতে স সম্ভবঃ| যথা সর্বরোগেষু হেতুলিঙ্গৌষধাদীনাং সামান্যেনোক্তৌ বাতাদিবিশেষেণাবস্থাপনং সম্ভবপ্রসাদাল্লভ্যম্|| ৩৬|| এবং তন্ত্রযুক্তযঃ| যদ্যপি ভট্টারকপ্রস্থানেন চ পরিপ্রশ্নব্যাকরণব্যুক্রান্তাভিধানহেত্বাখ্যাশ্চতস্রোঽবশিষ্যন্তে তথাপি আচার্যেণ তন্ত্রেণানিবদ্ধা ইত্যত্র নোচ্যন্তে| অথবা উক্তাস্বেবান্তর্ভাব্যাঃ| অথবা তন্ত্রযুক্তিতত্বমেব তাসাং নাঙ্গীক্রিযতে| তত্র চাগ্ন্যতিযোগোক্তৌ বাতাদিবিশেষেণাবস্থাপনং সম্ভবপ্রসাদাল্লভ্যমেবমাদ্যুক্তম্|| ৭৮||
Adhikarana tantrayuktimahattvam (79) · Śloka 79
সরসঃ সুপ্তপদ্মস্য রবিদীধিতযো যথা| যথা গৃহস্য দীপাভাস্তথা তন্ত্রস্য যুক্তযঃ| অধীযানোঽপি তন্ত্রাণি তন্ত্রযুক্ত্যবিচক্ষণঃ| নাধিগচ্ছতি তন্ত্রার্থমর্থং ভাগ্যক্ষযে যথা| বাক্যার্থযোজনাদেতা যুক্তযস্ত্বিষ্টসিদ্ধিদাঃ| অসদ্বাদিপ্রযুক্তানাং বাক্যানাং প্রতিষেধকাঃ| লীনব্যত্যাসলেশোক্তিগদিতানাং প্রকাশকাঃ| বাক্যন্যাযোদধেঃ সারং গৃহীত্বৈবং ব্যবস্থিতাঃ||৭৯||
सरसः सुप्तपद्मस्य रविदीधितयो यथा| यथा गृहस्य दीपाभास्तथा तन्त्रस्य युक्तयः| अधीयानोऽपि तन्त्राणि तन्त्रयुक्त्यविचक्षणः| नाधिगच्छति तन्त्रार्थमर्थं भाग्यक्षये यथा| वाक्यार्थयोजनादेता युक्तयस्त्विष्टसिद्धिदाः| असद्वादिप्रयुक्तानां वाक्यानां प्रतिषेधकाः| लीनव्यत्यासलेशोक्तिगदितानां प्रकाशकाः| वाक्यन्यायोदधेः सारं गृहीत्वैवं व्यवस्थिताः||७९||
🔊 Audio coming soon
সরস ইত্যাদি সুবোধম্| তন্ত্রযুক্ত্যবিচক্ষণঃ এতাসু ষট্ত্রিংশত্তন্ত্রযুক্তিষ্বসমর্থস্তন্ত্রার্থং নাধিগচ্ছতি ন প্রাপ্নোতি যথা ভাগ্যক্ষযে ধনম্| এতা যুক্তযো বাক্যার্থযোজনাদ্ধেতোঃ স্বেষ্টসিদ্ধিং দদতি| যানি চাসদ্বাদিনামর্থাসম্বন্ধপ্রদর্শপরাণি বাক্যানি তেষাং প্রতিষেধকাঃ| লীনগদিতানাং ব্যত্যাসগদিতানাং লেশগদিতানামুক্তিগদিতানাঞ্চ প্রকাশকাঃ| লীনং তদ্যত্স্ফুটং বক্তুং ন পার্যতে| ব্যত্যাসঃ পরস্পরবিবর্ত্তনম্| লেশোঽশেন স্পর্শঃ| উক্তির্বচনভঙ্গিঃ| এতাশ্চ যুক্তযো বাক্যন্যাযোদধেরসংখ্যপ্রকারসম্ভবিনো গেযস্যেব জাতযঃ সারং গৃহীত্বা এবং ব্যবস্থিতাঃ| পদার্থযোজনাস্তু ব্যুত্পন্নানাং প্রসিদ্ধা এবেত্যত আচার্যেণ নোক্তাঃ| তাসু চ তত্র ভবতো হরেঃ শ্লোকৌ- সংসর্গো বিপ্রযোগশ্চ সাহচর্যং বিরোধিতা| অর্থঃ প্রকরণং লিঙ্গং শব্দস্যান্যস্য সন্নিধিঃ|| সামর্থ্যমৌচিতিঃ দেশঃ কালো ব্যক্তিঃ স্বরাদযঃ| শব্দার্থস্যানবচ্ছেদে বিশেষস্মৃতিহেতবঃ|| ইতি| অনযোরর্থঃ যেষাং পক্ষে অনেকো গোশব্দো বাগাদিবিষযস্তেষাং বিশেষাবচ্ছেদে সংসর্গাদীনি হেতবঃ| যেষামপ্যেক এব গোশব্দো বাগাদ্যনেকবিষযাভিধানোঽনেকশক্তিযুক্তস্তেষামপি শক্যনবচ্ছেদে বিশেষস্মৃতিহেতবঃ| তত্র সংসর্গো যথা-ধেনুরানীযতামিত্যত্র সর্বত্র প্রত্যগ্রপ্রসবাভিধাযিত্বাদ্ধাত্বার্থসন্দেহে সংবত্সতরেত্যাদিনোক্তঃ কিশোরতরাদ্যন্যতমসংসর্গঃ সন্দেহবিচ্ছেদে হেতুঃ| ক্বচিদ্বিপ্রযোগঃ, যথা করভরহিতা ধেনুরানীযতামিত্যুক্তে যৈব নির্জাতকরসম্বন্ধা ধেনুঃ সৈব করভরহিতাঽনীযতে অন্যস্যাস্তু করভরহিতত্বাব্যভিচারাদ্বিশেষণং নোপপদ্যতে| ক্বচিত্সাহচর্যম্, যথা শিলা আনীযতাং গন্ধদ্রব্যাণি চেত্যত্র পেষণশিলৈবানীযতে| যথা রামলক্ষ্মণাবিত্যত্র রামো দাশরথিরেবোচ্যতে| ক্বচিদ্বিরোধঃ, যথা রামার্জুনাবিত্যত্রার্জুনঃ কার্তবীর্য এব| ক্বচিদর্থম্, যথা গোপালকমানযেত্যধ্যাপযেত্যত্রার্থাদ্যস্যাধ্যাপনং সম্ভবতি স নাম্না গোপালক আনীযতে ন গবাং পাতা| ক্বচিত্প্রকরণম্, যথা ভোজ্যাঙ্গেষ্বম্লাদিশব্দকেষূপসংহ্নিমাণেষ্বেতাবদুচ্যেদ্ সৈন্ধবমানযেতি উক্তে চ প্রদীযতে লবণং ন চাশ্বাদিকম্| ক্বচিল্লিঙ্গম্ যথা অক্তাঃ শর্করা উপনযেত্যস্মিন্ বাক্যে কস্যাপ্যঞ্জনদ্রব্যস্য সম্ভবে তেজো বৈ ঘৃতমিত্যস্মিন্ বাক্যান্তরে দৃষ্টাত্ লিঙ্গাত্ ঘৃতসাধিতত্বং শর্করাদ্যুটিকাযা অজিক্রিযযা নির্দ্ধার্যতে| ক্বচিচ্ছব্দান্তরসন্নিধিঃ; যথাঽর্জুনঃ কার্তবীর্যঃ রামো জামদগ্ন্য ইতি| ক্বচিত্ সামর্থ্যম্, যথা অনুদরা কন্যেত্যুদরবিশেষপ্রতিষেধো গম্যতে| অভিরূপায কন্যা দীযতামিত্যত্র চাভিরূপতমাযেতি গম্যতে| ক্বচিদৌচিতী; তথা চ কেষাঞ্চিত্ প্রযোক্তৃণামৌচিত্যাচ্ছব্দস্য নিন্দাপ্রশংসাদ্যভিধাযিত্বং গম্যতে| যথা ভদ্রমুখেতি দস্যুরাক্ষসাদৌ| যথা বণিজো বারাণসীজিত্বরা ইতি চ বদন্তি| ক্বচিদ্দেশঃ, যস্যৈব শব্দস্য ক্বচিদ্দেশে নিন্দিতবাচিত্বং তস্যৈবান্যত্র প্রশংসাবাচিত্বং প্রসিদ্ধ্যৈবং রূপম্| ক্বচিত্ কালঃ; যথা পূর্বাহ্ণে পচ্যতামিত্যুক্তে বিশিষ্টসাধনৈশ্চ বিক্লিত্তির্গম্যতে সা চ বিশিষ্টসাধনাদিবাচমগৃহীত্বা পচনবিশেষবগতিঃ| রাত্রৌ তু নিদ্রাক্ষযো গম্যতে| ক্বচিদ্ব্যক্তিঃ; যথা পু~ংলিঙ্গো ধর্মশব্দ আত্মগুণং বক্তি নপুংসকস্তু যজ্ঞম্| ক্বচিত্ স্বরাদযঃ; যথা অস্থণ্ডিলেষ্বিত্যত্র পূর্বপদপ্রকৃতিসাধারণতত্পুরুষাবগতিরস্থণ্ডিলেষ্বিত্যত্র চান্তোদাত্তেন বহুব্রীহিঃ| আদিগ্রহণাত্ ক্বচিদ্বিভক্তিঃ; যথা অর্দ্ধমর্দ্ধঃ অর্দ্ধমিতি দ্বিতীযযা কর্ম প্রতীযতে| অর্দ্ধ ইতি প্রাতিপদিকার্থমাত্রম্| ক্বচিত্তদ্ধিতঃ;, যথা দাত্তঃ কূপ ইত্যত্র তদ্ধিতে ন বিপাশাত উত্তরকূলভবত্বম্| দক্ষিণকূলভবত্বং ন কূপস্যেতি স্পষ্টম্| ক্বচিদ্ব্যঞ্জনম্, যথা সুসিক্তমিত্যত্র ষত্বস্য ভাবাভাবাভ্যাং সুশব্দস্যোপসর্গত্বং কর্মপ্রবচনীযত্বং চ গম্যতে| এবমনেকমপ্যূহ্যমিতি শ্লোকার্থঃ|| ৭৯||
Adhikarana mantravatprayogaH (80) · Śloka 80
এতদাগমসিদ্ধত্বাত্ প্রত্যক্ষফলদর্শনাত্| প্রযোজ্যং মন্ত্রবত্তন্ত্রং তন্ত্রজ্ঞানবিশারদৈঃ||৮০||
एतदागमसिद्धत्वात् प्रत्यक्षफलदर्शनात्| प्रयोज्यं मन्त्रवत्तन्त्रं तन्त्रज्ञानविशारदैः||८०||
🔊 Audio coming soon
এতদিতি| এতচ্চ তন্ত্রং তন্ত্রজ্ঞানবিশারদৈর্মন্ত্রবত্ সম্প্রযোক্তব্যং নাত্র ফলাভাবশঙ্কা কার্যেত্যর্থঃ| কুত ইত্যাহ-আগমসিদ্ধত্বাত্| আগম এবাস্মিন্ প্রমাণম্| প্রত্যক্ষফলদর্শনমধিকং প্রমাণম্|| ৮০||
Adhikarana aupamyena shreyaskaratvanirdeshaH (81) · Śloka 81
পিতামহেন লোকস্য স্মৃত্বা তদিদমব্যযম্| অকালমৃত্যুরক্ষার্থমলৌহং বর্ম নির্মিতম্| সুজ্ঞাতমেতদমৃতং স্বস্থাস্বস্থসুখাস্পদম্| যথেপ্সিতফলাশেষপুরুষার্থপ্রসাধনম্| ইদং শাস্ত্রমদৃষ্টীনামেবমালোককার্যপি| মণ্ডলং ভাস্করস্যেব ন প্রকাশায জাযতে||৮১||
पितामहेन लोकस्य स्मृत्वा तदिदमव्ययम्| अकालमृत्युरक्षार्थमलौहं वर्म निर्मितम्| सुज्ञातमेतदमृतं स्वस्थास्वस्थसुखास्पदम्| यथेप्सितफलाशेषपुरुषार्थप्रसाधनम्| इदं शास्त्रमदृष्टीनामेवमालोककार्यपि| मण्डलं भास्करस्येव न प्रकाशाय जायते||८१||
🔊 Audio coming soon
পিতামহেনেত্যাদি| ব্যাখ্যাসমম্| পিতামহেন ব্রহ্মণা অলৌহং বর্ম নির্মিতং শস্ত্রেণ বিনা কারিতম্| সুজ্ঞাতং সাকল্যেন জ্ঞাতমেতত্তন্ত্রমৃতং স্বস্থানামস্বস্থানাং চ সুখস্যাস্পদং স্থানম্| ঈপ্সিতফলাবাপ্তিক্রমেণাশেষস্য পুরুষার্থস্য প্রসাধনম্| ইদঞ্চ শাস্ত্রমেবমালোককার্যপি অদৃষ্টীনামবুদ্ধিমতাং প্রকাশায ন জাযতে| যথা অদৃষ্টীনামচক্ষুষাং ভাস্করস্যাদিত্যমণ্দলম্||৮১||
Adhikarana prAj~jAj~jayoH shastrAdivadubhayathA kAryakaratvam (82) · Śloka 82
ধ্রুবং বৈদ্যেষু কল্যাণমাযুর্বেদানুসারিষু| ইতরেষ্বিতরচ্ছাত্রবিষজ্বলনকর্মসু||৮২||
ध्रुवं वैद्येषु कल्याणमायुर्वेदानुसारिषु| इतरेष्वितरच्छात्रविषज्वलनकर्मसु||८२||
🔊 Audio coming soon
আযুর্বেদানুসারিষু বৈদ্যেষু ধ্রুবমবশ্যং কল্যাণমুভযলোকশ্রেযঃ| ইতরেষ্বিত্যাযুর্বেদাননুসারিষু ইতরদিত্যবশ্যমকল্যাণম্| কিম্ভূতেষ্বিত্যাহ-শস্ত্রবিষজ্বলনকর্মসু শাস্ত্রবিষাগ্নিরূপং মারণাত্মকত্বাত্ কর্ম যেষামিতি|| ৮২||
Adhikarana aj~jasya shastrAdito~api ghAtakatvam (83) · Śloka 83
কুর্যাত্ প্রযুক্তং শস্ত্রাদি সশেষমপি রোগিণম্| ন ত্বেবং ভেষজং মোহাদনালোচিতযোজিতম্||৮৩||
कुर्यात् प्रयुक्तं शस्त्रादि सशेषमपि रोगिणम्| न त्वेवं भेषजं मोहादनालोचितयोजितम्||८३||
🔊 Audio coming soon
কুর্যাদিত্যাদি| শস্ত্রাদি শত্রুণা প্রযুক্তকং সশেষমপি রোগিণং কুর্যাত্| যত্ পুনর্ভেষজমনালোচিতযোজিতমনালোচিতমেব মোহাদ্যোজিতং তন্ন ত্বেবং সশেষং কুর্যাত্|| ৮৩||
Adhikarana dauShauShadhAdInAmavekShaNaM kAryam (84) · Śloka 84
সদা দোষৌষধাদীনি বীক্ষ্য দ্বাদশতত্ত্বতঃ| কুর্যাচ্চিকিত্সিতং প্রাজ্ঞো ন যোগৈরেব কেবলৈঃ||৮৪||
सदा दोषौषधादीनि वीक्ष्य द्वादशतत्त्वतः| कुर्याच्चिकित्सितं प्राज्ञो न योगैरेव केवलैः||८४||
🔊 Audio coming soon
তস্মাদ্ দ্বাদশ দোষৌষধাদীনি দোষদূষ্যবলকালানলপ্রকৃতিবযঃসত্ত্বসাত্ম্যাহারাবস্থৌষধানি তত্ত্বতঃ পরীক্ষ্য প্রাজ্ঞশ্চিকিত্সিতং কুর্যাত্| ন তু কেবলৈরেব যোগৈঃ|| ৮৪||
Adhikarana kevalayogaprayoge doShaH (85) · Śloka 85
মাত্রাদিসম্যগজ্ঞাত্বা যদৃচ্ছাপ্রতিপাদিতঃ| হিনস্তি ব্যাধিতং যোগো ঘৃতমাক্ষিকযোরিব||৮৫||
मात्रादिसम्यगज्ञात्वा यदृच्छाप्रतिपादितः| हिनस्ति व्याधितं योगो घृतमाक्षिकयोरिव||८५||
🔊 Audio coming soon
মাত্রেত্যাদি| যোগশ্চ মাত্রাকালসংযোগসংস্কারাদিকং সম্যগজ্ঞাত্বা যদৃচ্ছযৈব প্রতিপাদিতো ব্যাধিতং হিনস্তি| যথা ঘৃতমাক্ষিকযোঃ সমযোগঃ|| ৮৫||
Adhikarana shAstratattvaj~jAnamevAvashyakam (86) · Śloka 86
দৃষ্ট্বা বিষেঽপ্যমৃততাং ঘৃতাদৌ মারণাত্মতাম্| শাস্ত্রতত্ত্বং ন বিজ্ঞায স দুরাত্মা চিকিত্সতি||৮৬||
दृष्ट्वा विषेऽप्यमृततां घृतादौ मारणात्मताम्| शास्त्रतत्त्वं न विज्ञाय स दुरात्मा चिकित्सति||८६||
🔊 Audio coming soon
যশ্চ দুরাত্মা ভবতি সোঽবশ্যং শাস্ত্রতত্ত্বং বিজ্ঞায ন চিকিত্সতি| বিষে মারণাত্মকেঽপি সংযোগাদিবশাদমৃততাং দৃষ্ট্বা ঘৃতাদৌ চ রসাযনে মারণাত্মকতাং দৃষ্ট্বা|| ৮৬||
Adhikarana aj~javaidyanindA (87) · Śloka 87
সুগীতশ্চৈষ কস্যাপি মহাশ্লোকো মহাত্মনঃ| বৈদ্যাশ্চাশ্রুতশাস্ত্রার্থাং মূর্খাশ্চ প্রভবিষ্ণবঃ| অকালমৃত্যবো হ্যেতে বিচরন্তি মহীতলে| লোভযন্ত্যাতুরং মূঢা যে চিত্রৈঃ কর্মকৌশলৈঃ| তেভ্যো রক্ষেত্সদাত্মানমাত্মা যস্মাত্ সুদুর্লভঃ| তে ঘুণাক্ষরবত্কঞ্চিদুত্তার্য নিযতাযুষম্| ঘ্নন্তি বৈদ্যাভিমানেন শতান্যনিযতাযুষাম্| রোগার্ত্তস্য বিষণ্ণস্য যত্নলভ্যসুখাযুষঃ| অবৈদ্যো নির্ঘৃণঃ ক্রূরো যঃ করোতি ভিষগ্জিতম্| পাপস্য মৃত্যুদূতস্য দুর্মতেস্ত্যক্তধর্মণঃ| নরো নরকপাতী স্যাত্তস্য সম্ভাষণাদপি| অতন্ত্রীকৃততন্ত্রার্থাঃ শাস্ত্রমাত্রোপজীবিনঃ| রাজ্ঞাং প্রমাদাদ্রাষ্ট্রাণি চরন্তি ব্যাধবৃত্তযঃ| তান্ কালপাশসদৃশান্ বর্জযেচ্ছাস্ত্রদূষকান্| সেবেত শমবিজ্ঞানজ্ঞানপূর্ণান্ ভিষক্তমান্||৮৭||
सुगीतश्चैष कस्यापि महाश्लोको महात्मनः| वैद्याश्चाश्रुतशास्त्रार्थां मूर्ख़ाश्च प्रभविष्णवः| अकालमृत्यवो ह्येते विचरन्ति महीतले| लोभयन्त्यातुरं मूढा ये चित्रैः कर्मकौशलैः| तेभ्यो रक्षेत्सदात्मानमात्मा यस्मात् सुदुर्लभः| ते ग़ुणाक्षरवत्कञ्चिदुत्तार्य नियतायुषम्| ग़्नन्ति वैद्याभिमानेन शतान्यनियतायुषाम्| रोगार्त्तस्य विषण्णस्य यत्नलभ्यसुख़ायुषः| अवैद्यो निर्ग़ृणः क्रूरो यः करोति भिषग्जितम्| पापस्य मृत्युदूतस्य दुर्मतेस्त्यक्तधर्मणः| नरो नरकपाती स्यात्तस्य सम्भाषणादपि| अतन्त्रीकृततन्त्रार्थाः शास्त्रमात्रोपजीविनः| राज्ञां प्रमादाद्राष्ट्राणि चरन्ति व्याधवृत्तयः| तान् कालपाशसदृशान् वर्जयेच्छास्त्रदूषकान्| सेवेत शमविज्ञानज्ञानपूर्णान् भिषक्तमान्||८७||
🔊 Audio coming soon
সুগীত ইত্যাদি| ব্যাখ্যাসমম্| যে মূঢা নানাবিধৈঃ কর্মকৌশলৈরাতুরং লোভযন্তি তেভ্য আত্মানং সদা রক্ষেত্ যস্মাদাত্মা সুদুর্লভঃ| তে মূঢাঃ কঞ্চিন্নিযতাযুষং ঘুণাক্ষরবত্কাকতালীযদুত্তার্য ভিষজমাত্মানং মন্যমানা অনিযতাযুষাং শতানি ঘ্নন্তি হিংসন্তি| ঘুণৈঃ কৃমিভির্ভক্ষিতে কাষ্ঠে যান্যক্ষরাণি দৃশ্যন্তে তানি তৈর্বুদ্ধিপূর্বং ন ক্রিযন্তে| বিষণ্ণত্বাদিযুক্তস্য রোগার্ত্তস্য অবৈদ্য যো নির্ঘুণঃ ক্রূরত্বাত্ ভেষজং করোতি তস্য পাপাদিরূপস্য সম্ভাষণাদপি নরো নরকপাতী স্যাত্| যৈস্তন্ত্রার্থো ন তন্ত্রীকৃতঃ সম্যক্ তন্ত্রযিত্বা বুদ্ধৌ ন নিবেশিতঃ তে ব্যাধবৃত্তযো মৃগমারকা রাজ্ঞাং প্রামাদাদ্রাষ্ট্রাণি চরন্তি| যদি পুনা রাজনঃ প্রমত্তা ন ভবন্তি ততঃ কথমিব চরিতুং লভন্তে| তান্ কালপাশসদৃশত্বাদিযুক্তান্ বর্জযেত্ প্রাজ্ঞঃ| শমাদিপূর্ণাংশ্চ ভিষক্তমান্ সেবেত|| ৮৭||
Adhikarana prANAcAryaM pUjayet (88) · Śloka 88
অন্নপানানি পথ্যানি ব্যাধিনির্ঘাতমৌষধম্| রসাযনানি বৃষ্য়াণি প্রাপ্যন্তে বৈদ্যসংশ্রযাত্| অরাজকা যথা দেশা ভর্ত্তৃহীনা যথা গৃহাঃ| আতুরাদ্যাস্তথা পাদাঃ শোচ্যা বৈদ্যানধিষ্ঠিতাঃ| প্রাণাচার্যং বুধস্তস্মাদ্দযালুং বিজিতেন্দ্রিযম্| অশ্বিনাবিব দেবেন্দ্রঃ পূজযেদাদৃতঃ সদা||৮৮||
अन्नपानानि पथ्यानि व्याधिनिर्घातमौषधम्| रसायनानि वृष्य़ाणि प्राप्यन्ते वैद्यसंश्रयात्| अराजका यथा देशा भर्त्तृहीना यथा गृहाः| आतुराद्यास्तथा पादाः शोच्या वैद्यानधिष्ठिताः| प्राणाचार्यं बुधस्तस्माद्दयालुं विजितेन्द्रियम्| अश्विनाविव देवेन्द्रः पूजयेदादृतः सदा||८८||
🔊 Audio coming soon
পথ্যান্যন্নপানাদীনি সাধুবৈদ্যসংশ্রযাত্ প্রাপ্যন্তে| অরাজকা ইত্যাদি ব্যাখ্যাসমম্| যত এবং তস্মাত্ বুধঃ প্রাজ্ঞো দযালুত্বাদিযুক্তং প্রাণাচার্যমাদৃতঃ সন্ সদা পূজযেদ্যথা দেবেন্দ্র অশ্বিনৌ পূজযতীতি|| ৮৮||
Adhikarana ashvinoH praBAvakIrtanam (89) · Śloka 89
যজ্ঞস্য হি শিরস্ছিন্নমশ্বিভ্যাং সন্ধিতং পুনঃ| পাতিতা দশনাঃ পূষ্ণো ভগস্য চ বিলোচনে| রাজযক্ষ্মার্দ্দিতশ্চন্দ্রস্তাভ্যামেব চিকিত্সিতঃ| সোমান্নিপতিতো বজ্রী ভুজস্তম্ভে চ দারুণে| ভার্গবশ্চ্যবনঃ কামী বৃদ্ধঃ সন্ বিকৃতিং গতঃ| বীর্যবর্ণবলোপেতঃ কৃতস্তাভ্যাং পুনর্যুবা| এভিশ্চান্যৈশ্চ বহুভিঃ কর্মভির্ভিষগুত্তমৌ| বভূবতুর্ভৃশং পূজ্যাবিন্দ্রাদীনাং মহাত্মনাম্| অশ্বিভ্যাং সহিতঃ সোমং প্রাতঃ পিবতি বাসবঃ| সৌত্রামণ্যাং চ ভগবানশ্বিভ্যাং সহ মোদতে| অশ্বিনোঃ কল্প্যতে ভাগো যজ্ঞেষু ব্রাহ্মণৈরপি| অশ্বিনাবগ্নিরিন্দ্রশ্চ বেদেষু সুতরাং স্তুতাঃ| বৈদ্যাবিত্যশ্বিনৌ তস্মাত্ পূজ্যেতে বিবুধৈরপি| অজরৈরমরৈর্নিত্যং সুখিতৈরেবমাদৃতৈঃ| ব্যাধিমৃত্যুজরাগ্রস্তৈর্দুঃখপ্রাযৈঃ সুখার্থিভিঃ| কিং পুনর্ভিষজো মর্ত্যৈঃ পূজ্যাঃ স্যুর্নাতিশক্তিতঃ||৮৯||
यज्ञस्य हि शिरस्छिन्नमश्विभ्यां सन्धितं पुनः| पातिता दशनाः पूष्णो भगस्य च विलोचने| राजयक्ष्मार्द्दितश्चन्द्रस्ताभ्यामेव चिकित्सितः| सोमान्निपतितो वज्री भुजस्तम्भे च दारुणे| भार्गवश्च्यवनः कामी वृद्धः सन् विकृतिं गतः| वीर्यवर्णबलोपेतः कृतस्ताभ्यां पुनर्युवा| एभिश्चान्यैश्च बहुभिः कर्मभिर्भिषगुत्तमौ| बभूवतुर्भृशं पूज्याविन्द्रादीनां महात्मनाम्| अश्विभ्यां सहितः सोमं प्रातः पिबति वासवः| सौत्रामण्यां च भगवानश्विभ्यां सह मोदते| अश्विनोः कल्प्यते भागो यज्ञेषु ब्राह्मणैरपि| अश्विनावग्निरिन्द्रश्च वेदेषु सुतरां स्तुताः| वैद्यावित्यश्विनौ तस्मात् पूज्येते विबुधैरपि| अजरैरमरैर्नित्यं सुखितैरेवमादृतैः| व्याधिमृत्युजराग्रस्तैर्दुःखप्रायैः सुखार्थिभिः| किं पुनर्भिषजो मर्त्यैः पूज्याः स्युर्नातिशक्तितः||८९||
🔊 Audio coming soon
যজ্ঞস্যেত্যাদিনেতিহাসেনাশ্বিনোঃ প্রভাবকীর্তনম্| ব্যাখ্যাসমম্| ভিষগুত্তমাবশ্বিনৌ মহাত্মানাবিন্দ্রাদীনাং ভৃশং পূজ্যৌ বভূবতুঃ| তস্মাদ্বিবুধৈর্দ্দৈবৈরপ্যশ্বিনৌ বৈদ্যবিতি পূজ্যেতে| কিম্ভূতৈবিবুধৈরিত্যাহ অজরৈরিত্যাদি এবঙ্গুণৈরপি| কিং পুনর্মত্যৈর্মানুষৈস্তত্রাপি ব্যাধ্যাদিগ্রস্তৈর্ভিষজো যথাশক্তিতো ন পূজ্যাঃ স্যুঃ| (যজ্ঞস্যেত্যাদি| যজ্ঞো ব্রহ্মা| ইন্দ্রঃ সোমান্নিপতিতঃ সোমমতীব পীত্বাঽতিবিরেচিত ইত্যর্থঃ| এতৈরন্যৈশ্চ কর্মভির্ভিষগুত্তমাবশ্বিনৌ মহাত্মনাবিন্দ্রাদীনাং ভৃশং পূজ্যৌ বভূবতুঃ| প্রাতঃ প্রাতস্সবনে শক্র অশ্বিভ্যাং সহিতঃ সোমং পিবতি| সৌত্রামণ্যাং চ সহাশ্বিভ্যাং শক্রো মোদতে| দেবৈরপ্যশ্বৈনৌ পূজ্যেতে ভিষগুত্তমাবিতি| কিং পুনর্মত্ত্যৈর্ব্যাধ্যাদিগ্রস্তৈর্ভিষজো নাতিশক্তিতঃ পূজ্যাঃ স্যুর্যথাশক্তিপূজ্যাঃ-ইতি জেজ্জটঃ)||৮৯||
Adhikarana prANAcAryanirvacanam (90) · Śloka 90
শীলবান্ মতিমান্ যুক্তো দ্বিজাতির্বেদপারগঃ| প্রাণিভিঃ পিতৃবত্পূজ্যঃ প্রাণাচার্যঃ স হি স্মৃতঃ||৯০||
शीलवान् मतिमान् युक्तो द्विजातिर्वेदपारगः| प्राणिभिः पितृवत्पूज्यः प्राणाचार्यः स हि स्मृतः||९०||
🔊 Audio coming soon
শীলবত্বাদিমান্ বৈদ্যঃ প্রাণিভিঃ পিতৃবত্ পূজ্যঃ, স হি প্রাণাচার্যঃ স্মৃতো নান্যঃ| (স চ ভিষক্ শীলবত্বাদিযুক্তো বেদপারঙ্গতো গুরুবত্প্রাণিভিঃ পূজ্যঃ প্রাণাচার্যো যতোঽসাবিতি-ইতি জেজ্জটঃ)|| ৯০||
Adhikarana vidyayA eva vaidyattvam (91) · Śloka 91
বিদ্যাসমাপ্তৌ ভিষজাং দ্বিতীযা জাতিরুচ্যতে| ন বৈদ্যো বৈদ্যশব্দং হি লভতে পূর্বজন্মনা| বিদ্যাসমাপ্তাবার্ষম্ বা ব্রাহ্মং বা ভিষজাং ধ্রুবম্| সত্ত্বমাবিশতি জ্ঞানাত্তেন বৈদ্যো দ্বিজঃ স্মৃতঃ||৯১||
विद्यासमाप्तौ भिषजां द्वितीया जातिरुच्यते| न वैद्यो वैद्यशब्दं हि लभते पूर्वजन्मना| विद्यासमाप्तावार्षम् वा ब्राह्मं वा भिषजां ध्रुवम्| सत्त्वमाविशति ज्ञानात्तेन वैद्यो द्विजः स्मृतः||९१||
🔊 Audio coming soon
বিদ্যাসমপ্তাবিত্যদি ব্যাখ্যাসমম্| আর্ষং বা ব্রাহ্মং বা সত্ত্বং কর্ত্তৃ বিদ্যাসমাপ্তৌ ভিষজং কর্মভূতমাবিশতি| (ইদং চাপরমপচিতিকারণম্| বিদ্যাসমাপ্তাবিত্যাদি| এতদুক্তং ভবতি| বৈদ্যো ন দ্বিজঃ; অপি তু বিদ্যাসমাপ্তৌ বৈদ্যশব্দাVভিনিষ্পত্তিঃ| তস্যাং চ সত্যাং জ্ঞানোদযঃ| ততো ব্রাহ্মং সত্ত্বমার্ষং বা ধ্রুবমবশ্যং জ্ঞানাদাবিশতি| তস্মাদ্বৈদ্যো দ্বিতীয ইব জাতো ভবতি বৈদ্যশব্দলাভাত্| উক্তঞ্চ-যস্যাং যস্যামবস্থাযাং বর্ত্ততে তস্যাং তস্যাং জাত ইত্যুপচর্যতে| তেন দ্বিজাতীয বৈদ্যজাতির্ভবতীতি| ননু চ বিদ্যাসমাপ্তাবিত্যনেনৈব চ পর্যাপ্তত্বাত্ জ্ঞানগ্রহণং কিম্? উচ্যতে| য এব বিদ্যাসমাপ্তৌ জ্ঞানবান্ ন পুস্তকস্থানীযঃ তং ব্রাহ্মসত্ত্বমার্ষং বা বিশতি| ননু চ ব্রাহ্মং বার্ষং বেতি কস্মাদ্বিকল্পঃ একস্যৈব কস্মাত্র নিযমঃ কৃতঃ ? উচ্যতে| ব্রাহ্মণস্য বেদার্থপরিজ্ঞানাদাযুর্বেদার্থপরিজ্ঞানাত্ ব্রহ্মসত্ত্বানুপ্রবেশসাংসিদ্ধিকত্বাচ্চ ব্রহ্মসত্ত্বমাবিশতি বৈশ্যমার্ষমিতি যথাসঙ্খ্যেন প্রত্যেতব্যমিতি| মনুনাঽপ্যুক্তম্- 'বৈদ্যস্তু বৈশ্যো বা ব্রাহ্মণোঽপি বা উচ্যতেঽস্যাপ্যন্যসত্ত্ব প্রাপণার্থমথাপি বা' ইতি-ইতি জেজ্জটঃ)|| ৯১||
Adhikarana prANAcAryaM prati lokakarttavyam (92) · Śloka 92
নাবধ্যাযেন্ন চাক্রোশেদহিতং ন সমাচরেত্| প্রাণাচার্যং বুধঃ কশ্চিদিচ্ছেন্নাযুরনশ্বরম্||৯২||
नावध्यायेन्न चाक्रोशेदहितं न समाचरेत्| प्राणाचार्यं बुधः कश्चिदिच्छेन्नायुरनश्वरम्||९२||
🔊 Audio coming soon
তং চ বুধঃ আযুরনশ্বরমিচ্ছন্ নাবধ্যাযেত্| অবধ্যানমহিতকল্পনম্| ন চাক্রোশেত্ প্রাণাচার্যম্| (অভিধ্যানমহিতচিন্তনমিতি জেজ্জটঃ)|| ৯২||
Adhikarana vaidyasya AturAn prati karttavyam (93) · Śloka 93
ভিষগপ্যাতুরান্সর্বান্ স্বসুতানিব যত্নবান্ আবাধেভ্যোঽভিসংরক্ষেত্ জ্ঞানং ধর্মমনুস্মরন্| কুর্বতে যে তু বৃত্ত্যর্থং চিকিত্সাপণ্যবিক্রযম্| তে হিত্বা কাঞ্চনং রাশিং পাংসুরাশিমুপাসতে| রোগাখ্যান্দারুণান্পাশানন্তকান্তিককর্ষিণঃ| যশ্ছিত্বা যচ্ছতি প্রাণান্দাতা নাস্ত্যেব তত্সমঃ| ন জীবিতপ্রদানাদ্ধি দানমন্যদ্বিশিষ্যতে| তস্মাদুপাচরেত্ স্বেন স্বেন নিঃস্বতপস্বিনঃ||৯৩||
भिषगप्यातुरान्सर्वान् स्वसुतानिव यत्नवान् आबाधेभ्योऽभिसंरक्षेत् ज्ञानं धर्ममनुस्मरन्| कुर्वते ये तु वृत्त्यर्थं चिकित्सापण्यविक्रयम्| ते हित्वा काञ्चनं राशिं पांसुराशिमुपासते| रोगाख्यान्दारुणान्पाशानन्तकान्तिककर्षिणः| यश्छित्वा यच्छति प्राणान्दाता नास्त्येव तत्समः| न जीवितप्रदानाद्धि दानमन्यद्विशिष्यते| तस्मादुपाचरेत् स्वेन स्वेन निःस्वतपस्विनः||९३||
🔊 Audio coming soon
ভিষজাপি সর্ব আতুরাঃ স্বসুতা ইব পাল্যাঃ| যে মনুষ্যা বৃত্যর্থং চিকিত্সাপণ্যস্য বিক্রযং কুর্বতে তে স্বর্ণরাশিং ত্যক্ত্বা পাংসুরাশিমুপাসতে সেবন্তে| কিঞ্চ, বৈদ্যেন সমো দাতা নাস্তি| যো রোগাখ্যান্ দারুণান্ পাশান্ ছিত্ত্বা প্রাণান্ যচ্ছতি দদাতি| কিম্ভূতান্ পাশান্ ? অন্তকস্য মৃত্যোরন্তিকং নিকটং যে কর্ষন্তি তান্| ন জীবিতপ্রদানাদিত্যাদি ব্যাখ্যাসমম্| জীবিতপ্রদানাদন্যদ্দানং ন বিশিষ্টম্| যস্মাদেবং তস্মান্নিঃস্বান্ তপস্বিনশ্চ স্বেন স্বকীযেন স্বেন ধনেন বৈদ্য উপাচরেত্| পরো ভূতদযা ধর্ম ইতি মত্ত্বা চিকিত্সিতে| বর্ততে যঃ স সিদ্ধার্থঃ সুখমত্যন্তমশ্নুতে|| ইতি চরকঃ| ভূতদযা চ পরো ধর্ম এবং জ্ঞাত্বা চিকিত্সিতে যো বর্ততে সিদ্ধার্থঃ সোঽত্যন্তং সুখমশ্নুতে-ইতি জেজ্জটঃ|| ৯৩||
Adhikarana cikitsitasAphalyam (94) · Śloka 94
সত্ত্বার্থমীহমানস্য বৈদ্যস্যৈবং মহামতেঃ| বর্ত্ততে সন্নিধানেন নিযতং সিদ্ধিদেবতাঃ| ক্বচিদ্ধর্মঃ ক্বচিন্মিত্রং ক্বচিদর্থঃ ক্বচিদ্যশঃ| কর্মাভ্যাসঃ ক্বচিচ্চেতি চিকিত্সা নাস্তি নিষ্ফলা| নিত্যমাদরবান্ বৈদ্যস্তস্মাদার্ত্তানুপাচরেত্| প্রাণান্ সহাত্মনঃ কীর্ত্ত্যা নিহন্ত্যেষামনাদরাত্||৯৪||
सत्त्वार्थमीहमानस्य वैद्यस्यैवं महामतेः| वर्त्तते सन्निधानेन नियतं सिद्धिदेवताः| क्वचिद्धर्मः क्वचिन्मित्रं क्वचिदर्थः क्वचिद्यशः| कर्माभ्यासः क्वचिच्चेति चिकित्सा नास्ति निष्फला| नित्यमादरवान् वैद्यस्तस्मादार्त्तानुपाचरेत्| प्राणान् सहात्मनः कीर्त्त्या निहन्त्येषामनादरात्||९४||
🔊 Audio coming soon
এবং সত্ত্বার্থং ন ত্বাত্মার্থমীহমানস্য চেষ্টমানস্য মহামতের্বৈদ্যস্য সিদ্ধ্যাখ্যা দেবতাঃ নিযতং সন্নিধানেন বর্ত্তন্তে| ক্বচিদ্ধর্ম ইত্যাদি ব্যাখ্যাসমম্| এষামর্ত্তানাং প্রাণান্ নিহন্তীতি সম্বন্ধঃ|| ৯৪||
Adhikarana vaidyavRuttiH (95) · Śloka 95
সর্বত্র মৈত্রী করুণাতুরেষু নিরামদেহেষু নৃষু প্রমোদঃ| মনস্যুপেক্ষাপকৃতিং ব্রজত্সু বৈদ্যস্য সদ্দৃত্তমলং তনোতি|৯৫|
सर्वत्र मैत्री करुणातुरेषु निरामदेहेषु नृषु प्रमोदः| मनस्युपेक्षापकृतिं व्रजत्सु वैद्यस्य सद्दृत्तमलं तनोति|९५|
🔊 Audio coming soon
সর্বত্র মৈত্র্যাদিকং বৈদ্যস্য সাধুবৃত্তং পর্যাপ্তং বিস্তারযতি| আতুরবিষযে করুণা| নিরামদেহেষু স্বস্থেষু প্রমোদঃ|| ৯৫||
Adhikarana karuNAmUrttervaidyasya nirupamattvam (96) · Śloka 95
সামিষেণাপি চিত্তেন জীবিতোচ্ছেদকারিণঃ| যো নিহন্ত্যামযান্ বৈদ্যঃ সোঽপি কেনোপমীযতাম্| কিমুত নিরামিষেণ মনসা করুণামৃদুনা কৃপণবিশিষ্টযোঃ সদৃশমাদরমুদ্বহতা| অতিগুরুবোধিসত্ত্বচরিতং সততং বিদধ চ্ছমযতি রোগজালমপি যোঽতিবিরোধমিথঃ||৯৫||
सामिषेणापि चित्तेन जीवितोच्छेदकारिणः| यो निहन्त्यामयान् वैद्यः सोऽपि केनोपमीयताम्| किमुत निरामिषेण मनसा करुणामृदुना कृपणविशिष्टयोः सदृशमादरमुद्वहता| अतिगुरुबोधिसत्त्वचरितं सततं विदध च्छमयति रोगजालमपि योऽतिविरोधमिथः||९५||
🔊 Audio coming soon
যো বৈদ্যঃ সামিষেণ সলোভেনাপি চিত্তেন জীবিতস্যোচ্ছেদকারিণ আমযান্ নিহন্তি সোঽপি কেনোপমীযতাম্ ? যো বৈদ্যঃ করুণামৃদুত্বাদিগুণেন মনসা মিথঃ পরস্পরমতিবিরোধি রোগজালং শমযতি সঃ কিমুত? আমিষং ভোগ্যবস্তু, কৃপণঃ ক্ষুদ্রঃ, বিশিষ্টঃ কৃপণাদন্যঃ| তযোরুভযোরপি সমমাদরমুদ্বহতা| কিম্ভূতো বৈদ্যঃ? যঃ সদৈবাতিগুরুবোধিসত্ত্বানাং চরিতং বিদধত্|| ৯৬||
Adhikarana ativirodharogajAlanidarshanam (97) · Śloka 97
দাহঃ শূলং তৃডাধ্মানং ক্ষুত্ক্ষামত্বমরোচকম্| কঃ প্রাকৃতো জযেদ্রোগান্ নিত্যমন্যোঽন্যরোধিনঃ||৯৭||
दाहः शूलं तृडाध्मानं क्षुत्क्षामत्वमरोचकम्| कः प्राकृतो जयेद्रोगान् नित्यमन्योऽन्यरोधिनः||९७||
🔊 Audio coming soon
অতিবিরোধ রোগজালমিত্যেতদেব দাহঃ শূলমিত্যাদিনা প্রদর্শ্যতে-দাহেতিশীতা ক্রিযা শূলে সা স্বল্পাপি মহাবিকারকরী| এবং তৄডাদিষ্বপি যথাযথং বিরোধো বাচ্যঃ|| ৯৭||
Adhikarana sadRushalakShaNe bhinnakramanidarshanam (98) · Śloka 98
মারুতামগ্রহোন্মাদমদান্ সুসদৃশাকৃতীন্| কো জানীযাচ্চিকিত্সেদ্বা দূরভিন্নক্রিযাক্রমান্||৯৮||
मारुतामग्रहोन्मादमदान् सुसदृशाकृतीन्| को जानीयाच्चिकित्सेद्वा दूरभिन्नक्रियाक्रमान्||९८||
🔊 Audio coming soon
মারুতাদীংশ্চ সুসদৃশলক্ষণান্ সুদূরবিভিন্নক্রিযাক্রমাংশ্চ কো বালিশো যথাবস্তু জানীযাত্| জ্ঞাত্বা বা কশ্চিকিত্সিতুং শক্নুযাত্|| ৯৮||
Adhikarana ataH prANAcAryaM pUjayet (99) · Śloka 99
প্রাণাচার্যং বেদপারং প্রযাতং বুদ্ধ্যা যুক্তং পূজযেন্নিত্যমস্মাত্| যস্মিন্যস্য প্রাণযাত্রানিবদ্ধা তস্মৈ যচ্ছন্ কো ধনানাং ধনাযেত্||৯৯||
प्राणाचार्यं वेदपारं प्रयातं बुद्ध्या युक्तं पूजयेन्नित्यमस्मात्| यस्मिन्यस्य प्राणयात्रानिबद्धा तस्मै यच्छन् को धनानां धनायेत्||९९||
🔊 Audio coming soon
প্রাণাচার্যমিতি| অস্মাত্ কারণাদাযুর্বেদপারঙ্গতং বুধ্যা যুক্তং চ প্রাণাচার্যং নিত্যমেব ধনদানাদিনা পূজযেত্| যস্য ধনিনো প্রাণাচার্যে সর্বা প্রাণযাত্রা নিবদ্ধা স্থিতা তস্মিন্যচ্ছন্ ধনানি কো মূঢো ধনানাং ধনাযেদ্ ধনাশাং কুর্যাত্| ধনাযেদিত্যশনাযাদিসূত্রে নিপাত্যতে|| ৯৯||
Adhikarana AyurvedatantraracanetihAsaH (100) · Śloka 100
আযুর্বেদং শ্লোকলক্ষেণ পূর্বং ব্রহ্মাঽঽম্নাসীদগ্নিবেশাদযস্তু| কৃত্স্নজ্ঞেযপ্রাপ্তসারাঃ স্বতন্ত্রা স্তস্যৈকৈকং নৈকধাঽঙ্গং বিতেনুঃ||১০০||
आयुर्वेदं श्लोकलक्षेण पूर्वं ब्रह्माऽऽम्नासीदग्निवेशादयस्तु| कृत्स्नज्ञेयप्राप्तसाराः स्वतन्त्रा स्तस्यैकैकं नैकधाऽङ्गं वितेनुः||१००||
🔊 Audio coming soon
পূর্বং ব্রহ্মা শ্লোকানাং লক্ষেণাযুর্বেদমাঽঽম্নাসীত্| তস্মাদগ্নিবেশাদযঃ কৃত্স্নজ্ঞেযপ্রাপ্তসারাঃ স্বতন্ত্রাশ্চ সন্তস্তস্যাযুর্বেদস্য কাযবালাদ্যঙ্গমেকৈকমনেকধা বিতেনুরিতি স্থিতম্|| ১০০||
Adhikarana svetihAsanidarshanam (101) · Śloka 101
ভিষগ্বরো বাগ্ভট ইত্যভূন্মে পিতামহো নামধরোঽস্মি যস্য| সুতোঽভবত্তস্য চ সিংহগুপ্ত স্তস্যাপ্যহং সিন্ধুষু লব্ধজন্মা||১০১||
भिषग्वरो वाग्भट इत्यभून्मे पितामहो नामधरोऽस्मि यस्य| सुतोऽभवत्तस्य च सिंहगुप्त स्तस्याप्यहं सिन्धुषु लब्धजन्मा||१०१||
🔊 Audio coming soon
ভিষগ্বর ইতি| মে তন্ত্রকর্ত্তুর্বাগ্ভটনামা পিতামহো ভিষজাং জ্যেষ্ঠোঽভূত্| যস্যাহমস্মি নামধরঃ| তস্য বাগ্ভটস্য সিংহগুপ্তনামা সুতোঽভবত্| তস্যাপি সিংহগুপ্তস্যাহং সুতঃ সিন্ধুদেশে লব্ধজন্মা|| ১০১||
Adhikarana svanirmitatantrasvarUpanidarshanam (102) · Śloka 102
সমধিগম্য গুরোরবলোকিতাত্ গুরুতরাচ্চ পিতুঃ প্রতিভাং মযা| সুবহুভেষজশাস্ত্রবিলোচনাত্ সুবিহিতঽঙ্গবিভাগবিনির্ণযঃ| পূর্বোক্তমেব বদতা কিমিবোদিতং স্যা চ্ছ্রদ্ধালুতুষ্টিজননং ন ভবত্যপূর্বম্| সঙ্ক্ষিপ্তসংশযিতবিস্তৃতবিপ্রকীর্ণঃ কৃত্স্নোঽর্থরাশিরিতি সাধু স এব দৃষ্টঃ| আযুর্বেদোদধেঃ পারমপারস্য প্রযাতি কঃ| বিশ্বব্যাধ্যৌষধিজ্ঞানসারস্ত্বেষ সমুচ্চিতঃ||১০২||
समधिगम्य गुरोरवलोकितात् गुरुतराच्च पितुः प्रतिभां मया| सुबहुभेषजशास्त्रविलोचनात् सुविहितऽङ्गविभागविनिर्णयः| पूर्वोक्तमेव वदता किमिवोदितं स्या च्छ्रद्धालुतुष्टिजननं न भवत्यपूर्वम्| सङ्क्षिप्तसंशयितविस्तृतविप्रकीर्णः कृत्स्नोऽर्थराशिरिति साधु स एव दृष्टः| आयुर्वेदोदधेः पारमपारस्य प्रयाति कः| विश्वव्याध्यौषधिज्ञानसारस्त्वेष समुच्चितः||१०२||
🔊 Audio coming soon
সমধিগম্য ইতি| মযা চ অগ্নিবেশাদিকৃতাযুর্বেদাঙ্গবিভাগবিনিশ্চযো রচিতঃ| কথমিত্যত্রাহ-অবলোকিতাখ্যাদাদিগুরোঃ প্রতিভাং বুদ্ধিবিকাসং সমধিগম্য| ন কেবলং তস্মাদেব গুরোর্যাবত্ গুরুতরাচ্চ পিতুঃ| কিম্ভূতাত্ পিতুরাহ-সুবহুভেষজং যচ্ছাস্ত্রং তদেবাশোষার্থপরিজ্ঞানহেতুত্বাদ্বিলোচনং যস্য| মযা চ স এবাগ্নিবেশাদিপ্রণীতোঽর্থরাশিঃ কৃত্স্নঃ সর্বঃ সাধু কৃত্বা চ দৃষ্টো নিবদ্ধঃ| যতঃ পূর্বোদিতমবিশিষ্টমেব বদতা ন কিঞ্চিদুদিতং ভবতি| অত্যন্তাপূর্বং চোচ্যমানং শ্রদ্ধালূনাং তুষ্টিজননং ন ভবত্যতঃ স এব সাধু দৃষ্টঃ| যতস্তেষামগ্নিবেশাদীনামর্থরাশিঃ সঙ্ক্ষিপ্তসংশযিতত্বাদিদোষযুক্তঃ অতথাভূতোঽপি প্রতিভাত্যতঃ স এব মযা সাধু দৃষ্টঃ| এষ চাস্মত্তন্ত্রো বিশ্বস্য জগতো ব্যাধীনামৌষধানাং চ সার উত্কৃষ্টো ভাগঃ সমুচ্চিতঃ| কৃত্নস্য ত্বাযুর্বেদসাগরস্যাপারস্যানন্তস্য কঃ পারং প্রযাতি|| ১০২||
Adhikarana AtmatantropAdeyatAnidarshanam (103) · Śloka 103
স্মৃত্বেদমুদিতং পূর্বং শ্রুত্বেদানীং দ্বযোঃ পুনঃ| স্মর্ত্তুঃ শ্রোতুশ্চ সুতরাং শ্রদ্ধাতুং কস্য যুজ্যতে| অথবা শ্রুতমপ্যেতত্ স্মর্ত্তুরেব ক্রমাগতম্| অভিধাতৃবিশেষেণ কিং তথাপি প্রযোজনম্| ঊর্ধ্বমেতি মদনং ত্রিবৃতাধো- বস্তুমাত্রক ইতি প্রতিপাদ্যে| মদ্বিধো যদি বদেদথবাঽত্রিঃ কথ্যতাং ক ইব কর্মাণি ভেদঃ| সাধ্বসাধ্বিতি বিবেকবিযুক্তো লোকপঙ্ক্তিকৃতভক্তিবিশেষঃ| বালিশো ভবতি নো খলু বিদ্বান্ সূক্ত এব রমতে মতিরস্য||১০৩||
स्मृत्वेदमुदितं पूर्वं श्रुत्वेदानीं द्वयोः पुनः| स्मर्त्तुः श्रोतुश्च सुतरां श्रद्धातुं कस्य युज्यते| अथवा श्रुतमप्येतत् स्मर्त्तुरेव क्रमागतम्| अभिधातृविशेषेण किं तथापि प्रयोजनम्| ऊर्ध्वमेति मदनं त्रिवृताधो- वस्तुमात्रक इति प्रतिपाद्ये| मद्विधो यदि वदेदथवाऽत्रिः कथ्यतां क इव कर्माणि भेदः| साध्वसाध्विति विवेकवियुक्तो लोकपङ्क्तिकृतभक्तिविशेषः| बालिशो भवति नो खलु विद्वान् सूक्त एव रमते मतिरस्य||१०३||
🔊 Audio coming soon
স্মৃত্বেত্যাদিনা আত্মতন্ত্রস্যোপাদেযতামাচষ্টে| ইদং চার্থজাতমেকেন ব্রহ্মাদিনা স্মৃত্বোদিতং পূর্বকালে চোদিতম্| অন্যেন ত্বস্মদাদিনা শ্রুত্বোদিতমুক্তং সম্প্রতি চোক্তম্| এতযোরুভযোঃ কস্য শ্রদ্ধাতুং যুজ্যতে| অসাক্ষাত্করত্বে সমে একস্যোপরি কঃ পক্ষপাতঃ| অথবা উভযোঃ শ্রদ্ধাতুং কস্য যুজ্যত ইতি কাক্বা যেন শ্রুত্বেদানীং চোক্তং তস্যৈব যুক্তং ন ত্বিতরস্য| যস্মাদ্যথানুভবাবস্থাস্মৃতির্দ্দুরুপপাদা| কস্যাপি কালাতিক্রমাত্ সংস্কারভ্রংশ ইতি| কণ্ঠোক্ত্যা তু সম-মেবানৌদ্ধত্যেন শ্রুতং ভবিষ্যতীত্যূর্ধ্বমেতীত্যাদিনা প্রদর্শ্যতে| অথৈব কশ্চিদাহ যদদ্যতনস্য শ্রুতং তত্ স্মর্তুরেব সম্বন্ধিনঃ ক্রমাদাযাতম্| তত্ স্মর্তুর্দোষাভাবসূচনান্মযা কৃতেঽপি ভ্রমাদিবিনাশখ্যাপনমেব| এবমাত্মন এব পরমসাধুত্বং বর্ণিতং ভবতীতি| এবমপি ভবতা কৃতেঽস্মিন্নশ্লীলাদিদোষাশঙ্কা স্যাদিত্যত আহ অভিধত্রিতি| অভিধাতৃবিশেষণ কিং প্রযোজনং ভবতি? প্রামাণিকেন হ্যর্থক্রিযাবিনিবেষ্টব্যা| অত্র চোর্ধ্বমেতি মদনমিত্যাদৌ বস্তুমাত্রে প্রতিপাদ্যে যদি মদ্বিধো বদেদথবাঽত্রির্বদেত্ কথ্যতাং কর্মণি কো বিশেষঃ? সাধ্বসাধ্বিতি বিবেকরহিতো লোকপঙ্ক্ত্যৈবৈকত্র কৃতভক্তিবিশেষো বালিশ এবৈবং ভবতি, ন তু বিদ্বান্| অস্য তু বিদুষঃ পক্ষপাতেন বিনা সূক্ত এব মতী রমতে|| ১০৩||
Adhikarana samAptisUcakaM ma~ggalam (104-50) · Śloka 50
ইতি মুনিবচনানাং জীবিতোপাশ্রযাণা মভীলষিতসমৃদ্ধৌ কল্পবৃক্ষোপমানাম্| যদুদিতমিহ পুণ্যং কুর্বতো মেঽনুবাদং ভবতু বিগতরোগো নির্বৃতস্তেন লোকঃ||১০৪|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে বাজীকরণ বিধির্নাম পঞ্চাশোঽধ্যাযঃ||৫০||
इति मुनिवचनानां जीवितोपाश्रयाणा मभीलषितसमृद्धौ कल्पवृक्षोपमानाम्| यदुदितमिह पुण्यं कुर्वतो मेऽनुवादं भवतु विगतरोगो निर्वृतस्तेन लोकः||१०४|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे वाजीकरण विधिर्नाम पञ्चाशोऽध्यायः||५०||
🔊 Audio coming soon
ইত্যেতেন নিশ্শেষতন্ত্রোক্তপ্রকারেণ মুনিবচানানামনুবচনং কুর্বতো মম যত্ পুণ্যমুদিতং সঞ্জাতং তেন পুণ্যেন লোকো বিগতরোগো নির্বৃতশ্চ ভবতু| কিম্ভূতানাং মুনিবচনানামাহ-জীবিতস্যাবাষ্টম্ভকানাং তথা কল্পবৃক্ষসদৃশানামনভিলষিতসমৃদ্ধাবিতি|| ১০৪|| ইতি শ্রীমন্মহামহোপাধ্যাযেন্দুবিরচিতাযা মষ্টাঙ্গসংগ্রহব্যাখ্যাযাং শশিলেখাযা মুত্তরতন্ত্রে পঞ্চাশোঽধ্যাযঃ ইত্যষ্টমং বাজীকরণমঙ্গং সম্পূর্ণম্