Adhikarana atha vraNapratiShedho nAma triMsho~adhyAyaH - pratij~jA (1) · Śloka 1
অথাতো ব্রণপ্রতিশেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो व्रणप्रतिशेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
ব্রণস্য বিভাগং দর্শযিত্বা সাধ্যস্য চিকিত্সাং প্রদর্শযিতুমধ্যায আরভ্যতে| নিজস্য প্রাধান্যাত্ প্রথমনির্ণযঃ| স চ যতঃ শোফপূর্বকো ভবত্যত উচ্যতে||১||
Adhikarana shophAvasthAyAshcikitsAsUtram (2) · Śloka 2
ব্রণস্য শোফাবস্থাযাং শস্ত্রকর্মবিধৌ শ্বযথুচিকিত্সিতে চ সাধনমুদ্দিষ্টম্||২||
व्रणस्य शोफावस्थायां शस्त्रकर्मविधौ श्वयथुचिकित्सिते च साधनमुद्दिष्टम्||२||
🔊 Audio coming soon
ব্রণস্য শোফাবস্থাযামিত্যাদি সুবোধম্||২||
Adhikarana tatrApatarpaNaprAdhAnyam (3) · Śloka 3
তত্রাপতর্পণমেবাদৌ প্রধানতমম্| অপি চ-দোষোচ্ছ্রাযোপশান্ত্যর্থমুপদিষ্টং যথাযথম্| অবেক্ষ্য দেহপ্রাণাদীন্ কর্ত্তব্যমপতর্পণম্||৩||
तत्रापतर्पणमेवादौ प्रधानतमम्| अपि च-दोषोच्छ्रायोपशान्त्यर्थमुपदिष्टं यथायथम्| अवेक्ष्य देहप्राणादीन् कर्त्तव्यमपतर्पणम्||३||
🔊 Audio coming soon
অপতর্পণং সর্বং লঙ্ঘনম্| অপি চেত্যপতর্পণবিভাগসমুচ্চযায| দোষাণামুচ্ছ্রাযস্যোপশান্ত্যর্থং যদপতর্পণমুপদিষ্টং তদ্দেহাদীনবেক্ষ্য যথাযথং কর্তব্যম্||৩||
Adhikarana apatarpaNaPalam (4) · Śloka 4
রাগসংরম্ভরহিতাঃ পরিম্লানা হৃতাশ্রযাঃ| সদ্যঃ শাম্যন্তি শুদ্ধানাং ব্রণাঃ শোফাশ্চ দেহিনাম্||৪||
रागसंरम्भरहिताः परिम्लाना हृताश्रयाः| सद्यः शाम्यन्ति शुद्धानां व्रणाः शोफाश्च देहिनाम्||४||
🔊 Audio coming soon
রাগ ইত্যাদিনা শোধনাখ্যস্যাপতর্পণস্য ফলদ্বারেণ গুণকীর্তনম্| শুদ্ধানাং দেহিনাং ব্রণাঃ শোফাশ্চ সদ্যঃ শাম্যন্তি||৪||
Adhikarana lepAdInAM guNAH (5) · Śloka 5
লেপাভ্যঙ্গপরিষেকান্ যথোক্তাংশ্চ প্রযোজযেত্| যথাম্বুভিঃ সিচ্যমানঃ শান্তিমগ্নির্নিযচ্ছতি| দোষাগ্নিরেবং সহসা প্রলেপাদ্যৈঃ প্রযোজিতৈঃ||৫||
लेपाभ्यङ्गपरिषेकान् यथोक्तांश्च प्रयोजयेत्| यथाम्बुभिः सिच्यमानः शान्तिमग्निर्नियच्छति| दोषाग्निरेवं सहसा प्रलेपाद्यैः प्रयोजितैः||५||
🔊 Audio coming soon
তত্র চ ব্রণে লেপাদীন্ যথোক্তান্ সামান্যবিশেষত উক্তান্ প্রযোজযেত্| যথেত্যাদিনা দৃষ্টান্তপূর্বকং লেপাদীনাং প্রভাবকীর্তনম্||৫||
Adhikarana pralepanavidhiH (6) · Śloka 6
প্রতিলোমমেব চানুলিম্পেন্নানুলোমম্| তথা হ্যৌষধং সম্যগবতিষ্ঠতে| অনুপ্রবিশতি চ রোমকূপান্| ন তু শুষ্যদুপেক্ষিতব্যমন্যত্র পীডযিতব্যাত্| শুষ্কং হি দাহোষারাগশ্যাবত্বশূলানি বর্ধযতি||৬||
प्रतिलोममेव चानुलिम्पेन्नानुलोमम्| तथा ह्यौषधं सम्यगवतिष्ठते| अनुप्रविशति च रोमकूपान्| न तु शुष्यदुपेक्षितव्यमन्यत्र पीडयितव्यात्| शुष्कं हि दाहोषारागश्यावत्वशूलानि वर्धयति||६||
🔊 Audio coming soon
প্রতিলোমমিত্যাদি সুবোধম্| তথাপীতি প্রতিলোমলেপনে| পীডযিতব্যে ব্রণে শুষ্যদুপেক্ষিতব্যমেব| অন্যত্র কুতো হেতোঃ শুষ্যদৌষধং নোপেক্ষিতব্যমিত্যাহ-শুষ্কং হীত্যাদি||৬||
Adhikarana pradeha-pralepa-kalkaBedAH (7) · Śloka 7
যস্তু শীতস্তনুর্মুহুর্মুহুশ্চ প্রযুজ্যতে স প্রদেহো রক্তপিত্তত্বচাং প্রসাদকৃত্| প্রলেপস্তূষ্ণঃ শীতো বা বহলশ্চ তথা বাতশ্লেষ্মপ্রশমনস্তস্যোপযোগঃ ক্ষতাক্ষতেষু| যস্তু ক্ষতেষূপযুজ্যতে স ভূযঃ কল্ক ইতি সংজ্ঞা লভতে||৭||
यस्तु शीतस्तनुर्मुहुर्मुहुश्च प्रयुज्यते स प्रदेहो रक्तपित्तत्वचां प्रसादकृत्| प्रलेपस्तूष्णः शीतो वा बहलश्च तथा वातश्लेष्मप्रशमनस्तस्योपयोगः क्षताक्षतेषु| यस्तु क्षतेषूपयुज्यते स भूयः कल्क इति संज्ञा लभते||७||
🔊 Audio coming soon
যস্তু শীতাদিগুণঃ পুনঃ পুনশ্চ প্রযুজ্যতে স রক্তাদিপ্রসাদকৃত্ এবম্ভূতস্য প্রদেহ ইত্যাখ্যা| যস্তূষ্ণাদিগুণস্তথেতি পুনঃ পুনর্যুজ্যতে স প্রলেপাখ্যো বাতশ্লেষ্মপ্রশমনঃ| তস্য প্রলেপস্য ক্ষতে চাক্ষতে চোপযোগঃ| সুবোধম্| ভূয ইতি পুনঃ প্রলেপসংজ্ঞাযাং স্থিতাযাম্||৭||
Adhikarana Alepasya daSavidhatvam (8) · Śloka 8
দশবিধশ্চ সমাসাদালেপঃ| তদ্যথা-স্নৈহিকো নির্বাপণঃ প্রসাদনঃ স্তম্ভনো বিলাযনঃ পাচনঃ পীডনঃ শোধনো রোপণঃ সবর্ণীকরণশ্চ||৮||
दशविधश्च समासादालेपः| तद्यथा-स्नैहिको निर्वापणः प्रसादनः स्तम्भनो विलायनः पाचनः पीडनः शोधनो रोपणः सवर्णीकरणश्च||८||
🔊 Audio coming soon
সমাসাত্ সঙ্ক্ষেপতঃ স্নৈহিকাদিভেদেন দশবিধ আলেপো নামভিরেব ব্যাখ্যাতার্থঃ||৮||
Adhikarana AlepAnAM BedAnusAraM viShayaH dravya~jca (9) · Śloka 9
তত্র বাতে স্নিগ্ধদ্রব্যৈঃ স্নেহাঢ্যৈঃ স্নেহেনৈব স্নৈহিকঃ| পিত্তে পিত্তপ্রাযে ব শোফে বিষাগ্নিক্ষারদগ্ধে চ শিতৈর্নির্বাপণঃ| স এব চান্তর্দুষ্টে রক্তে প্রসাদনঃ| স এব চ পুনরস্রাতিপ্রবৃত্তৌ স্তম্ভনসজ্ঞঃ| শ্লেষ্মমেদোভূযিষ্ঠে শীতৈশ্চাবিদগ্ধে পিষ্টলব্ধে গ্রথিতে বা রূক্ষৈর্বিলাযনঃ| তৈরেব চ বিদগ্ধে পাচনঃ| সূক্ষ্মাস্যে ব্রণে রূক্ষৈঃ পিচ্ছিলৈশ্চ পীডনঃ| অশুদ্ধে যথাস্বমুপদিষ্টৈঃ শোধনঃ| শুদ্ধে রোপণঃ| রূঢে চ সবর্ণীকরণঃ| নামভিরেব চৈষাং স্বরূপমাখ্যাতম্||৯||
तत्र वाते स्निग्धद्रव्यैः स्नेहाढ्यैः स्नेहेनैव स्नैहिकः| पित्ते पित्तप्राये व शोफे विषाग्निक्षारदग्धे च शितैर्निर्वापणः| स एव चान्तर्दुष्टे रक्ते प्रसादनः| स एव च पुनरस्रातिप्रवृत्तौ स्तम्भनसज्ञः| श्लेष्ममेदोभूयिष्ठे शीतैश्चाविदग्धे पिष्टलब्धे ग्रथिते वा रूक्षैर्विलायनः| तैरेव च विदग्धे पाचनः| सूक्ष्मास्ये व्रणे रूक्षैः पिच्छिलैश्च पीडनः| अशुद्धे यथास्वमुपदिष्टैः शोधनः| शुद्धे रोपणः| रूढे च सवर्णीकरणः| नामभिरेव चैषां स्वरूपमाख्यातम्||९||
🔊 Audio coming soon
তত্রেত্যাদিনা দশবিধানামালেপানাং বিষযো দ্রব্যং চাখ্যাযতে| স এব স এবেতি যথোক্তলক্ষণো নির্বাপণঃ| অবিদগ্ধঃ পরিবাসেনাঽপ্রাপ্তপাকাবস্থঃ| তৈরেবেতি শীতাদিগুণৈঃ| অশুদ্ধ ইত্যাদিনা শোধনাদীনাং ক্রমেণ প্রযোগকথনম্||৯||
Adhikarana rAtrau pradehaniShedhastatra yuktiSca (10) · Śloka 10
ন চ প্রদেহং রাত্রৌ প্রযুঞ্জীত| মা ভূচ্ছৈত্যপিহিতস্যোষ্মণো বহিরনিস্সরণাদ্বিকারপরিবৃদ্ধিঃ||১০||
न च प्रदेहं रात्रौ प्रयुञ्जीत| मा भूच्छैत्यपिहितस्योष्मणो बहिरनिस्सरणाद्विकारपरिवृद्धिः||१०||
🔊 Audio coming soon
রাত্রৌ প্রদেহং ন প্রযুঞ্জীত| কা যুক্তিরিত্যাহ-মা ভূচ্ছৈত্য ইত্যাদি| রাত্রিশৈত্যেন শরীরোষ্মণঃ কৃতপিধানস্য সুতরাং বহিরনিস্সরণাদ্বিকারপরিবৃদ্ধির্মা ভূদিতি|| ১০||
Adhikarana atra puShkalAvatamatam (11) · Śloka 11
পুষ্কলাবতস্তু পঠতি- তমসা পিহিতা হ্যূষ্মা রোমকূপৈরনাবৃতৈঃ| লেপাদ্বিনৈব নির্যাতি রাত্রৌ নালেপযেদতঃ||১১||
पुष्कलावतस्तु पठति- तमसा पिहिता ह्यूष्मा रोमकूपैरनावृतैः| लेपाद्विनैव निर्याति रात्रौ नालेपयेदतः||११||
🔊 Audio coming soon
পুষ্কলাবতনামা ঋষিস্তু পঠতীত্যনেন রাত্রৌ লেপপ্রতিষেধে যুক্ত্যন্তরপ্রদর্শনং করোতি| যদ্রাত্রৌ তমসা পিহিতঃ শরীরোষ্মাঽনাবৃতৈ রোমকূপৈর্লেপাদ্বিনৈব নির্যাত্যতো নালেপযেত্||১১||
Adhikarana paryuShitalepaniShedhaH (12) · Śloka 12
ন চ পর্যুষিতং লেপং দদ্যাত্ ভূযস্তমেব বা| ব্যম্লঃ পর্যুষিতো হি স্যাদ্ ভ্রষ্টবীর্যস্তথেতরঃ||১২||
न च पर्युषितं लेपं दद्यात् भूयस्तमेव वा| व्यम्लः पर्युषितो हि स्याद् भ्रष्टवीर्यस्तथेतरः||१२||
🔊 Audio coming soon
ন চেত্যাদি সুবোধম্| পর্যূষিতং হ্যনিষ্ঠম্| ভূযস্তমেবেতি যো দত্তঃ||১২||
Adhikarana jalaukAdyairasrAharaNe hetuH (13) · Śloka 13
শোফে ব্রণে চ কঠিনে বিবর্ণে বেদনান্বিতে| সবিষে চ বিশেষেণ জলজাদ্যৈর্হরেদসৃক্| বেদনাযাঃ প্রশান্ত্যর্থং পাকস্যাঽপ্রাপ্তযেঽপি চ||১৩||
शोफे व्रणे च कठिने विवर्णे वेदनान्विते| सविषे च विशेषेण जलजाद्यैर्हरेदसृक्| वेदनायाः प्रशान्त्यर्थं पाकस्याऽप्राप्तयेऽपि च||१३||
🔊 Audio coming soon
শোফে ব্রণে বা কঠিনাদিগুণে জলজাদ্যৈরস্রাহরণে কিম্প্রযোজনমিত্যাহ-বেদনাযা ইত্যাদি| (অত্র বিশেষ শব্দেন সর্বধাতুদূষকস্যাপি বিষস্য বিশেষাদ্রক্তদূষকত্বং সূচিতম্)||১৩||
Adhikarana srAvaNottaraM pradehAdi (14) · Śloka 14
নির্বাপণান্ পুনশ্চাত্র ন্যগ্রোধাদ্যৈঃ সুশীতলান্| কুর্যাত্ প্রদেহসেকাদীন্ সঘৃতক্ষীরশর্করান্| ন্যগ্রোধোদুম্বরাশ্বত্থপ্লক্ষবেতসবল্কলৈঃ| প্রদেহো ভূরিসর্পির্ভিঃ শোফনির্বাপণঃ পরম্| প্রদেহঃ সসিতস্তদ্বত্ সক্তবো মধুকং ঘৃতম্||১৪||
निर्वापणान् पुनश्चात्र न्यग्रोधाद्यैः सुशीतलान्| कुर्यात् प्रदेहसेकादीन् सघृतक्षीरशर्करान्| न्यग्रोधोदुम्बराश्वत्थप्लक्षवेतसवल्कलैः| प्रदेहो भूरिसर्पिर्भिः शोफनिर्वापणः परम्| प्रदेहः ससितस्तद्वत् सक्तवो मधुकं घृतम्||१४||
🔊 Audio coming soon
অত্র পুনশ্চ বিস্রাবিতে রক্তে নির্বাপণান্ পূর্বোক্তলক্ষণান্ সুশীতলান্ প্রদেহাদীন্ ঘ্রুতাদিযুক্তান্ কুর্যাত্| কৈরৌশধৈরিত্যাহ-ন্যগ্রোধাদ্যৈর্ন্যগ্রোধোদুম্বরেত্যাদিভিঃ| তান্যেব পঠতি-ন্যগ্রোধাদীনাং বল্কলৈস্ত্বগ্ভির্ভূরিসর্পির্ভিঃ প্রদেহঃ পরং শোফনির্বাপণঃ| সুবোধম্| (সক্ত্বাদিভিঃ সিতাসহিতঃ প্রদেহস্তদ্বত্ পূর্বগুণঃ)||১৪||
Adhikarana vAtolbaNAnAM svedanam (15) · Śloka 15
বাতোল্বণানাং স্তব্ধানাং কঠিনানাং মহারুজাম্| স্রুতাসৃজাং চ শোফানাং ব্রণানামপি চেদৃশাম্| গ্রাম্যানূপৌদকামিষবেশবারকৃসরাপাযসোত্কারিকাভিঃ স্বেদো যোজ্যঃ||১৫||
वातोल्बणानां स्तब्धानां कठिनानां महारुजाम्| स्रुतासृजां च शोफानां व्रणानामपि चेदृशाम्| ग्राम्यानूपौदकामिषवेशवारकृसरापायसोत्कारिकाभिः स्वेदो योज्यः||१५||
🔊 Audio coming soon
বাতোল্বণাদীনাং শোফানাং বা ব্রণানাং বা গ্রাম্যাদিমাংসবেশবারাদিভিরুত্কারিকাভিঃ স্বেদো যোজ্যঃ||১৫||
Adhikarana dAhashUlaharA cikitsA (16) · Śloka 16
সদাহশূলাংস্তু তিলানতসীংশ্চ ভৃষ্ট্বা পযসি নির্বাপ্য তেনৈব ক্ষীরেণ পিষ্ট্বা প্রলেপযেত্| বলামধুকপৃশ্নিপর্ণীচ্ছিন্নরুহাভীরুজীবন্তীশর্করামদনক্ষীরমহাস্নেহসিদ্ধোত্কারিকা কবোষ্ণা শূলদাহহরা| তদ্বন্মধুকযবচূর্ণতৈলসর্পির্ভিঃ কোষ্ণ আলেপঃ| তথা সতিলো মুদ্গপাযসমুপনাহঃ| দশমূলসিদ্ধেন সুখোষ্ণেনাম্ভসা পযসা বা ঘৃততৈলাভ্যাং বা পরিষেকঃ শোফে ব্রণে বা দাহশূলঘ্নঃ||১৬||
सदाहशूलांस्तु तिलानतसींश्च भृष्ट्वा पयसि निर्वाप्य तेनैव क्षीरेण पिष्ट्वा प्रलेपयेत्| वलामधुकपृश्निपर्णीच्छिन्नरुहाभीरुजीवन्तीशर्करामदनक्षीरमहास्नेहसिद्धोत्कारिका कवोष्णा शूलदाहहरा| तद्वन्मधुकयवचूर्णतैलसर्पिर्भिः कोष्ण आलेपः| तथा सतिलो मुद्गपायसमुपनाहः| दशमूलसिद्धेन सुखोष्णेनाम्भसा पयसा वा घृततैलाभ्यां वा परिषेकः शोफे व्रणे वा दाहशूलघ्नः||१६||
🔊 Audio coming soon
সদাহশূলানিতি শোফান্ বা ব্রণান্ বা| সুবোধম্| নির্বাপ্য পযসি ক্ষিপ্ত্বা| বলাদিসিদ্ধোত্কারিকা কবোষ্ণা সতী শূলদাহহরা| উত্কারিকা স্বিন্নপিণ্ডী| মধুকাদিভিঃ কোষ্ণ আলেপস্তদ্বদিতি শূলদাহহরঃ| তথৈব তিলমুদ্গাভ্যাম্ পাযসেনোপনাহঃ| দশমূলসিদ্ধেন সুখোষ্ণেনাম্ভসা পরিষেকঃ| পযসা বা দশমূলসিদ্ধেন সুখোষ্ণেন, ঘৃতেনম্ তৈলেন বা, দ্বাভ্যাং বা, পরিষেকঃ শোফে দাহশূলঘ্নো ব্রণে বা||১৬||
Adhikarana shophavimlApanam (17) · Śloka 17
স্থিরাণাং মন্দবেদনানাং শোফানাং বিম্লাপনং কার্যম্| অভ্যজ্য স্বেদযিত্বা চ বেণুনাড্যা ততঃ শনৈঃ| বিম্লাপনার্থং মৃদ্নীযাত্তলেনাঙ্গুষ্ঠকেন বা| তথাঽঽস্ফোতপত্রমসূরকল্কেনাঽঽলেপঃ| সুসিদ্ধপিষ্টৈঃ সঘৃতৈর্মুদ্গযবগোধূমৈর্বা||১৭||
स्थिराणां मन्दवेदनानां शोफानां विम्लापनं कार्यम्| अभ्यज्य स्वेदयित्वा च वेणुनाड्या ततः शनैः| विम्लापनार्थं मृद्नीयात्तलेनाङ्गुष्ठकेन वा| तथाऽऽस्फोतपत्रमसूरकल्केनाऽऽलेपः| सुसिद्धपिष्टैः सघृतैर्मुद्गयवगोधूमैर्वा||१७||
🔊 Audio coming soon
স্থিরাদিগুণানাং শোফানাং বিম্লাপনং কার্যম্| বিম্লাপনং বিলযনম্| অভ্যজ্যেত্যাদিনা তদেবোচ্যতে| সুবোধম্| তলো হস্ততলঃ| (অভ্যজ্য বাতকফঘ্নৈঃ স্নেহৈরভ্যঙ্গং কৃত্বা পিণ্ডদ্রবনাড্যাদ্যন্যতমেন স্বেদেন স্বেদযিত্বা| চশব্দঃ সমুচ্চযে| ততঃ স্বেদানন্তরং বিম্লাপনার্থং বিলযনার্থং বেণুনাড্যাদ্যন্যতমেন মন্দং মন্দং বিমৃদ্নীযান্মর্দযেদিত্যর্থঃ)| সুবোধম্| আস্ফোতোঽর্কঃ মুদ্গাদিভিঃ উসিদ্ধাদিগুণৈঃ প্রলেপঃ||১৭||
Adhikarana upanAhaH (18) · Śloka 18
বিলীযতে স চেন্নৈব ততস্তমুপনাহযেত্| অবিদগ্ধস্তথা শান্তিং বিদগ্ধঃ পাকমশ্নুতে| শিগ্রুশণফলচিত্রককিণ্বনিষ্পাবসর্ষপতিলাতসীসক্তুকোলগৃহধূমৈরম্লপিষ্টৈঃ সুখোষ্ণৈঃ স্নিগ্ধৈঃ সলবণৈরুত্কারিকাং কৃত্বা তথা প্রলিপ্যৈরণ্ডপত্রেণাবচ্ছাদ্য বধ্নীযাত্||১৮||
विलीयते स चेन्नैव ततस्तमुपनाहयेत्| अविदग्धस्तथा शान्तिं विदग्धः पाकमश्नुते| शिग्रुशणफलचित्रककिण्वनिष्पावसर्षपतिलातसीसक्तुकोलगृहधूमैरम्लपिष्टैः सुखोष्णैः स्निग्धैः सलवणैरुत्कारिकां कृत्वा तथा प्रलिप्यैरण्डपत्रेणावच्छाद्य बध्नीयात्||१८||
🔊 Audio coming soon
স চেত্ স্থিরত্বাদিগুণঃ শোফো ন বিলীযতে ততস্তমুপনাহযেত্ বধ্নীযাত্ তথেত্যুপনাহেন অবিদগ্ধোঽভিনবঃ শোফঃ শান্তিমশ্নুতে বিদগ্ধঃ পাকাভিমুখঃ পাকমশ্নুতে| শিগ্র্বাদিভিরুত্কারিকযা প্রলিপ্যৈরণ্ডপত্রেণাচ্ছাদ্য বধ্নীযাত্||১৮||
Adhikarana pAkAbhimukhe kRutyam (19) · Śloka 19
পাকাভিমুখে চ শোফে যথেষ্টমাতুরং ভোজযেত্ পাচনার্থং পাকবেদনাশস্ত্রকর্মসহনার্থং চ||১৯||
पाकाभिमुखे च शोफे यथेष्टमातुरं भोजयेत् पाचनार्थं पाकवेदनाशस्त्रकर्मसहनार्थं च||१९||
🔊 Audio coming soon
পাকাভিমুখে সোফে পাচনাদ্যর্থং বৈদ্য আতুরং যথেষ্টং ভোজযেত্||১৯||
Adhikarana pakve kRutyam (20) · Śloka 20
পক্বে তু যথোক্তেন বিধিনা শস্ত্রমবচারযেত্||২০||
पक्वे तु यथोक्तेन विधिना शस्त्रमवचारयेत्||२०||
🔊 Audio coming soon
পক্ব ইত্যাদি সুবোধম্| যথোক্তেন সূত্রপ্রদর্শিতেন||২০||
Adhikarana dAraNArhe kRutyam (21) · Śloka 21
সুপক্বে পিণ্ডিতে শোফে পীডনৈরুপপীডিতে| দারণং দারণার্হস্য দোষপাকোদ্ধতে হিতম্||২১||
सुपक्वे पिण्डिते शोफे पीडनैरुपपीडिते| दारणं दारणार्हस्य दोषपाकोद्धते हितम्||२१||
🔊 Audio coming soon
যস্তু শোফঃ পক্বঃ সন্ পিণ্ডিতো ন স্বযমেব দীর্যতে তস্মিন্ শোফে পীডনৈর্লেপঃ পীডিতে দোষে চ পাকেনোদ্ধতে দারণার্হস্য পুংসো দারণঃ হিতং যেনাবদীর্যতে| দারণার্হঃ সূত্র উক্তঃ||২১||
Adhikarana citrakAdiBirdAraNam (22) · Śloka 22
চিত্রকচিরবিল্বদন্তীকরবীরমূলকপোতপঙ্কগৃধ্রপুরীষৈর্গুগ্গুল্বতসীস্নুহীক্ষীরপলাশক্ষারসুবর্ণক্ষীরীদক্ষশকৃন্মুকূলকৈর্বা ক্ষারৌষধৈর্বা ক্ষারেণ বা||২২||
चित्रकचिरबिल्वदन्तीकरवीरमूलकपोतपङ्कगृध्रपुरीषैर्गुग्गुल्वतसीस्नुहीक्षीरपलाशक्षारसुवर्णक्षीरीदक्षशकृन्मुकूलकैर्वा क्षारौषधैर्वा क्षारेण वा||२२||
🔊 Audio coming soon
চিত্রকাদিভির্দারণমুচ্যতে| অথবা গুগ্গুল্বাদিভিঃ মুকুলকং দন্তী| অথবা ক্ষারৌষধৈঃ| ক্ষারৌষধানি ক্ষারপাকবিধ্যুক্তানি| অথবা কেবলেনৈব চ যবক্ষারেণ দারণম্||২২||
Adhikarana vraNapIDanaM viShayaH dravya~jca (23) · Śloka 23
পূযগর্ভানণুদ্বারান্ সোত্সঙ্গান্ মর্মগানপি| নিঃস্নেহৈঃ পীডনদ্রব্যৈঃ সমন্তাত্প্রতিপীডযেত্| শুষ্যন্তং সমুপেক্ষেত প্রলেপং পীডনং প্রতি| ন মুখে চৈনমালিম্পেত্তথা দোষঃ প্রসিচ্যতে| কলাযযবগোধূমমুদ্গমাষহরেণবঃ| দ্রব্যাণাং পিচ্ছিলানাঞ্চ ত্বঙ্মূলানি প্রপীডনে||২৩||
पूयगर्भानणुद्वारान् सोत्सङ्गान् मर्मगानपि| निःस्नेहैः पीडनद्रव्यैः समन्तात्प्रतिपीडयेत्| शुष्यन्तं समुपेक्षेत प्रलेपं पीडनं प्रति| न मुखे चैनमालिम्पेत्तथा दोषः प्रसिच्यते| कलाययवगोधूममुद्गमाषहरेणवः| द्रव्याणां पिच्छिलानाञ्च त्वङ्मूलानि प्रपीडने||२३||
🔊 Audio coming soon
পূযগর্ভত্বাদিযুক্তান্ শোফান্ বক্ষ্যমাণৈঃ পীডনদ্রব্যৈঃ স্নেহবর্জিতৈঃ সমন্তান্ প্রতিপীডযেত্| (পূযগর্ভানন্তঃপূযসহিতান্| অণুদ্বারান্ অণুমুখতযাঽন্তরান্তরাবরুদ্ধপূযাস্রাবান্| সোত্সঙ্গানুত্সঙ্গসহিতান্| উত্সঙ্গানুত্সঙ্গসহিতান্| উত্সঙ্গা উন্নতিঃ| শুষ্কস্য পূযস্য সংশ্লেষ ইতি কেচিত্| মর্মগান্ পাকাদিনা সম্প্রাপ্তমর্মান্| অপিশব্দঃ সমুচ্চযে)| পীডনার্থং চ শুষ্যন্তং প্রলেপং সমুপেক্ষেত| তথা হি পীডযেত্| এনং চ পীডনীযং শোফং মুখে নৈবাঽঽলিম্পেত্| তেন হি দোষঃ প্রসিচ্যতে স্রবতি| (পীডনং প্রতি প্রলেপং শুষ্যন্তং সমুপেক্ষেত পীডনবিষযং প্রলেপং শুষ্যন্তং শোষং গচ্ছন্তং সমুপেক্ষেত নাপনযেদিত্যর্থঃ| শুষ্যন্তমিত্যুক্তত্বাদেব শুষ্কস্যানুপেক্ষণীযত্বমপ্যর্থাত্ গম্যতে| এনং পীডনীযং শোফং মুখে ব্রণমুখে নৈবালিম্পেত্ ন প্রলেপযেত্| তথা এবংবিধে সতি দোষঃ অন্তর্গতঃ পূযাখ্যো মলঃ প্রসিচ্যতে প্রস্রবতি| 'আলেপঃ শুষ্কোঽবপীড্য পূযং বহির্নিষ্কাসযতি যতস্তদবপীডনং' ইতি জেজ্জটঃ)| অথ কিং তত্ প্রপীডনমিত্যাহ-কলাযেত্যাদি| পিচ্ছিলানাং শাল্মল্যাদীনাং দ্রব্যাণাং ত্বচো মূলানি চ|| ২৩||
Adhikarana Sodhanam ( kaShAyeNa ) (24) · Śloka 24
বিবর্ণান্ পিচ্ছিলান্ পূতিগন্ধীন্ ক্লেদরুজাবতঃ| ব্রণানশুদ্ধান্ বিজ্ঞায শোধনৈরেভিরাচরেত্| শঙ্খিন্যঙ্কোলসুমনঃ করবীরসুবর্চলাঃ| ত্রিফলা খদিরো দার্বী কোলপত্রং পলঙ্কষা| প্রক্ষালনে কষাযাণি বর্গশ্চারগ্বধাদিকঃ||২৪||
विवर्णान् पिच्छिलान् पूतिगन्धीन् क्लेदरुजावतः| व्रणानशुद्धान् विज्ञाय शोधनैरेभिराचरेत्| शङ्खिन्यङ्कोलसुमनः करवीरसुवर्चलाः| त्रिफला खदिरो दार्वी कोलपत्रं पलङ्कषा| प्रक्षालने कषायाणि वर्गश्चारग्वधादिकः||२४||
🔊 Audio coming soon
বিবর্ণাদিগুণান্ ব্রণানত এব চাশুদ্ধনিতি বিজ্ঞায এভির্বক্ষ্যমাণৈঃ শোধনৈরুপাচরেত্| শঙ্খিনীত্যাদি| শঙ্খিন্যাদীনি কষাযরসানি চ দ্রব্যাণ্যারগ্বধাদিকো বর্গশ্চাঽশুদ্ধানাং ব্রণানাং প্রক্ষালনে যোজ্যঃ||২৪||
Adhikarana SodhanAlepaH (25) · Śloka 25
পটোলীতিলযষ্ট্যাহ্বত্রিবৃদ্দন্তীনিশাদ্বযম্| নিম্বপত্রাণি চালেপঃ সপটুর্ব্রণশোধনঃ||২৫||
पटोलीतिलयष्ट्याह्वत्रिवृद्दन्तीनिशाद्वयम्| निम्बपत्राणि चालेपः सपटुर्व्रणशोधनः||२५||
🔊 Audio coming soon
পটোল্যাদীনাং সলবণ আলেপো ব্রণশোধনঃ| (পটোল্যাদিকং নিম্বপত্রাণি চ আলেপঃ এতত্ সর্বমালেপনদ্রব্যমিত্যর্থঃ| সপটুঃ সৈন্ধবোপেতো ব্রণশোধনো ভবতি)||২৫||
Adhikarana shodhanakalkAdikam (26) · Śloka 26
অজগন্ধাজশ্রৃঙ্গী চ গবাক্ষী লাঙ্গলী নিশা| পূতীকশ্চিত্রকঃ পাঠা পটোলীবেল্লরেণুকাঃ| কটুত্রযং যবক্ষারো লবণানি সুরাষ্ট্রজা| নিকুম্ভকুম্ভকাসীসহরিতালমনশ্শিলাঃ| কল্কাজ্যতৈলরসজাচূর্ণবর্তিষু ভেষজম্||২৬||
अजगन्धाजश्रृङ्गी च गवाक्षी लाङ्गली निशा| पूतीकश्चित्रकः पाठा पटोलीवेल्लरेणुकाः| कटुत्रयं यवक्षारो लवणानि सुराष्ट्रजा| निकुम्भकुम्भकासीसहरितालमनश्शिलाः| कल्काज्यतैलरसजाचूर्णवर्तिषु भेषजम्||२६||
🔊 Audio coming soon
অজগন্ধাদীনি কল্কাদিষু প্রযোগেণ শোফানাং ব্রণানাঞ্চ ভেষজম্| রসজা রসক্রিযা| বর্তির্ব্রণনিধেযা চৈলমযী||২৬||
Adhikarana shodhanaghRutam (27) · Śloka 27
তত্র গম্ভীরেষু পিত্তাত্মকেষু দাহপাকবত্সু ব্রণেষ্বতীক্ষ্ণোষ্ণৈরেভিঃ কার্পাসীফলমিশ্রং কল্কং ঘৃতং চ সাধযিত্বা যোজযেত্||২৭||
तत्र गम्भीरेषु पित्तात्मकेषु दाहपाकवत्सु व्रणेष्वतीक्ष्णोष्णैरेभिः कार्पासीफलमिश्रं कल्कं घृतं च साधयित्वा योजयेत्||२७||
🔊 Audio coming soon
তত্রেত্যাদিনা কল্কাদয উচ্যন্তে| গম্ভীরত্বাদিযুক্তেষু ব্রণেষ্বেভিরিত্যজগন্ধাদিভিঃ পূতীকাদিতীক্ষ্ণোষ্ণদ্রব্যরহিতৈঃ কৃতং কার্পাসীফলমিশ্রং কল্কং ঘৃতং চ সাধযিত্বা যোজযেত্||২৭||
Adhikarana Sodhanatailam (28) · Śloka 28
উত্সন্নমাংসেষ্বল্পস্রাবেষু রূক্ষেষু তিলাপামার্গবৃহতীদ্বযযুক্তৈঃ পূর্বোক্তৈঃ পূতীকাদিভিঃ সার্ষপং তৈলং চ||২৮||
उत्सन्नमांसेष्वल्पस्रावेषु रूक्षेषु तिलापामार्गबृहतीद्वययुक्तैः पूर्वोक्तैः पूतीकादिभिः सार्षपं तैलं च||२८||
🔊 Audio coming soon
উত্সন্নমাংসাদিষু ব্রণেষু পূর্বোক্তৈঃ সর্বৈঃ পূতীকাদিভিস্তিলাদিযুক্তৈঃ সর্ষপতৈলং চৈকং সাধযিত্বা যোজযেদিতি সম্বন্ধঃ||২৮||
Adhikarana SodhanarasakriyA (29) · Śloka 29
প্রচলপ্রদেশাজেষু ক্লেদবহুলেষুত্সন্নাস্থিরমাসেষু তৈলেন চাসিদ্ধ্যত্সু রসক্রিযাং কুর্যাত্| যথোক্তানাং সংশোধনৌষধানাং কষাযে পুনঃ পরিস্রাব্যাধিশ্রৃতে মনশ্শিলাতুবরীকাসীসচূর্ণপ্রতীবাপসিদ্ধাং চ মাতুলুঙ্গরসোপেতাং সক্ষৌদ্রাং যুঞ্জীত||২৯||
प्रचलप्रदेशाजेषु क्लेदबहुलेषुत्सन्नास्थिरमासेषु तैलेन चासिद्ध्यत्सु रसक्रियां कुर्यात्| यथोक्तानां संशोधनौषधानां कषाये पुनः परिस्राव्याधिश्रृते मनश्शिलातुवरीकासीसचूर्णप्रतीवापसिद्धां च मातुलुङ्गरसोपेतां सक्षौद्रां युञ्जीत||२९||
🔊 Audio coming soon
প্রচলপ্রদেশজত্বাদিযুক্তেষু ব্রণেষু যে চ তৈলেন ন শুদ্ধ্যন্তি তেষু চ রসক্রিযাং কুর্যাত্| কামিত্যাহ-যথোক্তানামিত্যাদি||২৯||
Adhikarana SodhanacUrNam (30) · Śloka 30
মেদোযুক্তেষু গম্ভীরেষু ক্লেদিষু কল্কৈশ্চাসিদ্ধ্যত্সুবচাযাং সৈন্ধবে কিণ্বে কাসীসে রজনীদ্বযে| শোধনাগ্র্যেষু চান্যেষু চূর্ণং কুর্বীত শোধনম্||৩০||
मेदोयुक्तेषु गम्भीरेषु क्लेदिषु कल्कैश्चासिद्ध्यत्सुवचायां सैन्धवे किण्वे कासीसे रजनीद्वये| शोधनाग्र्येषु चान्येषु चूर्णं कुर्वीत शोधनम्||३०||
🔊 Audio coming soon
মেদোযুক্তাদিষু ব্রণেষু বচাদিকেঽন্যেষ্বপি শোধনৌষধেষু শোধনং চূর্ণং কুর্বীত ||৩০||
Adhikarana SodhanavartiH (31) · Śloka 31
অন্তঃশল্যানণুদ্বারান্ গম্ভীরান্ মাংসসংশ্রিতান্| সন্ধিমর্মনিবিষ্টাংশ্চ শোধযেদ্বর্তিভির্ব্রণান্||৩১||
अन्तःशल्यानणुद्वारान् गम्भीरान् मांससंश्रितान्| सन्धिमर्मनिविष्टांश्च शोधयेद्वर्तिभिर्व्रणान्||३१||
🔊 Audio coming soon
অন্তশ্শল্যাদিকান্ ব্রণান্ বর্তিভিঃ শোধযেদিতি সম্বন্ধঃ||৩১||
Adhikarana dhUpanantadarthaM dravyANi ca (32) · Śloka 32
বাতাভিভূতান্ সাস্রাবান্ ধূপযেদুগ্রবেদনান্| শ্রীবেষ্টকসর্জরসসালদেবদারুশিংশপাখদিরাসনকৈডর্যসারযবমধূচ্ছিষ্টভূর্জপত্রপক্ষৌমসর্পিভিঃ||৩২||
वाताभिभूतान् सास्रावान् धूपयेदुग्रवेदनान्| श्रीवेष्टकसर्जरससालदेवदारुशिंशपाख़दिरासनकैडर्यसारयवमधूच्छिष्टभूर्जपत्रपक्षौमसर्पिभिः||३२||
🔊 Audio coming soon
বাতাভিভূতত্বাদিগুণান্ ব্রণান্ শ্রীবেষ্টকাদিভির্ধূপযেত্| ( নি ) শ্রীবেষ্টকো বাযসিকঃ শ্রীবাসশ্চেতি শব্দিতঃ| সালাদীনাং সারঃ| কৈডর্যঃ করঞ্জঃ| (বাতাভিভূতান্ উদ্রিক্তবাতান্| সাস্রাবানাস্রাবযুক্তান্| আস্রাবঃ পূযবহনম্| উগ্রা অতিশযিতা বেদনা পীডাবিশেষো যেষাং তানুগ্রবেদনান্)||৩২||
Adhikarana nirvApaNam (33) · Śloka 33
নির্বাপযেদ্ ভৃশং শীতৈঃ পিত্তরক্তবিষোল্বণান্||৩৩||
निर्वापयेद् भृशं शीतैः पित्तरक्तविषोल्बणान्||३३||
🔊 Audio coming soon
পিত্তাদ্যুল্বণান্ ব্রণান্ ভৃশং শীতৈর্নির্বাপযেত্| (উদ্রিক্তপিত্তান্ উল্বণরক্তান্ বিষযুক্তাংশ্চ ব্রণান্ শীতৈশ্চন্দনোশীরাদিশীতলদ্রব্যৈর্ভৃশমতিশযেন নির্বাপযেত্| লেপসেকাদিনোষ্মোপশমনং কুর্যাদিত্যর্থঃ )||৩৩||
Adhikarana utsAdanam (34) · Śloka 34
শুষ্কাল্পমাংসে গম্ভীরে ব্রণ উত্সাদনং হিতম্| অশ্বগন্ধাপামার্গতালপত্রীসুবর্চলাবলাতিবলানন্তাধাতকীকুসুমসমঙ্গাভিঃ পদ্মকাদিবর্গেণ ন্যগ্রোধাদিনা চ কল্কস্তথা সর্পীংষ্যভ্যঞ্জনার্থে||৩৪||
शुष्काल्पमांसे गम्भीरे व्रण उत्सादनं हितम्| अश्वगन्धापामार्गतालपत्रीसुवर्चलाबलातिबलानन्ताधातकीकुसुमसमङ्गाभिः पद्मकादिवर्गेण न्यग्रोधादिना च कल्कस्तथा सर्पींष्यभ्यञ्जनार्थे||३४||
🔊 Audio coming soon
শুষ্কমাংসাদিকে ব্রণে উত্সাদনং মাংসবর্ধনং হিতম্| অশ্বগন্ধাদিভিঃ কল্কো বা সর্পীংষি বা উত্সাদনানি| (শুষ্কমাংসে অল্পমাংসে গম্ভীরে চ ব্রণে| গম্ভীরং নিম্নম্)||৩৪||
Adhikarana mAMsAdamAMsAhAraH (35) · Śloka 35
অদ্যান্মাংসাদমাংসানি বিধিনোপহিতানি চ| মাংসং মাংসাদমাংসেন বর্ধতে শুদ্ধচেতসঃ||৩৫||
अद्यान्मांसादमांसानि विधिनोपहितानि च| मांसं मांसादमांसेन वर्धते शुद्धचेतसः||३५||
🔊 Audio coming soon
উত্সাদনার্থং মাংসাদানাং সিংহশ্যেনাদীনাং মাংসানি বিধানেনোপহিতানি সংস্কৃতান্যদ্যাত্| যতঃ শুদ্ধচেতসঃ শোকাদিরহিতস্য মাংসাদমাম্সেনাবশ্যং ব্রণে মাংসং বর্দ্ধতে||৩৫||
Adhikarana avasAdanam (36) · Śloka 36
উত্সন্নমৃদুমাংসানাং ব্রণানামবসাদনম্| সৈন্ধবকাসীসসুমনোমুকুলগুগ্গুলাগ্নিচিত্রকাগ্নিমন্থদন্তীশিরীষকরঞ্জফলভূর্জগ্রন্থিকুক্কুটাণ্ডাত্বক্কপোতকলবিঙ্কপুরীষনেপালীহরিতালচূর্ণানি সক্ষৌদ্রাণি||৩৬||
उत्सन्नमृदुमांसानां व्रणानामवसादनम्| सैन्धवकासीससुमनोमुकुलगुग्गुलाग्निचित्रकाग्निमन्थदन्तीशिरीषकरञ्जफलभूर्जग्रन्थिकुक्कुटाण्डात्वक्कपोतकलविङ्कपुरीषनेपालीहरितालचूर्णानि सक्षौद्राणि||३६||
🔊 Audio coming soon
উত্সন্নমাংসাদীনাং ব্রণানামবসাদনং ব্রণমাংসনিম্নীকরণং হিতম্| কিং তদিত্যাহ - সৈন্ধবেত্যাদি| সুবোধম্| কলবিঙ্কো গ্রামচটকঃ||৩৬||
Adhikarana mRudUkaraNam (37) · Śloka 37
সরুজে কঠিনে স্তব্ধে রূক্ষে শুষ্যতি চ ব্রণে| মার্দবজননার্থং ব্রণাবিরোধি বাতঘ্নসিদ্ধস্য সর্পিষঃ পানম্| তদ্বিধৈরেব চ সিদ্ধং তৈলমভ্যঙ্গঃ| পূর্বোক্তাশ্চ স্বেদাঃ| তথা সর্পির্মজ্জবসাভির্ধূপাঃ সুস্নিগ্ধসক্তুসৈন্ধবকিণ্বতিলপিষ্টকৃসরপাযসানূপবেশবারাঃ কিঞ্চিদুষ্ণো বহুশঃ প্রলেপাঃ| পিত্তবিদ্রধিবীসর্পশোফকুষ্ঠঘৃতানি চ| সর্বব্রণেষু যোজ্যানি পানসেকপ্রলেপনে||৩৭||
सरुजे कठिने स्तब्धे रूक्षे शुष्यति च व्रणे| मार्दवजननार्थं व्रणाविरोधि वातघ्नसिद्धस्य सर्पिषः पानम्| तद्विधैरेव च सिद्धं तैलमभ्यङ्गः| पूर्वोक्ताश्च स्वेदाः| तथा सर्पिर्मज्जवसाभिर्धूपाः सुस्निग्धसक्तुसैन्धवकिण्वतिलपिष्टकृसरपायसानूपवेशवाराः किञ्चिदुष्णो बहुशः प्रलेपाः| पित्तविद्रधिवीसर्पशोफकुष्ठघृतानि च| सर्वव्रणेषु योज्यानि पानसेकप्रलेपने||३७||
🔊 Audio coming soon
সরুজাদিকে ব্রণে ব্রণাবিরোধিভিঃ কাঞ্চিকাদিরহিতৈর্বাতহরৈদ্রব্যৈঃ সিদ্ধস্য সর্পিষঃ পানম্| তদ্বিধৈরিতি ব্রণাবিরোধিভির্বাতহরৈঃ পূর্বোক্তা ইতি শোফাবস্থোক্তাঃ| পিত্তজানাং বিদ্রধ্যাদীনাং যানি ঘৃতান্যুক্তানি তানি সর্বব্রণেষু পানাদিষু যোজ্যানি||৩৭||
Adhikarana dAruNIkaraNam (38) · Śloka 38
অতিমৃমাংসেষু ব্রণেষু দারুণীকরণার্থং ত্রিফলালোধ্রাগ্রসর্জজম্বূপ্রিযঙ্গ্বশোকবল্কলানি| সৌরাষ্ট্ড়্রীকাসীসরোচনাবচূর্ণনম্| সারৈর্গন্ধৈশ্চ ধূপঃ||৩৮||
अतिमृमांसेषु व्रणेषु दारुणीकरणार्थं त्रिफलालोध्राग्रसर्जजम्बूप्रियङ्ग्वशोकवल्कलानि| सौराष्ट्ऱ्रीकासीसरोचनावचूर्णनम्| सारैर्गन्धैश्च धूपः||३८||
🔊 Audio coming soon
অতিমৃদুমাংসেষু ব্রণেষু দারুণত্বাপাদনায ত্রিফলাদিকল্কলানি নানাপ্রযোগৈর্যোজ্যানি| সৌরাষ্ট্র্যাদ্যবচূর্ণনং হিতম্| সারৈরগরুচন্দনাদিভির্গন্ধদ্রব্যৈশ্চ মাংস্যাদিভির্ধূপঃ||৩৮||
Adhikarana kShArakarma (39) · Śloka 39
উত্সন্নমাংসান্ কঠিনান্ কণ্ডূযুক্তাংশ্চিরোত্থিতান্| ব্রণান্ সুদুঃখশোধ্যাংশ্চ শোধযেত্ক্ষারকর্মণা||৩৯||
उत्सन्नमांसान् कठिनान् कण्डूयुक्तांश्चिरोत्थितान्| व्रणान् सुदुःखशोध्यांश्च शोधयेत्क्षारकर्मणा||३९||
🔊 Audio coming soon
উত্সন্নমাংসত্বাদিযুক্তান্ ব্রণান্ ক্ষারকর্মণা শোধযেত্||৩৯||
Adhikarana agnikarma (40) · Śloka 40
স্রবন্তোঽশ্মরিজা মূত্রং যে চান্যে রক্তবাহিনঃ| ছিন্নাশ্চ সন্ধযো যেষাং যথোক্তৈর্যে চ সাধনৈঃ| সাধ্যমানা ন সিধ্যন্তি শোধ্যাঃ স্যুস্তেঽগ্নিকর্মণা||৪০||
स्रवन्तोऽश्मरिजा मूत्रं ये चान्ये रक्तवाहिनः| छिन्नाश्च सन्धयो येषां यथोक्तैर्ये च साधनैः| साध्यमाना न सिध्यन्ति शोध्याः स्युस्तेऽग्निकर्मणा||४०||
🔊 Audio coming soon
যে ব্রণা অশ্মরিজাঃ সন্তো মূত্রং স্রবন্তি অন্যে চ যে রক্তবাহিনো যেষাং চ সন্ধযশ্ছিন্নাঃ যে চ সর্বৈরুক্তৈঃ সাধনৈরুপক্রমৈর্ন সিধ্যন্তি তে সর্বে অগ্নিকর্মণা শোধ্যাঃ স্যুরিতি সম্ভাবনাযাম্||৪০||
Adhikarana ropaNam (41) · Śloka 41
ব্রণানামথ শুদ্ধানাম্ রোপণানি প্রযোজযেত্| অসনাদিন্যগ্রোধাদিবর্গধবসল্লকীকুটজত্বচো মঞ্জিষ্ঠাসমঙ্গামৃতাশ্বগন্ধাঽঽরগ্বধধাতকীপুষ্পাণি পদ্মকাদিশ্চ প্রক্ষালনাদিষু সপ্তসু প্রযোজ্যা ইতি||৪১||
व्रणानामथ शुद्धानाम् रोपणानि प्रयोजयेत्| असनादिन्यग्रोधादिवर्गधवसल्लकीकुटजत्वचो मञ्जिष्ठासमङ्गामृताश्वगन्धाऽऽरग्वधधातकीपुष्पाणि पद्मकादिश्च प्रक्षालनादिषु सप्तसु प्रयोज्या इति||४१||
🔊 Audio coming soon
এবমন্তে শুদ্ধানাং ব্রণানাং রোপণং যোজ্যম্| কিং তদিত্যাহ-অসনাদীত্যাদি| অসনাদিকং পদ্মকাদ্যন্তং প্রক্ষালনাদিষু সপ্তসু প্রক্ষালনাঽঽলেপঘৃততৈলরসক্রিযাচূর্ণবর্তিষু যোজযেত্||৪১||
Adhikarana pracCardanAdyantaHSodhanam (42) · Śloka 42
ভবন্তি চাত্র- উত্সন্নদুষ্টপিশিতে সংক্লিষ্টধ্যামশোণিতে| ব্রণে প্রচ্ছর্দনং শস্তং কফদুষ্টে বিশেষতঃ| বিরেচনং পিত্তদুষ্টে দীর্ঘকালানুবন্ধিনি| রূক্ষে সবেদনে বস্তিরধঃকাযে বিশেষতঃ||৪২||
भवन्ति चात्र- उत्सन्नदुष्टपिशिते संक्लिष्टध्यामशोणिते| व्रणे प्रच्छर्दनं शस्तं कफदुष्टे विशेषतः| विरेचनं पित्तदुष्टे दीर्घकालानुबन्धिनि| रूक्षे सवेदने बस्तिरधःकाये विशेषतः||४२||
🔊 Audio coming soon
উত্সন্নত্বাদিগুণে ব্রণে প্রচ্ছর্দনং শস্তম্| কফদুষ্টে ব্রণে বিশেষেণ প্রচ্ছর্দনম্| বিরেকো বস্তিশ্চ সুবোধঃ||৪২||
Adhikarana jatrUrdhvajeShu nAvanAdikam (43) · Śloka 43
জত্রূর্ধ্বজে চ শ্বযথৌ কণ্ড্বাঢ্যে তীক্ষ্ণনাবনম্| তজ্জ এবানিলাঢ্যে তু শ্বযথৌ স্নেহনাবনম্| তথা সশোফরুক্স্রাবে ধূমো বাতকফোল্বণে| রুজাদিমিতি বক্ত্রস্থে যথাস্বং কবলো হিতঃ||৪৩||
जत्रूर्ध्वजे च श्वयथौ कण्ड्वाढ्ये तीक्ष्णनावनम्| तज्ज एवानिलाढ्ये तु श्वयथौ स्नेहनावनम्| तथा सशोफरुक्स्रावे धूमो वातकफोल्बणे| रुजादिमिति वक्त्रस्थे यथास्वं कवलो हितः||४३||
🔊 Audio coming soon
জত্রূর্ধ্বজে কণ্ড্বাঢ্যে চ শ্বযথৌ তীক্ষ্ণং নস্যং শস্তম্| তজ্জ এবেত্যূর্ধ্বজত্রুজ এব শ্বযথাবনিলাঢ্যে চ স্নেহনস্যম্| তথেত্যূর্ধ্বজত্রুজ এব চ ব্রণে বাতকফোল্বণে শোফাদিযুক্তে ধূমঃ| বক্ত্রস্থে রুজাদিমতি ব্রণে যথাস্বং দোষাধিক্যেন কবলো হিতঃ||৪৩||
Adhikarana doShAnusAraM kaShAyAdyarthaM dravyANi (44) · Śloka 44
দ্বাবাদ্যৌ পঞ্চমূলাখ্যৌ গণৌ যশ্চানিলাপহঃ| তে ব্রণে বাতিকে যোজ্যাঃ কষাযাদিষু সপ্তসু| ন্যগ্রোধপদ্মকাদ্যৌ তু পৈত্তে বর্গশ্চ পিত্তজিত্| আরগ্বধাদিঃ শ্লেষ্মঘ্নঃ কফে মিশ্রাস্তু মিশ্রজে||৪৪||
द्वावाद्यौ पञ्चमूलाख्यौ गणौ यश्चानिलापहः| ते व्रणे वातिके योज्याः कषायादिषु सप्तसु| न्यग्रोधपद्मकाद्यौ तु पैत्ते वर्गश्च पित्तजित्| आरग्वधादिः श्लेष्मघ्नः कफे मिश्रास्तु मिश्रजे||४४||
🔊 Audio coming soon
দ্বাবাদ্যৌ পঞ্চমূলো মহধ্রস্বাখ্যৌ| অনিলাপহো গণঃ শোধনাদ্যুক্ত ইত্যেতে বাতিকে ব্রণে সপ্তসু কষাযাদিষু যোজ্যাঃ| কষাযঃ ক্ষালনে| ন্যগ্রোধপদ্মকাদ্যৌ গণৌ পিত্তজিদ্বর্গশ্চ পিত্তব্রণে সপ্তসু কষাযাদিষু যোজ্যঃ| আরগ্বধাদির্গণঃ শ্লেষ্মঘ্নো বর্গশ্চ কফজে| মিশ্রজে ব্রণে যথাযোগং মিশ্রাস্তে যোগাঃ||৪৪||
Adhikarana doShAnusAraM lepavidhAnam (45) · Śloka 45
পিষ্টোঽম্লৈর্বাতিকে লেপস্তৈলসর্পির্বসাযুতঃ| ঘনঃ কোষ্ণশ্চ পৈত্তে তু পযঃপিষ্টো ঘৃতান্বিতঃ| তনুবস্ত্রান্তরঃ শশ্বদুষ্ণো গোমূত্রপেষিতঃ| রূক্ষস্তৈলেন বা স্নিগ্ধো বহলঃ কফজে হিতঃ||৪৫||
पिष्टोऽम्लैर्वातिके लेपस्तैलसर्पिर्वसायुतः| घनः कोष्णश्च पैत्ते तु पयःपिष्टो घृतान्वितः| तनुवस्त्रान्तरः शश्वदुष्णो गोमूत्रपेषितः| रूक्षस्तैलेन वा स्निग्धो बहलः कफजे हितः||४५||
🔊 Audio coming soon
পিষ্টোঽম্লৈরিত্যাদিনা বাতাদিষু লেপবিধানং সুবোধম্| ঘনঃ কোষ্ণশ্চেত্যেবমন্তং বাতে| তনুবস্ত্রান্তর ইত্যেবমন্তং পিত্তে| কফে শশ্বদুষ্ণ ইত্যাদি| বহলো ঘনঃ||৪৫||
Adhikarana mAMsasthavraNAnAM tilakalkena prayogaH (46) · Śloka 46
অপেতপূতিমাংসাংনাং মাংসস্থানামরোহতাম্| কল্কং সংরোহণং কুর্যাত্তিলানাং মধুকান্বিতম্| স্নিগ্ধোষ্ণতিক্তমধুরকষাযত্বৈঃ স সর্বজিত্| স ক্ষৌদ্রনিম্বপত্রাভ্যাং যুক্তঃ সংশোধনঃ পরম্| পূর্বাভ্যাং সর্পিষা চাসৌ যুক্তঃ স্যাদাশু রোপণঃ| তিলবদ্যবকল্কং তু কেচিদিচ্ছন্তি তদ্বিদঃ||৪৬||
अपेतपूतिमांसांनां मांसस्थानामरोहताम्| कल्कं संरोहणं कुर्यात्तिलानां मधुकान्वितम्| स्निग्धोष्णतिक्तमधुरकषायत्वैः स सर्वजित्| स क्षौद्रनिम्बपत्राभ्यां युक्तः संशोधनः परम्| पूर्वाभ्यां सर्पिषा चासौ युक्तः स्यादाशु रोपणः| तिलवद्यवकल्कं तु केचिदिच्छन्ति तद्विदः||४६||
🔊 Audio coming soon
মাংসস্থানাং ব্রণানামপগতপূতিমাংসানামরোহতাং সতাং তিলানাং কল্কং মধুকান্বিতং সংরোহণং কুর্যাত্| স হি তিলকল্কঃ স্নিগ্ধাদিগুণত্বাত্ সর্বদোষজিত্ ভবতি| সমধুকান্বিতস্তিলকল্কঃ ক্ষৌদ্রনিম্বপত্রাভ্যাং যুক্ত: পরং সংশোধনঃ| অসৌ চ মধুকান্বিতস্তিলকল্কঃ পূর্বাভ্যামেব ক্ষৌদ্রনিম্বপত্রাভ্যাং সর্পিষা চ যুক্ত আশু রোপণো ভবতি| কেচিদাচার্যা রোপণবিদস্তিলকল্কপ্রকারেণ যবকল্কমপীচ্ছন্তি||৪৬||
Adhikarana sAsrAdivraNAnAM ropaNam (47) · Śloka 47
সাস্রপিত্তবিষাগন্তুগম্ভীরান্ সোষ্মণো ব্রণান্| ক্ষীররোপণভৈষজ্যশ্রৃতেনাজ্যেন রোপযেত্| রোপণৌষধসিদ্ধেন তৈলেন কফবাতজান্||৪৭||
सास्रपित्तविषागन्तुगम्भीरान् सोष्मणो व्रणान्| क्षीररोपणभैषज्यश्रृतेनाज्येन रोपयेत्| रोपणौषधसिद्धेन तैलेन कफवातजान्||४७||
🔊 Audio coming soon
অস্রাদিযুক্তান্ ব্রণান্ ক্ষীরেণ রোপণভৈষজ্যৈশ্চ শ্রৃতনাজ্যেন রোপযেত্| কফবাতজান্ ব্রণান্ রোপণৈরৌষধৈঃ সিদ্ধেন তৈলেন রোপযেত্||৪৭||
Adhikarana avadhyavraNAdInAM ropaNakramaH (48) · Śloka 48
অবধ্যানাং চলস্থানাং শুদ্ধানাং বা প্রদুষ্যতাম্| যথাস্বং রোপণৈঃ কুর্যাদ্রসজাং সনিশাদ্বযৈঃ| সমানাং স্থিরমাংসানাং ত্বক্স্থানাং চূর্ণ ইষ্যতে| নীরুজামবগাঢানাং শুদ্ধানাং বর্তযো হিতাঃ||৪৮||
अवध्यानां चलस्थानां शुद्धानां वा प्रदुष्यताम्| यथास्वं रोपणैः कुर्याद्रसजां सनिशाद्वयैः| समानां स्थिरमांसानां त्वक्स्थानां चूर्ण इष्यते| नीरुजामवगाढानां शुद्धानां वर्तयो हिताः||४८||
🔊 Audio coming soon
অবধ্যাদীনাং ব্রণানাং যথাস্বং দোষাদ্যপেক্ষযা রোপণৌষধৈর্হরিদ্রাদ্বযযুক্তৈ রসজাং রসক্রিযাং কুর্যাত্| যথাস্বমেতৈরেব ত্বৌষধৈঃ সমত্বাদিযুক্তানাং ব্রণানাং চূর্ণ ইষ্যতে| যথাস্বং তৈরেব নীরুজাদীনাং ব্রণানাং বর্তযো হিতাঃ||৪৮||
Adhikarana ropaNaH kalkaH (49) · Śloka 49
সমঙ্গামোচসরলসোমবল্কাঃ সচন্দনাঃ| পদ্মকাদিশ্চ কল্কোঽযং পরমং রোপণোঽথবা| পুণ্ড্রাহ্বতিলজীবন্তীগোজিহ্বাধাতকীবলাঃ||৪৯||
समङ्गामोचसरलसोमवल्काः सचन्दनाः| पद्मकादिश्च कल्कोऽयं परमं रोपणोऽथवा| पुण्ड्राह्वतिलजीवन्तीगोजिह्वाधातकीबलाः||४९||
🔊 Audio coming soon
সমঙ্গাদিভিঃ পদ্মকাদিগণান্তৈঃ কল্কঃ পরমং ব্রণরোপণঃ| সোমবল্কঃ কট্ফলত্বক্| অথবা পুণ্ড্রাহ্বাদীনাং বলান্তানাং কল্কঃ পরমং ব্রণরোপণঃ||৪৯||
Adhikarana ropaNaM tailaM ghRuta~jca (50) · Śloka 50
প্রপৌণ্ডরীকমধুককাকোলীদ্বযচন্দনৈঃ| সাধিতং তৈলমাজ্যং বা তদ্বত্কম্পিল্লকেন বা| দূর্বারসেন বা দার্ব্যাস্ত্বচা বা ব্রণরোপণম্||৫০||
प्रपौण्डरीकमधुककाकोलीद्वयचन्दनैः| साधितं तैलमाज्यं वा तद्वत्कम्पिल्लकेन वा| दूर्वारसेन वा दार्व्यास्त्वचा वा व्रणरोपणम्||५०||
🔊 Audio coming soon
প্রপৌণ্ডরীকাদিভিঃ সাধিতং তৈলং ঘৃতং বা তদ্বদিতি পরমং ব্রণরোপণম্| কম্পিল্লকেন বা সাধিতং তৈলং বাজ্যং বা| দূর্বারসেন বা সাধিতং দার্বীত্বচা বা||৫০||
Adhikarana paTolAdiyogaH (tailaghRutayoH) (51) · Śloka 51
পটোলনিম্বপত্রাণি লোধ্রমুস্তাপ্রিযঙ্গবঃ| সূক্ষ্মৈলাধাতকীসর্জ্জখদিরাগরুচন্দনম্| কম্পিল্লকং বিডঙ্গানি বত্সকং ত্রিফলা বলা| কল্কৈরেভিঘৃতং সিদ্ধং তৈলং বা রোপণং পরম্||৫১||
पटोलनिम्बपत्राणि लोध्रमुस्ताप्रियङ्गवः| सूक्ष्मैलाधातकीसर्ज्जखदिरागरुचन्दनम्| कम्पिल्लकं विडङ्गानि वत्सकं त्रिफला बला| कल्कैरेभिघृतं सिद्धं तैलं वा रोपणं परम्||५१||
🔊 Audio coming soon
পটোলাদিকল্কৈর্ঘৃতং বা তৈলং বা সিদ্ধং পরমং ব্রণরোপণম্||৫১||
Adhikarana varNasAdhanaM savarNIkaraNam (52) · Śloka 52
পদ্মকং পদ্মকিঞ্জল্কং দার্বী মূর্বা তিলোত্পলম্| মেদা সমঙ্গা যষ্ট্যাহ্বং প্রলেপো বর্ণসাধনঃ| ককুভোদুম্বরাশ্বত্থজম্বূকট্ফললোধ্রজৈঃ| ত্বচমাশু নিগৃহ্ণন্তি ত্বক্চূর্ণৈশ্চূর্ণিতা ব্রণাঃ| লাক্ষামনোহ্বামঞ্জিষ্ঠাহরিতালনিশাদ্বযৈঃ| প্রলেপঃ সঘৃতক্ষৌদ্রস্ত্বগ্বিশুদ্ধিকরঃ পরম্| ধ্যামকাশ্বত্থনিচুলমূলং লাক্ষালগৈরিকম্| সহেমশ্চামৃতাসঙ্গকাসীসং চেতি বর্ণকৃত্| কালেযকলতাঽঽম্রাস্থিহেমকালারসোত্তমৈঃ| লেপঃ সগোমযরসঃ সবর্ণকরণঃ পরম্| অযোরজঃ সকাসীসং ত্রিফলাকুসুমানি চ| প্রলেপঃ কুরুতে কাষ্ণর্যং সদ্য এব নবত্বচি| দগ্ধযাঽঽনূপসত্ত্বানাং শ্লক্ষ্ণচূর্ণিতযা ত্বচা| ভল্লাততৈলপ্লুতযা শুক্লমালেপযেদ্ ব্রণম্| নবং কপালিকামূলং বৈদুলং সস্থিরাহ্বযম্| কাসীসং মধুকং লেপো ব্রণে কৃষ্ণে মধুদ্রুতঃ| কপিত্থান্মাংসমুদ্ধৃত্য মূত্রস্যাজ্যস্য পূরণম্| ক্ষিপেচ্চাত্র মনোহ্বালবংশনির্লেখরোচনাঃ| কাসীসং প্রপুনাটশ্চ মাসং ন্যস্তং ততো ভুবি| অধোঽর্জুনস্য তচ্ছুক্লব্রণালেপঃ সবর্ণকৃত্||৫২||
पद्मकं पद्मकिञ्जल्कं दार्वी मूर्वा तिलोत्पलम्| मेदा समङ्गा यष्ट्याह्वं प्रलेपो वर्णसाधनः| ककुभोदुम्बराश्वत्थजम्बूकट्फललोध्रजैः| त्वचमाशु निगृह्णन्ति त्वक्चूर्णैश्चूर्णिता व्रणाः| लाक्षामनोह्वामञ्जिष्ठाहरितालनिशाद्वयैः| प्रलेपः सघृतक्षौद्रस्त्वग्विशुद्धिकरः परम्| ध्यामकाश्वत्थनिचुलमूलं लाक्षालगैरिकम्| सहेमश्चामृतासङ्गकासीसं चेति वर्णकृत्| कालेयकलताऽऽम्रास्थिहेमकालारसोत्तमैः| लेपः सगोमयरसः सवर्णकरणः परम्| अयोरजः सकासीसं त्रिफलाकुसुमानि च| प्रलेपः कुरुते काष्णर्यं सद्य एव नवत्वचि| दग्धयाऽऽनूपसत्त्वानां श्लक्ष्णचूर्णितया त्वचा| भल्लाततैलप्लुतया शुक्लमालेपयेद् व्रणम्| नवं कपालिकामूलं वैदुलं सस्थिराह्वयम्| कासीसं मधुकं लेपो व्रणे कृष्णे मधुद्रुतः| कपित्थान्मांसमुद्धृत्य मूत्रस्याज्यस्य पूरणम्| क्षिपेच्चात्र मनोह्वालवंशनिर्लेखरोचनाः| कासीसं प्रपुनाटश्च मासं न्यस्तं ततो भुवि| अधोऽर्जुनस्य तच्छुक्लव्रणालेपः सवर्णकृत्||५२||
🔊 Audio coming soon
পদ্মকাদিভির্ব্রণে লেপো বর্ণসাধনো বর্ণকরণঃ| (ককুভাদিত্বচাং চূর্ণৈশ্চূর্ণিতা অবকীর্ণা ব্রণাস্ত্বচমাশ্বেব নিগৃহ্ণন্তি নিবধ্নন্তি)| লাক্ষাদিভির্ঘৃতক্ষৌদ্রসহিতঃ প্রলেপঃ পরমতিশযেন ত্বগ্বিশুদ্ধিং করোতি| ধ্যামকাদিভির্ঘৃতক্ষৌদ্রসহিতঃ প্রলেপো বর্ণকৃত্ ভবতি| (ধ্যামকং কত্তৃণানুকারি তৃণম্| নিচুলো বঞ্জুলঃ| অলং হরিতালম্| হেম নাগকেসরম্| অমৃতাসঙ্গঃ কর্পরিকা| কাসীসং তুত্থকম্| ইতি জেজ্জটঃ)| অমৃতা গুডূচী| আসঙ্গো রসাঞ্জনমিতি চ| কালেযকাদিভির্গোমযরসোপেতো লেপঃ পরং সবর্ণকরণঃ কাযসমানবর্ণকরণঃ| কালেযকং দার্বী| (নি) কালেযকং দারুনিশা দার্বী পীতদ্রুপীতনঃ| লতা দূর্বা প্রিযঙ্গুশ্চ| হেম পদ্মকং নাগকেসরমিতি জেজ্জটঃ| রসোত্তমঃ পারদঃ| কালা সারিবেতি জেজ্জটঃ| অযোরজ আদিরালেপো নবত্বচি সদ্য এব কাষ্ণর্যং কুরুতে| ত্রিফলাযাঃ কুসুমানি| শুক্লং ব্রণমানূপানাং সত্ত্বানাং প্রাণিনাং ত্বচা দগ্ধযাঽনু শ্লক্ষ্ণচূর্ণিতযাঽনু চ ভল্লাততৈলপ্লুতযা লেপযেত্| ভল্লাততৈলমরুষ্করতৈলম্| কৃষ্ণং ব্রণং সপ্তরাত্রং ছাগলে পযসি স্থিতেনানু চ তেনৈবাবস্থানপযসা পিষ্টেন রোহিণীফলেনাঽঽলেপযেত্| কৃষ্ণে ব্রণে নবমার্চরকালোত্পন্নং কপালিকামূলাদিকং মধুদ্রুতো লেপঃ| কপালিকামূলং বৈদুলং মূলমিতি সম্বধ্যতে| ('নবং কপালিকাচূর্ণং বৈদুলং সর্জনাম্ চ| কাসীসং ক্ষৌদ্রযুক্তং চ মধুকঞ্চৈব লেপযেদি'তি সুশ্রুতঃ)| কপিত্থফলস্য ত্বগন্তর্ভবে মাংস উদ্ধৃতে সতি মূত্রাজ্যযোঃ পূরণম্| তত্র চ মনোহ্বাদিকং প্রক্ষিপ্য ততোঽর্জুনবৃক্ষস্যাধো ভুবি ন্যস্তং তত্ শুক্লব্রণ আলেপঃ সবর্ণকৃত্| বংশনির্লেখনং বংশতনুশল্কঃ| কাসীসং তুত্থম্| ('মূত্রস্যাজস্য পূরণমি'তি সুশ্রুতঃ )||৫২||
Adhikarana romasa~jjananam (53) · Śloka 53
দগ্ধো বারণদন্তোঽন্তর্ধূমং তৈলং রসাঞ্জনম্| রোমসঞ্জননো লেপস্তদ্বত্তৈলপরিপ্লুতা| চতুষ্পান্নখরোমাস্থিত্বক্শ্রৃঙ্গখুরজা মষী||৫৩||
दग्धो वारणदन्तोऽन्तर्धूमं तैलं रसाञ्जनम्| रोमसञ्जननो लेपस्तद्वत्तैलपरिप्लुता| चतुष्पान्नखरोमास्थित्वक्श्रृङ्गखुरजा मषी||५३||
🔊 Audio coming soon
বারণদন্তো হস্তিদন্তোঽন্তর্ধূমং দগ্ধস্তৈলং রসাঞ্জনং চ সবর্ণকরণো লেপঃ| চতুষ্পদাং নখাদিজাং মষী তৈলপরিপ্লুতা তদ্বদিতি রোমসঞ্জননো লেপঃ||৫৩||
Adhikarana pathyanirdeSaH (54-30) · Śloka 30
জীর্ণশাল্যোদনং স্নিগ্ধমল্পমুষ্ণোদকোত্তরম্| ভুঞ্জানো জাঙ্গলৈর্মাংসৈঃ শীঘ্রং ব্রণমপোহতি||৫৪|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে ব্রণপ্রতিষেধো নাম ত্রিংশোঽধ্যাযঃ||৩০||
जीर्णशाल्योदनं स्निग्धमल्पमुष्णोदकोत्तरम्| भुञ्जानो जाङ्गलैर्मांसैः शीघ्रं व्रणमपोहति||५४|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे व्रणप्रतिषेधो नाम त्रिंशोऽध्यायः||३०||
🔊 Audio coming soon
স্নিগ্ধাদিগুণং শাল্যোদনং জাঙ্গলৈর্মাংসৈঃ সহ ভুঞ্জানঃ পুরুষঃ শীঘ্রং ব্রণমপোহতি||৫৪|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে ত্রিংশোঽধ্যাযঃ