Adhikarana atha vraNavibhaktiparij~jAnIyo nAmaikonatriMsho~adhyAyaH - pratij~jA (1) · Śloka 1
అథాతో వ్రణవిభక్తిపరిజ్ఞానీయన్నామాధ్యాయం వ్యాఖ్యాస్యామః|
ఇతి హ స్మాహురాత్రేయాదయో మహర్షయః||1||
View original
अथातो व्रणविभक्तिपरिज्ञानीयन्नामाध्यायं व्याख्यास्यामः|
इति ह स्माहुरात्रेयादयो महर्षयः||१||
నిజప్రధానానాం చికిత్సితముక్తమాగంతుప్రధానానామవసరోఽతః శల్యతంత్రమారభ్యతే| సర్వస్య చ శల్యస్య వ్రణఫలత్వాద్ వ్రణ ఏవాదౌ విచార్యతే| వ్రణ్స్య తు స్వరూపజ్ఞానే హేత్వాదికం వక్తుం న పార్యతే| తచ్చ స్వరూపం సామాన్యతః ప్రసిద్ధ్యైవ జ్ఞాయతే| విశేషే త్వాగమోఽపేక్ష్యతే| అతో వ్రణవిభాగపరిజ్ఞానార్థమధ్యాయ ఆరభ్యతే| అథేత్యాది పూర్వవద్ వ్యాఖ్యేయం| వ్రణనం జ్ఞాతుం నిరూప్యతే||1||
Adhikarana vraNaniruktiH (2) · Śloka 2
యావదాయుర్వృణీతే వివృణోతి వా శరీరమితి వ్రణః||2||
View original
यावदायुर्वृणीते विवृणोति वा शरीरमिति व्रणः||२||
యావదిత్యాది| యావదాయురాయుషోఽంతం యావచ్ఛరీరం వృణీతే వివృణోతి వాఽతో వ్రణః| వృణీత ఇతి వృఙ్ సంభక్తావిత్యస్య రూపం| సంభక్తిః ప్రార్థనా| వివృణోతి ప్రకటయతి సాశయత్వాత్ప్రార్థయతే||2||
Adhikarana nijAgantuBedau (3) · Śloka 3
స చ ద్వివిధో నిజ ఆగంతుశ్చ|
తత్ర నిజో దోషసముత్థః|
ఆగంతుః శస్త్రానుశస్త్రోపలలగుడనఖదశనవిషాణవిషారుష్కరాదినిమిత్తః|
సోఽపి పునర్వాతాదిభిరధిష్ఠితో నిజతాం లభతే||3||
View original
स च द्विविधो निज आगन्तुश्च|
तत्र निजो दोषसमुत्थः|
आगन्तुः शस्त्रानुशस्त्रोपललगुडनखदशनविषाणविषारुष्करादिनिमित्तः|
सोऽपि पुनर्वातादिभिरधिष्ठितो निजतां लभते||३||
స చ వ్రణో నిజాగంతుభేదేన ద్వివిధః| తత్ర యో దోషనిమిత్తో వాతాదికోపహేతుః స నిజః| ఆగంతుః శస్త్రాదినిమిత్తః| ఆదిగ్రహణేనాశేషాణాం క్షతకరాణాం గ్రహణం| సోఽప్యాగంతువ్రణో యదా వాతాద్యధిష్ఠానతాం ప్రాప్నోతి తదా నిజసంజ్ఞామేవ లభతే||3||
Adhikarana shuddhaduShTavraNau (4) · Śloka 4
పునశ్చ ద్వేధా వ్రణో దుష్టః శుద్ధశ్చ|
తత్ర దోషదూషితో దుష్టః||4||
View original
पुनश्च द्वेधा व्रणो दुष्टः शुद्धश्च|
तत्र दोषदूषितो दुष्टः||४||
పునరన్యేన ప్రకారేణ ద్వేధా ద్వాభ్యాం ప్రకారాభ్యాం వ్రణో భవతి| ఏకో దుష్టవ్రణో ద్వితీయః శుద్ధవ్రణః పూర్వోక్తే చ ద్వయేఽప్యేతద్ ద్వయం సంభవతి| నను దుష్టః క ఉచ్యత ఇత్యాహ-తత్రేతి| తత్ర ద్వయోర్మధ్యే స దుష్టో విజ్ఞేయో యో దోషైరధిష్ఠితః||4||
Adhikarana duShTavraNasAmAnyalakShaNam (5) · Śloka 5
తస్య సామాన్యలింగమతిసంవృతవివృతత్వమతిమృదుకఠినతాఽత్యుత్సాదావసాదావతిశీతోష్ణభావోఽతిరక్తకృష్ణపాండుతా పూతీమాంససిరాస్నాయుప్రతిచ్ఛన్నత్వం పూతీపూయాస్రావః సోత్సంగితా దాహపాకకండూశ్వయథువేదనాసంరంభపిటకోపద్రవోపద్రుతత్వం దీర్ఘకాలానుబంధశ్చ||5||
View original
तस्य सामान्यलिङ्गमतिसंवृतविवृतत्वमतिमृदुकठिनताऽत्युत्सादावसादावतिशीतोष्णभावोऽतिरक्तकृष्णपाण्डुता पूतीमांससिरास्नायुप्रतिच्छन्नत्वं पूतीपूयास्रावः सोत्सङ्गिता दाहपाककण्डूश्वयथुवेदनासंरम्भपिटकोपद्रवोपद्रुतत्वं दीर्घकालानुबन्धश्च||५||
అథం స జ్ఞాయత ఇత్యాహ-తస్యేతి| తస్య దుష్టస్య సామాన్యలింగం వాతాదిదోషానపేక్షం లక్షణం| కిమిత్యాహ-అతిసంవృతమిత్యాది| అతిసంవృతత్వం వాఽతివివృతత్వం వా అతిమృదుతా వాఽతికఠినతా వా అత్యుత్సన్నత్వం వాఽత్యవసన్నత్వం వా అతిశీతతా వాఽత్యుష్ణతా వా అతిరక్తవర్ణతా వాఽతికార్ష్ణ్యం వాఽతిపాండుత్వం వా పూతీభిః క్లిన్నైర్మాంసాదిభిర్వ్రణస్య ప్రతిచ్ఛన్నత్వమావృతత్వం పూతేః పూయస్య పక్వదోషస్యాఽఽస్రావ సోత్సంగితా బద్ధపీవత్వం దాహద్యుపద్రవోపద్రుతత్వం వ్రణస్య దీర్ఘకాలానుబంధశ్చేతి దుష్టవ్రణస్య సామాన్యలక్షణం| (ఉత్సంగితా సాశయత్వం దూర్వావత్పాకస్యాంతర్దూరగతిరిత్యర్థః )||5||
Adhikarana duShTavraNaBedAH (6) · Śloka 6
విశేషతస్తు పంచదశధా భిద్యతే||6||
View original
विशेषतस्तु पञ्चदशधा भिद्यते||६||
విశేషతస్తు వాతాదిభిః సరక్తైః పంచదశధా దుష్టవ్రణో భిద్యతే| రక్తం వాతాదిదుష్టమేవ విశేషాంతరేణ రోగకర్తృత్వాదదోషోఽపి వాతాదిసమకక్ష్యతా గృహ్యతే| తత్ర వాతేన పిత్తేన కఫేన రక్తేన వాతపిత్తాభ్యాం వాతకఫాభ్యాం పిత్తకఫాభ్యాం వాతరక్తాభ్యాం పిత్తరక్తాభ్యాం కఫరక్తాభ్యాం వాతపిత్తకఫైర్వాతపిత్తరక్తైర్వాతకఫరక్తః పిత్తకఫరక్తైర్వాతపిత్తకఫరక్తైరితి పంచదశ భేదాః||6||
Adhikarana vAtaduShTavraNalakShaNam (7) · Śloka 7
తత్ర శ్యావోఽరుణః కృష్ణో భస్మాస్థికపోతగలాన్యతమవర్ణో వా దధిమస్తుక్షారాంబుమాంసధావనపులాకోదకనిభాల్పస్రావో రూక్షశ్చటచటాయమానశీలోఽకస్మాద్వివిధశూలస్ఫురణాయామతోదభేదస్వాపబహులో నిర్మాంసశ్చ వాతాత్||7||
View original
तत्र श्यावोऽरुणः कृष्णो भस्मास्थिकपोतगलान्यतमवर्णो वा दधिमस्तुक्षाराम्बुमांसधावनपुलाकोदकनिभाल्पस्रावो रूक्षश्चटचटायमानशीलोऽकस्माद्विविधशूलस्फुरणायामतोदभेदस्वापबहुलो निर्मांसश्च वातात्||७||
తత్ర శ్యావాదిస్వరూపో వ్రణో వాతాద్ భవతి| వర్ణాదివస్తుధర్మో వ్రణస్య| శూలాది సంభవాదాశ్రయే విజ్ఞేయః| శ్యావోఽరుణో వా కృష్ణో వా భస్మాదిచతుష్ట్యాన్యతమవర్ణో వా దధిమస్త్వాద్యన్యతమవర్ణోఽల్పస్రావాదిమాంశ్చ ||7||
Adhikarana pittaduShTavraNalakShaNam (8) · Śloka 8
క్షిప్రజః పీతనీలహరితకృష్ణకపిలపింగలో గోమూత్రభస్మశంఖకింశుకోదకమార్ద్వీకతైలాభోష్ణభూరిక్లేదో దాహోషాజ్వరరాగపాకావదరణధూమాయనాన్వితః క్షారోక్షితక్షతోపమవేదనః పిటకాజుష్టశ్చ పిత్తాత్||8||
View original
क्षिप्रजः पीतनीलहरितकृष्णकपिलपिङ्गलो गोमूत्रभस्मशङ्खकिंशुकोदकमार्द्वीकतैलाभोष्णभूरिक्लेदो दाहोषाज्वररागपाकावदरणधूमायनान्वितः क्षारोक्षितक्षतोपमवेदनः पिटकाजुष्टश्च पित्तात्||८||
క్షిప్రజత్వాదిరూపో వ్రణః పిత్తాద్ భవతి| గోమూత్రాద్యన్యతమసదృశోష్ణభూరిక్లేదో దాహాద్యన్వితః క్షారసిక్తక్షతసమవేదనః పిటకాన్వితశ్చ||8||
Adhikarana kaPaduShTavraNalakShaNam (9) · Śloka 9
స్నిగ్ధః స్థూలౌష్ఠః పాండుశ్చండకండూర్నవనీతవసామజ్జపిష్టతిలనారికేలాంబుసదృశశ్వేతశీతబహలపిచ్ఛిలక్లేదః స్వాపస్తంభస్తైమిత్యగౌరవోపదేహయుక్తః సిరాస్నాయుజాలావతతో మందవేదనః కఠినశ్చ కఫాత్||9||
View original
स्निग्धः स्थूलौष्ठः पाण्डुश्चण्डकण्डूर्नवनीतवसामज्जपिष्टतिलनारिकेलाम्बुसदृशश्वेतशीतबहलपिच्छिलक्लेदः स्वापस्तम्भस्तैमित्यगौरवोपदेहयुक्तः सिरास्नायुजालावततो मन्दवेदनः कठिनश्च कफात्||९||
స్నిగ్ధత్వాదిరూపో వ్రణః కఫాద్ భవతి| స్నిగ్ధౌ స్థూలౌ చోష్ఠౌ పాలీ యస్య వ్రణస్యః స యథోక్తః చండాతితీక్ష్ణా కండూర్యస్మిన్ వ్రణే స తథోక్తః| నవనీతాదిసదృశః శ్వేతాదిగుణః క్లేదః స్రావో యస్మిన్ వ్రణే స తథోక్తః| స్వాపాదియుక్తః సిరాద్యవతతో మందవేదనః కఠినశ్చ| అవతతో వ్యాప్తః||9||
Adhikarana raktaduShTavraNalakShaNam (10) · Śloka 10
ప్రవాలరక్తః కృష్ణస్ఫోటపిటకాజాలోపచితో వాజిస్థానగంధిః|
సరక్తపూయస్రావీ పిత్తలింగశ్చ రక్తాత్||10||
View original
प्रवालरक्तः कृष्णस्फोटपिटकाजालोपचितो वाजिस्थानगन्धिः|
सरक्तपूयस्रावी पित्तलिङ्गश्च रक्तात्||१०||
ప్రవాలరక్తత్వాదిగుణో రక్తాద్ భవతి| ప్రవాలవద్విద్రుమవద్రక్తో లోహితః| కృష్ణైః స్ఫోటైః పిటకాజాలైరుపచితో వ్యాప్తః వాజిస్థానమశ్వశాలా తత్సమగంధః పిత్తలింగః పిత్తవ్రణలక్షణః||10||
Adhikarana saMsargAdiduShTavraNalakShaNam (11) · Śloka 11
యథాస్వలింగసంకరే ద్వాభ్యాం త్రిభిః సర్వైశ్చ దుష్టం విద్యాత్|
అపి చ-ఘృతమండాభో మత్స్యధావనగంధిర్మృదువిసర్పీ కృష్ణోష్ణపూయశ్చ పిత్తరక్తాభ్యాం||11||
View original
यथास्वलिङ्गसङ्करे द्वाभ्यां त्रिभिः सर्वैश्च दुष्टं विद्यात्|
अपि च-घृतमण्डाभो मत्स्यधावनगन्धिर्मृदुविसर्पी कृष्णोष्णपूयश्च पित्तरक्ताभ्याम्||११||
యథాస్వలింగసంకరే లక్షణసంకరే సంసర్గజో వ్రణః| అపి చేతి పిత్తరక్తాయాం ద్విసంయోగ ఉక్తోఽప్యధికసముచ్చయే| ఘృతమండాభత్వాదియుక్తో వ్రణః పిత్తరక్తాభ్యాం భవతి| ఘృతమండాభో వర్ణస్నిగ్ధత్వాభ్యామితి పంచదశభేదస్య దుష్టవ్రణస్య లక్షణముక్తం||11||
Adhikarana shuddhavraNalakShaNam (12) · Śloka 12
వాతాదిభిరేవ చ వ్రణస్యానధిష్ఠానం శుద్ధిః|
తత్ర యథోక్తదుష్టలింగాభావాత్ సంరంభరహితత్వం జిహ్వావర్ణతా శ్లక్ష్ణత్వం నీరుజత్వం నిరాస్రావతా శ్యావపర్యంతత్వం సమౌష్ఠమధ్యతా కించిదున్నతమధ్యతా వా||12||
View original
वातादिभिरेव च व्रणस्यानधिष्ठानं शुद्धिः|
तत्र यथोक्तदुष्टलिङ्गाभावात् संरम्भरहितत्वं जिह्वावर्णता श्लक्ष्णत्वं नीरुजत्वं निरास्रावता श्यावपर्यन्तत्वं समौष्ठमध्यता किञ्चिदुन्नतमध्यता वा||१२||
వ్రణస్య వాతాదిభిరనధిష్ఠానం శుద్ధిః| తత్ర విశుద్ధే వ్రణే యథోక్తానాం సామాన్యేన విశేషేణ చోక్తానాం దుష్టవ్రణలింగానామభావాద్ధేతోః స్వాభావికం సంరంభరహితత్వాదికం భవతి| సంరంభో వేదనావిశేషః||12||
Adhikarana aShTau vraNASayAH (13) · Śloka 13
త్వడ్మాంససిరాస్నాయుసంధ్యస్థికోష్ఠమర్మాణ్యష్టౌ వ్రణాశయః|
ఆశయవిశేషాచ్చాఽఽస్రావవిశేషః||13||
View original
त्वड्मांससिरास्नायुसन्ध्यस्थिकोष्ठमर्माण्यष्टौ व्रणाशयः|
आशयविशेषाच्चाऽऽस्रावविशेषः||१३||
తస్య చ వ్రణస్య త్వగాదీన్యష్టావాశయాః| ఆశయవిశేషాచ్చ వ్రణస్యాఽఽస్రావవిశేషాః ||13||
Adhikarana tvaggatasyAsrAvaviSeShaH (14) · Śloka 14
తత్ర ఘృష్టాసు వా త్వక్షు స్ఫోటేషు వా భిన్నేషు సలిలప్రకాశో భవత్యాస్రావః|
కించిద్విస్రః పీతావభాసశ్చ||14||
View original
तत्र घृष्टासु वा त्वक्षु स्फोटेषु वा भिन्नेषु सलिलप्रकाशो भवत्यास्रावः|
किञ्चिद्विस्रः पीतावभासश्च||१४||
తత్రేత్యాదినా ఆస్రావవిశేషా ఉచ్యంతే| ఘృష్టాసు భిన్నాసు వా శస్త్రాద్యాగంతునా| స్ఫోటేషు వా భిన్నేష్వితి నిజే||14||
Adhikarana mAMsagatAsrAvavisheShaH (15) · Śloka 15
మాంసగతః సర్పిఃప్రకాశో బహలః పిచ్ఛిలశ్చ||15||
View original
मांसगतः सर्पिःप्रकाशो बहलः पिच्छिलश्च||१५||
మాంసగతవ్రణాస్రావః సర్పిఃప్రతీకాశో బహలో ఘనః పిచ్ఛిలశ్చ||15||
Adhikarana sirAgatAsrAvavisheShaH (16) · Śloka 16
సిరాగతస్తు సద్యశ్ఛిన్నాసు సిరాసు రక్తాతిప్రవృత్తిః|
పక్వాసు చ తోయనాడీభిరివాంభసః పూయస్యాగమనం|
స చ తనుర్విచ్ఛిన్నః పిచ్ఛిలోఽవలంబీ శ్యావశ్చ||16||
View original
सिरागतस्तु सद्यश्छिन्नासु सिरासु रक्तातिप्रवृत्तिः|
पक्वासु च तोयनाडीभिरिवाम्भसः पूयस्यागमनम्|
स च तनुर्विच्छिन्नः पिच्छिलोऽवलम्बी श्यावश्च||१६||
సిరాగతస్తు సద్యశ్ఛిన్నాసు పక్వాసు చ సిరాసు రక్తాతిప్రవృత్త్యాదిలక్షణో భవత్యాస్రావః||16||
Adhikarana snAvagatAsrAvaviSeShaH (17) · Śloka 17
స్నావగతః స్నిగ్ధో ఘనః సింఘాణకప్రతిమః సరక్తశ్చ||17||
View original
स्नावगतः स्निग्धो घनः सिङ्घाणकप्रतिमः सरक्तश्च||१७||
స్నావగత ఆస్రావః స్నిగ్ధత్వాదిగుణః| సింఘాణకప్రతిమో నాసాస్రావసదృశః||17||
Adhikarana sandhigatAsrAvaviSeShaH (18) · Śloka 18
సంధిగతః సమంతాత్ ప్రపీడ్యమానో న ప్రవర్తతే తథాఽఽకుంచనప్రసారణోన్నమననమనప్రవాహణేషు స్రవతి పిచ్ఛిలోఽవలంబీ స ఫేనరుధిరోన్మిశ్రశ్చ||18||
View original
सन्धिगतः समन्तात् प्रपीड्यमानो न प्रवर्तते तथाऽऽकुञ्चनप्रसारणोन्नमननमनप्रवाहणेषु स्रवति पिच्छिलोऽवलम्बी स फेनरुधिरोन्मिश्रश्च||१८||
సంధిగతః సమంతాత్ ప్రపీడ్యమానో న ప్రవర్తతే తథాఽఽకుంచనప్రసారణోన్నమననమనప్రవాహణేషు స్రవతి పిచ్ఛిలోఽవలంబీ స ఫేనరుధిరోన్మిశ్రశ్చ||18||
Adhikarana asthigatAsrAvavisheShaH (19) · Śloka 19
సంధిగతస్త్వాస్రావః సమంతాత్ ప్రపీడ్యమానో న ప్రవర్తతే తథా యథాఽఽకుంజనాదిషు స్రవతి|
పిచ్ఛిలాదిగుణశ్చ భవతి|
సంధిగతస్రావః సమంతాత్ ప్రపీడ్యమానో న ప్రవర్తతే తథా యథాఽఽకుంచనాదిషు స్రవతి|
పిచ్ఛిలాది గుణశ్చ భవతి|
అస్థిగత స్రావః విశేషః -అస్థి త్వభిహతం స్ఫుటితం భిన్నం దోషావదారితం వా దోషభక్షితత్వాన్నిస్సారం భవతి|
ఆస్రావశ్చాత్ర మజ్జమిశ్రః సరు-ధిరః స్నిగ్ధశ్చ||19||
View original
सन्धिगतस्त्वास्रावः समन्तात् प्रपीड्यमानो न प्रवर्तते तथा यथाऽऽकुञ्जनादिषु स्रवति|
पिच्छिलादिगुणश्च भवति|
सन्धिगतस्रावः समन्तात् प्रपीड्यमानो न प्रवर्तते तथा यथाऽऽकुञ्चनादिषु स्रवति|
पिच्छिलादि गुणश्च भवति|
अस्थिगत स्रावः विशेषः -अस्थि त्वभिहतं स्फुटितं भिन्नं दोषावदारितं वा दोषभक्षितत्वान्निस्सारं भवति|
आस्रावश्चात्र मज्जमिश्रः सरु-धिरः स्निग्धश्च||१९||
అస్థి త్వభిహతం స్ఫుటితాదిగుణం భవతి| అథవా దోషావదారితమస్థి దోషభక్షితత్వాన్నిస్సారం సారరహితం భవతి| సారో మజ్జా| అత్రేత్యస్థ్యభిహతే దోషావదారితే చ| ఆస్రావశ్చ మజ్జమిశ్రితత్వాదిగుణః|| 19||
Adhikarana koShThagatAsrAvaviSeShaH (20) · Śloka 20
కోష్ఠాశ్రితస్తు వ్రణో మూత్రపురీషరుధిరపయోదకాని స్రవతి||20||
View original
कोष्ठाश्रितस्तु व्रणो मूत्रपुरीषरुधिरपयोदकानि स्रवति||२०||
కోష్ఠాశ్రితో వ్రణస్తు మూత్రపురీషాదీని స్రవతి ||20||
Adhikarana marmagatAsrAvanirdeSaH (21) · Śloka 21
మర్మగతస్తు నోచ్యతే త్వగాదిష్వేవారుద్ధత్వాత్||21||
View original
मर्मगतस्तु नोच्यते त्वगादिष्वेवारुद्धत्वात्||२१||
మర్మగతస్త్వాస్రావః పృథఙ్ నోచ్యతే త్వగాద్యవరుద్ధత్వాన్మర్మణాం| న హ్యనంతరత్వగాదిసప్తకమపహాయ మర్మణాం సంభవోఽస్తి తేషు చోక్తేషూక్తాన్యేవ||21||
Adhikarana sukhasAdhyavraNalakShaNam (22) · Śloka 22
తేషు యథాపూర్వం సుఖసాధ్యత్వం|
తథాఽఽయతశ్చుతురస్రో వృత్తస్త్రిపుటకశ్చ వ్రణః|
శేషాస్తు వికృతాకృతయో దురుపచారాః|
తే చ ప్రాయశో భవంత్యాగంతవః|
స్వయం విదీర్ణాశ్చ దోషజా న తు వైద్యకృతాః||22||
View original
तेषु यथापूर्वं सुखसाध्यत्वम्|
तथाऽऽयतश्चुतुरस्रो वृत्तस्त्रिपुटकश्च व्रणः|
शेषास्तु विकृताकृतयो दुरुपचाराः|
ते च प्रायशो भवन्त्यागन्तवः|
स्वयं विदीर्णाश्च दोषजा न तु वैद्यकृताः||२२||
తేషు చ త్వగాదివ్రణేషు యథాపూర్వం సుఖసాధ్యత్వం| యో యస్మాత్పూర్వః స తస్మాత్ సుఖసాధ్యః|తేన కోష్ఠవ్రణాదస్థివ్రణః సుఖసాధ్యః| తతోఽస్థివ్రణాత్ సంధివ్రణ ఇతి యథాపూర్వం వ్యాఖ్యేయం| యచ్చాఽఽయతచతురస్రాదిరూపో వ్రణః సోఽపి తథా సుఖసాధ్యః| అతః శేషా యే వికృతాకృతయస్తే తు దురుపచారాః| తే చ దురుపచారా ఆగంతవః ప్రాయేణ భవంతి| నిజా అపి యే స్వయం పాకాదినా విదీర్ణా వికృతాకృతయస్తే చ దురుపచారాః| న వైద్యకృతా యే తు వికృతాకృతయోఽపి సుసాధ్యా భవంతి| వైద్యో హి బుద్ధిపూర్వకమేవ ప్రయోజనాపేక్షయా సుఖసాధ్యాం తథావిధామాకృతిం విదధ్యాదితి ||22||
Adhikarana vayasthAdInAM vraNAnAM sucikitsyatvantatra hetushca (23) · Śloka 23
వయస్థానాం దృఢానాం ప్రాణవతాం సత్త్వవతామాత్మవతాం దీప్తాగ్నీనాం చ వ్రణాః సుచికిత్స్యాః|
తత్ర వయస్థానాం ప్రత్యగ్రధాతుత్వాదాశు వ్రణసంరోహో భవతి|
దృఢానాం స్థిరబహుమాంసత్వాచ్ఛస్త్రమవచార్యమాణం సిరాస్నాయ్వాదీన్ న ప్రాప్నోతి|
ప్రాణవతాం వేదనాహారవిహారయంత్రణాదిభిర్న గ్లానిః|
సత్త్వవతాం దారుణైరపి క్రియావిశేషైర్న వ్యథా భవతి|
ఆత్మవతాం సునియమితాహారవిహారాదిభిరుపదేశైర్నాన్యథా భవతి|
దీప్తగ్నీనామప్రక్లిన్నదేహత్వాత్|
ప్రకృతితశ్చాప్రక్లేదిశరీరాణాం తద్విధయోశ్చ దేశకాలయోరాస్రావదౌర్గంధ్యాభావాదాశు విశుద్ధేన మాంసేనానుపద్రవమాపూరణం||23||
View original
वयस्थानां दृढानां प्राणवतां सत्त्ववतामात्मवतां दीप्ताग्नीनां च व्रणाः सुचिकित्स्याः|
तत्र वयस्थानां प्रत्यग्रधातुत्वादाशु व्रणसंरोहो भवति|
दृढानां स्थिरबहुमांसत्वाच्छस्त्रमवचार्यमाणं सिरास्नाय्वादीन् न प्राप्नोति|
प्राणवतां वेदनाहारविहारयन्त्रणादिभिर्न ग्लानिः|
सत्त्ववतां दारुणैरपि क्रियाविशेषैर्न व्यथा भवति|
आत्मवतां सुनियमिताहारविहारादिभिरुपदेशैर्नान्यथा भवति|
दीप्तग्नीनामप्रक्लिन्नदेहत्वात्|
प्रकृतितश्चाप्रक्लेदिशरीराणां तद्विधयोश्च देशकालयोरास्रावदौर्गन्ध्याभावादाशु विशुद्धेन मांसेनानुपद्रवमापूरणम्||२३||
వయస్థాదీనామాశు వ్రణసంరోహో భవతి| కుత ఇత్యాహ-తత్రేత్యాది| సుబోధం| దీప్తాగ్నీనామప్రక్లేదిత్వప్రసంగేనానిర్దిష్టమపి స్వభావాప్రక్లేదిత్వమప్రక్లేదిదేశకాలభావశ్చేతి నిర్దిష్టం||23||
Adhikarana vRuddhAdInAM vraNAnAM duScikistyatvantatra hetuSca (24) · Śloka 24
ఏత ఏవ గుణా వృద్ధకృశాల్పప్రాణాభీరుమందాగ్నిప్రక్లేదిదేహదేశకాలేషు విపరీతాః శిష్యోపనయనీయం చేక్షేత||24||
View original
एत एव गुणा वृद्धकृशाल्पप्राणाभीरुमन्दाग्निप्रक्लेदिदेहदेशकालेषु विपरीताः शिष्योपनयनीयं चेक्षेत||२४||
ఏత ఏవ చాశువ్రణసంరోహాదయో వయస్థాదీనాం గుణా వృద్ధాదిషు విపరీతా భవంతి| శిష్యోపనయనీయం చాధ్యాయమీక్షేత సాధ్యత్వపరిజ్ఞానాయేతి శేషః| (వృద్ధానామప్రత్యగ్రధాతుత్వాచ్చిరాద్ వ్రణసంరోహే భవతీత్యాది విపరీతత్వం)||24||
Adhikarana suKaropaNIyAH duHKaropaNIyASca vraNAH (25) · Śloka 25
తథా స్ఫిక్పాయుప్రజననలలాటగండౌష్ఠపృష్ఠకర్ణఫలకోశోదరజత్రుముఖాభ్యంతరస్థాః సుఖరోపణీయాః|
విపరీతాస్త్వక్షిదంతనాసాఽపాంగశ్రోత్రనాభిజఠరసేవనీనితంబపార్శ్వకుక్షివక్షఃకక్షాస్తనసంధిభాగగతాః|
సఫేనపూయరక్తానిలవాహినోంతఃశల్యాశ్చాధోభాగాచ్చోర్ధ్వభాగనిర్వమనా రోమాంతోపనఖమర్మజంఘాస్థిఘ్రాణాశ్రితాశ్చ|
భగందరశ్చాంతర్ముఖః సేవనీకట్యస్థిసంశ్రితః|
అపి చ-కుష్ఠినాం విషజుష్టానాం శోషిణాం మధుమేహినాం|
వ్రణాః కృచ్ఛ్రేణ సిధ్యంతి యేషాంచ స్యుర్వ్రణే వ్రణాః||25||
View original
तथा स्फिक्पायुप्रजननललाटगण्डौष्ठपृष्ठकर्णफलकोशोदरजत्रुमुखाभ्यन्तरस्थाः सुखरोपणीयाः|
विपरीतास्त्वक्षिदन्तनासाऽपाङ्गश्रोत्रनाभिजठरसेवनीनितम्बपार्श्वकुक्षिवक्षःकक्षास्तनसन्धिभागगताः|
सफेनपूयरक्तानिलवाहिनोन्तःशल्याश्चाधोभागाच्चोर्ध्वभागनिर्वमना रोमान्तोपनखमर्मजङ्घास्थिघ्राणाश्रिताश्च|
भगन्दरश्चान्तर्मुखः सेवनीकट्यस्थिसंश्रितः|
अपि च-कुष्ठिनां विषजुष्टानां शोषिणां मधुमेहिनाम्|
व्रणाः कृच्छ्रेण सिध्यन्ति येषाञ्च स्युर्व्रणे व्रणाः||२५||
స్ఫిగాదిస్థా వ్రణాః సుఖరోపణీయాః| అక్షిదంతాదిగతాస్తు విపరీతా దుఃఖరోపణీయా ఇత్యర్థః| ఫలకోశో వృషణః| యే చ వ్రణాః సఫేనపూయాదివాహినోఽంతఃశల్యాశ్చ తేఽపి దుఃఖరోపణీయాః| తథా యేఽపి దేహస్యాధోభాగావస్థితా ఊర్ధ్వేన నిర్వమంతి క్లేదం దదతి| తథా రోమాంతాద్యాశ్రితాశ్చ| అంతర్ముఖో భగందరో దుఃఖరోపణీయః సేవన్యాదిసంశ్రితశ్చ| అపి చేతి శ్లోకసముచ్చయే| కుష్ఠ్యాదీనాం యే వ్రణాస్తే కృచ్ఛ్రసాధ్యాః| (కుష్ఠినాం త్వగ్లసీకాసృగామిషదూషణాత్| విషజుష్టానాం సర్వధాతుదూషణాత్| శోషిణాం ధాతువహనాభావాద్రక్తక్షయాచ్చ| మధుమేహినాం సర్వధాతుక్షయాదుద్ధావకాశతయా వా| యేషాం పురుషాణామేవంవిధైర్హేతుభిర్వ్రణప్రాయే శరీరే పునరపి వ్రణాః స్యుస్తే వ్రణాశ్చ కృచ్ఛ్రసాధ్యాః||25||
Adhikarana yApyavraNAH (26) · Śloka 26
యాప్యాస్త్వవపాటికా నిరుద్ధమణిరుద్ధగుదవ్రణగ్రంథిప్రభృతయః సర్వాస్థిక్షతం చ||26||
View original
याप्यास्त्ववपाटिका निरुद्धमणिरुद्धगुदव्रणग्रन्थिप्रभृतयः सर्वास्थिक्षतं च||२६||
అవపాటికాదయో గుహ్యరోగే వక్ష్యమాణలక్షణా యాప్యాః||26||
Adhikarana asAdhyavraNAH (27) · Śloka 27
అసాధ్యాః పునర్మాంసపిండవదుద్గతాః ప్రసేకినోంతఃపూయా వేదనావంతశ్చ పాయువదుద్ధృత్తౌష్ఠాః కఠినా గోశ్రృంగవదున్నతమాంసప్రరోహా దుష్టశోణితాస్రావిణస్తనుపిచ్ఛలాస్రావస్రావిణో వా మధ్యోన్నతాః సమవసన్నసుషిరపర్యంతాః శణతూలవత్స్నాయుజాలవంతో దుర్దర్శనా మేదోమజ్జవసామస్తులుంగస్రావిణశ్చ దోషసముత్థాః పీతాసితా మూత్రపురీషవాతవాహినశ్చ కోష్ఠస్థాః రక్తార్శయజాశ్చ క్షారోదకసమాస్రావాః తథాఽఽమాశయజాః కలాయాంభోనిభాస్రావాః పక్వాశయజశ్చ తథాపులాకోదకమివ స్రవంతః క్షీణమాంసానాం చ సర్వతోగతయస్త్వణుముఖమాంసబుద్బుదవంతః సశ్బ్దవాతవాహినశ్చ శిరఃకంఠస్థాః విసర్పజ్వరపిపాసారోచకాఽవిపాకకాసశ్వాసాతీసారచ్ఛర్దియుక్తాః భిన్నే చ శిరఃకపాలే యత్ర మస్తులుంగదర్శనం త్రిదోషలింగప్రాదుర్భావో వా స్యాదితి|
భవతి చాత్ర- స్నాయుక్లేదాత్సిరాచ్ఛేదాద్గాంభీర్యాత్కృమిభక్షణాత్|
అస్థిభేదాత్ సశల్యత్వాత్ సవిషత్వాదతర్కితాత్|
మిథ్యాబంధాదతిస్నేహాద్రౌక్ష్యాద్రోమాదిఘట్టనాత్|
క్షోభాదశుద్ధకోష్ఠత్వాత్సౌహిత్యాదతికర్శనాత్|
మద్యపానాద్దివాస్వప్నాద్వా యామాద్రాత్రిజాగరాత్|
వ్రణో మిథ్యోపచారాచ్చ నైవ సాధ్యోఽపి సిధ్యతి||27||
View original
असाध्याः पुनर्मांसपिण्डवदुद्गताः प्रसेकिनोन्तःपूया वेदनावन्तश्च पायुवदुद्धृत्तौष्ठाः कठिना गोश्रृङ्गवदुन्नतमांसप्ररोहा दुष्टशोणितास्राविणस्तनुपिच्छलास्रावस्राविणो वा मध्योन्नताः समवसन्नसुषिरपर्यन्ताः शणतूलवत्स्नायुजालवन्तो दुर्दर्शना मेदोमज्जवसामस्तुलुङ्गस्राविणश्च दोषसमुत्थाः पीतासिता मूत्रपुरीषवातवाहिनश्च कोष्ठस्थाः रक्तार्शयजाश्च क्षारोदकसमास्रावाः तथाऽऽमाशयजाः कलायाम्भोनिभास्रावाः पक्वाशयजश्च तथापुलाकोदकमिव स्रवन्तः क्षीणमांसानां च सर्वतोगतयस्त्वणुमुखमांसबुद्बुदवन्तः सश्ब्दवातवाहिनश्च शिरःकण्ठस्थाः विसर्पज्वरपिपासारोचकाऽविपाककासश्वासातीसारच्छर्दियुक्ताः भिन्ने च शिरःकपाले यत्र मस्तुलुङ्गदर्शनं त्रिदोषलिङ्गप्रादुर्भावो वा स्यादिति|
भवति चात्र- स्नायुक्लेदात्सिराच्छेदाद्गाम्भीर्यात्कृमिभक्षणात्|
अस्थिभेदात् सशल्यत्वात् सविषत्वादतर्कितात्|
मिथ्याबन्धादतिस्नेहाद्रौक्ष्याद्रोमादिघट्टनात्|
क्षोभादशुद्धकोष्ठत्वात्सौहित्यादतिकर्शनात्|
मद्यपानाद्दिवास्वप्नाद्वा यामाद्रात्रिजागरात्|
व्रणो मिथ्योपचाराच्च नैव साध्योऽपि सिध्यति||२७||
అసాధ్యమాంసపిండవదుద్గతా యే సందధ్యుస్తే| సుబోధం| తథా దుష్టరక్తాస్రావిణో వా తన్వాదిగుణాస్రావిణో వా| శణతూలం శణాఖ్యస్య సూక్ష్మరోమ| దుర్దర్శనా యే స్నాయుజాలవంతో ద్రష్టుం నార్హంతి| యే చ దోషసముత్థాః సంతో మేదఃప్రభృతివాహినః| సుబోధం| క్షీణమాంసానాం పుంసాం సర్వతో గతిత్వాదియుక్తాః, గతిర్నాడీ| మస్తులుంగః కపాలపూరణం| స్నాయుక్లేదాదితో వ్రణః సాధ్యోఽపి నైవ సిధ్యతీతి సంబంధః| అతర్కితాద్యథా విశేషమనధిగతేః| రోమాదీత్యాదిశబ్దేన తృణపాంస్వాదీనాం గ్రహణం| (అశుద్ధకోష్ఠత్వాత్ యథాకాలోదితవమనాద్యభావేనాశుద్ధః| సదోషః కోష్ఠో యస్య తస్య భావస్తస్మాత్| సౌహిత్యాదతిభుక్త్యా| అతికర్శనాదనశనాత్| మిథ్యోపచారాత్ శస్త్రకర్మవిధ్యుక్తోపచారవిభ్రంశాత్)||27||
Adhikarana rohadravaNalakShaNam (28-29) · Śloka 29
కపోతవర్ణప్రతిమా యస్యాంతాః క్లేదవర్జితాః|
స్థిరాశ్చ పిటకావంతో రోహతీతి తమాదిశేత్||28||
ఇతి వైద్యపతిసింహగుప్తస్య సూనోర్వాగ్భటస్య కృతావష్టాంగసంగ్రహసంహితాయాముత్తరతంత్రే వ్రణవిభక్తిపరిజ్ఞానీయో నామైకోనత్రింశోఽధ్యాయః||29||
View original
कपोतवर्णप्रतिमा यस्यान्ताः क्लेदवर्जिताः|
स्थिराश्च पिटकावन्तो रोहतीति तमादिशेत्||२८||
इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे व्रणविभक्तिपरिज्ञानीयो नामैकोनत्रिंशोऽध्यायः||२९||
కపోతవర్ణప్రతిమాపర్యంతాదిరోహద్వ్రణలక్షణం| పిటకావంతః బుద్బుదసంకోచప్రాయాః| (యస్య వ్రణస్యాంతర్మధ్యః పర్యంతో వా కపోతవర్ణప్రతిమః కపోతతుల్యవర్ణః క్లేదవర్జితః క్లేదరహితః స్థిరః స్థిరవ్రణః వృద్ధిక్షయరహిత ఇత్యర్థః| యః చిపిటకావాన్ చిపిటికాయుక్తః చిపిటికా (అరిప్పుణ్ణ ఇతి భాషాయాం) తే వ్రణం రోహతీతి నిర్దిశేత్|| 28|| ఇతి శ్రీమన్మహామహోపాధ్యాయేందువిరచితాయామష్టాంగసంగ్రహవ్యాఖ్యాయాం శశిలేఖాయాముత్తరతంత్రే ఏకోనత్రింశోఽధ్యాయః