Adhikarana atha vraNavibhaktiparij~jAnIyo nAmaikonatriMsho~adhyAyaH - pratij~jA (1) · Śloka 1
అథాతో వ్రణవిభక్తిపరిజ్ఞానీయన్నామాధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః||1||
अथातो व्रणविभक्तिपरिज्ञानीयन्नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana vraNaniruktiH (2) · Śloka 2
యావదాయుర్వృణీతే వివృణోతి వా శరీరమితి వ్రణః||2||
यावदायुर्वृणीते विवृणोति वा शरीरमिति व्रणः||२||
🔊 Audio coming soon
Adhikarana nijAgantuBedau (3) · Śloka 3
స చ ద్వివిధో నిజ ఆగంతుశ్చ| తత్ర నిజో దోషసముత్థః| ఆగంతుః శస్త్రానుశస్త్రోపలలగుడనఖదశనవిషాణవిషారుష్కరాదినిమిత్తః| సోఽపి పునర్వాతాదిభిరధిష్ఠితో నిజతాం లభతే||3||
स च द्विविधो निज आगन्तुश्च| तत्र निजो दोषसमुत्थः| आगन्तुः शस्त्रानुशस्त्रोपललगुडनखदशनविषाणविषारुष्करादिनिमित्तः| सोऽपि पुनर्वातादिभिरधिष्ठितो निजतां लभते||३||
🔊 Audio coming soon
Adhikarana shuddhaduShTavraNau (4) · Śloka 4
పునశ్చ ద్వేధా వ్రణో దుష్టః శుద్ధశ్చ| తత్ర దోషదూషితో దుష్టః||4||
पुनश्च द्वेधा व्रणो दुष्टः शुद्धश्च| तत्र दोषदूषितो दुष्टः||४||
🔊 Audio coming soon
Adhikarana duShTavraNasAmAnyalakShaNam (5) · Śloka 5
తస్య సామాన్యలింగమతిసంవృతవివృతత్వమతిమృదుకఠినతాఽత్యుత్సాదావసాదావతిశీతోష్ణభావోఽతిరక్తకృష్ణపాండుతా పూతీమాంససిరాస్నాయుప్రతిచ్ఛన్నత్వం పూతీపూయాస్రావః సోత్సంగితా దాహపాకకండూశ్వయథువేదనాసంరంభపిటకోపద్రవోపద్రుతత్వం దీర్ఘకాలానుబంధశ్చ||5||
तस्य सामान्यलिङ्गमतिसंवृतविवृतत्वमतिमृदुकठिनताऽत्युत्सादावसादावतिशीतोष्णभावोऽतिरक्तकृष्णपाण्डुता पूतीमांससिरास्नायुप्रतिच्छन्नत्वं पूतीपूयास्रावः सोत्सङ्गिता दाहपाककण्डूश्वयथुवेदनासंरम्भपिटकोपद्रवोपद्रुतत्वं दीर्घकालानुबन्धश्च||५||
🔊 Audio coming soon
Adhikarana duShTavraNaBedAH (6) · Śloka 6
విశేషతస్తు పంచదశధా భిద్యతే||6||
विशेषतस्तु पञ्चदशधा भिद्यते||६||
🔊 Audio coming soon
Adhikarana vAtaduShTavraNalakShaNam (7) · Śloka 7
తత్ర శ్యావోఽరుణః కృష్ణో భస్మాస్థికపోతగలాన్యతమవర్ణో వా దధిమస్తుక్షారాంబుమాంసధావనపులాకోదకనిభాల్పస్రావో రూక్షశ్చటచటాయమానశీలోఽకస్మాద్వివిధశూలస్ఫురణాయామతోదభేదస్వాపబహులో నిర్మాంసశ్చ వాతాత్||7||
तत्र श्यावोऽरुणः कृष्णो भस्मास्थिकपोतगलान्यतमवर्णो वा दधिमस्तुक्षाराम्बुमांसधावनपुलाकोदकनिभाल्पस्रावो रूक्षश्चटचटायमानशीलोऽकस्माद्विविधशूलस्फुरणायामतोदभेदस्वापबहुलो निर्मांसश्च वातात्||७||
🔊 Audio coming soon
Adhikarana pittaduShTavraNalakShaNam (8) · Śloka 8
క్షిప్రజః పీతనీలహరితకృష్ణకపిలపింగలో గోమూత్రభస్మశంఖకింశుకోదకమార్ద్వీకతైలాభోష్ణభూరిక్లేదో దాహోషాజ్వరరాగపాకావదరణధూమాయనాన్వితః క్షారోక్షితక్షతోపమవేదనః పిటకాజుష్టశ్చ పిత్తాత్||8||
क्षिप्रजः पीतनीलहरितकृष्णकपिलपिङ्गलो गोमूत्रभस्मशङ्खकिंशुकोदकमार्द्वीकतैलाभोष्णभूरिक्लेदो दाहोषाज्वररागपाकावदरणधूमायनान्वितः क्षारोक्षितक्षतोपमवेदनः पिटकाजुष्टश्च पित्तात्||८||
🔊 Audio coming soon
Adhikarana kaPaduShTavraNalakShaNam (9) · Śloka 9
స్నిగ్ధః స్థూలౌష్ఠః పాండుశ్చండకండూర్నవనీతవసామజ్జపిష్టతిలనారికేలాంబుసదృశశ్వేతశీతబహలపిచ్ఛిలక్లేదః స్వాపస్తంభస్తైమిత్యగౌరవోపదేహయుక్తః సిరాస్నాయుజాలావతతో మందవేదనః కఠినశ్చ కఫాత్||9||
स्निग्धः स्थूलौष्ठः पाण्डुश्चण्डकण्डूर्नवनीतवसामज्जपिष्टतिलनारिकेलाम्बुसदृशश्वेतशीतबहलपिच्छिलक्लेदः स्वापस्तम्भस्तैमित्यगौरवोपदेहयुक्तः सिरास्नायुजालावततो मन्दवेदनः कठिनश्च कफात्||९||
🔊 Audio coming soon
Adhikarana raktaduShTavraNalakShaNam (10) · Śloka 10
ప్రవాలరక్తః కృష్ణస్ఫోటపిటకాజాలోపచితో వాజిస్థానగంధిః| సరక్తపూయస్రావీ పిత్తలింగశ్చ రక్తాత్||10||
प्रवालरक्तः कृष्णस्फोटपिटकाजालोपचितो वाजिस्थानगन्धिः| सरक्तपूयस्रावी पित्तलिङ्गश्च रक्तात्||१०||
🔊 Audio coming soon
Adhikarana saMsargAdiduShTavraNalakShaNam (11) · Śloka 11
యథాస్వలింగసంకరే ద్వాభ్యాం త్రిభిః సర్వైశ్చ దుష్టం విద్యాత్| అపి చ-ఘృతమండాభో మత్స్యధావనగంధిర్మృదువిసర్పీ కృష్ణోష్ణపూయశ్చ పిత్తరక్తాభ్యాం||11||
यथास्वलिङ्गसङ्करे द्वाभ्यां त्रिभिः सर्वैश्च दुष्टं विद्यात्| अपि च-घृतमण्डाभो मत्स्यधावनगन्धिर्मृदुविसर्पी कृष्णोष्णपूयश्च पित्तरक्ताभ्याम्||११||
🔊 Audio coming soon
Adhikarana shuddhavraNalakShaNam (12) · Śloka 12
వాతాదిభిరేవ చ వ్రణస్యానధిష్ఠానం శుద్ధిః| తత్ర యథోక్తదుష్టలింగాభావాత్ సంరంభరహితత్వం జిహ్వావర్ణతా శ్లక్ష్ణత్వం నీరుజత్వం నిరాస్రావతా శ్యావపర్యంతత్వం సమౌష్ఠమధ్యతా కించిదున్నతమధ్యతా వా||12||
वातादिभिरेव च व्रणस्यानधिष्ठानं शुद्धिः| तत्र यथोक्तदुष्टलिङ्गाभावात् संरम्भरहितत्वं जिह्वावर्णता श्लक्ष्णत्वं नीरुजत्वं निरास्रावता श्यावपर्यन्तत्वं समौष्ठमध्यता किञ्चिदुन्नतमध्यता वा||१२||
🔊 Audio coming soon
Adhikarana aShTau vraNASayAH (13) · Śloka 13
త్వడ్మాంససిరాస్నాయుసంధ్యస్థికోష్ఠమర్మాణ్యష్టౌ వ్రణాశయః| ఆశయవిశేషాచ్చాఽఽస్రావవిశేషః||13||
त्वड्मांससिरास्नायुसन्ध्यस्थिकोष्ठमर्माण्यष्टौ व्रणाशयः| आशयविशेषाच्चाऽऽस्रावविशेषः||१३||
🔊 Audio coming soon
Adhikarana tvaggatasyAsrAvaviSeShaH (14) · Śloka 14
తత్ర ఘృష్టాసు వా త్వక్షు స్ఫోటేషు వా భిన్నేషు సలిలప్రకాశో భవత్యాస్రావః| కించిద్విస్రః పీతావభాసశ్చ||14||
तत्र घृष्टासु वा त्वक्षु स्फोटेषु वा भिन्नेषु सलिलप्रकाशो भवत्यास्रावः| किञ्चिद्विस्रः पीतावभासश्च||१४||
🔊 Audio coming soon
Adhikarana mAMsagatAsrAvavisheShaH (15) · Śloka 15
మాంసగతః సర్పిఃప్రకాశో బహలః పిచ్ఛిలశ్చ||15||
मांसगतः सर्पिःप्रकाशो बहलः पिच्छिलश्च||१५||
🔊 Audio coming soon
Adhikarana sirAgatAsrAvavisheShaH (16) · Śloka 16
సిరాగతస్తు సద్యశ్ఛిన్నాసు సిరాసు రక్తాతిప్రవృత్తిః| పక్వాసు చ తోయనాడీభిరివాంభసః పూయస్యాగమనం| స చ తనుర్విచ్ఛిన్నః పిచ్ఛిలోఽవలంబీ శ్యావశ్చ||16||
सिरागतस्तु सद्यश्छिन्नासु सिरासु रक्तातिप्रवृत्तिः| पक्वासु च तोयनाडीभिरिवाम्भसः पूयस्यागमनम्| स च तनुर्विच्छिन्नः पिच्छिलोऽवलम्बी श्यावश्च||१६||
🔊 Audio coming soon
Adhikarana snAvagatAsrAvaviSeShaH (17) · Śloka 17
స్నావగతః స్నిగ్ధో ఘనః సింఘాణకప్రతిమః సరక్తశ్చ||17||
स्नावगतः स्निग्धो घनः सिङ्घाणकप्रतिमः सरक्तश्च||१७||
🔊 Audio coming soon
Adhikarana sandhigatAsrAvaviSeShaH (18) · Śloka 18
సంధిగతః సమంతాత్ ప్రపీడ్యమానో న ప్రవర్తతే తథాఽఽకుంచనప్రసారణోన్నమననమనప్రవాహణేషు స్రవతి పిచ్ఛిలోఽవలంబీ స ఫేనరుధిరోన్మిశ్రశ్చ||18||
सन्धिगतः समन्तात् प्रपीड्यमानो न प्रवर्तते तथाऽऽकुञ्चनप्रसारणोन्नमननमनप्रवाहणेषु स्रवति पिच्छिलोऽवलम्बी स फेनरुधिरोन्मिश्रश्च||१८||
🔊 Audio coming soon
Adhikarana asthigatAsrAvavisheShaH (19) · Śloka 19
సంధిగతస్త్వాస్రావః సమంతాత్ ప్రపీడ్యమానో న ప్రవర్తతే తథా యథాఽఽకుంజనాదిషు స్రవతి| పిచ్ఛిలాదిగుణశ్చ భవతి| సంధిగతస్రావః సమంతాత్ ప్రపీడ్యమానో న ప్రవర్తతే తథా యథాఽఽకుంచనాదిషు స్రవతి| పిచ్ఛిలాది గుణశ్చ భవతి| అస్థిగత స్రావః విశేషః -అస్థి త్వభిహతం స్ఫుటితం భిన్నం దోషావదారితం వా దోషభక్షితత్వాన్నిస్సారం భవతి| ఆస్రావశ్చాత్ర మజ్జమిశ్రః సరు-ధిరః స్నిగ్ధశ్చ||19||
सन्धिगतस्त्वास्रावः समन्तात् प्रपीड्यमानो न प्रवर्तते तथा यथाऽऽकुञ्जनादिषु स्रवति| पिच्छिलादिगुणश्च भवति| सन्धिगतस्रावः समन्तात् प्रपीड्यमानो न प्रवर्तते तथा यथाऽऽकुञ्चनादिषु स्रवति| पिच्छिलादि गुणश्च भवति| अस्थिगत स्रावः विशेषः -अस्थि त्वभिहतं स्फुटितं भिन्नं दोषावदारितं वा दोषभक्षितत्वान्निस्सारं भवति| आस्रावश्चात्र मज्जमिश्रः सरु-धिरः स्निग्धश्च||१९||
🔊 Audio coming soon
Adhikarana koShThagatAsrAvaviSeShaH (20) · Śloka 20
కోష్ఠాశ్రితస్తు వ్రణో మూత్రపురీషరుధిరపయోదకాని స్రవతి||20||
कोष्ठाश्रितस्तु व्रणो मूत्रपुरीषरुधिरपयोदकानि स्रवति||२०||
🔊 Audio coming soon
Adhikarana marmagatAsrAvanirdeSaH (21) · Śloka 21
మర్మగతస్తు నోచ్యతే త్వగాదిష్వేవారుద్ధత్వాత్||21||
मर्मगतस्तु नोच्यते त्वगादिष्वेवारुद्धत्वात्||२१||
🔊 Audio coming soon
Adhikarana sukhasAdhyavraNalakShaNam (22) · Śloka 22
తేషు యథాపూర్వం సుఖసాధ్యత్వం| తథాఽఽయతశ్చుతురస్రో వృత్తస్త్రిపుటకశ్చ వ్రణః| శేషాస్తు వికృతాకృతయో దురుపచారాః| తే చ ప్రాయశో భవంత్యాగంతవః| స్వయం విదీర్ణాశ్చ దోషజా న తు వైద్యకృతాః||22||
तेषु यथापूर्वं सुखसाध्यत्वम्| तथाऽऽयतश्चुतुरस्रो वृत्तस्त्रिपुटकश्च व्रणः| शेषास्तु विकृताकृतयो दुरुपचाराः| ते च प्रायशो भवन्त्यागन्तवः| स्वयं विदीर्णाश्च दोषजा न तु वैद्यकृताः||२२||
🔊 Audio coming soon
Adhikarana vayasthAdInAM vraNAnAM sucikitsyatvantatra hetushca (23) · Śloka 23
వయస్థానాం దృఢానాం ప్రాణవతాం సత్త్వవతామాత్మవతాం దీప్తాగ్నీనాం చ వ్రణాః సుచికిత్స్యాః| తత్ర వయస్థానాం ప్రత్యగ్రధాతుత్వాదాశు వ్రణసంరోహో భవతి| దృఢానాం స్థిరబహుమాంసత్వాచ్ఛస్త్రమవచార్యమాణం సిరాస్నాయ్వాదీన్ న ప్రాప్నోతి| ప్రాణవతాం వేదనాహారవిహారయంత్రణాదిభిర్న గ్లానిః| సత్త్వవతాం దారుణైరపి క్రియావిశేషైర్న వ్యథా భవతి| ఆత్మవతాం సునియమితాహారవిహారాదిభిరుపదేశైర్నాన్యథా భవతి| దీప్తగ్నీనామప్రక్లిన్నదేహత్వాత్| ప్రకృతితశ్చాప్రక్లేదిశరీరాణాం తద్విధయోశ్చ దేశకాలయోరాస్రావదౌర్గంధ్యాభావాదాశు విశుద్ధేన మాంసేనానుపద్రవమాపూరణం||23||
वयस्थानां दृढानां प्राणवतां सत्त्ववतामात्मवतां दीप्ताग्नीनां च व्रणाः सुचिकित्स्याः| तत्र वयस्थानां प्रत्यग्रधातुत्वादाशु व्रणसंरोहो भवति| दृढानां स्थिरबहुमांसत्वाच्छस्त्रमवचार्यमाणं सिरास्नाय्वादीन् न प्राप्नोति| प्राणवतां वेदनाहारविहारयन्त्रणादिभिर्न ग्लानिः| सत्त्ववतां दारुणैरपि क्रियाविशेषैर्न व्यथा भवति| आत्मवतां सुनियमिताहारविहारादिभिरुपदेशैर्नान्यथा भवति| दीप्तग्नीनामप्रक्लिन्नदेहत्वात्| प्रकृतितश्चाप्रक्लेदिशरीराणां तद्विधयोश्च देशकालयोरास्रावदौर्गन्ध्याभावादाशु विशुद्धेन मांसेनानुपद्रवमापूरणम्||२३||
🔊 Audio coming soon
Adhikarana vRuddhAdInAM vraNAnAM duScikistyatvantatra hetuSca (24) · Śloka 24
ఏత ఏవ గుణా వృద్ధకృశాల్పప్రాణాభీరుమందాగ్నిప్రక్లేదిదేహదేశకాలేషు విపరీతాః శిష్యోపనయనీయం చేక్షేత||24||
एत एव गुणा वृद्धकृशाल्पप्राणाभीरुमन्दाग्निप्रक्लेदिदेहदेशकालेषु विपरीताः शिष्योपनयनीयं चेक्षेत||२४||
🔊 Audio coming soon
Adhikarana suKaropaNIyAH duHKaropaNIyASca vraNAH (25) · Śloka 25
తథా స్ఫిక్పాయుప్రజననలలాటగండౌష్ఠపృష్ఠకర్ణఫలకోశోదరజత్రుముఖాభ్యంతరస్థాః సుఖరోపణీయాః| విపరీతాస్త్వక్షిదంతనాసాఽపాంగశ్రోత్రనాభిజఠరసేవనీనితంబపార్శ్వకుక్షివక్షఃకక్షాస్తనసంధిభాగగతాః| సఫేనపూయరక్తానిలవాహినోంతఃశల్యాశ్చాధోభాగాచ్చోర్ధ్వభాగనిర్వమనా రోమాంతోపనఖమర్మజంఘాస్థిఘ్రాణాశ్రితాశ్చ| భగందరశ్చాంతర్ముఖః సేవనీకట్యస్థిసంశ్రితః| అపి చ-కుష్ఠినాం విషజుష్టానాం శోషిణాం మధుమేహినాం| వ్రణాః కృచ్ఛ్రేణ సిధ్యంతి యేషాంచ స్యుర్వ్రణే వ్రణాః||25||
तथा स्फिक्पायुप्रजननललाटगण्डौष्ठपृष्ठकर्णफलकोशोदरजत्रुमुखाभ्यन्तरस्थाः सुखरोपणीयाः| विपरीतास्त्वक्षिदन्तनासाऽपाङ्गश्रोत्रनाभिजठरसेवनीनितम्बपार्श्वकुक्षिवक्षःकक्षास्तनसन्धिभागगताः| सफेनपूयरक्तानिलवाहिनोन्तःशल्याश्चाधोभागाच्चोर्ध्वभागनिर्वमना रोमान्तोपनखमर्मजङ्घास्थिघ्राणाश्रिताश्च| भगन्दरश्चान्तर्मुखः सेवनीकट्यस्थिसंश्रितः| अपि च-कुष्ठिनां विषजुष्टानां शोषिणां मधुमेहिनाम्| व्रणाः कृच्छ्रेण सिध्यन्ति येषाञ्च स्युर्व्रणे व्रणाः||२५||
🔊 Audio coming soon
Adhikarana yApyavraNAH (26) · Śloka 26
యాప్యాస్త్వవపాటికా నిరుద్ధమణిరుద్ధగుదవ్రణగ్రంథిప్రభృతయః సర్వాస్థిక్షతం చ||26||
याप्यास्त्ववपाटिका निरुद्धमणिरुद्धगुदव्रणग्रन्थिप्रभृतयः सर्वास्थिक्षतं च||२६||
🔊 Audio coming soon
Adhikarana asAdhyavraNAH (27) · Śloka 27
అసాధ్యాః పునర్మాంసపిండవదుద్గతాః ప్రసేకినోంతఃపూయా వేదనావంతశ్చ పాయువదుద్ధృత్తౌష్ఠాః కఠినా గోశ్రృంగవదున్నతమాంసప్రరోహా దుష్టశోణితాస్రావిణస్తనుపిచ్ఛలాస్రావస్రావిణో వా మధ్యోన్నతాః సమవసన్నసుషిరపర్యంతాః శణతూలవత్స్నాయుజాలవంతో దుర్దర్శనా మేదోమజ్జవసామస్తులుంగస్రావిణశ్చ దోషసముత్థాః పీతాసితా మూత్రపురీషవాతవాహినశ్చ కోష్ఠస్థాః రక్తార్శయజాశ్చ క్షారోదకసమాస్రావాః తథాఽఽమాశయజాః కలాయాంభోనిభాస్రావాః పక్వాశయజశ్చ తథాపులాకోదకమివ స్రవంతః క్షీణమాంసానాం చ సర్వతోగతయస్త్వణుముఖమాంసబుద్బుదవంతః సశ్బ్దవాతవాహినశ్చ శిరఃకంఠస్థాః విసర్పజ్వరపిపాసారోచకాఽవిపాకకాసశ్వాసాతీసారచ్ఛర్దియుక్తాః భిన్నే చ శిరఃకపాలే యత్ర మస్తులుంగదర్శనం త్రిదోషలింగప్రాదుర్భావో వా స్యాదితి| భవతి చాత్ర- స్నాయుక్లేదాత్సిరాచ్ఛేదాద్గాంభీర్యాత్కృమిభక్షణాత్| అస్థిభేదాత్ సశల్యత్వాత్ సవిషత్వాదతర్కితాత్| మిథ్యాబంధాదతిస్నేహాద్రౌక్ష్యాద్రోమాదిఘట్టనాత్| క్షోభాదశుద్ధకోష్ఠత్వాత్సౌహిత్యాదతికర్శనాత్| మద్యపానాద్దివాస్వప్నాద్వా యామాద్రాత్రిజాగరాత్| వ్రణో మిథ్యోపచారాచ్చ నైవ సాధ్యోఽపి సిధ్యతి||27||
असाध्याः पुनर्मांसपिण्डवदुद्गताः प्रसेकिनोन्तःपूया वेदनावन्तश्च पायुवदुद्धृत्तौष्ठाः कठिना गोश्रृङ्गवदुन्नतमांसप्ररोहा दुष्टशोणितास्राविणस्तनुपिच्छलास्रावस्राविणो वा मध्योन्नताः समवसन्नसुषिरपर्यन्ताः शणतूलवत्स्नायुजालवन्तो दुर्दर्शना मेदोमज्जवसामस्तुलुङ्गस्राविणश्च दोषसमुत्थाः पीतासिता मूत्रपुरीषवातवाहिनश्च कोष्ठस्थाः रक्तार्शयजाश्च क्षारोदकसमास्रावाः तथाऽऽमाशयजाः कलायाम्भोनिभास्रावाः पक्वाशयजश्च तथापुलाकोदकमिव स्रवन्तः क्षीणमांसानां च सर्वतोगतयस्त्वणुमुखमांसबुद्बुदवन्तः सश्ब्दवातवाहिनश्च शिरःकण्ठस्थाः विसर्पज्वरपिपासारोचकाऽविपाककासश्वासातीसारच्छर्दियुक्ताः भिन्ने च शिरःकपाले यत्र मस्तुलुङ्गदर्शनं त्रिदोषलिङ्गप्रादुर्भावो वा स्यादिति| भवति चात्र- स्नायुक्लेदात्सिराच्छेदाद्गाम्भीर्यात्कृमिभक्षणात्| अस्थिभेदात् सशल्यत्वात् सविषत्वादतर्कितात्| मिथ्याबन्धादतिस्नेहाद्रौक्ष्याद्रोमादिघट्टनात्| क्षोभादशुद्धकोष्ठत्वात्सौहित्यादतिकर्शनात्| मद्यपानाद्दिवास्वप्नाद्वा यामाद्रात्रिजागरात्| व्रणो मिथ्योपचाराच्च नैव साध्योऽपि सिध्यति||२७||
🔊 Audio coming soon
Adhikarana rohadravaNalakShaNam (28-29) · Śloka 29
కపోతవర్ణప్రతిమా యస్యాంతాః క్లేదవర్జితాః| స్థిరాశ్చ పిటకావంతో రోహతీతి తమాదిశేత్||28|| ఇతి వైద్యపతిసింహగుప్తస్య సూనోర్వాగ్భటస్య కృతావష్టాంగసంగ్రహసంహితాయాముత్తరతంత్రే వ్రణవిభక్తిపరిజ్ఞానీయో నామైకోనత్రింశోఽధ్యాయః||29||
कपोतवर्णप्रतिमा यस्यान्ताः क्लेदवर्जिताः| स्थिराश्च पिटकावन्तो रोहतीति तमादिशेत्||२८|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे व्रणविभक्तिपरिज्ञानीयो नामैकोनत्रिंशोऽध्यायः||२९||
🔊 Audio coming soon