Adhikarana 1 (1-2) · Śloka 2
অথাতস্ত্রিমর্মীযচিকিত্সিতমধ্যাযং ব্যাখ্যাস্যামঃ||১||
ইতি হ স্মাহ ভগবানাত্রেযঃ||২||
View original
अथातस्त्रिमर्मीयचिकित्सितमध्यायं व्याख्यास्यामः||१||
इति ह स्माह भगवानात्रेयः||२||
দ্বিব্রণীযে দ্বিসঙ্খ্যাবচ্ছিন্নরোগচিকিত্সাভিধানানন্তরং ত্রিসঙ্খ্যাবচ্ছিন্নশিরোবস্তিহৃদযমর্মরোগচিকিত্সাভিধানার্থং ত্রিমর্মীযচিকিত্সিত উচ্যতে| ত্রিমর্মশব্দেন হি ত্রিমর্মাশ্রিতা রোগাস্তস্যোপচারশ্চাভিধীযতে; তেন ত্রিমর্মীযরোগানধিকৃত্য কৃতং চিকিত্সিতং ত্রিমর্মীযচিকিত্সিতম্||১-২||
Adhikarana 2 (3-4) · Śloka 4
সপ্তোত্তরং মর্মশতং যদুক্তং শরীরসঙ্খ্যামধিকৃত্য তেভ্যঃ|
মর্মাণি বস্তিং হৃদযং শিরশ্চ প্রধানভূতানি বদন্তি তজ্জ্ঞাঃ||৩||
প্রাণাশ্রযাত্, তানি হি পীডযন্তো বাতাদযোঽসূনপি পীডযন্তি|
তত্সংশ্রিতানামনুপালনার্থং মহাগদানাং শৃণু সৌম্য রক্ষাম্||৪||
View original
सप्तोत्तरं मर्मशतं यदुक्तं शरीरसङ्ख्यामधिकृत्य तेभ्यः|
मर्माणि बस्तिं हृदयं शिरश्च प्रधानभूतानि वदन्ति तज्ज्ञाः||३||
प्राणाश्रयात्, तानि हि पीडयन्तो वातादयोऽसूनपि पीडयन्ति|
तत्संश्रितानामनुपालनार्थं महागदानां शृणु सौम्य रक्षाम्||४||
প্রকৃতপ্রধানমর্মত্রযমবধারযতি- সপ্তোত্তরমিত্যাদি| শরীরসঙ্খ্যামধিকৃত্যেতি শরীরসঙ্খ্যাশারীরে (শা.অ.৭) উক্তমধিকৃত্যেত্যর্থঃ| হৃদযাদিমর্মপ্রাধান্যে হেতুমাহ- প্রাণাশ্রযাদিতি| হৃদযাদীনাং প্রাণাশ্রযত্বে এবোপপত্তিমাহ- তানীত্যাদি| হৃদযাদ্যুপঘাতেন যস্মাদ্বিশেষতঃ প্রাণোপঘাতো ভবতি, তস্মাদ্ হৃদযাদ্যাশ্রিতাঃ প্রাণা উচ্যন্তে; যথা ভিত্ত্যুপঘাতোপহন্যমানং চিত্রং ভিত্ত্যাশ্রযমুচ্যতে| তত্সংশ্রিতানামিতি প্রাণাশ্রযাণাং হৃদযাদীনাং; সংশ্রিতশব্দেন হি সংশ্রয উচ্যতে| মহান্তো গদা যেষু ভবন্তি তেষাং মহাগদানাং বস্ত্যাদীনামনুপালনার্থং রক্ষাং শৃণু; কিংবা তত্সংশ্রিতানামিতি বস্ত্যাদিসংশ্রিতানাং প্রাণানামনুপালনার্থং, মহাগদানাং মহামর্মবস্ত্যাদিব্যাপকোদাবর্তাদীনাং, রক্ষামিতি চিকিত্সাম্||৩-৪||
Adhikarana 3 (5-10) · Śloka 10
কষাযতিক্তোষণরূক্ষভোজ্যৈঃ সন্ধারণাভোজনমৈথুনৈশ্চ |
পক্বাশযে কুপ্যতি চেদপানঃ স্রোতাংস্যধোগানি বলী স রুদ্ধ্বা||৫||
করোতি বিণ্মারুতমূত্রসঙ্গং ক্রমাদুদাবর্তমতঃ সুঘোরম্|
রুগ্বস্তিহৃত্কুক্ষ্যুদরেষ্বভীক্ষ্ণং সপৃষ্ঠপার্শ্বেষ্বতিদারুণা স্যাত্||৬||
আধ্মানহৃল্লাসবিকর্তিকাশ্চ তোদোঽবিপাকশ্চ সবস্তিশোথঃ|
বর্চোঽপ্রবৃত্তির্জঠরে চ গণ্ডান্যূর্ধ্বশ্চ বাযুর্বিহতো গুদে স্যাত্||৭||
কৃচ্ছ্রেণ শুষ্কস্য চিরাত্ প্রবৃত্তিঃ স্যাদ্বা তনুঃ স্যাত্ খররূক্ষশীতা|
ততশ্চ রোগা জ্বরমূত্রকৃচ্ছ্রপ্রবাহিকাহৃদ্গ্রহণীপ্রদোষাঃ||৮||
বম্যান্ধ্যবাধির্যশিরোঽভিতাপবাতোদরাষ্ঠীলমনোবিকারাঃ|
তৃষ্ণাস্রপিত্তারুচিগুল্মকাসশ্বাসপ্রতিশ্যার্দিতপার্শ্বরোগাঃ||৯||
অন্যে চ রোগা বহবোঽনিলোত্থা ভবন্ত্যুদাবর্তকৃতাঃ সুঘোরাঃ|
চিকিত্সিতং চাস্য যথাবদূর্ধ্বং প্রবক্ষ্যতে তচ্ছৃণু চাগ্নিবেশ!||১০||
View original
कषायतिक्तोषणरूक्षभोज्यैः सन्धारणाभोजनमैथुनैश्च |
पक्वाशये कुप्यति चेदपानः स्रोतांस्यधोगानि बली स रुद्ध्वा||५||
करोति विण्मारुतमूत्रसङ्गं क्रमादुदावर्तमतः सुघोरम्|
रुग्बस्तिहृत्कुक्ष्युदरेष्वभीक्ष्णं सपृष्ठपार्श्वेष्वतिदारुणा स्यात्||६||
आध्मानहृल्लासविकर्तिकाश्च तोदोऽविपाकश्च सबस्तिशोथः|
वर्चोऽप्रवृत्तिर्जठरे च गण्डान्यूर्ध्वश्च वायुर्विहतो गुदे स्यात्||७||
कृच्छ्रेण शुष्कस्य चिरात् प्रवृत्तिः स्याद्वा तनुः स्यात् खररूक्षशीता|
ततश्च रोगा ज्वरमूत्रकृच्छ्रप्रवाहिकाहृद्ग्रहणीप्रदोषाः||८||
वम्यान्ध्यबाधिर्यशिरोऽभितापवातोदराष्ठीलमनोविकाराः|
तृष्णास्रपित्तारुचिगुल्मकासश्वासप्रतिश्यार्दितपार्श्वरोगाः||९||
अन्ये च रोगा बहवोऽनिलोत्था भवन्त्युदावर्तकृताः सुघोराः|
चिकित्सितं चास्य यथावदूर्ध्वं प्रवक्ष्यते तच्छृणु चाग्निवेश!||१०||
বস্ত্যাদিজানাং যথাক্রমং হেত্বাদিমাহ- কষাযেত্যাদি| ঊষণঃ কটুকঃ| পক্বাশযে ইত্যাদিনা উদাবর্তসম্প্রাপ্তিলিঙ্গচিকিত্সিতানি প্রাহ| ননু কথমপানঃ কুপিতোঽপানস্যৈব সঙ্গং করোতীতি মারুতসঙ্গশব্দেনোচ্যতে? ব্রূমঃ- আত্মনৈবাযং দুষ্টঃ সম্যগপ্রবর্তমান আত্মনঃ সঙ্গং করোতীত্যুচ্যতে, যথা মন এব মনোনিগ্রহং করোতি| উক্তং চ “ইন্দ্রিযাভিগ্রহঃ কর্ম মনসঃ স্বস্য নিগ্রহঃ” (শা.অ.১) ইতি| ঊর্ধ্বশ্চেতি ঊর্ধ্বগমনস্বভাবঃ||৫-১০||
Adhikarana 4 (11-17) · Śloka 17
তং তৈলশীতজ্বরনাশনাক্তং স্বেদৈর্যথোক্তৈঃ প্রবিলীনদোষম্|
উপাচরেদ্বর্তিনিরূহবস্তিস্নেহৈর্বিরেকৈরনুলোমনান্নৈঃ||১১||
শ্যামাত্রিবৃন্মাগধিকাং সদন্তীং গোমূত্রপিষ্টাং দশভাগমাষাম্|
সনীলিকাং দ্বির্লবণাং গুডেন বর্তিং করাঙ্গুষ্ঠনিভাং বিদধ্যাত্||১২||
পিণ্যাকসৌবর্চলহিঙ্গুভির্বা সসর্ষপত্র্যূষণযাবশূকৈঃ|
ক্রিমিঘ্নকম্পিল্লকশঙ্খিনীভিঃ সুধার্কজক্ষীরগুডৈর্যুতাভিঃ||১৩||
স্যাত্ পিপ্পলীসর্ষপরাঢবেশ্মধূমৈঃ সগোমূত্রগুডৈশ্চ বর্তিঃ|
শ্যামাফলালাবুকপিপ্পলীনাং নাড্যাঽথবা তত্ প্রধমেত্তু চূর্ণম্||১৪||
রক্ষোঘ্নতুম্বীকরহাটকৃষ্ণাচূর্ণং সজীমূতকসৈন্ধবং বা|
স্নিগ্ধে গুদে তান্যনুলোমযন্তি নরস্য বর্চোঽনিলমূত্রসঙ্গম্||১৫||
তেষাং বিঘাতে তু ভিষগ্বিদধ্যাত্ স্বভ্যক্তসুস্বিন্নতনোর্নিরূহম্|
ঊর্ধ্বানুলোমৌষধমূত্রতৈলক্ষারাম্লবাতঘ্নযুতং সুতীক্ষ্ণম্||১৬||
বাতেঽধিকেঽম্লং লবণং সতৈলং, ক্ষীরেণ পিত্তে তু, কফে সমূত্রম্|
স মূত্রবর্চোঽনিলসঙ্গমাশু গুদং সিরাশ্চ প্রগুণীকরোতি||১৭||
View original
तं तैलशीतज्वरनाशनाक्तं स्वेदैर्यथोक्तैः प्रविलीनदोषम्|
उपाचरेद्वर्तिनिरूहबस्तिस्नेहैर्विरेकैरनुलोमनान्नैः||११||
श्यामात्रिवृन्मागधिकां सदन्तीं गोमूत्रपिष्टां दशभागमाषाम्|
सनीलिकां द्विर्लवणां गुडेन वर्तिं कराङ्गुष्ठनिभां विदध्यात्||१२||
पिण्याकसौवर्चलहिङ्गुभिर्वा ससर्षपत्र्यूषणयावशूकैः|
क्रिमिघ्नकम्पिल्लकशङ्खिनीभिः सुधार्कजक्षीरगुडैर्युताभिः||१३||
स्यात् पिप्पलीसर्षपराढवेश्मधूमैः सगोमूत्रगुडैश्च वर्तिः|
श्यामाफलालाबुकपिप्पलीनां नाड्याऽथवा तत् प्रधमेत्तु चूर्णम्||१४||
रक्षोघ्नतुम्बीकरहाटकृष्णाचूर्णं सजीमूतकसैन्धवं वा|
स्निग्धे गुदे तान्यनुलोमयन्ति नरस्य वर्चोऽनिलमूत्रसङ्गम्||१५||
तेषां विघाते तु भिषग्विदध्यात् स्वभ्यक्तसुस्विन्नतनोर्निरूहम्|
ऊर्ध्वानुलोमौषधमूत्रतैलक्षाराम्लवातघ्नयुतं सुतीक्ष्णम्||१६||
वातेऽधिकेऽम्लं लवणं सतैलं, क्षीरेण पित्ते तु, कफे समूत्रम्|
स मूत्रवर्चोऽनिलसङ्गमाशु गुदं सिराश्च प्रगुणीकरोति||१७||
তৈলজ্বরনাশনাক্তমিতি শীতজ্বরনাশনাগুর্বাদ্যাক্তম্| শ্যামেত্যাদিফলবর্তৌ শ্যামা ত্রিবৃদ্ভেদঃ| দশভাগা মাষস্য যস্যাং সা দশভাগমাষা| দ্বির্লবণামিতি দ্বিভাগলবণাম্| গুডেনেতিবচনেন যাবতা গুডেন বর্তিঃ কর্তুং যুজ্যতে তাবন্মানো গুডো দেযঃ| যাবশূকৈরিত্যন্তেন দ্বিতীযা বর্তির্গুডৈনৈব কর্তব্যা| শঙ্খিনী শ্বেতবুহ্না| রাঢঃ মদনফলম্| বেশ্মধূমঃ অগারধূমঃ| রক্ষোঘ্নঃ সর্ষপঃ| করহাটঃ মদনঃ| তেষাং বিঘাতে ইতি ফলবর্তিচূর্ণনামুক্তানাং কার্যাকরণে| ঊর্ধ্বানুলোমৌষধং বমনবিরেচনৌষধম্| বাতেঽধিক ইত্যাদিনা দোষভেদেন বস্তাবাবাপমাহ| উদাবর্তে পিত্তকফৌ বাতকোপিতাবেব জ্ঞেযৌ| স ইতি পূর্বোক্তো বস্তিঃ||১১-১৭||
Adhikarana 5 (18) · Śloka 18
ত্রিবৃত্সুধাপত্রতিলাদিশাকগ্রাম্যৌদকানূপরসৈর্যবান্নম্|
অন্যৈশ্চ সৃষ্টানিলমূত্রবিড্ভিরদ্যাত্ প্রসন্নাগুডসীধুপাযী||১৮||
View original
त्रिवृत्सुधापत्रतिलादिशाकग्राम्यौदकानूपरसैर्यवान्नम्|
अन्यैश्च सृष्टानिलमूत्रविड्भिरद्यात् प्रसन्नागुडसीधुपायी||१८||
প্রসন্না মদ্যোপরি স্বচ্ছো ভাগঃ| গুডকৃতঃ সীধুঃ গুডসীধুঃ||১৮||
Adhikarana 6 (19) · Śloka 19
ভূযোঽনুবন্ধে তু ভবেদ্বিরেচ্যো মূত্রপ্রসন্নাদধিমণ্ডশুক্তৈঃ|
স্বস্থং তু পশ্চাদনুবাসযেত্তং রৌক্ষ্যাদ্ধি সঙ্গোঽনিলবর্চসোশ্চেত্||১৯||
View original
भूयोऽनुबन्धे तु भवेद्विरेच्यो मूत्रप्रसन्नादधिमण्डशुक्तैः|
स्वस्थं तु पश्चादनुवासयेत्तं रौक्ष्याद्धि सङ्गोऽनिलवर्चसोश्चेत्||१९||
ভূযোঽনুবন্ধে ইতি বস্তিপ্রযোগে সত্যপ্যুদাবর্তানুবন্ধে| এতচ্চ বিরেচনং বস্তিদানাত্ সপ্তাহাদূর্ধ্বম্| যদুক্তং- “নরো বিরিক্তস্তু নিরূহদানং বিবর্জযেত্ সপ্তদিনান্যবশ্যম্| শুদ্ধো নিরূহেণ বিরেচনং চ” (সি.অ.১) ইতি||১৯||
Adhikarana 7 (20-22) · Śloka 22
দ্বিরুত্তরং হিঙ্গু বচাগ্নিকুষ্ঠং সুবর্চিকা চৈব বিডঙ্গচূর্ণম্|
সুখাম্বুনাঽঽনাহবিসূচিকার্তিহৃদ্রোগগুল্মোর্ধ্বসমীরণঘ্নম্ ||২০||
বচাভযাচিত্রকযাবশূকান্ সপিপ্পলীকাতিবিষান্ সকুষ্ঠান্|
উষ্ণাম্বুনাঽঽনাহবিমূঢবাতান্ পীত্বা জযেদাশু রসৌদনাশী||২১||
হিঙ্গূগ্রগন্ধাবিডশুণ্ঠ্যজাজীহরীতকীপুষ্করমূলকুষ্ঠম্|
যথোত্তরং ভাগবিবৃদ্ধমেতত্ প্লীহোদরাজীর্ণবিসূচিকাসু||২২||
View original
द्विरुत्तरं हिङ्गु वचाग्निकुष्ठं सुवर्चिका चैव विडङ्गचूर्णम्|
सुखाम्बुनाऽऽनाहविसूचिकार्तिहृद्रोगगुल्मोर्ध्वसमीरणघ्नम् ||२०||
वचाभयाचित्रकयावशूकान् सपिप्पलीकातिविषान् सकुष्ठान्|
उष्णाम्बुनाऽऽनाहविमूढवातान् पीत्वा जयेदाशु रसौदनाशी||२१||
हिङ्गूग्रगन्धाबिडशुण्ठ्यजाजीहरीतकीपुष्करमूलकुष्ठम्|
यथोत्तरं भागविवृद्धमेतत् प्लीहोदराजीर्णविसूचिकासु||२२||
দ্বিরুত্তরেত্যাদৌ যথোত্তরং দ্রব্যাণাং দ্বৈগুণ্যম্| সুবর্চিকা স্বর্জিকাক্ষারঃ| সুখাম্বুনা ‘পীতম্’ ইতি শেষঃ| উগ্রগন্ধা অজমোদা||২০-২২||
Adhikarana 8 (23) · Śloka 23
স্থিরাদিবর্গস্য পুনর্নবাযাঃ শম্পাকপূতীককরঞ্জযোশ্চ|
সিদ্ধঃ কষাযে দ্বিপলাংশিকানাং প্রস্থো ঘৃতাত্ স্যাত্ প্রতিরুদ্ধবাতে||২৩||
View original
स्थिरादिवर्गस्य पुनर्नवायाः शम्पाकपूतीककरञ्जयोश्च|
सिद्धः कषाये द्विपलांशिकानां प्रस्थो घृतात् स्यात् प्रतिरुद्धवाते||२३||
স্থিরাদিবর্গস্যেতি অল্পপঞ্চমূলস্য| শম্পাকপূতীককরঞ্জযোশ্চেত্যত্র পূতীকশব্দঃ করঞ্জবিশেষণম্| তথাহি জতূকর্ণঃ- “আরগ্বধপূতিকপুনর্নবাস্থিরাদ্যৈর্ঘৃতং সিদ্ধমঃ” ইত্যাদি||২৩||
Adhikarana 9 (24-25) · Śloka 25
ফলং চ মূলং চ বিরেচনোক্তং হিঙ্গ্বর্কমূলং দশমূলমগ্র্যম্|
স্নুক্ চিত্রকশ্চৈব পুনর্নবা চ তুল্যানি সর্বৈর্লবণানি পঞ্চ||২৪||
স্নেহৈঃ সমূত্রৈঃ সহ জর্জরাণি শরাবসন্ধৌ বিপচেত্ সুলিপ্তে|
পক্বং সুপিষ্টং লবণং তদন্নৈঃ পানৈস্তথাঽঽনাহরুজাঘ্নমদ্যাত্||২৫||
View original
फलं च मूलं च विरेचनोक्तं हिङ्ग्वर्कमूलं दशमूलमग्र्यम्|
स्नुक् चित्रकश्चैव पुनर्नवा च तुल्यानि सर्वैर्लवणानि पञ्च||२४||
स्नेहैः समूत्रैः सह जर्जराणि शरावसन्धौ विपचेत् सुलिप्ते|
पक्वं सुपिष्टं लवणं तदन्नैः पानैस्तथाऽऽनाहरुजाघ्नमद्यात्||२५||
ফলং চ মূলং চ বিরেচনোক্তমিতি দীর্ঘঞ্জীবিতীযে (সূ.অ.১) মূলিনীফলিনীবিরেচনকর্মণ্যুক্তং; কিংবা কল্পে বিরেচনযোগেষু বক্ষ্যমাণম্||২৪-২৫||
Adhikarana 10 (26-31) · Śloka 31
হৃত্স্তম্ভমূর্ধামযগৌরবাভ্যামুদ্গারসঙ্গেন সপীনসেন|
আনাহমামপ্রভবং জযেত্তু প্রচ্ছর্দনৈর্লঙ্ঘনপাচনৈশ্চ||২৬||
(গুল্মোদরব্রধ্নার্শঃপ্লীহোদাবর্তযোনিশুক্রগদে |
মেদঃকফসংসৃষ্টে মারুতরক্তেঽবগাঢে চ||২৭||
গৃধ্রসিপক্ষবধাদিষু বিরেচনার্হেষু বাতরোগেষু|
বাতে বিবদ্ধমার্গে মেদঃকফপিত্তরক্তেন||২৮||
পযসা মাংসরসৈর্বা ত্রিফলারসযূষমূত্রমদিরাভিঃ|
দোষানুবন্ধযোগাত্ প্রশস্তমেরণ্ডজং তৈলম্||২৯||
তদ্বাতনুত্স্বভাবাত্ সংযোগবশাদ্বিরেচনাচ্চ জযেত্|
মেদোসৃক্পিত্তকফোন্মিশ্রানিলরোগজিত্তস্মাত্||৩০||
বলকোষ্ঠব্যাধিবশাদাপঞ্চপলা ভবেন্মাত্রা|
মৃদুকোষ্ঠাল্পবলানাং সহ ভোজ্যং তত্প্রযোজ্যং স্যত্)||৩১||
ইত্যুদাবর্তচিকিত্সা|
View original
हृत्स्तम्भमूर्धामयगौरवाभ्यामुद्गारसङ्गेन सपीनसेन|
आनाहमामप्रभवं जयेत्तु प्रच्छर्दनैर्लङ्घनपाचनैश्च||२६||
(गुल्मोदरब्रध्नार्शःप्लीहोदावर्तयोनिशुक्रगदे |
मेदःकफसंसृष्टे मारुतरक्तेऽवगाढे च||२७||
गृध्रसिपक्षवधादिषु विरेचनार्हेषु वातरोगेषु|
वाते विबद्धमार्गे मेदःकफपित्तरक्तेन||२८||
पयसा मांसरसैर्वा त्रिफलारसयूषमूत्रमदिराभिः|
दोषानुबन्धयोगात् प्रशस्तमेरण्डजं तैलम्||२९||
तद्वातनुत्स्वभावात् संयोगवशाद्विरेचनाच्च जयेत्|
मेदोसृक्पित्तकफोन्मिश्रानिलरोगजित्तस्मात्||३०||
बलकोष्ठव्याधिवशादापञ्चपला भवेन्मात्रा|
मृदुकोष्ठाल्पबलानां सह भोज्यं तत्प्रयोज्यं स्यत्)||३१||
इत्युदावर्तचिकित्सा|
হৃদিত্যাদিনা উদাবর্তস্যৈব হেতুলক্ষণবিশেষকৃতামানাহসঞ্জ্ঞাং প্রদর্শ্য তত্র ভেষজমাহ||২৬-৩১||
Adhikarana 11 (32-35) · Śloka 35
ব্যাযামতীক্ষ্ণৌষধরূক্ষমদ্যপ্রসঙ্গনিত্যদ্রুতপৃষ্ঠযানাত্|
আনূপমত্স্যাধ্যশনাদজীর্ণাত্ স্যুর্মূত্রকৃচ্ছ্রাণি নৃণামিহাষ্টৌ||৩২||
পৃথঙ্মলাঃ স্বৈঃ কুপিতা নিদানৈঃ সর্বেঽথবা কোপমুপেত্য বস্তৌ|
মূত্রস্য মার্গং পরিপীডযন্তি যদা তদা মূত্রযতীহ কৃচ্ছ্রাত্||৩৩||
তীব্রা রুজো বঙ্ক্ষণবস্তিমেঢ্রে স্বল্পং মুহুর্মূত্রযতীহ বাতাত্|
পীতং সরক্তং সরুজং সদাহং কৃচ্ছ্রান্মুহুর্মূত্রযতীহ পিত্তাত্||৩৪||
বস্তেঃ সলিঙ্গস্য গুরুত্বশোথৌ মূত্রং সপিচ্ছং কফমূত্রকৃচ্ছ্রে|
সর্বাণি রূপাণি তু সন্নিপাতাদ্ভবন্তি তত্ কৃচ্ছ্রতমং হি কৃচ্ছ্রম্||৩৫||
View original
व्यायामतीक्ष्णौषधरूक्षमद्यप्रसङ्गनित्यद्रुतपृष्ठयानात्|
आनूपमत्स्याध्यशनादजीर्णात् स्युर्मूत्रकृच्छ्राणि नृणामिहाष्टौ||३२||
पृथङ्मलाः स्वैः कुपिता निदानैः सर्वेऽथवा कोपमुपेत्य बस्तौ|
मूत्रस्य मार्गं परिपीडयन्ति यदा तदा मूत्रयतीह कृच्छ्रात्||३३||
तीव्रा रुजो वङ्क्षणबस्तिमेढ्रे स्वल्पं मुहुर्मूत्रयतीह वातात्|
पीतं सरक्तं सरुजं सदाहं कृच्छ्रान्मुहुर्मूत्रयतीह पित्तात्||३४||
बस्तेः सलिङ्गस्य गुरुत्वशोथौ मूत्रं सपिच्छं कफमूत्रकृच्छ्रे|
सर्वाणि रूपाणि तु सन्निपाताद्भवन्ति तत् कृच्छ्रतमं हि कृच्छ्रम्||३५||
ব্যাযামেত্যাদিনা বস্ত্যাশ্রযরোগেষু মূত্রকৃচ্ছ্রাণ্যাহ| পৃথগিত্যাদিনা বাতপিত্তকফসন্নিপাতজানাং মূত্রকৃচ্ছ্রাণাং সম্প্রাপ্তিমাহ| তীব্রা হি রুগিত্যাদিনা চতুর্ণাং প্রত্যেকং রূপমাহ||৩২-৩৫||
Adhikarana 12 (36) · Śloka 36
বিশোষযেদ্বস্তিগতং সশুক্রং মূত্রং সপিত্তং পবনঃ কফং বা|
যদা তদাঽশ্মর্যুপজাযতে তু ক্রমেণ পিত্তেষ্বিব রোচনা গোঃ||৩৬||
View original
विशोषयेद्बस्तिगतं सशुक्रं मूत्रं सपित्तं पवनः कफं वा|
यदा तदाऽश्मर्युपजायते तु क्रमेण पित्तेष्विव रोचना गोः||३६||
বিশোষযেদিত্যাদিনা চতুষ্প্রকারানপ্যশ্মরীরোগানাহ| তন্ত্রান্তরেঽশ্মর্যস্তু বাতপিত্তকফশুক্রজা উক্তাঃ; যদ্যপি সর্বাশ্মরীষু দোষত্রযজন্যত্বমস্তি, “সংহন্ত্যাপো যথা দিব্যা মারুতোঽগ্নিশ্চ বৈদ্যুতঃ| তদ্বদ্বলাসং বস্তিস্থমূষ্মা সংহন্তি সনিলঃ” (সু. নি. অ. ৩) ইতি সুশ্রুত প্রতিপাদিতং; তথাঽপ্যুত্কটৈকদোষাভিপ্রাযেণ বাতজাদিব্যপদেশো জ্ঞেযঃ| বাতজাযামশ্মর্যাং প্রবলেন বাযুনা মূত্রশোষে ক্রিযমাণে তদ্গতঃ কফ এবাশ্মরীরূপঃ ক্রিযতে, এবং পিত্তাশ্মর্যামপি জ্ঞেযম্, অত এব সুশ্রুতে শ্লেষ্মাধিষ্ঠানাঃ সর্বা এবাশ্মর্য উক্তাঃ| অশ্মর্যুত্পাদে দৃষ্টান্তমাহ- পিত্তেষ্বিব রোচনা গোরিতি; পিত্তেষ্বিতি বহুবচনং পিত্তবহুত্বাপেক্ষযা ||৩৬||
Adhikarana 13 (37-38) · Śloka 39
কদম্বপুষ্পাকৃতিরশ্মতুল্যা শ্লক্ষ্ণা ত্রিপুট্যপ্যথবাঽপি মৃদ্বী|
মূত্রস্য চেন্মার্গমুপৈতি রুদ্ধ্বা মূত্রং রুজং তস্য করোতি বস্তৌ||৩৭||
সসেবনীমেহনবস্তিশূলং বিশীর্ণধারং চ করোতি মূত্রম্|
মৃদ্নাতি মেঢ্রং স তু বেদনার্তো মুহুঃ শকৃন্মুঞ্চতি মেহতে চ||৩৮||
ক্ষোভাত্ ক্ষতে মূত্রযতীহ সাসৃক্ তস্যাঃ সুখং মেহতি চ ব্যপাযাত্|৩৯|
View original
कदम्बपुष्पाकृतिरश्मतुल्या श्लक्ष्णा त्रिपुट्यप्यथवाऽपि मृद्वी|
मूत्रस्य चेन्मार्गमुपैति रुद्ध्वा मूत्रं रुजं तस्य करोति बस्तौ||३७||
ससेवनीमेहनबस्तिशूलं विशीर्णधारं च करोति मूत्रम्|
मृद्नाति मेढ्रं स तु वेदनार्तो मुहुः शकृन्मुञ्चति मेहते च||३८||
क्षोभात् क्षते मूत्रयतीह सासृक् तस्याः सुखं मेहति च व्यपायात्|३९|
কদম্বপুষ্পাকৃত্যাদযো বিশেষা যথাযোগ্যতযা দোষভেদাদুন্নেযাঃ| তত্র বাতেন কদম্বপুষ্পাকৃতিস্ত্রিপুটী চ, পিত্তেনাশ্মতুল্যা শ্লক্ষ্ণা, মৃদ্বী কফেন শুক্রেণ চ| ক্ষোভাত্ ক্ষত ইতি অশ্মরীক্ষোভান্মূত্রমার্গে বস্তৌ বা ক্ষতে| তস্যা ইতি অশ্মর্যাঃ| ব্যপাযাদিতি মূত্রমার্গাপগমাত্| সুখমিতি নির্বেদনম্||৩৭-৩৮||-
Adhikarana 14 (39-41) · Śloka 41
এষাঽশ্মরী মারুতভিন্নমূর্তিঃ স্যাচ্ছর্করা মূত্রপথাত্ ক্ষরন্তী||৩৯||
(রেতোঽভিঘাতাভিহতস্য পুংসঃ প্রবর্ততে যস্য তু মূত্রকৃচ্ছ্রম্|
স্যাদ্বেদনা বঙ্ক্ষণবস্তিমেঢ্রে তস্যাতিশূলং বৃষণাতিবৃত্তে||৪০||
শুক্রেণ সংরুদ্ধগতিপ্রবাহো মূত্রং স কৃচ্ছ্রেণ বিমুঞ্চতীহ|
তমণ্ডযোঃ স্তব্ধমিতি ব্রুবন্তি রেতোঽভিঘাতাত্ প্রবদন্তি কৃচ্ছ্রম্ )||৪১||
View original
एषाऽश्मरी मारुतभिन्नमूर्तिः स्याच्छर्करा मूत्रपथात् क्षरन्ती||३९||
(रेतोऽभिघाताभिहतस्य पुंसः प्रवर्तते यस्य तु मूत्रकृच्छ्रम्|
स्याद्वेदना वङ्क्षणबस्तिमेढ्रे तस्यातिशूलं वृषणातिवृत्ते||४०||
शुक्रेण संरुद्धगतिप्रवाहो मूत्रं स कृच्छ्रेण विमुञ्चतीह|
तमण्डयोः स्तब्धमिति ब्रुवन्ति रेतोऽभिघातात् प्रवदन्ति कृच्छ्रम् )||४१||
এষেত্যাদিনা শর্করামাহ| ভিন্নমূর্তিরিতি অণুরূপতযা ভেদিতমূর্তিঃ| অত এব মূত্রপথাত্ ক্ষরন্তীত্যুক্তম্| তেন বাতেন দ্বিধা ত্রিধা ভিন্নাঽনেকধা বাঽশ্মরী মূত্রপথেন ক্ষরন্তী শর্করেব ভবতি||৩৯-৪১||
Adhikarana 15 (42) · Śloka 43
শুক্রং মলাশ্চৈব পৃথক্ পৃথগ্বা মূত্রাশযস্থাঃ প্রতিবারযন্তি|
তদ্ব্যাহতং মেহনবস্তিশূলং মূত্রং সশুক্রং কুরুতে বিবদ্ধম্||৪২||
স্তব্ধশ্চ শূনো ভৃশবেদনশ্চ তুদ্যেত বস্তির্বৃষণৌ চ তস্য|৪৩|
View original
शुक्रं मलाश्चैव पृथक् पृथग्वा मूत्राशयस्थाः प्रतिवारयन्ति|
तद्व्याहतं मेहनबस्तिशूलं मूत्रं सशुक्रं कुरुते विबद्धम्||४२||
स्तब्धश्च शूनो भृशवेदनश्च तुद्येत बस्तिर्वृषणौ च तस्य|४३|
শুক্রং মলা ইত্যাদিনা শুক্রজমূত্রকৃচ্ছ্রলক্ষণম্| মূত্রাশযস্থা ইতি মূত্রমার্গস্থিতাঃ||৪২||-
Adhikarana 16 (43-44) · Śloka 44
ক্ষতাভিঘাতাত্ ক্ষতজং ক্ষযাদ্বা প্রকোপিতং বস্তিগতং বিবদ্ধম্||৪৩||
তীব্রার্তি মূত্রেণ সহাশ্মরীত্বমাযাতি তস্মিন্নতিসঞ্চিতে চ|
আধ্মাততাং বিন্দতি গৌরবং চ বস্তের্লঘুত্বং চ বিনিঃসৃতেঽস্মিন্||৪৪||
ইতি মূত্রকৃচ্ছ্রনিদানম্|
View original
क्षताभिघातात् क्षतजं क्षयाद्वा प्रकोपितं बस्तिगतं विबद्धम्||४३||
तीव्रार्ति मूत्रेण सहाश्मरीत्वमायाति तस्मिन्नतिसञ्चिते च|
आध्माततां विन्दति गौरवं च बस्तेर्लघुत्वं च विनिःसृतेऽस्मिन्||४४||
इति मूत्रकृच्छ्रनिदानम्|
ক্ষতেত্যাদিনা রক্তজং মূত্রকৃচ্ছ্রমাহ| ক্ষতজমিতি রক্তম্| ক্ষযাদ্বা প্রকোপিতমিতি অতিব্যবাযাচ্ছুক্রক্ষযে সতি বাযুনোদীর্য বস্তিমানীতম্| আধ্মাততামিতি বস্তিপূর্ণতাম্| তস্মিন্নিতি রক্তে অতিসঞ্চিতে| এবং সূত্রস্থানোদ্দিষ্টা অষ্টৌ মূত্রঘাতা মূত্রকৃচ্ছ্রশব্দেনেহ নির্দিশ্য ব্যাকৃতাঃ| যে তু ত্রিমর্মীযসিদ্ধৌ ত্রযোদশ মূত্রাঘাতা বক্তব্যাস্তে সূত্রস্থানেঽসূত্রিতা অপি একাদশক্ষুদ্রকুষ্ঠবদন্তর্ভাবনীযাঃ| মূত্রাঘাতমূত্রকৃচ্ছ্রযোশ্চাযং বিশেষঃ- যন্মূত্রকৃচ্ছ্রে মূত্রং কৃচ্ছ্রেণ বহতি, মূত্রাঘাতে মূত্রং শোষ্যতে প্রতিহন্যতে বা; সুশ্রুতেঽপি চ মূত্রকৃচ্ছ্রমূত্রাঘাতযোর্বিশেষোঽধ্যাযভেদেনৈবোক্তঃ| অন্যে তু মূত্রকৃচ্ছ্রবিশেষানেব মূত্রাঘাতানাহুঃ, যথাযোগ্যতযা বাতপিত্তাদিচতুর্ষু মূত্রকৃচ্ছ্রেষু মূত্রাঘাতানন্তর্ভাবযন্তি; তেন ন পৃথঙ্মূত্রাঘাতাভিধানম্||৪৩-৪৪||
Adhikarana 17 (45-48) · Śloka 48
অভ্যঞ্জনস্নেহনিরূহবস্তিস্নেহোপনাহোত্তরবস্তিসেকান্|
স্থিরাদিভির্বাতহরৈশ্চ সিদ্ধান্ দদ্যাদ্রসাংশ্চানিলমূত্রকৃচ্ছ্রে||৪৫||
পুনর্নবৈরণ্ডশতাবরীভিঃ পত্তূরবৃশ্চীরবলাশ্মভিদ্ভিঃ|
দ্বিপঞ্চমূলেন কুলত্থকোলযবৈশ্চ তোযোত্ক্বথিতে কষাযে||৪৬||
তৈলং বরাহর্ক্ষবসা ঘৃতং চ তৈরেব কল্কৈর্লবণৈশ্চ সাধ্যম্|
তন্মাত্রযাঽঽশু প্রতিহন্তি পীতং শূলান্বিতং মারুতমূত্রকৃচ্ছ্রম্||৪৭||
এতানি চান্যানি বরৌষধানি পিষ্টানি শস্তান্যপি চোপনাহে|
স্যুর্লাভতস্তৈলফলানি চৈব স্নেহাম্লযুক্তানি সুখোষ্ণবন্তি||৪৮||
View original
अभ्यञ्जनस्नेहनिरूहबस्तिस्नेहोपनाहोत्तरबस्तिसेकान्|
स्थिरादिभिर्वातहरैश्च सिद्धान् दद्याद्रसांश्चानिलमूत्रकृच्छ्रे||४५||
पुनर्नवैरण्डशतावरीभिः पत्तूरवृश्चीरबलाश्मभिद्भिः|
द्विपञ्चमूलेन कुलत्थकोलयवैश्च तोयोत्क्वथिते कषाये||४६||
तैलं वराहर्क्षवसा घृतं च तैरेव कल्कैर्लवणैश्च साध्यम्|
तन्मात्रयाऽऽशु प्रतिहन्ति पीतं शूलान्वितं मारुतमूत्रकृच्छ्रम्||४७||
एतानि चान्यानि वरौषधानि पिष्टानि शस्तान्यपि चोपनाहे|
स्युर्लाभतस्तैलफलानि चैव स्नेहाम्लयुक्तानि सुखोष्णवन्ति||४८||
মূত্রকৃচ্ছ্রে চিকিত্সামাহ- অভ্যঞ্জনেত্যাদি| স্থিরাদিভিঃ পঞ্চমূলৈঃ| বাতহরৈরিতি তত্র তত্র বাতহরত্বেন প্রতিপাদিতৈঃ| পত্তূরঃ শালিঞ্চকা| অশ্মভিত্ পাষাণভেদঃ| অন্যানীতি এবঙ্গুণান্যেবান্যানি| তৈলফলানি তিলোমাস্ফোতাদীনি||৪৫-৪৮||
Adhikarana 18 (49-51) · Śloka 51
সেকাবগাহাঃ শিশিরাঃ প্রদেহা গ্রৈষ্মো বিধির্বস্তিপযোবিরেকাঃ|
দ্রাক্ষাবিদারীক্ষুরসৈর্ঘৃতৈশ্চ কৃচ্ছ্রেষু পিত্তপ্রভবেষু কার্যাঃ||৪৯||
শতাবরীকাশকুশশ্বদংষ্ট্রাবিদারিশালীক্ষুকশেরুকাণাম্|
ক্বাথং সুশীতং মধুশর্করাভ্যাং যুক্তং পিবেত্ পৈত্তিকমূত্রকৃচ্ছ্রী||৫০||
পিবেত্ কষাযং কমলোত্পলানাং শৃঙ্গাটকানামথবা বিদার্যাঃ|
দণ্ডৈরকাণামথবাঽপি মূলং পূর্বেণ কল্পেন তথাঽম্বু শীতম্||৫১||
View original
सेकावगाहाः शिशिराः प्रदेहा ग्रैष्मो विधिर्बस्तिपयोविरेकाः|
द्राक्षाविदारीक्षुरसैर्घृतैश्च कृच्छ्रेषु पित्तप्रभवेषु कार्याः||४९||
शतावरीकाशकुशश्वदंष्ट्राविदारिशालीक्षुकशेरुकाणाम्|
क्वाथं सुशीतं मधुशर्कराभ्यां युक्तं पिबेत् पैत्तिकमूत्रकृच्छ्री||५०||
पिबेत् कषायं कमलोत्पलानां शृङ्गाटकानामथवा विदार्याः|
दण्डैरकाणामथवाऽपि मूलं पूर्वेण कल्पेन तथाऽम्बु शीतम्||५१||
গ্রৈষ্মো বিধিরিতি তস্যাশীতীযোক্তো গ্রীষ্মবিধিঃ| তত্র শিশিরাবেব সেকাবগাহৌ যদ্যপ্যুক্তৌ, তথাঽপি বিশেষেণ শিশিরসেকাবগাহকরণার্থং পুনরভিধানম্| দণ্ডৈরকা ‘হোগ্গল’ ইতি খ্যাতা| পূর্বেণ কল্পেনেতি ক্বাথেন মধুশর্করযোর্যোগেন চ||৪৯-৫১||
Adhikarana 19 (52-53) · Śloka 53
এর্বারুবীজং ত্রপুষাত্ কুসুম্ভাত্ সকুঙ্কুমঃ স্যাদ্বৃষকশ্চ পেযঃ|
দ্রাক্ষারসেনাশ্মরিশর্করাসু সর্বেষু কৃচ্ছ্রেষু প্রশস্ত এষঃ||৫২||
এর্বারুবীজং মধুকং সদারু পৈত্তে পিবেত্তণ্ডুলধাবনেন|
দার্বীং তথৈবামলকীরসেন সমাক্ষিকাং পিত্তকৃতে তু কৃচ্ছ্রে||৫৩||
View original
एर्वारुबीजं त्रपुषात् कुसुम्भात् सकुङ्कुमः स्याद्वृषकश्च पेयः|
द्राक्षारसेनाश्मरिशर्करासु सर्वेषु कृच्छ्रेषु प्रशस्त एषः||५२||
एर्वारुबीजं मधुकं सदारु पैत्ते पिबेत्तण्डुलधावनेन|
दार्वीं तथैवामलकीरसेन समाक्षिकां पित्तकृते तु कृच्छ्रे||५३||
ত্রপুষাত্ কুসুম্ভাদিত্যত্র বীজমিতি সম্বধ্যতে||৫২-৫৩||
Adhikarana 20 (54-57) · Śloka 57
ক্ষারোষ্ণতীক্ষ্ণৌষধমন্নপানং স্বেদো যবান্নং বমনং নিরূহাঃ|
তক্রং সতিক্তৌষধসিদ্ধতৈলমভ্যঙ্গপানং কফমূত্রকৃচ্ছ্রে||৫৪||
ব্যোষং শ্বদংষ্ট্রাত্রুটিসারসাস্থি কোলপ্রমাণং মধুমূত্রযুক্তম্|
পিবেত্ত্রুটিং ক্ষৌদ্রযুতাং কদল্যা রসেন কৈডর্যরসেন বাঽপি||৫৫||
তক্রেণ যুক্তং শিতিবারকস্য বীজং পিবেত্ কৃচ্ছ্রবিনাশহেতোঃ|
পিবেত্তথা তণ্ডুলধাবনেন প্রবালচূর্ণং কফমূত্রকৃচ্ছ্রে||৫৬||
সপ্তচ্ছদারগ্বধকেবুকৈলাধবং করঞ্জং কুটজং গুডূচীম্|
পক্ত্বা জলে তেন পিবেদ্যবাগূং সিদ্ধং কষাযং মধুসংযুতং বা||৫৭||
View original
क्षारोष्णतीक्ष्णौषधमन्नपानं स्वेदो यवान्नं वमनं निरूहाः|
तक्रं सतिक्तौषधसिद्धतैलमभ्यङ्गपानं कफमूत्रकृच्छ्रे||५४||
व्योषं श्वदंष्ट्रात्रुटिसारसास्थि कोलप्रमाणं मधुमूत्रयुक्तम्|
पिबेत्त्रुटिं क्षौद्रयुतां कदल्या रसेन कैडर्यरसेन वाऽपि||५५||
तक्रेण युक्तं शितिवारकस्य बीजं पिबेत् कृच्छ्रविनाशहेतोः|
पिबेत्तथा तण्डुलधावनेन प्रवालचूर्णं कफमूत्रकृच्छ्रे||५६||
सप्तच्छदारग्वधकेबुकैलाधवं करञ्जं कुटजं गुडूचीम्|
पक्त्वा जले तेन पिबेद्यवागूं सिद्धं कषायं मधुसंयुतं वा||५७||
ক্ষারোষ্ণেত্যাদি| কফকৃচ্ছ্রে ক্ষারাদিভির্যুক্তং ভেষজমন্নপানং চ প্রযোজ্যম্| ব্যোষং ত্রিকটুকম্| ত্রুটিঃ এলা| সারসঃ পক্ষী স্বনামখ্যাতঃ| কোলপ্রমাণমিতি অষ্টমাষকমানম্| কৈটর্যঃ পার্বতো নিম্বঃ| শিতিবারকঃ শালিঞ্চঃ||৫৪-৫৭||
Adhikarana 21 (58) · Śloka 58
সর্বং ত্রিদোষপ্রভবে তু বাযোঃ স্থানানুপূর্ব্যা প্রসমীক্ষ্য কার্যম্|
ত্রিভ্যোঽধিকে প্রাগ্বমনং কফে স্যাত্ পিত্তে বিরেকঃ পবনে তু বস্তিঃ||৫৮||
ইতি মূত্রকৃচ্ছ্রচিকিত্সা|
View original
सर्वं त्रिदोषप्रभवे तु वायोः स्थानानुपूर्व्या प्रसमीक्ष्य कार्यम्|
त्रिभ्योऽधिके प्राग्वमनं कफे स्यात् पित्ते विरेकः पवने तु बस्तिः||५८||
इति मूत्रकृच्छ्रचिकित्सा|
সর্বমিত্যাদি| এতদেব বাতাদিভেষজং মিলিতং ত্রিদোষপ্রভবে কৃচ্ছ্রে কর্তব্যম্| তচ্চ সমেষ্বপি দোষেষু বাযোঃ স্থানানুপূর্ব্যা চিকিত্সিতং কর্তব্যং, ন জ্বর ইব ত্রিদোষভবে কফস্থানানুপূর্ব্যা কর্তব্যং; মূত্রকৃচ্ছ্রস্য সমত্রিদোষারব্ধত্বেঽপি বাতস্থানভবত্বেন বাযুরেব প্রথমং চিকিত্স্য ইতি ভাবঃ| বিষমসন্নিপাতারব্ধে ক্রিযামাহ- ত্রিভ্যোঽধিকে ইত্যাদি| ত্রিভ্যোঽধিকে ইতি গ্রন্থঃ কফে তথা পিত্তে তথা পবনে ইত্যনেন চ ক্রমেণ সম্বধ্যতে||৫৮||
Adhikarana 22 (59-72) · Śloka 72
ক্রিযা হিতা সাঽশ্মরিশর্করাভ্যাং কৃচ্ছ্রে যথৈবেহ কফানিলাভ্যাম্|
কার্যাঽশ্মরীভেদনপাতনায বিশেষযুক্তং শৃণু কর্ম সিদ্ধম্||৫৯||
পাষাণভেদং বৃষকং শ্বদংষ্ট্রাপাঠাভযাব্যোষশটীনিকুম্ভাঃ|
হিংস্রাখরাশ্বাশিতিবারকাণামের্বারুকাণাং ত্রপুষস্য বীজম্||৬০||
উত্কুঞ্চিকা হিঙ্গু সবেতসাম্লং স্যাদ্দ্বে বৃহত্যৌ হপুষা বচা চ|
চূর্ণং পিবেদশ্মরিভেদপক্বং সর্পিশ্চ গোমূত্রচতুর্গুণং তৈঃ||৬১||
মূলং শ্বদংষ্ট্রেক্ষুরকোরুবূকাত্ ক্ষীরেণ পিষ্টং বৃহতীদ্বযাচ্চ|
আলোড্য দধ্না মধুরেণ পেযং দিনানি সপ্তাশ্মরিভেদনায||৬২||
পুনর্নবাযোরজনীশ্বদংষ্ট্রাফল্গুপ্রবালাশ্চ সদর্ভপুষ্পাঃ|
ক্ষীরাম্বুমদ্যেক্ষুরসৈঃ সুপিষ্টং পেযং ভবেদশ্মরিশর্করাসু||৬৩||
ত্রুটিং সুরাহ্বং লবণানি পঞ্চ যবাগ্রজং কুন্দুরুকাশ্মভেদৌ|
কম্পিল্লকং গোক্ষুরকস্য বীজমের্বারুবীজং ত্রপুষস্য বীজম্||৬৪||
চূর্ণীকৃতং চিত্রকহিঙ্গুমাসীযবানিতুল্যং ত্রিফলাদ্বিভাগম্|
অম্লৈরশুক্তৈ রসমদ্যযুষৈঃ পেযং হি গুল্মাশ্মরিভেদনার্থম্||৬৫||
বিল্বপ্রমাণো ঘৃততৈলভৃষ্টো যূষঃ কৃতঃ শিগ্রুকমূলকল্কাত্|
শীতোঽশ্মভিত্ স্যাদ্দধিমণ্ডযুক্তঃ পেযঃ প্রকামং লবণেন যুক্তঃ||৬৬||
জলেন শোভাঞ্জনমূলকল্কঃ শীতো হিতশ্চাশ্মরিশর্করাসু|
সিতোপলা বা সমযাবশূকা কৃচ্ছ্রেষু সর্বেষ্বপি ভেষজং স্যাত্||৬৭||
পীত্বাঽথ মদ্যং নিগদং রথেন হযেন বা শীঘ্রজবেন যাযাত্|
তৈঃ শর্করা প্রচ্যবতেঽশ্মরী তু শম্যেন্ন চেচ্ছল্যবিদুদ্ধরেত্তাম্||৬৮||
রেতোভিঘাতপ্রভবে তু কৃচ্ছ্রে সমীক্ষ্য দোষং প্রতিকর্ম কুর্যাত্|
কার্পাসমূলং বৃষকাশ্মভেদৌ বলা স্থিরাদীনি গবেধুকা চ||৬৯||
বৃশ্চীর ঐন্দ্রী চ পুনর্নবা চ শতাবরী মধ্বসনাখ্যপর্ণ্যৌ|
তত্ক্বাথসিদ্ধঃ পবনে রসঃ স্যাত্ পিত্তেঽধিকে ক্ষীরমথাপি সর্পিঃ||৭০||
কফে চ যূষাদিকমন্নপানং সংসর্গজে সর্বহিতঃ ক্রমঃ স্যাত্|
এবং ন চেচ্ছাম্যতি তস্য যুঞ্জ্যাত্ সুরাং পুরাণাং মধুকাসবং বা||৭১||
বিহঙ্গমাংসানি চ বৃংহণায বস্তীংশ্চ শুক্রাশযশোধনার্থম্|
শুদ্ধস্য তৃপ্তস্য চ বৃষ্যযোগৈঃ প্রিযানুকূলাঃ প্রমদা বিধেযাঃ||৭২||
View original
क्रिया हिता साऽश्मरिशर्कराभ्यां कृच्छ्रे यथैवेह कफानिलाभ्याम्|
कार्याऽश्मरीभेदनपातनाय विशेषयुक्तं शृणु कर्म सिद्धम्||५९||
पाषाणभेदं वृषकं श्वदंष्ट्रापाठाभयाव्योषशटीनिकुम्भाः|
हिंस्राखराश्वाशितिवारकाणामेर्वारुकाणां त्रपुषस्य बीजम्||६०||
उत्कुञ्चिका हिङ्गु सवेतसाम्लं स्याद्द्वे बृहत्यौ हपुषा वचा च|
चूर्णं पिबेदश्मरिभेदपक्वं सर्पिश्च गोमूत्रचतुर्गुणं तैः||६१||
मूलं श्वदंष्ट्रेक्षुरकोरुबूकात् क्षीरेण पिष्टं बृहतीद्वयाच्च|
आलोड्य दध्ना मधुरेण पेयं दिनानि सप्ताश्मरिभेदनाय||६२||
पुनर्नवायोरजनीश्वदंष्ट्राफल्गुप्रवालाश्च सदर्भपुष्पाः|
क्षीराम्बुमद्येक्षुरसैः सुपिष्टं पेयं भवेदश्मरिशर्करासु||६३||
त्रुटिं सुराह्वं लवणानि पञ्च यवाग्रजं कुन्दुरुकाश्मभेदौ|
कम्पिल्लकं गोक्षुरकस्य बीजमेर्वारुबीजं त्रपुषस्य बीजम्||६४||
चूर्णीकृतं चित्रकहिङ्गुमासीयवानितुल्यं त्रिफलाद्विभागम्|
अम्लैरशुक्तै रसमद्ययुषैः पेयं हि गुल्माश्मरिभेदनार्थम्||६५||
बिल्वप्रमाणो घृततैलभृष्टो यूषः कृतः शिग्रुकमूलकल्कात्|
शीतोऽश्मभित् स्याद्दधिमण्डयुक्तः पेयः प्रकामं लवणेन युक्तः||६६||
जलेन शोभाञ्जनमूलकल्कः शीतो हितश्चाश्मरिशर्करासु|
सितोपला वा समयावशूका कृच्छ्रेषु सर्वेष्वपि भेषजं स्यात्||६७||
पीत्वाऽथ मद्यं निगदं रथेन हयेन वा शीघ्रजवेन यायात्|
तैः शर्करा प्रच्यवतेऽश्मरी तु शम्येन्न चेच्छल्यविदुद्धरेत्ताम्||६८||
रेतोभिघातप्रभवे तु कृच्छ्रे समीक्ष्य दोषं प्रतिकर्म कुर्यात्|
कार्पासमूलं वृषकाश्मभेदौ बला स्थिरादीनि गवेधुका च||६९||
वृश्चीर ऐन्द्री च पुनर्नवा च शतावरी मध्वसनाख्यपर्ण्यौ|
तत्क्वाथसिद्धः पवने रसः स्यात् पित्तेऽधिके क्षीरमथापि सर्पिः||७०||
कफे च यूषादिकमन्नपानं संसर्गजे सर्वहितः क्रमः स्यात्|
एवं न चेच्छाम्यति तस्य युञ्ज्यात् सुरां पुराणां मधुकासवं वा||७१||
विहङ्गमांसानि च बृंहणाय बस्तींश्च शुक्राशयशोधनार्थम्|
शुद्धस्य तृप्तस्य च वृष्ययोगैः प्रियानुकूलाः प्रमदा विधेयाः||७२||
ক্রিযা হিতা সেতি যা কফমারুতোত্থে কৃচ্ছ্রে বিহিতা সা মিলিতৈব শর্করাযামশ্মর্যাং চ কর্তব্যা| খরাশ্বা অজমোদা| চূর্ণং পিবেদিত্যত্র জলেনৈব পানম্| ইক্ষুরকঃ কোকিলাক্ষঃ| কুন্দুরুঃ স্বনামখ্যাতঃ| ত্রিফলাদ্বিভাগমিতি ত্রিফলাযাঃ প্রত্যেকং মূলভাগাদ্ ভাগদ্বযম্| অম্লৈরিতি কাঞ্জিকাদিভিঃ| অশুক্তৈরিতি শুক্তবর্জিতৈঃ| মদ্যং চাত্রাম্লগ্রহণগৃহীতমপি বস্তিশোধনত্বাদশমরীভেদকত্বপ্রকর্ষখ্যাপনার্থং পুনরুচ্যতে| অশ্মভিদিতি অশ্মরীভেদী| সিতোপলা শর্করা| শল্যবিদুদ্ধরেদিতি শল্যশাস্ত্রবেত্তা তদুক্তবিধানেনাশ্মরীমাকর্ষেত্| সমীক্ষ্য দোষমিতি দোষমুল্বণং সমীক্ষ্য| প্রতিকর্ম কুর্যাত্ প্রতিকর্ম চিকিত্সিতম্| মধ্বসনাখ্যপর্ণ্যৌ মধুপর্ণী গুডূচী, অসনপর্ণী অপরাজিতা, ‘দারুপর্ণী’ ইত্যপরে| সংসর্গজে ইতি ত্রিদোষানুগতে| বিহঙ্গঃ পক্ষী||৫৯-৭২||
Adhikarana 23 (73-75) · Śloka 75
রক্তোদ্ভবে তূত্পলনালতালকাসেক্ষুবালেক্ষুকশেরুকাণি|
পিবেত্ সিতাক্ষৌদ্রযুতানি খাদেদিক্ষুং বিদারীং ত্রপুষাণি চৈব||৭৩||
ঘৃতং শ্বদংষ্ট্রাস্বরসেন সিদ্ধং ক্ষীরেণ চৈবাষ্টগুণেন পেযম্|
স্থিরাদিকানাং কনকাদিকানামেকৈকশো বা বিধিনৈব তেন||৭৪||
ক্ষীরেণ বস্তির্মধুরৌষধৈঃ স্যাত্তৈলেন বা স্বাদুফলোত্থিতেন|
যন্মূত্রকৃচ্ছ্রে বিহিতং তু পৈত্তে কার্যং তু তচ্ছোণিতমূত্রকৃচ্ছ্রে||৭৫||
View original
रक्तोद्भवे तूत्पलनालतालकासेक्षुबालेक्षुकशेरुकाणि|
पिबेत् सिताक्षौद्रयुतानि खादेदिक्षुं विदारीं त्रपुषाणि चैव||७३||
घृतं श्वदंष्ट्रास्वरसेन सिद्धं क्षीरेण चैवाष्टगुणेन पेयम्|
स्थिरादिकानां कनकादिकानामेकैकशो वा विधिनैव तेन||७४||
क्षीरेण बस्तिर्मधुरौषधैः स्यात्तैलेन वा स्वादुफलोत्थितेन|
यन्मूत्रकृच्छ्रे विहितं तु पैत्ते कार्यं तु तच्छोणितमूत्रकृच्छ्रे||७५||
খাদেদিতি অসিদ্ধান্যেব খাদেত্| ঘৃতং শ্বদংষ্ট্রেত্যাদৌ সাহচর্যাত্ কেচিচ্ছ্বদংষ্ট্রাস্বরসমপ্যষ্টগুণং বদন্তি; তন্ন, স্বরসঃ স্নেহসম এব স্নেহেষু ভবতি, উক্তং হি জতূকর্ণে- “কল্কাচ্চতুর্গুণঃ স্নেহঃ, স্বরসঃ স্নেহসম্মিতঃ” ইতি; তেন ক্ষীরবত্ সর্বস্নেহেষু স্বরসবিধানং জ্ঞেযম্| স্থিরাদিকানামিত্যাদৌ কতকাদিঃ মধুরস্কন্ধে (বি.অ.৮) “...কতককাশ্মর্য... ” ইত্যাদিনোক্তো গণো জ্ঞেযঃ| বিধিনৈব তেনেতি পূর্বঘৃতবিধিনৈব; তেন শ্বদংষ্ট্রাস্থানে স্থিরাদীনি প্রত্যেকং কল্পনীযানি| স্বাদুফলোত্থিতেনেতি মধূকাক্ষোটাদিফলনিষ্পন্নেন তৈলেন||৭৩-৭৫||
Adhikarana 24 (76) · Śloka 76
ব্যাযামসন্ধারণশুষ্করূক্ষপিষ্টান্নবাতার্ককরব্যবাযান্|
খর্জূরশালূককপিত্থজম্বূবিসং কষাযং ন রসং ভজেত||৭৬||
ইত্যশ্মরীচিকিত্সা|
View original
व्यायामसन्धारणशुष्करूक्षपिष्टान्नवातार्ककरव्यवायान्|
खर्जूरशालूककपित्थजम्बूबिसं कषायं न रसं भजेत||७६||
इत्यश्मरीचिकित्सा|
ব্যাযামেত্যাদিনা মূত্রকৃচ্ছ্রেঽপথ্যান্যাহ||৭৬||
Adhikarana 25 (77-80) · Śloka 80
ব্যাযামতীক্ষ্ণাতিবিরেকবস্তিচিন্তাভযত্রাসগদাতিচারাঃ|
ছর্দ্যামসন্ধারণকর্শনানি হৃদ্রোগকর্তৄণি তথাঽভিঘাতঃ||৭৭||
বৈবর্ণ্যমূর্চ্ছাজ্বরকাসহিক্কাশ্বাসাস্যবৈরস্যতৃষাপ্রমোহাঃ|
ছর্দিঃ কফোত্ক্লেশরুজোঽরুচিশ্চ হৃদ্রোগজাঃ স্যুর্বিবিধাস্তথাঽন্যে||৭৮||
হৃচ্ছূন্যভাবদ্রবশোষভেদস্তম্ভাঃ সমোহাঃ পবনাদ্বিশেষঃ|
পিত্তাত্তমোদূযনদাহমোহাঃ সন্ত্রাসতাপজ্বরপীতভাবাঃ||৭৯||
স্তব্ধং গুরু স্যাত্ স্তিমিতং চ মর্ম কফাত্ প্রসেকজ্বরকাসতন্দ্রাঃ|
বিদ্যাত্ত্রিদোষং ত্বপি সর্বলিঙ্গং তীব্রার্তিতোদং কৃমিজং সকণ্ডূম্||৮০||
View original
व्यायामतीक्ष्णातिविरेकबस्तिचिन्ताभयत्रासगदातिचाराः|
छर्द्यामसन्धारणकर्शनानि हृद्रोगकर्तॄणि तथाऽभिघातः||७७||
वैवर्ण्यमूर्च्छाज्वरकासहिक्काश्वासास्यवैरस्यतृषाप्रमोहाः|
छर्दिः कफोत्क्लेशरुजोऽरुचिश्च हृद्रोगजाः स्युर्विविधास्तथाऽन्ये||७८||
हृच्छून्यभावद्रवशोषभेदस्तम्भाः समोहाः पवनाद्विशेषः|
पित्तात्तमोदूयनदाहमोहाः सन्त्रासतापज्वरपीतभावाः||७९||
स्तब्धं गुरु स्यात् स्तिमितं च मर्म कफात् प्रसेकज्वरकासतन्द्राः|
विद्यात्त्रिदोषं त्वपि सर्वलिङ्गं तीव्रार्तितोदं कृमिजं सकण्डूम्||८०||
নিদানাদিক্রমেণ হৃদ্রোগচিকিত্সামাহ| গদাতিচার ইতি রোগাণামসম্যগুপচারঃ| হৃদ্রোগকর্তৄণীতি যথা “ভীষ্মঃ কুরূণাং ভযশোকহর্তা”, তেন “তৃজকাভ্যাং কর্তরি” (পা.অ.২|২|১৫|) ইত্যনেনাত্র সমাসঃ| বৈবর্ণ্যেত্যাদৌ হৃদ্রোগজা ইতি বচনাদ্ধৃদ্রোগানন্তরকালভাবিতযা বৈবর্ণ্যাদীনামুপদ্রবত্বমিচ্ছন্তি; যে তু বৈবর্ণ্যাদীনাং সামান্যহৃদ্রোগলক্ষণত্বমাহুঃ, তে হৃদ্রোগেণ সমং জাযন্তে ইতি হৃদ্রোগজা ইতি বিগ্রহাল্লিঙ্গত্বং ব্যুত্পাদযন্তি| হৃদ্রোগাশ্চ কিযন্তঃশিরসীযে (সূ.অ.১৭) বিস্তরেণোক্তা অপি চিকিত্সাপ্রকরণাদিহ সঙ্ক্ষেপেণাভিধীযন্তে| মর্মেতি হৃদযম্||৭৭-৮০||
Adhikarana 26 (81-89) · Śloka 89
তৈলং সসৌবীরকমস্তুতক্রং বাতে প্রপেযং লবণং সুখোষ্ণম্|
মূত্রাম্বুসিদ্ধং লবণৈশ্চ তৈলমানাহগুল্মার্তিহৃদামযঘ্নম্||৮১||
পুনর্নবাং দারু সপঞ্চমূলং রাস্নাং যবান্ বিল্বকুলত্থকোলম্|
পক্ত্বা জলে তেন বিপাচ্য তৈলমভ্যঙ্গপানেঽনিলহৃদ্গদধ্নম্||৮২||
হরীতকীনাগরপুষ্করাহ্বৈর্বযঃকযস্থালবণৈশ্চ কল্কৈঃ|
সহিঙ্গুভিঃ সাধিতমগ্র্যসর্পির্গুল্মে সহৃত্পার্শ্বগদেঽনিলোত্থে||৮৩||
সপুষ্করাহ্বং ফলপূরমূলং মহৌষধং শট্যভযা চ কল্কাঃ|
ক্ষারাম্বুসর্পির্লবণৈর্বিমিশ্রাঃ স্যুর্বাতহৃদ্রোগবিকর্তিকাঘ্নাঃ||৮৪||
ক্বাথঃ কৃতঃ পৌষ্করমাতুলুঙ্গপলাশভূতীকশটীসুরাহ্বৈঃ|
সনাগরাজাজিবচাযবানীক্ষারঃ সুখোষ্ণো লবণশ্চ পেযঃ||৮৫||
পথ্যাশটীপৌষ্করপঞ্চকোলাত্ সমাতুলুঙ্গাদ্যমকেন কল্কঃ|
গুডপ্রসন্নালবণৈশ্চ ভৃষ্টো হৃত্পার্শ্বপৃষ্ঠোদরযোনিশূলে||৮৬||
স্যাত্ত্র্যূষণং দ্বে ত্রিফলে সপাঠে নিদিগ্ধিকাগোক্ষুরকৌ বলে দ্বে|
ঋদ্ধিস্ত্রুটিস্তামলকী স্বগুপ্তা মেদে মধূকং মধুকং স্থিরা চ||৮৭||
শতাবরী জীবকপৃশ্নিপর্ণ্যৌ দ্রব্যৈরিমৈরক্ষসমৈঃ সুপিষ্টৈঃ|
প্রস্থং ঘৃতস্যেহ পচেদ্বিধিজ্ঞঃ প্রস্থেন দধ্না ত্বথ মাহিষেণ||৮৮||
মাত্রাং পলং চার্ধপলং পিচুং বা প্রযোজযেন্মাক্ষিকসম্প্রযুক্তাম্|
শ্বাসে সকাসে ত্বথ পাণ্ডুরোগে হলীমকে হৃদ্গ্রহণীপ্রদোষে||৮৯||
View original
तैलं ससौवीरकमस्तुतक्रं वाते प्रपेयं लवणं सुखोष्णम्|
मूत्राम्बुसिद्धं लवणैश्च तैलमानाहगुल्मार्तिहृदामयघ्नम्||८१||
पुनर्नवां दारु सपञ्चमूलं रास्नां यवान् बिल्वकुलत्थकोलम्|
पक्त्वा जले तेन विपाच्य तैलमभ्यङ्गपानेऽनिलहृद्गदध्नम्||८२||
हरीतकीनागरपुष्कराह्वैर्वयःकयस्थालवणैश्च कल्कैः|
सहिङ्गुभिः साधितमग्र्यसर्पिर्गुल्मे सहृत्पार्श्वगदेऽनिलोत्थे||८३||
सपुष्कराह्वं फलपूरमूलं महौषधं शट्यभया च कल्काः|
क्षाराम्बुसर्पिर्लवणैर्विमिश्राः स्युर्वातहृद्रोगविकर्तिकाघ्नाः||८४||
क्वाथः कृतः पौष्करमातुलुङ्गपलाशभूतीकशटीसुराह्वैः|
सनागराजाजिवचायवानीक्षारः सुखोष्णो लवणश्च पेयः||८५||
पथ्याशटीपौष्करपञ्चकोलात् समातुलुङ्गाद्यमकेन कल्कः|
गुडप्रसन्नालवणैश्च भृष्टो हृत्पार्श्वपृष्ठोदरयोनिशूले||८६||
स्यात्त्र्यूषणं द्वे त्रिफले सपाठे निदिग्धिकागोक्षुरकौ बले द्वे|
ऋद्धिस्त्रुटिस्तामलकी स्वगुप्ता मेदे मधूकं मधुकं स्थिरा च||८७||
शतावरी जीवकपृश्निपर्ण्यौ द्रव्यैरिमैरक्षसमैः सुपिष्टैः|
प्रस्थं घृतस्येह पचेद्विधिज्ञः प्रस्थेन दध्ना त्वथ माहिषेण||८८||
मात्रां पलं चार्धपलं पिचुं वा प्रयोजयेन्माक्षिकसम्प्रयुक्ताम्|
श्वासे सकासे त्वथ पाण्डुरोगे हलीमके हृद्ग्रहणीप्रदोषे||८९||
তৈলমিত্যাদিনা যথাক্রমং চিকিত্সামাহ| তৈলাদীনামত্র সমভাগানাং পেযত্বং জ্ঞেযম্| বযঃকযস্থেতি বযঃস্থাকাযস্থযোর্গুডূচ্যামলকযোঃ স্বরসগ্রহণম্| অগ্র্যসর্পিরিতি অত্রাগ্র্যপদমস্য সর্পিষঃ প্রাধান্যখ্যাপনার্থম্| বিকর্তিকেহ হৃদযপরিকর্তিকাকারা বেদনা| ক্বাথঃ কৃত ইত্যাদৌ নাগরাদীনাং কল্কং পৌষ্করাদিক্বাথে প্রক্ষেপমাহুঃ| পথ্যাশতীত্যাদৌ যমকেন ভৃষ্টঃ কল্কঃ গুডপ্রসন্নালবণৈশ্চ পেয ইতি ব্যাখ্যেযম্| দ্বে ত্রিফলে ইত্যত্র দ্রাক্ষাকাশ্মর্যপরূষকাণি দ্বিতীযা ত্রিফলা| ত্রুটিঃ সূক্ষ্মৈলা||৮১-৮৯||
Adhikarana 27 (90-95) · Śloka 95
শীতাঃ প্রদেহাঃ পরিষেচনানি তথা বিরেকো হৃদি পিত্তদুষ্টে|
দ্রাক্ষাসিতাক্ষৌদ্রপরূষকৈঃ স্যাচ্ছুদ্ধে তু পিত্তাপহমন্নপানম্||৯০||
যষ্ট্যাহ্বিকাতিক্তকরোহিণীভ্যাং কল্কং পিবেচ্চাপি সিতাজলেন|
ক্ষতে চ সর্পীংষি হিতানি সর্পির্গুডাশ্চ যে তান্ প্রসমীক্ষ্য সম্যক্||৯১||
দদ্যাদ্ভিষগ্ধন্বরসাংশ্চ গব্যক্ষীরাশিনাং পিত্তহৃদামযেষু|
তৈরেব সর্বে প্রশমং প্রযান্তি পিত্তামযাঃ শোণিতসংশ্রযা যে||৯২||
দ্রাক্ষাবলাশ্রেযসিশর্করাভিঃ খর্জূরবীরর্ষভকোত্পলৈশ্চ|
কাকোলিমেদাযুগজীবকৈশ্চ ক্ষীরেণ সিদ্ধং মহিষীঘৃতং স্যাত্||৯৩||
কশেরুকাশৈবলশৃঙ্গবেরপ্রপৌণ্ডরীকং মধুকং বিসস্য|
গ্রন্থিশ্চ সর্পিঃ পযসা পচেত্তৈঃ ক্ষৌদ্রান্বিতং পিত্তহৃদামযঘ্নম্||৯৪||
স্থিরাদিকল্কৈঃ পযসা চ সিদ্ধং দ্রাক্ষারসেনেক্ষুরসেন বাঽপি|
সর্পির্হিতং স্বাদুফলেক্ষুজাশ্চ রসাঃ সুশীতা হৃদি পিত্তদুষ্টে||৯৫||
View original
शीताः प्रदेहाः परिषेचनानि तथा विरेको हृदि पित्तदुष्टे|
द्राक्षासिताक्षौद्रपरूषकैः स्याच्छुद्धे तु पित्तापहमन्नपानम्||९०||
यष्ट्याह्विकातिक्तकरोहिणीभ्यां कल्कं पिबेच्चापि सिताजलेन|
क्षते च सर्पींषि हितानि सर्पिर्गुडाश्च ये तान् प्रसमीक्ष्य सम्यक्||९१||
दद्याद्भिषग्धन्वरसांश्च गव्यक्षीराशिनां पित्तहृदामयेषु|
तैरेव सर्वे प्रशमं प्रयान्ति पित्तामयाः शोणितसंश्रया ये||९२||
द्राक्षाबलाश्रेयसिशर्कराभिः खर्जूरवीरर्षभकोत्पलैश्च|
काकोलिमेदायुगजीवकैश्च क्षीरेण सिद्धं महिषीघृतं स्यात्||९३||
कशेरुकाशैवलशृङ्गवेरप्रपौण्डरीकं मधुकं बिसस्य|
ग्रन्थिश्च सर्पिः पयसा पचेत्तैः क्षौद्रान्वितं पित्तहृदामयघ्नम्||९४||
स्थिरादिकल्कैः पयसा च सिद्धं द्राक्षारसेनेक्षुरसेन वाऽपि|
सर्पिर्हितं स्वादुफलेक्षुजाश्च रसाः सुशीता हृदि पित्तदुष्टे||९५||
শীতা ইত্যাদি পিত্তহৃদ্রোগচিকিত্সিতম্| ক্ষতে ইতি ক্ষতক্ষীণচিকিত্সিতে| শ্রেযসী রাস্না| খর্জূরং খর্জূরফলম্| ক্ষৌদ্রান্বিতমিতি সাধনোত্তরকালং পাদিকমধুযুক্তম্| স্বাদুফলেত্যাদৌ স্বরসা ইতি রসাঃ||৯০-৯৫||
Adhikarana 28 (96-99) · Śloka 99
স্বিন্নস্য বান্তস্য বিলঙ্ঘিতস্য ক্রিযা কফঘ্নী কফমর্মরোগে|
কৌলত্থধান্যৈশ্চ রসৈর্ববান্নং পানানি তীক্ষ্ণানি চ শঙ্করাণি||৯৬||
মূত্রে শৃতাঃ কট্ফলশৃঙ্গবেরপীতদ্রুপথ্যাতিবিষাঃ প্রদেযাঃ|
কৃষ্ণাশটীপুষ্করমূলরাস্নাবচাভযানাগরচূর্ণকং চ||৯৭||
উদুম্বরাশ্বত্থবটার্জুনাখ্যে পালাশরৌহীতকখাদিরে চ|
ক্বাথে ত্রিবৃত্ত্র্যূষণচূর্ণসিদ্ধো লেহঃ কফঘ্নোঽশিশিরাম্বুযুক্তঃ||৯৮||
শিলাহ্বযং বা ভিষগপ্রমত্তঃ প্রযোজযেত্ কল্পবিধানদিষ্টম্|
প্রাশং তথাঽঽগস্ত্যমথাপি লেহং রসাযনং ব্রাহ্মমথামলক্যাঃ||৯৯||
View original
स्विन्नस्य वान्तस्य विलङ्घितस्य क्रिया कफघ्नी कफमर्मरोगे|
कौलत्थधान्यैश्च रसैर्ववान्नं पानानि तीक्ष्णानि च शङ्कराणि||९६||
मूत्रे शृताः कट्फलशृङ्गवेरपीतद्रुपथ्यातिविषाः प्रदेयाः|
कृष्णाशटीपुष्करमूलरास्नावचाभयानागरचूर्णकं च||९७||
उदुम्बराश्वत्थवटार्जुनाख्ये पालाशरौहीतकखादिरे च|
क्वाथे त्रिवृत्त्र्यूषणचूर्णसिद्धो लेहः कफघ्नोऽशिशिराम्बुयुक्तः||९८||
शिलाह्वयं वा भिषगप्रमत्तः प्रयोजयेत् कल्पविधानदिष्टम्|
प्राशं तथाऽऽगस्त्यमथापि लेहं रसायनं ब्राह्ममथामलक्याः||९९||
স্বিন্নস্যেত্যাদি কফজহৃদ্রোগচিকিত্সাধিকারঃ| শঙ্করাণীতি কল্যাণকরাণী| উদুম্বরেত্যাদৌ উদুম্বরাদিক্বাথে ভাগত্রযে ত্রিবৃত্ত্র্যূষণচূর্ণং পাদিকং প্রক্ষেপ্যম্| অশিশিরাম্বুযুক্ত ইতি উষ্ণসলিলানুপানঃ| কল্পবিধানদিষ্টমিতি রসাযনে বিহিতম্; কল্পশব্দেন চ ক্ষুদ্ররসাযনমুচ্যতে| প্রাশ ইতি চ্যবনপ্রাশঃ| আগস্ত্যমিতি লেহবিশেষণম্||৯৬-৯৯||
Adhikarana 29 (100) · Śloka 100
ত্রিদোষজে লঙ্ঘনমাদিতঃ স্যাদন্নং চ সর্বেষু হিতং বিধেযম্|
হীনাতিমধ্যত্বমবেক্ষ্য চৈব কার্যং ত্রযাণামপি কর্ম শস্তম্||১০০||
View original
त्रिदोषजे लङ्घनमादितः स्यादन्नं च सर्वेषु हितं विधेयम्|
हीनातिमध्यत्वमवेक्ष्य चैव कार्यं त्रयाणामपि कर्म शस्तम्||१००||
ত্রিদোষজে আদৌ লঙ্ঘনবিধানং হৃদযস্য কফস্থানতযা তদ্গতে ত্রিদোষজেঽপি কফ এবাদৌ লঙ্ঘনেন জেয ইতি মত্বা কৃতম্| ত্রিদোষজে তূল্বণদোষচিকিত্সাসূত্রমাহ- হীনাতীত্যাদি| হীনত্বমধিকত্বং মধ্যমত্বং চ দোষাণামবেক্ষ্য যত্ কর্ম শস্তমধিকদোষবিজেতৃতযা তত্ কার্যমিতি বাক্যার্থঃ||১০০||
Adhikarana 30 (101-102) · Śloka 103
ভুক্তেঽধিকং জীর্যতি শূলমল্পং জীর্ণে স্থিতং চেত্ সুরদারুকুষ্ঠম্|
সতিল্বকং দ্বে লবণে বিডঙ্গমুষ্ণাম্বুনা সাতিবিষং পিবেত্ সঃ||১০১||
জীর্ণেঽধিকে স্নেহবিরেচনং স্যাত্ ফলৈর্বিরেচ্যো যদি জীর্যতি স্যাত্|
ত্রিষ্বেব কালেষ্বধিকে তু শূলে তীক্ষ্ণং হিতং মূলবিরেচনং স্যাত্||১০২||
প্রাযোঽনিলো রুদ্ধগতিঃ প্রকুপ্যত্যামাশযে শোধনমেব তস্মাত্|
কার্যং তথা লঙ্ঘনপাচনং চ ...|১০৩|
View original
भुक्तेऽधिकं जीर्यति शूलमल्पं जीर्णे स्थितं चेत् सुरदारुकुष्ठम्|
सतिल्वकं द्वे लवणे विडङ्गमुष्णाम्बुना सातिविषं पिबेत् सः||१०१||
जीर्णेऽधिके स्नेहविरेचनं स्यात् फलैर्विरेच्यो यदि जीर्यति स्यात्|
त्रिष्वेव कालेष्वधिके तु शूले तीक्ष्णं हितं मूलविरेचनं स्यात्||१०२||
प्रायोऽनिलो रुद्धगतिः प्रकुप्यत्यामाशये शोधनमेव तस्मात्|
कार्यं तथा लङ्घनपाचनं च ...|१०३|
ভুক্তেঽধিকমিত্যাদিনা সান্নিপাতিকহৃদ্রোগে প্রাযোভাবিশূলং লক্ষণভেদেন বিভজঞ্চিকিত্সতি| ভুক্তেঽধিকমিত্যাদিনা শ্লেষ্মশূলমুচ্যতে| স্থিতমিতি প্রশান্তম্| জীর্ণেঽধিকমিত্যাদিনা অনিলশূলং, জীর্যত্যধিকমিত্যনেন চ পৈত্তিকং ব্রূতে| ফলৈরিতি দ্রাক্ষাকাশ্মর্যাদিভিঃ| ত্রিষ্বেবেত্যাদিনা সান্নিপাতিকশূলমাহ| মূলবিরেচনং ত্রিবৃন্মূলাদিভির্বিরেচনম্| অত্র বিরেচনোপপত্তিমাহ- প্রাযোঽনিল ইত্যাদি| অত্র চানিলকোপে যদ্যপি বস্তিরুচিতঃ, তথাঽপ্যামাশযাপেক্ষযাঽঽমাশযশোধনং বিরেচনমেব দেযম্||১০১-১০২||-
Adhikarana 31 (103) · Śloka 103
... সর্বং কৃমিঘ্নং কৃমিহৃদ্গদে চ||১০৩||
ইতি হৃদ্রোগচিকিত্সা|
View original
... सर्वं कृमिघ्नं कृमिहृद्गदे च||१०३||
इति हृद्रोगचिकित्सा|
কৃমিঘ্নমিতি ব্যাধিতরূপীযে (বি. অ. ৭) কৃমিহরত্বেনোক্তং বিধানম্||১০৩||
Adhikarana 32 (104-106) · Śloka 107
সন্ধারণাজীর্ণরজোতিভাষ্যক্রোধর্তুবৈষম্যশিরোভিতাপৈঃ|
প্রজাগরাতিস্বপনাম্বুশীতৈরবশ্যযা মৈথুনবাষ্পধূমৈঃ||১০৪||
সংস্ত্যানদোষে শিরসি প্রবৃদ্ধো বাযুঃ প্রতিশ্যাযমুদীরযেত্তু|
ঘ্রাণার্তিতোদৌ ক্ষবথুর্জলাভঃ স্রাবোঽনিলাত্ সস্বরমূর্ধরোগঃ||১০৫||
নাসাগ্রপাকজ্বরবক্ত্রশোষতৃষ্ণোষ্ণপীতস্রবণানি পিত্তাত্|
কাসারুচিস্রাবঘনপ্রসেকাঃ কফাদ্গুরুঃ স্রোতসি চাপি কণ্ডূঃ||১০৬||
সর্বাণি রূপাণি তু সন্নিপাতাত্ স্যুঃ পীনসে তীব্ররুজেঽতিদুঃখে |১০৭|
View original
सन्धारणाजीर्णरजोतिभाष्यक्रोधर्तुवैषम्यशिरोभितापैः|
प्रजागरातिस्वपनाम्बुशीतैरवश्यया मैथुनबाष्पधूमैः||१०४||
संस्त्यानदोषे शिरसि प्रवृद्धो वायुः प्रतिश्यायमुदीरयेत्तु|
घ्राणार्तितोदौ क्षवथुर्जलाभः स्रावोऽनिलात् सस्वरमूर्धरोगः||१०५||
नासाग्रपाकज्वरवक्त्रशोषतृष्णोष्णपीतस्रवणानि पित्तात्|
कासारुचिस्रावघनप्रसेकाः कफाद्गुरुः स्रोतसि चापि कण्डूः||१०६||
सर्वाणि रूपाणि तु सन्निपातात् स्युः पीनसे तीव्ररुजेऽतिदुःखे |१०७|
ক্রমাগতশিরোরোগচিকিত্সাযাং বক্তব্যাযাং শিরোরোগপ্রধানত্বাদ্ভূরিশিরোরোগহেতুত্বাচ্চ প্রতিশ্যাযমেব তাবদাহ| শালাক্যেঽপ্যুক্তং- “ভূযিষ্ঠং ব্যাধযঃ সর্বে প্রতিশ্যাযনিমিত্তজাঃ| তস্মাদ্রোগঃ প্রতিশ্যাযঃ পূর্বমেবোপদিশ্যতে” ইতি| যদ্যপি রাজযক্ষ্মচিকিত্সিতে প্রতিশ্যায উক্ত এব, তথাঽপি তত্র যক্ষ্মপূর্বরূপতযোক্তঃ, ইহ তু স্বতন্ত্রঃ প্রতিশ্যায উচ্যত ইতি বিশেষঃ| রজঃ ধূলিঃ| অতিস্বপ্নঃ দিবাস্বপ্নঃ| অবশ্যাযঃ তুষারঃ| সংস্ত্যানদোষে ইতি ঘনীভূতদোষে| ঘ্রাণার্তীত্যাদিনা বাতাদিপ্রতিশ্যাযানাং চতুর্ণাং ক্রমাল্লক্ষণমাহ| সস্বরমূর্ধরোগ ইতি স্বররোগঃ স্বরভেদঃ| কফাদ্গুরুরিত্যাদৌ গুরুশব্দঃ কণ্ডূবিশেষণম্| স্রোতসীতি নাসাস্রোতসি||১০৪-১০৬||-
Adhikarana 33 (107-109) · Śloka 109
সর্বোঽতিবৃদ্ধোঽহিতভোজনাত্তু দুষ্টপ্রতিশ্যায উপেক্ষিতঃ স্যাত্||১০৭||
ততস্তু রোগাঃ ক্ষবথুশ্চ নাসাশোষঃ প্রতীনাহপরিস্রবৌ চ|
ঘ্রাণস্য পূতিত্বমপীনসশ্চ সপাকশোথার্বুদপূযরক্তাঃ||১০৮||
অরূংষি শীর্ষশ্রবণাক্ষিরোগখালিত্যহর্যর্জুনলোমভাবাঃ|
তৃট্শ্বাসকাসজ্বররক্তপিত্তবৈস্বর্যশোষাশ্চ ততো ভবন্তি||১০৯||
View original
सर्वोऽतिवृद्धोऽहितभोजनात्तु दुष्टप्रतिश्याय उपेक्षितः स्यात्||१०७||
ततस्तु रोगाः क्षवथुश्च नासाशोषः प्रतीनाहपरिस्रवौ च|
घ्राणस्य पूतित्वमपीनसश्च सपाकशोथार्बुदपूयरक्ताः||१०८||
अरूंषि शीर्षश्रवणाक्षिरोगखालित्यहर्यर्जुनलोमभावाः|
तृट्श्वासकासज्वररक्तपित्तवैस्वर्यशोषाश्च ततो भवन्ति||१०९||
সর্বোঽতিবৃদ্ধ ইত্যাদিনা প্রতিশ্যাযজান্ ক্ষবথ্বাদীনাহ| অত্র মুখরোগং যে ন পঠন্তি তে শিরোরোগগ্রহণেনৈব মুখরোগস্য গ্রহণমিতি মন্যন্তে| এষাং তু দুষ্টপ্রতিশ্যাযক্ষবথ্বাদীনাং শালাক্যাদিষু বিস্তরঃ, অত্র তু পরাধিকারত্বাত্ সঙ্ক্ষেপ এব||১০৭-১০৯||
Adhikarana 34 (110-117) · Śloka 117
রোধাভিঘাতস্রবশোষপাকৈর্ঘ্রাণং যুতং যশ্চ ন বেত্তি গন্ধম্|
দুর্গন্ধি চাস্যং বহুশঃপ্রকোপি দুষ্টপ্রতিশ্যাযমুদাহরেত্তম্||১১০||
সংস্পৃশ্য মর্মাণ্যনিলস্তু মূর্ধ্নি বিষ্বক্পথস্থঃ ক্ষবথুং করোতি|
ক্রুদ্ধঃ স সংশোষ্য কফং তু নাসাশৃঙ্গাটকঘ্রাণবিশোষণং চ||১১১||
উচ্ছ্বাসমার্গং তু কফঃ সবাতো রুন্ধ্যাত্ প্রতীনাহমুদাহরেত্তম্|
যো মস্তুলুঙ্গাদ্ঘনপীতপক্বঃ কফঃ স্রবেদেষ পরিস্রবস্তু||১১২||
বৈবর্ণ্যদৌর্গন্ধ্যমুপেক্ষযা তু স্যাত্ পূতিনস্যং শ্বযথুর্ভ্রমশ্চ|
আনহ্যতে যস্য বিশুষ্যতে চ প্রক্লিদ্যতে ধূপ্যতি চাপি নাসা||১১৩||
ন বেত্তি যো গন্ধরসাংশ্চ জন্তুর্জুষ্টং ব্যবস্যেত্তমপীনসেন|
তং চানিলশ্লেষ্মভবং বিকারং ব্রূযাত্ প্রতিশ্যাযসমানলিঙ্গম্||১১৪||
সদাহরাগঃ শ্বযথুঃ সপাকঃ স্যাদ্ ঘ্রাণপাকোঽপি চ রক্তপিত্তাত্|
ঘ্রাণাশ্রিতাসৃক্প্রভৃতীন্ প্রদূষ্য কুর্বন্তি নাসাশ্বযথুং মলাশ্চ||১১৫||
ঘ্রাণে তথোচ্ছ্বাসগতিং নিরুধ্য মাংসাস্রদোষাদপি চার্বুদানি|
ঘ্রাণাত্ স্রবেদ্বা শ্রবণান্মুখাদ্বা পিত্তাক্তমস্রং ত্বপি পূযরক্তম্||১১৬||
কুর্যাত্ সপিত্তঃ পবনস্ত্বগাদীন্ সন্দূষ্য চারূংষি সপাকবন্তি|
নাসা প্রদীপ্তেব নরস্য যস্য দীপ্তং তু তং রোগমুদাহরন্তি||১১৭||
ইতি নাসারোগনিদানম্|
View original
रोधाभिघातस्रवशोषपाकैर्घ्राणं युतं यश्च न वेत्ति गन्धम्|
दुर्गन्धि चास्यं बहुशःप्रकोपि दुष्टप्रतिश्यायमुदाहरेत्तम्||११०||
संस्पृश्य मर्माण्यनिलस्तु मूर्ध्नि विष्वक्पथस्थः क्षवथुं करोति|
क्रुद्धः स संशोष्य कफं तु नासाशृङ्गाटकघ्राणविशोषणं च||१११||
उच्छ्वासमार्गं तु कफः सवातो रुन्ध्यात् प्रतीनाहमुदाहरेत्तम्|
यो मस्तुलुङ्गाद्घनपीतपक्वः कफः स्रवेदेष परिस्रवस्तु||११२||
वैवर्ण्यदौर्गन्ध्यमुपेक्षया तु स्यात् पूतिनस्यं श्वयथुर्भ्रमश्च|
आनह्यते यस्य विशुष्यते च प्रक्लिद्यते धूप्यति चापि नासा||११३||
न वेत्ति यो गन्धरसांश्च जन्तुर्जुष्टं व्यवस्येत्तमपीनसेन|
तं चानिलश्लेष्मभवं विकारं ब्रूयात् प्रतिश्यायसमानलिङ्गम्||११४||
सदाहरागः श्वयथुः सपाकः स्याद् घ्राणपाकोऽपि च रक्तपित्तात्|
घ्राणाश्रितासृक्प्रभृतीन् प्रदूष्य कुर्वन्ति नासाश्वयथुं मलाश्च||११५||
घ्राणे तथोच्छ्वासगतिं निरुध्य मांसास्रदोषादपि चार्बुदानि|
घ्राणात् स्रवेद्वा श्रवणान्मुखाद्वा पित्ताक्तमस्रं त्वपि पूयरक्तम्||११६||
कुर्यात् सपित्तः पवनस्त्वगादीन् सन्दूष्य चारूंषि सपाकवन्ति|
नासा प्रदीप्तेव नरस्य यस्य दीप्तं तु तं रोगमुदाहरन्ति||११७||
इति नासारोगनिदानम्|
রোধাভিঘাতেত্যাদিনা দুষ্টপ্রতিশ্যাযাদীনামর্জুনলোমপর্যন্তানাং ক্রমেণ লক্ষণান্যাহ| ক্রুদ্ধ ইত্যাদৌ স ইতি অনিলঃ| মস্তুলুঙ্গাদিতি মস্তিষ্কাত্| কুর্যাত্ সপিত্ত ইত্যাদিনা অরুংষিকামাহ; সা তু শিরোভবা জ্ঞেযা||১১০-১১৭||
Adhikarana 35 (118) · Śloka 118
ভৃশার্তিশূলং স্ফুরতীহ বাতাত্ পিত্তাত্ সদাহার্তি কফাদ্গুরু স্যাত্|
সর্বৈস্ত্রিদোষং ক্রিমিভিস্তু কণ্ডূর্দৌর্গন্ধ্যতোদার্তিযুতং শিরঃ স্যাত্||১১৮||
ইতি শিরোরোগনিদানম্|
View original
भृशार्तिशूलं स्फुरतीह वातात् पित्तात् सदाहार्ति कफाद्गुरु स्यात्|
सर्वैस्त्रिदोषं क्रिमिभिस्तु कण्डूर्दौर्गन्ध्यतोदार्तियुतं शिरः स्यात्||११८||
इति शिरोरोगनिदानम्|
ভৃশার্তীত্যাদিনা যদ্যপি প্রতিশ্যাযোত্পন্নত্বেন শিরোরোগাণাং লক্ষণমুচ্যতে, তথাঽপি স্বতন্ত্রোত্পন্নানামপি শিরোরোগাণামেতদেব লক্ষণং জ্ঞেযম্| এবং মুখরোগাদিলক্ষণেষ্বপি বাচ্যম্| সর্বৈস্ত্রিদোষমিতি বাতাদিলক্ষণৈর্মিলিতৈস্ত্রিদোষং স্যাদিত্যর্থঃ||১১৮||
Adhikarana 36 (119-123) · Śloka 123
মুখামযে মারুতজে তু শোষকার্কশ্যরৌক্ষ্যাণি চলা রুজশ্চ|
কৃষ্ণারুণং নিষ্পতনং সশীতং প্রস্রংসনস্পন্দনতোদভেদাঃ||১১৯||
তৃষ্ণাজ্বরস্ফোটকতালুদাহা ধূমাযনং চাপ্যবদীর্ণতা চ|
পিত্তাত্ সমূর্চ্ছা বিবিধা রুজশ্চ বর্ণাশ্চ শুক্লারুণবর্ণবর্জ্যাঃ||১২০||
কণ্ডূর্গুরুত্বং সিতবিজ্জলত্বং স্নেহোঽরুচির্জাড্যকফপ্রসেকৌ|
উত্ক্লেশমন্দানলতা চ তন্দ্রা রুজশ্চ মন্দাঃ কফবক্ররোগে||১২১||
সর্বাণি রূপাণি তু বক্ররোগে ভবন্তি যস্মিন্ স তু সর্বজঃ স্যাত্|
সংস্থানদূষ্যাকৃতিনামভেদাচ্চৈতে চতুঃষষ্টিবিধা ভবন্তি||১২২||
শালাক্যতন্ত্রেঽভিহিতানি তেষাং নিমিত্তরূপাকৃতিভেষজানি|
যথাপ্রদেশং তু চতুর্বিধস্য ক্রিযাং প্রবক্ষ্যামি মুখামযস্য||১২৩||
ইতি মুখরোগনিদানম্|
View original
मुखामये मारुतजे तु शोषकार्कश्यरौक्ष्याणि चला रुजश्च|
कृष्णारुणं निष्पतनं सशीतं प्रस्रंसनस्पन्दनतोदभेदाः||११९||
तृष्णाज्वरस्फोटकतालुदाहा धूमायनं चाप्यवदीर्णता च|
पित्तात् समूर्च्छा विविधा रुजश्च वर्णाश्च शुक्लारुणवर्णवर्ज्याः||१२०||
कण्डूर्गुरुत्वं सितविज्जलत्वं स्नेहोऽरुचिर्जाड्यकफप्रसेकौ|
उत्क्लेशमन्दानलता च तन्द्रा रुजश्च मन्दाः कफवक्ररोगे||१२१||
सर्वाणि रूपाणि तु वक्ररोगे भवन्ति यस्मिन् स तु सर्वजः स्यात्|
संस्थानदूष्याकृतिनामभेदाच्चैते चतुःषष्टिविधा भवन्ति||१२२||
शालाक्यतन्त्रेऽभिहितानि तेषां निमित्तरूपाकृतिभेषजानि|
यथाप्रदेशं तु चतुर्विधस्य क्रियां प्रवक्ष्यामि मुखामयस्य||१२३||
इति मुखरोगनिदानम्|
নিষ্পতনমিতি মুখস্রাবঃ| তৃষ্ণেত্যাদি পিত্তজমুখরোগলক্ষণম্| শালাক্যে প্রপঞ্চোক্তমুখরোগাণামত্রৈব চতুর্বিধমুখরোগেঽন্তর্ভাবং দর্শযন্নাহ- সংস্থানেত্যাদি| সংস্থানং স্থানমোষ্ঠাদি, দূষ্যং রক্তাদি, আকৃতিঃ লিঙ্গং, নাম শীতাদাদি, এষাং ভেদাদ্ বিকল্পাচ্চতুঃষষ্টিবিধা ভবন্তি, তে চ শালাক্যে এবোন্নেযাঃ| সুশ্রুতে পঞ্চষষ্টিমুখরোগা উক্তাঃ, তথাঽপীহ বৈদেহমতানুসারেণাদূরান্তরেণেযং চতুঃষষ্টিঃ| যথাপ্রদেশমিতি যথাচিকিত্সাপ্রদেশম্||১১৯-১২৩||
Adhikarana 37 (124-126) · Śloka 126
বাতাদিভিঃ শোকভযাতিলোভক্রোধৈর্মনোঘ্নাশনগন্ধরূপৈঃ|
অরোচকাঃ স্যুঃ পরিহৃষ্টদন্তঃ কষাযবক্রশ্চ মতোঽনিলেন||১২৪||
কট্বম্লমুষ্ণং বিরসং চ পূতি পিত্তেন বিদ্যাল্লবণং চ বক্রম্|
মাধুর্যপৈচ্ছিল্যগুরুত্বশৈত্যবিবদ্ধসম্বদ্ধযুতং কফেন||১২৫||
অরোচকে শোকভযানিলোভক্রোধাদ্যহৃদ্যাশনগন্ধজে স্যাত্|
স্বাভাবিকং বক্রমথারুচিশ্চ ত্রিদোষজে নৈকরসং ভবেত্তু||১২৬||
ইত্যরোচকনিদানম্|
View original
वातादिभिः शोकभयातिलोभक्रोधैर्मनोघ्नाशनगन्धरूपैः|
अरोचकाः स्युः परिहृष्टदन्तः कषायवक्रश्च मतोऽनिलेन||१२४||
कट्वम्लमुष्णं विरसं च पूति पित्तेन विद्याल्लवणं च वक्रम्|
माधुर्यपैच्छिल्यगुरुत्वशैत्यविबद्धसम्बद्धयुतं कफेन||१२५||
अरोचके शोकभयानिलोभक्रोधाद्यहृद्याशनगन्धजे स्यात्|
स्वाभाविकं वक्रमथारुचिश्च त्रिदोषजे नैकरसं भवेत्तु||१२६||
इत्यरोचकनिदानम्|
আস্যরোগান্তর্নিবিষ্টত্বাদেবারোচকানাহ| যদ্যপি রাজযক্ষ্মচিকিত্সিতেঽপ্যরোচকা উক্তাঃ, তথাঽপি শোষোক্তারোচকেভ্যঃ পৃথগুত্পন্না এবারোচকা অভিধীযন্ত ইতি ন পৌনরুক্ত্যম্| অতিলোভেনাত্রারুচিরুচ্যতে, তত্রাতিলোভেন কৃতং সততাভ্যাসমরুচিকারণং দর্শযতি| বিবদ্ধসম্বদ্ধযুতমিতি বন্ধযুক্তমিত্যর্থঃ| নৈকরসমিতি অনেকরসম্||১২৪-১২৬||
Adhikarana 38 (127-128) · Śloka 128
নাদোঽতিরুক্কর্ণমলস্য শোষঃ স্রাবস্তনুশ্চাশ্রবণং চ বাতাত্|
শোফঃ সরাগো দরণং বিদাহঃ সপীতপূতিশ্রবণং চ পিত্তাত্||১২৭||
বৈশ্রুত্যকণ্ডূস্থিরশোফশুক্লস্নিগ্ধশ্রুতিঃ শ্লেষ্মভবেঽল্পরুক্ চ|
সর্বাণি রূপাণি তু সন্নিপাতাত্ স্রাবশ্চ তত্রাধিকদোষবর্ণঃ||১২৮||
ইতি কর্ণরোগনিদানম্|
View original
नादोऽतिरुक्कर्णमलस्य शोषः स्रावस्तनुश्चाश्रवणं च वातात्|
शोफः सरागो दरणं विदाहः सपीतपूतिश्रवणं च पित्तात्||१२७||
वैश्रुत्यकण्डूस्थिरशोफशुक्लस्निग्धश्रुतिः श्लेष्मभवेऽल्परुक् च|
सर्वाणि रूपाणि तु सन्निपातात् स्रावश्च तत्राधिकदोषवर्णः||१२८||
इति कर्णरोगनिदानम्|
নাদোঽতিরুগিত্যাদিনা কর্ণরোগানাহ| এতে চ শালাক্যে যদ্যপ্যষ্টাবিংশতিরুক্তাঃ, তথাঽপীহ চতুর্ষ্বেব কর্ণরোগেষু শেষাণামপ্যবরোধো ব্যাখ্যেযঃ, শেষাণামপি বাতাদিজন্যত্বাত্||১২৭-১২৮||
Adhikarana 39 (129-131) · Śloka 131
অল্পস্তু রাগোঽনুপদেহবাংশ্চ সতোদভেদোঽনিলজাক্ষিরোগে|
পিত্তাত্ সদাহোঽতিরুজঃ সরাগঃ পীতোপদেহঃ সুভৃশোষ্ণবাহী||১২৯||
শুক্লোপদেহং বহুপিচ্ছিলাশ্রু নেত্রং কফাত্ স্যাদ্গুরুতা সকণ্ডুঃ|
সর্বাণি রূপাণি তু সন্নিপাতান্নেত্রামযাঃ ষণ্ণবতিস্তু ভেদাত্||১৩০||
তেষামভিব্যক্তিরভিপ্রদিষ্টা শালাক্যতন্ত্রেষু চিকিত্সিতং চ|
পরাধিকারে তু ন বিস্তরোক্তিঃ শস্তেতি তেনাত্র ন নঃ প্রযাসঃ||১৩১||
ইতি নেত্ররোগনিদানম্|
View original
अल्पस्तु रागोऽनुपदेहवांश्च सतोदभेदोऽनिलजाक्षिरोगे|
पित्तात् सदाहोऽतिरुजः सरागः पीतोपदेहः सुभृशोष्णवाही||१२९||
शुक्लोपदेहं बहुपिच्छिलाश्रु नेत्रं कफात् स्याद्गुरुता सकण्डुः|
सर्वाणि रूपाणि तु सन्निपातान्नेत्रामयाः षण्णवतिस्तु भेदात्||१३०||
तेषामभिव्यक्तिरभिप्रदिष्टा शालाक्यतन्त्रेषु चिकित्सितं च|
पराधिकारे तु न विस्तरोक्तिः शस्तेति तेनात्र न नः प्रयासः||१३१||
इति नेत्ररोगनिदानम्|
অল্পস্তু রাগ ইত্যাদিনা চত্বারোঽক্ষিরোগা অভিধীযন্তে| উপদেহঃ দূষিকা| সুভৃশোষ্ণবাহীতি অত্যর্থোষ্ণস্রাবী| অনুক্তনেত্রামযানাং সঙ্খ্যামাহ- নেত্রামযাঃ ষণ্ণবতিরিতি| নেত্রামযেষু আচার্যাণাং বিপ্রতিপত্তিঃ; নেত্ররোগাণাং ষট্সপ্ততিং বিদেহঃ প্রাহ, করালস্তু ষণ্ণবতিম্, অশীতিং সাত্যকিঃ প্রাহ| তেষু করালমতেনৈবৈতদভিধানম্, উক্তং চ তত্র- “বিংশতিঃ সপ্ত বর্ত্মস্থা, নব সন্ধৌ প্রকীর্তিতাঃ| ত্রযোদশ তু শুক্লস্থাঃ, ষড্রোগাঃ কৃষ্ণভাগজাঃ|| বিংশতিঃ পঞ্চ দৃষ্টিস্থাঃ, ষোডশৈব চ সর্বগাঃ” ইতি| এতেষাং জ্ঞানোপাযমাহ- তেষামিত্যাদি| অভিব্যক্তিরিতি লক্ষণম্| নেত্ররোগপ্রপঞ্চানভিধানে হেতুমাহ- পরাধিকারেষ্বিত্যাদি||১২৯-১৩১||
Adhikarana 40 (132-133) · Śloka 133
তেজোঽনিলাদ্যৈঃ সহ কেশভূমিং দগ্ধ্বাঽঽশু কুর্যাত্ খলতিং নরস্য|
কিঞ্চিত্তু দগ্ধ্বা পলিতানি কুর্যাদ্ধরিপ্রভত্বং চ শিরোরুহাণাম্||১৩২||
ইত্যূর্ধ্বজত্রূত্থগদৈকদেশস্তন্ত্রে নিবদ্ধোঽযমশূন্যতার্থম্|
অতঃ পরং ভেষজসঙ্গ্রহং তু নিবোধ সঙ্ক্ষেপত উচ্যমানম্||১৩৩||
ইতি খালিত্যরোগনিদানম্|
View original
तेजोऽनिलाद्यैः सह केशभूमिं दग्ध्वाऽऽशु कुर्यात् खलतिं नरस्य|
किञ्चित्तु दग्ध्वा पलितानि कुर्याद्धरिप्रभत्वं च शिरोरुहाणाम्||१३२||
इत्यूर्ध्वजत्रूत्थगदैकदेशस्तन्त्रे निबद्धोऽयमशून्यतार्थम्|
अतः परं भेषजसङ्ग्रहं तु निबोध सङ्क्षेपत उच्यमानम्||१३३||
इति खालित्यरोगनिदानम्|
তেজ ইত্যাদিনা খালিত্যলক্ষণমাহ| তেজঃশব্দেন দেহোষ্মাঽভিমতঃ; স বাতাদ্যৈর্যুক্তঃ খালিত্যাদি করোতীতি যোজনীযম্| যে তু ‘তেজঃ সবাতং’ ইতি পঠন্তি, তে তেজঃশব্দেন পিত্তমপি বর্ণযন্তি| হরিপ্রভত্বমিতি কপিলত্বম্| শিরোরুহাণামিতি কেশানাম্| অশূন্যতার্থমিতি অস্য কাযচিকিত্সাশাস্ত্রস্য শালাক্যাভিধেযরোগৈরশূন্যতার্থম্| ভেষজসঙ্গ্রহমিতি ভেষজাভিধাযকং গ্রন্থম্||১৩২-১৩৩||
Adhikarana 41 (134-143) · Śloka 143
বাতাত্ সকাসবৈস্বর্যে সক্ষারং পীনসে বৃতম্|
পিবেদ্রসং পযশ্চোষ্ণং স্নৈহিকং ধূমমেব বা||১৩৪||
শতাহ্বা ত্বগ্বলা মূলং স্যোনাকৈরণ্ডবিল্বজম্|
সারগ্বধং পিবেদ্বর্তিং মধূচ্ছিষ্টবসাঘৃতৈঃ||১৩৫||
অথবা সঘৃতান্ সক্তূন্ কৃত্বা মল্লকসম্পুটে|
নবপ্রতিশ্যাযবতাং ধূমং বৈদ্যঃ প্রযোজযেত্||১৩৬||
শঙ্খমূর্ধললাটার্তৌ পাণিস্বেদোপনাহনম্|
স্বভ্যক্তে ক্ষবথুস্রাবরোধাদৌ সঙ্করাদযঃ||১৩৭||
ঘ্রেযাশ্চ রোহিষাজাজীবচাতর্কারিচোরকাঃ|
ত্বক্পত্রমরিচৈলানাং চূর্ণা বা সোপকুঞ্চিকাঃ||১৩৮||
স্রোতঃশৃঙ্গাটনাসাক্ষিশোষে তৈলং চ নাবনম্|
প্রভাব্যাজে তিলান্ ক্ষীরে তেন পিষ্টাংস্তদুষ্মণা||১৩৯||
মন্দস্বিন্নান্ সযষ্ট্যাহ্বচূর্ণাংস্তেনৈব পীডযেত্|
দশমূলস্য নিষ্ক্বাথে রাস্নামধুককল্কবত্||১৪০||
সিদ্ধং সসৈন্ধবং তৈলং দশকৃত্বোঽণু তত্ স্মৃতম্|
স্নিগ্ধস্যাস্থাপনৈর্দোষং নির্হরেদ্বাতপীনসে||১৪১||
স্নিগ্ধাম্লোষ্ণৈশ্চ লঘ্বন্নং গ্রাম্যাদীনাং রসৈর্হিতম্|
উষ্ণাম্বুনা স্নানপানে নিবাতোষ্ণপ্রতিশ্রযঃ||১৪২||
চিন্তাব্যাযামবাক্চেষ্টাব্যবাযবিরতো ভবেত্|
বাতজে পীনসে ধীমানিচ্ছন্নেবাত্মনো হিতম্||১৪৩||
View original
वातात् सकासवैस्वर्ये सक्षारं पीनसे वृतम्|
पिबेद्रसं पयश्चोष्णं स्नैहिकं धूममेव वा||१३४||
शताह्वा त्वग्बला मूलं स्योनाकैरण्डबिल्वजम्|
सारग्वधं पिबेद्वर्तिं मधूच्छिष्टवसाघृतैः||१३५||
अथवा सघृतान् सक्तून् कृत्वा मल्लकसम्पुटे|
नवप्रतिश्यायवतां धूमं वैद्यः प्रयोजयेत्||१३६||
शङ्खमूर्धललाटार्तौ पाणिस्वेदोपनाहनम्|
स्वभ्यक्ते क्षवथुस्रावरोधादौ सङ्करादयः||१३७||
घ्रेयाश्च रोहिषाजाजीवचातर्कारिचोरकाः|
त्वक्पत्रमरिचैलानां चूर्णा वा सोपकुञ्चिकाः||१३८||
स्रोतःशृङ्गाटनासाक्षिशोषे तैलं च नावनम्|
प्रभाव्याजे तिलान् क्षीरे तेन पिष्टांस्तदुष्मणा||१३९||
मन्दस्विन्नान् सयष्ट्याह्वचूर्णांस्तेनैव पीडयेत्|
दशमूलस्य निष्क्वाथे रास्नामधुककल्कवत्||१४०||
सिद्धं ससैन्धवं तैलं दशकृत्वोऽणु तत् स्मृतम्|
स्निग्धस्यास्थापनैर्दोषं निर्हरेद्वातपीनसे||१४१||
स्निग्धाम्लोष्णैश्च लघ्वन्नं ग्राम्यादीनां रसैर्हितम्|
उष्णाम्बुना स्नानपाने निवातोष्णप्रतिश्रयः||१४२||
चिन्ताव्यायामवाक्चेष्टाव्यवायविरतो भवेत्|
वातजे पीनसे धीमानिच्छन्नेवात्मनो हितम्||१४३||
অথৈতেষাং ক্রমাচ্চিকিত্সাঽভিধীযতে| প্রতিশ্যাযে ধূমস্য নিষেধো বৈরেচনিকধূমাভিপ্রাযেণ কৃতঃ, তেনেহ স্নৈহিকধূমাভিধানং ন বিরোধি| পাণিস্বেদং চ উপনাহনং চেতি পাণিস্বেদোপনাহনম্| ক্ষবথুস্রাবরোধাদাবিত্যত্র রোধশব্দেন প্রতীনাহোঽভিধীযতে| সঙ্করাদযঃ সঙ্করপ্রস্তরাদযঃ স্বেদাধ্যাযোক্তাঃ স্বেদাঃ| তর্কারী জযন্তী| স্রোতঃশৃঙ্গাটনাসাক্ষিশোষে ইতি ঘ্রাণশ্রোত্রাক্ষিতর্পণীনাং সিরাণাং সন্নিপাতঃ শৃঙ্গাটকঃ| নাবনং তৈলমুক্তমাহপ্রভাব্যাজে ইত্যাদি| তদুষ্মণেতি অজাক্ষীরোষ্মণা পিষ্টস্বেদনে মন্দোত্স্বিন্নান্| সযষ্ঠ্যাহ্বচূর্ণানিতি যষ্ট্যাহ্বচূর্ণস্যাপ্রধানত্বাত্ তিলচূর্ণাত্ পাদিকত্বম্| তেনৈব পীডযেদিতি অজাক্ষীরেণ| এবং নিষ্পন্নতৈলস্য দশমূলনিষ্ক্বাথাদিভির্দশকৃত্বঃ পাকাত্ সিদ্ধং তৈলমণুতৈলং স্যাত্; অণুতা চাস্য অণুস্রোতোনুসারিত্বাত্, তচ্চেহ ভাবনযা পাকভূযস্ত্বেন নিষ্পীডনবিশেষেণ চ ক্রিযতে| উক্তং হি বিদেহে- “ভাবনাত্ পাচনাদ্বাঽপি তৈলানামণুতৈলতা| মর্দনাদপি সর্বেষাং দেহানামণুতৈলতা” ইতি| সিদ্ধাম্লেত্যাদিনা আহারাচারাবাহ| নিবাতোষ্ণপ্রতিশ্রয ইতি নিবাতোষ্ণগৃহস্থাযী||১৩৪-১৪৩||
Adhikarana 42 (144-148) · Śloka 148
পৈত্তে সর্পিঃ পিবেত্ সিদ্ধং শৃঙ্গবেরশৃতং পযঃ|
পাচনার্থং পিবেত্ পক্বে কার্যং মূর্ধবিরেচনম্||১৪৪||
পাঠাদ্বিরজনীমূর্বাপিপ্পলীজাতিপল্লবৈঃ|
দন্ত্যা চ সাধিতং তৈলং নস্যং স্যাত্ পক্বপীনসে||১৪৫||
পূযাস্রে রক্তপিত্তঘ্নাঃ কষাযা নাবনানি চ|
পাকদাহাঢ্যরূক্ষেষু শীতা লেপাঃ সসেচনাঃ||১৪৬||
ঘ্রেযনস্যোপচারাশ্চ কষাযাঃ স্বাদুশীতলাঃ|
মন্দপিত্তে প্রতিশ্যাযে স্নিগ্ধৈঃ কুর্যাদ্বিরেচনম্||১৪৭||
ঘৃতং ক্ষীরং যবাঃ শালির্গোধূমা জাঙ্গলা রসাঃ|
শীতাম্লাস্তিক্তশাকানি যূষা মুদ্গাদিভির্হিতাঃ||১৪৮||
View original
पैत्ते सर्पिः पिबेत् सिद्धं शृङ्गवेरशृतं पयः|
पाचनार्थं पिबेत् पक्वे कार्यं मूर्धविरेचनम्||१४४||
पाठाद्विरजनीमूर्वापिप्पलीजातिपल्लवैः|
दन्त्या च साधितं तैलं नस्यं स्यात् पक्वपीनसे||१४५||
पूयास्रे रक्तपित्तघ्नाः कषाया नावनानि च|
पाकदाहाढ्यरूक्षेषु शीता लेपाः ससेचनाः||१४६||
घ्रेयनस्योपचाराश्च कषायाः स्वादुशीतलाः|
मन्दपित्ते प्रतिश्याये स्निग्धैः कुर्याद्विरेचनम्||१४७||
घृतं क्षीरं यवाः शालिर्गोधूमा जाङ्गला रसाः|
शीताम्लास्तिक्तशाकानि यूषा मुद्गादिभिर्हिताः||१४८||
পৈত্তে সর্পিঃ পিবেত্ সিদ্ধমিত্যত্র শৃঙ্গবেরসিদ্ধমেব সর্পির্দেযম্| রক্তপিত্তঘ্না ইতি রক্তপিত্তচিকিত্সোক্তাঃ| মন্দপিত্তে ইতি ঈষত্পিত্তে||১৪৪-১৪৮||
Adhikarana 43 (149-157) · Śloka 157
গৌরবারোচকেষ্বাদৌ লঙ্ঘনং কফপীনসে|
স্বেদাঃ সেকাশ্চ পাকার্থং লিপ্তে শিরসি সর্পিষা||১৪৯||
লশুনং মুদ্গচূর্ণেন ব্যোষক্ষারঘৃতৈর্যুতম্|
দেযং কফঘ্নবমনমুত্ক্লিষ্টশ্লেষ্মণে হিতম্||১৫০||
অপীনসে পূতিনস্যে ঘ্রাণস্রাবে সকণ্ডুকে|
ধূমঃ শস্তোঽবপীডশ্চ কটুভিঃ কফপীনসে||১৫১||
মনঃশিলা বচা ব্যোষং বিডঙ্গং হিঙ্গু গুগ্গুলুঃ|
চূর্ণো ঘ্রেযঃ প্রধমনং কটুভিশ্চ ফলৈস্তথা||১৫২||
ভার্গীমদনতর্কারীসুরসাদিবিপাচিতে|
মূত্রে লাক্ষা বচা লম্বা বিডঙ্গং কুষ্ঠপিপ্পলী||১৫৩||
কৃত্বা কল্কং করঞ্জং চ তৈলং তৈঃ সার্ষপং পচেত্|
পাকান্মুক্তে ঘনে নস্যমেতন্মেদোনিভে কফে||১৫৪||
স্নিগ্ধস্য ব্যাহতে বেগে চ্ছর্দনং কফপীনসে|
বমনীযশৃতক্ষীরতিলমাষযবাগুনা||১৫৫||
বার্তাককুলকব্যোষকুলত্থাঢকিমুদ্গজাঃ|
যূষাঃ কফঘ্নমন্নং চ শস্তমুষ্ণাম্বুসেচ(ব)নম্||১৫৬||
সর্বজিত্ পীনসে দুষ্টে কার্যং শোফে চ শোফজিত্|
ক্ষারোঽর্বুদাধিমাংসেষু ক্রিযা শেষেষ্ববেক্ষ্য চ||১৫৭||
ইতি পীনসনাসারোগচিকিত্সা|
View original
गौरवारोचकेष्वादौ लङ्घनं कफपीनसे|
स्वेदाः सेकाश्च पाकार्थं लिप्ते शिरसि सर्पिषा||१४९||
लशुनं मुद्गचूर्णेन व्योषक्षारघृतैर्युतम्|
देयं कफघ्नवमनमुत्क्लिष्टश्लेष्मणे हितम्||१५०||
अपीनसे पूतिनस्ये घ्राणस्रावे सकण्डुके|
धूमः शस्तोऽवपीडश्च कटुभिः कफपीनसे||१५१||
मनःशिला वचा व्योषं विडङ्गं हिङ्गु गुग्गुलुः|
चूर्णो घ्रेयः प्रधमनं कटुभिश्च फलैस्तथा||१५२||
भार्गीमदनतर्कारीसुरसादिविपाचिते|
मूत्रे लाक्षा वचा लम्बा विडङ्गं कुष्ठपिप्पली||१५३||
कृत्वा कल्कं करञ्जं च तैलं तैः सार्षपं पचेत्|
पाकान्मुक्ते घने नस्यमेतन्मेदोनिभे कफे||१५४||
स्निग्धस्य व्याहते वेगे च्छर्दनं कफपीनसे|
वमनीयशृतक्षीरतिलमाषयवागुना||१५५||
वार्ताककुलकव्योषकुलत्थाढकिमुद्गजाः|
यूषाः कफघ्नमन्नं च शस्तमुष्णाम्बुसेच(व)नम्||१५६||
सर्वजित् पीनसे दुष्टे कार्यं शोफे च शोफजित्|
क्षारोऽर्बुदाधिमांसेषु क्रिया शेषेष्ववेक्ष्य च||१५७||
इति पीनसनासारोगचिकित्सा|
দেযং কফঘ্নবমনমিতি কফঘ্নদ্রব্যকৃতং বমনং দেযমিত্যর্থঃ| কটুভিঃ ফলৈরিতি মরিচপিপ্পল্যাদিভিঃ| পাকান্মুক্তে ইতি পাকাবসানাচ্চ্যুতে| ব্যাহতে বেগ ইতি পীনসস্য বেগে মন্দীভূতে| শোফে চেতি নাসাশোফে||১৪৯-১৫৭||
Adhikarana 44 (158-165) · Śloka 165
বাতিকে শিরসো রোগে স্নেহান্ স্বেদান্ সনাবনান্|
পানান্নমুপনাহাংশ্চ কুর্যাদ্বাতামযাপহান্||১৫৮||
তৈলভৃষ্টৈরগুর্বাদ্যৈঃ সুখোষ্ণৈরুপনাহনম্|
জীবনীযৈঃ সুমনসা মত্স্যৈর্মাংসৈশ্চ শস্যতে||১৫৯||
রাস্নাস্থিরাদিভিঃ সিদ্ধং সক্ষীরং নস্যমর্তিনুত্|
তৈলং রাস্নাদ্বিকাকোলীশর্করাভিরথাপি বা||১৬০||
বলামধূকযষ্ট্যাহ্ববিদারীচন্দনোত্পলৈঃ|
জীবকর্ষভকদ্রাক্ষাশর্করাভিশ্চ সাধিতঃ||১৬১||
প্রস্থস্তৈলস্য সক্ষীরো জাঙ্গলার্ধতুলারসে|
নস্যং সর্বোর্ধ্বজত্রূত্থবাতপিত্তামযাপহম্||১৬২||
দশমূলবলারাস্নাত্রিফলামধুকৈঃ সহ|
মযূরং পক্ষপিত্তান্ত্রশকৃত্তুণ্ডাঙ্ঘ্রিবর্জিতম্||১৬৩||
জলে পক্ত্বা ঘৃতপ্রস্থং তস্মিন্ ক্ষীরসমং পচেত্|
মধুরৈঃ কার্ষিকৈঃ কল্কৈঃ শিরোরোগার্দিতাপহম্||১৬৪||
কর্ণাক্ষিনাসিকাজিহ্বাতাল্বাস্যগলরোগনুত্|
মাযূরমিতিবিখ্যাতমূর্ধ্বজত্রুগদাপহম্||১৬৫||
ইতি মাযূরঘৃতম্|
View original
वातिके शिरसो रोगे स्नेहान् स्वेदान् सनावनान्|
पानान्नमुपनाहांश्च कुर्याद्वातामयापहान्||१५८||
तैलभृष्टैरगुर्वाद्यैः सुखोष्णैरुपनाहनम्|
जीवनीयैः सुमनसा मत्स्यैर्मांसैश्च शस्यते||१५९||
रास्नास्थिरादिभिः सिद्धं सक्षीरं नस्यमर्तिनुत्|
तैलं रास्नाद्विकाकोलीशर्कराभिरथापि वा||१६०||
बलामधूकयष्ट्याह्वविदारीचन्दनोत्पलैः|
जीवकर्षभकद्राक्षाशर्कराभिश्च साधितः||१६१||
प्रस्थस्तैलस्य सक्षीरो जाङ्गलार्धतुलारसे|
नस्यं सर्वोर्ध्वजत्रूत्थवातपित्तामयापहम्||१६२||
दशमूलबलारास्नात्रिफलामधुकैः सह|
मयूरं पक्षपित्तान्त्रशकृत्तुण्डाङ्घ्रिवर्जितम्||१६३||
जले पक्त्वा घृतप्रस्थं तस्मिन् क्षीरसमं पचेत्|
मधुरैः कार्षिकैः कल्कैः शिरोरोगार्दितापहम्||१६४||
कर्णाक्षिनासिकाजिह्वाताल्वास्यगलरोगनुत्|
मायूरमितिविख्यातमूर्ध्वजत्रुगदापहम्||१६५||
इति मायूरघृतम्|
দশমূলেত্যাদৌ দশমূলাদিভিঃ প্রত্যেকং ত্রিপলমানৈঃ সমং মযূরং পক্ষাদিবর্জিতং জলদ্রোণে এব পচেত্| জলদ্রোণো হ্যত্র ক্বাথার্থং পাদাবশেষঃ সন্ ঘৃতপ্রস্থাচ্চতুর্গুণো ভবতি| কিঞ্চ দশমূলাদীনাং চত্বারিংশত্পলেন মযূরেণৈকেন সমমদূরান্তরং চতুঃষষ্টিপলং ক্বাথ্যং দ্রোণমানে জলে দেযম্| কিংবা দশমূলাদীনাং মযূরেণ চ মিলিত্বা যাবত্ ক্বাথ্যং ভবতি তচ্চতুর্গুণং জলমুত্সর্গপরিভাষযৈব দেযম্| মধুরৈরিতি জীবনীযগণৌক্তৈর্দশভিঃ, জীবনীযানি হি মধুরত্বপ্রকর্ষাদিহ মধুরশব্দেনোচ্যন্তে||১৫৮-১৬৫||
Adhikarana 45 (166-175) · Śloka 175
এতেনৈব কষাযেণ ঘৃতপ্রস্থং বিপাচযেত্|
চতুর্গুণেন পযসা কল্কৈরেভিশ্চ কার্ষিকৈঃ||১৬৬||
জীবন্তীত্রিফলামেদামৃদ্বীকর্ধিপরূষকৈঃ|
সমঙ্গাচবিকাভার্গীকাশ্মরীসুরদারুভিঃ||১৬৭||
আত্মগুপ্তামহামেদাতালখর্জূরমস্তকৈঃ|
মৃণালবিসশালূকশৃঙ্গীজীবকপদ্মকৈঃ ||১৬৮||
শতাবরীবিদারীক্ষুবৃহতীসারিবাযুগৈঃ|
মূর্বাশ্বদংষ্ট্রর্ষভকশৃঙ্গাটককসেরুকৈঃ||১৬৯||
রাস্নাস্থিরাতামলকীসূক্ষ্মৈলাশটিপৌষ্করৈঃ|
পুনর্নবাতুগাক্ষীরীকাকোলীধন্বযাসকৈঃ||১৭০||
খর্জূরাক্ষোটবাতামমুঞ্জাতাভিষুকৈরপি |
দ্রব্যৈরেভির্যথালাভং পূর্বকল্পেন সাধিতম্||১৭১||
নস্যে পানে তথাঽভ্যঙ্গে বস্তৌ চৈব প্রযোজযেত্|
শিরোরোগেষু সর্বেষু কাসে শ্বাসে চ দারুণে||১৭২||
মন্যাপৃষ্ঠগ্রহে শোষে স্বরভেদে তথাঽর্দিতে|
যোন্যসৃক্শুক্রদোষেষু শস্তং বন্ধ্যাসুতপ্রদম্||১৭৩||
ঋতুস্নাতা তথা নারী পীত্বা পুত্রং প্রসূযতে|
মহামাযূরমিত্যেতদ্ঘৃতমাত্রেযপূজিতম্||১৭৪||
ইতি মহামাযূরঘৃতম্|
আখুভিঃ কুক্কুটৈর্হংসৈঃ শশৈশ্চাপি হি বুদ্ধিমান্|
কল্পেনানেন বিপচেত্ সর্পিরূর্ধ্বগদাপহম্||১৭৫||
View original
एतेनैव कषायेण घृतप्रस्थं विपाचयेत्|
चतुर्गुणेन पयसा कल्कैरेभिश्च कार्षिकैः||१६६||
जीवन्तीत्रिफलामेदामृद्वीकर्धिपरूषकैः|
समङ्गाचविकाभार्गीकाश्मरीसुरदारुभिः||१६७||
आत्मगुप्तामहामेदातालखर्जूरमस्तकैः|
मृणालबिसशालूकशृङ्गीजीवकपद्मकैः ||१६८||
शतावरीविदारीक्षुबृहतीसारिवायुगैः|
मूर्वाश्वदंष्ट्रर्षभकशृङ्गाटककसेरुकैः||१६९||
रास्नास्थिरातामलकीसूक्ष्मैलाशटिपौष्करैः|
पुनर्नवातुगाक्षीरीकाकोलीधन्वयासकैः||१७०||
खर्जूराक्षोटवाताममुञ्जाताभिषुकैरपि |
द्रव्यैरेभिर्यथालाभं पूर्वकल्पेन साधितम्||१७१||
नस्ये पाने तथाऽभ्यङ्गे बस्तौ चैव प्रयोजयेत्|
शिरोरोगेषु सर्वेषु कासे श्वासे च दारुणे||१७२||
मन्यापृष्ठग्रहे शोषे स्वरभेदे तथाऽर्दिते|
योन्यसृक्शुक्रदोषेषु शस्तं वन्ध्यासुतप्रदम्||१७३||
ऋतुस्नाता तथा नारी पीत्वा पुत्रं प्रसूयते|
महामायूरमित्येतद्घृतमात्रेयपूजितम्||१७४||
इति महामायूरघृतम्|
आखुभिः कुक्कुटैर्हंसैः शशैश्चापि हि बुद्धिमान्|
कल्पेनानेन विपचेत् सर्पिरूर्ध्वगदापहम्||१७५||
এতেনৈবেতি দশমূলাদিমযূরক্বাথেন যথোক্তবিধানকৃতেন| দ্বিতীযখর্জূরশব্দেন খর্জূরফলং গৃহ্যতে| অক্ষোটবাতামাদীনি ঔত্তরাপথিকানি| পূর্বযোগোক্তক্বাথবিধানং যদ্যপ্যেতেনৈব কষাযেণেত্যাদিনা সিদ্ধং, তথাঽপি পুনঃ পূর্বকল্পেনেতি বচনেন যথালাভমিতিপদেন চ যথালাভং করণীযত্বং কল্ক এব, ন ক্বাথে ইতি দর্শযতি| অত্র প্রযোগভেদে জতূকর্ণঃ- “তত্ক্বাথোচিতশিখিনং দশমূলশ্রেযসীবলামধুকৈস্ত্রিপলৈঃ সহ সর্পিষা জীবনীযকর্ষৈঃ পচেত্ পযসা ক্বাথেঽস্মিন্নেব চতুষ্কে প্রস্থং ঘৃতং যথালাভং জীবনবৃংহণবাতামাক্ষোটত্রিফলাপূগমধুকৈঃ খর্জূরতালমস্তকত্বগেলাপৌষ্করশ্বদংষ্ট্রাতামলকীবিসভার্গীকসেরুশৃঙ্গাটকমৃণাল রাস্নাস্থিরাসমঙ্গাশৃঙ্গ্যজডাভিঃ সহ তু মাযূরং চতুষ্প্রযোগাদূর্ধ্বজত্রুগদেষ্বমৃতবত্” ইতি| অত্র মযূরস্থানে মূষকাদীন্ দর্শযন্নাহ- আখুভিরিত্যাদিনা| আখুনা মযূরাপেক্ষযা স্বল্পমানেনাপ্যত্রৈকেনাপি সাধনং কর্তব্যমিত্যাহুঃ||১৬৬-১৭৫||
Adhikarana 46 (176-179) · Śloka 179
পৈত্তে ঘৃতং পযঃ সেকাঃ শীতা লেপাঃ সনাবনাঃ|
জীবনীযানি সর্পীংষি পানান্নং চাপি পিত্তনুত্||১৭৬||
চন্দনোশীরযষ্ট্যাহ্ববলাব্যাঘ্রনখোত্পলৈঃ|
ক্ষীরপিষ্টৈঃ প্রদেহঃ স্যাচ্ছৃতৈর্বা পরিষেচনম্||১৭৭||
ত্বক্পত্রশর্করাকল্কঃ সুপিষ্টস্তণ্ডুলাম্বুনা|
কার্যোঽবপীডঃ সর্পিশ্চ নস্যং তস্যানু পৈত্তিকে||১৭৮||
যষ্ট্যাহ্বচন্দনানন্তাক্ষীরসিদ্ধং ঘৃতং হিতম্|
নাবনং শর্করাদ্রাক্ষামধূকৈর্বাঽপি পিত্তজে||১৭৯||
View original
पैत्ते घृतं पयः सेकाः शीता लेपाः सनावनाः|
जीवनीयानि सर्पींषि पानान्नं चापि पित्तनुत्||१७६||
चन्दनोशीरयष्ट्याह्वबलाव्याघ्रनखोत्पलैः|
क्षीरपिष्टैः प्रदेहः स्याच्छृतैर्वा परिषेचनम्||१७७||
त्वक्पत्रशर्कराकल्कः सुपिष्टस्तण्डुलाम्बुना|
कार्योऽवपीडः सर्पिश्च नस्यं तस्यानु पैत्तिके||१७८||
यष्ट्याह्वचन्दनानन्ताक्षीरसिद्धं घृतं हितम्|
नावनं शर्कराद्राक्षामधूकैर्वाऽपि पित्तजे||१७९||
শৃতৈর্বেত্যত্র ক্ষীরশৃতৈঃ| সর্পিশ্চ নস্যমিত্যত্র অবপীডস্য পশ্চাত্ সর্পিষা নস্যং দেযম্||১৭৬-১৭৯||
Adhikarana 47 (180-186) · Śloka 186
কফজে স্বেদিতং ধূমনস্যপ্রধমনাদিভিঃ|
শুদ্ধং প্রলেপপানান্নৈঃ কফঘ্নৈঃ সমুপাচরেত্||১৮০||
পুরাণসর্পিষঃ পানৈস্তীক্ষ্ণৈর্বস্তিভিরেব চ|
কফানিলোত্থিতে দাহঃ শেষযো রক্তমোক্ষণম্||১৮১||
এরণ্ডনলদক্ষৌমগুগ্গুল্বগুরুচন্দনৈঃ|
ধূমবর্তিং পিবেদ্গন্ধৈরকুষ্ঠতগরৈস্তথা||১৮২||
সন্নিপাতভবে কার্যা সন্নিপাতহিতা ক্রিযা|
ক্রিমিজে চৈব কর্তব্যং তীক্ষ্ণং মূর্ধবিরেচনম্||১৮৩||
ত্বগ্দন্তীব্যাঘ্রকরজবিডঙ্গনবমালিকাঃ|
অপামার্গফলং বীজং নক্তমালশিরীষযোঃ|
ক্ষবকোঽশ্মন্তকো বিল্বং হরিদ্রা হিঙ্গু যূথিকা||১৮৪||
ফণিজ্ঝকশ্চ তৈস্তৈলমবিমূত্রে চতুর্গুণে|
সিদ্ধং স্যান্নাবনং চূর্ণং চৈষাং প্রধমনং হিতম্||১৮৫||
ফলং শিগ্রুকরঞ্জাভ্যাং সব্যোষং চাবপীডকঃ|
কষাযঃ স্বরসঃ ক্ষারশ্চূর্ণং কল্কোঽবপীডকঃ||১৮৬||
শুক্ততিক্তকটুক্ষৌদ্রকষাযৈঃ কবলগ্রহঃ|
ইতি শিরোরোগচিকিত্সা|
View original
कफजे स्वेदितं धूमनस्यप्रधमनादिभिः|
शुद्धं प्रलेपपानान्नैः कफघ्नैः समुपाचरेत्||१८०||
पुराणसर्पिषः पानैस्तीक्ष्णैर्बस्तिभिरेव च|
कफानिलोत्थिते दाहः शेषयो रक्तमोक्षणम्||१८१||
एरण्डनलदक्षौमगुग्गुल्वगुरुचन्दनैः|
धूमवर्तिं पिबेद्गन्धैरकुष्ठतगरैस्तथा||१८२||
सन्निपातभवे कार्या सन्निपातहिता क्रिया|
क्रिमिजे चैव कर्तव्यं तीक्ष्णं मूर्धविरेचनम्||१८३||
त्वग्दन्तीव्याघ्रकरजविडङ्गनवमालिकाः|
अपामार्गफलं बीजं नक्तमालशिरीषयोः|
क्षवकोऽश्मन्तको बिल्वं हरिद्रा हिङ्गु यूथिका||१८४||
फणिज्झकश्च तैस्तैलमविमूत्रे चतुर्गुणे|
सिद्धं स्यान्नावनं चूर्णं चैषां प्रधमनं हितम्||१८५||
फलं शिग्रुकरञ्जाभ्यां सव्योषं चावपीडकः|
कषायः स्वरसः क्षारश्चूर्णं कल्कोऽवपीडकः||१८६||
शुक्ततिक्तकटुक्षौद्रकषायैः कवलग्रहः|
इति शिरोरोगचिकित्सा|
কফানিলোদ্ভবে দাহ ইত্যত্র কফোদ্ভবে অনিলোদ্ভবে চ সুশ্রুতবচনাল্ললাটশঙ্খদেশে দাহঃ কর্তব্যঃ| উক্তং হি সুশ্রুতে- “শিরোরোগাধিমন্থপ্রভৃতিষু ভ্রূললাটশঙ্খপ্রদেশেষু দহেত্” (সু.সূ.অ.১২) ইতি| গন্ধৈরকুষ্ঠতগরৈরিতি অগুর্বাদিগন্ধৈঃ, কুষ্ঠতগরবর্জনং চাত্র মস্তুলুঙ্গস্রাববর্জনার্থম্| উক্তং চ শালাক্যে- “নতকুষ্ঠে স্রাবযতো ধূমবর্তিপ্রযোজিতে| মস্তুলুঙ্গং প্রকর্ষেণ তস্মাত্তে নৈব যোজযেত্” ইতি| ব্যাঘ্রকরজঃ নখী| ক্ষবথুঃ ছিক্কাকারকঃ||১৮০-১৮৬||-
Adhikarana 48 (187-205) · Śloka 205
ধূমঃ প্রধমনং শুদ্ধিরধশ্ছর্দনলঙ্ঘনম্||১৮৭||
ভোজ্যং চ মুখরোগেষু যথাস্বং দোষনুদ্ধিতম্|
পিপ্পল্যগুরুদার্বীত্বগ্যবক্ষাররসাঞ্জনম্||১৮৮||
পাঠাং তেজোবতীং পথ্যাং সমভাগং বিচূর্ণযেত্|
মুখরোগেষু সর্বেষু সক্ষৌদ্রং তদ্বিধারযেত্||১৮৯||
সীধুমাধবমাধ্বীকৈঃ শ্রেষ্ঠোঽযং কবলগ্রহঃ|
তেজোহ্বামভযামেলাং সমঙ্গাং কটুকাং ঘনম্||১৯০||
পাঠাং জ্যোতিষ্মতীং লোধ্রং দার্বীং কুষ্ঠং চ চূর্ণযেত্|
দন্তানাং ঘর্ষণং রক্তস্রাবকণ্ডূরুজাপহম্||১৯১||
পঞ্চকোলকতালীসপত্রৈলামরিচত্বচঃ|
পলাশমুষ্ককক্ষারযবক্ষারাশ্চ চূর্ণিতাঃ||১৯২||
গুডে পুরাণে দ্বিগুণে ক্বথিতে গুটিকাঃ কৃতাঃ|
কর্কন্ধুমাত্রাঃ সপ্তাহং স্থিতা মুষ্ককভস্মনি||১৯৩||
কণ্ঠরোগেষু সর্বেষু ধার্যাঃ স্যুরমৃতোপমাঃ|
গৃহধূমো যবক্ষারঃ পাঠা ব্যোষং রসাঞ্জনম্||১৯৪||
তেজোহ্বা ত্রিফলা লোধ্রং চিত্রকশ্চেতি চূর্ণিতম্|
সক্ষৌদ্রং ধারযেদেতদ্গলরোগবিনাশনম্||১৯৫||
কালকং নাম তচ্চূর্ণং দন্তাস্যগলরোগনুত্|
ইতি কালকচূর্ণম্|
মনঃশিলা যবক্ষারো হরিতালং সসৈন্ধবম্||১৯৬||
দার্বীত্বক্ চেতি তচ্চূর্ণং মাক্ষিকেণ সমাযুতম্|
মূর্চ্ছিতং ঘৃতমণ্ডেন কণ্ঠরোগেষু ধারযেত্||১৯৭||
মুখরোগেষু চ শ্রেষ্ঠং পীতকং নাম কীর্তিতম্|
ইতি পীতকচূর্ণম্|
মৃদ্বীকা কটুকা ব্যোষং দার্বীত্বক্ ত্রিফলা ঘনম্||১৯৮||
মূর্চ্ছিতং ঘৃতমণ্ডেন কণ্ঠরোগেষু ধারযেত্|
পাঠা রসাঞ্জনং মূর্বা তেজোহ্বেতি চ চূর্ণিতম্||১৯৯||
ক্ষৌদ্রযুক্তং বিধাতব্যং গলরোগে ভিষগ্জিতম্|
যোগাস্ত্বেতে ত্রযঃ প্রোক্তা বাতপিত্তকফাপহাঃ||২০০||
কটুকাতিবিষাপাঠাদার্বীমুস্তকলিঙ্গকাঃ|
গোমূত্রক্বথিতাঃ পেযাঃ কণ্ঠরোগবিনাশনাঃ||২০১||
স্বরসঃ ক্বথিতো দার্ব্যা ঘনীভূতো রসক্রিযা|
সক্ষৌদ্রা মুখরোগাসৃগ্দোষনাডীব্রণাপহা||২০২||
তালুশোষে ত্বতৃষ্ণস্য সর্পিরৌত্তরভক্তিকম্|
নাবনং মধুরাঃ স্নিগ্ধাঃ শীতাশ্চৈব রসা হিতাঃ||২০৩||
মুখপাকে সিরাকর্ম শিরঃকাযবিরেচনম্|
মূত্রতৈলঘৃতক্ষৌদ্রক্ষীরৈশ্চ কবলগ্রহাঃ||২০৪||
সক্ষৌদ্রাস্ত্রিফলাপাঠামৃদ্বীকাজাতিপল্লবাঃ|
কষাযতিক্তকাঃ শীতাঃ ক্বাথাশ্চ মুখধাবনাঃ||২০৫||
View original
धूमः प्रधमनं शुद्धिरधश्छर्दनलङ्घनम्||१८७||
भोज्यं च मुखरोगेषु यथास्वं दोषनुद्धितम्|
पिप्पल्यगुरुदार्वीत्वग्यवक्षाररसाञ्जनम्||१८८||
पाठां तेजोवतीं पथ्यां समभागं विचूर्णयेत्|
मुखरोगेषु सर्वेषु सक्षौद्रं तद्विधारयेत्||१८९||
सीधुमाधवमाध्वीकैः श्रेष्ठोऽयं कवलग्रहः|
तेजोह्वामभयामेलां समङ्गां कटुकां घनम्||१९०||
पाठां ज्योतिष्मतीं लोध्रं दार्वीं कुष्ठं च चूर्णयेत्|
दन्तानां घर्षणं रक्तस्रावकण्डूरुजापहम्||१९१||
पञ्चकोलकतालीसपत्रैलामरिचत्वचः|
पलाशमुष्ककक्षारयवक्षाराश्च चूर्णिताः||१९२||
गुडे पुराणे द्विगुणे क्वथिते गुटिकाः कृताः|
कर्कन्धुमात्राः सप्ताहं स्थिता मुष्ककभस्मनि||१९३||
कण्ठरोगेषु सर्वेषु धार्याः स्युरमृतोपमाः|
गृहधूमो यवक्षारः पाठा व्योषं रसाञ्जनम्||१९४||
तेजोह्वा त्रिफला लोध्रं चित्रकश्चेति चूर्णितम्|
सक्षौद्रं धारयेदेतद्गलरोगविनाशनम्||१९५||
कालकं नाम तच्चूर्णं दन्तास्यगलरोगनुत्|
इति कालकचूर्णम्|
मनःशिला यवक्षारो हरितालं ससैन्धवम्||१९६||
दार्वीत्वक् चेति तच्चूर्णं माक्षिकेण समायुतम्|
मूर्च्छितं घृतमण्डेन कण्ठरोगेषु धारयेत्||१९७||
मुखरोगेषु च श्रेष्ठं पीतकं नाम कीर्तितम्|
इति पीतकचूर्णम्|
मृद्वीका कटुका व्योषं दार्वीत्वक् त्रिफला घनम्||१९८||
मूर्च्छितं घृतमण्डेन कण्ठरोगेषु धारयेत्|
पाठा रसाञ्जनं मूर्वा तेजोह्वेति च चूर्णितम्||१९९||
क्षौद्रयुक्तं विधातव्यं गलरोगे भिषग्जितम्|
योगास्त्वेते त्रयः प्रोक्ता वातपित्तकफापहाः||२००||
कटुकातिविषापाठादार्वीमुस्तकलिङ्गकाः|
गोमूत्रक्वथिताः पेयाः कण्ठरोगविनाशनाः||२०१||
स्वरसः क्वथितो दार्व्या घनीभूतो रसक्रिया|
सक्षौद्रा मुखरोगासृग्दोषनाडीव्रणापहा||२०२||
तालुशोषे त्वतृष्णस्य सर्पिरौत्तरभक्तिकम्|
नावनं मधुराः स्निग्धाः शीताश्चैव रसा हिताः||२०३||
मुखपाके सिराकर्म शिरःकायविरेचनम्|
मूत्रतैलघृतक्षौद्रक्षीरैश्च कवलग्रहाः||२०४||
सक्षौद्रास्त्रिफलापाठामृद्वीकाजातिपल्लवाः|
कषायतिक्तकाः शीताः क्वाथाश्च मुखधावनाः||२०५||
শুক্তেত্যাদি মুখরোগচিকিত্সিতম্| শুদ্ধিরধ ইতি বিরেচনম্| দার্বীত্বগিতি দার্ব্যাস্ত্বগ্| রুজাপহমিতি রোগপীডাহরম্| পঞ্চকোলেত্যাদৌ চূর্ণসমুদাযাদ্গুডো দ্বিগুণঃ| কর্কন্ধূমাত্রা ইতি অষ্টমাষকমানাঃ| কেচিদ্ রোধ্রস্থানে লোহং পঠন্তি; উক্তং হি শালাক্যে- “পাঠা রসাঞ্জনং ব্যোষং তেজোহ্বা ত্রিফলাঽগ্নিকঃ| গৃহধূমো যবক্ষারো শস্ত্রং চূর্ণং তু কালকম্” ইতি| বাতপিত্তকফাপহা ইতি প্রত্যেকমেব কালাদযস্ত্রযো যোগাস্ত্রিদোষহরাঃ| রসক্রিযেতি ঘনীভূতরসস্য সঞ্জ্ঞা| তালুশোষে ইত্যাদৌ অতৃষ্ণস্যেতিপদেন তৃষ্ণাযুক্তস্য তালুশোষে ঔত্তরভক্তিকমপি সর্পিঃপানং নিষেধযতি| তালুশোষে চ “তৃষ্ণামূর্চ্ছাপরীতাশ্চ গর্ভিণ্যস্তালুশোষিণঃ” (সূ.অ.১৩) ইত্যাদিনা যদ্যপি স্নেহপানং নিষিদ্ধং, তথাঽপীহ ঔত্তরভক্তিকং সর্পির্বিশেষবিধানাত্ কর্তব্যমেব| সিরাকর্মেতি সিরাব্যধনং; তচ্চ সুশ্রুতবচনাত্ তালুনি জিহ্বাযাং চ কর্তব্যম্||১৮৭-২০৫||
Adhikarana 49 (206-214) · Śloka 214
তুলাং খদিরসারস্য দ্বিগুণামরিমেদসঃ|
প্রক্ষাল্য জর্জরীকৃত্য চতুর্দ্রোণেঽম্ভসঃ পচেত্||২০৬||
দ্রোণশেষং কষাযং তং পূত্বা ভূযঃ পচেচ্ছনৈঃ|
ততস্তস্মিন্ ঘনীভূতে চূর্ণীকৃত্যাক্ষভাগিকম্||২০৭||
চন্দনং পদ্মকোশীরং মঞ্জিষ্ঠা ধাতকী ঘনম্|
প্রপৌণ্ডরীকং যষ্ট্যাহ্বত্বগেলাপদ্মকেশরম্||২০৮||
লাক্ষাং রসাঞ্জনং মাংসীত্রিফলালোধ্রবালকম্|
রজন্যৌ ফলিনীমেলাং সমঙ্গাং কট্ফলং বচাম্||২০৯||
যবাসাগুরুপত্তঙ্গগৈরিকাঞ্জনমাবপেত্|
লবঙ্গনখকক্কোলজাতিকোশান্ পলোন্মিতান্||২১০||
কর্পূরকুডবং চাপি ক্ষিপেচ্ছীতেঽবতারিতে|
ততস্তু গুটিকাঃকার্যাঃশুষ্কাশ্চাস্যেন ধারযেত্||২১১||
তৈলং চানেন কল্কেন কষাযেণ চ সাধযেত্|
দন্তানাং চলনভ্রংশশৌশির্যক্রিমিরোগনুত্||২১২||
মুখপাকাস্যদৌর্গন্ধ্যজাড্যারোচকনাশনম্|
স্রাবোপলেপপৈচ্ছিল্যবৈস্বর্যগলশোষনুত্||২১৩||
দন্তাস্যগলরোগেষু সর্বেষ্বেতত্ পরাযণম্|
খদিরাদিগুটীকেযং তৈলং চ খদিরাদিকম্||২১৪||
ইতি খদিরাদিগুটিকা তৈলং চ|
View original
तुलां खदिरसारस्य द्विगुणामरिमेदसः|
प्रक्षाल्य जर्जरीकृत्य चतुर्द्रोणेऽम्भसः पचेत्||२०६||
द्रोणशेषं कषायं तं पूत्वा भूयः पचेच्छनैः|
ततस्तस्मिन् घनीभूते चूर्णीकृत्याक्षभागिकम्||२०७||
चन्दनं पद्मकोशीरं मञ्जिष्ठा धातकी घनम्|
प्रपौण्डरीकं यष्ट्याह्वत्वगेलापद्मकेशरम्||२०८||
लाक्षां रसाञ्जनं मांसीत्रिफलालोध्रवालकम्|
रजन्यौ फलिनीमेलां समङ्गां कट्फलं वचाम्||२०९||
यवासागुरुपत्तङ्गगैरिकाञ्जनमावपेत्|
लवङ्गनखकक्कोलजातिकोशान् पलोन्मितान्||२१०||
कर्पूरकुडवं चापि क्षिपेच्छीतेऽवतारिते|
ततस्तु गुटिकाःकार्याःशुष्काश्चास्येन धारयेत्||२११||
तैलं चानेन कल्केन कषायेण च साधयेत्|
दन्तानां चलनभ्रंशशौशिर्यक्रिमिरोगनुत्||२१२||
मुखपाकास्यदौर्गन्ध्यजाड्यारोचकनाशनम्|
स्रावोपलेपपैच्छिल्यवैस्वर्यगलशोषनुत्||२१३||
दन्तास्यगलरोगेषु सर्वेष्वेतत् परायणम्|
खदिरादिगुटीकेयं तैलं च खदिरादिकम्||२१४||
इति खदिरादिगुटिका तैलं च|
তুলামিত্যাদিনা খদিরাদিগুটিকামাহ| দ্বিগুণামরিমেদস ইতি বিট্খদিরস্য তু তুলে দ্বে এব| পত্তঙ্গং রক্তচন্দনম্| লবঙ্গাদীনামত্র পলমানত্বম্| দন্তাস্যগলরোগাঃ শালাক্যোক্তা জ্ঞেযাঃ| পরাযণমিতি পরমযনং শ্রেষ্ঠং ভেষজমিতি যাবত্| ইতি মুখরোগচিকিত্সা||২০৬-২১৪||
Adhikarana 50 (215-220) · Śloka 220
অরুচৌ কবলগ্রাহা ধূমাঃ সমুখধাবনাঃ|
মনোজ্ঞমন্নপানং চ হর্ষণাশ্বাসনানি চ||২১৫||
কুষ্ঠসৌবর্চলাজাজীশর্করামরিচং বিডম্|
ধাত্র্যেলাপদ্মকোশীরপিপ্পল্যুত্পলচন্দনম্||২১৬||
লোধ্রং তেজোবতী পথ্যা ত্র্যূষণং সযবাগ্রজম্|
আর্দ্রদাডিমনির্যাসশ্চাজাজীশর্করাযুতঃ||২১৭||
সতৈলমাক্ষিকাস্ত্বেতে চত্বারঃ কবলগ্রহাঃ|
চতুরোঽরোচকান্ হন্যুর্বাতাদ্যেকজসর্বজান্||২১৮||
কারবীমরিচাজাজীদ্রাক্ষাবৃক্ষাম্লদাডিমম্|
সৌবর্চলং গুডঃ ক্ষৌদ্রং সর্বারোচকনাশনম্||২১৯||
বস্তিং সমীরণে, পিত্তে বিরেকং, বমনং কফে|
কুর্যাদ্ধৃদ্যানুকূলানি হর্ষণং চ মনোঘ্নজে||২২০||
ইত্যরোচকচিকিত্সা|
View original
अरुचौ कवलग्राहा धूमाः समुखधावनाः|
मनोज्ञमन्नपानं च हर्षणाश्वासनानि च||२१५||
कुष्ठसौवर्चलाजाजीशर्करामरिचं बिडम्|
धात्र्येलापद्मकोशीरपिप्पल्युत्पलचन्दनम्||२१६||
लोध्रं तेजोवती पथ्या त्र्यूषणं सयवाग्रजम्|
आर्द्रदाडिमनिर्यासश्चाजाजीशर्करायुतः||२१७||
सतैलमाक्षिकास्त्वेते चत्वारः कवलग्रहाः|
चतुरोऽरोचकान् हन्युर्वाताद्येकजसर्वजान्||२१८||
कारवीमरिचाजाजीद्राक्षावृक्षाम्लदाडिमम्|
सौवर्चलं गुडः क्षौद्रं सर्वारोचकनाशनम्||२१९||
बस्तिं समीरणे, पित्ते विरेकं, वमनं कफे|
कुर्याद्धृद्यानुकूलानि हर्षणं च मनोघ्नजे||२२०||
इत्यरोचकचिकित्सा|
অরোচকচিকিত্সামাহ- অরুচাবিত্যাদি| কুষ্ঠেত্যাদিনা অর্ধশ্লোকোক্তাশ্চত্বারো যোগা বাতপিত্তকফসন্নিপাতজেষ্বরোচকেষু ক্রমাজ্জ্ঞেযাঃ||২১৫-২২০||
Adhikarana 51 (221-230) · Śloka 230
কর্ণশূলে তু বাতঘ্নী হিতা পীনসবত্ ক্রিযা|
প্রদেহাঃ পূরণং নস্যং পাকস্রাবে ব্রণক্রিযাঃ||২২১||
ভোজ্যানি চ যথাদোষং কুর্যাত্ স্নেহাংশ্চ পূরণান্|
হিঙ্গুতুম্বরুশুণ্ঠীভিস্তৈলং তু সার্ষপং পচেত্||২২২||
এতদ্ধি পূরণং শ্রেষ্ঠং কর্ণশূলনিবারণম্|
দেবদারুবচাশুণ্ঠীশতাহ্বাকুষ্ঠসৈন্ধবৈঃ||২২৩||
তৈলং সিদ্ধং বস্তমূত্রে কর্ণশূলনিবারণম্|
বরাটকান্ সমাহৃত্য দহেন্মৃদ্ভাজনে নবে||২২৪||
তদ্ভস্ম শ্চ্যোতযেত্তেন গন্ধতৈলং বিপাচযেত্|
রসাঞ্জনস্য শুণ্ঠ্যাশ্চ কল্কাভ্যাং কর্ণশূলনুত্||২২৫||
শুষ্কমূলকশুণ্ঠানাং ক্ষারো হিঙ্গু মহৌষধম্|
শতপুষ্পা বচা কুষ্ঠং দারু শিগ্রু রসাঞ্জনম্||২২৬||
সৌবর্চলযবক্ষারস্বর্জিকোদ্ভিদসৈন্ধবম্|
ভূর্জগ্রন্থির্বিডং মুস্তং মধুশুক্তং চতুর্গুণম্||২২৭||
মাতুলুঙ্গরসশ্চৈব কদল্যা রস এব চ|
সর্বৈরেতৈর্যথোদ্দিষ্টৈঃ ক্ষারতৈলং বিপাচযেত্||২২৮||
বাধির্যং কর্ণনাদশ্চ পূযস্রাবশ্চ দারুণঃ|
ক্রিমযঃ কর্ণশূলং চ পূরণাদস্য নশ্যতি ||২২৯||
মুখকর্ণাক্ষিরোগেষু যথোক্তং পীনসে বিধিম্|
কুর্যাদ্ভিষক্ সমীক্ষ্যাদৌ দোষকালবলাবলম্||২৩০||
ইতি কর্ণরোগচিকিত্সা |
View original
कर्णशूले तु वातघ्नी हिता पीनसवत् क्रिया|
प्रदेहाः पूरणं नस्यं पाकस्रावे व्रणक्रियाः||२२१||
भोज्यानि च यथादोषं कुर्यात् स्नेहांश्च पूरणान्|
हिङ्गुतुम्बरुशुण्ठीभिस्तैलं तु सार्षपं पचेत्||२२२||
एतद्धि पूरणं श्रेष्ठं कर्णशूलनिवारणम्|
देवदारुवचाशुण्ठीशताह्वाकुष्ठसैन्धवैः||२२३||
तैलं सिद्धं बस्तमूत्रे कर्णशूलनिवारणम्|
वराटकान् समाहृत्य दहेन्मृद्भाजने नवे||२२४||
तद्भस्म श्च्योतयेत्तेन गन्धतैलं विपाचयेत्|
रसाञ्जनस्य शुण्ठ्याश्च कल्काभ्यां कर्णशूलनुत्||२२५||
शुष्कमूलकशुण्ठानां क्षारो हिङ्गु महौषधम्|
शतपुष्पा वचा कुष्ठं दारु शिग्रु रसाञ्जनम्||२२६||
सौवर्चलयवक्षारस्वर्जिकोद्भिदसैन्धवम्|
भूर्जग्रन्थिर्बिडं मुस्तं मधुशुक्तं चतुर्गुणम्||२२७||
मातुलुङ्गरसश्चैव कदल्या रस एव च|
सर्वैरेतैर्यथोद्दिष्टैः क्षारतैलं विपाचयेत्||२२८||
बाधिर्यं कर्णनादश्च पूयस्रावश्च दारुणः|
क्रिमयः कर्णशूलं च पूरणादस्य नश्यति ||२२९||
मुखकर्णाक्षिरोगेषु यथोक्तं पीनसे विधिम्|
कुर्याद्भिषक् समीक्ष्यादौ दोषकालबलाबलम्||२३०||
इति कर्णरोगचिकित्सा |
বরাটকানিত্যাদৌ তদ্ভস্মেতি বরাটকদাহভস্ম| শ্চ্যোতযেত্ গালযেত্| গন্ধতৈলমিতি সুগন্ধদ্রব্যকল্কযুক্তং তৈলং, কিংবা গন্ধদ্রব্যাধিবাসিতং তিলোদ্ভবং তৈলম্| শুষ্কমূলকেত্যাদিকে ক্ষারতৈলে মধুশুক্তং চতুর্গুণমিতি মধুপ্রধানং শুক্তং চতুর্গুণম্| শুক্তং চ “যন্মস্ত্বাদি শুচৌ ভাণ্ডে সগুডক্ষৌদ্রনাগরম্| ধান্যরাশৌ ত্রিরাত্রস্থং শুক্তং চুক্রং তদুচ্যতে” ইতি| মাতুলুঙ্গকদলীরসৌ তেলসমৌ| অন্যে তু মধুশুক্তাবুভাবপি দাপযন্তি; তত্র মধু তৈলসমং, শুক্তং তু চতুর্গুণমিতি বদন্তি; তন্নাতিহৃদযঙ্গমং, যতো জতূকর্ণে মধু ন পঠ্যত এব, মধুনঃ শুক্তগ্রহণেনৈব গৃহীতত্বাত্| উক্তং চ- “মূলকভস্মশতাহ্বাদ্বিক্ষারবচাচতুর্লবণকুষ্ঠদারুরসাঞ্জননাগরশোভাঞ্জনহিঙ্গুঘনভূর্জৈর্মাতুলুঙ্গকদলীরসৈশ্চতুর্গুণশুক্তৈস্তৈলং বিপক্বং শ্রুতিনাদবাধির্যশূলজন্তুঘ্নম্” ইতি||২২১-২৩০||
Adhikarana 52 (231-261) · Śloka 262
উত্পন্নমাত্রে তরুণে নেত্ররোগে বিডালকঃ|
কার্যো দাহোপদেহাশ্রুশোফরাগনিবারণঃ||২৩১||
নাগরং সৈন্ধবং সর্পির্মণ্ডেন চ রসক্রিযা|
নিঘৃষ্টং বাতিকে তদ্বন্মধুসৈন্ধবগৈরিকম্||২৩২||
তথা শাবরকং লোধ্রং ঘৃতভৃষ্টং বিডালকঃ|
তদ্বত্ কার্যো হরীতক্যা ঘৃতভৃষ্টো রুজাপহঃ||২৩৩||
পৈত্তিকে চন্দনানন্তামঞ্জিষ্ঠাভির্বিডালকঃ|
কার্যঃ পদ্মকযষ্ট্যাহ্বমাংসীকালীযকৈস্তথা||২৩৪||
গৈরিকং সৈন্ধবং মুস্তং রোচনা চ রসক্রিযা|
কফে কার্যা তথা ক্ষৌদ্রং প্রিযঙ্গুঃ সমনঃশিলা||২৩৫||
সন্নিপাতে তু সর্বৈঃ স্যাদ্বহিরক্ষ্ণোঃ প্রলেপনম্|
পক্ষ্মাণ্যস্পৃশ্যতা কার্যং সম্পক্বে ত্বঞ্জনং ত্র্যহাত্||২৩৬||
আশ্চ্যোতনং মারুতজে ক্বাথো বিল্বাদিভির্হিতঃ|
কোষ্ণঃ সৈরণ্ডতর্কারীবৃহতীমধুশিগ্রুভিঃ||২৩৭||
পৃথ্বীকাদার্বিমঞ্জিষ্ঠালাক্ষাদ্বিমধুকোত্পলৈঃ|
ক্বাথঃ সশর্করঃ শীতঃ পূরণং রক্তপিত্তনুত্||২৩৮||
নাগরত্রিফলামুস্তনিম্ববাসারসঃ কফে|
কোষ্ণমাশ্চ্যোতনং মিশ্রৈরোষধৈঃ সান্নিপাতকে||২৩৯||
বৃহত্যেরণ্ডমূলত্বক্ শিগ্রোঃ পুষ্পং সসৈন্ধবম্|
অজাক্ষীরেণ পিষ্টং স্যাদ্বর্তির্বাতাক্ষিরোগনুত্||২৪০||
সুমনঃকোরকাঃ শঙ্খস্ত্রিফলা মধুকং বলা|
পিত্তরক্তাপহা বর্তিঃ পিষ্টা দিব্যেন বারিণা||২৪১||
সৈন্ধবং ত্রিফলা ব্যোষং শঙ্খনাভিঃ সমুদ্রজঃ|
ফেনঃ শৈলেযকং সর্জো বর্তিঃ শ্লেষ্মাক্ষিরোগনুত্||২৪২||
অমৃতাহ্বা বিসং বিল্বং পটোলং ছাগলং শকৃত্|
প্রপৌণ্ডরীকং যষ্ট্যাহ্বং দার্বী কালানুসারিবা||২৪৩||
এষামষ্টপলান্ ভাগান্ সুধৌতাঞ্জর্জরীকৃতান্|
তোযে পক্ত্বা রসে পূতে ভূযঃ পক্বে রসে ঘনে||২৪৪||
কর্ষং চ শ্বেতমরিচাজ্জাতীপুষ্পান্নবাত্ পলম্|
চূর্ণং ক্ষিপ্ত্বা কৃতা বর্তিঃ সর্বঘ্নী দৃক্প্রসাদনী||২৪৫||
শঙ্খপ্রবালবৈদূর্যলৌহতাম্রপ্লবাস্থিভিঃ|
স্রোতোজশ্বেতমরিচৈর্বর্তিঃ সর্বাক্ষিরোগনুত্||২৪৬||
শাণার্ধং মরিচাদ্দ্বৌ চ পিপ্পল্যর্ণবফেনযোঃ|
শাণার্ধং সৈন্ধবাচ্ছাণা নব সৌবীরকাঞ্জনাত্||২৪৭||
পিষ্টং সুসূক্ষ্মং চিত্রাযাং চূর্ণাঞ্জনমিদং শুভম্|
কণ্ডূকাচকফার্তানাং মলানাং চ বিশোধনম্||২৪৮||
বস্তমূত্রে ত্র্যহং স্থাপ্যমেলাচূর্ণং সুভাবিতম্|
চূর্ণাঞ্জনং হি তৈমির্যক্রিমিপিল্লমলাপহম্||২৪৯||
সৌবীরমঞ্জনং তুত্থং তাপ্যো ধাতুর্মনঃশিলা|
চক্ষুষ্যা মধুকং লোহা মণযঃ পৌষ্পমঞ্জনম্||২৫০||
সৈন্ধবং শৌকরী দংষ্ট্রা কতকং চাঞ্জনং শুভম্|
তিমিরাদিষু চুর্ণং বা বর্তির্বেযমনুত্তমা||২৫১||
কতকস্য ফলং শঙ্খঃ সৈন্ধবং ত্র্যূষণং সিতা|
ফেনো রসাঞ্জনং ক্ষৌদ্রং বিডঙ্গানি মনঃশিলা||২৫২||
কুক্কুটাণ্ডকপালানি বর্তিরেষা ব্যপোহতি|
তিমিরং পটলং কাচং মলং চাশু সুখাবতী||২৫৩||
ইতি সুখাবতী বর্তিঃ |
ত্রিফলাকুক্কুটাণ্ডত্বক্কাসীসমযসো রজঃ|
নীলোত্পলং বিডঙ্গানি ফেনং চ সরিতাং পতেঃ||২৫৪||
আজেন পযসা পিষ্ট্বা ভাবযেত্তাম্রভাজনে|
সপ্তরাত্রং স্থিতং ভূযঃ পিষ্ট্বা ক্ষীরেণ বর্তযেত্||২৫৫||
এষা দৃষ্টিপ্রদা বর্তিরন্ধস্যাভিন্নচক্ষুষঃ||২৫৬||
ইতি দৃষ্টিপ্রদা বর্তিঃ |
বদনে কৃষ্ণসর্পস্য নিহিতং মাসমঞ্জনম্||২৫৬||
ততস্তস্মাত্ সমৃদ্ধৃত্য সুশুষ্কং চূর্ণযেদ্বুধঃ|
সুমনঃকোরকৈঃ শুষ্কৈরর্ধাংশৈঃ সৈন্ধবেন চ||২৫৭||
এতন্নেত্রাঞ্জনং কার্যং তিমিরঘ্নমনুত্তমম্|
পিপ্পল্যঃ কিংশুকরসো বসা সর্পস্য সৈন্ধবম্||২৫৮||
জীর্ণং ঘৃতং চ সর্বাক্ষিরোগঘ্নী স্যাদ্রসক্রিযা|
কৃষ্ণসর্পবসা ক্ষৌদ্রং রসো ধাত্র্যা রসক্রিযাঃ||২৫৯||
শস্তা সর্বাক্ষিরোগেষু কাচার্বুদমলেষু চ|
ধাত্রীরসাঞ্জনক্ষৌদ্রসর্পির্ভিস্তু রসক্রিযা||২৬০||
পিত্তরক্তাক্ষিরোগঘ্নী তৈমির্যপটলাপহা|
ধাত্রীসৈন্ধবপিপ্পল্যঃ স্যুরল্পমরিচাঃ সমাঃ||২৬১||
ক্ষৌদ্রযুক্তা নিহন্ত্যান্ধ্যং পটলং চ রসক্রিযা|২৬২|
ইতি নেত্ররোগচিকিত্সা |
View original
उत्पन्नमात्रे तरुणे नेत्ररोगे बिडालकः|
कार्यो दाहोपदेहाश्रुशोफरागनिवारणः||२३१||
नागरं सैन्धवं सर्पिर्मण्डेन च रसक्रिया|
निघृष्टं वातिके तद्वन्मधुसैन्धवगैरिकम्||२३२||
तथा शावरकं लोध्रं घृतभृष्टं बिडालकः|
तद्वत् कार्यो हरीतक्या घृतभृष्टो रुजापहः||२३३||
पैत्तिके चन्दनानन्तामञ्जिष्ठाभिर्बिडालकः|
कार्यः पद्मकयष्ट्याह्वमांसीकालीयकैस्तथा||२३४||
गैरिकं सैन्धवं मुस्तं रोचना च रसक्रिया|
कफे कार्या तथा क्षौद्रं प्रियङ्गुः समनःशिला||२३५||
सन्निपाते तु सर्वैः स्याद्बहिरक्ष्णोः प्रलेपनम्|
पक्ष्माण्यस्पृश्यता कार्यं सम्पक्वे त्वञ्जनं त्र्यहात्||२३६||
आश्च्योतनं मारुतजे क्वाथो बिल्वादिभिर्हितः|
कोष्णः सैरण्डतर्कारीबृहतीमधुशिग्रुभिः||२३७||
पृथ्वीकादार्विमञ्जिष्ठालाक्षाद्विमधुकोत्पलैः|
क्वाथः सशर्करः शीतः पूरणं रक्तपित्तनुत्||२३८||
नागरत्रिफलामुस्तनिम्बवासारसः कफे|
कोष्णमाश्च्योतनं मिश्रैरोषधैः सान्निपातके||२३९||
बृहत्येरण्डमूलत्वक् शिग्रोः पुष्पं ससैन्धवम्|
अजाक्षीरेण पिष्टं स्याद्वर्तिर्वाताक्षिरोगनुत्||२४०||
सुमनःकोरकाः शङ्खस्त्रिफला मधुकं बला|
पित्तरक्तापहा वर्तिः पिष्टा दिव्येन वारिणा||२४१||
सैन्धवं त्रिफला व्योषं शङ्खनाभिः समुद्रजः|
फेनः शैलेयकं सर्जो वर्तिः श्लेष्माक्षिरोगनुत्||२४२||
अमृताह्वा बिसं बिल्वं पटोलं छागलं शकृत्|
प्रपौण्डरीकं यष्ट्याह्वं दार्वी कालानुसारिवा||२४३||
एषामष्टपलान् भागान् सुधौताञ्जर्जरीकृतान्|
तोये पक्त्वा रसे पूते भूयः पक्वे रसे घने||२४४||
कर्षं च श्वेतमरिचाज्जातीपुष्पान्नवात् पलम्|
चूर्णं क्षिप्त्वा कृता वर्तिः सर्वघ्नी दृक्प्रसादनी||२४५||
शङ्खप्रवालवैदूर्यलौहताम्रप्लवास्थिभिः|
स्रोतोजश्वेतमरिचैर्वर्तिः सर्वाक्षिरोगनुत्||२४६||
शाणार्धं मरिचाद्द्वौ च पिप्पल्यर्णवफेनयोः|
शाणार्धं सैन्धवाच्छाणा नव सौवीरकाञ्जनात्||२४७||
पिष्टं सुसूक्ष्मं चित्रायां चूर्णाञ्जनमिदं शुभम्|
कण्डूकाचकफार्तानां मलानां च विशोधनम्||२४८||
बस्तमूत्रे त्र्यहं स्थाप्यमेलाचूर्णं सुभावितम्|
चूर्णाञ्जनं हि तैमिर्यक्रिमिपिल्लमलापहम्||२४९||
सौवीरमञ्जनं तुत्थं ताप्यो धातुर्मनःशिला|
चक्षुष्या मधुकं लोहा मणयः पौष्पमञ्जनम्||२५०||
सैन्धवं शौकरी दंष्ट्रा कतकं चाञ्जनं शुभम्|
तिमिरादिषु चुर्णं वा वर्तिर्वेयमनुत्तमा||२५१||
कतकस्य फलं शङ्खः सैन्धवं त्र्यूषणं सिता|
फेनो रसाञ्जनं क्षौद्रं विडङ्गानि मनःशिला||२५२||
कुक्कुटाण्डकपालानि वर्तिरेषा व्यपोहति|
तिमिरं पटलं काचं मलं चाशु सुखावती||२५३||
इति सुखावती वर्तिः |
त्रिफलाकुक्कुटाण्डत्वक्कासीसमयसो रजः|
नीलोत्पलं विडङ्गानि फेनं च सरितां पतेः||२५४||
आजेन पयसा पिष्ट्वा भावयेत्ताम्रभाजने|
सप्तरात्रं स्थितं भूयः पिष्ट्वा क्षीरेण वर्तयेत्||२५५||
एषा दृष्टिप्रदा वर्तिरन्धस्याभिन्नचक्षुषः||२५६||
इति दृष्टिप्रदा वर्तिः |
वदने कृष्णसर्पस्य निहितं मासमञ्जनम्||२५६||
ततस्तस्मात् समृद्धृत्य सुशुष्कं चूर्णयेद्बुधः|
सुमनःकोरकैः शुष्कैरर्धांशैः सैन्धवेन च||२५७||
एतन्नेत्राञ्जनं कार्यं तिमिरघ्नमनुत्तमम्|
पिप्पल्यः किंशुकरसो वसा सर्पस्य सैन्धवम्||२५८||
जीर्णं घृतं च सर्वाक्षिरोगघ्नी स्याद्रसक्रिया|
कृष्णसर्पवसा क्षौद्रं रसो धात्र्या रसक्रियाः||२५९||
शस्ता सर्वाक्षिरोगेषु काचार्बुदमलेषु च|
धात्रीरसाञ्जनक्षौद्रसर्पिर्भिस्तु रसक्रिया||२६०||
पित्तरक्ताक्षिरोगघ्नी तैमिर्यपटलापहा|
धात्रीसैन्धवपिप्पल्यः स्युरल्पमरिचाः समाः||२६१||
क्षौद्रयुक्ता निहन्त्यान्ध्यं पटलं च रसक्रिया|२६२|
इति नेत्ररोगचिकित्सा |
উত্পন্নমাত্রে ইত্যাদিনা নেত্ররোগচিকিত্সিতমাহ| বিডালকঃ নেত্রবহির্লেপঃ শালাক্যে উচ্যতে| নিঘৃষ্টমিত্যাদৌ তদ্বদিতি রসক্রিযেত্যর্থঃ| হরীতকী তদ্বদিতি হরীতকীঘৃতযুক্তো বিডালকঃ| সন্নিপাতে তু সর্বৈরিতি প্রত্যেকবাতাদ্যুক্তবিডালকদ্রব্যৈঃ প্রলেপনং কার্যমিত্যর্থঃ| নেত্রাঞ্জনং ত্র্যহাদিত্যত্র প্রাযোঽক্ষিরোগাণাং ত্র্যহেণ পাকাত্ ত্র্যহাদিত্যুক্তম্| পাকলক্ষণং তন্ত্রান্তরে- “প্রশস্তবর্ত্মতা চাক্ষ্ণোঃ সংরম্ভাশ্রুপ্রশান্ততা| মন্দবেদনতা কণ্ডূঃ পক্বাক্ষিগদলক্ষণম্” ইতি| আশ্চ্যোতনম্ অক্ষিসেকঃ| সুমনঃকোরকাঃ জাতীমুকুলকাঃ| শ্বেতমরিচং শোভাঞ্জনবীজম্| প্লবঃ পক্ষিবিশেষঃ প্রসেবকগলঃ| দ্বৌ চ পিপ্পল্যর্ণবফেনযোরিতি শাণাবিত্যর্থঃ| চিত্রাযামিতি চিত্রানক্ষত্রে| তাপ্যো ধাতুঃ তাপীনদীভবো মাক্ষিকধাতুঃ| চক্ষুষ্যা বনকুলত্থিকা| পৌষ্পমঞ্জনং পুষ্পাঞ্জনম্| অভিন্নচক্ষুষ ইতি অভিন্নতারকস্য| কৃষ্ণসর্পস্যেতি মৃতকৃষ্ণসর্পস্য||২৩১-২৬১||-
Adhikarana 53 (262-282) · Śloka 282
খালিত্যে পলিতে বল্যাং হরিলোম্নি চ শোধিতম্||২৬২||
নস্যৈস্তৈলৈঃ শিরোবক্রপ্রলেপৈশ্চাপ্যুপাচরেত্|
সিদ্ধং বিদারীগন্ধাদ্যৈর্জীবনীযৈরথাপি চ||২৬৩||
নস্যং স্যাদণুতৈলং বা খালিত্যপলিতাপহম্|
ক্ষীরাত্ সহচরাদ্ভৃঙ্গরাজাচ্চ সৌরসাদ্রসাত্||২৬৪||
প্রস্থৈস্তু কুডবস্তৈলাদ্যষ্ট্যাহ্বপলকল্কিতঃ|
সিদ্ধঃ শিলাসমে ভাণ্ডে মেষশৃঙ্গাদিষু স্থিতঃ||২৬৫||
নস্যং স্যাদ্ভিষজা সম্যগ্যোজিতং পলিতাপহম্|
ভিষজা ক্ষীরপিষ্টৌ বা দুগ্ধিকাকরবীরকৌ||২৬৬||
উত্পাট্য পলিতে দেযৌ তাবুভৌ পলিতাপহৌ|
মার্কবস্বরসাত্ ক্ষীরাদ্দ্বিপ্রস্থং মধুকাত্ পলম্||২৬৭||
তৈঃ পচেত্ কুডবং তৈলাত্তন্নস্যং পলিতাপহম্|
আদিত্যবল্ল্যা মূলানি কৃষ্ণশৈরেযকস্য চ||২৬৮||
সুরসস্য চ পত্রাণি পত্রং কৃষ্ণশণস্য চ|
মার্কবঃ কাকমাচী চ মধুকং দেবদারু চ||২৬৯||
পৃথগ্দশপলাংশানি পিপ্পল্যস্ত্রিফলাঽঞ্জনম্|
প্রপৌণ্ডরীকং মঞ্জিষ্ঠা লোধ্রং কৃষ্ণাগুরূত্পলম্||২৭০||
আম্রাস্থি কর্দমঃ কৃষ্ণো মৃণালং রক্তচন্দনম্|
নীলী ভল্লাতকাস্থীনি কাসীসং মদযন্তিকা||২৭১||
সোমরাজ্যসনঃ শস্ত্রং কৃষ্ণৌ পিণ্ডীতচিত্রকৌ|
পুষ্করার্জুনকাশ্মর্যাণ্যাম্রজম্বূফলানি চ||২৭২||
পৃথক্ পঞ্চপলাংশানি তৈঃ পিষ্টৈরাঢকং পচেত্|
বৈভীতকস্য তৈলস্য ধাত্রীরসচতুর্গুণম্||২৭৩||
কুর্যাদাদিত্যপাকং বা যাবচ্ছুষ্কো ভবেদ্রসঃ|
লোহপাত্রে ততঃ পূতং সংশুদ্ধমুপযোজযেত্||২৭৪||
পানে নস্যক্রিযাযাং চ শিরোভ্যঙ্গে তথৈব চ|
এতচ্চক্ষুষ্যমাযুষ্যং শিরসঃ সর্বরোগনুত্||২৭৫||
মহানীলমিতি খ্যাতং পলিতঘ্নমনুত্তমম্|
ইতি মহানীলতৈলম্|
প্রপৌণ্ডরীকমধুকপিপ্পলীচন্দনোত্পলৈঃ||২৭৬||
কার্ষিকৈস্তৈলকুডবো দ্বিগুণামলকীরসঃ|
সিদ্ধঃ স প্রতিমর্শঃ স্যাত্ সর্বমূর্ধগদাপহঃ||২৭৭||
(পলিতঘ্নো বিশেষেণ কৃষ্ণাত্রেযেণ ভাষিতঃ|) ক্ষীরং প্রিযালযষ্ট্যাহ্বে জীবকাদ্যো গণস্তিলাঃ||২৭৮||
কৃষ্ণা বক্ত্রে প্রলেপঃ স্যাদ্ধরিলোমনিবারণঃ|
তিলাঃ সামলকাশ্চৈব কিঞ্জল্কো মধুকং মধু||২৭৯||
বৃংহযেদ্রঞ্জযেচৈতত্ কেশান্মূর্ধপ্রলেপনাত্|
পচেত্সৈন্ধবশুক্তাম্লৈরযশ্চূর্ণং সতণ্ডুলম্||২৮০||
তেনালিপ্তং শিরঃ শুদ্ধমস্নিগ্ধমুষিতং নিশি|
তত্ প্রাতস্ত্রিফলাধৌতং স্যাত্ কৃষ্ণমৃদুমূর্ধজম্||২৮১||
অযশ্চূর্ণোঽম্লপিষ্টশ্চ রাগঃ সত্রিফলো বরঃ|
কুর্যাচ্ছেষেষু রোগেষু ক্রিযাং স্বাং স্বাচ্চিকিত্সিতাত্|
শেষেষ্বাদৌ চ নির্দিষ্টা সিদ্ধৌ চান্যা প্রবক্ষ্যতে||২৮২||
ইতি খালিত্যাদিচিকিত্সা|
View original
खालित्ये पलिते वल्यां हरिलोम्नि च शोधितम्||२६२||
नस्यैस्तैलैः शिरोवक्रप्रलेपैश्चाप्युपाचरेत्|
सिद्धं विदारीगन्धाद्यैर्जीवनीयैरथापि च||२६३||
नस्यं स्यादणुतैलं वा खालित्यपलितापहम्|
क्षीरात् सहचराद्भृङ्गराजाच्च सौरसाद्रसात्||२६४||
प्रस्थैस्तु कुडवस्तैलाद्यष्ट्याह्वपलकल्कितः|
सिद्धः शिलासमे भाण्डे मेषशृङ्गादिषु स्थितः||२६५||
नस्यं स्याद्भिषजा सम्यग्योजितं पलितापहम्|
भिषजा क्षीरपिष्टौ वा दुग्धिकाकरवीरकौ||२६६||
उत्पाट्य पलिते देयौ तावुभौ पलितापहौ|
मार्कवस्वरसात् क्षीराद्द्विप्रस्थं मधुकात् पलम्||२६७||
तैः पचेत् कुडवं तैलात्तन्नस्यं पलितापहम्|
आदित्यवल्ल्या मूलानि कृष्णशैरेयकस्य च||२६८||
सुरसस्य च पत्राणि पत्रं कृष्णशणस्य च|
मार्कवः काकमाची च मधुकं देवदारु च||२६९||
पृथग्दशपलांशानि पिप्पल्यस्त्रिफलाऽञ्जनम्|
प्रपौण्डरीकं मञ्जिष्ठा लोध्रं कृष्णागुरूत्पलम्||२७०||
आम्रास्थि कर्दमः कृष्णो मृणालं रक्तचन्दनम्|
नीली भल्लातकास्थीनि कासीसं मदयन्तिका||२७१||
सोमराज्यसनः शस्त्रं कृष्णौ पिण्डीतचित्रकौ|
पुष्करार्जुनकाश्मर्याण्याम्रजम्बूफलानि च||२७२||
पृथक् पञ्चपलांशानि तैः पिष्टैराढकं पचेत्|
बैभीतकस्य तैलस्य धात्रीरसचतुर्गुणम्||२७३||
कुर्यादादित्यपाकं वा यावच्छुष्को भवेद्रसः|
लोहपात्रे ततः पूतं संशुद्धमुपयोजयेत्||२७४||
पाने नस्यक्रियायां च शिरोभ्यङ्गे तथैव च|
एतच्चक्षुष्यमायुष्यं शिरसः सर्वरोगनुत्||२७५||
महानीलमिति ख्यातं पलितघ्नमनुत्तमम्|
इति महानीलतैलम्|
प्रपौण्डरीकमधुकपिप्पलीचन्दनोत्पलैः||२७६||
कार्षिकैस्तैलकुडवो द्विगुणामलकीरसः|
सिद्धः स प्रतिमर्शः स्यात् सर्वमूर्धगदापहः||२७७||
(पलितघ्नो विशेषेण कृष्णात्रेयेण भाषितः|) क्षीरं प्रियालयष्ट्याह्वे जीवकाद्यो गणस्तिलाः||२७८||
कृष्णा वक्त्रे प्रलेपः स्याद्धरिलोमनिवारणः|
तिलाः सामलकाश्चैव किञ्जल्को मधुकं मधु||२७९||
बृंहयेद्रञ्जयेचैतत् केशान्मूर्धप्रलेपनात्|
पचेत्सैन्धवशुक्ताम्लैरयश्चूर्णं सतण्डुलम्||२८०||
तेनालिप्तं शिरः शुद्धमस्निग्धमुषितं निशि|
तत् प्रातस्त्रिफलाधौतं स्यात् कृष्णमृदुमूर्धजम्||२८१||
अयश्चूर्णोऽम्लपिष्टश्च रागः सत्रिफलो वरः|
कुर्याच्छेषेषु रोगेषु क्रियां स्वां स्वाच्चिकित्सितात्|
शेषेष्वादौ च निर्दिष्टा सिद्धौ चान्या प्रवक्ष्यते||२८२||
इति खालित्यादिचिकित्सा|
খালিত্যে ইত্যাদিনা খালিত্যাদিচিকিত্সিতমাহ| হরিলোম্নীতি কপিললোম্নী| সহচরঃ ঝিণ্টী| শিলাসমে ভাণ্ডে ইতি অশ্মমযে পাত্রে বা মেষশৃঙ্গে সংস্থিতঃ| আদিত্যপর্ণ্যা মূলানীতি আদিত্যপর্ণী সূর্যাবর্তঃ| কৃষ্ণসৈরীযকঃ কৃষ্ণঝিণ্টী| সোমরাজী বাকুচী| শস্ত্রং কৃষ্ণং লোহম্| কৃষ্ণপিণ্ডিতচিত্রকাবিতি কৃষ্ণমদনকৃষ্ণচিত্রকৌ| আদিত্যপাকমিতি আদিত্যরশ্মিসম্বন্ধাদেব পক্বম্| অত্র ভাগৈরিতি বহুবচনাত্ পৃথগ্ভাগে সিদ্ধেঽপি পৃথগিতি পদং ন্যাযসিদ্ধস্যাপি ত্রিফলাপৃথগ্ভাগস্য দ্যোতনার্থম্| কল্কভূযস্ত্বং চাত্র বচনাদেব ভবন্নপি কল্পনীযম্| তিলাঃ সামলকা ইত্যাদিযোগাঃ কেশরঞ্জকাঃ| পচেত্ সৈন্ধবেত্যাদৌ সৈন্ধবাযশ্চূর্ণতণ্ডুলানাং সমত্বম্| শুদ্ধমিতি প্রক্ষালিতম্| শেষেষু রোগেষ্বিতি তৃট্শ্বাসকাসজ্বররক্তপিত্তশোষেষু পীনসোপদ্রবতযোক্তেষু| শেষেষ্বাদৌ চ নির্দিষ্টা ইত্যত্র শেষশব্দেন অনুক্তত্রিমর্মজরোগগ্রহণম্| আদৌ নির্দিষ্টা ইতি সামান্যাদিহৈব দোষানুল্লেখেন ত্রিমর্মজরোগোদ্দিষ্টা চিকিত্সা জ্ঞেযা| সিদ্ধৌ চান্যা প্রবক্ষ্যতে ইতি ত্রিমর্মীযাযাং সিদ্ধৌ বক্ষ্যতে||২৬২-২৮২||
Adhikarana 54 (283-290) · Śloka 290
সর্পীংষ্যুপরিভক্তানি স্বরভেদেঽনিলাত্মকে|
তৈলৈশ্চতুষ্প্রযোগৈশ্চ বলারাস্নামৃতাহ্বযৈঃ||২৮৩||
বর্হিতিত্তিরিদক্ষাণাং পঞ্চমূলশৃতান্ রসান্|
মাযূরং ক্ষীরসর্পির্বা পিবেত্ত্র্যূষণমেব বা||২৮৪||
পৈত্তিকে তু বিরেকঃ স্যাত্ পযশ্চ মধুরৈঃ শৃতম্|
সর্পির্গুডা ঘৃতং তিক্তং জীবনীযং বৃষস্য বা||২৮৫||
কফজে স্বরভেদে তু তীক্ষ্ণং মূর্ধবিরেচনম্|
বিরেকো বমনং ধূমো যবান্নকটুসেবনম্||২৮৬||
চব্যভার্গ্যভযাব্যোষক্ষারমাক্ষিকচিত্রকান্|
লিহ্যাদ্বা পিপ্পলীপথ্যে তীক্ষ্ণং মদ্যং পিবেচ্চ সঃ||২৮৭||
রক্তজে স্বরভেদে তু সঘৃতা জাঙ্গলা রসাঃ|
দ্রাক্ষাবিদারীক্ষুরসাঃ সঘৃতক্ষৌদ্রশর্করাঃ||২৮৮||
যচ্চোক্তং ক্ষযকাসঘ্নং তচ্চ সর্বং চিকিত্সিতম্|
পিত্তজস্বরভেদঘ্নং সিরাবেধশ্চ রক্তজে||২৮৯||
সন্নিপাতে হিতাঃ সর্বাঃ ক্রিযা ন তু সিরাব্যধঃ|
ইত্যুক্তং স্বরভেদস্য সমাসেন চিকিত্সিতম্||২৯০||
ইতি স্বরভেদচিকিত্সা|
View original
सर्पींष्युपरिभक्तानि स्वरभेदेऽनिलात्मके|
तैलैश्चतुष्प्रयोगैश्च बलारास्नामृताह्वयैः||२८३||
बर्हितित्तिरिदक्षाणां पञ्चमूलशृतान् रसान्|
मायूरं क्षीरसर्पिर्वा पिबेत्त्र्यूषणमेव वा||२८४||
पैत्तिके तु विरेकः स्यात् पयश्च मधुरैः शृतम्|
सर्पिर्गुडा घृतं तिक्तं जीवनीयं वृषस्य वा||२८५||
कफजे स्वरभेदे तु तीक्ष्णं मूर्धविरेचनम्|
विरेको वमनं धूमो यवान्नकटुसेवनम्||२८६||
चव्यभार्ग्यभयाव्योषक्षारमाक्षिकचित्रकान्|
लिह्याद्वा पिप्पलीपथ्ये तीक्ष्णं मद्यं पिबेच्च सः||२८७||
रक्तजे स्वरभेदे तु सघृता जाङ्गला रसाः|
द्राक्षाविदारीक्षुरसाः सघृतक्षौद्रशर्कराः||२८८||
यच्चोक्तं क्षयकासघ्नं तच्च सर्वं चिकित्सितम्|
पित्तजस्वरभेदघ्नं सिरावेधश्च रक्तजे||२८९||
सन्निपाते हिताः सर्वाः क्रिया न तु सिराव्यधः|
इत्युक्तं स्वरभेदस्य समासेन चिकित्सितम्||२९०||
इति स्वरभेदचिकित्सा|
সর্পীংষ্যুপরিভক্তানীত্যাদিনা স্বভেদচিকিত্সামাহ| বাতাদিস্বরভেদলক্ষণং যদ্যপীহ নোক্তং, তথাঽপি রাজযক্ষ্মচিকিত্সোক্তমেব বোদ্ধব্যম্| যদ্যপি তত্র চিকিত্সোক্তা, তথাঽপীহ স্বরভেদস্যাধিকৃতত্বাত্ পুনরপ্যুচ্যতে | চতুষ্প্রযোগৈরিতি পানাভ্যঙ্গগণ্ডূষবস্তিপ্রযোগৈঃ| বলারাস্নামৃতাহ্বযতৈলানি বাতব্যাধৌ বক্ষ্যমাণানি| ত্র্যূষণং কাসিকে প্রোক্তম্| জীবনীযঘৃতং বাতরক্তে বক্ষ্যমাণম্| বৃষঘৃতং রক্তপিতচিকিত্সোক্তম্| পিত্তজস্বরভেদঘ্নং চিকিত্সিতমিতি সম্বন্ধঃ| ইতি স্বরভেদচিকিত্সা||২৮৩-২৯০||
Adhikarana 55 (291) · Śloka 291
ভবন্তি চাত্র- বাতপিত্তকফা নৄণাং বস্তিহৃন্মূর্ধসংশ্রযাঃ|
তস্মাত্তত্স্থানসামীপ্যাদ্ধর্তব্যা বমনাদিভিঃ||২৯১||
View original
भवन्ति चात्र- वातपित्तकफा नॄणां बस्तिहृन्मूर्धसंश्रयाः|
तस्मात्तत्स्थानसामीप्याद्धर्तव्या वमनादिभिः||२९१||
উক্তানুক্তচিকিত্সার্থমাহ- বাতপিত্তকফা ইত্যাদি| বস্তিহৃন্মূর্ধসংশ্রযা ইতি যথাসঙ্খ্যেন| তত্স্থানসামীপ্যাদীতি বাতাদিস্থানেষু বস্ত্যাদিষু চ বমনাদীনাং কর্মণাং মধ্যে যস্য কর্মণঃ সমীপদোষহরণরূপং সামর্থ্যং ভবতি তেন কর্মণা হর্তব্যা ইতি||২৯১||
Adhikarana 56 (292) · Śloka 292
অধ্যাত্মলোকো বাতাদ্যৈর্লোকো বাতরবীন্দুভিঃ|
পীড্যতে ধার্যতে চৈব বিকৃতাবিকৃতৈস্তথা||২৯২||
View original
अध्यात्मलोको वाताद्यैर्लोको वातरवीन्दुभिः|
पीड्यते धार्यते चैव विकृताविकृतैस्तथा||२९२||
বাতাদীনামেব বিকৃতাবিকৃতানাং দেহপীডকধারকত্বং সদৃষ্টান্তমাহ- অধ্যাত্মেত্যাদি| অধ্যাত্মলোকঃ চেতনলোকঃ| লোক ইতি জগত্| অত্র দৃষ্টান্তে ইন্দুস্থানীযঃ শ্লেষ্মা, রবিস্থানীযং পিত্তম্| বিকৃতৈঃ পীড্যতে, অবিকৃতৈর্ধার্যতে ইতি ব্যবস্থা||২৯২||
Adhikarana 57 (293) · Śloka 293
বিরুদ্ধৈরপি ন ত্বেতে গুণৈর্ঘ্নন্তি পরস্পরম্|
দোষাঃ সহজসাত্ম্যত্বাদ্বিষং ঘোরমহীনিব||২৯৩||
View original
विरुद्धैरपि न त्वेते गुणैर्घ्नन्ति परस्परम्|
दोषाः सहजसात्म्यत्वाद्विषं घोरमहीनिव||२९३||
দোষাণাং পরস্পরগুণবিরোধাত্ সম্ভূয কার্যকরণে যথা বিরোধো ন ভবতি তদাহ- বিরুদ্ধৈরপীতি|- পরস্পরবিরুদ্ধৈরপি, যথা- শ্লেষ্মণঃ স্নেহপৈচ্ছিল্যগৌরবাদীনাং বাতগুণৈ রৌক্ষ্যলাঘবাদিভির্বিপরীতানাং চ পরস্পরোপঘাতকত্বং যদ্দৃষ্টং তদিহ দোষসংসর্গে ন ভবতি| কুতো ন ঘ্নন্তীত্যাহ- সহজসাত্ম্যত্বাদিতি; স্বাভাবিকসাত্ম্যীভাবাদিত্যর্থঃ, সাত্ম্যীভাবোঽনুপঘাতকত্বম্| অযং চ স্বভাবঃ কর্মজন্যো বা ভবতু বস্তুস্বভাবাধীনো বা উভযথা বা ভবতু, তথাঽপ্যচিন্ত্য এব; দৃষ্টত্বাচ্চ নাত্র যুক্তিবাধা প্রভবতি; তেন পরস্পরগুণোপঘাতব্যভিচারশ্চন্দ্রিকাকৃতা সুশ্রুতে প্রপঞ্চিতঃ স ন ভবতি| বিরুদ্ধস্যাপ্যনুপঘাতে দৃষ্টান্তমাহ- ঘোরং বিষমহীনিবেতি||২৯৩||
Adhikarana 58 (294) · Śloka 294
তত্র শ্লোকঃ- ত্রিমর্মজানাং রোগাণাং নিদানাকৃতিভেষজম্|
বিস্তরেণ পৃথগ্দিষ্টং ত্রিমর্মীযে চিকিত্সিতে||২৯৪||
View original
तत्र श्लोकः- त्रिमर्मजानां रोगाणां निदानाकृतिभेषजम्|
विस्तरेण पृथग्दिष्टं त्रिमर्मीये चिकित्सिते||२९४||
ত্রিমর্মজানামিতি সঙ্গ্রহো ব্যক্তঃ||২৯৪||
Adhikarana puShpikA · Śloka 26
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে চিকিত্সাস্থানে ত্রিমর্মীযচিকিত্সিতং নাম ষড্বিংশোঽধ্যাযঃ||২৬||
View original
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते चिकित्सास्थाने त्रिमर्मीयचिकित्सितं नाम षड्विंशोऽध्यायः||२६||
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং চিকিত্সাস্থানে ত্রিমর্মীযচিকিত্সিতং নাম ষড্বিংশোঽধ্যাযঃ||২৬||